30.5.2009   

MT

Il-Ġurnal Uffiċjali tal-Unjoni Ewropea

L 135/1

30.5.2009   

MT

Il-Ġurnal Uffiċjali tal-Unjoni Ewropea

L 135/3

(1)

Ir-Regolament (KE) Nru 1935/2004 jistabbilixxi li materjali u oġġetti attivi u intelliġenti li jiġu f’kuntatt mal-ikel (oġġetti u materjali attivi u intelliġenti) huma inklużi fil-qasam tal-applikazzjoni tiegħu u, għalhekk, id-dispożizzjonijiet kollha tiegħu dwar materjali u oġġetti intenzjonati biex jiġu f’kuntatt mal-ikel (materjali għal kuntatt mal-ikel) japplikaw ukoll għal dawn il-materjali u oġġetti. Miżuri Komunitarji oħra, bħal dawk previsti fid-Direttiva 2001/95/KE tal-Parlament Ewropew u tal-Kunsill tat-3 ta’ Diċembru 2001 dwar is-sigurtà ġenerali tal-prodotti (2) u l-miżuri ta’ implimentazzjoni tagħha u d-Direttiva tal-Kunsill 87/357/KEE tal-25 ta’ Ġunju 1987 dwar l-approssimazzjoni tal-liġijiet tal-Istati Membri dwar prodotti li, minħabba li jidhru li jkunu xi ħaġa oħra milli fil-fatt ikunu, jipperikolaw is-saħħa jew s-sigurta’ tal-konsumaturi (3), japplikaw ukoll, fejn xieraq, għal dawn il-materjali u oġġetti.

(2)

Ir-Regolament (KE) Nru 1935/2004 jistabbilixxi l-prinċipji ġenerali biex jiġu eliminati d-differenzi bejn il-liġijiet tal-Istati Membri fir-rigward tal-materjali għal kuntatt mal-ikel. L-Artikolu 5(1) ta’ dan ir-Regolament jistabbilixxi li għall-adozzjoni ta’ miżuri speċifiċi għal gruppi ta’ materjali u oġġetti u jiddeskrivi fid-dettall il-proċedura għall-awtorizzazzjoni ta’ sustanzi fil-livell Komunitarju meta miżura speċifika tipprevedi lista ta’ sustanzi awtorizzati.

(3)

Ċerti regoli applikabbli għal materjali u oġġetti attivi u intelliġenti huma ddefiniti fir-Regolament (KE) Nru 1935/2004. Dawn jinkludu regoli għas-sustanzi attivi merħija li għandhom jikkonformaw mad-dispożizzjonijiet Komunitarji u nazzjonali applikabbli għar-regoli dwar l-ikel u l-ittikketjar. Regoli speċifiċi għandhom jiġi stabbiliti f’miżura speċifika.

(4)

Dan ir-Regolament hu miżura speċifika skont it-tifsira tal-Artikolu 5(1) (b) tar-Regolament (KE) Nru 1935/2004. Dan ir-Regolament għandu jistabbilixxi r-regoli speċifiċi għall-materjali u l-oġġetti attivi u intelliġenti li għandhom jiġu applikati flimkien mar-rekwiżiti ġenerali stabbiliti fir-Regolament (KE) Nru 1935/2004 għall-użu sikur tagħhom.

(5)

Jeżistu ħafna tipi differenti ta’ materjali u oġġetti attivi u intelliġenti. Is-sustanzi responsabbli għall-funzjoni attiva u/jew intelliġenti jistgħu jitpoġġew f’kontenitur separat pereżempju billi jingħalaq f’borża żgħira tal-karta jew, is-sustanzi jistgħu jiġu direttament inkorporati fil-materjal ta’ ppakkjar pereżempju inkorporazzjoni fil-plastik ta’ flixkun tal-plastik. Dawk is-sustanzi, responsabbli għal ħolqien tal-funzjoni attiva u/jew intelliġenti ta’ dawn il-materjali u oġġetti (il-komponenti) għandhom jiġu vvalutati skont dan ir-Regolament. Il-partijiet passivi, bħall-kontenitur, il-pakkett li fih dan il-kontenitur jitpoġġa u l-materjal ta’ ppakkjar, li fihom is-sustanza hi inkorporata, għandhom ikunu koperti mid-dispożizzjonijiet Komunitarji jew nazzjonali speċifiċi applikabbli għal dawn il-materjali u oġġetti.

(6)

Il-materjali u l-oġġetti attivi u intelliġenti jistgħu jkunu magħmulin minn saff wieħed jew aktar jew minn partijiet ta’ tipi differenti ta’ materjali, bħall-plastik, karta u kartun jew kisjiet u lostri. Ir-rekwiżiti għal dawn il-materjali għandhom ikunu jew armonizzati b’mod sħiħ, jew armonizzati biss parzjalment, jew inkella mhux armonizzati fil-livell Komunitarju. Ir-regoli stabbiliti f’dan ir-Regolament għandhom japplikaw bla ħsara għad-dispożizzjonijiet Komunitarji jew nazzjonali li jirregolaw materjali bħal dawn.

(7)

Is-sustanza individwali jew, jekk rilevanti, it-taħlita ta’ sustanzi li jikkostitwixxu l-komponenti għandha tiġi vvalutata biex tiggarantixxi li huma sikuri u li jikkonformaw mar-rekwiżiti stabbiliti fir-Regolament (KE) Nru 1935/2004. F’ċerti każijiet, jista’ jkun meħtieġ li tiġi vvalutata u awtorizzata t-taħlita ta’ sustanzi, meta l-funzjoni attiva jew intelliġenti timplika interazzjonijiet bejn sustanzi differenti li jwasslu għal tisħiħ tal-funzjoni jew tal-iġġenerar ta’ sustanzi ġodda responsabbli għall-funzjoni attiva u intelliġenti.

(8)

Ir-Regolament (KE) Nru 1935/2004 jistabbilixxi li meta miżuri speċifiċi jinkludu lista ta’ sustanzi awtorizzati sabiex jintużaw fil-manifattura ta’ materjali u oġġetti maħsuba biex jiġu f’kuntatt mal-ikel fi ħdan il-Komunità, dawn is-sustanzi għandhom jgħaddu minn stima tas-sikurezza qabel l-awtorizzazzjoni tagħhom.

(9)

Huwa xieraq li persuni interessati li jpoġġu fis-suq materjali u oġġetti attivi u intelliġenti jew il-komponenti tagħhom, jiġifieri l-applikant, għandu jissottometti l-informazzjoni kollha meħtieġa għall-valutazzjoni tas-sikurezza tas-sustanza jew, jekk meħtieġ, tat-taħlita ta’ sustanzi li tikkostitwixxi l-komponent.

(10)

Il-valutazzjoni tas-sikurezza ta’ sustanza jew ta’ taħlita ta’ sustanzi li tikkostitwixxi l-komponenti għandha titwettaq mill-Awtorità Ewropea dwar is-Sikurezza fl-Ikel (l-Awtorità), wara s-sottomissjoni ta’ applikazzjoni valida skont l-Artikoli 9 u 10 tar-Regolament (KE) Nru 1935/2004. Sabiex l-applikant jiġi mgħarraf dwar id-dejta li trid tiġi pprovduta għall-valutazzjoni tas-sikurezza l-Awtorità għandha tippubblika linji gwida ddettaljati dwar il-preparazzjoni u l-preżentazzjoni tal-applikazzjoni. Biex ikun possibbli infurzar ta’ kull restrizzjonijiet possibbli, ikun meħtieġ li l-applikant jipprovdi metodu analitiku adatt għas-sejba u l-kwantifikazzjoni tas-sustanza. L-Awtorità għandha tivvaluta jekk il-metodu analitiku hux adatt għall-iskop tal-infurzar ta’ kull restrizzjoni proposta.

(11)

Il-valutazzjoni tas-sikurezza ta’ sustanza speċifika jew ta’ taħlita ta’ sustanzi għandha tiġi segwita b’deċiżjoni ta’ ġestjoni tar-riskju biex ikun deċiż jekk is-sustanza għandhiex tiġi inkluża fil-lista Komunitarja ta’ sustanzi awtorizzati li jistgħu jintużaw f’komponenti attivi u intelliġenti (‘il-lista Komunitarja’). Din id-deċiżjoni għandha tiġi adottata skont il-proċedura regolatorja msemmija fl-Artikolu 23(2) tar-Regolament (KE) Nru 1935/2004 biex b’hekk tiġi żgurata kooperazzjoni mill-qrib bejn il-Kummissjoni u l-Istati Membri.

(12)

Il-lista Komunitarja għandha tinkludi l-identità, il-kondizzjonijiet tal-użu, ir-restrizzjonijiet u/jew l-ispeċifikazzjonijiet ta’ użu tas-sustanza jew tat-taħlita ta’ sustanzi u, fejn meħtieġ, tal-komponent jew tal-materjal jew tal-oġġett li jiżdiedu jew jiġu inkorporati fih. L-identità ta’ sustanza għandha tal-anqas tinkludi l-isem u jekk disponibbli jew meħtieġa, in-numri CAS, id-daqs tal-partikuli, il-kompożizzjoni jew speċifikazzjonijiet oħra.

