23.12.2008   

MT

Il-Ġurnal Uffiċjali ta’ l-Unjoni Ewropea

L 346/1

(1)

Fil-5 ta' April 2006, il-Ġermanja applikat għal arranġamenti għat-twaqqif ta' ċentru amministrattiv tal-Grupp DHL fl-ajruport (LEJ). Fis-27 ta' April il-Kummissjoni talbet aktar informazzjoni, li l-Ġermanja tat fl-24 ta' Lulju 2006. Fis-26 ta' Lulju u fil-21 ta' Awwissu saru laqgħat li fihom ħadu sehem entitajiet tal-Kummissjoni, l-Assoċjazzjoni tal-Ajruporti, id-DHL u l-awtoritajiet Ġermaniżi.

(2)

Permezz ta' ittra tat-23 ta' Novembru 2006 il-Kummissjoni infurmat lill-Ġermanja bid-deċiżjoni tagħha, li minħabba l-miżuri notifikati, hi kienet ser tibda l-proċeduri skont l-Artikolu 88 paragrafu 2 tat-Trattat tal-KE. Fit-12 ta' Diċembru 2006 l-Ġermanja talbet estensjoni tal-perjodu għat-tweġiba, u dan ġie aċċettat mill-Kummissjoni. Il-Ġermanja ddikjarat il-pożizzjoni tagħha fit-23 ta' Frar 2007.

(3)

Id-deċiżjoni tal-Kummissjoni li tibda' l-proċeduri ġiet ippubblikata fil-Ġurnal Uffiċċjali tal-Unjoni Ewropea  (2). Il-Kummissjoni titlob lil partijiet interessati biex fi żmien xahar minn wara din il-pubblikazzjoni jieħdu pożizzjoni.

(4)

Il-Kummissjoni rċiviet ukoll l-opinjonijiet tal-partijiet interessati. Permezz ta' ittra tas-16 ta' Mejju 2007 hija infurmat lill-Ġermanja b'dawn il-pożizzjonijiet. Il-Ġermanja kellha l-opportunità li tesprimi lilha nnifisha dwar dan fi żmien xahar. L-ispjegazzjonijiet tal-Ġermanja ġew mgħoddija lill-Kummissjoni permezz ta' ittra tat-13 ta' Ġunju 2007.

(5)

Fuq talba tal-Ġermanja saru żewġ laqgħat fit-18 ta' Ġunju u fil-25 ta' Settembru 2007. Wara dawn il-laqgħat fid-19 ta' Ottubru kif ukoll fit-18 ta' Diċembru 2007 l-informazzjoni addizzjonali mitluba ġiet mgħoddija lill-Kummissjoni.

(6)

Il-Ġermanja għaddiet aktar informazzjoni addizzjonali bil-miktub lill-Kummissjoni fis-7 ta' Diċembru 2007, fis-17 ta' Marzu 2008 u fid-9 ta' April 2008.

(7)

L-ajruport Leipzig/Halle plc (minn issa 'l quddiem imsejjaħ “l-ajruport ta' Leipzig”) hija kumpanija sussidjarja tal-Korporazzjoni tal-Ajruporti tal-Ġermanja Ċentrali (minn issa 'l quddiem imsejħa “MFAG”). L-MFAG għandha 94 % tal-ishma tal-ajruport ta' Leipzig. L-azzjonisti l-oħra huma l-Istat ta' Sachsen, id-distrett amministrattiv ta' Delitzsch u l-Istat ta' Leipzig kif ukoll il-belt ta' Schkeuditz. L-azzjonisti tal-MFAG huma l-Istat ta' Sachsen bi 73 %, l-Istat ta' Sachsen-Anhalt b'14 %, il-belt ta' Dresden b'6 %, il-belt ta' Halle b'5 % u l-belt ta' Leipzig bi 2 %. L-MFAG m'għandha l-ebda azzjonisti privati.

(8)

B'fatturat globali ta' 18.2 biljun euro fis-sena 2005, id-DHL (l-intrapriża li tappartjeni għall-Korporazzjoni tal-Posta Ġermaniża) tgħodd mal-aqwa kumpaniji għas-servizz ta' kunsinna mgħaġġla. Iċ-ċentru amministrattiv Ewropew għall-ġarr bl-ajru tagħha sa Marzu tal-2008 kien jinsab fl-ajruport ta' Brussell (BRU). Wara li nqalgħu problemi bl-awtorizzazzjoni uffiċjali għal titjiriet bil-lejl, id-DHL innegozjat ma' numru ta' ajruporti dwar sit ġid għaċ-ċentru amministrattiv Ewropew għall-ġarr bl-ajru tagħha. L-aħħar għażla kienet tinkludi lil Leipzig, Brussell u l-ajruport Franċiż Vatry (XCR). Id-DHL fl-aħħar iddeċidiet li sas-sena 2008 ċċaqlaq iċ-ċentru amministrattiv Ewropew għall-ġarr bl-ajru tagħha lejn Leipzig.

(9)

Ta' min jiġbed l-attenzjoni li kienet diġa ttieħdet deċiżjoni dwar għajnuna marbuta mal-investiment kapitali tad-DHL (N 608/2003). Għall-investiment kapitali tad-DHL fl-ajruport ta' Leipzig, fl-20 ta' April 2004, il-Kummissjoni kienet awtorizzat l-ammont massimu ta' għajnuna reġjonali ta' 28 % skont l-istruttura multisettorjali ta' għajnuniet reġjonali għal proġett kbir ta' investiment kapitali (3) tal-1998. L-Istat ta' Sachsen għalhekk ta għajnuna ta' EUR 70,8 miljun lid-DHL. Barra dan, fit-2 ta' Lulju 2007, il-Kummissjoni awtorizzat, permezz ta' deċiżjoni parzjalment pożittiva, parzjalment negattiva, għajnuna għat-taħriġ ta' EUR 1,58 miljun li l-Istat ta' Sachsen u l-Istat ta' Sachsen-Anhalt ser jagħtu lid-DHL għall-attività marbuta ma' impjiegi fl-ajruport ta' Leipzig (4).

(10)

Fid-deċiżjoni għall-bidu ta' proċeduri ġew eżaminati t-tliet miżuri li ġejjin:

(11)

Skont l-informazzjoni li għandha għad-dispożizzjoni tagħha l-Kummissjoni, l-investiment ippjanat għar-runway il-ġdida fin-nofsinhar għandu jiġi ffinanzjat minn kontribuzzjonijiet għall-kapital u minn self fuq perjodu twil taż-żmien mill-propjetarji tal-ishma.

(12)

Fil-bidu tal-proċeduri formali għall-verifika l-Kummissjoni kkalkulat li l-bini tar-runway il-ġdida fin-nofsinhar li tiswa massimu ta' madwar EUR 350 miljun għandha tiġi ffinanzjata permezz ta' kontribuzzjonijiet ta' kapital mill-pubbliku.

(13)

Fl-opinjoni tal-Ġermanja, il-ftehim strutturali ma jirrapreżenta l-ebda għajnuna mill-Istat għall-benefiċċju tad-DHL, għaliex l-istituzzjonijiet pubbliċi aġġixxew skont il-prinċipju ta' investitur li jinnegozja f'suq liberu. Fil-ftehim strutturali ġew determinati l-ispeċifikazzjonijiet li l-ajruport ta' Leipzig u l-MFAG għandhom jiggarantixxu jekk jiġi aċċettat il-bini u t-tħaddim taċ-ċentru amministrattiv kif ukoll għat-tħaddim tiegħu stess. Barra minn hekk il-ftehim strutturali jinkludi ftehim addizzjonali dwar ir-rekwiżiti għat-tħaddim, il-ħlasijiet lill-ajruport u l-kiri ta' biċċiet ta' artijiet.

(14)

Skont il-ftehim strutturali ffirmat fil-21 ta' Settembru 2005, l-ajruport ta' Leipzig u l-MFAG għandhom jissodisfaw ir-rekwiżiti li ġejjin:

(15)

Sors ewlieni tad-dħul għall-finanzjament tar-runway il-ġdida fin-nofsinhar se jkun il-ħlasijiet lill-ajruport. Skont stimi fis-sena 2008, jiġifieri fl-ewwel sena li fiha iċ-ċentru amministrattiv ikun jopera b'mod integrali, id-DHL tħallas madwar […] euro għall-ħalsijiet lill-ajruport. Il-ħlasijiet lill-ajruport ġew miftiehma f'kuntratt separat, li ġie mehmuż mal-ftehim strutturali.

(16)

Il-kumpaniji tal-avjazzjoni kollha — jiġifieri d-DHL u kull kumpanija tal-avjazzjoni oħra — għandhom ħlasijiet marbuta mal-inżul ta' ajruplani li huma standard. Il-ħlasijiet marbuta mal-inżul ta' ajruplani jonqsu maż-żieda tat-traffiku fl-ajruport ta' Leipzig. Kumpanija tal-avjazzjoni li tagħmel numru żgħir ta' tlugħ u nżul ta' ajruplani tħallas l-istess ħlasijiet marbuta mal-inżul ta' ajruplani bħad-DHL, li hija l-aktar waħda li ser tkun tuża l-ajruport.

(17)

Għal kostruzzjonijiet partikulari fl-ajruport, l-ajruport ta' Leipzig għamel żewġ kuntratti tal-kera mad-Deutsche Post Immobilien GmbH (minn issa 'l quddiem imsejħa “DPI”) u kuntratt dwar ċens mad-Deutsche Post Grundstücksvermietungsgesellschaft beta mbH & Co. Objekt Leipzig KG (minn issa 'l quddiem imsejħa “DPBS”). L-intrapriżi msemmija jagħmlu parti mill-grupp affiljat ma' Deutsche Post World Net. Huma jikru proprjetà immobbli permezz ta' kuntratti separati mad-DHL.

(18)

L-ajruport ta' Leipzig jieħu f'idejh il-kostruzzjoni ta' żona għat-tlugħ u l-inżul, li għandha tintuża esklussivament mid-DHL. L-ispejjeż tal-kostruzzjoni huma stmati li jammontaw għal madwar […] euro. L-ajruport ta' Leipzig jikri ż-żona għat-tlugħ u l-inżul lid-DPI skont il-kundizzjonijiet li ġejjin:

(19)

It-tieni kuntratt tal-kera huwa marbut ma' żoni addizzjonali għall-kontroll mill-art li l-ajruport ta' Leipzig jikri lid-DPI fuq l-istess kundizzjonijiet, kif diġa stipulati fil-kuntratt tal-kera msemmi. L-ispejjeż tal-bini huma stmati li jammontaw għal madwar […] euro.

(20)

Il-kuntratt ta' ċens huwa marbut mal-biċċa art li fuqha d-DHL tibni l-binja tagħha. L-ajruport ta' Leipzig jawtorrizza ċ-ċens għall-benefiċċju tad-DPI skont il-kundizzjonijiet li ġejjin:

(21)

Kemm il-kuntratt tal-kera għaż-żona tat-tlugħ u l-inżul kif ukoll il-kuntratt dwar ċens jagħtu għażla lid-DHL li tikri mill-ġdid sa […] biċċiet ta' art oħrajn. Din l-għażla tkun konċessa sa […] […]. Wara d-DHL għandha tħallas […] EUR għal kull m2 jekk tagħżel li tikri mill-ġdid. Il-ħlas għal din l-għażla jibqa' tiela' sa […].

(22)

Iż-żewġ kuntratti fihom klawżola li tistabbilixxi li l-biċċiet ta' artijiet- indipendentament jekk id-DHL tagħżilx li tikri- ma jistgħux jiġu mikrija lil kompetituri tad-DHL. Espliċitament hemm imsemmija […] u […].

(23)

Id-dikjarazzjoni mill-Istat tiggarantixxi l-effiċjenza finanzjarja tal-ajruport ta' Leipzig waqt il-perjodu tal-validità tal-ftehim strutturali u tobbliga lill-Istat ta' Sachsen li jagħti kumpens sa […] euro, f'każ li d-DHL ma tkunx tista' tuża aktar l-ajruport kif ippjanat. B'differenza għal dak li jgħid il-ftehim strutturali li fih l-ajruport ta' Leipzig u l-MFAG jagħtu lid-DHL garanzija mingħajr restrizzjonijiet, skont id-dikjarazzjoni mill-Istat ta' Sachsen id-DHL tista' titlob biss kumpens sa […] euro. Talbiet għall-kumpens ta' aktar minn […] euro jistgħu jiġu biss affettwati fil-konfront tal-ajruport ta' Leipzig u l-MFAG. Qabel l-approvazzjoni mill-Kummissjoni, id-dikjarazzjoni mill-Istat ma tkunx valida.

(24)

F'dak li għandu x'jaqsam mal-ispejjeż għall-kostruzzjoni tar-runway fin-nofsinhar, il-Kummissjoni fil-bidu kienet tal-opinjoni, li permezz tal-investiment tar-runway il-ġdida fin-nofsinhar, l-ajruport ta' Leipzig kien ser jakkwista dħul biżżejjed, biex (għallinqas) ikopri l-ispejjeż addizzjonali u jħallas ammont raġonevoli mill-ispejjeż fissi tal-faċilitajiet infrastrutturali eżistenti. Fuq il-bażi tal-pjan tan-negozju sottomess mill-Ġermanja, il-Kummissjoni waslet għall-konklużjoni temporanja li miż-żieda ta' dħul mistennija mill-operat tar-runway il-ġdida fin-nofsinhar, l-ispejjeż addizzjonali mhux ser ikunu jistgħu jiġu koperti u li l-investiment għaliha għalhekk huwa għajnuna mill-Istat.

(25)

Fid-deċiżjoni preliminari ġie argumentat li d-DHL kienet tkun qed tgawdi għajnuna mill-Istat, f'każ li l-ajruport ta' Leipzig kellu joffri kundizzjonijiet tal-kuntratt aktar konvenjenti minn intrapriża privata. Operatur privat ta' ajruport kien jistenna li bl-investiment fir-runway il-ġdida fin-nofsinhar kien jakkwista dħul biżżejjed biex (għallinqas) ikopri l-ispejjeż addizzjonali, li jħallas ammont raġonevoli mill-ispejjeż fissi tal-faċilitajiet infrastrutturali eżistenti u li joffri kumpens raġonevoli għall-kapital investit meta wieħed iqis ir-riskji meħuda fil-ftehim strutturali.

(26)

Fid-deċiżjoni preliminari ġie determinat li ż-żieda fid-dħul mill-operat tar-runway il-ġdida fin-nofsinhar lanqas kopriet l-ispejjeż addizzjonali u fl-2006 kienet ser twassal għal telf fil-bilanċ tad-dħul ta' flus ta' madwar […] euro (ara numru 70 tad-deċiżjoni preliminari). Għalhekk l-ajruport ta' Leipzig ma jkunx fil-pożizzjoni li jiffinanzja r-riskji marbuta mal-ftehim strutturali.

(27)

Fid-deċiżjoni preliminari għalhekk ġie espress dubju serju, jekk intrapriża privata

(28)

Fid-deċiżjoni preliminari tal-Kummissjoni f'dak li għandu x'jaqsam mad-dikjarazzjoni mill-Istat ġie ddeterminat li r-rekwiżiti ta' notifika lill-Kummissjoni dwar l-applikazzjoni tal-Artikoli 87 u 88 tat-Trattat tal-KE għall-għajnuna mill-Istat fil-forma ta' obbligi għal responsabbilitajiet u garanziji (5) (minn issa 'l quddiem imsejħa “notifika dwar garanziji”), li fiha ġie ddeterminat taħt liema kundizzjonijiet garanzija ma taqax taħt għajnuna mill-Istat, ma ġewx issodisfati. Fost l-oħrajn jiġi prinċipalment mitlub li garanzija tkun disponibbli mingħajr l-indħil tal-Istat fis-swieq finanzjarji bil-kundizzjonijiet tas-suq u li jiġi mħallas primjum għall-garanzija normali għas-suq. Dan il-prinċipju huwa wkoll validu skont in-notifika l-ġdida tal-Kummissjoni dwar l-applikazzjoni tal-Artikoli 87 u 88 tat-Trattat tal-KE dwar l-għajnuna mill-Istat fil-forma ta' obbligi għal responsabbilitajiet u garanziji (6) tal-2008, li daħħlet fis-seħħ b'effett mill-20 ta' Ġunju 2008, u li fiha kienu inklużi dawn ir-rekwiżit.

(29)

Fil-każ preżenti l-ebda waħda minn dawn ir-rekwiżiti ma ġiet issodisfata. Mill-informazzjoni tal-Ġermanja rriżulta li l-ajruport ta' Leipzig ipprova mingħajr suċċess ikopri r-riskji marbuta mal-ftehim strutturali permezz ta' istituzzjonjijiet finanzjarji privati (7). La d-DHL u lanqas l-ajruport m'huma obbligati jħallsu primjum normali għas-suq għar-riskju meħud mill-Istat ta' Sachsen.

(30)

Oriġinarjament il-Kummissjoni kienet iddikjarat li l-investimant tal-Istat ta' Sachsen fil-kostruzzjoni tar-runway il-ġdida fin-nofsinhar fil-forma ta' kontribuzzjoni għall-kapital lill-ajruport ta' Leipzig kienet għajnuna mill-Istat. Il-kompatibbiltà ta' din l-għajnuna għandha tiġi vverifikata fuq il-bażi tal-Artikolu 87 paragrafu 3 tat-Trattat tal-KE u tal-kodiċi tal-prattika tal-Kummissjoni, kif inhu deskritt fin-notifika tal-Kummissjoni — Direttivi konġunti għall-finanzjament tal-ajruporti u għall-għoti ta' għajnuna mill-Istat għall-bidu ta' intrapriżi ta' kumpaniji tal-avjazzjoni f'ajruporti reġjonali (8) (minn issa 'l quddiem imsejħa “id-Direttivi tal-2005”).

(31)

Il-Kummissjoni ġibdet l-attenzjoni li deċiżjoni għall-għajnuna dwar l-investiment tad-DHL fiċ-ċentru amministrattiv Ewropew il-ġdid tiegħu fl-ajruport ta' Leipzig kienet diġà ġiet meħuda (N 608/03). Għal dan l-investiment il-Kummissjoni ppermettiet ammont ta' għajnuna reġjonali ta' 28 % skont l-istruttura multisettorjali għal għajnuniet reġjonali għal proġetti ta' investiment kbir tal-1998, li permezz tagħha l-Istat ta' Sachsen kien ta għajnuna ta' EUR 70,8 miljun lid-DHL.

(32)

Peress li l-Kummissjoni kienet diġa ppermettiet ammont ta' għajnuna reġjonali ta' 28 %, l-għajnuniet l-oħra kollha — li jistgħu jingħataw lid-DHL permezz tad-dikjarazzjoni mill-Istat jew tal-ftehim strutturali — ma jitqisux bħala konformi mas-Suq Kommuni.

(33)

Il-Ġermanja infurmat li l-ajruport ta' Leipzig oriġinarjament kien ajruport militari b'runway fil-post fejn illum ġiet mibnija r-runway fit-tramuntana. Fl-1960 ġiet mibnija t-tieni runway fin-nofsinhar, li flimkien mar-runway fit-tramuntana, għamlu l-forma ta' V. Din is-sistema ta' runway fil-forma ta' V ġiet deċiża fuq il-bażi tal-istruttura marbuta mal-ispazju tal-ajru militari tar-Repubblika Demokratika Ġermaniża. L-allinjament taż-żewġ runways la huwa konformi mar-rekwiżiti ekoloġiċi u lanqas ma' dawk meteoroloġiċi. Huma ma kienu joffru l-ebda kundizzjonijiet konvenjenti għat-tlugħ u l-inżul, u l-karreġjati għall-wasla u t-tluq jipproċedu lejn iż-żoni popolati fit-tramuntana ta' Leipzig u fin-nofsinhar ta' Halle.

(34)

Madwar l-1980 bdew jidhru l-ewwel ħsarat fuq ir-runway fin-nofsinhar, li affettwaw l-operat tal-ajruport. Biex jiġi eliminat dan in-nuqqas, ir-runway ġiet miksija b'kisja ġdida ta' konkrit. Fil-bidu tas-snin 90, kien jidher ċar li din ir-rikostruzzjoni ma kinitx biżżejjed — xquq fil-kisja l-ġdida ta' fuq wasslu għall-ħruġ 'il barra tat-truf u għal ċaqliq lonġitudinali fiż-żewġt itruf tar-runway. It-tumbati li ffurmaw minħabba f'hekk kienu jfissru periklu serju għas-sigutà tat-traffiku u kienu jeħtieġu spejjeż sproporzjonati għall-manutenzjoni tagħhom.

(35)

Wara l-unifikazzjoni mill-ġdid tal-Ġermanja ġiet imħejjija pjanta definittiva għat-tkabbir tal-ajruport ta' Leipzig biex isir ajruport tal-passiġġieri, li kienet ibbażata fuq il-bini ta' sistema b'żewġ runways. Fl-1994 ġie appuntat kumitat investit bis-setgħa li jagħti pariri bil-kollaborazzjoni tal-Ministeru Federali għat-Traffiku, tal-Istat ta' Sachsen u tal-Istat ta' Sachsen-Anhalt, li kellu jissorvelja t-tkabbir tal-infrastruttura tal-ajruport. Il-kumitat ittratta l-aktar il-mistoqsija jekk ir-runway fin-nofsinhar eżistenti kellhiex tissewwa qabel il-bini tar-runway il-ġdida fit-tramuntana.

(36)

Id-deċiżjoni għal sistema ta' runways paralleli ġiet eliminata fl-1997. L-ewwel pass, jiġifieri l-bini mill-ġdid tar-runway fit-tramuntana, ġie mibdi immedjatament. F'din il-fażi ġew meħuda miżuri sabiex l-ajruport jiġi mgħammar għall-operat taż-żewġ runways; pereżempju, il-biċċiet tat-tarmak huma allinjati fuq xulxin u l-livell tal-għoli addatat għar-runway fit-tramuntana. Bħala l-aħħar pass tal-programm għat-tkabbir fuq medda ta' żmien twil għall-ajruport fl-2002 beda l-bini mill-ġdid tar-runway fin-nofsinhar fuq pjan dettaljat. Ir-runway eżistenti tan-nofsinhar kellha tiġi rinnovata u allinjata mill-ġdid b'20°.

(37)

Id-deċiżjoni għall-approvazzjoni uffiċjali tal-pjanti għat-tiġdid tar-runway fin-nofsinhar ġiet meħuda fl-4 ta' Novembru 2004. Dan kien ir-riżultat ta' proċeduri formali twal u kumplessi għall-ippjanar. F'dak iż-żmien kienu diġà qed jittieħdu miżuri preparatorji għall-bini, pereżempju, spezzjoni arkeoloġika preliminari tal-art, it-tqegħid ta' sistemi ta' pajpijiet u l-akkwist ta' aktar biċċiet ta' art.

(38)

It-tkabbir tal-ajruport huwa konsistenti mal-pjan għall-iżivilupp tal-Istat ta' Sachsen tal-2003, li fih it-titjib tar-runway kien imsemmi bħala mira speċifika. B'mod speċjali t-tul u l-pożizzjoni tar-runway fin-nofsinhar u l-faċilitajiet għat-tagħbija u l-ħatt ta' merkanzija għandhom jiġu addattati.

(39)

Il-Ġermanja targumenta li saż-żmien ta' din id-deċiżjoni kien jidher dejjem aktar ċar li intrapriżi famużi fil-qasam tal-ġarr ta' merkanzija bl-ajru kienu jaraw l-ajruport tal-passiġġieri Leipzig/Halle bħala post attrajenti; ir-runway il-ġdida fin-nofsinhar kienet tinbena xorta waħda, anke li kieku d-DHL ma ċaqalqitx iċ-ċentru amministrattiv Ewropew tagħha lejn Leipzig. Anke l-fatt li l-ftehim strutturali bejn id-DHL u l-ajruport ta' Leipzig sar biss fil-21 ta' Settembru 2005 jagħti prova li d-deċiżjoni għall-bini mill-ġdid tar-runway fin-nofsinhar kienet indipendenti mill-pjanijiet tad-DHL.

(40)

Il-Ġermanja ma taqbilx mal-konklużjoni tal-Kummissjoni li r-regolamenti għal għajnuniet statali jgħoddu kemm għall-operat kif ukoll għall-kostruzzjoni ta' faċilitajiet infrastrutturali f'ajruporti reġjonali. Investiment fl-infrastruttura mhuwiex attività politiko-ekonomika. F'dan il-kuntest ajruporti mhumiex “intrapriżi” skont l-Artikolu 87, paragrafu 1 tat-Trattat tal-KE. Dan huwa fuq kollox ta' importanza kbira għal ajruporti reġjonali li impenjaw ruħhom biex jilħqu l-volum meħtieġ ta' passiġġieri, li jagħmel possibbli operat bi profitt.

(41)

Il-Ġermanja ma taqbilx ukoll mal-Kummissjoni f'dak li għandu x'jaqsam mal-interpretazzjoni tagħha tad-deċiżjoni tal-Każ Aéroports de Paris  (9), u dan fuq il-bażi ta' tliet argumenti. L-ewwel wieħed ma jistax jinftiehem kif il-Qorti tal-Kommunitajiet Ewropej interpretat l-Artikolu 87 tat-Trattat tal-KE fid-dawl tal-Artikolu 82 tat-Trattat tal-KE. It-tieni, id-deċiżjoni ma kinitx dwar — bħal fil-każ ta' Leipzig/Halle — il-bini ta' faċilitajiet infrastrutturali aċċessibbli għall-pubbliku, iżda dwar l-operat tal-ajruport. U t-tielet id-deċiżjoni kienet dwar ajruport internazzjonali kbir li l-pożizzjoni ekonomika tiegħu hija differenti minn ta' ajruport reġjonali. Huwa magħruf b'mod ġenerali li għall-finanzjament tal-infrastruttura ta' ajruporti reġjonali, il-finanzjament privat mhuwiex alternattiva realistika għall-finanzjament pubbliku.

(42)

Il-Ġermanja targumenta, li l-bini tar-runway fin-nofsinhar ma tistax tiġi evalwata skont id-Direttivi tal-2005, li skont dawn l-operaturi tal-ajruporti huma soġġetti għar-regolament dwar l-għajnuna mill-Istat, iżda għandha tiġi spezzjonata fuq il-bażi tad-Direttivi tal-Kummissjoni għall-applikazzjoni tal-Artikoli 92 u 93 tat-Trattat tal-KE kif ukoll tal-Artikolu 61 tal-Ftehim taż-ŻEE dwar l-għajnuna mill-Istat fil-qasam tat-trasport bl-ajru (10) (minn issa 'l quddiem imsejħa “Direttivi tal-199”), li jistipulaw li: “Il-bini jew it-tkabbir ta' faċilitajiet infrastrutturali (perżempju ajruporti…) hija miżura politiko-ekonomika komuni, li ma tistax tiġi kkontrollata mill-Kummissjoni skont l-Artikoli tal-ftehim dwar għajnuna mill-Istat”. Il-Ġermanja tipprova li l-applikazzjoni tal-Linji Gwida tal-2005 f'dan il-każ imorru kontra l-projbizzjoni assoluta tal-liġijiet ex post facto, u l-Paragrafu 85 tal-Linji Gwida tal-2005 jikkonferma, li dawn id-Direttivi jistgħu jiġu applikati biss wara d-data tal-pubblikazzjoni tagħhom fil-Ġurnal Uffiċjali (9 ta' Diċembru 2005). Peress li d-deċiżjoni dwar il-finanzjament tal-infrastruttura ġiet meħuda qabel din id-data, għandhom jiġu applikati l-linji gwida ta' qabel.

