29.6.2007   

MT

Il-Ġurnal Uffiċjali ta’ l-Unjoni Ewropea

L 169/1

(1)

Ir-Regolament tal-Kunsill (KEE) Nru 2658/87 (1) stabbilixxa nomenklatura għall-merkanzija, minn issa ’l quddiem imsejħa bħala “In-Nomenklatura Magħquda”, u ffissa r-rati ta’ taxxi konvenzjonali tat-Tariffa Doganali Komuni.

(2)

Bid-Deċiżjoni tiegħu 2007/444/KE tat-22 ta’ Frar 2007 dwar il-konklużjoni ta’ Ftehim bejn il-Komunità Ewropea u l-Gvern tal-Kanada rigward il-konklużjoni tan-Negozjati dwar l-Artikolu XXIV.6 tal-GATT (2), il-Kunsill approva, f’isem il-Komunità, il-Ftehim bl-iskop li jingħalqu n-negozjati li bdew skond l-Artikolu XXIV.6 tal-GATT 1994.

(3)

Ir-Regolament (KEE) Nru 2658/87 għandu għaldaqstant jiġi emendat u ssupplimentat kif xieraq,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/5

(1)

Għal operazzjonijiet ta’ intervent li għalihom ma ġiex stabbilit ammont ta’ unità mir-regoli ta’ organizzazzjoni tas-suq, ġew stabbiliti regoli ta’ finanzjament Komunitarji bażiċi mir-Regolament (KEE) Nru 1883/78 (2), b'mod partikolari dwar il-metodu ta’ stabbiliment ta’ l-ammonti li għandhom ikunu ffinanzjati, il-finanzjament tan-nefqa li tirriżulta mir-rabta tal-fondi meħtieġa għal xiri b'intervent, il-valutazzjoni ta’ ħażniet li għandhom jiġu trasferiti minn sena għal oħra u l-finanzjament tan-nefqa li tirriżulta mill-operazzjonijiet fiżiċi tal-ħażna.

(2)

L-Artikolu 5 tar-Regolament (KEE) Nru 1883/78 jipprevedi li t-taxxi imposti fuq l-imgħax li għandhom jitħallsu mill-Istati Membri fil-mobilizzazzjoni tal-fondi użati għax-xiri ta’ prodotti ta’ intervent pubbliku għandhom ikunu ffinanzjati mill-Komunità b'rata ta’ imgħax uniformi.

(3)

Jista' jidher li f'ċerti Stati Membri x-xiri ta’ prodotti agrikoli b'intervent pubbliku jista' jkun iffinanzjat biss b'rati ta’ imgħax li huma sostanzjalment ogħla mir-rata ta’ imgħax uniformi.

(4)

Meta, f'tali każijiet, il-medja tar-rati ta’ imgħax, matul it-tielet xahar wara l-perijodu ta’ referenza użat għall-istabbiliment tar-rata ta’ imgħax uniformi mill-Kummissjoni, hija aktar mid-doppju tar-rata ta’ imgħax uniformi għal Stat Membru partikolari, għandu jsir provvediment biex jiġi applikat mekkaniżmu ta’ korrezzjoni. Din il-medja tar-rata ta’ imgħax għandha madankollu titħallas mill-Istat Membru kkonċernat sabiex ikun imħeġġeġ li jsib il-metodu ta’ finanzjament l-anqas għali.

(5)

Ir-Regolament (KEE) Nru 1883/78 għandu għalhekk jiġi emendat kif meħtieġ.

(6)

Din l-emenda għar-regoli għandha titwettaq għas-snin finanzjarji 2007 u 2008 u għandha tapplika mill-bidu tas-sena ta’ kontabilità preżenti,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/6

(1)

Il-miżuri li jikkonċernaw l-organizzazzjoni komuni tas-suq taċ-ċereali, kif adottati taħt ir-Regolament (KE) Nru 1784/2003 (2), jinkludu fil-każ tas-suq intern sistema ta’ intervent, li l-għan prinċipali tagħha huwa li tistabbilizza s-swieq u tiżgura livell ġust ta’ l-għajxien għall-komunità agrikola f’dan is-settur.

(2)

L-applikazzjoni ta’ din is-sistema matul dawn l-aħħar sentejn tas-suq, 2004/2005 u 2005/2006, kellha l-effett li nħolqu ħażniet ta’ intervent sostanzjali ferm ta’ qamħ ir-rum li qed jirriżultaw partikolarment diffiċli sabiex jitneħħew fuq is-suq Komunitarju u dak internazzjonali, prinċipalment minħabba l-post fejn jinsabu. Barra minn hekk, il-qamħ ir-rum huwa ċereal li mhux faċli tippreservah u li aktar kemm idum maħżun, aktar isir diffiċli l-bejgħ tiegħu, minħabba l-bidla progressiva fil-kwalità tiegħu.

(3)

Matul l-2006 instab li, kif applikata s’issa, is-sistema ta’ intervent ma rnexxilhiex tikseb l-objettivi mixtieqa, prinċipalment fir-rigward tas-sitwazzjoni tal-produtturi tal-qamħ ir-rum f’ċerti reġjuni tal-Komunità. Fil-fatt, f’dawk ir-reġjuni din is-sistema saret alternattiva għat-tneħħija diretta ta’ prodotti fuq is-suq, minkejja l-fatt li l-prezz fil-fatt riċevut minn dawn il-produtturi għall-qamħ ir-rum maħsud ta’ spiss kien aktar baxx mill-prezz ta’ intervent.

(4)

Taħt dawn il-kundizzjonijiet irriżulta invalidu r-rwol prekawzjonarju ta’ mezz ta’ rikors li għalih ġiet stabbilita s-sistema ta’ intervent fir-rigward tal-qamħ ir-rum, u konsegwentement ġiet ostakolata l-orjentazzjoni tal-produzzjoni lejn il-ħtiġijiet tas-suq.

(5)

Iż-żamma tas-sistema ta’ intervent f’dan l-istat tinvolvi saħansitra r-riskju li jiżdiedu aktar il-ħażniet ta’ intervent tal-qamħ ir-rum mingħajr ma jkun hemm l-ebda benefiċċju għall-produtturi kkonċernati.

(6)

Għalhekk jeħtieġ li jiġu adottati miżuri adatti sabiex ikun garantit il-funzjonament tajjeb tas-suq Komunitarju taċ-ċereali. Għal dan il-għan jidher li l-aktar miżura adatta hija li jiġu ffissati limiti tal-kwantitajiet eliġibbli għall-intervent għall-qamħ ir-rum għal kwantità globali massima għall-Komunità, iffissata rispettivament għal 1 500 000 tunnellata metrika u 700 000 tunnellata metrika għas-snin tas-suq 2007/2008 u 2008/2009 u li jsir tnaqqis ta’ din il-kwantità għal 0 mis-sena tas-suq 2009/2010, b’kont meħud tal-fatti kunsidrati hawn fuq u ta’ l-opportunitajiet ta’ bejgħ disponibbli għall-produtturi fis-suq intern u fis-suq internazzjonali.

(7)

Huwa meħtieġ konsegwentement li r-Regolament (KE) Nru 1784/2003 jiġi emendat,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/8

(1)

Fl-applikazzjoni tal-konklużjonijiet tan-negozjati kummerċjali multilaterali tal-Laqgħa ta' l-Urugwaj, il-Regolament (KE) Nru 3223/94 jistipula l-kriterji għall-istabbiliment mill-Kummissjoni tal-valuri fissi ta' l-importazzjoni minn pajjiżi terzi, għall-prodotti u għall-perjodi msemmijin fl-Anness tiegħu.

(2)

Fl-applikazzjoni tal-kriterji msemmija hawn fuq, il-valuri fissi ta' l-importazzjoni għandhom ikunu ffissati fil-livelli msemmija fl-Anness ta' dan ir-Regolament,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/10

(1)

Id-Direttiva 91/414/KEE tipprovdi li fuq talba, l-inklużjoni ta’ sustanza tista’ tiġġedded darba, jew aktar, għal perjodu li ma jaqbiżx l-10 snin.

(2)

Il-Kummissjoni irċiviet talba minn ċerti produtturi li talbu għat-tiġdid tas-7 sustanzi attivi li tniżżlu l-ewwel fl-Anness I tad-Direttiva 91/414/KEE.

