25.3.2009   

MT

Il-Ġurnal Uffiċjali tal-Unjoni Ewropea

L 79/1

(1)

Ir-Regolament tal-Kunsill (KEE) Nru 479/92 tal-25 ta’ Frar 1992 dwar l-applikazzjoni tal-Artikolu 85(3) tat-Trattat għal ċerti kategoriji ta' akkordji, deċiżjonijiet u prattiċi miftiehma bejn il-kumpanniji tat-tbaħħir tal-linja (consortia) (2) ġie emendat kemm-il darba (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kodifikat.

(2)

Konformement mal-Artikolu 81 (3) tat-Trattat, l-Artikolu 81 (1) tat-Trattat jista' jiġi dikjarat inapplikabbli għall-kategoriji ta' akkordji, deċiżjonijiet u prattiċi miftiehma li jissodisfaw il-kondizzjonijiet previsti fl-Artikolu 81 (3) tat-Trattat.

(3)

Konformement mal-Artikolu 83 tat-Trattat, id-dispożizzjonijiet għall-applikazzjoni tal-Artikolu 81 (3) tat-Trattat għandhom jiġu adottati taħt Regolament jew Direttiva. Konformement mal-Artikolu 83 (2)(b) tat-Trattat, dawn id-disposizzjonijiet għandhom jistabbilixxu regoli dettaljati għall-applikazzjoni tal-Artikolu 81 (3) tat-Trattat, filwaqt li titqies il-ħtieġa li tkun, min-naħa waħda assigurata sorveljanza effettiva u biex, min-naħa l-oħra, ikun simplifikat safejn possibbli l-kontroll amministrattiv. Konformement mal-Artikolu 83 (2)(d) tat-Trattat, jeħtieġ li dawn id-disposizzjonijiet ifissru l-funzjonijiet rispettivi tal-Kummissjoni u tal-Qorti tal-Ġustizzja.

(4)

Is-settur tat-trasport marittimu tal-linja huwa industrija b'intensità tal-kapital. It-trasport bil-containers żied il-bżonn ta' koperazzjoni u razzjonalizzazzjoni. L-industrija marittima kummerċjali tal-Istati Membri teħtieġ li tilħaq l-iskala tal-ekonomiji meħtieġa biex tikkompeti b'suċċess fis-suq dinji tat-trasport marittimu tal-linja.

(5)

L-akkordji ta' servizz konġunt bejn il-kumpaniji marittimi tal-linja bil-għan li jirrazzjonalizzaw l-operazzjonijiet tagħhom permezz ta' arranġamenti tekniċi, operattivi u/jew kummerċjali (deskritti fl-ambjenti marittimi bħala “consortia”) jista' jgħin biex jipprovdi l-mezzi meħtieġa għat-titjib tal-produttività tas-servizzi tat-trasport marittimu tal-linja u jħeġġeġ il-progress tekniku u ekonomiku.

(6)

Wara li jikkunsidraw l-importanza tat-trasport marittimu għall-iżvilupp tal-kummerċ tal-Komunità u l-irwol li l-akkordji tal-consortia jista' jwettaq f'dan ir-rigward, billi jitqiesu l-karatteristiċi speċjali tat-traffiku marittimu internazzjonali tal-linja. Billi l-legalizzazzjoni ta' dawn l-akkordji hija miżura li tista' tagħti kontribut siewi għat-titjib tal-kompetittività fis-settur marittimu tal-Komunità.

(7)

L-utenti tas-servizzi marittimi offruti mill-consortia jistgħu jibbenefikaw minn sehem mill-benefiċċji li jirriżultaw mit-titjib fil-produttività u fis-servizz, notevolment permezz tar-regolarità fis-servizz, tnaqqis fl-ispejjeż li jirriżultaw minn livelli ogħla fl-utilizzazzjoni tal-kapaċità, u kwalità ta' servizz aħjar li tirriżulta minn titjib fil-vapuri u fit-tagħmir.

(8)

Jinħtieġ li l-Kummissjoni tingħata s-setgħa li tiddikjara permezz ta' Regolament li d-disposizzjonijiet tal-Artikolu 81 (1) tat-Trattat ma japplikawx għal ċerti kategoriji ta' akkordji, deċiżjonijiet u prattiċi miftiehma tal-consortia, sabiex ikun aktar faċli għall-impriżi biex jikkoperaw f'modi li huma ekonomikament mixtieqa u mingħajr effetti negattivi mill-aspett tal-politika dwar il-kompetizzjoni. Jinħtieġ li l-Kummissjoni tkun kapaċi, b'koperazzjoni mill-qrib u kostanti mal-awtoritajiet kompetenti tal-Istati Membri, li tiddefinixxi b'mod eżatt il-kamp ta' applikazzjoni ta' dawn l-eżenzjonijiet u l-kondizzjonijiet marbuta magħhom.