(13)

Materjali u oġġetti attivi jistgħu b’mod intenzjonat jinkorporaw sustanzi, li huma maħsuba biex jintreħew fl-ikel. Billi dawn is-sustanzi jiżdiedu b’mod intenzjonat mal-ikel, dawn għandhom jintużaw biss skont il-kundizzjonijiet iddefiniti fid-dispożizzjonijiet Komunitarji jew nazzjonali rilevanti għall-użu tagħhom fl-ikel. Meta l-Komunità jew id-dispożizzjonijiet nazzjonali jipprovdu għal awtorizzazzjoni tas-sustanza, is-sustanza u l-użu tagħha għandhom jikkonformaw mar-rekwiżiti tal-awtorizzazzjoni skont il-leġiżlazzjoni speċifika dwar l-ikel, pereżempju l-leġiżlazzjoni dwar l-addittivi tal-ikel. L-addittivi tal-ikel u l-enżimi jistgħu wkoll jitlaqqmu jew jiġu immobilizzati fuq il-materjal u jkollhom funzjoni teknoloġika fuq l-ikel. Applikazzjonijiet bħal dawn huma koperti bil-leġiżlazzjoni dwar l-addittivi u l-enżimi tal-ikel u għandhom, għalhekk, jiġu ttrattati bl-istess mod bħala sustanzi merħija attivi.

(14)

Sistemi intelliġenti ta’ ppakkjar jipprovdu lill-utent b’informazzjoni dwar il-kundizzjonijiet tal-ikel u ma għandhomx jerħu l-kostitwenti tagħhom fl-ikel. Is-sistemi intelliġenti jistgħu jitpoġġew fuq il-wiċċ ta’ barra tal-pakkett u jistgħu jiġu sseparati mill-ikel permezz ta’ ostakolu funzjonali, li hu ostakolu fil-materjali jew l-oġġetti ta’ kuntatt tal-ikel biex ma jkunx hemm migrazzjoni ta’ sustanzi minn dan l-ostakolu fl-ikel. Wara ostakolu funzjonali, jistgħu jintużaw sustanzi mhumiex awtorizzati, sakemm jissodisfaw ċerti kriterji u l-migrazzjoni tagħhom tibqa’ inqas minn limitu speċifiku ta’ sejba. Meta jitqies l-ikel għat-trabi u għal persuni oħra partikolarment suxxettibbli kif ukoll id-diffikultajiet ta’ dan it-tip ta’ analiżi effettwata minn tolleranza analitika kbira, għandu jiġi stabbilit livell massimu ta’ 0,01 mg/kg fl-ikel għall-migrazzjoni ta’ sustanza mhux awtorizzata permezz ta’ ostakolu funzjonali. Teknoloġiji ġodda li jġibu sustanzi f’daqs ta’ partikuli li juru proprjetajiet kimiċi u fiżiċi li b’mod sinifikanti ma jkunux bħal dawk ta’ daqs akbar pereżempju n-nanopartikuli għandhom jiġu vvalutati abbażi ta’ każ każ fir-rigward tar-riskju tagħhom sakemm tkun magħrufa aktar informazzjoni dwar teknoloġija ġdida bħal din. Għalhekk, ma għandhomx jiġu koperti mill-kunċett ta’ ostakolu funzjonali.

(15)

Il-miżura Komunitarja speċifika li tkopri l-parti passiva tal-materjal attiv jew intelliġenti tista’ tistabbilixxi rekwiżiti għan-nuqqas ta’ ċaqliq tal-materjal pereżempju limitu ġenerali ta’ migrazzjoni għall-materjali tal-plastik. Jekk komponent attiv li jerħi hu inkorporat f’materjal ta’ kuntatt mal-ikel kopert b’miżura Komunitarja speċifika, jista’ jkun hemm riskju li jinqabeż il-limitu ġenerali ta’ migrazzjoni minħabba r-reħi tas-sustanza attiva. Billi l-funzjoni attiva mhix karatteristika inerenti tal-materjal passiv l-ammont tas-sustanza attiva merħija ma għandux jiġi kkalkulat fil-valur tal-migrazzjoni ġenerali.

(16)

L-Artikolu 4(5) tar-Regolament (KE) Nru 1935/2004 jistipula li materjali u oġġetti attivi u intelliġenti li jkunu diġà jmissu mal-ikel għandhom ikunu ttikkettati b’mod adegwat biex il-konsumatur ikun jista’ jagħraf il-partijiet li ma għandhomx jittieklu. Il-konsistenza ta’ informazzjoni bħal din hija indispensabbli biex tiġi evitata l-konfużjoni fil-livell tal-konsumatur. Għalhekk materjali u oġġetti attivi u intelliġenti għandhom ikollhom tikketti bi kliem xieraq u jkollhom magħhom, fejn dan hu teknikament possibbli, simbolu, kull meta materjali u oġġetti jew partijiet minnhom jidhru bħallikieku huma tajbin għall-ikel.

(17)

L-Artikolu 16 tar-Regolament (KE) Nru 1935/2004 jistipula li mal-materjali u l-oġġetti għandha tintbagħat dikjarazzjoni ta’ konformità bil-miktub li tiċċertifika li dawn huma konformi mar-regoli applikabbli għalihom. Skont l-Artikolu 5(1)(h) u (i) ta’ dan ir-Regolament, biex jissaħħu l-koordinazzjoni u r-responsabbiltà tal-fornituri f’kull stadju tal-proċess tal-manifattura, il-persuni responsabbli għandhom jiddokumentaw il-konformità mar-regoli rilevanti f’dikjarazzjoni ta’ konformità li ssir disponibbli għall-klijenti tagħhom. Barra minn dan, f’kull stadju tal-proċess tal-manifattura, għandha tinżamm dokumentazzjoni ta’ appoġġ, li tissostanzja d-dikjarazzjoni ta’ konformità, disponibbli għall-awtoritajiet ta’ infurzar.

(18)

L-Artikolu 17(1) tar-Regolament (KE) Nru 178/2002 tal-Parlament Ewropew u tal-Kunsill (4) jeħtieġ li l-operaturi tan-negozju tal-ikel jivverifikaw li l-ikel jissodisfa r-rekwiżiti rilevanti tal-liġi dwar l-ikel. L-Artikolu 15(1)(e) tar-Regolament (KE) Nru 1935/2004 jistipula li materjali jew oġġetti attivi, li għadhom ma ġewx f’kuntatt ma’ ikel meta tqegħdu fis-suq, għandu jkollhom informazzjoni dwar l-użu jew l-użijiet permessi u informazzjoni rilevanti oħra bħall-isem u l-kwantità massima tas-sustanzi merħija mill-komponent attiv biex tippermetti lil operaturi tan-negozju tal-ikel li jużaw dawn il-materjali jew oġġetti sabiex jikkonformaw ma’ kwalunkwe dispożizzjonijiet rilevanti oħra tal-Komunità jew, fin-nuqqas tagħhom, ma’ dispożizzjonijiet nazzjonali applikabbli għall-ikel, inklużi d-dispożizzjonijiet dwar l-ittikketjar tal-ikel. Għal dan l-għan soġġetti għar-rekwiżit ta’ konfidenzjalità, l-operaturi kummerċjali tal-ikel għandhom jingħataw aċċess għall-informazzjoni rilevanti biex ikunu jistgħu jiżguraw li l-migrazzjoni jew ir-reħi intenzjonat minn materjali u oġġetti attivi u intelliġenti fl-ikel jikkonforma mal-ispeċifikazzjonijiet u r-restrizzjonijiet stipulati fid-dispożizzjonijiet Komunitarji jew nazzjonali applikabbli għall-ikel.

(19)

Billi diversi materjali u oġġetti intelliġenti jinsabu diġà fis-suq fl-Istati Membri, għandhom jiġu stabbiliti dispożizzjonijiet biex jiġi żgurat li t-tranżizzjoni għal proċedura Komunitarja ta’ awtorizzazzjoni hi bla tfixkil u li ma tfixkilx is-suq eżistenti ta’ dawn il-materjali u oġġetti. Għandu jingħata żmien biżżejjed lill-applikant biex jagħmel disponibbli l-informazzjoni meħtieġa għall-valutazzjoni tas-sikurezza tas-sustanzi jew it-taħlita ta’ sustanzi li tikkostitwixxi l-komponent. Għalhekk, għandu jingħata perjodu ta’ 18-il xahar, li matulu l-informazzjoni dwar materjali u oġġetti attivi u intelliġenti għandha tingħata mill-applikanti. Għandu jkun ukoll possibbli li jiġu ppreżentati applikazzjonijiet għall-awtorizzazzjoni ta’ sustanza ġdida jew ta’ taħlita ta’ sustanzi matul il-perjodu ta’ 18-il xahar.

(20)

L-Awtorità għandha tivvaluta mingħajr dewmien l-applikazzjonijiet kollha għas-sustanzi kemm eżistenti kif ukoll ġodda li jikkostitwixxu l-komponenti li għalihom ġiet ippreżentata applikazzjoni valida u skont il-linji gwida tal-Awtorità matul il-fażi inizjali tal-applikazzjoni.

(21)

Lista Komunitarja ta’ sustanzi awtorizzati għandha titħejja mill-Kummissjoni wara t-tlestija tal-valutazzjoni tas-sikurezza tas-sustanzi kollha li għalihom ġiet ippreżentata applikazzjoni valida skont il-linji gwida tal-Awtorità, matul il-perjodu inizjali ta’ 18-il xahar. Biex ikunu żgurati kundizzjonijiet ġusti u ugwali għall-applikanti kollha, din il-lista Komunitarja għandha titfassal fi stadju wieħed.

(22)

Ir-regoli dwar id-dikjarazzjoni ta’ konformità u r-regoli speċifiċi dwar it-tqegħid ta’ tikketti għandhom japplikaw biss wara sitt xhur mid-data tad-dħul fis-seħħ ta’ dan ir-Regolament biex l-operaturi kummerċjali jingħataw żmien biżżejjed biex jadattaw għal dawn ir-regoli ġodda.

