ISSN 1725-5104 |
||
Il-Ġurnal Uffiċjali ta’ l-Unjoni Ewropea |
L 25 |
|
Edizzjoni bil-Malti |
Leġiżlazzjoni |
Volum 51 |
Werrej |
|
I Atti adottati skond it-Trattati tal-KE/Euratom li l-pubblikazzjoni tagħhom hija obbligatorja |
Paġna |
|
|
REGOLAMENTI |
|
|
* |
||
|
* |
||
|
|
||
|
|
||
|
* |
|
|
II Atti adottati skond it-Trattati tal-KE/Euratom li l-pubblikazzjoni tagħhom mhijiex obbligatorja |
|
|
|
DEĊIŻJONIJIET |
|
|
|
Kunsill |
|
|
|
2008/82/KE |
|
|
* |
||
|
|
2008/83/KE |
|
|
* |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
I Atti adottati skond it-Trattati tal-KE/Euratom li l-pubblikazzjoni tagħhom hija obbligatorja
REGOLAMENTI
30.1.2008 |
MT |
Il-Ġurnal Uffiċjali ta’ l-Unjoni Ewropea |
L 25/1 |
REGOLAMENT TAL-KUNSILL (KE) Nru 78/2008
tal-21 ta’ Jannar 2008
dwar il-miżuri li l-Kummissjoni għandha twettaq għall-perjodu 2008-2013 bl-użu ta' l-applikazzjonijiet ta' telerilevament implimentati fil-qafas tal-politika agrikola komuni
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari t-tielet subparagrafu ta' l-Artikolu 37(2) tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew (1),
Billi:
(1) |
Skond l-Artikolu 33(2)(a) tat-Trattat li jistabbilixxi l-Komunità Ewropea, il-politika agrikola komuni (PAK) għandha tqis il-karattru partikolari ta' l-attività agrikola, li titnissel mill-istruttura soċjali ta' l-agrikoltura u mid-disparità strutturali u naturali ta' bejn id-diversi reġjuni agrikoli. F'dan ir-rigward, hemm il-ħtieġa ta' informazzjoni dwar il-kundizzjoni ta' l-artijiet u ta' l-uċuħ tar-raba', partikolarment għat-tmexxija ta' l-organizzazzjoni komuni tas-swieq. L-applikazzjonijiet ta' telerilevament jistgħu jipprovdu parti mill-informazzjoni meħtieġa għal dan il-għan, dejjem jekk jistgħu jkopru ż-żoni kollha ta' interess għat-tmexxija tas-swieq agrikoli. |
(2) |
Permezz ta' l-esperjenza miksuba matul il-perjodu 2004-2007 fil-qafas tad-Deċiżjoni tal-Parlament Ewropew u tal-Kunsill Nru 1445/2000/KE tat-22 ta’ Mejju 2000 dwar l-applikazzjoni ta' stħarriġ mill-ajru u metodi ta' teknika ta' remote sensing għall-istatistiċi agrikoli għal 1999 sa 2003 (2) kif emendata, kif ukoll tad-Deċiżjonijiet li ġew qabilha, bħal, b'mod partikolari, id-Deċiżjoni tal-Kunsill 88/503/KEE tas-26 ta’ Settembru 1988 li tistabbilixxi proġett esperimentali ta' telerilevament applikat għall-finijiet ta' statistika agrikola (3), is-sistema agrometeoroloġika għat-tbassir tal-ħsad u għall-monitoraġġ tal-kundizzjonijiet ta' l-artijiet u ta' l-uċuħ tar-raba' saret operazzjonali, laħqet livell avvanzat ta' żvilupp u wriet l-effiċjenza tagħha. |
(3) |
