26.1.2008   

MT

Il-Ġurnal Uffiċjali ta’ l-Unjoni Ewropea

L 23/1

(1)

Fis-27 ta’ Lulju 2007, il-Kummissjoni imponiet, permezz tar-Regolament (KE) Nru 896/2007 (2), (“ir-Regolament provviżorju”) dazju anti-dumping provviżorju fuq l-importazzjonijiet fil-Komunità ta’ dihydromyrcenol li joriġina mill-Indja (il-“pajjiż konċernat”).

(2)

Ta’ min jiftakar li l-investigazzjoni ta’ dumping u ħsara kopriet il-perjodu mill-1 ta’ Ottubru 2005 sat-30 ta’ Settembru 2006 (“perjodu ta’ investigazzjoni” jew “PI”). L-eżami tat-tendenzi rilevanti għall-analiżi tal-ħsara kopra l-perjodu mill-1 ta’ Jannar 2003 sa tmiem il-PI (il-“perjodu meqjus”).

(3)

L-indirizzi tal-produtturi Komunitarji elenkati fil-premessa (7) tar-Regolament provviżorju huma kkoreġuti kif ġej:

(4)

Wara l-impożizzjoni ta’ dazju anti-dumping provviżorju fuq importazzjonijiet ta’ dihydromyrcenol mill-Indja, il-partijiet kollha ngħataw il-fatti u l-kunsiderazzjonijiet essenzjali li r-Regolament provviżorju kien ibbażat fuqhom (l-iżvelar provviżorju). Il-partijiet kollha ngħataw perjodu fejn setgħu jagħmlu rappreżentazzjonijiet orali jew bil-miktub relatati ma’ dan l-iżvelar.

(5)

Xi partijiet interessati ressqu kummenti bil-miktub. Dawk il-partijiet li talbu dan, ingħataw ukoll l-opportunità li jinstemgħu bil-kelma tal-fomm. Il-Kummissjoni kompliet tfittex u tivverifika t-tagħrif kollu li qieset meħtieġ għas-sejbiet definittivi tagħha.

(6)

Il-partijiet interessati kollha ġew informati bil-fatti u l-konsiderazzjonijiet essenzjali li fuq il-bażi tagħhom kien hemm il-ħsieb li tiġi rakkomandata l-impożizzjoni ta’ dazju anti-dumping definittiv u l-ġbir definittiv ta’ ammonti miksuba permezz tad-dazju provviżorju (“l-iżvelar finali”). Il-partijiet interessati ġew mogħtija wkoll perjodu fejn setgħu jagħmlu rappreżentazzjonijiet wara dan l-iżvelar. Il-kummenti orali u miktuba sottomessi min-naħa tal-partijiet interessati ġew kunsidrati u, fejn dan kien f’loku, il-konklużjonjiet ġew modifikati kif meħtieġ.

(7)

Fin-nuqqas ta’ xi kummenti rigward il-prodott konċernat u l-prodott simili, il-premessi (9) sa (12) tar-Regolament provviżorju huma b’dan konfermati.

(8)

Wara l-impożizzjoni tal-miżuri provviżorji, il-produttur esportatur imsemmi fil-premessa (17) tar-Regolament provviżorju allega li l-analiżi mwettqa mill-Kummissjoni injorat ċerti elementi importanti li jaffettwaw l-ispiża tal-produzzjoni u, b’hekk, il-valur normali ta’ determinazzjoni. Talab li l-valur normali tiegħu għandu jkun ibbażat fuq l-ispiża tal-produzzjoni tiegħu minflok ma’ jiġi ddeterminat fuq il-bażi tal-prezzijiet lokali fl-andament normali tal-kummerċ tal-produttur esportatur l-ieħor li jikkopera.

(9)

L-ewwelnett, l-allegazzjonijiet imsemmija hawn fuq rigward l-ispiża tal-produzzjoni nstabu li ma kienux ġustifikati. It-tieni, skond l-Artikolu 2 tar-Regolament bażiku, il-metodoloġija applikata mill-Kummissjoni fid-determinazzjoni tal-valur normali għall-produttur esportatur konċernat (ara l-premessa (17) tar-Regolament provviżorju) titqies bħala l-aktar addattata għar-raġunijiet li ġejjin: (i) il-produttur esportatur konċernat m’għandu l-ebda bejgħ lokali tal-prodott simili u ta’ l-istess kategorija ġenerali tal-prodotti fil-PI, (ii) il-prodotti jistgħu jinbidlu perfettament ma’ xulxin u (iii) produttur esportatur wieħed ieħor biss ikkopera fl-investigazzjoni. Barra minn hekk, jekk il-valur normali ma kienx ibbażat fuq il-prezzijiet tal-produttur Indjan l-ieħor, kien se jinħtieġ li jiġu ddeterminati l-ammonti għall-bejgħ, għall-ispejjeż ġenerali u amministrattivi u għall-qligħ skond l-Artikolu 2(6)(c) tar-Regolament bażiku. Kollox ma’ kollox, l-użu tal-prezzijiet tal-bejgħ lokali tal-produttur Indjan l-ieħor jidhru li huma l-aktar bażi rappreżentattiva biex jirriflettu l-kondizzjonijiet tal-bejgħ prevalenti fuq is-suq domestiku Indjan u b’hekk għall-istabbiliment tal-valur normali. Għalhekk it-talba ġiet rifjutata.

(10)

Fid-dawl ta’ dan ta’ hawn fuq u fin-nuqqas ta’ xi kummenti oħra dwar il-valur normali, il-premessi (13) sa (17) tar-Regolament provviżorju huma b’dan konfermati.

(11)

Fin-nuqqas ta’ xi kummenti, il-premessa (18) tar-Regolament provviżorju hi b’dan konfermata.

(12)

Produttur esportatur sostna li l-Kummissjoni, meta ddeterminat għall-finijiet ta’ tqabbil l-aġġustamenti għall-prezz ta’ l-esportazzjoni, għamlet ċerti deduzzjonijiet mhux ġustifikati fir-rigward ta’ ċerti elementi li jikkonċernaw l-ispejjeż tat-trasport, il-ġarr u l-kreditu. Il-Kummissjoni aċċettat it-talba u rrivediet l-aġġustamenti rilevanti skond dan.

(13)

Fin-nuqqas ta’ xi kummenti oħra f’dan ir-rigward, il-premessa (19) tar-Regolament provviżorju hija b’dan konfermata.

(14)

Wara l-impożizzjoni tal-miżuri provviżorji, parti waħda argumentat li għal dawk il-produtturi esportaturi li ma kkoperawx, għandu jiġi kalkolat marġini tad-dumping ogħla bbażat fuq il-prezzijiet CIF l-aktar baxxi tal-produtturi esportaturi li kkoperaw. F’dan ir-rigward, ġie nnutat li ma nstabu l-ebda indikazzjonijiet li juru li l-kumpanniji li ma kkoperawx kienu qegħdin jiddampjaw fil-PI fuq livell ogħla mill-kumpanniji li kkoperaw. Min-naħa l-oħra, tqabbil bejn id-data ta’ l-Eurostat rigward l-importazzjonijiet li joriġinaw mill-Indja u l-volum u l-valur ta’ l-esportazzjonijiet lill-Komunità rrapportati mill-produtturi esportaturi li jikkoperaw juri li (i) il-volum ta’ importazzjonijiet fil-Komunità minn kwalunkwe produttur esportatur li ma kkoperax irrappreżenta inqas minn 20 % ta’ l-importazzjonijiet totali mill-Indja fil-PI (il-proporzjon preċiż ma jistax jiġi żvelat minħabba raġunijiet ta’ kunfidenżjalità) u (ii) il-prezzijiet mitluba minn kwalunkwe produttur li ma jesportax fuq is-suq Komunitarju kienu mid-dehra ogħla minn dawk mitluba mill-kumpanniji li jikkoperaw. Għalhekk, dan it-talba ġiet miċħuda.