(9)

Il-consortia fil-qasam tat-trasport marittimu tal-linja huma tip ta' impriża konġunta speċjalizzata u kumplessa. Hemm varjetà kbira ta' akkordji differenti ta' consortia li joperaw f'ċirkostanzi differenti. Il-kamp ta' applikazzjoni, l-attivitajiet, u l-kondizzjonijiet tal-consortia huma mibdula ta' spiss mill-partijiet għall-akkordju. Jinħtieġ għalhekk li l-Kummissjoni tingħata r-responsabbiltà li tiddefinixxi minn żmien għal żmien il-consortia li għalihom tkun applikabbli l-eżenzjoni ta' grupp.

(10)

Sabiex jiġi żgurat li l-kondizzjonijiet kollha tal-Artikolu 81 (3) tat-Trattat ikunu sodisfatti, il-kondizzjonjiet għandhom ikunu marbuta mal-eżenzjonijiet ta' gruppi biex jiżguraw b'mod partikulari li jkun garantit sehem ġust mill-benefiċċji lill-karigaturi tal-vapuri u li l-kompetizzjoni ma tiġix eliminata,

25.3.2009   

MT

Il-Ġurnal Uffiċjali tal-Unjoni Ewropea

L 79/5

25.3.2009   

MT

Il-Ġurnal Uffiċjali tal-Unjoni Ewropea

L 79/7

(1)

Regolament tal-Kummissjoni (KE) Nru 80/2001 tas-16 ta’ Jannar 2001 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 104/2000 fejn jirrigwarda n-notifiki li jikkonċernaw l-għarfien tal-organizzazzjonijiet tal-produtturi, l-iffissar tal-prezzijiet u l-intervent fi ħdan l-iskop tal-organizzazzjoni komuni tas-suq tal-prodotti tas-sajd u tal-akwakultura (2) ġiet emendata kemm-il darba (3) b'mod sostanzjali. Ladarba għandhom isiru aktar emendi rigward aġġustamenti fil-listi ta’ reġjuni tal-Istati Membri u fil-kodiċi tal-munita li jintużaw għall-finijiet ta’ dan ir-Regolament, għandu jiġi mfassal mill-ġdid fl-interessi taċ-ċarezza.

(2)

Skont l-Artikolu 13(6) tar-Regolament (KE) Nru 104/2000, il-Kummissjoni tippubblika kull sena lista tal-organizzazzjonijiet u l-assoċjazzjonijiet tal-produtturi rikonoxxuti tagħhom l-Istati Membri għandhom għalhekk jagħtuha informazzjoni adegwata.

(3)

Il-Kummissjoni għandha tkun tista' tagħmel monitoraġġ fuq l-attiviatjiet għall-istabilizzazzjoni tal-prezzijiet tal-organizzazzjonijiet tal-produtturi u l-mod li bih japplikaw is-sistemi ta’ kumpens finanzjarju u l-premji għall-carry-over.

(4)

L-arranġamenti Komunitarju għall-intervent skont l-Artikoli 21 sa 26 tar-Regolament (KE) Nru 104/2000 jeħtieġu li tkun disponibbli informazzjoni dwar il-prezzijiet irreġistrati f'reġjuni definiti b'mod ċar f'intervalli regolari.

(5)

Sistema ta’ trasmissjoni elettronika tad-data bejn l-Istati Membri u l-Kummissjoni ġiet introdotta fi ħdan il-qafas tal-politika komuni tas-sajd (sistema FIDES II). Din għandha tintuża għall-iskopijiet tal-ġbir tal-informazzjoni msemmija f'dan ir-Regolament.

(6)

Il-miżuri previsti f'dan ir-Regolament huma skont l-opinjoni tal-Kumitat għall-Ġestjoni tal-Prodotti tas-Sajd,

25.3.2009   

MT

Il-Ġurnal Uffiċjali tal-Unjoni Ewropea

L 79/34

(1)

L-Artikolu 67(3) tar-Regolament (KE) Nru 726/2004 tal-Parlament Ewropew u tal-Kunsill tal-31 ta’ Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u veterinarju u li jistabbilixxi l-Aġenzija Ewropea għall-Mediċini (2), jistipula li d-dħul tal-Aġenzija Ewropea għall-Mediċini (minn hawn “il quddiem ‘l-Aġenzija”) għandu jikkonsisti f’kontribuzzjoni mill-Komunità u fit-tariffi mħallsa minn intrapriżi lill-Aġenzija. Ir-Regolament (KE) Nru 297/95 jistabbilixxi l-kategoriji u l-livelli ta’ dawn it-tariffi.