(3)

Għandha tiġi prevista proċedura li biha l-produtturi interessati kollha jkollhom id-dritt li jinfurmaw lill-Kummissjoni bl-interess tagħhom li jiżguraw l-inklużjoni ta’ sustanza attiva fl-Anness I tad-Direttiva 91/414/KEE.

(4)

Il-produtturi li jixtiequ jiżguraw it-tiġdid ta’ inklużjoni għal sustanza attiva koperta minn dan ir-Regolament għandhom ikunu meħtieġa li jinnotifikaw l-Istat Membru rapporteur rilevanti.

(5)

L-ismijiet u l-indirizzi tal-produtturi li n-notifika tagħhom instabet li hija aċċettabbli għandhom jiġu ppubblikati mill-Kummissjoni sabiex jiġi żgurat li jkunu jistgħu jiġu kkuntattjati għall-preżentazzjoni ta’ dossiers konġunti.

(6)

Ir-relazzjoni bejn il-produtturi, l-Istati Membri, l-Awtorità Ewropea dwar is-Sikurezza ta’ l-Ikel, minn hawn ‘il quddiem l-“Awtorità”, u l-Kummissjoni u l-obbligazzjoni ta’ kull wieħed mill-partijiet għall-implimentazzjoni tal-proċedura għandhom jiġu stipulati.

(7)

Tagħrif tekniku jew xjentifiku dwar sustanza attiva, b’mod partikolari fir-rigward ta’ l-effetti potenzjalment perikolużi tagħha jew ir-residwi tagħha, sottomess fi ħdan il-limiti ta’ żmien rilevanti minn xi partijiet oħrajn interessati għandu jitqies fil-valutazzjonijiet.

(8)

It-tagħrif sottomess għandu jinkludi data ġdida rilevanti għas-sustanza attiva u valutazzjoni tar-riskju ġdida sabiex tirrifletti kwalunkwe tibdiliet fir-rekwiżiti tad-data taħt l-Annessi II u III tad-Direttiva 91/414/KEE, u kwalunkwe tibdiliet fl-għarfien xjentifiku jew tekniku sa minn meta s-sustanza attiva ġiet inkluża għall-ewwel darba fl-Anness I tad-Direttiva 91/414/KEE, kif rifless fid-dokumenti ta’ gwida mis-servizzi tal-Kummissjoni u opinjonijiet rilevanti mill-Kumitat Xjentifiku dwar il-Pjanti (SCP – Scientific Committee on Plants) jew l-Awtorità. Il-firxa ta’ użi sottomessa għandha tirrifletti l-metodu ta’ użu rappreżentattiv. Il-produttur għandu juri, fuq il-bażi tad-data sottomessa, li r-rekwiżiti għad-Direttiva 91/414/KEE fir-rigward tal-kriterji msemmija fl-Artikolu 5 tagħha jistgħu jintlaħqu għal preparazzjoni waħda jew aktar.

(9)

Għandu jiġi stabbilit li l-Istati Membri rapporteur għandhom jibagħtu rapporti tal-valutazzjonijiet tagħhom lill-Awtorità u lill-Kummissjoni malajr kemm jista’ jkun.

(10)

Ir-rapporti ta’ valutazzjoni mħejjija mill-Istati Membri rapporteur jistgħu, fejn meħtieġ, ikunu soġġetti għal eżaminazzjoni minn esperti ta’ Stati Membri oħrajn fi ħdan programm ikkoordinat mill-Awtorità qabel ma dawn jintbagħtu lill-Kumitat Permanenti dwar il-Katina Alimentari u s-Saħħa ta’ l-Annimali.

(11)

Ir-regoli dwar il-ħarsien tad-data skond l-Artikolu 13 tad-Direttiva 91/414/KEE huma maħsuba sabiex jipprovdu inċentiv għan-notifikanti sabiex jiġbru l-istudji ddettaljati meħtieġa skond l-Annessi II u III ta’ dik id-Direttiva. Madankollu, il-ħarsien tad-data ma għandhiex tiġi estiża b’mod artifiċjali bil-produzzjoni ta’ studji ġodda li mhumiex meħtieġa għal deċiżjoni dwar it-tiġdid ta’ sustanza attiva. Għal dan il-għan, in-notifikanti għandhom jintalbu jidentifikaw b’mod espliċitu liema studji huma ġodda meta mqabbla mad-dossier oriġinali użat għall-ewwel inklużjoni tas-sustanza fl-Anness I tad-Direttiva 91/414/KEE.

(12)

Il-miżuri previsti f’dan ir-Regolament huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

(a)

‘produttur’ tfisser il-persuna li waħidha timmanifattura s-sustanza attiva jew il-persuna li tgħaddi l-kuntratt għall-manifattura lil parti oħra jew lil persuna magħżula mill-manifattur bħala r-rappreżentant waħdieni tiegħu għall-għanijiet ta’ konformità ma’ dan ir-Regolament.

(b)

‘Kumitat’ tfisser il-Kumitat Permanenti dwar il-Katina Alimentari u s-Saħħa ta’ l-Annimali, imsemmi fl-Artikolu 19 tad-Direttiva 91/414/KEE.

(ċ)

‘Notifikant’ għandha t-tifsira mogħtija mill-Artikolu 4(1) ta’ dan ir-Regolament.

(d)

‘Dossier oriġinali’, fir-rigward ta’ sustanza attiva, tfisser id-dossier li fuq il-bażi tiegħu ġiet miżjuda s-sustanza attiva fl-Anness I tad-Direttiva 91/414/KEE.

(a)

kopja tan-notifika u, fil-każ ta’ notifika konġunta skond l-Artikolu 4(2), l-isem tal-persuna magħżula mill-produtturi kkonċernati bħala r-responsabbli għad-dossier konġunt u għall-ipproċessar tad-dossier skond dan ir-Regolament;

(b)

kwalunkwe data ġdida mqabbla mad-dossier oriġinali tas-sustanza attiva u kwalunkwe valutazzjonijiet tar-riskju ġodda sabiex jirriflettu tibdiliet fir-rekwiżiti tad-data skond l-Annessi II u III tad-Direttiva 91/414/KEE, jew kwalunkwe tibdiliet fl-għarfien xjentifiku u tekniku sa minn meta s-sustanza attiva kkonċernata ġiet inkluża għall-ewwel darba fl-Anness I tad-Direttiva 91/414/KEE;

(ċ)

lista ta’ kontroll li turi li d-dossier huwa komplut, li tindika li d-data hija ġdida.

(a)

abbozz ta’ direttiva sabiex tiġġedded l-inklużjoni tas-sustanza attiva kkonċernata fl-Anness I tad-Direttiva 91/414/KEE, li tistipula, fejn xieraq, il-kundizzjonijiet u r-restrizzjonijiet, inkluż il-perjodu, għal tali inklużjoni; jew

(b)

abbozz ta’ deċiżjoni indirizzata lill-Istati Membri sabiex jirtiraw l-awtorizzazzjonijiet ta’ prodotti għall-ħarsien tal-pjanti li fihom is-sustanza attiva kkonċernata, li permezz tiegħu l-inklużjoni ta’ dik is-sustanza attiva fl-Anness I tad-Direttiva 91/414/KEE ma tiġġeddidx, filwaqt li jistabbilixxi r-raġunijiet għall-ebda inklużjoni.

(a)

jeħtieġu l-ħlas ta’ miżata li tikkorrispondi kemm jista’ jkun possibbli ma’ l-ispejjeż tagħhom fit-twettiq tal-proċeduri differenti kollha assoċjati mal-valutazzjoni għal kull sottomissjoni ta’ dossier, kemm jekk introdott minn notifikant wieħed jew kollettivament minn bosta notifikanti interessati.

(b)

jiżguraw li l-ammont tal-miżata huwa stabbilit b’manjiera trasparenti sabiex jikkorrispondi ma’ l-ispiża reali ta’ l-eżaminazzjoni u t-trattament amministrattiv ta’ notifika u ta’ dossier; madankollu, l-Istati Membri jistgħu jipprevedu skala ta’ ħlasijiet fissi msejsa fuq l-ispejjeż medja għall-kalkolu tal-miżata totali.

