4.7.2008

MT

Il-Ġurnal Uffiċjali ta’ l-Unjoni Ewropea

L 176/1

---

REGOLAMENT TAL-KUMMISSJONI (KE) Nru 633/2008

tat-3 ta’ Lulju 2008

li jistabbilixxi l-valuri fissi ta' l-importazzjoni għad-determinazzjoni tal-prezz ta' dħul ta' ċertu frott u ħaxix

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta' Ottubru 2007 li jistabbilixxi organizzazzjoni komuni ta' swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1),

Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (2), u b'mod partikolari l-Artikolu 138(1) tiegħu,

Billi:

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)	Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

ADOTTAT DAN IR-REGOLAMENT:

Artikolu 1

Il-valuri fissi ta' l-importazzjoni msemmija fl-Artikolu 138 tar-Regolament (KE) Nru 1580/2007 huma stabbiliti kif inhu indikat fit-tabella ta' l-Anness.

Artikolu 2

Dan ir-Regolament għandu jidħol fis-seħħ fl-4 ta’ Lulju 2008.

---

(1)  ĠU L 299, 16.11.2007, p. 1. Ir-Regolament kif emendat l-aħħar bir- Regolament tal-Kummissjoni (KE) Nru 510/2008 (ĠU L 149, 7.6.2008, p. 61).

(2)  ĠU L 350, 31.12.2007, p. 1.

---

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/3

---

REGOLAMENT TAL-KUMMISSJONI (KE) Nru 634/2008

tas-27 ta’ Ġunju 2008

li jistipula l-komponenti agrikolturali mnaqqsa u d-dazji addizzjonali applikabbli għall-importazzjonijiet lejn il-Komunità ta’ ċerti merkanziji li fihom il-prodotti tal-ħalib koperti mir-Regolament tal-Kunsill (KE) Nru 3448/93 mill-Iżvizzera

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 3448/93 tas-6 ta’ Diċembru 1993 jistabbilixxi l-arranġamenti kummerċjali applikabbli għal ċerti oġġetti li jirriżultaw mill-ipproċessar tal-prodotti agrikoli (1), u b'mod partikolari l-Artikolu 7 tiegħu,

Billi:

(1)

Permezz tal-Ftehim bejn il-Komunità Ewropea u l-Konfederazzjoni Żvizzera (2) tas-26 ta’ Ottubru 2004 (minn issa 'l quddiem: “il-Ftehim”) it-2 Protokoll għall-Ftehim bejn il-Komunità Ekonomika Ewropea u l-Konfederazzjoni Żvizzera tat-22 ta’ Lulju 1972 inbidel bi Protokoll 2 ġdid li jikkonċerna ċerti prodotti agrikoli pproċessati. Fl-implimentazzjoni ta’ dan il-Protokoll, il-Kumitat Konġunt KE-Żvizzera, bid-Deċiżjoni tiegħu Nru 1/2008 (3), emenda l-prezzijiet domestiċi ta’ referenza mill-1 ta’ Frar 2008.

(2)	Għalhekk, huwa meħtieġ li jiġu stabbiliti l-komponenti agrikoli u d-dazji addizzjonali applikabbli mill-1 ta’ Frar 2008 għal ċerti merkanziji li fihom il-prodotti tal-ħalib u li huma importati mill-Iżvizzera lejn il-Komunità.

(3)	Billi l-Ftehim huwa applikabbli mill-1 ta’ Frar 2008, il-miżuri stipulati f'dan ir-Regolament għandhom japplikaw mill-istess data,

ADOTTAT DAN IR-REGOLAMENT:

Artikolu 1

Il-komponenti agrikoli mnaqqsa u d-dazji addizzjonali applikabbli mill-1 ta’ Frar 2008 għall-importazzjonijiet ta’ ċerti merkanziji li fihom il-prodotti tal-ħalib koperti mit-Tabella 1 ta’ l-Anness B tar-Regolament (KE) Nru 3448/93 mill-Iżvizzera huma stipulati fl-Anness.

Artikolu 2

Dan ir-Regolament għandu jidħol fis-seħħ dakinhar tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Għandu japplika mill-1 ta’ Frar 2008.

---

(1)  ĠU L 318, 20.12.1993, p. 18. Ir-Regolament kif emendat l-aħħar bir-Regolament (KE) Nru 2580/2000 (ĠU L 298, tal-25.11.2000, p. 5).

(2)  ĠU L 23, 26.1.2005, p. 19.

(3)  ĠU L 69, 13.3.2008, p. 34.

---

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/8

---

REGOLAMENT TAL-KUMMISSJONI (KE) Nru 635/2008

tat-3 ta’ Lulju 2008

li jadatta l-kwoti tas-sajd għall-merluzz li għandhom ikunu allokati lill-Polonja fil-Baħar Baltiku (Subdiviżjonijiet 25-32, Ilmijiet tal-KE) mill-2008 sa l-2011 skond ir-Regolament tal-Kunsill (KE) Nru 338/2008

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KEE) Nru 2847/93 tat-12 ta’ Ottubru 1993 li jistabbilixxi sistema ta’ kontroll li tapplika għall-Politika Komuni tas-Sajd (1), u b'mod partikolari l-Artikolu 23(1) tiegħu,

Billi:

(1)	Wara investigazzjonijiet nazzjonali li twettqu fl-2007, il-Kummissjoni ġiet innotifikata mill-Polonja li din ta’ l-aħħar qabżet il-kwota tagħha għall-merluzz fil-Lvant tal-Baħar Baltiku (Subdiviżjonijiet 25-32, Ilmijiet tal-KE) għall-2007 bi 8 000 tunnellata.

(2)	Skond l-Artikolu 23(1) tar-Regolament tal-Kunsill (KE) Nru 2847/93, il-Kummissjoni topera tnaqqis mill-kwota annwali meta tkun stabbiliet li Stat Membru jkun stad aktar mill-kwota tiegħu ta’ stokk.

(3)

L-Artikolu 2 tar-Regolament tal-Kunsill (KE) Nru 338/2008 ta’ l-14 ta’ April 2008 li jadatta l-kwoti tas-sajd għall-merluzz li għandhom ikunu allokati lill-Polonja fil-Baħar Baltiku (Subdiviżjonijiet 25-32, Ilmijiet tal-KE) mill-2008 sa l-2011 (2) jipprovdi għal tnaqqis, matul perjodu ta’ erba’ snin, li jikkonsisti fi tnaqqis ta’ 10 %, fis-sena 2008, tal-kwantità żejda mistada fis-sena 2007, u tnaqqis ta’ 30 % fis-snin 2009, 2010 u 2011, tal-kwantità żejda mistada fl-2007.

(4)	Il-miżuri pprovduti f'dan ir-regolament huma konformi ma’ l-opinjoni tal-Kumitat dwar is-Sajd u l-Akkwakultura,

ADOTTAT DAN IR-REGOLAMENT:

Artikolu 1

il-kwota tal-merluzz fil-Baħar Baltiku (Subdiviżjonijiet 25-32, Ilmijiet tal-KE) allokati lill-Polonja fis-snin mill-2008 sa l-2011 għandha titnaqqas kif jidher fl-Anness.

Artikolu 2

Dan ir-Regolament għandu jidħol fis-seħħ l-għada tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

---

(1)  ĠU L 261, 20.10.1993 p.1. Ir-Regolament kif emendat l-aħħar bir-Regolament (KE) Nru 1098/2007 (ĠU L 248, 22.9.2007, p.1).

(2)  ĠU L 107, 17.04.2008 p.1.

---

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/10

---

REGOLAMENT TAL-KUMMISSJONI (KE) Nru 636/2008

tat-3 ta’ Lulju 2008

dwar il-ħruġ ta' liċenzji għall-esportazzjoni fis-settur ta' l-inbid

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kummissjoni (KE) Nru 883/2001 ta' l-24 ta' April 2001 li jippreskrivi regoli dettaljati biex ikun implimentat ir-Regolament tal-Kunsill (KE) Nru 1493/1999 dwar il-kummerċ ma’ terzi pajjiżi ta’ prodotti fis-settur ta’ l-inbid (1), u partikolarment l-Artikolu 7 u l-Artikolu 9(3) tiegħu,

Billi:

(1)

L-Artikolu 63(7) tar-Regolament tal-Kunsill (KE) Nru 1493/1999 tas-17 ta' Mejju 1999 dwar l-organizzazzjoni komuni tas-suq ta' l-inbid (2), illimita l-għoti tar-rifużjonijiet għall-esportazzjoni tal-prodotti fis-settur ta' l-inbid għall-volumi u għan-nefqiet miftiehma fil-ftehim dwar l-agrikoltura, konkluż fil-qafas tan-negozjati kummerċjali multilaterali ta' l-Uruguay Round.

(2)	L-Artikolu 9 tar-Regolament (KE) Nru 883/2001, jiddetermina l-kundizzjonijiet li fihom il-Kummissjoni tista' tieħu miżuri partikolari sabiex jiġi evitat li jinqabżu l-kwantitajiet stipulati jew il-baġit disponibbli fil-qafas ta' dan il-ftehim.