(2)

L-Artikolu 12 tar-Regolament (KE) Nru 297/95 jistabbilixxi li l-Kummissjoni għandha tirrevedi t-tariffi tal-Aġenzija b’referenza għar-rata tal-inflazzjoni u taġġornahom, b’effett mill-1 ta’ April ta’ kull sena.

(3)

Dawn it-tariffi għalhekk għandhom jiġu aġġornati b’referenza għar-rata ta’ inflazzjoni tal-2008. Ir-rata tal-inflazzjoni fil-Komunità, kif ippubblikata mill-Uffiċċju tal-Istatistika tal-Komunitajiet Ewropej (Eurostat), kienet 3,7 % fl-2008.

(4)

Għal raġunijiet ta’ sempliċità, il-livelli aġġustati tat-tariffi għandhom jiġu aġġustati lejn l-eqreb EUR 100.

(5)

Ir-Regolament (KE) Nru 297/95 għandu għalhekk jiġi emendat kif xieraq.

(6)

Għal raġunijiet ta’ ċertezza legali dan ir-Regolament ma għandux japplika għal applikazzjonijiet validi li huma pendenti fl-1 ta’ April 2009.

(7)

Skont l-Artikolu 12 tar-Regolament (KE) Nru 297/95 l-aġġornament għandu jsir b’effett mill-1 ta’ April 2009. Għalhekk hu xieraq li dan ir-Regolament jidħol fis-seħħ bħala kwistjoni urġenti u japplika minn din id-data,

(1)

L-Artikolu 3 hu emendat kif ġej:

(2)

Fl-Artikolu 4, “EUR 60 600” hi mibdula għal “EUR 62 800”.

(3)

L-Artikolu 5 hu emendat kif ġej:

(4)

Fl-Artikolu 6, “EUR 36 400” hi mibdula għal “EUR 37 700”.

(5)

L-Artikolu 7 hu emendat kif ġej:

(6)

L-Artikolu 8 hu emendat kif ġej:

25.3.2009   

MT

Il-Ġurnal Uffiċjali tal-Unjoni Ewropea

L 79/37

(1)

Fl-isfond tar-riskji finanzjari esterni għolja, is-swieq kapitali u finanzjarji Latvjani kienu riċentement taħt pressjoni, li tirrifletti deterjorament ġenerali fl-atmosfera tas-suq, u tħassib dejjem akbar dwar is-saħħa tal-ekonomija Latvjana minħabba l-iżbilanċi kbar f’termini ta’ defiċit estern wiesa’ u dejn estern kbir ħafna, finanzi pubbliċi dgħajfa u rati għolja ta’ spejjeż u inflazzjoni tal-prezzijiet. Is-settur bankarju Latvjan għadda minn problemi serji ta’ likwidità u fiduċja. Il-livell tar-riservi f’munita barranija naqas hekk kif il-bank ċentrali intervjena biex iżomm il-livell attribwit lill-munita.

(2)

Il-Kunsill b’mod regolari jirrivedi l-politika ekonomika implimentata mil-Latvja, b’mod partikolari fil-kuntesti tal-programm ta’ konverġenza tal-Latvja u tal-Programm ta’ Riforma Nazzjonali, kif ukoll fil-kuntest tar-Rapporti ta’ Konverġenza.

(3)

Il-finanzjamenti esterni totali li l-Latvja għandha bżonn sal-aħħar tal-ewwel tliet xhur tal-2011 huma stmati li jlaħħqu madwar EUR 7,5 biljun.

(4)

L-awtoritajiet Latvjani talbu assistenza finanzjarja sostanzjali mill-UE u minn istituzzjonijiet finanzjarji internazzjonali u pajjiżi oħrajn biex jappoġġaw is-sostenibbiltà tal-bilanċ tal-pagamenti.

(5)

Hemm theddida serja lill-bilanċ tal-pagamenti Latvjan li tiġġustifika l-għoti urġenti ta’ għajnuna reċiproka mill-Komunità flimkien mal-FMI u ma’ kontributuri oħra. Addizzjonalment, fid-dawl tal-urġenza tal-każ, huwa imperattiv li tiġi permessa eċċezzjoni għall-perijodu ta’ sitt ġimgħat imsemmi fil-paragrafu I(3) tal-Protokoll dwar ir-rwol tal-Parlamenti nazzjonali fl-Unjoni Ewropea, anness mat-Trattat fl-Unjoni Ewropea u mat-Trattati li jistabbilixxu l-Komunitajiet Ewropej.