(ċ)

jiżguraw li l-miżata hija riċevuta skond l-istruzzjonijiet mogħtija mill-awtorità f’kull Stat Membru elenkat fl-Anness II u li d-dħul mill-miżata huwa użat għall-iffinanzjar esklussiv ta’ l-ispejjeż mġarrba mill-Istat Membru rapporteur u mill-Istat Membru ko-rapporteur għall-valutazzjoni u t-trattament amministrattiv tan-notifiki u d-dossiers li għalihom dak l-Istat Membru huwa rapporteur jew ko-rapporteur jew sabiex jiffinanzja l-azzjonijiet ġenerali għall-implimentazzjoni ta’ l-obbligi tiegħu bħala Stat Membru rapporteur jew Stat Membru ko-rapporteur.

29.6.2007   

MT

Il-Ġurnal Uffiċjali ta’ l-Unjoni Ewropea

L 169/19

(1)

L-Artikolu 12 tar-Regolament tal-Kummissjoni (KE) Nru 950/2006 tat-28 ta’ Ġunju 2006 li jistabbilixxi regoli ddettaljati ta’ applikazzjoni għas-snin tas-suq 2006/2007, 2007/2008 u 2008/2009 għall-importazzjoni u l-irfinar tal-prodotti taz-zokkor skond ċerti kwoti tariffarji u ftehimiet preferenzjali (2) jipprovdi għal regoli ddettaljati għall-iffissar ta’ l-obbligi tal-kunsinna bħala mingħajr dazju għal prodotti li jaqgħu taħt il-kodiċi NM 1701, espressi f’ekwivalenti ta’ zokkor abjad, għall-importazzjonijiet li joriġinaw f’pajjiżi li huma firmatarji għall-Protokoll ta’ l-AKP u l-Ftehim ma’ l-Indja.

(2)

Dawn il-kwantitajiet ġew stabbiliti, għall-perjodu ta’ kunsinna 2006/2007, bir-Regolament tal-Kummissjoni (KE) Nru 81/2007 tad-29 ta’ Jannar 2007 li jistabbilixxi l-obbligi tal-kunsinna għaz-zokkor tal-kannamieli li għandu jiġi importat taħt il-Protokoll ta’ l-AKP u l-Ftehim ma’ l-Indja għall-perjodu ta’ kunsinna 2006/2007 (3).

(3)

L-Artikolu 7(1) u (2) tal-Protokoll ta’ l-AKP jistabbilixxi r-regoli għal dawk il-każijiet fejn l-Istat ta’ l-AKP jonqos milli jikkunsinna l-kwantità miftiehma.

(4)

L-awtoritajiet kompetenti tal-Kongo, tal-Côte d’Ivoire, tal-Kenja, tal-Madagaskar u tat-Trinidad u t-Tobago infurmaw lill-Kummissjoni li ma setgħux jikkonsenjaw il-kwantitajiet miftiehma tagħhom bis-sħiħ u li ma jixtiqux ikollhom perjodu żejjed għall-kunsinna.

(5)

Għaldaqstant, wara konsultazzjoni ma’ l-Istati AKP ikkonċernati, għandha ssir allokazzjoni mill-ġdid ta’ dak li kien jonqos jiġi kkunsinnat waqt il-perjodu tal-kunsinna 2006/2007.

(6)

Ir-Regolament (KE) Nru 81/2007 għandu għalhekk jiġi rrevokat, u l-obbligi tal-kunsinna għall-perjodu ta’ kunsinna 2006/2007 għandu jiġi addattat skond l-Artikolu 12(1) u (2)(c) tar-Regolament (KE) No 950/2006.

(7)

Il-paragrafu 2 ta’ l-Artikolu 14 tar-Regolament (KE) Nru 950/2006 jistipula li l-paragrafu 1 ta’ dan l-Artikolu ma japplikax għal kwantità allokata skond l-Artikolu 7(1) jew (2) tal-Protokoll ta’ l-AKP. Il-kwantità allokata mill-ġdid skond dan ir-Regolament għandha għalhekk tiġi importata qabel it-30 ta’ Ġunju 2007. Madankollu, minħabba li d-deċiżjoni dwar din l-allokazzjoni ttieħdet tard, u meta jitqies iż-żmien li jrid jitħalla għall-applikazzjoni tal-liċenzji ta’ importazzjoni, sejjer ikun impossibbli li din l-iskadenza tiġi rrispettata. Għalhekk l-Artikolu 14(1) tar-Regolament (KE) Nru 950/2006 għandu japplika wkoll għall-kwantità allokata mill-ġdid skond dan ir-Regolament.

(8)

Il-miżuri stipulati f’dan ir-Regolament huma f’konformità ma’ l-opinjoni tal-Kumitat ta’ Ġestjoni għaz-Zokkor,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/22

(1)

Skond l-Artikolu 1(2) tar-Regolament (KE) Nru 318/2006, is-sena tas-suq għall-prodotti fis-settur taz-zokkor hija għall-perjodu mill-1 ta' Ottubru sat-30 ta' Settembru. Madanakollu, is-sena tas-suq 2006/2007 tibda fl-1 ta' Lulju 2006 u tispiċċa fit-30 ta' Settembru 2007. B'hekk tinfirex fuq 15-il xahar, u mhux fuq 12-il xahar bħal sena normali.

(2)

Fid-dawl tal-perjodu tas-sena tas-suq 2006/2007, l-Artikolu 9(2) tar-Regolament tal-Kummissjoni (KE) Nru 493/2006 (2) jistabbilixxi kwota tranżitorja għall-isoglukożju, biex tiġi assigurata allokazzjoni li tikkorrispondi ma' dik tas-sena tas-suq preċedenti.

(3)

Ċerti Stati Membri jallokaw xi kwoti taz-zokkor lill-impriżi li huma speċjalizzati fil-produzzjoni taz-zokkor permezz ta' l-estrazzjoni mill-karamelli. Il-produzzjoni hija regolari matul il-perjodu kollu tas-sena tas-suq, bħal fil-każ ta' l-isoglukożju. Madanakollu, il-kwantità allokata għas-sena tas-suq 2006/2007 hija, skond l-Artikolu 7(2) tar-Regolment (KE) Nru 318/2006, ugwali għall-kwantità allokata għas-sena tas-suq 2005/2006. Għall-finijiet ta' ekwità fost il-produtturi ta' l-isoglukożju, jeħtieġ li tiġi attribwita kwota tranżitorja lil dawn l-impriżi, b'qies għall-perjodu tas-sena tas-suq 2006/2007.

(4)

Għaldaqstant, jeħtieġ li r-Regolament (KE) Nru 493/2006 jiġi emendat.

(5)

Il-miżuri stipulati f’dan ir-Regolament huma konformi ma’ l-opinjoni tal-Kumitat għall-Ġestjoni taz-Zokkor,

(1)

għandu jiddaħħal il-paragrafu 3a, li ġej:

“3a.   Għas-sena tas-suq 2006/2007, l-Istati Membri għandhom jallokaw lil kull impriża intitolata għal kwota ta' zokkor skond l-Artikolu 7(2) tar-Regolament (KE) Nru 318/2006 u li użaw din il-kwota esklussivament għall-produzzjoni taz-zokkor permezz ta' l-estrazzjoni mill-karamelli, kwota tranżitorja ugwali għal 25 % ta' l-imsemmija kwota. Din il-kwota tranżitorja ma tistax tintuża ħlief għall-produzzjoni taz-zokkor permezz ta' l-estrazzjoni mill-karamelli.”

(2)

fil-paragrafu 4, it-termini introduttivi għandhom jiġu sostitwiti bit-test li ġej:

“Il-kwoti tranżitorji stipulati fil-paragrafi 1, 2, 3, u 3a:”

(3)

il-paragrafu 6 għandu jiġi sostitwit bil-paragrafi 6 u 7 li ġejjin:

“6.   L-Istati Membri għandhom jikkomunikaw lill-Kummissjoni:

7.   L-Istati Membri għandhom jistabbilixxu sistema ta' kontroll u jieħdu dawk il-miżuri kollha meħtieġa għall-verifika tal-produzzjoni tal-prodotti stipulati fil-paragrafi 1, 2, 3 u 3a, b'mod partikolari għandhom jassiguraw li l-produzzjoni taz-zokkor tikkorrispondi maz-zokkor tal-pitravi miżrugħa qabel l-1 ta' Jannar 2006.

