5.12.2007   

MT

Il-Ġurnal Uffiċjali ta’ l-Unjoni Ewropea

L 317/1

(1)

Permezz tar-Regolament (KE) Nru 1470/2001 (2), il-Kunsill impona dazji definittivi ta’ antidumping ta’ minn 0 sa 66.1 % fuq l-importazzjonijiet ta’ lampi fluworexxenti elettroniċi u integrati (“CFL-i”) li joriġinaw mir-Repubblika Popolari taċ-Ċina (RPĊ) wara investigazzjoni. Qabel dan, il-Kummissjoni kienet imponiet dazji proviżorji kontra d-dumping bir-Regolament (KE) Nru 255/2001 (3).

(2)

Permezz tar-Regolament (KE) Nru 866/2005 (4), il-Kunsill estenda l-miżuri kontra d-dumping li huma fis-seħħ biex ikopru wkoll l-importazzjonijiet tas-CFL-i kkunsinnati mir-Repubblika Soċjalista tal-Vjetnam, ir-Repubblika Iżlamika tal-Pakistan jew ir-Repubblika tal-Filippini kemm jekk dikjarati li joriġinaw mir-Repubblika Soċjalista tal-Vjetnam, mir-Republika Iżlamika tal-Pakistan jew mir-Repubblika tal-Filippini u kemm jekk le. L-estensjoni waslet wara investigazzjoni ta’ kontra l-evażjoni li saret skond l-Artikolu 13 tar-Regolament bażiku.

(3)

Permezz tar-Regolament (KE) Nru 1322/2006 (5), il-Kunsill emenda l-miżuri kontra d-dumping li jinsabu fis-seħħ. L-emenda saret wara reviżjoni temporanja li saret fir-rigward ta’ l-ambitu tal-prodott. Ir-riżultat ta’ l-investigazzjoni u l-effett ta’ l-emenda tar-Regolament kien li l-lampi li jaħdmu b’vultaġġ bl-elettriku ta’ kurrent dirett (“DC-CFL-i”) għandhom jiġu esklużi mill-ambitu tal-miżuri. Il-miżuri kontra d-dumping skond dan se jkopru biss il-lampi ta’ vultaġġ minn kurrent elettriku alternanti (inklużi lampi ta’ skariku fluworexxenti kompatti u elettroniċi li jaħdmu b’kurrent elettriku kemm alternanti u kemm dirett) (“AC-CFL-i”).

(4)

Bir-Regolament (KE) Nru 1205/2007 (6) il-Kunsill ipproroga il-miżuri ta’ kontra d-dumping li hemm fis-seħħ. Il-proroga saret wara reviżjoni ta’ skadenza li twettqet skond l-Artikolu 11(2) tar-Regolament bażiku.

(5)

Il-bidu ta’ l-investigazzjoni seħħ wara talba għal reviżjoni skond l-Artikolu 11(3) tar-Regolament bażiku. It-talba tresqet mill-Federazzjoni ta’ l-Industrija tad-Dawl tal-Lampi Fluworexxenti Kompatti u Integrati tal-Komunità (2CFLI) (“l-applikant”).

(6)

Wara li ddeterminat, wara konsultazzjoni mal-Kumitat Konsultattiv, li kien hemm xhieda biżżejjed biex jingħata bidu għal reviżjoni, il-Kummissjoni, fit-8 ta’ Settembru 2006, bdiet investigazzjoni (7) skond l-Artikolu 11(3) tar-Regolament bażiku. L-ambitu tar-rapport interim huwa limitat għal-livell ta’ dumping safejn huwa kkonċernat wieħed mill-produtturi, Lisheng Electronic & Lighting (Xiamen).

(7)

Il-Kummissjoni innotifikat b'mod uffiċjali l-applikant u l-produttur esportatur fl-RPĊ, kif ukoll ir-rappreżentanti tal-gvern tal-pajjiż esportatur, dwar il-bidu tar-reviżjoni.

(8)

Il-partijiet interessati ngħataw l-opportunità li jikkomunikaw il-fehmiet tagħhom bil-miktub u li jitolbu seduta fil-limitu taż-żmien stipulat fl-avviż ta’ ftuħ.

(9)

Sabiex tkun tista' tikseb it-tagħrif meħtieġ għall-investigazzjoni tagħha, il-Kummissjoni bagħtet kwestjonarji lill-produttur esportatur ikkonċernat. Il-produttur esportatur ikkoopera billi wieġeb għall-kwestjonarji u wara dan saru żjarat ta’ verifika fil-bini tal-produttur esportatur kif ukoll tal-partijiet l-oħra marbuta ma’ dan il-produttur esportatur, jiġifieri:

Il-kumpanija relatata fl-RPĊ

Il-kumpaniji relatati f'Ħongkong

Importatur relatat fil-Komunità

(10)

Il-perjodu ta’ investigazzjoni f'dak li huwa l-livell ta’ dumping għar-reviżjoni interim tal-produttur esportatur, Lisheng Electronic & Lighting (Xiamen), kopra l-perjodu mill-1 ta’ Lulju 2005 sat-30 ta’ Ġunju 2006.

(11)

Il-prodott ikkonċernat huwa l-istess kif iddeterminat fir-Regolament li jemenda, jiġifieri lampi ta’ skariku fluworexxenti kompatti u elettroniċi li jaħdmu b’kurrent elettriku alternanti (inklużi lampi ta’ skariku fluworexxenti kompatti u elettroniċi li jaħdmu b’kurrent elettriku kemm alternanti u kemm dirett), b’tubu tal-ħġieġ wieħed jew iktar, bl-elementi illuminanti u l-komponenti elettroniċi kollha mwaħħla mas-sieq tal-lampa, jew li huma integrati fis-sieq tal-lampa li joriġinaw fir-Repubblika Popolari taċ-Ċina (“il-prodott ikkonċernat”), attwalment klassifikabbli fil-kodiċi NM ex 8539 31 90.

(12)

Bħal fl-investigazzjoni oriġinali, instab li s-CFL-i mmanifatturat fil-pajjiż u għall-bejgħ domestiku fl-RPĊ, u s-CFL-i esportat mill-RPĊ għandhom l-istess karatteristiċi fiżiċi u tekniċi u l-istess użu bażiku. Gћaldaqstant u skond kif ġie konkluż fir-Regolament ta’ proroga, dawn il-prodotti huma l-istess fi ħdan it-tifsira ta’ l-Artikolu 1(4) tar-Regolament bażiku.

(13)

Skond l-Artikolu 2(7)(b) tar-Regolament bażiku, f'investigazzjonijiet ta’ antidumping dwar prodotti li joriġinaw fl-RPĊ, il-valur normali għandu jiġi ddeterminat skond il-paragrafi 1 sa 6 ta’ l-Artikolu msemmi għal dawk il-produtturi esportaturi li jistgħu jippruvaw li jissodisfaw il-kriterji stabbiliti fl-Artikolu 2(7)(c) ta’ dan ir-Regolament, jiġifieri li hemm kundizzjonijiet ta’ ekonomija tas-suq f'dak li huwa manifattura u bejgħ tal-prodott simili.

(14)

Filwaqt li l-produttur esportatur Ċiniż ingħata trattament ta’ ekonomija tas-Suq fl-investigazzjoni oriġinali, kellha ssir stima fir-reviżjoni interim biex jinstab jekk il-kriterji rilevanti għat-TES kinux għadhom preżenti. Konsegwentement intbagħtet formola għall-klejms tat-TES skond l-Artikolu 2(7)(b) tar-Regolament bażiku biex timtela mill-produttur esportatur Ċiniż, u mill-kumpanija relatata Megaman Electrical & Lighting Ltd (Xiamen).

(15)

Fil-qosor, u gћall-finijiet ta’ referenza biss, il-kriterji għat-TES huma stipulati hawn taћt f’forma mqassra:

(16)

Kif intqal qabel, il-Kummissjoni fittxet u vverifikat fil-bini tal-produttur esportatur u l-kumpanija relatata Megaman Electrical & Lighting Ltd, kull tagħrif mibgħut fl-applikazzjonijiet tat-TES u li kien meqjus meħtieġ. L-investigazzjoni wriet li l-produttur esportatur Ċiniż issodisfa l-kondizzjonijiet kollha għall-għoti tat-TES.

(17)

Sabiex jiġi stabbilit il-valur normali, l-ewwel ġie vverifikat jekk il-bejgħ domestiku totali tal-produttur esportatur kienx rappreżentattiv skond l-Artikolu 2(2) tar-Regolament bażiku, jiġifieri li dan kien ikopri 5 % jew aktar tal-volum ta’ bejgħ totali tal-prodott ikkonċernat esportat lejn il-Komunità.

(18)

Fid-dawl tar-rekwiżiti ta’ hawn fuq, l-investigazzjoni wriet li l-bejgħ domestiku tal-produttur esportatur ma setax jitqies bħala rappreżentattiv u l-valur normali għalhekk kellu jinbena skond l-Artikolu 2(3) tar-Regolament bażiku, ikkalkolat b'mod li jkun ibbażat fuq il-kost ta’ produzzjoni fil-pajjiż esportatur miżjud b'ammont raġonevoli għall-ispejjeż u l-profitti ġenerali, amministrattivi u ta’ bejgħ.

(19)

Il-valur normali ġie skond dan stabbilit fuq il-bażi tad-data tal-produttur esportatur stess għall-kost ta’ manifattura (KOM) għall-produzzjoni ddestinata għall-konsum domestiku.

(20)

Min-naħa l-oħra, l-ammont għall-ispejjeż ġenerali u amministrattivi tal-bejgħ (ĠAB) (Ġenerali, Amministrattivi u Bejgħ) u l-profitti ma setgħax jiġi stabbilit skond il-paragrafu ta’ introduzzjoni ta’ l-Artikolu 2(6) tar-Regolament Bażiku dwar id-data attwali marbuta mal-produzzjoni u l-bejgħ fil-kummerċ ta’ kuljum tal-prodott ikkonċernat.

(21)

Ġie eżaminat jekk il-ĠAB u l-profitt setgħux jiġu stabbiliti skond l-artikolu 2(6)(a) u (b). Iżda, peress li ebda esportatur ieħor ma ġie investigat f'din ir-reviżjoni, il-metodoloġija ta’ l-Artikolu 2(6)(a), jiġifieri l-medja differenzjata ta’ l-ammonti attwali ta’ esportaturi oħra, ma setgħatx tintuża. Bl-istess mod, il-metodoloġija ta’ l-Artikolu 2(6)(b) ma kinitx xierqa peress li ma kienx hemm bejgħ fis-suq domestiku ta’ prodotti li huma ta’ l-istess kategorija.

(22)

Minħabba f'hekk, il-Kummissjoni kkalkulat medja differenzjata filwaqt li użat ir-rati ta’ profitt u l-ispejjeż tal-ĠAB ta’ żewġ produtturi esportaturi li jikkooperaw fil-pajjiż ta’ analoġija użati fir-reviżjoni ta’ skadenza skond l-Artikolu 11(2) tar-Regolament bażiku u li kellhom bejgħ domestiku fil-kummerċ ta’ kuljum. L-ispejjeż tal-ĠAB u r-rati medji ta’ profitt li nstabu f'dawn iż-żewġ produtturi esportaturi li jikkooperaw tal-Korea ta’ Isfel ġew miżjuda ma’ l-ispejjeż ta’ manifattura mġarrba mill-produttur esportatur ikkonċernat fir-rigward tat-tipi esportati, kif stipulat bl-Artikolu 2(3) tar-Regolament bażiku.

(23)

Il-produttur esportatur esporta bejgħ lejn il-Komunità kemm direttament lil klijenti indipendenti kif ukoll permezz ta’ importaturi relatati f'pajjiż terz u l-Komunità. Fil-każijiet kollha fejn il-prodott ikkonċernat ġie esportat lil klijenti indipendenti fil-Komunità, il-prezz ta’ esportazzjoni ġie stabbilit skond l-Artikolu 2(8) tar-Regolament bażiku, jiġifieri fuq il-bażi tal-prezzijiet ta’ esportazzjoni effettivament imħallsa jew dovuti.

(24)

F’każijiet fejn il-bejgħ sar permezz ta’ importatur jew negozjant relatat, il-prezz ta’ esportazzjoni ġie kkalkulat fuq il-bażi tal-prezzijiet ta’ bejgħ mill-ġdid ta’ dak l-importatur relatat mal-konsumaturi indipendenti. L-aġġustamenti saru għall-ispejjez kollha li ġġarbu bejn l-importazzjoni u l-bejgħ mill-ġdid kif ukoll l-ispejjeż ta’ bejgħ, ġenerali u amministrattivi, u marġni ta’ qligħ raġjonevoli, skond l-Artikolu 2(9) tar-Regolament bażiku. Il-marġni ta’ qligħ xieraq ġie stabbilit fuq il-bażi tat-tagħrif ipprovdut min-negozjanti/importaturi li jikkooperaw li mhumiex relatati u li joperaw fis-suq Komunitarju.

(25)

Sabiex jiġi żgurat paragun ġust bejn il-valur normali u l-prezz ta’ esportazzjoni, saret konċessjoni xierqa fil-forma ta’ aġġustamenti għad-differenzi li jaffettwaw il-prezzijiet u l-komparabilità tal-prezzijiet skond l-Artikolu 2(10) tar-Regolament bażiku. Għall-produttur esportatur investigat, ingħataw konċessjonijiet għad-differenzi fl-ispejjeż tat-trasport, spejjeż ta’ trasport ta’ merkanzija bil-baħar u ta’ assigurazzjoni, tqandil, tgħabbija u spejjeż anċillari, spejjeż ta’ ppakkjar, spejjeż ta’ kreditu, spejjeż ta’ garanzija u kummissjonijiet fejn huwa applikabbli u ġġustifikat.

(26)

F'dak li għandu x'jaqsam mal-konċessjoni tal-kost tal-kreditu, il-produttur esportatur jistqarr li għandha tintuża r-rata ta’ depożitu minflok ir-rata ta’ kreditu minħabba li, peress li l-kumpanija għandha biżżejjed likwidità, l-ispejjeż ta’ kreditu huma limitati għad-dħul mill-interessi mhux perċepiti fil-kont bankarju tagħha ta’ depożitu.

(27)

Skond il-prassi li b'mod konsistenti ġiet applikata mill-istituzzjonijiet tal-Komunità, ma nstabx xieraq li l-kalkolu tal-konċessjoni tal-kost tal-kreditu jkun ibbażat fuq ir-rata ta’ depożitu għar-raġuni li dawn huma spejjeż ta’ opportunità meta mqabbla ma’ l-ispejjeż attwali.

(28)

F'dan il-kuntest huwa nnutat li l-interess li l-klijenti jkollhom iħallsu fil-każ ta’ dewmien ta’ pagament jagħti x'jifhem li l-kumpanija tkun iddeterminat dawn l-interessi fuq il-bażi tar-rati ta’ kreditu milli r-rati ta’ depożitu.

(29)

Kif previst fl-Artikolu 2 (11) u (12) tar-Regolament bażiku, l-valuri normali medji differenzjati ta’ kull tip ta’ prodott ikkonċernat esportat lejn il-Komunità ġew imqabbla mal-prezz medju differenzjat ta’ esportazzjoni ta’ kull tip korrispondenti tal-prodott ikkonċernat. Dan it-tqabbil wera li hemm marġini ta’ dumping taħt il-minimu għall-produttur esportatur li esporta lill-Komunità fil-PIR.

(30)

Abbażi ta’ dan, ġie konkluż li ċ-ċirkustanzi fir-rigward tad-dumping li fuqhom ġew stabbiliti l-miżuri għall-kumpanija fl-investigazzjoni oriġinali ma nbidlux. Ir-reviżjoni parzjali interim skond l-Artikolu 11(3) tar-Regolament bażiku għandha għalhekk tiġi fi tmiem.

(31)

Abbażi taċ-ċirkustanzi ta’ hawn fuq, ir-reviżjoni parzjali interim li tirrigwarda Lisheng Electronic & Lighting (Xiamen) Co. Ltd għandha tiġi fi tmiem mingħajr emenda għar-Regolament (KE) Nru 1205/2007.

(32)

Il-partijiet interessati ġew mgħarrfa bil-fatti u l-kunsiderazzjonijiet essenzjali li fuq il-bażi tagħhom il-Kummissjoni pproponiet li ttemm dan il-proċediment. Il-fehmiet li tressqu ġew imbagħad eżaminati iżda ma kinux b'mod li jistgħu jbiddlu l-konklużjonijiet ta’ hawn fuq,

5.12.2007   

MT

Il-Ġurnal Uffiċjali ta’ l-Unjoni Ewropea

L 317/5

(1)

Fis-6 ta’ Settembru 2006, skond l-Artikolu 5 tar-Regolament bażiku, permezz ta’ avviż (“avviż tal-bidu”) ippubblikat fil-Ġurnal Uffiċjali ta’ l-Unjoni Ewropea  (2), il-Kummissjoni ħabbret il-bidu ta’ proċediment anti-dumping, dwar importazzjonijiet fil-Komunità ta’ siliko-manganiż (inkluż il-ferro-siliko-manganiż) (“SiMn”) li joriġinaw fir-Repubblika tal-Poplu taċ-Ċina (“iċ-Ċina”), fil-Każakstan u fl-Ukrajna (“il-pajjiżi konċernati”).

(2)

Il-proċediment inbeda wara li fl-24 ta’ Lulju 2006 tressaq lment mill-Comité de Liaison des Industries de Ferro-Alliages (EUROALLIAGES) (“min qed jagħmel l-ilment”) f’isem il-produtturi li jirrappreżentaw proporzjon kbir, f’dan il-każ aktar minn 50 %, tal-produzzjoni Komunitarja totali ta’ SiMn (“produtturi li qed jagħmlu l-ilment”). L-ilment kien fih evidenza prima facie ta’ dumping ta’ SiMn li joriġina fil-pajjiżi konċernati kif ukoll ta’ ħsara materjali li tirriżulta minnu, u li tqieset biżżejjed biex tkun iġġustifikata l-bidu ta’ proċediment.

(3)

Parti interessata qalet li l-Kummissjoni missha inizjat dan il-proċediment ukoll kontra importazzjonijiet li joriġinaw mill-Indja. Fiż-żmien ta’ meta nbeda l-proċediment attwali, iżda, il-Kummissjoni ma kellhiex evidenza biżżejjed ta’ dumping li jagħmel ħsara għad-dispożizzjoni tagħha li setgħet iġġustifikat li jinbeda proċediment kontra importazzjonijiet li joriġinaw mill-Indja f’konformità mar-rekwiżiti ta’ l-Artikolu 5(2) tar-Regolament bażiku.

(4)

B’mod uffiċjali l-Kummissjoni informat lil min qed jagħmel l-ilment, lill-produtturi Komunitarji li qed jagħmlu l-ilment u lill-produtturi Komunitarji l-oħrajn magħrufa, lill-produtturi esportaturi fil-pajjiżi konċernati, lill-importaturi/kummerċjanti u lill-assoċjazzjonijiet tagħhom, lill-fornituri u lill-utenti li kien magħruf li huma konċernati u lir-rappreżentanti tal-pajjiżi li jesportaw konċernati, bil-bidu tal-proċediment. Il-partijiet interessati ngħataw l-opportunità li jressqu l-opinjonijiet tagħhom bil-miktub u li jitolbu smigħ fil-terminu stabbilit fl-avviż tal-bidu. Il-partijiet interessati kollha li għamlu din it-talba u li wrew li kien hemm raġunijiet partikolari għaliex għandhom jinstemgħu, ingħataw smigħ.

(5)

Biex il-produtturi esportaturi fiċ-Ċina u fil-Każakstan ikunu jistgħu jippreżentaw talba għat-trattament tas-suq ta’ l-ekonomija (“MET” - market economy treatment) jew għal trattament individwali (“IT” - individual treatment), jekk xtaqu, il-Kummissjoni bagħtet formoli ta’ talba lill-produtturi esportaturi li kien magħruf li huma konċernati kif ukoll lill-awtoritajiet taċ-Ċina u tal-Każakstan. Erba’ gruppi ta’ produtturi esportaturi fiċ-Ċina u produttur wieħed li jesporta fil-Każakstan talbu l-MET skond l-Artikolu 2(7) tar-Regolament bażiku, jew it-trattament IT jekk l-investigazzjoni tistabbilixxi li ma jilħqux il-kundizzjonijiet għall-MET.

(6)

Minħabba l-għadd kbir apparenti ta’ produtturi esportaturi fiċ-Ċina u l-għadd kbir ta’ importaturi fil-Komunità fl-avviż tal-bidu ġie previst l-użu ta’ teħid ta’ kampjuni għad-determinazzjoni tad-dumping u tal-ħsara, skond l-Artikolu 17 tar-Regolament bażiku.

(7)

Biex il-Kummissjoni tkun tista’ tiddeċiedi jekk hemmx bżonn tat-teħid ta’ kampjuni u, jekk iva, biex tagħżel kampjun, il-produtturi kollha fiċ-Ċina u l-importaturi Komunitarji ntalbu jippreżentaw irwieħhom quddiem il-Kummissjoni, u jipprovdu, kif ġie speċfikat fl-avviż tal-bidu, informazzjoni bażika dwar l-attivitajiet tagħhom li għandhom x’jaqsmu mal-prodott konċernat waqt il-perjodu ta’ l-1 ta’ Lulju 2005 sat-30 ta’ Ġunju 2006.

(8)

Sa fejn huma konċernati l-produtturi esportaturi fiċ-Ċina, minħabba li erba’ gruppi ta’ kumpanniji li għandhom bejgħ bl-esportazzjoni ta’ SiMn lejn il-Komunità matul l-IP indikaw li kienu lesti li jkunu inklużi f’kampjun, ġie deċiż li t-teħid tal-kampjuni ma kienx meħtieġ.

(9)

Dwar l-importaturi lejn il-Komunità Ewropea, żewġ importaturi biss li ma kellhomx x’jaqsmu ippreżentaw ruħhom u provdew l-informazzjoni mitluba fil-ħin. Għalhekk ġie deċiż li t-teħid tal-kampjuni ma kienx meħtieġ.

(10)

Il-Kummissjoni bagħtet kwestjonarji lill-partijiet kollha li kienu magħrufa li huma konċernati u lill-kumpanniji l-oħrajn kollha li ppreżentaw ruħhom fit-termini stabbiliti fl-avviż tal-bidu. Ir-risposti għall-kwestjonarji waslu minn erba’ produtturi Komunitarji, mill-erba’ gruppi ta’ produtturi esportaturi fiċ-Ċina, mill-uniku produttur esportatur mill-Każakstan, minn tliet produtturi esportaturi mill-Ukrajna, minn żewġ importaturi mhux relatati u minn disa’ utenti mhux relatati fil-Komunità. Barra minn dan, żewġ utenti ppreżentaw xi kummenti mingħajr ma rrispondew għall-kwestjonarju.