Barra minn hekk, it-telerilevament wera li joffri risposta adattata għall-ħtiġijiet tat-tmexxija tal-PAK, kif ukoll li l-ħtiġijiet identifikati ma setgħux jintlaħqu permezz tas-sistemi tradizzjonali ta' l-istatistika u t-tbassir agrikoli. It-telerilevament wassal ukoll għal aktar preċiżjoni, oġġettività, veloċità u frekwenza fl-osservazzjonijiet li jsiru, filwaqt li kompla jorqom il-mudelli tat-tbassir agrikolu, b'mod partikulari billi daħħal mudelli msejsa fuq ir-reġjuni. Fl-aħħar nett, it-telerilevament ikkontribwixxa għall-iżvilupp ta' applikazzjonijiet speċifiċi jew komplementari għall-istabbilment u għall-ġbir ta' statistiċi agrikoli, u ġab miegħu tnaqqis fl-ispejjeż marbutin mal-monitoraġġ u mal-kontroll tan-nefqa agrikola. Għal dawn ir-raġunijiet kollha, jeħtieġ li jsir provvediment għat-tkomplija ta' dawn l-applikazzjonijiet ta' telerilevament b'finanzjament mill-Fond Agrikolu Ewropew ta' Garanzija (FAEG) għall-perjodu 2008-2013, skond l-Artikolu 3(2)(e) tar-Regolament tal-Kunsill (KE) Nru 1290/2005 tal-21 ta’ Ġunju 2005 dwar il-finanzjament tal-politika agrikola komuni (4). |
(4) |
B'danakollu, jeħtieġ li jkunu addattati u organizzati mill-ġdid ir-regoli ddettaljati ta' implimentazzjoni għall-miżuri li għandhom jittieħdu mill-Kummissjoni fil-qafas tal-politika agrikola komuni, bl-użu tat-telerilevament li jkunu separati il-miżuri operazzjonali li jsiru fil-kuntest ta' din is-sistema minn dawk li jeħtieġu aktar riċerka u żvilupp. Għaldaqstant, għandu jsir provvediment separat għal dawn il-miżuri fil-programm qafas ta' riċerka u żvilupp. |
(5) |
Għandu jkun provdut ukoll li l-informazzjoni u l-istimi li joħorġu minn dawn il-miżuri, miżmuma mill-Kummissjoni, ikunu disponibbli għall-Istat Membri, kif ukoll li jintbagħtu lill-Parlament Ewropew u lill-Kunsill rapport proviżjonali u rapport finali dwar il-kundizzjonijiet ta' l-implimentazzoni tal-miżuri ta' telerilevament li jkunu saru, u dwar l-użu tar-riżorsi finanzjarji li tqiegħdu għad-dispożizzjoni tal-Kummissjoni, |
ADOTTAT DAN IR-REGOLAMENT:
Artikolu 1
1. Mill-1 ta’ Jannar 2008 sal-31 ta’ Diċembru 2013, il-miżuri li twettaq il-Kummissjoni bl-użu ta' applikazzjonijiet ta' telerilevament fil-qafas tal-politika agrikoli komuni (PAK) jistgħu jiġu ffinanzjati mill-FAEG, skond l-Artikolu 3(2)(e) tar-Regolament (KE) Nru 1290/2005, fejn ikollhom l-għan li jipprovdu lill-Kummissjoni bil-mezzi:
(a) |
sabiex tmexxi s-swieq agrikoli; |
(b) |
sabiex tiżgura l-monitoraġġ agroekonomiku ta' l-artijiet agrikoli u tal-kundizzjoni ta' l-uċuħ tar-raba', b'mod li jistgħu jsiru stimi, partikolarment f'dak li għandu x'jaqsam mal-ħsad u mal-produzzjoni agrikola; |
(ċ) |
sabiex tħeġġeġ l-aċċess għall-istimi msemmija fil-punt b); |
(d) |
sabiex tiżgura s-segwitu teknoloġiku tas-sistema agrometeoroloġika. |
2. B'mod partikolari, il-miżuri msemmija fil-paragrafu 1 huma dawn li ġejjin:
(a) |
il-ġbir jew ix-xiri ta' l-informazzjoni meħtieġa għall-implimentazzjoni u għall-monitoraġġ tal-PAK, partikolarment id-data miksuba permezz tas-satellita u d-data meteoroloġika; |
(b) |
il-ħolqien ta' infrastruttura ta' data spazjali u websajt; |
(ċ) |
studji speċifiċi fuq il-kundizzjonijiet tal-klima; |
(d) |
l-aġġornament tal-mudelli agrometeoroloġiċi u ekonometriċi. |
Fejn meħtieġ, dawn il-miżuri għandhom isiru f'kollaborazzjoni mill-qrib mal-laboratorji u l-korpi nazzjonali.