(43)

Barra dan, deċiżjoni negattiva tal-Kummissjoni tmur kontra l-prinċipju tal-protezzjoni tal-kunfidenzjalità. Operatur tal-ajruport prudenti ma jantiċipax li l-finanzjament statali tal-infrastruttura ta' ajruporti reġjonali ser jiġi spezzjonat skont ir-regolamenti għall-għajnuna mill-Istat. Din it-tip ta' spezzjoni ġiet magħmula l-ewwel darba fid-deċiżjonijiet tal-Kummissjoni dwar l-ajruporti reġjonali Ġermaniżi u dwar l-ajruport ta' Antwerp  (11) tal- 2005, li ġiet imdaħħla wara d-deċizjoni għall-bini mill-ġdid tar-runway fin-nofsinhar tal-ajruport ta' Leipzig.

(44)

Barra minn hekk fid-deċiżjoni dwar l-ajruport ta' Berlin-Schönefeld  (12) (C 27/07) il-Kummissjoni ammettiet li d-deċiżjoni Aéroports de Paris kienet tikkonċerna l-operat ta' ajruport internazzjonali kbir. Fid-deċiżjoni dwar l-ajruport Berlin-Schönefeld il-Kummissjoni stess qalet b'mod espliċitu li l-applikazzjonijiet tad-Direttivi tal-2005 ser jiġu estiżi għal kull tip ta' ajruport. L-estensjoni tal-qasam tal-applikazzjoni tal-liġi dwar l-għajnuna għalhekk m'għadhiex ibbażata fuq il-ġurisdizzjoni iżda fuq deċiżjoni politika tal-Kummissjoni tas-sena 2005, li għalhekk ma tistax tiġi applikata retroattivament.

(45)

Fl-aħħar nett, il-Ġermanja ddikkjarat li m'hemm l-ebda benefiċjarju ta' għajnuna mill-Istat, jekk l-Istat jagħti r-responsabbiltà tal-operat tal-faċilitajiet infrastrutturali lil istituzzjoni li l-uniku dritt għall-eżistenza tagħha huwa l-ġestjoni tal-faċilitajiet infrastrutturali.

(46)

F'każ li l-Kummissjoni ma taġixxix fuq dawn l-argumenti, il-Ġermanja tirreferi għall-fatt li, skont id-Direttivi tal-2005, il-finanzjament ta' attività li normalment l-Istat huwa responsabbli għaliha minħabba n-neċessità qawwija tagħha, ma jaqax taħt ir-regolamenti dwar l-għajnuna mill-Istat. Dan jgħodd għall-oqsma tas-sigurtà, tal-kontroll tat-traffiku tal-ajru, tal-pulizija, tad-dwana, tat-traffiku bl-ajru eċċ. (ara paragrafu 3.1.4).

(47)

Skont il-politika l-ġdida tal-Kummissjoni dwar l-għajnuna, l-operatur ta' ajruport jista' jkun intrapriża skont l-Artikolu 87 paragrafu 1 tat-Trattat tal-KE u għalhekk benefiċjarju ta' għajnuna. Fl-istess ħin l-operatur jgħodd ukoll bħala “sid l-infrastruttura”, li permezz tal-ftehim strutturali jagħti għajnuna lid-DHL. Dawn iż-żewġt irwoli mhumiex kompatibbli ma' xulxin.

(48)

Il-Ġermanja targumenta, li l-każ preżenti jaqa taħt l-eżenzjoni tad-Direttivi tal-1994; għalhekk m'hemm l-ebda raġuni għaliex din is-sitwazzjoni għandha tiġi evalwata fuq il-prinċipju tal-investitur li jinnegozja f'suq liberu. F'każ li l-Kummissjoni jkollha opinjoni differenti, il-Ġermanja għamlet verifika bbażata fuq il-prinċipju tal-investitur li jinnegozja f'suq liberu għal tliet xenarji:

(49)

Din il-verifika tapplika għas-sitwazzjoni fid-9 ta' Diċembru 2005, meta d-Direttivi tal-2005 daħlu fis-seħħ, u mhux għad-deċiżjoni tal-bord ta' sorveljanza fl-4 ta' Novembru 2004. Wieħed ta' min jistaqsi wkoll jekk investitur privat fuq il-bażi tal-fatti magħrufa fid-9 ta' Diċembru 20005 kienx ikompli bil-bini tat-tieni runway jew jekk kienx iżomm l-Istatus quo.

(50)

Il-kalkoli tal-Ġermanja riprodotti fil-paragrafi 55 u 56 hawn taħt huma bbażati fuq il-kalkoli mħejjija mill-Kummissjoni meta ngħata l-bidu għall-proċeduri u l-valur nett tal-intrapriża fl-aħħar tal-perjodu tal-validità (2042). B'hekk qed issir differenza bejn investimenti li saru qabel id-9 ta' Diċembru 2005 u investimenti li saru wara d-9 ta' Diċembru 2005.

(51)

Status quo: Iż-żewġ runways qed jiġu operati b'mod li jiddependu minn xulxin, u dan il-fatt jirriżulta f'restrizzjonijiet għall-ajruport: pereżempju għar-runway fin-nofsinhar hemm limitazzjoni fuq il-piż ta' 30 t, għalhekk jista' jkun hemm massimu ta' 38-42 tlugħ u nżul ta' ajruplani kull siegħa (madwar 30 000 tlugħ u nżul ta' ajruplani kull sena) u hemm biss 60 post għall-ipparkjar ta' ajruplani.

(52)

Tkabbir bis-suppożizzjoni li d-DHL ma tiddeċidix favur l-ajruport ta' Leipzig bħala lokazzjoni għall-operat tagħha: Anke mingħajr id-deċiżjoni tad-DHL favur l-ajruport ta' Leipzig — skont il-Ġermanja- l-ajruport ikollu jkabbar il-kapaċità tiegħu, sabiex ikunu jistgħu jiġu amministrati ż-żieda kbira fil-ġarr ta' merkanzija bl-ajru u aktar titjiriet ta' bil-lejl minħabba r-restrizzjonijiet fuq titjiriet ta' bil-lejl mistennija fl-ajruport ta' Frankfurt/Main. Dan iċ-ċaqliq huwa stmat li jfisser madwar 300 000 t ta' merkanzija bl-ajru fl-2012. Dan jikkorrispondi għall-kwart tal-merkanzija sħiħa bl-ajru ta' Frankfurt/Main, iżda ma jinkludix merkanzija oħra li titgħabba f'ajruplani tal-passiġġieri (li mhux ser jiġu affettwati minn restrizzjonijiet fuq titjiriet ta' bil-lejl). Għall-2013-2018 qed jiġi kkunsidrat aktar ċaqliq ta' 100 000 t ta' merkanzija bl-ajru fis-sena lejn ajruporti oħra minħabba nuqqas fil-kapaċità. Mill-2019 'il quddiem qed jiġi kkalkulat tkabbir b'rata ta' 3 % fis-sena. Din hija stima kawta fuq il-bażi ta' rapport tal-ProgTransAG (13), li fih hija prevista rata annwali ta' tkabbir fis-suq ta' 8 % sa 10 % għal servizzi ta' kunsinna mgħaġġla.

(53)

Tkabbir bis-suppożizzjoni, li d-DHL tiddeċiedi favur l-ajruport ta' Leipzig bħala post għall-operat tagħha: Fix-xenarju ta' tkabbir bid-DHL jiġu kkunsidrati l-effetti taċ-ċaqliq ta' operatur ta' servizzi ta' kunsinna mgħaġġla lejn l-ajruport ta' Leipzig mis-sena 2008 'l quddiem. Dan ix-xenarju jitqides bħala kawt, għaliex xenarju realistiku jagħti riżultati ħafna aħjar. Ix-xenarji ta' tkabbir huma differenti fuq kollox fil-fażi tal-bidu. Ir-rebħ tad-DHL iwassal għal żvilupp ta' bejgħ akbar b'mod konsiderevoli.

(54)

Ix-xenarji kollha jassumu li indipendentament miċ-ċaqliq tad-DHL u miż-żieda fil-bejgħ marbuta miegħu, l-ispejjeż tal-kapital huma l-istess għat-tkabbir tar-runway fin-nofsinhar. L-investimenti l-oħra biss fiż-żona tat-tlugħ u l-inżul għal traffiku ta' merkanzija skont in-neċċessità tal-kapital ma jiġux trattati fix-xenarji “tkabbir mingħajr id-DHL” qabel l-2012.

(55)

Sabiex ikunu jistgħu jiġu mqabbla l-ammonti ta' flus ħerġin u deħlin f'perjodi ta' żmien differenti, il-Ġermanja bbażat il-kalkoli tagħha fuq fattur ta' tnaqqis ta' 6.5 % (il-fattur nominali tat-tnaqqis ta' 7 % ġie addattat meta ġiet ikkunsidrata l-inflazzjoni). Dan il-fattur ta' tnaqqis ġie determinat skont il-Mudell għall-Ipprezzar ta' Assi Kapitali (minn issa 'l quddiem imsejjaħ “CAPM”) u bbażat fuq is-suppożizzjonijiet li ġejjin:

Tabella 1

Tqabbil tax-xenarji “Status quo”, “Tkabbir mingħajr id-DHL” u “tkabbir bid-DHL”

(56)

Il-Ġermanja targumenta, li x-xenarju “status quo” għandu jiġi emmendat, sabiex ir-rabtiet u l-obbligi marbuta mal-iżvilupp negattiv jiġu kkunsidrati. L-ajruport huwa lest li jikkometti ruħu għal obbligi li b'kollox jammontaw għal EUR 108,3 miljun , li anke f'każ tat-twaqqif tal-bini jridu jiġu ssodisfati. Barra minn hekk jekk l-ajruport imur lura għall-“Istatus quo” miżuri marbuta mal-iżvilupp negattiv li hu stmat li jammontaw għal EUR 100 miljun huma meħtieġa.

Tabella 2

Tqabbil tax-xenarji “Status quo” u “tkabbir bid- DHL” meta wieħed jikkunsidra r-rabtiet u l-obbligi marbuta ma' żvilupp negattiv

(57)

Permezz ta' ittra tad-9 ta' April 2008, il-Ġermanja infurmat lill-Kummissjoni, li f'dak li għandu x'jaqsam mal-prinċipju ta' investitur li jinnegozja fis-suq liberu, kalkoli magħmula jinkludu l-ispejjeż marbuta mal-investiment u l-operat għal miżuri tas-sigurtà, li jaqgħu taħt ir-responsabbiltajiet marbuta mas-sigurtà u l-ordni pubbliku u mhumiex soġġetti għal spezzjonijiet marbuta ma' għajnuniet. Dawn l-ispejjeż jistgħu għalhekk ma jiġux ikkunsidrati għall-kalkoli eżistenti.

Tabella 3

Tqabbil tax-xenarji “status quo”, “tkabbir mingħajr id-DHL” u “tkabbir bid-DHL” mingħajr l-ispejjeż marbuta mal-investiment u l-operat għal miżuri tas-sigurtà

(58)

Il-Ġermanja iżda tibqa' tal-opinjoni, li l-finanzjament tat-tkabbir tar-runway fin-nofsinhar tal-ajruport ta' Leipzig hija miżura politkoekonomika komuni, li fil-kwadru sħiħ mhijiex it-tip li tkun soġġetta għal spezzjonijiet marbuta ma' għajnuniet, iżda għaddiet informazzjoni lill-Kummissjoni dwar l-investimenti magħmula fil-qasam ta' miżuri spezzjonati, li fl-opinjoni tal-Ġermanja jaqgħu fil-qasam tas-sigurtà, tas-sigurtà tal-kontroll ta' traffiku bl-ajru, tal-pulizija, tad-dwana, tat-traffiku bl-ajru eċċ (qabbel mal-figura li ġejja). Dawn l-investimenti huma deskritti fil-paragrafi 58-69.

Tabella 4

Investimenti f'miżuri ta' sigurtà u sikurezza 2006-2042 f'euro (valur nominali)

(59)

Minbarra għall-investiment, il-Ġermanja tagħmel referenza wkoll lill-Kummissjoni għall-ispejjeż kontinwi marbuta mal-operat (spejjeż marbuta mal-materjal u mal-persunal) għall-oqsma kkonċernati. F'dan il-qasam qed issir referenza għad-Direttivi tal-2005, li skont huma “Attivitajiet li normalment l-Istat ikun responsabbli għalihom minħabba n-neċċessità tagħhom”, ġeneralment mhumiex soġġetti għad-Direttivi (qabbel mal-punti 33 u 54 tal-Linji Gwida). Minn dawn l-ispejjeż il-Ġermanja naqqset id-dħul minn ħlasijiet għas-sigurtà skont § 8 paragrafu 3 tal-liġi dwar is-sigurtà fl-ajru (minn issa 'l quddiem imsejjħa “LuftSiG”). Dawn il-ħlasijiet jiġu ċċarġjati fl-ajruport għall-kontroll ta' passaġġieri.

Tabella 5

Spejjeż u dħul marbuta mas-sigurtà waqt l-operat 2006-2042 total f'euro (valur nominali)

(60)

It-tagħmir għas-sigurtà u l-miżuri għall-protezzjoni minn perikli huma konformi mal-obbliġi ta' operaturi ta' ajruporti skont il-leġiżlazzjoni nazzjonali, jiġifieri l-liġi dwar is-sigurtà fl-ajru (LuftSiG) kif ukoll il-liġi dwar it-traffiku bl-ajru (LuftVG) u skont ir-rakkomandazzjonijiet tal-Organizzazzjoni Internazzjonali tal-Avjazzjoni Ċivili (ICAO) f'dak li għandu x'jaqsam ma' miżuri għall-protezzjoni minn perikli fl-avjazzjoni waqt l-ippjanar, il-bini u l-operat ta' ajruporti tal-passiġieri.

(61)

Biex jiġi evitat aċċess mhux awtorizzat għaż-żoni tas-sigurtà tal-ajruport, il-persuni, vetturi u oġġetti kollha jgħaddu minn punt għall-kontroll ta' aċċess li huwa mgħammar b'bibien tas-sigurtà, b'tagħmir tar-raġġi X u sondi tal-idejn. Permezz ta' sistema għall-protezzjoni minn perikli u għall-kontroll l-aċċess għaż-żoni tas-sigurtà jiġi amministrat u sorveljat. Iċ-ċentru tal-kontroll għas-sigurtà huwa wkoll konness mas-sistema ta' allarm f'każ ta' perikli (jiġifieri allarm tan-nar u ċentru tal-inġinerija tal-bini eċċ.) u mas-sistema għall-kontroll ta' aċċessi (jiġifieri sistemi ta' allarm f'każ ta' serq u attakki, sorveljanza bil-vidjow eċċ.). Minħabba s-sistema ta' pajpijiet mibdula tar-runway il-ġdida fin-nofsinhar kien meħtieġ il-bini mill-ġdid tal-istekkati ta' barra u l-bini ta' żewġ punti oħra għall-kontroll ta' aċċessi ġodda (punti tal-kontroll 2 u 4).

(62)

Barra minn hekk l-operatur għandu jinkorpora l-miżuri tas-sigurtà msemmija fi programm tas-sigurtà għall-avjazzjoni ċivili skont l-Artikolu 5 paragrafu 4 tar-Regolament (KE) Nru 2320/2002 tal-Parlament Ewropew u tal-Kunsill tas-16 ta' Diċembru 2002 għad-determinazzjoni ta' regolamenti kollettivi għas-sigurtà fl-avjazzjoni ċivili (16), li għandu jiġi sottomess għall-approvazzjoni tal-awtoritajiet ikkonċernati għas-sigurtà fl-ajru. L-operatur ta' ajruport tal-passiġġieri huwa obbligat, li jimplimenta l-miżuri tas-sigurtà stipulati fil-programm tas-sigurtà għall-avjazzjoni ċivili approvat. Il-programm tas-sigurtà għall-avjazzjoni ċivili tal-ajruport ta' Leipzig ġie approvat mid-Dipartiment tat-traffiku bl-ajru fi ħdan il-Ministeru għall-Ekonomija u x-Xogħol ta' Sachsen fil-25 ta' Ottubru 2007. Biex ikun konformi mal-obbligi tiegħu marbuta mal-LuftSiG, l-ajruport ta' Leipzig jopera dipartiment tas-sigurtà hu stess.

(63)

Peress li l-ajruport kien iddeċieda, li jawtorizza traffiku bi prodotti minn terzi pajjiżi f'dak li għandu x'jaqsam mad-Direttiva 97/78/KE tal-Kunsill tat-18 ta' Diċembru 1997 għad-determinazzjoni ta' regoli bażiċi għall-kontroll veterinarju ta' prodotti impurtati fil-Kommunità minn pajjiżi terzi (17), l-ajruport jeħtieġ sit għall-kontroll fuq fruntieri għall-kontroll veterinarju għat-tagħbija u l-ħatt u kull tip ta' ħażna ta' prodotti mill-annimali kif ukoll għall-akkomodazzjoni tal-annimali.

(64)

L-ajruport huwa obbligat bil-liġi, li jagħmel provvedimenti għal servizzi tat-tifi tan-nar u tas-salvataġġ. Servizzi tat-tifi tan-nar u tas-salvataġġ huma fost ir-rekwiżiti biex tingħata liċenzja għall-operat. Biex tissodisfa r-rekwiżiti preżentement validi għal servizzi tat-tifi tan-nar u tas-salvataġġ, ir-runway il-ġdida fin-nofsinhar kellu jkollha stazzjoni tan-nar għaliha. L-ajruport ta' Leipzig għalhekk għandu stazzjonijiet tan-nar (18) fiż-żona tat-tramuntana u fiż-żona tan-nofsinhar tal-ajruport.

(65)

L-ajruport għandu jkollu provvista doppja ta' kurrenti elettriċi. Skont ir-rekwiżiti regolatorji, dan jista' jsir biss permezz ta' provvista ta' kurrenti elettriċi mingħajr interruzzjonijiet (UPS). Għal dan il-għan ġew installati sistemi dinamiċi tal-UPS imħaddma bid-dijżil f'kull wieħed mit-tliet stazzjonijiet tad-dawl tar-runway fin-nofsinhar.

(66)

Skont il-Ġermanja kien meħtieġ li titkabbar il-provvista ta' kurrenti elettriċi għas-sigurtà tal-provvista ta' kurrenti elettriċi inkluża tal-kapaċitajiet fir-riżerva kif ukoll għall-ġenerazzjoni ta' kapaċitajiet ġodda għal stabbilimenti ta' intrapriżi oħra fl-ajruport ta' Leipzig. Għalhekk ġie ppjanat il-bini ta' substation bi spiża ta' EUR 5 miljun .

(67)

Spejjeż (għal kejbils b'vultaġġ għoli u b'vultaġġ baxx) għall-ajruport inqalgħu anke b'konnessjoni mar-ristruttrar tar-runway fin-nofsinhar minħabba l-obbligi tagħha marbuta mar-regolamenti fil-qasam tas-sigurtà fl-ajru (§ 27 (d) LuftVG) u minħabba l-obbligi marbuta ma' servizzi meteoroloġiċi (§ 27 (f) LuftVG).

(68)

Ir-regolamenti dwar id-dwal għan-navigazzjoni huma determinati fl-addendum 14 tal-ICAO (19). Dawn ir-regolamenti ġew imdaħħla fil-Ġermanja permezz tal-prinċipji kommuni tal-pajjiż u tal-Istati dwar l-immarkar u t-tidwil ta' ajruporti bi strumenti għat-traffiku bl-ajru. L-ajruport kellu aktar spejjeż marbuta mad-dwal għan-navigazzjoni li kellhom jiġu installati fir-runway il-ġdida fin-nofsinhar.

(69)

Il-Ġermanja tiddikkjara, li fis-snin wara l-2010 ser ikun meħtieġ il-bini ppjanat ta' żoni oħra għat-tlugħ u l-inżul u t-tagħmir tagħhom bis-sistemi ta' dwal. Spejjeż marbuta mal-operat għandhom jiġu wkoll ikkunsidrati (qabbel ma' figura 4).

(70)

Jekk il-Kummissjoni tasal għall-konklużjoni, li dan l-investiment huwa għajnuna, il-Ġermanja tissuġerrixxi, li l-investimenti jiġu deskritti bħala għajnuna eżistenti fis-sens tar-Regolament (KE) Nru 659/1999 tal-Kunsill tat-22 ta' Marzu 1999 dwar regolamenti speċifiċi għall-applikazzjoni tal-Artikolu 93 tat-Trattat tal-KE (20), għalhekk “għajnuniet, li jgħoddu bħala għajnuniet eżistenti, għaliex jista' jiġu ppruvat, li fiż-żmien li huma ġew mogħtija, ma kinux għajnuniet u aktar tard saru meqjusa bħala għajnuniet minħabba l-iżvilupp tas-Suq Komuni”.

(71)

Il-Ġermanja ssemmi ukoll li t-tiġdid tar-runway fin-nofsinhar huwa wkoll fl-interess nazzjonali skont l-Artikolu 87 paragrafu 3 tat-Trattat tal-KE, u dwar dan ippreżentat xi argumenti. Fl-opinjoni tal-Ġermanja, il-bini tar-runway il-ġdida fin-nofsinhar ser ittejjeb l-integrazzjoni tas-sistemi tat-trasport nazzjonali u internazzjonali u ġġib għar-reġjun benefiċċji ekonomiċi. Intrapriżi internazzjonali, li għall-bejgħ tal-prodotti tagħhom jagħmlu użu mis-servizzi ta' kunsinna mgħaġġla, jistabbilixxu ruħhom fir-reġjun Halle/Leipzig. Iċ-ċentru amministrattiv għall-ġarr ta' merkanzija bl-ajru kien diġa ġibed numru ta' intrapriżi attivi internazzjonalment fir-reġjun, li bihom jiżdiedu l-postijiet tax-xogħol ġodda tant meħtieġa. Ċentru amministrattiv għall-ġarr ta' merkanzija bl-ajru jirriżulta bħala ambjent konvenjenti għal intrapriżi u investimenti, liema ambjent min-naħa tiegħu iġib akatar effetti pożittivi fuq is-settur tax-xogħol. Il-Ġermanja tirreferi għall-analiżi mill-Professur Dr. Jüneman skont liema, permezz taċ-ċentru amministrattiv għall-ġarr ta' merkanzija bl-ajru kif jitlesta fis-sena 2008, fl-ajruport Leipzig/Halle biss għandu jkun hemm 3 500 post tax-xogħol diretti u madwar 7 000 post tax-xogħol indiretti. Il-maġġoranza ta' dawn il-postijiet tax-xogħol għandhom ikunu f'intrapriżi speċjalizzati, li jistabbilixxu ruħhom fir-reġjun minħabba ċ-ċentru amministrattiv.

(72)

Ir-ristrutturar tar-runway fin-nofsinhar hija wkoll aktar sostenibbli. Fil-futur, permezz tagħha jiġi evitat li jgħaddu titjiriet minn fuq żoni popolati fin-nofsinhar ta' Leipzig u fin-nofsinhar ta' Halle. Żona minn Leipzig, li tinsab qrib l-ajruport u li kienet tinsab quddiem ir-runway il-qadima fin-nofsinhar, kienet tiġi milquta minn ħafna strobju. Minħabba l-allinjament differenti tal-passaġġi tat-tluq u tal-wasla taż-żewġ runways l-istrobju li jirriżulta mill-operat ta' titjiriet kien kollu kkonċentrat hemmhekk. Permezz tar-ristrutturar tar-runway fin-nofsinhar it-tniġġis ambjentali fiċ-ċentru urban popolat ta' Leipzig/Halle jonqos.

(73)

Barra minn hekk, l-allinjament tar-runway il-qadima fin-nofsinhar ma kienx konformi mar-rekwiżiti meteoroloġiċi tal-avjazzjoni għal tlugħ u nżul. Id-direzzjoni tar-riħ matul is-sena kif ukoll f'xhur individwali tkun ġeneralment mil-lbiċ. Għalhekk bejn l-allinjament tar-runway il-qadima fin-nofsinhar u d-direzzjoni ġenerali tar-riħ jirriżulta li hemm devjazzjoni ta' madwar 20 grad. Dan jista' jkun ta' żvantaġġ minħabba interferenzi għal komponenti tar-riħ mill-ġenb għaż-żaqq. L-allinjament il-ġdid huwa konformi mar-rekwiżiti meteoroloġiċi tal-avjazzjoni u jippermetti l-operat ta' titjiriet bi strumenti li s'issa ma setax isir skont il-grad tal-operat CAT III f'kull tip ta' temp. Id-distanza ta' aktar minn 2000 metru bejn il-karreġġjati għat-tlugħ u l-inżul tippermetti traffiku indipendenti ta' titjiriet fuqhom.

(74)

Il-Ġermanja tenfasizza li d-deċiżjonijiet kollha marbuta mal-ippjanar jittieħdu billi wieħed iżomm f'moħħu l-ħtiġijiet fuq tul ta' żmien u l-vantaġġi speċifiċi tal-ajruport jekk jikkonċentra aktar fuq il-ġarr ta' merkanzija. L-aktar importanti fost dawn il-vantaġġi huwa l-awtorizzazzjoni bla restrizzjonijiet ta' titjiriet ta' bil-lejl kemm għall-karreġġjati tat-tlugħ kif ukoll tal-inżul. F'ħafna ajruporti Ewropej hemm restrizzjonijiet fuq titjiriet ta' bil-lejl. Dawn affettwaw it-traffiku għall-ġarr ta' merkanzija kollu u kienu speċjalment ta' ħsara għall-kunsinna mgħaġġla, u l-operat ta' ċentru amministrattiv tal-avjazzjoni huwa prattikament biss possibbli f'ajruporti mingħajr restrizzjonijiet fuq titjiriet ta' bil-lejl.

(75)

Iżda dan it-tip ta' ajruporti mingħajr restrizzjonijiet fuq titjiriet ta' bil-lejl ġeneralment jinsabu f'reġjuni b'popolazzjoni iżgħar, li għandhom biss infrastrutturi insuffiċjenti għat-trasport fuq l-art. Iżda l-ajruport ta' Leipzig joffri l-vantaġġ ta' konnessjonijiet tat-trasport eċċellenti fin-netwerk tal-ferroviji u tat-toroq. Il-pjan reġjonali għall-punent ta' Sachsen ippublikat fl-2001 jispjega l-iżvilupp infrastrutturali ppjanat f'dan ir-reġjun. Skont dan il-pjan, l-ajruport għandu jiġu mkabbar b'tali mod li jtejjeb il-pożizzjoni tar-reġjun bħala parti min-netwerk tat-trasport għall-ġarr ta' merkanzija nazzjonali u internazzjonali.

(76)

L-ajruport jinsab fil-punt fejn jiltaqgħu żewġ awtostradi Ġermaniżi li jgħaqqdu ż-żoni importanti minn fejn jiġu l-aktar passiġġieri mal-ajruport mit-tramuntana, min-nofsinhar u mill-ilvant u l-punent. In-netwerk ta' toroq għandu jiġi miżjud b'aktar rotot prinċipali, li għandhom jitkabbru b'konformità mat-tkabbir tal-ajruport. L-ajruport għandu wkoll konnessjoni eċċellenti man-netwerk tal-ferrovija. Il-binajri tal-ICE Erfurt-Halle/Leipzig jibqgħu sejrin sa ħdejn l-ajruport u għalhekk ikun jista' jintlaħaq faċilment permezz tal-użu ta' ferroviji bejn belt u oħra u ta' ferroviji reġjonali.