(11)

Iżda wieħed mill-gruppi ta’ produtturi esportaturi fiċ-Ċina sussegwentement ma qabilx għal verifika ppjanata fuq il-post għall-għarrieda kif provdut fit-talbiet tagħhom għal MET/IT u fir-risposti għall-kwestjonarju. Għalhekk, wara li għarrfet lill-kumpanniji konċernati dwar il-konsegwenzi tan-nuqqas ta’ koperazzjoni kif stipulat fl-Artikolu 18(1) tar-Regolament bażiku, il-Kummissjoni, skond id-dispożizzjonijiet ta’ l-Artikolu 48 qieset lil dawn il-kumpanniji bħala li ma kinux qed jikkoperaw fil-proċediment u fil-preżentazzjonijiet kollha magħmula minnhom ġew imwarrba.

(12)

Il-Kummissjoni fittxet u vverifikat l-informazzjoni kollha li qieset neċessarja għall-fini ta’ MET/IT, fil-każ taċ-Ċina u l-Każakstan, u ta’ determinazzjoni tad-dumping, tal-ħsara li rriżultat kif ukoll ta’ l-interess Komunitarju għall-pajjiżi kollha konċernati. Saru żjarat ta’ verifika fl-uffiċji tal-kumpanniji li ġejjin:

(13)

Fid-dawl tal-ħtieġa li jiġi stabbilit valur normali għall-produtturi esportaturi fiċ-Ċina u fil-Każakstan li għalihom jista’ ma jingħatax l-MET, saret verifika sabiex jiġi stabbilit il-valur normali fuq il-bażi tad-data minn pajjiż analogu fuq il-post ta’ dan il-produttur li ġej u l-kumpannija relatata tal-bejgħ tiegħu fl-Istati Uniti ta’ l-Amerika (“l-Istati Uniti”):

(14)

L-investigazzjoni tad-dumping u tal-ħsara kopriet il-perjodu mill-1 ta’ Lulju 2005 sat-30 ta’ Ġunju 2006 (il-“perjodu ta’ investigazzjoni” jew “IP”). L-eżaminar tat-tendenzi rilevanti għall-valutazzjoni tal-ħsara kopra l-perjodu mill-1 ta’ Jannar 2002 sat-tmiem il-perjodu ta’ investigazzjoni (“il-perjodu meqjus”).

(15)

Il-prodott konċernat huwa siliko-manganiż (inkluż ferro-siliko-manganiż) (“SiMn”) li joriġina fiċ-Ċina, fil-Każakstan u fl-Ukrajna (“il-prodott konċernat”), normalment iddikjarat taħt il-Kodiċijiet NM 7202 30 00 u ex 8111 00 11.

(16)

Il-prodott konċernat jintuża fl-industrija ta’ l-azzar għad-deossidazzjoni u bħala liga. Normalment huwa prodott mill-manganiż mhux maħdum u s-silikon li huma mħallta u miġjuba għal temperaturi ta’ fużjoni ġewwa forn.

(17)

L-SiMn jeżisti fi kwalitajiet differenti u jista’ jkollu kontenut differenti ta’ ħadid (Fe), manganese (Mn), silikon (Si) u karbonju (C). Sa fejn huwa konċernat il-kontenut tal-karbonju, tista’ ssir distinzjoni bejn l-SiMn b’kontenut ta’ karbonju baxx ħafna, li għandu kwalità ogħla (u jiġbed prezz ogħla), u l-SiMn b’kontenut ta’ karbonju ogħla, li jista’ jitqies bħala l-kwalità normali. L-SiMn jinbiegħ f’daqsijiet differenti ta’ trab, partiċelli jew biċċiet. Minkejja dawn id-differenzi, il-kwalitajiet u d-daqsijiet kollha ġew meqjusa bħala prodott uniku għaliex għandhom l-istess karatteristiċi fiżiċi u kimiċi ewlenin u l-istess użi ewlenin.

(18)

L-investigazzjoni wriet li l-SiMn prodott u mibjugħ fil-Komunità mill-industrija Komunitarja, l-SiMn prodott u mibjugħ fis-swieq domestiċi taċ-Ċina, tal-Każakstan u ta’ l-Ukrajna, u fis-suq domestiku ta’ l-Istati Uniti, li fl-aħħar serviet bħala pajjiż analogu, u l-SiMn importat lejn il-Komunità miċ-Ċina, mill-Każakstan u mill-Ukrajna, essenzjalment għandhom l-istess karatteristiċi kimiċi u fiżiċi bażiċi u l-istess użi bażiċi. Għalhekk jitqiesu li huma simili fis-sens ta’ l-Artikolu 1(4) tar-Regolament bażiku.

(19)

Produttur wieħed li jesporta iddikjara li l-manganese mhux maħdum, normalment iddikjarat taħt il-Kodiċi NM 8111 00 11, għandu jkun kopert mill-investigazzjoni. F’dan ir-rigward huwa konfermat li l-prodott konċernat huwa siliko-manganiż, kif inhuwa ddikjarat fil-premessa (15) u mhux il-manganese mhux maħdum, iżda jinkludi wkoll is-siliko-manganiż mhux maħdum. Filwaqt li l-SiMn ġeneralment huwa ddikjarat taħt il-Kodiċi NM 7202 30 00, jista’ wkoll jiġi ddikjarat, skond il-kontenut ta’ ħadid, bħala siliko-manganiż mhux maħdum jew trabijiet tas-siliko-manganiż taħt il-Kodiċi NM 8111 00 11.

(20)

Skond l-Artikolu 2(7)(b) tar-Regolament bażiku, fl-investigazzjonijiet dwar l-anti-dumping dwar l-importazzjonijiet li joriġinaw fiċ-Ċina u fil-Każakstan, il-valur normali għandu jiġi ddeterminat skond il-paragrafi 1 sa 6 ta’ l-istess Artikolu għal dawk il-produtturi li wrew li jilħqu l-kriterji stabbiliti fl-Artikolu 2(7)(c) tar-Regolament bażiku, jiġifieri fejn jintwera minn dawn il-produtturi esportaturi li l-kundizzjonijiet ta’ l-ekonomija tas-suq jipprevalixxu fir-rigward tal-manifattura u l-bejgħ tal-prodott simili. Fil-qosor, u għall-faċilità ta’ riferenza biss, dawn il-kriterji huma deskritti fil-qosor hawn taħt:

(21)

Erba’ gruppi ta’ produtturi Ċiniżi li jesportaw inizjalment talbu l-MET skond l-Artikolu 2(7)(b) tar-Regolament bażiku u rrispondew għall-formola ta’ talba għall-MET għall-produtturi esportaturi fit-termini determinati. Iżda, wieħed minn dawn il-gruppi wara dan iddeċieda li ma jikkoperax ma’ l-investigazzjoni (kif jissemma fil-premessa (11) hawn fuq). Għalhekk, it-talbiet għal MET tat-tliet gruppi Ċiniżi l-oħrajn ta’ produtturi esportaturi elenkati fil-premessa (12) ġew meqjusa. Dawn il-gruppi kollha inkludew kemm produtturi tal-prodott konċernat kif ukoll il-kumpanniji relatati mal-produtturi u involuti fil-bejgħ tal-prodott konċernat. Tassew hija l-prattika konsistenti tal-Kummissjoni li teżamina jekk grupp sħiħ ta’ kumpanniji relatati jilħaqx il-kundizzjonijiet għall-MET.

(22)

L-uniku produttur esportatur mill-Każakstan talab l-MET skond l-Artikolu 2(7)(b) tar-Regolament bażiku u rrisponda għall-formola ta’ talba għall-MET għall-produtturi esportaturi fit-termini mogħtija.

(23)

Għall-produtturi esportaturi li kkoperaw, il-Kummissjoni tablet l-informazzjoni kollha li qieset meħtieġa u vverifikat l-informazzjoni preżentata fit-talba għal MET fuq il-post tal-kumpanniji in kwistjoni kif qieset meħtieġ.

(24)

L-investigazzjoni żvelat li l-MET ma setgħat tingħata lil ebda produttur esportatur Ċiniż elenkat fil-premessa (12) għaliex ebda minn dawn il-gruppi ma laħaq il-kriterju 1 stabbilit fl-Artikolu 2(7)(c) tar-Regolament bażiku u, barra minn dan, wieħed minn dawn naqas li jilħaq il-kriterju 2 u ieħor naqas milli jilħaq il-kriterju 3. Ukoll, għall-grupp li ma laħaqx il-kriterji 1 u 2, baqgħu dubji serji dwar il-kriterju 3 u fi kwalunkwe każ, dan il-grupp naqas milli jippreżenta sett sħiħ ta’ formoli ta’ talba għall-MET u risposti għall-kwestjonarju tal-kumpanniji relatati tiegħu involuti fil-produzzjoni u/jew in-negozjar tal-prodott konċernat.

(25)

Sa fejn huwa konċernat il-kriterju 1, ebda mill-gruppi ta’ kumpanniji Ċiniżi konċernati ma wrew li laħqu dan il-kriterju. Il-gruppi ta’ kumpanniji kollha nstabu li fl-aħħar mill-aħħar jappartjenu għall-Istat u naqsu li jippreżentaw evidenza li tista’ titqies biżżejjed biex tneħħi d-dubji dwar interferenza sinifikanti mill-Istat fid-deċiżjonijiet dwar l-immaniġġar. Għalhekk ma setax jiġi eskluż li l-kumpanniji kienu taħt kontroll u interferenza sinifikanti mill-Istat.

(26)

Għal grupp wieħed ta’ kumpanniji, minbarra n-nuqqas ta’ konformità mal-kriterju 1, ġie stabbilit li ma setax juri li ma hemm ebda tgħawwiġ li ntiret mis-sistema ekonomika mhux tas-suq ta’ qabel (kriterju 3), minħabba xi benefiċċji ta’ self mhux ikkumpensati li kumpannija waħda fil-grupp kienet irċeviet mill-kumpannija ewlenija li kienet tappartjeni għall-Istat.

(27)

Barra minn dan, għal grupp ieħor ta’ kumpanniji, minbarra n-nuqqas ta’ konformità mal-kriterju 1, ġie stabbilit li ma setax juri li ma hemm ebda tgħawwiġ li nżamm mis-sistema ekonomika mhux tas-suq ta’ qabel, b’mod partikolari minħabba l-eżistenza ta’ kummerċ bi tpartit matul il-perjodu ta’ l-investigazzjoni. Dan il-grupp naqas ukoll li juri li l-kotba ta’ bosta mill-entitajiet ivverifikati tiegħu ġew ivverifikati b’mod indipendenti skond l-istandards internazzjonali tal-kontabbiltà, għaliex l-applikazzjoni ta’ prinċipji tajbin u bażiċi taż-żamma tal-kotba, b’mod partikolari fir-rigward tad-deprezzament ta’ l-assi fissi, ġiet imdawra mill-kumpannija prinċipali (parent) u dan il-ksur ġie aċċettat mill-awdituri tal-kumpanniji.

(28)

Barra minn dan, fl-istess grupp, għall-inqas kumpannija waħda li dehret li kienet involuta fin-negozjar tal-prodott konċernat la kienet ippreżentat formola ta’ talba għal MET u lanqas risposta għal kwestjonarju, li qiegħed fid-dubju d-dipendibbiltà ta’ l-informazzjoni provduta.

(29)

Il-partijiet interessati ingħataw opportunità li jikkummentaw fuq dawn is-sejbiet. Il-kummenti rċevuti minn żewġ gruppi Ċiniżi ta’ produtturi esportaturi ma pprovdew ebda prova ġdida li setgħet tibdel is-sejbiet li jirrigwardaw id-determinazzjoni ta’ l-MET.

(30)

Fuq bażi ta’ dan ta’ hawn fuq, l-ebda mill-gruppi Ċiniżi ta’ produtturi esportaturi li jilħqu l-kriterji kollha stabbiliti fl-Artikolu 2(7)(c) tar-Regolament bażiku, u għalhekk, ma setgħux jingħataw MET.

(31)

L-uniku produttur esportatur fil-Każakstan wera li laħaq il-ħames kriterji stabbiliti fl-Artikolu 2(7)(c) tar-Regolament bażiku, u għalhekk ingħata l-MET. Il-produttur esportatur u l-industrija Komunitarja (ara l-premessa (91)) ingħataw opportunità li jikkumentaw dwar is-sejbiet ta’ MET. Il-kummenti li waslu mill-industrija Komunitarja ma pprovdew ebda prova ġdida li setgħet tibdel is-sejbiet li jirrigwardaw id-determinazzjoni ta’ l-MET.

(32)

Skond l-Artikolu 2(7)(a) tar-Regolament bażiku, huwa stabbilit dazju għall-pajjiż kollu, jekk hemm, għall-pajjiżi kollha li jaqgħu taħt dak l-Artikolu ħlief għall-każijiet fejn il-kumpanniji jistgħu juru li jilħqu l-kriterji kollha stabbiliti fl-Artikolu 9(5) tar-Regolament bażiku.

(33)

Sa fejn hija konċernata ċ-Ċina, il-produtturi esportaturi kollha li talbu l-MET talbu wkoll l-IT fil-każ li ma jingħatawx il-MET.

(34)

Fuq bażi ta’ l-informazzjoni disponibbli, instab li l-gruppi kollha ta’ kumpanniji konċernati naqsu li juru li kumulattivament kienu jilħqu r-rekwiżiti kollha għall-IT kif stabbilit fl-Artikolu 9(5) tar-Regolament bażiku. Jiġifieri li ġie stabbilit li l-kumpanniji naqsu milli jilħqu l-kriterji stipulati fl-Artikolu 9(5)(c) tar-Regolament bażiku li l-maġġoranza ta’ l-azzjonijiet jappartjenu għal persuni privati, ladarba kif inhuwa spjegat fil-premessa (25), il-kumpanniji kollha nstabu li fl-aħħar mill-aħħar kienu jappartjenu għall-Istat. Għalhekk, it-talbiet tagħhom kellhom jiġu miċħuda.

(35)

Sa fejn hija konċernata d-determinazzjoni tal-valur normali, il-Kummissjoni l-ewwel stabbiliet, skond l-Artikolu 2(2) tar-Regolament bażiku, għal kull produttur li qed jesporta konċernat fil-Każakstan u fl-Ukrajna, jekk il-bejgħ domestiku tal-prodott konċernat lil klijenti indipendenti kienx rappreżentattiv, jiġifieri jekk il-volum totali ta’ dan il-bejgħ kienx jirrappreżenta għall-inqas 5 % tal-volum totali tal-bejgħ esportat tal-prodott konċernat lejn il-Komunità.

(36)

Il-Kummissjoni wara dan identifikat dawk it-tipi ta’ prodott mibjugħa domestikament mill-produtturi esportaturi li għandhom bejgħ totali domestiku rappreżentattiv, li kienu identiċi jew direttament komparabbli mat-tipi mibjugħa għall-esportazzjoni lejn il-Komunità.

(37)

Għal kull tip ta’ prodott mibjugħ mill-produtturi esportaturi fis-swieq domestiċi tagħhom u misjuba li huma direttament komparabbli mat-tip ta’ prodott mibjugħ għall-esportazzjoni lejn il-Komunità, ġie stabbilit jekk il-bejgħ domestiku kienx rappreżentattiv biżżejjed għall-għanijiet ta’ l-Artikolu 2(2) tar-Regolament bażiku. Il-bejgħ domestiku ta’ tip partikolari ta’ prodott tqies rappreżentattiv biżżejjed meta l-volum totali ta’ dak it-tip ta’ prodott mibjugħ fis-suq domestiku lil klijenti indipendenti matul l-IP irrappreżenta għall-inqas 5 % tal-volum totali tal-bejgħ tat-tip komparabbli ta’ prodott esportat lejn il-Komunità.

(38)

Il-Kummissjoni sussegwentement eżaminat għal kull produttur esportatur konċernat fil-Każakstan u fl-Ukrajna jekk il-bejgħ domestiku ta’ kull tip ta’ prodott mibjugħ domestikament fi kwantitajiet rappreżentattivi setax jitqies bħala mibjugħ fl-andament ordinarju tal-kummerċ skond l-Artikolu 2(4) tar-Regolament bażiku. Dan sar billi ġie stabbilit għal kull tip ta’ prodott esportat il-proporzjon ta’ bejgħ domestiku bi qliegħ lil klijenti indipendenti matul l-IP.

(39)

Għal dawk it-tipi ta’ prodott fejn aktar minn 80 % skond il-volum tal-bejgħ fis-suq domestiku ma kienx anqas baxxi mill-ispiża ta’ l-unità u fejn il-prezz medju bil-piż differenzjat kien daqs jew ogħla mill-ispiża tal-produzzjoni medja bil-piż differenzjat, il-valur normali, skond it-tip ta’ prodott, ġie ikkalkulat bħala medja bil-piż differenzjat tal-prezzijiet tal-bejgħ domestiċi kollha tat-tip in kwistjoni.

(40)

F’każijiet fejn il-volum tal-bejgħ profittabbli ta’ tip ta’ prodott irrappreżenta 80 % jew inqas tal-volum totali ta’ bejgħ ta’ dak it-tip, jew fejn il-prezz medju bil-piż differenzjat ta’ dak it-tip kien aktar baxx min-nefqa tal-produzzjoni, il-valur normali kien ibbażat fuq il-prezz domestiku attwali, ikkalkulat bħala medja bil-piż differenzjat tal-prezzijiet tal-bejgħ domestiku kollu ta’ dak it-tip biss, sakemm dak il-bejgħ irrappreżenta 10 % jew aktar tal-volum totali ta’ bejgħ ta’ dak it-tip.

(41)

Fil-każijiet fejn il-volum ta’ bejgħ profittabbli ta’ kwalunkwe tip ta’ prodott irrappreżenta inqas minn 10 % tal-volum totali ta’ bejgħ, tqies li dan it-tip partikolari kien mibjugħ fi kwantitajiet mhux suffiċjenti għall-prezz domestiku biex tkun provduta bażi xierqa għall-istabbiliment tal-valur normali.

(42)

Kull fejn il-prezzijiet domestiċi ta’ tip ta’ prodott partikolari mibjugħ minn produttur esportatur ma setgħux jintużaw biex jiġi stabbilit il-valur normali, kellu jiġi applikat metodu ieħor. Skond l-Artikolu 2(3) tar-Regolament bażiku, il-Kummissjoni minflok ikkalkulat valur normali mibni, kif ġej.

(43)

Il-valur normali nbena billi ma’ l-ispejjeż tal-manifattura ta’ l-esportatur tat-tipi esportati ġie miżjud, aġġustat fejn meħtieġ, ammont raġonevoli għall-infiq tal-bejgħ, ġenerali u amministrattiv (“SG&A”) u marġini raġonevoli ta’ profitt.

(44)

Fil-każijiet kollha l-SG&A u l-profitt ġew stabbiliti skond il-metodi stabbiliti fl-Artikolu 2(6) tar-Regolament bażiku. Għal dan il-fini, il-Kummissjoni eżaminat jekk l-SG&A li ntefqu u l-profitt realizzat minn kull wieħed mill-produtturi esportaturi konċernati fis-suq domestiku kinux jikkostitiwixxu data dipendibbli.

(45)

Skond l-Artikolu 2(7)(a) tar-Regolament bażiku, fl-ekonomiji li huma fit-tranżizzjoni, il-valur normali għall-produtturi esportaturi li ma ngħatawx l-MET għandu jiġi stabbilit fuq bażi tal-prezz jew valur mibni f’pajjiż terz li għandha l-ekonomija tas-suq (“pajjiż analogu”) jew il-prezz minn dan il-pajjiż terz lil pajjiżi oħrajn, jew fejn dawn mhumiex possibbli, fuq kwalunkwe bażi oħra raġonevoli.

(46)

Fl-avviż tal-bidu, ġie ppjanat li tintuża l-Brażil bħala pajjiż analogu xieraq sabiex jiġi stabbilit il-valur normali għaċ-Ċina u l-Każakstan, fejn meħtieġ, u l-partijiet interessati ġew mistiedna jikkummentaw dwar dan. L-ebda parti interessata ma oġġezzjonat għal din il-proposta.

(47)

Il-Kummissjoni fittxet il-koperazzjoni mill-produtturi magħrufa fil-Brażil u mbagħad ukoll minn produtturi f’pajjiżi oħrajn potenzjalment analogi, jiġifieri l-Indja, il-Ġappun, in-Norveġja, l-Afrika t’Isfel u l-Istati Uniti. L-offerti tal-koperazzjoni, madankollu, inkisbu biss mill-produtturi fin-Norveġja u fl-Istati Uniti. Fuq bażi ta’ l-informazzjoni miksuba minn tliet kumpanniji Norveġiżi, ġie konkluż li s-suq domestiku ta’ SiMn fin-Norveġja kien żgħir ħafna. Għalhekk is-suq Norveġiż ma tqiesx rappreżentattiv biżżejjed sabiex jiġi ddeterminat il-valur normali għaċ-Ċina u l-Każakstan.

(48)

Dwar l-uniku produttur magħruf Amerikan, intbagħat kwestjonarju lil dak il-produttur u d-data preżentata fir-risposta tagħha ġiet ivverifikata fuq il-post għall-għarrieda. Il-volum tal-bejgħ domestiku ta’ dak il-produttur in kwistjoni fl-Istati Uniti instab li huwa sinifikanti u rappreżentattiv biżżejjed meta mqabbel mal-volum ta’ esportazzjonijiet taċ-Ċina u l-Każakstan tal-prodott konċernat lejn il-Komunità. Barra minn dan, is-suq ta’ l-Istati Uniti jista’ jitqies suq miftuħ, minħabba li l-livell ta’ dazju fuq l-importazzjoni huwa baxx (dazju MFN ta’ 3.9 % tal-prezz FOB). L-investigazzjoni wriet li kien hemm importazzjonijiet sostanzjali ta’ SiMn lejn is-suq ta’ l-Istati Uniti. Għalhekk, is-suq ta’ l-Istati Uniti tqies li huwa suq kompetittiv u rappreżentattiv biżżejjed għad-determinazzjoni tal-valur normali għaċ-Ċina u l-Każakstan.

(49)

Il-partijiet interessati ġew mistiedna jikkummentaw dwar dan, u waslu kummenti minn tliet partijiet interessati li oġġezzjonaw għall-għażla ta’ l-Istati Uniti bħala pajjiż analogu. Grupp wieħed ta’ esportaturi Ċiniżi sostna l-ewwelnett li ma hemmx biżżejjed kompetizzjoni fis-suq ta’ l-Istati Uniti ladarba (i) il-produttur li qed jikkopera huwa l-uniku produttur fis-suq domestiku u (ii) il-volum ta’ importazzjonijiet lejn is-suq ta’ l-Istati Uniti huwa allegatament limitat minħabba l-eżistenza ta’ miżuri anti-dumping fl-Istati Uniti fuq importazzjonijiet ta’ siliko-manganiż mill-pajjiżi produtturi ewlenin fid-dinja. It-tieni, sostna li l-fatt li l-produttur mill-Istati Uniti li kkopera huwa kumpannija relatata ma’ wieħed mill-produtturi li għamlu l-ilment xeħet dubju fuq id-dipendibbiltà u r-rappreżentattività ta’ l-informazzjoni tiegħu dwar l-ispiża u l-prezz. It-tielet, ġie allegat li għandu jitqies li l-aċċess għall-materjali mhux ipproċessati huwa differenti fl-Istati Uniti, fejn ma kien hemm ebda provvisti domestiċi tal-materja prima ewlenija, il-manganiż mhux maħdum, u ċ-Ċina, fejn il-provvisti domestiċi huma disponibbli. Ir-raba’, ġie allegat li pajjiż b’livell ta’ żvilupp ekonomiku aktar simili għal dak taċ-Ċina jikkostitwixxi pajjiż analogu aktar xieraq mill-Istati Uniti.