(15)

Wara l-iżvelar finali, l-istess parti tenniet t-talba ta’ hawn fuq rigward il-marġini ta’ dumping ta’ kwalunkwe produttur esportatur li ma jikkoperax. L-ebda argument ġdid ma tressaq, li jista’ jbiddel il-konklużjonijiet magħmula fil-premessa (14) hawn fuq. Il-parti konċernata żiedet biss li ma setgħetx tivverifika d-data ta’ importazzjoni użata fl-analiżi li saret mill-Kummissjoni, billi kienet allegatament miżmuma kunfidenzjali. Il-kumpannija kienet infurmata li l-volum ta’ importazzjoni u l-prezz ta’ importazzjoni medju kienu stabbiliti fid-dettall fil-premessi (38) u (39) tar-Regolament provviżorju u li l-għajn ta’ l-istatistika, jiġifieri Eurostat, kienet miftuħa għall-pubbliku. B’hekk, il-kumpannija ma kienet fl-ebda każ ipprojbita milli tivverifika l-konklużjonijiet tal-Kummissjoni u tiddefendi jeddijietha. Għalhekk, it-talba ġiet miċħuda.

(16)

Fid-dawl ta’ dak li ntqal hawn fuq, il-marġini tad-dumping definittivi riveduti, espressi bħala perċentwali tal-prezz tal-fruntiera tal-Komunità CIF, dazju mhux imħallas, huma dawn li ġejjin:

(17)

Wara l-impożizzjoni tal-miżuri provviżorji, produttur esportatur qal li l-produttur Komunitarju li kien għamel importazzjonijiet sostanzjali ta’ dihydromyrcenol mill-Indja fil-PI (ara l-premessa (25) tar-Regolament provviżorju) għandu jiġi eskluż mid-definizzjoni ta’ l-industrija Komunitarja u għaldaqstant l-analiżi tal-ħsara, kif ukoll id-determinazzjoni tal-livell tat-tneħħija tal-ħsara. F’dan ir-rigward, ġie mfakkar li l-produttur Komunitarju konċernat ma biddilx in-negozju ewlieni tiegħu minn produzzjoni għall-importazzjoni. Tabilħaqq, kien għamel l-importazzjonijiet imsemmija hawn fuq mill-Indja b’mod partikolari sabiex iżomm il-produzzjoni tiegħu stess tal-prodott simili vijabbli. Għalhekk, ma teżisti l-ebda raġuni għall-esklużjoni ta’ din il-kumpannija mill-industrija Komunitarja. Barra minn hekk, ġie osservat li anki jekk il-produttur konċernat ġie eskluż mid-definizzjoni ta’ l-industrija Komunitarja, is-sejba tal-ħsara ma kinetx se tkun differenti. Għalhekk, it-talba ġiet miċħuda.

(18)

L-istess produttur esportatur argumenta wkoll li l-qagħda ekonomika globali tal-produtturi Komunitarji kienet tajba ħafna; b’mod partikolari, kien allegatament tjieb b’mod sinifikanti fl-2005 u fl-PI u tali tendenza pożittiva wisq probabbilment tkompli fil-ġejjieni qrib skond dan l-esportatur. Dawn il-konklużjonijiet ġew ibbażati fuq l-iżvilupp tal-produzzjoni ta’ l-industrija Komunitarja u l-volum tal-bejgħ, l-istokkijiet u s-sehem tas-suq ippreżentati fil-premessi (45) sa (47) tar-Regolament provviżorju. Dan l-argument ma jistax jiġi aċċettat billi ma jikkunsidrax kif xieraq li kien hemm waqgħa drammatika fil-prezzijiet tal-bejgħ ta’ dihydromyrcenol fil-Komunità (ara l-premessi (47) sa (49) tar-Regolament provviżorju), u li l-industrija Komunitarja rnexxielha biss iżżid il-produzzjoni u l-volum tal-bejgħ tagħha u, b’hekk, iżżomm is-sehem tagħha fuq is-suq Komunitarju li qiegħed jikber akkost ta’ telf kbir, waqgħa fil-fatturat ta’ l-investiment u l-fluss ‘il barra tal-flus. Għalhekk, it-talba ġiet miċħuda.

(19)

Wara l-iżvelar finali, il-produttur esportatur imsemmi fil-premessa (17) hawn fuq tenna t-talba tiegħu u żied li l-Kummissjoni ma kinetx analizzat kif xieraq il-qagħda tal-produttur Komunitarju konċernat, jiġifieri l-produttur li kien għamel importazzjonijiet sostanzjali tal-prodott konċernat. B’mod partikolari, l-aspetti li ġejjin allegatament ma kinux analizzati. (i) il-perċentwali tal-produzzjoni Komunitarja totali tal-prodott konċernat rappreżentat minn dan il-produttur importatur; (ii) in-natura ta’ l-interess ta’ dan il-produttur importatur fl-importazzjoni; (iii) il-livell tan-natura fuq terminu ta’ żmien twil ta’ l-impenn muri minn dan il-produttur importatur għall-produzzjoni lokali għall-kuntrarju li titkompla l-importazzjoni; u (iv) il-proporzjon ta’ l-importazzjonijiet għall-produzzjoni domestika għal dan il-produttur importatur.

(20)

F’dan ir-rigward, ġie nnutat li l-punti kollha mqajmin rigward il-qagħda tal-produttur Komunitarju konċernat kienu tassew ġew analizzati kif xieraq; Madankollu, ċerti dettalji ma setgħux jiġu żvelati minħabba n-natura kunfidenzjali tagħhom. Kif jidher mill-premessa (25) tar-Regolament provviżorju u l-premessa (17) hawn fuq, ir-raġunijiet ewlenin għal nuqqas ta’ esklużjoni tal-produttur konċernat mid-definizzjoni ta’ l-industrija Komunitarja, u mill-produzzjoni Komunitarja kienu (i) in-natura ta’ l-interess tagħha fl-importazzjoni (jiġifieri kien jimporta l-prodott konċernat sabiex iżomm il-produzzjoni tiegħu fil-Komunità tal-prodott simili vijabbli), u (ii) l-impatt marġinali tas-sitwazzjoni tiegħu fuq is-sitwazzjoni globali ta’ l-industrija Komunitarja (jiġifieri l-fatt li l-esklużjoni possibbli tiegħu ma tbiddilx is-sejbiet tal-ħsara). Fl-aħħar, ma hemmx għalfejn jingħad li permess tas-sostenn ta’ l-ilment u tal-koperazzjoni bis-sħiħ ma’ l-investigazzjoni, dan il-produttur immira li jikkontrolla l-influss ta’ l-importazzjonijiet dumped mill-Indja. Għalhekk wera b’mod ċar l-impenn tiegħu lejn il-produzzjoni domestiku għall-kuntrarju li titkompla l-importazzjoni. L-allegazzjonijiet imsemmija fil-premessa (17) hawn fuq għalhekk huma miċħuda.

(21)

B’referenza għall-premessa (41) tar-Regolament provviżorju, produttur esportatur wieħed ressaq li l-undercutting fil-prezz kellu jiġi bbażat fuq il-prezz ta’ l-importazzjoni medju mill-Indja aktar milli l-prezzijiet ta’ importazzjoni tal-produtturi esportaturi li jikkoperaw. F’dan ir-rigward, hu osservat li minħabba l-livell ta’ koperazzjoni f’dan il-każ, jiġifieri aktar minn 80 %, u billi l-istatistika ta’ l-importazzjoni totali hija bbażata fuq kodiċi ex NM, jiġifieri li jistgħu jinkludu ċerta kwantità ta’ prodotti għajr id-dihydromyrcenol (ara l-premessa (36) tar-Regolament provviżorju), it-tqabbil tal-prezz ibbażat fuq il-prezz ta’ importazzjoni medju se jkun ħafna inqas preċiż mill-marġini stabbiliti ta’ undercutting tal-kumpannija individwali. Għalhekk, it-talba ġiet miċħuda.