Artikolu 2
Il-Kummissjoni għandha tagħmel l-informazzjoni u l-istimi li jirriżultaw mill-miżuri msemmija fl-Artikolu 1(1) elettronikament disponibbli għall-Istati Membri.
Artikolu 3
Għandhom jiġu adottati regoli ddettaljati għall-applikazzjoni ta' dan ir-Regolament, skond il-proċedura stipulata fl-Artikolu 41(3) tar-Regolament (KE) Nru 1290/2005, partikolarment f'dak li jirrigwarda t-tqegħid għad-dispożizzjoni ta' l-informazzjoni u l-istimi msemmija fl-Artikolu 2 ta' dan ir-Regolament.
Artikolu 4
Sa mhux aktar tard rispettivament mill-31 ta’ Lulju 2010 u mill-31 ta’ Lulju 2013, il-Kummissjoni għandha tippreżenta rapport intermedju u rapport finali lill-Parlament Ewropew u lill-Kunsill dwar l-implimentazzjoni tal-miżuri ta' telerilevament u dwar l-użu tar-riżorsi finanzjarji li jkunu tqiegħdu għad-dispożizzjoni tal-Kummissjoni skond dan ir-Regolament.
Jekk ikun meħtieġ, ir-rapport finali għandu jkun akkumpanjat minn proposta biex jitkomplew dawn il-miżuri fil-qafas tal-PAK.
Artikolu 5
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Għandu japplika mill-1 ta’ Jannar 2008 sal-31 ta’ Diċembru 2013.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 21 ta’ Jannar 2008.
Għall-Kunsill
Il-President
I. JARC
(1) Opinjoni mogħtija fis-16 ta' Jannar 2008 (għadha mhix pubblikata fil-Ġurnal Uffiċjali).
(2) ĠU L 163, 4.7.2000, p. 1. Id-Deċiżjoni kif emendata l-aħħar bid-Deċiżjoni 786/2004/KE (ĠU L 138, 30.4.2004, p. 7).
(3) ĠU L 273, 5.10.1988, p. 12.
(4) ĠU L 209, 11.8.2005, p. 1. Ir-Regolament kif emendat l-aħħar bir-Regolament (KE) Nru 1437/2007 (ĠU L 322, 7.12.2007, p. 1).
30.1.2008 |
MT |
Il-Ġurnal Uffiċjali ta’ l-Unjoni Ewropea |
L 25/3 |
REGOLAMENT TAL-KUNSILL (KE) Nru 79/2008
tat-28 ta’ Jannar 2008
li jħassar ir-Regolament (KE) Nru 152/2002 li jirrigwarda l-esportazzjoni ta’ ċerti prodotti ta’ l-azzar tal-KEFA u tal-KE minn dik li qabel kienet ir-Repubblika Jugoslava tal-Maċedonja lejn il-Komunità Ewropea (sistema tal-kontroll doppju)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133 tiegħu,
Wara li kkunsidra l-proposta mill-Kummissjoni,
Billi:
(1) |
Il-Ftehim ta’ Stabbilizzazzjoni u ta’ Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u l-ex Repubblika Jugoslava tal-Maċedonja, min-naħa l-oħra, stabbilixxa fil-Protokoll 2 dwar prodotti ta’ l-azzar sistema ta’ kontroll doppju, mingħajr limiti kwantitattivi, għall-importazzjoni lejn il-Komunità ta’ prodotti ta’ l-azzar li joriġinaw fl-ex Repubblika Jugoslava tal-Maċedonja. |
(2) |
Is-sistema tal-kontroll doppju ġiet implimentata mir-Regolament (KE) Nru 152/2002 tal-21 ta’ Jannar 2002 li jirrigwarda l-esportazzjoni ta’ ċerti prodotti ta’ l-azzar tal-KEFA u tal-KE minn dik li qabel kienet ir-Repubblika Jugoslava tal-Maċedonja lejn il-Komunità Ewropea (sistema tal-kontroll doppju) (1). |
(3) |
Bid-Deċiżjoni.1/2007 ta’ l-20 ta’ Diċembru 2007 (2) tiegħu, il-Kunsill ta’ Stabbilizzazzjoni u ta’ Assoċjazzjoni bejn il-KE u l-ex Repubblika Jugoslava tal-Maċedonja emenda l-Protokoll 2 dwar prodotti ta’ l-azzar bl-effett li abolixxa s-sistema tal-konroll doppju. Ir-Regolament (KE) Nru 152/2002 għandu għalhekk jitħassar b’effett mill-1 ta’ Jannar 2008, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 152/2002 huwa b’dan imħassar.