(6)

Il-pakkett ta’ assistenza finanzjarja jiġi provdut suġġett għal impenn qawwi mill-awtoritajiet Latvjani biex jimplimentaw programm ambizjuż ta’ riforma fiskali, ta’ riforma tas-sistema finanzjarja u ta’ riforma strutturali biex ikunu faċilitati l-aġġustamenti interni u esterni neċessarji, biex tiġi stabilizzata l-ekonomija u biex terġa’ tinbena l-kredibbiltà fil-politika ekonomika. Il-Kummissjoni għandha tivverifika b’mod regolari u mill-qrib, f’kollaborazzjoni mal-EFC, li l-kundizzjonijiet ta’ politika ekonomika marbutin mal-għajnuna huma implimentati bis-sħiħ,

25.3.2009   

MT

Il-Ġurnal Uffiċjali tal-Unjoni Ewropea

L 79/39

(1)

Permezz tad-Deċiżjoni 2009/289/KE (2), il-Kunsill iddecieda li għandha tingħata għajnuna reċiproka lil-Latvja.

(2)

Fl-isfond ta’ ħtiġijiet kbar ħafna ta’ finanzjament estern, is-swieq kapitali u finanzjarji Latvjani kienu riċentement taħt pressjoni, li tirrifletti deterjorament ġenerali fl-atmosfera tas-suq, u tħassib dejjem akbar dwar is-saħħa tal-ekonomija Latvjana minħabba l-iżbilanċi kbar f’termini ta’ defiċit estern wiesa’, finanzi pubbliċi dgħajfa u rati għolja ta’ spejjeż u inflazzjoni tal-prezzijiet. Is-settur bankarju Latvjan għadda minn problemi serji ta’ likwidità u fiduċja. Il-livell tar-riservi f’munita barranija naqas hekk kif il-bank ċentrali intervjena biex iżomm il-livell attribwit lill-munita.

(3)

Il-finanzjamenti esterni totali li l-Latvja għandha bżonn sal-aħħar tal-ewwel tliet xhur tal-2011 huma stmati li jlaħħqu madwar EUR 7,5 biljun.

(4)

Jixraq li tingħata għajnuna Komunitarja lil-Latvja ta’ massimu ta’ EUR 3,1 biljun permezz tal-Faċilità li tipprovdi għajnuna finanzjarja għal medda medja ta’ żmien għall-bilanċ tal-pagamenti tal-Istati Membri stabbilita bir-Regolament (KE) Nru 332/2002. Dik l-għajnuna għandha tingħata flimkien ma’ self mill-Fond Monetarju Internazzjonali (FMI) ta’ SDR 1,5 biljun (1 200 % tal-kwota tal-Latvja mill-FMI, madwar EUR 1,7 biljun) taħt arranġament Stand-by tal-FMI approvat fit-23 ta’ Diċembru 2008. Il-pajjiżi Nordiċi (Iżvezja, id-Danimarka, il-Finlandja, l-Estonja u n-Norveġja) għandhom jikkontribwixxu EUR 1,9 biljun flimkien, il-Bank Dinji - EUR 0,4 biljun, il-Bank Ewropew għar-Rikostruzzjoni u l-Iżvilupp, ir-Repubblika Ċeka u l-Polonja - total ta’ EUR 0,4 biljun, għal total ta’ EUR 7,5 biljun matul il-perjodu sal-aħħar tal-ewwel tliet xhur tal-2011.

(5)

L-għajnuna Komunitarja għandha tiġi amministrata mill-Kummissjoni. Il-kundizzjonijiet speċifiċi tal-politika ekonomika miftiehma mal-awtoritajiet tal-Latvja wara konsultazzjoni mal-KEF għadhom ikunu stipulati f’Memorandum ta’ Ftehim. Dawn għandhom fost oħrajn jinkludu miżuri biex jittaffu l-pressjonijijet għal-likwidità immedjata, biex terġa tiddaħħal stabbiltà fuq medda twila ta’ żmien permezz tat-tisħiħ tas-settur bankarju, biex jiġu korretti l-iżbilanċi fiskali u biex tiġi adottata politika domestika li tinvoli l-kompetittività. Il-miżuri għandhom jinkludu konsolidazzjoni immedjata u sostnuta, strateġija għal riżoluzzjoni bankarja komprensiva, it-tisħiħ tal-kapaċità tal-awtoritajiet regolatorji fl-amministrazzjoni tal-kriżi, riformi strutturali komprensivi, kif ukoll miżuri importanti oħra. It-termini finanzjarji dettaljati għandhom jiġu stabbiliti mill-Kummissjoni fil-Ftehim dwar is-Self.

