(1)

L-Artikolu 2(5), it-tieni inċiż, tar-Regolament tal-Kummissjoni (KE) Nru 1249/96 (2) jipprevedi li l-garanzija addizzjonali ta’ EUR 24 kull tunnellata għall-qamħirrum iebes mhix meħtieġa jekk l-applikazzjoni għal ċertifikat tal-importazzjoni jkollha magħha ċertifikat ta’ konformità maħruġ mis-Servicio Nacional de Sanidad y Calidad Agroalimentaria tal-Arġentina. Fil-prattika, dan iċ-ċertifikat ta’ konformità jinhemeż mad-dokumenti tat-trasport u għalhekk isegwi l-merkanzija. Din is-sitwazzjoni ma tħallix, għal raġunijiet amministrattivi, lill-operaturi jiksbu l-eżenzjoni mill-ħtieġa għall-garanzija kif previst fir-regoli. Biex din is-sitwazzjoni tiġi rimedjata, huwa xieraq li jiġu emendati l-kundizzjonijiet li fihom l-operaturi huma marbuta li jipprovdu l-provi meħtieġa.

(2)

L-Artikolu 5(1), l-ewwel inċiż, punt b), tar-Regolament (KE) Nru 1249/96 jipprevedi li, fil-każ tal-importazzjoni ta’ qamħ komuni ta’ kwalità għolja, il-prinċipju ta’ garazija speċifika addizzjonali għall-garanziji previsti Ir-Regolament tal-Kummissjoni (KE) Nru 1342/2003 tat-28 ta’ Lulju 2003 li jistabbilixxi regoli speċjali u dettaljati għall-applikazzjoni tas-sistema ta’ liċenzji tal-importazzjoni u l-esportazzjoni ta’ ċereali u ross (3). Din il-garanzija addizzjonali ta’ EUR 95 kull tunnellata hija ġustifikata mid-differenza tad-drittijiet tad-dwana applikabbli għall-importazzjoni tal-qamħ komuni skond jekk ikunx qamħ ta’ kwalità għolja inkella qamħ ta’ kwalità baxxa u medja. Fil-każ ta’ sospensjoni tad-drittijiet tad-dwana għall-kategoriji kollha kwalitattivi tal-qamħ komuni skond l-Artikolu 187 tar-Regolament (KE) Nru 1234/2007, il-garanzija addizzjonali msemmija ma tibqax ġustifikata, u għalhekk ikun meħtieġ li jiġi pprovdut li din il-garanzija ma tkunx meħtieġa matul il-perjodu kollu li matulu tapplika s-sospensjoni tad-drittijiet.

(3)

L-Anness IV B tar-Regolament (KE) Nru 1249/96 fih modell ta’ ċertifikat ta’ konformità awtorizzat mill-Gvern tal-Kanada għal dak li jirrigwarda l-ispeċifikazzjonijiet tal-gradi għall-esportazzjonijiet ta’ qamħ komuni u ta’ qamħ durum lejn il-Komunità Ewropea. Permezz ta’ ittra uffiċjali tal-20 ta’ Mejju 2008, l-awtoritajiet Kanadiżi infurmaw is-servizzi tal-Kummissjoni dwar emenda fil-mudell nazzjonali taħghom. Għalhekk huwa xieraq li dan il-mudell jiġi adattat.

(4)

Għaldaqstant ir-Regolament (KE) Nru 1249/96 għandu jiġi emendat.

(5)

Il-miżuri pprovduti f’dan ir-Regolament huma skond l-opinjoni tal-kumitat ta’ ġestjoni għall-organizzazzjoni komuni tas-swieq agrikoli,

(1)

Fl-Artikolu 2(5), it-tieni subparagrafu huwa sostitwit b’dan li ġej:

“B’deroga mill-Artikolu 293(1)(e) tar-Regolament (KE) Nru 2454/93, l-importatur għandu jipprovdi lill-awtorità kompetenti b’garanzija addizzjonali ta’ EUR 24 għall kull tunnellata ta’ qamħirrum iebes, ħlief jekk iċ-ċertifikat tal-importazzjoni jkollu miegħu ċertifikat ta’ konformità maħruġ mis-Servicio Nacional de Sanidad y Calidad Agroalimentaria (Senesa) tal-Arġentina f’konformità mal-Artikolu 6(1) ta’ dan ir-Regolament. F’dan il-każ, l-applikazzjoni għal ċertifikat tal-importazzjoni u ċ-ċertifikat tal-importazzjoni, fil-kaxxa 24 għandu jkun fihom referenza għat-tip ta’ ċertifikat ta’ konformità u n-numru tiegħu.”