Għandhom jikkomunikaw lill-Kummissjoni, qabel il-31 ta' Diċembru 2007, il-miżuri ta' kontroll adottati u r-riżultati tagħhom.”

29.6.2007   

MT

Il-Ġurnal Uffiċjali ta’ l-Unjoni Ewropea

L 169/24

(1)

Ir-Regolament tal-Kummissjoni (KE) Nru 1994/2006 (2) jipprovdi għall-ftuħ ta’ kwoti tariffarji Komunitarji għan-ngħaġ, għall-mogħoż, għal-laħam tan-ngħaġ u għal-laħam tal-mogħoż, għall-perjodu mill-1 ta’ Jannar sal-31 ta’ Diċembru 2007.

(2)

Il-Ftehim fil-forma ta’ Skambju ta’ Ittri bejn il-Komunità Ewropea u r-Repubblika ta’ l-Iżlanda dwar preferenzi kummerċjali addizzjonali fi prodotti agrikoli li sar abbażi ta’ l-Artikolu 19 tal-Ftehim dwar iż-Żona Ekonomika Ewropea (3), kif approvat bid-Deċiżjoni tal-Kunsill 2007/138/KE (4), jipprovdi għall-għoti ta’ kwota tariffarja annwali addizzjonali ta’ 500 tunnellata (f’piż tal-karkassa) ta’ laħam tan-ngħaġ frisk, imkessaħ, iffrizat jew affumikat għall-Iżlanda. Madankollu, peress li l-Ftehim japplika mill-1 ta’ Marzu 2007, jeħtieġ li l-kwantità annwali għall-2007 tiġi emendata kif meħtieġ.

(3)

Il-Ftehim jippreċiża li l-kwota tariffarja għandha tiftaħ mill-1 ta’ Lulju, abbażi ta’ 9 xhur għall-2007. Għaldaqstant, dan ir-Regolament għandu jibda japplika mill-1 ta’ Lulju 2007.

(4)

Ir-Regolament (KE) Nru 1994/2006 għandu jiġi emendat skond dan.

(5)

Il-miżuri pprovduti f’dan ir-Regolament huma skond l-opinjoni tal-Kumitat għall-Ġestjoni tal-laħam tan-ngħaġ u l-laħam tal-mogħoż,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/27

(1)

L-Artikolu 31(1) tar-Regolament (KE) Nru 1255/1999 jipprovdi li d-differenza bejn prezzijiet fin-negozju internazzjonali għall-prodotti mniżżlin fl-Artikolu 1(a), (b), (ċ), (d), (e), u (g) ta’ dak ir-Regolament u prezzijiet fi ħdan il-Komunità jistgħu jiġu koperti b’rifużjoni ta’ esportazzjoni.

(2)

Ir-Regolament tal-Kummissjoni (KE) Nru 1043/2005 tat-30 Ġunju 2005 li jimplimenta r-Regolament tal-Kunsill (KE) Nru 3448/93 dwar is-sistema ta’ l-għoti tar-rifużjonijiet ta’ esportazzjoni fuq ċerti prodotti agrikoli bħala merkanzija mhux koperta mill-Anness I tat-Trattat, u l-kriterji għall-istipular ta’ ammonti ta’ rifużjonijiet (2) bħal dawn, tispeċifika l-prodotti li għalihom ir-rata ta’ rifużjoni għandha tiġi stabbilita, li tapplika fejn dawn il-prodotti huma esportati bħala merkanzija mniżżla fl-Anness II tar-Regolament (KE) Nru 1255/1999.

(3)

Skond l-ewwel paragrafu ta’ l-Artikolu 14 tar-Regolament (KE) Nru 1043/2005, ir-rata ta’ rifużjoni għal kull 100 kilogramma għal kull prodott bażiku msemmi hawnhekk għandha tiġi stipulata kull xahar.

(4)

Minkejja dan, fil-każ ta’ ċerti prodotti tal-ħalib esportati bħala merkanzija mhux koperta mill-Anness I tat-Trattat, hemm periklu li, jekk rati ta’ rifużjoni għolja jkunu stabbiliti minn qabel, l-impenji li ġew meħuda minħabba dawn ir-rifużjonijiet jistgħu jidħlu fil-periklu li ma jitwettqux. Sabiex jiġi evitat dan il-periklu, huwa għalhekk importanti li jittieħdu miżuri ta’ prekawzjoni xierqa, però mingħajr ma jiġi konkluż minn qabel l-ebda kuntratt għal żmien twil. L-istipular ta’ rati ta’ rifużjoni speċifiċi għall-istipular ta’ rifużjonijiet bil-quddiem għal dawk il-prodotti, għandu jwassal għat-twettiq ta’ dawn iż-żewġ għanjiet.

(5)

L-Artikolu 15(2) tar-Regolament (KE) Nru 1043/2005 jipprovdi li, meta r-rata tar-rifużjoni qiegħda tiġi stipulata, għandha tiġi kkunsidrata, fejn xieraq, il-produzzjoni ta’ rifużjonijiet, għajnuniet jew miżuri oħra li jkollhom effett ekwivalenti applikabbli f'kull Stat Membru bi qbil mar-Regolament fuq l-organizzazzjoni komuni tas-suq tal-prodott imsemmi għall-prodotti bażiċi mniżżlin fl-Anness A tar-Regolament (KE) Nru 1043/2005 jew ta’ prodotti assimilati.

(6)

L-Artikolu 12(1) tar-Regolament (KE) Nru 1255/1999 jipprovdi għall-ħlas ta’ l-għajnuna għall-ħalib xkumat magħmul fil-Komunità li hu pproċessat f’kaseina jekk ħalib bħal dan u l-kaseina prodotta minnu tkun konformi ma’ ċerti kondizzjonijiet.

(7)

Ir-Regolament tal-Kummissjoni (KE) Nru 1898/2005 tad-9 ta' Novembru 2005 li jistipula r-regoli għall-impimentazzjoni tar-Regolament tal-Kunsill (KE) Nru 1255/1999 f'dak li jirrigwarda l-miżuri ta' intervent fis-suq tal-butir u tal-krema tal-ħalib (3), jistipula li butir u krema bi prezzijiet imraħħsa għandhom ikunu disponibbli għall-industriji li jipproduċu ċerti prodotti.

(8)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni tal-ħalib u l-prodotti tal-ħalib,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/30

(1)

Ir-Regolament tal-Kummissjoni (KE) Nru 581/2004 tas-26 ta’ Marzu 2004 li jiftaħ stedina permanenti għall-offerti dwar ir-rifużjoni ta’ l-esportazzjoni li tikkonċerna ċerti tipi ta' butir (2), jipprovdi proċedura għal sejħa permanenti għall-offerti.

(2)

Skond l-Artikolu 5(2) tar-Regolament tal-Kummissjoni (KE) Nru 580/2004 tas-26 ta' Marzu 2004, li jistabbilixxi l-proċedura għall-offerti li tikkonċerna r-rifużjonijiet għall-esportazzjoni ta’ ċerti prodotti tal-ħalib (3) u wara li ġew eżaminati l-offerti mressqa bi tweġiba għas-sejħa għall-offerti, jeħtieġ li ma tiġi allokata l-ebda rifużjoni għall-esportazzjoni għall-perjodu ta' sottomissjoni li jintemm fis-26 ta’ Ġunju 2007.

(3)

Il-Kumitat ta' Ġestjoni tal-Ħalib u l-Prodotti tal-Ħalib għadu ma ħariġx opinjoni fiż-żmien stabbilit mill-president tiegħu,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/31

(1)

Skond l-Artikolu 32 tar-Regolament (KE) Nru 318/2006, id-differenza bejn il-prezzijiet għall-prodotti msemmija fl-Artikolu 1(1)(b) tar-Regolament imsemmi fis-suq dinji u f'dak tal-Komunità tista' tiġi koperta b'rifużjoni ta' l-esportazzjoni.