(3)

Fid-dawl ta' l-informazzjoni li għandha f'idejha l-Kummissjoni tat-2 ta’ Lulju 2008 dwar l-applikazzjonijiet għal-liċenzji ta' l-esportazzjoni, hemm riskju li l-kwantità li għadha disponibbli għall-perjodu sal-31 ta’ Lulju 2008, għaż-żona ta' destinazzjoni 1) l-Afrika u 3) l-Ewropa tal-Lvant stipulata fl-Artikolu 9(5) tar-Regolament (KE) Nru 883/2001, tinqabeż kemm-il darba ma jkunx hemm restrizzjonijiet fuq il-ħruġ tal-liċenzji għall-esportazzjoni li jistipulaw ir-rifużjoni bil-quddiem. Għaldaqstant jeħtieġ li jiġi applikat perċentwal uniku għall-aċċettazzjoni ta' l-applikazzjonijiet imressqa fl-1 ta’ Lulju 2008 u li sa l-1 ta’ Awwissu 2008 jiġu sospiżi, għal dawn iż-żoni, il-ħruġ tal-liċenzji għall-applikazzjonijiet imressqa, kif ukoll il-preżentazzjoni ta' l-applikazzjonijiet,

ADOTTAT DAN IR-REGOLAMENT:

Artikolu 1

1.   Il-liċenzji għall-esportazzjoni li jistipulaw bil-quddiem ir-rifużjoni fis-settur ta' l-inbid u li l-applikazzjonijiet għalihom tressqu fl-1 ta’ Lulju 2008 skond ir-Regolament (KE) Nru 883/2001, huma maħruġa sal-limitu ta' 13,69 % tal-kwantitajiet mitluba għaż-żona 1) l-Afrika u maħruġa sal-limitu ta' 70,24 % tal-kwantitajiet mitluba għaz-żona 3) l-Ewropa tal-Lvant.

2.   Għall-prodotti tas-settur ta' l-inbid stipulati fil-paragrafu 1, il-ħruġ tal-liċenzji għall-esportazzjoni li l-applikazzjonijiet għalihom ġew ppreżentati mit-2 ta’ Lulju 2008 kif ukoll il-preżentazzjoni ta' l-applikazzjonijiet għal-liċenzji ta' l-esportazzjoni mill-4 ta’ Lulju 2008 huma sospiżi għaż-żona 1) Afrika u 3) l-Ewropa tal-Lvant l-1 ta’ Awwissu 2008.

Artikolu 2

Dan ir-Regolament jidħol fis-seħħ fl-4 ta’ Lulju 2008.

---

(1)  ĠU L 128, 10.5.2001, p. 1. Ir-Regolament kif emendat l-aħħar bir-Regolament (KE) Nru 1211/2007 (ĠU L 274, 18.10.2007, p. 5).

(2)  ĠU L 179, 14.7.1999, p. 1. Ir-Regolament kif emendat l-aħħar bir-Regolament (KE) Nru 1234/2007 (ĠU L 299, 16.11.2007, p. 1).

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/11

---

DEĊIŻJONI TAL-KUMMISSJONI

ta’ l-20 ta’ Ġunju 2008

li temenda l-Appendiċi ta’ l-Anness VI ta’ l-Att ta’ Adeżjoni tal-Bulgarija u r-Rumanija f’dak li għandu x’jaqsam ma’ stabbilimenti ta’ pproċessar tal-ħalib fil-Bulgarija

(notifikata taħt id-dokument numru C(2008) 2775)

(Test b’relevanza għaż-ŻEE)

(2008/547/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat l-Att ta’ Adeżjoni tal-Bulgarija u r-Rumanija, u b’mod partikolari l-ewwel sottoparagrafu tal-paragrafu (f) tat-Taqsima B tal-Kapitolu 4 ta’ l-Anness VI tiegħu,

Billi:

(1)

Il-Bulgarija ngħatat perjodi ta’ tranżizzjoni bl-Att ta’ Adeżjoni tal-Bulgarija u r-Rumanija biex ċerti stabbilimenti ta’ pproċessar tal-ħalib jikkonformaw mar-rekwiżiti tar-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi regoli speċifiċi ta’ iġjene għall-ikel li ġej mill-annimali (1).

(2)	L-Appendiċi ta’ l-Anness VI ta’ l-Att ta’ Adeżjoni ġie emendat mid-Deċiżjonijiet tal-Kummissjoni 2007/26/KE (2), 2007/689/KE (3), 2008/209/KE (4) u 2008/331/KE (5).

(3)

Il-Bulgarija pprovdiet garanziji li stabbiliment wieħed ta’ pproċessar tal-ħalib lesta l-proċess ta’ aġġornament tiegħu u issa huwa kompletament konformi mal-leġiżlazzjoni Komunitarja. Dan l-istabbiliment għandu l-permess li jirċievi u jipproċessa ħalib nej mhux konformi. Dan l-istabbiliment għalhekk għandu jiżdied mal-lista tal-Kapitolu I ta’ l-Appendiċi ta’ l-Anness VI.

(4)	L-Appendiċi ta’ l-Anness VI ta’ l-Att ta’ Adeżjoni tal-Bulgarija u r-Rumanija għandu għalhekk jiġi emendat skond dan.

(5)	Il-miżuri stipulati f’din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa ta’ l-Annimali,

ADOTTAT DIN ID-DEĊIŻJONI:

Artikolu 1

Fil-Kapitolu I ta’ l-Appendiċi ta’ l-Anness VI ta’ l-Att ta’ Adeżjoni tal-Bulgarija u r-Rumanija, jiżdied il-punt li ġej:

Artikolu 2

Din id-Deċiżjoni hija indirizzata lill-Istati Membri.

---

(1)  ĠU L 139, 30.4.2004, p. 55. Ir-Regolament kif emendat l-aħħar bir-Regolament tal-Kummissjoni (KE) Nru 1243/2007 (ĠU L 281, 25.10.2007, p. 8).

(2)  ĠU L 8, 13.1.2007, p. 35.

(3)  ĠU L 282, 26.10.2007, p. 60.

(4)  ĠU L 65, 8.3.2008, p. 18.

(5)  ĠU L 114, 26.4.2008, p. 97.

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/13

---

DEĊIŻJONI TAL-KUMMISSJONI

ta’ l-24 ta’ Ġunju 2008

li tawtorizza għajnuna Finlandiża għaż-żrieragħ u għaż-żerriegħa taċ-ċereali fir-rigward tas-snin ta’ ħsad 2007 u 2008

(notifikata taħt id-dokument numru C(2008) 2700)

(It-testi bil-Finlandiż u bl-Iżvediż biss huma awtentiċi)

(2008/548/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 1947/2005 tat-23 ta’ Novembru 2005 dwar l-organizzazzjoni komuni tas-suq taż-żrieragħ u li jħassar ir-Regolamenti (KEE) Nru 2358/71 u (KEE) Nru 1674/72 (1), u b’mod partikulari l-ewwel subparagrafu ta’ l-Artikolu 8(2) tiegħu,

Billi:

(1)

Bl-ittra tas-17 ta’ Diċembru 2007, il-Gvern Finlandiż talab l-awtorizzazzjoni għas-snin 2007-2010, biex jagħti għajnuna lill-bdiewa għal ċerti kwantitajiet ta’ tipi ta’ żrieragħ u żrieragħ taċ-ċereali li huma prodotti biss fil-Finlandja minħabba l-kundizzjonijiet speċifiċi tal-klima tagħha. Informazzjoni supplimentari kienet provduta bl-ittri tas-16 ta’ Jannar u ta’ l-20 ta’ Frar 2008.

(2)

Skond it-tieni subparagrafu ta’ l-Artikolu 8(2) tar-Regolament (KE) Nru 1947/2005, il-Finlandja għandha tgħaddi lill-Kummissjoni sa mhux aktar tard mill-31 ta’ Diċembru 2008 rapport dettaljat dwar ir-riżultati ta’ l-għajnuna awtorizzata. Sabiex ma tantiċipax din ir-reviżjoni interim, żrieragħ ikkultivati fl-2007 u fl-2008 biss jistgħu jirċievu l-għajnuna f’dan l-istadju.

(3)

Il-Finlandja talbet awtorizzazzjoni biex tagħti għajnuna għal kull ettaru ta’ ċerti taqsimiet taħt l-ispeċi taż-żrieragħ tal-Gramineae (ħaxix) u tal-Leguminosae (legumi) kif stabbiliti fl-Anness XI għar-Regolament (KE) Nru 1782/2003 tad-29 ta’ Settembru 2003 li jistabbilixxi regoli komuni għall-iskemi ta’ għajnuna diretta taħt il-politika agrikola komuni u li jistabbilixxi ċerti skemi ta’ sapport għall-bdiewa u li jimmodifika ir-Regolamenti (KEE) 2019/93, (KE) Nru 1452/2001, (KE) Nru 1453/2001, (KE) Nru 1454/2001, (KE) Nru 1868/94, (KE) Nru 1251/1999, (KE) 1254/1999, (KE) Nru 1673/2000, (KE) Nru 2358/71 u (KE) Nru 2529/2001 (2), bl-eċċezzjoni tal-Phleum pratense L. (Timothy), u għal ċerti taqsimiet taħt iż-żrieragħ taċ-ċereali.

