—

Tissaħħaħ il-kapaċità amministrattiva fit-tħejjija għall-implimentazzjoni ta' l-impenji tal-Ftehim ta' Stabbilizzazzjoni u Assoċjazzjoni (FSA) u tal-Ftehim Temporanju (FT).

—

Jiġi promoss djalogu kostruttiv bejn il-partiti politiċi kif ukoll mal-partijiet interessati dwar l-implimentazzjoni tar-riformi.

—

Jiżdiedu l-indipendenza, ir-responsabbiltà u t-trasparenza tas-sistema ġudizzjarja, inkluż bit-trawwim tal-protezzjoni kostituzzjonali ta' l-imħallfin, il-ħatra ta' mħallfin u prosekuturi abbażi ta' eżamijiet kompetittivi, l-istabbiliment ta' sistema meritokratika ta' evalwazzjoni għall-prosekuturi u d-definizzjoni ta' regoli oġġettivi għall-allokazzjoni ta' kawżi lill-imħallfin.

—

Jiġu implimentati l-istrateġiji għal kontra l-korruzzjoni 2007-2013 u r-rakkomandazzjonijiet ifformulati fir-rapport ta' evalwazzjoni 2005 mill-Grupp ta' Stati tal-Kunsill ta' l-Ewropa ta' Kontra l-Korruzzjoni u jiġu investigati u mressqa għall-prosekuzzjoni l-każijiet ta' korruzzjoni fil-korp tal-pulizija u fis-sistema ġudizzjarja b ħeġġa xierqa.

—

Jiġu implimentati r-rakkomandazzjonijiet dear l-elezzjonijiet magħmula mill-Uffiċċju għall-Istituzzjonijiet Demokratiċi u d-Drittijiet tal-Bniedem ta' l-OSCE, b'mod partikolari bit-titjib fil-listi tal-votanti u l-emendar tal-kodiċi elettorali f'konformità mar-rakkomandazzjonijiet tal-Kummissjoni ta' Venezja, fi żmien debitu għall-elezzjonijiet parlamentari li jmiss.

—

Tissaħħaħ aktar il-governanza fis-settur pubbliku permezz ta' titjib fil-kwalità u l-imparzjalità tal-persunal fis-settur ta' l-amministrazzjoni pubblika u ta' tisħiħ tad-Dipartiment ta' l-Amministrazzjoni Pubblika.

—

Titkompla s-separazzjoni tal-kumpannija statali ta' l-elettriku KESH, u l-privatizzazzjoni tal-fergħa ta' distribuzzjoni tagħha. Tiġi stabbilizzata l-pożizzjoni finanzjarja ta' KESH billi jiżdiedu r-rati ta' ġbir u billi l-prezzijiet jinġiebu għal-livelli li jippermettu l-irkupru ta' l-ispejjeż, u tiżdied il-kapaċità għall-ġenerazzjoni ta' l-elettriku u l-interkonnettività.

—

Jinkisbu riżultati tanġibbli ulterjuri fil-ġlieda kontra l-kriminalità organizzata, b'mod partikolari billi jsir użu sħiħ mill-attività tal-pulizija bbażata fuq l-intelligence u jiġi żgurat segwitu effikaċi fuq livell ġudizzjarju.

—

Tiġi adottata strateġija nazzjonali għall-iżvilupp u l-integrazzjoni fil-ħin biex ikun infurmat il-proċess baġitarju 2008/9, waqt li jiġi żgurat li din tirrifletti l-impenji relatati ma' l-integrazzjoni Ewropea u li n-nefqa għaliha tiġi evalwata b'mod adegwat/xieraq u tinbeda l-implimentazzjoni tagħha.

—

Isir użu sħiħ u effikaċi tas-sistema integrata ta' ppjanar biex jissaħħu r-rabtiet bejn l-objettivi ta' politika u l-ippjanar u l-implimentazzjoni tal-baġit.

—

Tiġi mtejba l-koordinazzjoni fil-gvern kollu tal-ħidma relatata ma' l-integrazzjoni ta' l-UE permezz ta' konsultazzjoni usa' u aktar konsistenti tal-Ministri, inklużi l-partijiet interessati u l-esperti ta' l-UE dwar il-leġiżlazzjoni relatata.

—

Tiġi żgurata d-disponibbiltà ta' tagħmir xieraq u persunal imħarreġ għall-Ministeru għall-Integrazzjoni Ewropea u għall-uffiċċji għall-integrazzjoni fl-UE tal-ministeri kompetenti.

—

Jiġi żgurat li t-titjib tar-reġistru ċivili u s-sistema ta' l-indirizzi jkunu kkoordinati kif xieraq ma' l-introduzzjoni ta' karti ta' l-identità elettroniċi u ta' passaporti bijometriċi.

—

Jiġi żgurat l-infurzar tal-Liġi dwar is-Servizz Ċivili u r-regoli relatati fl-operazzjoni fl-amministrazzjoni pubblika.

—

Jiġi żgurat li r-reklutaġġ, il-ħatriet, il-promozzjoni, it-trasferimenti u t-tkeċċija jsiru skond ir-regoli stabbiliti sabiex jinbena servizz ċivili affidabbli u effiċjentii bbażat fuq kriterji ta' żvilupp tal-karriera professjonali.

—

Tiġi ffinalizzata, adottata u implimentata l-liġi abbozz dwar ir-riforma ġudizzjarja u tittejjeb l-infrastruttura għas-settur ġudizzjarju.

—

Titjieb il-koordinazzjoni bejn il-prosekuturi u l-pulizija, partikolarment permezz tas-sistema ta' ġestjoni tal-kawżi.

—

Jiġi żgurat li l-leġiżlazzjoni u riżorsi xierqa għall-protezzjoni adegwata tax-xhieda tkun fil-post.

—

Jiġu armonizzati l-Kodiċi ċivili, kummerċjali u amministrattivi mal-Konvenzjoni tal-Liġi Ċivili tal-Kunsill ta' l-Ewropa dwar il-Korruzzjoni.

—

Tissaħħaħ il-kapaċità istituzzjonali għall-investigazzjoni u l-prosekuzzjoni tal-korruzzjoni.

—

Tiġi implimentata leġiżlazzjoni dwar il-prevenzjoni tat-tixħim b'konsiderazzjoni xierqa għall-koordinazzjoni interistituzzjonali.

—

Jissaħħu l-mekkaniżmi biex tiġi infurzata l-Liġi dwar id-dikjarazzjoni ta' l-assi.

—

Jiġu ċċarati r-regoli relatati mal-prevenzjoni tal-kunflitti ta' interess fl-eżerċizzju ta' funzjonijiet pubbliċi.

—

Jiġu ċċarati r-regoli relatati ma' l-aċċess pubbliku għall-informazzjoni f'konformità ma' l-istandards internazzjonali.

—

Titnaqqas il-lista ta' uffiċjali koperti mill-immunità u tingħata l-immunità meta din tkun strettament meħtieġa biss.

—

Jiġi żgurat li l-korpi kollha ta' l-infurzar tal-liġi huma konxji mill-obbligi tagħhom dwar id-drittijiet tal-bniedem u l-implimentazzjoni rigoruża tagħhom skond il-kodiċi ta' etika għas-sistema tal-ħabsijiet u mal-konvenzjonijiet internazzjonali ratifikati mill-Albanija, b'mod partikolari l-Konvenzjoni Ewropea dwar id-Drittijiet tal-Bniedem.

—

Jiġi garantit li d-dinjità tal-bniedem u s-sigurezza personali jiġu rrispettati f'ċentri ta' detenzjoni, ħabsijiet u istituzzjonijiet mentali, skond il-konvenzjonijiet internazzjonali.

—

Jiġu indirizzati każijiet ta' maltrattament mill-entitajiet ta' l-infurzar tal-liġi permezz ta' prosekuzzjoni xierqa tal-ħatja.

—

Jissaħħaħ l-aċċess għall-ġustizzja.

—

Tiġi żgurata l-osservanza tal-konvenzjonijiet internazzjonali rilevanti fl-istabbiliment u l-ġestjoni ta' faċilitajiet penitenzjarji ġodda.

—

Tiġi allinjata ma' standards Ewropej u tiġi implimentata l-leġiżlazzjoni ta' l-Albanija dwar il-malafama.

—

Titħaffef l-adozzjoni ta' leġiżlazzjoni effikaċi biex tiġi żgurata trasparenza fis-settur tal-pussess tal-medja.

—

Tiġi implimentata bis-sħiħ il-leġiżlazzjoni attwali dwar l-istampa u l-indipendenza ġurnalistika, tiġi kkoordinata leġiżlazzjoni ġdida dwar il-libertà ta' l-espressjoni u tiġi żviluppata leġiżlazzjoni komprensiva dwar il-medja elettronika f'konformità ma' l-istandards Ewropej.

—

Isiru aktar sforzi għall-prevenzjoni tal-vjolenza domestika.

—

Jittieħdu miżuri ulterjuri biex jiġi trattat ix-xogħol mill-minuri, inkluża l-adozzjoni ta' leġiżlazzjoni xierqa u l-provvediment ta' riżorsi biex ikunu garantiti d-drittijiet tat-tfal.

—

Jiġu żviluppati servizzi bbażati fil-komunità u għajnuna lil persuni dipendenti, inkluż fil-qasam tas-saħħa mentali.

—

Tiġi żgurata protezzjoni sħiħa kontra d-diskriminazzjoni mill-aspetti kollha, inkluż permezz ta' l-implimentazzjoni ta' u t-tisħiħ ta' strutturi biex tkun indirizzata l-ugwaljanza bejn is-sessi.

—

Jitħaffu aktar kemm l-ewwel reġistrazzjoni ta' proprjetajiet u l-ipproċessar ta' talbiet għar-restituzzjoni u jiġi żgurat li l-mekkaniżmi għall-kumpens huma sostenibbli u li dawn il-proċessi huma kkoordinati sew ma' l-inizjattivi tal-legalizazzjoni tal-proprjetà.

—

Jiġu implimentati l-impenji taħt il-Konvenzjoni Qafas tal-Kunsill ta' l-Ewropa għall-Protezzjoni tal-Minoranzi Nazzjonali tul l-Albanija kollha, partikolarment fir-rigward ta' l-użu ta' lingwi minoritarji ma' l-awtoritajiet, l-espożizzjoni ta' ismijiet lokali tradizzjonali u li jsir provvedimenti xierqa għall-edukazzjoni fil-lingwi minoritarji.

—

Tiġi implimentata l-istrateġija nazzjonali għar-Roma u jiġi żgurat finanzjament xieraq, bħala parti mill-istrateġija tal-gvern għall-ġlieda kontra l-faqar u l-esklużjoni soċjali.

—

Titrawwem ir-reġistrazzjoni, inkluża r-registrazzjoni tat-twelid, ta' membri tal-komunità minoritarja tar-Roma.

—

Tiġi pprovduta data soda dwar minoranzi fl-Albanija.

—

Ikun hemm konformità ma' l-impenji tal-proċess ta' stabilizzazzjoni u assoċjazzjoni f'termini ta' kooperazzjoni reġjonali u relazzjonijiet tajba mal-ġirien, inkluż bil-promozzjoni tat-transizzjoni mill-Patt ta' Stabbiltà għal qafas ta' kooperazzjoni aktar reġjonalizzat u l-implimentazzjoni effikaċi tal-Ftehim dwar il-Kummerċ Ħieles ta' l-Ewropa Ċentrali.

—

Jiġi konklużi u implimentati ftehim mal-pajjiżi ġirien u yiġi żgurata implimentazzjoni effikaċi, l-aktar dwar kooperazzjoni transkonfinali, il-ġlieda kontra l-kriminalità organizzata, it-traffikar u l-kuntrabandu, il-kooperazzjoni ġudizzjarja, il-ġestjoni tal-fruntieri, ir-riammissjoni, l-ambjent, it-trasport u l-enerġija.

—

Titkompla l-implimentazzjoni ta' politika fiskali orjentata lejn l-istabbiltà li timmira għal konsolidazzjoni fiskali u twassal għal inflazzjoni baxxa u sostenibbiltà esterna.

—

Titkompla r-riforma fiskali bil-għan li tissaħħaħ l-amministrazzjoni tad-dħul u tittejjeb il-kapaċità għall-ġestjoni tad-dejn.

—

Titkompla politika monetarja li twassal għall-objettiv ta' kisba u żamma ta' stabbiltà fil-prezzijiet biex jitnaqqsu u jiġu ankrati l-aspettattivi ta' l-inflazzjoni.

—

Jitkompla l-ħolqien ta' uffiċċju ta' informazzjoni dwar il-krediti biex jgħin fis-salvagwardja tal-portafoll ta' kreditu tas-sistema bankarja li qed jikber rapidament.

—

Titnaqqas l-ekonomija informali permezz ta' l-infurzar effikaċi u mingħajr diskriminazzjoni ta' leġiżlazzjoni dwar it-taxxa u tiġi intensifikata l-ġlieda kontra l-frodi fiskali.

—

Tiżdied aktar is-sensibilizzazzjoni ta' operaturi ekonomiċi fir-rigward tal-kunċetti ta' standards u ċertifikazzjoni u l-importanza tagħhom fil-kummerċ internazzjonali.

—

Tiġi adottata u tinbeda l-implimentazzjoni ta' l-istrateġija nazzjonali ta' sorveljanza tas-suq għall-prodotti industrijali u l-ikel.

—

Tiġi adottata leġiżlazzjoni ġdida dwar il-protezzjoni tal-konsumaturi kompatibbli ma' l-acquis. Jissaħħaħ id-dipartiment għall-protezzjoni tal-konsumatur.

—

Tiġi żgurata distinzjoni ċara bejn il-provvediment temporanju u permanenti tas-servizzi u l-kompatibbiltà mar-rekwiżiti tal-Ftehim ta' Stabbilizzazzjoni u Assoċjazzjoni.

—

Jissaħħaħ il-qafas regolatorju għas-sorveljanza finanzjarja fis-settur bankarju u s-settur mhux bankarju u l-kapaċità ta' l-Awtorità tas-Sorveljanza Finanzjarja.

—

Jiġi awtorizzat l-akkwist ta' proprjetà immobbli minn ċittadini ta' l-UE fil-limiti previsti fl-Iskeda ta' Impenji Speċifiċi skond il-Ftehim Ġenerali dwar il-Kummerċ fis-Servizzi (GATS).

—

Tiġi allinjata aktar il-leġiżlazzjoni u l-proċeduri doganali ma' prassi ta' l-UE; b'mod partikolari, tiġi żgurata l-approssimazzjoni ta' regoli u proċeduri għat-transitu, l-imħażen tad-dwana, il-valutazzjoni doganali, il-kontrolli fiżiċi u l-analiżi tar-riskji għall-istandards ta' l-UE. Jiġi żgurat li t-tariffa nazzjonali tkun aġġornata fil-ħin abbażi tan-Nomenklatura Magħquda l-aktar reċenti.

—

Tiġi implimentata bis-sħiħ is-sistema kompjuterizzata għad-dikjarazzjonijiet doganali u l-ipproċessar tad-data doganali fl-uffiċċji kollha doganali.

—

Tiġi approssimata aktar il-leġiżlazzjoni tat-taxxa ma' l-acquis ta' l-UE, speċjalment fil-qasam tad-dazji tas-sisa, u jkun hemm impenn għall-prinċipji tal-Kodiċi ta' Kondotta għat-tassazzjoni tan-negozji, filwaqt li jiġi żgurat li miżuri tat-taxxa ġodda jikkonformaw ukoll ma' dawn il-prinċipji.

—

Tiġi rinfurzata l-kapaċità ta' l-amministrazzjoni fiskali, b'mod partikolari fl-oqsma tal-kontrolli u l-verifika tat-taxxa, sabiex tiżdied il-konformità u titnaqqas l-evażjoni tat-taxxa.

—

Jitkompla l-proċess tal-kompjuterizzazzjoni ta' l-uffiċċji fiskali.

—

Tittejjeb u tiġi approssimata ma' l-acquis il-leġiżlazzjoni eżistenti dwar l-anti-trust biex jiġi rinfurzat il-kontroll tal-kompetizzjoni.

—

Tissaħħaħ il-kapaċità amministrattiva ta' l-awtorità tal-kompetizzjoni u l-provvediment ta' persunal u taħriġ xierqa.

—

Tiġi adottata leġiżlazzjoni implimentattiva dwar l-għajnuna statali.

—

Jitkompla l-aġġornament ta' l-inventarju ta' skemi ta' għajnuna statali.

—

Tiġi infurzata l-leġiżlazzjoni dwar l-akkwist pubbliku u jittieħdu passi biex din tiġi allinjata bis-sħiħ ma l-istandards ta' l-UE, speċjalment fir-rigward tas-settur ta' l-utilitajiet u r-rimedji.

—

Tisħiħ ulterjuri tal-kapaċità amministrattiva ta' l-Aġenzija għall-Akkwist Pubbliku, ta' l-entitajiet għall-akkwist pubbliku fl-ambitu tal-Ministeri kompetenti u l-gvernijiet lokali u l-qrati li jittrattaw l-akkwist pubbliku.

—

Tiġi żgurata l-investigazzjoni u l-prosekuzzjoni kriminali tar-reati marbuta ma' l-akkwist pubbliku.

—

Titħejja strateġija nazzjonali u pjan ta' azzjoni għal żviluppi leġislattivi ulterjuri għat-tisħiħ tad-drittijiet ta' proprjetà intellettwali (DPI).

—

Tissaħħaħ il-kapaċità amministrattiva u ġudizzjarja għall-protezzjoni tad-DPI.

—

Jiġi intensifikat l-infurzar kontra l-piraterija u l-iffalsifikar.

—

Titkabbar ulterjorment is-sensibilizzazzjoni ta' kwistjonijiet dwar id-DPI fost il-komunità kummerċjali u l-korpi ta' l-infurzar tal-liġi, inkluża l-ġudikatura.

—

Tittejjeb il-leġiżlazzjoni dwar il-proprjetà industrijali.

—

Jittejbu s-sistemi tal-protezzjoni soċjali u tkun miġġielda l-esklużjoni soċjali.

—

Jiġu adottati miżuri biex jiżdiedu r-rati ta' l-irreġistrar fl-iskejjel f'livell sekondarju u fost tfal f'żoni rurali, b'mod partikolari l-bniet, u fl-iskejjel vokazzjonali.

—

Jiġu żviluppati l-istrutturi u l-kapaċità amministrattivi xierqa fil-qasam tal-protezzjoni tal-konsumatur u tas-saħħa.

—

Jitkomplew l-isforzi biex tittejjeb il-governanza tas-sistema edukattiva, it-taħriġ ta' l-għalliema u l-infrastruttura ta' l-edukazzjoni.

—

Tiġi implimentata l-liġi ġdida dwar l-dukazzjoni ogħla. Jiżdiedu l-isforzi għall-promozzjoni ta' involviment aħjar fil-programm Tempus.

—

Tissaħħaħ il-kapaċità amministrattiva tad-Dipartiment tar-Relazzjonijiet u l-Kooperazzjoni Ekonomika mad-WTO fil-Ministeru ta' l-Affarijiet Ekonomiċi.

—

Jitħaffef il-progress dwar l-implimentazzjoni tal-Karta Ewropea għall-Impriżi Żgħar u ta' Daqs Medju.

—

Jiġu implimentati ulterjorment il-pjani ta' azzjoni biex jitneħħew l-ostakoli amministrattivi għan-negozju u l-investiment u biex tiġi trattata l-ekonomija informali u li tiġi żgurata l-implimentazzjoni xierqa, mhux diskrezzjonali u mhux diskriminatorja ta' leġiżlazzjoni, regoli u proċeduri relatati man-negozju. Jitnaqqsu regolamenti obsoleti u li huma ineffiċjenti permezz ta' proċeduri regolatorji tal-giljottina.

—

Tiżdied ir-riċerka tal-politika fi kwistjonijiet ta' innovazzjoni u kompetittività għall-kumpanniji żgħar u jiġu implimentati programmi ta' sostenn.

—

Tiġi adottata liġi ġdida dwar l-ikel f'konformità ma' l-istandards ta' l-UE, tissaħħaħ is-sistema tas-sigurezza ta' l-ikel u sistemi ta' kontroll relatati.

