23.4.2008   

MT

Il-Ġurnal Uffiċjali ta’ l-Unjoni Ewropea

L 111/1

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

23.4.2008   

MT

Il-Ġurnal Uffiċjali ta’ l-Unjoni Ewropea

L 111/3

(1)

Ir-Regolament (KE) Nru 999/2001 jistabbilixxi regoli għall-prevenzjoni, il-kontroll u l-eradikazzjoni ta’ ċerti enċifalopatiji sponġiformi li jinxterdu (TSEs) fl-annimali. Huwa japplika għall-produzzjoni u t-tqegħid fis-suq ta’ annimali ħajjin u prodotti li ġejjin mill-annimali u f’ċerti każijiet speċifiċi għall-esportazzjoni tagħhom.

(2)

L-Anness V tar-Regolament (KE) Nru 999/2001 jistabbilixxi r-regoli għat-tneħħija u r-rimi ta’ materjal speċifikat ta’ riskju.

(3)

Fatturi differenti jindikaw tendenza favorevoli fl-epidemija ta’ l-enċefalopatija sponġiformi bovina (BSE) u titjib ċar tas-sitwazzjoni fis-snin riċenti minħabba l-miżuri tat-tnaqqis tar-riskju fis-seħħ, b’mod partikolari l-projbizzjoni sħiħa ta’ l-għalf u t-tneħħija u l-qirda ta’ materjal speċifikat ta’ riskju.

(4)

Wieħed mill-għanijiet strateġiċi tar-Rotta Skedata tat-TSE tal-Kummissjoni, adottata fil-15 ta’ Lulju 2005 (2), huwa li tiżgura u żżomm il-livell attwali ta’ ħarsien tal-konsumatur billi tkompli tiżgura t-tneħħija bla periklu ta’ materjal speċifikat ta’ riskju iżda timmodifika l-lista jew l-età ta’ l-annimali għat-tneħħija ta’ materjal speċifikat ta’ riskju fuq il-bażi ta’ opinjonijiet xjentifiċi ġodda u li qed jevolvu.

(5)

Fl-opinjoni tagħha tad-19 ta’ April 2007 l-Awtorità Ewropea dwar is-Sigurtà fl-Ikel ikkonkludiet li fuq il-bażi ta’ l-għarfien xjentifiku attwali l-infettività li x’aktarx tista’ tiġi osservata fis-sistema nervuża ċentrali ta’ l-ifrat tidher f’madwar tliet kwarti tal-perjodu ta’ inkubazzjoni u jista’ jkun previst li l-infettività ma tkunx tista’ tiġi osservata mill-ewwel jew tkun għadha nieqsa fl-ifrat li għandhom 33 xahar.

(6)

L-età medja ta’ każijiet pożittivi għall-BSE rapportati fil-Komunità telgħet minn 86 għal 121 xahar bejn l-2001 u l-2006. Fl-istess perjodu, seba’ każijiet biss ta’ BSE f’annimali bovini taħt l-età ta’ 35 xahar minn total ta’ 7 413-il każ ta’ BSE, ibbażati fuq total ta’ aktar minn 60 miljun annimal bovin ittestjati kienu rrapportati fil-Komunità.

(7)

Għalhekk teżisti bażi xjentifika għar-reviżjoni tal-limitu ta’ l-età għat-tneħħija ta’ ċerti materjali speċifikati ta’ riskju fl-annimali bovini, b’mod partikolari fir-rigward tal-kolonna vertebrali. Fid-dawl ta’ l-iżvilupp ta’ l-infettività fis-sistema nervuża ċentrali waqt il-perjodu ta’ inkubazzjoni, l-istruttura ta’ l-età tal-każijiet pożittivi għall-BSE u t-tnaqqis fl-esponiment ta’ l-ifrat imwielda wara l-1 ta’ Jannar 2001, il-limitu ta’ l-età għat-tneħħija tal-kolonna vertebrali, inkluż l-għerq tax-xewka tad-dar ta’ l-annimali bovini, bħala materjal speċifikat ta’ riskju jista’ jiżdied minn 24 għal 30 xahar. Skond dan, id-definizzjoni ta’ materjal speċifikat ta’ riskju fl-Anness V tar-Regolament (KE) Nru 999/2001 għandha tiġi emendata.

(8)

Ir-Regolament (KE) Nru 999/2001 għandu għalhekk jiġi emendat skond dan.