(4)

L-għajnuna proposta għandha tissodisfa r-rekwiżiti stabbiliti fl-Artikolu 8 tar-Regolament (KE) Nru 1947/2005. L-għajnuna tikkonċerna l-varjetajiet taż-żrieragħ u taż-żrieragħ taċ-ċereali kkultivati fil-Finlandja li huma adattati għall-kundizzjonijiet tal-klima ta’ dak il-pajjiż u li ma jitkabbrux fi Stati Membri oħrajn. L-awtorizzazzjoni tal-Kummissjoni għandha tkun limitata għall-varjetajiet elenkati fil-lista ta’ varjetajiet Finlandiżi li huma prodotti fil-Finlandja biss.

(5)	Għandu jkun hemm dispożizzjoni biex il-Kummissjoni tkun informata dwar il-miżuri meħuda mill-Finlandja biex tikkonforma mal-limiti stabbiliti f’din id-Deċiżjoni,

ADDOTTAT DIN ID-DEĊIŻJONI:

Artikolu 1

Il-Finlandja hija awtorizzata biex, mill-1 ta’ Jannar 2007 sal-31 ta’ Diċembru 2008, tagħti għajnuna lil dawk li jkabbru, u li huma stabbiliti fit-territorju tagħha, iż-żrieragħ u ż-żrieragħ taċ-ċereali ċċertifikati elenkati fl-Anness ta’ din id-Deċiżjoni, fil-limiti ta’ l-ammonti stabbiliti f’dak l-Anness.

L-awtorizzazzjoni għandha tkopri esklussivament il-varjetajiet elenkati fil-katalogu nazzjonali Finlandiż u li jitkabbru fil-Finlandja biss.

Artikolu 2

Il-Finlandja għandha tiżgura, b’sistema ta’ spezzjoni xierqa, li l-għajnuna tingħata biss għall-varjetajiet elenkati fl-Anness.

Artikolu 3

Il-Finlandja għandha tibgħat lill-Kummissjoni lista tal-varjetajiet iċċertifikati kkonċernati u kwalunkwe emendi f’din il-lista u tinforma lill-Kummissjoni dwar t-taqsimiet u l-kwantitajiet ta’ żrieragħ u żrieragħ taċ-ċereali li jirċievu l-għajnuna.

Artikolu 4

Din id-Deċiżjoni għandha tidħol fis-seħħ fl-1 ta’ Jannar 2007.

Artikolu 5

Din id-Deċiżjoni hija indirizzata lir-Repubblika tal-Finlandja.

---

(1)  ĠU L 312, 29.11.2005, p. 3. Ir-Regolament kif emendat bir-Regolament (KE) Nru 1247/2007 (ĠU L 282, 26.10.2007, p. 1).

(2)  ĠU L 270, 21.10.2003, p. 1. Ir-Regolament kif l-aħħar emendat bir-Regolament (KE) Nru 479/2008 (OJ L 148, 6.6.2008, p. 1).

---

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/16

---

LINJA GWIDA TAL-BANK ĊENTRALI EWROPEW

tad-19 ta’ Ġunju 2008

li temenda l-Linja Gwida BĊE/2006/9 dwar ċerti preparazzjonijiet għall-bidla tal-flus kontanti ta’ l-ewro u dwar il-frontloading u s-sub-frontloading ta’ karti tal-flus u muniti ewro barra ż-żona ta’ l-ewro

(BĊE/2008/4)

(2008/549/KE)

Il-Kunsill Governattiv Tal-Bank Ċentrali Ewropew,

Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 106(1),

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikolu 16,

Billi:

(1)

Il-Linja Gwida BĊE/2006/9 ta’ l-14 ta’ Lulju 2006 dwar ċerti preparazzjonijiet għall-bidla tal-flus kontanti ewro u dwar il-frontloading u s-sub-frontloading ta’ karti tal-flus u muniti ewro barra ż-żona ta’ l-ewro (1) tistabbilixxi r-regoli li jippermettu lill-banek ċentrali nazzjonali (BĊNi) ta’ Stati Membri parteċipanti futuri jissellfu karti tal-flus u muniti ewro mill-Ewrosistema għall-finijiet biex jagħmlu frontloading u sub-frontloading tagħhom qabel il-bidla tal-flus kontanti u tiddefinixxi l-obbligi biex jitwettqu minn kontropartijiet eliġibbli u terzi persuni professjonali sabiex dawn jiġu frontloaded u sub-frontloaded rispettivament.

(2)	Wara l-introduzzjoni ta’ l-ewro fis-Slovenja, Ċipru u Malta skond ir-regoli li jinsabu fil-Linja Gwida BĊE/2006/9, ġie identifikat il-bżonn li jsiru diversi emendi mmirati biex itejbu l-aspetti loġistiċi tal-bidla tal-flus kontanti fi Stati Membri parteċipanti futuri.

(3)

Minħabba d-diffikultajiet li x’aktarx BĊNi futuri ta’ l-Ewrosistema se jiffaċċjaw fl-ippjanar tal-volum u d-denominazzjonijiet tal-karti tal-flus ewro meħtieġa wara d-data tal-bidla tal-flus kontanti, dawn il-BĊNi ta’ l-Ewrosistema għandhom ikollhom il-possibbiltà, immedjatament wara d-data tal-bidla tal-flus kontanti, biex jirfinaw l-istruttura denominazzjonali ta’ l-istokks tagħhom tal-karti tal-flus ewro bi spejjeż baxxi.

(4)

Filwaqt li fil-preżent huma biss dawk l-istituzzjonijiet ta’ kreditu u l-uffiċċji tal-posta nazzjonali li għandhom kont mal-BĊN futur ta’ l-Ewrosistema tagħhom, li huma ntitolati biex jagħmlu sub-frontloading ta’ karti tal-flus u muniti ewro lil terzi persuni professjonali, l-esperjenza li ġiet akkwistata s’issa bil-bidliet tal-flus kontanti skond il-Linja Gwida BĊE/2006/9 wriet kemm hu utli li wieħed jinvolvi kumpaniji li jġorru l-flus kontanti f’operazzjonijiet ta’ sub-frontloading. Għalhekk l-istituzzjonijiet ta’ kreditu w uffiċċji tal-posta nazzjonali għandhom jitħallew jaħtru kumpaniji li jġorru l-flus kontanti bħala l-aġenti tagħhom għall-finijiet ta’ sub-frontloading ta’ karti tal-flus u muniti ewro.

(5)	Biex tiġi evitata d-duplikazzjoni ta’ l-obbligi ta’ rappurtar relatati mal-volum u d-denominazzjoni ta’ karti tal-flus u muniti ewro frontloaded u sub-frontloaded, għandha tiġi ssimplifikata l-proċedura ta’ rappurtar applikabbli għall-BĊNi futuri ta’ l-Ewrosistema u l-kontropartijiet eliġibbli.

(6)

Minħabba l-potenzjal ta’ verifiki u spezzjonijiet numerużi u frekwenti mwettqa mill-BĊNi futuri ta’ l-Ewrosistema fil-bini ta’ entitajiet frontloaded u sub-frontloaded, biex jiċċekkjaw li dawn ta’ l-aħħar ma jqiegħdux fiċ-ċirkolazzjoni karti tal-flus u muniti ewro qabel id-data tal-bidla tal-flus kontanti, jinħtieġ li l-BĊNi futuri ta’ l-Ewrosistema jitħallew jafdaw awtoritajiet pubbliċi oħra b’dawn il-ħidmiet.

(7)

Ġie ppruvat li l-ftehim kuntrattwali li għandhom jidħlu għalihom l-entitajiet frontloaded u sub-frontloaded qabel ma jseħħ kull sub-frontloading u n-nuqqas ta’ inċentivi finanzjarji disponibbli lil entitajiet sub-frontloaded, skond l-esperjenza li ġiet akkwistata s’issa bil-bidliet tal-flus kontanti skond il-Linja Gwida BĊE/2006/9, huma detrimentali għas-suċċess tas-sub-frontloading fir-rigward ta’ ċerti kategoriji ta’ bejjiegħa bl-imnut, eż. ħwienet ta’ konvenjenza u ħwienet oħra żgħar. Għalhekk jinħtieġ li tiġi introdotta proċedura ssimplifikata ta’ sub-frontloading biex tintuża meta jkunu nvoluti biss ammonti żgħar ta’ karti tal-flus u muniti ewro.