(77)

Skont il-Ġermanja din il-koinċidenza rari ta' aspetti pożittivi meta mqabbla man-nuqqasijiet fil-kapaċità u man-nuqqasijiet infrastrutturali f'ajruporti oħra Ġermaniżi hija utli ħafna. L-ajruport ta' Leipzig għalhekk iddeċieda li, għall-kuntrarju ta' ajruporti oħra Ġermaniżi, jikkonċentra fuq in-negozju marbut mal-ġarr ta' merkanzija bl-ajru u għalhekk fuq suq żgħir.

(78)

Is-settur tal-ġarr ta' merkanzija bl-ajru, speċjalment in-negozju b'kunsinni mgħaġġla qed juri tkabbir konsiderevoli. Dan l-iżvilupp qed iġiegħel lil fornituri kbar ta' servizzi ta' kunsinna mgħaġġla jkabbru l-kapaċitajiet operativi tagħhom, waqt li l-kapaċitajiet eżistenti tal-ajruporti qed jonqsu u r-restrizzjonijiet fuq titjiriet ta' bil-lejl qed jiżdiedu.

(79)

F'dak li għandu x'jaqsam mat-tħassib tal-Kummissjoni dwar l-effiċjenza ekonomika tat-tiġdid tar-runway fin-nofsinhar, il-Ġermanja tirreferi għad-deċiżjoni fil-każ tal-ajruport ta' Antwerp, fejn il-Kummissjoni f'dak li għandu x'jaqsam ma' ajruporti reġjonali waslet għall-konklużjoni li restrizzjonijiet reġjonali aktarx jagħmluha impossibbli għall-ajruporti li jilħqu d-dħul meħtieġ, biex joffru servizzi adekwati ta' ajruport jew biex jiggarantixxu l-effiċjenza ekonomika tal-ajruporti. Sabiex dawn l-ajruporti jkunu jistgħu jiffunzjonaw bħala punt ta' aċċess fl-interess pubbliku, f'dawn iċ-ċirkostanzi huwa meħtieġ kapital pubbliku.

(80)

Id-disponibbiltà ta' żewġ karreġġjati għat-tlugħ u l-inżul indipendenti minn xulxin hija ħtieġa indispensabbli għall-operat ta' ajruport modern għall-ġarr ta' merkanzija. Dan jgħodd aktar għal ċentri amministrattivi prinċipali u għal servizzi ta' kunsinna mgħaġġla. Mingħajr it-tieni karreġjata għat-tlugħ u l-inżul l-ajruport ta' Leipzig ma jistax jiffunzjona bħala ċentru amministrattiv u ma jistax jikkonċentra fuq is-suq żgħir tan-negozju għall-kunsinna mgħaġġla ta' merkanzija kif deskritt fil-paragraf 71 ff. In-numru ta'passiġġieri huwa totalment irrelevanti għall-mistoqsija jekk sistema ta' runways paralleli hijiex meħtieġa.

(81)

Minħabba l-allinjament tar-runway il-qadima fin-nofsinhar tal-ajruport kien impossibli li r-runway il-qadima fin-nofsinhar u r-runway il-ġdida fit-tramuntana joperaw fl-istess ħin. Il-passaġġi tal-wasla u tat-tluq kienu jiltaqgħu f'punt bil-konsegwenza li l-istituzzjoni għas-sigurtà fl-ajru Ġermaniża kienet tqis iż-żewġ runways mill-aspett tal-operat ta' titjiriet bħala runway waħda. Barra minn hekk kundizzjonijiet tat-temp negattivi jew inċidenti kienu jwasslu għal xkiel fil-katina loġistika. Id-disponibbiltà tat-tieni runway parallela hija għalhekk indispensabbli sabiex tiggrantixxi l-operat mingħajr xkiel tal-ajruport u biex tiġbed fornituri ta' servizzi tal-ġarr ta' merkanzija. Din l-evalwazzjoni ġiet konfermata wkoll mill-awtoritajiet konċernati dwar proċeduri għat-tħejjija ta' pjanijiet għall-bini tar-runway il-ġdida fin-nofsinhar. L-awtorijtajiet ġabru pariri minn esperti dwar il-mistoqsija jekk hux meħtieġ li r-runway fin-nofsinhar tiġi mdawwra biex tiġi parallela għar-runway fit-tramuntana, jew jekk il-karreġjati għat-tlugħ u l-inżul fil-forma ta' V jkunux jistgħu jintużaw. Mir-rapport irriżulta li b'sistema ta' runways fil-forma ta' V anke ttardjar medju għal titjiret tal-passiġġieri ma jkunx aċċettabbli u li jsir traffiku għall-ġarr ta' merkanzija jkun impossibbli. Barra minn hekk, ġie determinat li ttardjar f'ċentru amministrattiv għall-kunsinna mgħaġġla ta' merkanzija jiżdied għaliex, minħabba t-tagħbija u l-ħatt tal-merkanzija fi u minn ajruplani li waslu tard jiġu mtawla wkoll il-ħinijiet tat-tluq ta' ajruplani oħra. Il-katina loġistika fil-gateways tinkiser. Is-sistema ta' runways paralleli għalhekk iżżid il-flessibbiltà tal-ajruport u tagħmlu atrajenti għal utenti potenzjali.

(82)

Wara li kkunsidrat l-interessi pubbliċi kollha kkonċernati, l-awtorità tal-ippjanar ikkonfermat li l-pjanijiet għat-tkabbir jagħmlu sens għall-ekonomija u li l-opportunitjiet kummerċjali jibbilanċjaw sew ir-riskji. L-awtoritajiet ikkonċernati mit-tħejjija ta' pjanijiet waslu għall-konklużjoni li l-infrastruttura għall-istabbiliment ta' ċentru amministrattiv prinċipali għall-merkanzija bl-ajru fl-ajruport hija meħtieġa meta wieħed iqis il-lat makroekonomiku kif ukoll il-lat mikroekonomiku. Barra minn hekk, it-tidwir tar-runway tan-nofsinhar tnaqqas il-periklu ta' ħabtiet. Il-Qorti Federali Amministrattiva approvat id-deċizjoni għat-tħejjija ta' pjanijiet meta tat il-verdett tagħha fid-9 ta' Novembru 2006 u dwar dan il-każ ma ddikjarat l-ebda nuqqasijiet marbuta ma' konsiderazzjonijiet.

(83)

Ripetutament il-Ġermanja enfassizzat li d-deċiżjoni għall-bini mill-ġdid tar-runway fin-nofsinhar ġiet meħuda indipendentement minn u qabel id-deċiżjoni tad-DHL għaċ-ċaqliq taċ-ċentru amministrattiv tagħha għall-merkanzija bl-ajru minn Brussell għal Leipzig. Id-DHL sempliċement kienet akkwIstat konferma dwar l-użu tar-runway fin-nofsinhar waqt żewġ perjodi ta' ħinijiet bil-lejl (li tikkorrispondi għal ammont ta' ħin ta'[10-25] % għall-użu tar-runway fin-nofsinhar), filwaqt li r-runway tan-nofsinhar fil-bqija tal-ħin li jibqa' bil-lejl kif ukoll matul il-ġurnat tkun disponibbli għall-persuni kkonċernati kollha.

(84)

Għalhekk skont l-evalwazzjoni tal-Ġermanja, il-miżura ma taffetwax b'mod negattiv il-kummerċ fil-Kommunità, għaliex il-kapaċitajiet fis-suq għall-ġarr ta' merkanzija bl-ajru — speċjalment in-negozju għall-kunsinni mgħaġġla — fil-mument huwa limitat fl-Ewropa kollha.

(85)

Fl-opinjoni tal-Ġermanja, l-ajruport mexa skont il-prinċipju ta' investitur li jinnegozja f'suq liberu, meta ffirma l-ftehim strutturali, għaliex l-effetti pożittivi u l-benefiċċji tal-ftehim mad-DHL kienu jibbilanċjaw tajjeb ħafna mar-riskji u l-obbligi tal-ajruport. Ir-riskju li jibqagħlu l-ajruport ta' Leipzig f'dak li għandu x'jaqsam mal-obbligi marbuta mal-kapaċitajiet u l-operat huwa żgħir ħafna.

(86)

Il-Ġermanja hi tal-opinjoni li l-ajruport aġixxa bħala investitur privat meta fil-21 ta' Novembru 2004 ħa d-deċiżjoni għall-bini tar-runway fin-nofsinhar u sena wara biss, fil-21 ta' Settembru 2005, iddeċieda li jiffirma l-ftehim strutturali. Għalhekk il-mistoqsija deċiżiva hija jekk fis-sena 2005 l-ajruport stenniex dħul ta' flus ogħla fix-xenarju “tkabbir bid-DHL” milli bix-xenarju “tkabbir mingħajr id-DHL”. Peress li f'Settembru tal-2005 l-bini tar-runway fin-nofsinhar kien diġa avvanzat ħafna, sospensjoni tax-xogħlijiet ma kinitx tista' tiġi meqjusa bħala alternattiva effettiva.

(87)

Għall-kuntrarju tad-dikjarazzjonijiet magħmula qabel, fil-kalkulazzjonijiet ta' dħul u ħruġ ta' flus il-Ġermanja inkludiet ukoll valuri finali biex tagħti evidenza ta' aktar profitti mir-runway fin-nofsinhar. Il-kalkulazzjoni ta' valuri finali hija bbażata fuq l-espansjoni lineari tal-profitt nett fis-snin 2038-2042 bis-suppożizzjoni ta' żieda fid-dħul ta' 3 %.

(88)

L-inklużjoni tal-valuri finali taffettwa b'mod qawwi l-profitt tax-xenarji tan-negozju. Fil-waqt li l-Ġermanja għall-perjodu bejn l-2006 u l-2042 ikkalkulat dħul ta' flus nett ta' […] euro għat-tkabbir bid-DHL u ta' madwar […] euro għat-tkabbir mingħajr id-DHL, il-valuri finali li ma kinux netti sal-2006 jammontaw għal madwar […] euro u […] euro rispettivament. Kif juru dawn il-figuri, il-valuri finali jgħollu l-profitt tax-xenarju “tkabbir bid-DHL” għal fattur ta' kważi […] euro u jagħmlu t-“tkabbir mingħajr id-DHL” minn proġett li jġib telf għal proġett li jġib qligħ bi dħul ta' flus ta' madwar […] euro

(89)

Jekk tieħu bħala bażi d-differenza bejn iż-żewġ bilanċi kkalkulati ta' dħul ta' flus taż-żewġ xenarji, il-Ġermanja tasal għall-konklużjoni li x-xenarju “tkabbir bid-DHL” fis-sena 2005 iġib dħul ta' flus, li huwa madwar […] euro aktar minn dak marbut max-xenarju “tkabbir mingħajr id-DHL” (21).

(90)

F'dak li għandu x'jaqsam mal-kalkolu marbut mar-riskji, il-Ġermanja tgħid li assigurazzjonijiet għal riskji huma prattiċi popolari fin-negozju u li r-riskju fil-każ preżenti jista' jiġi ffinanzajat mid-dħul ta' flus. Il-Ġermanja tistma r-riskju marbut mal-ftehim strutturali għal madwar […] euro, f'każ li jiġu introdotti restrizzjonijiet fuq titjiriet ta' bil-lejl, u tassumi li dan ir-riskju jista' jiġi ffinanzjat mill-qligħ mid-dħul ta' flus permezz tad-DHL (22). Investitur privat kien jaċċetta r-riskju tal-kumpens, għaliex fix-xenarju ta' tkabbir bid-DHL, il-bilanċ pożittiv ta'[…] euro milħuq minn dħul ta' flus ikun biżżejjed biex ikopri r-riskju tal-kumpens ta' […] euro.

(91)

Minbarra dawn il-kunsiderazzjonijiet dwar il-periklu tal-projbizzjoni ta' titjiriet ta' bil-lejl, il-Ġermanja kkunsidrat ukoll rata ta' tnaqqis ta' 6,5 % bħala raġonevoli, għaliex id-dħul fil-kalkoli ma jinkludi l-ebda addattament għall-inflazzjoni u r-riskji tal-ajruport ta' Leipzig huma żgħar. Din l-istima hija sostnuta pernezz ta' referenza għad-deċiżjoni tal-awtoritajiet regolatorji tar-Renju Unit dwar id-determinazzjoni ta' kumpensi lil ajruporti għall-perjodu ta' żmien bejn l-2008 u l-2013. Dawn il-kalkoli huma bbażati fuq spejjeż kapitali komparibbli (netti u gross) ta' 6,2 % għall-ajruport ta' Heathrow u ta' 6.7 % għall-ajruport ta' Gatwick.

(92)

Barra minn hekk il-Ġermanja tenfassizza li waqt l-evalwazzjoni tal-kommensurabbiltà tal-ftehim strutturali ġie kkunsidrat ukoll li d-DHL, permezz tal-investiment ta' EUR 250 miljun fiċ-ċentru amministrattiv Ewropew il-ġdid tagħha u permezz tar-rabta tagħha għal tul ta' żmien ma' Leipzig, ukoll qed tieħu riskju tan-negozju konsiderevoli, u li l-ajruport ta' Leipzig jieħu kumpens mingħand id-DHL, jekk l-intrapriża tiddeċiedi li twaqqaf l-attività tagħha qabel ma jgħaddi perjodu ta' 15-il sena.

(93)

Il-Ġermanja waslet għall-konklużjoni li mal-iffirmar tal-ftehim struttturali hemm marbut vantaġġ ekonomiku akbar milli kieku l-ftehim ma jiġix iffirmat u li konsegwentament investitur privat kien jiffirma l-ftehim strutturali mad-DHL. Għalhekk fil-ftehim strutturali m'hemm inkluż l-ebda element ta' għajnuna mill-Istat.

(94)

Il-Ġermanja tispjega li għaż-żona tat-tlugħ u l-inżul kien meħtieġ kuntratt tal-kera għaliex l-ajruport għandu jibqa' dejjem il-proprjetarju tal-infrastruttura biex jiġu ggarantiti l-aċċessi pubbliċi għaż-żona għat-tlugħ u l-inżul għal raġunijiet ta' traffiku fl-ajru kif ukoll minħabba r-regolamenti dwar l-ippjanar, anke jekk ikollu jiġi xolt il-kuntratt mad-DHL.

(95)

F'dak li għandu x'jaqsam ma' kundizzjonijiet speċifiċi fil-kuntratti tal-kera li taw lid-DHL id-dritt għall-għażla li tikri biċċiet ta' art qrib iż-żoni mogħtija lid-DHL u li formalment jipprojbixxu l-kiri ta' dawn iż-żoni lil kompetituri tad-DHL, il-Ġermanja semmiet li l-ajruport ta' Leipzig għandu ħafna biċċiet ta' art li ma jmissux maż-żona mogħtija lid-DHL u li huma disponibbli għal kompetituri tad-DHL. Il-Ġermanja tgħid ukoll li r-reservazzjoni ta' artijiet qrib iż-żoni tad-DHL hija konformi mal-prinċipju tal-protezzjoni tal-imgħaxijiet kummerċjali tal-kerrej, li huwa rikonoxxut fil-liġi tal-kera Ġermaniża (23).

(96)

Skont valutazzjoni tal-Ġermanja l-ajruport aġixxa bħala investitur privat, għaliex il-ħlasijiet lill-ajruport miftehma mad-DHL huma konformi ma' kundizzjonijiet normali tas-suq u jinsabu wkoll fl-ogħla skala ta' ħlasijiet, li d-DHL tħallas għal ċentri amministrattivi oħra Ewropej (qabbel man-paragraf 115 ff.). Għalhekk il-Ġermanja tagħti prova li l-ħlasijiet lill-ajruport imħallsa mid-DHL lill-ajruport ta' Leipzig mhuma bl-ebda mod trattament preferenzjali.

(97)

L-ewwel nett il-Ġermanja tispjega li l-Istat ta' Sachsen ser jiġi indirettament kumpensat għall-garanzija permezz tal-qligħ ogħla li jiġi mill-investiment. It-tieni nett, il-Ġermanja tħares lejn id-dikjarazzjoni mill-Istat bħala prattika popolari fin-negozju, għaliex l-Istat ta' Sachsen ta din id-dikjarazzjoni mill-Istat li tammonta għal […] euro għall-benefiċċju tad-DHL biex jirreċiproka d-dikjarazzjoni mid-Deutsche Post AG (jiġifieri l-kumpanija proprjetarja tad-DHL) li tammonta għal […] euro, biex tipproteġi kull tip ta' dritt tal-ajruport ta' Leipzig fil-konfront tad-DHL (pereżempju, li d-DHL ikollha tħallas kumpens skont il-kuntratt tal-ammont ta' ħlasijiet marbuta mal-inżul għal […] snin, f'każ li l-intrapriża tiddeċiedi li wara l-ewwel […] snin tal-ftehim strutturali titlaq mill-ajruport ta' Leipzig).

(98)

Barra minn hekk il-Ġermanja tagħmilha ċara li d-dikjarazzjoni mill-Istat teħtieġ l-approvazzjoni mill-Kummissjoni u għalhekk għadha ma daħħlitx fis-seħħ.

(99)

Fl-opinjoni tad-DHL id-dubji tal-Kummissjoni dwar il-ħtieġa tal-bini tar-runway il-ġdida fin-nofsinhar jikkontradixxu b'mod dirett id-dikjarazzjoni maħruġa minnha stess fl-24 ta' Jannar 2007 indirizzata lill-Kunsill, lill-Parlament Ewropew, lill-Kummissjoni Ewropeja għall-Ekonomija u Affarijiet Soċjali u lill-Kummissjoni tar-Reġjuni “Pjan ta' azzjoni għall-kapaċità, l-effiċjenza u s-sigurtà tal-ajruporti fl-Ewropa” (24), li skont hi l-kapaċitajiet eżistenti għandhom jiżdiedu, sabiex jiġu mnaqqsa piżijiet żejda minn fuq l-ajruporti Ewropej. Id-DHL permezz tat-tfittix tagħha fit-tul għal ċentru amministrattiv addattat tara li kif tikkonferma d-dikjarazzjoni tal-Kummissjoni, dan is-settur wasal fit-tarf tal-kapaċitajiet tiegħu.

(100)

It-tkabbir tal-ajruport ta' Leipzig jikkontribwixxi bil-kbir għall-eliminazzjoni ta' din il-kriżi fil-kapaċitajiet. Wara li l-Kummissjoni kienet iddikjarat it-traffiku bl-ajru bħala “il-mutur” tat-tkabbir ekonomiku u l-ġarr tal-merkanzija bl-ajru bħala “iċ-ċavetta” għat-tkabbir tas-suq domestiku u tal-kummerċ barrani, it-tkabbir tal-kapaċitajiet tal-ajruport ta' Leipzig huwa għalhekk fl-interess pubbliku tal-Istati Membri u tal-Kommunità kollha.

(101)

Fl-opinjoni tad-DHL it-tkabbir jew it-tiġdid tal-karreġjati tat-tlugħ u tal-inżul huma aktar ekonomikament effiċjenti mill-bini mill-ġdid ta' karreġjata ġdida għat-tlugħ u l-inżul. Sistema ta' runways paralleli tevita l-ittardjar u d-devjazzjoni ta' traffiku minn ajruporti oħra. Li jiġi evitat id-dewmien hija problema aktar kritika fil-qasam tat-traffiku għall-ġarr ta' merkanzija bl-ajru u speċjalment fejn hemm ċentri amministrattivi ċentrali għal traffiku ta' merkanzija b'kunsinna mgħaġġla milli fil-qasam tat-traffiku ta' passiġġieri.

(102)

Skont id-DHL l-akbar vantaġġi taċ-ċaqliq tagħha lejn l-ajruport ta' Leipzig huma l-assenza ta' projbizzjoni ta' titjiriet ta' bil-lejl, il-konnessjoni tajba man-netwerk ta' toroq u ferrovija għall-ġarr ta' merkanzija u d-disponnibbiltà ta' ħaddiema lokali. Il-bini ta' karreġjati għat-tlugħ u l-inżul jeħtieġ ukoll il-provvista ta' infrastrutturi neċċessarji għal mezzi pubbliċi tat-trasport bħala servizz fl-interess komuni. Dan jgħodd speċjalment għar-reġjuni l-ġodda tal-Ġermanja għaliex it-tiġdid tal-infrastrutturi sottożviluppati tat-trasport f'dawn ir-reġjuni hu bla dubju problema pubblika fl-interess tal-pubbliku ġenerali.

(103)

Il-proċeduri kumplessi għat-tħejjija ta' pjanijiet għar-runway fin-nofsinhar irriżultaw li mil-lat makroekonomiku u mil-lat mikroekonomiku, it-tiġdid tar-runway fin-nofsinhar hu meħtieġ. Għalhekk jista' jiġi eskluż li r-runway fin-nofsinhar tal-ajruport ta' Leipzig ġiet ippjanata u mibnija b'mod speċjali għad-DHL. Dan il-proġett ġie mwettaq indipendentament f'dak li għandu x'jaqsam ma' żmien u fatti mid-DHL.

(104)

Id-DHL hija tal-opinjoni, li l-Kummissjoni fid-deċiżjoni tagħha għall-bidu ta' proċeduri ma kkunsidratx biżżejjed ir-rekwiżiti speċjali marbuta mal-loġistika għall-ġarr ta' merkanzija b'kunsinna mgħaġġla. Għall-kuntrarju ta' traffiku bil-passiġġieri, li temporanjament jista' jiġi ddevjat lejn ajruporti oħra, għal servizzi ta' kunsinna mgħaġġla huwa meħtieġ it-twaqqif ta' ċentru amministrattiv u investimenti kbar, li l-ispejjeż tagħhom huma biss vallapena jekk isir stabbiliment permanenti. Ġarr ta' merkanzija b'kunsinna mgħaġġla naturalment isir “bil-lejl” u għalhekk jiddependi bil-kbir minn perjodi ta' ħinijiet għal titjiriet bil-lejl disponibbli kontinwament. Iżda jekk il-Kummissjoni tqis dan ir-rekwiżit bażiku bħala trattament preferenzjali, tkun qed tpoġġi fid-dubju l-prinċipji kummerċjali tal-fornituri kollha ta' servizzi ta' kunsinna mgħaġġla.

(105)

F'każ ta' ċessjoni tar-responsabbiltà finanzjarja għar-runway fin-nofsinhar lid-DHL, l-intrapriża tara dan bħala żvantaġġ inaċċettabbli fis-suq għal servizzi ta' kunsinna mgħaġġla, għaliex il-kompetituri tagħha jkollhom iħallsu biss ħlasijiet standard għat-titjiriet b'merkanzija u fuqhom ma jiġu imposti l-ebda spejjeż marbuta mal-karreġġjati għat-tlugħ u l-inżul. Fl-opinjoni tad-DHL waqt l-iffirmar tal-ftehim, l-ajruport aġixxa bħala investitur privat għaliex il-ħlasijiet għat-tlugħ u l-inżul, il-kundizzjonijiet fil-kuntratti tal-kera taż-żona għat-tlugħ u l-inżul u l-kundizzjonijiet fil-kuntratt dwar ċens huma konformi mal-kundizzjonijiet normali tas-suq. Iż-żmien tal-kuntratt u l-kumpensi li għalihom saru provvedimenti ġew ibbilanċjati. Il-garanziji li għalihom sar provvediment fil-ftehim strutturali meta mkejla mar-riskji meħuda huma ġġustifikati u huma konformi mal-kundizzjonijiet normali għas-suq. Id-dikjarazzjoni mill-Istat għadha ma ġietx awtorizzata mill-Kummissjoni u għalhekk għadha ma daħlitx fis-seħħ.

(106)

Fl-opinjoni tad-DHL, il-ftehim strutturali ma jinkludi fih l-ebda trattament preferenzjali għad-DHL, iżda biss konsiderazzjonijiet u kundizzjonijiet finanzjarji li jistgħu jiġu nnegozjati.

(107)

Id-DHL hija tal-opinjoni li fl-investigazzjoni tagħha jekk investitur privat kienx jaċċetta l-obbligi għall-kumpens li saru provvedimenti għalihom fil-ftehim strutturali, il-Kummissjoni ma kkunsidratx ir-riskji ekonomiċi differenti ta' dawk involuti.

(108)

Għad-DHL it-twaqqif taċ-ċentru amministrattiv ċentrali fl-ajruport ta' Leipzig ma jfissirx biss investiment ta' aktar minn EUR 250 miljun, iżda wkoll dipendenza kummerċjali totali fuq id-disponibbiltà għal tul ta' żmien tal-perjodi ta' ħinijiet għal titjiriet ta' bil-lejl. Jekk dawn il-perjodi ta' ħin ma jibqgħux disponibbli, mhux biss jintefa dubju fuq kemm jagħmel sens investiment ta' EUR 250 miljun, iżda wkoll li jiġi affettwat in-negozju kollu tad-DHL b'mod globali, b'konsegwenzi negattivi imprevedibbli. Skont id-DHL kull investitur privat li jrid iwassal klijent kbir biex jinvesti f'riskji finanzjarji kbar, ikollu jinnegozja dawn ir-riskji bil-prinċipju “agħti, imbagħad jagħtu lilek”, biex jirbaħ lill-klijent.

(109)

Anke wara li jkun deċiż li tinbena it-tieni karreġjata għat-tlugħ u l-inżul (li ma jkunx sar bi ħsieb għad-DHL) ir-riskji għall-ajruport huma ħafna iżgħar minn dawk għad-DHL. Għalhekk, dan ifisser li d-distribuzzjoni diskriminatorja tar-riskji tista' tiġi riflessa biss fid-dispożizzjonijiet ta' responsabbiltà. Waqt li projbizzjoni jew restrizzjoni tat-titjiriet ta' bil-lejl tfisser ħsara kbira għad-DHL, il-ħsara li ssir lill-ajruport tkun limitata għat-telf li jsir mill-ħlasijiet għat-tlugħ u l-inżul, li jistgħu jiġu faċilment kompensati minn utenti oħra. Il-probabbiltà li d-DHL titlaq mill-ajruport fuq inzijattiva tagħha hija żgħira ħafna minħabba l-ispejjeż kbar ta' investiment. Riżultat ta' dan il-provvediment fil-ftehim strutturali għall-kumpens huwa imparzjalment meħtieġ u għalhekk anke normali għas-suq.

(110)

Il-ħtieġa li l-operat ta' titjiriet ta' bil-lejl jiġi ggarantit lil operatur ta' servizzi ta' kunsinna mgħaġġla hija wkoll dokumentata fil-kuntratt ippubblikat bejn is-SAB (operatur tal-ajruport ta' Liège) u t-TNT dwar it-twaqqif ta' ċentru amministrattiv ċentrali permezz tat-TNT:

(111)

Skont id-DHL it-tqassim diskriminatorju tar-riskji jidher aktar ċar fir-regolamenti dwar l-ammont u l-perjodu ta' żmien tal-obbligu tal-kumpens: It-TNT hija intitolata għal kumpens mis-SAB f'każ li l-garanziji ma jiġux issodisfati waqt il-perjodu sħiħ tal-kuntratt, iżda d-drittijiet marbuta ma' ħsarat fil-konfront tas-SAB jonqsu aktar kemm ma jgħaddi żmien mill-perjodu tal-kuntratt, jekk it-TNT ttemm il-kuntratt wara 10 snin, id-dritt jonqos b'tali mod li jiġi jiswa daqs l-ammont medju ta' ħlasijiet għall-inżul imħallsa f'sena (qabbel man-numru 10.3 c tal-kuntratt SAB-TNT).

