17.5.2008   

MT

Il-Ġurnal Uffiċjali ta’ l-Unjoni Ewropea

L 129/1

(1)

Bir-Regolament (KE) Nru 1212/2005 il-Kunsill impona dazju definittiv kontra d-dumping fuq importazzjonijiet fil-Komunità ta’ prodotti tal-ħadid fondut li ma jistax jinħadem tat-tip użat biex jgħatti sistemi fl-art jew taħt l-art u partijiet tagħhom, u/jew jagħti aċċess għalihom, kemm jekk ikunu maħdumin bil-magni, miksijin jew miżbugħin jew iffitjati b’materjali oħra, minbarra idranti tat-tifi tan-nar, jew le, li joriġinaw mir-Repubblika Popolari taċ-Ċina (RPĊ) (“il-prodott ikkonċernat”), normalment ikklassifikat bil-kodiċijiet NM 7325 10 50, 7325 10 92 u ex 7325 10 99 (Kodiċi Taric 7325109910). Minħabba l-għadd kbir ta’ partijiet li kkooperaw, ġie magħżul kampjun ta’ produtturi esportaturi Ċiniżi matul l-investigazzjoni li wasslet għall-impożizzjoni tal-miżuri.

(2)

Il-kumpaniji magħżula ngħataw ir-rati individwali tad-dazju stabbiliti matul l-investigazzjoni. Il-kumpaniji li kkooperaw, iżda li ma kinux fil-kampjun, li ngħataw trattament ta’ ekonomija tas-suq (“MET”), skond id-dispożizzjonijiet ta’ l-Artikolu 2(7) tar-Regolament bażiku, ingħataw id-dazju tad-dumping ta’ 0 % stabbilit għall-UNIKA kumpanija fil-kampjun li ngħatat MET. Il-kumpaniji li kkooperaw, iżda li ma kinux fil-kampjun, li ngħataw trattament individwali (“TI”), skond id-dispożizzjonijiet ta’ l-Artikolu 95(5) tar-Regolament bażiku, ingħataw id-dazju medju differenzjat ta’ 28,6 % stabbilit għall-kumpaniji fil-kampjun li ngħataw TI. Rata ta’ dazju komuni għall-pajjiż kollu ta’ 47,8 % ġiet imposta fuq il-kumpaniji l-oħra kollha.

(3)

L-Artikolu 1(4) tar-Regolament (KE) Nru 1212/2005 jagħti l-possibilità lill-produtturi esportaturi Ċiniżi li jissodisfaw l-erba’ kriterji stipulati fl-istess Artikolu li jirċievu l-istess trattament bħal dik imsemmija fil-premessa (2) hawn fuq għall-kumpaniji li kooperaw iżda li mhux inklużi fil-kampjun (“trattament ta’ produttur esportatur ġdid” jew “NEPT” (“New Exporting Producer Treatment”)).

(4)

Disa’ kumpaniji addizzjonali talbu li jingħataw NEPT.

(5)

Sar eżami biex jiġi stabbilit jekk kull applikant jissodisfax il-kriterji biex jingħata n-NEPT kif stipulat fl-Artikolu 1(4) tar-Regolament tal-Kunsill (KE) Nru 1212/2005, billi ġie vverifikat li:

(6)

Billi r-raba’ kriterju jimplika li l-applikanti jibagħtu talba għal MET jew TI, il-Kummissjoni bagħtet formoli ta’ rikjesta għal MET u TI lill-applikanti Ċiniżi kollha. Il-kumpaniji Ċiniżi applikanti talbu MET skond l-Artikolu 2(7) tar-Regolament bażiku.

(7)

Fil-qosor, u għal faċilità ta’ referenza biss, il-kriterji ta’ l-MET qed jingħataw f’forma mqassra hawn taħt:

(8)

Intbagħat kwestjonarju lill-applikanti kollha li ntalbu jipprovdu evidenza sabiex juru li ssodisfaw it-tliet kriterji msemmija hawn fuq.