(8)	Ġie identifikat ukoll il-bżonn li jsiru diversi emendi żgħar oħra lil-Linja Gwida BĊE/2006/9,

ADOTTA DIN IL-LINJA GWIDA:

Artikolu 1

Il-Linja Gwida BĊE/2006/9 hija emendata kif ġej:

(1)

L-Artikolu 4 huwa emendat kif ġej: (a) Jiżdied it-test li ġej fit-tmiem tal-paragrafu 5: “Madankollu, trasferiment bil-kwantità ta’ karti tal-flus ewro m’għandux jitqies parti mill-obbligi inizjali jekk il-BĊN futur ta’ l-Ewrosistema li jkollu dak il-volum żejjed ta’ denominazzjoni waħda jew iżjed ta’ karti ta’ flus ewro, ta’ valur u kwalità ekwivalenti għal ta’ dawk inklużi fit-trasferiment bil-kwantità, jittrasferixxi dawn lill-Ewrosistema bi skambju għal dak it-trasferiment bil-kwantità. Taħt dawn iċ-ċirkostanzi, ma jqum l-ebda obbligu biex isir ħlas mill-ġdid u l-BĊE għandu jħallas l-ispiża tat-trasportazzjoni tal-karti tal-flus ewro.” (b) Jiġi rrevokat il-paragrafu 6(b). (ċ) Fil-paragrafu 8, l-aħħar sentenza hija sostitwita b’li ġej: “In-numru u l-kwalità ekwivalenti ta’ karti tal-flus biex jitħallsu għal serje futuri ta’ karti tal-flus ewro se jkunu kkalkulati kif stabbilit mill-Kunsill Governattiv fil-ħin.” (d) Il-paragrafu 11 huwa sostitwit b’li ġej: “11.   BĊN futur ta’ l-Ewrosistema għandu jirrapporta dan li ġej lill-BĊE u lill-BĊN(i) ta’ l-Ewrosistema li jikkunsinna, filwaqt li jqis l-obbligi stabbiliti fi strument legali separat: (a) L-ammont totali finali ta’ karti tal-flus ewro frontloaded u sub-frontloaded (ikklassifikat skond id-denominazzjoni); u (b) L-ammont totali finali ta’ muniti ewro frontloaded u sub-frontloaded (ikklassifikat skond id-denominazzjoni).”

(2)

Jiżdied it-test li ġej fit-tmiem ta’ l-Artikolu 5: “Kontropartijiet eliġibbli jistgħu jaħtru kumpaniji li jġorru l-flus kontanti bħala aġenti li jaġixxu f’isimhom u għar-riskju tagħhom għall-finijiet tal-ħażna u s-sub-frontloading ta’ karti tal-flus u muniti ewro lil terzi persuni professjonali bil-kundizzjoni li: (i) minkejja l-ħatra ta’ aġent, il-kontropartijiet eliġibbli jaderixxu mar-regoli u l-proċeduri kollha applikabbli stabbiliti f’din il-Linja Gwida; u (ii) il-kontropartijiet eliġibbli jikkonkludu ftehim kuntrattwali ma’ kumpaniji li jġorru l-flus kontanti li jistabbilixxu li kumpaniji li jġorru l-flus kontanti għandhom jissodisfaw l-obbligi stabbiliti fl-Artikolu 10(a) u (b) u fl-Artikoli 13(1) sa 13(3).”

(3)	Fl-Artikolu 9, jiżdied it-test li ġej fi tmiem il-paragrafu 2: “Il-BĊN futur ta’ l-Ewrosistema għandu jirrapporta lill-BĊE l-informazzjoni li huwa jirċievi minn kontroparti eliġibbli, filwaqt li jikkunsidra l-obbligi stabbiliti fi strument legali separat.”

(4)

L-Artikolu 10 qed jiġi emendat kif ġej: (a) Il-punt (b) huwa sostitwit b’li ġej: “(b) Il-kontroparti eliġibbli għandha taqbel mat-terza persona professjonali li tkun se tirċievi s-sub-frontloading li din ta’ l-aħħar tippermetti lill-BĊN futur ta’ l-Ewrosistema jew kull awtorità pubblika oħra kompetenti skond l-Artikolu 13(3), biex iwettqu verifiki u spezzjonijiet fil-bini tat-terza persuna professjonali li tkun irċeviet is-sub-frontloading sabiex jivverifikaw il-preżenza tal-karti tal-flus u muniti ewro sub-frontloaded.” (b) Il-punt (ċ) huwa sostitwit b’li ġej: “(ċ) Il-kontroparti eliġibbli għandha tħallas lill-BĊN futur ta’ l-Ewrosistema penali kuntrattwali f’ammont ipproporzjonat ma’ xi ħsara li jkun sofra, madankollu mhux anqas minn 10 % ta’ l-ammont sub-frontloaded, jekk: (i) il-BĊN futur ta’ l-Ewrosistema jew kull awtorità pubblika kompetenti oħra ma tingħatax aċċess biex twettaq il-verifiki u l-ispezzjonijiet imsemmija f’punt (b); jew (ii) jekk il-karti tal-flus u muniti ewro sub-frontloaded ma jinħażnux fil-bini tat-terza parti professionali li tkun irċeviet is-sub-frontloading kif stabbilit f’dan l-Artikolu. BĊN futur ta’ l-Ewrosistema m’għandux jimponi dawn il-penali kuntrattwali: (i) jekk l-Istat Membru parteċipanti futur tiegħu jkun stabbilixxa qafas regolatorju li jipprovdi għal livell ekwivalenti ta’ protezzjoni; jew (ii) sakemm it-terza persuna professjonali li tkun irċeviet is-sub-frontloading tkun ħallset diġà penali skond l-Artikolu 16(2)(f).”

(5)

L-Artikolu 13 qed jiġi emendat kif ġej: (a) Il-paragrafu 1 huwa sostitwit b’li ġej: “1.   BĊN futur ta’ l-Ewrosistema għandu jipprojbixxi lill-kontropartijiet eliġibbli (inklużi l-aġenti maħtura tagħhom) milli jiddisponu mill-karti tal-flus u muniti ewro kkunsinnati lilhom qabel 00:00 (ħin lokali) fid-data tal-bidla tal-flus kontanti, sakemm stabbilit mod ieħor b’din il-Linja Gwida. B’mod partikolari, il-BĊN futur ta’ l-Ewrosistema għandu jeżiġi li l-kontropartijiet eliġibbli, inklużi l-aġenti maħtura tagħhom, jaħżnu l-karti tal-flus u muniti ewro frontloaded fil-kmamar tas-sigurtà tagħhom jew fil-kmamar tas-sigurtà ta’ l-aġenti maħtura tagħhom, jekk ikollhom, separatament minn kull karti tal-flus u muniti ewro oħra, valuti u proprjetà oħra, u b’mod li joffri sigurtà, sabiex jiġu evitati l-qerda, is-serq, jew kull każ ieħor ta’ ċirkolazzjoni bikrija.” (b) Il-paragrafu 3 huwa sostitwit b’li ġej: “3.   Sabiex tiġi vverifikata l-preżenza tal-karti tal-flus u muniti ewro frontloaded u l-ftehim liema skond il-kontropartijiet eliġibbli jwettqu s-sub-frontloading, il-kontropartijiet eliġibbli, inklużi l-aġenti maħtura tagħhom, għandhom jagħtu lill-BĊN futur ta’ l-Ewrosistema tagħhom, id-dritt li jivverifika u jispezzjona l-bini tagħhom. Il-BĊN futur ta’ l-Ewrosistema jista’ jafda awtorità pubblika kompetenti oħra bil-verifika u l-ispezzjoni ta’ dan il-bini, f’liema każ il-BĊE għandu jkun infurmat.”