(112)

Il-Kummissjoni kkritikat il-fatt li r-rati tal-kera taż-żona għat-tlugħ u l-inżul mhumiex addattati għall-prezzijiet marbuta ma' propjetà immobbli normali għar-reġjun, u għal dan id-DHL targumenta li mil-lat legali l-kuntratt dwar l-kera mhuwiex kuntratt tal-kera marbut mal-abitazzjoni. Skont il-forma legali u n-natura tiegħu kuntratt tal-kera industrijali ma jsegwix ir-rati tal-kera normali għar-reġjun, iżda jiġi addattat għar-rati tal-imgħaxijiet tal-kapital provvist minn sid il-kera. Għalhekk addattament tal-ħlasijiet li għandhom jitħallsu mill-utent għar-rati tal-kera normali għar-reġjun mhux raġonevoli u lanqas jinstab fi ftehimiet oħra simili tal-kera.

(113)

Il-kritika tal-Kummissjoni li l-ftehim tal-kera jillimita l-libertà għal għażliet tal-ajruport f'dak li għandu x'jaqsam mal-finanzjament ta' spejjeż marbuta ma' investimenti permezz ta' krediti jew kontribuzzjoni għall-kapital, skont id-DHL hija bbażata fuq interpretazzjoni ħażina tal-ftehim tal-kera. Fir-realtà il-kuntratt jobbliga biss lill-ajruport ta' Leipzig li jakkwista offerti ta' krediti, sabiex tinżamm bażi imparzjali għall-kalkolu tal-ħlasijiet tal-utent, iżda mhux biex jiġu aċċettati krediti. L-ajruport għalhekk mhuwiex obbligat li jagħmel użu minn dawn l-offerti u huwa liberu fid-deċiżjonijiet tiegħu dwar finanzjamenti.

(114)

Fil-kunsiderazzjonijiet tagħha f'dak li għandu x'jaqsam mal-imgħaxijiet fuq ċnus apparentement il-Kummissjoni użat informazzjoni mhux korretta dwar id-daqs tal-artijiet skont numru 1.5 tal-kuntratt dwar ċnus. L-erja fir-realtà tammonta għal […] m2, għalhekk flok il-kera mistennija ta'[…] euro/m2 il-kera proprja hi ta' […] euro/m2. Għalhekk jekk wieħed jieħu l-erjas korretti bħala bażi, l-isproporzjon bejn il-kuntratt dwar ċnus u l-ħlasijiet għal drittijiet preżunt mill-Kummissjoni mhuwiex preżenti.

(115)

Il-kunsiderazzjonijiet tal-Kummissjoni bbażati fuq l-ispejjeż addizzjonali tar-runway fin-nofsinhar mhumiex aċċettabbli għaliex ir-runway fin-nofsinhar ġiet mibnija għall-pubbliku ġenerali u mhux speċjali għall-użu mid-DHL. Konsegwentement, il-ħlasijiet lill-ajruport biss setgħu jkunu ta' importanza għall-kontroll. Meta wieħed iqabbel mal-ajruporti l-oħra Ewropej fejn hemm ċentri amministrattivi tad-DHL, Bergamo (BGY), Brussell (BRU), Cologne (CGN) u Nottingham (EMA), il-ħlasijiet għall-inżul fl-ajruport ta' Leipzig (LEJ) huma medja ta' […] % ogħla; għal titjiriet ta' bil-lejl il-ħlasijiet lill-ajruport jinsabu […] % 'l fuq mill-medja (qabbel mal-figura aktar 'l isfel). Meta mqabbla mal-ħlasijiet għall-inżul f'Vatry li qed jiġu mħallsa bħalissa, id-DHL qed tħallas kważi […] darbiet aktar għall-inżul f'Leipzig. Barra minn hekk l-utenti kollha tal-ajruport ta' Leipzig għandhom iħallsu kollha l-istess ħlasijiet lill-ajruport. Għad-DHL huwa ċar li l-ħlasijiet għall-inżul fl-ajruport ta' Leipzig huma normali għas-suq.

Tabella 6

Ħlasijiet lill-ajruport għal titjiriet ta' bin-nhar

Il-ħlas medju ġie kkalkulat fuq il-bażi tat-tipi ta' inġenji tal-ajru użati mid-DHL (A300, B757).

Tabella 7

Ħlasijiet lill-ajruport għal titjiriet ta' bil-lej

Il-ħlas medju ġie kkalkulat fuq il-bażi tat-tipi ta' inġenji tal-ajru użati mid-DHL (A300, B757).

(116)

L-MFAG bħala propjetarja tal-ajruport ta' Leipzig, fil-bidu tal-kummenti tagħha wriet il-pożizzjoni tagħha, li hija ser tkompli fuq dak li qalet il-Ġermanja.

(117)

Fl-opinjoni tal-propjetarju tal-ajruport, il-fatti juru li mill-operat tal-ajruport jidher ċar li dan jista' jlaħħaq mad-domanda. It-tkabbir tal-ajruport ta' Leipzig u l-integrazzjoni tiegħu fin-netwerk reġjonali tat-trasport huwa ta' importanza kbira għat-tkabbir tar-reġjun, li huwa appoġġjat anke mill-Kommunità. L-ajruport jissodisfa wkoll l-istandards validi mal-Ewropa kollha għall-ħolqien ta' kapaċitajiet ta' ajruporti, sabiex tinżamm il-kompettività tal-Kommunità fis-settur tal-ġarr ta' merkanzija bl-ajru.

(118)

Fl-opinjoni ta' din l-assoċjazzjoni, il-Ġermanja għandha linja tat-trasport effiċjenti għaċ-ċentri globali. Minħabba l-ammonti ta' kapital dejjem jiżdiedu, li huma marbuta mal-ġarr ta' merkanzija bl-ajru, l-importanza ta' ħinijiet tat-trasport iqsar qiegħda dejjem tikber. F'dawn l-aħħar għoxrin sena s-settur tas-servizzi matul il-lejl wera tkabbir dinamiku — tendenza li setgħet tkompli minħabba s-saħħa tal-globalizzazzjoni. Iżda fil-Ġermanja jiddomina n-nuqqas tal-istabbilment ta' intrapriżi kbar għall-ġarr ta' merkanzija bl-ajru, li hija sitwazzjoni inkwetanti għall-Ewropa kollha. Il-kapaċitajiet għal titjiriet bil-lejl fl-akbar tliet ċentri amministrattivi għall-ġarr ta' merkanzija bl-ajru fi Frankfurt, Munich u Cologne/Bonn qed jiġu utilizzati b'mod sħiħ u s-sitwazzjoni tista' tmur għall-agħar jekk l-ajruport ta' Frankfurt iwaqqaf għal kollox l-operat tat-titjiriet ta' bil-lejl tiegħu. Fl-opinjoni tal-konsorzju għandhom jinħolqu kapaċitajiet ġodda sabiex tinżamm il-kompettitività kummerċjali fis-suq globali. It-tkabbir tal-ajruport ta' Leipzig jissodisfa din il-ħtieġa, inaqqas il-piż minn fuq ajruporti oħra u jagħtihom il-possibbiltà li jikkonċentraw fuq in-negozju b'passiġġieri. Fl-istess ħin l-ajruport ta' Leipzig ikun kolonna ta' sostenn għall-iżvilupp ekonomiku fil-Ġermanja tal-Lvant. Fl-opinjoni tal-Konsorzju tal-Ajruporti tal-Passiġieri, il-bini tar-runway il-ġdida fin-nofsinhar tal-ajruport ta' Leipzig kienet meħtieġa.

(119)

Skont informazzjoni mill-belt ta' Leipzig, ir-reġjun fit-tramuntana ta' Leipzig bħala ċentru tal-kummerċ huwa ta' importanza kbira għall-kompettività internazzjonali ta' tliet stati. Permezz tal-estensjoni ta' awtostradi u toroq, ta' linja għal ferroviji b'veloċità kbira u ta' sistema ta' ferroviji reġjonali, iżda fuq kollox permezz tat-tkabbir tal-ajruport ta' Leipzig, dan iċ-ċentru amministrattiv tal-loġistika għandu disponibbli r-rekwiżiti kollha, biex iżomm kompettitività globali għal tul ta' żmien.

(120)

Studju mill-belt ta' Leipzig, mill-Kamra għall-Industrija u l-Kummerċ u miċ-Ċentru għall-Ġarr ta' Merkanzija juri, li għall-Ġermanja ċentrali u r-reġjun ta' Leipzig huwa mistenni li jinħolqu 100 000 post tax-xogħol fis-settur tal-loġistika.

(121)

Il-belt ta' Leipzig tara r-runway fin-nofsinhar tal-ajruport bħala infrastruttura pubblika ta' importanza kbira mhux biss għad-DHL, iżda ukoll għal numru kbir ta' intrapriżi — speċjalment minħabba ż-żieda fir-restrizzjonijiet fuq titjiriet ta' bil-lejl f'postijiet oħra. L-istabbiliment tad-DHL f'Leipzig huwa assolutament ikkunsidrat bħala fundamentali għall-ġbid ta' aktar intrapriżi għall-ġarr ta' merkanzija bl-ajru u għall-utlilizzazzjoni tal-kapaċitajiet tal-ajruport.

(122)

Barra minn hekk, il-belt ta' Leipzig tkompli billi tgħid li permezz tar-runway il-ġdida fin-nofsinhar tinħoloq sistema ta' runways paralleli, li tista' żżomm 'il bogħod it-traffiku tal-ajru minn fuq reġjuni ppopolati ħafna. Il-belt ta' Leipzig hija tal-opinjoni li t-tkabbir tal-ajruport ta' Leipzig ma kienx ikun possibbli mingħajr mezzi pubbliċi. L-istess jgħodd għal ajruporti kompettitivi Ewropej.

(123)

Il-belt ta' Schkeuditz tirreferi għall-fatt li qiegħda fil-proċess li ssir ċentru ta' żvilupp reġjonali importanti. Schkeuditz tagħmel parti minn ċentru ta' żvilupp suprareġjonali u f'dawn l-aħħar għaxar snin żviluppat f'ċentru ta' sistema moderna tat-trasport. Din is-sitwazzjoni tal-belt kienet fuq kollox possibbli grazzi għal tkabbir ekonomiku mhux tas-soltu skont l-istandards tal-Ġermanja tal-Lvant. Minħabba l-kundizzjonijet eċċellenti tal-post din it-tendenza pożittiva hija mistennija li tkompli għal tul ta' żmien.

(124)

F'dak li għandu x'jaqsam mar-runway fin-nofsinhar, il-belt ta' Schkeuditz tirreferi għall-fatt li fid-19 ta' Lulju 1991, l-ajruport kien diġà wasal għall-konklużjoni, li d-dinamika tal-iżvilupp fir-reġjun kienet teħtieġ it-tiġdid tat-tieni karreġjata għat-tlugħ u l-inżul.

(125)

Il-Kamra għall-Industrija u l-Kummerċ ta' Leipzig tiddikjara li l-provvista ta' infrastrutturi tat-trasport adekwati hija affari tal-Istat, li tagħtih kontroll mingħajr restrizzjonijiet fuq l-iżvilupp tiegħu u tobbligah, li jipprattika dan il-kontroll f'isem iċ-ċittadini.

(126)

Mis-sena 1991 'l hawn saru investimenti fit-tkabbir tal-infrastrutturi u fit-tagħmir tekniku tal-ajruport. Dawn il-miżuri ġew emendati permezz ta' aktar investimenti mill-awtoritajiet pubbliċi għat-titjib ta' binarji tal-ferroviji u ta' toroq fiż-żona minn fejn jiġu l-aktar passiġġieri tal-ajruport. In-netwerk tajjeb ta' infrastruttura tat-traffiku bl-ajru, tal-ferrovija u ta' toroq għamel possibbli l-iżvilupp ta' ċentru amministrattiv Ewropew għat-trasport ta' passiġġieri u għall-ġarr ta' merkanzija bl-ajru. L-ajruport jissodisfa r-rekwiżiti l-aktar moderni għal ċentru loġistiku f'dak li għandu x'jaqsam mal-funzjoni, mal-modernità u mal-kapaċità. Mis-sena 1993 'l hawn kien hemm domanda min-naħa tal-partijiet interessati fil-qasam ekonomiku fil-Ġermanja Ċentrali għat-tkabbir tal-ajruport.

(127)

Il-loġistika żviluppat f'settur ta' servizzi indipendenti, li jista' juri tkabbir annwali ta' madwar 6 % u li għandu għad-disponibbiltà tiegħu potenzjal sostanzjali għal aktar tkabbir. It-tkabbir tal-Unjoni Ewropeja b'pajjiżi tal-Lvant poġġa r-reġjun fiċ-ċentru taż-Żona Ekonomika Ewropeja. Is-serje tal-industriji eżistenti fir-reġjun jiggarantixxu perspettivi tajba għan-negozju lil fornituri ta' servizzi loġistiċi. L-industrija tal-kimika b'madwar 25 000 ħaddiem fil-Ġermanja Ċentrali prinċipalment teħtieġ servizzi ta' trasport bil-ferrovija u trasport intermodali. Min-naħa l-oħra l-industrija tal-vetturi bil-mutur b'madwar 60 000 ħaddiem f'450 intrapriża kif ukoll l-industrija tas-semikondutturi b'madwar 22 000 ħaddiem jeħtieġu servizzi tat-trasport, li għalihom il-fattur tal-ħin għandu rwol kritiku.

(128)

Il-partijiet interessati l-kbar kollha fis-settur tal-loġistika, li huwa favur ċaqliq lejn reġjuni qrib ċentri tat-trasport għandhom rappreżentanza fir-reġjun u jipprovdu madwar 160 000 post tax-xogħol. Dan ifisser madwar 6 % tal-forza tax-xogħol fir-reġjun. Il-Kamra għall-Industrija u l-Kummerċ tantiċipa l-ħolqien ta' 100 000 post tax-xogħol ieħor sas-sena 2015 permezz tat-tkabbir tar-reġjun għal ċentru loġistiku. Din il-figura tfisser 10 % tal-forza tax-xogħol potenzjali fir-reġjun.

(129)

Minbarra d-DHL, l-ajruport ġibed serje ta' intrapriżi oħra għall-ġarr ta' merkanzija bl-ajru u tal-loġistika. Għalhekk wieħed ma jistax jgħid li l-kompetituri tal-ajruport ta' Leipzig ġew esklużi jew li d-DHL ingħatat trattament preferenzjali. SALIS (it-trasport bl-ajru kollettiv u strateġiku tan- NATO) u l-intrapriża Russa għall-ġarr ta' merkanzija Tesis, li topera konnessjonijiet maċ-Ċina jagħmlu parti mill-intrapriżi stabbiliti fl-ajruport. Intrapriża oħra għall-ġarr ta' merkanzija li topera b'mod interkontinetali mill-ajruport hija Jade Cargo International. Fit-13 ta' April 2007 fl-ajruport ġie ffinallizzat il-World Cargo Center bil-kapaċità tal-manipulazzjoni ta' 200 000 tunnellata ta' merkanzija fis-sena, li permezz tiegħu l-profil tal-post bħala ċentru amministrattiv għall-ġarr ta' merkanzija bl-ajru kompla jissaħħaħ.

(130)

Il-Kamra għall-Industrija u l-Kummerċ (IHK) ta' Halle-Dessau tirrapreżenta l-interessi politikoekonomiċi ta' aktar minn 52 000 intrapriża. Kif turi l-IHK, il-provvista u l-finanzjament ta' dan it-tip ta' infrastrutturi fil-Ġermanja hija affari tal-Istat. Dan il-prinċipju tal-politika Ewropeja u Ġermaniża dwar it-trasport huwa rifless fl-investimenti tal-każ preżenti.

(131)

Fl-opinjoni tal-Kamra għall-Industrija u l-Kummerċ, it-tkabbir tal-ajruport japplika għal dan li ġej:

(132)

Fl-1993, il-Kamra għall-Industrija u l-Kummerċ ta' Halle-Dessau u l-Kamra għall-Industrija u l-Kummerċ ta' Leipzig ippubblikaw dokument dwar il-politika tal-ajruport. Iż-żewġt ikmamar għall-Industrija u l-Kummerċ irrakkomandaw fost ħwejjeġ oħra l-bini ta' sistema b'żewġ runways (kull runway twila 3 600 m), sabiex tiżdied il-kapaċità tal-ajruport.

(133)

Wara l-unifikazzjoni mill-ġdid tal-Ġermanja, investimenti statali fl-infrastruttura tat-trasport kkontribwixxew bil-kbir għall-bidla strutturali ekonomika fir-reġjun. Il-Kummissjoni kienet irrikonnoxxiet il-ħtieġa għall-promozzjoni tar-reġjun, li partijiet minnu għadhom oqsma taħt Objettiv 1, sabiex jiġu solvuti l-problemi kbar tar-reġjun. Grazzi għal ħafna investimenti privati u statali, speċjalment fi proġetti infrastrutturali, ir-reġjun gradwalment ġie kompettiv internazzjonalment.

(134)

Madanakollu, il-qgħad fir-reġjun għadu d-doppju tal-medja fil-Kommunità. Dan juri li r-reġjun aktar minn qatt qabel jeħtieġ investimenti pubbliċi, speċjalment għall-benefiċċju ta' infrastruttura aħjar, biex tissaħħaħ il-kompettitività u biex ir-reġjun jiġbed lejh aktar intrapriżi. B'hekk biss ir-reġjun jista' jagħti kontribut siewi biex jintlaħqu l-għanijiet tal-Istrateġija ta' Liżbona tal-Kommunità.

(135)

Il-Kamra għall-Industrija u l-Kummerċ tenfasizza li l-immodernizzar tal-ajruport huwa proċess gradwali u kontinwu, li beda fil-bidu tas-snin disgħin. Fi proċeduri li jieħdu ż-żmien, kull pass għandu jiġi evalwat pubblikament u awtorizzat. Ir-runway fin-nofsinhar ġiet ippjanata u mibnija taħt dawn il-kundizzjonijiet u m'hemmx bażi li fuqha wieħed jista' jgħid li l-bini sar biss għad-DHL.

(136)

Ir-Ryanair ma żżidx aktar mad-dettalji tal-każ, iżda tillimita ruħha għal kummenti aktar “ġenerali” għalhekk l-intrapriża taħseb li l-Kummissjoni ma fehmitx ir-relazzjoni bejn l-intrapriżi tal-ajvazzjoni u l-ajruporti kif ukoll l-iżivilupp reċenti fit-trasport bl-ajru u għalhekk waslet għal serje ta' konklużjonijiet żbaljati. Ir-Ryanair hija mħassba li l-Kummissjoni ser tipprova tinforza l-prinċipji inapplikabbli tad-deċiżjoni-Charleroi u tad-Direttivi tal-2005.

(137)

Il-Panalpina ilha aktar minn għaxar snin topera kuljum titjiriet għall-ġarr ta' merkanzija minn Leipzig għal Moska; il-Panalpina għandha l-intenzjoni li tistabbilixxi ċ-ċentru amministrattiv tagħha għall-ġarr ta' merkanzija bl-ajru f'Leipzig u tispera li jiġu organizzati konnessjonijiet lejn is-Subkontinent Indjan u fil-Lvant Imbiegħed.

(138)

Il-Panalpina hija mħassba, li ħafna mill-ajruporti l-kbar fl-Ewropa ser jużaw il-kapaċitajiet kollha li jibqa' għat-trasport ta' passiġġieri; għalhekk il-Panalpina tapprezza ajruport li jikkonċentra aktar fuq in-negozju tal-ġarr ta' merkanzija. Barra minn hekk, l-intrapriża tirreferi għall-fatt li l-ajruport ta' Leipzig għalkemm qiegħed fiċ-ċentru tal-Ewropa, xorta jinsab biżżejjed fil-lvant, biex il-ħinijiet ta' titjiriet lejn u mill-Asja jiqsaru. L-operat 24/7 tal-ajruport jissodisfa l-ħtieġa għal katina loġistika tal-merkanzija globalizzata u għalhekk huwa vantaġġ importanti.

(139)

Il-Panalpina tfaħħar id-deċiżjoni li Leipzig jiġi estiż għal ajruport għall-ġarr ta' merkanzija u li joffri infrastruttura li fil-futur tippermetti l-manipulazzjoni ta' merkanzija bl-ajru 24 siegħa fil-ġurnata. L-intrapriża hija konvinta li meta wieħed jikkunsidra l-infrastrutturi u s-servizzi eżistenti fl-ajruport ta' Leipzig, aktar intrapriżi ser jistabbilixxu ruħhom f'Leipzig u għalhekk dan jikkontribwixxi għall-ħolqien ta' postijiet tax-xogħol. Il-Panalpina hija tal-opinjoni, li l-intrapriża għandha l-istess aċċess għall-infrastrutturi u s-sovrastrutturi fl-ajruport ta' Leipzig bħal parteċipanti oħra fis-suq.

(140)

Meta wieħed iqis il-problemi dejjem jikbru marbuta mal-kapaċitjiet, il-ħolqien ta' ċentru amministrattiv għall-avjazzjoni ġdid huwa meħtieġ b'mod urġenti. Peress li finanzjament privat ta' din l-infrastuttura huwa eskluż, Jade Cargo International tesprimi ruħha li hi sorpriża bl-istipulazzjoni tal-Kummissjoni li l-kumpanija tal-operat trid tilħaq profitti bħalma jkun qed jistenna investitur privat. Li kieku m'hemmx din l-infrastruttura, dan ma kienx jaffettwa biss b'mod negattiv lill-Ġermanja tal-Lvant, iżda ukoll lill-Kommunità kollha.

(141)

F'każ li d-deċiżjoni tal-Kummissjoni tkun negattiva, Jade Cargo International tara l-eżistenza tal-ajruport u l-kunċett tan-negozju tiegħu fil-periklu. Dan ikollu wkoll effett negattiv fuq oqsma oħra tal-ekonomija. La bit-tkabbir tal-ajruport ma kien hemm l-ebda tfixkil għall-kompettitività, iżda it-tkabbir huwa fl-interess ekonomiku, Jade Cargo International tistenna deċiżjoni pożittiva min-naħa tal-Kummissjoni.

(142)

Skont informazzjoni mill-Jade Cargo International ir-runway il-ġdida fin-nofsinhar tkun ta' benefiċċju għall-operat tiegħu, għal liema raġuni hi ma tistax tifhem l-argument tal-Kummissjoni li mill-bini tagħha ser tibbenefika biss id-DHL. Din il-konklużjoni żbaljata aktar ma tinftiehemx fil-kuntest tal-fatt li huwa l-kontroll tat- traffiku fl-ajru u mhux tal-ajruport li .hu responsabbli biex jidderieġi t-traffiku tal-ajru.

(143)

Il-Condor tirreferi għall-konnessjoni intermodali tajba. L-intrapriża hi tal-fehma li investimenti f'ajruporti eżistenti u diġa konnessi (bħal Leipzig/Halle) biex jissodisfaw ħtiġijiet fis-suq jagħmlu aktar sens minn dawk f'ajruporti żgħar li m'għandhomx għad-dispożizzjoni tagħhom ir-rekwiżiti meħtieġa.

(144)

Fejn tidħol il-politika dwar il-kompetizzjoni, il-Condor m'għandha l-ebda oġġezzjoni għall-investimenti ppjanati għat-tkabbir tal-ajruport ta' Leipzig. Is-sistema moderna b'żewġ runways tal-ajruport ser tkun disponibbli għal kull utent potenzjali. Meta wieħed iqis id-domanda, infrastruttura moderna u effiċjenti hija meħtieġa.

(145)

Skont informazzjoni mill-kumpanija Ruslan-Salis (intrapriża għall-ġarr ta' merkanzija bl-ajru) m'hemm l-ebda ajruport ieħor fil-Ġermanja, speċjalment fil-Ġermanja tal-Lvant li huwa addattat għall-operat tiegħu. L-aktar importanti għall-intrapriża huma “aċċess garantit” u “disponibbiltà garantita” tal-kapaċitajiet tat-trasport meħtieġa.

(146)

Għad-deċiżjoni li l-ajruport ta' Leipzig isir lok tal-operat, il-fatturi bħas-sistema b'żewġ runways, l-operat ta' 24 siegħa, il-konnessjoni diretta tal-ferrovija u ta' toroq ma' destinazzjonijiet importanti fl-Ewropa ċentrali u r-runway fin-nofsinhar imġedda u mtawla kienu kruċjali.

(147)

Skont Rusland-Salis ir-runway fin-nofsinhar ġet mibnija għall-pubbliku in ġenerali u mhux bħala “infrastruttura apposta”. Dan kien meħtieġ u proporzjonali, biex jiġi evitat tnaqqis fil-kapaċitajiet tat-trasport, biex jippromwovi s-settur tal-avjazzjoni u biex jiġu milħuqa effetti ekonomiċi għar-reġjun ta' Leipzig-Halle-Merseburg-Dessau.

(148)

Ruslan-Salis ma taqbilx mal-opinjoni tal-Kummissjoni, li r-runway fin-nofsinhar u ż-żona għat-tlugħ u l-inżul tagħha qed jiġu użati esklussivament mid-DHL. L-intrapriża tikkontradixxi is-suppożizzjoni, li l-finanzjament, il-bini u l-operat tal-karreġjati għat-tlugħ u l-inżul huma “infrastruttura apposta” għal tranżazzjoni kummerċjali bejn il-propjetarju tal-infrastruttura u l-utent tal-infrastruttura, u għalhekk ikollu jiġi ppruvat li hija bħal kull tranżazzjoni kummerċjali oħra. Barra minn hekk, huwa argument bla bażi, li ż-żieda mistennija tat-traffiku bl-ajru; l-argument ċentrali għat-tkabbir tal-ajruport, tiġi attribwita biss lid-DHL.

(149)

Ruslan-Salis tuża r-runway fin-nofsinhar u l-infrastrutturi kollha l-ġodda bl-istess mod li tużahom id-DHL u l-intrapriżi l-oħra. L-ebda utent m'għandu trattament preferenzjali. Il-bini tar-runway fin-nofsinhar huwa fl-interess ġenerali ta' kull intrapriża għall-ġarr ta' merkanzija bl-ajru fl-ajruport ta' Leipzig. M'hemm l-ebda evidenza li l-infrastruttura hija marbuta mad-DHL jew li d-DHL qed tgawdi minn xi privileġġi.

(150)

Il-membri tal-BARIG huma linji tal-ajru li għandhom preżenza kummerċjali u operattiva fil-Ġermanja. Il-BARIG jargumenta li l-Kummissjoni kienet diġa rreferiet għall-piż żejjed fuq l-ajruporti l-kbar Ewropej. Dan jgħodd speċjalment għall-qasam tal-ġarr ta' merkanzija bl-ajru, fejn minħabba ż-żieda fil-ġarr ta' merkanzija bl-ajru, id-differenza bejn il-provvista ta' kapaċitajiet u d-domanda qiegħda dejjem tikber. Fin-notifika tagħha “Pjan ta' azzjoni għall-kapaċità, l-effiċjenza u s-sigurtà ta' ajruporti fl-Ewropa” il-Kummissjoni kienet direttament avżat dwar “kriżi fil-kapaċità”. Skont il-BARIG deċiżjoni negattiva min-naħa tal-Kummissjoni tpoġġi fil-periklu l-vijabbiltà tal-ajruport.