(22)

Fid-dawl ta’ dak li ntqal hawn fuq u fin-nuqqas ta’ xi kummenti oħra dwar il-ħsara, il-premessi (23) sa (56) tar-Regolament provviżorju huma b’dan konfermati.

(23)

Wara l-impożizzjoni tal-miżuri provviżorji, produttur esportatur wieħed talab li l-importazzjonijiet mill-Indja ma kinux ikkawżaw ħsara lill-industrija Komunitarja minħabba li l-prezz tagħhom kien qiegħed jiżdied u s-sehem tas-suq tagħhom niżel b’2.4 punti ta’ perċentwali fil-PI. Dan ir-raġunament iħalli barra bosta aspetti importanti ta’ l-iżvilupp ta’ l-importazzjonijiet dumped mill-Indja u tal-qagħda tas-suq Komunitarju. Kif ġie muri fil-premessi (38) sa (42) tar-Regolament provviżorju, il-volum ta’ l-importazzjonijiet dumped tal-prodott konċernat mill-Indja fil-Komunità żdied minn madwar 25 000 kilogrammi fl-2003 għal madwar 760 000 kilogrammi fil-PI. Is-sehem tas-suq ta’ dawn l-importazzjonijiet żdied minn 0.7 % fl-2003 għal 17.3 % fil-PI. It-tnaqqis żgħir tas-sehem tagħhom fil-PI kien minħabba espansjoni f’daqqa tas-suq Komunitarju f’dan il-perjodu, aktar milli tnaqqis fil-volum tagħhom. tabilħaqq, il-volum ta’ l-importazzjonijiet dumped mill-Indja komplew jiżdiedu fil-PI, għalkemm mhux bl-istess rata bħal fil-perjodu preċedenti. Globalment, il-preżenza ta’ l-importazzjonijiet dumped mill-Indja fuq is-suq Komunitarju żdiedu b’mod ħafna aktar sinifikanti milli l-konsum Komunitarju fuq il-perjodu kkunsidrat. Fl-aħħar ġie mfakkar li l-importazzjonijiet dumped mill-Indja waqqgħu l-prezzijiet ta’ l-industrija Komunitarja b’marġini jiet sostanzjali. Iż-żieda ta’ importazzjonijiet dumped bi prezzijiet li jwaqqgħu b’mod sinifikattiv il-prezzijiet ta’ l-industrija Komunitarja ħabtet b’mod ċar ma’ żmien b’sitwazzjoni li saret agħar ta’ l-industrija Komunitarja. Għalhekk, it-talba ġiet miċħuda.

(24)

L-istess produttur esportatur kompla jargumenta li kwalunkwe ħsara li ġarrbet l-industrija Komunitarja kien tort tagħha. Huma allegaw li, kieku mhux hekk, ma kienx possibbli li wieħed issofri telf f’ambjent fejn id-domanda qiegħda tiżdied, bi preżżijiet ogħla, għaldaqstant bejgħ u fatturat ogħla u produttività dejjem iżjed. Bħala spjegazzjoni possibbli, din il-parti kkwotat iż-żieda fil-paga medja b’24 % mill-2003 sal-PI.

(25)

L-ewwelnett, għalkemm il-prezz tal-bejgħ ta’ l-industrija Komunitarja fis-suq Komunitarju żdied bi 2 % bejn l-2005 u l-PI, kien aktar minn 30 % inqas mill-2003, filwaqt li l-volum tal-bejgħ ta’ l-industrija Komunitarja żdied biss bi 22 % bejn l-2003 u l-PI (ara l-premessa (47) tar-Regolament provviżorju). Għaldaqstant, id-dħul tal-bejgħ ta’ l-industrija Komunitarja fis-suq Komunitarju naqas b’mod sinifikanti, jiġifieri b’madwar 15 % tul il-perjodu meqjus. It-tieninett, l-iżvilupp ta’ l-ispiża tax-xogħol medju għandu jidher flimkien mat-tendenzi ta’ l-impjieg u l-produttività. Kif spjegat fil-premessa (51) tar-Regolament provviżorju, iż-żieda ta’ 25 % tul il-perjodu meqjus ta’ l-ispiża tal-ħidma għal kull ħaddiem kienet minħabba, inter alia, il-bidliet fl-istruttura ta’ impjieg lejn sehem ogħla ta’ l-impjieg kwalifikat. Iċ-ċifri kkonfermaw li dawn il-bidliet wasslu għal produttività ogħla, li min-naħa tagħha kkumpensat il-medja ogħla ta’ l-ispiża tax-xogħol. Bħala riżultat, l-ispiża tax-xogħol totali għal kull unità baqgħet l-istess. Barra minn hekk, il-produzzjoni tad-dihydromyrcenol ma teħtieġx ħafna xogħol. Għalhekk hu kkunsidrat li ż-żieda fil-pagi ma setax ikkontribwixxa għat-telf ta’ l-industrija Komunitarja. Għalhekk, it-talba ġiet miċħuda.

(26)

Wara l-iżvelar finali, l-istess produttur esportatur ressaq ħafna argumenti ġodda rigward il-kawżalità. Dawn jistgħu jitqassru kif ġej: (i) il-ħsara kienet tort l-importazzjonijiet tal-prodott konċernat magħmula mill-produttur Komunitarju stess imsemmi fil-premessa (17) hawn fuq; (ii) il-ħsara kienet tort l-investimenti enormi magħmula mill-industrija Komunitarja stess fil-kapaċità ta’ produzzjoni ġdida tagħhom u mis-self meħud għal dan il-għan minn istituzzjonijiet finanzjarji; (iii) l-iżvilupp tal-bejgħ ta’ l-esportazzjoni ta’ l-industrija Komunitarja ma kienx analizzat; (iv) il-ħsara kienet tort iż-żieda magħmula apposta fil-kapaċità ta’ produzzjoni u l-impjieg ta’ xogħol kwalifikat supplimentari u, b’hekk, iż-żieda fl-ispejjeż ta’ produzzjoni.

(27)

B’rigward għal dawn l-argumenti l-ġodda, ġie osservat li (i) l-importazzjonijiet tal-prodott konċernat magħmula minn wieħed mill-produtturi Komunitarji ma setgħux affettwaw is-sitwazzjoni globali ta’ l-industrija Komunitarja billi kienu minuri (ara l-premessi (17) u (20) hawn fuq). Barra min hekk, ġie mfakkar li dawn l-importazzjonijiet saru bħala reazzjoni għall-influss normali ta’ l-importazzjonijiet dumped mill-Indja u t-telf ikkawżat lill-industrija Komunitarja minnha, jiġifieri wara li l-ħsara materjali kienet diġà seħħet; (ii) l-ebda investiment ġdid ta’ kwalunkwe tip ma seħħ fil-kapaċità tal-produzzjoni tul il-perjodu meqjus; għall-kontra, il-kapaċità baqgħet l-istess u l-investiment naqas sinifikament (ara l-premessi (45) u (49) tar-Regolament provviżorju); (iii) ir-rendiment ta’ l-esportazzjoni ta’ l-industrija Komunitarja ġie analizzat fil-premessa (68) tar-Regolament provviżorju u ma nstabx jikser ir-rabta ta’ kawżalità; u (iv) l-ebda xogħol supplimentari ma ġie impjegat mill-industrija Komunitarja. Kif jidher fil-premessa (51) tar-Regolament provviżorju, l-impjieg naqas bi 15 % bejn l-2003 u l-PI. Il-bidliet fl-istrutturi ta’ l-impjieg inkisbu bit-tkeċċija ta’ impjegati mhux kwalifikati. B’rigward għall-kapaċità tal-produzzjoni, ġie mfakkar li ma kien hemm l-ebda espansjoni ta’ kwalunkwe tip. L-argumenti msemmija fil-premessa (24) hawn fuq għalhekk ġew miċħuda.

(28)

Fid-dawl ta’ dak li ntqal hawn fuq u fin-nuqqas ta’ xi kummenti oħra dwar il-kawżalità, il-premessi (57) sa (76) tar-Regolament provviżorju huma b’dan konfermati.

