14.2.2009   

MT

Il-Ġurnal Uffiċjali tal-Unjoni Ewropea

L 45/1

(1)

L-Artikolu 12 tar-Regolament (KE) Nru 881/2004 tal-Parlament Ewropew u tal-Kunsill (2) jeħtieġ li l-Aġenzija Ewropea tal-Ferroviji (minn hawn 'il quddiem “l-Aġenzija”) għandha tiżgura illi l-ispeċifikazzjonijiet tekniċi għall-interoperabilità (“TSIs”) jiġu addattati għall-progress tekniku u x-xejriet tas-suq u għall-ħtiġijiet soċjali u tipproponi lill-Kummissjoni l-emendi għat-TSIs li tikkunsidra meħtieġa.

(2)

Bid-Deċiżjoni C(2007)3371 tat-13 ta' Lulju 2007, il-Kummissjoni tat mandat ta' qafas lill-Aġenzija biex twettaq ċerti attivitajiet taħt id-Direttiva tal-Kunsill 96/48/KE tat-23 ta' Lulju 1996 fuq l-interoperabilità tas-sistema ferrovjarja trans-Ewropea (3) u d-Direttiva 2001/16/KE tal-Parlament Ewropew u tal-Kunsill tad-19 ta' Marzu 2001 dwar l-interoperabbiltà tas-sistema ferrovjarja konvenzjonali trans-Ewropea (4). Skont it-termini ta' dan il-mandat ta' qafas, l-Aġenzija ntalbet twettaq ir-reviżjoni tat-TSI Rolling Stock – Freight wagon, adottata mid-Deċiżjoni tal-Kummissjoni 2006/861/KE tat-28 ta' Lulju 2006 dwar l-ispeċifikazzjonijiet tekniċi tal-interoperabilità marbuta mas-sottosistema tal-vettura ferrovjarja [dokument mhux disponibbli bil-Malti] (5), kif ukoll biex tipprovdi opinjonijiet tekniċi dwar żbalji kritiċi u tippubblika lista ta' żbalji minuri nnutati.

(3)

Id-dħul fis-seħħ tal-Konvenzjoni l-ġdida dwar it-Trasport Internazzjonali bil-Ferrovija (COTIF) tal-1999 fl-1 ta' Lulju 2006 daħħal regoli ġodda li jirregolaw l-ispeċifikazzjonijiet tekniċi applikabbli għall-vaguni. Il-Ftehim RIV li kien hemm qabel bejn l-impriżi ferrovjarji ġie parzjalment sostitwit minn ftehim ġdid privat u volontarju, il-Kuntratt Ġenerali tal-Użu (General Contract of Use) (GCU) (6) bejn l-impriżi ferrovjarji u s-sidien tal-vaguni, kif ukoll mid-Deċiżjoni 2006/81/KE.

(4)

Filwaqt li l-vaguni rreġistrati taħt il-ftehim RIV ħtieġu biss awtorizzazzjoni waħda mill-Impriza Ferrovjarja reġistranti, id-Direttiva 2001/16/KE ħtieġet awtorizzazzjoni għal kull Stat Membru. Din il-problema ġiet proviżorjament solvuta mit-taqsima 7.6 tal-Annnes għad-Deċiżjoni 2006/81/KE li tipprovdi li darba li ċ-ċertifikazzjoni tas-sikurezza jew l-awtorizzazzjoni għat-tqegħid fis-servizz jingħataw għall-vaġuni fi grupp fi Stat Membru wieħed, iċ-ċertifikazzjoni jew l-awtorizzazzjoni trid tkun rikonoxxuta reċiprokament mill-Istati Membri kollha sabiex tiġi evitata d-duplikazzjoni tal-verifiki tas-sikurezza u tal-interoperabilità mill-Awtoritajiet tas-Sikurezza. Tipprovdi wkoll li safejn id-Deċiżjoni 2006/861/KE fiha punti miftuħa, l-awtorizzazzjonijiet għas-servizz se jiġu reċiprokament aċċettati, ħlief kif indikat fl-Anness JJ għal dik id-Deċiżjoni. Madankollu, safejn l-Anness JJ ma jidentifikax b'mod ċar il-kundizzjonijiet li taħthom awtorizzazzjoni għat-tqegħid fis-servizz ta' vagun fi Stat Membru wieħed għandha tiġi rikonoxxuta reċiprokament fi Stati Membri oħra, l-applikazzjoni tat-taqsima 7.6 tal-Anness għad-Deċiżjoni 2006/861/KE wasslet għal interpretazzjonijiet li jvarjaw. Dan irriżulta f'inċertezza ġuridika u diffikultajiet għall-industrija li sejħet għal azzjoni immedjata mill-Kummissjoni.

(5)

Il-problema issa tista' tiġi solvuta billi l-Artikolu 23(1) tad-Direttiva 2008/57/KE jipprovdi li vetturi li jkunu konformi b'mod sħiħ mat-TSIs li jkopru l-aspetti kollha tas-sotto-sistemi rilevanti mingħajr każijiet speċifiċi u mingħajr kwistjonijiet pendenti marbuta strettament mal-kompatibilità teknika bejn il-vettura u n-netwerk, m'għandhomx ikunu suġġetti għal awtorizzazzjoni addizzjonali għat-tqegħid fis-servizz, sakemm jaħdmu fuq netwerks konformi mat-TSIs fl-Istati Membri l-oħra jew bil-kundizzjonijiet speċifikati fit-TSIs korrispondenti.