Artikolu 2
Dan ir-Regolament għandu jidħol fis-seħħ fl-1 ta’ Frar 2008.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 28 ta’ Jannar 2008.
Għall-Kunsill
Il-President
D. RUPEL
(1) ĠU L 25, 29.1.2002, p. 1. Regolament kif emendat l-aħħar mir-Regolament (KE) Nru 1791/2006 (ĠU L 363, 20.12.2006, p. 1).
(2) Ara paġna 10 ta' dan il-Ġurnal Uffiċjali.
30.1.2008 |
MT |
Il-Ġurnal Uffiċjali ta’ l-Unjoni Ewropea |
L 25/4 |
REGOLAMENT TAL-KUMMISSJONI (KE) Nru 80/2008
tad-29 ta’ Jannar 2008
li jistabbilixxi l-valuri fissi ta' l-importazzjoni għad-determinazzjoni tal-prezz ta' dħul ta' ċertu frott u ħaxix
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kummissjoni (KE) Nru 1580/2007 tal-21 ta' Diċembru 2007 dwar regoli dettaljati għall-applikazzjoni tar-Regolamenti tal-Kunsill (KE) Nru 2200/96, (KE) Nru 2001/96 u (KE) Nru 1182/2007 fis-settur tal-frott u ħxejjex (1), u b'mod partikolari l-Artikolu 138(1) tiegħu,
Billi:
(1) |
Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu. |
(2) |
Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament, |
ADOTTAT DAN IR-REGOLAMENT:
Artikolu 1
Il-valuri fissi ta' l-importazzjoni msemmija fl-Artikolu 138 tar-Regolament (KE) Nru 1580/2007 huma stabbiliti kif inhu indikat fit-tabella ta' l-Anness.
Artikolu 2
Dan ir-Regolament għandu jidħol fis-seħħ fit-30 ta’ Jannar 2008.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, 29 ta’ Jannar 2008.
Għall-Kummissjoni
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 350, 31.12.2007, p. 1.
ANNESS
tar-Regolament ta' l-Kummissjoni tad-29 ta’ Jannar 2008 li jistabbilixxi l-valuri fissi ta' l-importazzjoni għad-determinazzjoni tal-prezz ta' dħul ta' ċertu frott u ħaxix
(EUR/100 kg) |
||
Kodiċi NM |
Kodiċi tal-pajjiż terz (1) |
Valur fiss ta' l-importazzjoni |
0702 00 00 |
MA |
41,0 |
TN |
129,8 |
|
TR |
92,7 |
|
ZZ |
87,8 |
|
0707 00 05 |
EG |
190,8 |
JO |
178,8 |
|
MA |
50,4 |
|
TR |
102,2 |
|
ZZ |
130,6 |
|
0709 90 70 |
MA |
72,1 |
TR |
146,1 |
|
ZZ |
109,1 |
|
0709 90 80 |
EG |
121,8 |
ZZ |
121,8 |
|
0805 10 20 |
EG |
46,8 |
IL |
54,3 |
|
MA |
68,8 |
|
TN |
54,2 |
|
TR |
66,2 |
|
ZA |
22,3 |
|
ZZ |
52,1 |
|
0805 20 10 |
MA |
104,5 |
TR |
98,8 |
|
ZZ |
101,7 |
|
0805 20 30 , 0805 20 50 , 0805 20 70 , 0805 20 90 |
CN |
81,9 |
IL |
75,2 |
|
JM |
103,1 |
|
MA |
147,6 |
|
PK |
48,1 |
|
TR |
72,7 |
|
US |
60,1 |
|
ZZ |
84,1 |
|
0805 50 10 |
EG |
74,2 |
IL |
117,2 |
|
TR |
120,5 |
|
ZZ |
104,0 |
|
0808 10 80 |
CA |
84,1 |
CL |
60,8 |
|
CN |
81,3 |
|
MK |
42,4 |
|
US |
110,2 |
|
ZA |
60,7 |
|
ZZ |
73,3 |
|
0808 20 50 |
CL |
59,3 |
CN |
49,3 |
|
TR |
159,1 |
|
US |
109,0 |
|
ZA |
98,0 |
|
ZZ |
94,9 |
(1) In-nomenklatura tal-pajjiżi ffissata mir-Regolament tal-Kummissjoni (KE) Nru 1833/2006 (ĠU L 354, 14.12.2006, p. 19). Il-kodiċi “ZZ” jirrappreżenta “oriġini oħra”.