(151)

Fl-opinjoni tal-BARIG approċċ skont id-Direttivi tal-2005 m'għandux jiġi applikat għall-ajruport ta' Leipzig, għaliex hawnhekk il-kwistjoni hija dwar it-tkabbir ta' ajruport għall-ġarr ta' merkanzija, filwaqt li d-Direttivi huma esklussivament relatati mal-kompetizzjoni dwar il-volum ta' passiġġieri.

(152)

Biex tiġi ssodisfata id-domanda għall-kapaċitajiet fis-snin li ġejjin, l-infrastruttura għat-trasport għall-ġarr ta' merkanzija bl-ajru għandha tiġi mkabbra fil-ħin. Jekk dawn l-investimenti ma jkunux iffinanzjati minn mezzi pubbliċi, ajruporti għall-ġarr ta' merkanzija la jistgħu jiġu mibnija u lanqas imkabbra. Investitur privat ma jiflaħx jagħmel dan it-tip ta' investimenti.

(153)

Il-Lufthansa tapprezza l-miżuri ppjanati għall-ajruport ta' Leipzig, inkluż il-miżura għall-bini ġdid tar-runway fin-nofsinhar. Il-proġett huwa kkunsidrat bħala wieħed magħmul biex jissodisfa ħtieġa tas-suq u ekonomikament sostenibbli. Lufthansa Cargo plc, kumpanija sussidjarja tal-Lufthansa Germany plc, għandha l-intenzjoni li topera trasport ta' merkanzija bl-ajru f'ammonti akbar minn u lejn Leipzig. L-ajruport ta' Leipzig, flimkien maċ-ċentri amministrattivi għall-ġarr ta' merkanzija fi Frankfurt u Munich, huwa lok attrajenti.

(154)

Lufthansa plc tirreferi għall-volumi dejjem jikbru fis-suq tal-ġarr tal-merkanzija u għat-tkabbir ta' 5,3 fil-mija previst għall-Ġermanja. Dan juri li anke fatturi infrastrutturali jimxu id f'id mat-tkabbir. L-investimenti ppjanati għall-ajruport ta' Leipzig kienu konformi mar-rekwiżiti tal-industrija tal-ġarr ta' merkanzija bl-ajru f'dak li għandu x'jaqsam mad-dimensjoni, mal-modernità u ma' possibbiltajiet oħra ta' espansjoni.

(155)

L-allinjament parallel tal-karreġjati għat-tlugħ u l-inżul jagħmel possibbli titjib fil-kapaċità li jagħmel sens għan-negozju u żieda fl-effiċjenza tal-ajruport. Dan joffri possibbiltajiet għal tkabbir għal perjodu taż-żmien medju jew għal perjodu twil ta' żmien għall-utenti kollha tal-infrastruttura.

(156)

Il-membri tal-ACD huma attivi fil-funzjonijiet li jmexxu s-settur tal-ġarr ta' merkanzija bl-ajru. Huma jantiċipaw aktar tkabbir fis-snin li ġejjin u jesprimu l-ħsibijiet tagħhom li l-infrastrutturi eżistenti tal-ajruporti ta' dan iż-żmien mhux ser ikunu biżżejjed.

(157)

L-ACD ma tara l-ebda dipendenza tal-ajruport ta' Leipzig fuq id-DHL, partikularment għaliex l-iżvilupp ekonomiku qawwi fir-reġjun ta' Leipzig/Dresden jeħtieġ ajruport effiċjenti.

(158)

Il-BDF tirrapreżenta l-kurrieri Ġermaniżi b'linji, b'charter u low-cost u tappoġġja, minħabba n-natura tagħha, infrastruttura ta' ajruporti li tissodisfa l-ħtiġijiet tas-suq. Hija ma tarahx ġust li fi wħud mill-ajruporti Ġermaniżi hemm nuqqas ta' kapaċitajiet, filwaqt li qed jiżdiedu dejjem aktar ajruporti żgħar ġodda, li sa ċertu punt ġew żviluppati minn fondi pubbliċi, iżda jikkompetu għall-passiġġieri. Il-każ tal-ajruport ta' Leipzig, iżda, mhuwiex dwar ajruport li qed jiġi żviluppat għall-benefiċċju ta' utent uniku.

(159)

IL-BDF hija tal-opinjoni li investimenti statali f'infrastrutturi huma definittivament ta' użu makroekonomiku kbir u jippromettu profitti għal tul ta' żmien — kundizzjonijiet li fil-każ preżenti qed jiġu ssodisfati. Għalhekk hemm domanda kbira mill-klijenti, jiġifieri minn linji tal-ajru għall-ġarr ta' passiġġieri u minn linji tal-ajru għall-ġarr ta' merkanzija.

(160)

Cargolux tuża l-ajruport ta' Leipzig bħala “offline station” għat-titjiriet b'merkanzija interkontinentali tiegħu ta' kull tip li jitilqu mil-Lussemburgu. Il-volumi ta' merkanzija ttrasferiti mill-Cargolux mill-ajruport ta' Leipzig għandhom parti ta' 20,3 % tas-suq tal-volumi kollha ta' merkanzija mibgħuta minn dan l-ajruport fl-2006. Skont informazzjoni tagħha stess, il-Cargolux hija waħda mill-akbar intrapriżi għall-ġarr ta' merkanzija fl-ajruport ta' Leipzig u tuża ħafna l-infrastrutturi tiegħu. L-intrapriża tara lilha nnifisha bħala kompetitur dirett tad-DHL.

(161)

Skont il-Cargolux, it-titjib tal-infrastruttura tal-ajruporti reġjonali huwa indispensabbli għall-iżvilupp tat-trasport ta' merkanzija bl-ajru fl-Ewropa (minħabba l-piżijiet marbuta mal-kapaċità fuq ajruporti kbar tal-passiġġieri). Meta wieħed jikkunsidra l-ammont kbir ta' investimenti meħtieġa u ż-żmien twil għall-ħlas lura tagħhom, dawn l-investimenti jistgħu jsiru biss bl-għajnuna ta' mezzi pubbliċi. Għalhekk il-Cargolux tapprezza l-inizjattiva minn id pubblika u l-investimenti f'ajruporti reġjonali, għaliex dawn huma ta' benefiċċju għall-postijiet tax-xogħol, għall-industrija Ewropea, għall-klijenti u għall-ordni pubblikau.

(162)

Fl-annotazzjoni tagħha dwar il-pożizzjoni ta' terzi persuni, il-Ġermanja qablet mill-ġdid mal-argumenti ppreżentati qabel u rreferiet għall-fatt li l-partijiet kollha fil-pożizzjoni tagħhom esprimew ruħhom favur l-ajruport u t-tkabbir tiegħu. L-ebda parti ma oġġezzjonat għall-ftehim mad-DHL.

(163)

Skont l-Artikolu 87 paragrafu 1 tat-Trattat tal-KE “għajnuna mill-Istat jew għajnuniet minn mezzi statali, huma ta' liema tip huma, li permezz ta' trattament preferenzjali ta' intrapriża partikulari jew ta' settur tal-produzzjoni jfixklu jew ikun hemm il-periklu li jfixklu l-kompetizzjoni u jekk jaffetwaw il-kummerċ bejn Stati Membri” mhumiex konformi mas-Suq Kommuni.

(164)

Il-kriterji determinati fl-Artikolu 87 paragrafu 1 huma kumulattivi. Biex jiġi ddeterminat jekk il-miżuri nnotifikati jirrapreżentawx għajnuna mill-Istat skont l-Artikolu 87 paragrafu 1 tat-Trattat tal-KE, għandu jiġi vverifikat jekk il-kundizzjonijiet hawn taħt imsemmija jkunux ġew issodisfati. Il-benefiċċju finanzjarju

(165)

Biex jiġi ddeterminat jekk il-miżuri nnotifikati jirrapreżentawx għajnuna mill-Istat skont l-Artikolu 87 paragrafu 1 tat-Trattat tal-KE, għandhom jiġu ssodisfati erba' kundizzjonijiet.

(166)

Għandu jiġi vverifikat jekk l-ajruport ta' Leipzig huwiex intrapriża skont il-liġi dwar il-kompetizzjoni tal-KE.

(167)

Qabel xejn trid issir referenza għall-fatt li, skont każistika stabbilita, il-kunċett ta' intrapriża jkopri kull entità li tipprattika attività kummerċjali, indipendentement mill-Istatus legali tagħha u mill-mod kif inhi ffinanzjata (25); u li kwalunkwe attività li toffri prodotti u servizzi f'suq partikulari hija attività ekonomika. (26). Mistoqsija importanti f'dak li għandu x'jaqsam mal-eżistenza ta' għajnuna mill-Istat, hija jekk il-benefiċjarju jipprattikax attività kummerċjali (27).

(168)

L-iżvilupp tal-ajruport sa ftit żmien ilu kien isir fuq kunsiderazzjonijiet marbuta mal-iżvilupp tal-belt u tal-pajjiż jew f'każijiet partikulari kien jaqdi ħtiġijiet militari. L-operat tiegħu kien jiġi organizzat bħala parti mill-amministrazzjoni pubblika u mhux bħala intrapriża kummerċjali. Bejn l-ajruport u l-operaturi tal-ajruport kważi ma kienx hemm kompetizzjoni. Bil-liberalizzazzjoni tat-trasport bl-ajru kien hemm aktar linji tal-ajru, li operaw minn aktar ajruporti u għalhekk stimulaw il-kompetizzjoni bejn l-ajruporti. Minħabba dawn iċ-ċirkustanzi, il-finanzjament ta' ajruporti u ta' infrastrutturi ta' ajruporti qabel kien meqjus bħala responsabbiltà pubblika u prinċipalment ma kien iqanqal l-ebda dubbji f'dak li għandu x'jaqsam ma' għajnuna mill-Istat.

(169)

F'dawn l-aħħar snin, iżda, din is-sitwazzjoni nbidlet. Għalkemm xi kultant ikun mixtieq li aspetti marbuta mal-iżvilupp tal-belt u tal-pajjiż u strutturi amministrattivi xorta jkollhom irwol, f'ħafna każijiet ir-responsabbiltà għall-ajruporti ġiet trasferita mill-Istat għar-reġjuni u l-operat tagħhom ġie parzjalment fdat f'idejn intrapriżi pubbliċi jew ukoll f'idejn intrapriżi privati. It-trasferiment lil intrapriżi privati kien normalment riżultat tal-privatizzazzjoni jew tal-ftuħ dejjem jiżdied tal-kapital. F'dawn l-aħħar snin kumpaniji b'ishma privati fil-kapital kif ukoll fondi ta' investiment u pensjonijiet urew interess kbir fl-akkwist ta' ajruporti.

(170)

Għalhekk f'dawn l-aħħar snin, l-industrija tal-ajruporti fil-Kommunità kienet soġġetta għal tibdiliet organizzattivi bażiċi, li mhux biss ġabu interess attiv minn investituri privati f'ajruporti, iżda wkoll pożizzjoni differenti tal-awtoritajiet f'dak li għandu x'jaqsam mal-parteċipazzjoni tas-settur privat fl-iżvilupp ta' ajruporti. Dan wassal għal diversità u kumplessità dejjem tiżdied fil-funzjoni tal-ajruporti.

(171)

It-tibdiliet f'dan l-aħħar żmien ikkawżaw ukoll bidla fir-relazzjonijiet ekonomiċi bejn l-ajruporti. Filwaqt li fil-passat l-ajruporti kienu spiss ikunu ġestiti bħala intrapriża, sabiex jiġu garantiti l-aċċessibbiltà u l-iżvilupp reġjonali, f'dawn l-aħħar snin l-ajruporti qed isegwu dejjem aktar għanijiet kummerċjali u jinsabu f'kompetizzjoni kontra xulxin fis-settur tat-trasport bl-ajru.

(172)

In-natura li qed tinbidel tal-ajruporti għalhekk għandha tkun riflessa fl-evalwazzjoni legali tal-attivitajiet tal-ajruport skont il-liġi dwar għajnuna mill-Istat. M'għadux aktar possibbli li l-bini u l-operat tal-ajruporti jibqgħu jitqiesu bħala responsabbiltà tal-amministrazzjoni li prinċipalment ma tkunx taħt il-kontroll marbut ma' għajnuniet

(173)

Waqt l-evalwazzjoni tal-mistoqsija jekk l-operat tal-ajruport jirrapreżentax dan it-tip ta' attività, il-Qorti argumentat fil-kawża “Aéroports de Paris”, li l-operat u l-ġestjoni ta' ajruporti li fihom isir ħlas għall-provvista ta' servizzi tal-ajruport għal intrapriżi għall-ġarr ta' merkanzija bl-ajru u intrapriżi li joffru servizzi f'ajruporti għandhom jitqiesu bħala attività kummerċjali, għaliex f'sitwazzjoni bħal din “kumpaniji tal-avjazzjoni u fornituri ta' servizzi differenti għandhom għad-dispożizzjoni tagħhom faċilitajiet tal-ajruport bi ħlas ta' kontribuzzjoni ddeterminata b'mod liberu mill-operatur, u jekk dan tal-aħħar huwa organizzazzjoni pubblika, din l-attività ma taqax taħt il-qasam tal-amministrazzjoni ta' responsabbiltajiet uffiċjali tagħha, u tinfired mill-attivitajiet tagħha jekk dawn ir-responsabbiltajiet jiġu amministrati” (28). Għalhekk operaturi ta' ajruporti bażikament jipprattikaw attività kummerċjali skont l-Artikolu 87 paragrafu 1 tat-Trattat tal-KE, li taqa' taħt ir-regolamenti dwar għajnuna mill-Istat.

(174)

F'dak li għandu x'jaqsam mal-iżvilupp kurrenti f'dan is-settur, fid-Direttivi tal-2005 il-Kummissjoni estendiet dan l-approċċ għal kull tip ta' ajruport, anke għal ajruporti iżgħar (bħal ma hu dak suġġett ta' din id-deċiżjoni). Fuq l-isfond ta' din il-bidla li daħlet f'dawn l-aħħar żminijiet il-Kummissjoni hi tal-opinjoni li m'għadux aktar possibbli li teskludi l-applikazzjoni tar-regolamenti dwar għajnuna mill-Istat għal ajruporti għaż-żmien ta' qabel is-sena 2000.

(175)

Skont id-deċiżjoni tal-“Aéroports de Paris” jgħodd ukoll li meta ajruport jipprattika attivitajiet kummerċjali, indipendentement mill-forma legali u mit-tip ta' finazjament tiegħu, hu jirrapreżenta intrapriża skont l-Artikolu 87 paragrafu 1 tat-Trattat tal-KE u għalhekk ir-regolamenti fit-Trattat dwar għajnuna mill-Istat iridu jiġu applikati (29).

(176)

Mid-deċiżjoni tal-Qorti f'dan il-każ legali, li l-operat u l-ġestjoni tal-ajruport jirrapreżentaw attività kummerċjali, il-Kummissjoni kkonkludiet, li fiż-żmien ta' din id-deċiżjoni, ir-regolamenti dwar għajnuna mill-Istat kienu applikabbli għal dan is-settur. Għalhekk id-Direttivi tal-2005 ma jiġux applikati b'mod retroattiv, kif ġie argumentat mill-Ġermanja, iżda hija sempleċiment kwistjoni ta' kjarifika (kjarifika ad vitam aeternam) tal-kunċett bażiku ta' għajnuna permezz tal-Qorti (30).

(177)

Għalhekk jista' jiġi stabbilit li l-infrastruttura li hija suġġett għal din id-deċżijoni qed tiġi operata b'mod kummerċjali mill-operatur tal-ajruport u għalhekk hija infrastruttura għall-użu kummerċjali. L-operatur tal-ajruport jitlob ħlasijiet għall-użu ta' din l-infrastruttura u l-infrastruttura mhix għad-dispożizzjoni mingħajr ħlas fl-interess pubbliku.

(178)

Iżda indipendentement mill-forma legali tiegħu mhux l-attivitajiet kollha ta' operatur ta' ajruport huma neċessarjament ta' natura kummerċjali. Fil-fatt għandha ssir differenza u għandu jiġi ddeterminat sa liema limitu wħud mill-attivitajiet jirrapreżentaw attività kummerċjali (31).

(179)

Kif stabbilixxiet il-Qorti, attivitajiet, li normalement l-Istat huwa responsabbli għalihom minħabba l-awtorità uffiċjali tiegħu ma jagħmlux parti minn attivitajiet ta' natura kummerċjali u mhumiex soġġetti għar-regolamenti dwar għajnuna mill-Istat. L-oqsma tal-prevenzjoni minn perikli tas-sigurtà ta' titjiriet, tal-pulizija, tad-dwana eċċ jagħmlu parti minn dawn (32). Il-finanzjament iservi esklussivament bħala kumpens għall-ispejjeż li jinqalgħu u minflok ma jistax jintuża għal attivitajiet kummerċjali oħra (33).

(180)

Skont il-prattika regolari tal-Kummissjoni (32), il-finanzjament ta' funzjonijiet li jagħmlu parti mill-obbligi marbuta mas-sigurtà u l-ordni pubbliku, jew ta' infrastrutturi marbuta magħhom ma jirrapreżentaw l-ebda għajnuna mill-Istat. Għalhekk l-infrastruttura li pereżempju hija meħtieġa għal raġunijiet ta' sigurtà jew li hija neċessarja għall-kontroll u s-sorveljanza tat-trasport bl-ajru u tal-ispazju tal-ajru tista' tiġi ffinanzjata minn mezzi pubbliċi (34).

(181)

Fil-każ preżenti, it-telf kurrenti tal-ajruport u l-investiment fl-infrastruttura għandhom jiġu ffinanzjati minn azzjonisti pubbliċi u minn self fuq perjodu twil ta' żmien. Permezz tat-tkabbir u tal-bini tar-runway il-ġdida fin-nofsinhar, l-ajruport għandu jistabblixxi lilu nnifsu sew fis-suq tal-ġarr ta' merkanzija bl-ajru. Għalhekk investimenti partikulari jistgħu possibbilment jaqgħu taħt ir-responsabbiltà pubblika. L-investimenti li fl-opinjoni tal-Ġermanja jaqgħu taħt ir-responsabbiltà pubblika huma spjegati fil-paragraf 58 ff.

(182)

Wara spezzjoni tal-figuri ppreżentati mill-Ġermanja dwar spejjeż marbuta ma' investimenti u spejjeż li għandhom x'jaqsmu mal-operat tar-runway fin-nofsinhar jista' jiġi stabbilit li spejjeż partikulari fil-każ preżenti jaqgħu taħt ir-responsabbiltà pubblika. Dawn l-ispejjeż huma marbuta ma' funzjonijiet għas-sigurtà u tal-pulizija, ma' miżuri għall-protezzjoni minn ħruq u għas-sigurtà pubblika, mas-sigurtà marbuta mal-operat, mas-servizzi meteoroloġiċi Ġermaniżi u mal-istituzzjoni Ġermaniża għall-kontroll tat-traffiku fl-ajru. Għal miżuri statali partikulari jistgħu jinġabru wkoll ħlasijiet mill-utenti tal-ajruport.

(183)

Għalhekk, sakemm dawn, kif spjegat fil-punt ta' qabel, jaqgħu taħt ir-responsabbiltà pubblika, l-ispejjeż in kwistjoni ma jgħoddux bħala għajnuna mill-Istat skont l-Artikolu 87 paragrafu 1 tat-Trattat tal-KE. Anke kieku l-Kummissjoni kellha ssegwi l-argument imressaq mill-Ġermanja, li l-ispejjeż bl-ebda mod ma jgħoddu bħala għajnuna mill-Istat, l-evalwazzjoni konklussiva tal-każ preżenti ma tiġix affettwata. Anke jekk dawn l-ispejjeż jirrapreżentaw għajnuna mill-Istat, dan jista' jsir biss permezz ta' għajnuna awtorizzata (ara l-paragraf 254 ff.). Għalhekk f'din il-mistoqsija wieħed ma jistax jasal għal evalwazzjoni konklussiva.

(184)

Kif stabbilit mill-Qorti (35), miżuri skont l-Artikolu 87 paragrafu 1 tat-Trattat tal-KE jistgħu jikkwalifikaw bħala għajnuna mill-Istat, jekk huma jiġu ffinanzjati indirettament jew direttament minn mezzi pubbliċi u huma imputabbli lill-Istat.

(185)

Fil-każ preżenti f'kull ħin l-Istat kellu kontroll dirett jew indirett fuq il-mezzi in kwistjoni. L-ajruport ta' Leipzig iffinanzja t-tkabbir permezz ta' kontribuzzjonijiet għall-kapital minn azzjonisti pubbliċi u ħa self għal tul ta' żmien mingħand il-kumpanija proprjetarja tiegħu l-MFAG li tinsab f'idejn pubbliċi.

(186)

Id-deċiżjonijiet għall-għoti ta' dawn il-mezzi statali huma attribwiti lil istituzzjonijiet pubbliċi: il-bord tad-diretturi tal-MFAG, intrapriża pubblika, spjega li kien inġabar biżżejjed kapital għall-finanzjament tat-tkabbir tal-ajruport. Il-membri tal-bord tad-diretturi tal-MFAG huma fil-maġġoranza tagħhom rappreżentanti tas-settur pubbliku (pereżempju, ministri reġjonali tal-finanzi, sindki eċċ).

(187)

Permezz tal-kontribuzzjonijiet għall-kapital u s-self minn azzjonisti msemmija fil-paragraf 185, l-ispejjeż tal-investiment li l-operatur tal-ajruport ikollu normalment iġorr jonqsu b'tali mod li l-ajruport ikollu vantaġġ.

(188)

Jekk jiġi ppruvat li f'dan il-każ il-prinċipju ta' investitur li jinnegozja f'suq liberu jiġi ssodisfat, jista' jiġi kkonfermat li l-kontribuzzjoni għall-kapital mogħtija lill-ajruport ta' Leipzig mhijiex għajnuna mill-Istat skont l-Artikolu 87 paragrafu 1 tat-Trattat tal-KE.

(189)

Dwar dan il-Qorti s-sentenza tagħha tal-Kawża Marine Stardust spjegat li “mezzi, li l-Istat jagħti direttament jew indirettament għad-dispożizzjoni ta' intrapriża taħt kundizzjonijiet li huma konformi mal-kundizzjonijiet normali tas-suq ma jitqisux bħala għajnuna mill-Istat” (36).

(190)

Għalhekk għandu jiġi vverifikat jekk l-azzjonisti tal-ajruport ta' Leipzig aġixxewx bħala investitur privat waqt il-finanzjament tat-tkabbir tal-ajruport. Barra minn hekk, għandu jiġi vverifikat jekk taħt kundizzjonijiet simili, investitur privat li huwa attiv taħt l-kundizzjonijiet normali ta' suq liberu, kienx jaċċetta l-allinjament mill-ġdid tar-runway fin-nofsinhar bl-istess kundizzjonijiet tan-negozju jew b'kundizzjonijiet simili għal dawk li aċċettat l-MFAG.

(191)

Għalhekk ta' min jinnota: “L-imġiba ta' investitur privat, li magħha għandu jiġi mqabbel l-intervent ta' investitur pubbliku li jsegwi għanijiet politikoekonomiċi, m'għandiex bilfors tkun bħall-imġiba ta' investitur normali li jinvesti kapital bl-iskop li jagħtih profitt fi żmien qasir, iżda għallinqas bħall-imġiba ta' sehem privat jew ta' grupp ta' intrapriżi privati li jsegwu politika strutturali globali jew settorjali u jimxu fuq prospetti ta' profitt għal tul ta' żmien” (37).

(192)

Fil-każ preżenti, li huwa dwar investiment fir-runway il-ġdida fin-nofsinhar, il-Ġermanja apparentement poġġiet fid-dubbju l-applikabbiltà tal-prinċipju ta' investitur li jinnegozja f'suq liberu. Hija argumentat li dan il-prinċipju mhux applikabbli għal infrastrutturi tat-trasport għaliex f'dan is-settur m'hemmx investituri privati li wieħed jista' jqabbel magħhom. Fl-opinjoni tal-Ġermanja investitur privat ma kien ikollu l-ebda interess f'ajruporti u wisq inqas jekk jeħtieġu ħafna xogħol ta' tkabbir.

(193)

Wieħed ma jistax jaqbel ma' dan. L-applikazzjoni tal-prinċipju ta' investitur li jinnegozja f'suq liberu ma tistax tiġi eskluża, sempliċement għaliex is-settur privat ma jipparteċipax fil-finanzjament ta' infrastrutturi ta' ajruporti (38). Sitwazzjoni ekonomika diffiċli ma tippermettix li l-investitur pubbliku li ma jaġġixxix b'mod prudenti kif kieku kien jagħmel investitur privat fl-istess sitwazzjoni

(194)

Fid-deċiżjoni tagħha dwar Stardust Marine il-Qorti ddikkjarat “li biex tiġi investigata l-mistoqsija, jekk l-Istat aġixxiex bħala investitur prudenti li jinnegozja f'suq liberu, wieħed għandu jmur lura fil-kuntest taż-żmien, li fih ittieħdu l-miżuri finanzjarji ta' appoġġ, biex ikun jista' jiġi deċiż jekk l-imġiba tal-Istat hijiex raġonevoli għall-ekonomija, u li wieħed għandu jieħu kull deċiżjoni ibbażata fuq sitwazzjonijiet li jiġu aktar tard” (39).

(195)

Iż-żmien li fih tkun ittieħdet id-deċiżjoni dwar l-investiment huwa importanti. L-applikabbiltà tal-prinċipju ta' investitur li jinnegozja f'suq liberu ma tmurx lura għaż-żmien meta ħarġu d-Direttivi tal-2005, iżda għaż-żmien tal-ġurisdizzjoni tal-Qorti. li kontinwament tiżviluppa u meta tittieħed id-deċiżjoni tal-Kummissjoni (40).

(196)

Għalhekk għall-applikazzjoni tal-prinċipju ta' investitur li jinnegozja f'suq liberu indipendentament mill-pożizzjoni tal-Ġermanja, il-Kummissjoni għandha tpoġġi lillha nnifisha fil-pożizzjoni tal-istituzzjoni pubblika in kwistjoni fiż-żmien meta saret id-deċiżjoni dwar l-investiment.

(197)

F'Novembru tal-2004, meta l-ajruport ta' Leipzig iddeċieda li jibda bix-xogħol tal-bini tar-runway fin-nofsinhar, id-DHL kien għadha ma kkommettietx ruħha bil-liġi li ser tittrasferrixi ċ-ċentru amministrattiv tagħha għall-ġarr ta' merkanzija lejn l-ajruport ta' Leipzig. B'riżultat ta' dan twettqet evalwazzjoni konservattiva tal-profitt u għalhekk ġie mħejji paragun bejn “l-istatus quo” u “t-tkabbir mingħajr id-DHL”, fejn is-sitwazzjoni “tkabbir bid-DHL” tħalliet barra.

(198)

Il-Ġermanja argumentat li l-ajruport ta' Leipzig aġġixxa bħala investitur li jinnegozja f'suq liberu. Hija targumenta li l-allinjament mill-ġdid tar-runway fin-nofsinhar jikkontribwixxi biex jitnaqqas it-telf tal-ajruport u li fuq tul ta' żmien medju jew tul ta' żmien twil ser jkun possibbli li permezz tal-investimenti jintlaħaq il-livell ta' profitt.