(50)

Il-produttur esportatur Ċiniż allega li l-Indja jew, it-tieni, l-Ukrajna, ikunu għażliet aktar xierqa għal pajjiż analogu, l-aktar minħabba li l-kundizzjonijiet tal-kompetizzjoni u tas-suq f’dawn il-pajjiżi jkunu aktar komparabbli mas-sitwazzjoni fiċ-Ċina. Bħala t-tielet għażla, ġie propost li l-valur normali għaċ-Ċina għandu jiġi stabbilit fuq il-bażi tad-data preżentata minn dawk il-produtturi Ċiniżi li jikkwalifikaw għall-MET. Fl-aħħar, jekk l-Istati Uniti jinżamm bħala pajjiż analogu, ġie allegat li għandhom isiru aġġustamenti għall-valur normali biex jitqiesu d-differenzi fl-aċċess għall-materjal prima u d-differenzi fl-infiq tal-produzzjoni minħabba spejjeż ogħla ta’ xogħol u ambjentali fl-Istati Uniti.

(51)

Il-kummenti li għamlu żewġ partijiet interessati oħrajn ma żidux fis-sustanza ma’ dawn il-kummenti msemmija hawn fuq li għamel il-produttur esportatur Ċiniż.

(52)

Dwar l-Indja, il-Kummissjoni kienet fittxet il-koperazzjoni mingħand bosta produtturi Indjani, iżda minkejja indikazzjonijiet inizjali pożittivi, fl-aħħar ma nkisbet ebda koperazzjoni. B’konsegwenza, l-Indja ma setgħetx tintuża bħala pajjiż analogu. Dwar l-Ukrajna, instabu livelli għoljin ta’ dumping fl-investigazzjoni għal dak il-pajjiż (ara l-premessa (87)). Skond il-prattika konsistenti, pajjiż li jwettaq dan it-tip ta’ dumping ma jitqiesx bħala pajjiż analogu xieraq. Dwar it-tielet proposta, jiġifieri biex il-valur normali għaċ-Ċina jiġi stabbilit fuq il-bażi tad-data preżentata mill-produtturi Ċiniżi li jikkwalifikaw għal MET, huwa biżżejjed li wieħed jinnota li l-Artikolu 2(7)(a) tar-Regolament bażiku jgħid b’mod speċifiku li għandu jintuża “pajjiż terz ta’ l-ekonomija tas-suq” u wkoll l-ebda mill-produtturi Ċiniżi ma nstab li jikkwalifika għal MET.

(53)

Ukoll, dwar l-oġġezzjonijiet speċfiċi magħmula dwar l-adegwatezza ta’ l-Istati Uniti bħala pajjiż analogu, għandu jiġi nnutat dan li ġej: dwar l-allegat nuqqas ta’ kompetizzjoni fis-suq lokali, kif diġà msemmi fil-premessa (48), l-investigazzjoni wriet li, minkejja li l-produttur ta’ l-Istati Uniti li kkopera huwa l-uniku produttur lokali, kien hemm importazzjonijiet sostanzjali ta’ siliko-manganiż lejn l-Istati Uniti. Tassew, l-importazzjonijiet matul l-IP kienu bosta drabi aktar meta mqabbla mal-volum ta’ bejgħ domestiku tal-produttur ta’ l-Istati Uniti li kkopera. F’dan ir-rigward huwa wkoll osservat li l-eżistenza tal-miżuri għad-difiża tal-kummerċ fis-seħħ għall-prodott in kwistjoni ma tipprekludix l-għażla ta’ pajjiż partikolari bħala pajjiż analogu, għaliex l-iskop tal-miżuri anti-dumping huwa preċiżament biex iroddu l-kompetizzjoni ġusta fis-suq in kwistjoni.

(54)

Dwar l-allegazzjoni li r-relazzjoni bejn il-kumpannija ta’ l-Istati Uniti li kkoperat u produttur Ewropew tista’ taffettwa d-dipendibbiltà tad-data provduta, dawn l-allegazzjonijet ma kinux jikkoinċidu mas-sejbiet ta’ l-investigazzjoni. Ma nstabet ebda indikazzjoni li r-relazzjoni kien se jkollha xi effett ta’ tgħawwiġ fuq il-prezzijiet, l-ispejjeż tal-produzzjoni u l-profittabbbiltà tal-produttur ta’ l-Istati Uniti, u l-Kummissjoni ssodisfat ruħha dwar il-preċiżjoni u d-dipendibbiltà ta’ l-informazzjoni provduta għall-għanijiet ta’ din l-investigazzjoni.

(55)

Fl-aħħar, l-argumenti dwar l-aċċess għall-materjali mhux ipproċessati u d-differenzi fl-ispejjeż ġew meqjusa wkoll. Il-prezz tal-materja prima mhux ipproċessata (manganiż mhux maħdum) użat fil-produzzjoni ta’ siliko-manganiż mill-kumpannija ta’ l-Istati Uniti li kkoperat ġie mqabbel mal-prezzijiet li ħallsu l-kumpanniji Ċiniżi għall-manganiż mhux maħdum u ma nstabu ebda differenzi sinifikanti. Ukoll, huwa nnutat li l-produtturi Ċiniżi li kkoperaw importaw ukoll parti mir-rekwiżiti taghhom ta’ manganiż mhux maħdum. L-argument, kif ukoll it-talba għall-aġġustament, għalhekk ġew miċħuda.

(56)

Dwar fatturi oħrajn invokati, bħal-livell ta’ żvilupp ekonomiku jew l-ispejjeż ta’ xogħol u ambjentali, il-parti interessata naqset milli tissostanzja l-allegazzjoni tagħha biżżejjed, u dawn il-fatturi ma tqisux rilevanti biex jiġi ddeterminat jekk l-Istati Uniti huwiex pajjiż analogu xieraq u lanqas biex jiġġustifikaw aġġustament għall-valur normali. Huwa wkoll osservat li minħabba li l-infiq u l-prezzijiet ġeneralment ma jitqisux bħala bażi vijabbli għad-determinazzjoni tal-valur normali fil-pajjiżi li jaqgħu taħt l-Artikolu 2(7) tar-Regolament bażiku, dan il-paragun huwa kontra l-iskop ta’ l-użu tal-metodi stabbiliti fl-Artikolu 2(7)(a) tar-Regolament bażiku.

(57)

Għar-raġunijiet fuq imsemmija, huwa konkluż li l-Istati Uniti jikkostitwixxi pajjiż analogu xieraq skond l-Artikolu 2(7)(a) tar-Regolament bażiku.

(58)

Wara l-għażla ta’ l-Istati Uniti bħala pajjiż analogu u skond l-Artikolu 2(7)(a) tar-Regolament bażiku, il-valur normali għall-produtturi Ċiniżi li jesportaw, li l-ebda minnhom ma ngħata MET, ġie stabbilit fuq il-bażi ta’ l-informazzjoni vverifikata li waslet mingħand l-uniku produttur ta’ l-Istati Uniti li kkopera.

(59)

Il-metodoloġija ġenerali deskritta fil-preamboli (35) sa (44) ġiet applikata għall-produttur li kkopera fil-pajjiż analogu. Minħabba li l-bejgħ domestiku ta’ SiMn mill-produttur ta’ l-Istati Uniti li kkopera ma seħħx fl-andament ordinarju tal-kummerċ matul l-IP, il-valur normali nbena skond l-Artikolu 2(3) tar-Regolament bażiku. Il-marġini tal-profitt użat biex jinbena l-valur normali ġie ddeterminat skond l-Artikolu 2(6)(b) tar-Regolament bażiku fuq il-bażi tal-marġini tal-profitt applikabbli għall-istess kategorija ġenerali ta’ prodotti għall-produttur ta’ l-Istati Uniti. Intuża l-infiq għall-bejgħ, dak ġenerali u dak amministrattivi li għamel il-produttur ta’ l-Istati Uniti li kkopera fil-bejgħ domestiku kollu matul l-IP.

(60)

Il-metodoloġija ġenerali deskritta fil-preamboli (35) sa (44) ġiet applikata għall-uniku produttur li kkopera fil-Każakstan, li ngħata l-MET. Minħabba l-bejgħ domestiku limitat, il-valur normali kellu jinbena skond l-Artikolu 2(3) tar-Regolament bażiku. F’dan ir-rigward, instab li l-bejgħ domestiku tal-prodott simili minn Kazchrome ma kienx rappreżentattiv u li l-bejgħ domestiku ta’ dan il-produttur ta’ l-istess kategorija ġenerali ta’ prodotti ma kienx fl-andament ordinarju tal-kummerċ. Għalhekk, l-ammonti għall-SG&A u għall-profitt użati biex jinbena l-valur normali kienu għall-bidu ibbażati, skond l-Artikolu 2(6) tar-Regolament bażiku, fuq il-medja bil-piż differenzjat ta’ dawn l-ammonti miksuba mill-produtturi Ukraini li kkoperaw fil-bejgħ domestiku tagħhom tal-prodott simili. Sussegwentement għal għoti ta’ tagħrif definittiv, il-produttur esportatur argumenta li metodoloġija użata biex ikun determinat l-SG&A u l-profitt ma kinetx xierqa fid-dawl tal-fatt li nstab dumping sinifikattiv għall-produtturi esportaturi Ukraini li kkoperaw. Bħala alternattiva, il-produttur esportatur Każakstani ddikjara li għandhom jintużaw l-ammonti għall-SG&A u l-profitt stabbiliti fil-pajjiż analogu. Wara dawn il-kummenti, kien tassew ikkunsidrat li ma kienx jixraq li jintużaw profitti mill-produttur Ukraini f’dawn iċ-ċirkustanzi. Kien għalhekk eżaminat mill-ġdid skond l-Artikolu 2(6) tar-Regolament bażiku li fuq il-bażi tiegħu setgħu jkunu stabbiliti l-ammonti għall-SG&A u l-profitt. F’dan ir-rigward, kien analizzat jekk tistax tintuza xi data dwar l-SG&A u l-profitt tal-kumpannija relatata għal SiMn biex ikun stabbilit l-ammont relevanti. Billi l-kumpannija hija attrezzata biex topera skond kundizzjonijiet tas-suq u sabiex tkun riflessa b’mod kemm jista' jkun preċiż is-sitwazzjoni tas-suq domestiku tal-kumpannija Każakstana, kien deċiż li l-medja bil-piż differenzjat ta’ l-SG&A u l-profitt miksuba fuq il-bejgħ domestiku tagħha ta’ SiMn lil klijenti mhux relatata u relatati għandha tintuża skond id-daħla ta’ l-Artikolu 2(6) tar-Regolamenti bażiku. F’dan ir-rigward, għandu jkun innutat li l-SG&A u l-profitt li saru fil-bejgħ domestiku tagħha lil klijenti mhux relatati u relatati kienu kważi f’livelli identiċi, u hekk juru la l-SG&A u lanqas il-profitt li saru fil-bejgħ lil klijenti relatati domestiċi ma huma effettwati bir-relazzjoni. Aktar minn hekk, il-bejgħ domestiku nstab li sar fl-andament ordinarju tal-kummerċ u f’livell sinikattiv raġjonevoli (2.8 % tal-volum ta’ esportazzjoni ta’ SiMn lill-Komunità). Billi d-daħla ta’ l-Artikolu 2(6) tar-Regolament bażiku tipprijoratizza l-użu ta’ l-SG&A u l-profitt ta’ kumpannija nnifisha li jkun sar fuq il-bejgħ domestiku fil-andament ordinarju tal-kummerċ, il-klejm li jsir rikors għal data miksuba mill-produttur fil-pajjiż analogu hija għalhekk irrifjutata.

(61)

Il-metodoloġija ġenerali deskritta fil-preamboli (35) sa (44) hawn fuq ġiet applikata għat-tliet prodotturi li jesportaw fl-Ukrajna. Għall-parti l-kbira tal-bejgħ, il-valur normali kellu jinbena minħabba n-nuqqas ta’ bejgħ domestiku suffiċjenti ta’ mudelli komparabbli. Skond l-Artikolu 2(6)(b) tar-Regolament bażiku, l-ammonti ta’ l-infiq tal-bejgħ, dak ġenerali u dak amministrattiv u tal-profitti wżati biex jinbena l-valur normali ġew ibbażati fuq id-data attwali tal-kumpanniji dwar il-produzzjoni u l-bejgħ, fl-andament ordinarju tal-kummerċ, ta’ l-istess kategorija ġenerali ta’ prodotti.

(62)

Il-produtturi esportaturi għamlu l-bejgħ ta’ l-esportazzjoni lejn il-Komunità direttament lil xerrejja indipendenti jew permezz ta’ kumpanniji kummerċjali relatati jew mhux relatati li kienu jinsabu barra mill-Komunità.

(63)

Fejn il-bejgħ mill-esportazzjoni lejn il-Komunità sar permezz ta’ xerrejja indipendenti fil-Komunità jew permezz ta’ kumpanniji kummerċjali mhux relatati li kienu jinsabu barra mill-Komunità, il-prezzijiet ta’ l-esportazzjoni ġew stabbiliti fuq il-bażi tal-prezzijiet attwalment imħallsa jew pagabbli għall-prodott konċernat skond l-Artikolu 2(8) tar-Regolament bażiku.

(64)

Fejn il-bejgħ mill-esportazzjoni lejn il-Komunità sar permezz ta’ kumpanniji kummerċjali relatati li kienu jinsabu f’pajjiż terz, il-prezzijiet ta’ l-esportazzjoni ġew stabbiliti fuq il-bażi tal-prezz li bih il-prodotti importati nbiegħu mill-ġdid għall-ewwel darba lil xerrej indipendenti fil-Komunità.

(65)

Ladarba ebda mill-produtturi Ċiniżi li jesportaw u li kkoperaw ma ngħata MET/IT, id-data dwar il-bejgħ mill-esportazzjoni tagħhom ma ntużatx biex jiġu stabbiliti marġini individwali ta’ dumping iżda ntużat biss fil-kalkolu tad-dazu tul il-pajjiż kollu, kif elaborat fil-premessa (79) hawn taħt.

(66)

It-tliet gruppi ta’ produtturi esportaturi li kkoperaw fiċ-Ċina għamlu l-bejgħ kollu mill-esportazzjoni lejn il-Komunità direttament lil xerrejja indipendenti fil-Komunità. Għalhekk il-prezzijiet ta’ l-esportazzjoni ġew stabbiliti fuq il-bażi tal-prezzijiet attwalment imħallsa jew pagabbli għall-prodott konċernat.

(67)

L-uniku produttur esportatur li kkopera wettaq esportazzjonijiet tal-prodott konċernat lejn il-Komunità permezz ta’ kumpannija kummerċjali relatata li kienet tinsab f’pajjiż terz. Il-prezz ta’ l-esportazzjoni ta’ din il-kumpannija għalhekk ġie stabbilit fuq il-bażi tal-prezz li bih il-prodotti importati nbiegħu mill-ġdid għall-ewwel darba lil xerrej indipendenti fil-Komunità.

(68)

Żewġ produtturi esportaturi fl-Ukrajna wettqu esportazzjonijiet lejn il-Komunità permezz ta’ kumpanniji kummerċjali mhux relatati li kienu jinsabu barra mill-Komunità u t-tielet produttur Ukrain li jesporta għamel ftit mill-bejgħ tiegħu tal-prodott konċernat lejn il-Komunità lil kumpannija kummerċjali fl-Ukrajna għall-esportazzjoni lejn il-Komunità. Fiż-żewġ każijiet, il-prezz ta’ l-esportazzjoni ġie stabbilit fuq il-bażi tal-prezzijiet attwalment imħallsa jew pagabbli għall-prodott konċernat meta nbiegħu lill-kumpannija kummerċjali għall-esportazzjoni lejn il-Komunità.

(69)

Xi ftit mill-bejgħ tat-tielet produttur esportatur saru permezz ta’ katina ta’ kumpanniji relatati u fl-aħħar mill-aħħar minn negozjat relatat f’pajjiż terz. F’dawn il-każijiet, il-prezz ta’ l-esportazzjoni ġie stabbilit fuq il-bażi tal-prezzijiet tal-bejgħ mill-ġdid ta’ din il-kumpannija relatata lil xerrejja indipendenti fil-Komunità.

(70)

Il-valur normali u l-prezzijiet ta’ l-esportazzjoni ġew ipparagunati fuq bażi ex fabbrika u fl-istess livell ta’ kummerċ. Biex ikun żgurat paragun ġust bejn il-valur normali u l-prezz ta’ l-esportazzjoni, tqiesu b’mod xieraq fil-forma ta’ aġġustamenti għad-differenzi li jaffettwaw il-prezzijiet u l-komparabbiltà tal-prezzijiet skond l-Artikolu 2(10) tar-Regolament bażiku.

(71)

Fuq din il-bażi, għall-produtturi kollha li jesportaw mill-Każakstan u mill-Ukrajna, ingħataw aġġustamenti għad-differenzi fil-livelli tal-kummerċ, fl-ispejjeż tat-trasport u ta’ l-assikurazzjoni, fl-ispejjeż ta’ l-immaniġġjar, tat-tagħbija u dawk anċillari, fl-ispejjeż ta’ l-imballaġġ, fl-ispejjeż tal-kreditu u fl-ispejjeż ta’ wara l-bejgħ (garanzija) fejn applikabbli u fejn kien iġġustifikat.

(72)

L-SG&A użat biex jinbena l-valur normali għall-produttur esportatur Każakstani skond il-metodoloġija mniżżla fil-premessa (60) hawn fuq, inkludiet spejjeż għal merkanzija domestika u l-assikurazzjoni. Għalhekk, għalkemm ma saret ebda klejm f’dan ir-rigward, saru aġġustamenti ex officio għall-valur normali skond l-Artikolu 2(10)(e) biex jitnaqqas l-SG&A bl-ammont ta’ l-ispejjeż li jkunu saru fuq il-merkanzija domestika u l-assikurazzjoni.

(73)

L-uniku produttur esportatur li kkopera fil-Każakstan, Kazchrome, ippreżenta li, flimkien man-negozjant relatat li kien jinsab fl-Iżvizzera, ENRC, kien jiffirma dak li sejjaħ “entità ekonomika waħdanija”. Għalhekk allega li, filwaqt li l-prezz tal-bejgħ tan-negozjant għandu jintuża biex jiġi stabbilit il-prezz ta’ l-esportazzjoni, ma kellhom isiru ebda aġġustamenti għall-ispejjeż ta’ l-esportazzjoni, l-ispejjeż SG&A u l-profitt tan-negozjant.

(74)

L-allegazzjoni ġiet debitament iġġustifikata. Instab li ENRC u Kazchrome, għalkemm kienu partijiet relatati, kienu entitajiet legali separati. Barra minn dan, dawn iż-żewġ entitajiet kienu qed jaġixxu fuq bażi ta’ relazzjoni ta’ xerrej-bejjiegħ. Għalhekk ġie konkluż li, fil-fluss tal-bejgħ ta’ Kazchrome lejn il-Komunità, ENRC kellha funzjonijiet simili għal dawk ta’ aġent li jaħdem fuq bażi ta’ kummissjoni. Ukoll, ġie stabbilit li, filwaqt li l-bejgħ Komunitarju kollu ta’ Kazchrome sar permezz ta’ ENRC, dan in-negozjant ma kienx parti fil-mezz ta’ bejgħ domestiku ta’ Kazchrome. Barra minn hekk, ġie konkluż li l-aġġustament tal-prezz ta’ l-esportazzjoni għandu wkoll ikopri l-ispejjeż tat-trasport lil hinn mill-fabbrika, filwaqt li jitqiesu termini differenti ta’ bejgħ, biex jiġi żgurat paragun ġust bejn il-prezz ta’ l-esportazzjoni u l-valur normali fuq livell ex fabbrika.

(75)

Għalhekk, it-talba kellha tiġi miċħuda u saru aġġustamenti għall-prezz ta’ l-esportazzjoni skond l-Artikolu 2(10)(i) tar-Regolament bażiku u għat-trasport skond l-Artikolu 2(10)(e) tar-Regolament bażiku. Il-livell tal-kummissjoni ġie kkalkolat skond l-evidenza diretta li tindika l-eżistenza ta’ dawn il-funzjonijiet. F’dan il-kuntest, fil-kalkolu tal-kummissjoni, ġew meqjusa l-ispejjeż SG&A li għamlet l-ENRC biex tbiegħ il-prodott konċernat minn Kazchrome, kif ukoll marġini ta’ profitt għal ENRC, ibbażat, f’dan il-każ, fuq dak irrapportat minn importatur mhux relatat li kkopera fl-investigazzjoni.

(76)

Għall-produttur mill-Ukrajna li fl-aħħar kien ibiegħ permezz ta’ negozjant relatat f’pajjiż terz (ara l-premessa (69)), sar aġġustament għall-prezz ta’ l-esportazzjoni għal kummissjoni skond l-Artikolu 2(10)(i) tar-Regolament bażiku, fil-każijiet fejn il-bejgħ sar permezz ta’ dan in-negozjant relatat, għaliex dan in-negozjant kellu funzjonijiet simili għal dawk ta’ aġent li jaħdem fuq bażi ta’ kummissjoni. Il-kumpannija konċernata, NFP, u n-negozjant relatat in kwistjoni, Steelex SA, instabu li kienu entitajiet legali separati u, direttament jew indirettament, kienu jaħdmu fuq il-bażi ta’ relazzjoni xerrej – bejjiegħ. Barra minn dan, għall-bejgħ mill-esportazzjoni lejn il-Komunità permezz ta’ Steelex SA tħallset kummissjoni. Il-livell tal-kummissjoni kkalkolata mill-istituzzjonijiet Komunitarji kienet ibbażata fuq evidenza diretta li indikat l-eżistenza ta’ dawn il-funzjonijiet. F’dan il-kuntest, l-infiq ta’ SG&A li għamlet Steelex SA biex tbigħ il-prodott konċernat prodott minn NFP ġew meqjusa, kif ukoll marġini ta’ profitt irrapportat minn importatur mhux relatat li kkopera fl-investigazzjoni. Barra minn hekk, NFP għamlet parti mill-bejgħ tagħha lejn il-Komunità minn Steelex SA permezz ta’ negozjant mhux relatat li kien jinsab f’pajjiż terz ieħor. Għal dan il-bejgħ, minbarra l-kummissjoni għal Steelex SA, instab raġonevoli li jsir aġġustament għal kummissjoni għan-negozjant mhux relatat skond l-Artikolu 2(10)(i) tar-Regolament bażiku għaliex dan in-negozjant kellu wkoll funzjonijiet simili għal dawk ta’ aġent li jaħdem fuq bażi ta’ kummissjoni. Il-kummissjoni ġiet stabbilita fuq il-bażi tal-qligħ ikkalkolat fuq il-bejgħ in kwistjoni.