(6)

Id-Deċiżjoni 2006/861/KE fiha għadd ta' punti miftuħa u żbalji tekniċi. Filwaqt li r-Regoli Tekniċi Nazzjonali jistgħu japplikaw sabiex jikkonformaw mar-rekwiżiti essenzjali marbuta mal-punti miftuħa, mhemmx ċertezza ġuridika li dawn is-soluzzjonijiet nazzjonali jiġu aċċettati minn Stati Membri oħra. Barra minn hekk, skont l-Artikolu 7 tad-Direttiva 2008/57/KE, il-proċedura x-xierqa fil-każ ta' żbalji kbar jew kritiċi hija li l-ispeċifikazzjonijiet TSi rilevanti jiġu emendati minnufih.

(7)

Sabiex terġa' tiddaħħal l-interoperabilità sħiħa tal-vaguni tal-merkanzija għat-trasport internazzjonali, hija meħtieġa reviżjoni immedjata tad-Deċiżjoni 2006/861/KE sabiex jiġu ċċarati l-kundizzjonijiet li taħthom awtorizzazzjoni għat-tqegħid fis-servizz ta' vagun konformi mat-TSI għandha tkun valida fl-Istati Membri l-oħra kollha.

(8)

Il-vaguni li ġew awtorizzati jitqiegħdu fis-servizz skont l-Artikolu 22(1) tad-Direttiva 2008/57/KE u li huma pprovduti b'awtorizzazzjoni valida fl-Istati Membri kollha skont l-Artikolu 23(1) tad-Direttiva 2008/57/KE għandhom ikunu mmarkati b'marki alfabetiċi li jkunu ċari u li jintgħarfu faċilment. Jeħtieġ għalhekk li jiġi emendat l-Anness P. 5 għat-TSI marbut mas-sottosistema Operazzjoni u Ġestjoni tat-Traffiku tas-sistema ferrovjarja konvenzjonali trans-Ewropea adottata taħt id-Deċiżjoni tal-Kummissjoni 2006/920/KE (7).

(9)

Id-Deċiżjonijiet 2006/861/KE u 2006/920/KE għandhom għalhekk jiġu emendati skont dan.

(10)

Il-miżuri pprovduti f'dan ir-Regolament huma fi qbil mal-opinjoni tal-Kumitat stabbilit skont l-Artikolu 29(1) tad-Direttiva 2008/57/KE,

(a)

L-Artikolu segwenti qed jiġi miżjud:

“Artikolu 1a

Dokumenti Tekniċi

1.   L-Aġenzija Ewropew tal-Ferroviji (ERA) għandha tippubblika fuq il-websajt tagħha l-kontenut tal-Anness LL bħala Dokument Tekniku tal-ERA.

2.   L-ERA għandha tippubblika fuq il-websajt tagħha l-lista tal-brake-blocks ta' materjal kompost approvati bis-sħiħ għat-trasport internazzjonali msemmija fl-Annessi P u JJ bħala Dokument Tekniku tal-ERA.

3.   L-Aġenzija għandha tippubblika fuq il-websajt tagħha l-ispeċifikazzjonijiet addizzjonali marbuta mad-draw gear imsemmi fl-Anness JJ bħala Dokument Tekniku tal-ERA.

4.   Il-Kummissjoni għandha żżomm aġġornati d-Dokumenti Tekniċi msemmija fil-paragrafi 1 sa 3 u tgħarraf lill-Kummissjoni b'kull verżjoni riveduta. Il-Kummissjoni għandha tgħarraf lill-Istati Membri permezz tal-Kumitat stabbilit skont l-Artikolu 29 tad-Direttiva 2008/57/KE. Jekk il-Kummissjoni jew Stat Membru jqisu li Dokument Tekniku ma jilħaqx ir-rekwiżiti tad-Direttiva 2008/57/KE jew ta' kwalunkwe leġiżlazzjoni Komunitarja oħra, il-kwistjoni tiġi diskussa fil-Kumitat. Abbażi tad-deliberazzjonijiet tal-Kumitat u fuq talba tal-Kummissjoni, id-Dokumenti Tekniċi għandhom jiġu rtirati jew immodifikati mill-Aġenzija.”

(b)

L-Annessi huma emendati kif stipulat fl-Anness I.

14.2.2009   

MT

Il-Ġurnal Uffiċjali tal-Unjoni Ewropea

L 45/17

1.

2.

3.

4.

5.

6.

7.

8.

9.

10.

Anness 1 –

Anness 2 –

Anness 3 –

Anness 4 –

Anness 5 –

Anness 6 –

Anness 7 –

2.1.