(199)

Il-Ġermanja għandha tkun f'pożizzjoni li turi li l-awtoritajiet pubbliċi nnegozjaw b'mod aċċettabbli għal investitur privat. Skont informazzjoni li għandha l-Kummissjoni, ma jistax jiġi determinat definitivament jekk l-allinjament mill-ġdid tar-runway fin-nofsinhar kenitx soluzzjoni ekonomika pożittiva.

(200)

Investitur li jinnegozja f'suq liberu jimxi fuq il-prinċipju ta' profitti mistennija (41). Il-prinċipju ta' investitur li jinnegozja f'suq liberu normalment jgħodd bħala ssodisfat, jekk l-istruttura u l-prospetti tal-intrapriża huma ideali, biex ikun mistenni dħul normali fil-forma ta' ħlas ta' dividend jew żieda fil-kapital imkejjel skont dak mistenni minn intrapriża privata kumparabbli fuq perjodu adekwat ta' żmien.

(201)

Hekk kull effett pożittiv possibbli fuq l-ekonomija tar-reġjun li fih hemm l-ajruport m'għandu jkollu l-ebda rwol importanti, għaliex il-Kummissjoni waqt l-evalwazzjoni jekk il-miżura hijiex għajnuna investigat jekk “investitur privat f'sitwazzjoni kumparabbli fuq il-bażi tal-prospetti ta' profitt u indipendentament mill-ħsibijiet jew kunsiderazzjonijiet soċjali jew ta' politika reġjonali jew konsiderazzjonijiet ta' politika settorjali kienx jagħti din it-tip ta' għajnuna bħala kapital” (42).

(202)

Fid-deċiżjoni tagħha dwar “Charleroi” il-Kummissjoni kienet diġa ddikkjarat li: “Obbligi li jikkometti ruħu għalihom operatur ta' ajruport u li għalihom ma jistax jiġi ppruvat li jistgħu jwasslu għas-sitwazzjoni li l-operat tal-ajruport ser jibbenefika minnhom b'mod raġenevoli fi żmien adekwat jitqiesu bħala li mhux konformi mal-prinċipju ta' investitur privat li jinnegozja f'suq liberu. Naturalment kull effett pożittiv fuq l-ekonomija tar-reġjun marbut mal-ajruport permezz tad-deċiżjoni jekk l-intervent jinkludix elementi ta' għajnuna jew le ma jiġix meqjus” (43).

(203)

Bl-istess mod, il-Qorti fid-deċiżjonijiet tagħha fis-sentenzi C-234/84 u C-303/88 iddikkjarat, li “azzjonista privat jagħti kapital b'mod għaqli lil intrapriża li huwa meħtieġ biex jiggarantixxi l-kontinwità tagħha, jekk hi ssib ruħha f'diffikultajiet temporanji, imma li tista' ġġib lura l-profittabbiltà tagħha — skont il-każ — wara ristrutturar” (44). Iżda jekk, skont il-Qorti, “kontribut għall-kapital ta' investitur pubbliku li ma jagħmilx profitt għal tul ta' żmien minn kull prospett, dan huwa meqjus bħala għajnuna …” (45).

(204)

Il-Ġermanja ppreżentat pjan ta' negozju għat-tkabbir tal-karreġjata għat-tlugħ u l-inżul fin-nofsinhar. Permezz tal-informazzjoni dwar dħul u spejjeż inklużi fih, jista' jiġi vverifikat, jekk l-ajruport ta' Leipzig f'dak li għandu x'jaqasam mal-finanzjament, bini u operat tal-karrġejata għat-tlugħ u l-inżul fin-nofsinhar aġġixxiex bħala investitur privat.

(205)

Il-Ġermanja ppreżentat pjan ta' negozju għal tliet xenarji:

(206)

Il-pjanijiet tan-negozju huma bbażati fuq is-suppożizzjonijiet, spejjeż u dħul li ġejjin, li ġew preżentati mill-Ġermanja għall-perjodu bejn l-2006 u l-2042; għall-perjodu wara l-2042 ma ġie speċifikat l-ebda valur finali (ara ukoll il-paragraf 236 ff.).

(207)

Kif iddikkjarat fil-paragraf 197, ix-xenarju “tkabbir bid-DHL” ma jistax jiġi kkunsidrat waqt l-evalwazzjoni tal-konformità tal-investimenti mal-prinċipju tal-investitur li jinnegozja f'suq liberu.

(208)

It-tbassir tal-iżvilupp ta' bejgħ għax-xenarju “tkabbir mingħajr id-DHL” huwa prinċipalment ibbażat fuq iż-żewġ suppożizzjonijiet li ġejjin: l-investitur jaġixxi fuq is-suppożizzjoni li fis-sena 2012, ir-restrizzjonijiet fuq titjiriet ta' bil-lejl fl-ajruport Frankfurt/Main u n-nuqqas ta' kapaċitajiet f'ajruporti oħra ser iwasslu għal ċaqliq u għalhekk għal żieda fit-tkabbir bejn l-2013 u l-2018. Il-pjanijiet għat-tkabbir ġew meqjusa bħala meħtieġa, sabiex fix-xenarju tat-tkabbir mistenni fil-ġarr ta' merkanzija bl-ajru, ikun hemm biżżejjed kapaċitajiet disponibbli. Fil-fatt, bħala bażi għall-investiment issemmiet id-domanda dejjem tiżdied ta' servizzi ta' titjiriet għall-ġarr ta' merkanzija mill-ajruport ta' Leipzig, iżda dan ma giex issostanzjat minn ebda analiżi dwar spejjeż u benefiċċji.

(209)

Għalhekk fiż-żmien meta ttieħdet id-deċiżjoni dwar il-bini mill-ġdid tar-runway fin-nofsinhar kien hemm ir-riskju ta' kapaċitajiet żejda. L-ispejjeż li setgħu jinqalgħu minħabba kapaċità żejda possibbli (pereżempju, mingħajr id-DHL) ma setgħux jiġu bbilanċjati. Għalhekk, apparentament, fil-kalkoli preżenti dan ir-riskju ma ġiex ikkunsidrat.

(210)

Fit-tabella li ġejja (46) hemm imdaħħla l-kalkoli tal-bilanċ tad-dħul ta' flus kontanti għaż-żewġ xenarji “status quo” u “tkabbir mingħajr id- DHL”. Dawn il-kalkoli huma bbażat fuq il-pjanijiet ta' negozju ppreżentati mill-Ġermanja, li fost l-oħrajn saru fuq is-suppożizzjoni ta' rata ta' tkabbir ta' mill-inqas 3 fil-mija għall-ġarr ta' merkanzija bl-ajru.

Tabella 8

Kalkoli tal-bilanċ tad-dħul ta' flus kontanti

(211)

L-ewwel għandu jiġi ddikkjarat li l-Kummissjoni għall-kalkoli tal-bilanċ ta' dħul ta' flus ikkunsidrat l-ispejjeż kollha stmati marbuta ma' investimenti u mal-operat għal miżuri tas-sigurtà. Kif spjegat fil-paragrafi 180 sa 183, uħud minn dawn l-ispejjeż (spejjeż marbuta mal-operat kif ukoll spejjeż marbuta ma' investimenti) possibbilment jaqgħu taħt ir-responsabbiltà pubblika.

(212)

Indipendentament minn dan, il-bilanċ tad-dħul ta' flus għall-ajruport fil-perjodu bejn l-2005 u l-2042 jammona b'kollox għal madwar [bilanċ tad-dħul ta' flus negattiv] euro. Għalhekk wieħed m'għandux jaġixxi fuq is-supożizzjoni li investitur li jinnegozja fis-suq liberu kien ikun lest li jinvesti fil-bini tal-karreġġjata għat-tlugħ u l-inżul.

(213)

Il-kalkoli juru li għal xenarju B, il-bilanċ tad-dħul ta' flus ta' madwar [100-200] miljun euro huwa inqas minn dak ta' xenarju A. Il-bini tar-runway fin-nofsinhar inaqqas b'mod effettiv id-dħul ta' flus li qiegħed għad-dispożizzjoni tal-finanzjament ta' faċilitajiet diġà eżistenti.

(214)

Peress li l-ajruport għad irid jiffinanzja assi kapitali eżistenti għal valur ta' madwar 642 miljun euro (il-valur skont il-kotba fl-2005), mhux ser ilaħħaq l-EBITDA meħtieġa sabiex jiffinanzja kompletament mill-ġdid l-assi kapitali eżistenti għax-xenarju B. Skont il-kalkoli tal-bilanċ tad-dħul ta' flus eżistenti, wieħed ma jistax jaġixxi fuq is-suppożizzjoni li l-operat tal-ajruport ta' Leipzig ser jilħaq il-livell ta' profitt fil-futur. Għalhekk wieħed ma jistax jassumi li fix-xenarju B investitur privat kien ser jieħu f'idejh il-bini tar-runway fin-nofsinhar.

(215)

B'hekk wieħed jista' jikkonkludi li l-awtoritajiet pubbliċi mhumiex marbuta ma' stennija ta' profitti bbażata fuq fatti mill-investimenti pprovduti, u għalkemm huma għandhom l-intenzjoni li jagħmlu l-ajruport aktar atrajenti għall-utenti u aktar kummerċjali, huma mhux qed isegwu prospetti ta' profitti għal tul ta' żmien (47). Il-finanzjament pubbliku huwa aktar immirat, kif b'mod espliċit spjegat il-Ġermanja, lejn l-iżvilupp reġjonali, l-aċċessibbiltà tar-reġjun, il-ħolqien ta' postijiet tax-xogħol u l-protezzjoni ambjentali (speċjalment tnaqqis ta' storbju).

(216)

Għalhekk wieħed jista' jikkonkludi li fil-każ preżenti, investitur privat, anke jekk ikun attiv fi grupp f'assoċjazzjoni kummerċjali kbira, taħt kundizzjonijiet normali għas-suq liberu u anke stabbilit għal tul ta' żmien ma kienx ikun jista' jaġġixxi fuq il-premessa ta' profitt aċċettabbli għall-kapital investit.

(217)

F'dawn iċ-ċirkostanzi wieħed jista' jassumi li investitur privat, anke jekk isegwi strateġija intenzjonata għal profitti fuq tul ta' żmien u mhux għal profitti wara żmien qasir, taħt kundizzjonijiet normali għas-suq liberu ma kienx jagħti l-kontribut għall-kapital in kwistjoni.

(218)

Irrispettivament mill-argument u l-konklużjonijiet diġà msemmija għandha ssir referenza għall-fatt li r-rata ta' tnaqqis ta' 6,5 % stmata mill-Ġermanja fil-kalkoli tagħha (ara l-punt 117) ġejja mill-primjum għar-riskji baxxi ħafna ta' madwar 3,25 % bbażat fuq il-fattur beta ta' 0,65 %. Fattur beta ta' 0,65 % jfisser li f'każ ta' tnaqqis tal-valur tas-suq sħiħ ta' 1 %, il-valur tal-investiment jinżel għal 0,65 %, u dan ikun sinjal ta' instabbiltà tal-investiment fis-suq tal-kapital sħiħ u għalhekk huwa sinjal ta' riskju aktar baxx.

(219)

Dwar dan il-Kummissjoni tinnota li wħud mis-sorsi ta' xi esperti jipprovdu l-fattur beta għall-ajruspazju u l-iżvilupp tal-ajruporti fl-Ewropa bbażat fuq dejta statistika ta' bejn 0,81-1,26 (48). Dawn il-fatturi beta huma kkalkulati għal ajruporti internazzjonali (speċjalment ċentri amministrattivi għat-trasport bl-ajru), li minħabba il-kwotazzjonijiet tajbin tagħhom fuq il-Borża għandhom aċċess tajjeb għal swieq kapitali. Fl-opinjoni tal-Kummissjoni, investimenti f'ajruporti żgħar, bħal fil-każ preżenti, ifissru riskju akbar minħabba d-daqs tagħhom. Barra minn hekk fil-każ preżenti l-ajruport jinsab f'idejn pubbliċi u għandu biss aċċess limitat għas-suq kapitali. Barra dan, huwa jiddependi mill-appoġġ tal-azzjonisti pubbliċi. Għħalhekk il-Kummissjoni hi tal-opinjoni li minbarra fattur beta ogħla l-Ġermanja kellha tikkundsra wkoll l-hekk imsejjaħ “primjum għan-nuqqas ta' likwidità” fil-kalkoli tagħha, li mhux il-każ. B'hekk ir-rati tal-imgħax kienu ogħla u l-valur kurrenti nett tal-bilanċ tad-dħul ta' flus kien inqas.

(220)

Skont l-Artikolu 87 paragrafu1 tat-Trattat tal-KE miżura tgħodd bħala għajnuna mill-Istat jekk intrapriżi jew oqsma tal-produzzjoni partikulari jibbenifikaw minnha. Dwar il-każ preżenti jista' jiġi ddikjarat li l-vantaġġi in kwistjoni ġew mogħtija biss lill-ajruport ta' Leipzig. Il-fondi pubbliċi marru għal proġett partikulari. Il-kontribuzzjonijiet għall-kapital mill-id pubblika ma ġew mogħtija lil ebda ajruport ieħor kompettitiv. Għalhekk din hija miżura selettiva skont l-Artikolu 87 paragrafu 1 tat-Trattat tal-KE.

(221)

Jekk l-għajnuna ta' Stat Membru ssaħħaħ il-pożizzjoni ta' intrapriża fil-konfront tal-kompetituri tagħha fil-kummerċ fi ħdan il-Kommunità, il-kompettitività tagħhom titiqes li ġiet affettwata b'mod negattiv permezz tal-għajnuna. Skont il-ġurisdizzjoni kurrenti (49) miżura li tfixkel il-kompetizzjoni tkun diġà ngħatat, hekk kif ir-riċevitur tal-għajnuna jidħol fi swieq miftuħa għall-kompetizzjoni b'intrapriżi oħra li jikkompetu.

(222)

Kif diġà spjegat fil-paragraf 166 ff., l-operat ta' ajruport huwa meqjus bħala attività kummerċjali. Il-kompetizzjoni mhijiex qiegħda biss bejn linji tal-ajru, iżda ukoll bejn ajruporti. Il-każ preżenti huwa fost l-oħrajn dwar intrapriża li possibbilment toffri l-impjanti meħtieġa, biex tiġi żviluppata f'ċentru amministrattiv għat-trasport bl-ajru għall-ġarr ta' merkanzija bl-ajru.

(223)

Kull trattament preferenzjali kummerċjali li l-ajruport ta' Leipzig/Halle jirċievi permezz tal-finanzjament tar-runway fin-nofsinhar ser isaħħaħ il-pożizzjoni tiegħu fil-konfront tal-kompetituri tiegħu fuq is-suq Ewropew għal servizzi pprovduti minn ajruporti. Għalhekk il-finanzjament permezz ta' id pubblika preżentement soġġett għal investigazzjoni jinkludi l-periklu ta' tfixkil tal-kompetizzjoni jew ta' effetti negattivi fuq il-kummerċ bejn l-Istati Membri.

(224)

Għal dawn ir-raġunijiet, il-finanzjament pubbliku tat-tkabbir tar-runway fin-nofsinhar tal-ajruport ta' Leipzig-Halle huwa għajnuna mill-Istat skont l-Artikolu 87 paragrafu 1 tat-Trattat tal-KE.

(225)

Kif spjegat fid-deċiżjoni għall-bidu ta' proċeduri (ara paragrafi 42 sa 46), skont l-opinjoni tal-Kummissjoni l-miżuri preżentement investigati qed jiġu ffinanzjati minn mezzi pubbliċi u jistgħu jfixklu l-kompetizzjoni.

(226)

Il-kunċett ta' għajnuna jinkludi kull benefiċċju li direttament jew indirettament huwa ffinanzjat minn mezzi statali u li jiġi mogħti mill-Istat stess jew minn istituzzjonijiet li huma attivi fuq il-bażi ta' mandat pubbliku.

(227)

Huwa ovvju li l-ftehim strutturali u d-dikjarazzjoni mill-Istat qed jiġu ffinanzjati minn mezzi pubbliċi, u d-deċiżjonijiet dwar l-għoti ta' dawn il-mezzi pubbliċi huma attribwiti lil istituzzjonijiet pubbliċi: Il-bord tad-diretturi tal-MFAG awtorizza l-konklużjoni tal-ftehim strutturali fit-3 ta' Ġunju 2004. Il-membri tal-bord tad-diretturi tal-MFAG huma fil-maġġoranza tagħhom rappreżentanti tas-settur pubbliku (pereżempju, il-Ministru tal-Finanzi ta' Sachsen u Sachsen-Anhalt, is-sindki ta' Leipzig, Dresden u Halle). Id-dikjarazzjoni mill-Istat ġiet iffirmata fil-21 ta' Diċembru 2005 mill-Ministru tal-Finanzi tal-Istat ta' Sachsen.

(228)

B'dawn il-miżuri huwa possibbli, li l-kompetizzjoni tiġi mfixkla u li l-kummerċ bejn l-Istati Membri jiġi affettwat, għaliex minnhom jibbenefikaw id-DHL u l-ajruport ta' Leipzig b'mod selettiv.

(229)

In-negozju tal-kunsinna mgħaġġla huwa bla dubbju suq li fih intrapriżi minn Stati Membri differenti jinsabu f'kompetizzjoni ma' xulxin. Kull benefiċċju ekonomiku li tirċievi d-DHL permezz tal-miżuri statali msemmija jsaħħaħ il-pożizzjoni tagħha fil-konfront tal-kompetituri tagħha fis-suq Ewropew tal-ġarr ta' merkanzija b'kunsinna mgħaġġla.

(230)

Peress li l-evalwazzjonijiet imsemmija fil-paragrafi 42 sa 46 tad-deċiżjoni għall-bidu ta' proċeduri ma ġewx diskussi la mill-Ġermanja u lanqas mill-istituzzjonijiniet involuti, l-argument li ġej jikkonċentra fuq l-iskala ta' benefiċċji għad-DHL permezz tal-ftehim strutturali u tad-dikjarazzjoni mill-Istat.

(231)

Għal kull servizz offrut — garanziji, kiri u servizzi pprovduti mill-ajruport — għandu jiġi investigat jekk il-ftehim strutturali jagħmilx provvedimenti għal kumpensi raġonevoli li investitur privat kien jaċċetta.

(232)

Il-ftehim strutturali ma jistipula l-ebda ħlasijiet ta' primjums b'mod espliċitu għall-garanziji mogħtija. Mid-dħul addizzjonali ta' flus permezz tal-bini u l-operat tar-runway fin-nofsinhar biss jista' jiżdied sors ta' dħul ieħor possibbli għall-ajruport. Għalhekk l-ewwel għandu jiġi kkalkulat id-dħul addizzjonali ta' flus li jirriżulta mir-runway fin-nofsinhar. Wara għandu jiġi investigat jekk dan id-dħul ta' flus addizzjonali joffrix biżżejjed dħul għall-garanziji mogħtija.

(233)

Peress li investitur privat kien jiddeċiedi fuq il-konklużjoni tal-ftehim strutturali u fuq it-tkabbir tar-runway fin-nofsinhar fl-istess żmien, id-data tal-valur tal-assi għall-investigazzjoni mill-investitur privat għandha tkun Novembru 2004, jiġifieri qabel il-bidu tax-xogħol tal-bini. Kif spjegat fil-paragraf 215 ff. fl-opinjoni tal-Kummissjoni investitur privat ma kienx intenzjonalment ser inaqqas is-saħħa tal-pożizzjoni tiegħu fl-innegozjar fejn hu jinvesti fir-runway fin-nofsinhar mingħajr ma qabel jagħmel kuntratt dwar l-użu. Il-kalkoli tal-bilanċ tad-dħul ta' flus juru biċ-ċar li r-runway fin-nofsinhar mingħajr l-istabbiliment tad-DHL fl-ajruport ta' Leipzig ma kinitx tkun alternattiva sostenibbli għan-negozju, għaliex minnha kien jirriżulta telf addizzjonali fil-bilanċ tad-dħul ta' flus ta' madwar […] euro (ara l-appendiċi, kolonna 5). Għalhekk l-ajruport ma nnegozjax bħal investitur privat, meta l-ewwel bena r-runway il-ġdida fin-nofsinhar u wara għamel il-ftehim strutturali. Ix-xenarju “tkabbir mingħajr id-DHL” seta' jsir biss bl-għajnuna ta' ħafna benefiċċji ta' għajnuna. Għalhekk bħal xenarju għar-referenza mhuwiex addattat għall-investigazzjoni minn investitur privat.

(234)

Għalhekk għall-kalkolu tad-dħul ta' flus addizzjonali riżultat tal-bini tar-runway fin-nofsinhar wieħed għandu jmur lura għall-proċeduri tad-deċiżjoni għall-bidu ta' proċeduri u jiddetermina d-differenza bejn il-valuri fil-bilanċ tad-dħul ta' flus bejn il-varjant tkabbir bid-DHL u x-xenarju status quo (operat esklussiv tal-karreġjata għat-tlugħ u l-inżul eżistenti fin-nofsinhar).

(235)

Il-kalkolu sar fis-sena 2005, meta l-ewwel investimenti li jammontaw għal […] euro fir-runway fin-nofsinhar kienu diġa saru, li l-Kummissjoni ġet infurmata dwarhom wara d-deċiżjoni għall-bidu ta' proċeduri.

(236)

Il-kalkolu tal-bilanċ għad-dħul ta' flus ma jmurx lil hinn mis-sena 2042 u ma jinkludix fih il-valuri finali speċifikati mill-Ġermanja, għaliex skont il-pożizzjoni tal-Ġermanja aktar kmieni (50) it-tul ta' żmien tal-użu ta' karreġjata għat-tlugħ u l-inżul jammonta għal madwar 30 sena. Barra minn hekk investitur privat ma kienx ikun lest li jiffinanzja r-runway fin-nofsinhar jekk fl-ewwel 37 sena tal-operat (2005-2042) ma tipproduċix profitti raġonevoli. Għalhekk fl-analiżi dwar il-bilanċ tad-dħul ta' flus ġie kkunsidrat biss dan il-perjodu ta' żmien biex jiġi deċiż kemm l-investiment jaffettwa l-profitt tal-ajruport.

(237)

Anqas l-valuri finali ssuġġeriti ma ġew ikkunsidrati minħabba nuqqas ta' plawsibbiltà. Bi tkabbir annwali ta' 3 % wieħed jista' jaġixxi fuq is-suppożizzjoni ta' dħul dejjem jiżdied bla limiti. Dan it-tip ta' kalkolu mhuwiex realistiku, għaliex il-karreġjati għat-tlugħ u l-inżul għandhom kapaċitajiet limitati u d-dħul ma jistax jiżdied ad infinitum. Fil-kalkolu tal-Ġermanja għall-varjant “tkabbir bid-DHL” dan, pereżempju, iwassal għar-riżultat paradossali li l-valur finali mnaqqas huwa ħames darbiet ogħla mill-bilanċ tad-dħul ta'flus imnaqqas tal-ajruport għall-perjodu bejn l-2005 u l-2042 (51).

(238)

Kif speċifikat fl-appendiċi, mill-kalkoli tal-bilanċ tad-dħul ta' flus imnaqqas li jiżdied permezz tar-runway fin-nofsinhar jidher ċar li d-dħul tal-2005 ser jinżel għal […] euro inqas mill-ispejjeż marbuta ma' investimenti għall-perjodu bejn l-2005 u l-2042 (ara l-appendiċi kolonna 4).

(239)

Għalhekk l-ajruport mhu ser ikun jista' jkopri l-ebda spejjeż marbuta ma' riskji mill-bilanċ tad-dħul ta'flus għar-runway fin-nofsinhar. Assigurazzjoni tar-riskji tkun prattika jekk il-proġett ikun iħalli profitt u l-ajruport ikun jista' jiffinanzja r-riskju mill-ġdid, jekk ikun il-każ.

(240)

Billi jieħu f'idejh garanziji bla restrizzjonijiet marbuta mal-operat tal-ajruport wara t-twaqqif taċ-ċentru amministrattiv tad-DHL (paragrafi 8 u 9 tal-ftehim strutturali), l-ajruport jieħu fuqu riskji li jnaqqsulu l-kontroll tiegħu. Kif elaborat fil-paragrafi 17 sa 19 tad-deċiżjoni għall-bidu ta' proċeduri, l-ajruport la huwa fil-pożizzjoni li jikkontrolla l-aċċess priviliġġjat tad-DHL għar-runway fin-nofsinhar (għalih hemm responsabbli l-Assoċjazzjoni għas-Sigurtà fl-Ajru) u lanqas l-introduzzjoni ta' restrizzjonijiet fuq titjiriet ta' bil-lejl (fir-responsabbiltà tal-awtoritajiet).

(241)

Skont il-kalkoli tal-Ġermanja r-riskju ta' projbizzjoni fuq titjiriet ta' bil-lejl jikkawża lill-ajruport spejjeż li jammontaw għal madwar […] euro. Dan iwassal għal żieda fit-telf tal-bilanċ tad-dħul ta' flus ta'[…] euro (ara l-appendiċi kolonna 4). Għalkemm huwa ovvju li l-ajruport ma jistax jiffinanzja l-ispejjeż marbuta ma' riskji mir-riżorsi tiegħu, wieħed ta' min jgħarraf li dawn il- […] euro jkopru biss ammont minimu. Minbarra żbalji oħra fil-kalkoli, il-Ġermanja ma kkunsidratx ukoll li l-ajruport jista' jfalli, jekk huwa jkollu jikkumpensa lid-DHL bi […] euro jew […] euro, f'każ li l-intrapriża jkollha tmur f'ajruport ieħor minħabba projbizzjoni fuq titjiriet ta' bil-lejl. Barra minn hekk ir-riskji l-oħra li għalihom saru provvedimenti baqgħu ma ġewx ikkunsidrati fil-kalkoli tal-Ġermanja (pereżempju, dak tal-aċċess għar-runway fin-nofsinhar ikkontrollat mill-Assoċjazzjoni għas-Sigurtà fl-Ajru).

(242)

Fl-aħħar nett, qed jiġi enfasizzat ukoll li l-kalkoli xorta waħda juru defiċit fil-bilanċ tad-dħul ta' flus, anke jekk jiġi segwit l-argument tal-Ġermanja, li l-ispejjeż marbuta mas-sigurtà li jammontaw għal […] euro jaqgħu taħt ir-responsabbiltà pubblika u għalhekk ma jiżdidux mal-ispejjeż tal-ajruport (52). Anke f'dan ix-xenarju jibqa' defiċit konsiderevoli ta' […] euro (ara l-appendiċi kolonna 4).

(243)

Minn dawn il-kalkoli biss jidher ċar li investitur privat ma kienx jieħu f'idejh dan it-tip ta' garanziji mingħajr restrizzjonijiet. Il-Kummissjoni, iżda, tixtieq iżżid li minn investigazzjoni aktar dettaljata jirriżulta aktar telf. Il-Ġermanja tirreferi għall-fatt li l-awtoritajiet regolatorji Ingliżi fil-kalkoli tagħhom għad-determinazzjoni tal-ħlasijiet lill-ajruport għall-perjodu bejn l-2008 u 2013 huma stmaw l-ispejjeż marbuta mal-kapital (sħiħ qabel it-taxxa) ta' 6,2 % (Heathrow) kif ukoll ta' 6,7 % (Gatwick). Iżda kemm Heathrow kif ukoll Gatwick jistgħu jistrieħu fuq domanda kbira ta' titjiriet minn u lejn Londra, filwaqt li l-ajruport ta' Leipzig għandu kapaċitajiet żejda u jrid jikkompeti ma' ajruporti oħra għal fornituri ta' servizzi ta' titjiriet għal passiġġieri u merkanzija bi prezz baxx. Peress li l-ajruport ta' Leipzig huwa espost għal riskju akbar tas-suq minn Heathrow jew Gatwick, spejjeż marbuta mal-kapital ta' aktar minn 6,5 % (sħaħ mingħajr taxxi) kienu jkunu raġonevoli (ara wkoll il-paragraf 218 ff.).

