28.5.2008   

MT

Il-Ġurnal Uffiċjali ta’ l-Unjoni Ewropea

L 138/1

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

28.5.2008   

MT

Il-Ġurnal Uffiċjali ta’ l-Unjoni Ewropea

L 138/3

(1)

Ir-Regolament tal-Kummissjoni (KE) Nru 85/2004 (2) jipprovdi b’mod partikolari għal tnaqqis fid-daqs minimu mill-1 ta’ Ġunju 2008 sabiex ikun hemm konsistenza ma’ l-istandard għat-tuffieħ UNECE-FFV-50 tal-Kummissjoni Ekonomika għall-Ewropa tan-Nazzjonijiet Uniti. Madankollu, dak l-istandard ġie emendat u d-dispożizzjonijiet dwar id-daqs għandhom jiġu aġġornati skond dan.

(2)

Sabiex ikun evitat kwalunkwe konflitt mal-liġi kummerċjali, kull referenza għall-ismijiet kummerċjali għandha titħassar mil-lista tal-varjetajiet ta’ tuffieħ stipulata fl-Appendiċi għall-Anness għar-Regolament (KE) Nru 85/2004.

(3)

Jeħtieġ ukoll li l-lista tal-varjetajiet tiġi riveduta, sabiex tiffaċilita l-ispezzjonijiet. B’riżultat ta’ dan, irid jiżdied is-sinonimu “Renetta del Canada” għall-varjetà “Reinette blanche du Canada” u l-varjetà ta’ tuffieħ “Zarja Alatau” trid tkun inkluża fl-istess lista.

(4)

Ir-Regolament (KE) Nru 85/2004 għandu għalhekk jiġi emendat skond dan.

(5)

Il-miżuri pprovduti b'dan ir-Regolament huma skond l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

28.5.2008   

MT

Il-Ġurnal Uffiċjali ta’ l-Unjoni Ewropea

L 138/12

(1)

Id-Direttiva 2006/88/KE tistipula r-rekwiżiti ta’ saħħa li jridu jiġu applikati għat-tqegħid fis-suq, l-importazzjoni u l-ġarr ta’ annimali ta’ l-akkwakultura u prodotti tagħhom, u miżuri preventivi minimi intiżi li jkabbru l-kuxjenza u jippreparaw lill-awtoritajiet kompetenti, lill-operaturi tan-negozji tal-produzzjoni ta’ l-akkwakultura u oħrajn relatati ma’ din l-industrija, għall-mard f’annimali ta’ l-akkwakultura.

(2)

Sabiex tissaħħaħ il-prevenzjoni ta’ preżenza u tixrid tal-mard imniżżel fl-Anness IV tad-Direttiva 2006/88/KE, l-informazzjoni fuq in-negozji tal-produzzjoni ta’ l-akkwakultura u l-istabbilimenti awtorizzati ta’ l-ipproċessar, speċjalment fuq l-ispeċi miżmuma u l-istat ta’ saħħithom, għandha ssir disponibbli elettronikament mill-Istati Membri.

(3)

Id-data bħalissa hi disponibbli għall-pubbliku fir-reġistri miżmuma mill-Istati Membri skond l-Artikolu 6 tad-Direttiva 2006/88/KE.

(4)

Sabiex tiġi ffaċilitata l-interoperabbiltà tas-sistemi ta' l-informazzjoni u l-użu tal-proċeduri b'mezzi elettroniċi bejn l-Istati Membri, u sabiex tiġi żgurata trasparenza u ċarezza, huwa importanti li l-informazzjoni fuq in-negozji tal-produzzjoni ta’ l-akkwakultura u l-istabbilimenti awtorizzati ta’ l-ipproċessar tiġi ppreżentata b'mod uniformi madwar il-Komunità. Paġna ta’ informazzjoni fuq l-Internet hija, teknikament, l-iktar soluzzjoni fattibbli, minħabba li tiżgura aċċess faċli għal informazzjoni bħal din u ma tinvolvix wisq riżorsi. Għaldaqstant, irid jitfassal mudell ta’ kif se tkun imqassma din il-paġna ta' informazzjoni fuq l-Internet.

(5)

L-Anness II tad-Direttiva 2006/88/KE jistabbilixxi l-informazzjoni li jeħtieġ tidher fir-reġistru tan-negozji tal-produzzjoni ta’ l-akkwakultura u ta’ l-istabbilimenti awtorizzati ta’ l-ipproċessar. Minħabba li l-għan tal-paġna ta’ informazzjoni fuq l-Internet hu li tiffaċilita l-interoperabbiltà ta’ l-informazzjoni rilevanti mniżżla fir-reġistri tan-negozji tal-produzzjoni ta’ l-akkwakultura stabbilita mill-Istati Membri, il-websajt mhux bilfors għandha tinkludi dik l-informazzjoni kollha. Madankollu għandha tinkludi l-informazzjoni kollha li hi rilevanti biex jiġu identifikati kwalunkwe restrizzjonijiet fil-kummerċ ikkawżati mill-istat differenti ta’ saħħa.