“Vettura elettrika tat-triq mħaddma b’batterija” tfisser vettura bil-bini tal-bodi tagħha intenzjonat għall-użu fit-triq, imħaddma esklussivament minn mutur elettriku li l-enerġija tal-ġbid tiegħu tkun ġejja minn batterija ta’ trazzjoni installata fil-vettura.

2.2.

“Tip ta’ vettura” tfisser vetturi elettriċi tat-triq mħaddma b’batterija li mhumiex differenti f’aspetti essenzjali bħal:

2.3.

“Approvazzjoni tat-tip ta’ vettura elettrika tat-triq mħaddma b’batterija” tfisser l-approvazzjoni tat-tip ta’ vettura elettrika f’dak li għandu x’jaqsam mal-kostruzzjoni u mar-rekwiżiti funzjonali għas-sigurtà speċifikament għall-użu ta’ enerġija elettrika.

2.4.

“Batterija ta’ trazzjoni” tfisser it-tgħaqqid tal-moduli tal-batterija kollha li huma konnessi elettrikament, għall-provvista ta’ enerġija għaċ-ċirkwit tat-tħaddim.

2.5.

“Modulu tal-batterija” tfisser l-iżgħar ħażna individwali ta’ enerġija magħmula minn ċellula waħda jew minn grupp ta’ ċelluli, konnessi elettrikament f’serje jew b’mod parallel, imqiegħda f’kontenitur u konnessi b’mod mekkaniku.

2.6.

“Sett ta’ batteriji” tfisser grupp mekkaniku individwali li jinkludi moduli ta’ batteriji u oqfsa jew trejs għaż-żamma tagħhom. Il-vettura jista’ jkollha sett wieħed, diversi settijiet jew ma jkollhiex sett ta’ batteriji.

2.7.

“Batterija awżiljarja” tfisser l-unità ta’ batteriji, li r-riserva ta’ enerġija tagħha tintuża biss għall-forniment tan-netwerk awżiljarju.

2.8.

“Netwerk awżiljarju” jfisser il-grupp ta’ tagħmir elettriku awżiljarju b’funzjonijiet simili għal dak użat f’vetturi mgħammra b’magna tal-kombustjoni interna.

2.9.

“Tagħmir għall-iċċarġjar fuq il-vettura” tfisser konvertitur elettroniku tal-enerġija konness permezz tal-kostruzzjoni tiegħu fuq il-vettura u użat għall-iċċarġjar tal-batterija tal-ġibda minn provvista esterna ta’ elettriċità (network tal-kurrenti elettriċi).

2.10.

“Sistema ta’ kapling” tfisser il-partijiet kollha użati biex il-vettura tiġi konnessa ma’ provvista esterna ta’ elettriċità (provvista ta’ kurrrenti li jalternaw jew kurrenti diretti).

2.11.

“Power train” tfisser iċ-ċirkwit elettriku li jinkludi:

2.12.

“Drive train” tfisser komponenti speċifiċi tal-power train: muturi tal-forza tal-ġbid, kontroll elettroniku tal-muturi tal-forza tal-ġbid, it-tagħmir għall-irbit ta’ wajers u konnetturi għalihom.

2.13.

“Konvertitur elettroniku” tfisser apparat li jippermetti l-kontroll u/jew it-trasferiment ta’ enerġija elettrika.

2.14.

“Kompartamenti għall-passiġġieri u għal tagħbijiet” tfisser l-ispazju fil-vettura għall-akkomodazzjoni tal-okkupant u limitat mis-saqaf, l-art, il-ġnub, ħġieġ ta’ barra, id-diviżjoni ta’ quddiem u l-wiċċ tas-sistema għaż-żamma tas-sedili ta’ wara u għalhekk il-partizzjoni bejnha u bejn il-kompartament(i) li fihom il-batterija jew il-moduli tal-batterija.

2.15.

“Unità għall-kontroll tad-direzzjoni tas-sewqan” tfisser tagħmir speċifiku fiżikament attivat mix-xufier sabiex tiġi magħżula d-direzzjoni tas-sewqan ('il quddiem jew lura), li l-vettura s-suq lejha jekk jiġi azzjonat l-aċċeleratur.

2.16.

“Kuntatt dirett” tfisser il-kuntatt ta’ persuni jew bhejjem ma’ partijiet li għaddej l-elettriku minnhom.

2.17.

“Partijiet li għaddej l-elettriku minnhom” tfisser kull konduttur jew parti(jiet) konduttiva/i intenzjonati li jimtlew b’enerġija permezz tal-elettriċità waqt l-użu normali tagħhom.

2.18.

“Kuntatt indirett” tfisser il-kuntatt ta’ persuni jew bhejjem ma’ partijiet konduttivi esposti.

2.19.

“Partijiet konduttivi esposti” tfisser kull parti konduttiva li tista’ tintmess u li normalment ma tkunx iċċarġjata, iżda li tista’ tiġi ċċarġjata f’każ ta’ difett.

2.20.

“Ċirkwit elettriku” jfisser grupp ta’ partijiet li għaddej l-elettriku minnhom konnessi, disinjati biex jgħaddi kurrent elettriku minnhom waqt it-tħaddim tagħhom f’kundizzjonijiet normali;

2.21.