(2)

Fid-dawl tal-qagħda attwali tas-suq fis-settur taz-zokkor, jeħtieġ li jiġu definiti rifużjonijiet ta' l-esportazzjoni, f'konformità mar-regoli u ma' ċerti kriterji pprovduti fl-Artikoli 32 u 33 tar-Regolament (KE) Nru 318/2006.

(3)

L-ewwel inċiż ta' l-Artikolu 33(2) tar-Regolament (KE) Nru 318/2006 jipprovdi li r-rifużjonijiet jistgħu jkunu differenti skond id-destinazzjonijiet, meta dan ikun iġġustifikat mill-qagħda tas-suq dinji jew mill-esiġenzi speċifiċi ta' ċerti swieq.

(4)

Jistgħu jingħataw rifużjonijiet biss fuq prodotti li jkunu awtorizzati għall-moviment ħieles fil-Komunità u li jissodisfaw il-kundizzjonijiet tar-Regolament (KE) Nru 318/2006.

(5)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni taz-zokkor,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/33

(1)

Skond l-Artikolu 32 tar-Regolament (KE) Nru 318/2006, id-differenza bejn il-prezzijiet, għall-prodotti msemmija fl-Artikolu 1(1)(c)(d) u (g) ta' l-imsemmi Regolament, tas-suq dinji u dak Komunitarju tista' tiġi koperta b'rifużjoni għall-esportazzjoni.

(2)

Fid-dawl tal-qagħda attwali tas-suq fis-settur taz-zokkor, jeħtieġ li jiġu definiti r-rifużjonijiet għall-esportazzjoni, b'konformità mar-regoli u ma' ċerti kriterji stipulati fl-Artikoli 32 u 33 tar-Regolament (KE) Nru 318/2006.

(3)

L-ewwel inċiż ta' l-Artikolu 33(2) tar-Regolament (KE) Nru 318/2006 jipprovdi li r-rifużjonijiet jistgħu jkunu differenti skond id-destinazzjonijiet, meta dan ikun iġġustifikat minħabba l-qagħda tas-suq dinji jew il-ħtiġijiet speċifiċi ta' ċerti swieq.

(4)

Ir-rifużjonijiet jistgħu jingħataw biss fir-rigward tal-prodotti awtorizzati li jiċċirkolaw b'mod ħieles fil-Komunità u li jissodisfaw il-kondizzjonijiet tar-Regolament (KE) Nru 951/2006 tat-30 ta' Ġunju 2006 li jistipula regoli dettaljati għall-applikazzjoni tar-Regolament (KE) Nru 318/2006 f'dak li għandu x'jaqsam mal-kummerċ fis-settur taz-zokkor ma' pajjiżi terzi (2).

(5)

In-negozjati fil-qafas ta' l-arranġamenti Ewropej bejn il-Komunità Ewropea u r-Rumanija u l-Bulgarija għandhom l-għan partikolari li jilliberalizzaw il-kummerċ tal-prodotti rregolati mill-organizzazzjoni komuni tas-suq ikkonċernat. Jeħtieġ għalhekk li jitneħħew ir-rifużjonijiet għall-esportazzjoni għal dawn iż-żewġ pajjiżi.

(6)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni taz-zokkor,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/35

(1)

Ir-Regolament tal-Kummissjoni (KE) Nru 958/2006 tat-28 ta' Ġunju 2006 dwar sejħa miftuħa permanenti għall-offerti għas-sena tas-suq 2006/2007 għad-determinazzjoni ta' rifużjonijiet għall-esportazzjoni taz-zokkor abjad (2) jirrikjedi li jsiru sejħiet għall-offerti parzjali.

(2)

F'konformità ma' l-Artikolu 8(1) tar-Regolament (KE) Nru 958/2006, u wara eżami ta' l-offerti mressqa b'risposta għas-sejħa għall-offerti parzjali li tintemm fit-28 ta’ Ġunju 2007, jeħtieġ li jiġi ffissat ammont massimu għar-rifużjoni ta' l-esportazzjoni għas-sejħa għall-offerti parzjali kkonċernata.

(3)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni taz-zokkor,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/36

(1)

Skond l-Artikolu 13 tar-Regolament (KE) Nru 1784/2003 u l-Artikolu 14 tar-Regolament (KE) Nru 1785/2003, id-differenza bejn il-kwotazzjonijiet jew il-prezzijiet fuq is-suq dinji tal-prodotti msemmija fl-Artikolu 1 ta' dan ir-Regolament u l-prezzijiet ta' dawn il-prodotti fil-Komunità jistgħu jkunu koperti minn rifużjoni fuq l-esportazzjoni.

(2)

Skond l-Artikolu 14 tar-Regolament (KE) Nru 1785/2003, ir-rifużjonijiet għandhom jiġu ffissati billi jitqiesu s-sitwazzjoni u t-tendenzi tal-futur, minn naħa, id-disponibbiltà ta' ċereali, ross u ross miksur kif ukoll prezzhom fuq is-suq tal-Komunità u, min-naħa l-oħra, il-prezzijiet taċ-ċereali, ross, ross miksur u prodotti tas-suq taċ-ċereali fuq is-suq dinji. Skond dawn l-istess artikoli, huwa importanti wkoll li s-swieq taċ-ċereali u tar-ross jkunilhom garantit ekwilibriju u żvilupp naturali għal dak li għandu x'jaqsam ma' prezzijiet u kummerċ u, minbarra dan, li jitqies l-aspett ekonomiku ta' l-esportazzjonijiet proposti u li ma jkunx hemm tfixkil fis-suq tal-Komunità.

(3)

L-Artikolu 2 tar-Regolament tal-Kummissjoni (KE) Nru 1518/95 (3) dwar is-sistema ta' importazzjoni u ta' esportazzjoni ta' prodotti pproċessati miċ-ċereali u mir-ross, iddefinixxa l-kriterji speċfiċi li għandhom jitqiesu għall-kalkolu tar-rifużjoni għal dawn il-prodotti.

(4)

Ir-rifużjoni li għandha tingħata fir-rigward ta' ċerti prodotti pproċessati għandha tvarja skond il-kontenut ta' rmied, fibra nejja, tegument, proteini, xaħam u kontenut ta' lamtu tal-prodott individwali kkonċernat, dan il-kontenut jkun indikatur partikolarment tajjeb tal-kwantità ta' bażi effettivament inkorporata fil-prodott ipproċessat.

(5)

Fil-preżent, mhemmx bżonn li tiġi stabbilita rifużjoni fuq l-esportazzjoni għall-majokk u għeruq u tuberi tropikali oħra jew dqiq miksuba minnhom, meta tikkonsidra l-aspett ekonomiku ta' l-esportazzjoni proposta u b'mod partikolari in-natura u l-oriġini ta' dawn il-prodotti. Għal ċerti prodotti pproċessati abbażi ta' ċereali, il-parteċipazzjoni insinifikanti tal-Komunità fil-kummerċ dinji ma tagħmilhiex neċessarja li attwalment tiġi ffissata rifużjoni fuq l-esportazzjoni.

(6)

Is-sitwazzjoni tas-suq dinji u r-rekwiżiti speċifiċi ta' ċerti swieq jistgħu jeħtieġu li tkun varjata r-rifużjoni għal ċerti prodotti, skond għal fejn huma ddestinati.

(7)

Ir-rifużjoni għandha tiġi ffissata darba fix-xahar. Din tista' tinbidel matul dan il-perjodu.

(8)

Ċerti prodotti pproċessati mill-qamħirrum jistgħu jgħaddu minn trattament termiku u wara dan it-trattament tista' tingħata rifużjoni li ma tikkorrispondix mal-kwalità tal-prodott. Għalhekk, għandu jkun speċifikat li fuq dawk il-prodotti li jkollhom lamtu ġelatinizzat minn qabel, l-ebda rifużjoni fuq l-esportazzjoni ma għandha tingħata.

(9)

Il-Kumitat ta' Ġestjoni taċ-ċereali għadu ma tax opinjoni fiż-żmien stabbilit mill-President tiegħu,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/39

(1)

Skond l-Artikolu 13 tar-Regolament (KE) Nru 1784/2003, id-differenza bejn il-kwotazzjonijiet jew il-prezzijiet fuq is-suq dinji tal-prodotti msemmija fl-Artikolu 1 ta' dan ir-Regolament u l-prezzijiet ta' dawn il-prodotti fil-Komunità tista' tkun koperta b'rifużjoni ta' l-esportazzjoni.