(29)

Produttur esportatur wieħed ressaq li l-miżuri li jimponu se jfixklu bil-kbir lill-importaturi u lill-utenti fil-Komunità, u b’hekk iqiegħdu fil-periklu eluf ta’ impjiegi u dħul tat-taxxa, iżda ma ppreżenta l-ebda xhieda f’dan ir-rigward. Dawn l-allegazzjonijiet tqiesu irrilevanti. Tabilħaqq, l-ebda wieħed mill-importaturi u utenti ma oppona l-konklużjonijiet provviżorji rigward l-interess tagħhom (ara l-premessi (86) u (88) tar-Regolament provviżorju) li wera li ma kienx probabbli li dawn il-partijiet jiġu affettwati b’mod sostanzjali minn kwalunkwe miżuri anti-dumping. Għalhekk, it-talba ġiet miċħuda. Il-produttur esportatur kien infurmat ukoll li l-produtturi esportaturi mhumiex normalment meqjusa bħala partijiet konċernati mill-analiżi ta’ interess Komunitarju.

(30)

Wara l-iżvelar finali, dan il-produttur esportatur tenna t-talba tiegħu u ressaq li kellu d-dritt jikkummenta dwar kwalunkwe aspett tal-proċedimenti anti-dumping, interess Komunitarju inkluż. Madankollu, l-ebda argument sostanzjat ma tressaq, li jista’ jbiddel il-konklużjonijiet magħmula fil-premessa (29) hawn fuq. B’rigward għad-drittijiet tal-produttur esportatur biex iqajjem il-kummenti dwar kwalunkwe aspett tal-proċediment, ġie nnutat li huma tabilħaqq ma kinux ipprojbiti milli jagħmlu dan. Madankollu, skond l-Artikolu 21(2) tar-Regolament bażiku, dawn il-partijiet normalment mhumiex konċernati mill-analiżi ta’ interess Komunitarju u l-kummenti tagħhom jistgħu ma jingħataw kas, b’mod partikolari meta ma huma sostnuti minn ebda xhieda fattwali.

(31)

Fin-nuqqas ta’ kwalunkwe kumment dwar l-interess Komunitarju, il-premessi (77) sa (90) stipulati fir-Regolament provviżorju huma b’dan konfermati.

(32)

Ġie mfakkar li produttur esportatur wieħed ressaq li l-produttur Komunitarju li kien għamel importazzjonijiet sostanzjali ta’ dihydromyrcenol mill-Indja fil-PI għandu jiġi eskluż mid-definizzjoni ta’ l-industrija Komunitarja u għaldaqstant id-determinazzjoni tal-livell ta’ l-eliminazzjoni tal-ħsara għandha tiġi bbażata fuq iż-żewġ produttur Komunitarji li fadal biss. Kif spjegat fil-premessi (15) u (14) hawn fuq, din it-talba nstabet li ma kinetx ġustifikata. Minħabba dan u fin-nuqqas ta’ xi kummenti oħra dwar il-livell tat-tneħħija tal-ħsara, il-premessi (92) sa (94) tar-Regolament provviżorju huma b’dan konfermati.

(33)

Fid-dawl tal-preċedenti u b’konformità ma’ l-Artikolu 9(4) tar-Regolament bażiku, għandu jiġi impost dazju anti-dumping definittiv, fil-livell tal-marġini ta’ dumping misjuba, billi għaż-żewġ produtturi esportaturi li koperaw, il-livell tat-tneħħija tal-ħsara nstab li kienu ogħla mill-marġini ta’ dumping.

(34)

B’referenza għall-premessi (14) u (15) hawn fuq, ġie meqjus xieraq li jiġi stabbilit id-dazju għal kwalunkwe kumpannija oħra, li ma kinetx ikkoperat fl-investigazzjoni, fuq il-livell tad-dazju ogħla li għandu jiġi impost fuq il-kumpanniji li jikkoperaw.

(35)

Fuq il-bażi ta’ dan ta’ hawn fuq, l-ammonti ta’ dazju definittiv huma kif ġej:

(36)

Wara li saru magħrufa l-fatti essenzjali u l-konsiderazzjonijiet li fuq il-bażi tagħhom kien maħsub li ssir rakkomandazzjoni li jiġu imposti dazji definittivi ta’ anti-dumping, Neeru Enterprises ipproponiet impenn fuq il-prezz skond l-Artikolu 8(1) tar-Regolament bażiku. Barra minn hekk, ġie nnutat li fl-aħħar snin, il-prodott konċernat wera volatilità konsiderevoli fil-prezzijiet u għaldaqstant mhux addattat għal impenn ta’ prezzijiet iffissat. Bħala approċċ alternattiv, ġiet prevista l-possibbiltà ta’ tqegħid f’indiċi tal-prezz ta’ importazzjoni minimu għall-prezz tal-materja prima ewlenija, b’mod partikolari l-alpha-pinene. Madankollu, din l-alternattiva nstabet li ma kinetx taħdem għar-raġunijiet li ġejjin: (i) iċ-ċaqliq fil-prezz tal-prodott konċernat ma jistax jiġi spjegat biżżejjed miċ-ċaqliq fil-prezz ta’ l-alpha-pinene, u (ii) l-alpha-pinene mhux prodott ta’ kumdità li għalih tkun disponibbli kwalunkwe statistika aċċessibbli ġeneralment li turi l-prezzijiet tas-suq tagħha. Fuq il-bażi ta’ dan ta’ hawn fuq, ġie konkluż li kwalunkwe impenn dwar il-prezz ma jkunx prattiku f’dan il-każ u għalhekk ma jistax jiġi aċċettat. L-esportatur konċernat ġie infurmat b’dan u ngħata l-opportunità li jikkummenta. Madankollu, il-kummenti tiegħu ma biddlux il-konklużjoni ta’ hawn fuq.

(37)

Ir-rata tad-dazju kontra d-dumping individwali ta’ kull kumpannija speċifikata f’dan ir-Regolament kienet stabbilita fuq il-bażi tas-sejbiet ta’ din l-investigazzjoni. Għalhekk, din tirrifletti s-sitwazzjoni misjuba waqt dik l-investigazzjoni rigward din il-kumpannija. Ir-rata tad-dazju (b’kuntrast mad-dazju applikabbli fil-pajjiżi kollha tal-“kumpanniji kollha l-oħra”) hija għaldaqstant esklużivament applikabbli għal importazzjonijiet ta’ prodotti li joriġinaw mill-pajjiż konċernat u maħduma mill-kumpannija u għaldaqstant mill-entità legali speċifika msemmija. Prodotti importati li jkunu maħduma minn xi kumpannija oħra li mhijiex imsemmija b’mod speċifiku fil-parti operattiva ta’ dan ir-Regolament bl-isem u l-indirizz tagħha, inkluż entitajiet relatati ma’ dawk imsemmija b’mod speċifiku, ma jistgħux jibbenefikaw minn din ir-rata u għandhom ikunu suġġetti għal rata ta’ dazju applikabbli għall-“kumpanniji l-oħra kollha”.

(38)

Kwalunkwe talba għall-applikazzjoni ta’ din ir-rata ta’ dazju anti-dumping gћal kumpanniji individwali (eż. wara bdil fl-isem ta l-entità jew wara li jiġu stabbiliti entitajiet ġodda tal-produzzjoni jew tal-bejgћ) gћandha tiġi minnufih indirizzata lill-Kummissjoni bl-informazzjoni kollha rilevanti, b’mod partikolari fir-rigward ta’ kwalunkwe modifikazzjoni fl-attivitajiet tal-kumpannija marbuta mal-produzzjoni, mal-bejgћ domestiku u ma’ dak ta’ l-esportazzjoni u li jkunu assoċjati, per eżempju, ma’ dik il-bidla fl-isem jew ma’ dik il-bidla fl-entitajiet tal-produzzjoni u tal-bejgћ. Jekk ikun hemm bżonn, ir-Regolament ikun imbagħad emendat kif xieraq billi tiġi aġġornata l-lista ta’ kumpanniji li jgawdu minn rati ta’ dazju individwali.