(9)

Il-miżuri previsti f’dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

“(ii)

il-kolonna vertebrali ħlief il-vertebri tad-denb, il-proċessi tas-sinsla u tat-trasversi tal-vertebri ċervikali, toraċiċi u tal-ġenbejn u l-krinjiera sakrali medjana u l-ġnub tas-sakrali, imma inkluż l-għerq tax-xewka tad-dar, ta’ annimali li għandhom iktar minn 30 xahar; u”

23.4.2008   

MT

Il-Ġurnal Uffiċjali ta’ l-Unjoni Ewropea

L 111/5

(1)

Permezz ta’ l-Artikolu 4(2) tar-Regolament (KE) Nru 2320/2002, il-Kummissjoni hija mitluba, meta meħtieġ, tadotta miżuri għall-implimentazzjoni ta’ l-istandards bażiċi komuni tas-sigurtà fl-avjazzjoni fil-Komunità kollha. Ir-Regolament tal-Kummissjoni (KE) Nru 622/2003 ta’ l-4 ta’ April 2003 li jistabbilixxi l-miżuri sabiex jiġu implimentati l-istandards bażiċi komuni dwar is-sigurtà fl-avjazzjoni (2) kien l-ewwel att li jistabbilixxi miżuri bħal dawn.

(2)

Il-miżuri pprovduti bir-Regolament (KE) Nru 622/2003 għandhom jiġu riveduti fid-dawl ta’ żviluppi tekniċi ġodda, implikazzjonijiet fuq l-operat fl-ajruporti u l-impatt fuq il-passiġġieri. Aktar riċerka wriet li l-benefiċċji tat-twaqqif ta' regola dwar id-daqs tal-bagalja fil-kabina mhumiex akbar mill-implikazzjonijiet fuq l-operat fl-ajruporti u mill-impatt fuq il-passiġġieri. Din ir-regola, li tapplika mis-6 ta’ Mejju 2008, għandha għalhekk titħassar.

(3)

Ir-Regolament (KE) Nru 622/2003 għandu jiġi emendat skond dan.

(4)

Il-miżuri pprovduti f'dan ir-Regolament huma skond l-opinjoni tal-Kumitat dwar is-Sigurtà ta’ l-Avjazzjoni Ċivili,

23.4.2008   

MT

Il-Ġurnal Uffiċjali ta’ l-Unjoni Ewropea

L 111/7

(1)

Sabiex tkun żgurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, jeħtieġ li jkunu adottati miżuri li jirrigwardaw il-klassifikazzjoni ta' l-oġġetti riferiti fl-Anness ma' dan ir-Regolament.

(2)

Ir-Regolament (KEE) Nru 2658/87 iddefinixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hi kompletament jew parzjalment ibbażata fuqha jew li żżid magħha xi subdivizjoni addizzjonali u li hi stabbilita permezz ta' dispożizzjonijiet Komunitarji speċifiċi, bil-ħsieb li jkunu applikati miżuri tat- tariffa u oħrajn relatati dwar mal-kummerċ fil-merkanzija.

(3)

Skond dawn ir-regoli ġenerali, il-merkanziji deskritti fil-kolonna 1 ta’ l-iskeda ppreżentata fl-Anness għandhom ikunu kklassifikati fil-kodiċi NM indikata fil-kolonna 2, bis-saħħa tar-raġunijiet ippreżentati fil-kolonna 3.

(4)

Huwa xieraq li ssir kundizzjoni li informazzjoni fuq tariffa li torbot li nħarġet mill-awtoritajiet tad-dwana ta' l-Istati Membri rigward il-klassifikazzjoni ta' merkanzija fin-Nomenklatura Magħquda iżda li mhijiex skond dan ir-Regolament tista', għal perijodu ta' tlett xhur, tkompli tkun invokata mid-detentur, taħt Artiklu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi tad-Dwana tal-Komunità (2).

(5)

Il-miżuri previsti f’dan il-Regolament huma skond l-opinjoni tal-Kumitat tal-Kodiċi Doganali,

23.4.2008   

MT

Il-Ġurnal Uffiċjali ta’ l-Unjoni Ewropea

L 111/9

(1)

Għall-klassifikazzjoni ta’ meraq tal-frott fin-Nomenklatura Magħquda mehmuża mar-Regolament (KEE) Nru 2658/87, għandha ssir distinzjoni bejn, min-naħa waħda, meraq tal-frott li fih zokkor miżjud ta' titlu 2009 u, min-naħa l-oħra, preparazzjonijiet għall-manifattura ta’ xorb inkluż ġuleppijiet taz-zokkor imħawrin ta’ titlu 2106.