—

Tiġi rinfurzata l-kapaċità tal-laboratorji fis-setturi tas-sigurezza fl-ikel, u dawk veterinarji u fitosanitarji.

—

Tittejjeb il-leġiżlazzjoni dwar is-sigurezza fl-ikel, u dik fitosanitarja u veterinarja, u tinbeda l-implimentazzjoni tagħha.

—

Tittejjeb is-sistema ta' identifikazzjoni ta' annimali bovini u r-reġistrazzjoni tal-movimenti tagħhom, u tinbeda l-implimentazzjoni ta' sistema ta' identifikazzjoni u reġistrazzjoni ta' movimenti għall-qżieqeż, in-ngħaġ u l-mogħoż.

—

Jittejjeb il-kontroll ta' mard ta' l-annimali, inkluż it-teħid ta' kampjuni u r-rappurtar.

—

Tissaħħaħ il-kapaċità amministrattiva u l-koordinazzjoni fil-livelli nazzjonali u lokali.

—

Tiġi implimentata bis-sħiħ il-leġiżlazzjoni dwar il-valutazzjoni ta' l-impatt ambjentali.

—

Tiġi adottata strateġija għall-approssimazzjoni ulterjuri tal-leġiżlazzjoni ambjentali ma' l-acquis u tiġi implimentata sew il-leġiżlazzjoni eżistenti, speċjalment rigward l-infurzar.

—

Jitkomplew ikunu trattata ż-żoni sensittivi ambjentali tal-miżbla għall-iskart solidu ta' Sharra u ż-żona ta' l-estrazzjoni taż-żejt ta' Patos-Marinez.

—

Jiġu żviluppati u implimentati ulterjorment l-istrateġija nazzjonali għall-ilma u s-sanità u l-istrateġija rurali għall-provvista ta' l-ilma u s-sistema tad-dranaġġ u tiġi żviluppata u tinbeda l-implimentazzjoni ta' strateġija għall-approssimazzjoni progressiva għall-acquis fil-qasam tal-provvista ta' l-ilma u s-sanità.

—

Jiġu implimentati konvenzjonijiet internazzjonali, li għalihom hija parti l-Albanija, fil-qasam tal-protezzjoni tan-natura.

—

Jiġi implimentat il-pjan nazzjonali għat-trasport, inklużi l-ippjanar u l-ibbaġitjar għall-manutenzjoni ta' l-assi tat-trasport, u tiġi adottata u implimentata l-istrateġija nazzjonali għat-trasport, inkluża l-istrateġija għas-settur ferrovjarju.

—

Titkompla l-implimentazzjoni tal-memorandum ta' ftehim dwar l-iżvilupp tan-netwerk prinċipali tat-trasport reġjonali fl-Ewropa tax-Xlokk (South East Europe – SEE) u tissaħħaħ il-kooperazzjoni ma' l-Osservatorju tat-Trasport ta' l-Ewropa tax-Xlokk.

—

Jittieħdu miżuri biex jittejbu l-kondizzjonijiet tas-sigurtà fit-toroq, inkluża approssimazzjoni għall-acquis ta' l-UE dwar piżijiet u dimensjonijiet, it-testijiet tal-kondizzjoni tal-vetturi għas-sewqan fit-toroq, l-ispezzjonijiet tekniċi fit-toroq, il-liċenzji tas-sewqan, it-takografi u d-dokumenti tar-reġistrazzjoni tal-vetturi.

—

Jittieħdu miżuri għall-prevenzjoni ta' bini illegali tul toroq ġodda, partikolarment tul toroq ta' aċċess perikolużi mibnija privatament.

—

Titħejja dikjarazzjoni dwar in-netwerk ferrovjarju għal aċċess miftuħ għall-użu ta' l-infrastruttura u jiġi adottat u implimentat pjan ta' negozju ferrovjarju.

—

Jiġu implimentati l-impenji ta' l-Albanija taħt l-ewwel fażi ta' transizzjoni tal-Ftehim dwar l-Ispazju ta' l-Avjazzjoni Komuni Ewropew, inkluża l-implimentazzjoni tal-leġiżlazzjoni ta' l-avjazzjoni rilevanti.

—

Jiġi implimentat il-pjan ta' azzjoni li jitratta n-nuqqasijiet identifikati fl-awtorità ta' l-avjazzjoni ċivili fir-rigward tal-kontrolli ta' sigurtà tal-linji ta' l-ajru tal-pajjiż.

—

Jittejbu l-kondizzjonijiet tas-sigurtà marittima, b'mod partikolari r-rata ta' detenzjoni tal-vapuri Albaniżi taħt il-Memorandum ta' Ftehim ta' Pariġi.

—

Tiġi approvata u implimentata l-istrateġija nazzjonali riveduta għas-settur ta' l-enerġija, b'konsiderazzjoni kontinwa għall-importanza tal-valutazzjonijiet ta' l-impatt ambjentali (EIA).

—

Jintlaħqu r-rekwiżiti tat-Trattat Komunitarju dwar l-Enerġija fil-qasam tal-gass u ta' l-elettriku.

—

Jiġi żgurat li l-leġiżlazzjoni dwar il-komunikazzjoni elettronika hija konformi ma' l-acquis u li tiġi infurzata u jittieħdu miżuri biex jinkiseb suq kompetittiv għan-netwerks u s-servizzi ta' komunikazzjoni elettronika.

—

Tissaħħaħ il-kompetenza u l-kapaċità ta' l-Entità Regolatorja tat-Telekomunikazzjonijiet.

—

Tiġi allinjata l-leġiżlazzjoni Albaniża mal-Konvenzjoni Ewropea dwar it-Televiżjoni Transkonfinali u d-direttiva dwar it-Televiżjoni mingħajr Fruntieri.

—

Tissaħħaħ il-kapaċità amministrattiva tal-Kunsill Nazzjonali tar-Radju u t-Televiżjoni u jiġu adottati l-istrateġija għall-iżvilupp tas-settur tar-radju u tat-televiżjoni u jiġi aġġornat il-pjan nazzjonali aġġornat għall-frekwenzi analogi u diġitali għar-radju u t-televiżjoni.

—

Tiġi riveduta il-karta ta' politika dwar il-kontroll intern u finanzjarju pubbliku u l-pjan ta' azzjoni u tiġi definita b'mod ċar il-funzjoni tal-verifika interna, separatament minn funzjonijiet oħrajn ta' kontroll u spezzjoni. Jiġi żviluppat servizz xieraq ta' spezzjoni għall-ġlieda kontra l-frodi.

—

Jiġi żgurat li l-Liġi dwar il-Verifika Interna u l-abbozz tal-Liġi Baġitarja organika huma f'konformità ma' standards rikonoxxuti internazzjonalment.

—

Tissaħħaħ l-indipendenza ta' l-Istitut Suprem tal-Verifika.

—

Tissaħħaħ il-kapaċità ta' l-Uffiċċju ta' l-Istatistika.

—

Jinħarġu dokumenti ta' vjaġġar f'konformità ma' standards internazzjonali, tiġi żgurata l-kapaċità amministrattiva meħtieġa biex dan isir, u jiġi stabbilit netwerk ċentralizzat ta' IT għall-amministrazzjoni ta' viżi.

—

Jiġu adottati emendi għal-Liġi dwar il-frustieri biex il-leġiżlazzjoni dwar il-viża titqarreb lejn l-istandards ta' l-UE.

—

Jiġu implimentati l-istrateġija u l-pjan ta' azzjoni tal-ġestjoni integrata tal-fruntieri, waqt li tingħata attenzjoni partikolari lill-kooperazzjoni fil-fruntiera bejn l-uffiċjali tad-dwana u l-pulizija tal-fruntiera.

—

Jiġi żgurat li l-ġestjoni tal-punti tal-qsim kollha fuq il-fruntieri, partikolarment fil-portijiet ta' Durres u Vlora, tikkonforma ma' l-istandards ta' l-UE.

—

Jiġi implimentat il-ftehim ta' riammissjoni KE/Albanija u jiġu nnegozjati ftehim ta' riammissjoni mal-pajjiżi ta' oriġini tal-migranti fi transitu.

—

Tiġi ffokata kapaċità amministrattivi u finanzjarji suffiċjenti għall-implimentazzjoni ta' leġiżlazzjoni dwar l-ażil u l-migrazzjoni u l-istrateġiji u l-pjani ta' azzjoni nazzjonali relatati.

—

Jittieħdu l-miżuri meħtieġa biex tiġi infurzata aħjar il-leġiżlazzjoni kontra l-money laundering f'termini ta' prevenzjoni, kundanni, konfiski, sekwestri u ffriżar ta' assi.

—

Tittejjeb il-kapaċità ta' l-unità ta' l-intelligence finanzjarja, l-uffiċċji tal-prosekutur u l-Unità tal-pulizija għall-Kriminalità Ekonomika billi jiġu żgurati riżorsi xierqa finanzjarji u ta' l-IT u billi tittejjeb il-kooperazzjoni fil-livell tax-xogħol.

—

Tiġi allinjata l-Liġi dwar il-prevenzjoni tal-money laundering ma' l-acquis u mar-rakkomandazzjonijiet tat-Task Force ta' Azzjoni dwar l-Azzjoni Finanzjarja u ta' Moneyval tal-Kunsill ta' l-Ewropa.

—

Tissaħħaħ il-kapaċità ta' l-aġenzija għall-amministrazzjoni ta' l-assi maqbuda u kkonfiskati.

—

Tittejjeb ulterjorment il-kooperazzjoni ma' l-awtoritajiet ta' pajjiżi oħrajn.

—

Jiġi żgurat infurzar sew ta' l-obbligi tar-rappurtaġġ u jiġu eżaminati l-imiti tar-rappurtaġġ ta' transazzjonijiet.

—

Jittieħdu miżuri aktar effikaċi għat-tnaqqis ta' l-użu tal-flus kontanti fl-ekonomija.

—

Tiġi implimentata l-istrateġija nazzjonali kontra d-droga, il-pjan ta' azzjoni relatat u r-rakkomandazzjonijiet tal-mini Grupp ta' Dublin.

—

Jittejjeb it-taħriġ, it-tagħmir u l-kontinwità tal-ġestjoni ta' l-uffiċjali tal-pulizija involuti fil-ġlieda kontra d-drogi u jittieħdu passi ulterjuri biex tiġi żgurata koordinazzjoni aħjar, kemm fil-livell domestiku kif ukoll ma' sħab f'pajjiżi oħrajn, fil-ġlieda kontra d-drogi.

—

Jiġu identifikati u mressqa għall-prosekuzzjoni dawk responsabbli għall-korruzzjoni relatata mad-drogi fil-livelli kollha fl-amministrazzjoni pubblika.

—

Tiġi żgurata trasparenza akbar fl-għadd tas-sekwestri u jittieħdu miżuri biex jiġu eliminati b'mod xieraq id-drogi sekwestrati f'każijiet antiki.

—

Tiġi implimentata strateġija globali bbilanċjata biex tiġi trattata d-domanda għad-drogi, inkluża l-prevenzjoni, it-trattament u r-riabilitazzjoni ta' dawk dipendenti fuq id-droga.

—

Tiġi żgurata implimentazzjoni sħiħa tad-dispożizzjonijiet dwar il-gradi inklużi fil-Liġi l-ġdida tal-Pulizija ta' l-Istat.

—

Tittejjeb il-kapaċità ta' ġestjoni tal-pulizija ta' l-Istat Albaniża.

—

Tissaħħaħ l-unità ta' l-affarijiet interni tal-pulizija u tiġi żgurata l-prosekuzzjoni xierqa ta' uffiċjali tal-pulizija ħatja ta' reati kriminali.

—

Jiġi stabbilit u jitħaddem manwal konsolidat ta' proċeduri għall-uffiċjali tal-pulizija kriminali kollha.

—

Tiġi implimentata l-istrateġija dwar iż-żamma ta' l-ordni fil-komunità.

—

Jittieħdu miżuri ulterjuri biex tissaħħaħ il-kooperazzjoni bejn id-diversi korpi statali involuti fil-ġlieda kontra l-kriminalità organizzata u t-terroriżmu u, b'mod partikolari, bejn l-awtoritajiet ġudizzjarji u l-pulizija.

—

Jittieħdu miżuri ulterjuri biex jiġu stabbiliti sistemi koerenti u kkoordinati ta' ġbir u pproċessar ta' intelligence.

—

Jissaħħaħ l-użu ta' mezzi investigattivi speċjali, l-interċettazzjoni tat-telekomunikazzjoni u l-użu ta' l-informazzjoni mill-intelligence.

—

Jiġu attwati b'urġenza ta' miżuri prattiċi biex tiġi garantita l-protezzjoni tax-xhieda.

—

Tissaħħaħ kooperazzjoni domestika u internazzjonali għall-prevenzjoni tat-traffikar tal-bnedmin u għall-impjieg tal-persunal ta' l-unità tal-pulizija ta' kontra t-traffikar.

—

Jittieħdu miżuri biex l-analisti u l-investigaturi ta' kontra t-terroriżmu jingħataw tagħmir u taħriġ aħjar.

—

Tiġi allinjata l-liġi attwali dwar il-protezzjoni ta' data personali ma' l-acquis, u l-Konvenzjoni tal-Kunsill ta' l-Ewropa dwar il-protezzjoni ta' data personali.

—

Tiġi stabbilita awtorità superviżorja indipendenti għall-protezzjoni ta' data b'setgħat suffiċjenti fuq is-setturi pubbliċi u privati u riżorsi finanzjarji u umani suffiċjenti.

—

Tiġi żgurata implimentazzjoni effettiva u sorveljanza ta' l-istrateġija nazzjonali għall-iżvilupp u l-integrazzjoni.

—

Jiġi żgurat li s-setturi ta' l-amministrazzjoni responsabbli għall-implimentazzjoni tad-dispożizzjonijiet tal-Ftehim ta' Stabbilizzazzjoni u Assoċjazzjoni (FSA) u dawk involuti fl-implimentazzjoni ta' l-assistenza finanzjarja tal-KE jitħarrġu b'mod xieraq u jkollhom tagħmir biex ikunu jistgħu jaqdu dmirijiethom.

—

Jiġu introdotti maniġġar u taħriġ orjentati lejn ir-riżultati għall-impjegati taċ-ċivil.

—

Tiġi mfassla u implimentata struttura ta' salarji għall-impjegati taċ-ċivil li tippermetti kemm ippjanar baġitarju xieraq kif ukoll struttura għal karriera motivanti.

—

Tiġi żgurata s-sostenibbiltà tar-riformi fl-amministrazzjoni pubblika.

—

Tiġi żgurata l-prosekuzzjoni ta reati serji, speċjalment il-kriminalità organizzata, b'attenzjoni partikolari għall-mekkaniżmi ta' kooperazzjoni transkonfinali.

—

Tiġi rinfurzata l-leġiżlazzjoni dwar il-protezzjoni tax-xhieda.

—

Jiġi żgurat taħriġ kontinwu u xieraq għall-imħallfin u l-prosekuturi, inkluż dwar id-drittijiet tal-bniedem, l-etika u kwistjonijiet kummerċjali u korporattivi u kwistjonijiet relatati mal-FSA.

—

Tiġi żgurata s-sostenibbiltà finanzjarja ta' l-iskola tal-maġistratura.

—

Jiġu riveduti r-rwol u l-kwalifiki ta' l-amministraturi ġudizzjarji u dawn jiġu inkorporati progressivament tagħhom fis-servizz ċivili, filwaqt li tiġi żgurata parità fis-salarju mal-persunal tal-ministeri.

—

Jiġu implimentati l-Konvenzjonijiet Ewropej dwar il-Korruzzjoni f'Materji Kriminali u Ċivili ratifikati mill-Albanija u l-konvenzjonijiet rilevanti tan-NU.

—

Jinkisbu riżultati sinifikanti fil-ġlieda kontra l-korruzzjoni, fil-livelli kollha u fl-oqsma kollha, bl-infurzar ta' leġiżlazzjoni xierqa.

—

Jiġi żgurat li d-detenuti u l-priġunieri taħt kustodja jkunu ttrattati skond l-istandards internazzjonali.

—

Tittejjeb is-sistema tal-ġustizzja għall-minorenni.

—

Tiġi żgurata konformità mal-Konvenzjoni tal-Kunsill ta' l-Ewropa għall-Prevenzjoni tat-Tortura u t-Trattament jew l-Ikkastigar, Inuman jew Degradanti.

—

Tiġi adottata leġiżlazzjoni komprensiva kontra d-diskriminazzjoni, u jiġi żgurat sostenn istituzzjonali xieraq għall-vittmi inkluż minn istituzzjonijiet eżistenti responsabbli għad-drittijiet tal-bniedem.

—

Tiġi infurzata leġiżlazzjoni dwar ir-restituzzjoni/kumpens ta' proprjetajiet ikkonfiskati matul il-perijodu komunista.

—

Jiġi kkompletat il-proċess ta' reġistrazzjoni ta' l-art.

—

Jiġi żgurat li t-trasferimenti tal-proprjetà jitwettqu skond il-liġi u jiġi żgurat il-funzjonament xieraq tal-korpi kollha involuti fil-proċess (nutara, reġistru tal-proprjetà, eċċ.).

—

Tiġi infurzata leġiżlazzjoni dwar medja stampata u elettronika, waqt li jittieħed kont ta' standards Ewropej.

—

Jiġi żgurat li l-allokazzjoni tal-frekwenzi televiżivi ssir b'mod ġust u mhux diskriminatorju, skond il-pjan nazzjonali, u li r-rekwiżiti jkunu rrispettati b'mod sħiħ mix-xandara, u tittejjeb in-newtralità tas-servizz pubbliku tax-xandir.

—

Titħeġġeġ il-parteċipazzjoni attiva ta' NGO’s u organizzazzjonijiet oħrajn tas-soċjetà ċivili fil-proċess tat-teħid tad-deċiżjonijiet mill-gvern u t-titjib kontinwu fil-kwalità tal-ġurnaliżmu.

—

Jiġi promoss aktar id-djalogu reġjonali, l-istabbiltà, ir-relazzjonijiet tajba mal-viċinat u l-kooperazzjoni.

—

Jiġi allinjat il-ftehim konkluż ma' l-Istati Uniti dwar il-kondizzjonijiet ta' ċessjoni ta' persuni lill-Qorti Kriminali Internazzjonali f'konformità mal-prinċipji gwida ta' l-UE adottati mill-Kunsill Ewropew f'Settembru 2002.

—

Titnaqqas ir-rata fiskali fuq is-salarji u jittejbu l-istruttturi għall-inċentivi u l-flessibbiltà fis-suq tax-xogħol biex jogħlew ir-rati ta' parteċipazzjoni u impjieg, filwaqt li jiġu żgurati r-riżorsi fiskali bit-twessigħ tal-bażi fiskali u t-titjib fil-konformità, b'ritmu mkejjel u prudenti biex tiġi żgurata s-sostenibbiltà tal-finanzi pubbliċi.

—

Tittejjeb is-sistema edukattiva bil-għan li jiżdied il-provvediment tal-kompetenzi mfittxija, jiġi mrawwem l-impjieg u t-tkabbir ekonomiku għall-perijodu fit-tul.

—

Tiġi aġġornata l-infrastruttura tal-pajjiż, b'mod partikolari fl-enerġija u t-trasport, sabiex tissaħħaħ il-kompetittività ta' l-ekonomija kollha.

—

Titħaffef il-privatizzazzjoni ta' l-imprizi pubbliċi biex tissaħħaħ il-governanza korporattiva u jitnaqqas it-telf kważi fiskali.

—

Jittejjeb l-ambjent kummerċjali biex jiżdied l-investiment barrani dirett ġdid (greenfield).

—

Jiġu stabbiliti proċeduri effettivi għall-iżvelar, it-trattament u s-segwitu tal-każijiet ta' frodi (suspettati) u irregolaritajiet oħrajn li jaffetwaw il-fondi nazzjonali u internazzjonali.

—

Tiġi żgurata kapaċità amministrattiva għall-implimentazzjoni tar-rekwiżiti tal-FSA u l-IA f'dan il-qasam.

—

Isir progress ulterjuri fl-adozzjoni ta' standards Ewropej u jitħaffu l-isforzi biex issir membru sħiħ ta' l-organizzazzjonijiet Ewropej ta' l-istandardizzazzjoni.