(6)

L-għajnuna għandha tkun provduta bil-għan li jittaffu l-pressjonijijet għal-likwidità immedjata u għandha tkun marbuta ma’ politika biex tinġieb mill-ġdid l-istabbiltà fuq medda twila ta’ żmien bit-tisħiħ tas-settur bankarju, bil-korrezzjoni ta’ żbilanċi fiskali u bl-adozzjoni ta’ politika domestika li ssaħħaħ il-kompetittività filwaqt li żżomm il-limiti stretti tar-rata ta’ skambju fir-rata ċentrali eżistenti,

(a)

l-adozzjoni ta’ programm fiskali ppjanat b’mod ċar fuq medda medja ta’ żmien maħsub biex inaqqas sal-2011 id-defiċit ġenerali tal-gvern għal wieħed mhux akbar mill-livell ta’ referenza tat-Trattat ta’ 3 % tal-PGD;

(b)

l-eżekuzzjoni tal-baġit għall-2009 kif emendata mill-baġit supplimentari adottat fit-12 ta’ Diċembru 2008 (u li għandu jkun preżentat fid-dettall sal-aħħar ta’ Marzu 2009), li jindirizza defiċit ġenerali tal-gvern, ta’ flus kontanti, ta’ mhux aktar minn 5 % tal-PGD jew 5,3 % f’termini ta’ ESA 95;

(ċ)

it-tnaqqis fir-remunerazzjoni medja tas-settur pubbliku f’termini nominali fl-2009 tal-anqas bi 15 % relattivament għall-baġit oriġinali tal-14 ta’ Novembru 2008 u bi 2 % oħra fl-2010-2011;

(d)

it-tkomplija ta’ miżuri mibdija fl-2008 sabiex jitnaqqsu l-impjiegi mal-gvern ċentrali b’mill-anqas 5 % sal-aħħar tal-2008 u bit-tnaqqis totali ta’ 10 % sat-30 ta’ Ġunju 2009;

(e)

it-tisħiħ tat-tfassil u tal-implimentazzjoni tal-proċeduri baġitarji permezz tal-adozzjoni ta’ liġi dwar il-qafas fiskali u r-riforma baġitarja permezz ta’ emenda fil-liġi kurrenti dwar il-Baġit u l-Amministrazzjoni Finanzjarja;

(f)

l-introduzzjoni ta’ sistema ċara u trasparenti tal-pagi għall-impjegati diretti tal-amministrazzjoni pubblika u t-twaqqif ta’ sistema unika għall-ippjanar u l-amministrazzjoni tar-riżorsi umani għall-istituzzjonijiet tal-amministrazzjoni pubblika;

(g)

mekkaniżmi li jiżguraw stabbiltà aktar wiesgħa fis-settur bankarju fil-medda medja sa twila ta’ żmien, inkluża firxa wiesgħa ta miżuri ta’ politika ta’ superviżjoni, prudenti u monetarja. Dawn għandhom jillimitaw it-tkabbir tal-kreditu għal-livelli sotenibbli u jħaffu d-dipendenza fuq finanzjament barrani. Se jsiru wkoll studji fis-sistema bankarja intiżi biex jiżguraw li l-banek kollha għandhom il-likwidità u l-kapital neċessarju;

(h)

miżuri xierqa dwar ir-ristrutturazzjoni tad-dejn tas-settur privat. Il-bażi legali xierqa għar-ristrutturazzjoni tal-maturità u tal-munita tad-dejn eżistenti għandha tkun imsaħħa. Il-faċilitazzjoni tal-proċeduri ta’ likwidazzjoni u l-implimentazzjoni rapida tal-pjanijiet ta’ rijabilitazzjoni għandhom isiru prijoritajiet ukoll;

(i)

l-iżgurar li s-sidien minoritarji ta’ Parex Bank ma jibbenefikawx mir-riżoluzzjoni tal-bank u minn miżuri biex titjieb l-istabbiltà finanzjarja tal-bank, permezz ta’ nazzjonalizzazzjoni sħiħa ta’ Parex Bank;

(j)

miżuri ta’ riforma strutturali appoġġati fil-kuntest tal-Istrateġija ta’ Liżbona u implimentati fil-Programm ta’ Riforma Nazzjonali tal-Latvja, inklużi politika attiva tas-suq tax-xogħol u tat-tagħlim matul il-ħajja, l-involviment akbar tal-atturi tas-settur privat fir-R&Ż u fl-attivitajiet ta’ innovazzjoni, miżuri għall-promozzjoni tal-esportazzjoni u t-tnaqqis ta’ piżijiet amministrattivi żejda għan-negozji;

(k)

l-implimentazzjoni ta’ proġetti ffinanzjati mill-UE fil-livell ippjanat sabiex jgħinu fit-titjib tal-kontribuzzjoni tas-setturi kummerċjali għat-tkabbir ekonomiku;

(l)

miżuri li jsaħħu l-aċċess għall-finanzi għall-kumpaniji u intraprendituri, li l-applikazzjonijiet tagħhom għal Fondi Strutturali kienu approvati, jew li qed jippjanaw biex japplikaw għal Fondi Strutturali.