(6)

Qed jiġi emendat l-Artikolu 16 kif ġej: (a) Jiġi rrevokat il-paragrafu 2(b). (b) Il-paragrafu 2(d) huwa sostitwit b’li ġej: “(d) It-terza persuna professjonali għandha tagħti lill-BĊN futur ta’ l-Ewrosistema tagħha jew kull awtorità kompetenti oħra skond l-Artikolu 13(3), id-dritt biex jivverifikaw u jispezzjonaw il-bini tagħha sabiex jivverifikaw il-preżenza tal-karti tal-flus u l-muniti ewro sub-frontloaded.” (ċ) Jiżdied il-paragrafu 3 li ġej: “3.   B’deroga mill-proċedura tas-sub-frontloading deskritta fil-paragrafu 2, għandha tapplika l-proċedura ssimplifikata tas-sub-frontloading, fost terzi persuni professjonali, lil bejjiegħa bl-imnut skond il-kundizzjonijiet li ġejjin: (a) il-bejjiegħ bl-imnut huwa intrapriża micro kif iddefinita fir-Rakkomandazzjoni tal-Kummissjoni 2003/361/KE tas-6 ta’ Mejju 2003 dwar id-definizzjoni ta’ intrapriżi micro, żgħar u ta’ daqs medju (*), jiġifieri timpjega anqas minn 10 persuni u għandha turnover annwali jew karta tal-bilanċ annwali totali li ma taqbiżx EUR 2 miljun; (b) il-valur nominali tal-karti tal-flus u muniti ewro sub-frontloaded lil bejjiegħ bl-imnut ma jaqbiżx EUR 10 000 fit-total; (ċ) il-bejjiegħ bl-imnut għandu jiffirma formola standard ippreparata mill-BĊN futur ta’ l-Ewrosistema NCB li fiha jaqbel li ma jiddisponix mill-karti tal-flus u muniti ewro sub-frontloaded qabel 00:00 (ħin lokali) fid-data tal-bidla tal-flus kontanti. M’għandhom jinħtieġu l-ebda ftehim kuntrattwali oħra; u (d) il-bejjiegħ bl-imnut għandu jaħżen karti tal-flus u muniti ewro sub-frontloaded kif mitlub skond l-Artikolu 10(a), u għaldaqstant għandu japplika l-paragrafu 2(d). (*)  ĠU L 124, 20.5.2003, p. 36.”" (d) Qed jiżdied il-paragrafu 4 li ġej: “4.   Skond il-kundizzjonijiet imsemmija fil-paragrafu 3, sub-frontloading issimplifikat jista’ jsir biss ħamest ijiem kalendarji qabel id-data tal-bidla tal-flus kontanti. Il-valur fil-valuta l-antika li jikkorrispondi mal-valur nominali tal-karti tal-flus u muniti ewro sub-frontloaded minn kontroparti eliġibbli lil bejjiegħ bl-imnut skond il-proċedura ssimplifikata tas-sub-frontloading, għandu jiġi mblukkat fil-kont tal-bejjiegħ bl-imnut mal-kontroparti eliġibbli, u ddebitat fid-data tal-bidla tal-flus kontanti.”

(7)

L-Artikolu 18 huwa sostitwit b’li ġej: “BĊNi futuri Ewrosistema għandhom jibagħtu lill-BĊE kopji ta’ kull strument legali u miżuri adottati fl-Istat Membru tagħhom fir-rigward ta’ din il-Linja Gwida mhux aktar tard minn xahar qabel il-bidu tal-perijodu tal-frontloading/sub-frontloading, madankollu mhux qabel li tkun ittieħdet kull deċiżjoni dwar l-abrogazzjoni tad-deroga fir-rigward ta’ dak l-Istat Membru.”

Artikolu 2

Din il-Linja Gwida għandha tidħol fis-seħħ fil-jum wara l-pubblikazzjoni tagħha fil-Ġurnal Uffiċjali ta’ l-Unjoni Ewopea.

Artikolu 3

Din il-Linja Gwida hija indirizzata lill-BĊNi ta’ Stati Membri parteċipanti.

---

(1)  ĠU L 207, 28.7.2006, p. 39.

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/20

---

AZZJONI KONĠUNTA TAL-KUNSILL 2008/550/PESK

tat-23 ta’ Ġunju 2008

li tistabbilixxi Kulleġġ Ewropew ta’ Sigurtà u ta’ Difiża (KESD) u li tħassar l-Azzjoni Konġunta 2005/575/PESK

IL-KUNSILL TA’ L-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikolu 14 tiegħu,

Billi:

(1)	Fit-18 ta’ Lulju 2005, il-Kunsill adotta l-Azzjoni Konġunta 2005/575/PESK li tistabbilixxi Kulleġġ Ewropew ta’ Sigurtà u ta’ Difiża (KESD) (1).

(2)	Fil-21 ta’ Diċembru 2007, bis-saħħa ta’ l-Artikolu 13 ta’ dik l-Azzjoni Konġunta, il-Kumitat tat-Tmexxija ppreżenta rapport dwar l-attivitajiet u l-perspettivi tal-KESD bil-ħsieb ta’ reviżjoni ta’ l-Azzjoni Konġunta.

(3)	Fit-18 ta’ Marzu 2008, il-Kumitat Politiku u ta’ Sigurtà (KPS) rrakkomanda li l-Kunsill jemenda l-Azzjoni Konġunta fid-dawl ta’ dak ir-rapport.

(4)	Għal raġunijiet ta’ ċarezza, għandha tiġi adottata verżjoni ġdida kkonsolidata ta’ l-Azzjoni Konġunta,

ADOTTA DIN L-AZZJONI KONĠUNTA:

Artikolu 1

Stabbiliment

1.   B’dan qed jiġi stabbilit Kulleġġ Ewropew ta’ Sigurtà u ta’ Difiża (KESD).

2.   Il-KESD għandu jkun organizzat bħala netwerk bejn istituti, kulleġġi, akkademji, universitajiet u istituzzjonijiet fl-Unjoni Ewropea (UE) li jittrattaw il-kwistjonijiet tal-politika dwar is-sigurtà u d-difiża u l-Istitut ta’ l-Unjoni Ewropea għall-Istudji tas-Sigurtà (EU ISS) (minn hawn ‘il quddiem imsejħin l-“istituti”).

3.   Huwa għandu jistabbilixxi rabtiet mill-qrib ma’ l-istituzzjonijiet ta’ l-UE u l-aġenziji rilevanti ta’ l-UE.

Artikolu 2

Missjoni

Il-KESD għandu jipprovdi taħriġ fil-qasam tal-Politika Ewropea ta’ Sigurtà u Difiża (PESD) fil-livell strateġiku sabiex ikun hemm żvilupp u promozzjoni ta’ fehim komuni tal-PESD fost il-persunal ċivili u militari, u biex tiġi identifikata u mxerrda, permezz ta’ l-attivitajiet tiegħu ta’ taħriġ, l-aħjar prattika fir-rigward ta’ diversi kwistjonijiet tal-PESD.

Artikolu 3

Għanijiet

L-għanijiet tal-KESD għandhom ikunu dawn li ġejjin:

(a)	li jkompli jsaħħaħ il-kultura tas-sigurtà Ewropea fi ħdan il-PESD;

(b)	li jippromwovi fehim aħjar tal-PESD bħala parti essenzjali mill-Politika Estera u ta’ Sigurtà Komuni (PESK);

(ċ)	li jipprovdi lill-korpi ta’ l-UE b’persunal kompetenti li kapaċi jaħdem b’mod effiċjenti fl-oqsma kollha tal-PESD;

(d)	li jipprovdi lill-amminstrazzjonijiet u l-persunal ta’ l-Istati Membri b’persunal kompetenti li jkun familjari mal-politika, l-istituzzjonijiet u l-proċeduri ta’ l-UE; u

(e)	li jgħin jippromwovi relazzjonijiet u kuntatti professjonali fost il-parteċipanti tat-taħriġ.

Fejn meħtieġ, għandha tingħata attenzjoni lill-konsistenza ma’ l-attivitajiet Komunitarji.

Artikolu 4

Kompiti tal-KESD

1.   Il-kompiti ewlenin tal-KESD huma konformi mal-missjoni u l-għanijiet tiegħu li jorganizza u jwettaq attivitajiet ta’ taħriġ fil-qasam tal-PESD.

2.   L-attivitajiet ta’ taħriġ tal-KESD għandhom jinkludu:

(a)	il-Kors ta’ Livell Għoli fil-PESD,

(b)	il-Kors ta’ Orjentament fil-PESD u

(ċ)	Korsijiet tal-PESD għal udjenzi speċjalizzati jew b’fokus speċifiku, kif deċiż mill-Kumitat tat-Tmexxija msemmi fl-Artikolu 6.

Għandhom jinbdew attivitajiet oħrajn ta’ taħriġ, kif deċiż mill-Kumitat tat-Tmexxija.

3.   Barra minn dan, il-KESD għandu b’mod partikolari:

(a)	jappoġġa r-relazzjonijiet li għandhom jiġu stabbiliti bejn l-istituti involuti fin-netwerk;

(b)	jinstalla u jħaddem Sistema ta’ Tagħlim mill-Bogħod Avvanzat Ibbażat fuq l-Internet (IDL) biex isostni l-attivitajiet tat-taħriġ tal-KESD;

(ċ)	jiżviluppa u jipproduċi materjal ta’ taħriġ għat-Taħriġ ta’ l-UE fil-PESD bl-użu wkoll ta’ materjal rilevanti diġà eżistenti;

(d)	jistabbilixxi Netwerk ta’ Alumni bejn l-ex parteċipanti fit-taħriġ;

(e)	jappoġġa programmi ta’ skambju fil-qasam tal-PESD bejn l-istituti tat-taħriġ ta’ l-Istati Membri;

(f)	jipprovdi kontributi fil-Programm ta’ Taħriġ annwali ta’ l-UE fil-PESD u

(g)	jorganizza u jmexxi konferenza annwali ta’ netwerking li ġġib flimkien atturi ċivili u militari rilevanti involuti fit-taħriġ ta’ l-UE fil-PESD.