(23)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(a)

“materjali u oġġetti attivi” tfisser materjali u oġġetti li huma intenzjonati li jestendu d-data ta’ skadenza fuq l-ixkaffa jew biex iżommu jew itejbu l-kundizzjoni ta’ ikel ippakkjat: huma maħsuba sabiex deliberatament jinkorporaw komponenti li jerħu jew li jassorbu sustanzi fi jew mill-ikel ippakkjat jew fi jew mill-ambjent madwar l-ikel;

(b)

“materjali u oġġetti intelliġenti” tfisser materjali u oġġetti li jimmonitorjaw il-kundizzjoni tal-ikel ippakkjat jew tal-ambjent madwar l-ikel;

(c)

“komponent” tfisser sustanza individwali jew taħlita ta’ sustanzi individwali li jikkawżaw il-funzjoni attiva u/jew intelliġenti ta’ materjal jew oġġett, inklużi l-prodotti ta’ reazzjoni in situ ta’ dawn is-sustanzi. Din ma tinkludix il-partijiet passivi, bħall-materjali li jiżdiedu magħhom jew li jiġu inkorporati fihom;

(d)

“ostakolu funzjonali” tfisser ostakolu li jikkonsisti minn saff jew aktar ta’ materjali għall-kuntatt mal-ikel li jiżgura li l-materjal jew l-oġġett lest jikkonforma mal-Artikolu 3 tar-Regolament (KE) Nru 1935/2004 u ma’ dan ir-Regolament;

(e)

“materjali u oġġetti attivi li jerħu” huma dawk il-materjali u l-oġġetti attivi intenzjonati biex deliberatament jinkorporaw komponenti li jerħu sustanzi fl-ikel ippakkjat jew fuqu jew fl-ambjent madwar l-ikel;

(f)

“sustanzi attivi merħija” huma dawk is-sustanzi intenzjonati li jerħu minn materjali u oġġetti attivi li jerħu fl-ikel ippakkjat jew fuqu jew fl-ambjent madwar l-ikel u li jwettqu xi skop fl-ikel.

(a)

adatti u effettivi għall-iskop li għalih huma intenzjonati li jintużaw;

(b)

jikkonformaw mar-rekwiżiti ġenerali stabbiliti fl-Artikolu 3 tar-Regolament (KE) Nru 1935/2004;

(c)

jikkonformaw mar-rekwiżiti speċjali stabbiliti fl-Artikolu 4 tar-Regolament (KE) Nru 1935/2004;

(d)

jikkonformaw mar-rekwiżiti dwar it-tqegħid tat-tikketti ddefiniti fl-Artikolu 15(1)(e) tar-Regolament (KE) Nru 1935/2004;

(e)

jikkonformaw mar-rekwiżiti dwar il-kompożizzjoni ddefiniti fil-Kapitoli II ta’ dan ir-Regolament;

(f)

jikkonformaw mar-rekwiżiti dwar it-tqegħid tat-tikketti u d-dikjarazzjoni ddefiniti fil-Kapitoli III u IV ta’ dan ir-Regolament,

(a)

sustanzi attivi merħija bil-kundizzjoni li dawn jikkonformaw mal-kundizzjonijiet stabbiliti fl-Artikolu 9 ta’ dan ir-Regolament;

(b)

sustanzi li jaqgħu fl-ambitu tad-dispożizzjonijiet Komunitarji jew nazzjonali applikabbli għall-ikel, li huma miżjuda jew inkorporati f’materjali u oġġetti attivi permezz ta’ tekniki bħat-tilqim jew l-immobilizzazzjoni, sabiex ikun hemm effett teknoloġiku fl-ikel bil-kundizzjoni li dawn jikkonformaw mal-kundizzjonijiet stabbiliti fl-Artikolu 9;

(c)

sustanzi użati f’komponenti li mhumiex f’kuntatt dirett mal-ikel jew l-ambjent madwar l-ikel u huma separati mill-ikel permezz ta’ ostakolu funzjonali bil-kundizzjoni li dawn jikkonformaw mal-kundizzjonijiet stabbiliti fl-Artikolu 10 u li huma ma jaqgħux taħt waħda minn dawn iż-żewġ kategoriji:

(a)

l-identità tas-sustanza(i);

(b)

il-funzjoni tas-sustanza(i);

(c)

in-numru ta’ referenza;

(d)

jekk meħtieġ, il-kundizzjonijiet ta’ użu tas-sustanza(i) jew komponent;

(e)

jekk meħtieġ, ir-restrizzjonijiet u/jew l-ispeċifikazzjonijiet ta’ użu tas-sustanza(i);

(f)

jekk meħtieġ, il-kundizzjonijiet ta’ użu tal-materjal jew l-oġġett li miegħu tiżdied is-sustanza jew il-komponent jew li fih tiġi inkorporata.

(a)

bil-kliem “MHUX GĦALL-IKEL”; u

(b)

dejjem fejn teknikament hu possibbli, bis-simbolu kkuppjat fl-Anness I.

30.5.2009   

MT

Il-Ġurnal Uffiċjali tal-Unjoni Ewropea

L 135/12

(1)

L-Istati Membri għandhom iħarsu l-iskadenzi għall-ħlasijiet ta’ għajnuna lil benefiċjarji stabbiliti fil-leġiżlazzjoni agrikola Komunitarja. L-Artikolu 16 tar-Regolament (KE) Nru 1290/2005 jipprovdi li kwalunkwe ttardjar minn dawk l-iskadenzi ta’ ħlasijiet min-naħa tal-aġenziji tal-ħlas għandu jirrendi l-ħlasijiet bħala ineliġibbli għall-finanzjament Komunitarju, għajr fil-każijiet, kundizzjonijiet u limiti ddeterminati, skont il-prinċipju tal-proporzjonalità.

(2)

B’segwitu għall-Artikolu 9 tar-Regolament tal-Kummissjoni (KE) Nru 883/2006 (2) meta l-infiq effettwat wara l-iskadenzi jammonta għal 4 % jew inqas tal-infiq effettwat qabel l-iskadenzi, ma għandu jsir ebda tnaqqis.

(3)

Fil-laqgħa tal-Kumitat Speċjali dwar l-Agrikoltura tas-6 ta’ Ottubru 2008 (3), il-Kummissjoni ppreżentat dikjarazzjoni dwar iż-żieda, minn 4 % għal 5 %, għal-limitu previst fl-Artikolu 9 tar-Regolament (KE) Nru 883/2006. Għaldaqstant, xieraq li għall-każijiet ta’ ħlasijiet eliġibbli li jsiru tard, il-limitu jiġi miżjud. Il-limitu l-ġdid għandu jkun applikabbli meta d-data ta’ skadenza tal-ħlas tkun aktar tard mill-15 ta’ Ottubru 2009.

(4)

L-Artikolu 8(1) tar-Regolament tal-Kunsill (KE) Nru 73/2009 tad-19 ta’ Jannar 2009 li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka ir-Regolament (KE) Nru 1782/2003 (4) jipprovdi li l-ammont totali nett ta’ ħlasijiet diretti li jingħataw fi Stat Membru fir-rigward ta’ sena kalendarja wara l-applikazzjoni ta’ modulazzjoni u ta’ modulazzjoni volontarja u mingħajr preġudizzju għal dixxiplini finanzjarji, bl-eċċezzjoni tal-ħlasijiet diretti mogħtija skont ir-Regolamenti tal-Kunsill (KE) Nru 247/2006 (5) u (KE) Nru 1405/2006 (6), ma għandhomx ikunu ogħla mil-limiti massimi stipulati fl-Anness IV għar-Regolament (KE) Nru 73/2009. Sabiex jiżguraw id-dixxiplina finanzjarja, għandhom jiġu stabbiliti dispożizzjonijiet speċifiċi biex jiġi evitat li n-nuqqas ta’ konformità mal-iskadenzi tal-ħlasijiet iwassal għal infiq totali għal ħlasijiet diretti li jaqbeż il-limiti massimi fl-eżerċizzju finali korrispondenti.

(5)

Barra minn hekk, b’konsistenza mal-prattika attwali u sabiex tiġi żgurata t-trasparenza, ċerti dispożizzjonijiet għandhom jiġu ċċarati aktar.

(6)

Ir-Regolament (KE) Nru 883/2006 għandu għalhekk jiġi emendat skont dan.

(7)

Fil-każ tad-dħul li jirċievu u tal-infiq effettwat mill-Istati Membri għas-sena finanzjarja 2010 u s-snin finanzjarji ta’ wara, l-emendi għandhom ikunu applikabbli mis-16 ta’ Ottubru 2009.

(8)

Il-miżuri pprovduti f’dan ir-Regolament huma skont l-opinjoni tal-Kumitat għall-Fondi Agrikoli,

1.

L-Artikolu 9 huwa emendat kif ġej:

2.

Fl-Artikolu 19, il-paragrafu 4 huwa mibdul b’dan li ġej:

“4.   L-ammonti miżmumin skont l-Artikoli 3 u 4 tar-Regolament (KE) Nru 1259/1999 jew l-Artikolu 1 tar-Regolament (KE) Nru 1655/2004 u kwalunkwe interessi li jiġġeneraw li għadhom ma tħallsux skont l-Artikolu 1 tar-Regolament tal-Kummissjoni (KE) Nru 963/2001 (****) jew l-Artikolu 3(1) tar-Regolament (KE) Nru 1655/2004 għandhom jiġu kkreditati lill-FAEG mal-infiq ta’ Ottubru tas-sena finanzjarja kkonċernata. Fejn applikabbli, ir-rata tal-kambju li tintuża għandha tkun dik imsemmija fl-Artikolu 7(2) ta’ dan ir-Regolament.