(9)

Il-produtturi esportaturi li jissodisfaw dawn il-kriterji jistgħu jingħataw ir-rata ta’ dazju applikabbli għall-kumpaniji li kkooperaw iżda mhux inklużi fil-kampjun, skond l-Artikolu 1(4) tar-Regolament tal-Kunsill (KE) Nru 1212/2005.

(10)

Kumpanija waħda Ċiniża li talbet NEPT ma bagħtet ebda tweġiba għall-kwestjonarju u kumpanija waħda ma bagħtet ebda tweġiba għall-ittra ta’ nuqqasijiet fit-tweġiba tagħha tal-kwestjonarju. Għalhekk ma kienx possibbli li jiġi vverifikat jekk dawn il-kumpaniji jissodisfawx il-kriterji stipulati fl-Artikolu 1(4) tar-Regolament tal-Kunsill (KE) Nru 1212/2005, u t-talba tagħhom kellha tiġi miċħuda. Dawn il-kumpaniji ġew infurmati li l-applikazzjoni tagħhom ma kinitx se tiġi kkunsidrata aktar, u ngħataw l-opportunità li jikkummentaw. Ma wasal ebda kumment.

(11)

Seba’ kumpaniji bagħtu tweġibiet sħaħ għall-kwestjonarji. Il-Kummissjoni fittxet u vverifikat it-tagħrif kollu li qieset meħtieġ għall-iskop tad-determinazzjoni tar-raba’ kriterju (MET/TI) stipulat fl-Artikolu 1(4) tar-Regolament tal-Kunsill (KE) Nru 1212/2005. Saru żjarat ta’ verifika fuq il-post fis-seba’ kumpaniji li ġejjin:

(12)

Għal kull waħda mis-seba’ kumpaniji li żaret, ġie vverifikat jekk l-erba’ kriterji msemmija fil-premessa (5) ġewx sodisfatti.

(13)

Għal żewġ produtturi esportaturi Ċiniżi, Maikesaier u Yuehai, l-eżami tat-tagħrif mibgħut wera li kienu taw biżżejjed evidenza biex juru li jissodisfaw l-erba’ kriterji stipulati fl-Artikolu 1 (4) tar-Regolament (KE) Nru 1212/2005 u, fir-rigward ta’ l-aħħar kriterju, li jissodisfaw il-ħames kundizzjonijiet għal MET. Għalhekk, dawn iż-żewġ produtturi jistgħu jingħataw ir-rata tad-dazju differenzjata għall-kumpaniji li ngħataw MET applikabbli għall-kumpaniji li kkooperaw iżda mhux inklużi fil-kampjun (jiġifieri 0 %) skond l-Artikolu 1(4) tar-Regolament (KE) Nru 1212/2005 u jiżdiedu mal-lista ta’ produtturi esportaturi ta’ l-Artikolu 1(2) ta’ dak ir-Regolament

(14)

Erba’ produtturi esportaturi Ċiniżi, Norlong, XianXian, Yan Yuan u Loiselet taw biżżejjed evidenza biex juru li jissodisfaw l-erba’ kriterji stipulati fl-Artikolu 1(4) tar-Regolament (KE) Nru 1212/2005. Madankollu, fir-rigward ta’ l-aħħar kriterju, ma setgħux juru li jissodisfaw il-kundizzjonijiet biex jingħataw MET.

(15)

Għal Norlong instab li kienet irċeviet rifużjoni sostanzjali għad-dritt ta’ l-użu ta’ art pubblika. Il-kriterju 3 għal MET għalhekk ma tqiesx li ġie sodisfatt. Ġie konkluż ukoll li fid-dawl tal-fatt li l-kriterju 3 ma setax jiġi sodisfatt, ma setgħetx issir id-determinazzjoni finali fir-rigward tal-kriterju 1. Madankollu, ma nstabitx evidenza li din il-kumpanija ma tissodisfax il-ħames kriterji għal TI.