4.   Il-KESD għandu jkollu l-kapaċità legali meħtieġa partikolarment biex jidħol f’kuntratti u arranġamenti amministrattivi u biex ikollu kont fil-bank. Kwalunkwe responsabbiltà li tista’ tirriżulta minn kuntratti konklużi mill-KESD għandha tkun koperta mill-Istati kontribwenti u kontributuri oħrajn kif imsemmi fl-Artikolu 11(5). Fl-ebda każ ma’ jista’ l-Kunsill, is-Segretarju Ġenerali tiegħu jew is-Segretarjat Ġenerali tal-Kunsill jinżamm responsabbli fir-rigward tas-servizzi pprovduti mill-persunal tas-Segretarjat Ġenerali b’rabta ma’ l-attivitajiet tal-KESD.

5.   L-attivitajiet ta’ taħriġ tal-KESD għandhom jitwettqu permezz ta’ l-istituti li jiffurmaw in-netwerk tal-KESD jew atturi oħrajn ta’ Stat Membru li jospita l-attività ta’ taħriġ.

6.   Bħala parti min-netwerk tal-KESD, l- EU ISS għandu jappoġġa l-attivitajiet tat-taħriġ tal-KESD, partikolarment permezz tal-pubblikazzjonijiet ta’ l-EU ISS u billi jipprovdi lekċers mogħtijin mir-riċerkaturi ta’ l-EU ISS kif ukoll billi jqiegħed is-sit web tiegħu għad-disponibbiltà fi ħdan u għas-Sistema ta’ Tagħlim mill-Bogħod Avvanzat Ibbażat fuq l-Internet (IDL).

Artikolu 5

Organizzazzjoni

1.   Għandhom jiġu stabbiliti fi ħdan il-KESD il-korpi msemmijin hawnhekk:

(a)	Kumitat tat-Tmexxija li għandu jkun responsabbli għall-koordinazzjoni u d-direzzjoni ġenerali ta’ l-attivitajiet tat-taħriġ tal-KESD;

(b)	Bord Akkademiku Eżekuttiv li għandu jiżgura l-kwalità u l-koerenza ta’ l-attivitajiet tat-taħriġ; u

(ċ)	Segretarjat permanenti għall-KESD (minn hawn ‘il quddiem imsejjaħ is-“Segretarjat”) li għandu b’mod partikolari jassisti lill-Kumitat tat-Tmexxija u lill-Bord Akkademiku Eżekuttiv.

2.   Il-Kumitat tat-Tmexxija, il-Bord Akkademiku Eżekuttiv u s-Segretarjat għandhom iwettqu l-kompiti stabbiliti fl-Artikoli 6, 7 u 8 rispettivament.

Artikolu 6

Kumitat tat-Tmexxija

1.   Il-Kumitat tat-Tmexxija magħmul minn rappreżentant wieħed maħtur minn kull Stat Membru, għandu jkun il-korp li jieħu d-deċiżjonijiet tal-KESD. Kull membru tal-Kumitat jista’ jkun irrappreżentat jew akkumpanjat minn membru supplenti. L-ittri tal-ħatra, debitament awtorizzati mill-Istat Membru, għandhom ikunu indirizzati lis-Segretarju Ġenerali/Rappreżentant Għoli (SĠ/RGħ).

Rappreżentanti mill-Istati aderenti jistgħu jattendu l-laqgħat tiegħu bħala osservaturi attivi.

2.   Il-membri tal-Kumitat ta’ Tmexxija jistgħu jkunu akkumpanjati minn esperti.

3.   Il-Kumitat għandu jkun ippresedut mir-rappreżentant ta’ l-Istat Membru li jkollu l-Presidenza tal-Kunsill u għandu jiltaqa’ mill-inqas darbtejn fis-sena. Il-President tal-Kumitat ta’ Tmexxija għandu jkollu s-setgħa li jirrappreżenta lill-KESD partikolarment għall-fini li jikkonkludi l-kuntratti msemmija fl-Artikolu 4(4).

4.   Il-President tal-Bord Akkademiku Eżekuttiv, ir-rappreżentanti tas-SĠ/RGħ u tal-Kummissjoni għandhom ikunu mistiedna jattendu l-laqgħat tal-Kumitat.

5.   Il-kompiti tal-Kumitat għandhom ikunu li:

(a)	jistabbilixxi l-programm akkademiku annwali tal-KESD, bl-użu tal-kunċett ta’ taħriġ tal-KESD;

(b)	jipprovdi gwida ġenerali għall-ħidma tal-Bord Akkademiku Eżekuttiv;

(ċ)	jadotta u jagħmel reviżjoni regolari tal-kunċett ta’ taħriġ tal-KESD li jkun jirrifletti r-rekwiżiti maqbula tat-taħriġ tal-KESD;

(d)	jagħżel l-Istat jew l-Istati Membri li jospitaw l-attivitajiet tat-taħriġ tal-KESD u l-istituti li jwettquhom;

(e)	jiżviluppa u jaqbel dwar il-profil tal-kurrikuli għall-attivitajiet kollha tat-taħriġ tal-KESD;

(f)	jadotta rapporti ta’ evalwazzjoni u rapport annwali ġenerali dwar l-attivitajiet tat-taħriġ tal-KESD, li għandhom jintbagħtu lill-korpi rilevanti tal-Kunsill, u

(g)	jaħtar il-President tal-Bord Akkademiku Eżekuttiv għal perijodu ta’ mill-anqas sentejn akkademiċi.

6.   Il-Kumitat għandu jadotta r-Regoli ta’ Proċedura tiegħu.

7.   Id-deċiżjonijiet tal-Kumitat għandhom jittieħdu b’maġġoranza kkwalifikata. Il-voti ta’ l-Istati Membri għandhom ikunu mwieżna skond l-Artikolu 205(2) tat-Trattat li jistabbilixxi l-Komunità Ewropea. Biex jiġu adottati, id-deċiżjonijiet għandhom jeħtieġu n-numru ta’ voti pprovdut fit-tielet sub-paragrafu ta’ l-Artikolu 23(2), tat-Trattat dwar l-Unjoni Ewropea.

Artikolu 7

Il-Bord Akkademiku Eżekuttiv

1.   Il-Bord Akkademiku Eżekuttiv għandu jkun magħmul minn rappreżentanti anzjani minn dawk l-istituti li jkunu involuti attivament fl-attivitajiet tal-KESD. Fejn ikun hemm diversi rappreżentanti minn Stat Membru wieħed, dawn għandhom jifformaw delegazzjoni waħda flimkien.

2.   Il-President tal-Bord għandu jinħatar mill-Kumitat tat-Tmexxija minn fost il-membri tal-Bord.

3.   Ir-Rappreżentanti mis-SĠ/RGħ u tal-Kummissjoni għandhom ikun mistiedna jattendu l-laqgħat tal-Bord. Esperti akkademiċi u uffiċjali anzjani minn istituzzjonijiet nazzjonali u Ewropej jistgħu jkunu mistiedna jattendu l-laqgħat tiegħu.

4.   Il-kompiti tal-Bord għandhom ikunu li:

(a)	jipprovdi pariri u rakkomandazzjonijiet akkademiċi lill-Kumitat ta’ Tmexxija;

(b)	jimplimenta, permezz ta’ l-istituti li jiffurmaw in-netwerk tal-KESD, il-programm akkademiku annwali miftiehem;

(ċ)	jissorvelja s-Sistema ta’ Tagħlim mill-Bogħod Avvanzat Ibbażat fuq l-Internet (IDL);

(d)	jiżviluppa kurrikuli ddettaljati għall-attivitajiet tat-taħriġ kollha tal-KESD ibbażati fuq il-kurrikuli ġenerali miftehmin;

(e)	jiżgura koordinazzjoni ġenerali ta’ l-attivitajiet tat-taħriġ tal-KESD fost l-istituzzjonijiet kollha;

(f)	jeżamina l-istandards ta’ l-attivitajiet tat-taħriġ imwettqin fis-sena akkademika ta’ qabel;

(g)	iressaq proposti għall-attivitajiet tat-taħriġ fis-sena akkademika li jmiss lill-Kumitat tat-Tmexxija;

(h)	jiżgura evalwazzjoni sistematika ta’ l-attivitajiet kollha ta’ taħriġ tal-KESD, u

(i)	jikkontribwixxi għall-abbozz tar-rapport ġenerali annwali dwar l-attivitajiet tal-KESD.

5.   Biex jaqdi l-kompiti tiegħu, il-Bord jista’ jiltaqa’ f’konfigurazzjonijiet differenti orjentati lejn il-proġett. Il-Bord għandu jfassal ir-regoli u l-arranġamenti li jirregolaw il-ħolqien u l-funzjonament ta’ dawn il-konfigurazzjonijiet li għandhom jiġu maqbula mill-Kumitat tat-Tmexxija.