25.3.2009   

MT

Il-Ġurnal Uffiċjali tal-Unjoni Ewropea

L 79/42

(1)

Skont il-proċedura stipulata fl-Artikolu 19(2), tad-Direttiva 2000/13/KE, l-awtoritajiet Irlandiżi nnotifikaw lill-Kummissjoni fil-25 ta’ Ġunju 2008 b’abbozz ta’ Regolamenti dwar is-Saħħa li jikkonċernaw l-ittikkettjar obbligatorju tal-pajjiż tal-oriġini ta’ laħam tat-tjur, laħam tal-majjal u laħam tal-mogħoż.

(2)

L-abbozz ta’ Regolamenti jeħtieġ li l-laħam kollu tat-tjur, tal-majjal u tal-mogħoż, u l-ikel kollu li fih mill-inqas 70 % f’piż minn dawn il-laħmijiet, ikun jindika l-pajjiż tal-oriġini tagħhom b’tipa ċara li tinqara bl-ilsien Irlandiż u/jew Ingliż. L-“oriġini” hija definita bħala l-pajjiż li fih l-annimal ikun trabba għall-biċċa l-kbira ta’ ħajtu u, f’każ li jkun differenti, il-pajjiż fejn ikun inqatel.

(3)

Id-Direttiva 2000/13/KE tarmonizza r-regoli li jirregolaw l-ittikkettjar tal-prodotti tal-ikel billi tipprevedi, minn naħa, l-armonizzazzjoni ta’ ċerti dispożizzjonijiet nazzjonali u, mill-oħra, l-arranġamenti għal dispożizzjonijiet nazzjonali mhux armonizzati. L-ambitu tal-armonizzazzjoni huwa mfisser fl-Artikolu 3(1), li jelenka l-partikularitajiet li huma obbligatorji fuq l-ittikkettjar tal-prodotti tal-ikel, “skont l-Artikoli 4 sa 17 u soġġetti għall-eċċezzjonijiet li jinsabu fihom”. Barra minn hekk, l-Artikolu 4(2) jistipula li xi partikularitajiet oħra flimkien ma’ dawk elenkati fl-Artikolu 3(1) jistgħu jkunu meħtieġa, fil-każ ta’ prodotti tal-ikel speċifikati, minn dispożizzjonijiet Komunitarji jew, fin-nuqqas tagħhom, minn miżuri nazzjonali.

(4)

L-Artikolu 18(2) tad-Direttiva 2000/13/KE jippermetti l-adozzjoni ta’ dispożizzjonijiet nazzjonali mhux armonizzati jekk ikunu ġġustifikati skont waħda mir-raġunijiet elenkati fih, inklużi inter alia l-prevenzjoni ta’ frodi u l-ħarsien tas-saħħa pubblika, u sakemm ma jkunux ta’ natura tali li jwaqqfu l-applikazzjoni tad-definizzjonijiet u r-regoli stabbiliti mid-Direttiva 2000/13/KE; għaldaqstant meta fi Stat Membru jkun ġie propost abbozz ta’ dispożizzjonijiet nazzjonali tal-ittikkettjar, jinħtieġ li tiġi eżaminata l-kompatibilità tagħhom mar-rekwiżiti msemmija hawn fuq u mad-dispożizzjonijiet tat-Trattat li jistabbilixxi l-Komunità Ewropea.

(5)

Skont l-Artikolu 3(1), il-punt 8, tad-Direttiva 2000/13/KE, l-indikazzjoni tal-post ta’ oriġini jew provenjenza hija obbligatorja “fejn in-nuqqas ta’ dawn il-partikularitajiet jista’ jqarraq lill-konsumatur sa ċertu grad materjali rigward l-oriġini jew il-provenjenza awtentika tal-prodott tal-ikel”. Din id-dispożizzjoni, billi tipprovdi obbligu biex tiġi indikata l-oriġini jew il-provenjenza ta’ prodott tal-ikel fejn indikazzjonijiet oħra fuq it-tikketta ta’ prodott partikolari jistgħu jimplikaw li dan il-prodott ġej minn oriġini differenti, tipprovdi mekkaniżmu xieraq biex wieħed jilqa’ għar-riskju li l-konsumaturi jiġu żgwidati.