(2)

Ir-Regolament tal-Kummissjoni (KE) Nru 1517/95 tad-29 ta' Ġunju 1995 li jistabbilixxi regoli dettaljati għall-applikazzjoni tar-Regolament (KEE) Nru 1784/2003 dwar l-arranġamenti għall-esportazzjoni u l-importazzjoni ta' għalf kompost, abbażi ta' ċereali u li jemenda r-Regolament (KE) Nru 1162/95 li jistabilixxi regoli speċifiċi u ddettaljati dwar is-sistema ta' liċenzi ta' importazzjoni u esportazzjoni, ta' ċereali u ross (2), fl-Artikolu 2 tiegħu iddefinixxa l-kriterji speċifiċi li jridu jitqiesu għall-kalkolu tar-rifużjoni fuq dawn il-prodotti.

(3)

Dan il-kalkolu jeħtieġlu jqis ukoll il-kontenut ta' prodotti ċereali. Bil-mira ta' simplifika, ir-rifużjoni jeħtiġilha titħallas għal żewġ kategoriji ta' “prodotti ċereali”, jiġifieri il-qamħirrum, iċ-ċereali li l-aktar li jintuża ta' spiss għall-produzzjoni ta' l-għalf kompost esportat u l-prodotti dderivati mill-qamħirrum, minn naħa waħda, kif ukoll “iċ-ċereali l-oħra”, min-naħa l-oħra, fejn dawn ta' l-aħħar ikunu l-prodotti taċ-ċereali eliġibbli, għajr il-qamħirrum u l-prodotti dderivati mill-qamħirrum. Għandha tingħata rifużjoni għall-kwantità ta' prodotti ċereali li jkun fih l-għalf kompost ta' l-annimali.

(4)

Barra minn hekk, fl-ammont tar-rifużjoni għandu jitqies ukoll il-possibbiltajiet u l-kundizzjonijiet tal-bejgħ ta' dawn il-prodotti fis-suq dinji, kif ukoll il-ħtieġa li jiġi evitat it-taqlib tas-suq Komunitarju u l-aspett ekonomiku ta' l-esportazzjoni.

(5)

Il-qagħda attwali tas-suq taċ-ċereali, u partikolarment il-prospettivi ta' forniment, twassal biex jitneħħew ir-rifużjonjiet ta' l-esportazzjoni.

(6)

Il-Kumitat ta' Ġestjoni taċ-ċereali għadu ma tax opinjoni fiż-żmien stabbilit mill-President tiegħu,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/41

(1)

Ir-Regolament tal-Kummissjoni (KEE) Nru 1722/93 li jistabbilixxi regoli ddettaljati għall-applikazzjoni tar-Regolamenti tal-Kunsill (KEE) Nru 1766/82 u (KEE) Nru 1418/76 li jikkonċernaw ir-rifużjoni tal-produzzjoni fis-setturi taċ-ċereali u tar-ross rispettivament (2) jistabbilixxi l-kundizzjonijiet għall-għoti tar-rifużjoni tal-produzzjoni. Il-bażi tal-kalkolu hija ddeterminata mill-Artikolu 3 ta' dan ir-Regolament. Ir-rifużjoni kkalkolata b'dan il-mod, differenzjata, jekk ikun meħtieġ, għal-lamtu tal-patata, għandha tkun stabbilita darba fix-xahar u, f'każ ta' varjazzjoni sinifikattiva tal-prezz tal-qamħirrum u/jew tal-qamħ, tista' tkun emendata.

(2)

Ir-rifużjonijiet tal-produzzjoni stabbiliti f'dan ir-Regolament għandhom ikunu aġġustati bil-koeffiċjenti elenkati fl-Anness II tar-Regolament (KEE) Nru 1722/93 biex ikun stabbilit l-ammont eżatt li għandu jitħallas.

(3)

Il-Kumitat ta' Ġestjoni taċ-ċereali għadu ma tax opinjoni fiż-żmien stabbilit mill-President tiegħu,

(a)

EUR 0,00 għal kull tunnellata għal-lamtu tal-qamħirrum, il-qamħ, ix-xgħir u l-ħafur;

(b)

EUR 0,00 għal kull tunnellata għal-lamtu tal-patata.

29.6.2007   

MT

Il-Ġurnal Uffiċjali ta’ l-Unjoni Ewropea

L 169/42

(1)

L-Artikolu 13(1) tar-Regolament (KE) Nru 1784/2003 u Artikolu 14(1) tar-Regolament (KE) Nru 1785/2003 jipprovdu li d-differenza bejn kwotazzjonijiet jew prezzijiet fis-suq dinji għall-prodotti mniżżla fl-Artikolu 1 ta’ kull wieħed minn dawn ir-Regolamenti u l-prezzijiet fi ħdan il-Komunità jistgħu jiġi koperti b’rifużjoni ta’ l-esportazzjoni.

(2)

Ir-Regolament tal-Kummissjoni (KE) Nru 1043/2005 tat-30 Ġunju 2005 li jimplimenta r-Regolament tal-Kunsill (KE) Nru 3448/93 dwar is-sistema għall-għoti ta’ rifużjonijiet fuq l-esportazzjoni fuq ċerti prodotti agrikoli esportati bħala prodotti mhux koperti bl-Anness I tat-Trattat, u l-kriterji biex jiġi stipulat l-ammont ta’ dawn ir-rifużjonijiet (3), jispeċifikaw il-prodotti li għalihom trid tiġi stipulata rata ta’ rifużjoni, biex tiġi applikata fejn dawn il-prodotti jiġu esportati bħala prodotti elenkati fl-Anness III għar-Regolament (KE) Nru 1784/2003 jew fl-Anness IV tar-Regolament (KE) Nru 1785/2003 kif xieraq.

(3)

Bi qbil ma’ l-ewwel paragrafu ta’ l-Artikolu 14 tar-Regolament (KE) Nru 1043/2005 , ir-rata tar-rifużjoni għal kull 100 kilogramm għal kull wieħed mill-prodotti bażiċi inkwistjoni rid tiġi stipulata kull xahar.

(4)

L-obbligi li għandhom x’jaqsmu mar-rifużjonijiet li jistgħu jingħataw għall-esportazzjoni ta’ prodotti agrikoli li għandhom x’jaqsmu ma’ prodotti mhux koperti bl-Anness I għat-Trattat jistgħu jkunu fil-perikolu jekk jiġu stipulati bil-quddiem rati għoljin ta’ rifużjoni. Għalhekk huwa neċessarju li jittieħdu miżuri ta’ prekawzjoni f’sitwazzjonijiet bħal dawn mingħajr, madankollu, ma titfixkel il-konklużjoni tal-kuntratti tat-tul. L-istipular ta’ rata ta’ rifużjoni speċifika għall-istipular bil-quddiem tar-rifużjonijiet hija miżura biex jintlaħqu dawn l-oġġettivi varji.

(5)

Jekk jittieħed inkonsiderazzjoni il-ftehim bejn il-Komunità Ewropea u l-Istati Uniti ta’ l-Amerika fuq l-esportazzjoni komunitarja ta’ prodotti ta’ l-għaġin għall-Istati Uniti, approvata mid-Deċiżjoni tal-Kunsill 87/482/KEE (4), huwa meħtieg li tinħoloq differenza bejn ir-rifużjonijiet fuq prodotti li jaqgħu taħt kodiċi NM 1902 11 00 u 1902 19 skond id-destinazzjoni tagħhom.

(6)

Insegwitu għall-Artikolu 15(2) u (3) tar-Regolament (KE) Nru 1043/2005, rata mnaqqsa ta’ rifużjoni fuq l-esportazzjoni trid tiġi stipulata, billi tieħu inkonsiderazzjoni l-ammont tar-rifużjoni applikabbli, insegwitu għar-regolament tal-Kummissjoni (KEE) Nru 1722/93 (5), fuq il-prodott bażiku inkwistjoni, użat waqt il-perjodu assumat tal-manifattura tal-prodotti.