(****)  ĠU L 136, 18.5.2001, p. 4.”"

30.5.2009   

MT

Il-Ġurnal Uffiċjali tal-Unjoni Ewropea

L 135/15

(1)

Ir-Regolament tal-Kummissjoni (KE) Nru 1898/2005 (2) li stabbilixxa regoli dettaljati għall-applikazzjoni ta’ skema ta’ għajnuna għad-disponiment ta' krema, butir u butir ikkonċentrat fis-suq tal-Komunità. Dik l-iskema, ipprovduta bl-Artikolu 101 tar-Regolament (KE) Nru 1234/2007, tħassret permezz tar-Regolament tal-Kunsill (KE) Nru 72/2009 tad-19 ta’ Jannar 2009 dwar modifiki għall-Politika Agrikola Komuni billi jemenda r-Regolamenti (KE) Nru 247/2006, (KE) Nru 320/2006, (KE) Nru 1405/2006, (KE) Nru 1234/2007, (KE) Nru 3/2008, u (KE) Nru 479/2008 u li jħassar ir-Regolamenti (KEE) Nru 1883/78, (KEE) Nru 1254/89, (KEE) Nru 2247/89, (KEE) Nru 2055/93, (KE) Nru 1868/94, (KE) Nru 2596/97, (KE) Nru 1182/2005 u (KE) Nru 315/2007 (3).

(2)

F’dan il-kuntest u bil-ħsieb ta’ żbokki ta’ spiża aktar effikaċi għall-butir ta’ intervent u għal raġunijiet ta' simplifikazzjoni, għandhom jitneħħew ukoll id-dispożizzjonijiet dwar il-bejgħ tal-butir mill-intervent sabiex jintuża fi prodotti tal-għaġina, f‘ġelati u fi prodotti oħra tal-ikel.

(3)

Għalhekk ir-Regolament (KE) Nru 1898/2005 għandu jitħassar.

(4)

Mill-1 ta’ Lulju 2009, l-Artikolu 101 tar-Regolament (KE) Nru 1234/2007 għandu jitħassar permezz tar-Regolament (KE) Nru 72/2009. Għalhekk, ir-Regolament (KE) Nru 1898/2005 għandu jitħassar mill-istess data. Madankollu, l-Artikolu 78 tar-Regolament (KE) Nru 1898/2005 jipprovdi li l-pussess tal-butir jista’ jittieħed mill-20 jum tax-xahar li jiġi qabel ix-xahar kalendarju indikat fuq il-fattura sal-10 jum tax-xahar li jiġi wara x-xahar kalendarju indikat fuqha. Sabiex l-operaturi jkunu jistgħu jagħmlu użu sħiħ mill-fatturi li jkunu validi sax-xahar ta' Ġunju 2009, liema xahar huwa inkluż ukoll, il-Kapitolu IV tar-Regolament (KE) Nru 1898/2005 għandu jibqa' japplika għal dawk il-fatturi.

(5)

Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

30.5.2009   

MT

Il-Ġurnal Uffiċjali tal-Unjoni Ewropea

L 135/16

(1)

L-Artikolu 136(1) tar-Regolament (KE) Nru 1234/2007 jipprovdi li, għall-prodotti li jaqgħu taħt il-kodiċijiet tan-NM 1001 10 00, 1001 90 91, ex 1001 90 99 (qamħ durum ta' kwalità għolja), 1002, ex 1005 minbarra ż-żrieragħ ibridi, u ex 1007 minbarra l-ibridu għaż-żrigħ, id-dazju tal-importazzjoni huwa daqs il-prezz tal-intervent li jgħodd għal dawn il-prodotti fil-waqt tal-importazzjoni, biż-żieda ta' 55 % u bit-tnaqqis tal-prezz tal-importazzjoni CIF applikabbli għall-kunsenja kkonċernata. Madankollu, dan id-dazju ma jistax jaqbeż ir-rata ta' dazji fit-Tariffa Doganali Komuni.

(2)

L-Artikolu 136(2) tar-Regolament (KE) Nru 1234/2007 jipprovdi li, għall-finijiet tal-kalkolu tad-dazju tal-importazzjoni msemmija fil-paragrafu 1 tal-Artikolu msemmi, għall-prodotti kkonċernati kull tant żmien jiġu stabbiliti prezzijiet rappreżentattivi CIF għall-importazzjoni.

(3)

Skont l-Artikolu 2(2) tar-Regolament (KE) Nru 1249/96, il-prezz li għandu jintuża għall-kalkolu tad-dazju tal-importazzjoni tal-prodotti li jaqgħu taħt il-kodiċijiet NM 1001 10 00, 1001 90 91, ex 1001 90 99 (qamħ durum ta' kwalità għolja), 1002 00, 1005 10 90, 1005 90 00 u 1007 00 90, huwa l-prezz rappreżentattiv tal-importazzjoni CIF tal-ġurnata stabbilit skont il-metodu pprovdut fl-Artikolu 4 tar-Regolament imsemmi.

(4)

Jeħtieġ li jiġu stabbiliti d-dazji tal-importazzjoni għall-perjodu mill-1 ta’ Ġunju 2009, applikabbli sakemm jidħlu fis-seħħ dazji tal-importazzjoni ġodda,

30.5.2009   

MT

Il-Ġurnal Uffiċjali tal-Unjoni Ewropea

L 135/19

(1)

Skont l-Artikolu 104 tat-Trattat l-Istati Membri għandhom jevitaw żbilanċi eċċessivi tal-gvern.

(2)

Il-Patt ta’ Stabbiltà u ta’ Tkabbir hu bbażat fuq l-għan ta’ finanzi sodi tal-gvern bħala mezz biex jissaħħu l-kundizzjonijiet għall-istabbiltà tal-prezzijiet u għal tkabbir sostenibbli qawwi li jwassal għall-ħolqien tal-impjiegi.

(3)

Il-proċedura ta’ żbilanċ eċċessiv (PŻE) skont l-Artikolu 104, kif ikkjarifikat mir-Regolament tal-Kunsill (KE) Nru 1467/97 tas-7 ta’ Lulju 1997 dwar li titħaffef u li tiġi ċċarata l-implimentazzjoni tal-proċedura ta’ żbilanċ eċċessiv (1) (li jagħmel parti mill-Patt ta’ Stabbiltà u ta’ Tkabbir), jaħseb għal deċiżjoni dwar l-eżistenza ta’ żbilanċ eċċessiv. Il-Protokoll dwar il-proċedura ta’ żbilanċ eċċessiv anness mat-Trattat jistabbilixxi aktar dispożizzjonijiet relatati mal-implimentazzjoni tal-PŻE. Ir-Regolament tal-Kunsill (KE) Nru 3605/93 (2) jistabbilixxi r-regoli ddettaljati u d-definizzjonijiet għall-applikazzjoni tad-dispożizzjoni tal-Protokoll imsemmi.

(4)

Ir-riforma tal-2005 tal-Patt ta’ Stabbiltà u ta’ Tkabbir ipprovat issaħħaħ l-effettività u l-bażi ekonomika tiegħu kif ukoll li tissalvagwarda s-sostenibbiltà tal-finanzi pubbliċi fuq medda twila ta’ żmien. Hu kellu l-għan li jiżgura li b’mod partikolari l-isfond ekonomiku u baġitarju jitqies b’mod sħiħ fil-passi kollha tal-PŻE. B’dan il-mod, il-Patt ta’ Stabbiltà u ta’ Tkabbir jipprovdi l-qafas li jappoġġa l-politiki tal-gvern għal ritorn ta’ malajr lejn pożizzjonijiet baġitarji mingħjar problemi billi titqies is-sitwazzjoni ekonomika.

(5)

L-Artikolu 104(5) tat-Trattat jinħtieġ li l-Kummissjoni tindirizza opinjoni lill-Kunsill jekk il-Kummissjoni tikkunsidra li żbilanċ eċċessiv jeżisti fi Stat Membru jew jista’ jeżisti. Il-Kummissjoni, wara li qieset ir-rapport tagħha skont l-Artikolu 104(3) u l-opinjoni tal-Kumitat Ekonomiku u Finanzjarju skont l-Artikolu 104(4), ikkonkludiet li jeżisti żbilanċ eċċessiv fi Franza. Il-Kummissjoni għalhekk indirizzat tali opinjoni lill-Kunsill fir-rigward ta’ Franza fl-24 ta’ Marzu 2009 (3).

(6)

L-Artikolu 104(6) tat-Trattat jiddikjara li l-Kunsill għandu jikkunsidra kull osservazzjoni li l-Istat Membru kkonċernat ikun jixtieq li jagħmel qabel ma jiddeċiedi, wara valutazzjoni ġenerali, jekk jeżistix żbilanċ eċċessiv. Fil-każ ta’ Franza, din il-valutazzjoni ġenerali twassal għall-konklużjonijiet li ġejjin.