(6)

Fil-każ ta’ laħam tat-tjur, laħam tal-majjal u laħam tal-mogħoż, ir-raġunijiet ippreżentati mill-awtoritajiet Irlandiżi ma jippermettux li jiġi konkluż li l-konsumaturi Irlandiżi jistgħu, bħala regola ġenerali, jaħsbu b’mod żbaljat li l-prodotti kkonċernati ġejjin minn ċertu post.

(7)

L-Irlanda ma pprovdiet l-ebda evidenza li l-abbozzi ta’ Regolamenti huma neċessarji biex jintlaħaq wieħed mill-objettivi tal-Artikolu 18 imsemmi hawn fuq jew li l-ostaklu hekk maħluq huwa proporzjonat. Din issemmi biss l-għan li l-konsumaturi jkunu mgħarrfa dwar l-oriġini tal-prodotti kkonċernati. Din ir-raġuni waħidha mhijiex biżżejjed biex tiġġustifika l-abbozz ta’ Regolamenti.

(8)

Fid-dawl ta’ dawn l-osservazzjonijiet, il-Kummissjoni ressqet opinjoni negattiva skont l-Artikolu 19, it-tielet paragrafu tad-Direttiva 2000/13/KE.

(9)

L-awtoritajiet Irlandiżi għandhom, għaldaqstant, jintalbu li ma jadottawx l-abbozzi ta’ Regolamenti kkonċernati.

(10)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali,

25.3.2009   

MT

Il-Ġurnal Uffiċjali tal-Unjoni Ewropea

L 79/44

(1)

Id-Deċiżjoni tal-Kummissjoni 1999/177/KE tat-8 ta’ Frar 1999 li tistabbilixxi l-kundizzjonijiet għal deroga għall-kaxex tal-plastik u l-paliti tal-plastik fejn għandhom x’jaqsmu l-livelli ta’ konċentrazzjoni tal-metalli tqal stabbiliti fid-Direttiva 94/62/KE dwar l-imballaġġ u l-iskart mill-imballaġġ (2) skadiet fid-9 ta’ Frar 2009.

(2)

Fid-data tal-iskadenza tad-Deċiżjoni 1999/177/KE, ammont konsiderevoli ta’ kaxex u paliti tal-plastik li kien fihom livell ta’ konċentrazzjoni tal-metalli tqal li jaqbeż dak provdut fid-Direttiva 94/62/KE kienu għadhom fis-suq. Meta wieħed jikkunsidra n-nuqqas ta’ kapaċità tal-industrija biex dawn il-kaxex u l-paliti jinbidlu, hemm riskju għoli li dawn il-kaxex u l-paliti jintremew f’miżbliet jew jiġu inċenerati. Iż-żewġ soluzzjonijiet ikollhom impatti ta’ ħsara fuq is-saħħa u l-ambjent.

(3)

Id-Direttiva 94/62/KE għandha l-għan li tillimita l-preżenza ta’ metalli tqal fl-imballaġġ kif ukoll li tipprovdi livell għoli ta’ protezzjoni ambjentali li jinkludi l-użu mill-ġdid u r-riċiklaġġ.

(4)

Sabiex l-industrija tingħata ż-żmien biex tibdel dawk il-kaxex u l-paliti tal-plastik bl-użu tal-aqwa tekniki disponibbli, ikun xieraq li jiġu adottati kundizzjonijiet għal deroga marbuta ma’ dawn il-kaxex u paliti li huma f’ċirkwiti tal-prodotti f’katina magħluqa u kkontrollata. Ir-rapporti xjentifiċi mressqa lill-Kummissjoni jirrakkomandaw li t-tali deroga għandha tingħata.

(5)

Peress li l-Kummissjoni għandha l-intenzjoni li tirrevedi l-funzjonalità tas-sistema kif hemm provdut f’din id-Deċiżjoni u l-progress li sar fit-tneħħija gradwali tal-kaxex u l-paliti tal-plastik li jkun fihom metalli tqal wara ħames snin, hemm il-ħtieġa li l-Istati Membri jippreżentaw l-informazzjoni rilevanti. Sabiex il-piż amministrattiv attwali ma jiżdiedx bl-impożizzjoni ta’ obbligu ta’ rappurtar speċifiku fuq l-Istati Membri, ikun biżżejjed li tali informazzjoni tiġi inkluża fir-rapporti li għandhom jiġu ppreżentati lill-Kummissjoni skont l-Artikolu 17 tad-Direttiva 94/62/KE.