(16)

Għal XianXian instab li ma setgħetx tissodisfa l-kriterji 1, 2 u 3 għal MET. Il-kumpanija ma tatx biżżejjed evidenza biex turi li hija taħdem f’kundizzjonijiet ta’ ekonomija tas-suq u li l-ispejjeż tagħha jirriflettu l-valuri tas-suq. Barra minn hekk, il-kumpanija nstabet li ma għandhiex ġabra waħda ċara ta’ standards ta’ kontabilità vverifikati f’konformità ma’ standards internazzjonali tal-verifika. Fl-aħħarnett, instab li l-kumpanija kienet kisbet kuntratti tal-kiri ta’ l-art bi prezzijiet abnormalment baxxi, kemm f’ċifri assoluti kif ukoll relattivi.

(17)

Instab li Yan Yuan ma tissodisfax il-kriterju 2 għal MET. Il-kontijiet ta’ l-2006 ta’ din il-kumpanija ma ġewx ivverifikati, f’nuqqas ta’ konformità mal-liġi Ċiniża u l-istandards internazzjonali tal-kontabilità, u nstabu wkoll irregolaritajiet oħra fil-kontijiet, notevolment il-fatt li l-materja prima tinxtara minn individwi privati mingħajr fatturi.

(18)

Għal Loiselet instab li l-kriterji 2 u 3 għal MET ma ġewx sodisfatti. Partikolarment, ġie stabbilit li l-biċċa l-kbira mill-assi ewlenin tal-kumpanija ma jidhrux fil-kontijiet tal-kumpanija. Deher ukoll li l-ftehim tal-kiri ta’ l-art u l-bini ta’ l-impjant ma kienx qed jiġi rispettat.

(19)

Fid-dawl tal-konklużjonijiet milħuqa dwar il-prassi ta’ XianXian, Yan Yuan u Loiselet fir-rigward tal-kontabilità, ma jistax jiġi konkluż li l-prezzijiet ta’ l-esportazzjoni tagħhom huma affidabbli biżżejjed biex jintużaw għal kalkolu tal-marġni individwali tad-dumping u għalhekk ma jistax jiġi konkluż jekk jissodisfawx it-tieni kriterju għal TI. L-erba’ kriterji l-oħra għal TI huma sodisfatti. Madankollu, meta jitqies li l-prezzijiet ta’ l-esportazzjoni tagħhom mhux se jintużaw biex jiġi kkalkulat il-marġni tad-dumping, jekk dawn it-tliet kumpaniji jaqgħu taħt ir-rata medja differenzjata tad-dazju ta’ 28,6 % kkalkulata għall-kumpaniji fil-kampjun li ngħataw TI fl-investigazzjoni oriġinali, jiġi konkluż li, fil-kuntest ta’ dan l-eżaminar, dawn il-kumpaniji jistgħu jingħataw l-istess trattament bħal dawk li jaqgħu taħt ir-rata tad-dazju medja differenzjata individwali.

(20)

Għalhekk, Norlong, XianXian, Yan Yuan u Loiselet jistgħu jingħataw ir-rata tad-dazju medja differenzjata għall-kumpaniji li ngħataw TI applikabbli għall-kumpaniji li kkooperaw iżda mhux inklużi fil-kampjun (jiġifieri 28,6 %) skond l-Artikolu 1(4) tar-Regolament tal-Kunsill (KE) Nru 1212/2005 u jiżdiedu mal-lista ta’ produtturi esportaturi ta’ l-Artikolu 1(2) ta’ dak ir-Regolament.

(21)

Wuxing instab li ma tax biżżejjed evidenza biex juri li huwa produttur tal-prodott ikkonċernat esportat lejn il-KE. Għalhekk, dan il-produttur ma ssodisfax it-tielet kriterju stipulat fl-Artikolu 1(4) tar-Regolament (KE) Nru 1212/2005, u għalhekk it-talba tiegħu għal NEPT ġiet miċħuda.