“Il-modalità li tippermetti sewqan attiv” tfisser il-modalità ta’ vettura meta tiġi applikata pressjoni fuq il-pedala tal-aċċeleratur (jew l-attivazzjoni ta’ kontroll ekwivalenti) li iġġiegħel lid-drive train iċaqlaq il-vettura.

2.22.

“Vultaġġ nominali” tfisser l-għerq kwadrat tal-medja tal-valur tal-vultaġġ speċifikat mill-produttur, u li għalih ikun ġie ddisinjat iċ-ċirkwit elettriku u l-karatteristiċi tiegħu li għalihom qed issir referenza;

2.23.

“Il-vultaġġ imħaddem” tfisser l-ogħla għerq kwadrat tal-medju tal-valur tal-vultaġġ ta’ ċirkwit elettriku, kif speċifikat mill-produttur, li jista’ jitfaċċa f’kull tip ta’ iżolament fil-kundizzjonijiet ta’ ċirkwit miftuħa jew taħt il-kundizzjonijiet normali għat-tħaddim.

2.24.

“Xażi elettriku” tfisser sett magħmul minn partijiet konduttivi elettrikament konnessi, u l-partijiet konduttivi l-oħra kollha elettrikament konnessi magħhom, li l-potenzjal tagħhom jitqies bħala referenza.

2.25.

“Ċavetta” tfisser kull tagħmir iddisinjat u magħmul biex jipprovdi metodu għall-operat ta’ sistemi li jsakkru li huma ddisinjati u magħmula biex jiġu mħaddma biss b’dak it-tagħmir.

3.1.

L-applikazzjoni għall-approvazzjoni ta’ tip ta’ vettura f’dak li għandu x’jaqsam mar-rekwiżiti speċifiċi għall-kostruzzjoni u mas-sigurtà waqt il-funzjoni ta’ vetturi elettriċi tat-triq imħaddma b’batterija għandhom jiġu sottomessi mill-produttur tal-vettura jew minn rappreżentant mogħti l-kredenzjali minnu.

3.2.

Flimkien magħha għandu jkun hemm tliet kopji tad-dokumenti msemmija hawn taħt u id-dettalji li ġejjin:

3.2.1.

Deskrizzjoni dettaljata tat-tip ta’ vettura elettrika tat-triq imħaddma b’batterija f’dak li għandu x’jaqsam mal-forma tal-bodi, mad-drive train elettriku (muturi u kontrollaturi), mal-batterija tal-ġibda (tip, kapaċità, ġestjoni tal-batterija).

3.3.

Għandha tiġi sottomessa lis-servizz tekniku responsabbli mit-tmexxija tat-testijiet għall-approvazzjoni vettura li tirrappreżenta t-tip ta’ vettura li għandu jiġi approvat.

3.4.

L-awtorità kompetenti għandha tivverifika l-eżistenza ta’ arranġamenti sodisfaċenti biex tiżgura l-kontroll effettiv tal-konformità tal-produzzjoni qabel ma tingħata l-approvazzjoni għat-tip ta’ vettura.

4.1.

Jekk il-vettura sottomessa għall-approvazzjoni skont dan ir-Regolament tissodisfa r-rekwiżiti tal-paragrafu 5 t’hawn taħt u tal-annessi 3, 4, 5 u 7 ta’ dan ir-Regolament, l-approvazzjoni ta’ din it-tip ta’ vettura għandha tingħata.

4.2.

Għandu jiġi assenjat numru tal-approvazzjoni lil kull tip approvat. L-ewwel żewġ numri tiegħu (preżentament 00 għar-Regolament fil-forma oriġinali tiegħu) għandhom jindikaw is-serje ta’ emendi li jinkorporaw l-aktar emendi tekniċi reċenti li saru fir-Regolament fiż-żmien tal-ħruġ tal-approvazzjoni. L-istess Parti li tikkuntratta m’għandhiex tassenja l-istess numru lil tip ieħor ta’ vettura.

4.3.

Notifika tal-approvazzjoni jew tar-rifjut jew tal-estensjoni jew tar-revoka tal-approvazzjoni jew tal-produzzjoni definittivament imwaqqfa tat-tip ta’ vettura skont dan ir-Regolament għandha tiġi komunikata lill-Partijiet tal-Ftehim li japplikaw dan ir-Regolament, permezz ta’ formola konformi mal-mudell fl-anness 1 ta’ dan ir-Regolament.

4.4.

Fuq kull vettura konformi ma’ tip ta’ vettura approvat skont dan ir-Regolament għandha tiġi mwaħħla marka tal-approvazzjoni internazzjonali b’mod kospikwu u f’post fejn jintlaħaq malajr speċifikat fuq il-formola tal-approvazzjoni, liema marka hija magħmula minn:

4.4.1.

Ċirku madwar l-ittra “E” bin-numru li jiddentifika l-pajjiż minn fejn ġiet mogħtija l-approvazzjoni warajh (1).

4.4.2.

In-numru ta’ dan ir-Regolament, warajh l-ittra “R”, sing u n-numru tal-approvazzjoni fuq in-naħa tal-lemin taċ-ċirku deskritt fil-paragrafu 4.4.1.