(7)

L-ispirti huma kkunsidrati inqas sensittivi għall-prezz taċ-ċereali użati fil-manifattura tagħhom. Madankollu, il-Protokoll 19 ta’ l-Att ta’ l-Adeżjoni tar-Renju Unit, l-Irlanda u d-Danimarka jipprovdi li l-miżuri neċessarji jridu jiġu deċiżi biex jiffaċilitaw l-użu taċ-ċereali tal-Komunità fil-manifattura ta’ l-ispirti miksuba miċ-ċereali. Għaldaqstant, huwa meħtieġ li tiġi adottata r-rata ta’ rifużjoni applikata għaċ-ċereali esportati bħala spirti.

(8)

Il-Kumitat ta' Ġestjoni taċ-ċereali għadu ma tax opinjoni fiż-żmien stabbilit mill-President tiegħu,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/46

(1)

Il-valutazzjoni msemmija fl-Artikolu 5(2) tar-Regolament (KE) Nru 950/2006 wriet li għad hemm kwantitajiet ta’ zokkor disponibbli għall-obbligi tal-kunsinna ta’ zokkor preferenzjali stabbiliti skond l-Artikolu 12 tar-Regolament (KE) Nru 950/2006 bin-numru tas-serje 09.4332, 09.4335, 09.4336, 09.4338, 09.4341, 09.4343, 09.4346, u 09.4351.

(2)

F’dawn iċ-ċirkustanzi, il-Kummissjoni għandha tindika li l-limiti kkonċernati m’għadhomx jintlaħqu,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/47

(1)

L-Artikoli 32(1) u (2) tar-Regolament (KEE) Nru 318/2006 jipprovdu li d-differenzi bejn il-prezzijiet f’kummerċ internazzjonali tal-prodotti elenkati f’ Artikolu 1(1)(b), (c), (d), (f), u (g) ta’ dak ir-Regolament u l-prezzijiet fi ħdan il-Komunità jistgħu jiġu koperti b’rifużjoni ta’ esportazzjoni meta dawn il-prodotti jiġu esportati bħala prodotti elenkati fl-Anness VII ta’ dak ir-Regolament.

(2)

Ir-Regolament tal-Kummissjoni (KE) Nru 1043/2005 ta' l-30 ta’ Ġunju 2005 li jistabbilixxi regoli komuni ta’ implimentazzjoni għall-għoti ta’ rifużjonijiet ta’ esportazzjoni fuq ċertu prodotti ta’ l-agrikoltura esportati bħala prodotti mhux koperti minn Anness I tat-Trattat u l-kriterji biex jiġi stipulat l-ammont ta’ dawn ir-rifużjonijiet (2), jispeċifikaw il-prodotti li għalihom trid tiġi stipulata rata ta’ rifużjoni, biex tiġi applikata fejn dawn il-prodotti jiġu esportati bħala prodotti elenkati fl-Anness VII għar-Regolament (KE) Nru 318/2006.

(3)

Skond l-Artikolu 14(1) tar-Regolament (KE) Nru 1043/2005, ir-rata ta’ rifużjoni għal kull 100 kilogramma għal kull wieħed mill-prodotti bażiċi in kwestjoni għandha tiġi stipulata kull xahar.

(4)

L-Artikolu 32(4) tar-Regolament (KE) Nru 318/2006 jistabbilixxu li r-rifużjoni ta’ l-esportazzjoni għal xi prodott li jinsab fi prodott għall-konsum ma jistax jaqbeż ir-rifużjoni applikabbli għal dak il-prodott meta esportat mingħajr iżjed ipproċessar.

(5)

Ir-rifużjonijiet stipulati minn dan ir-Regolament jistgħu jiġu stipulati bil-quddiem peress li s-sitwazzjoni tas-suq fix-xhur li ġejjin ma tistax tiġi stipulata bħalissa.

(6)

L-obbligi dwar rifużjonijiet li jistgħu jingħataw għall-esportazzjoni ta' prodotti ta' l-agrikoltura li jinsabu fi prodotti għall-konsum mhux koperti b’Anness I tat-Trattat jistgħu jkunu pperikolati jekk jiġu stipulati bil-quddiem rati għoljin ta' rifużjoni. Huwa għalhekk meħtieġ li jittieħdu l-miżuri kawtelatorji f’tali sitwazzjonijiet mingħajr, iżda, ma titfixkel il-konklużjoni ta’ kuntratti fit-tul. L-istipular ta’ rata speċifika ta’ rifużjoni għal stipular bil-quddiem ta’ rifużjonijiet hija miżura biex jintlaħqu dawn l-għanijiet varji.

(7)

Il-miżuri pprovduti f'dan ir-Regolament huma konformi ma' l-opinjoni tal-Kumitat ta' Ġestjoni taz-zokkor,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/49

(1)

Permezz tad-Direttiva tal-Kummissjoni 2001/32/KE (2), ċerti Stati Membri jew ċerti żoni fi Stati Membri kienu rrikonoxxuti bħala żoni protetti fir-rigward ta’ċerti organiżmi ta’ ħsara.

(2)

Id-Danimarka ġiet irrikonoxxuta bħala żona protetta fir-rigward tal-Cryphonectria parasitica (Murrill) Barr. Wara r-riżultati ta' l-istudji rilevanti li saru fid-Danimarka, id-Danimarka ppreżentat tagħrif li juri li protezzjoni fitosanitarja adegwata kontra l-Cryphonectria parasitica (Murrill) Barr ma teħtieġx iż-żamma ta' l-istat tad-Danimarka bħala żona protetta kontra dak l-organiżmu u talbet li jiġi rtirat l-istat tagħha bħala żona protetta kontra s-Cryphonectria parasitica (Murrill) Barr. Għalhekk, id-Danimarka m’għandhiex tibqa’ tiġi rrikonoxxuta bħala żona protetta fir-rigward ta’ dan l-organiżmu ta’ ħsara.

(3)

Minn tagħrif ipprovdut mir-Repubblika Ċeka, Franza u l-Italja, ir-Repubblika Ċeka, ir-reġjuni ta’ Champagne-Ardenne, Lorraine u Alsace fi Franza u r-reġjun tal-Basilicata fl-Italja għandhom jiġu rikonoxxuti bħala żoni protetti fir-rigward tal-Grapevine flavescence dorée MLO peress li dan il-patoġenu ma jinsabx hawnhekk.

(4)

Id-Direttiva 2001/32/KE għandha għalhekk tkun emendata skond dan.

(5)

Il-miżuri stipulati f'din id-Direttiva huma skond l-opinjoni tal-Kumitat Permanenti dwar is-Saħħa tal-Pjanti,

(1)

Fil-punt (ċ)(01) “Id-Danimarka” titħassar.

(2)

Jiżdied il-punt (d)(4) li ġej:

29.6.2007   

MT

Il-Ġurnal Uffiċjali ta’ l-Unjoni Ewropea

L 169/51

(1)

Id-Direttiva 2000/29/KE telenka organiżmi li jagħmlu l-ħsara lill-pjanti jew lill-prodotti tal-pjanti u tipprovdi għal ċerti miżuri kontra l-introduzzjoni tagħhom ġewwa l-Istati Membri minn Stati Membri oħra jew minn pajjiżi terzi. Tipprovdi wkoll għar-rikonoxximent ta’ żoni protetti fil-Komunità.

(2)

Id-Danimarka ġiet rikonoxxuta bħala żona protetta fir-rigward ta’ Cryphonectria parasitica (Murrill) Barr. Wara r-riżultati minn ċertu stħarriġ li sar ġewwa d-Danimarka, d-Danimarka ressqet informazzjoni li wriet li protezzjoni fitosanitarja adegwata kontra s-Cryphonectria parasitica (Murrill) Barr ma teħtieġ li l-istat tad-Danimarka jibqa' bħala żona protetta kontra l-organiżmu u talbet li jiġi rtirat l-istat tagħha bħala żona protetta kontra s-Cryphonectria parasitica (Murrill) Barr Għalhekk, id-Danimarka m’għandhiex tibqa’ tiġi rikonoxxuta bħala żona protetta fir-rigward ta’ dan l-organiżmu ta’ ħsara.