(77)

Produttur wieħed li jesporta mill-Ukrajna talab aġġustament għall-konverżjonijiet tal-munita, skond l-Artikolu 2(10)(j) tar-Regolament bażiku. Din it-talba kienet ibbażata fuq it-tibdiliet bejn ir-rata ta’ skambju fid-data tal-fattura u r-rata ta’ skambju fid-data fid-data tal-ħlas. F’dan ir-rigward huwa importanti li jiġi ssottolineat li d-data tal-fattura hija, skond l-Artikolu 2(10)(j) tar-Regolament bażiku, meqjusa li tkun id-data tal-bejgħ u r-rata ta’ l-iskambju li għandha tiġi applikata għalhekk għandha tkun ir-rata ta’ l-iskambju li tipprevali fid-data tal-bejgħ. Għalhekk din it-talba kellha tiġi miċħuda.

(78)

Fin-nuqqas li jingħata MET jew IT lil ebda mit-tliet produtturi Ċiniżi li jesportaw li kkoperaw, ġie kkalkolat marġini tad-dumping għaċ-Ċina kollha bl-użu ta’ fattur ta’ tagħbija għall-valur CIF ta’ kull grupp ta’ esportaturi, jiġifieri dawk li kkoperaw u dawk li ma kkoperawx.

(79)

Għal dan il-fin, il-marġini tad-dumping ġie l-ewwel ikkalkulat għall-produtturi Ċiniżi li jesportaw li kkoperaw l-Artikoli 2(11) u (12) tar-Regolament bażiku, fuq bażi ta’ paragun ta’ valur normali medju bil-piż differenzjat tal-pajjiż analogu skond it-tip ta’ prodott ma’ prezz ta’ l-esportazzjoni medju bil-piż differenzjat skond it-tip ta’ prodott kif stabbilit hawn fuq.

(80)

Għandu jiġi osservat li l-importazzjonijiet miċ-Ċina kkonsistew kemm minn SiMn b’kontenut normali ta’ karbonju, kif ukoll minn SiMn bil-karbonju baxx. Iżda l-produttur li kkopera fil-pajjiż analogu pproduċa biss SiMn b’kontenut normali ta’ karbonju. Għalhekk intużat biss id-data li tikkonċerna dan it-tip ta’ prodott komuni fil-paragun.

(81)

It-tieni, il-marġini tad-dumping ġie stabbilit għall-produtturi esportaturi kollha li ma kkoperawx fuq il-bażi tal-fatti disponibbli, skond l-Artikolu 18(1) tar-Regolament bażiku.

(82)

Biex jiġi ddeterminat il-marġini tad-dumping għall-produtturi esportaturi li ma kkoperawx, l-ewwel ġie stabbilit il-livell ta’ nuqqas ta’ koperazzjoni. Għal dan il-fin, il-volum ta’ esportazzjonijiet lejn il-Komunità rrapportat mill-produtturi esportaturi Ċiniżi li kkoperaw ġie mqabbel mal-volum totali ta’ importazzjonijiet li joriġinaw fiċ-Ċina, kif ibbażat fuq l-istatistika dwar l-importazzjoni ta’ l-Eurostat. Dan it-tqabbil jindika li l-livell ta’ koperazzjoni kien baxx, ladarba l-esportazzjoni mill-produtturi li kkoperaw irrappreżenta inqas minn 29 % ta’ l-importazzjonijiet totali lejn il-Komunità miċ-Ċina matul l-IP.

(83)

Għalhekk, il-livell ta’ dumping għall-volumi ta’ l-esportazzjoni ta’ produtturi esportaturi Ċiniżi li ma koperawx ġie ddeterminat fuq il-bażi ta’ l-ogħla marġini ta’ dumping stabbilit għall-produtturi esportaturi li kkoperaw għall-SiMn ta’ kontenut normali ta’ karbonju. Din l-istrateġija tqieset xierqa ladarba ma kien hemm ebda indikazzjoni li xi produttur li ma kkoperax kien qed iwettaq dumping f’livell aktar baxx mill-produtturi esportaturi li kkoperaw. Għalhekk, marġini tad-dumping medju għall-pajjiż kollu ġie kkalkulat bl-użu, bħala fattur ta’ tagħbija, il-valur CIF ta’ kull grupp ta’ esportaturi, jiġifieri l-esportaturi li kkoperaw u l-esportaturi li ma kkoperawx. Fuq din il-bażi, il-marġini tad-dumping għall-pajjiż kollu, espress bħala perċentwal tal-prezz ta’ l-importazzjoni CIF fuq il-fruntiera Komunitarja, mingħajr dazju mħallas, huwa ta’ 60.1 %.

(84)

Fuq bażi ta’ l-ilment, l-informazzjoni disponibbli mill-produttur esportatur li resaq u minn data statistikali oħra deher li OJSC Kazchrome huwa l-uniku produttur esportatur mill-Każakstan ta’ siliko-manganiż. Ladarba ma nstabu ebda indikazzjonijiet li xi produttur esportatur b’mod deliberat astjena milli jikkopera tqies xieraq li jiġi stabbilit il-marġini tad-dumping residwali fl-istess livell stabbilit għal OJSC Kazchrome.

(85)

Il-marġni tad-dumping stabbiliti, espressi bħala perċentwal tal-prezz ta’ l-importazzjoni CIF fuq il-fruntiera Komunitarja, mingħajr dazju mħallas, għalhekk huma dawn li ġejjin:

(86)

Fuq bażi ta’ l-ilment, l-informazzjoni disponibbli mill-produtturi esportaturi li resqu u minn data statistikali oħra, ġie konkluż li l-livell ta’ koperazzjoni kien ogħla minn 80 % fil-każ ta’ l-Ukrajna. Għalhekk, ġie meqjus xieraq li l-marġini ta’ dumping residwali jiġi stabbilit fuq il-livell ta’ l-ogħla marġini tad-dumping stabbilit għal produttur esportatur li kkopera fil-pajjiż konċernat.

(87)

Fuq din il-bażi, il-marġni tad-dumping, espressi bħala perċentwal tal-prezz ta’ l-importazzjoni CIF fuq il-fruntiera Komunitarja, mingħajr dazju mħallas, għalhekk huma dawn li ġejjin:

(88)

Fl-1998, ġew imposti miżuri anti-dumping fuq l-importazzjonijiet ta’ SiMn li joriġinaw fiċ-Ċina u fl-Ukrajna (Ir-Regolament tal-Kunsill (KE) Nru 495/98 (3)). Dawk il-miżuri skadew fil-bidu ta’ Marzu 2003. Għalhekk, fil-parti bikrija tal-perjodu meqjus kien hemm miżuri fis-seħħ dwar l-importazzjoni miż-zewġ pajjiżi konċernati. Dan il-fatt ġie meqjus meta saret l-analiżi tal-ħsara. Kif indikat fil-premessa (118) hawn taħt, l-evoluzzjoni fir-rigward tal-profittabbiltà tindika b’mod ċar li t-tneħħija tal-miżuri anti-dumping f’Marzu 2003 ma influwenzatx b’mod sinifikanti s-sitwazzjoni ta’ l-industrija Komunitarja matul il-perjodu ta’ wara. Għalhekk huwa konkluż li, kontra dak li allegaw xi partijiet interessati, is-sena 2002 tista’ titqies bħala l-bażi għall-kalkolu ta’ l-indiċijiet imsemmija fil-preamboli (93) sa (141).

(89)

L-SiMn huwa materja prima ewlenija wżata għall-produzzjoni ta’ l-azzar. Kien hemm żieda sinifikanti fid-domanda għall-azzar mad-dinja kollha, iżda l-aktar fl-Asja, li bdiet lejn l-aħħar ta’ l-2003 u kompliet matul l-ewwel nofs ta’ l-2004. Dan, flimkien man-nuqqasijiet ta’ produzzjoni ta’ SiMn fl-Asja rriżultaw f’domanda dinjija akbar għall-SiMn, u wasslu għal żieda fil-prezz matul l-2004 bħal qatt qabel. Meta saret l-analiżi tal-ħsara, ittieħed kont ta’ dawn iċ-ċirkostanzi mhux tas-soltu, biex jiġi żgurat li ma jaffettwawx aktar minn tant l-istampa tal-ħsara.

(90)

Fil-Komunità, il-prodott simili huwa manifatturat minn ħames produtturi. Il-produzzjoni ta’ dawn il-ħames produtturi Komunitarji għalhekk jitqies li jikkostitwixxu l-produzzjoni Komunitarja fis-sens ta’ l-Artikolu 4(1) tar-Regolament bażiku.

(91)

Minn dawn il-ħames produtturi, li huma membri ta’ l-assoċjazzjoni li għamlet l-ilment, iddikjaraw l-interess tagħhom biex jikkoperaw fil-proċediment fit-terminu stabbilit fl-avviż tal-bidu. Dawn l-erba’ produtturi instabu li huma responsabbli għall-proporzjon il-kbira, f’dan il-każ madwar 88 %, tal-produzzjoni Komunitarja totali tal-prodott simili. L-erba’ produtturi li kkoperaw għalhekk jikkostitwixxu l-industrija Komunitarja fis-sens ta’ l-Artikolu 4(1) u l-Artikolu 5(4) tar-Regolament bażiku u minn hawn ‘il quddiem jissejħu “l-industrija Komunitarja”. Il-produttur Komunitarju l-ieħor minn hawn ‘il quddiem jissejjaħ bħala “l-produttur Komunitarju l-ieħor”. Dan il-produttur Komunitarju l-ieħor ma opponiex l-ilment.

(92)

Il-konsum Komunitarju ġie stabbilit fuq il-bażi tal-volum tal-produzzjoni ta’ l-industrija Komunitarja stess billi ngħata kas tal-bidliet fil-livelli ta’ l-istokks, id-data dwar il-volumi ta’ l-importazzjoni u l-esportazzjoni għas-suq Komunitarju miksuba minn Eurostat u, dwar il-produttur Komunitarju l-ieħor, minn stimi magħmula mill-produtturi fl-industrija Komunitarja.

(93)

Matul l-IP, is-suq Komunitarju għall-prodott konċernat u l-prodott simili kien madwar 9 % ogħla milli fl-2002, jiġifieri madwar 914 000 tunnellata. Matul il-perjodu meqjus, il-konsum żdied sa punt massimu fl-2004, meta kien 14 % ogħla milli fl-2002, iżda waqa’ fis-snin ta’ wara.

(94)

Il-Kummissjoni qieset jekk l-effett ta’ l-importazzjonijiet mill-pajjiżi konċernati għandux jiġi evalwat b’mod kumulattiv jew le skond l-Artikolu 3(4) tar-Regolament bażiku.

(95)

Il-marġini tad-dumping misjub għal kull wieħed mill-pajjiżi konċernati kien ogħla minn de minimis, il-volum ta’ l-importazzjonijiet minn kull wieħed minn dawn il-pajjiżi mhux negliġibbli u l-istima akkumulattiva ma setgħetx titqies xierqa minħabba l-kundizzjonijiet tal-kompetizzjoni bejn l-importazzjonijiet mill-pajjiżi konċernati u l-prodott simili Komunitarju. Dawn il-kundizzjonijiet simili tal-kompetizzjoni kienu evidenzjati mill-fatt li l-prodott konċernat importat mill-pajjiżi konċernati u l-prodott simili prodott u mibjugħ mill-industrija Komunitarja fis-suq Komuintarju kienu jixxiebħu u kienu jitqassmu permezz ta’ l-istess mezzi kummerċjali. Barra minn dan, il-volumi ta’ l-importazzjonijiet kollha kienu sostanzjali u rriżultaw f’ishma tas-suq sinifikanti. Madankollu, minħabba n-nuqqas ta’ prezzijiiet inqas mill-prezz ta’ l-industrija (undercutting) mill-importazzjonijiet mill-Ukrajna kif jintqal fil-premessa (104), huwa meqjus li l-effett ta’ l-importazzjonijiet mill-Ukrajna għandu jiġi evalwat separatament.

(96)

Il-produttur esportatur mill-Każakstan irritjena li l-Każakstan ma għandhiex tiġi akkumulata maċ-Ċina għall-għanijiet ta’ l-istima tal-ħsara, minħabba l-imġiba tagħha dijametrikament differenti tas-suq. Dan il-produttur esportatur argumenta inter alia li l-evoluzzjoni tal-volumi ta’ l-importazzjonijiet mill-Każakstan, il-valuri u s-sehem tas-suq għall-Komunità kienu differenti mill-pajjiżi l-oħrajn konċernati u li kien hemm differenza fit-taħlita tal-prodott. Dwar dan, huwa rikonoxxut li matul il-perjodu meqjus kien hemm tnaqqis ġenerali fil-volumi ta’ l-importazzjoni u fis-sehem tas-suq fir-rigward tal-Każakstan (dan ta’ l-aħħar kien 5.8 % fl-2002 u 4.6 % matul l-IP). Iżda kemm il-volum kif ukoll is-sehem tas-suq ta’ l-importazzjonijiet mill-Każakstan matul il-perjodu meqjus kienu relattivament stabbli u kienu f’livelli li ma jistgħux jitqiesu insinifikanti. Barra minn dan, l-investigazzjoni wriet li l-evoluzzjoni tal-prezzijiet għall-importazzjonijiet mill-Każakstan mhuwiex differenti b’mod sinifikanti minn dak għall-importazzjonijiet mill-pajjiżi konċernati l-oħrajn. Għalhekk, anki fid-dawl tal-konsiderazzjonijiet fil-premessi ma jistax ikunkonkluż li hemm imġiba tas-suq diametrikament differenti bejn l-importazzjonijiet mir-Repubblika tal-Poplu taċ-Ċina u l-Każakstan u konsegwentament il-klejm għandha tiġi miċħuda.

(97)

Fid-dawl ta’ dan ta’ hawn fuq, ġie meqjus li l-kriterji kollha stabbiliti fl-Artikolu 3(4) tar-Regolament bażiku ntlaħqu fir-rigward taċ-Ċina u l-Każakstan. L-importazzjonijiet minn dawn iż-żewġ pajjiżi konċernati għalhekk ġew eżaminati b’mod kumulattiv, filwaqt li l-importazzjonijiet mill-Ukrajna ġew evalwati separatament.

(98)

Il-volumi ta’ l-importazzjonijiet tal-prodott konċernat miċ-Ċina u mill-Każakstan lejn il-Komunità żdiedu b’rata stabbli minn madwar 48 000 tunnellata fl-2002 sa madwar 162 000 tunnellata fl-2004, qabel ma naqsu għal madwar 96 000 tunnellata matul l-IP. Bejn l-2002 u l-IP, il-volumi ta’ l-importazzjonijiet minn dawn il-pajjiżi żdiedu b’99 %.

(99)

Il-volumi ta’ l-importazzjonijiet tal-prodott konċernat mill-Ukrajna lejn il-Komunità naqsu xi ftit minn madwar 154 000 tunnellata fl-2002 għal madwar 138 000 tunnellata fl-2003 u 2004, qabel ma naqsu għal madwar 180 000 tunnellata matul l-2005 u għal madwar 210 000 tunnellata matul l-IP. Bejn l-2002 u l-IP, il-volum ta’ l-importazzjonijiet minn dawn il-pajjiżi żdied b’36 %.

(100)

Is-sehem mis-suq ta’ l-importazzjonijiet miċ-Ċina u mill-Każakstan kien ta’ 5.8 % matul l-2002. Dan żdied fl-2003 u wkoll fl-2004, fejn laħaq is-17.0 % f’dik is-sena. Matul l-2005 is-sehem mis-suq naqas ftit għal 15.5 % u reġa’ naqas matul l-IP għal 10.4 %. Fuq kollox, bejn l-2002 u l-IP, is-sehem mis-suq żdied b’4.6 punti perċentwali għal kważi d-doppju ta’ dak is-sehem mis-suq fl-2002.

(101)

Is-sehem mis-suq ta’ l-importazzjonijiet mill-Ukrajna kien ta’ 18.5 % matul l-2002. Dan naqas fl-2003 kif ukoll fl-2004, fejn laħaq l-14.4 % f’dik is-sena. Matul l-2005 is-sehem mis-suq żdied għal 19.5 % u reġa' żdied matul l-IP għal 23.0 %. Fuq kollox, bejn l-2002 u l-IP, is-sehem mis-suq żdied b’4.5 punti perċentwali.

(102)

Matul l-2004, il-prezzijiet għall-SiMn żdiedu fid-dinja kollha għal livell eċċezzjonali minħabba sitwazzjoni ta’ domanda akbar mis-soltu u ta’ provvista baxxa aktar mis-soltu, kif spjegat fil-premessa (89). Dan huwa rifless fil-prezzijiet ta’ l-importazzjonijiet mill-pajjiżi konċernati għal dik is-sena u għall-2005. Iżda dan ma affettwax il-prezzijiet matul l-IP. B’mod ġenerali, il-prezz medju ta’ l-importazzjonijiet tal-prodott konċernat li joriġina fiċ-Ċina u fil-Każakstan żdied bi 22 % bejn l-2002 u l-IP, filwaqt li l-prezz medju ta’ l-importazzjonijiet tal-prodott konċernat li joriġina fl-Ukrajna żdied bi 8 % fl-istess perjodu.

(103)

Sar paragun tal-prezzijiet minn mudell għall-ieħor bejn il-prezzijiet tal-produttur esportatur u l-prezzijiet medji tal-bejgħ ta’ l-industrija Komunitarja fil-Komunità. Ghal dan l-iskop, il-prezzijiet ta’ l-industrija Komunitarja lill-klijenti indipendenti ġew imqabbla mal-prezzijiet tal-produtturi esportaturi li kkoperaw tal-pajjiżi konċernati. Fejn meħtieġ ġew applikati l-aġġustamenti biex jitqiesu d-differenzi fil-livell tal-kummerċ u fil-kwalità tal-prodotti.

(104)

Il-paragun wera li matul l-IP, SiMn li joriġina miċ-Ċina u l-Każakstan mibjugħ fil-Komunità kull wieħed kien bi prezz aktar baxx mill-prezzijiet ta’ l-industrija Komunitarja b’0.5 % u konsegwentement b'4.5 % b’mod ġenerali fuq il-bażi tal-medja bil-piż differenzjat. Il-prezzijiet ta’ l-importazzjonijiet mill-Ukrajna kienu fuq livelli komparabbli bħal dawk ta’ l-industrija Komunitarja (jiġifieri ebda bejgħ bi prezz aktar baxx).

(105)

Bil-ħsieb li jkun assigurat li fil-kalkolu tat-tqaċċit il-prezzijiet kienu mqabbla fl-istess livell ta’ kummerċ, prezzijiet ex fabbrika ta’ l-industrija tal-Komunità kienu mqabbla ma’ prezzijiet ta’ oġġetti importati hekk kif daħlu fit-territorju fiżiku tal-Komunità, aġġustat sew għall-ispejjeż tal-ħatt u r-rilaxx tad-dwana. Parti interessata kkontestat il-metodoloġija użata fir-rigward tal-kumpannija Kazakastana, billi qalet li l-bażi għall-kalkolu tal-prezz ta’ l-importazzjonijiet għandu jkun il-prezz CIF fil-mument tar-rilaxx tad-dwana fil-portijiet ta’ l-UE, u mhux il-prezz ta’ l-oġġetti importati hekk kif jidħlu fit-territorju fiżiku tal-Komunità (f’dan il-każ il-fruntiera fuq l-art fil-Litwanja). Ma kien ippreżentat ebda argument konvinċenti li seta’ jappoġġja l-ħtieġa li jkun applikat metodu differenti ta’ kalkolu għal din il-kumpannija. Għall-kuntrarju, għandu jkun innutat li l-prezzijiet CIF fil-mument ta’ rilaxx tad-dwana ta’ importazzjonijiet Kazakastani jinkludu ammont sinifikanti ta’ spejjeż tat-trasport wara li l-oġġetti jkunu għaddew mill-fruntiera tal-Komunità fil-Litwanja u li jitqabblu mal-prezzijiet ex fabbrika ta’ l-industrija tal-Komunità jkun diskriminatorju għal din l-aħħar, billi l-prezzijiet ex fabbrika ma jinkludu ebda spiża ta’ trasport. Għalhekk, huwa konkluż li l-metodoloġija applikata hija l-aktar waħda xierqa u konsegwentement il-klejm ġiet rifjutata.

(106)

Skond l-Artikolu 3(5) tar-Regolament bażiku, il-Kummissjoni eżaminat il-fatturi u l-indiċi Komunitarji kollha li għandhom effett fuq l-istat ta’ l-industrija Komunitarja.

(107)

Minn livell ta’ madwar 241 000 tunnellata fl-2002, il-produzzjoni ta’ l-industrija Komunitarja żdiedet għal massimu matul l-2004 ta’ madwar 255 000 tunnellata, minħabba domanda eċċezzjonali kif spjegat fil-premessa (89), qabel ma naqset fl-2005 u żdiedet xi ftit matul l-IP. B’mod ġenerali, il-produzzjoni naqset fil-perjodu meqjus b’6 % għal madwar 226 000 tunnellata matul l-IP. Għandu jiġi nnutat li l-produttur Komunitarju waqqaf il-produzzjoni ta’ SiMn matul l-2003 u għall-parti l-kbira ta’ l-IP.

(108)

Il-kapaċità għall-produzzjoni ta’ l-industrija Komunitarja baqgħet stabbli, f’livell ta’ madwar 325 000 tunnellata, matul il-perjodu meqjus kollu

(109)

L-utilizzazzjoni tal-kapaċità kienet 74 % fl-2002. Naqset għal 68 % fl-2003, reġgħet żdiedet għal 79 % fl-2004, u mbagħad naqset għal 69 % fl-IP. Dan jirrefletti l-varjazzjonijiet fil-volumi ta’ produzzjoni kif deskritt fil-premessa (107).

(110)

Il-livell ta’ ħażniet ta’ l-industrija Komunitarja naqas b’45 % fl-2003, iżda reġa’ lura fl-2004 għal kważi l-istess livell bħall-2002. It-tnaqqis kbir fil-ħażniet fl-2003 kien minħabba r-reazzjoni għaż-żieda eċċezzjonali fid-domanda msemmija fil-premessa (89). Il-ħażniet fl-għeluq imbagħad żdiedu fl-2005 bi 22 % u mbagħad naqsu b’mod sinifikanti fl-IP għal livell ta’ 30 % aktar baxx mil-livelli fl-2002. Dan it-tnaqqis ġenerali fil-ħażniet fl-għeluq huwa responsabbli għall-fatt li l-volum ta’ bejgħ fil-KE ta’ l-industrija Komunitarja baqa’ ġeneralment stabbli (ara l-premessa (111)), minkejja t-tnaqqis fil-produzzjoni kif deskritt fil-premessa (107).