(6)

Id-Direttiva 2006/88/KE tistpula li, permezz ta’ deroga mir-rekwiżit ta’ awtorizzazzjoni mniżżel f’dik id-Direttiva, l-Istati Membri jistgħu jirrikjedu biss ir-reġistrazzjoni mill-awtorità kompetenti ta’ stallazzjonijiet oħra minbarra n-negozji tal-produzzjoni ta’ l-akkwakultura fejn l-annimali akkwatiċi jinżammu mingħajr il-ħsieb li jitqiegħdu fis-suq, żoni tas-sajd riġenerati artifiċjalment, u negozji tal-produzzjoni ta' l-akkwakultura li jaqdu lill-konsumaturi lokali.

(7)

Ir-riskju ta’ tixrid tal-mard ta’ annimali akkwatiċi li jġibu magħhom l-istallazzjonijiet, żoni tas-sajd riġenerati artifiċjalment, u negozji tal-produzzjoni ta' l-akkwakultura li, permezz ta’ deroga mill-Artikolu 4(1) tad-Direttiva 2006/88/KE, huma reġistrati mill-awtorità kompetenti, ivarja skond in-natura, il-karatteristiċi u l-lokazzjoni tagħhom. L-Istati Membri, għalhekk, għandhom jiddeċiedu dwar sa liema punt għandha tiġi inkluża fil-paġna ta’ informazzjoni fuq l-Internet l-informazzjoni dwar l-istallazzjonijiet, żoni tas-sajd riġenerati artifiċjalment, u negozji tal-produzzjoni ta' l-akkwakultura.

(8)

Minħabba li għandu jingħata żmien biżżejjed lill-Istati Membri biex jikkompletaw il-paġna ta’ informazzjoni fuq l-Internet bl-informazzjoni rilevanti fuq in-negozji tal-produzzjoni ta’ l-akkwakultura u l-istabbilimenti awtorizzati ta’ l-ipproċessar, għandu jiġi stipulat li l-informazzjoni trid tkun disponibbli sa mhux aktar tard mill-31 ta’ Lulju 2009.

(9)

Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

(a)

L-Anness I għan-negozji tal-produzzjoni ta’ l-akkwakultura li jikkultivaw il-ħut;

(b)

L-Anness II għan-negozji tal-produzzjoni ta’ l-akkwakultura li jikkultivaw il-molluski;

(ċ)

L-Anness III għan-negozji tal-produzzjoni ta’ l-akkwakultura li jikkultivaw il-krustaċji;

(d)

L-Anness IV għall-istabbilimenti awtorizzati ta’ l-ipproċessar li joqtlu l-annimali ta’ l-akkwakultura għal raġunijiet ta’ kontroll ta’ mard, li hemm referenza għalihom fl-Artikolu 4(2) tad-Direttiva 2006/88/KE.

28.5.2008   

MT

Il-Ġurnal Uffiċjali ta’ l-Unjoni Ewropea

L 138/21

(1)

Skond id-Direttiva 95/46/KE, l-Istati Membri għandhom jassiguraw li t-trasferiment ta’ data personali lejn pajjiż terz isir biss jekk il-pajjiż terz ikkonċernat jassigura livell adegwat ta’ protezzjoni u kif ukoll jekk qabel ma jsir it-trasferiment tintlaħaq konformità mal-liġijiet ta’ l-Istati Membri li jimplimentaw dispożizzjonijiet oħra tad-Direttiva.

(2)

Il-Kummissjoni tista’ tikkonkludi li pajjiż terz jassigura livell adegwat ta’ protezzjoni. F’dak il-kaz, tista’ tiġi trasferita data personali mill-Istati Membri mingħajr ma jkunu meħtieġa garanziji addizzjonali.

(3)

Skond id-Direttiva 95/46/KE il-livell ta’ protezzjoni tad-data għandu jkun evalwat fid-dawl taċ-ċirkustanzi kollha li jikkonċernaw operazzjoni ta’ trasferiment ta’ data jew grupp ta’ operazzjonijiet ta’ trasferiment ta’ data filwaqt li tingħata attenzjoni partikolari għal ċerti elementi importanti għat-trasferiment u elenkati fl-Artikolu 25(2) tagħha.

(4)

Minħabba d-diversi approċċi li pajjiżi terzi għandhom fir-rigward tat-trasferiment tad-data, l-evalwazzjoni ta’ l-adegwatezza għandha titwettaq, u kwalunkwe deċiżjoni bbażata fuq l-Artikolu 25(6) tad-Direttiva 95/46/KE għandha ssir u tkun infurzata, b’mod li ma toħloqx diskriminazzjoni arbitrarja jew mingħajr ġustifikazzjoni kontra jew bejn pajjiżi terzi li fihom ikun hemm kundizzjonijiet simili, u lanqas ma sservi ta’ ostaklu moħbi għall-kummerċ, filwaqt li tingħata kunsiderazzjoni għall-impenji internazzjonali preżenti tal-Komunità.