(3)

Mill-informazzjoni mogħtija mir-Repubblika Ċeka, Franza u l-Italja rispettivament, ir-Repubblika Ċeka, ir-reġjuni ta’ Champagne-Ardenne, Lorraine u Alsace fi Franza u r-reġjun tal-Basilicata fl-Italja għandhom jiġu rikonoxxuti bħala żoni protetti fir-rigward tal-Grapevine flavescence dorée MLO, għaliex dan il-patoġenu mhuwiex preżenti hemmhekk. Għalhekk, għandhom jiġu stabbiliti rekwiżiti speċjali fir-rigward ta’ l-introduzzjoni u l-moviment ġewwa ż-żoni protetti rilevanti tal-materjal propagatur tad-dwieli.

(4)

L-Annessi II, IV u V tad-Direttiva 2000/29/KE għandu, għalhekk, jiġi emendat skond dan.

(5)

Il-miżuri pprovduti f'din id-Direttiva huma skond l-opinjoni tal-Kumitat Permanenti dwar is-Saħħa tal-Pjanti,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/53

(1)

Fit-22 ta’ Marzu 2004 l-Kunsill awtorizza lill-Kummissjoni biex tiftaħ negozjati ma’ ċerti Membri oħra tal-WTO taħt l-Artikolu XXIV.6 tal-GATT ta’ l-1994, matul l-adeżjoni mal-Komunità Ewropea tar-Repubblika Ċeka, ir-Repubblika ta’ l-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika ta’ l-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r-Repubblika Slovakka.

(2)

In-negozjati tmexxew mill-Kummissjoni b’konsultazzjoni mal-Kumitat stabbilit bl-Artikolu 133 tat-Trattat u fi ħdan il-qafas ta’ direttivi ta’ negozjar maħruġa mill-Kunsill.

(3)

Il-Kummissjoni ffinalizzat negozjati għal Ftehim bejn il-Komunità Ewropea u l-Gvern tal-Kanada dwar il-konklużjoni tan-Negozjati rigward l-Artikolu XXIV.6 tal-GATT. Il-Ftehim għandu jkun approvat.

(4)

Il-miżuri meħtieġa għall-implimentazzjoni ta’ din id-Deċiżjoni għandhom ikunu adottati bi qbil mad-Deċiżjoni tal-Kunsill 1999/468/KE tat-28 ta’ Ġunju 1999 li tistabbilixxi l-proċeduri għall-eżerċizzju tas-setgħat ta’ implimentazzjoni mogħtija lill-Kummissjoni (1),

29.6.2007   

MT

Il-Ġurnal Uffiċjali ta’ l-Unjoni Ewropea

L 169/58

(1)

Fid-29 ta’ Mejju 2006, il-Kunsill adotta d-Deċiżjoni 2006/379/KE li timplimenta l-Artikolu 2(3) tar-Regolament (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu (2), u li tistabbilixxi l-lista aġġornata ta’ persuni u entitajiet li għalihom japplika dak ir-Regolament.

(2)

Fil-21 ta’ Diċembru 2006, il-Kunsill adotta d-Deċiżjoni 2006/1008/KE li timplimenta l-Artikolu 2(3) tar-Regolament (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu (3) u li żżid ċerti persuni, gruppi u entitajiet oħrajn mal-lista ta’ persuni u entitajiet li għalihom japplika dak ir-Regolament.

(3)

Il-Kunsill ipprovda lil kull persuna, kull grupp u kull entità li għalihom dan kien possibbli fil-prattika b’dikjarazzjonijiet ta’ raġunijiet fejn fisser ir-raġunijiet għaliex huma ġew elenkati fid-Deċiżjonijiet 2006/379/KE u d-Deċiżjoni 2006/1008/KE.

(4)

B’avviż ippubblikat fil-Ġurnal Uffiċjali fil-25 ta’ April 2007 (4), il-Kunsill informa lill-persuni, il-gruppi u l-entitajiet elenkati fid-Deċiżjonijiet 2006/379/KE u 2006/1008/KE li hu bi ħsiebu jżommhom fuq il-lista. Il-Kunsill informa wkoll lill-persuni, il-gruppi u l-entitajiet ikkonċernati li kienet possibbli li tintalab id-dikjarazzjoni ta’ raġunijiet tal-Kunsill għall-inklużjoni tagħhom fuq il-lista (fejn din ma kinitx diġà ġiet ikkomunikata lilhom).

(5)

Il-Kunsill wettaq reviżjoni kompleta tal-lista ta’ persuni, gruppi u entitajiet li għalihom japplika r-Regolament (KE) Nru 2580/2001, kif meħtieġ mill-Artikolu 2(3) ta’ dak ir-Regolament. F’dan ir-rigward, huwa ħa kont ta’ osservazzjonijiet u dokumenti ppreżentati lill-Kunsill minn ċerti persuni, gruppi u entitajiet ikkonċernati.

(6)

Wara din ir-reviżjoni, il-Kunsill ikkonkluda li l-persuni, il-gruppi u l-entitajiet elenkati fl-Anness għal din id-Deċiżjoni kienu involuti f’atti terroristiċi fit-tifsira ta’ l-Artikolu 1(2) u (3) tal-Pożizzjoni Komuni tal-Kunsill 2001/931/PESK tas-27 ta’ Diċembru 2001 dwar l-applikazzjoni ta’ miżuri speċifiċi biex jiġi miġġieled it-terroriżmu (5), li ttieħdet deċiżjoni fir-rigward tagħhom minn awtorità kompetenti fit-tifsira ta’ l-Artikolu 1(4) ta’ dik il-Pożizzjoni Komuni, u li huma għandhom ikomplu jkunu soġġetti għall-miżuri restrittivi speċifiċi previsti fir-Regolament (KE) Nru 2580/2001.

(7)

Il-lista tal-persuni, il-gruppi u l-entitajiet li għalihom japplika r-Regolament (KE) Nru 2580/2001 għandha tiġi aġġornata kif meħtieġ,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/63

(1)

Il-Komunità Ewropea stqarret għanijiet fis-settur enerġetiku biex iżżid is-sigurtà tal-provvista u tilħaq produzzjoni u użu enerġetiku sostenibbli, inkluż it-tnaqqis ta' l-emissjonijiet ta' gass b'effett ta' serra mill-użu enerġetiku tagħha u l-politika tal-bijofjuwils tal-Komunità Ewropea qiegħda timmira għal dawn iż-żewġ għanijiet.

(2)

Fil-kuntest tal-kooperazzjoni internazzjonali tagħha ma' l-imsieħba internazzjonali, il-Kummissjoni qiegħda timpenja attivament ruħha fi djalogi fil-qasam enerġetiku u forom oħra ta' kooperazzjoni rigward kwistjonijiet enerġetiċi.

(3)

Il-Brażil ta bidu għall-Forum Internazzjonali dwar il-Bijofjuwils biex jippromwovi s-suq internazzjonali għall-bijofjuwils sostenibbli u għall-iskambju ta' esperjenzi u jibni kollaborazzjoni aktar mill-qrib dwar l-istandards u l-kodiċijiet biex jiffaċilitaw il-kummerċ fil-bijofjuwils kif ukoll biex tissaħħaħ il-kollaborazzjoni fil-qasam tar-riċerka. Il-Forum Intenazzjonali dwar il-Bijofjuwils se jkun magħmul, fl-ewwel fażi tiegħu, minn sitt membri (il-gvernijiet tal-Brażil, l-Istati Uniti, l-Indja, iċ-Ċina, l-Afrika ta' Isfel u l-Kummissjoni Ewropea).

(4)

F'ittra, iddatata l-10 ta' Lulju 2006, li bagħat lill-President tal-Kummissjoni Barroso, il-President tal-Brażil stieden lill-Kummissjoni biex tissieħeb fil-Forum Internazzjonali dwar il-Bijofjuwils.

(5)

Permezz tal-parteċipazzjoni tagħha, il-Kummissjoni se tkun f'qagħda aħjar biex tikkoordina l-attivitajiet rilevanti, inkluż ir-riċerka, ma' dawk ta' nazzjonijiet żviluppati jew oħrajn li qegħdin jiżviluppaw.

(6)

Il-Forum Internazzjonali dwar il-Bijofjuwils ma jmexxix proġetti tiegħu stess u ma jeħtiġx kontributi finanzjarji f'baġits komuni,

29.6.2007   

MT

Il-Ġurnal Uffiċjali ta’ l-Unjoni Ewropea

L 169/64