—

Isir progress fit-traspożizzjoni ta' approċċ ġdid u u globali u direttivi b'approċċ qadim.

—

Tiġi stabbilita sistema ta' sorveljanza tas-suq.

—

Jiġi żgurat funzjonament imtejjeb tal-korpi responsabbli għall-istandardizzazzjoni, l-akkreditazzjoni u ċ-ċertifikazzjoni u ta' dawk responsabbli għall-metroloġija u l-ikkalibrar, b'kont meħud ta' l-aħjar prassi tal-KE.

—

Tiġi żgurata s-sħubija ta' l-Albanija fl-organizzazzjoni tal-Kooperazzjoni Ewropea għall-Akkreditazzjoni.

—

Tiġi approvata leġiżlazzjoni dwar l-impjieg ta' barranin u jittieħdu miżuri għall-koordinazzjoni tas-servizzi tas-sigurtà soċjali.

—

Jiġi żgurat li l-leġiżlazzjoni dwar id-dritt ta' stabbiliment tiġi implimentata b'mod ġust u imparzjali.

—

Isir progress lejn l-issodisfar ta' l-impenji ta' l-Albanija mal-FSA dwar liberalizzazzjoni sħiħa tal-moviment tal-kapital, inkluż l-iżgurar ta' l-istess trattament għal ċittadini ta' l-UE u Albaniżi dwar investimenti ta' portafoll u tislif u kreditu finanzjarju b'maturità iqsar minn sena.

—

Tiġi żgurata approssimazzjoni kontinwa ma' l-acquis ta' l-UE tal-leġiżlazzjoni doganali u fiskali ta' l-Albanija, u tiżdied il-kapaċità amministrattiva biex tiġi implimentata l-leġiżlazzjoni doganali u fiskali u biex jiġu miġġielda l-korruzzjoni, l-kriminalità transkonfinali u l-evażjoni fiskali.

—

Tittejjeb it-trasparenza u l-iskambju ta' informazzjoni ma' l-Istati Membri ta' l-UE sabiex jiġi ffaċilitat l-infurzar ta' miżuri li jipprevjenu l-evitar jew l-evażjoni tat-taxxi.

—

Jittejjeb ulterjorment ir-rekord ta' l-infurzar fl-oqsma ta' l-anti-trust u l-kontroll ta' l-għajnuna statali.

—

Jiġi kkompletat l-allinjament ta' skemi ta' għajnuna statali ma' regoli Komunitarji tal-kompetizzjoni, kif stipulat fil-ftehim temporanju.

—

Tiġi żgurata l-kompatibbiltà tal-qafas legali ta' l-Albanija ma' l-acquis ta' l-UE.

—

Jinkisbu strutturi ta' l-akkwist pubbliku kompletament operattivi, waqt li jiġi żgurat it-tħaddim tal-proċeduri ta' akkwist pubbliku f'konformità stretta mal-liġi u r-rekwiżiti tal-FSA.

—

Jiġu implimentati bis-sħiħ konvenzjonijiet internazzjonali ratifikati fil-qasam tad-drittijiet ta' proprjetà intellettwali, kummerċjali u industrijali.

—

Tiġi implimentata sew il-leġiżlazzjoni dwar id-drittijiet tal-proprjetà intellettwali u jinkisbu riżultati mtjeba fil-ġlieda kontra l-piraterija u l-iffalsifikar.

—

Tiġi garantita kapaċità amministrattiva suffiċjenti għall-konformità mar-rekwiżiti tal-FSA f'dan il-qasam.

—

Tiġi ffaċiltata l-inklużjoni tan-nisa fis-suq tax-xogħol u l-parteċipazzjoni tagħhom fil-proċess tat-teħid ta' deċiżjonijiet.

—

Jiġu integrati strateġiji għall-impjieg u t-taħriġ vokazzjonali fil-linji ta' politika soċjali, edukattiva, fiskali, ta' intrapriża u reġjonali. Tiġi trattata l-implimentazzjoni ta' impenji internazzjonali fis-saħħa b'mod partikolari r-regolamenti internazzjonali dwar is-saħħa.

—

Isir progress ma' l-allinjament ta' standards ta' kwalità għat-trasfużjoni tad-demm u komponenti tad-demm mal-leġiżlazzjoni ta' l-UE.

—

Tinbeda l-implimentazzjoni ta' l-Istrateġija Nazzjonali għas-Sistema tas-Saħħa 2007 sa 2013.

—

Jitkomplew l-isforzi biex tittejjeb il-kwalità ta' l-edukazzjoni u biex tinħoloq sistema moderna ta' edukazzjoni u taħriġ vokazzjonali, u tiġi promossa l-kooperazzjoni reġjonali fil-qasam ta' l-edukazzjoni ogħla.

—

Tiġi infurzata leġiżlazzjoni kummerċjali mtjeba.

—

Jiġi żgurat li l-istrateġija għall-ġlieda kontra l-ekonomija informali żżomm il-pass ma' żviluppi fis-settur.

—

Jiġu żviluppati ulterjorment strutturi ta' sostenn speċjalizzati għan-negozji (per eżempju inkubatriċi u raggruppamenti ta' impriżi) u tiġi eżaminata l-fattibbiltà ta' park kummerċjali/teknoloġiku.

—

Jinbdew it-tfassil u l-applikazzjoni ta' politika integrata ta' riċerka u jiġu żviluppati ulterjorment miżuri għall-promozzjoni ta' l-innovazzjoni u l-kompetittività għall-kumpanniji żgħar.

—

Jiġu introdotti standards ta' żvelar u rappurtar finanzjarju konformi ma' standards ta' l-UE u jiġi żgurat infurzar effettiv.

—

Titkompla l-implimentazzjoni tal-Karta Ewropea għall-Impriżi ż-Żgħar.

—

Jiġu żviluppati strateġiji għall-użu ta' l-art, is-suq ta' l-art, l-iżvilupp rurali, id-diversifikazzjoni ta' l-attivitajiet agrikoli u t-tisħiħ tal-kompetittività agrikola.

—

Jinkiseb titjib sostanzjali f'termini ta' sigurtà alimentari (IATE) u kondizzjonijiet fitosanitarji u veterinarji, f'konformità mar-rekwiżiti tal-KE.

—

Tiġi vvalutata l-konformità ta' stabbilimenti agro-alimentari ma' rekwiżiti ta' l-UE, jiġi mħejji programm għall-immodernizzar tagħhom u tinbeda l-implimentazzjoni tiegħu.

—

Tinbeda azzjoni bil-ħsieb li jiġi żgurat kontroll effiċjenti tal-produzzjoni veġetali domestika, b'mod partikolari għall-prodotti b'rekwiżiti ta' l-UE speċifiċi, u tiġi stabbilita kapaċità analitika fis-settur fitosanitarju.

—

Jittieħdu miżuri biex jiġi żgurat li l-politika ta' sajd Albaniża tersaq eqreb lejn l-istandards ta' l-UE, b'mod partikolari fl-oqsma tal-ġestjoni tar-riżorsi, l-ispezzjoni u l-kontroll u fil-linji ta' politika tas-suq u strutturali.

—

Jiġi stabbilit inventarju sħiħ taż-żoni sensittivi u jitkomplew l-isforzi biex jiġu trattati żoni sensittivi diġà identifikati.

—

Jitnaqqis t-tniġġis prodott mir-raffinerija ta' Balsh, inkluż ir-rimi fix-Xmara Gjanica, u jittieħdu miżuri għat-trattament tat-tniġġis ta' l-ilma b'mod ġenerali.

—

Jissaħħaħ il-monitortaġġ ambjentali u jiġu żgurati sanzjonijiet diswassivi kontra min iniġġes.

—

Titkompla l-implimentazzjoni ta' impenji ambjentali reġjonali u internazzjonali.

—

Titkompla l-implimentazzjoni tal-pjan ġenerali għat-trasport Albaniż.

—

Jintemmu r-riformi istituzzjonali meħtieġa biex tittejjeb il-ġestjoni ta' l-assi tat-trasport, il-prijoritizzazzjoni ta' l-investimenti, it-tiswir tal-politika u l-involviment tas-settur privat.

—

Isir progress sostanzjali fir-rijabilitazzjoni tal-portijiet ta' Durres u Vlora u jiġu kkonsolidati l-operazzjonijiet fil-portijiet ta' hemmhekk.

—

Jinkisbu riżultati mtejba f'termini ta' sigurtà fit-toroq (inkluża l-implimentazzjoni tat-takografija diġitali) u jittieħdu passi addizzjonali lejn approssimazzjoni ulterjuri ma' l-acquis dwar aċċess għas-suq (okkupazzjoni) u regoli soċjali.

—

Titkompla l-implimentazzjoni tal-Memorandum ta' Ftehim dwar l-iżvilupp tan-netwerk prinċipali tat-trasport reġjonali fl-Ewropa tax-Xlokk (SEE), u l-kooperazzjoni ma' l-osservatorju tat-trasport ta' l-SEE.

—

Jinħolqu l-kondizzjonijiet għall-kompetizzjoni fis-settur tat-trasport ferrovjarju, inkluż l-istabbiliment ta' korpi regolatorji u ta' sigurezza.

—

Jiġu implimentati impenji meħuda taħt it-tieni fażi transitorja tal-Ftehim dwar l-Ispazju ta' l-Avjazzjoni Komuni Ewropew.

—

Jinkisbu riżultati sinifikanti fit-titjib tal-kondizzjonijiet tas-sigurezza marittima, inklużi l-faċilitajiet statali għall-kontroll tal-portijiet u l-prestazzjoni tar-reġistru tat-tbaħħir skond il-memorandum ta' ftehim ta' Pariġi.

—

Tkompli tiġi żgurata l-implimentazzjoni xierqa tal-pjani ta' azzjoni rigward is-settur ta' l-elettriku u l-gass u jsir aktar progress fl-implimentazzjoni ta' l-istrateġija Albaniża għall-enerġija.

—

Tiġi żgurata l-implimentazzjoni f'waqtha tad-diversi proġetti immirati lejn it-titjib ta' l-infrastruttura għall-produzzjoni, it-trasmissjoni u d-distribuzzjoni ta' l-enerġija elettrika.

—

Titkompla l-implimentazzjoni ta' impenji reġjonali u internazzjonali fil-qasam ta' l-enerġija bil-ħsieb li jiġi stabbilit suq reġjonali kompetittiv ta' l-enerġija.

—

Tittejjeb l-implimentazzjoni tal-Liġi dwar l-Effiċjenza ta' l-Enerġija.

—

Jiġi traspost u implimentat ulterjorment il-qafas ta' l-UE għall-komunikazzjonijiet elettroniċi.

—

Jitkompla l-proċess ta' allinjament mal-Konvenzjoni Ewropea dwar it-Televiżjoni Transkonfinali u d-direttiva dwar it-Televiżjoni mingħajr Fruntieri.

—

Jiġu żviluppati u implimentati l-prinċipji tar-responsabbiltà ta' ġestjoni deċentralizzata u ta' verifika interna funzjonalment indipendenti, skond standards internazzjonali u l-aħjar prattika ta' l-UE.

—

Jiġu żviluppati proċeduri u kapaċità amministrattiva biex tiġi żgurata protezzjoni effettiva ta' l-interessi finanzjarji ta' l-UE.

—

Jiġi żgurat li l-Liġi dwar il-verifika esterna tkun konformi mal-linji gwida ta' l-Organizzazzjoni ta' l-Istituzzjonijiet Supremi tal-Verifika.

—

Tiġi msaħħa ulterjorment il-kapaċità għall-verifika esterna, il-ġestjoni tal-kontroll finanzjarju u l-verifika interna.

—

Tittejjeb l-istatistika agrikola u l-istatistika makroekonomika, tiġi żviluppata statistika soċjali, inkluża statistika dwar l-edukazzjoni u s-saħħa, u jsir progress lejn l-implimentazzjoni tal-klassifikazzjonijiet Ewropej kollha, inkluża l-klassifikazzjoni tar-reġjuni statistiċi.

—

Jiġi żgurat li d-dokumenti ta' l-ivvjaġġar Albaniżi kollha jikkonformaw ma' standards internazzjonali.

—

Jiġu implimentati l-impenji internazzjonali kollha meħuda mill-Albanija fil-qasam tal-ġestjoni tal-fruntieri.

—

Tiġi infurzata leġiżlazzjoni relatata ma' l-ażil u tiġi stabbilita sistema komprensiva għall-ażil, f'konformità ma' standards internazzjonali, inkluż ir-riċeviment ta' min ifittex l-ażil.

—

Tiġi implimentata l-istrateġija nazzjonali ta' l-Albanija dwar il-migrazzjoni u l-pjan ta' azzjoni nazzjonali dwar l-ażil.

—

Jiġi żgurat li l-Albanija tkun f'pożizzjoni li tissodisfa r-rekwiżiti tal-FSA rigward ċittadini ta' l-UE li jaħdmu u/jew jirrisjedu fl-Albanija.

—

Jiġu konklużi, ratifikati u implimentati progressivament il-konvenzjonijiet internazzjonali ewlenin kollha fil-qasam tal-migrazzjoni.

—

Tiġi intensifikata l-ġlieda kontra l-kriminalità ekonomika u finanzjarja, inkluż il-money-laundering u l-iffalsfikar ta' valuti.

—

Jinkisbu riżultati tanġibbli fil-ġlieda kontra l-money-laundering, kemm ġewwa kif ukoll barra s-settur finanzjarju.

—

Jiġu żgurati riżultati sostanzjalment imtejba fil-ġlieda kontra t-traffikar tad-droga, speċjalment rigward drogi sintetiċi, eroina u kokaina.

—

Titkompla l-ħidma biex is-servizzi tal-pulizija jilħqu l-istandards Ewropej, l-aktar permezz ta' taħriġ u tagħmir xierqa.

—

Jinkisbu riżultati sinifikanti fil-ġlieda kontra l-kriminalità u fil-ġlieda kontra l-korruzzjoni u kontra imġiba kriminali oħrajn fost il-forzi tal-pulizija.

—

Tiżdied ulterjorment il-kooperazzjoni internazzjonali fil-ġlieda kontra l-kriminalità organizzata u t-terroriżmu.

—

Isir progress kbir fir-rata, l-għadd u l-kwalità tal-prosekuzzjonijiet relatati ma' reati marbuta mal-kriminalità organizzata u t-traffikar illegali kif ukoll f'termini tal-konfiska tad-dħul mir-reati.

—

Jiġu inkorporati bis-sħiħ fil-leġiżlazzjoni domestika u jiġu implimentati l-konvenzjonijiet u l-protokolli internazzjonali dwar il-prevenzjoni tat-terroriżmu li għalihom l-Albanija hija parti.

—

Jiġu żgurati s-sorveljanza u l-infurzar effiċjenti ta' leġiżlazzjoni nazzjonali dwar il-protezzjoni ta' data personali.

—

Tiġi adottata u tinbeda l-implimentazzjoni ta' leġislazzjoni ta' riforma tal-forzi tal-pulizija fil-livelli ta' l-Istat u ta' l-Entità f'konformità mat-tliet prinċipji ta' l-UE.

—

Ikun hemm kooperazzjoni sħiħa mat-Tribunal Kriminali Internazzjonali għal dik li qabel kienet il-Jugoslavja (ICTY), inkluż bir-rwol proattiv għall-arrest ta' l-akkużati kollha ta' l-ICTY li għadhom liberi.

—

Tiġi adottata l-leġislazzjoni meħtieġa fil-qasam tax-xandir pubbliku fuq il-livell tal-Federazzjoni tal-Bosnja-Ħerzegovina. Tiġi implimentata riforma fix-xandir pubbliku.

—

Tiġi implimentata l-istrateġija ta' l-2006 għal riforma fl-amministrazzjoni pubblika u jiġi żgurat li l-ministeri u l-istituzzjonijiet fil-livell Statali jkunu ffinanzjati kif xieraq, ikunu operattivi u mgħammra sew, speċjalment f'termini ta' bini u persunal.

—

Tissaħħaħ il-kapaċità amministrattiva fit-tħejjija għall-implimentazzjoni ta' l-impenji tal-Ftehim ta' Stabbilizzazzjoni u Assoċjazzjoni (FSA) u tal-Ftehim Temporanju (FT).

—

Jitkomplew l-isforzi mmirati għar-rikonċiljazzjoni bejn iċ-ċittadini tal-pajjiżi fir-reġjun u jiżdiedu l-isforzi biex jinstabu soluzzjonijiet definittivi għall-kwistjonijiet bilaterali pendenti, partikolarment kwistjonijiet tal-fruntieri.

—

Isir progress sostanzjali għall-ħolqien ta' żona ekonomika unika fil-Bosnja-Ħerzegovina li tappoġġja l-moviment liberu tal-merkanzija, il-kapital, is-servizzi u l-persuni.

—

Jitnaqqsu r-riġiditajiet strutturali li jxekklu t-tħaddim tas-suq tax-xogħol, partikolarment it-tassazzjoni tax-xogħol, il-livelli ta' trasferimenti soċjali u l-mekkaniżmi ta' l-iffissar tal-pagi sabiex jiżdiedu r-rati ta' parteċipazzjoni u ta' impjieg.

—

Jittieħdu miżuri biex jinkisbu strutturi istituzzjonali aktar funzjonali u sostenibbli u jittejjeb ir-rispett lejn id-drittijiet tal-bniedem u l-libertajiet fundamentali, inkluż billi jiġu maqbula u adottati bidliet lill-kostituzzjoni tal-Bosnja-Ħerzegovina, kif meħtieġ.

—

Jittieħdu passi ulterjuri biex l-assemblea parlamentari tal-Bosnja-Ħerzegovina tiġi pprovduta b' riżorsi suffiċjenti tekniċi u tal-persunal.

—

Tiġi żgurata koordinazzjoni Stat/Entità strutturata u istituzzjonalizzata bl-istabbiltiment ta' mekkaniżmi li jaħdmu għall-koordinazzjoni politika, leġislattiva u teknika bejn l-Istat u l-Entitajiet.

—

Jiġi żgurat segwitu dovut għar-rapporti maħruġa mill-istituzzjonijiet supremi ta' verifika tal-Bosnja-Ħerzegovina u jittieħdu miżuri kontra dawk responsabbli għal irregolaritajiet.

—

Tiġi emendata l-leġislazzjoni elettorali dwar il-membri tal-Presidenza tal-Bosnjal-Ħerżegovina u d-delegati tal-House of Peoples biex tkun żgurata konformità sħiħa mal-Konvenzjoni Ewropea dwar id-Drittijiet tal-Bniedem u l-impenji ta' wara l-adeżjoni mal-Kunsill ta' l-Ewropa.

—

Jiġu pprovduti lill-Uffiċċju tal-Koordinatur ta' l-Amministrazzjoni Pubblika r-riżorsi umani u materjali meħtieġa biex iwettaq il-ħidma tiegħu.

—

Jitjiebu aktar il-proċeduri ta' reklutaġġ ibbażati fuq kriterji oġġettivi u abbażi tal-mertu, biex b'hekk tiġi żgurata trasparenza u l-ħatra f'waqtha ta' impjegati fis-servizz ċivili kwalifikati biżżejjed.

—

Jiġu armonizzati l-liġijiet tas-servizz ċivili sabiex jinbena servizz ċivili responsabbli u effiċjenti bbażat fuq kriterji ta' żvilupp fil-karriera professjonali.

—

Titlesta l-għaqda ta' l-ombudsmen ta' l-Istat u ta' l-Entità u jiġi żgurat li l-uffiċċju fil-livell ta' l-Istat ikollu r-riżosi meħtieġa biex jaħdem sew.

—

Tissaħħaħ l-indipendenza u r-responsabbiltà tas-sistema ġudizzjarja u titjieb l-effikaċja tagħha, inkluż bit-tnaqqis tal-każijiet b'lura.

—

Tiġi adottata u tinbeda l-implimentazzjoni ta' strateġija għall-iżvilupp tas-settur ġudizzjarju.

—

Jiġi żgurat taħriġ xieraq tal-ġudikatura, partikolarment rigward il-leġislazzjoni dwar id-drittijiet tal-bniedem u l-kwistjonijiet relatati ma' l-implimentazzjoni tal-Ftehim ta' Stabilizzazzjoni u Assoċjazzjoni.