(7)

Skont id-dejta nnotifikata mill-awtoritajiet Franċiżi fis-6 ta’ Frar 2009, l-iżbilanċ ġenerali tal-gvern fi Franza laħaq it-3,2 % tal-PGD fl-2008 (4), għalhekk qabeż it-3 % tal-valur ta’ referenza tal-PGD. Ir-rapport tal-Kummissjoni skont l-Artikolu 104(3) jikkunsidra li l-iżbilanċ kien viċin it-3 % tal-valur ta’ referenza tal-PGD iżda li l-eċċess fuq il-valur ta’ referenza ma jistax ikun ikkwalifikat bħala eċċezzjonali fit-tifsira tat-Trattat u tal-Patt ta’ Stabbiltà u ta’ Tkabbir. B’mod partikolari, ma jistax jitqies li hu jirriżulta mir-reċessjoni ekonomika severa fl-2008 fit-tifsira tat-Trattat u tal-Patt ta’ Stabbiltà u ta’ Tkabbir. Skont l-uffiċċju tal-istatistika Franċiż (INSEE), it-tkabbir tal-PGD hu stmat li laħaq 0,7 % tal-PGD fl-2008, wara 2,2 % fl-2007. L-eċċess aktar mill-valur ta’ referenza ma jistax jitqies bħala temporanju. Skont it-tbassir intermedjarju ta’ Jannar 2009 tas-servizzi tal-Kummissjoni, l-iżbilanċ ġenerali tal-gvern hu maħsub li jilħaq il-5,4 % tal-PGD fl-2009 u, fuq bażi ta’ ebda bidla fil-politika, għandu jonqos kemm kemm għal 5 % tal-PGD fl-2010 billi l-impatt baġitarju tal-pjan ta’ rkupru jispiċċa gradwalment. Għalhekk il-kriterju ta’ żbilanċ fit-Trattat mhux issodisfatt.

(8)

Skont l-Artikolu 2(4) tar-Regolament (KE) Nru 1467/97, “fatturi rilevanti” jistgħu jitqiesu biss fil-passi li jwasslu għad-deċiżjoni tal-Kunsill dwar l-eżistenza ta’ żbilanċ eċċessiv skont l-Artikolu 104(6) jekk il-kundizzjoni doppja – li l-iżbilanċ jibqa’ viċin tal-valur ta’ referenza u li l-eċċess aktar mill-valur ta’ referenza hu temporanju – tkun osservata. Fil-każ ta’ Franza, din il-kundizzjoni doppja mhix osservata. Għalhekk, il-fatturi rilevanti mhumiex qed iqisu l-passi li jwasslu għal din id-Deċiżjoni,

30.5.2009   

MT

Il-Ġurnal Uffiċjali tal-Unjoni Ewropea

L 135/21

(1)

Skont l-Artikolu 104 tat-Trattat, l-Istati Membri għandhom jevitaw żbilanċi eċċessivi pubbliċi.

(2)

Il-Patt ta’ Stabbiltà u Tkabbir huwa msejjes fuq l-għan ta’ finanzi sodi tal-gvern bħala mezz biex jissaħħu l-kundizzjonijiet għall-istabbiltà tal-prezzijiet u għal tkabbir sostenibbli qawwi li jwassal għall-ħolqien tal-impjiegi.

(3)

Il-proċedura ta’ żbilanċ eċċessiv (PŻE) skont l-Artikolu 104, kif iċċarata bir-Regolament tal-Kunsill (KE) Nru 1467/97 tas-7 ta’ Lulju 1997 dwar li titħaffef u li tiġi ċċarata l-implimentazzjoni tal-proċedura ta’ defiċit eċċessiv (1) (li tagħmel parti mill-Patt ta’ Stabbiltà u Tkabbir), tistipula deċiżjoni dwar l-eżistenza ta’ żbilanċ eċċessiv. Il-Protokoll dwar il-proċedura ta’ żbilanċ eċċessiv anness mat-Trattat jistipula dispożizzjonijiet ulterjuri relatati mal-implimentazzjoni tal-PŻE. Ir-Regolament tal-Kunsill (KE) Nru 3605/93 (2) jistipula definizzjonijiet u regoli dettaljati għall-applikazzjoni tad-dispożizzjoni ta’ dan il-Protokoll.

(4)

Ir-riforma tal-2005 tal-Patt ta’ Stabbiltà u Tkabbir fittxet li ssaħħaħ l-effettività u l-bażi ekonomika tiegħu kif ukoll li tħares is-sostenibbiltà tal-finanzi pubbliċi fit-tul. Hija mmirat li tiżgura b’mod partikolari li l-isfond ekonomiku u baġitarju jitqies bis-sħiħ fl-istadji kollha fil-PŻE. B’dan il-mod, il-Patt ta’ Stabbiltà u Tkabbir jipprovdi l-qafas li jappoġġja l-linji politiċi tal-gvern għal treġġigħ lura malajr għal pożizzjoni baġitarja soda li tikkunsidra l-qagħda ekonomika.

(5)

L-Artikolu 104(5) tat-Trattat jitlob li l-Kummissjoni tindirizza opinjoni lill-Kunsill jekk il-Kummissjoni tqis li jeżisti jew li jista’ jinqala’ żbilanċ eċċessiv fi Stat Membru. Wara li qieset ir-rapport tagħha skont l-Artikolu 104(3) u wara li qieset l-opinjoni tal-Kumitat Ekonomiku u Finanzjarju skont l-Artikolu 104(4), il-Kummissjoni kkonkludiet li jeżisti żbilanċ eċċessiv fil-Greċja. Il-Kummissjoni għalhekk indirizzat opinjoni ta’ din ix-xorta lill-Kunsill fir-rigward tal-Greċja fl-24 ta’ Marzu 2009 (3).

(6)

L-Artikolu 104(6) tat-Trattat jgħid li l-Kunsill għandu jikkunsidra kwalunkwe osservazzjonijiet li l-Istat Membru kkonċernat jixtieq jagħmel qabel ma jiddeċiedi, wara evalwazzjoni globali, jekk jeżistix żbilanċ eċċessiv. Fil-każ tal-Greċja, din l-evalwazzjoni ġenerali twassal għall-konklużjonijiet li ġejjin.

(7)

L-iżbilanċ tal-gvern ġenerali fil-Greċja laħaq it-3,5 % tal-PGD fl-2007, u għalhekk qabeż il-valur ta’ referenza tat-3 % tal-PGD. Skont it-tbassir intermedju tas-servizzi tal-Kummissjoni ta’ Jannar 2009, l-iżbilanċ tal-gvern ġenerali mingħajr il-miżuri ta’ darba huwa stmat li huwa ta’ 3,6 % tal-PGD fl-2008 (jew 3,4 % tal-PGD inklużi l-miżuri ta’ darba). Din l-istima msejsa fuq rata ta’ tkabbir tal-PGD reali ta’ 2,9 % fl-2008 u tikkunsidra l-aħħar tagħrif dwar l-eżekuzzjoni tal-Liġi Baġitarja 2008. Għall-2009, it-tbassir intermedju tas-servizzi tal-Kummissjoni ta’ Jannar 2009 jipproġetta l-iżbilanċ tal-gvern ġenerali mingħajr il-miżuri ta’ darba għal 4,4 % tal-PGD (3,7 % inkluż id-dħul ta’ darba) abbażi ta’ projezzjoni ta’ tkabbir ta’ 0,2 % fil-PGD reali u abbażi ta’ evalwazzjoni prudenti tal-Liġi Baġitarja tal-2009 approvata mill-Parlament fil-21 ta’ Diċembru. Imsejjes fuq l-istess assunzjoni politika tas-soltu u waqt li qed jiġi assunt li jitwaqqfu l-miżuri ta’ darba, l-iżbilanċ tal-2010 huwa projettat għal 4,2 % tal-PGD. Għalhekk, il-kriterju ta’ żbilanċ fit-Trattat ma jintlaħaqx.

(8)

Id-dejn pubbliku gross kien ta’ 94,8 % tal-PGD fl-2007 u ta’ 94,6 % tal-PGD fl-2008, ferm ‘il fuq mill-valur ta’ referenza fit-Trattat ta’ 60 % tal-PGD. Skont it-tbassir intermedju ta’ Jannar 2009 tas-servizzi tal-Kummissjoni, il-proporzjon ta’ dejn pubbliku għandu jiżdied aktar sa 96,25 % fl-2009 u 98,5 % tal-PGD sal-2010. Il-livelli attwali ta’ żbilanċ u l-istimi ta’ tkabbir fit-terminu l-medju mhumiex kompatibbli ma’ proporzjon ta’ dejn li jikkonverġi ma’ livell ‘l isfel minn 60 % tal-PGD. Il-proporzjon ta’ dejn ma jistax jitqies bħala wieħed li qed jonqos biżżejjed u li qed joqrob lejn il-valur ta’ referenza b’pass sodisfaċenti fi ħdan it-tifsira tat-Trattat u l-Patt ta’ Stabbiltà u Tkabbir.

(9)

Skont l-Artikolu 2(4) tar-Regolament (KE) Nru 1467/97, “fatturi rilevanti” jistgħu jitqiesu biss fl-istadji li jwasslu għad-deċiżjoni tal-Kunsill dwar l-eżistenza ta’ żbilanċ eċċessiv b’konformità mal-Artikolu 104(6) jekk il-kundizzjoni doppja – li l-iżbilanċ jibqa’ qrib il-valur ta’ referenza u li l-eċċess tiegħu ‘l fuq mill-valur ta’ referenza jkun temporanju – tiġi sodisfatta għal kollox. Fil-każ tal-Greċja, din il-kundizzjoni doppja ma ntlaħqitx. Għalhekk, fatturi rilevanti ma jitqisux fil-passi li jwasslu għal din id-Deċiżjoni,

30.5.2009   

MT

Il-Ġurnal Uffiċjali tal-Unjoni Ewropea

L 135/23

(1)

Skont l-Artikolu 104 tat-Trattat l-Istati Membri għandhom jevitaw żbilanċi eċċessivi tal-gvern.

(2)

Il-Patt ta’ Stabbiltà u ta’ Tkabbir hu bbażat fuq l-għan ta’ finanzi sodi tal-gvern bħala mezz biex jissaħħu l-kundizzjonijiet għall-istabbiltà tal-prezzijiet u għal tkabbir sostenibbli qawwi li jwassal għall-ħolqien tal-impjiegi.