30.1.2008 |
MT |
Il-Ġurnal Uffiċjali ta’ l-Unjoni Ewropea |
L 25/6 |
REGOLAMENT TAL-KUMMISSJONI (KE) Nru 81/2008
tad-29 ta’ Jannar 2008
li jemenda l-prezzijiet rappreżentattivi u l-ammonti tad-dazji addizzjonali għall-importazzjoni ta' ċerti prodotti tas-settur taz-zokkor, stabbiliti mir-Regolament (KE) Nru 1109/2007 għas-sena tas-suq 2007/2008
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 318/2006 ta' l-20 ta' Frar 2006 dwar l-organizzazzjoni komuni tas-swieq fis-settur taz-zokkor (1),
Wara li kkunsidrat ir-Regolament tal-Kummissjoni (KE) Nru 951/2006 tat-30 ta' Ġunju 2006 dwar regoli ddettaljati għall-applikazzjoni tar-Regolament tal-Kunsill (KE) Nru 318/2006 f'dak li għandu x'jaqsam mal-kummerċ mal-pajjiżi terzi fis-settur taz-zokkor (2), u b'mod partikulari l-Artikolu 36 tiegħu,
Billi:
(1) |
L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2007/2008 ġew stabbiliti mir-Regolament tal-Kummissjoni (KE) Nru 1109/2007 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 68/2008 (4). |
(2) |
L-informazzjoni li l-Kummissjoni għandha fi jdejha llum twassal biex dawn l-ammonti jiġu mmodifikati, skond ir-regoli ddettaljati pprovduti fir-Regolament (KE) Nru 951/2006, |
ADOTTAT DAN IR-REGOLAMENT:
Artikolu 1
Il-prezzijiet rappreżentattivi u d-dazji addizzjonali applikabbli għall-importazzjoni tal-prodotti msemmija fl-Artikolu 36 tar-Regolament (KE) Nru 951/2006, stabbiliti mir-Regolament (KE) Nru 1109/2007 għas-sena tas-suq 2007/2008, huma mmodifikati, u jinsabu fl-Anness ta' dan ir-Regolament.
Artikolu 2
Dan ir-Regolament jidħol fis-seħħ fit-30 ta’ Jannar 2008.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 29 ta’ Jannar 2008.
Għall-Kummissjoni
Jean-Luc DEMARTY
Direttur Ġenerali għall-Agrikoltura u l-Iżvilupp Rurali
(1) ĠU L 58, 28.2.2006, p. 1. Regolament kif emendat l-aħħar mir- Regolament (KE) Nru 1260/2007 (ĠU L 283, 27.10.2007, p. 1). Ir-Regolament (KE) Nru 318/2006 ser jinbidel bir-Regolament (KE) Nru 1234/2007 (ĠU L 299, 16.11.2007, p. 1) mill-1 ta' Ottubru 2008.
(2) ĠU L 178, 1.7.2006, p. 24. Regolament kif emendat l-aħħar mir- Regolament (KE) Nru 1568/2007 (ĠU L 340, 22.12.2007, p. 62).
(3) ĠU L 253, 28.9.2007, p. 5.