—

Jiġi adottat u implimentat pjan ta' azzjoni dettaljat kontra l-korruzzjoni, ibbażat fuq l-istrateġija nazzjonali ta' kontra l-korruzzjoni.

—

Jiġu implimentati r-rakkomandazzjonijiet li saru mill-Grupp ta' Stati kontra l-Korruzzjoni (GRECO) u l-obbligi li jirriżultaw mill-konvenzjonijiet internazzjonali dwar il-korruzzjoni.

—

Issir prosekuzzjoni vigoruża tal-korruzzjoni u tiġi adottata politika ta' tollerenza żero lejn il-korruzzjoni.

—

Tiġi żgurata l-implimentazzjoni xierqa tal-liġi dwar il-konflitt ta' l-interessi.

—

Jitneħħew id-dispożizzjonijiet dwar il-piena kapitali mill-kostituzzjoni tar-Republika Srpska.

—

Titjieb l-implimentazzjoni tal-konvenzjonijiet internazzjonali ratifikati mill-Bosnja-Ħerzegovina, inkluż il-ħtiġiet ta' rappurtar.

—

Jissaħħaħ l-aċċess għall-ġustizzja

—

Tissaħħaħ il-protezzjoni tad-drittijiet tan-nisa u tat-tfal.

—

Jinlaħaq qbil dwar riforma penitenzjarja komprensiva u jiġi żgurat il-bini ta' ħabs fil-livell Statali.

—

Jitjieb aktar il-qafas legali dwar il-minoranzi sabiex dan jilħaq bis-sħiħ il-ħtiġiet tal-Konvenzjoni Qafas tal-Kunsill ta' l-Ewropa dwar il-Minoranzi Nazzjonali u tiġi żgurata l-implimentazzjoni tiegħu tul il-Bosnja-Ħerzegovina.

—

Jiġi żgurat it-tħaddim xieraq tal-Kunsill tal-Minoranzi Nazzjonali tal-Bosnja-Ħerzegovina u l-korpi korrispondenti fil-livell ta' Entità.

—

Jiġu żviluppati u implimentati l-pjanijiet ta' azzjoni settorjali kollha taħt l-istrateġija nazzjonali għar-Roma bħala parti minn strateġija komprensiva dwar it-tnaqqis tal-faqar u l-inklużjoni soċjali.

—

Jitkomplew it-tneħħija ta' l-istituzzjonalizzazzjoni, is-servizzi bbażati fuq il-komunità u l-għajnuna lil persuni dipendenti, inkluż fil-qasam tas-saħħa mentali.

—

Tingħata kontribuzzjoni għat-tisħiħ tal-kooperazzjoni reġjonali, ir-rikonċiljazzjoni u relazzjonijiet tajba mal-viċinat, inkluż bil-promozzjoni tat-transizzjoni mill-Patt ta' Stabbiltà għal qafas ta' kooperazzjoni b'dimensjoni aktar reġjonali u l-implimentazzjoni effettiva tal-Ftehim dwar il-Kummerċ Ħieles ta' l-Ewropa Ċentrali (CEFTA).

—

Tissaħħaħ il-kooperazzjoni mal-pajjiżi ġirien, partikolarment dwar il-kooperazzjoni transkonfinali, il-ġlieda kontra l-kriminalità organizzata, it-traffikar u l-kuntrabandu, il-kooperazzjoni ġudizzjarja u l-ġestjoni tal-fruntieri.

—

Tingħata kontribuzzjoni għas-soluzzjoni tal-kwistjonijiet pendenti ma' pajjiżi ġirien dwar il-fruntieri.

—

Jiġi żgurat li l-fond għar-ritorn tar-refuġjati huwa ffinanzjat b'mod xieraq u kompletament operattiv; tingħata kontribuzzjoni għall-implimentazzjoni sħiħa tad-Dikjarazzjoni ta' Sarajevo; jitlesta l-proċess tar-ritorn tar-refuġjati u jinkiseb progress sinifikanti lejn l-integrazzjoni ekonomika u soċjali tagħhom.

—

Tissaħħaħ l-istabbiltà makroekonomika billi jkun żgurat li l-qagħda fiskali tkun sostenibbli u jintużaw strumenti prudenzjali ta' politika biex tiġi ppreservata l-istabbiltà finanzjarja fid-dawl ta' l-iżvilupp mgħaġġel fl-intermedjazzjoni finanzjarja.

—

Jitħaffef il-proċess ta' privatizzazzjoni, bl-objettiv li jiġu trasferiti minn 5 sa 10 % tal-kapital pubbliku lis-settur privat, bil-Federazzjoni timmira għall-ogħla limitu.

—

Jiġu żviluppati mekkaniżmi ta' sorveljanza fiskali bbażati fuq regoli fiskali u kooperazzjoni istituzzjonali għall-promozzjoni tad-dixxipplina fiskali fi ħdan Entitajiet u bejn Entitajiet u istituzzjonijiet ta' l-Istat; jiġi żgurat l-ambjent xieraq għall-kooperazzjoni istituzzjonali fi ħdan il-qafas ta' Kunsill Nazzjonali Fiskali li jopera b'mod xieraq.

—

Tiġi ffinalizzata r-rikonċiljazzjoni tal-pretensjonijiet domestiċi f'konformità mal-kapaċità ta' rimbors tal-baġit u d-dejn pubbliku jingħata tendenza sostenibbli u li jonqos.

—

Titjieb il-governanza korporattiva billi jinkiseb progress sostanzjali bir-ristrutturar u l-likwidazzjoni ta' l-impriżi pubbliċi li jagħmlu t-telf.

—

Jiġi żgurat li l-qrati kummerċjali jaħdmu tajjeb u, partikolarment, titjieb il-kapaċità tal-qrati biex jipproċessaw il-proċeduri ta' falliment/stralċ ta' l-impriżi b'mod aktar effiċjenti.

—

Tissaħħaħ iċ-ċertezza legali għall-operaturi ekonomiċi lokali u barranin u jittejjeb l-ambjent kummerċjali.

—

Jittejjeb u jiġi implimentat il-qafas legali għall-istandardizzazzjoni, il-metroloġija, l-akkreditazzjoni u ċ-ċertifikazzjoni ta' prodotti biex jinġieb konformi ma' l-istandards u l-aħjar prassi ta' l-UE; jiġu approssimati aktar ir-regolamenti tekniċi ma' dawk ta' l-acquis; tissaħħaħ il-kapaċità ta' l-infrastruttura tal-kwalità u l-istituzzjonijiet, u tinħoloq il-bażi legali għall-proċeduri ta' valutazzjoni tal-konformità.

—

Jiġi żgurat progress kontinwu fl-adozzjoni ta' l-istandards Ewropej (ENs).

—

Jiġi stabbilit mekkaniżmu għal konsultazzjoni u notifika interna għal regolamenti tekniċi ġodda qabel ma jiġu adottati miżuri li jkollhom impatt fuq il-kummerċ.

—

Jiġi żgurat li l-aġenzija ta' sorveljanza tas-suq taħdem għal kollox u li jitkomplew jittieħdu passi għall-istabbiliment ta' struttura ta' sorveljanza tas-suq li twieġeb għar-rekwiżiti ta' l-acquis dwar il-moviment liberu tal-merkanzija.

—

Tiġi adottata liġi Statali dwar it-tagħmir farmaċewtiku u mediċinali u tiġi stabbilita Aġenzija Farmaċewtika ta' l-Istat.

—

Jiġi organizzat il-kontroll bankarju fil-livell Statali (flimkien ma' l-attivitajiet anċillari ta' kontroll) u jiġi żgurat li din l-awtorità ta' kontroll taħdem b'mod effikaċi, skond il-prinċipji fundamentali ta' Basel għal kontroll bankarju effikaċi.

—

Jiġu adottati l-liġijiet dwar l-obbligi fil-livell ta' l-Istat.

—

Jiġi żgurat li l-aġenzija ta' assigurazzjoni tal-Bosnja-Ħerżegovina taħdem tajjeb u li tiggarantixxi l-eżistenza ta' suq intern uniku ta' l-assigurazzjoni.

—

Jinħoloq qafas leġislattiv u regolatorju konsistenti għas-swieq tal-kapital biex tkun żgurata l-eżistenza ta' żona ekonomika unika u jinħoloq ambjent istituzzjonali xieraq għall-koordinazzjoni tal-linji politiċi u l-leġislazzjoni tas-swieq tal-kapital.

—

Isir aktar progress dwar l-eliminazzjoni ta' restrizzjonijiet fuq il-ħruġ tal-kapital.

—

Jiġu approssimati aktar il-leġislazzjoni u l-proċeduri doganali u tat-taxxa ma' l-acquis u jiġi żgurat li t-tariffa tal-Bosnj-Ħerzegovina tkun aġġornata f'waqtha abbażi tan-Nomenklatura Magħquda l-aktar reċenti.

—

Jiġi żgurat li l-qafas legali għaż-żoni ħielsa jkun kompatibbli ma' l-istandards ta' l-UE u li jiggarantixxi kontroll xieraq taż-żoni ħielsa.

—

Tiġi żgurata implimentazzjoni xierqa tar-regoli ta' oriġini, inkluża l-kumulazzjoni djagonali.

—

Jiġu implimentati regoli ta' valutazzjoni doganali f'konformità ma' l-istandards u l-prassi internazzjonali.

—

Jitneħħew it-taxxi li għandhom effett ekwivalenti għad-dazju doganali (miżati doganali għall-ipproċessar tad-dikjarazzjonijiet doganali).

—

Titjieb aktar il-kapaċità amministrattiva biex tiġi implimentata leġislazzjoni tad-dazji u tat-taxxa u għall-ġlieda kontra l-korruzzjoni, il-kriminalità transkonfinali u l-evazjoni fiskali.

—

Jintlaħaq qbil dwar formola permanenti għall-allokazzjoni tad-dħul mit-tassazzjoni indiretta bejn l-Istat, l-Entitajiet u d-distrett Brčko.

—

Ikun hemm impenn għall-prinċipji tal-Kodiċi ta' Kondotta fil-qasam tat-tassazzjoni kummerċjali u tiġi żgurata l-konformità ta' miżuri ġodda tat-taxxa ma' dawn il-prinċipji.

—

Titjieb il-leġislazzjoni eżistenti dwar l-antitrust skond ir-rekwiżiti tal-Ftehim ta' Stabbilizzazzjoni u Assoċjazzjoni u tissaħħaħ il-kapaċità amministrattiva tal-Kunsill tal-Kompetizzjoni.

—

Jitħaffu t-tħejjijiet fil-qasam ta' l-għajnuna mill-Istat, partikolarment bl-adozzjoni tal-leġislazzjoni meħtieġa, billi tkun stabbilita awtorità pubblika ta' monitoraġġ ta' l-għajnuna mill-istat operattiva indipendentement u billi tkun żgurata t-trasparenza ta' l-għajnuna kollha mogħtija fil-Bosnja-Ħerzegovina.

—

Jiġi żgurat li s-sistema unika ta' l-akkwist pubbliku taħdem tajjeb u jiġu implimentati l-leġislazzjoni u l-proċeduri ta' l-akkwist pubbliku. Jitkompla l-iżvilupp tal-kapaċità amministrattiva.

—

L-Istitut għall-Proprjetà Intellettwali għandu jsir operattiv għal kollox sabiex ikun jista' jwettaq il-missjonijiet tiegħu b'mod effettiv u jimplimenta u jinforza l-qafas legali kurrenti.

—

Jitħejja pjan ta' azzjoni għall-bini tal-kapaċità meħtieġa għall-implimentazzjoni u l-infurzar tal-liġijiet dwar il-proprjetà intellettwali, b'enfasi partikolari fuq il-ħtieġa li jiġi pprovdut taħriġ speċjalizzat għall-korpi ta' l-infurzar tal-liġijiet, l-imħallfin, il-prosekuturi u l-uffiċjali tad-dwana.

—

Titjieb il-kooperazzjoni fost il-korpi ta' l-infurzar tal-liġi u bejn il-partijiet interessati rilevanti kollha bil-għan li jissaħħaħ l-infurzar u jinbeda l-iżvilupp ta' kampanji biex titqajjem kuxjenza pubblika.

—

Jiġu żviluppati aktar il-linji ta' politika ta' inklużjoni soċjali u protezzjoni soċjali.

—

Jiġu żviluppati mekkaniżmi għal djalogu soċjali.

—

Isiru aktar sforzi biex titjieb is-sitwazzjoni ta' persuni b'diżabbiltà.

—

Jiġu żviluppati strutturi u kapaċità amministrattiva xierqa fil-qasam tal-protezzjoni tal-konsumatur u tas-saħħa.

—

Tiġi implimentata l-Liġi fil-livell Statali dwar l-edukazzjoni ogħla, li twitti t-triq għall-implimentazzjoni tal-komponenti ewlenin tal-proċess ta' Bolonja u l-Konvenzjoni tar-Rikonoxximent ta' Liżbona.

—

Tiġi riżolta l-frammentazzjoni tas-sistema edukattiva u l-koinċidenza tal-funzjonijiet bejn il-livelli differenti ta' organizzazzjoni. Jissaħħu l-iżvilupp tal-politika u l-ippjanar strateġiku biex titjieb il-kwalità ta' l-edukazzjoni

—

Jittieħdu miżuri biex tkun evitata s-segregazzjoni tat-tfal fuq linji entniċi fl-iskola.

—

Tiġi ffirmata u rratifikata l-Konvenzjoni tal-UNESCO dwar il-Protezzjoni u l-Promozzjoni tad-Diversità ta' l-Espressjonijiet Kulturali.

—

Jinbeda t-tfassil ta' politika integrata dwar ir-riċerka.

—

Jitkomplew ir-riformi meħtieġa għall-konformità mar-regoli u l-obbligi tad-WTO u titkompla l-ħidma lejn il-kisba ta' l-adeżjoni mad-WTO.

—

Jinħoloq qafas legali u istituzzjonali koerenti għall-SMEs sabiex tkun implimentata kif xieraq il-Karta ta' l-SMEs.

—

Tiġi adottata l-istrateġija proposta madwar il-pajjiż kollu dwar l-SMEs u jiġu stabbiliti l-kapaċitajiet minimi meħtieġa fil-livell ta' l-Istat biex tkun żgurata politika koerenti u koordinata ta' l-SMEs fil-pajjiż kollu, inkluż Aġenzija ta' l-SMEs nazzjonali u forum għal djalogu u kunsultazzjoni ma' l-SMEs.

—

Tiġi żviluppata politika industrijali komprensiva.

—

Tiġi adottata l-Liġi dwar l-Agrikoltura, l-Ikel u l-Iżvilupp Rurali u jiġi żgurat qafas legali xieraq għall-implimentazzjoni armonizzata tal-linji ta' politika agrikoli, ta' l-ikel u ta' l-iżvilupp rurali. Tiġi żviluppata strateġija komprensiva dwar l-agrikoltura fil-livell ta' l-Istat.

—

Tissaħħaħ il-kapaċità amministrattiva fil-livell ta' l-Istat fir-rigward ta' l-agrikoltura, l-ikel u l-iżvilupp rurali sabiex tkun koordinata b'mod effikaċi l-implimentazzjoni tal-linji ta' politika tas-suq u ta' l-iżvilupp rurali madwar il-pajjiż kollu. Issir ħidma lejn l-istabbiliment ta' Ministeru ta' l-Agrikoltura, l-Ikel u l-Iżvilupp Rurali fil-livell ta' l-Istat b'riżorsi suffiċjenti biex jimplimenta l-missjonijiet tiegħu.

—

Tiġi żgurata l-adozzjoni ta' leġislazzjoni konformi ma' l-istandards Ewropej fis-settur tas-sigurtà alimentari, is-settur veterinarju u dak fitosanitarju u tinbeda l-implimentazzjoni tagħha.

—

Titjieb il-kapaċità tal-laboratorju u ta' l-ispezzjoni fis-settur tas-sigurtà ta' l-ikel u fis-settur veterinarju u dak fitosanitarju, jiġu stabbiliti laboratorji ta' referenza u jiġu żviluppati proċeduri tat-teħid ta' kampjuni skond ir-rekwiżiti ta' l-UE.

—

Titjieb is-sistema għall-identifikazzjoni u r-reġistrazzjoni taċ-ċaqliq tal-bovini u tinbeda l-identifikazzjoni u r-reġistrazzjoni taċ-ċaqliq tal-ħnieżer, in-ngħaġ u l-mogħoż.

—

Tiġi adottata liġi ambjentali Statali biex jinħoloq il-qafas għal protezzjoni armonizzata ta' l-ambjent man-nazzjon kollu.

—

Tiġi implimentata aktar il-leġislazzjoni dwar il-valutazzjoni ta' l-impatt ambjentali.

—

Jiġu ratifikati u tinbeda l-implimentazzjoni tal-konvenzjonijiet internazzjonali rilevanti, inklużi l-Konvenzjonijiet Aarhus u Espoo.

—

Jiġi stabbilit u żgurat it-tħaddim xieraq ta' l-Aġenzija Ambjentali ta' l-Istat.

—

Tissaħħaħ aktar il-kapaċità amministrattiva ta' l-istituzzjonijiet relatati ma' l-ambjent, partikolarment fil-livell ta' l-Istat, u titjieb il-komunikazzjoni u l-koordinazzjoni bejn dawk l-istituzzjonijiet.

—

Jiġu ssodissfati l-obbliġi li jirriżultaw mit-Trattat dwar il-Komunità ta' l-Enerġija mill-1 ta' Lulju 2007 fir-rigward ta' l-implimentazzjoni sħiħa ta' l-acquis fuq is-suq intern tal-gass u ta' l-elettriku u fuq l-iskambji transkonfinali fl-elettriku.

—

Tiġi żviluppata u adottata strateġija komprensiva dwar l-enerġija.

—

Titkompla l-implimentazzjoni tar-rekwiżiti tal-Memorandum ta' Ftehim dwar l-Iżvilupp tan-Netwerk Prinċipali tat-Trasport Reġjonali ta' l-Ewropa tax-Xlokk, inkluż l-Addendum dwar il-ħolqien ta' żona ferrovjarja fl-Ewropa tax-Xlokk u jiġi kkonsolidat l-ippjanar ta' l-infrastrutturi tat-trasport fil-livell ta' l-Istat u ta' l-Entitajiet, bil-ħsieb ta' prijoritizzazzjoni konsistenti ta' proġetti tat-trasport tul in-Netwerk Prinċipali tat-Trasport Reġjonali ta' l-Ewropa tax-Xlokk.

—

Jiġu approssimati ma' l-acquis dwar it-trasport bit-triq (standards tekniċi u ta' sikurezza, regoli soċjali u aċċess għas-suq).

—

Tiġi implimentata bis-sħiħ il-Liġi ta' l-Istat dwar il-Ferroviji. Titħejja dikjarazzjoni tan-netwerk ferrovjarju għal aċċess miftuħ għall-użu ta' l-infrastruttura.

—

Jiġu implimentati l-impenji meħuda taħt l-ewwel fażi transitorja tal-Ftehim dwar iż-Żona ta' Avjazzjoni Komuni Ewropea, inkluża l-implimentazzjoni tal-leġislazzjoni ta' l-avjazzjoni rilevanti.

—

Tiġi adottata l-Liġi dwar l-Aġenzija tas-Soċjetà ta' l-Informazzjoni u tiġi stabbilita l-Aġenzija.

—

Jiġu implimentati u infurzati r-regolamenti dwar it-telekomunikazzjonijiet/il-komunikazzjonijiet elettroniċi mmirati għal suq kompletament liberalizzat u kompetittiv. Jiġu introdotti s-salvagwardji kompetittivi meħtieġa fis-suq.

—

Tinżamm il-pożizzjoni indipendenti ta' l-Awtorità Regolatorja tal-Komunikazzjonijiet. Tissaħħaħ il-kapaċità amministrattiva tagħha.

—

Tiġi żviluppata u adottata strateġija ta' kontroll intern tal-finanzi pubbliċi.

—

Tiġi adottata u implimentata leġislazzjoni dwar il-kontroll intern u l-verifika fis-settur pubbliku.

—

Jiġi implimentat il-ftehim bejn l-Entitajiet fis-sistema ta' l-istatistika dwar it-titjib tal-ħidma ta' l-Aġenzija ta' l-Istatistika Ċentrali fil-Bosnja-Ħerżegovina u titjieb il-firxa u l-kwalità ta' l-istatistika, partikolarment fil-livell ta' l-Istat.