4.5.

Jekk il-vettura tkun konformi mat-tip ta’ vettura approvata skont wieħed jew aktar mir-Regolamenti annessi ma’ dan il-Ftehim fil-pajjiż fejn tkun ingħatat l-approvazzjoni skont dan ir-Regolament, is-simbolu preskritt fil-paragrafu 4.4.1 m’għandux għalfejn jiġi ripetut; f’dan il-każ ir-Regolament u numri tal-approvazzjoni u s-simboli addizzjonali tar-Regolamenti kollha li skont huma ngħatat l-approvazzjoni fil-pajjiż li ta l-approvazzjoni skont dan ir-Regolament għandhom jitqiegħdu f’kolonni vertikali fuq in-naħa tal-lemin tas-simbolu preskritt fil-paragrafu 4.4.1.

4.6.

Il-marka tal-approvazzjoni għandha tkun tinqara b’mod ċar u ma tkunx tista’ titħassar.

4.7.

Il-marka tal-approvazzjoni għandha titqiegħed fuq jew qrib tal-plakka li turi d-dejta dwar il-vettura mwaħla mill-produttur.

4.8.

L-anness 2 ta’ dan ir-Regolament jagħti eżempji tal-arranġamenti tal-marka tal-approvazzjoni.

5.1.

Rekwiżiti għall-kostruzzjoni tal-vettura

5.1.1.

Batterija tal-ġibda

5.1.1.1.

L-installazzjoni tal-batterija tal-ġibda fil-vettura m’għandhiex tippermetti akkumulazzjoni potenzjali ta’ irqajja’ vojta fil-gass li jistgħu jkunu perikolużi.

5.1.1.2.

Kumpartimenti tal-batterija li fihom moduli tal-batterija li jistgħu jipproduċu gassijiet perikolużi għandu jkollhom ventilazzjoni għas-sigurtà.

5.1.1.3.

Il-batterija tal-ġibda u l-power train għandhom jkunu protetti permezz ta’ fjusis fi gradi appropjati jew circuit breakers. Il-produttur għandu jforni dejta lil-laboratorju li tippermetti li jiġi verifikat, jekk ikun meħtieġ, li l-kalibrazzjoni tagħhom tiggarantixxi l-ftuħ;

5.1.2.

Protezzjoni minn xokkijiet elettriċi

5.1.2.1.

Protezzjoni minn kuntatt dirett ma’ partijiet li għaddej kurrent elettriku minnhom tal-power train:

5.1.2.1.1.

Jekk il-vultaġġ imħaddem taċ-ċirkwit elettriku huwa inqas minn 60 volt DC jew 25 volt AC, l-ebda rekwiżiti m’huma meħtieġa;

5.1.2.1.2.

Kuntatt dirett ma’ partijiet li għaddej kurrent elettriku minnhom tal-power train li l-vultaġġ massimu tagħhom huwa mill-inqas 60 volt DC u 25 volt AC għandu jiġi impedit jew permezz ta’ iżolament jew bl-użu ta’ għata, grilji protettivi, fuljetti tal-metall imtaqqba eċċ. Dawn is-sistemi ta’ protezzjoni għandhom jkunu ssiġillati b’mod kredibbli u għandhom jkunu mekkanikament reżistenti. Huma ma għandhomx ikunu jistgħu jiġu miftuħa, żarmati jew imneħħija mingħajr l-użu ta’ għodda.

5.1.2.1.3.

F’kumpartimenti tal-passiġġeri jew ta’ tagħbijiet, partijiet li għaddej kurrent elettriku minhomm għandhom jkollhom protezzjoni f’kull każ permezz ta’ sistemi ta’ għeluq li għandhom grad ta’ protezzjoni ta’ mill-inqas IPXXD.

5.1.2.1.4.

Sistemi ta’ għeluq f’żoni oħra tal-vettura għandu jkollhom grad ta’ protezzjoni ta’ mill-inqas IPXXB.

5.1.2.1.5.

Fil-kumpartiment tal-magni l-aċċess għal partijiet li għaddej kurrent elettriku minnhom għandu jkun possibbli biss permezz ta’ azzjoni volontarja.

5.1.2.1.6.

Wara l-ftuħ tal-għata, l-aċċess għal partijiet tas-sistema tal-akkopjar għandu jkun protett permezz ta’ protezzjoni IPXXB.

5.1.2.1.7.

Il-gradi ta’ protezzjoni IPXXB u IPXXD huma relatati rispettivament mal-kuntatt ta’ jointed test finger u wajer tal-ittestjar b’partijiet perikolużi (anness 3).

5.1.2.1.8.

Immarkar fuq il-vettura

L-għata għall-protezzjoni ta’ partijiet li għaddej kurrent elettriku minnhom deskritti fil-paragrafu 5.1.2.1.2 għandhom jiġu mmarkati b’simbolu kif deskritt fl-anness 5.

5.1.2.2.

Protezzjoni minn kuntatti indiretti ma’ partijiet konduttivi tal-power train.

5.1.2.2.1.