(4) ĠU L 23, 26.1.2008, p. 15.
ANNESS
L-ammonti mmodifikati tal-prezzijiet rappreżentattivi u tad-dazji addizzjonali għall-importazzjoni taz-zokkor abjad, taz-zokkor mhux ipproċessat u tal-prodotti tal-kodiċi NM 1702 90 95 applikabbli mit-30 ta’ Jannar 2008 'l quddiem
(EUR) |
||
Kodiċi NM |
Ammont tal-prezz rappreżentattiv għal kull 100 kg nett tal-prodott ikkonċernat |
Ammont tad-dazju addizzjonali għal kull 100 kg nett tal-prodott ikkonċernat |
1701 11 10 (1) |
23,21 |
4,69 |
1701 11 90 (1) |
23,21 |
9,93 |
1701 12 10 (1) |
23,21 |
4,50 |
1701 12 90 (1) |
23,21 |
9,50 |
1701 91 00 (2) |
22,77 |
14,47 |
1701 99 10 (2) |
22,77 |
9,33 |
1701 99 90 (2) |
22,77 |
9,33 |
1702 90 95 (3) |
0,23 |
0,41 |
(1) Stabbilit għall-kwalità standard kif iddefinita fl-Anness I, punt III tar-Regolament tal-Kunsill (KE) Nru 318/2006 (ĠU L 58, 28.2.2006, p. 1).
(2) Stabbilit għall-kwalità standard kif iddefinita fl-Anness I, punt II tar-Regolament (KE) Nru 318/2006.
(3) Stabbilit bħala 1 % tal-kontenut f'sakkarożju.
30.1.2008 |
MT |
Il-Ġurnal Uffiċjali ta’ l-Unjoni Ewropea |
L 25/8 |
REGOLAMENT TAL-KUMMISSJONI (KE) Nru 82/2008
tat-28 ta’ Jannar 2008
li jemenda r-Regolament tal-Kunsill (KE) Nru 32/2000 biex jitqiesu l-emendi tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat ir-Regolament tal-Kunsill (KE) Nru 32/2000 tas-17 ta' Diċembru 1999 li jiftaħ u jipprovdi għall-amministrazzjoni tal-kwoti ta' tariffi Komunitarji marbutin fil-GATT u ċerti kwoti ta' tariffi Komunitarji oħra u li jistabbilixxi regoli dettaljati għall-aġġustament tal-kwoti, u li jirrevoka r-Regolament tal-Kunsill (KE) Nru 1808/95 (1), partikolarment l-Artikolu 9(1)(a) tiegħu,
Billi:
(1) |
Fin-Nomenklatura Magħquda għall-2008, stabbilita fir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (2), kif emendata bir-Regolament tal-Kummissjoni (KE) Nru 1214/2007 (3), il-kodiċijiet tan-Nomenklatura Magħquda (il-kodiċi NM) għal ċerti prodotti ġew emendati. L-Annessi III u IV tar-Regolament (KE) Nru 32/2000 jirreferu għal uħud minn dawn il-kodiċijiet NM. Għaldaqstant, huwa meħtieġ li dawn l-Annessi jiġu aġġustati. |
(2) |
Ir-Regolament (KE) Nru 32/2000 għandu għalhekk jiġi emendat skond dan. |
(3) |
Billi r-Regolament (KE) Nru 1214/2007 daħal fis-seħħ fl-1 ta' Jannar 2008, dan ir-Regolament għandu jkun applikabbli mill-istess data. |
(4) |
Il-miżuri pprovduti f'dan ir-Regolament huma skond l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
L-Annessi III u IV tar-Regolament (KE) Nru 32/2000 huma emendati kif stabbilit fl-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Għandu japplika mill-1 ta' Jannar 2008.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 28 ta’ Jannar 2008.
Għall-Kummissjoni
László KOVÁCS
Membru tal-Kummissjoni
(1) ĠU L 5, 8.1.2000, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 630/2007 (ĠU L 145, 7.6.2007, p. 12).
(2) ĠU L 256, 7.9.1987, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 1352/2007 (ĠU L 303, 21.11.2007, p. 3).