—

Jitjiebu l-ġbir u l-ipproċessar ta' statistika dwar l-agrikoltura skond l-istandards u l-metodoloġija ta' l-UE.

—

Titjieb il-kwalità u l-kopertura ta' l-istatistika dwar il-kontijiet konsolidati tal-gvern.

—

Jiġi stabbilit il-qafas leġislattiv finanzjarju meħtieġ għat-twettiq taċ-ċensiment tal-popolazzjoni. Ikun hemm qbil dwar data ta' mira għaċ-ċensiment u jinbdew it-tħejjijiet għall-implimentazzjoni tiegħu.

—

Jiġi provdut il-persunal xieraq għat-taqsima tal-migrazzjoni fi ħdan il-Ministeru tas-Sigurtà u l-faċilitajiet, it-tagħmir, il-persunal u t-taħriġ adegwat għad-Dipartiment ta' l-Affarijiet Barranin.

—

Tiġi adottata strateġija tal-migrazzjoni fil-livell ta' l-Istat u l-Liġi l-ġdida dwar iċ-ċaqliq u r-residenza ta' barranin.

—

Jiġi implimentat il-ftehim ta' riammissjoni KE/Bosnja-Ħerzegovina u jiġu negozjati l-ftehim ta' riammissjoni mal-pajjiżi ta' oriġini ta' migranti fi transitu.

—

Jiġi żgurat li ċ-ċentri ta' lqugħ jilħqu l-istandards internazzjonali u jassumu pussess sħiħ tal-finanzjament u l-ġestjoni tagħhom.

—

Tiġi adottata u implimentata l-istrateġija nazzjonali riveduta dwar il-ġestjoni integrata tal-fruntieri (ĠIF), abbażi tal-linji gwida tal-ĠIF għall-Balkani tal-Punent, kif ukoll il-pjan ta' azzjoni nazzjonali korrispondenti.

—

Ikomplu jitjiebu l-punti ta' qsim tal-fruntieri.

—

Jiġi impjegat il-persunal meħtieġ għall-Unità ta' Intelligence Finanzjarja.

—

Tiġi mtejba aktar il-leġislazzjoni kontra l-money laundering, inkluż l-implimentazzjoni u l-infurzar.

—

Tiġi żviluppata politika dwar id-drogi fil-livell ta' l-Istat f'konformità ma' l-istandards Ewropej.

—

Jiġi żgurat it-tħaddim sħiħ ta' uffiċċju għan-narkotiċi fil-livell ta' l-Istat.

—

Tissaħħaħ aktar l-Aġenzija ta' l-Investigazzjoni u l-Protezzjoni ta' l-Istat, partikolarment billi jitlesta r-reklutaġġ tal-persunal tagħha.

—

Jitħejjew u jiġu implimentati l-pjani ta' azzjoni kollha previsti mill-istrateġija nazzjonali għall-ġlieda kontra l-kriminalità organizzata.

—

Jiġi aġġornat u implimentat il-pjan ta' azzjoni nazzjonali għall-ġlieda kontra t-traffikar tal-bnedmin.

—

Tiġi ratifikata l-Konvenzjoni tal-Kunsill ta' l-Ewropa dwar l-azzjoni kontra t-traffikar tal-bnedmin.

—

Tiġi rinfurzata l-ġlieda kontra l-kriminalità organizzata u l-kooperazzjoni internazzjonali ma' aġenziji ta' l-infurzar tal-liġi.

—

Jittieħdu miżuri addizzjonali biex jiġu protetti vittmi tat-traffikar u tiġi żgurata implimentazzjoni adegwata tal-leġislazzjoni għall-protezzjoni tax-xhieda.

—

Tissaħħaħ il-kapaċità ta' l-Aġenzija ta' l-Investigazzjoni u l-Protezzjoni ta' l-Istat fil-ġlieda kontra t-terroriżmu u tiġi rinfurzata l-kooperazzjoni internazzjonali f'dan il-qasam, inkluż permezz ta' implimentazzjoni xierqa tal-konvenzjonijiet internazzjonali.

—

Tiġi stabbilita awtorità superviżorja indipendenti (aġenzija għall-protezzjoni tad-data) b'setgħat u riżorsi finanzjarji u umani suffiċjenti.

—

Jitkompla l-proċess biex jintlaħaq qbil dwar u jiġu adottati bidliet fil-kostituzzjoni tal-Bosnja-Ħerzegovina li ser jikkontribwixxu biex joħolqu strutturi istituzzjonali aktar funzjonali u sostenibbli min-naħa fiskali, jitjieb ir-rispett għad-drittijiet tal-bniedem u d-drittijiet fundamentali u jiġi appoġġat il-proċess ta' l-integrazzjoni Ewropea.

—

Jiġi żgurat progress kontinwu bit-teħid ta' responsabbiltà nazzjonali sħiħa għall-formulazzjoni tal-politika u għat-teħid tad-deċiżjonijiet.

—

Tiġi implimentata r-riforma ta' l-amministrazzjoni pubblika u tiġi żgurata s-sostenibbiltà tagħha. Tiżdied il-kapaċità għal armonizzazzjoni legali progressiva u għall-implimentazzjoni ta' l-acquis.

—

Tiġi implimentata l-istrateġija għall-iżvilupp tas-settur tal-ġustizzja, tiġi kkonsolidata ġudikatura indipendenti, affidabbli u effiċjenti li tiggarantixxi l-istat tad-dritt u aċċess ugwali ta' ċittadini għall-ġustizzja u jiġi ggarantit li l-qrati jkollhom it-tagħmir tekniku u l-mezzi finanzjarji meħtieġa biex tingħata ġustizzja effiċjenti u xierqa.

—

Jiġi żgurat li l-leġislazzjoni nazzjonali hija għal kollox kompatibbli mal-Konvenzjoni Ewropea għad-Drittijiet tal-Bniedem.

—

Tiġi żgurata l-protezzjoni tal-minoranzi skond l-istandards ta' l-UE u dawk internazzjonali; tiġi implimentata bis-sħiħ l-istrateġija nazzjonali għar-Roma u l-pjanijiet ta' azzjoni settorjali tagħha; tiġi żviluppata data li tista' sservi bħala bażi soda għat-trawwim ta' aktar żviluppi ta' strateġiji u pjanijiet ta' azzjoni għall-inklużjoni soċjali u l-evalwazzjoni tagħhom.

—

Jiġu promossi aktar id-djalogu reġjonali, l-istabbiltà, ir-relazzjonijiet tajba mal-viċinat u l-kooperazzjoni.

—

Jiġi allinjat il-ftehim konkluż ma' l-Istati Uniti dwar il-kondizzjonijiet ta' ċessjoni ta' persuni lill-Qorti Kriminali Internazzjonali f'konformità mal-prinċipji gwida ta' l-UE adottati mill-Kunsill Ewropew f'Settembru 2002.

—

Titjieb il-kwalità tal-finanzi pubbliċi billi jitnaqqas l-infiq pubbliku fir-rigward tad-PGD, jiġi ristrutturat l-infiq lejn kategoriji li jsaħħu t-tkabbir u billi tissaħħaħ il-kapaċità ta' ppjanar tal-politika ekonomika.

—

Jitlesta l-proċess ta' privatizzazzjoni u jiġu likwidati l-bqija ta' l-impriżi pubbliċi li jagħmlu telf u li ma jistgħux jinbiegħu.

—

Titjieb il-parteċipazzjoni fl-ekonomija formali billi jitnaqqsu r-rati tal-kontribuzzjoni soċjali u tiġi riformata s-sistema tal-pensjonijiet u tiġi ffaċilitata l-mobbiltà tax-xogħol tul il-pajjiż.

—

Titħaffef is-separazzjoni ta' l-indusriji f'netwerk sabiex jinfetħu s-swieq ta' l-elettriku, il-gass u t-telekomunikazzjonijiet għal aktar fornituri bil-ħsieb li tiżdied il-kompetizzjoni u l-allokazzjoni effiċjenti tar-riżorsi.

—

Jitkomplew ir-riformi fl-oqsma tar-reġistrazzjoni tal-proprjetà, l-infurzar tal-kuntratti, il-proċeduri ta' falliment, ir-reġistrazzjoni, it-tassazzjoni u l-liċenzjar tan-negozji sabiex jitjieb l-ambjent kummerċjali u tiġi promossa l-intraprenditorija. Jitneħħew regolamenti li jikkoinċidu imposti minn livelli differenti ta' gvern u t-tassazzjoni doppja għall-kumpanniji bejn l-entitajiet.

—

Jitkompla l-istabbiliment ta' l-infrastruttura tal-kwalità, bl-approssimazzjoni tal-leġislazzjoni fl-oqsma ta' l-istandards, iċ-ċertifikazzjoni, il-metroloġija, l-akkreditazzjoni u l-valutazzjoni tal-konformità ma' l-acquis, u bit-traspożizzjoni ta' direttivi b'approċċ ġdid u globali u direttivi b'approċċ qadim.

—

Isir aktar progress fl-adozzjoni ta' l-istandards Ewropej u jitħaffu l-isforzi biex issir membru sħiħ tal-Kumitat Ewropew għall-Istandardizzazzjoni, tal-Kumitat Ewropew għall-Istandardizzazzjoni Elettroteknika u ta' l-Istitut Ewropew ta' l-Istandards tat-Telekomunikazzjoni.

—

Tiġi stabbilita sistema ta' sorveljanza tas-suq f'komformità ma' l-istandards Ewropej.

—

Tiġi żgurata approssimazzjoni kontinwa ta' leġislazzjoni doganali u ta' tassazzjoni ma' l-acquis u tiżdied aktar il-kapaċità amministrattiva biex tiġi implimentata din il-leġislazzjoni u biex tkun miġġielda l-korruzzjoni, il-kriminalità transkonfinali u l-evażjoni fiskali.

—

Jitjiebu t-trasparenza u l-iskambju ta' informazzjoni fi ħdan ir-reġjun u ma' l-UE sabiex jiġi ffaċilitat l-infurzar ta' miżuri li jipprevjenu li t-taxxi jiġu evitati jew evażi.

—

Tiġi implimentata leġislazzjoni dwar l-għajnuna mill-Istat u jiġi żgurat li l-awtorità ta' monitoraġġ ta' l-għajnuna mill-Istat topera b'mod effikaċi.

—

Jiġi prodott inventarju komprensiv ta' l-għajnuna mill-Istat.

—

Jiġi żgurat li l-qafas legali għall-akkwist pubbliku huwa kompatibbli ma' l-acquis u li l-proċeduri ta' akkwist pubbliku huma implimentati sew.

—

Fil-qasam tas-saħħa mentali, jiġu żviluppati servizzi bbażati fuq il-komunità bħala alternattiva għall-istituzzjonalizzazzjoni, filwaqt li titqies l-allokazzjoni ta' riżorsi finanzjarji suffiċjenti għall-kura tas-saħħa mentali.

—

Jittieħdu miżuri biex titjieb is-sistema ta' l-edukazzjoni, inkluża l-edukazzjoni primarja, u biex tinħoloq sistema moderna ta' edukazzjoni vokazzjonali u ta' taħriġ.

—

Tiġi promossa l-kooperazzjoni reġjonali fil-qasam ta' l-edukazzjoni ogħla.

—

Tiġi żviluppata statistika ekonomika affidabbli u tinbena kapaċità istituzzjonali biex tiġi prodotta u ppubblikata data bażika ta' l-istatistika armonizzata ma' standards Ewropej, partikolarment fl-oqsma ta' l-istatistika tal-kontijiet nazzjonali, l-agrikoltura, dik makroekonomika u kummerċjali, u l-istatistika soċjali, inkluża l-edukazzjoni, l-istatistika ta' xogħol u saħħa.

—

Jitwettaq iċ-ċensiment tal-popolazzjoni.

—

Tiġi żgurata l-implimentazzjoni tal-Karta ta' l-SMEs.

—

Tiġi żgurata l-implimentazzjoni tal-politika industrijali.

—

Tiġi implimentata l-istrateġija komprensiva dwar l-agrikoltura fil-livell ta' l-Istat madwar il-pajjiż kollu.

—

Tissaħħaħ aktar il-kapaċità fil-livell ta' l-Istat għall-koordinazzjoni u l-armonizzazzjoni tal-politika ta' l-agrikoltura, ta' l-ikel u ta' l-iżvilupp rurali, jiġu rinfurzati l-mekkaniżmi ta' l-implimentazzjoni u ssir aktar approssimazzjoni ma' l-acquis.

—

Titkompla l-adozzjoni ta' leġislazzjoni konformi fis-settur tas-sigurezza alimentari, fis-setturi veterinarji u fitosanitarji u tiġi żviluppata sistema effikaċi ta' kontrolli.

—

Tiġi vvalutata l-konformità ta' stabbilimenti agroalimentari ma' ħtiġiet ta' l-UE u jitħejja u jinbeda programm għall-modernizzazzjoni ta' dawk l-istabbilimenti.

—

Titkompla l-ħidma dwar it-traspożizzjoni progressiva ta' l-acquis, b'enfasi partikolari fuq il-ġestjoni ta' l-iskart, il-kwalità ta' l-ilma, il-kwalità ta' l-arja, il-protezzjoni tan-natura u l-prevenzjoni u l-kontroll integrati tat-tniġġis.

—

Jiġu implimentati pjanijiet strateġiċi, inkluż strateġiji ta' l-investiment, u jiżdiedu l-investimenti fl-infrastruttura ambjentali, b'enfasi partikolari fuq il-ġbir u t-trattament tad-drenaġġ, il-provvista ta' l-ilma tax-xorb u l-ġestjoni ta' l-iskart solidu.

—

Tiġi żgurata integrazzjoni tar-rekwiżiti għall-protezzjoni ambjentali fid-definizzjoni u l-implimentazzjoni ta' linji ta' politika settorjali oħrajn.

—

Jinħolqu l-kondizzjonijiet għall-kompetizzjoni fuq il-linji tal-ferroviji, inkluż istituzzjonijiet regolatorji u responsabbli għas-sikurezza tal-ferroviji.

—

Tiġi żgurata aktar approssimazzjoni tal-leġislazzjoni ma' l-acquis tat-trasport, partikolarment fir-rigward ta' standards tekniċi u tas-sikurezza (inkluż l-implimentazzjoni tat-takografu diġitali), standards soċjali u liberalizzazzjoni tas-suq.

—

Jiġu implimentati impenji meħuda taħt it-tieni fażi transitorja tal-Ftehim dwar l-Ispazju Komuni Ewropew ta' l-Avjazzjoni

—

Titħaffef ir-riforma tas-servizzi ta' l-enerġija, partikolarment fis-setturi ta' l-enerġija elettrika u tal-gass, jiġu implimentati l-pjani ta' azzjoni ta' l-Entitajiet għar-ristrutturar tas-settur ta' l-enerġija, jiġu żviluppati u implimentati pjani paralleli dwar ir-riforma tas-settur tal-faħam, jiġi stabbilit operatur tas-sistema ta' trasmissjoni u operaturi tas-sistema ta' distribuzzjoni fis-settur tal-gass u jiġi żviluppat is-suq intern tal-gass.

—

Tiġi żgurata sistema konsolidata ta' regolazzjoni ta' l-enerġija u l-gass, lesta li tinkludi setturi oħrajn ta' l-enerġija, f'konformità mat-Trattat dwar il-Komunità ta' l-Enerġija u, b'mod parallel, jiġi żgurat li jiġu trattati l-kwistjonijiet relatati ma' konsumaturi f'sitwazzjoni soċjali vulnerabbli.

—

Tiġi implimentata bis-sħiħ il-leġislazzjoni tax-xandir pubbliku u titlesta r-riforma strutturali tas-settur tax-xandir pubbliku.

—

Tiġi allinjata l-leġislazzjoni mal-qafas regolatorju ta' l-UE għan-netwerks u s-servizzi ta' komunikazzjoni elettronika u jiġu żgurati l-implimentazzjoni u l-infurzar.

—

Isir allinjament mal-Konvenzjoni Ewropea dwar it-Televiżjoni Trans-konfini u d-direttiva dwar it-Televiżjoni mingħajr Fruntieri.

—

Tiġi implimentata l-karta ta' politika u l-pjan ta' azzjoni dwar il-kontroll intern tal-finanzi pubbliċi.

—

Jissaħħu l-kapaċità operattiva u funzjonali u l-indipendenza finanzjarja ta' l-istituzzjonijiet supremi ta' verifika.

—

Jiġu żviluppati proċeduri u kapaċità amministrattiva sabiex jiżguraw protezzjoni effikaċi ta' l-interessi finanzjarji ta' l-UE.

—

Jiġu implimentati l-linji ta' politika dwar il-viża, l-ażil u l-migrazzjoni f'konformità ma' l-istandards ta' l-UE.

—

Titjieb aktar il-ġestjoni tal-fruntieri, b'enfasi speċjali fuq l-infrastruttura u s-sorveljanza fil-fruntieri tal-fruntiera l-ħadra

—

Jiġi żgurat titjib kontinwu tar-rekord ta' l-infurzar rigward il-money laundering.

—

Jiġi żgurat li l-korpi ta' l-infurzar tal-liġi jkunu mgħammra sew biex jiġġieldu t-traffikar tad-drogi. Tinkiseb kooperazzjoni sodisfaċenti bejn l-aġenziji u kooperazzjoni internazzjonali, li twassal għal riżultati konsiderevolment imtejba f'dan il-qasam.

—

Ikun hemm implimentazzjoni sħiħa tar-riforma tal-pulizija.

—

Jinkisbu riżultati sinifikanti kontra l-kriminalità organizzata, it-tipi kollha ta' traffikar u terroriżmu u tiġi żgurata prosekuzzjoni xierqa.

—

Tiġi implimentata l-liġi nazzjonali dwar data personali f'konformità ma' l-acquis u jiġu żgurati monitoraġġ u infurzar effiċjenti.

—

Tiġi żgurata l-implimentazzjoni xierqa ta' l-impenji kollha meħuda fil-Ftehim ta' Stabilizzazzjoni u Assoċjazzjoni.

—

Jiġi promoss djalogu kostruttiv u inklussiv, partikolarment f'oqsma li jeħtieġu kunsens bejn il-partiti politiċi kollha, fil-qafas ta' l-istituzzjonijiet demokratiċi.

—

Tiġi żgurata implimentazzjoni effikaċi tal-Liġi dwar il-pulizija.

—

Jinkisbu riżultati kostanti fl-implimentazzjoni tar-riformi ġudizzjarji u jissaħħu l-indipendenza u l-kapaċità globali tas-sistema ġudizzjarja. Tiġi implimentata r-riforma tal-prosekuzzjoni u tiġi ffinalizzata l-ħatra tal-Kunsill Ġudizzjarju.

—

Jinkisbu riżultati kostanti fl-implimentazzjoni tal-leġislazzjoni dwar il-ġlieda kontra l-korruzzjoni.

—

Jiġi żgurat li r-reklutaġġ u l-avvanz fil-karriera tal-ħaddiema taċ-ċivil ma tkunx soġġetta għal indħil politiku, tiġi żviluppata ulterjorment sistema ta' karrieri bbażata fuq il-mertu u tiġi implimentata totalment il-Liġi dwar il-ħaddiema taċ-ċivil.

—

Jitnaqqas it-tfixkil għall-ħolqien ta' l-impjieg u jiġi ttrattat partikolarment il-qgħad taż-żgħażagħ u l-qgħad fuq perijodu twil.

—

Jiġi mtejjeb l-ambjent kummerċjali ġenerali billi jittejjeb l-istat tad-dritt, tissaħħaħ l-indipendenza ta' l-aġenziji regolatorji u superviżorji, jitħaffu l-proċeduri legali u tissokta r-reġistrazzjoni tad-drittijiet tal-proprjetà.

—

Tissokta l-implimentazzjoni tal-Ftehim ta' Qafas Ohrid bil-għan li, inter alia, jiġi promoss l-bini ta' fiduċja interetnika.

—

Jiġi żgurat li l-elezzjonijiet futuri kollha jitmexxew skond il-kodiċi elettorali.

—

Jittieħdu deċiżjonijiet minnufih dwar kwalunkwe irregolarità fl-elezzjonijiet u jiġu imposti pieni li jimpedixxu każi ulterjuri.