(244)

Barra minn hekk, skont informazzjoni mill-Ġermanja (53) istituzzjonijiet finanzjarji privati ma kinux lesti li jagħmlu provvedimenti għar-riskji li jirriżultaw mill-garanzija għall-operat tal-ajruport wara t-twaqqif taċ-ċentru amministrattiv tad-DHL, u b'hekk jiġi kkonfermat li l-ebda investitur privat ma kien ser jieħu f'idejh dan it-tip ta' garanziji bla restrizzjonijiet għal riskji li hu m'għandux kontroll fuqhom.

(245)

L-argumenti preżentati mill-Ġermanja u mid-DHL, li skont huma t-teħid fl-idejn reċiproku ta' garanziji bejn partijiet b'kuntratt hija prattika normali fin-negozju, huma sempliċement dikjarazzjonijiet ġenerali u għalhekk irrelevanti, għaliex il-kalkoli ta' hawn fuq juru biċ-ċar li l-ajruport ta' Leipzig mhuwiex fil-pożizzjoni li jiffinanzja l-garazniji mogħtija mir-riżorsi tiegħu. Investitur privat jagħmel biss kuntratt li jiġġenera profitt u li ma jnaqqasx is-saħħa finanzjarja tiegħu.

(246)

Fl-aħħar nett, wieħed jaqbel mal-argument tal-Ġermanja, li skont hu investitur privat — peress li r-runway fin-nofsinhar kienet diġa nbniet- kien jiffirma l-ftehim strutturali minħabba d-dħul ta' flus kbir fil-konfront tal-varjant mingħajr id-DHL. Hekk il-Ġermanja tħalli barra l-punt importanti, li, kif spjegat hawn fuq, l-ispejjeż marbuta ma' riskji ma jistgħux jiġu ffinanzjati mir-riżorsi tal-ajruport. Biex ikun jista' joffri garanziji lid-DHL, l-ajruport ta' Leipzig irid jaqa' għall-kapital li kien imdaħħal għall-bini tar-runway fin-nofsinhar. Kif iddikjarat fil-paragrafu 6.1.1., dawn il-kontribuzzjonijiet għall-kapital diġa jirrapreżentaw għajnuna. Għalhekk, indipendentament mill-perjodi ta' żmien meħuda bħala bażi, jista' jiġi ddikjarat li l-garanziji bl-ebda mod ma ġew iffinanzjati permezz ta' għajnuna.

(247)

Jekk wieħed jikkundsidra l-argumenti ppreżentati mid-DHL u mill-Ġermanja, jista' jiġi ddikkjarat li d-DHL mill-kuntratti tal-kera ma żdidilha l-ebda vantaġġ finanzjarju, għaliex

(248)

Jekk wieħed jikkundsidra l-argumenti ppreżentati mid-DHL u mill-Ġermanja, jista' jiġi ddikjarat li d-DHL, mill-ftehim dwar ħlasijiet lill-ajruport, ma żdidilha l-ebda vantaġġ finanzjarju, għaliex

(249)

Fin-notifika dwar garanziji ġie ddikkjarat taħt liema kundizzjonijiet garanzija ma tirrapreżentax għajnuna mill-Istat. Żewġ kundizzjonijiet prinċipali, li t-tnejn iridu jiġu ssodisfati, huma:

(250)

Id-dikjarazzjoni mill-Istat — li permezz tagħha l-Istat ta' Sachsen ħa r-responsabbiltà li hemm biżżejjed kapital għad-dispożizzjoni tal-ajruport ta' Leipzig u tal-MFAG sabiex ikunu jistgħu jiġu ssodisfati l-obbligi li huma ikkommettew ruħhom għalihom fil-ftehim strutturali u l-Istat ta' Sachsen jiddikkjara li hu jkun direttament responsabbli għall-kumpens sa […] euro għal pretensjonijiet ta' ħsara mid-DHL — mhix konformi mal-ebda waħda minn dawn iż-żewġ kundizzjonijiet:

(251)

Barra minn hekk, jista' wkoll ma jingħadx li l-Istat ta' Sachsen bħala azzjonista tal-ajruport ta' Leipzig jieħu kumpens indirett, għaliex il-valur tal-ishma fl-ajruport minħabba t-telf fil-bilanċ tad-dħul ta' flus riżultat tat-tkabbir tad-DHL ser jinżel b'mod effettiv. Bl-istess raġunament, l-argumenti kollha marbuta mal-kommensurabbiltà bejn id-dikjarazzjonijiet mill-Istat ta' Sachsen u d-Deutsche Post m'għandhomx bażi soda, għaliex id-dħul ta' flus addizzjonali mir-runway fin-nofsinhar mhux biżżejjed biex jiġi assigurat il-finanzjament tar-riskju tal-ajruport u l-proprjetarju tiegħu.

(252)

Il-garanziji mingħajr restrizzjonijiet konċiżi fil-paragrafi 8 u 9 tal-ftehim strutturali u d-dikjarazzjoni mill-Istat jirrapreżentaw għajnuna mill-Istat skont l-Artikolu 87 paragrafu 1 tat-Trattat tal-KE, għaliex l-Istat ta' Sachsen, l-MFAG u l-ajruport ta' Leipzig għamlu provvedimenti għal riskji tan-negozju tad-DHL b'kundizzjonijiet li l-ebda investitur privat ma kien jaċċetta. Mingħajr l-appoġġ pubbliku, l-ajruport ta' Leipzig la seta' jiffinanzja il-bini tar-runway fin-nofsinhar u lanqas seta' jagħmel ftehim strutturali mad-DHL.

(253)

Peress li l-ftehim strutturali ġie ffirmat u daħal fis-seħħ qabel in-notifika tiegħu mill-Ġermanja, il-garanziji bla restrizzjonijiet li hemm fih imorru kontra l-Artikolu 88 paragrafu 3 tat-Trattat tal-KE u għalhekk huma illegali.

(254)

Kif spjegat fil-paragraf 166 ff., l-investimenti kollha magħmula minn mezzi pubbliċi fis-sens ta' din id-deċiżjoni jinkludu għajnuna mill-Istat (54) (għalkemm parti minnhom jaqgħu taħt ir-responsabbiltà pubblika).

(255)

Għandu jiġi ddeterminat jekk l-għajnuna għandhiex titqies bħala konformi mas-Suq Kommuni. L-Artikolu 87 paragrafu 3 tat-Trattat tal-KE jagħmel provvedimenti għal eċċezzjonijiet partikolari għall-projbizzjoni ġenerali ta' għajnuna skont il-paragrafu 1.

(256)

F'dan il-qasam, id-Direttivi tal-2005 jiffurmaw bażi li fuqha għajnuniet għal ajruporti skont l-Artikolu 87 paragrafu 3(c) jistgħu jiġu ddikkjarati permessi. Fid-Direttivi jiġu msemmija diversi fatturi li l-Kummissjoni tqis waqt id-determinazzjoni dwar il-konformità.

(257)

Għalhekk skont il-paragrafu 61 tad-Direttivi tal-2005 għandu jiġi investigat b'mod speċjali, jekk

(258)

Permezz tal-proġett, fl-ajruport għandu jinħoloq ċentru amministrattiv ġdid għat-trasport ta' merkanzija bl-ajru u ċentru multimodali għat-trasport ta' oġġetti. Is-settur tat-trasport ta' merkanzija bl-ajru, speċjalment in-negozju ta' kunsinna mgħaġġla qed juri tkabbir konsiderevoli. Bħalissa l-intrapriżi għall-ġarr ta' merkanzija bl-ajru qed ikabbru l-kapaċitajiet tal-operat tagħhom. Iżda fit-tliet ċentri amministrattivi prinċipali għall-ġarr ta' merkanzija bl-ajru fil-Ġermanja — Frankfurt/Main, Munich und Cologne/Bonn — qed jiġu rikjesti restrizzjonijiet fuq titjiriet ta' bil-lejl. Kieku l-ajruport ta' Frankfurt/Main ikollu jwaqqaf jew inaqqas it-titjiriet ta' bil-lejl, konsegwentament fil-Ġermanja jkun hemm kriżi serja fil-kapaċitajiet għat-trasport ta' merkanzija bl-ajru.

(259)

Fuq dan l-isfond l-investiment huwa konsistenti mal-pjan ta' azzjoni għall-kapaċità, l-effiċjenza u s-sigurtà tal-ajruporti fl-Ewropa (55) tal-2007, li fihom ġie ddikjarat li “Minħabba l-iżvilupp mistenni fis-settur tat-trasport, l-Ewropa ser taffaċja vojt dejjem jikber bejn il-kapaċità u d-domanda” f'dak li għandu x'jaqsam ma' ajruporti u ġie konkluż li “Il-kriżi marbuta ma' kapaċitajiet ta' ajruport tfisser periklu għas-sigurtà, l-effiċjenza u l-kompettitività tal-partijiet interessati kollha, li huma involuti fil-katina tal-kunsinna tat-trasport bl-ajru” (56). Skont dan il-pjan ta' azzjoni mhuwiex biss meħtieġ li wieħed juża l-karreġġjati għat-tlugħ u l-inżul b'mod effiċjenti, iżda ukoll li “infrastrutturi ġodda jiġu appoġġjati”, u l-Kummissjoni tirreferi għall-importanza ta' ajruporti reġjonali biex tiġi indirizzata l-kriżi marbuta ma' kapaċitajiet.

(260)

Il-proġett jagħmel parti mill-istrateġiji inklużi fil-pjan ġenerali (li jwassal sal-2020) tan-netwerk tat-trasport transewropew tal-2004 għall-iżvilupp tal-ajruport identifikat fih bħala “iċ-ċentru tal-Kommunità”. L-ajruport jinsab fil-Ġermanja ċentrali (qrib ta' ħames rotot prinċipali tan-netwerk transewropew tat-trasport u tal-passaġġi panEwropej) u jinsab fil-punt fejn jiltaqgħu żewġ awtostradi Ġermaniżi li jgħaqqdu flimkien it-tramuntana u n-nofsinhar tal-Ewropa (A9) u l-Ewropa tal-Punent u l-Ewropa tal-Lvant (A 14). Barra minn hekk huwa għandu għad-dispożizzjoni tiegħu konnessjoni eċċellenti għat-trasport f'netwerks tal-ferrovija u ta' toroq. Dawn il-konnessjonijiet jippermettu t-trasport intermodali ta' oġġetti u jwasslu għal trasport aktar effiċjenti u aktar sostenibbli għall-ambjent u barra minn hekk jikkontribwixxu għal żvilupp sostenibbli. Il-proġett għalhekk iservi għall-“iżvilupp ta' netwerk tat-trasport bl-ajru integrat Ewropew” skont il-punt 12 tal-pjan ta' azzjoni msemmi, li riżultat tiegħu “preferibbilment il-kapaċità moħbija eżistenti f'ajruporti reġjonali tiġi żviluppata, jekk l-Istati Membri waqt dan l-iżvilupp jirrispettaw r-regolamenti tal-Kommunità dwar għajnuna mill-Istat”.

(261)

It-twettiq tal-proġett għandu jaffettwa r-reġjun kollu b'mod pożittiv u ser jinfluwenza b'mod sinifikanti l-iżvilupp ekonomiku u soċjali tiegħu. Il-konnessjoni tar-reġjun ser tiġi mtejba b'mod speċjali u hu ser ikun aktar attrajenti għall-investituri u l-viżitaturi. Dan għandu jġib miegħu effetti pożittivi fuq ix-xogħol, speċjalment għaliex il-qgħad fir-reġjun ta' Halle/Leipzig huwa sostanzjalment ogħla mill-medja tal-Ġermanja kollha.

(262)

Permezz tal-investimenti in kwistjoni, l-użu tal-infrastruttura disponibbli jkun organizzat aħjar, b'mod aktar sigur, aktar sostenibbli għall-ambjent u aktar effiċjenti, li permezz tiegħu s-sigurtà u l-effiċjenza tal-ajruport ser jiżdiedu. Permezz tal-allinjament mill-ġdid tar-runway fin-nofsinhar fil-futur ser jiġi evitat li jgħaddu titjiriet minn fuq iż-żoni fit-tramuntana ta' Leipzig u fin-nofsinhar ta' Halle li huma popolati ħafna. Żona f'Leipzig li tinsab qrib l-ajruport u fuq quddiem tar-runway il-qadima fin-nofsinhar, tintlaqat sew mill-istorbju għaliex hemmhekk jiltaqgħu l-karreġġjati tal-wasla u tat-tluq. Barra minn hekk, l-allinjament tar-runway il-qadima fin-nofsinhar ma kienx konformi mar-rekwiżiti meteoroloġiċi tal-avjazzjoni għal tlugħ u nżul. Id-direzzjoni tar-riħ matul is-sena kif ukoll f'xhur individwali tkun ġeneralment mil-lbiċ. Dan jista' jkun ta' żvantaġġ meta jkun hemm interferenzi għal komponenti bir-riħ mill-ġenb għaż-żaqq. L-allinjament il-ġdid huwa konformi mar-rekwiżiti meteoroloġiċi tal-avjazzjoni u jippermetti l-operat ta' titjiriet bi strumenti skont il-grad tal-operat CAT III f'kull tip ta' temp. Barra minn hekk, id-distanza bejn iż-żewġ karreġjati għat-tlugħ u l-inżul tippermetti l-operat indipendenti ta' titjiriet, li qabel ma kienx possibbli minħabba raġunijiet ta' sigurtà (periklu ta' ħabtiet).

(263)

Għalhekk wieħed jista' jikkonkludi, li l-bini u l-operat tal-infrastruttura jservu għan definit b'mod ċar għall-interess ġenerali u jekk wieħed jikkunsidra l-aspetti reġjonali u ambjentali, l-iżvilupp ta' ajruport b'aktar involviment fil-ġarr ta' merkanzija huwa konformi mal-politika tal-Kommunità b'tali mod li dan il-kriterju għall-awtorizzazzjoni f'dan il-każ huwa ssodisfat.

(264)

Il-figuri ppreżentati mill-Ġermanja juru biċ-ċar li l-ajruport fil-forma kif inhu llum mhux ser ikun jista' jlaħħaq maż-żieda mistennija fit-trasport ta' passiġġieri u ta' merkanzija. Kif iddikjarat hawn fuq, qed tiġi prevista żieda gradwali iżda konsiderevoli fin-numru ta' passiġġieri u fil-volum ta' merkanzija tul il-ħajja kummerċjali tar-runway il-ġdida fin-nofsinhar. Fis-sena 2006, in-numru ta' passiġġieri kien ta' 2.3 miljuni u skont stimi, fis-sena 2010 dan in-numru se jitla' għal 6-7 miljuni. Qed tiġi prevista żieda fit-trasport ta' merkanzija wkoll, speċjalment minħabba aktar restrizzjonijiet fuq titjiriet ta' bil-lejl f'ajruporti oħra Ġermaniżi (Frankfurt/Main, Cologne/Bonn fost oħrajn).

(265)

Għal ħafna raġunijiet, ir-runway il-qadima fin-nofsinhar kienet titqies bħala li kienet tinsab f'qagħda ħażina u li ma kenitx adekwata. L-ewwel nett ta' min ifakkar li l-infrastruttura kienet inbniet bejn l-1957 u l-1960. L-allinjament tar-runway il-qadima kien ġie ddeterminat skont l-istruttura militari tal-ispazju tal-ajru tar-Repubblika Demokratika Ġermaniża u mhux skont rekwiżiti meteoroloġiċi tal-avjazzjoni. Madwar is-sena 1980 kienu diġà bdew jidhru ħsarat bħal xquq fiċ-ċangaturi, tkissir fit-truf u toqob fis-sottostrati. Biex jissewwew dawn il-ħsarat, fis-snin 1983/84 il-karreġjata għat-tlugħ u l-inżul ġiet mogħtija kisja konkrit. Iżda bejn il-kisja oriġinali u l-kisja l-ġdida ma sar l-ebda tgħaqqid, b'tali mod li t-tiġdid sar biss fil-wiċċ u ma kienx biżżejjed.

(266)

Din il-problema dehret aktar mis-sena 1990 'il quddiem meta il-karreġjata għat-tlugħ u l-inżul bdiet tintuża aktar. Pereżempju, xquq fil-kisja ta' taħt wasslu għal xquq fil-kisja l-ġdida ta' fuqha kif ukoll għal ħafna tkissir fit-trufijiet u ċaqliq kbir b'mod lonġitudinali fiż-żewġt itruf tar-runway, u bħala konsegwenza tfaċċaw it-tumbati. Dan it-tip ta' tumbati joħolqu periklu kbir għas-sigurtà tat-traffiku meta fis-sajf jinkisru minħabba s-sħana. Il-konsegwenzi kienu aktar ħsarat dejjem jiżdiedu kif ukoll manutenzjoni għolja bi spejjeż sproporzjonati marbuta tagħha.

(267)

Barra minn hekk, ir-runway oriġinali fin-nofsinhar kellha tul ta' 2 500 m u kienet tippermetti biss tlugħ u nżul li jeħtieġu distanza qasira. Għal inġenji tal-ajru mgħobbija li għandhom piż ta' aktar minn 30 tunnellata din ir-runway ma setgħetx tintuża. Għalhekk l-effiċjenza tal-ajruport ta' Leipzig kienet ristretta (inġenji tal-ajru tat-tip Boeing B 747, B 767 u McDonnell Douglas MD 11 meta mgħobbija jeħtieġu distanza ta' bejn 2 925 m u 3 320 m għat-tlugħ tagħhom). Minħabba din l-insuffiċjenza, l-istorbju kien qed jiżdied b'mod konsiderevoli, pereżempju f'każ li l-karreġjata għat-tlugħ u l-inżul fit-tramuntana tkun magħluqa. Barra minn hekk, minħabba raġunijiet ta' sigurtà fit-trasport, l-allinjament mill-ġdid tar-runway il-qadima fin-nofsinhar kien meħtieġ. Anke għal inżul fid-direzzjoni tal-punent, operat parallel ma kienx possibbli għaliex dejjem hemm il-possibbiltà li ajruplani f'titjira lejn l-ajruport kien ikollhom jabortaw l-inżul tagħhom u jerġgħu jibdew mill-ġdid biex jiġu evitatati l-ħabtiet. L-Istituzzjoni Ġermaniża għas-Sigurtà fl-Ajru (DFS) għalhekk kellha tqis iż-żewġ runways bħala runway waħda minħabba aspetti marbuta mal-operat ta' titjiriet.

(268)

In-numru tat-tluq u wasliet massimi kull siegħa li jistgħu jsiru permezz tas-sistema tar-runway l-antika bil-kundizzjonijiet imsemmija ġie kkalkulat u saret simulazzjoni skont l-iskeda ta' titjiriet prevista għal ċentru amministrattiv għall-ġarr ta' merkanzija fl-ajruport ta' Leipzig/Halle. Mis-simulazzjoni tal-iskeda ta' titjiriet previsti rrizulta ttardjar ta' tlugħ u nżul fis-sigħat tal-akbar raxx ta' traffiku. Għall-wasliet, l-ittardjar medju fiż-żewġ direzzjonijiet kien jammonta għal madwar 21 minuta u għat-tluq madwar 6 minuti. F'każijiet individwali rriżulta anke ttardjar ta' 30 minuta sa siegħa għall-wasliet u sa 18-il minuta għat-tluq.

(269)

Kif spjegat qabel, l-ajruport m'għandu kważi l-ebda possibbiltà, li jirċievi mezzi finanzjarji mill-azzjonisti pubbliċi tiegħu jew permezz tagħhom; għalhekk intensità ta' għajnuna ta' 100 % hija meħtieġa. Il-Ġermanja setgħet tagħti prova li l-faċilitajiet infrastrutturali kollha ppjanati u ffinanzjati minnha huma meħtieġa biex jintlaħqu l-għanijiet tagħha u li l-proġett mhuwiex sproporzjonat f'dak li għandu x'jaqsam ma' kobor u spejjeż.

(270)

Għal dawn ir-raġunijiet, jista' jiġi konkluż li l-infrastruttura in kwistjoni hija meħtieġa u adekwata biex jintlaħqu l-għanijiet intenzjonati.

(271)

Peress li jinsab fiċ-ċentru tal-Ewropa, l-ajruport b'suq ta' mawar 7 miljun ruħ f'periferija ta' 100 km u bil-konnessjoni tiegħu ma' netwerk eċċellenti ta' ferroviji u toroq għandu potenzjal kbir għat-tkabbir. Is-settur tat-trasport ta' merkanzija bl-ajru kif dikjarat hawn fuq qed juri rata ta' tkabbir sostanzjali (fit-trasport ta' passiġġieri bl-ajru internazzjonali, it-tkabbir medju bejn l-2002 u l-2006 kien ta' madwar 7,4 %, fil-qasam tal-ġarr ta' merkanzija ta' 6,2 %) (57). Minħabba restrizzjonijiet fuq titjiriet ta' bil-lejl, il-kapaċità kurrenti tal-ajruporti qed tiġi limitata.

(272)

Għall-ajruport ta' Leipzig, il-Ġermanja qed tantiċipa tkabbir kbir fit-trasport ta' merkanzija fl-ewwel snin u mis-sena 2013 'il quddiem, rata aktar konservattiva ta' tkabbir medju ta' 3 %. Meta mqabbel ma dan, il-IATA qed tassumi tkabbir annwali medju ta' 5,1 % (persuni) u ta' 4,8 % (merkanzija) bejn l-2007 u l-2011. Fl-1999 il-Ġermanja bassret madwar 4 miljun passiġġier għas-sena 2004 u 6-7 miljuni għas-sena 2010. Ibbażat fuq studju li sar dan l-aħħar skont informazzjoni mill-Ġermanja joħroġ li n-numru ta' passiġġieri ser jiżdied minn 2,1 miljun (2005) għal 4,8 miljun passiġġier kull sena.

(273)

Għalhekk hemm perspettivi tajbin marbuta mal-użu tal-infrastruttura l-ġdida għal żmien medju, speċjalment mal-użu ta' dik eżistenti, li ser titjieb permezz tax-xogħlijiet ippjanati

(274)

Skont informazzjoni mill-Ġermanja l-infrastruttura l-ġdida hija għad-dispożizzjoni tal-utenti potenzjali (intrapriżi tat-trasport bl-ajru) kollha b'mod uniformi u mingħajr diskriminazzjoni. Il-DHL ser tkun tuża r-runway il-ġdida fin-nofsinhar għal 19 % tal-ħin tal-operat, li jfisser biss 9,4 % tal-kapaiċità sħiħa tal-ajruport. F'dak li għandu x'jaqsam mal-kapaċità tar-runway użata mid-DHL, il-Kummissjoni tiddkjara li mhijiex xi ħaġa mhux normali li fil-maġġoranza tal-ajruporti (b'ċentri amministrattivi), madwar 60-80 % tal-kapaċità sħiħa tar-runway tintuża minn intrapriżi tat-trasport ta' merkanzija bl-ajru stabbiliti li jaġġixxu bħala “kerrejja presiġjużi”. Din is-sitwazzjoni qed tiġri wkoll b'mod qawwi fis-settur tal-low-cost f'ajruporti reġjonali u f'ajruporti sekondarji.

(275)

Ir-reservazzjoni ta' perjodi partikulari ta' ħin (slots) għad-DHL tirriffletti r-realtà fin-negozju tat-trasport ta' merkanzija b'kunsinna mgħaġġla. Barra minn hekk, Leipzig /Halle mhuwiex ajruport mgħobbi żżejjed (numru limitat ta' slots), b'tali mod li ma jistax ikun hemm nuqqas ta' kapaċità. Il-kompetituri tad-DHL għalhekk mhumiex żvantaġġati jekk perjodi ta' ħinijiet partikulari jiġi reservati għad-DHL. Dan ġie konfermat permezz tal-pożizzjoni ta' linji tal-ajru ta' passiġġieri u ta' merkanzija (fost l-oħrajn Panalpina, Jade Cargo International, Ruslan-Salis, Lufthansa Cargo, CARGOLUX Condor).

(276)

Bħal fil-maġġoranza tal-ajruporti (mhux mgħobbija żżejjed), f'Leipzig/Halle il-perjodi ta' ħin (slots) disponibbli jiġu mqassam skont l-ordni li biha jiġu rikjesti (min jiġi l-ewwel jinqeda l-ewwel). Il-fatt li l-intrapriżi tal-avjazzjoni jżommu l-perjodi ta' ħinijiet allokati lilhom skont il-prinċipju tad-drittijiet diġà eżistenti (grand-father rights) jagħmel parti mill-operat tal-ajruport. Il-perjodi ta' ħinijiet allokati lid-DHL f'dan l-ajruport mhux mgħobbi żżejjed kif ukoll il-possibbiltà għad-DHL li żżomm dawn il-perjodi ta' ħinijiet ma jagħtu l-ebda vantaġġ f'dak li għandu x'jaqsam mal-legalità ta' għajnuniet.

(277)

Iżda dawn id-“drittijiet” ma jistgħux imorru kontra l-liġi tal-Kommunità jew kontra l-liġi nazzjonali. Dwar dan il-Ġermanja rreferiet għall-fatt li f'każ li l-ajruport ta' Leipzig jiġi mgħobbi żżejjed għandha tiġi magħmula analiżi tal-kapaċità skont ir-Regolament (KE) Nru 95/93 tal-Kunsill dwar regolamenti komuni għall-allokazzjoni ta' perjodi ta' ħinijiet f'ajruporti fil-Kommunità (58).

(278)

Għalhekk jista' jiġi ddikkjarat li l-utenti potenzjali kollha għandhom aċċess uniformi u mingħajr diskriminazzjoni għall-infrastruttura.

(279)

Skont il-paragrafu 15 tad-Direttivi tal-2005, l-ajruport jaqa' taħt il-kategorija Ċ. Fil-fatt, il-kompetizzjoni u l-kummerċ fuq livell Kommunitarju se jiġu affetwati, iżda għandu jiġi ddeterminat jekk dan hux se jiġri b'tali mod li jmur kontra l-interess komuni.

(280)

L-ewwel nett irid jiġi deċiż li ir-runway il-ġdida fin-nofsinhar, anke jekk permezz tagħha titjieb il-kapaċità tal-ajruport, hix sempleċiment sostituzzjoni tal-karreġġjata l-qadima għat-tlugħ u l-inżul, li ma kinitx allinjata tajjeb.