6.   Ir-Regoli ta’ Proċedura tal-Bord għandhom jiġu adottati mill-Kumitat tat-Tmexxija.

Artikolu 8

Is-Segretarjat

1.   Is-Segretarjat Ġenerali tal-Kunsill għandu jaġixxi bħala s-Segretarjat tal-KESD.

Il-persunal għandu jkun ipprovdut mis-Segretarjat Ġenerali tal-Kunsill, mill-Istati Membri u mill-istituti li jiffurmaw in-netwerk tal-KESD.

2.   Is-Segretarjat għandu jassisti lill-Kumitat tat-Tmexxija u lill-Bord Akkademiku Eżekuttiv, iwettaq ix-xogħol amministrattiv u konċettwali b’sostenn ta’ l-attivitajiet tagħhom, u jipprovdi sostenn għall-organizzazzjoni ta’ l-attivitajiet tat-taħriġ tal-KESD.

3.   Is-Segretarjat għandu b’mod partikolari:

(a)	ikun responsabbli mill-amministrazzjoni u l-koordinazzjoni tal-programmi ta’ ħidma u ta’ taħriġ tal-KESD, u

(b)	ikun il-punt ewlieni ta’ kuntatt għall-istituti u korpi oħrajn involuti fin-netwerk tal-kulleġġ kif ukoll għall-entitajiet esterni u l-pubbliku.

Membru tal-persunal tas-Segretarjat għandu jaġixxi bħala Kap tal-KESD u jista’ jaġixxi wkoll bħala direttur tal-Kors ta’ Livell Għoli tal-PESD.

4.   Is-Segretarjat għandu jikkoopera mill-qrib mal-Kummissjoni.

Kull istitut li jifforma n-netwerk tal-KESD għandu jaħtar punt ta’ kuntatt mas-Segretarjat biex jittratta l-kwistjonijiet organizzattivi u amministrattivi marbutin ma’ l-organizzazzjoni ta’ l-attivitajiet tat-taħriġ tal-KESD.

Artikolu 9

Parteċipazzjoni fl-attivitajiet tat-taħriġ tal-KESD

1.   L-attivitajiet tat-taħriġ kollha tal-KESD għandhom ikunu miftuħin għall-parteċipazzjoni miċ-ċittadini ta’ l-Istati Membri kollha u ta’ l-Istati aderenti. L-istituti li jorganizzaw u jwettqu dawn l-attivitajiet għandhom jiżguraw li dan il-prinċipju japplika mingħajr eċċezzjoni.

L-attivitajiet tat-taħriġ tal-KESD għandhom fil-prinċipju jkunu miftuħin għall-parteċipazzjoni taċ-ċittadini tal-pajjiżi kandidati u, jekk ikun il-każ, ta’ Stati terzi.

2.   Il-parteċipanti għandhom ikunu persunal ċivili u militari li jittrattaw aspetti strateġiċi fil-qasam tal-PESD.

Rappreżentanti ta’, fost oħrajn, organizzazzjonijiet internazzjonali, organizzazzjonijiet non-governattivi, istituzzjonijiet akkademiċi u l-mezzi tax-xandir u l-istampa, kif ukoll membri tal-komunità kummerċjali, jistgħu jkunu mistiedna jipparteċipaw fl-attivitajiet tat-taħriġ tal-KESD.

3.   Parteċipant li jkun temm kors tal-KESD għandu jingħata ċertifikat iffirmat mis-SĠ/RGħ. Il-modalitajiet taċ-ċertifikat għandhom jiġu deċiżi mill-Kumitat tat-Tmexxija. Iċ-ċertifikat għandu jkun rikonoxxut mill-Istati Membri u mill-istituzzjonijiet ta’ l-UE.

Artikolu 10

Kooperazzjoni

Il-KESD għandu jikkoopera ma’ u jutilizza l-kompetenza ta’ organizzazzjonijiet internazzjonali u atturi rilevanti oħrajn, bħalma huma l-istituti tat-taħriġ nazzjonali ta’ Stati terzi.

Artikolu 11

Finanzjament

1.   Kull Stat Membru, istituzzjoni ta’ l-UE, aġenzija ta’ l-UE u istitut li jifforma n-netwerk tal-KESD għandu jerfa’ l-ispejjeż kollha marbutin mal-parteċipazzjoni tiegħu fil-KESD, inkluż is-salarji, indennitajiet, infiq ta’ l-ivvjaġġar u sussistenza u spejjeż marbutin mas-sostenn organizzattiv u amministrattiv ta’ l-attivitajiet tat-taħriġ tal-KESD.

2.   L-Istati Membri u l-istituti li jiffurmaw in-netwerk tal-KESD għandhom jerfgħu l-ispejjeż marbutin mal-persunal li jipprovdi lis-Segretarjat, inkluż is-salarji, l-indennitajiet u l-infiq ta’ l-ivvjaġġar u sussistenza u l-ispejjeż ta’ l-akkomodazzjoni meta jkun fuq missjoni.

3.   Is-Segretarjat Ġenerali tal-Kunsill għandu jerfa’ l-ispejjeż kollha li jirriżultaw minn u marbutin mal-kompiti tiegħu kif stabbiliti fl-Artikolu 8, inkluż tal-persunal li jipprovdi.

4.   Kull parteċipant fl-attivitajiet tat-taħriġ tal-KESD għandu jerfa’ l-ispejjeż kollha marbutin mal-parteċipazzjoni tiegħu.

5.   Għal attivitajiet speċifiċi ta’ finanzjament, partikolarment l-iżvilupp, il-ħolqien u t-tħaddim ta’ applikazzjonijiet jew netwerks tas-sistema ta’ l-informazzjoni għall-KESD, kif hemm imsemmi fl-Artikolu 4(3), il-kontribuzzjonijiet volontarji mill-Istati Membri u l-istituti li jiffurmaw in-netwerk tal-KESD għandhom ikunu amministrati mis-Segretarjat Ġenerali tal-Kunsill bħala introjtu riżervat.

6.   L-arranġamenti prattiċi għall-kontribuzzjonijiet imsemmijin fil-paragrafu 5 għandhom jiġu deċiżi mill-Kumitat tat-Tmexxija.

Artikolu 12

Regolamenti tas-sigurtà

Ir-regolamenti tas-sigurtà tal-Kunsill stabbiliti fid-Deċiżjoni tal-Kunsill 2001/264/KE tad-19 ta’ Marzu 2001 li tadotta r-regolamenti tal-Kunsill rigward is-sigurtà (2) għandhom japplikaw għall-attivitajiet tal-KESD.

Artikolu 13

Reviżjoni

Din l-Azzjoni Konġunta għandha tiġi rieżaminata u riveduta kif jixraq fid-dawl ta’ studju dwar il-perspettivi futuri tal-KESD u l-implikazzjonijiet possibbli tagħhom. L-istudju għandu jittratta wkoll aspetti bħas-Segretarjat, il-kapaċitajiet tal-persunal, it-tmexxija tas-sistema ta’ tagħlim permezz ta’ l-Internet (IDL), il-faċilitajiet għall-konferenzi, l-arranġamenti finanzjarji, il-ġestjoni u l-koordinazzjoni tat-taħriġ tal-PESD fil-livell ta’ l-UE, u l-bilanċ bejn iċ-ċivili u l-militar fin-netwerk tal-KESD, li għandhom jitħejjew mis-Segretarjat Ġenerali tal-Kunsill u jiġu ppreżentati mill-Presidenza lill-Kunsill sa Novembru 2008.

Barra minn hekk din l-Azzjoni Konġunta għandha tiġi rieżaminata u riveduta kif meħtieġ sa mhux aktar tard mill-31 ta’ Diċembru 2011.

Artikolu 14

Revoka

L-Azzjoni Konġunta tal-Kunsill 2005/575/PESK hija b’dan revokata.

Artikolu 15

Dħul fis-seħħ

Din l-Azzjoni Konġunta għandha tidħol fis-seħħ fil-jum ta’ l-adozzjoni tagħha.

Artikolu 16

Pubblikazzjoni

Din l-Azzjoni Konġunta għandha tiġi ppubblikata fil-Ġurnal Uffiċjali ta’ l-Unjoni Ewropea.

---

(1)  ĠU L 194, 26.7.2005, p. 15.

(2)  ĠU L 101, 11.4.2001, p. 1. Id-Deċiżjoni kif emendata l-aħħar bid-Deċiżjoni 2007/38/KE (ĠU L 164, 26.6.2007, p. 24).

---

4.7.2008

MT

Il-Ġurnal Uffiċjali ta’ l-Unjoni Ewropea

L 176/25

---

Rettifika għar-Regolament tal-Kunsill (KE) Nru 40/2008 tas-16 ta' Jannar 2008 li jistabbilixxi għall-2008 l-opportunitajiet ta' sajd u l-kondizzjonijiet assoċjati magħhom għal ċerti stokkijiet ta' ħut u gruppi ta' stokkijiet ta' ħut, applikabbli fl-ilmijiet tal-Komunità u, għal bastimenti Komunitarji f'ilmijiet fejn huma meħtieġa limiti ta' qbid

( Il-Ġurnal Uffiċjali ta' l-Unjoni Ewropea L 19, tat-23 ta' Jannar 2008 )

F'paġni 29 u 30 fl-Anness I, f'paġna 61 fl-Anness IA (darbtejn) u f'paġna 95 fl-Anness IB:

minflok:

“Molva dypterigia”

aqra:

“Molva dypterygia”.