(22)

Wara li ġew ikkunsidrati s-sejbiet ta’ l-investigazzjoni kif indikati fil-premessa (13) hawn fuq, ġie konkluż li l-kumpaniji Maikesaier u Yuehai għandhom jiżdiedu mal-lista ta’ kumpaniji individwali msemmija fl-Artikolu 1(2) tar-Regolament (KE) Nru 1212/2005 b’rata tad-dazju ta’ 0 %.

(23)

Għall-kumpaniji Norlong, XianXian, Yan Yuan u Loiselet, fuq il-bażi tas-sejbiet ta’ l-investigazzjoni indikati mil-premessi (14) sa (20) hawn fuq, ġie konkluż li dawn l-erba’ kumpaniji għandhom jiżdiedu mal-lista ta’ kumpaniji individwali msemmija fl-Artikolu 1(2) tar-Regolament (KE) Nru 1212/2005 b’rata tad-dazju ta’ 28,6 %.

(24)

Il-kumpanija Wuxing, fid-dawl tas-sejbiet ta’ l-investigazzjoni kif indikati fil-premessa (21) hawn fuq, ma jistax jingħatalha NEPT u għalhekk għandha tibqa’ soġġetta għad-dazju residwali ta’ 47,8 % skond l-Artikolu 1(2) tar-Regolament (KE) Nru 1212/2005.

(25)

L-applikanti kollha u l-industrija Komunitarja ġew infurmati bis-sejbiet ta’ l-investigazzjoni u kellhom l-opportunità li jibagħtu l-kummenti tagħhom. Wara li ġew infurmati, waslu kummenti mingħand Norlong, XianXian u Loiselet. Ma ngħata ebda tagħrif ġdid li seta’ jwassal għal konklużjonijiet differenti għal dawn it-tliet kumpaniji,

17.5.2008   

MT

Il-Ġurnal Uffiċjali ta’ l-Unjoni Ewropea

L 129/6

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

17.5.2008   

MT

Il-Ġurnal Uffiċjali ta’ l-Unjoni Ewropea

L 129/8

(1)

Ir-Regolament tal-Kummissjoni (KEE) Nru 2273/93 tat-28 ta’ Lulju 1993 li jistabbilixxi ċ-ċentri ta’ l-intervent għaċ-ċereali (2) ġie emendat kemm-il darba (3) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Sabiex ikun assigurat li s-sistema ta’ l-intervent taħdem sewwa, l-għażla taċ-ċentri tal-intervent għandha tkun ibbażata fuq il-lokalità ġeografika u l-faċilitajiet għall-ħażna li jkunu jippermettu l-ġbir u l-bejgħ ta’ kwantitajiet sostanzjali ta’ ċereali.

(3)

Il-miżuri li hemm provvediment dwarhom f’dan ir-Regolament huma konformi ma’ l-opinjoni tal-Kumitat ta’ Ġestjoni għaċ-Ċereali,

(a)

il-pożizzjoni f’reġjuni li jkollhom produzzjoni apprezzabbli ta’ ċereali li tiskorri sostanzjalment id-domanda lokali jew regolari jew ta’ kultant, waqt li jitqiesu l-istrutturi ta’ l-agrikultura u tas-suq f’dak ir-reġjun;

(b)

l-eżistenza ta’ faċilitajiet sostanzjali għall-ħażna;

(ċ)

l-importanza speċjali bħala suq għall-oġġetti minn ġewwa u minbarra l-Komunità.

(a)

faċilitajiet tal-ħażna b’tagħmir tekniku li jippermetti l-wasla, l-immaniġġjar u l-ħatt ta’ kwantitajiet kbar biżżejjed ta’ ċereali b'mod kontinwu;

(b)

rotot favorevoli għat-trasport għall-wasla, u aktar importanti, għall-bejgħ taċ-ċereali.