(281)

Kif iddikjarat qabel, fl-ajruporti tal-merkanzija l-aktar importanti fil-Ġermanja, li jikkompetu ma' Leipzig/Halle qed ikun hemm nuqqas ta' kapaċitajiet jew restrizzjonijiet fuq titjiriet ta' bil-lejl, b'tali mod li kompetizzjoni fil-futur mhux ser tkun aktar possibbli. Għalhekk il-periklu ta' tfixkil tal-kompetzzjoni bejn dawn l-ajruporti huwa żgħir jew ineżistenti

(282)

Kif iddikjarat hawn fuq, waqt it-tfittix tagħha għal ċentri tal-operat possibbli fl-Ewropa, id-DHL inkludiet l-ajruporti ta' Leipzig, Vatry u Brussel fil-lista l-qasira tagħha. Kif bdew il-proċeduri għall-investigazzjoni, la Brussell u lanqas Vatry ma esprimew il-pożizzjoni tagħhom. Barra minn hekk, kif bdew il-proċeduri għall-investigazzjoni, l-ebda ajruport Ewropew ieħor ma esprima ħsibijiet kontra t-tkabbir tal-ajruport ta' Leipzig. Ma ġew iddikjarati wkoll l-ebda ħsibijiet marbuta mal-liġi dwar il-kompetizzjoni minn ajruporti oħra fil-Kommunità.

(283)

Għalhekk wieħed jista' jikkonkludi li l-iżvilupp tal-kummerċ ma jiġix affettwat b'tali mod li jmur kontra l-interessi tal-Kommunità.

(284)

Peress li d-DHL diġà rċiviet l-ammont massimu ta' għajnuna għall-investiment awtorizzat skont l-Artikolu 87 paragrafu 3(a) tat-Trattat tal-KE, l-għajnuna mogħtija lid-DHL permezz tal-ftehim strutturali u tad-dikjarazzjoni mill-Istat hija għajnuna għall-operat.

(285)

Skont id-Direttivi għal għajnuna mill-Istat b'għanijiet reġjonali 2007-2013 (59) normalment għajnuniet għall-operat mhumiex permessi. F'każi ta' eċċezzjonijiet u jekk jiġu ssodisfati rekwiżiti partikulari b'mod strett (60) dan it-tip ta' għajnuniet f'reġjuni li jaqgħu taħt il-limitu għall-applikazzjoni tal-Artikolu 87 paragrafu 3(a) tat-Trattat tal-KE ikunu jistgħu jingħataw. Peress li l-Ġermanja ma tatx prova li dawn ir-rekwiżiti ġew issodisfati, wieħed jista' jikkonkludi li l-għajnuna għall-operat lid-DHL, skont l-Artikolu 87 paragrafu 3(a) tat-Trattat tal-KE ma tistax tiġi awtorizzata.

(286)

Peress li l-ebda informazzjoni oħra ma ġiet ipprezentata f'isem ħaddieħor, wieħed jista' jiddikkjara li l-għajnuna għad-DHL ma sservix lanqas biex jintlaħaq xi għan ieħor fl-interess ġenerali. Peress li l-ebda eċċezzjoni msemmija fl-Artikolu 87 paragrafi 2 u 3 tat-Trattat tal-KE mhi applikabbli, il-garanziji bla restrizzjonijiet mogħtija permezz tal-ftehim strutturali u d-dikjarazzjoni mill-Istat ma jistgħux jiqiesu bħala konformi mas-Suq Kommuni.

(287)

Skont il-ġurisdizzjoni tal-Qorti, meta tiddikkjara nuqqas ta' konformità ta' għajnuna mas-Suq Kommuni, il-Kummissjoni tkun awtorizzata li tiddeċiedi li l-Istat ikkonċernat irid jannullaha jew ibiddlilha l-forma tagħha (61). L-obbligu tal-Istat li jannulla għajnuna meqjusa mill-Kummissjoni bħala mhix konformi mas-Suq Kommuni jfisser, skont il-ġurisidizzjoni permanenti tal-Qorti, ir-riproduzzjoni tas-sitwazzjoni kif kienet qabel (62). Skont il-Qorti, dan l-għan jiġi milħuq jekk il-benefiċjarju jħallas lura l-għajnuna illegali u hekk jitlef il-vantaġġ li hu kellu fis-suq fil-konfront tal-kompetituri tiegħu u hekk is-sitwazzjoni qabel il-ħlas tal-għajnuna tiġi riprodotta (63).

(288)

Konformi ma' din il-ġurisdizzjoni, fl-Artikolu 14 paragrafu 1 tar-Regolament (KE) Nru 659/1999 hemm stipulat li “F'deċiżjonijiet negattivi relatati ma' għajnuniet illegali, il-Kummissjoni tiddeċiedi li l-Istat Membru kkonċernat jieħu l-miżuri kollha biex jiġbor lura l-għajnuna mingħand il-benefiċjarju (…). Il-Kummissjoni ma titlobx il-ħlas lura tal-għajnuna jekk dan imur kontra prinċipju kommuni fil-liġi tal-Kommunità”.

(289)

Sabiex tiggarantixxi li d-DHL ma tieħu l-ebda vantaġġ ekonomiku mill-għajnuna mhix konformi, fl-opinjoni tal-Kummissjoni t-tliet miżuri li ġejjin huma meħtieġa:

(290)

F'dak li għandu x'jaqsam mal-kalkoli tal-elementi ta' għajnuna li diġà jinsabu għad-dispożzizzjoni tad-DHL, il-Kummissjoni l-ewwel nett tirreferi għall-fatt li skont il-ġurisdizzjoni tal-Qorti l-ebda regolament tal-liġi tal-Kommunità mitlub mill-Kummissjoni, li permezz tiegħu jiġi ordnat il-ħlas lura ta' għajnuna ddikjarata bħala mhux konformi mas-Suq Kommuni m'għandu jiddetermina l-ammont eżatt tal-għajnuna li għandha titħallas lura. Huwa biżżejjed li d-deċiżjoni tal-Kummissjoni tinkludi informazzjoni li tagħmilha possibbli għal min jirċiviha li jiddetermina dan l-ammont hu stess mingħajr diffikultajiet kbar (64).

(291)

Biex wieħed jasal għall-ammont tal-element ta' għajnuna, il-ħlasijiet marbuta mal-garanzija għandhom jiġu kkalkulati mill-ewwel xhur wara l-bidu tal-operat taċ-ċentru amministrattiv tad-DHL fl-1 ta' Ottubru 2007 sa meta jiġu annullati l-garanziji mingħajr restrizzjonijiet. Hawnhekk wieħed għandu jinvestiga l-ħlasijiet li assigurazzjoni privata kienet titlob fil-21 ta' Settembru 2005 meta ġie ffirmat il-ftehim strutturali, għaż-żmien mill-1 ta' Ottubru 2007 sakemm jiġu annullati l-garanziji bla restrizzjonijiet. F'suq tal-assigurazzjoni, fejn il-kompetizzjoni tiddomina, il-ħlasijiet għall-garanziji jikkorrispondu għar-riskju mistenni, li jrid jiġi assigurat permezz ta' garanzija.

(292)

Il-Ġermanja diġa kienet ippreżentat stima tal-ispejjeż marbuta ma' riskji mistennija u stmat dawn għall-perjodu sħiħ ta' […] snin tal-ftehim strutturali għal […] euro. Bħala bażi għal dawn l-ispejjeż marbuta ma' riskji hemm, kif iddikkjarat fil-paragraf 90 aktar 'il fuq il-kalkoli li ġejjin:

(293)

Għall-istima korretta tal-ispejjeż mistennija marbuta mar-riskji, skont l-opinjoni tal-Kummissjoni, il-Ġermanja għandha tbiddel il-kalkoli tagħha kif ġej:

(294)

Il-Ġermanja għandha tiddetermina l-ħlasijiet għall-garanziji għall-perjodu mill-1 ta' Ottubru 2007 sakemm jiġu annullati l-garanziji bla restrizzjonijiet fuq il-bażi tal-ispejjeż marbuta mar-riskji għaż-żmien sħiħ tal-ftehim strutturali kalklulati mill-ġdid.

(295)

Jista' jiġi ddikkjarat li l-miżuri in kwistjoni, li jippermettu lill-ajruport ta' Leipzig li jmexxi l-proġett ta' investiment bil-kundizzjonijiet imsemmija, ma jmorrux kontra l-interess ġenerali u li l-ħames kriterji tad-Direttivi tal-2005 f'dan il-każ ġew issodisfati.

(296)

Jista' jiġi ddikkjarat li l-garanziji bla restrizzjonijiet mogħtija permezz tal-ftehim strutturali u d-dikjarazzjoni mill-Istat jirrapreżentaw għajnuna mill-Istat skont l-Artikolu 87 paragrafu 1 tat-Trattat tal-KE, għaliex l-Istat ta' Sachsen, l-MFAG u l-ajruport ta' Leipzig assiguraw riskji tan-negozju tad-DHL b'kundizzjonijiet li l-ebda investitur privat ma kien jaċċetta.

(297)

Peress li d-DHL diġà rċiviet l-ammont massimu ta' għajnuna għall-investiment permess skont l-Artikolu 87 paragrafu 3(a) tat-Trattat tal-KE, wieħed jista' jikkonkludi li l-garanziji mingħajr restrizzjonijiet tal-ftehim strutturali u d-dikjarazzjoni mill-Istat għandhom jiġu ddikkjarati bħala mhux konformi mas-Suq Kommuni —

(a)

L-ammont sħiħ (ammont prinċipali u mgħaxijiet), li ġie miġbur lura mingħand il-benefiċjarju,

(b)

deskrizzjoni preċiża tal-miżuri li ttieħdu kif ukoll li ġew ikkunsidrati biex tiġi ssodisfata din id-deċiżjoni,

(c)

dokumenti li minnhom joħroġ li talba għall-ħlas lura tal-għajnuna waslet għand il-benefiċjarju.

23.12.2008   

MT

Il-Ġurnal Uffiċjali ta’ l-Unjoni Ewropea

L 346/37

(1)

Ir-Regolament (KE) Nru 199/2008 jistabbilixxi qafas Komunitarju għall-ġbir, il-ġestjoni u l-użu ta' dejta li bil-għan li jsawwar bażi soda għal analiżi xjentifika tas-sajd u biex jipprovdi għall-formulazzjoni ta' parir xjentifiku siewi għall-implimentazzjoni tal-Politika Komuni tas-Sajd (minn hawn 'il quddiem “PKS”).

(2)

L-Istati Membri għandhom jistabbilixxu programmi nazzjonali multiannwali għall-ġbir, il-ġestjoni u l-użu tad-dejta skont il-programm Komunitarju multiannwali.

(3)

Għalhekk huwa meħtieġ li jitwaqqaf programm Komunitarju multiannwali li jkun ikopri l-ġbir ta' informazzjoni neċessarja biex tkun ta' għajnuna għal analiżi xjentifika meħtieġa għall-qafas tas-PKS u għall-ġestjoni u l-użu ta' din l-informazzjoni.

(4)

Il-miżuri pprovduti f'din id-Deċiżjoni huma skont l-opinjoni tal-Kumitat ta' Ġestjoni għas-Sajd u l-Akkwakultura.

23.12.2008   

MT

Il-Ġurnal Uffiċjali ta’ l-Unjoni Ewropea

L 346/89

(1)

L-Artikolu 106(1) tat-Trattat u l-Artikolu 16 tal-Istatut tas-SEBĊ jipprovdu li l-Bank Ċentrali Ewropew (BĊE) għandu d-dritt esklussiv li jawtorizza l-ħruġ tal-karti tal-flus euro fi ħdan il-Komunità.

(2)

L-Artikolu 106(2) tat-Trattat jipprovdi li l-Istati Membri jistgħu joħorġu muniti suġġett għall-approvazzjoni mill-BĊE tal-volum tal-ħruġ. Għalhekk, il-BĊE jadotta deċiżjonijiet ta' kull sena li japprovaw l-volum ta' ħruġ ta' muniti mill-Istati Membri li adottaw l-euro (minn hawn 'il quddiem l-“Istati Membri parteċipanti”).

(3)

L-Artikolu 5 tal-Istatut tas-SEBĊ jipprovdi li biex ikun jista' jwettaq il-kompiti tas-Sistema Ewropea ta' Banek Ċentrali (SEBĊ) il-BĊE, assistit mill-banek ċentrali nazzjonali, għandu jiġbor it-tagħrif statistiku meħtieġ, li jinkludi tagħrif statistiku fil-qasam tal-ħruġ ta' karti tal-flus u muniti euro. Ukoll, il-BĊE għandu bżonn jiġbor tagħrif għall-iskop tal-Artikolu 237(d) tat-Trattat, li jagħti l-kompitu lill-BĊE li jimmonitorja l-osservanza tal-banek ċentrali nazzjonali tas-SEBĊ tal-obbligi tagħhom taħt it-Trattat u l-Istatut. Dawn l-obbligi jinkludu l-osservanza tal-projbizzjoni stabbilita fl-Artikolu 101 tat-Trattat u li ġiet implimentata bir-Regolament tal-Kunsill (KE) Nru 3603/93 tat-13 ta' Diċembru 1993 li jistabbilixxi definizzjonijiet għall-applikazzjoni tal-projbizzjonijiet imsemmijin fl-Artikoli 104 u 104b(1) tat-Trattat (1). Partikolarment, l-Artikolu 6 tar-Regolament tal-Kunsill (KE) Nru 3603/93 jipprovdi li “ż-żamma mill- […] banek ċentrali nazzjonali ta' muniti maħruġa mis-settur pubbliku u akkreditati lis-settur pubbliku m'għandhomx jitqiesu bħala faċilità ta' kreditu fit-tifsira tal-Artikolu 104 tat-Trattat fejn l-ammonti ta' dawn l-effetti jibqgħu inqas minn 10 % tal-muniti fiċ-ċirkulazzjoni”.

(4)

Bla ħsara għall-kompetenzi tal-Istati Membri għar-rigward tal-ħruġ ta' muniti euro, u meta jitqies ir-rwol essenzjali tal-banek ċentrali nazzjonali tal-Istati Membri parteċipanti (minn hawn 'il quddiem il-“BĊNi”) fid-distribuzzjoni tal-muniti euro, biex iwettqu l-kompiti deskritti hawn fuq, il-BĊE, flimkien mal-BĊNi għandhom bżonn jiġbru dejta dwar karti tal-flus u muniti euro. Dan il-ġbir ta' dejta għandu jħaffef it-teħid ta' deċiżjonijiet fil-qasam tal-ħruġ ta' karti tal-flus u muniti euro, eż. billi jipprovdi lill-BĊE, il-BĊNi, il-Kummissjoni tal-Komunità Ewropea u 'l-awtoritajiet nazzjonali li joħorġu l-muniti b'tagħrif li jgħinhom, skont il-kompetenzi rispettivi tagħhom: (i) jippjanaw il-produzzjoni ta' karti tal-flus u muniti tal-euro; (ii) jikkoordinaw il-ħruġ ta' karti tal-flus u muniti tal-euro; u (iii) jikkoordinaw it-trasferiment tal-karti tal-flus euro bejn BĊNi, u tal-muniti euro bejn l-Istati Membri parteċipanti. Dan il-ġbir ta' dejta għandu wkoll jgħin lill-BĊE li jimmonitorja l-osservanza tad-deċiżjonijiet tiegħu fil-qasam tal-ħruġ tal-karti tal-flus u muniti euro.

(5)

Fis-16 ta' Diċembru 2004, il-Kunsill Governattiv adotta qafas għar-riċiklaġġ tal-karti tal-flus (BRF), it-Taqsima 2.7 tiegħu tipprovdi għal istituzzjonijiet ta' kreditu u kaxxiera professjonali oħra biex iwettqu l-obbligi ta' rappurtar lil BĊNi. Fl-istess kuntest, ġie deċiż ukoll li BĊNi għandhom jimplimentaw il-BRF skont il-mezzi tagħhom, bħal strumenti u ftehim legali, sal-aħħar tal-2006, limitu ta' żmien li kien ġie sussegwentement estiż b'deċiżjonijiet ta' wara tal-Kunsill Governattiv. Iżda mhux aktar tard mid-data tal-implimentazzjoni tal-BRF, il-BĊNi għandhom jirċievu dejta rappurtata bis-saħħa tal-BRF minn istituzzjonijiet ta' kreditu u kaxxiera professjonali oħra fil-ġuriżdizzjonijiet tagħhom u jkunu f'pożizzjoni li jirrapurtawhom lill-BĊE.

(6)

Biex jintlaħqu l-oġġettivi msemmija hawn fuq, id-dejta fuq il-karti tal-flus u muniti euro għandha tinkludi tagħrif dwar: (i) il-ħruġ ta' karti tal-flus u muniti euro; (ii) il-kwantità u l-kwalità ta' karti tal-flus u muniti euro fiċ-ċirkolazzjoni; (ii) l-istokks ta' karti tal-flus u muniti euro mizmuma mill-entitajiet involuti fil-ħruġ tagħhom; (iv) attivitajiet operazzjonali dwar il-karti tal-flus u muniti euro tal-entitajiet involuti fil-ħruġ tagħhom, inklużi istituzzjonijiet ta' kreditu li joperaw skema ta' karti tal-flus miżmuma għal ordni f'isem il-BĊN u istituzzjonijiet ta' kreditu li joperaw programm estiż ta' kustodja ta' inventarju f'isem il-BĊE u wieħed jew iktar BĊNi; (v) l-attivitajiet operazzjonali dwar il-karti tal-flus ta' istituzzjonjijiet ta' kreditu u kaxxiera professjonali oħra li jirriċiklaw il-karti tal-flus euro bis-saħħa tal-BRF; u (vi) l-infrastruttura tal-flus kontanti.

(7)

Biex jitjieb il-ġbir ta' dejta u biex jiġi żgurat it-tixrid ta' tagħrif ibbażat fuqhom, fit-22 ta' Novembru 2007 il-Kunsill Governattiv qabel li jimplimenta il-Currency Information System 2 (minn hawn 'il quddiem, is-“CIS 2”) li tibdel il-Currency Information System li kienet stabbilita bl-introduzzjoni tal-karti tal-flus u muniti euro u li pprovdiet kemm lill-BĊE u 'l-BĊNi bid-dejta relevanti dwar il-valuta mill-2002, skont att legali separat tal-BĊE dwar il-ġbir ta' dejta relatat mal-Currency Information System.

(8)

Hu neċessarju għall-operazzjoni effiċjenti u bla diffikultajiet tas-CIS 2 li tiġi żgurata d-disponibbiltà regolari u f'waqtha ta' dejta konsistenti. L-obbligi ta' rappurtar tal-BĊNi u tal-BĊE għalhekk għandhom jiġu mniżżla f'din il-Linja ta' Gwida b'dispożizzjoni għal perijodu qasir ta' rappurtar parallel taħt l-arranġamenti eżistenti u s-CIS 2.

(9)

Il-Linja ta' Gwida BĊE/2006/9 tal-14 ta' Lulju 2006 dwar ċerti preparazzjonijiet għat-tibdil tal-flus kontanti euro u dwar il-frontloading u s-subfrontloading tal-karti tal-flus u muniti euro barra ż-żona tal-euro (2) stabbiliet qafas legali li jħalli lil BĊN tal-Eurosistema futur jissellef, jikseb jew jipproduċi karti tal-flus u muniti euro għall-iskop tal-frontloading u s-subfrontloading tiegħu qabel il-bdil tal-flus kontanti fl-Istat Membru tiegħu. Il-Linja ta' Gwida BĊE/2006/9 tipprovdi li obligazzjonijiet speċifiċi ta' rappurtar japplikaw għal dawn il-BĊNi tal-Eurosistema futuri, li għandhom bżonn jiġu speċifikati f'dettall ikbar fil-kuntest tas-CIS 2.

(10)

Kemm il-BĊE u l-BĊNi li jużaw is-CIS 2 għandu jkollhom aċċess għall-applikazzjoni tas-CIS 2 bażata fuq il-web u għall-modulu ta' rappurtar li jiżgura użu effiċjenti u effettiv tad-dejta tas-CIS 2 u biex jinkiseb livell għoli ta' trasparenza. Terzi persuni eliġibbli għandu jingħatalhom aċċess limitat għad-dejta tas-CIS 2 biex jitjieb il-fluss ta' tagħrif bejn il-BĊE u l-Kummissjoni Ewropea kif ukoll il-BĊNi u l-awtoritajiet nazzjonali li joħorġu l-muniti.

(11)

Billi s-CIS 2 hija sistema flessibli għat-tħaddim ta' dejta ġdida, huwa neċessarju li tiġi stabbilita proċedura simplifikata biex timplimenta b'mod effiċjenti emendi tekniċi għall-Annessi għal din il-Linja ta' Gwida. Barra dan, minħabba n-natura teknika tagħha, għandu jkun possibbli li jiġu emendati l-ispeċifikazzjonijiet tal-mekkaniżmu ta' trażmissjoni tas-CIS 2 billi tintuża l-istess proċedura simplifikata. Għalhekk, il-Bord Eżekuttiv għandu jiġi ddelegat bil-poteri li jagħmel ċerti emendi għal din il-Linja ta' Gwida u għall-Annessi tagħha u għandu jinforma lill-Kunsill Governattiv b'dawn l-emendi.

(12)

Wara d-deċiżjoni pożittiva meħuda mill-Kunsill tal-Unjoni Ewropea dwar l-abrogazzjoni tad-deroga għas-Slovakkja fit-8 ta' Lulju 2008, u skont l-Artikolu 3.5 tar-Regoli tal-Proċedura tal-Bank Ċentrali Ewropew, il-Gvernatur tan-Národná banka Slovenska ġie mistieden josserva id-deliberazzjonijiet relevanti tal-Kunsill Governattiv dwar din il-Linja ta' Gwida,

(a)

“qafas tar-riċiklaġġ tal-karti tal-flus” (BRF) ifisser il-qafas għar-riċiklaġġ tal-karti tal-flus stabbilit fid-dokument imsejjaħ “Riċiklaġġ ta' karti tal-flus euro: qafas għall-iskoperta ta' karti tal-flus u muniti ffalsifikati u għażla għal kundizzjoni minn istituzzjonijiet ta' kreditu u kaxxiera professjonali oħra” adottat mill-Kunsill Governattiv fis-16 ta' Diċembru 2004 u ppublikat fuq il-website tal-BĊE fis-6 ta' Jannar 2005, kif modifikat minn żmien għal żmien, kif ukoll id-dokumenti relatati mal-iskadenzi għall-implimentazzjoni fuq livell nazzjonali;

(b)

“istituzzjoni ta' kreditu” tfisser istituzzjoni ta' kreditu kif definita fl-Artikolu 4(1)(a) tad-Direttiva 2006/48/KE tal-Parlament Ewropew u tal-Kunsill tal-14 ta' Ġunju 2006 dwar l-istabbiliment u l-eżerċizzju tal-attività ta' istituzzjonijiet ta' kreditu (3);

(c)

“CIS 2” tfisser is-sistema li tinkludi: (i) id-database ċentrali installata fil-BĊE biex iżżomm it-tagħrif relevanti kollu dwar il-karti tal-flus euro, il-muniti euro, l-infrastrutturi ta' flus kontanti u l-BRF li jkunu nġabru skont din il-Linja ta' Gwida; (ii) l-applikazzjoni online bbażata fuq il-web li tħalli konfigurazzjoni flessibbli tas-sistema u tipprovdi tagħrif dwar it-tqassim tad-dejta u l-istatus tal-validazzjoni, reviżjonijiet u tipi differenti ta' dejta ta' referenza u parametri tas-sistema; (iii) il-modulu tar-rappurtar għal aċċess u l-analiżi tad-dejta miġbura; u (iv) il-mekkaniżmu tat-trażmissjoni tas-CIS 2;

(d)

“ frontloading ” tfisser it-trasferiment fiżiku ta' karti tal-flus u muniti euro minn BĊN tal-Eurosistema futur lil kontrapartijiet eliġibbli fit-territorju ta' xi Stat Membru parteċipanti futur matul il-perijodu tal-frontloading/sub-frontloading;

(e)

“ sub-frontloading ” tfisser it-trasferiment ta' karti tal-flus u muniti euro kkonsenjati minn kontraparti eliġibbli lil terzi persuni professjonali fit-territorju ta' xi Stat Membru parteċipanti futur matul il-perijodu tal-frontloading/sub-frontloading. Għall-għanijiet ta' din il-Linja ta' Gwida sub-frontloading jinkludi l-provvista ta' muniti euro fi starter kits lill-pubbliku ġenerali;

(f)

“BĊN tal-Eurosistema futur” tfisser il-bank ċentrali nazzjonali ta' xi Stat Membru parteċipanti futur;

(g)

“terzi persuni eliġibbli” tfisser il-Kummissjoni Ewropea, it-teżor, iż-żekek u l-aġenziji pubbliċi jew privati maħtura tat-teżor nazzjonali ta' Stati Membri parteċipanti;

(h)

“mekkaniżmu tat-trażmissjoni CIS 2” tfisser l-applikazzjoni tas-SEBĊ XML Data Integration (EXDI). L-applikazzjoni EXDI tintuża biex jiġu trażmessi messaġġi ta' dejta bejn BĊNi, BĊNi tal-Eurosistema futuri u l-BĊE b'mod kunfidenzjali, indipendentement mill-infrastruttura teknika (eż. networks tal-kompjuter u applikazzjonijiet tas-software) li tissupporthom;

(i)

“messaġġ tad-dejta” tfisser fajl li fih dejta ta' kull xahar jew ta' nofs sena ta' BĊN jew BĊN tal-Eurosistema futur għal perijodu ta' rappurtar wieħed jew, fil-każ ta' reviżjonijiet, wieħed jew diversi perijodi ta' rappurtar f'format ta' dejta kompatibbli mal-mekkaniżmu tat-trażmissjoni CIS 2;

(j)

“Stat Membru parteċipanti futur” tfisser Stat Membru mhux parteċipanti li ssodisfa l-kundizzjonijiet stabbilitigħall-adozzjoni tal-euro u li dwaru tkun ittieħdet deċiżjoni dwar l-abrogazzjoni tad-deroga (bis-saħħa tal-Artikolu 122(2) tat-Trattat);

(k)

“jum ta' xogħol” tfisser jum li fih kemm il-BĊE kif ukoll BĊN li jirraporta huma miftuħa għan-negozju;

(l)

“dejta ta' kontabbiltà” tfisser il-valur mhux aġġustat ta' karti tal-flus fiċ-ċirkolazzjoni korretti bl-ammont ta' klejms mhux imħallsa fil-konfront ta' istituzzjonijiet ta' kreditu li joperaw programm estiż ta' kustodja tal-inventarju fit-tmiem ta' perijodu ta' rappurtar skont l-Artikolu 10(2)(a) u (b) tal-Linja ta' Gwida BĊE/2006/16 tal-10 ta' Novembru 2006 dwar il-qafas legali għar-rappurtar tal-kontabilità u dak finanzjarju fis-Sistema Ewropea ta' Banek Ċentrali (4);

(m)

“ġrajja ta dejta” tfisser ġrajja reġistrata fis-CIS 2 li tikkawża n-notifika mis-CIS 2 lil wieħed jew iktar BĊNi u lill-BĊE. Ġrajja ta' dejta sseħħ: (i) meta BĊN jibgħat messaġġ ta' dejta ta' xahar jew ta' nofs sena lis-CIS 2 li jikkawża messaġġ ta' risposta lil dak il-BĊN u lill-BĊE; (ii) meta l-messaġġi ta' dejta tal-BĊNi kollha jiġu vvalidati b'suċċess għal perijodu ġdid ta' rappurtar li jikkawża messaġġ fuq rapport tal-istatus mis-CIS 2 lill-BĊNi u lill-BĊE; jew (iii) meta, wara li jintbgħat messaġġ fuq rapport tal-istatus, messaġġ ta' dejta rivedut għal BĊN huwa vvalidat b'suċċess mis-CIS 2 li jikkawża notifika riveduta lill-BĊNi u lill-BĊE.