(3)

Il-proċedura ta’ żbilanċ eċċessiv (PŻE) skont l-Artikolu 104, kif ikkjarifikat mir-Regolament tal-Kunsill (KE) Nru 1467/97 tas-7 ta’ Lulju 1997 dwar li titħaffef u li tiġi ċċarata l-implimentazzjoni tal-proċedura ta’ żbilanċ eċċessiv (1) (li jagħmel parti mill-Patt ta’ Stabbiltà u ta’ Tkabbir), jaħseb għal deċiżjoni dwar l-eżistenza ta’ żbilanċ eċċessiv. Il-Protokoll dwar il-proċedura ta’ żbilanċ eċċessiv anness mat-Trattat jistabbilixxi aktar dispożizzjonijiet relatati mal-implimentazzjoni tal-PŻE. Ir-Regolament tal-Kunsill (KE) Nru 3605/93 (2) jistipula definizzjonijiet u regoli dettaljati għall-applikazzjoni tad-dispożizzjoni ta’ dan il-Protokoll.

(4)

Ir-riforma tal-2005 tal-Patt ta’ Stabbiltà u ta’ Tkabbir ippruvat issaħħaħ l-effettività u l-bażi ekonomika tiegħu kif ukoll tissalvagwardja s-sostenibbiltà tal-finanzi pubbliċi fuq medda twila ta’ żmien. Ir-riforma kellha l-għan li tiżgura li b’mod partikolari l-isfond ekonomiku u baġitarju jitqies b’mod sħiħ fl-istadji kollha tal-PŻE. B’dan il-mod, il-Patt ta’ Stabbiltà u ta’ Tkabbir jipprovdi l-qafas li jsostni l-politiki tal-gvern għal ritorn ta’ malajr lejn pożizzjonijiet baġitarji mingħjar problemi billi titqies is-sitwazzjoni ekonomika.

(5)

L-Artikolu 104(5) tat-Trattat jitlob li l-Kummissjoni tindirizza opinjoni lill-Kunsill jekk il-Kummissjoni tqis li jeżisti jew jista’ jeżisti żbilanċ eċċessiv fi Stat Membru. Il-Kummissjoni, wara li qieset ir-rapport tagħha skont l-Artikolu 104(3) u l-opinjoni tal-Kumitat Ekonomiku u Finanzjarju skont l-Artikolu 104(4), ikkonkludiet li jeżisti żbilanċ eċċessiv fl-Irlanda. Il-Kummissjoni għalhekk indirizzat dik l-opinjoni lill-Kunsill fir-rigward tal-Irlanda fl-24 ta’ Marzu 2009 (3).

(6)

L-Artikolu 104(6) tat-Trattat jiddikjara li l-Kunsill għandu jikkunsidra kull osservazzjoni li l-Istat Membru kkonċernat ikun jixtieq li jagħmel qabel ma jiddeċiedi, wara evalwazzjoni ġenerali, jekk jeżistix żbilanċ eċċessiv. Fil-każ tal-Irlanda, din l-evalwazzjoni ġenerali twassal għall-konklużjonijiet li ġejjin.

(7)

Skont il-programm ta’ stabbiltà kif aġġornat, l-iżbilanċ tal-gvern ġenerali fl-Irlanda laħaq is-6,3 % tal-PGD fl-2008, u b’hekk qabeż il-valur ta’ referenza ta’ 3 % tal-PGD. L-iżbilanċ ma kienx qrib il-valur ta’ referenza ta’ 3 % tal-PGD iżda l-eċċess fuq il-valur ta’ referenza jista’ jiġi kkwalifikat bħala eċċezzjonali. B’mod partikolari, dan irriżulta minn kriżi ekonomika ħarxa skont it-tifsira tat-Trattat u tal-Patt ta’ Stabbiltà u ta’ Tkabbir. Skont il-previżjoni intermedjarja tas-servizzi tal-Kummissjoni ta’ Jannar 2009, it-tkabbir reali tal-PGD fl-Irlanda hu previst li kien negattiv bil-kbir fis-sena 2008 (-2 %, kemxejn agħar mit-tbassir tal-awtoritajiet Irlandiżi (ta’ -1,4 %) fl-addendum ta’ Jannar 2009 għall-aġġornament tal-programm ta’ stabbiltà).

(8)

Barra minn hekk, l-eċċess fuq il-valur ta’ referenza ma jistax jitqies bħala temporanju. Skont il-previżjoni intermedjarja tas-servizzi tal-Kummissjoni ta’ Jannar 2009, meta wieħed iqis il-miżuri għas-sena attwali fil-baġit għall-2009 (iżda mhux il-pakkett ta’ konsolidament addizzjonali ta’ 1 % tal-PGD imħabbar fi Frar 2009), l-iżbilanċ għandu jikber għal 11 % tal-PGD fl-2009 u, fuq suppożizzjoni li mhu se jkun hemm l-ebda tibdil fil-politika, għandu jkompli jaggrava għal 13 % tal-PGD fl-2010. Il-kriterju ta’ żbilanċ fit-Trattat mhux sodisfatt.

(9)

Id-dejn gross tal-gvern ġenerali kien jammonta għal 40,6 % tal-PGD fl-2008, b’mod li baqa’ taħt il-valur ta’ referenza ta’ 60 % tal-PGD. Madankollu, skont il-previżjoni intermedjarja tas-servizzi tal-Kummissjoni ta’ Jannar 2009, il-livell tad-dejn għandu jkompli jogħla f’qasir żmien, b’mod li sal-2010 se jwassal għal ksur tal-valur ta’ referenza ta’ 60 % tal-PGD.

(10)

Skont l-Artikolu 2(4) tar-Regolament (KE) Nru 1467/97, “fatturi rilevanti” jistgħu jitqiesu biss fl-istadji li jwasslu għad-deċiżjoni tal-Kunsill dwar l-eżistenza ta’ żbilanċ eċċessiv skont l-Artikolu 104(6) jekk il-kundizzjoni doppja – li l-iżbilanċ jibqa’ viċin tal-valur ta’ referenza u li l-eċċess fuq il-valur ta’ referenza hu temporanju – tkun osservata. Fil-każ tal-Irlanda, din il-kundizzjoni doppja mhix osservata. Għalhekk, il-fatturi rilevanti mhumiex qed jitqiesu fl-istadji li jwasslu għal din id-Deċiżjoni,

30.5.2009   

MT

Il-Ġurnal Uffiċjali tal-Unjoni Ewropea

L 135/25

(1)

Skont l-Artikolu 104 tat-Trattat, l-Istati Membri għandhom jevitaw żbilanċi eċċessivi tal-gvern.

(2)

Il-Patt ta’ Stabbiltà u Tkabbir huwa msejjes fuq l-għan ta’ finanzi sodi tal-gvern bħala mezz biex jissaħħu l-kundizzjonijiet għal stabbiltà tal-prezzijiet u għal tkabbir sostenibbli qawwi li jwassal għall-ħolqien tal-impjiegi.

(3)

Il-proċedura ta’ żbilanċ eċċessiv (PŻE) skont l-Artikolu 104, kif iċċarata mir-Regolament tal-Kunsill (KE) Nru 1467/97 tas-7 ta’ Lulju 1997 dwar li titħaffef u li tiġi ċċarata l-implimentazzjoni tal-proċedura ta’ żbilanċ eċċessiv (1), li tagħmel parti mill-Patt ta’ Stabbiltà u Tkabbir, tistipula deċiżjoni dwar l-eżistenza ta’ żbilanċ eċċessiv. Il-Protokoll dwar il-proċedura ta’ żbilanċ eċċessiv anness mat-Trattat jistipula dispożizzjonijiet ulterjuri relatati mal-implimentazzjoni tal-proċedura ta’ żbilanċ eċċessiv. Ir-Regolament tal-Kunsill (KE) Nru 3605/93 (2) jistipula definizzjonijiet u regoli dettaljati għall-applikazzjoni tad-dispożizzjoni ta’ dan il-Protokoll.

(4)

Ir-riforma tal-2005 tal-Patt ta’ Stabbiltà u Tkabbir fittxet li ssaħħah l-effettività u l-bażi ekonomika tiegħu kif ukoll li tħares is-sostenibbiltà tal-finanzi pubbliċi fuq medda twila ta’ żmien. Hi immirat biex tiżgura b’mod partikolari li l-isfond baġitarju u ekonomiku tqies b’mod partikolari fil-passi kollha tal-PŻE. B’dan il-mod, il-Patt ta’ Stabbiltà u Tkabbir jipprovdi qafas biex isostni politiki tal-gvern għal ritorn minnufih għal pożizzjonijiet baġitarji sodi filwaqt li tqieset is-sitwazzjoni ekonomika.

(5)

L-Artikolu 104(5) tat-Trattat jitlob li l-Kummissjoni tindirizza opinjoni lill-Kunsill jekk il-Kummissjoni tqis li jeżisti jew jista’ jeżisti żbilanċ eċċessiv fi Stat Membru. Wara li qieset ir-rapport tagħha skont l-Artikolu 104(3) tat-Trattat u wara li qieset l-opinjoni tal-Kumitat Ekonomiku u Finanzjarju skont l-Artikolu 104(4), il-Kummissjoni kkonkludiet li jeżisti żbilanċ eċċessiv fi Spanja. Il-Kummissjoni għalhekk indirizzat opinjoni bħal din lill-Kunsill fir-rigward ta’ Spanja fl-24 ta’ Marzu 2009 (3).