(2)

L-Artikolu 5 huwa emendat kif ġej:

(3)

Fl-Anness IV B il-mudell ta’ ċertifikat ta’ konformità awtorizzat mill-Gvern tal-Kanada għal dak li jirrigwarda l-ispeċifikazzjonijiet tal-gradi ta’ qamħ komuni u ta’ qamħ durum huwa sostitwit bil-mudell li jinsab fl-Anness ta’ dan ir-Regolament.

(1)

L-Artikolu 136(1) tar-Regolament (KE) Nru 1234/2007 jipprovdi li, għall-prodotti li jaqgħu taħt il-kodiċijiet tan-NM 1001 10 00 , 1001 90 91 , ex 1001 90 99 [qamħ durum ta' kwalità għolja], 1002 , ex 1005 minbarra ż-żrieragħ ibridi, u ex 1007 minbarra l-ibridu għaż-żrigħ, id-dazju ta' l-importazzjoni huwa daqs il-prezz ta' l-intervent li jgħodd għal dawn il-prodotti fil-waqt ta' l-importazzjoni, biż-żieda ta' 55 % u bit-tnaqqis tal-prezz ta' l-importazzjoni CIF applikabbli għall-kunsenja kkonċernata. Madankollu, dan id-dazju ma jistax jaqbeż ir-rata ta' dazji fit-Tariffa Doganali Komuni.

(2)

L-Artikolu 136(2) tar-Regolament (KE) Nru 1234/2007 jipprovdi li, għall-finijiet tal-kalkolu tad-dazju ta’ l-importazzjoni msemmija fil-paragrafu 1 ta' l-Artikolu msemmi, għall-prodotti kkonċernati kull tant żmien jiġu stabbiliti prezzijiet rappreżentattivi CIF għall-importazzjoni.

(3)

Skond l-Artikolu 2(2) tar-Regolament (KE) Nru 1249/96, il-prezz li għandu jintuża għall-kalkolu tad-dazju ta' l-importazzjoni tal-prodotti li jaqgħu taħt il-kodiċijiet NM 1001 10 00 , 1001 90 91 , ex 1001 90 99 (qamħ durum ta' kwalità għolja), 1002 00 , 1005 10 90 , 1005 90 00 u 1007 00 90 , huwa l-prezz rappreżentattiv ta' l-importazzjoni CIF tal-ġurnata stabbilit skond il-metodu pprovdut fl-Artikolu 4 tar-Regolament imsemmi.

(4)

Jeħtieġ li jiġu stabbiliti d-dazji ta' l-importazzjoni għall-perjodu mill-1 ta’ Novembru 2008, applikabbli sakemm jidħlu fis-seħħ dazji ta' l-importazzjoni ġodda.

(5)

Madankollu, f’konformità mar-Regolament tal-Kummissjoni (KE) Nru 608/2008 tas-26 ta' Ġunju 2008 li jwassal għal sospensjoni temporanja tad-dazji tad-dwana fuq l-importazzjoni ta’ ċerti ċereali għas-sena finanzjarja ta’ bejgħ 2008/2009 (3), l-applikazzjoni ta’ ċerti dazji ffissati b’dan ir-Regolament hija sospiża,

(1)

Il-Bulgarija ngħatat perjodi ta’ tranżizzjoni bl-Att tal-Adeżjoni tal-Bulgarija u r-Rumanija biex ċerti stabbilimenti ta’ pproċessar tal-ħalib jikkonformaw mar-rekwiżiti tar-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi regoli speċifiċi ta’ iġjene għall-ikel li ġej mill-annimali (1).

(2)

L-Appendiċi tal-Anness VI tal-Att tal-Adeżjoni ġie emendat mid-Deċiżjonijiet tal-Kummissjoni 2007/26/KE (2), 2007/689/KE (3), 2008/209/KE (4), 2008/331/KE (5), 2008/547/KE (6) u 2008/672/KE (7).

(3)

Il-Bulgarija pprovdiet garanziji li sitt stabbilimenti tal-ipproċessar tal-ħalib lestew il-proċess ta’ aġġornament tagħhom u issa huma konformi b’mod sħiħ mal-leġiżlzzjoni Komunitarja. Dawk l-istabbilimenti għandhom il-permess li jirċievi u jipproċessaw ħalib nej mhux konformi mingħajr separazzjoni. Dawn l-istabbilimenti għalhekk għandhom jiżdiedu mal-lista tal-Kapitolu I tal-Appendiċi tal-Anness VI.