(6)

Għal aktar ċarezza legali, din id-Deċiżjoni għandha tapplika b’effett mid-data wara l-iskadenza tad-Deċiżjoni 1999/177/KE sabiex jiġi evitat kull effett negattiv possibbli li jista’ jirriżulta mill-iskadenza.

(7)

Il-miżuri pprovduti f’din id-Deċiżjoni huma skont l-opinjoni tal-Kumitat stabbilit skont l-Artikolu 21 tad-Direttiva 94/62/KE,

(1)

“metalli tqal” tfisser ċomb, kadmju, merkurju u kromju eżavalenti;

(2)

“introduzzjoni intenzjonata ta’ metalli tqal” tfisser l-att tal-użu deliberat ta’ sustanza li jkun fiha metalli tqal fil-formulazzjoni tal-imballaġġ jew f’komponent tal-imballaġġ fejn il-preżenza kontinwa tagħha tkun mixtieqa fl-imballaġġ jew fil-komponent tal-imballaġġ finali sabiex tipprovdi karatteristika, dehra jew kwalità speċifika;

(3)

“preżenza inċidentali ta’ metalli tqal” tfisser il-preżenza ta’ metalli tqal bħala ingredjent mhux intenzjonat tal-imballaġġ jew komponent tal-imballaġġ.

25.3.2009   

MT

Il-Ġurnal Uffiċjali tal-Unjoni Ewropea

L 79/47

(1)

Fit-2 ta’ Ġunju 2008, il-Kunsill tas-Sigurtà tan-Nazzjonijiet Uniti (KSNU) adotta r-Riżoluzzjoni 1816 (2008) li titlob lill-Istati kollha sabiex jikkoperaw fid-determinazzjoni tal-ġurisdizzjoni, u fl-investigazzjoni u l-prosekuzzjoni ta’ persuni responsabbli għall-atti ta’ piraterija u ta’ serq bl-użu tal-armi fil-baħar ‘il barra mix-xtut tas-Somalja. Dawk id-dispożizzjonijiet ġew riaffermati bir-Riżoluzzjoni 1846 (2008) tal-KSNU, adottata fit-2 ta’ Diċembru 2008.

(2)

Fl-10 ta’ Novembru 2008, il-Kunsill adotta l-Azzjoni Konġunta 2008/851/PESK dwar l-operazzjoni militari tal-Unjoni Ewropea bil-ħsieb ta’ kontribut għad-deterrenza, il-prevenzjoni u t-trażżin tal-atti ta’ piraterija u ta’ serq bl-użu tal-armi ‘l barra mix-xtut tas-Somalja (1) (operazzjoni “Atalanta”).

(3)

L-Azzjoni Konġunta tipprevedi li persuni li kkommettew, jew li huma suspettati li kkommettew atti ta’ piraterija, jew serq bl-użu tal-armi fl-ilmijiet territorjali tas-Somalja, li huma arrestati u miżmuma, bil-ħsieb tal-prosekuzzjoni tagħhom, u l-proprjetà użata sabiex jitwettqu tali atti, jistgħu jiġu trasferiti fi Stat terz li jixtieq jeżerċita l-ġurisdizzjoni tiegħu fuq il-persuni u l-proprjetà imsemmijin hawn fuq, previst li l-kondizzjonijiet għat-trasferiment kienu nqablu ma’ dak l-Istat terz b'mod konsistenti mad-dritt internazzjonali rilevanti, jiġifieri d-dritt internazzjonali dwar id-drittijiet tal-bniedem sabiex jiġi garantit partikolarment li ħadd ma jkun suġġett għall-piena tal-mewt, għal tortura jew għal kwalunkwe trattament kiefer, inuman jew degradanti.

(4)

Konformement mal-Artikolu 24 tat-Trattat, il-Presidenza, megħjuna mill-Segretarju Ġenerali/Rappreżentant Għoli (SG/RGħ), innegozjat Skambju ta’ Ittri bejn l-Unjoni Ewropea u l-Gvern tal-Kenja dwar il-kondizzjonijiet u l-modalitajiet tat-trasferiment ta’ persuni suspettati li kkommettew atti ta’ piraterija u li nżammu mill-Forzi Navali mmexxija mill-Unjoni Ewropea (EUNAVFOR), u proprjetà maqbuda fil-pussess tal-EUNAVFOR, mill-EUNAVFOR lill-Kenja u għat-trattament tagħhom wara tali trasferiment.

(5)

L-Iskambju ta’ Ittri għandu jiġi approvat,