(111)

Il-volum ta’ bejgħ mill-industrija Komunitarja tal-produzzjoni tagħha stess lil klijenti mhux relatati fis-suq Komunitarju matul l-IP kien ta’ madwar 227 000 tunnellata, l-istess bħal fl-2002. Iżda l-volumi ta’ bejgħ fl-2003 u fl-2005 kienu 6 % u 8 % aktar baxxi, rispettivament. Fl-2004, il-volum ta’ bejgħ kien ogħla, ta’ 4 % tal-livell fl-2002 u fl-IP għar-raġunijiet diġà spjegati fil-premessa (89).

(112)

Is-sehem mis-suq ta’ l-industrija Komunitarja naqas minn 28,9 % fl-2002 sa 24,2 % fl-2003, u mbagħad irkupra għal 24,8 % fl-2004. Fl-2005, is-sehem mis-suq reġa’ naqas għal 22,6 %. Matul l-IP, ikrupra xi ftit għal 24,9 %. Matul il-perjodu meqjus, l-industrija Komunitarja tilfet 2,3 punti perċentwali ta’ sehem tas-suq.

(113)

Bejn l-2002 u l-IP, meta l-konsum komunitarju żdied bi 9 punti perċentwali, il-volumi ta’ bejgħ ta’ l-industrija Komunitarja fis-suq Komunitarju ma żdiedx, u s-sehem mis-suq ta’ l-industrija Komunitarja naqas bi 2.3 punti perċentwali. Min-naħa l-oħra, il-volum ta’ bejgħ u s-sehem mis-suq taċ- Ċina u ta’ l-Ukrajna żdiedu tul l-istess perjodu. Għalhekk huwa konkluż li l-industrija Komunitarja ma setgħetx tibbenefika minn tkabbir fis-suq Komunitarju.

(114)

Il-livell ta’ l-impjiegi ta’ l-industrija Komunitarja l-ewwel naqas bi 32 % bejn l-2002 u l-2003, żdiedet bi 27 punti perċentwali fl-2004, u mbagħad naqas bi 13-il punt perċentwali fl-2005 u 26 punt perċentwali fl-IP. Matul il-perjodu meqjus, il-volum tal-produzzjoni baqa’ relattivament stabbli, u varja bejn 91 % u 106 % tal-livell ta’ l-2002. Iżda għal produttur wieħed li waqqaf il-produzzjoni ta’ SiMn fl-IP, kif imsemmi fil-premessa (107), il-varjazzjoni fil-volumi ta’ produzzjoni matul il-perjodu meqjus kienet aktar pronunzjata u l-varjazzjoni fl-impjiegi jirrifletti dan. B’mod ġenerali, l-impjiegi fl-industrija Komunitarja naqsu bi 44 % bejn l-2002 u l-IP, jiġifieri minn madwar 700 persuna għal madwar 400 persuna. Dan juri li l-industrija Komunitarja tjiebet l-effiċjenza ladarba, fl-istess ħin, il-volumi tal-produzzjoni naqsu biss b’6 %.

(115)

Il-produttività tal-ħaddiema Komunitarji, mkejla f’riżultat (tunnellati) għal kull impjegat fis-sena, li tibda minn livell ta’ 344 tunnellata għal kull impjegat, żdiedet matul il-perjodu kkunsidrat, ħlief fl-2004, u matul l-IP kienet fuq livell ta’ 68 % ogħla mill-2002. Dan jirrifletti l-fatt li l-impjiegi naqsu b’44 % matul il-perjodu kkunsidrat filwaqt li l-produzzjoni naqset biss b’6 %. Iż-żieda fil-produttività hija parzjalment dovuta għall-fatt li t-tnaqqis fl-impjiegi kien ogħla għal dawk il-produtturi Komunitarji fejn il-produttività għall-ewwel kienet relativament baxxa.

(116)

Il-paga medja għal kull impjegat żdiedet b’26 % bejn l-2002 u l-2003, baqgħet fuq livell simili matul l-2004 u mbagħad reġgħet żdiedet fl-2005 u fl-IP biex kien 77 % ogħla milli fl-2002. Iż-żieda fin-nefqa medja fil-pagi hija parzjalment dovuta għall-fatt li t-tnaqqis fl-impjiegi kien ogħla għal dawk il-produtturi Komunitarji fejn il-paga medja kienet għall-ewwel relattivament baxxa.

(117)

Il-prezzijiet għal kull unit għall-bejgħ Komunitarju lil klijenti indipendenti żdiedu fuq kollox b’14 % bejn l-2002 u l-IP. Fl-2004 il-prezzijiet kienu eċċezzjonalment għoljin minħabba s-sitwazzjoni dinjija ta’ domanda akbar min-normal u provvista aktar baxxa min-normal imsemmija fil-premessa (89). L-effett ta’ din is-sitwazzjoni kompla parzjalment matul l-2005 meta l-prezzijiet reġgħu lura għal livelli aktar normali, iżda matul l-IP 14 % kienu ogħla milli fl-2002.

(118)

Matul il-perjodu kkunsidrat, il-profittabbiltà tal-bejgħ ta’ l-industrija Komunitarja tal-prodott simili, espressa bħala perċentwal ta’ bejgħ nett, żdiedet minn 0,8 % fl-2002 sa 3,1 % fl-2003, żdiedet b’mod eċċezzjonali għal 37,2 % fl-2004 minħabba s-sitwazzjoni deskritta fil-premessa (89), reġgħet lura għal 7,0 % fl-2005 u għal 2,5 % fl-IP. Għalhekk, il-profittabbiltà żdiedet b’1,7 punti perċentwali bejn l-2002 u l-IP.

(119)

Id-dħul lura fuq l-investiment (“ROI” - return on investments), espressa bħala profitt fil-perċentwal tal-valur nett fuq il-kotba ta’ l-investimenti, b’mod wiesgħa segwa t-tendenzi tal-profittabbiltà. Żdied minn livell ta’ 3,6 % fl-2002 għal 11 % fl-2003, żdied b’mod eċċezzjonali għal 410 % in 2004, reġa’ lura għal 24 % fl-2005, u mbagħad laħaq livell ta’ 10,4 % fl-IP, u b’hekk żdied b’6,8 punti perċentwali matul il-perjodu kkunsidrat.

(120)

Il-ħruġ u d-dħul nett tal-flus minn attivitajiet operattivi kien kważi żero fl-2002. Żdied għal madwar 9 miljun EUR fl-2003, għal 83 miljun EUR fl-2004, u mbagħad reġa’ lura għal madwar 16-il miljun EUR fl-2005 u 17-il miljun fl-IP. Ma kien hemm ebda indikazzjoni li l-industrija Komunitarja ffaċċjat diffikultajiet fil-ġbir tal-kapital.

(121)

L-investimenti annwali ta’ l-industrija Komunitarja fil-produzzjoni tal-prodott simili laħqu ħames darbiet aktar bejn l-2002 u l-2003 qabel ma reġgħu lura fl-2004 għal madwar il-livelli ta’ l-2002. L-investimenti reġgħu żdiedu b’madwar ħames darbiet aktar bejn l-2004 u l-2005 u mbagħad naqsu xi ftit matul l-IP. B’mod ġenerali, l-investimenti żdiedu b’madwar 900 % bejn l-2002 u l-IP. L-investimenti ta’ l-industrija Komunitarja jistgħu jiġu attribwiti l-aktar għal produttur Komunitarju wieħed u ġie stabbilit li kienu għall-mantenuzzjoni u t-tiġdid tat-tagħmir eżistenti, u mhux għal skopijiet ta’ żieda ta’ kapaċità.

(122)

Minħabba l-volum, is-sehem mis-suq u l-prezzijiet ta’ l-importazzjonijiet mill-pajjiżi konċernati, l-impatt fuq l-industrija Komunitarja tal-kobor tal-marġni attwali tad-dumping ma jistax jitqies li huwa negliġibbli.

(123)

Kif indikat fil-premessa (88), l-evoluzzjoni fir-rigward tal-profittabbiltà tindika b’mod ċar li t-tneħħija tal-miżuri anti-dumping fuq SiMn f’Marzu 2003 ma influwenzatx b’mod sinifikanti s-sitwazzjoni ta’ l-industrija Komunitarja matul il-perjodu ta’ wara.

(124)

F’kuntest ta’ konsum li qed jiżdied, is-sehem mis-suq ta’ l-industrija Komunitarja naqas bi 2.3 punti perċentwali sa 24.9 % matul il-perjodu meqjus. Fl-istess ħin, il-produzzjoni naqset b’6 % u l-utilizzazzjoni tal-kapaċità naqset ukoll b’5 punti perċentwali. Barra minn dan l-industrija Komunitarja kellha tirrilaxxja għadd ta’ impjiegi. Min-naħa l-oħra, xi indikaturi tal-ħsara jindikaw tendenza pożittiva matul il-perjodu meqjus, bħall-profittabbiltà, id-dħul u l-ħruġ tal-flus, id-dħul lura fuq l-investimenti u l-prezz tal-bejgħ li żdied b’14 %. Analiżi aktar dettaljata ta’ dik id-data madankollu turi li, minħabba n-natura tal-kummerċ, marġini ta’ profitt ta’ 2.5 % ma jitqiesx suffiċjenti għaliex ma jistax jiggarantixxi l-kontinwazzjoni ta’ l-industrija fit-terminu twil. Dwar iż-żieda fil-prezz, kien biżżejjed biex tiġi koperta ż-żieda fil-prezzijiet tal-materja prima, iżda mhux biex jiżdied il-marġini ta’ profitt. Għalhekk, filwaqt li għadd ta’ indikaturi juru tendenzi pożittivi, l-industrija Komunitarja ma setgħetx tibbenefika miż-żieda ġenerali fil-konsum fis-suq Komunitarju, kif inhuwa evidenzjat mit-telf tagħha mis-sehem mis-suq, mit-tnaqqis tal-produzzjoni u mill-profittabbiltà baxxa tagħha.

(125)

Minħabba li produttur Komunitarju wieħed ma mmanifatturax il-prodott simili b’mod kontinwu matul il-perjodu meqjus, u waqqaf il-produzzjoni għal kollox matul l-2003 u għall-parti l-kbira ta’ l-IP, kif issemma fil-premessa (107), l-impatt ta’ din l-intermittenza ġie eżaminat aktar fid-dettall. L-analiżi wriet, madankollu, li minħabba l-produzzjoni ġeneralment żgħira ta’ dan il-produttur, it-tendenza ta’ produzzjoni intermittenti kellha biss impatt limitat fuq l-istampa sħiħa tal-ħsara u ma nefħitx l-indikaturi tal-ħsara b’mod sinifikanti. Dan huwa evidenzjat mill-fatt li l-esklużjoni ta’ dan il-produttur mill-analiżi tirriżulta biss f’ċifri ta’ operat ftit aħjar. B’mod partikolari, il-profittabbiltà ta’ l-industrija Komunitarja xorta ma tkunx sodisfaċenti fuq livell ta’ 3.2 % matul l-IP, filwaqt li l-produzzjoni u l-utilizzazzjoni tal-kapaċità xorta turi tendenzi negattivi. Għalhekk huwa konkluż li l-ħsara li ġarrbet l-industrija Komunitarja ma tistax tiġi attribwita biss għal dan il-produtturi Komunitarju.

(126)

Fid-dawl ta’ dan ta’ hawn fuq, huwa konkluż li l-industrija Komunitarja ġarrbet ħsara materjali fis-sens ta’ l-Artikolu 3(5) tar-Regolament bażiku.

(127)

Skond l-Artikolu 3(6) u 3(7) tar-Regolament bażiku, il-Kummissjoni eżaminat jekk l-importazzjonijiet li huma suġġetti għal dumping kkawżawx ħsara lill-industrija Komunitarja fi grad li jippermettilha tkun ikklassifikat bħala materjali. Fatturi magħrufin għajr għall-importazzjonijiet li kienu suġġetti għal dumping, li fl-istess ħin jistgħu jkunu qed jagħmlu ħsara lill-industrija Komunitarja, ġew eżaminati wkoll biex ikun żgurat li l-ħsara possibbli kkawżata minn dawn il-fatturi l-oħra ma kinitx attribwita lill-importazzjonijiet li kienu suġġetti għal dumping.

(128)

Bejn l-2002 u l-IP, il-volum ta’ importazzjonijiet li kienu suġġetti għal dumping tal-prodott konċernat li joriġina fiċ-Ċina u fil-Każakstan żdied b’99 % u sehemhom mis-suq Komunitarju żdied b’madwar 4.6 punti perċentwali. Il-prezz medju ta’ dawn l-importazzjonijiet naqas bi 22 % bejn l-2002 u l-IP, iżda l-prezzijiet kienu ġeneralment aktar baxxi minn dawk ta’ l-industrija Komunitarja matul il-perjodu meqjus. Matul l-istess perjodu, il-volum ta’ importazzjonijiet li kienu suġġetti għal dumping tal-prodott konċernat li joriġina fl-Ukrajna żdied b’36 % u sehemhom mis-suq Komunitarju żdied b’madwar 4.5 punti perċentwali. Il-prezz medju ta’ dawn l-importazzjonijiet żdied bi 8 % bejn l-2002 u l-IP, iżda l-prezzijiet kienu ġeneralment fuq livelli qrib dawk ta’ l-industrija Komunitarja matul il-perjodu meqjus.

(129)

Kif indikat fil-premessa (104) hawn fuq, it-tqaċċit fil-prezz ta’ importazzjonijiet miċ-Ċina u l-Każakstan kien b’mod ġenerali 0.5 % fuq bażi tal-medja bil-piż differenzjat, filwaqt li ma kien hemm ebda tqaċċit fil-prezz mill-importazzjonijiet mill-Ukrajna.

(130)

Minħabba l-bejgħ bi prezz aktar baxx minn dak tas-suq Komunitarju mill-importazzjonijiet miċ-Ċina u mill-Każakstan, huwa meqjus li dawn l-importazzjonijiet li kienu suġġetti għal dumping eżerċitaw pressjoni ‘l isfel fuq il-prezzijiet, u rażżnu lill-industrija Komunitarja milli żżid il-prezzijiet tal-bejgħ tagħha sa livell li kien ikun neċessarju biex jiġi realizzat profitt sostenibbli. Għalhekk, hemm konnessjoni ta’ kawżalità ċara bejn dawk l-importazzjonijiet u l-ħsara lill-industrija Komunitarja. Min-naħa l-oħra, minħabba n-nuqqas ta’ bejgħ bi prezz aktar baxx ta’ l-importazzjonijiet mill-Ukrajna u l-fatt li l-marġni tal-ħsara għall-Ukrajna huwa f'livell de minimis (ara l-premessi (168) u (169)), huwa meqjus li ma hemm konnessjoni ta’ kawżalità ċara bejn l-importazzjonijiet mill-Ukrajna u l-ħsara lill-industrija Komunitarja.

(131)

Kif jidher mit-tabella hawn taħt, il-volum ta’ bejgħ għall-esportazzjoni naqas b’40 % matul il-perjodu meqjus. Il-prezz ta’ l-unità għal dan il-bejgħ baqa’ relattivament stabbli, għajr dawk matul l-2004.

(132)

Madankollu, ta’ min jinnota li l-livell ta’ bejgħ mill-esportazzjoni mhuwiex sinifikanti fil-kuntest tal-bejgħ totali ta’ l-industrija Komunitarja, u jirrappreżenta biss madwar 3 % sa 7 % tal-bejgħ totali matul il-perjodu meqjus. Għalhekk huwa meqjus li l-attività ta’ esportazzjoni ma setgħet ikkontribwixxiet b’ebda mod għall-ħsara materjali li ġarrbet l-industrija Komunitarja.

(133)

L-analiżi ta’ l-importazzjonijiet minn pajjiżi terzi hija bbażata fuq data mill-Eurostat. Għal għadd ta’ pajjiżi kien possibbli li din id-data tiġi vverifikata ma’ informazzjoni vverifikata provduta minn partijiet interessati, li kkonferma d-dipendibbiltà tad-data ta’ l-Eurostat.

(134)

L-importazzjonijiet totali mill-pajjiżi kollha, ħlief il-pajjiżi konċernati, naqsu matul il-perjodu meqjus b’madwar 6 %, jiġifieri minn madwar 377 000 tunnellata fl-2002 għal madwar 354 000 tunnellata fl-IP. Is-sehem mis-suq korrispondenti naqas minn madwar 45 % għal madwar 39 %. L-għejun ewlenin ta’ importazzjonijiet minn pajjiżi terzi huma n-Norveġja, l-Indja, l-Afrika t’Isfel u l-Brażil.

(135)

L-importazzjonijiet min-Norveġja naqsu b’madwar 11 %, u s-sehem mis-suq ta’ dawk l-importazzjonijiet naqas b’madwar 4.9 punti perċentwali (IP = 21.9 %), matul il-perjodu meqjus. B’mod ġenerali, il-prezz medju ta’ l-importazzjonijiet min-Norveġja kien ogħla minn dak ta’ l-industrija Komunitarja matul il-perjodu meqjus kollu. Filwaqt li l-prezz baxx ta’ l-importazzjonijiet tal-karbonju min-Norveġja jista’ jkun aktar baxx mill-prezzijiet ta’ l-industrija Komunitarja sa ċertu punt, minħabba li din il-kwalità ta’ prodott tirrappreżenta biss parti żgħira (madwar 5 %) tal-produzzjoni kollha ta’ l-industrija Komunitarja, u minħabba n-nuqqas ta’ bejgħ ġenerali bi prezz aktar baxx minn dak tas-suq u t-tnaqqis kemm fil-volumi ta’ l-importazzjonijiet u s-sehem mis-suq, ġie meqjus li l-importazzjonijiet min-Norveġja ma kkontribwixxewx għall-ħsara materjali li ġarrbet l-industrija Komunitarja.

(136)

L-importazzjonijiet mill-Indja żdiedu b’aktar minn 300 %, u s-sehem mis-suq ta’ dawk l-importazzjonijiet żdied b’7.3 punti perċentwali (IP = 9.7 %), matul il-perjodu meqjus. Fl-istess ħin, il-prezz medju ta’ l-importazzjonijiet mill-Indja kien ftit ogħla minn dawk ta’ l-industrija Komunitarja (jiġifieri ebda bejgħ bi prezz aktar baxx mill-prezz tas-suq). Minħabba n-nuqqas ta’ bejgħ bi prezz aktar baxx mill-prezz tas-suq mill-importazzjonijiet mill-Indja, huwa meqjus li ma hemm ebda evidenza ċara li l-importazzjonijiet mill-Indja ikkontribwixxew għall-ħsara materjali li ġarrbet l-industrija Komunitarja.

(137)

L-importazzjonijiet mill-Afrika t’Isfel naqsu b’madwar 38 %, u s-sehem mis-suq ta’ dawk l-importazzjonijiet naqas b’madwar 2.45 punti perċentwali (IP = 3.2 %) matul il-perjodu meqjus. Il-prezz medju ta’ l-importazzjonijiet mill-Afrika t’Isfel kien aktar baxx minn dak ta’ l-industrija Komunitarja u simili għal dak prattikat mill-pajjiżi konċernati. Għalhekk huwa meqjus li l-importazzjonijiet mill-Afrika t’Isfel setgħu kkontribwixxew għall-ħsara li ġarrbet l-industrija Komunitarja. Iżda, minħabba t-tnaqqis sinifikanti b’mod ġenerali fl-importazzjonijiet mill-Afrika t’Isfel u s-sehem mis-suq żgħir tagħhom, mhuwiex meqjus biżżejjed biex titkisser il-konnessjoni ta’ kawżalità bejn il-ħsara materjali li ġarrbet l-industrija Komunitarja u l-importazzjonijiet li kienu suġġetti għal dumping miċ-Ċina u l-Każakstan.

(138)

L-importazzjonijiet minn pajjiżi terzi oħrajn, inkluża l-Brażil, naqsu b’madwar 59 %, u s-sehem tas-suq ta’ dawk l-importazzjonijiet naqas b’madwar 6.4 punti perċentwali (IP = 3.8 %), matul il-perjodu meqjus. Fl-istess ħin, il-prezz medju ta’ l-importazzjonijiet minn pajjiżi terzi oħrajn kien ogħla minn dak ta’ l-industrija Komunitarja (jiġifieri ebda bejgħ bi prezz aktar baxx mill-prezz tas-suq). Minħabba n-nuqqas ta’ bejgħ bi prezz aktar baxx mill-prezz tas-suq minn dawk l-importazzjonijiet u t-tendenzi li jonqsu, huwa meqjus li ma kkontribwixxewx għall-ħsara materjali li ġarrbet l-industrija Komunitarja.

(139)

Kif indikat fil-premessa (91) above, produttur Komunitarju wieħed ma koperax fl-investigazzjoni. Fuq bażi ta’ informazzjoni miksuba matul l-investigazzjoni mill-produtturi Komunitarji li kkoperaw, huwa stmat li l-volum ta’ bejgħ tiegħu fil-Komunità kien ta’ madwar 30 000 tunnellata matul il-perjodu kollu meqjus. B’mod simili, is-sehem tas-suq korrispondenti kien stabbli matul il-perjodu kollu meqjus bħala madwar 3 %. Għalhekk il-produttur Komunitarju l-ieħor ma kisibx volum ta’ bejgħ u sehem mis-suq bi ħsara għall-industrija Komunitarja. Ebda informazzjoni ma kienet disponibbli dwar il-prezzijiet ta’ dan il- produttur Komunitarju.

(140)

Minħabba dan ta’ hawn fuq, u minħabba n-nuqqas ta’ informazzjoni kontrarja, huwa konkluż li l-produttur Komunitarju l-ieħor ma kkontribwixxiex għall-ħsara li ġarrbet l-industrija Komunitarja.

(141)

L-elementi ewlenin fin-nefqa totali tal-produzzjoni huma l-materja prima (madwar 45 % sa 55 %) u l-elettriku (madwar 20 % sa 30 %). Il-ħidma diretta hija responsabbli għal madwar 5 % ta’ l-ispejjeż. L-ispiża tal-produzzjoni ta’ l-industrija Komunitarja żdiedet bi 12 % bejn l-2002 u l-IP.