(2)

Skond in-Nota ta’ Spjega għas-Sistema Armonizzata għal titlu 2009, fost addittivi oħra, iz-zokkor jista’ jiżdied ma’ meraq tal-frott, sakemm jinżamm il-karattru oriġinali tiegħu.

(3)

Konsegwentement, meraq tal-frott jew taħlitiet ta’ meraq tal-frott, sew jekk fihom jew ma fihomx zokkor miżjud, għandhom ikunu kklassifikati fis-subtitli ta’ titlu 2009 tan-Nomenklatura Magħquda, sakemm ma jkunux tilfu l-karattru oriġinali tagħhom ta’ meraq tal-frott. Fil-każ ta’ l-aħħar għandhom ikunu esklużi minn klassifikazzjoni f’titlu 2009 u għandhom ikunu kklassifikati f’titlu 2106.

(4)

Skond in-Nota Addizzjonali 5(b) għall-Kapitlu 20 tan-Nomenklatura Magħquda meraq tal-frott li miegħu ikun miżjud tant zokkor li għandu bħala kontenut anqas minn 50 % bħala piż ta' meraq tal-frott, ikun tilef l-istat naturali tiegħu ta’ meraq tal-frott u ma jistax għalhekk ikun ikklassifikat f’titlu 2009. Il-kontenut ta’ zokkor miżjud għandu jkun determinat skond il-valur Brix tiegħu li jiddependi, fost oħrajn, fuq il-kontenut taz-zokkor ta’ dawn il-prodotti.

(5)

Inqalgħu xi problemi fir-rigward tal-klassifikazzjoni ta’ meraq tal-frott naturali kkonċentrat. Meta jkun ikkalkolat il-kontenut ta’ zokkor miżjud ta’ dawk il-prodotti kif stipulat fin-Noti Addizzjonali 2 u 5, jista’ jidher tant għoli li prodotti jkun fihom anqas minn 50 % bħala piż ta’ meraq tal-frott li jkollhom jiġu kklassifikati f’titlu 2106. Dan ir-riżultat mhux sodisfaċenti billi huwa bbażat fuq kalkolu fittizju tal-kontenut taz-zokkor miżjud filwaqt li fil-verità ebda zokkor ma kien miżjud u l-kontenut għoli ta’ zokkor miżjud jirriżulta mill-konċentrazzjoni.

(6)

Għaldaqstant huwa xieraq li l-punt (b) ta’ Nota Addizzjonali (5) għall-Kapitlu 20 jerġa’ jinkiteb mill-ġdid bi ftit tibdil u li tiżdied dispożizzjoni ġdida għal dak il-punt, li tiddikjara biċ-ċar li għall-meraq tal-frott naturali kkonċentrat il-kriterju ta’ 50 % bil-piż ta’ meraq tal-frott ma japplikax sabiex dak il-meraq ma jiġix eskluż minn titlu 2009 abbażi ta’ żieda kkalkolata ta’ zokkor. Għandu jkun iddikjarat b’mod ċar ukoll li n-Nota Addizzjonali 5 għandha tkun applikata fuq il-prodotti kif ippreżentati.

(7)

Ir-Regolament (KEE) Nru 2658/87 għandu għaldaqstant ikun emendat skond dan.

(8)

Il-miżuri pprovduti f'dan ir-Regolament huma skond l-opinjoni tal-Kumitat tal-Kodiċi Doganali,

23.4.2008   

MT

Il-Ġurnal Uffiċjali ta’ l-Unjoni Ewropea

L 111/11

(1)

Id-Direttiva 2006/24/KE tal-Parlament Ewropew u tal-Kunsill tal-15 ta’ Marzu 2006 dwar iż-żamma ta’ data ġenerata jew proċessata b’konnessjoni mal-provvista ta’ servizzi pubblikament disponibbli ta’ komunikazzjoni elettronika jew ta’ netwerks ta’ komunikazzjoni pubblika (1) (“id-Direttiva dwar iż-Żamma ta’ Data”) għandha l-għan li tarmonizza d-dispożizzjonijiet ta’ l-Istati Membri dwar l-obbligi tal-fornituri ta’ servizzi pubblikament disponibbli ta’ komunikazzjoni elettronika jew ta’ netwerks ta’ komunikazzjoni pubblika fir-rigward taż-żamma ta’ ċertà data li tiġi ġenereata jew proċessata minnhom sabiex jiġi żgurat li tali data tkun disponibbli għall-iskopijiet ta’ l-investigazzjoni, l-iskoperta u l-prosekuzzjoni ta’ reati serji.