(3) ĠU L 286, 31.10.2007, p. 1.
ANNESS
L-Annessi III u IV tar-Regolament (KE) Nru 32/2000 huma emendati kif ġej:
(1) |
Fl-Anness III, il-kodiċi NM għan-numru tas-serje 09.0107 fit-tieni kolonna huma emendati kif ġej:
|
(2) |
Fl-ewwel parti ta' l-Anness IV, għan-numru tas-serje 09.0106, il-kodiċi NM “ex 6204 49 00” fit-tieni kolonna huwa sostitwit bil-kodiċi NM “6204 49 90”. |
(3) |
Fit-tieni parti ta' l-Anness IV, il-kodiċi għan-numru tas-serje 09.0106, jiġu emendati kif ġej:
|
II Atti adottati skond it-Trattati tal-KE/Euratom li l-pubblikazzjoni tagħhom mhijiex obbligatorja
DEĊIŻJONIJIET
Kunsill
30.1.2008 |
MT |
Il-Ġurnal Uffiċjali ta’ l-Unjoni Ewropea |
L 25/10 |
DEĊIŻJONI 1/2007 TAL-KUNSILL TA’ STABBILIZZAZZJONI U ASSOĊJAZZJONI TAL-KE U TA’ L-EX REPUBBLIKA JUGOSLAVA TAL-MAĊEDONJA
ta’ l-20 ta’ Diċembru 2007
li temenda l-Protokoll 2 (dwar prodotti ta’ l-azzar) tal-Ftehim ta’ Stabbilizzazzjoni u Assoċjazzjoni bejn il-KE u l-ex Repubblika Jugoslava tal-Maċedonja
(2008/82/KE)
IL-KUNSILL TA’ STABBILIZZAZZJONI U ASSOĊJAZZJONI,
Wara li kkunsidra l-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u l-ex Repubblika Jugoslava tal-Maċedonja, min-naħa l-oħra,
Billi:
(1) |
L-Artikolu 7 tal-Protokoll 2 tal-Ftehim ta’ Stabbilizzazzjoni u Assoċjazzjoni jistabbilixxi sistema ta’ kontroll doppju, mingħajr limiti kwantitattivi, għall-importazzjoni fil-Komunità ta’ prodotti ta’ l-azzar li joriġinaw mill-Ex Repubblika Jugoslava tal-Maċedonja. |
(2) |
Sar progress sinifikanti fil-programm meħtieġ ta’ ristrutturar u konverżjoni għall-industrija ta’ l-azzar fl-Ex Repubblika Jugoslava tal-Maċedonja. |
(3) |
Il-ħtieġa għal proċedura amministrattiva għall-għoti rapidu ta’ informazzjoni dwar ix-xejriet fil-flussi kummerċjali sabiex tiżdied it-trasparenza u sabiex tkun evitata kull devjazzjoni tal-kummerċ ma għadhiex teżisti. |
(4) |
Konsegwentement, ma għadx hemm bżonn ta’ sistema ta’ kontroll doppju, mingħajr limiti kwantitattivi, għall-importazzjoni fil-Komunità ta’ prodotti ta’ l-azzar li joriġinaw mill-Ex Repubblika Jugoslava tal-Maċedonja. |
(5) |
Il-Protokoll 2 għandu għalhekk jiġi emendat kif meħtieġ, |
IDDEĊIEDA KIF ĠEJ:
Artikolu Uniku
L-Artikolu 7 tal-Protokoll 2 għall-Ftehim ta’ Stabbilizzazzjoni u Assoċjazzzjoni u l-Anness I ma’ l-imsemmi Protokoll 2 għandhom jitħassru.
Din id-Deċiżjoni għandha tidħol fis-seħħ fl-1 ta’ Jannar 2008.
Magħmula fi Brussell, 20 ta’ Diċembru 2007.