(6)

L-Artikolu 104(6) tat-Trattat jgħid li l-Kunsill għandu jikkunsidra kwalunkwe osservazzjonijiet li l-Istat Membru kkonċernat jixtieq li jagħmel qabel ma jiddeċiedi, wara valutazzjoni globali, jekk jeżistix żbilanċ eċċessiv. Fil-każ ta’ Spanja, din il-valutazzjoni ġenerali twassal għall-konklużjonijiet li ġejjin.

(7)

Skont l-aġġornament ta’ Jannar 2009 tal-programm ta’ stabbiltà, l-iżbilanċ tal-gvern ġenerali ta’ Spanja huwa stmat li laħaq it-3,4 % tal-PGD fl-2008, u b’hekk qabeż il-valur referenzjali ta’ 3 % tal-PGD. L-iżbilanċ huwa qrib il-valur referenzjali ta’ 3 % tal-PGD iżda dak li jibqa’ ‘l fuq mill-valur referenzjali ma jistax jiġi kkwalifikat bħala eċċezzjonali fi ħdan it-tifsira tat-Trattat u l-Patt ta’ Stabbiltà u Tkabbir. B’mod partikolari, ma rriżultax minn avveniment mhux tas-soltu jew deterjorament ekonomiku sever fl-2008. Skont il-previżjoni interim tas-servizzi tal-Kummissjoni ta’ Jannar 2009, it-tkabbir reali tal-PGD fi Spanja huwa stmat li naqas ferm fl-2008 għal-1,2 %, iżda d-diskrepanza bejn il-produzzjoni attwali u potenzjali baqgħet pożittiva ta’1 % tal-PGD. Barra minn hekk, l-eċċess fuq il-valur ta’ referenza ma jistax jitqies temporanju.

(8)

Skont il-previżjoni interim tas-servizzi tal-Kummissjoni ta’ Jannar 2009, l-iżbilanċ ta’ bażi ġenerali tal-gvern għandu jiżdied minn 6,2 % tal-PGD fl-2009, inklużi l-miżuri ta’ darba li jżidu l-iżbilanċ li jammontaw għal aktar minn ½ % tal-PGD. Il-previżjoni kienet ibbażata fuq it-tnaqqis tal-PGD pproġettat bi 2 % kif ukoll fuq l-evalwazzjoni prudenti kemm tal-Liġi tal-Baġit tal-2009 u tal-pakkett fiskali mħabbar mill-awtoritajiet Spanjoli fis-27 ta’ Novembru 2008. Abbażi tal-ipotesi tas-soltu dwar il-politiki li ma nbidlux, l-iżbilanċ tal-2010 huwa pproġettat għal 5,7 % tal-PGD. Għalhekk, il-kriterju tal-iżbilanċ fit-Trattat mhuwiex sodisfatt.

(9)

Id-dejn gross tal-gvern qed jibqa sew taħt il-valur referenzjali ta’ 60 % tal-PGD u fl-2008 kien ta’ 39,5 % tal-PGD skont il-programm ta’ stabbiltà ta’ Jannar 2009. Madankollu, skont il-previżjoni interim tas-servizzi tal-Kummissjoni ta’ Jannar 2009, id-dejn tal-gvern ġenerali għal proporzjon tal-PGD huwa pproġettat li jiżdied b’mod sinifikanti biex jilħaq il-53 % fl-2010.

(10)

Skont l-Artikolu 2(4) tar-Regolament (KE) Nru 1467/97, “fatturi rilevanti” jistgħu jitqiesu biss fil-passi li jwasslu għad-deċiżjoni tal-Kunsill dwar l-eżistenza ta’ żbilanċ eċċessiv b’konformità mal-Artikolu 104(6) jekk il-kundizzjoni doppja – li l-iżbilanċ jibqa’ qrib il-valur ta’ referenza u li l-eċċess tiegħu ‘il fuq mill-valur ta’ referenza jkun temporanju - tiġi sodisfatta għal kollox. Fil-każ ta’ Spanja din il-kundizzjoni doppja ma ġietx sodisfatta. Għalhekk, fatturi rilevanti oħrajn ma jitqisux fil-passi li jwasslu għal din id-Deċiżjoni,

30.5.2009   

MT

Il-Ġurnal Uffiċjali tal-Unjoni Ewropea

L 135/27

30.5.2009   

MT

Il-Ġurnal Uffiċjali tal-Unjoni Ewropea

L 135/28

30.5.2009   

MT

Il-Ġurnal Uffiċjali tal-Unjoni Ewropea

L 135/29

(1)

B’konformità mad-Deċiżjoni tal-Kummissjoni 2006/133/KE (2), il-Portugall qiegħed jimplimenta pjan ta’ eradikazzjoni kontra t-tixrid tan-nematodu tal-pini.

(2)

Fis-16 ta’ Jannar 2009 r-Renju Unit informa lill-Kummissjoni bl-interċezzjoni ta’ materjal tal-imballaġġ tal-injam li kien ġej mill-Portugall li kien fih PWN ħaj u ma kienx immarkat skont l-Istandard Internazzjonali FAO għall-Miżuri Fitosanitarji Nru 15 għal-Linji gwida għar-regolazzjoni tal-materjal għall-imballaġġ tal-injam fil-kummerċ internazzjonali (minn hawn ’il quddiem “l-Istandard Internazzjonali FAO għall-Miżuri Fitosanitarji Nru 15”) kif mitlub mid-Deċiżjoni 2006/133/KE.

(3)

Fl-20 ta’ Frar 2009 l-Belġju informa lill-Kummissjoni b’ħames kunsinni mhux konformi ta’ skart tal-injam u qoxra tas-siġra ġejjin mill-Portugall. Il-qoxra tas-siġra interċettata kienet akkumpanjata minn ċertifikati ta’ trattament fitosanitarju għall-fumigazzjoni. Madankollu d-Deċiżjoni 2006/133/KE teħtieġ li l-qoxra tas-siġra tgħaddi minn trattament tas-sħana. Fil-każ tal-kunsinna interċettata ta’ skart tal-injam, barra minn dan, instabu inkonsistenzi fid-dokumentazzjoni mehmuża.

(4)

Fil-11 ta’ Frar 2009, Spanja infurmat lill-Kummissjoni bl-interċezzjonijiet ta’ kunsinni ta’ qoxra tas-siġar u skart tal-injam ta’ njam suxxettibbli li kien ġej mill-Portugall fejn instab PWN ħaj. Fl-20 ta’ Frar 2009 u t-3 ta’ Marzu 2009, Spanja infurmat lill-Kummissjoni bl-interċezzjonijiet ta’ kunsinni ta’ njam suxxettibbli li kien ġej mill-Portugall li ma kienx akkumpanjat minn passaport tal-pjanti, kif mitlub skont il-punt 1(a) tal-Anness mad-Deċiżjoni 2006/133/KE. Fit-3, is-6 u t-18 ta’ Marzu 2009, Spanja infurmat lill-Kummissjoni bl-interċezzjonijiet ta’ kunsinni ta’ materjal tal-imballaġġ tal-injam mill-Portugall li ma kienx immarkat skont l-Istandard Internazzjonali FAO għall-Miżuri Fitosanitarji Nru 15 kif mitlub skont id-Deċiżjoni 2006/133/KE.

(5)

Fl-1 ta’ April 2009, l-Irlanda nnotifikat lill-Kummissjoni bl-interċezzjoni ta’ materjal tal-imballaġġ tal-injam li kien ġej mill-Portugall fejn instab PWN ħaj. Barra minn hekk, fil-21 ta’ April 2009 l-Irlanda nnotifikat lill-Kummissjoni bl-interċezzjonijiet ta’ erba’ kunsinni ta’ materjal tal-imballaġġ tal-injam li kien ġej mill-Portugall li ma kienx immarkat skont l-Istandard Internazzjonali FAO għall-Miżuri Fitosanitarji Nru 15.

(6)

Fl-24 ta’ Marzu 2009 u fit-3 ta’ April 2009, il-Litwanja infurmat lill-Kummissjoni bl-interċezzjoni ta’ materjal tal-imballaġġ tal-injam li kien ġej mill-Portugall li ma kienx immarkat skont l-Istandard Internazzjonali FAO għall-Miżuri Fitosanitarji Nru 15.

(7)

L-ispezzjonijiet imwettqa mill-Kummissjoni fil-Portugall mit-2 sal-11 ta’ Marzu 2009 żvelaw li l-movimenti ta’ materjal tal-injam u mballaġġ tal-injam mhumiex ikkontrollati għal kollox, kif mitlub mid-Deċiżjoni 2006/133/KE. B’mod partikolari, l-ispetturi skoprew bosta każijiet ta’ nuqqas ta’ konformità filwaqt li kienu qed iwettqu kontrolli tat-triq fil-fruntiera Spanjola. Għaldaqstant ma jistax jiġi eskluż ir-riskju li l-PWN jinxtered għal żoni ’l barra miż-żoni demarkati fil-Portugall.