(2)

Il-preambolu tad-Direttiva dwar iż-Żamma ta’ Data jinnota li t-teknoloġiji relatati mal-komunikazzjonijiet elettroniċi qegħdin jinbidlu b’mod rapidu u li r-rekwiżiti leġittimi ta’ l-awtoritajiet kompetenti jistgħu jevolvu. Sabiex jinkisbu pariri u jitħeġġeġ l-iskambju ta’ l-aħjar prattika fil-kwistjonijiet kollha relatati maż-żamma ta’ data personali, il-Kummissjoni bi ħsiebha tistabbilixxi grupp magħmul mill-awtoritajiet ta’ l-infurzar tal-liġi ta’ l-Istati “Membri”, l-assoċjazzjonijiet ta’ l-industrija tal-komunikazzjonijiet elettroniċi, ir-rappreżentanti tal-Parlament Ewropew u l-awtoritajiet dwar il-protezzjoni tad-data inkluż il-Kontrollur Ewropew għall-Protezzjoni tad-Data.

(3)

L-Artikolu 14 tad-Direttiva dwar iż-Żamma ta’ Data jistabbilixxi li sa mhux aktar tard mill-15 ta’ Settembru 2010, il-Kummissjoni għandha tressaq lill-Parlament Ewropew u lill-Kunsill evalwazzjoni ta’ l-applikazzjoni tad-Direttiva u l-impatt tagħha fuq l-operaturi ekonomiċi u l-konsumaturi, fid-dawl ta’ żviluppi ulterjuri fit-teknoloġija tal-komunikazzjonijiet elettroniċi u l-istatistika mogħtija mill-Kummissjoni dwar iż-żamma ta’ data. L-evalwazzjoni għandha tgħin sabiex tittieħed deċiżjoni dwar jekk humiex meħtieġa emendi għad-Direttiva dwar iż-Żamma ta’ Data, partikolarment fir-rigward tal-lista ta’ data fl-Artikolu 5 u l-perjodi taż-żamma previsti fl-Artikolu 6 tad-Direttiva.

(4)

Fl-10 ta’ Frar 2006 l-Kunsill u l-Kummissjoni ħarġu Dikjarazzjoni Konġunta b’rabta ma’ l-evalwazzjoni tad-Direttiva dwar iż-Żamma ta’ Data. Din stqarret li l-Kummissjoni ser tistieden lill-partijiet interessati relevanti kollha għal laqgħat regolari ta’ eżami sabiex tiġi skambjata informazzjoni dwar l-iżviluppi teknoloġiċi, l-ispejjeż u l-effikċja ta’ l-applikazzjoni tad-Direttiva. Id-Dikjarazzjoni Konġunta tgħid li matul dan il-proċess l-Istati Membru ser jiġu mistiedna jgħarrfu lis-sħab dwar l-esperjenza tagħhom fir-rigward ta’ l-implimentazzjoni tad-Direttiva u biex jiskambjaw l-aħjar prattika. Barra minn hekk id-Dikjrazzjoni Konġunta tgħid li fuq il-bażi ta’ dawn id-diskussjonijiet “il-Kummissjoni ser tikkunsidra tressaq kwalunkwe proposta meħtieġa, inkluż fir-rigward ta’ kull diffikultà li setgħet tfaċċat għall-Istati Membri b’rabta ma’ l-implimentazzjoni teknika u prattika tad-Direttiva, partikolarment l-applikazzjoni tagħha għad-data mill-e-mail permezz ta’ l-Internet u mit-telefonija permezz ta’ l-Internet.”

(5)

Għar-raġunijiet indikati hawn fuq huwa meħtieġ li jiġi stabbilit grupp ta’ esperti fil-qasam taż-żamma tad-data magħmul mill-partijiet interessati msemmija fil-Premessa 14 tad-Direttiva dwar iż-Żamma ta’ data.

(6)

Il-ħidma tal-grupp ta’ esperti ser tkun ta’ grupp konsultattiv. Il-grupp ta’ esperti ser jiffaċilita l-iskambju ta’ l-aħjar prattika u jikkontribwixxi għall-valutazzjoni tal-Kummissjoni ta’ l-ispejjeż u l-effikaċja tad-Direttiva kif ukoll għall-iżvilupp tat-teknoloġiji relevanti li jistgħu jħallu impatt fuq id-Direttiva.