—

Tiġi mtejba l-kapaċità tal-parlament, partikolarment billi jiżdiedu r-riżorsi tiegħu.

—

Tissaħħaħ it-trasparenza u r-responsabbiltà ta' l-amministrazzjonijiet lokali. B'mod partikolari, jissaħħu l-kontroll intern u l-verifiki.

—

Jiġi stabbilit standard sodisfaċenti ta' ġbir tat-taxxa muniċipali mal-pajjiż kollu.

—

Tiġi żviluppata l-kapaċità tal-muniċipalitajiet għall-ġestjoni ta' l-art ta' l-Istat.

—

Jiġi żgurat li l-għadd u l-kompetenza tal-persunal tal-muniċipalitajiet ikunu suffiċjenti.

—

Tiġi introdotta sistema ta' karrieri abbażi tal-mertu sabiex tinbena amministrazzjoni pubblika responsabbli, effikaċi u professjonali fil-livell ċentrali u lokali.

—

Tiġi żgurata l-implimentazzjoni effikaċi tal-kodiċi ta' etika għall-ħaddiema taċ-ċivil.

—

Tissaħħaħ il-kapaċità amministrattiva, partikolarment billi tiġi żviluppata l-kapaċità għal ippjanar strateġiku u żviluppi tal-politika kif ukoll billi jittejjeb it-taħriġ, u tiġi żviluppata strateġija ġenerali dwar it-taħriġ għall-ħaddiema taċ-ċivil.

—

Jiġu implimentati b'mod effikaċi l-miżuri adottati biex tiġi żgurata t-trasparenza fl-amministrazzjoni, partikolarment fil-proċess tat-teħid tad-deċiżjonijiet, u tiġi promossa ulterjorment il-parteċipazzjoni attiva mis-soċjetà ċivili.

—

Titkompla l-implimentazzjoni tar-riformi ta' l-aġenziji dwar l-infurzar tal-liġi.

—

Tiġi żgurata kapaċità amministrattiva adegwata għall-ipprogrammar u l-ġestjoni effikaċi tal-fondi għall-IPA.

—

Jiġi żviluppat ulterjorment it-taħriġ inizjali u kontinwu fl-akkademja għall-imħallfin u l-prosekuturi.

—

Jitlesta l-istabbiliment ta' l-istrutturi ġodda tal-qorti u jiġu allokati riżorsi xierqa biex jiġi żgurat li dawn ikunu totalment operattivi u tittejjeb l-effiċjenza tagħhom.

—

Tiġi żgurata l-eżekuzzjoni xierqa u sħiħa tad-deċiżjonijiet tal-qorti.

—

Jiġi żgurat segwitu xieraq tar-rakkomandazzjonijiet li jsiru mill-Kummissjoni Statali Kontra l-Korruzzjoni u l-Uffiċċju Statali tal-Verifika.

—

Jiġu implimentati totalment ir-rakkomandazzjonijiet magħmula mill-Grupp ta' Stati kontra l-Korruzzjoni (GRECO).

—

Tissaħħaħ il-kapaċità amministrattiva meħtieġa għall-implimentazzjoni tar-regoli adottati dwar l-finanzjament tal-partiti politiċi u l-kampanji elettorali. Jiġu imposti sanzjonijiet effikaċi fil-każ ta' ksur.

—

Isir segwitu ta' l-analiżi li jitwettqu fir-rigward tad-drittijiet diskrezzjonarji ta' ċerti uffiċjali pubbliċi.

—

Tiġi żgurata l-implimentazzjoni sħiħa tal-liġi dwar l-aċċess tal-pubbliku għall-informazzjoni.

—

Tissaħħaħ aktar il-kooperazzjoni bejn l-istituzzjonijiet.

—

Issir konformità sħiħa mal-Konvenzjoni Ewropea dwar id-Drittijiet tal-Bniedem, ir-rakkomandazzjonijiet tal-Kumitat għall-Prevenzjoni tat-Tortura kif ukoll il-Konvenzjoni Qafas għall-Protezzjoni tal-Minoranzi Nazzjonali.

—

Jiġu implimentati totalment ir-regoli li japplikaw għall-etika, il-kontroll intern, l-istandards professjonali u tad-drittijiet tal-bniedem fl-aġenziji ta' l-infurzar tal-liġi, il-ġudikatura u l-amministrazzjonijiet tal-ħabsijiet, inkluż permezz ta' taħriġ regolari.

—

Jiġu pprovduti riżorsi suffiċjenti biex il-kondizzjonijiet tal-ħabsijiet ikunu ta' standard ogħla.

—

Jiġu stabbiliti mekkaniżmi effikaċi għall-identifikazzjoni, is-segwitu u l-penalizzazzjoni tal-forom kollha ta' diskriminazzjoni minn korpi statali u dawk mhux statali kontra individwi jew gruppi.

—

Tiġi mtejba aktar il-protezzjoni tad-drittijiet tan-nisa u tat-tfal.

—

Tittejjeb u tiġi implimentata l-istrateġija dwar ir-rappreżentanza ġusta ta' komunitajiet li m'humiex f'maġġoranza, partikolarment bil-provvediment ta' riżorsi adegwati u l-impożizzjoni ta' sanzjonijiet effikaċi meta ma jintlaħqux il-miri.

—

Jiġi promoss l-aċċess għall-edukazzjoni, il-ġustizzja u l-għajnuna soċjali għall-membri ta' gruppi f'minoranza.

—

Tissokta l-kooperazzjoni sħiħa ma' l-ICTY u, fid-dawl tal-possibbiltà tar-ritorn ta' fajls mill-ICTY, jintlaħqu l-prekondizzjonijiet kollha meħtieġa li jkunu jiżguraw il-proċess dovut.

—

Tissokta l-promozzjoni tat-transizzjoni mill-Patt ta' Stabbiltà għal qafas ta' kooperazzjoni aktar reġjonalizzat u l-implimentazzjoni effikaċi tal-Ftehim dwar il-Kummerċ Ħieles ta' l-Ewropa Ċentrali (CEFTA).

—

Jiġu żgurati relazzjonijiet tajba mal-ġirien, partikolarment bl-intensifikazzjoni ta' l-isforzi b'approċċ kostruttiv biex tinstab soluzzjoni negozjata u reċiprokament aċċettabbli mal-Greċja dwar il-kwistjoni ta' l-isem, fil-qafas tar-Riżoluzzjonijiet 817/93 u 845/93 tal-Kunsill tas-Sigurtà tan-NU, u jiġu evitati azzjonijiet li jistgħu jaffetwawhom b'mod negattiv.

—

Titrawwem il-kooperazzjoni mal-pajjiżi ġirien u tiġi żgurata implimentazzjoni effikaċi, partikolarment dwar il-kooperazzjoni transkonfinali, il-ġlieda kontra l-kriminalità organizzata, it-traffikar u l-kuntrabandu, il-kooperazzjoni ġudizzjarja, il-ġestjoni tal-fruntieri, ir-riammissjoni u l-ambjent.

—

Titkompla r-reġistrazzjoni ta' l-art u l-proprjetà immobbli u tissaħħaħ il-leġislazzjoni sabiex titjieb iċ-ċertezza legali għall-operaturi ekonomiċi u jittejjeb il-funzjonament tal-mekkaniżmi ta' l-ekonomija tas-suq.

—

Tiġi mtejba l-effikaċja tas-servizzi pubbliċi, partikolarment bil-provvediment ta' fondi addizzjonali għat-taħriġ u għat-titjib ta' l-infrastruttura attwali.

—

Jiġi adottat u implimentat qafas leġislattiv orizzontali għat-twettiq ta' l-infrastruttura meħtieġa, u tiġi żgurata segregazzjoni tal-ħidmiet bejn id-diversi funzjonijiet (regolamentazzjoni, standardizzazzjoni, akkreditazzjoni, metroloġija, valutazzjoni tal-konformità u sorveljanza tas-suq) għall-proċeduri ta' valutazzjoni tal-konformità.

—

Tiġi abbozzata strateġija komprensiva b'miri għall-implimentazzjoni ta' l-acquis għall-organizzazzjonijiet orizzontali rilevanti (standardizzazzjoni, akkreditazzjoni, metroloġija u sorveljanza tas-suq) flimkien ma' dati stabbiliti u responsabbilitajiet ċari għall-introduzzjoni u l-implimentazzjoni effikaċi tal-miżuri leġislattivi u t-titjib tal-kapaċità amministrattiva fis-setturi differenti.

—

Jiġi abbozzat pjan ta' azzjoni għall-konformità ma' l-Artikoli 28 u 30 tat-Trattat KE flimkien ma' miri għall-analiżi interna tal-leġislazzjoni domestika u l-prattiċi amministrattivi, għall-introduzzjoni ta' klawsoli ta' rikonoxximent reċiproku u għall-emendi sussegwenti meħtieġa.

—

Titħaffef ir-rata ta' adozzjoni ta' l-istandards Ewropej u jiżdiedu l-isforzi sabiex issir

—

Jitneħħew l-ostakoli li fadal għall-istabbiliment u l-provvediment ta' servizzi transkonfinali li jiffaċċjaw persuni fiżiċi jew ġuridiċi mill-UE.

—

Tiġi introdotta distinzjoni fil-leġislazzjoni bejn il-provvediment ta' servizzi permezz ta' l-istabbiliment permanenti u l-provvediment fuq bażi temporanja.

—

Jissaħħaħ aktar il-qafas ta' kontra l-money laundering, partikolarment billi titqajjem sensibilizzazzjoni fost l-istituzzjonijiet li jirrapportaw u billi jiġi stabbilit rekord ta' infurzar kredibbli min-naħa ta' l-istituzzjonijiet rilevanti. Tissaħħaħ il-kapaċità u tiġi kondiviża bejn l-istituzzjonijiet l-informazzjoni ta' intelligence.

—

Isir progress fit-tneħħija tar-restrizzjonijiet li fadal dwar il-movimenti tal-kapital.

—

Jissaħħaħ il-Kumitat dwar l-Ilmenti, sabiex tiġi prevista sistema ta' rimedji effikaċi.

—

Jiġu żviluppati sistemi effikaċi u indipendenti ta' assigurazzjoni tal-kwalità u kontroll pubbliku għal awdituri u kumpanniji ta' verifika statutorji. Jissaħħu l-kapaċitajiet amministrattivi rilevanti.

—

Titħejja strateġija nazzjonali u pjan ta' azzjoni għall-bini tal-kapaċità meħtieġa għall-implimentazzjoni u l-infurzar ta' l-acquis f'kull qasam kopert minn dan il-kapitolu, b'enfasi partikolari fuq il-ħtieġa li jingħata taħriġ speċjalizzat lill-korpi ta' l-infurzar tal-liġi, l-imħallfin, il-prosekuturi u l-uffiċjali tad-dwana.

—

Jiġu żviluppati kampanji ta' sensibilizzazzjoni għall-pubbliku u tittejjeb il-kooperazzjoni fost il-korpi ta' l-infurzar tal-liġi u bejn il-partijiet interessati rilevanti kollha.

—

Jiġi stabbilit rekord ta' infurzar kredibbli fil-qasam ta' l-anti-trust u ssir enfasi fuq l-aktar ksur serju tal-liġi dwar il-kompetizzjoni.

—

Jiġi stabbilit kontroll effikaċi ex-ante ta' l-għajnuna mill-Istat.

—

Tissaħħaħ il-kapaċità amministrattiva tal-Kummissjoni għall-Protezzjoni tal-Kompetizzjoni u jiġu pprovduti l-baġit u l-persunal adegwati.

—

Tiġi żgurata bi sħiħ l-applikazzjoni trasparenti u non-diskriminatorja tal-liġi dwar il-kompetizzjoni.

—

Jiġu rinfurzati l-leġislazzjoni u l-qafas superviżorju, inkluż l-infurzar, għas-settur finanzjarju, partikolarment għas-settur ta' l-assigurazzjoni u s-swieq tat-titoli.

—

Jiġi żgurat li l-awtorità superviżorja indipendenti għas-settur ta' l-assigurazzjoni ssir operattiva u tingħata persunal kemm meħtieġ.

—

Jintemm il-ksur tal-Ftehim ta' Stabilizzazzjoni u Assoċjazzjoni billi jittieħdu l-miżuri meħtieġa kollha sabiex jitwettaq l-obbligu ta' liberalizzazzjoni tas-settur tal-komunikazzjoni elettronika, inkluża l-adozzjoni tal-leġislazzjoni sekondarja kollha meħtieġa u billi jissaħħu aktar il-korpi regolatorji.

—

Jiġu infurzati salvagwardi kompetittivi għal operaturi b'setgħa sinifikanti fis-suq.

—

Jiġu infurzati l-indipendenza u l-kapaċità amministrattiva ta' l-awtoritajiet regolatorji għall-komunikazzjonijiet elettroniċi u l-medja.

—

Jiġi żgurat sors stabbli u sostenibbli ta' finanzjament għax-xandar tas-servizz pubbliku u l-Kunsill tax-Xandir.

—

Titħaffef ir-reġistrazzjoni ta' art agrikola fil-katast tal-proprjetà immobbli.

—

Jiġu żgurati l-ġbir u l-ipproċessar ta' data agrikola soda u affidabbli.

—

Jissoktaw it-tħejjijiet għall-istabbiliment ta' korpi għall-ħlasijiet li jkunu effikaċi u finanzjarjament sodi għall-ġestjoni u l-kontroll ta' fondi agrikoli, konformi mal-ħtiġiet ta' l-UE u ma' l-istandards internazzjonali ta' verifika.

—

Jissokta l-allinjament tal-leġislazzjoni ma' l-acquis veterinarju u fitosanitarju, b'enfasi fuq leġislazzjoni ta' qafas kompatibbli ma' l-acquis.

—

Jissokta t-tisħiħ tal-kapaċità tas-servizz veterinarju kemm fil-livell ċentrali kif ukoll f'dak lokali sabiex tiġi attwata sistema ta' kontroll kompatibbli ma' dik ta' l-UE, partikolarment għall-kontrolli fuq l-importazzjoni.

—

Jiġi żgurat il-karattru operattiv tas-sistema għall-identifikazzjoni tal-bovini u r-reġistrazzjoni tal-movimenti tagħhom u tinbeda sistema għall-identifikazzjoni tal-ħnieżer, in-ngħaġ u l-mogħoż.

—

Jiġu allinjati ulterjorment is-sistemi ta' kontroll tal-mard u s-saħħa ta' l-annimali mal-ħtiġiet leġislattivi u istituzzjonali ta' l-UE u l-pjanijiet ta' kontinġenza għal mard li għandu jkun notifikat.

—

Tiġi vvalutata l-konformità ta' l-istabbilimenti agroalimentari mal-ħtiġiet ta' l-UE, li għandu jservi bħala bażi għal pjan ġejjieni ta' titjib għal dawk l-istabbilimenti.

—

Tissokta l-implimentazzjoni tal-Memorandum ta' Ftehim dwar l-Iżvilupp tan-Netwerk Prinċipali tat-Trasport Reġjonali ta' l-Ewropa tax-Xlokk u tisaħħaħ il-kooperazzjoni ma' l-Osservatorju tat-Trasport ta' l-Ewropa tax-Xlokk.

—

Jitkompla l-allinjament ma' l-acquis dwar it-trasport bit-triq, partikolarment dwar it-trasport ta' merkanzija perikoluża, l-aċċess għas-suq, il-kondizzjonijiet soċjali, l-implimentazzjoni tat-takografija diġitali u t-titjib tas-sigurtà fit-toroq.

—

Fis-settur ferrovjarju, jiġi stabbilit korp regolatorju li jkun indipendenti mill-amministratur ta' l-infrastruttura u l-impriżi ferrovjarji, tiġi stabbilita awtorità dwar is-sigurtà responsabbli għall-ħruġ ta' ċertifikati tas-sigurtà u jsir allinjament tal-leġislazzjoni mar-regoli ta' l-UE dwar it-trasport ta' merkanzija perikoluża bil-ferrovija. Tiġi żgurata stabbiltà finanzjarja permezz tal-kumpens għall-obbligi tas-servizz pubbliku fit-trasport tal-passiġġieri u t-tnaqqis tad-djun.

—

Jiġu implimentati l-impenji li saru taħt l-ewwel fażi transitorja tal-Ftehim Ewropew dwar Spazju Komuni għall-Avjazzjoni inkluża l-implimentazzjoni tal-leġislazzjoni ta' l-avjazzjoni rilevanti.

—

Tissaħħaħ il-kapaċità amministrattiva ta' l-awtorità ta' l-avjazzjoni ċivili.

—

Jissokta l-allinjament tal-leġislazzjoni dwar is-swieq interni ta' l-elettriku u l-gass, l-effiċjenza ta' l-enerġija u s-sorsi ta' enerġija rinovabbli ma' l-acquis sabiex gradwalment is-suq ta' l-enerġija jinfetaħ għall-kompetizzjoni.

—

Jissokta t-tisħiħ ta' l-indipendenza tal-Kummissjoni Regolatorja dwar l-Enerġija.

—

Jitwettqu l-obbligi li jirriżultaw mit-Trattat Komunitarju dwar l-Enerġija fir-rigward l-implimentazzjoni sħiħa ta' l-acquis dwar is-suq intern tal-gass u l-elettriku u dwar l-iskambji transkonfinali fl-elettriku.

—

Tġi mtejba l-kapaċità amministrattiva fis-setturi kollha ta' l-enerġija, inkluża l-Aġenzija dwar l-Enerġija fil-qasam ta' l-effiċjenza ta' l-enerġija u r-riżorsi ta' enerġija rinovabbli.

—

Tinbena faċilità xierqa għall-ħażna ta' materjali rajdoattivi.

—

Jiġi żgurat il-funzjonament xieraq u indipendenti tad-Direttorat dwar is-Sikurezza tar-Radjazzjoni.

—

Tiżdied il-kapaċità amministrattiva għall-implimentazzjoni tal-leġislazzjoni fiskali u għall-ġlieda kontra l-evażjoni fiskali.

—

Jittieħdu miżuri strutturali mill-aktar fis għar-riforma tal-politika tal-kontroll u t-titjib tal-kapaċità tal-kontroll.

—

Jiġu żviluppati strateġija ta' verifika u sistemi adegwati ta' l-IT.

—

Isir impenn favur il-prinċipji tal-Kodiċi ta' Kondotta għat-tassazzjoni tan-negozji u jiġi żgurat li l-miżuri fiskali ġodda jkunu konformi magħhom.

—

Tissaħħaħ il-kapaċità ta' l-Uffiċċju Statali ta' l-Istatistika biex tiġi żgurata l-implimentazzjoni f'waqtha taċ-ċensiment tal-popolazzjoni li jmiss u biex tippermetti żvilupp kontinwu tal-kontijiet nazzjonali u l-istatistika sottostanti tagħhom; partikolarment, jiġu trattati n-nuqqasijiet fil-ġbir u l-ipproċessar ta' l-istatistika agrikola u kummerċjali f'konformità ma' l-istandards u l-metodoloġija ta' l-UE u jiżdied ir-rappurtaġġ tad-data ta' l-istatistika lill-Eurostat.

—

Jiġi ffinalizzat l-istabbiliment tar-reġistru ta' l-istatistika dwar il-kummerċ u dak dwar l-agrikoltura, inklużi l-proċeduri li jiżguraw li r-reġistri jkollhom informazzjoni aġġornata.

—

Tissokta t-traspożizzjoni ta' l-acquis u jissaħħu l-istrutturi amministrattivi u ta' l-infurzar relatati, inkluż l-Ispettorat tax-Xogħol.

—

Tiġi żgurata l-kapaċità amministrattiva għall-implimentazzjoni tal-linji ta' politika dwar l-inklużjoni soċjali u l-protezzjoni soċjali.

—

Jiġi żgurat djalogu soċjali li jiffunzjona u li jkun rappreżentattiv.

—

Isiru sforzi ulterjuri sabiex tittejjeb is-sitwazzjoni ta' persuni b'diżabbiltà.

—

Tiġi definta u implimentata strateġija industrijali li twassal għat-tkabbir u l-innovazzjoni.

—

Tiġi introdotta valutazzjoni sistematika ta' l-impatt ta' regolamenti ġodda dwar l-impriżi.