(39)

Fid-dawl tal-kobor tal-marġini ta’ dumping misjuba u fid-dawl tal-livell ta’ ħsara kkawżat lill-industrija Komunitarja, tqies li hemm bżonn li l-ammonti assigurati permezz tad-dazju anti-dumping provviżorju impost mir-Regolament provviżorju, jiġifieri r-Regolament tal-Kummissjoni (KE) Nru 896/2007, jinġabru definittivament sa l-ammont ta’ dazju definittivament impost minn dan ir-Regolament. Fejn id-dazju definittiv ikun anqas mid-dazju provviżorju, id-dazju għandu jiġi kalkolat mill-ġdid u l-ammonti żgurati li jaqbżu r-rata definittiva tad-dazju għandhom jiġu rilaxxati,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/7

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 1580/2007 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/9

(1)

Il-Ftehim fl-għamla ta' Skambju ta' Ittri bejn il-Komunità Ewropea u r-Renju tan-Norveġja fuq il-Protokoll 2 għall-Ftehim Bilaterali dwar il-Kummerċ Ħieles bejn il-Komunità Ekonomika Ewropea u r-Renju tan-Norveġja jistabbilixxi fil-punt III il-kwoti tariffarji annwali għall-importazzjoni ta' ċerti oġġetti li joriġinaw min-Norveġja. Huwa meħtieġ li dawn il-kwoti jinfetħu għall-2008 u s-snin ta' wara.

(2)

Ir-Regolament tal-Kummissjoni (KEE) Nru 2454/93 tat-2 ta' Lulju 1993 li jistipula d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (3), jistabbilixxi r-regoli għall-ġestjoni tal-kwoti tariffarji. Huwa xieraq li jingħad li l-kwoti tariffarji miftuħa minn dan ir-Regolament jiġu ġestiti bi qbil ma' dawk ir-regoli.

(3)

Il-miżuri stipulati f'dan ir-Regolament huma skond l-opinjoni tal-Kumitat ta' Ġestjoni għal kwistjonijiet orizzontali li jikkonċernaw il-kummerċ ta' prodotti agrikoli pproċessati mhux elenkati fl-Anness I tat-Trattat.

26.1.2008   

MT

Il-Ġurnal Uffiċjali ta’ l-Unjoni Ewropea

L 23/11

(1)

Il-ftehim taħt forma ta’ Skambju ta’ Ittri bejn il-Komunità Ewropea minn naħa waħda u r-Renju tan-Norveġja min-naħa l-oħra, dwar il-Protokoll 2 tal-Ftehim bejn il-Komunità Ekonomika Ewropea u r-Renju tan-Norveġja, approvat bid-Deċiżjoni 96/753/KE, jistabbilixxi kwota tariffarja annwali applikabbli għall-importazzjoni taċ-ċikkulata u prodotti oħra ta’ l-ikel li fihom il-kawkaw li joriġinaw min-Norveġja. Jinħtieġ li din il-kwota tinfetaħ għall-2008 u s-snin ta’ wara.

(2)

Ir-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarja (3), jistabbilixxi r-regoli għall-immaniġġjar tal-kwoti tariffarji. Jixraq li jkun ipprovdut li l-kwota tariffarja miftuħa minn dan ir-Regolament tkun immexxija skond dawk ir-regoli.

(3)

Il-miżuri pprovduti f’dan ir-Regolament huma skond l-opinjoni tal-Kumitat ta’ Tmexxija dwar kwistjonijiet orizzontali li jikkonċernaw il-kummerċ ta’ prodotti agrikoli pproċessati mhux elenkati fl-Anness I tat-Trattat,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/13

(1)

Ir-Regolament tal-Kummissjoni (KE) Nru 3199/93 (2) jipprevedi li l-iżnaturanti li huma użati f'kull Stat Membru bl-għanijiet li l-alkoħol jiġi żnaturat kompletament skond l-Artikolu 27(1)(a) tad-Direttiva 92/83/KEE jridu jiġu deskritti fl-Anness ta’ dak ir-Regolament.

(2)

Skond l-Artikolu 27(1)(a) tad-Direttiva 92/83/KEE, l-Istati Membri huma meħtieġa li jeżentaw mit-taxxa tas-sisa l-alkoħol li jkun ġie żnaturat kompletament skond ir-rekwiżiti ta' kwalunkwe Stat Membru, sakemm dawn ir-rekwiżiti jkunu ġew debitament innotifikati u aċċettati skond il-kondizzjonijiet stipulati fil-paragrafi 3 u 4 ta' dak l-Artikolu.

(3)

Il-Bulgarija u r-Rumanija għarrfu liema żnaturanti fi ħsiebhom jużaw.

(4)

Fil-każ tal-Bulgarija, il-Kummissjoni għaddiet dan it-tagħrif lill-Istati Membri l-oħra fl-1 ta’ Jannar 2007, u fil-każ tar-Rumanija fid-9 ta’ Jannar 2007.

(5)

Waslu xi oġġezzjonijiet dwar ir-rekwiżiti nnotifikati. Għaldaqstant, ġiet segwita kif suppost il-proċedura msemmija fl-Artikolu 27(4) tad-Direttiva 92/83/KEE u r-rekwiżiti komunikati mill-Bulgarija u r-Rumanija għandhom jiddaħħlu fl-Anness tar-Regolament (KE) Nru 3199/93.

(6)

Ir-Regolament (KE) Nru 3199/93 għandu għalhekk jiġi emendat skond dan.

(7)

Il-miżuri previsti f'dan ir-Regolament huma skond l-opinjoni tal-Kumitat tat-Taxxi tas-Sisa,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/15

(1)

L-ammonti tal-prezzijiet rappreżentattivi u tad-dazji addizzjonali applikabbli għall-importazzjoni taz-zokkor abjad, taz-zokkor mhux ipproċessat u ta' ċerti ġuleppijiet għas-sena tas-suq 2007/2008 ġew stabbiliti mir-Regolament tal-Kummissjoni (KE) Nru 1109/2007 (3). Dawn ilprezzijiet u dazji ġew emendati l-aħħar mir-Regolament tal-Kummissjoni (KE) Nru 45/2008 (4).

(2)

L-informazzjoni li l-Kummissjoni għandha fi jdejha llum twassal biex dawn l-ammonti jiġu mmodifikati, skond ir-regoli ddettaljati pprovduti fir-Regolament (KE) Nru 951/2006,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/17

(1)

Ir-Regolament (KE) Nru 327/98 fetaħ u ddefinixxa l-mod ta' ġestjoni ta' ċerti kwoti tariffarji għall-importazzjoni tar-ross u tar-ross miksur, imqassma skond il-pajjiż ta' l-oriġini u f'diversi subperjodi skond l-Anness IX għar-Regolament imsemmi.

(2)

Is-subperjodu tax-xaħar ta' Jannar huwa l-ewwel subperjodu għall-kwoti provduti fil-punti a), b), ċ) u d) ta' l-Artikolu 1(1) tar-Regolament (KE) Nru 327/98.

(3)

Min-notifika magħmula skond l-Artikolu 8(a) tar-Regolament (KE) Nru 327/98, jirriżulta li għall-kwoti bin-numri tas-serje 09.4148 – 09.4154 – 09.4112 – 09.4116 – 09.4117 – 09.4118 – 09.4119 – 09.4166 l-applikazzjonijiet imressqa matul l-ewwel għaxart ijiem tax-xogħol tax-xahar ta' Jannar 2008, skond l-Artikolu 4(1) tar-Regolament imsemmi, jinvolvu kwantità li taqbeż dik disponibbli. Għaldaqstant, jeħtieġ li jiġi ddeterminat sa liema punt jistgħu jinħarġu l-liċenzji ta’ l-importazzjoni, billi jiġi stabbilit il-koeffiċjent ta' allokazzjoni li għandu jkun applikat għall-kwantitajiet mitluba għall-kwoti kkonċernati.