F'paġna 32 fl-Anness IA, Speċi: Ċiċċirell, Żona IIIa; l-ilmijiet tal-KE ta' IIa u IV SAN/2A3A4

minflok:

aqra:

F'paġna 47 fl-Anness IA, Speċi: Megrims, Żona : VIIIc, IX u X; l-ilmijiet tal-KE taż-żona CECAF 31.1.1 LEZ/8C3411

minflok:

“CECAF 31.1.1”,

aqra:

“CECAF 34.1.1”.

F'paġna 56 fl-Anness IA, Speċi: Merlangu, Żona: IX u X; l-ilmijiet tal-KE taż-żona CECAF 31.1.1 WHG/9/3411

minflok:

“CECAF 31.1.1”,

aqra:

“CECAF 34.1.1”.

F'paġna 61 fl-Anness IA, Speċi: Linarda, Żona: l-ilmijiet tal-KE ta' VIa fit-Tramuntana ta' 56o30'N u VIb BLI/6AN6B, nota ta' qiegħ il-paġna

minflok:

aqra:

F'paġna 63 fl-Anness IA, Speċi: Lipp, Żona: l-ilmijiet tal-KE fiż-żoni IIa, IV, Vb, VI u VII LIN/2A47-C, nota ta' qiegħ il-paġna (3)

minflok:

aqra:

F'paġna 75 fl-Anness IA, Speċi: Rebekkini u Raj, Żona: l-ilmijiet tal-KE ta' IIa u IV SRX/2AC4-C, tiżdied nota ta' qiegħ il-paġna (2):

minflok:

aqra:

F'paġna 77 fl-Anness IA, Speċi: Kavall, Żona IIIa and IV; l-ilmijiet tal-KE ta' IIa, IIIb, IIIc u IIId MAC/2A34, nota ta' qiegħ il-paġna 1: kodiċi

minflok:

“(MAC/*04-N)”,

aqra:

“(MAC/*04N-)”.

F'paġna 95 fl-Anness IB, Speċi: Faroese waters WHB/05B-F

minflok:

aqra:

F'paġna 104, Anness IC, Speċi: Barbun tat-tbajja’ Amerikan, Żona: NAFO3LNO, kodiċi

minflok:

aqra:

F'paġna 118, Anness IIA, Punt 5.5

minflok:

“…u jiġi allokat jiem fuq il-baħar skond il-punt 15 ta' dan l-Anness”,

aqra:

“… u jiġi allokat jiem fuq il-baħar skond il-punti 15 jew 16 ta' dan l-Anness”.

F'paġna 122, Anness IIA, Punt 11.1

minflok:

“4.1(d)/8.2(c)”,

aqra:

“4.1(d)/8.3(g)”.

F'paġna 124, Anness IIA, Numru massimu ta' jiem fl-2008 li fihom bastiment jista' jkun preżenti f'żona skond it-tagħmir tas-sajd, ħamens kolonna, l-ewwel linja, punt 2.1.b, (ii)

minflok:

aqra:

F'paġna 135, Anness IIB, Punt 4.3

minflok:

“…u jiġi allokat jiem fuq il-baħar skond il-punt 13 ta' dan l-Anness”,

aqra:

“…u jiġi allokat jiem fuq il-baħar skond il-punti 12 jew 13 ta' dan l-Anness”.

F'paġna 139, Anness IIB, Punt 13

minflok:

“…japplikaw l-istess dispożizzjonijiet kif stabbiliti fil-punti 4.1, 4.4, 6 u 12.”,

aqra:

“…japplikaw l-istess dispożizzjonijiet kif stabbiliti fil-punti 4.2, 4.3, 6 u 12.”.

F'paġna 143, Anness IIC, Punt 4.4

minflok:

“…jiġi allokat jiem fuq il-baħar skond il-punt 13 ta' dan l-Anness.”,

aqra:

“…jiġi allokat jiem fuq il-baħar skond il-punti 11 jew 12 ta' dan l-Anness.”.

F'paġna 157, Anness III, punt 10

minflok:

aqra:

F'paġna 159, Anness III, punt 13. Miżuri interim għall-ħarsien ta' ħabitats vulnerabbli tal-baħar fond, sub-punt 13.1, Hatton Bank

minflok:

“Hatton Bank: — 59° 26′ N, 14° 30′ W — 59° 12′ N, 15° 08′ W — 59° 01′ N, 17° 00′ W — 58° 50′ N, 17° 38′ W — 58° 30′ N, 17° 52′ W — 58° 30′ N, 18° 45′ W — 58° 47′ N, 18° 37′ W — 59° 05′ N, 17° 32′ W — 59° 16′ N, 17° 20′ W — 59° 22′ N, 16° 50′ W — 59° 21′ N, 15° 40′ W — 58° 30′ N, 18° 45′ W — 57° 45′ N, 19° 15′ W — 57° 55′ N, 17° 30′ W — 58° 03′ N, 17° 30′ W — 58° 03′ N, 18° 22′ W — 58° 30′ N, 18° 22′ W”,

aqra:

“Hatton Bank — 59° 26′ N, 14° 30′ W — 59° 12′ N, 15° 08′ W — 59° 01′ N, 17° 00′ W — 58° 50′ N, 17° 38′ W — 58° 30′ N, 17° 52′ W — 58° 30′ N, 18° 22′ W — 58° 03′ N, 18° 22′ W — 58° 03′ N, 17° 30′ W — 57° 55′ N, 17° 30′ W — 57° 45′ N, 19° 15′ W — 58° 30′ N, 18° 45′ W — 58° 47′ N, 18° 37′ W — 59° 05′ N, 17° 32′ W — 59° 16′ N, 17° 20′ W — 59° 22′ N, 16° 50′ W — 59° 21′ N, 15° 40′ W”.

F'paġna 168, Appendiċi 3 għall-Anness III, titolu

minflok:

aqra:

---

(1)  Esklużi ilmijiet sa 6 mili mil-linji bażi tar-Renju Unit f'Shetland, Fair Isle u Foula

(2)  Il-kwota jista' jsir sajd għaliha fl-ilmijiet tal-KE taż-żoni ICES IIa, IIIa u IV biss. Minbarra d-Danimarka, ir-Renju Unit u l-Iżvezja.

(3)  Li għandhom jinqabdu fiż-żona IV.”

(4)  Esklużi ilmijiet sa 6 mili mil-linji bażi tar-Renju Unit f'Shetland, Fair Isle u Foula

(5)  Għal din il-kwota jista' jsir sajd fl-ilmijiet tal-KE ICES żoni IIa, IIIa u IV biss.

(6)  Minbarra d-Danimarka u r-Renju Unit. Għal din il-kwota jista' jsir sajd fl-ilmijiet tal-KE ICES żoni IIa, IIIa u IV. Madankollu, l-Iżvezja tista' tistad fi IIIa u fl-ilmijiet tal-KE ta' IIa u IV.

(7)  Li għandhom jinqabdu fiż-żona IV.”

(8)  Il-qabdiet tar-Raja cuckoo (Leucoraja naevus) (RJN/2AC4-C), ir-Raja tal-fosos (Raja clavata) (RJC/2AC4-C), il-Blonde ray (Raja brachyuran) (RJH/2AC4-C), ir-Raja imtektka (Raja montagui) (RJM/2AC4-C), ir-Raja starry (Amblyraja radiate) (RJR/2AC4-C) u r-Rebekkin Komuni (Dipturus batis) (RJB/2AC4-C) għandhom jiġu rapportati separatament.”

(9)  Il-qabdiet tar-Raja cuckoo (Leucoraja naevus) (RJN/2AC4-C), ir-Raja tal-fosos (Raja clavata) (RJC/2AC4-C), il-Blonde ray (Raja brachyuran) (RJH/2AC4-C), ir-Raja imtektka (Raja montagui) (RJM/2AC4-C), ir-Raja starry (Amblyraja radiate) (RJR/2AC4-C) u r-Rebekkin Komuni (Dipturus batis) (RJB/2AC4-C) għandhom jiġu rapportati separatament.

(10)  Kwota ta' qabdiet inċidentali. Dawn l-ispeċi m'għandhomx jikkonsistu f'aktar minn 25 % tal-piż ħaj tal-qabda miżmuma abbord. Din il-kondizzjoni tapplika biss għall-bastimenti ta' tul komplessiv ta' aktar minn 15 m.”

(11)  TAC maqbul mill-KE, mill-Gżejjer Faroe, min-Norveġja u mill-Iżlanda.”

(12)  TAC maqbul mill-KE, mill-Gżejjer Faroe, min-Norveġja u mill-Iżlanda.”

---