—

Jissaħħu r-riżorsi tad-dipartiment ta' l-SMEs u l-Aġenzija dwar l-SMEs u tiġi żgurata l-implimentazzjoni ta' strateġija u Pjan ta' Azzjoni dwar l-SMEs u l-Karta Ewropea għall-Impriżi Żgħar.

—

Tissokta l-ħidma dwar is-simplifikazzjoni regolatorja, il-“giljottina regolatorja” u jitnaqqas it-tfixkil burokratiku għall-kummerċ; jiġu introdotti valutazzjonijiet ta' l-impatt regolatorji.

—

Jiġi rinforzat l-istabbiliment ta' strutturi istituzzjonali u tissaħħaħ il-kapaċità amministrattiva fl-oqsma ta' l-ipprogrammar, it-tħejjija ta' proġetti, il-monitoraġġ, l-evalwazzjoni u l-ġestjoni u l-kontroll finanzjarju, partikolarment fil-livell tal-ministeri kompetenti, għall-implimentazzjoni ta' programmi ta' l-UE ta' qabel l-adeżjoni bħala tħejjija għall-implimentazzjoni tal-politika ta' koeżjoni tal-Komunità.

—

Tiġi ffinalizzata l-istrateġija nazzjonali għall-iżvilupp reġjonali.

—

Tiġi implimentata l-liġi nazzjonali dwar il-protezzjoni tad-data personali. Jiġi ffirmat u ratifikat il-protokoll addizzjonali għall-Konvenzjoni tal-Kunsill ta' l-Ewropa dwar il-Protezzjoni ta' Individwi fir-rigward ta' l-Ipproċessar Awtomatiku ta' Data personali fir-rigward ta' l-awtoritajiet superviżorji u l-fluss transkonfinali tad-data.

—

Għal aktar prijoritajiet ara t-taqsima dwar il-kriterji politiċi.

—

Tissokta l-implimentazzjoni tal-pjan ta' azzjoni għall-ġestjoni integrata tal-fruntieri, jiġu żviluppati d-databases ewlenin għall-ġestjoni tal-fruntieri u jiġi żgurat li jkunu konnessi, jittejjeb it-tagħmir għall-analiżi ta' dokumenti u s-sorveljanza tal-fruntieri, tiġi żgurata l-implimentazzjoni effikaċi tar-rekwiżiti għall-għoti ta' dokumenti ta' l-ivvjaġġar u dokumenti ta' l-identità ta' kwalità għolja u jiġi pprovdut taħriġ ulterjuri għall-persunal.

—

Jiġu pprovduti finanzjament u taħriġ adegwati għall-implimentazzjoni tar-riforma tal-pulizija, jissaħħu l-koordinazzjoni u l-kooperazzjoni kemm fost il-korpi tal-pulizija kif ukoll bejn il-pulizija u aġenziji oħrajn ta' l-infurzar tal-liġi u tissaħħaħ il-kooperazzjoni bejn il-pulizija kriminali u l-prosekuturi pubbliċi.

—

Tiġi żviluppata u implimentata strateġija komprensiva għar-riżorsi umani u t-taħriġ għall-pulizija u jittejjeb it-tagħmir tagħhom.

—

Tiġi intensifikata ulterjorment il-ġlieda kontra l-kriminalità organizzata, partikolarment billi jsir użu aħjar ta' miżuri investigattivi speċjali u bil-ħruġ u s-segwitu immedjat ta' mandati ta' arrest internazzjonali (inkluż għall-kriminalità fl-informatika, b'enfasi speċjali fuq il-pornografija tat-tfal), u tinħoloq sistema integrata ta' intelligence għall-użu bejn l-aġenziji fil-ġlieda kontra l-kriminalità organizzata, inkluż it-traffikar tal-bnedmin, l-armi u d-drogi.

—

Jissaħħu l-isforzi għall-implimentazzjoni tal-pjan ta' azzjoni nazzjonali għall-ġlieda kontra t-traffikar tal-bnedmin u l-kapaċità għall-investigazzjoni tal-kriminalità fl-informatika.

—

Jiġi implimentat il-ftehim ta' riammissjoni bejn il-KE u dik li kienet ir-Repubblika Jugoslava tal-Maċedonja u jiġu negozjati ftehim ta' riammissjoni mal-pajjiżi minn fejn joriġinaw il-migranti fi transitu.

—

Jiġi intensifikat il-proċess ta' l-introduzzjoni ta' strumenti legali li jiggarantixxu d-drittijiet ta' persuni li jeħtieġu protezzjoni (internazzjonali).

—

Jiġi żgurat l-allinjament ta' l-atti dwar l-ażil u l-aljeni ma' l-acquis rilevanti.

—

Tissaħħaħ il-kapaċità għar-riċerka u l-iżvilupp teknoloġiku sabiex tiġi żgurata parteċipazzjoni b'suċċess fil-programmi qafas tal-Komunità.

—

Jinbeda t-tfassil ta' politika integrata dwar ir-riċerka u jittieħdu azzjonijiet għall-integrazzjoni fis-Spazju Ewropew tar-Riċerka.

—

Jitlesta l-qafas leġislattiv u amministrattiv għall-ġestjoni tal-programmi ta' Tagħlim Tul il-Ħajja u ta' Żgħażagħ fl-Azzjoni u jissaħħu l-korpi implimentattivi.

—

Jissokta l-allinjament leġislattiv ma' l-acquis, partikolarment fl-oqsma tal-kwalità ta' l-arja, il-ġestjoni ta' l-iskart u l-kwalità ta' l-ilma, u tittejjeb b'mod sinifikanti l-implimentazzjoni tal-leġislazzjoni u l-monitoraġġ ta' l-ambjent.

—

Jissaħħu l-Ispettorat ta' l-Ambjent u korpi oħrajn ta' l-infurzar, jiġi stabbilit rekord kredibbli ta' l-infurzar u jiġi żgurat li multi u sanzjonijiet oħrajn jiġu applikati b'mod effikaċi u jkollhom effett dissważiv.

—

Tissaħħaħ il-kapaċità amministrattiva fil-livelli nazzjonali u lokali u tittejjeb il-koordinazzjoni bejn il-korpi amministrattivi responsabbli minn kwistjonijiet relatati ma' l-ambjent.

—

Jitħejjew pjani strateġiċi, inklużi strateġiji finanzjarji, u titħejja strateġija nazzjonali għall-ġestjoni ta' l-iskart u pjan għall-ġestjoni ta' l-iskart.

—

Tiġi żviluppata strateġija ta' investiment ambjentali bbażata fuq estimi tan-nefqa għall-allinjament.

—

Jiġu integrati l-ħtiġiet għall-protezzjoni ta' l-ambjent f'linji ta' politika settorjali oħrajn, partikolarment permezz ta' l-iżvilupp ta' valutazzjonijiet ta' l-impatt ambjentali.

—

Jiżdiedu l-investimenti fl-infrastruttura ambjentali, b'enfasi partikolari fuq il-ġbir u t-trattament ta' drenaġġ, il-provvista ta' ilma tax-xorb, it-trattament tat-tniġġis ta' l-arja u l-ġestjoni ta' l-iskart.

—

Tiżdied il-kapaċità amministrattiva għall-implimentazzjoni tal-leġislazzjoni doganali u għall-ġlieda kontra l-kriminalità transkonfinali.

—

Issir approssimazzjoni ulterjuri tal-leġislazzjoni u l-proċeduri ma' l-acquis, partikolarment fl-oqsma tat-transitu u l-allokazzjoni tal-kwoti tariffarji.

—

Isir allinjament tal-Liġi dwar iż-żoni ta' żvilupp teknoloġiċi/industrijali ma' l-acquis.

—

Tiġi implimentata l-leġislazzjoni għall-infurzar tal-pożizzjoni komuni fil-qasam tal-miżuri restrittivi internazzjonali.

—

Jiġi rivedut id-dokument ta' politika dwar il-kontroll intern tal-finanzi pubbliċi (PIFC) u jitressqu liġijiet dwar il-PIFC u l-verifika interna, sabiex kemm il-linji ta' politika tal-PIFC u l-leġislazzjoni attwali jsiru komprensivi u konsistenti, u jiġi aġġornat il-pjan ta' azzjoni għall-implimentazzjoni tal-prijoritajiet fuq perijodu medju relatati mal-PIFC.

—

Jitlesta l-istabbiliment ta' unitajiet ta' verifika interna f'istituzzjonijiet ċentrali ta' l-istat, jinħolqu unitajiet simili fil-livell muniċipali fejn xieraq u jiġu żgurati persunal, taħriġ u tagħmir adegwati.

—

Jiġu żviluppati sistema effiċjenti ta' ġestjoni, monitoraġġ, kontroll u verifika meħtieġa għall-implimentazzjoni deċentralizzata tal-programmi taħt l-istrumenti ta' l-UE ta' qabel l-adeżjoni.

—

Jitlesta l-proċess ta' deċentralizzazzjoni.

—

Tiġi żviluppata aktar il-kapaċità ta' l-amministrazzjoni sabiex timplimenta l-Ftehim ta' Stabbilizzazzjoni u Assoċjazzjoni.

—

Titlesta l-implimentazzjoni ta' l-istrateġija għall-ġlieda kontra l-korruzzjoni.

—

Jiġu infurzati r-regolamenti relatati mal-prevenzjoni tal-kunflitt ta' interessi, f'konformità ma' l-istandards internazzjonali.

—

Jiġi promoss aktar ir-rispett għad-drittijiet tal-bniedem mill-korpi ta'l-infurzar tal-liġi u f'ċentri ta' detenzjoni u ħabsijiet.

—

Tiġi implimentata aktar l-istrateġija dwar ir-rappreżentanza ekwa ta' komunitajiet li ma jinsabux f'maġġoranza.

—

Jiġu promossi d-djalogu reġjonali, l-istabbiltà, ir-relazzjonijiet tajba tal-viċinat u l-kooperazzjoni.

—

Jiżdiedu l-isforzi għas-salvagwardja tas-sostenibbiltà tas-suq ta' l-elettriku, fid-dawl ta' l-impenji tal-pajjiż għal-liberalizzazzjoni, billi jitneħħew id-distorsjonijiet eżistenti minħabba fi prezzijiet li ma jippermettux l-irkupru ta' l-ispejjeż u billi jissaħħu l-istituzzjonijiet regolatorji u l-infrastruttura fiżika.

—

Tittejjeb il-kwalità tan-nefqa pubblika billi tissaħħaħ il-kapaċità tas-settur pubbliku għall-ippjanar fuq perijodu medju u tittejjeb l-eżekuzzjoni tal-baġit. Jissokta t-titjib fil-kwalità ta' l-edukazzjoni, billi jingħataw fondi ta' segwitu għall-infrastruttura u l-persunal meħtieġ għall-implimentazzjoni sħiħa tar-riformi reċenti fis-settur ta' l-edukazzjoni.

—

Jissokta t-titjib tal-prestazzjoni tas-suq tax-xogħol u t-tnaqqis tal-qgħad, partikolarment billi jittieħdu miżuri addizzjonali biex jiġi ttrattat il-qgħad fost iż-żgħażagħ u l-qgħad fuq perijodu twil u bl-immodernizzar tas-sistema tas-sigurtà soċjali u dik ta' l-edukazzjoni.

—

Jissoktaw l-isforzi għall-integrazzjoni tas-settur informali fl-ekonomija formali.

—

Tittejjeb l-infrastruttura tal-pajjiż, partikolarment għall-enerġija u t-trasport, sabiex tissaħħaħ il-kompetittività ta' l-ekonomija ġenerali.

—

Tiġi żviluppata struttura ta' sorveljanza tas-suq f'konformità ma' l-acquis.

—

Isir allinjament ma' l-acquis ta' l-UE dwar ir-rikonoxximent reċiproku ta' kwalifiki professjonali, inklużi d-dispożizzjonijiet dwar it-taħriġ, u jiġu żviluppati l-istrutturi amministrattivi meħtieġa.

—

Isir allinjament ma' l-acquis dwar is-servizzi postali, inkluż l-istabbiliment ta' awtorità regolatorja nazzjonali indipendenti.

—

Jinkisbu strutturi dwar l-akkwisti pubbliċi li jkunu kompletament operattivi u li jiżguraw li l-proċeduri ta' l-akkwisti pubbliċi jitmexxew skond l-istandards tal-KE. Jiġi żviluppat l-akkwist elettroniku (e-procurement).

—

Tinbena l-kapaċità meħtieġa għall-implimentazzjoni u l-infurzar ta' l- acquis f'kull qasam kopert minn dan il-kapitolu u jinkisbu riżultati sodisfaċenti dwar l-investigazzjoni, il-prosekuzzjoni u t-trattament ġudizzjarju tal-piraterija u l-iffalsifikar.

—

Isir allinjament ulterjuri tal-leġislazzjoni ma' l-acquis ta' l-UE dwar l-anti-trust u l-għajnuna mill-istat.

—

Jittejjeb aktar ir-rekord ta' infurzar fl-oqsma ta' l-anti-trust u l-kontroll ta' l-għajnuna mill-istat.

—

Tiżdied is-sensibilizzazzjoni fost l-istituzzjonijiet tal-gvern, in-negozji u l-pubbliku ġenerali.

—

Jiġi stabbilit rekord kredibbli dwar il-ġlieda kontra s-sewqan mingħajr polza ta' assigurazzjoni.

—

Isir allinjament ulterjuri mal-leġislazzjoni ta' l-UE dwar is-servizzi finanzjarji.

—

Tittejjeb il-kapaċità ta' l-amministrazzjoni agrikola u jitlestew it-tħejjijiet għall-infurzar u l-applikazzjoni prattika tal-mekkaniżmi ta' ġestjoni tal-politika agrikola komuni, partikolarment is-sistema integrata ta' ġestjoni u kontroll (IACS), u tiġi żgurata sistema li tiffunzjoni, għall-identifikazzjoni ta' porzjonijiet ta' l-art (LPIS).

—

Isir allinjament ulterjuri tal-leġislazzjoni ma' l-acquis fir-rigward ta' enċefalopatiji sponġiformi trasmissibbli (TSE) u prodotti sekondarji mill-annimali, jiġi implimentat u kkontrollat l-infurzar tagħha u tiġi stabbilita s-sistema meħtieġa ta' ġbir u trattament.

—

Tiġi stabbilita awtorità dwar is-saħħa tal-pjanti b'persunal adegwat. Isir allinjament ulterjuri tal-leġislazzjoni fitosanitarja ma' l-acquis.

—

Jiġi adottat pjan għat-titjib ta' l-istabbilimenti agroalimentari u tinbeda l-implimentazzjoni tiegħu.

—

Tissaħħaħ il-kapaċità tal-laboratorji fil-qasam tas-sigurtà alimentari, dak veterinarju u dak fitosanitarju.

—

Tissokta l-ħidma lejn l-allinjament komplet ma' l-acquis fil-qasam tat-trasport bit-triq (inkluża l-implimentazzjoni tat-takografu diġitali), jissokta l-allinjament ma' l-acquis ferrovjarju (l-ewwel u t-tieni pakketti ferrovjarji u l-interoperabbiltà), jinkiseb l-allinjament sħiħ mal-leġislazzjoni dwar l-avjazzjoni u jiġi żgurat l-infurzar attiv tal-leġislazzjoni korrispondenti.

—

Jiġu implimentati l-impenji li ttieħdu taħt it-tieni fażi transitorja tal-Ftehim Ewropew dwar Spazju Komuni għall-Avjazzjoni.

—

Jissoktaw l-isforzi biex tiġi żgurata provvista adegwata ta' l-enerġija u biex tiġi żviluppata u implimentata politika ta' l-enerġija f'konformità ma' l-obbligi skond it-Trattat Komunitarju dwar l-Enerġija.

—

Isir l-allinjament tal-qafas legali sabiex tiġi żgurata l-indipendenza sħiħa tal-bank ċentrali.

—

Jiġu żviluppati ulterjorment l-oqsma kollha ta' l-istatistika, tinkiseb l-armonizzazzjoni sħiħa fl-oqsma ewlenin f'termini ta' frekwenza, kamp ta' applikazzjoni, klassifikazzjonijiet, prontezza u kwalità u tiġi attwata sistema uniformi ta' ġestjoni u produzzjoni.

—

Tiġi attwata sistema nazzjonali ta' l-istatistika li tkun koordinata tajjeb.

—

Jiġi żviluppat mekkaniżmu permanenti għad-djalogu soċjali.

—

Jiġu żviluppati linji ta' politika għall-inklużjoni soċjali fuq perijodu twil u jittejjeb l-aċċess tas-suq tax-xogħol għal gruppi vulnerabbli.

—

Jittejbu ulterjorment il-linji ta' politika għall-protezzjoni soċjali.

—

Jiġu żviluppati mekkaniżmi għall-monitoraġġ tas-sitwazzjoni ta' persuni b'diżabbiltà.

—

Isir żvilupp ulterjuri tal-mekkaniżmi ta' sostenn għall-SMEs u jittejjeb l-aċċess ta' l-SMEs għas-servizzi finanzjarji – Tiġi definita u implimentata strateġija industrijali li twassal għat-tkabbir u l-innovazzjoni.

—

Jiġi ffinalizzat u implimentat l-iżvilupp ta' l-istrateġija dwar l-integrazzjoni ta' edukazzjoni imprenditorjali bbażata fuq proġetti pilota ta' suċċess appoġġati minn donaturi.

—

Tiġi msaħħa l-kapaċità amministrattiva fil-livell ċentrali u tiġi żviluppata fil-livell reġjonali u lokali. Tiġi żgurata distribuzzjoni ċara tar-responsabbiltajiet u tissaħħaħ il-kapaċità tal-koordinazzjoni bejn l-awtoritajiet/l-istrutturi implimentattivi maħtura, inklużi l-awtoritajiet lokali.

—

Jiġi żgurat l-allinjament ma' l- acquis rilevanti fil-qasam ta' l-ażil u l-immigrazzjoni.

—

Tiġi applikata politika integrata ta' riċerka.

—

Jissoktaw l-isforzi għal titjib fil-kwalità ta' l-edukazzjoni, inkluża l-edukazzjoni primarja, u biex tinħoloq edukazzjoni vokazzjonali moderna u sistema ta' taħriġ u settur ta' l-edukazzjoni ogħla marbuta mas-suq tax-xogħol u l-ħtiġiet ekonomiċi u tiġi promossa l-kooperazzjoni reġjonali fil-qasam ta' l-edukazzjoni ogħla.

—

Tissokta l-integrazzjoni tal-ħtiġiet għall-protezzjoni ta' l-ambjent f'linji ta' politika settorjali oħrajn, partikolarment permezz ta' l-iżvilupp ta' valutazzjonijiet ta' l-impatt ambjentali.

—

Jiżdiedu aktar l-investimenti fl-infrastruttura ambjentali, b'enfasi partikolari fuq il-ġbir u t-trattament ta' drenaġġ, il-provvista ta' ilma tax-xorb, it-trattament tat-tniġġis ta' l-arja u l-ġestjoni ta' l-iskart.

—

Jiġi kkompletat l-allinjament ma' l-acquis ta' l-UE fil-qasam tal-protezzjoni tal-konsumatur u tissaħħaħ il-kapaċità amministrattiva meħtieġa għal sorveljanza effikaċi tas-suq.

—

Jissokta l-allinjament ma' l-acquis ta' l-UE fil-qasam tal-politika tas-saħħa pubblika, b'mod aktar speċifiku fl-oqsma tat-tabakk, id-demm, it-tessuti u ċ-ċelloli u l-mard jittieħed. Tissaħħaħ il-kapaċità istituzzjonali, amministrattiva u finanzjarja fil-qasam tas-saħħa pubblika.

—

Fil-qasam tas-saħħa mentali, jiġu żviluppati servizzi bbażati fuq il-komunità bħala alternattiva għall-istituzzjonalizzazzjoni, u tiġi żgurata l-allokazzjoni ta' riżorsi finanzjarji suffiċjenti għall-kura tas-saħħa mentali.

—

Issir il-konformità tal-ftehim konkluż ma' l-Istati Uniti rigward il-kondizzjonijiet ta' ċessjoni ta' persuni lill-Qorti Kriminali Internazzjonali mal-prinċipji gwida ta' l-UE li ġew adottati mill-Kunsill Ewropew f'Settembru 2002.