(4)

Barra minn hekk, min-notifika msemmija hawn fuq, jirriżulta li għall-kwoti bin-numri tas-serje 09.4127 – 09.4128 – 09.4149 – 09.4150 – 09.4152 – 09.4153 l-applikazzjonijiet imressqa matul l-ewwel għaxart ijiem tax-xogħol tax-xahar ta' Jannar 2008, skond l-Artikolu 4(1) tar-Regolament imsemmi, jiġu definiti l-kwantitajiet totali disponibbli għas-subperjodu ta' wara, skond l-ewwel inċiż ta’ l-Artikolu 5 tar-Regolament (KE) Nru 327/98, jinvolvu kwantità li ma taqbiżx dik disponibbli.

(5)

Għaldaqstant jeħtieġ li, il-kwantitajiet totali disponibbli għas-sottoperjodu li jmiss, għall-kwoti bin-numru tas-serje 09.4127 – 09.4128 - 09.4148 – 09.4149 – 09.4150 – 09.4152 – 09.4153 – 09.4154 – 09.4112 – 09.4116 – 09.4117 – 09.4118 – 09.4119 – 09.4166, jiġu definiti l-kwantitajiet totali disponibbli għas-subperjodu ta' wara, skond l-ewwel inċiż ta’ l-Artikolu 5 tar-Regolament (KE) Nru 327/98,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/21

(1)

Il-Komunità u l-Istati Membri impenjaw ruħhom, skond l-Aġenda ta’ Liżbona, biex iżidu l-kompetittività ta’ kumpaniji li qed jagħmlu l-kummerċ fl-Ewropa. Skond id-Deċiżjoni 2004/387/KE tal-Parlament Ewropew u tal-Kunsill tal-21 ta’ April 2004 dwar it-twassil interoperabbli ta’ servizzi ta’ l-e-Government pan-Ewropej lil amministrazzjonijiet pubbliċi, negozji u ċittadini (IDABC) (3), il-Kummissjoni u l-Istati Membri għandhom jipprovdu sistemi ta’ informazzjoni u komunikazzjoni effiċjenti, effettivi u interoperabbli għall-iskambju ta’ informazzjoni bejn l-amministrazzjonijiet pubbliċi u ċ-ċittadini tal-Komunità.

(2)

L-azzjoni eGovernment pan-Ewropea, kif prevista mid-Deċiżjoni 2004/387/KE, teħtieġ miżuri biex tiżdied l-effiċjenza ta’ l-organizzazzjoni tal-kontrolli doganali u biex tkun żgurata ċ-ċirkolazzjoni ta’ data mingħajr tfixkil biex l-iżdoganar isir aktar effiċjenti, biex jitnaqqas il-piż amministrattiv, biex jgħinu fil-ġlieda kontra l-frodi, il-kriminalità organizzata u t-terroriżmu, biex iservu l-interessi fiskali, biex jitħarsu l-proprjetà intellettwali u l-wirt kulturali, biex tiżdied is-sikurezza tal-merkanzija u s-sigurtà tal-kummerċ internazzjonali u biex jitjieb il-ħarsien tas-saħħa u ta’ l-ambjent. Għal dak il-għan, il-forniment ta’ teknoloġiji ta’ l-informazzjoni u l-komunikazzjoni (ICT) għal skopijiet doganali huwa ta’ interess kruċjali.

(3)

Ir-Riżoluzzjoni tal-Kunsill tal-5 ta’ Diċembru 2003 dwar il-ħolqien ta’ ambjent sempliċi u mingħajr karti għad-dwana u l-kummerċ (4), li segwiet wara l-Komunikazzjoni tal-Kummissjoni dwar ambjent sempliċi u mingħajr karti għad-dwana u l-kummerċ, tistieden lill-Kummissjoni biex tħejji, b’kooperazzjoni mill-qrib ma’ l-Istati Membri, pjan strateġiku pluriennali għall-ħolqien ta’ ambjent doganali elettroniku interoperabbli u koerenti għall-Komunità. Ir-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Doganali Komunitarju (5) jeħtieġ l-użu ta’ tekniki ta’ l-ipproċessar tad-data għall-preżentazzjoni ta’ dikjarazzjonijiet sommarji u għall-iskambju elettroniku ta’ data bejn l-awtoritajiet doganali, bil-ħsieb li l-kontrolli doganali jkunu bbażati fuq sistemi awtomatizzati ta’ analiżi tar-riskju.

(4)

Għaldaqstant, huwa meħtieġ li jiġu stabbiliti l-għanijiet li għandhom jintlaħqu għall-ħolqien ta’ ambjent mingħajr karti għad-dwana u l-kummerċ, kif ukoll l-istruttura, il-mezzi u l-limiti ta’ żmien biex dan isir.

(5)

Il-Kummissjoni għandha timplimenta din id-Deċiżjoni b’kooperazzjoni mill-qrib ma’ l-Istati Membri. Huwa għalhekk meħtieġ li jiġu speċifikati r-responsabbiltajiet u l-kompiti rispettivi tal-partijiet ikkonċernati u li jsir provvediment dwar kif l-ispejjeż iridu jinqasmu bejn il-Kummissjoni u l-Istati Membri.

(6)

Il-Kummissjoni u l-Istati Membri għandhom jaqsmu r-responsabbiltà għall-komponenti Komunitarji u nazzjonali tas-sistemi ta’ skambju ta’ komunikazzjoni u ta’ informazzjoni, b'mod konformi mal-prinċipji stabbiliti fid-Deċiżjoni Nru 253/2003/KE tal-Parlament Ewropew u tal-Kunsill tas-6 ta’ Frar 2003 li tadotta programm ta’ azzjoni għad-dwana fil-Komunità (Dwana 2007) (6) u b'kont meħud tad-Deċiżjoni Nru 2235/2002/KE tal-Parlament Ewropew u tal-Kunsill tat-3 ta’ Diċembru 2002 li tadotta programm Komunitarju għat-titjib fit-tħaddim tas-sistemi ta’ tassazzjoni fis-suq intern (programm Fiscalis 2003-2007) (7).

(7)

Biex tkun żgurata l-konformità ma’ din id-Deċiżjoni, u l-konsistenza bejn is-sistemi differenti li għandhom jiġu żviluppati, huwa meħtieġ li jiġi stabbilit mekkaniżmu ta’ monitoraġġ.

(8)

Rapporti regolari mill-Istati Membri u mill-Kummissjoni għandhom jipprovdu informazzjoni dwar il-progress ta’ l-implimentazzjoni ta’ din id-Deċiżjoni.

(9)

Sabiex jinkiseb ambjent mingħajr karti, tinħtieġ kooperazzjoni mill-qrib bejn il-Kummissjoni, l-awtoritajiet doganali u l-operaturi ekonomiċi. Biex titħaffef dik il-kooperazzjoni, il-Grupp tal-Politika Doganali għandu jiżgura l-koordinazzjoni ta’ l-attivitajiet meħtieġa għall-implimentazzjoni ta’ din id-Deċiżjoni. Il-konsultazzjoni ma’ l-operaturi ekonomiċi għandha ssir kemm f’livell nazzjonali kif ukoll f’livell Komunitarju fl-istadji kollha ta’ tħejjija ta’ dawk l-attivitajiet.

(10)

Il-pajjiżi aderenti u dawk kandidati għandhom jitħallew jieħdu sehem f’dawk l-attivitajiet, bil-ħsieb tat-tħejjija għall-adeżjoni.

(11)

Peress li l-għan ta’ din id-Deċiżjoni, jiġifieri l-ħolqien ta’ ambjent mingħajr karti għad-dwana u l-kummerċ ma jistax jintlaħaq b’mod sodisfaċenti mill-Istati Membri, u għalhekk jista', minħabba l-iskala u l-effetti tiegħu, jintlaħaq aħjar fil-livell Komunitarju, il-Komunità tista’ tadotta miżuri, skond il-prinċipju tas-sussidjarjetà, kif stabbilit fl-Artikolu 5 tat-Trattat. Skond il-prinċipju tal-proporzjonalità, kif stabbilita f’dak l-Artikolu, din id-Deċiżjoni ma tmurx lil hinn minn dak li hu neċessarju sabiex jinkiseb dan l-għan.