(7)

Il-membri tal-grupp ta’ esperti ser jintgħażlu mill-gruppi ta’ partijiet interessati msemmija fil-Premessa 14 tad-Direttiva 2006/24/KE.

(8)

Il-grupp għandu jkun magħmul minn mhux aktar minn 25 membru li jirrapreżentaw bilanċ xieraq tal-gruppi ta’ partijiet interessati msemmija qabel.

(9)

Il-Grupp ta’ Esperti għandu jkollu l-possibbiltà li jistabbilixxi sottokumitati sabiex jiffaċilita u jħaffef ix-xogħol tiegħu billi jiffoka fuq kwistjoni speċifika. It-termini ta’ referenza ta’ sottokumitati bħal dawn għandhom ikunu maqbula mill-Grupp ta’ Esperti kollu kemm hu u għandhom ikunu definiti b’mod ċar.

(10)

Għandha ssir dispożizzjoni għal r-regoli dwar l-iżvelar ta’ l-informazzjoni mill-membri tal-Grupp ta’ Esperti, bla ħsara għar-regoli tal-Kummissjoni dwar is-sigurtà stabbiliti fl-Anness għad-Deċiżjoni tal-Kummissjoni 2001/844/KE, ECSC, Euratom (2).

(11)

Id-data personali kollha relatata mal-membri tal-grupp għandha tiġi pproċessata b’konformità mar-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ l-individwu fir-rigward ta’ l-ipproċessar ta’ data personali mill-istituzzjonijiet u l-korpi tal-Komunità u dwar il-moviment ħieles ta’ tali data  (3).

(12)

Iż-żmien fil-kariga tal-Membri għandu jkun ta’ ħames snin, u jista’ jiġġedded.

(13)

Huwa xieraq li jiġi stabbilit perjodu għall-applikazzjoni ta’ din id-deċiżjoni. Malli jasal il-waqt, il-Kummissjoni għandha tikkunsidra r-rakkomandabbiltà ta’ estensjoni.

(a)

li jipprovdi forum għal djalogu u l-iskambju ta’ esperjenza u l-aħjar prattika fost l-esperti li jintgħażlu mill-entitajiet msemmija fl-Artikolu 3 ta’ din id-Direttiva u partikolarment bejn l-awtoritajiet kompetenti ta’ l-Istati Membri u r-rappreżentanti tas-settur tal-komunikazzjonijiet elettroniċi dwar kwistjonijiet relatati maż-żamma ta’ data personali minn fornituri ta’ servizzi pubblikament disponibbli ta’ komunikazzjoni elettronika jew ta’ netwerks ta’ komunikazzjoni pubblika sabiex jiġu żgurat li d-data tkun disponibbli għall-investigazzjoni, l-iskoperta jew il-prosekuzzjoni ta’ reati serji;

(b)

li jinkoraġġixxi u jiffaċilita orjentazzjoni komuni dwar l-applikazzjoni tad-Direttiva;

(ċ)

li jiskambja informazzjoni dwar l-iżviluppi teknoloġiċi relevanti, l-ispejjeż u l-effikaċja ta’ l-applikazzjoni tad-Direttiva;

(d)

li jgħin lill-Kummissjoni fl-identifikazzjoni u d-deskrizzjoni tad-diffikultajiet li jkunu tfaċċaw għall-Istati Membri b’rabta ma’ l-implimentazzjoni teknika u prattika tad-Direttiva partikolarment l-applikazzjoni tagħha għad-data mill-e-mail permezz ta’ l-Internet u mit-telefonija permezz ta’ l-Internet.

(e)

li jgħin lill-Kummissjoni fl-evalwazzjoni ta’ l-applikazzjoni tad-Direttiva dwar iż-Żamma ta’ Data u l-impatt tagħha fuq l-operaturi ekonomiċi u l-konsumaturi.

(a)

mill-awtoritajiet ta’ l-infurzar tal-liġi ta’ l-Istati Membri (sa 10 membri);

(b)

mill-Membri tal-Parlament Ewropew (sa 2 membri);

(ċ)

mill-Assoċjazzjonijiet ta’ l-industrija tal-komunikazzjonijiet elettroniċi (sa 8 membri);

(d)

mir-Rappreżentanti ta’ l-Awtorititajiet dwar il-Protezzjoni tad-Data (sa 4 membri);

(e)

Il-Kontrollur Ewropew għall-Protezzjoni tad-Data (membru wieħed)

23.4.2008   

MT

Il-Ġurnal Uffiċjali ta’ l-Unjoni Ewropea

L 111/15