—

Jiġi żviluppat ulterjorment u implimentat il-mudell ta' kontroll intern tal-finanzi pubbliċi (PIFC) ta' l-UE (responsabbiltà ġestjonali deċentralizzata u verifika interna li tiffunzjona b'mod indipendenti) permezz ta' leġislazzjoni koerenti u kapaċità istituzzjonali adegwata taħt il-gwida tal-Ministeru għall-Affarijiet Finanzjarji.

—

Tissaħħaħ ulterjorment il-kapaċità operattiva u l-indipendenza funzjonali u finanzjarja ta' l-Uffiċċju Statali tal-Verifika.

—

Jiġu implimentati proċeduri u kapaċità amministrattiva biex tiġi żgurata l-protezzjoni effikaċi ta' l-interessi finanzjarji ta' l-KE.

—

Tiġi żgurata l-konformità ma' l-obbligi ġejjiena taħt il-Ftehim ta' Stabbilizzazzjoni u Assoċjazzjoni (FSA) u b'mod partikolari l-Ftehim Interim (FI).

—

Tiġi żgurata kooperazzjoni sħiħa mat-Tribunal Kriminali Internazzjonali għal dik li qabel kienet il-Jugoslavja (ICTY).

—

Issir kooperazzjoni kostruttiva f'kwistjonijiet relatati mal-Kosovo.

—

Jiġi żgurat li l-kostituzzjoni u l-liġi kostituzzjonali jiġu implimentati f'konformità ma' l-istandards Ewropej.

—

Jissuktaw l-isforzi għall-implimentazzjoni tar-riforma ta' l-amministrazzjoni pubblika, inkluża s-sistema ta' ħlas tas-servizz ċivili, sabiex jiġu żgurati reklutaġġ u promozzjoni trasparenti kif ukoll professjonaliżmu u responsabbiltà, it-tisħiħ ta' l-istrutturi ta' integrazzjoni Ewropea, it-titjib tal-koordinazzjoni fil-livelli kollha ta' l-amministrazzjoni pubblika u l-Parlament u tingħata attenzjoni partikolari għall-koordinazzjoni tal-politika.

—

Jittejjeb il-funzjonament tal-ġudikatura, jiġu garantiti l-indipendenza, ir-responsabbiltà, il-professjonaliżmu u l-effiċjenza tagħha u jiġi żgurat li l-progress fil-karriera u r-reklutaġġ ta' mħallfin u prosekuturi jkunu bbażati fuq kriterji tekniċi u professjonali u jkunu ħielsa minn kull indħil politiku. Jiġi żgurat it-tħaddim xieraq tal-Qorti Kostituzzjonali.

—

Isir progress fil-ġlieda kontra l-korruzzjoni fil-livelli kollha u tiġi żviluppata sistema pubblika komprensiva ta' kontroll finanzjarju sabiex tiżdied it-trasparenza u r-responsabbiltà fl-użu tal-finanzi pubbliċi.

—

Jiġi ffinalizzat il-proċess ta' privatizzazzjoni jew, fejn xieraq, tal-likwidazzjoni ta' impriżi ta' appartenenza soċjali u impriżi statali.

—

Isir allinjament tal-leġislazzjoni u l-istituzzjonijiet mal-Kostituzzjoni l-ġdida.

—

Titkompla r-riformi tal-qafas legali dwar l-elezzjonijiet (inkluż ir-reġistru tal-votanti), il-konformità tiegħu ma' rekwiżiti kostituzzjonali ġodda u tiġi żgurata trasparenza u responsabbiltà tal-finanzjament tal-partiti politiċi, inkluża r-reviżjoni tal-leġislazzjoni eżistenti sabiex jiġi previst livell suffiċjenti ta' monitoraġġ u sanzjonijiet.

—

Jiġi stabbilit uffiċċju ta' l-ombudsman li jkun jiffunzjona bis-sħiħ, b'konformità mal-ħtiġiet leġislattivi u jiġi żgurat li r-rakkomandazzjonijiet mill-ombudsman ikunu segwiti b'mod xieraq.

—

Tiġi żgurata superviżjoni demokratika akbar billi jissaħħaħ il-kontroll parlamentari u tiġi stabbilita ġestjoni finanzjarja aktar trasparenti.

—

Tiġi żgurata l-indipendenza sħiħa tal-qrati u tas-sistema ta' prosekuzzjoni.

—

Jissaħħaħ l-uffiċċju tal-prosekutur għall-kriminalità tal-gwerra.

—

Jiġi implimentat il-pjan ta' azzjoni dwar l-istrateġija tar-riforma ġudizzjarja.

—

Tiġi adottata u implimentata leġislazzjoni dwar it-taħriġ mandatorju kemm inizjali kif ukoll kontinwu għall-imħallfin, prosekuturi u l-persunal ta' sostenn fil-qorti, u jiġu msaħħa ċ-ċentri ta' taħriġ.

—

Ir-razzjonalizzar tas-sistema tal-qorti, l-immodernizzar tal-proċedimenti, l-introduzzjoni ta' sistema effettiva għall-ġestjoni tal-qorti, u jiġu stabbiliti qrati amministrattivi u ta' l-appell.

—

Jinħoloq netwerk ta' l-IT għall-prosekuturi fil-livelli kollha, jiġi żgurat l-infurzar tad-deċiżjonijiet tal-qorti u jissokta t-tisħiħ tal-kapaċità għas-smigħ domestiku ta' reati tal-gwerra f'konformità sħiħa ma' l-obbligi internazzjonali ta' l-ICTY.

—

L-implimentazzjoni tal-pjan ta' azzjoni dwar l-istrateġija kontra l-korruzzjoni u l-istabbiliment ta' aġenzija indipendenti u effikaċi kontra l-korruzzjoni.

—

Jiġu ratifikati l-konvenzjonijiet internazzjonali kontra l-korruzzjoni.

—

Jissoktaw il-kjarifika u l-infurzar tar-regolamenti relatati mal-prevenzjoni ta' kunflitti ta' interess, f'konformità ma' standards internazzjonali.

—

Tiġi żviluppata u implimentata sistema ta' dikjarazzjoni ta' l-assi ta' uffiċjali pubbliċi.

—

Jiġu osservati l-obbligi kollha li joħorġu mis-sħubija tal-Kunsill ta' l-Ewropa.

—

Tiġi żgurata l-konformità mad-dispożizzjonijiet dwar id-drittijiet tal-bniedem tal-kostituzzjoni l-ġdida.

—

Jitkomplew id-de-istituzzjonalizzazzjoni, is-servizzi bbażati fuq il-komunità u l-għajnuna lill-persuni dipendenti, inkluż fil-qasam tas-saħħa mentali.

—

Tiġi riveduta l-leġislazzjoni rilevanti li tikkonċerna d-drittijiet reliġjużi biex ikun żgurat li hija konformi mal-Kostituzzjoni.

—

Tittieħed azzjoni dwar każijiet allegati ta' trattament ħazin u jissaħħu s-servizzi ta' kontroll intern li jaġixxu fir-rigward tat-trattament ħażin minn aġenti ta' l-infurzar tal-liġi.

—

Jittejbu l-kondizzjonijiet fil-ħabs, jiġi żgurat il-monitoraġġ xieraq tal-kondizzjonijiet tal-ħabs għall-priġunieri li jservu perijodi twal u għall-priġunieri li nstabu ħatja ta' kriminalità organizzata u jiġi żgurat taħriġ ulterjuri għall-persunal tal-ħabs u jittejbu l-faċilitajiet għal nies bi bżonnijiet speċjali.

—

Tittejjeb il-ħidma tal-Kunsill tax-Xandir f'konformità ma' l-istandards internazzjonali, u tiġi żgurata l-allokazzjoni ġusta u trasparenti ta' frekwenzi tax-xandir reġjonali u lokali għall-operaturi tal-medja.

—

Tiġi implimentata bis-sħiħ il-Liġi dwar l-aċċess ħieles għall-informazzjoni u jissaħħaħ l-uffiċċju tal-Kummissarju għall-Aċċess Ħieles għall-Informazzjoni sabiex jiġi żgurat l-infurzar tad-deċiżjonijiet/rakkomandazzjonijiet.

—

Tiġi adottata l-liġi dwar l-assoċjazzjonijiet, l-istatus legali ta' l-NGOs, jitħeġġeġ l-iżvilupp ta' l-organizzazzjonijet tas-soċjetà ċivili u d-djalogu regolari mas-soċjetà ċivili dwar l-inizjattivi tal-politika.

—

Jissaħħaħ l-aċċess għall-ġustizzja.

—

Tiġi adottata leġislazzjoni kontra d-diskriminazzjoni u jiġi żgurat appoġġ istituzzjonali xieraq għall-vittmi.

—

Tiġi adottata leġislazzjoni xierqa dwar ir-restituzzjoni tal-proprjetà u tiġi żgurata l-implimentazzjoni sħiħa tagħha.

—

Titjieb il-protezzjoni tad-drittijiet tan-nisa u tat-tfal.

—

Jiġi żgurat ir-rispett għad-dispożizzjonijiet kostituzzjonali dwar id-drittijiet kulturali u dawk tal-minoranzi u l-protezzjoni tal-minoranzi u jiġu implimentati bis-sħiħ l-istrateġiji u l-pjanijiet ta' azzjoni rilevanti għall-integrazzjoni tar-Roma, inklużi dawk li jiġu lura.

—

Jissoktaw l-isforzi għall-promozzjoni ta' relazzjonijiet inter-etniċi tajbin, inklużi miżuri fil-qasam ta' l-edukazzjoni, tissaħħaħ il-ħidma tal-kunsilli nazzjonali minoritarji, inkluża l-adozzjoni tal-leġislazzjoni pendenti, issir il-promozzjoni tal-parteċipazzjoni tal-minoranzi fil-ġudikatura u fl-entitajiet ta' l-infurzar tal-iġi u jissoktaw l-attivitajiet ta' sensibilizzazzjoni, inkluż l-użu ta' l-ilsna minoritarji.

—

Tiġi aġġustata l-leġislazzjoni rilevanti għall-kostituzzjoni l-ġdida u tiġi żgurata implimentazzjoni sħiħa tad-drittijiet tal-minoranzi, b'mod partikolari dwar l-edukazzjoni fil-lingwa materna.

—

Tiġi adottata leġislazzjoni ġdida dwar ir-refuġjati u tissokta l-implimentazzjoni ta' l-istrateġija nazzjonali dwar ir-refuġjati.

—

Jissokta r-rispett għall-Ftehim ta' Dayton/Pariġi.

—

Jittieħdu miżuri għall-konformità mas-sentenza tal-Qorti Internazzjonali tal-Ġustizzja ta' Frar 2007 dwar il-każ li tressaq mill-Bosnja-Ħerzegovina kontra s-Serbja u l-Montenegro dwar l-applikazzjoni tal-Konvenzjoni dwar il-Prevenzjoni u l-Pieni tar-Reat ta' Ġenoċidju.

—

Tingħata kontribuzzjoni għat-tisħiħ tal-kooperazzjoni reġjonali, ir-rikonċiljazzjoni u relazzjonijiet tajba mal-ġirien, inkluż bil-promozzjoni tat-tranżizzjoni mill-Patt ta' Stabbiltà għal qafas ta' kooperazzjoni b'dimensjoni aktar reġjonali u l-implimentazzjoni effettiva tal-Ftehim dwar il-Kummerċ Ħieles ta' l-Ewropa Ċentrali (CEFTA).

—

Jiġi ffinalizzat u implimentat ftehim mal-pajjiżi ġirien dwar il-kooperazzjoni transkonfini, il-ġlieda kontra l-kriminalità organizzata, it-traffikar u l-kuntrabandu, il-kooperazzjoni ġudizzjarja, il-ġestjoni mal-fruntieri u l-ambjent.

—

Jingħata kontribut għar-riżolviment ta' kwistjonijiet pendenti dwar il-fruntieri mal-Kroazja u l-Bosnja-Ħerzegovina.

—

Jiġi żgurat id-dritt għal għażla vera bejn ir-ritorn sostenibbli u l-integrazzjoni u jsir kontribut għall-iżgurar ta' l-implimentazzjoni sħiħa tad-Dikjarazzjoni ta' Sarajevo.

—

Tiġi implimentata politika fiskali orjentata lejn l-istabbiltà, inkluża politika tas-salarji tas-settur pubbliku, bil-għan tal-konsolidazzjoni fiskali u li twassal għal inflazzjoni baxxa u sostenibbiltà esterna.

—

Jissuktaw ir-riformi tal-ġestjoni tal-finanzi pubbliċi sabiex jissaħħu l-kontroll, it-trasparenza, ir-responsabbiltà u l-effiċjenza.

—

Titħaddem politika monetarja li twassal għall-objettiv ta' l-istabbiltà tal-prezzijiet sabiex tnaqqas u tistabbilizza l-antiċipazzjonijiet inflazzjonarji.

—

Jittejbu l-proċeduri tal-falliment sabiex jitħaffef il-ħruġ mis-suq ta' impriżi mhux vijabbli u titrawwem bidla strutturali.

—

Tiġi ffinalizzata l-liberalizzazzjoni tal-prezzijiet amminsitrati pendenti bil-għan li tittejjeb l-effiċjenza tal-mekkaniżmi tas-suq u l-allokazzjoni tar-riżorsi.

—

Tissaħħaħ ulterjorment is-superviżjoni finanzjarja sabiex tiġi żgurata l-istabbiltà tas-settur finanzjarju.

—

Tiġi żviluppata ulterjorment u implimentata r-riforma tas-sistema tal-pensjoni u tissokta r-riforma tas-sistema ta' assigurazzjoni tas-saħħa u jitħaffu r-ristrutturar u l-privatizzazzjoni tas-settur ta' l-assigurazzjoni.

—

Jissoktaw l-isforzi għall-ifformalizzar ta' l-ekonomija li ma tidhirx (grey economy) u tiġi implimentata sistema ta' ġestjoni tan-nefqa pubblika u riformi fiskali.

—

Ikun żviluppat suq ta' art/proprjetà immobbli stabbli u li jiffunzjona u titħejja leġislazzjoni tar-reġistrazzjoni ta' l-art.

—

Jissoktaw l-isforzi għall-promozzjoni ta' l-impjieg, inkluż permezz ta' taħriġ vokazzjonali u riformi tas-suq tax-xogħol, jittejbu s-servizzi ta' impjieg pubbliku u tiġi implimentata l-istrateġija dwar l-impjiegi ta' persuni b'diżabbiltà.

—

Jissokta l-allinjament tal-qafas legali dwar l-istandardizzazzjoni, iċ-ċertifikazzjoni, il-metroloġija, l-akkreditazzjoni u l-konformità ma' l-istandards Ewropej. Ikomplu jiġu adottati standards Ewropej u tiġi stabbilita entità nazzjonali ta' koordinazzjoni għall-infrastruttura ta' kwalità li tkun responsabbli mit-tisħiħ tal-qasam kollu.

—

Tiġi stabbilita struttura ta' sorveljanza tas-suq u tiġi żgurata l-koordinazzjoni xierqa fost l-awtoritajiet ta' sorveljanza tas-suq.

—

Jiġu aġġustati s-sistema kummerċjali u l-leġislazzjoni rilevanti għall-fini ta' konformità ma' l-obbligi li joħorġu mid-WTO, l-FSA u s-CEFTA.

—

Jiġu stabbiliti mekkaniżmi ta' konsultazzjoni u ta' notifika interni għal regolamenti tekniċi ġodda qabel ma jiġu adottati miżuri li jħallu impatt fuq il-kummerċ.

—

Tissaħħaħ il-kapaċità amministrattiva fil-qasam tal-protezzjoni tal-konsumatur.

—

Jissokta l-iżvilupp ta' sistema ta' operazzjonijiet ta' ħlasijiet internazzjonali f'konformità mar-regoli internazzjonali u jiġi stabbilit trattament nazzjonali għall-akkwisti ta' proprjetà immobbli.

—

Jiġi ffinalizzat il-proċess ta' allinjament tal-leġislazzjoni doganali meħtieġa għall-implimentazzjoni xierqa tal-FSA, tissaħħaħ il-kapaċità ta' l-amministrazzjoni doganali għall-ġielda kontra l-korruzzjoni, il-kriminalità transkonfini u l-evażjoni fiskali u tissaħħaħ il-kapaċità ta' infurzar, speċjalment fl-oqsma ta' l-analiżi tar-riskju u l-kontroll ta' wara r-rilaxx.

—

Tissokta l-approssimazzjoni tal-leġislazzjoni fiskali ma' l-acquis, tiġi implimentata l-leġislazzjoni fiskali, b'mod partikolari dwar il-ġbir u l-kontroll tad-dħul sabiex titnaqqas il-frodi fiskali u tiżdied il-kapaċità ta' infurzar.

—

Jiġu assunti l-prinċipji tal-Kodiċi tal-Kondotta fil-qasam tat-tassazzjoni ta' l-intrapriżi u jiġi żgurat li miżuri ġodda tat-taxxa jkunu konformi ma' dawn il-prinċipji.

—

Isir titjib fil-leġislazzjoni eżistenti dwar l-anti-trust f'konformità mal-ħtiġiet tal-FSA u tissaħħaħ il-kapaċità amministrattiva tal-Kummissjoni tal-Kompetizzjoni biex jiġi żgurat infuzar effikaċi u indipendenti tar-regoli f'konformità ma' l-acquis ta' l-UE.

—

Tiġi stabbilita awtorità li tissorvelja l-għajnuna mill-istat li tkun kemm indipendenti u tiffunzjona b'mod sħiħ.

—

Jiġu mtejba l-proċeduri ta' kontroll tal-mergers sabiex tissaħħaħ l-effiċjenza tal-Kummissjoni dwar il-Kompetizzjoni.

—

Jiġi stabbilit qafas legali xieraq għall-għajnuna mill-Istat konformi mal-ħtiġiet tal-FSA.

—

Isseħħ l-implimentazzjoni ta' sistema konsistenti u effettiva ta' akkwisti pubbliċi, tiġi żgurata l-indipendenza ta' l-entitajiet ta' l-akkwisti pubbliċi, jiġu żgurati proċeduri trasparenti, indipendentement mill-valur tal-kuntratt ikkonċernat, u ma ssirx diskriminazzjoni bejn il-fornituri Serbi u dawk ta' l-UE u tissaħħaħ il-kapaċità ta' infurzar f'dan is-settur.

—

Jissokta t-tisħiħ tal-protezzjoni tad-drittijiet tal-proprjetà intellettwali (IPR) u tissaħħaħ il-kapaċità amministrattiva għall-għoti ta' privattivi u l-implimentazzjoni sostenibbli u l-infurzar ta' l-IPRs.

—

Jiġu żviluppati strutturi amministrattivi xierqa u kapaċità fil-qasam tal-protezzjoni tas-saħħa.

—

Jissoktaw l-isforzi għal titjib fis-sistema edukattiva; jiġu stabbiliti rabtiet aħjar bejn l-edukazzjoni vokazzjoni u l-edukazzjoni għola u s-suq tax-xogħol u l-ħtiġijiet ekonomiċi; tissaħħaħ il-kapaċità amministrattiva u tittejjeb il-koordinazzjoni bejn l-entitajiet rilevanti.

—

Tiġi ratifikata l-Konvenzjoni dwar il-Protezzjoni u l-Promozzjoni tad-Diversità ta' l-Espressjonijiet Kulturali ta' l-UNESCO.

—

Jissoktaw it-tħejjijiet għall-adeżjoni mad-WTO.

—

Tiġi implimentata l-Karta Ewropea dwar l-Impriżi Żgħar u ta' daqs Medju u jitnaqqsu l-ostakoli amministrattivi għall-SMEs.

—

Tiġi adottata strateġija ġdida għall-SMEs u politika industrijali ġdida fuq perijodu medju, segwita minn pjan ta' azzjoni operattiv.

—

Jissaħħaħ il-Kunsill ta' l-SMEs bħala strument ta' kooperazzjoni bejn entitajiet pubbliċi u privati u ta' kooperazzjoni inter-ministerjali sabiex jinfluwenza t-tfassil u t-tħaddim ta' linji politiċi ta' l-SMEs.

—

Tissaħħaħ il-kapaċità amministrattiva meħtieġa għat-tfassil u l-implimentazzjoni tal-politika agrikola u l-politika dwar l-iżvilupp rurali.