(12)

Il-miżuri meħtieġa għall-implimentazzjoni ta’ din id-Deċiżjoni għandhom jiġu adottati b'mod konformi mad-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni konferiti fuq il-Kummissjoni (8).

(13)

B'mod partikolari, il-Kummissjoni għandha tingħata s-setgħa biex testendi l-limiti ta’ żmien kif previst fl-Artikolu 4(2), (3) u (5) ta’ din id-Deċiżjoni. Peress li dawk il-miżuri għandhom kamp ta’ applikazzjoni ġenerali u huma mfassla biex jemendaw elementi mhux essenzjali ta’ din id-Deċiżjoni, dawn għandhom jiġu adottati b'mod konformi mal-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE,

(a)

iħaffu l-proċeduri ta’ importazzjoni u esportazzjoni;

(b)

inaqqsu l-ispejjeż ta’ konformità u dawk amministrattivi u jtejbu l-perijodu ta’ żmien għall-iżdoganar;

(ċ)

jikkoordinaw approċċ komuni dwar il-kontroll tal-merkanzija;

(d)

jgħinu biex jiżguraw il-ġbir kif suppost tad-dazji doganali u l-ħlasijiet l-oħrajn kollha;

(e)

jiżguraw l-provvista rapida ta’ informazzjoni u r-riċeviment ta’ informazzjoni rilevanti fir-rigward tal-katina ta’ forniment internazzjonali;

(f)

jippermettu l-fluss mingħajr xkiel ta’ data bejn l-awtoritajiet ta’ pajjiżi esportaturi u importaturi kif ukoll bejn l-awtoritajiet doganali u l-operaturi ekonomiċi, waqt li jippermettu li d-data li tiddaħħal fis-sistema terġa’ tintuża.

(a)

l-iskambju armonizzat ta’ informazzjoni abbażi ta’ mudelli ta’ data u formati ta’ messaġġi aċċettati internazzjonalment;

(b)

l-organizzazzjoni mill-ġdid ta’ proċessi doganali u proċessi li għandhom x'jaqsmu mad-dwana bil-ħsieb li jiġu ottimizzati l-effiċjenza u l-effettività tagħhom, li jiġu ssimplifikati u li titnaqqas l-ispiża ta’ konformità doganali;

(ċ)

l-offerta ta’ firxa wiesgħa ta’ servizzi doganali elettroniċi lil operaturi ekonomiċi li tippermetti lil dawn l-operaturi li jinteraġixxu bl-istess mod ma’ l-awtoritajiet doganali ta’ kwalunkwe Stat Membru.

(a)

l-operaturi ekonomiċi;

(b)

il-Kummissjoni;

(ċ)

amminstrazzjonijiet jew aġenziji uffiċjali oħrajn involuti fil-moviment internazzjonali tal-merkanzija (minn hawn 'il quddiem imsejħa “amministrazzjonijiet jew aġenziji oħrajn”).

(a)

sistemi għall-importazzjoni u l-esportazzjoni, li joperaw flimkien mas-sistema għat-transitu u li jippermettu l-fluss mingħajr xkiel ta’ data minn sistema doġanali waħda għal oħra fil-Komunità kollha;

(b)

sistema ta’ identifikazzjoni u reġistrazzjoni għall-operaturi ekonomiċi, li topera flimkien mas-sistema awtorizzata ta’ l-operaturi ekonomiċi u li tippermetti li dawk l-operaturi ekonomiċi jirreġistraw darba biss għall-interazzjonijiet kollha tagħhom ma’ l-awtoritajiet doganali fil-Komunità kollha, b'kont meħud tas-sistemi Komunitarji jew nazzjonali eżistenti;

(ċ)

sistema għall-proċedura ta’ awtorizzazzjoni, inkluż il-proċess ta’ informazzjoni u ta’ konsultazzjoni, il-ġestjoni ta’ ċertifikati għall-operaturi ekonomiċi awtorizzati u r-reġistrazzjoni ta’ dawk iċ-ċertifikati f'bażi ta’ data aċċessibbli mill-awtoritajiet doganali.

(a)

qafas għal punti ta’ aċċess uniċi, li jippermetti lill-operaturi ta’ l-ekonomija biex jagħmlu użu minn interazzjoni waħda biex iressqu d-dikjarazzjonijiet doganali elettroniċi, anke jekk il-proċedura tad-dwana titwettaq fi Stat Membru ieħor;

(b)

interfaces elettroniċi għal operaturi ekonomiċi li jippermettulhom iwettqu l-kummerċ kollu relatat mad-dwana, anke jekk ikunu involuti diversi Stati Membri, ma’ l-awtoritajiet doganali ta’ l-Istat Membru fejn huma stabbiliti; u

(ċ)

servizzi ta’ interface uniku li jipprovdu l-fluss bla xkiel ta’ data bejn l-operaturi ekonomiċi u l-awtoritajiet doganali, bejn l-awtoritajiet doganali u l-Kummissjoni, u bejn l-awtoritajiet doganali u amministrazzjonijiet jew aġenziji oħrajn, u li jippermettu lill-operaturi ekonomiċi jissottomettu lid-dwana l-informazzjoni kollha meħtieġa għall-iżdoganar ta’ importazzjonijiet jew esportazzjonijiet, inkluża informazzjoni li tkun meħtieġa minn leġiżlazzjoni li ma għandhiex x'taqsam ma’ dwana.

(a)

studji relatati dwar il-fattibbiltà u l-ispeċifikazzjonijiet komuni funzjonali u tekniċi tas-sistema;

(b)

prodotti u s-servizzi komuni, inklużi s-sistemi ta’ referenza komuni meħtieġa għad-dwana u għal informazzjoni relatata mad-dwana;

(ċ)

servizzi tan-Netwerk Komuni ta’ Komunikazzjoni u l-Interface Komuni tas-Sistemi (CCN/CSI) għall-Istati Membri;

(d)

attivitajiet ta’ koordinazzjoni mwettqa mill-Istati Membri u mill-Kummissjoni meta jimplimentaw u joperaw sistemi doganali elettroniċi fil-qasam komuni tal-Komunità;

(e)

attivitajiet ta’ koordinazzjoni mwettqa mill-Kummissjoni meta timplimenta u topera sistemi doganali elettroniċi fil-qasam estern tal-Komunità, esklużi s-servizzi mfassla biex jissodisfaw il-ħtiġijiet nazzjonali.

(a)

speċifikazzjonijiet funzjonali u tekniċi tas-sistema nazzjonali;

(b)

sistemi nazzjonali, inklużi d-databases;

(ċ)

kollegamenti tan-netwerk bejn l-awtoritajiet doganali u l-operaturi ekonomiċi, u bejn l-awtoritajiet doganali u amministrazzjonijiet jew aġenziji oħrajn, fl-istess Stat Membru;

(d)

kwalunkwe softwer jew tagħmir li Stat Membru jqis li hu meħtieġ biex ikun żgurat użu sħiħ tas-sistema.

(a)

il-koordinazzjoni ta’ l-istabbiliment, l-ittestjar għall-konformità, l-installazzjoni, it-tħaddim u l-appoġġ tal-komponenti Komunitarji fir-rigward tas-sistemi doganali elettroniċi;

(b)

il-koordinazzjoni tas-sistemi u s-servizzi previsti f'din id-Deċiżjoni flimkien ma’ proġetti rilevanti oħrajn dwar l-eGovernment f’livell Komunitarju;

(ċ)

l-ikkompletar tal-kompiti allokati lilhom skond il-pjan strateġiku pluriennali previst fl-Artikolu 8(2);

(d)

il-koordinazzjoni ta’ l-iżvilupp ta’ komponenti Komunitarji u nazzjonali bil-ħsieb ta’ implimentazzjoni sinkronizzata tal-proġetti;

(e)

il-koordinazzjoni f'livell Komunitarju tas-servizzi doganali elettroniċi u s-servizzi ta’ interface uniku bil-ħsieb tal-promozzjoni u l-implimentazzjoni tagħhom f'livell nazzjonali;

(f)

il-koordinazzjoni tal-ħtiġijiet ta’ taħriġ.