(142)

Xi partijiet interessati allegaw li l-ħsara li ġarrbet l-industrija Komunitarja kienet tista’ tiġi attribwita għaż-żidiet fl-ispejjeż tal-produzzjoni. Fir-rigward ta’ spejjeż materjali, ladarba dawn huma ġeneralment prodotti ta’ materja prima li, bħala prinċipju huma nnegozjati fis-suq internazzjonali, huwa meqjus li ż-żieda fil-prezz affettwa lill-produtturi kollha ta’ SiMn, li normalment ikunu mġiegħla jżidu l-prezzijiet tagħhom kollha. Għalhekk il-ħsara ma kinitx ikkawżata miż-żieda ġenerali fil-prezzijiet tal-materjal prima fihom infushom iżda mill-fatt li, minħabba l-importazzjonijiet li huma suġġetti għal dumping li kienu qed jinbiegħu bi prezz aktar baxx mill-prezzijiet fis-suq ta’ l-industrija Komunitarja, l-industrija Komunitarja ma setgħetx tbigħ f’livell li tkun tista’ tirrealizza marġini ta’ profitt suffiċjenti. Dwar in-nefqa ta’ l-impjiegi, kif indikat fil-premessa (115) hawn fuq, id-data dwar il-produttività wriet li, b’mod ġenerali, l-industrija Komunitarja rnexxielha tpaċi ż-żidiet fl-ispejjeż ma’ żidiet fl-effiċjenza u l-produttività. Xi partijiet irreferew għall-ispejjeż ta’ l-elettriku bħala r-raġuni prinċipali għala l-industrija tal-Komunità setgħet issofri danni. F’dan ir-rigward, kien stabbilit li l-prezzijiet ta’ l-elettriku għal utenti industrijali fil-pajjiżi fejn l-industrija tal-Komunità hija bbażata kienu f’konformità mal-prezzijiet fi swieq oħra kbar fid-dinja u konsegwentement ma jistgħux jitqiesu bħala sors ta’ dannu kaġunat fuqhom minnhom stess. L-ispejjeż ta’ l-elettriku seta’ kellhom xi impatt fuq il-ħidma ġenerali, iżda biss fil-każ ta’ produttur Komunitarju wieħed li esperjenza nuqqasijiet ta’ provvista ta’ l-elettriku minħabba żidiet importanti fil-prezzijiet ta’ l-elettriku u t-tilwima relatata mal-provditur ta’ l-enerġija. B’mod ġenerali huwa konkluż li ż-żidiet fin-nefqa tal-produzzjoni ma kkontribwixxewx għall-ħsara li ġarrbet l-industrija Komunitarja.

(143)

Ladarba l-investiment ta’ produttur Komunitarju wieħed żdied b’mod sinifikanti bejn l-2004 u l-2005 (ara l-premessa (121)), ġie eżaminat jekk l-inġurja kinitx kawżata minnu stess. Dan l-investiment kellu impatt dirett fuq l-ispiża tal-produzzjoni u għalhekk fuq il-profittabbiltà ta’ l-industrija Komunitarja. Madankollu l-analiżi wriet li minħabba t-tagħbija limitata ta’ dan l-investiment fl-ispiża totali tal-produzzjoni, l-impatt fuq il-profittabbiltà kien marġinali. Għalhekk huwa konkluż li l-investiment ta’ produttur Komunitarju wieħed seta’ kkontribwixxa għall-ħsara li ġarrbet l-industrija Komunitarja iżda mhux sa estent li jkisser il-konnessjoni tal-kawżalità.

(144)

Xi partijiet allegaw li t-tnaqqis fid-domanda għall-azzar u t-tnaqqis konsegwenti fid-domanda għal SiMn, li saret matul it-tieni nofs ta’ l-2004 u fl-ewwel nofs ta’ l-2005, wara ż-żieda bħal qatt qabel fid-domanda deskritta fil-premessa (89), ikkontribwixxa għall-istat ħażin ta’ l-industrija Komunitarja. Madankollu l-investigazzjoni wriet li matul il-perjodu kollu meqjus, il-konsum Komunitarju żdied b’mod ġenerali bi 9 %. Minħabba dan, l-argument huwa miċħud.

(145)

Il-koinċidenza fiż-żmien bejn, min-naħa l-waħda, iż-żieda fl-importazzjonijiet li kienu suġġetti għal dumping miċ-Ċina u l-Każakstan, is-sejbiet ta’ żieda fl-ishma mis-suq u l-bejgħ bi prezzijiet irħas u, min-naħa l-oħra, id-deterjorazzjoni fis-sitwazzjoni ta’ l-industrija Komunitarja, twassal għall-konklużjoni li l-importazzjonijiet li kienu suġġetti għal dumping ikkawżaw il-ħsara materjali li ġarrbet l-industrija Komunitarja fis-sens ta’ l-Artikolu 3(6) tar-Regolament bażiku.

(146)

Ġew analizzati fatturi oħrajn iżda nstabu li ma kinux raġuni determinanti għall-ħsara mġarrba. Dwar l-Ukrajna, li tirrappreżenta 23 % tas-sehem mis-suq, ladarba ma hemmx bejgħ bi prezz aktar baxx b’mod ġenerali, jitqies li l-importazzjonijiet minnha ma kkontribwixxewx għall-ħsara ta’ l-industrija Komunitarja. L-importazzjonijiet mill-Afrika t’Isfel setgħu kkontribwixxew għall-ħsara li ġarrbet l-industrija Komunitarja, iżda minħabba s-sehem mis-suq żgħir tagħhom u l-volumi li qed jonqsu mhux f’ammont biżżejjed li jkisser il-konnessjoni tal-kawżalità stabbilita ma’ l-importazzjonijiet miċ-Ċina u mill-Każakstan. Minħabba n-nuqqas ta’ bejgħ bi prezz aktar baxx, il-volumi ta’ l-importazzjonijiet u ċ-ċifri tat-tendenzi, lanqas ma hemm xi evidenza li l-importazzjonijiet mill-Indja jew minn pajjiżi terzi oħrajn (inkluża l-Brażil), ikkontribwixxew għall-ħsara li ġarrbet l-industrija Komunitarja. L-investiment ta’ produttur wieħed tal-Komunità seta’ kkontribwixxa għad-dannu soffert mill-industrija tal-Komunità; iżda, minħabba piż limitat ta’ dan l-investiment, mhux sal-punt li jikser ir-rabta kawżali. Barra minn hekk, l-ebda fattur ieħor magħruf, jiġifieri l-operat fl-esportazzjoni ta’ l-industrija Komunitarja, il-kompetizzjoni mill-produttur Komunitarju l-ieħor, iż-żieda fin-nefqa tal-produzzjoni jew iċ-ċiklu tas-suq għall-azzar, ikkontribwixxa għall-ħsara ta’ l-industrija Komunitarja.

(147)

Fuq bażi ta’ l-analiżi ta’ hawn fuq, li ddistingwiet sew bejn u sseparat l-effetti tal-fatturi kollha magħrufa li għandhom effett fuq is-sitwazzjoni ta’ l-industrija Komunitarja mill-effett ta’ ħsara ta’ l-importazzjonijiet li kienu suġġetti għal dumping, huwa konkluż li l-importazzjonijiet miċ-Ċina u mill-Każakstan kkawżaw ħsara materjali lill-industrija Komunitarja fis-sens ta’ l-Artikolu 3(6) tar-Regolament bażiku.

(148)

Il-Kummissjoni eżaminat jekk, minkejja l-konklużjoni dwar id-dumping, il-ħsara u l-kawżalità, jeżistux raġunijiet konvinċenti jew le li jwasslu għall-konklużjoni li li mhux fl-interess Komunitarju li jiġu adottati miżuri f’dan il-każ partikolari. Għal dan l-iskop, u skond l-Artikolu 21(1) tar-Regolament bażiku, il-Kummissjoni qieset l-impatt tal-miżuri fuq il-partijiet kollha involuti kif ukoll il-konsegwenzi probabbli li ma jittieħdux miżuri.

(149)

Fid-dawl ta’ dak li ntqal qabel, jiġu imposti miżuri jiġu fuq l-importazzjonijiet miċ-Ċina u l-Każakstan. Huwa mistenni li l-impożizzjoni ta’ dawn il-miżuri twassal għal żieda fil-prezzijiet għal SiMn minn dawn il-pajjiżi u tipprovdi lill-industrija Komunitarja l-opportunità li ttejjeb is-sitwazzjoni tagħha permezz ta’ prezzijiet ogħla u possibbilment permezz ta’ volumi akbar ta’ bejgħ u sehem mis-suq akbar. Fin-nuqqas ta’ miżuri, huwa mistenni li l-importazzjonijiet ikomplu bi prezzijiet aktar baxxi miċ-Ċina u mill-Każakstan, u li l-industrija Komunitarja ma jkollhiex l-opportunità li ttejjeb is-sitwazzjoni tagħha.

(150)

Dwar il-prodott bil-karbonju baxx, dan jirrappreżenta biss 5 % mill-produzzjoni ta’ l-industrija Komunitarja u huwa importat l-aktar min-Norveġja, iżda wkoll miċ-Ċina. Filwaqt li hu meqjus li, jekk jiġu imposti l-miżuri, il-kwantitajiet li bħalissa jiġu miċ-Ċina jistgħu sa ċertu punt jiġu sostitwiti minn importazzjonijiet min-Norveġja, il-miżuri jipprovdu lill-industrija Komunitarja l-opportunità li żżid il-produzzjoni tagħha u l-bejgħ tagħha tal-prodott bil-karbonju baxx sabiex tilħaq id-domanda.

(151)

Hemm biss produttur wieħed fil-Komunità minbarra l-industrija Komunitarja. Fin-nuqqas ta’ koperazzjoni minn dan il-produttur, u għalhekk ta’ data preċiża dwar l-attività tiegħu, huwa stmat, fuq bażi ta’ l-informazzjoni mill-produtturi Komunitarji li kkoperaw, li l-produzzjoni ta’ dan il-manifattur hija madwar 10 % sa 15 % ta’ dik ta’ l-industrija Komunitarja. Jekk jiġu imposti l-miżuri anti-dumping, l-istess tip ta’ żviluppi bħal dawk stabbiliti fil-premessi (149) u (150) għall-industrija Komunitarja, jistgħu jiġu mistennija għal dan il-produttur Komunitarju l-ieħor ukoll.

(152)

Żewg importaturi indipendenti tal-prodott konċernat ikkoperaw fil-proċediment billi mlew u ppreżentaw il-kwestjonarji.

(153)

Dawn l-importaturi esprimew tħassib li, jekk jiġu imposti l-miżuri, dwar (i) l-impatt negattiv fuq is-sitwazzjoni tal-provvista fil-Komunità, minħabba li l-kapaċità totali tal-produzzjoni fil-Komunità ammontat għal biss madwar terz tal-konsum, u (ii) l-effett negattiv ta’ kwalunkwe miżura fuq in-nefqa tal-produzzjoni konċernata, li bħala materja prima fondamentali għall-produzzjoni ta’ l-azzar, jaffettwa l-produzzjoni Komunitarja ta’ l-azzar.

(154)

Dwar is-sitwazzjoni tal-provvista fil-Komunità, huwa veru li l-konsum huwa madwar tliet darbiet daqs il-kapaċità Komunitarja kurrenti tal-produzzjoni u li l-industrija Komunitarja pprovdiet biss madwar 25 % tad-domanda Komunitarja matul l-IP. Madankollu l-industrija Komunitarja kienet qed topera b’utilizzazzjoni ta’ kapaċità ta’ madwar 70 % matul l-IP, u b’utilizzazzjoni ta’ kapaċità bejn 70 % u 80 % matul il-perjodu meqjus. Għalhekk hija f’pożizzjoni li żżid b’mod sinjinfikanti l-produzzjoni kurrenti. Ukoll, minħabba l-kwantitajiet relattivament limitati ta’ l-importazzjonijiet li jkunu suġġetti għal miżuri (kif indikat fil-premessi (149) u (150) hawn fuq) u minħabba li t-tnaqqis possibbli ta’ importazzjonijiet mill-pajjiżi konċernati jista’ jiġi kkumpensat minn esportazzjonijiet minn pajjiżi oħrajn, huwa meqjus li l-impożizzjoni tad-dazji ma jkollhiex impatt imdaqqas fuq id-disponibbiltà ta’ provvisti għall-importaturi. Ukoll, minbarra l-provvisti minn produtturi Komunitarji u mill-pajjiżi konċernati mill-investigazzjoni, is-suq Komunitarju huwa wkoll provdut, sa l-estent ta’ kważi 40 % tal-konsum, minn pajjiżi oħrajn, b’mod partikolari n-Norveġja, l-Indja, l-Afrika t’Isfel u l-Brażil. Dawk il-pajjiżi b’mod kumulattiv fl-imgħoddi pprovdew kwantitajiet ogħla lill-Komunità.

(155)

Huwa rikonoxxut li jekk jiġu introdotti l-miżuri, jista’ jkun hemm xi waqfien fit-terminu l-qasir minħabba dewmien possibbli bil-produzzjoni Komunitarja li tkun qed tiżdied u jekk ikun neċessarju li xi utenti jirranġaw provvisti alternattivi.

(156)

Sa fejn huma konċernati l-importaturi, ukoll kieku l-industrija Komunitarja kellha żżid il-produzzjoni, il-bejgħ u s-sehem mis-suq tagħha fil-Komunità, minħabba li l-industrja Komunitarja tista’ biss tipprovdi madwar 30 % tas-suq Komunitarju, u minħabba li l-konsum Komunitarju qed jikber, xorta jibqa’ l-ħtieġa għal attività sostanzjali fl-importazzjoni. Filwaqt li huwa rikonoxxut li l-importaturi b’mod ġenerali joperaw b’marġini ta’ profitt relattivament baxx u li kwalunkwe soluzzjoni ta’ tilwimiet fiż-żmien qasir li jirriżultaw mill-utenti jfittxu li jirranġaw provvisti ġodda jew alternattivi jistgħu jaffettwaw b’mod negattiv il-marġni tagħhom, jtiqies li l-importaturi huma f’pożizzjoni li jissalvagwardjaw il-marġni taghhom billi jgħaddu l-ispejjeż miżjuda lill-utenti.

(157)

Għaxar utenti tal-prodott konċernat fl-industrija tal-metall ikkoperaw fil-proċediment billi mlew u ppreżentaw kwestjonarji jew għamlu preżentazzjonijiet. Waslet ukoll preżentazzjoni mill-Konfederazzjoni Ewropea ta’ l-Industriji tal-Ħadid u l-Azzar (EUROFER).

(158)

L-utenti esprimew tħassib simili dwar provvista suffiċjenti u spejjeż akbar għall-utenti aħħarin, bħalma għamlu l-importaturi, kif jingħad fil-premessa (153) hawn fuq. Għar-raġunijiet stabbiliti fil-premessa (154), huwa meqjus li l-impożizzjoni ta’ miżuri ma jkollhiex effett detrimentali serju fit-terminu l-medju fuq is-sitwazzjoni tal-provvista fil-Komunità.

(159)

L-effett dirett ta’ żieda fil-prezz ta’ SiMn fuq in-nefqa tal-produzzjoni ta’ l-azzar ikun limitat, għaliex SiMn ma jippreżentax aktar minn 1 % ta’ l-ispejjeż tal-produzzjoni ta’ l-azzar tal-karbonju, u anki inqas fil-każ ta’ stainless steel. Fuq bażi ta’ l-informazzjoni provduta mill-assoċjazzjoni ta’ l-industrija ta’ l-utenti (EUROFER) dwar l-ispiża annwali totali għall-użu tagħhom ta’ l-SiMn, huwa stmat li l-effett ta’ anki żieda sinifikanti ta’ 20 % fil-prezz li jaffettwa lill-SiMn kollu jkun li tnaqqas il-profittabbiltà tal-produtturi ta’ l-azzar (li bħalissa qed jiksbu livelli ta’ profitt ta’ bejn 10 % u 40 %) b’ madwar 0.2 % biss. Minħabba li miżuri jkunu b’rata li hija aktar baxxa b’mod sinifikanti, u jaffettwaw biss massimu ta’ 10 % tal-konsum tal-Komunità (fil-każ li l-ebda importazzjoni suġġetta għal miżuri ma tkun sostitwita minn importazzjonijiet minn oriġini oħra), l-effett ta’ kwalunkwe miżura possibbli fuq il-profittabbiltà ta’ l-industrija ta’ l-azzar ikun limitat b’mod estrem.

(160)

Ġie allegat li s-suq għall-SiMn huwa wieħed globali u li d-domanda globali qed tiżdied skond domanda li qed tiżdied għall-azzar. Meta d-domanda tiżdied fuq il-provvista, dan jista’ jwassal għal żidiet sinifikanti fil-prezzijiet, kif ġara fl-2004. Jekk tiżviluppa interruzzjoni temporanja tal-provvista u tad-domanda fil-Komunità, kif deskritt fil-premessa (155), dan jista’ jwassal għal żidiet fil-prezzijiet fit-terminu l-qasir ogħla mil-livell ta’ dazji imposti. Iżda, minħabba li s-suq għall-SiMn huwa wieħed SiMn globali, jitqies li l-livell tal-prezzijiet fil-Komunità huwa stabbilit mill-interazzjoni tal-provvista u d-domanda globali u li l-prezzijiet Komunitarji ma għandhomx jiżvijaw ħafna mill-prezzijiet dinjin għal xi terminu estiż minħabba l-preżenza ta’ xi importazzjonijiet minn oriġini oħrajn fis-suq. Ukoll, il-produtturi ta’ l-azzar li bħalissa qed joperaw f’livelli sodisfaċenti ta’ profitt (10 % sa 40 %), fi kwalunkwe każ ikollhom il-possibbiltà li jgħaddu l-effett ta’ kwalunkwe żieda fil-prezz għall-prodott konċernat, li jkun illimitat mis-sinifikanza relattivament minuri ta’ l-SiMn fl-ispiża totali tal-produzzjoni ta’ l-azzar.

(161)

L-utenti kellhom ukoll dubji dwar l-effettività ta’ l-impożizzjoni tal-miżuri, u argumentaw li l-impożizzjoni u t-tneħħija tal-miżuri ta’ qabel kellhom ftit effett fuq il-profittabbiltà ta’ l-industrija Komunitarja. F’dan ir-rigward, għalkemm l-iskop ta’ l-impożizzjoni tal-miżuri anti-dumping huwa li jintraddu l-kundizzjonijiet ġusti fis-suq bl-għan li tingħata l-opportunità lill-industrija Komunitarja, li ġarrbet ħsara materjali permezz ta’ dumping, li tirkupra, il-fatt li dan l-irkupru seta’ ma rrealizzax ruħu fl-imgħoddi ma għandux ikun raġuni kontra li titqies l-adegwatezza ta’ l-impożizzjoni tal-miżuri anti-dumping fejn dan issa huwa meħtieġ.

(162)

Xi utenti indikaw li tul madwar dawn l-aħħar 10 snin l-industrija Komunitarja ta’ l-azzar ġarrbet minn spejjeż miżjuda minn miżuri anti-dumping li kienu saru fuq bosta materji primi użati biss jew l-aktar għall-produzzjoni ta’ l-azzar. Indikaw ukoll li, minbarra dan il-proċediment, kien hemm għadd ta’ proċedimenti oħrajn li bħalissa huma miftuħin dwar il-materji primi wżati fil-produzzjoni ta’ l-azzar. L-effett ġenerali, huma argumentaw, kien li jqiegħdu lill-produtturi Komunitarji ta’ l-azzar fi żvantaġġ fuq livell internazzjonali. Dwar il-miżuri ta’ qabel, għandu jiġi nnutat li l-maġġoranza tal-miżuri ta’ qabel issa skadew. Dwar l-effett kumulattiv tal-miżuri fuq għadd ta’ materji primi, għandu jibqa’ miftakar li l-għan tal-miżuri anti-dumping huwa li jeliminaw l-impatt ta’ kundizzjonijiet ta’ suq mgħawweġ li jirriżultaw mill-preżenza ta’ importazzjonijiet li jkunu suġġetti għal dumping. L-effett tal-miżuri anti-dumping fihom infushom, ukoll meta jkunu imposti fuq għadd ta’ materji primi li jaffettwaw l-istess industrija, ma għandux ikollu effett li jgħawweġ. Fi kwalunkwe każ, l-impatt ta’ l-impożizzjoni ta’ kwalunkwe miżura f’dan il-każ fuq l-industrija ta’ l-azzar ikun negliġibbli, kif spjegat fil-premessa (159) hawn fuq.

(163)

Wara li kien żvelat, EUROFER tenniet l-argument tagħha li l-impożizzjoni ta’ miżuri ma jkunux fl-interess globali tal-Komunità billi huma jwasslu għal żieda fl-ispejjeż għall-utenti u jkollhom ftit effett biex titjieb is-sitwazzjoni ta’ l-industrija tal-Komunità. Ebda informazzjoni ġdida ma kienet provduta f’dan ir-rigward u għalhekk ir-raġunar provdut hawn fuq (premessi (157) sa (162)) huwa konfermat u fuq din il-bażi huwa meqjus li kwalunkweimpatt mill-impożizzjoni ta’ dazju anti-dumping fuq is-sitwazzjoni finanzjarja ta’ l-utenti x’aktarx tkun ġeneralment negliġibbli.

(164)

Biex wieħed jikkonkludi, huwa mistenni li l-impożizzjoni tal-miżuri fuq l-importazzjonijiet miċ-Ċina u mill-Każakstan, minkejja d-disponibbiltà ta’ kwantitajiet limitati u li qed jonqsu ta’ SiMn fis-suq minn pajjiżi oħrajn (jiġifieri l-Afrika t’Isfel u n-Norveġja fil-każ ta’ SiMn b’karbonju baxx) u minn provdituri mhux suġġetti għal miżuri bi prezzijiet simili għal dawk prattikati miċ-Ċina u mill-Każakstan qabel l-impożizzjoni ta’ kwalunkwe dazju, jipprovdu opportunità lill-industrija Komunitarja, kif ukoll għall-produttur Komunitarju l-ieħor, li ttejjeb is-sitwazzjoni tagħha permezz ta’ volumi akbar ta’ bejgħ, prezzijet ta’ bejgħ ogħla u sehem mis-suq akbar. Filwaqt li jista’ jkun hemm xi effetti negattivi fil-forma ta’ żidiet fl-ispejjeż għall-utenti li jirriżultaw mill-ħtieġa possibbli li jiġu rranġati provvisti ġodda jew alternattivi, jitqies li l-effett ġenerali ta’ l-utenti fuq l-impożizzjoni ta’ miżuri fuq iċ-Ċina u l-Każakstan ikun negliġibbli. Fid-dawl ta’ dan ta’ hawn fuq, huwa konkluż li l-ebda raġuni importanti ma teżisti biex ma jiġux imposti l-miżuri f’dan il-każ u li l-applikazzjoni ta’ dawn il-miżuri tkun fl-interess tal-Komunità.

(165)

Il-livell ta’ kwalunkwe miżura anti-dumping għandu jkun biżżejjed li tiġi eliminata l-ħsara lill-industrija Komunitarja kkawżata mill-importazzjonijiet li kienu suġġetti għal dumping, mingħajr ma jinqabżu l-marġni ta’ dumping misjuba. Meta jiġi kkalkulat l-ammont ta’ dazju neċessarju biex jitneħħew l-effetti tad-dumping li jagħmel il-ħsara, tqies li kwalunkwe miżura għandha tħalli lill-industrija Komunitarja tikseb profitt qabel it-taxxa li jista’ jinkiseb b’mod raġonevoli minn industrija ta’ dan it-tip fis-settur f’kundizzjonijiet normali ta’ kompetizzjoni, jiġifieri fin-nuqqas ta’ importazzjonijiet li kienu suġġetti għal dumping.