(8)

Fid-dawl ta’ dawk is-sejbiet il-ġodda f’bosta Stati Membri u tar-riżultati tal-missjoni mwettqa mill-Kummissjoni, hemm bżonn li l-Portugall jintensifika l-kontrolli uffiċjali applikati fuq il-moviment ta’ njam, qoxra tas-siġar u pjanti suxxettibbli miż-żoni demarkati għal żoni oħra sal-livell massimu fattibbli ta’ kontrolli sabiex jiġi żgurat li l-kundizzjonijiet stabbiliti mid-Deċiżjoni 2006/133/KE ġew sodisfatti. Dawk il-kontrolli uffiċjali għandhom jiffukaw fuq il-movimenti li jippreżentaw l-ogħla riskju li jxerrdu PWN ħaj ’il barra miż-żoni demarkati. Biex ir-riskji ta’ frodi jkunu limitati, il-kontrolli uffiċjali għandhom isiru fejn injam, qoxra tas-siġar u pjanti suxxettibbli qed joħorġu miż-żoni demarkati. Ir-riżultati ta’ dawk il-kontrolli uffiċjali għandhom ikunu kkomunikati lill-Kummissjoni u lill-Istati Membri l-oħra kull ġimgħa biex ikunu jistgħu jsegwu l-iżviluppi tal-qagħda fil-Portugall mill-qrib.

(9)

Barra minn hekk, biex tiżdied is-sorveljanza fuq il-materjali li jistgħu jippromwovu t-tixrid ta’ PWN ħaj fi Stati Membri oħra, huwa xieraq li jissaħħaħ il-livell tal-kontrolli uffiċjali mwettqa mill-Istati Membri fuq injam, qoxra tas-siġar u pjanti, li ġejjin mill-Portugall u jiddaħħlu fit-territorju tagħhom. Dawk il-kontrolli uffiċjali għandhom jikkonsistu minn kontroll dokumentarju, kontroll tal-identità u, kif ikun xieraq, kontroll tas-saħħa tal-pjanti, li tista’ tinkludi ttestjar għall-preżenza ta’ PWN. Il-frekwenza tal-kontrolli uffiċjali għandha tkun proporzjonata għar-riskju. F’każ ta’ konferma ta’ nuqqas ta’ konformità, għandhom jittieħdu l-miżuri xierqa, kif stipulati fid-Direttiva 2000/29/KE.

(10)

Fil-mument id-Deċiżjoni 2006/133/KE ma tistipulax għal rekwiżiti li jridu jiġu applikati fuq il-movimenti ta’ njam suxxettibbli, li joriġina f’żoni ’l barra miż-żoni demarkati fil-forma ta’ serratura, spacers u rfid, inkluż dawk li ma żammewx il-wiċċ tond naturali tagħhom, kif ukoll fil-forma ta’ kaxxi tal-imballaġġ, kaxxi, qratel, tankijiet u ppakkjar simili, paliti, paliti tal-kaxxa u twavel tat-tagħbija oħra, kullari tal-paliti, sew jekk qegħdin effettivament jintużaw fit-trasport ta’ oġġetti ta’ kull tip (minn hawn ’il qudiiem “materjal tal-imballaġġ ta’ njam suxxettibbli”) miż-żoni demarkati għal żoni oħra fl-Istati Membri jew f’pajjiżi terzi kif ukoll fil-moviment ta’ dawn il-materjali minn parti taż-żona demarkata fejn PWN huwa magħruf li jseħħ fil-parti taż-żona demarkata ddeżinjata bħala żona ta’ lqugħ.

(11)

In-nuqqas ta’ rekwiżiti bħal dawn ġej mill-fatt li mballaġġ ta’ njam suxxettibbli li ma joriġinax miż-żoni demarkati ma jippreżentax riskju ta’ ġarr ta’ PWN anke jekk jiċċirkola fi ħdan iż-żoni demarkati. Madankollu, bħalissa mhuwiex possibbli li ssir distinzjoni bejn materjal tal-imballaġġ ta’ njam bħal dan u materjal tal-imballaġġ tal-injam li joriġina fi ħdan iż-żoni demarkati li ma jkunx immarkat skont l-Anness II tal-Istandard Internazzjonali tal-FAO għall-Miżuri Fitosanitarji Nru 15 b’kontradizzjoni mad-Deċiżjoni 2006/133/KE.

(12)

Minħabba f’hekk, b’applikazzjoni tal-prinċipju ta’ prekawzjoni, materjal tal-imballaġġ ta’ njam suxxettibbli ta’ kwalunkwe oriġini, li jħalli ż-żona demarkata mingħajr ma jkun immarkat skont l-Anness II tal-Istandard Internazzjonali tal-FAO għall-Miżuri Fitosanitarji Nru 15 irid jitqies mill-entitajiet uffiċjali responsabblli tal-Istati Membri bħala materjal li mhux konformi mad-Deċiżjoni 2006/133/KE. Għalhekk huwa xieraq li jiġu pprojbiti l-movimenti ta’ materjal bħal dan, li joriġina f’żoni għajr iż-żoni demarkati, miż-żoni demarkati għal żoni għajr dawk iż-żoni demarkati fi Stati Membri jew pajjiżi terzi, kif ukoll moviment ta’ dawk il-materjali mill-parti taż-żoni demarkati fejn huwa magħruf li jseħħ PWN fil-parti taż-żoni demarkati ddeżinjati bħala żona ta’ lqugħ, sakemm il-materjal ma jkunx jista’ jiġi identifikat bħala liberu mir-riskju ta’ tixrid ta’ PWN.

(13)

Materjal bħal dan għandu jkun identifikat bħala liberu mir-riskju li jxerred PWN meta għadda minn wieħed mit-trattamenti approvati speċifikati fl-Anness I tal-Istandard Internazzjonali FAO għall-miżuri Fitosanitarji Nru 15 u ġie mmarkat skont l-Anness II ta’ dan l-Istandard. Bħalissa m’hemm l-ebda alternattiva li tista’ tipprovdi l-istess livell ta’ garanziji mogħtija, b’mod partikolari, li m’hemm l-ebda sistema fis-seħħ fil-livell Komunitarju li teħtieġ li l-entitajiet uffiċjali responsabbli tal-Istati Membri jiċċertifikaw l-oriġini tal-injam użat biex jiġi prodott materjal tal-ippakkjar tal-injam suxxettibbli, u li l-introduzzjoni ta’ dispożizzjonijiet bħal dawn mhix possibbli fil-medda l-qasira taż-żmien.

(14)

Hemm indikazzjonijiet li kaxxi magħmula interament minn injam ta’ ħxuna ta’ 6 mm jew inqas jikkostitwixxu riskju iktar baxx għat-tixrid ta’ PWN meta mqabbel ma’ daqsijiet eħxen. Għalhekk huwa xieraq li kaxxi bħal dawn jiġu eżentati, tkun xi tkun l-oriġini tal-injam użat biex jipproduċihom, mill-obbligi ta’ trattament u mmarkar kif stipulat fl-Istandard Internazzjonali FAO għall-Miżuri Fitosanitarji Nru 15.

(15)

Sabiex jingħata żmien biżżejjed lill-operaturi biex jaddattaw ruħhom għar-rekwiżiti stabbiliti f’din id-Deċiżjoni, dan tal-aħħar ma għandux japplika qabel is-16 ta’ Ġunju 2009.

(16)

Il-miżuri stipulati f’din id-deċiżjoni huma konformi mal-opinjoni tal-Kumitat Permanenti dwar is-Saħħa tal-Pjanti,

(1)

Fl-Artikolu 2, għandu jiddaħħal il-paragrafu li ġej wara l-ewwel paragrafu:

“Meta tiġi vverifikata l-konformità mal-kundizzjonijiet stabbiliti fil-punt 1 tal-Anness, il-Portugall għandu japplika l-ogħla livell fattibbli ta’ kontrolli uffiċjali għal movimenti ta’ njam, qoxra tas-siġar u pjanti suxxettibbli minn żoni demarkati li jinsabu fit-territorju tiegħu għal żoni għajr għal dawk iż-żoni demarkati fi Stati Membri jew f’pajjiżi terzi. Huwa għandu jagħti attenzjoni partikolari lill-movimenti li jippreżentaw l-ogħla riskju li jxerrdu PWN ħaj ’il barra miż-żoni demarkati. Dawk il-kontrolli uffiċjali għandhom isiru fil-punti fejn injam, qoxra tas-siġar u pjanti suxxettibbli qed joħorġu miż-żoni demarkati. Ir-riżultati għandhom ikunu kkomunikati lill-Kummissjoni u lill-Istati Membri l-oħra kull ġimgħa.”

(2)

L-Artikolu 3 jinbidel b’dan li ġej:

“Artikolu 3

1.   L-Istati Membri tad-destinazzjoni għajr għall-Portugall għandhom iwettqu kontrolli uffiċjali fuq injam, qoxra tas-siġar u pjanti, li jkunu ġejjin mill-Portugall u li ddaħħlu fit-territorju tagħhom. Dawn il-kontrolli għandhom jinkludu kontroll dokumentarju li jinkludi kontroll għall-preżenza u konformità tal-markament skont id-Deċiżjoni, kontroll tal-identità u, kif xieraq, kontroll tas-saħħa tal-pjanti li tista’ tinkludi ttestjar għall-preżenza ta’ PWN.

2.   Kontrolli uffiċjali skont il-paragrafu 1 għandhom jitwettqu bi frekwenza li tiddependi b’mod partikolari fuq ir-riskju marbut mat-tipi differenti ta’ njam, qoxra tas-siġar u pjanti suxxettibbli u l-istorja tal-konformità mar-rekwiżiti ta’ din id-Deċiżjoni tal-operatur responsabbli għall-moviment ta’ njam, qoxra tas-siġar, u pjanti suxxettibbli.

3.   F’każ li n-nuqqasijiet ta’ konformità jkunu kkonfermati wara kontrolli uffiċjali mwettqa skont il-paragrafu 1, għandhom jittieħdu miżuri xierqa, simili għal dawk imsemmija fl-Artikolu 11 tad-Direttiva 2000/29/KE.”

(3)

L-Anness huwa emendat skont l-Anness ma’ din id-Deċiżjoni.