Għall-Kunsill ta’ Stabbilizzazzjoni u Assoċjazzjoni
Il-President
Antonio MILOŠOSKI
30.1.2008 |
MT |
Il-Ġurnal Uffiċjali ta’ l-Unjoni Ewropea |
L 25/11 |
DEĊIŻJONI Nru 4/2007 TAL-KUNSILL TAL-MINISTRI AKP-KE
ta’ l-20 ta’ Diċembru 2007
li temenda l-Protokoll Nru 3 dwar l-Afrika t'Isfel għall-Ftehim ta’ Sħubija AKP-KE
(2008/83/KE)
IL-KUNSILL TAL-MINISTRI AKP-KE,
Wara li kkunsidra l-Ftehim ta’ Sħubija bejn il-membri tal-Grupp ta’ l-Istati ta’ l-Afrika, il-Karibew u l-Paċifiku (“l-AKP”) min-naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f'Kotonù (Benin) fit-23 ta’ Ġunju 2000 (1), kif rivedut mill-Ftehim (2) li jemenda l-imsemmi Ftehim ta’ Sħubija AKP-KE, iffirmat fil-Lussemburgu fil-25 ta’ Ġunju 2005, u b'mod partikolari l-Protokoll Nru 3 tiegħu dwar l-Afrika t'Isfel,
Billi:
(1) |
L-Artikolu 5 tal-Protokoll Nru 3 għall-Ftehim ta’ Sħubija AKP-KE jistabbilixxi li d-dispożizzjonijiet tal-Ftehim dwar il-kooperazzjoni ekonomika u kummerċjali ma japplikawx għall-Afrika t'Isfel; |
(2) |
Fis-7 ta’ Marzu 2006, il-grupp ta’ pajjiżi ta’ l-AKP, membri tal-Komunità ta’ l-Iżvilupp tan-Nofsinhar ta’ l-Afrika (SADC) f'negozjati fuq il-Ftehim ta’ Sħubija Ekonomiku (EPA) mal-Komunità Ewropea, talab li l-Afrika t'Isfel għandha tiġi assoċjata bħala membru sħiħ ta’ dawk in-negozjati u l-Kunsill tal-Ministri aċċetta t-talba, taħt ċerti kondizzjonijiet, fit-12 ta’ Frar 2007; |
(3) |
In-negozjati ta’ l-EPA huma bbażati fuq id-dispożizzjonijiet ekonomiċi u kummerċjali tal-Ftehim ta’ Sħubija AKP-KE, b'mod partikolari l-Artikoli 36 u 37 tiegħu. |
(4) |
Għal raġunijiet ta’ ċarezza legali huwa meħtieġ li jiġi emendat il-Protokoll Nru 3 bil-ħsieb li jittieħed kont ta’ l-inklużjoni sħiħa ta’ l-Afrika t'Isfel fin-negozjati ta’ l-EPA u l-adeżjoni eventwali tagħha fl-EPA; |
(5) |
Skond l-Artikolu 7 tiegħu, il-Protokoll Nru 3 jista’ jiġi rivedut b'Deċiżjoni tal-Kunsill tal-Ministri; |
IDDEĊIEDA KIF ĠEJ:
Artikolu 1
Fl-Artikolu 5 tal-Protokoll Nru 3 għall-Ftehim ta’ Sħubija AKP-KE għandu jiżdied il-paragrafu li ġej:
“3. Dan il-Protokoll m'għandux lill-Afrika t'Isfel milli tinnegozja u tiffirma wieħed mill-Ftehimiet ta’ Sħubija Ekonomiku (EPA) previsti fil-Parti 3, Titolu II ta’ dan il-Ftehim jekk il-partijiet l-oħra ta’ dak l-EPA jaqblu hekk.”
Artikolu 2
Din id-Deċiżjoni għandha tidħol fis-seħħ fil-jum ta’ l-adozzjoni tagħha.
Magħmula fi Brussell, 20 ta’ Diċembru 2007.
Il-President tal-Kumitat ta’ l-Ambaxxaturi AKP-KE b'delega, għall-Kunsill tal-Ministri AKP-KE
Álvaro MENDONÇA E MOURA
(1) ĠU L 317, 15.12.2000, p. 3.
(2) ĠU L 209, 11.8.2005, p. 27. Ftehim applikat proviżorjament skond id-Deċiżjoni Nru 5/2005 (ĠU L 287, 28.10.2005, p. 1).