(166)

L-industrija Komunitarja allegat li marġini ta’ profitt ta’ 8 % tad-dħul għandu jitqies bħala livell xieraq li tista’ tkun mistennija li tikseb fin-nuqqas ta’ dumping li jagħmel il-ħsara. Dan ġie eżaminat u nstab li l-marġini ta’ profitt iddikjarat jirriżulta fil-ġbir lura ta’ l-investiment kapitali fi żmien relativament qasir. Barra minn hekk, l-investigazzjoni wriet li l-industrija Komunitarja stess ġeneralment iddeprezzat l-investimenti kapitali tagħha f’terminu itwal. Fuq din il-bażi, huwa meqjus li marġini ta’ profitt ta’ 5 %, li huwa skond il-marġini li ntuża fl-investigazzjoni li wasslet għall-miżuri anti-dumping ta’ qabel, huwa livell xieraq li l-industrija Komunitarja tista’ tkun mistennija li tikseb fin-nuqqas ta’ dumping li jagħmel il-ħsara.

(167)

Iż-żieda fil-prezz meħtieġa mbagħad ġiet iddeterminata fuq bażi ta’ paragun, għal kull tip ta’ prodott, tal-prezz medju mobbli ta’ l-importazzjoni, kif stabbilit għall-kalkoli tal-bejgħ bi prezz aktar baxx minn dak tas-suq, bil-prezz li ma jagħmilx ħsara tal-prodott simili mibjugħ mill-industrija Komunitarja. Il-prezz li ma jagħmilx ħsara nkiseb bl-aġġustament tal-prezz tal-bejgħ ta’ l-industrija Komunitarja biex jiġi rifless il-marġini ta’ profitt imsemmi hawn fuq. Kwalunkwe differenza li rriżultat mill-paragun imbagħad ġiet espressa bħala perċentwal tal-valur totali ta’ l-importazzjoni CIF. Fin-nuqqas li jingħata MET jew IT lil ebda mill-produtturi esportaturi Ċiniżi li kkoperaw, ġie kkalkolat marġini ta’ ħsara għaċ-Ċina kollha fuq bażi tal-prezzijiet minn Comext.

(168)

Il-paragun tal-prezzijiet imsemmi hawn fuq wera dawn il-marġni ta’ ħsara:

(169)

Fid-dawl ta’ dan ta’ hawn fuq u skond l-Artikolu 9(4) tar-Regolament bażiku, jitqies li dazju anti-dumping definittiv għandu jkun impost fir-rigward ta’ importazzjonijiet ta’ SiMn li joriġinaw fil-Każakstan u fiċ-Ċina fil-livell tal-marġini aktar baxxi ta’ dumping u ta’ ħsara, skond ir-regola ta’ l-inqas dazju.. B’analoġija ma’ l-Artikolu 9(3) tar-Regolament bażiku, minħabba li l-inġurja għall-Ukrajna huwa taħt livell de minimis, l-investigazzjoni fir-rigward ta’ dan il-pajjiż għandha tintemm.

(170)

Għalhekk, u għar-raġunijiet diġà msemmija fil-premessi (165) sa (169), id-dazji anti-dumping għandhom ikunu kif ġej:

(171)

Wara l-iżvelar ta’ fatti essenzjali u konsiderazzjonijiet li fuq il-bażi tagħhom kien intenzjonat li tkun rakkomandata l-impożizzjoni ta’ dazji ant-dumping definittivi, il-produttur esportatur fil-Kazakstan offra impenn tal-prezz skond l-Artikolu 8(1) tar-Regolament bażiku. Il-prodott konċernat wera fl-aħħar snin volatilità konsiderevoli fi prezzijiet u għalhekk mhuwiex tajjeb għal impenn ta’ prezz iffissat. Sabiex tingħeleb din il-problema l-produttur esportatur offra li jagħmel indiċi tal-prezz minimu ta’ l-importazzjoni mal-prezz tal-materja prima prinċipali, u hekk ma jkunx possibbli l jsir indiċi tal-prezzijiet minimi ta’ l-importazzjoni mal-prezz tal-materja prima. Bħala alternattiva l-produttur esportatur offra wkoll li jagħmel indiċi tal-prezz minimu ta’ l-importazzjoni fuq il-bażi ta’ l-ispiża tiegħu stess tal-produzzjoni kif muri fil-kontijiet verifikati. Iżda din it-triq ma tistax tkun aċċettata billi l-evoluzzjoni tan-nefqa tagħha mhux bilfors jikkorrispondu ma’ l-evoluzzjoni tal-prezzijiet tagħha. Aktar minn hekk, impenn bħal dan huwa meqjus bħala li ma jaħdimx billi jkun diffiċli ħafna għall-Kummissjoni li timmonitorja konstantament l-evoluzzjoni ta’ l-ispejjeż. Fuq il-bażi ta’ hawn fuq, kien konkluż li l-impenn offrut mill-esportatur ma setax ikun aċċettat.

5.12.2007   

MT

Il-Ġurnal Uffiċjali ta’ l-Unjoni Ewropea

L 317/32

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 3223/94 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

5.12.2007   

MT

Il-Ġurnal Uffiċjali ta’ l-Unjoni Ewropea

L 317/34

(1)

Id-Deċiżjoni tal-Kunsill tat-22 ta’ Diċembru 1994 dwar il-konklużjoni f’isem il-Komunità Ewropea, fejn għandhom x’jaqsmu affarijiet fil-kompetenza tagħha, fuq il-ftehimiet milħuqa fil-Laqgħa ta’ negozjati multilaterali fl-Urugwaj (1986-1994) (3), il-Kunsill ikkonkluda l-Ftehim dwar il-Kuntratti Pubbliċi (minn issa ‘l quddiem ‘il-Ftehim’). Il-Ftehim għandu jkun applikat għal kwalunkwe kuntratt ta’ xiri b’valur li jilħaq jew li jaqbeż l-ammonti (minn issa ‘l quddiem “il-limiti”) stipulati fil-Ftehim u espressi bħala drittijiet speċjali ta’ prelevament.

(2)

Wieħed mill-għanijiet tad-Direttiva 2004/17/KE u 2004/18/KE huwa li l-entitajiet kontraenti u l-awtoritajiet kontraenti li japplikaw dawk id-Direttivi, fl-istess ħin ikunu jistgħu jikkonformaw ma’ l-obbligi li jinsabu fil-Ftehim. Biex jinkiseb dan, il-limiti li jinsabu f’dawk id-Direttivi għall-kuntratti pubbliċi, li huma koperti wkoll mill-Ftehim, għandhom jiġu allinjati sabiex jiġi assigurat li jikkorrispondu ma’ l-ekwivalenti f’Ewro, mqarrba għall-eqreb elf, tal-limiti stipulati fil-Ftehim.

(3)

Għal raġunijiet ta’ koerenza, huwa xieraq li dawn il-limiti jkunu allinjati wkoll fid-Direttivi 2004/17/KE u 2004/18/KE li ma humiex koperti mill-Ftehim.

(4)

Id-Direttivi 2004/17/KE u 2004/1268/KE għandhom għalhekk jiġu emendati skond dan,

(1)

L-Artikolu 16 huwa emendat kif ġej:

(2)

L-Artikolu 61 huwa emendat kif ġej:

(1)

L-Artikolu 7 huwa emendat kif ġej:

(2)

L-ewwel paragrafu ta’ l-Artikolu 8 huwa emendat kif ġej:

(3)

Fl-Artikolu 56, l-ammont “EUR 5 278 000” jinbidel b’“EUR 5 150 000”.

(4)

Fl-ewwel subparagrafu ta’ l-Artikolu 63(1), l-ammont “EUR 5 278 000” jinbidel b’“EUR 5 150 000”.

(5)

L-Artikolu 67(1) huwa emendat kif ġej:

5.12.2007   

MT

Il-Ġurnal Uffiċjali ta’ l-Unjoni Ewropea

L 317/36

(1)

L-Artikolu 19 tar-Regolament tal-Kummissjoni (KE) Nru 1291/2000 (2) jipprevedi l-possibbiltà għall-ħruġ ta’ liċenzji u ċertifikati elettroniċi ta’ l-importazzjoni u ta' l-esportazzjoni.

(2)

L-esperjenza turi li sabiex tiżdied l-effiċjenza ta’ l-operazzjonijiet ta’ l-importazzjoni u l-esportazzjoni, id-dispożizzjonijiet ta’ l-Artikolu 25 jistgħu jittejbu bil-ħsieb li jiġi ċċarat aktar li l-liċenzji u ċ-ċertifikati jistgħu jinżammu u jiġu ġestiti elettronikament mill-awtorità kompetenti fl-Istat Membru minflok jinħarġu lill-impurtatur jew esportatur, u li fejn id-dejta dwar l-esportazzjoni ġiet introdotta u trażmessa elettronikament lill-awtorità tal-ħruġ, l-entrati fuq il-liċenzja jew ċertifikat elettroniku ta’ l-esportazzjoni u l-approvazzjoni tiegħu jistgħu jsiru wkoll elettronikament.

(3)

Ir-Regolament (KE) Nru 1291/2000 għandu għalhekk jiġi emendat skond dan.

(4)

Il-miżuri stabbiliti b'dan ir-Regolament huma konformi ma' l-opinjoni tal-Kumitati ta' Ġestjoni kollha kkonċernati,

(a)

il-paragrafu 1 jinbidel b'dan li ġej:

“1.   Minkejja l-Artikolu 24, Stat Membru jista' jippermetti li l-liċenzja jew ċertifikat ikun:

(b)

il-paragrafu 3 jinbidel b'dan li ġej:

“3.   L-Istat Membru għandu jiddeċiedi liema awtorità għandha tagħmel il-kitba fuq il-liċenzja jew iċ-ċertifikat u tawtorizzahom.

Madankollu, l-attrubuzzjoni u l-validazzjoni u l-approvazzjoni tagħha fuq il-liċenzja jew ċertifikat għandhom ukoll jitqiesu li twettqu meta:

Id-data tal-preżentazzjoni għandha titqies bħala d-data ta' l-aċċettazzjoni tad-dikjarazzjoni msemmija fl-Artikolu 24”

5.12.2007   

MT

Il-Ġurnal Uffiċjali ta’ l-Unjoni Ewropea

L 317/38

(1)

Id-dispożizzjonijiet tar-Regolament (KE) Nru 2304/2002 adottat skond l-Artikolu 23 tad-Deċiżjoni ta’ Assoċjazzjoni Barranija għandhom jiġu aġġornati skond l-emendi li saru f’dik id-Deċiżjoni, fid-dawl ta’ l-għaxar Fond Ewropew ta’ l-Iżvilupp li għadu kif ġie stabbilit (minn hawn ’il quddiem imsejjaħ l-“għaxar EDF”). Huma għandhom ukoll jiġu aġġornati mar-revizjoni ta’ l-Artikoli li jikkorrispondu fl-Anness IV tal-Ftehim ta’ Sħubija bejn il-Grupp ta’ l-Istati Afrikani, tal-Karibew u tal-Paċifiku, min-naħa l-waħda u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (5) (il-Ftehim ta’ Sħubija ACP-KE).

(2)

Meta jitqiesu l-bżonnijiet, il-kapaċitajiet u r-restrizzjonijiet speċifiċi tal-pajjiżi u t-territorji ta’ barra (minn hawn ’il quddiem imsejħa “OCTs”), l-assistenza finanzjarja ta’ l-għaxar EDF lill-OCTs għandha tingħata bħala sostenn tal-baġit, sakemm l-amministrazzjoni ta’ l-OCT tan-nefqa pubblika tippreżenta biżżejjed trasparenza, responsabbiltà u effikaċja. Barra dan, il-proċeduri ta’ l-akkwist pubbliku ta’ l-OCTs għandhom ikunu konformi ma’ l-istandards tar-Regolament Finanzjarju ta’ l-għaxar EDF fir-rigward ta’ trasparenza u għemil bil-miftuħ. Fuq il-bażi ta’ l-esperjenza miksuba taħt id-disa’ EDF, l-assistenza finanzjarja taħt l-għaxar EDF għandha tingħata bħala appoġġ għal proġetti jew programmi f’ċirkostanzi eċċezzjonali biss, jiġifieri meta l-kundizzjonijiet għas-sostenn tal-baġit ma jintlaħqux.

(3)

Bħala kundizzjoni għall-adozzjoni tagħhom, għandu jiġi verifikat li d-Dokumenti Waħdiena ta’ l-Ipprogrammar (SPDs) ikun fihom l-elementi kollha meħtieġa biex il-Kummissjoni tieħu d-deċiżjoni finanzjarja msemmija fl-Artikolu 20(4) tad-Deċiżjoni dwar l-Assoċjazzjoni Barranija.

(4)

Skond l-Artikolu 3(1) ta’ l-Anness II Aa tad-Deċiżjoni dwar l-Assoċjazzjoni Barranija, l-SPDs għandhom, meta jkun xieraq, jagħtu attenzjoni partikolari lill-azzjonijiet immirati għat-tisħiħ tal-ħiliet ta’ governanza u dawk istituzzjonali ta’ l-OCTs benefiċjarji u, fejn ikun rilevanti, għall-iskeda probabbli ta’ l-azzjonijiet maħsuba, inkluż fl-oqsma finanzjarji, fiskali u ġudizzjarji.

(5)

Għandu jsir provvediment għall-ipprogrammar ta’ l-allokazzjoni taħt l-għaxar EDF biex tagħti appoġġ lill-kooperazzjoni u l-integrazzjoni reġjonali, bl-għan li tissaħħaħ il-kapaċità ta’ l-OCTs li jegħlbu l-isfidi li qed iħabbtu wiċċhom magħhom bħala mikroekonomiji ta’ gżejjer żgħar, per eżempju permezz ta’ inizjattivi ta’ preparazzjoni u mitigazzjoni għal diżastri reġjonali. F’dan ir-rigward, għandha tiġi żgurata l-koordinazzjoni b’mod partikolari bejn l-appoġġ għall-kooperazzjoni u l-integrazzjoni reġjonali u l-appoġġ fil-livell territorjali. Għandha tingħata attenzjoni speċjali wkoll lill-kooperazzjoni bejn l-OCTs, l-Istati ta’ l-ACP u, f’koordinazzjoni ma’ strumenti finanzjarji oħra tal-Komunità, lir-reġjuni l-aktar imbegħda msemmija fl-Artikolu 299(2) tat-Trattat.

(6)

L-ammonti indikattivi allokati lill-OCTs benefiċjarji taħt l-għaxar EDF għandhom jiġu determinati skond l-Artikolu 3(5) ta’ l-Anness II Aa tad-Deċiżjoni ta’ Assoċjazzjoni Barranija.

(7)

Il-miżuri stipulati f’dan ir-Regolament kienu soġġetti għal konsultazzjoni ma’ l-OCTs.

(8)

Il-miżuri stipulati f’dan ir-Regolament huma skond l-opinjoni tal-Kumitat EDF-OCT stabbilit bl-Artikolu 24 tad-Deċiżjoni ta’ Assoċjazzjoni Barranija,

(1)

L-Artikolu 1 huwa sostitwit b’dan li ġej:

“Artikolu 1

Il-materja tas-suġġett

Dan ir-Regolament jistabbilixxi l-proċeduri għall-ipprogrammar, l-implimentazzjoni u l-kontroll ta’ l-assistenza finanzjarja Komunitarja lill-pajjiżi u territorji ta’ barra (OCTs) amministrata mill-Kummissjoni taħt l-Għaxar Fond Ewropew għall-Iżvilupp (EDF), skond id-dispożizzjonijiet tad-Deċiżjoni ta’ Assoċjazzjoni Barranija u r-Regolament Finanzjarju applikabbli għall-għaxar EDF.”

(2)

L-Artikolu 3 huwa sostitwit b’dan li ġej:

“Artikolu 3

L-ipprogrammar territorjali

Operazzjonijiet finanzjati minn għajnuna li ma titħallasx lura taħt l-għaxar EDF fil-qafas tad-Deċiżjoni ta’ Assoċjazzjoni Barranija għandhom jiġu pprogrammati mill-aktar fis possibbli wara d-dħul fis-seħħ tal-Ftehim Intern li jistabbilixxi l-għaxar EDF permezz ta’ l-adozzjoni ta’ SPD skond il-mudell fl-Anness ta’ dan ir-Regolament.”

(3)

L-Artikolu 4 huwa sostitwit b’dan li ġej:

“Artikolu 4

Il-preparazzjoni ta’ l-SPD

1.   L-awtoritajiet kompetenti ta’ l-OCT għandhom jippreparaw proposta għall-SPD wara konsultazzjonijiet ma’ l-aktar firxa wiesgħa possibbli ta’ persuni interessati fil-proċess ta’ l-iżvilupp, u għandhom jimxu fuq l-esperjenzi miksuba u l-aħjar prattiki.

Kull proposta għal SPD għandha tiġi adattata għall-ħtiġijiet u għaċ-ċirkostanzi speċifiċi ta’ kull OCT. Hi għandha tidentifika indikaturi orjentati lejn ir-riżultati biex jiġu sorveljati u tippromwovi l-approprjazzjoni lokali ta’ programmi ta’ kooperazzjoni.

2.   Il-proposta għall-SPD għandha tkun is-suġġett ta’ skambju ta’ opinjonijiet bejn l-OCT u l-Istat Membru kkonċernat u l-Kummissjoni, permezz tad-Delegazzjoni rilevanti, jekk ikun applikabbli.

L-OCT għandha tipprovdi l-informazzjoni kollha neċessarja, inklużi r-riżultati ta’ kwalunkwe studji ta’ vijabilità, biex tagħmel l-evalwazzjoni ta’ l-abbozz ta’ l-SPD mill-Kummissjoni effettiva kemm jista’ jkun.

3.   L-allokazzjoni finanzjarja ta’ l-għaxar EDF għandha fil-prinċipju tingħata bħala sostenn tal-baġit, ħlief f’ċirkostanzi eċċezzjonali li jiġu ġustifikati kif jixraq.

Meta l-kundizzjonijiet għas-sostenn tal-baġit ma jintlaħqux, l-SPD għandha tipprovdi għal miżuri li joħolqu l-kundizzjonijiet għas-sostenn tal-baġit.

Kwalunkwe diverġenza bejn l-analiżi ta’ l-OCT stess u dik tal-Komunità għandha tiġi nnotata.”

(4)

L-Artikolu 5 huwa sostitwit b’dan li ġej:

“Artikolu 5

L-evalwazzjoni ta’ l-SPD mill-Kummissjoni

Il-Kummissjoni għandha tevalwa l-proposta għall-SPD biex tistabbilixxi jekk ikunx fiha l-elementi kollha meħtieġa u jekk tkunx konsistenti ma’ l-għanijiet tad-Deċiżjoni ta’ Assoċjazzjoni Barranija, ta’ dan ir-Regolament u tal-politika rilevanti tal-Komunità.

Il-Kummissjoni għandha tevalwa wkoll il-proposta għall-SPD biex tistabbilixxi jekk ikunx fiha l-elementi kollha meħtieġa biex il-Kummissjoni tieħu d-deċiżjoni finanzjarja msemmija fl-Artikolu 20(4) tad-Deċiżjoni ta’ Assoċjazzjoni Barranija.

Hi għandha tinforma lill-Bank Ewropew ta’ l-Investiment dwar l-abbozz li tkun irċeviet.

Bla preġudizzju għall-Artikolu 4(3), il-Kummissjoni għandha tiddeċiedi jekk l-assistenza finanzjarja ta’ l-għaxar EDF għandhiex tingħata bħala sostenn tal-baġit, soġġetta għal evalwazzjoni preliminari tat-trasparenza, responsabbiltà u effikaċja ta’ l-amministrazzjoni tan-nefqa pubblika u ta’ għemil bil-miftuħ u trasparenza fl-akkwist pubbliku skond l-istandards stabbiliti fir-Regolament Finanzjarju applikabbli għall-għaxar EDF, jew jekk għandhiex tingħata bħala appoġġ għal programmi jew proġetti.”

(5)

L-Artikolu 6 huwa sostitwit b’dan li ġej:

“Artikolu 6

Il-programmi reġjonali

1.   L-Artikoli 3 sa 5 għandhom japplikaw mutatis mutandis għas-sostenn finanzjarju għall-kooperazzjoni u l-integrazzjoni reġjonali taħt l-Artikolu 3(2) ta’ l-Anness II Aa tad-Deċiżjoni ta’ Assoċjazzjoni Barranija.

Fl-evalwazzjoni tagħha tal-proposti, il-Kummissjoni għandha tqis b’mod partikolari l-impatt mistenni fuq l-integrazzjoni ta’ l-OCT benefiċjarju fir-reġjun li jifforma parti minnu.

Sa fejn ikun possibbli, għandha tiġi żgurata l-koordinazzjoni ma’ programmi fil-livell territorjali u ma’ azzjonijiet li jinvolvu pajjiżi ta’ l-ACP u/jew ir-reġjuni l-aktar imbegħda msemmija fl-Artikolu 299(2) tat-Trattat. Dan jista’ jinvolvi l-identifikazzjoni tal-prijoritajiet u tar-riżorsi speċifiċi għall-iskop li tissaħħaħ il-kooperazzjoni mal-pajjiżi ta’ l-ACP u/jew ir-reġjuni l-aktar imbegħda, u l-modalitajiet biex tiġi identifikata u kkoordinata l-għażla ta’ azzjonijiet ta’ interess komuni.

Ir-rabta tan-nefqa għandha tkun preċeduta minn deċiżjoni finanzjarja tal-Kummissjoni li tkopri s-sostenn għal proġetti u programmi.

2.   Sabiex tinkiseb skala adegwata u biex tiżdied l-effiċjenza, fondi reġjonali u territorjali jistgħu jiġu mħallta biex jiġu ffinanzjati programmi reġjonali b’komponent territorjali distint.

3.   L-Artikoli 8 u 16 sa 30 japplikaw mutatis mutandis għall-programmi reġjonali.”

(6)

L-Artikolu 7 huwa sostitwit b’dan li ġej:

“L-Artikolu 7

L-użu tar-riżerva

1.   Il-Kummissjoni għandha talloka riżorsi mir-riżerva B għall-għanijiet imsemmija fl-Artikolu 3(4)(b) ta’ l-Anness II Aa tad-Deċiżjoni ta’ Assoċjazzjoni Barranija fuq il-bażi tar-reviżjoni ta’ nofs it-terminu msemmija fl-Artikolu 22 ta’ dan ir-Regolament. Il-Kummissjoni għandha taġġusta skond kif meħtieġ l-ammonti indikattivi diġa allokati u tinforma lill-OCTs u lill-Istati Membri bid-deċiżjoni tagħha dwar l-allokazzjonijiet il-ġodda.

2.   Għall-finijiet ta’ rbit tar-riżorsi kontemplat fl-Artikolu 28 u fl-Anness II D tad-Deċiżjoni ta’ Assoċjazzjoni Barranija, kwalunkwe OCT li jikkonsidra lilu nnfisu bħala eliġibbli għas-sostenn kontemplat hemmhekk għandu jagħmel talba kompleta fuq il-formoli provduti mill-Kummissjoni u jinkludi l-informazzjoni kollha meħtieġa biex din tiġi evalwata.

It-talba għandha tintbagħat lill-Kummissjoni mhux aktar tard mill-aħħar tas-sena li tiġi wara s-sena li għaliha s-sostenn addizzjonali jkun meħtieġ.