(5)

Il-Bailiwick ta’ Jersey hija waħda mid-dipendenzi tal-Kuruna Brittanika (mingħajr ma hi parti mir-Renju Unit u lanqas kolonja) li tgawdi indipendenza totali, ħlief għar-relazzjonijiet internazzjonali u d-difiża li huma r-responsabbiltà tal-Gvern tar-Renju Unit. Għaldaqstant il-Bailiwick ta’ Jersey għandha tkun ikkunsidrata bħala pajjiż terz skond it-tifsira tad-Direttiva 95/46/KE.

(6)

B’effett mill-1951 u l-1987 rispettivament, ir-ratifika tar-Renju Unit tal-Konvenzjoni Ewropea dwar id-Drittijiet tal-Bniedem u l-Konvenzjoni tal-Kunsill ta’ l-Ewropa dwar il-Protezzjoni ta’ l-Individwi fir-rigward ta’ l-ipproċessar awtomatiku tad-data personali (Konvenzjoni Nru 108) ġew estiżi għall-Bailiwick ta’ Jersey.

(7)

Fir-rigward tal-Bailiwick ta’ Jersey, l-istandards legali dwar il-protezzjoni tad-data personali fil-biċċa l-kbira bbażati fuq l-istandards stabbiliti fid-Direttiva 95/46/KE ġew stipulati fid-Data Protection (Jersey) Law 1987, li daħlet fis-seħħ fil-11 ta’ Novembru 1987 u żewġ liġijiet anċillari, id-Data Protection (Amendment) (Jersey) Law 2005, u d-Data Protection (Jersey) Law 2005 (Appointed Day) Act 2005.

(8)

Ġiet adottata wkoll leġiżlazzjoni sekondarja taħt l-awtorità tad-Data Protection (Jersey) Law, fl-2005, li tistabbilixxi regoli speċifiċi dwar kwistjonijiet bħall-aċċess tas-suġġett, l-ipproċessar ta’ data sensittiva u n-notifikar ta’ l-awtorità dwar il-protezzjoni tad-data  (3).

(9)

L-istandards legali applikabbli f’Jersey jkopru l-prinċipji bażiċi neċessarji għal livell adegwat ta’ protezzjoni għal persuni naturali. L-applikazzjoni ta’ dawn l-istandards hija garantita b’rimedji ġudizzjarji u b’superviżjoni indipendenti magħmula mill-awtorità, il-Kummissarju tal-Protezzjoni tad-Data, li huwa vestit b’poteri ta’ investigazzjoni u b’poter li jintervjeni.

(10)

Għaldaqstant Jersey għandha tiġi kkunsidrata li toffri livell adegwat ta’ protezzjoni għad-data personali, li ssir referenza għalih fid-Direttiva 95/46/KE.

(11)

Fl-interess tat-trasparenza u sabiex tiġi mħarsa l-abilità ta’ l-awtoritajiet kompetenti fl-Istati Membri sabiex jiggarantixxu l-protezzjoni tad-data ta’ l-individwi fejn jidħol l-ipproċessar tad-data personali tagħhom, huwa neċessarju li jiġu speċifikati l-kundizzjonijiet eċċezzjonali fejn tkun ġustifikata s-sospensjoni ta’ trażmissjoni speċifika ta’ data minkejja li jinstab li jkun hemm protezzjoni adegwata.

(12)

Il-miżuri miktuba f’din id-Deċiżjoni huma konformi ma’ l-opinjoni tal-Kumitat imwaqqaf bl-Artikolu 31(1) tad-Direttiva 95/46/KE,

(a)

Fejn awtorità kompetenti ta’ Jersey tkun ikkonkludiet li riċevent ikun fi ksur ta’ l-istandards applikabbli ta’ protezzjoni; jew

(b)

fejn ikun hemm probabbiltà sostanzjali li l-istandards tal-protezzjoni qed jiġu miksura, ikun hemm raġunijiet biżżejjed biex wieħed jaħseb illi l-awtorità kompetenti ta’ Jersey mhux qed tieħu, jew mhix se tieħu l-passi li huma xierqa u fil-ħin sabiex issolvi l-każ ikkonċernat, it-tkomplija tat-trasferiment tkun toħloq periklu imminenti ta’ ħsara kbira għas-suġġetti tad-data u l-awtoritajiet kompetenti fl-Istati Membri jkunu għamlu dak kollu li hu xieraq sabiex jinnotifikaw lill-parti responsabbli għall-ipproċessar stabbilita f’Jersey u taw ċans biżżejjed għal risposta.