Jekk il-vultaġġ imħaddem taċ-ċirkwit elettriku huwa inqas minn 60 volt DC jew 25 volt AC, l-ebda rekwiżiti m’huma meħtieġa;

5.1.2.2.2.

Id-disinn, l-installazzjoni u l-manifattura tal-materjal elettriku għandhom ikunu b’tali mod li difetti fl-iżolament jiġu evitati;

5.1.2.2.3.

Protezzjoni minn kuntatti indiretti għandha tiġi garantita bl-użu ta’ iżolament u barra dan il-partijiet konduttivi esposti tat-tagħmir fuq il-vettura għandhom jiġu konnessi galvanikament. Dan it-tibdil potenzjali f’daqqa fil-kurrent jista’ isir tajjeb għalih billi l-partijiet konduttivi esposti jiġu konnessi jew permezz ta’ kunduttur protettiv, pereżempju wajer, ground truss, jew billi jiġu konnessi direttament permezz tax-xasijiet mettalliċi tal-vettura. Żewġ partijiet konduttivi esposti iwweldjati flimkien huma kkunsidrati li m’għandhomx punti fejn titwaqqaf il-kontinwità. Jekk ikun hemm xi twaqqif fil-kontinwità, dan il-punt għandu jiġi evitat permezz ta’ sistema li tagħmel tajjeb għal tibdil f’daqqa fil-kurrent.

5.1.2.3.

Reżistenza tal-iżolament

5.1.2.3.1.

Il-kejl tar-reżistenza tal-iżolament isir wara li l-vettura tinżamm għal ħin ta’ 8 siegħat għad-determinazzjoni bil-kundizzjonijiet li ġejjin:

5.1.2.3.2.

Jekk jintuża vultaġġ DC għall-kejl ugwali għall-vultaġġ nominali tal-batterija tal-ġibda, ir-reżistenzi ta’ iżolament bejn kull parti konduttiva esposta u kull waħda mill-polaritrajiet tal-batterija għandu jkollhom valur minimu ta’ 500 Ω/V tal-vultaġġ nominali (l-anness 4 fih eżempju ta’ kif dan it-test jista’ isir).

5.1.2.3.3.

Reżistenza tal-kunduttur protettiv:

Ir-reżistenza potenzjali f’sistema li tagħmel tajjeb għal tibdil f’daqqa fil-kurrent bejn żewġ partijiet konduttivi esposti għandha tkun inqas minn 0,1 Ω. Dan it-test għandu jsir b’kurrent ta’ mill-inqas 0,2 A.

5.1.2.4.

Konnessjoni tal-vettura ma’ netwerk tal-kurrenti elettriċi:

5.1.2.4.1.

Il-vettura ma tista’ fl-ebda każ tiċċaqlaq waħedha meta tkun galvanikament konnessa ma’ netwerk għall-provvista ta’ enerġija elettrika jew ma’ tagħmir għall-iċċarġjar mhux fuq il-vettura;

5.1.2.4.2.

Il-komponenti użati meta tiġi iċċarġjata batterija minn sors estern għandhom jippermettu li l-kurrent li qed jiċċarġja jinqata’ mingħajr ma jagħmel ħsara fiżika f’każ li jiġi diskoness;

5.1.2.4.3.

Partijiet f’sistemi tal-konnessjoni li aktarx għaddej kurrent elettriku minnhom għandhom jiġu protettti minn kull kuntatt dirett fil-kundizzjonijiet kollha waqt l-operat;

5.1.2.4.4.

Il-partijiet konduttivi esposti kollha għandhom ikunu elettrikament konnessi permezz ta’ wajer konduttiv ertjat waqt l-iċċarġjar.

5.2.

Rekwiżiti għas-sigurtà waqt it-tħaddim

5.2.1.

Kurrenti għat-tħaddim waqt proċeduri:

5.2.1.1.

Il-kurrenti għat-tħaddim waqt proċeduri għandhom jiġu applikati permezz ta’ swiċċ biċ-ċavetta.

5.2.1.2.

M’għandux ikun possibbli li din iċ-ċavetta tinqala minn posta f’kull pożizzjoni li timla bl-enerġija lid-drive train u tagħmel possibbli sewqan attiv.

5.2.2.

Kundizzjonijiet għall-ġiri u l-waqfien:

5.2.2.1.

Mill-inqas għandha tingħata indikazzjoni momentarja lix-xufier jew:

5.2.2.2.

Meta l-istat ta’ ċarġ fil-batterija jilħaq l-istat minimu tal-valur ta’ ċarġ kif definit mill-produttur, l-utent għandu jiġi avżat biex jaħseb għal din is-sitwazzjoni b’mod mgħaġġel biżżejjed biex isuq il-vettura bl-enerġija tagħha stess għall-inqas miż-żona tat-traffiku.

5.2.2.3.

Aċċelerazzjoni, tnaqqis fil-veloċità u sewqan b’lura tad-drive train mhux intenzjonati għandhom jiġu evitati. Partikolarment, difett (pereżempju fil-power train) m’għandux jikkawża aktar minn moviment ta’ 0,1 m ta’ vettura wieqfa mhux brejkjata.

5.2.2.4.