(4)

L-Appendiċi tal-Anness VI tal-Att ta’ Adeżjoni tal-Bulgarija u r-Rumanija għandu għalhekk jiġi emendat skont dan.

(5)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

Id-Deċiżjoni tal-Kummissjoni 2007/716/KE (2) tistabbilixxi miżuri tranżitorji għar-rekwiżiti strutturali ta’ ċerti stabbilimenti fis-setturi tal-laħam u l-ħalib fil-Bulgarija previsti fir-Regolamenti (KE) Nru 852/2004 (3) u (KE) Nru 853/2004 (4) tal-Parlament Ewropew u tal-Kunsill. Sakemm dawk l-istabbilimenti jkunu fi tranżizzjoni, il-prodotti li joriġinaw minn dawk l-istabbilimenti għandhom jitqiegħdu biss fis-suq domestiku jew jintużaw għal iktar ipproċessar fi stabbilimenti Bulgari fi tranżizzjoni.

(2)

Id-Deċiżjoni 2007/716/KE ġiet emendata mid-Deċiżjonijiet tal-Kummissjoni 2008/290/KE (5), 2008/330/KE (6), 2008/552/KE (7) u 2008/678/KE (8).

(3)

Skond dikjarazzjoni uffiċjali mill-awtorità kompetenti Bulgara, ċerti stabbilimenti fis-setturi tal-laħam u l-ħalib waqqfu l-attivitajiet tagħhom jew lestew il-proċess ta’ aġġornament tagħhom u issa jinsabu f’konformità sħiħa mal-leġislazzjoni Komunitarja. Dawn l-istabbilimenti għalhekk għandhom jitneħħew mil-lista ta’ stabbilimenti fi tranżizzjoni.

(4)

L-Anness tad-Deċiżjoni 2007/716/KE għandu għalhekk jiġi emendat skond dan.

(5)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa tal-Annimali,

(1)

Ir-Regolament (KE) Nru 999/2001 jistabbilixxi regoli għall-prevenzjoni, il-kontroll u l-eradikazzjoni tal-enċefalopatiji sponġiformi li jittieħdu (transmissible spongiform encephalopathie - TSEs) fl-annimali. Dan japplika għall-produzzjoni u t-tqegħid fis-suq ta' annimali ħajjin u ta' prodotti li joriġinaw mill-annimali. Għal dan l-għan, l-istatus ta' enċefalopatija sponġiformi bovina (ESB) ta' Stat Membru jew ta' pajjiżi terzi jew reġjuni tagħhom (‘pajjiżi jew reġjuni’) għandu jiġi ddeterminat permezz ta' klassifikazzjoni f'waħda minn tliet kategoriji skond ir-riskju tal-ESB involut, jiġifieri riskju ta' ESB negliġibbli, riskju ta' ESB kkontrollat u riskju ta' ESB mhux determinat.

(2)

L-Anness tad-Deċiżjoni tal-Kummissjoni 2007/453/KE tad-29 ta’ Ġunju 2007 li tistabbilixxi l-istatus tal-ESB tal-Istati Membri jew ta’ pajjiżi terzi jew ta’ reġjuni tagħhom skond ir-riskju ta' ESB (2) tagħhom telenka l-pajjiżi jew ir-reġjuni skond l-istatus ta' riskju ta' ESB tagħhom:

(3)

Sakemm tintlaħaq konklużjoni finali dwar l-istatus ta' riskju ta' ESB tal-Istati Membri, l-Istati Membri kollha kellhom għarfien proviżorju ta' pajjiżi ta' riskju ta' ESB ikkontrollat kif stabbilit fid-Deċiżjoni tal-Kummissjoni 2007/453/KE. Matul is-Sessjoni Ġenerali tal-OIE f'Mejju 2008, ġiet adottata Riżoluzzjoni marbuta mal-istatus ta' ESB tal-pajjiżi differenti. L-Anness tad-Deċiżjoni 2007/453/KE għandu għalhekk jiġi f'konformità mar-rakkomandazzjonijiet tar-Riżoluzzjoni tal-OIE. Sakemm tintlaħaq konklużjoni finali dwar l-istatus ta' riskju ta' ESB ta’ ċerti Stati Membri u meqjusa l-miżuri protettivi stretti armonizzati ta' ESB applikati fi ħdan il-Komunità, l-Istati Membri għandhom jibqgħu b'għarfien proviżorju ta' pajjiżi b'riskju kontrollat ta' ESB.

(4)

Id-Deċiżjoni 2007/453/KE għandha għalhekk tiġi emendata skond dan.

(5)

Il-miżuri stipulati f'din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa tal-Annimali,