(a)

il-koordinazzjoni ta’ l-istabbiliment, l-ittestjar għall-konformità, l-installazzjoni, it-tħaddim u l-appoġġ tal-komponenti nazzjonali, fir-rigward tas-sistemi doganali elettroniċi;

(b)

il-koordinazzjoni tas-sistemi u s-servizzi previsti f’din id-Deċiżjoni ma’ proġetti rilevanti oħrajn relatati ma’ l-eGovernment f’livell nazzjonali;

(ċ)

l-ikkompletar tal-kompiti allokati lilhom skond il-pjan strateġiku pluriennali previst fl-Artikolu 8(2);

(d)

il-forniment regolari ta’ informazzjoni lill-Kummissjoni rigward il-miżuri meħuda biex l-awtoritajiet jew l-operaturi ekonomiċi rispettivi tagħhom ikunu jistgħu jagħmlu użu sħiħ mis-sistemi doganali elettroniċi;

(e)

il-promozzjoni u l-implimentazzjoni f’livell nazzjonali tas-servizzi doganali elettroniċi u s-servizzi ta’ interface uniku;

(f)

it-taħriġ meħtieġ għall-uffiċjali doganali u uffiċjali kompetenti oħrajn.

(a)

id-determinazzjoni ta’ l-istrateġiji, ir-riżorsi meħtieġa u l-fażijiet ta’ żvilupp;

(b)

il-koordinazzjoni ta’ l-attivitajiet kollha relatati mad-dwana elettronika, biex ikun żgurat li r-riżorsi, inklużi dawk użati fuq il-livell nazzjonali u dak Komunitarju, jintużaw bl-aħjar u bl-iżjed mod effiċjenti;

(ċ)

il-koordinazzjoni ta’ l-aspetti legali, operattivi, ta’ taħriġ u ta’ l-iżvilupp ta’ l-IT kif ukoll il-provvista ta’ informazzjoni lill-awtoritajiet doganali u l-operaturi ekonomiċi dwar dawk l-aspetti;

(d)

il-koordinazzjoni ta’ l-attivitjiet ta’ implimentazzjoni tal-partijiet kollha kkonċernati;

(e)

il-konformità tal-partijiet ikkonċernati mal-limiti ta’ żmien stabbiliti fl-Artikolu 4.

26.1.2008   

MT

Il-Ġurnal Uffiċjali ta’ l-Unjoni Ewropea

L 23/27

(1)

Il-Ftehim Internazzjonali dwar il-Kawkaw ta’ l-2001 ġie ffirmat u konkluż f’isem il-Komunità Ewropea fit-18 ta’ Novembru 2002 permezz tad-Deċiżjoni tal-Kunsill 2002/970/KE (2).

(2)

Taħt id-dispożizzjonijiet ta’ l-Artikoli 63(1) u (3), il-Ftehim Internazzjonali dwar il-Kawkaw ta’ l-2001 għandu jiskadi fit-30 ta’ Settembru 2008 sakemm dan ma jiġix estiż lil hinn minn dik id-data b’Deċiżjoni tal-Kunsill Internazzjonali tal-Kawkaw għal perijodu wieħed jew tnejn li b’kollox ma jeċċedux erba’ snin.

(3)

L-estensjoni ta’ dak il-Ftehim hija fl-interess tal-Komunità Ewropea.

(4)

Għandha tiġi determinata l-pożizzjoni tal-Komunità Ewropea fil-Kunsill Internazzjonali dwar il-Kawkaw,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/28

(1)

Id-Direttiva 2001/89/KEE tintroduċi miżuri minimi tal-Komunità għall-kontroll tad-deni klassiku tal-ħnieżer. Dawk il-miżuri jinkludu d-dispożizzjoni li l-Istati Membri għandhom iressqu lill-Kummissjoni, wara l-konferma ta’ każ primarju ta’ deni klassiku tal-ħnieżer fi ħnieżer slavaġ, pjan tal-miżuri għall-eradikazzjoni ta’ dik il-marda. Dik id-Direttiva fiha wkoll dispożizzjonijiet rigward it-tilqim ta’ emerġenza tal-ħnieżer slavaġ.

(2)

Id-deni klassiku tal-ħnieżer hu preżenti fil-ħnieżer slavaġ fil-Bulgarija.

(3)

Il-Bulgarija nediet programm għas-sorveljanza u l-kontroll tad-deni klassiku tal-ħnieżer fit-territorju kollu ta’ dak l-Istat Membru. Dan il-programm għadu għaddej.

(4)

Id-Deċiżjoni tal-Kummissjoni 2006/800/KE tat-23 ta’ Novembru 2006 li tapprova l-pjanijiet għall-qerda tad-deni klassiku tal-ħnieżer fi ħnieżer slavaġ u t-tilqim ta’ emerġenza għal dawk il-ħnieżer kontra dik il-marda fil-Bulgarija (2) ġiet adottata bħala waħda mill-miżuri fil-ġlieda kontra d-deni klassiku tal-ħnieżer. Id-Deċiżjoni 2006/800/KE tapplika sal-31 ta’ Diċembru 2007.

(5)

Il-Bulgarija ressqet lill-Kummissjoni, għall-approvazzjoni fil-15 ta’ Ottubru 2007, pjan għall-2008 għall-eradikazzjoni tad-deni klassiku tal-ħnieżer fi ħnieżer slavaġ u pjan għat-tilqim ta’ emerġenza ta’ dawn il-ħnieżer fit-territorju kollu ta’ dak l-Istat Membru.

(6)

Dawk il-pjanijiet imressqa mill-Bulgarija ġew eżaminati mill-Kummissjoni u nstabu konformi mad-Direttiva 2001/89/KE. Għaldaqstant, għandhom jiġu approvati.

(7)

Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

26.1.2008   

MT

Il-Ġurnal Uffiċjali ta’ l-Unjoni Ewropea

L 23/30

(1)

Filwaqt li l-ewwel grupp ta’ parteċipanti esperjenzaw fażi ta’ bidla twila li matulha l-ewro kienet il-munita tagħhom iżda l-flus kontanti ta’ l-ewro kienu għadhom ma ddaħħlux, ħafna mill-pjanijiet nazzjonali eżistenti għal bidliet fil-ġejjieni jipprevedu d-dħul tal-muniti u tal-karti ta’ l-ewro dakinhar stess ta’ l-adozzjoni ta’ l-ewro. Din id-differenza u d-disponibilità kbira ta’ flus kontanti ta’ l-ewro jimplikaw li l-Istati Membri li qed jippreparaw għall-adozzjoni ta’ l-ewro għandhom jimplimentaw strateġija differenti minn dik użata bejn l-1999 u l-2002;

(2)

F’dawn iċ-ċirkustanzi differenti, id-dispożizzjonijiet tar-Rakkomandazzjoni tal-Kummissjoni tal-11 ta’ Ottubru 2000 dwar miżuri li jħaffu t-tħejjija ta’ l-operaturi ekonomiċi għall-bidla għall-ewro (1) ma jindirizzawx b’mod xieraq il-mistoqsijiet li joħorġu mill-bidla fil-kuntest. Għalhekk, sabiex ikun ikkunsidrat dan il-kuntest il-ġdid u jkun hemm tagħlim mill-esperjenza miksuba matul l-introduzzjoni tal-flus kontanti ta’ l-ewro fl-2002, fl-2007 u fl-2008, Rakkomandazzjoni ġdida għandha tiġi adottata,