Waqt li ħiereġ mill-vettura ix-xufier għandu jiġi infurmat permezz ta’ sinjal ovvju (pereżempju sinjal ottiku jew smugħi), jekk id-drive train ikun għadu fil-modalità li tagħmel possibbli sewqan attiv.

5.2.3.

Sewqan b’lura

5.2.3.1.

Sewqan b’lura għandu jkun biss possibbli permezz tal-operat ta’ kontroll speċifiku. Din l-azzjoni teħtieġ jew:

5.2.3.2.

L-istat tal-unità għall-kontroll tad-direzzjoni tas-sewqan għandu jiġi identifikat mill-ewwel lix-xufier.

5.2.4.

Tnaqqis fil-kurrent għat-tħaddim f’każ ta’ emerġenza

5.2.4.1.

Jekk il-vettura tkun mgħammra b’tagħmir li jillimita l-effiċjenza f’każ ta’ emerġenza (per eżempju jekk komponent jisħon iżżejjed) l-utent għandu jiġi infurmat permezz ta’ sinjal ovvju.

5.3.

Determinazzjoni ta’ emissjonijiet ta’ idroġenu

5.3.1.

Dan it-test għandu jsir fuq il-vetturi elettriċi kollha tat-triq imħaddma b’batterija msemmija fil-paragrafu 1 ta’ dan ir-regolament.

Vetturi tat-triq mgħammra b’batteriji elettroliti mingħajr ilma jew b’batteriji ssiġillati tal-gass rikombinanti huma esklużi.

5.3.2.

It-testijiet għandhom isiru skont il-metodu deskritt fl-anness 7 tar-Regolament preżenti. It-teħid ta’ kampjuni ta’ idroġenu u l-analiżi għandhom jkunu dawk preskritti. Metodi oħra ta’ analiżi jistgħu jiġu approvati jew jiġi ppruvat li huma jagħtu riżultati ekwivalenti.

5.3.3.

Waqt proċedura normali għall-iċċarġjar fil-kundizzjonijiet imsemmija fl-anness 7, emissjonijiet tal-idroġenu għandhom ikunu inqas minn 125 g tul 5 sigħat, jew inqas minn 25 × t2 g tul t2 (f’siegħa).

5.3.4.

Waqt l-iċċarġjar li jsir minn tagħmir għall-iċċarġjar fuq vettura li għandu difett (kundizzjonijiet mogħtija fl-anness 7), emissjonijiet tal-idroġenu għandhom ikunu inqas minn 42 g. Barra minn hekk dan it-tagħmir għall-iċċarġjar fuq il-vettura għandu jillimita dan id-difett possibbilment għal 30 minuta.

5.3.5.

L-operazzjonijiet kollha marbuta mal-iċċarġjar tal-batterija huma kkontrollati b’mod awtomatiku, inkluż il-waqfa għall-iċċarġjar.

5.3.6.

M’għandux ikun possibbli li wieħed jieħu l-kontroll manwali ta’ fażijiet tal-iċċarġjar.

5.3.7.

Operazzjonijiet normali ta’ konnessjoni u qtugħ tal-konnessjoni mit-tagħmir għall-forniment ta’ kurrenti elettriċi jew qtugħ ta’ enerġija ma jaffettwawx is-sistema tal-kontroll tal-fażijiet għall-iċċarġjar.

5.3.8.

Ħsarat importanti waqt l-iċċarġjar għandhom ikunu permanentament sinjalati lix-xufier. Ħsara importanti hija ħsara li tista’ twassal biex it-tagħmir tal-iċċarġajr fuq il-vettura jaħdem ħażin waqt l-iċċarġjar aktar 'il quddiem.

5.3.9.

Fil-manwali tal-użu għas-sid, il-produttur għandu jindika l-konformità tal-vettura ma’ dawn ir-rekwiżiti.

5.3.10.

L-approvazzjoni mogħtija għal tip ta’ vettura f’dak li għandu x’jaqsam ma’ emissjonijiet tal-idroġenu tista’ tiġi estiża għal tipi differenti ta’ vetturi tal-istess familja, skont id-definizzjoni tal-familja mogħtija fl-anness 7, appendiċi 2.

6.1.

Kull modifika fuq it-tip ta’ vettura għandha tiġi notifikata lid-dipartiment amministrattiv li approva t-tip ta’ vettura. Id-dipartiment imbagħad jista’ jew:

6.1.1.

jikkunsidra li l-modifiki magħmula ma jidhrux li ser jkollhom effett negattiv apprezzabbli u li l-vettura xorta waħda hija konformi mar-rekwiżiti jew

6.1.2.

jitlob rapport ieħor dwar l-ittestjar mis-servizz tekniku responsabbli għat-tmexxija tat-testijiet.

6.2.

Konferma jew rifjut tal-approvazzjoni, li tispeċifika l-alterazzjoni għandha tiġi komunikata permezz tal-proċedura speċifikata fil-paragrafu 4.3 t’hawn fuq lill-Partijiet tal-Ftehim li qed japplikaw dan ir-Regolament.

6.3.