Il-Kummissjoni għandha tinforma lill-OCT fl-iqsar żmien possibbli bid-deċiżjoni tagħha.”

(7)

L-Artikolu 8 huwa sostitwit b’dan li ġej:

“Artikolu 8

L-Impenji

1.   In-nefqa fuq l-għajnuna finanzjarja għall-OCTs għandha tintrabat mill-Kummissjoni skond ir-Regolament Finanzjarju applikabbli għall-għaxar EDF.

2.   Fl-ambitu ta’ l-SPD, ir-rabta tan-nefqa għandha tkun preċeduta minn deċiżjoni finanzjarja tal-Kummissjoni li fil-prinċipju tkopri s-sostenn tal-baġit, ħlief f’ċirkostanzi eċċezzjonali u li jiġu ġustifikati kif jixraq.

3.   Barra mill-ambitu ta’ l-SPD, in-nefqa taħt ir-riżerva B mhux allokata li titwarrab skond l-Artikolu 3(4) ta’ l-Anness II Aa tad-Deċiżjoni ta’ Assoċjazzjoni Barranija għandha tintrabat mill-Kummissjoni u tkun implimentata skond ir-Regolament Finanzjarju applikabbli għall-għaxar EDF.”

(8)

L-Artikolu 9 huwa sostitwit b’dan li ġej:

“Artikolu 9

L-aġenti li jħallsu

L-istituzzjonijiet finanzjarji fl-OCT li magħhom il-Kummissjoni tiftaħ kontijiet skond ir-Regolament Finanzjarju applikabbli għall-għaxar EDF għall-iskopijiet ta’ implimentazzjoni tal-kooperazzjoni ma’ l-OCT għandhom jeżerċitaw il-funzjonijiet ta’ ‘Aġenti li Jħallsu’.

Għandhom jitħallsu l-interessi fuq fondi depożitati ma’ l-Aġenti li Jħallsu fil-Komunità.

L-Aġenti li Jħallsu m’għandhom jircievu l-ebda kumpens għas-servizzi tagħhom u l-ebda interessi m’għandhom jitħallsu fuq il-fondi depożitati.”

(9)

L-Artikolu 10 huwa sostitwit b’dan li ġej:

“Artikolu 10

Regolamenti ġenerali għall-kuntratti

1.   Il-proċeduri li jirregolaw l-għotja ta’ kuntratti għandhom jiġu indikati fil-ftehimiet finanzjarji.

2.   Meta l-għajnuna finanzjarja tingħata permezz ta’ sostenn tal-baġit, il-proċeduri għall-akkwist pubbliku ta’ l-OCT in kwistjoni għandhom japplikaw.

3.   Fil-każijiet l-oħra kollha, l-għoti tal-kuntratt għandu jimxi fuq id-dispożizzjonijiet applikabbli tar-Regolament Finanzjarju applikabbli għall-għaxar EDF.”

(10)

L-Artikolu 13 huwa sostitwit b’dan li ġej:

“Artikolu 13

Id-delegazzjonijiet

1.   Meta l-Kummissjoni tkun rappreżentata minn Delegazzjoni taħt l-awtorità ta’ Kap tad-Delegazzjoni, hi għandha tinforma b’dan lill-OCT ikkonċernat. F’każijiet bħal dawn, id-dispożizzjonijiet tar-Regolament Finanzjarju applikabbli għall-għaxar EDF li jikkonċernaw l-uffiċjali awtorizzati u l-uffiċjali tal-kontijiet permezz ta’ subdelegazzjoni, għandhom japplikaw.

2.   Il-Kap tad-Delegazzjoni għandu jkun il-kuntatt prinċipali għall-atturi ta’ kooperazzjoni differenti fl-OCT ikkonċernat. Hu għandu jikkoopera u jaħdem fil-qrib ma’ l-Uffiċjal Territorjali Awtorizzat.

3.   Il-Kap tad-Delegazzjoni għandu jkollu l-istruzzjonijiet u l-poteri delegati meħtieġa biex jiffaċilita u jħaffef l-operazzjonijiet kollha taħt dan ir-Regolament.

4.   Fuq bażi regolari, il-Kap tad-Delegazzjoni għandu jinforma lill-awtoritajiet ta’ l-OCT dwar l-attivitajiet tal-Komunità li jistgħu jikkonċernaw direttament il-kooperazzjoni bejn il-Komunità u l-OCT ikkonċernata.”

(11)

L-Artikolu 14 huwa sostitwit b’dan li ġej:

“Artikolu 14

L-Uffiċjal Territorjali Awtorizzat

1.   Il-Gvern ta’ kull OCT għandu jaħtar Uffiċjal Territorjali Awtorizzat biex jirrapreżentah fl-operazzjonijiet kollha finanzjati mir-riżorsi ta’ l-EDF amministrati mill-Kummissjoni u mill-Bank. L-Uffiċjal Territorjali Awtorizzat għandu jaħtar deputat Uffiċjal Territorjali Awtorizzat, wieħed jew aktar, biex jissostitwuh meta ma jkunx jista’ jwettaq id-doveri tiegħu u għandu jinforma lill-Kummissjoni b’din il-ħatra. Kull fejn jiġu sodisfatti l-kundizzjonijiet dwar il-ħiliet istituzzjonali u t-tmexxija finanzjarja xierqa, l-Uffiċjal Territorjali Awtorizzat jista’ jiddelega l-funzjonijiet tiegħu għall-implimentazzjoni tal-programmi u tal-proġetti kkonċernati lill-korp responsabbli fi ħdan l-amministrazzjoni ta’ l-OCT. L-Uffiċjal Territorjali Awtorizzat għandu jinforma lill-Kummissjoni b’kull delega bħal din.

Meta l-Kummissjoni ssir taf bi problemi fit-twettiq ta’ proċeduri relatati ma’ l-amministrazzjoni ta’ riżorsi ta’ l-EDF, għandha, flimkien ma’ l-Uffiċjal Territorjali Awtorizzat, tagħmel il-kuntatti kollha meħtieġa biex tirrimedja s-sitwazzjoni u tieħu l-passi kollha li jkunu xierqa.

L-Uffiċjal Territorjali Awtorizzat għandu jieħu r-responsabbiltà finanzjarja għall-kompiti eżekuttivi fdati f’idejh biss.

Meta riżorsi ta’ l-EDF jiġu amministrati b’mod deċentralizzat u bla ħsara għal kwalunkwe poteri addizzjonali li jistgħu jingħataw mill-Kummissjoni, l-Uffiċjal Territorjali Awtorizzat għandu:

2.   L-Uffiċjal Territorjali Awtorizzat għandu, waqt l-eżekuzzjoni ta’ l-operazzjonijiet u bla ħsara għar-rekwiżit li jinforma lill-Kummissjoni, jiddeċiedi dwar:

3.   Barra dan l-Uffiċjal Territorjali Awtorizzat għandu:

4.   Meta r-rapport annwali ta’ implimentazzjoni msemmi fl-Artikolu 21 jiġi preżentat, il-Kummissjoni u l-Uffiċjal Territorjali Awtorizzat għandhom jirrevedu r-riżultati prinċipali tas-sena preċedenti.

Wara din ir-revizjoni, il-Kummissjoni tista’ tgħaddi kummenti lill-Uffiċjal Territorjali Awtorizzat. L-Uffiċjal Territorjali Awtorizzat għandu jinforma lill-Kummissjoni bi kwalunkwe azzjoni meħuda dwar dawn il-kummenti. Meta, f’każijiet li jkunu sostanzjati kif jixraq, il-Kummissjoni tikkonsidra li l-miżuri meħuda ma jkunux xierqa, tista’ tagħmel rakkomandazzjonijiet lill-OCT u lill-Uffiċjal Territorjali Awtorizzat għal aġġustamenti mmirati biex itejjbu l-effikaċja ta’ l-arranġamenti ta’ monitoraġġ jew ta’ tmexxija, flimkien mar-raġunijiet għal rakkomandazzjonijiet bħal dawn.

Malli jirċievi rakkomandazzjonijiet bħal dawn, l-Uffiċjal Territorjali Awtorizzat għandu sussegwentement juri l-passi li jkunu ttieħdu biex jittejjbu l-arranġamenti ta’ monitoraġġ jew ta’ tmexxija jew għandu jispjega għaliex ma jkunux ittieħdu dawk il-passi.”

(12)

L-Artikolu 22 huwa sostitwit b’dan li ġej:

“Artikolu 22

Ir-reviżjoni ta’ nofs it-terminu

1.   Ir-reviżjoni ta’ nofs it-terminu għandha tiġi organizzata biex jiġu eżaminati r-riżultati inizjali ta’ l-SPD, ir-rilevanza tagħhom u sa liema punt intlaħqu l-miri.

Din għandha wkoll tevalwa l-użu li jkun sar mir-riżorsi finanzjarji u l-operazzjoni ta’ monitoraġġ u ta’ implimentazzjoni.

2.   Ir-reviżjoni ta’ nofs it-terminiu għandha titwettaq taħt ir-responsabbiltà tal-Kummissjoni, b’kooperazzjoni ma’ l-Uffiċjal Territorjali Awtorizzat u l-Istat Membru kkonċernat.

Ir-reviżjoni ta’ nofs it-terminu għandha titwettaq ġeneralment bejn 30 u 42 xahar wara d-dħul fs-seħħ tal-Ftehim Intern li jistabbilixxi l-għaxar EDF.

Jista’ jiġi stabbilit terminu differenti fl-SPD, b’mod partikolari fir-rigward ta’ l-indikaturi adottati fil-każ ta’ sostenn tal-baġit.

Ir-reviżjoni ta’ nofs it-terminu għandha titwettaq minn assessur indipendenti, tiġi preżentata lill-Kumitat ta’ Monitoraġġ u mbagħad tintbagħat lill-Kummissjoni.

3.   Il-Kummissjoni għandha teżamina r-rilevanza u l-kwalità tar-revizjoni fuq il-bażi ta’ kriterji definiti fl-SPD, inkluż fir-rigward ta’ l-allokazzjoni finanzjarja ta’ l-EDF.”

(13)

L-Artikolu 27 huwa sostitwit b’dan li ġej:

“Artikolu 27

L-adattament ta’ l-allokazzjonijiet ta’ l-EDF

Waqt li tuża r-riżultati tal-monitoraġġ, tal-verifika u ta’ l-evalwazzjonijiet bħala bażi u waqt li tqis il-kummenti tal-Kumitat ta’ Monitoraġġ, il-Kummissjoni tista’ taġġusta l-ammonti u l-kundizzjonijiet ta’ l-SPD inizjali fuq inizjattiva tagħha stess jew fuq proposta mill-OCT ikkonċernat, fid-dawl tal-ħtiġijiet u tal-prestazzjoni attwali ta’ dak l-OCT u waqt li tqis sewwa l-aħħar data ta’ l-istatistika disponibbli dwar dak l-OCT.

Dan l-adattament normalment għandu jsir fl-okkażjoni tar-reviżjoni ta’ nofs it-terminu msemmija fl-Artikolu 22 jew, fil-każ ta’ irregolaritajiet, fl-iqsar żmien possibbli, skond il-proċedura stabbilita fl-Artikolu 24 tad-Deċiżjoni ta’ Assoċjazzjoni Barranija.”

(14)

L-Artikolu 29 huwa sostitwit b’dan li ġej:

“Artikolu 29

Irkupru u ħlasijiet lura

1.   Kwalunkwe ħlas lura dovut lill-Kummissjoni għandu jsir sad-data ta’ l-għeluq indikata fl-ordni ta’ l-irkupru mħejjija skond ir-Regolament Finanzjarju applikabbli għall-għaxar EDF. Din id-data ta’ l-għeluq għandha tkun l-aħħar ġurnata tat-tieni xahar li jiġi wara l-ħruġ ta’ l-ordni.

2.   Kwalunkwe dewmien fil-ħlas lura għandu jagħti lok għal interessi minħabba ħlas tard, li jibdew jgħaddu mid-data ta’ l-għeluq imsemmija fil-paragrafu 1 sad-data meta attwalment isir il-ħlas. Ir-rata ta’ tali interessi għandha tkun punt perċentwali u nofs aktar mir-rata applikata mill-Bank Ċentrali Ewropew, fl-operazzjonijiet prinċipali tiegħu ta’ rifinanzjament, fl-ewwel jum ta’ xogħol tax-xahar li fih taħbat id-data ta’ l-għeluq.

3.   L-Uffiċjal Territorjali Awtorizzat għandu jżomm kont ta’ l-ammonti li jistgħu jiġu rkuprati mill-ħlasijiet ta’ assistenza Komunitarja li jkunu diġa saru, u jiżgura li l-ammonti jiġu rkuprati mingħajr dewmien mhux ġustifikat.

Il-benefiċjarju għandu jħallas lura kwalunkwe ammont li għandu jiġi rkuprat, flimkien ma’ l-interessi riċevuti minħabba l-ħlas tard, billi jnaqqas l-ammonti kkonċernati mill-prospett ta’ l-infiq tiegħu u talba għall-ħlas lill-Kummissjoni li jkun imiss, jew, fejn dan ma jkunx biżżejjed, permezz ta’ rifużjoni lill-Komunità.

L-Uffiċjal Territorjali Awtorizzat għandu jibgħat prospett lill-Kummissjoni darba kull sena ta’ l-ammonti li jkunu għad iridu jiġu rkuprati f’dik id-data, klassifikati skond is-sena li fiha nbdew il-proċeduri ta’ l-irkupru.”

(15)

L-Anness huwa sostitwit b’Anness ġdid, li t-test tiegħu jinsab fl-Anness ta’ dan ir-Regolament.

5.12.2007   

MT

Il-Ġurnal Uffiċjali ta’ l-Unjoni Ewropea

L 317/55

(1)

Ir-Regolament tal-Kunsill (KE) Nru 41/2007 tal-21 ta' Diċembru 2006 li jistabbilixxi għall-2007 l-opportunitajiet ta' sajd u l-kundizzjonijiet assoċjati magħhom għal ċerti ħażniet (stokkijiet) ta' ħut u gruppi ta' ħażniet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2007.

(2)

Skond l-informazzjoni li rċeviet il-Kummissjoni, il-qabdiet ta' l-istokk imsemmi fl-Anness għal dan ir-Regolament mill-bastimenti li jtajru l-bandiera ta' l-Istat Membru msemmi hemmhekk, jew li huma rreġistrati fih, eżawrew il-kwota allokata għall-2007.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trażbord u l-ħatt tiegħu l-art, jiġu pprojbiti,

5.12.2007   

MT

Il-Ġurnal Uffiċjali ta’ l-Unjoni Ewropea

L 317/57

(1)

Ir-Regolament tal-Kunsill (KE) Nru 41/2007 tal-21 ta’ Diċembru 2006 li jistabbilixxi għall-2007 l-opportunitajiet ta' sajd u l-kundizzjonijiet assoċjati magħhom għal ċerti ħażniet (stokkijiet) ta' ħut u gruppi ta' ħażniet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2007.

(2)

Skond l-informazzjoni li rċeviet il-Kummissjoni, il-qabdiet ta' l-istokk imsemmi fl-Anness għal dan ir-Regolament mill-bastimenti li jtajru l-bandiera ta' l-Istat Membru msemmi hemmhekk, jew li huma rreġistrati fih, eżawrew il-kwota allokata għall-2007.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trażbord u l-ħatt tiegħu l-art, jiġu pprojbiti,

5.12.2007   

MT

Il-Ġurnal Uffiċjali ta’ l-Unjoni Ewropea

L 317/59

(1)

Ir-Regolament tal-Kunsill (KE) Nru 41/2007 tal-21 ta’ Diċembru 2006 li jistabbilixxi għall-2007 l-opportunitajiet ta' sajd u l-kundizzjonijiet assoċjati magħhom għal ċerti ħażniet (stokkijiet) ta' ħut u gruppi ta' ħażniet ta' ħut, applikabbli fl-ilmijiet tal-Komunità, u għal bastimenti Komunitarji, f'ilmijiet fejn huma meħtieġa limiti ta' qbid (3), jistabbilixxi l-kwoti għall-2007.

(2)

Skond l-informazzjoni li rċeviet il-Kummissjoni, il-qabdiet ta' l-istokk imsemmi fl-Anness għal dan ir-Regolament mill-bastimenti li jtajru l-bandiera ta' l-Istat Membru msemmi hemmhekk, jew li huma rreġistrati fih, eżawrew il-kwota allokata għall-2007.

(3)

Jeħtieġ għalhekk li s-sajd għal dak l-istokk kif ukoll iż-żamma tiegħu fuq il-bastimenti, it-trażbord u l-ħatt tiegħu l-art, jiġu pprojbiti,

5.12.2007   

MT

Il-Ġurnal Uffiċjali ta’ l-Unjoni Ewropea

L 317/61

(1)

L-Anness VII tar-Regolament (KE) Nru 999/2001 jistabblixxi miżuri ta’ eradikazzjoni li għandhom jiġu implimentati wara konferma ta' enċefalopatija sponġiformi li tinxtered (TSE) fl-annimali ovini u kaprini.

(2)

Fil-qafas tal-Komunikazzjoni mill-Kummissjoni dwar ir-Roadmap għat-TSE (2) tal-15 ta’ Lulju 2005, u f'konformità mal-programm ta’ ħidma tas-SANCO għall-2006/2007 dwar it-TSEs (3) tas-17 ta’ Lulju 2007, il-Kummissjoni adottat ir-Regolament (KE) Nru 727/2007 tas-26 ta’ Ġunju 2007 li jemenda l-Annessi I, III, VII u X tar-Regolament (KE) Nru 999/2001 tal-Parlament Ewropew u tal-Kunsill li jistipula regoli għall-prevenzjoni, il-kontroll u l-eradikazzjoni ta’ enċefalopatija sponġiformi li tinxtered. Ir-Regolament (KE) Nru 999/2001, hekk kif emendat, jistipula ċerti miżuri li għandhom jiġu applikati f’każ ta’ konferma ta' TSE fi stabbiliment ta' annimali ovini u kaprini u fejn il-preżenza ta' enċefalopatija sponġiformi bovina (BSE) tkun ġiet eliminata.

(3)

Billi l-istruttura tas-settur ta’ l-annimali ovini u kaprini huwa differenti ħafna madwar il-Komunità, ir-Regolament (KE) Nru 999/2001, kif emendat mir-Regolament (KE) Nru 727/2007, introduċa l-possibilità li jiġu applikati politiki alternattivi, sakemm jiġu stabbiliti regoli armonizzati fil-livell Komunitarju.

(4)

L-Anness VII tar-Regolament (KE) Nru 999/2001, qabel l-emendi li sarulu mir-Regolament (KE) Nru 727/2007, kien jipprovdi għal deroga fir-rigward tal-qerda ta' l-annimali ovini u kaprini wara l-konferma fi stabbiliment ta' każ ta' TSE f'dawn l-annimali. Skond dan, l-Istat Membru seta' jiddeċiedi li jipposponi l-qerda ta' l-annimali sa ħames snin ta' tgħammir f'ċerti kundizzjonijiet. Madankollu, dik id-deroga ma ġietx inkluża fl-Anness VII tar-Regolament (KE) Nru 999/2001, hekk kif emendata, għaliex ma kinitx għadha meħtieġa.

(5)

Fis-17 ta’ Lulju 2007, fil-Każ T-257/07, quddiem il-Qorti tal-Prim Istanza tal-Komunitajiet Ewropej, Franza ressqet azzjoni kontra l-Kummissjoni Ewropea fejn talbet l-annullament ta' ċerti dispożizzjonijiet tar-Regolament (KE) Nru 727/2007, partikolarment fir-rigward tal-miżuri li għandhom jiġu applikati lil merħliet milquta mit-TSE, jew inkella l-annullament sħiħ ta' dak ir-Regolament. Fl-Ordni tagħha tat-28 ta' Settembru 2007, bħala miżuri interim, il-Qorti ssospendiet l-applikazzjoni ta’ dawk id-dispożizzjonijiet sakemm tingħata sentenza finali.

(6)

Wara dik l-Ordni, l-Istati Membri ma għandhomx iktar il-possibilità li japplikaw il-miżuri sospiżi. Għalhekk, ċerti Stati Membri jistgħu jsibu diffikultà huma u jipproċedu bil-qerda immedjata ta’ l-annimali kkonċernati.

(7)

Għalhekk, jinħtieġ li terga’ tiġi introdotta d-deroga li kienet tapplika qabel l-emendi li saru lid-dispożizzjonijiet rilevanti ta’ l-Anness VII tar-Regolament (KE) Nru 999/2001, mir-Regolament (KE) Nru 727/2007, sabiex l-Istati Membri, fejn il-frekwenza ta’ l-ARR allele fir-razza jew l-istabbiliment tkun baxxa, jew fejn jitqies meħtieġ sabiex ma jkunx hemm tgħammir ta’ annimali ta’ l-istess demm, ikunu jistgħu jipposponu l-qerda ta’ l-annimali kkonċernati b’ħames snin ta’ tgħammir, mid-data ta’ dik l-Ordni.

(8)

Ir-Regolament (KE) Nru 999/2001 għandu għalhekk jiġi emendat skond dan.

(9)

Il-miżuri previsti f'dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

“(f)

Fejn il-frekwenza ta’ l-ARR allele f'razza jew stabbiliment tkun baxxa, jew fejn jitqies meħtieġ sabiex ma jkunx hemm tgħammir ta’ annimali ta’ l-istess demm, Stat Membru jista’ jiddeċiedi li jipposponi l-qerda ta’ l-annimali kif imsemmija fil-punti 2.3 (b)(i) u (ii) għal massimu ta’ ħames snin ta’ tgħammir.”

5.12.2007   

MT

Il-Ġurnal Uffiċjali ta’ l-Unjoni Ewropea

L 317/63

(1)

Fit-23 ta’ Ottubru 2006 il-Kunsill awtorizza lill-Kummissjoni, f’isem il-Komunità Ewropea u l-Istati Membri tagħha, biex tiftaħ negozjati ma’ l-Istat ta’ Iżrael bil-ħsieb li jsir aġġustament tal-Ftehim ta’ Assoċjazzjoni Ewro-Mediterranju bejn il-Komunità Ewropea u l-Istati Membri tagħha, fuq naħa, u l-Istat ta’ Iżrael, fuq in-naħa l-oħra (1), minn hawn ‘il quddiem imsejjaħ “il-Ftehim Ewro-Mediterranju”, biex titqies l-adeżjoni tar-Repubblika tal-Bulgarija u r-Rumanija ma’ l-Unjoni Ewropea.

(2)

Dawn in-negozjati ntemmu għas-sodisfazzjon tal-Kummissjoni.

(3)

It-test tal-Protokoll innegozjat ma’ l-Iżrael jipprevedi, fl-Artikolu 9(2), l-applikazzjoni proviżorja tal-Protokoll qabel id-dħul fis-seħħ tiegħu.

(4)

Il-Protokoll għandu jiġi ffirmat f’isem il-Komunità Ewropea u l-Istati Membri tagħha u applikat b’mod proviżorju soġġett għall-possibilità tal-konklużjoni tiegħu aktar tard,