L-awtorità kompetenti li toħroġ l-estensjoni tal-approvazzjoni għandha tagħti numru tas-serje għal din it-tip ta’ estensjoni u tinforma dwar dan permezz ta’ formola tal-komunikazzjoni konformi mal-mudell fl-anness 1 ta’ dan ir-Regolament lill-Partijiet l-oħra tal-Ftehim tal-1958 li qed japplikaw ir-Regolament.

7.1.

Kull vettura approvata skont dan ir-Regolament għandha tiġi manifatturata b’tali mod li tkun konformi mat-tip approvat billi tissodisfa r-rekwiżiti elenkati fil-paragrafu 5 t’hawn fuq.

7.2.

Sabiex jiġi verifikat li r-rekwiżiti tal-paragrafu 7.1 ġew sodisfatti, għandhom isiru kontrolli adegwati tal-produzzjoni.

7.3.

Il-possessur tal-approvazzjoni għandu b’mod partikolari:

7.3.1.

jiggarantixxi l-eżistenza ta’ proċeduri għall-kontroll effettiv tal-kwalità tal-vetturi;

7.3.2.

jkollu aċċess għat-tagħmir tal-ittestjar meħtieġ biex tiġi iċċekjata l-konformità ta’ kull tip approvat;

7.3.3.

jiggarantixxi li d-dejta dwar riżultati ta’ testijiet tiġi reġistrata u li d-dokumenti annessi jibqgħu disponibbli għal perjodu determinat bi ftehim mad-dipartiment amministrattiv;

7.3.4.

janalizza r-riżultati ta’ kull tip ta’ test, sabiex tiġi verifikata u garantita l-konsistenza tal-karatteristiċi tal-vetturi, waqt li jżomm f’moħħu varjazzjonijiet permessi fil-produzzjoni industrijali;

7.3.5.

jiggarantixxi li tal-anqas ikunu saru t-testijiet preskritti fil-paragrafu 5 ta’ dan ir-Regolament għal kull tip ta’ vettura;

7.3.6.

jiggarantixxi li kull sett ta’ kampjuni jew biċċiet għall-ittestjar li jiġi ppruvat li mhumiex konformi mat-tip ta’ test in kwistjoni jwasslu għal aktar teħid ta’ kampjuni u testijiet. L-istadji kollha meħtieġa għandhom isiru biex tiġi stabbilita mill-ġdid l-konformità tal-produzzjoni korrispondenti.

7.4.

L-awtorità kompetenti li tat l-approvazzjoni tat-tip tista’ f’kull ħin tivverifika l-metodi għall-kontroll tal-konformità applikati f’kull stazzjon tal-produzzjoni.

7.4.1.

Waqt kull spezzjoni, id-dokumenti dwar l-ittestjar u d-dokumenti dwar il-produzzjoni għandhom ikunu preżentati lill-ispettur li jżur.

7.4.2.

L-ispettur jista’ jieħu kampjuni fortuwiti biex jiġu ttestjati fil-laboratorju tal-produttur. In-numru minimu ta’ kampjuni jista’ jiġi determinat skont ir-riżultati tal-kontrolli tal-produttur stess.

7.4.3.

Jekk il-livell tal-kwalità jidher li mhux sodisfaċenti jew meta jidher li huwa meħtieġ li ssir verifika tal-validità tat-testijiet li saru meta ġie applikat il-paragrafu 7.4.2, l-ispettur jista’ jagħżel kampjuni biex jintbagħtu lis-servizz tekniku li jkun mexxa t-testijiet għall-approvazzjoni tat-tip.

7.4.4.

L-awtorità kompetenti tista’ tagħmel kull test preskritt f’dan ir-Regolament.

7.4.5.

Il-frekwenza normali ta’ spezzjonijiet mill-awtorità kompetenti għandha tkun waħda ta’ kull sena. Iżda jekk jiġu reġistrati riżultati mhux sodisfaċenti waqt waħda miż-żjarat, l-awtorità kompetenti għandha tiggarantixxi li l-passi kollha meħtieġa jittieħdu biex tiġi stabbilita mill-ġdid il-konformità tal-produzzjoni kemm jista’ ikun malajr.

8.1.

L-approvazzjoni mogħtija għal tip ta’ vettura skont dan ir-Regolament tista’ tiġi revokata jekk ir-rekwiżiti mniżżla fil-paragrafu 7 ma jiġux sodisfati, jew jekk il-vettura jew il-komponenti tagħha ma jgħaddux mit-testijiet li saru disposiżżjonijiet dwarhom fil-paragrafu 7.3.5 t’hawn fuq.

8.2.

Jekk Parti li kkuntrattat fil-Ftehim li qed tapplika dan ir-Regolament tirrevoka l-approvazzjoni li hija tkun tat qabel, minnufih hija għandha tinnotifika lill-Partijiet l-oħra li kkuntrattaw li qed japplikaw dan ir-Regolament permezz ta’ formola tal-komunikazzjoni konformi mal-mudell fl-anness 1 ta’ dan ir-Regolament.

14.2.2009   

MT

Il-Ġurnal Uffiċjali tal-Unjoni Ewropea

L 45/s3