29.6.2006 |
MT |
Il-Ġurnal Uffiċjali ta’ l-Unjoni Ewropea |
239 |
DEĊIŻJONI TAL-KUNSILL
tal-21 ta' Novembru 2005
dwar il-konklużjoni ta' Protokoll li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika Ex-Jugoslava tal-Maċedonja, fuq in-naħa l-oħra, dwar kwota tariffarja għall-importazzjonijiet taz-zokkor u tal-prodotti taz-zokkor li joriġinaw fir-Repubblika Ex-Jugoslava tal-Maċedonja lejn il-Komunità
(2005/914/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133, flimkien ma' l-ewwel sentenza ta' l-ewwel subparagrafu ta' l-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
(1) |
Nhar it-28 ta' Frar 2005, il-Kunsill awtorizza lill-Kummissjoni sabiex tidħol f'negozjati mar-Repubblika Ex-Jugoslava tal-Maċedonja sabiex jiġu emendati l-arranġamenti preferenzjali fir-rigward ta' l-importazzjonijiet taz-zokkor u tal-prodotti taz-zokkor li joriġinaw fir-Repubblika Ex-Jugoslava tal-Maċedonja lejn il-Komunità skond il-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika Ex-Jugoslava tal-Maċedonja, min-naħa l-oħra (1) (minn hawn 'il quddiem imsejjaħ l-“FSA”). |
(2) |
Dawn in-negozjati ġew konklużi b'suċċess u l-Protokoll li jemenda l-FSA għandu jiġu konkluż mill-Komunità. |
(3) |
Il-miżuri neċessarji għall-implementazzjoni ta' dan il-Protokoll għandhom jiġu adottati mill-Kummissjoni skond l-istess proċedura bħal dik prevista fir-rigward ta' l-implementazzjoni tar-Regolament tal-Kunsill (KE) Nru 1260/2001 tad-19 ta' Ġunju 2001 dwar l-organizzazzjoni komuni tas-swieq fis-settur taz-zokkor (2), |
IDDEĊIEDA KIF ĠEJ:
Artikolu 1
Il-Protokoll li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej, minn naħa waħda, u r-Repubblika Ex-Jugoslava tal-Maċedonja, min-naħa l-oħra, dwar kwota tariffarja għall-importazzjonijiet taz-zokkor u tal-prodotti taz-zokkor li joriġinaw fir-Repubblika Ex-Jugoslava tal-Maċedonja lejn il-Komunità huwa b'dan approvat f'isem il-Komunità.
It-test tal-Protokoll huwa anness ma' din id-Deċiżjoni.
Artikolu 2
Il-President tal-Kunsill huwa b'dan awtorizzat li jaħtar lill-persuna jew persuni li jkollhom is-setgħa jiffirmaw il-Protokoll sabiex tintrabat il-Komunità.
Artikolu 3
Il-Kummissjoni għandha tadotta r-regoli dettaljati għall-implementazzjoni tal-Protokoll skond il-proċedura stabbilita fl-Artikolu 42 tar-Regolament (KE) Nru 1260/2001.
Magħmula fi Brussell, nhar il-21 ta' Novembru 2005.
Għall-Kunsill
Il-President
J. STRAW
(1) ĠU L 84, 20.3.2004, p. 13.
(2) ĠU L 178, 30.6.2001, p. 1. Regolament kif emendat l-aħħar bir-Regolament tal-Kummissjoni (KE) Nru 39/2004 (ĠU L 6, 10.1.2004, p. 16).
PROTOKOLL
li jemenda l-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika ex-Jugoslava tal-Maċedonja, min-naħa l-oħra, dwar kwota tariffarja għall-importazzjonijiet taz-zokkor u tal-prodotti taz-zokkor li joriġinaw fir-Repubblika ex-Jugoslava tal-Maċedonja lejn il-Komunità
IL-KOMUNITÀ EWROPEA,
minn hawn 'il quddiem imsejħa “l-Komunità”,
minn naħa waħda, u
IR-REPUBBLIKA EX-JUGOSLAVA TAL-MAĊEDONJA,
min-naħa l-oħra,
Billi:
(1) |
Il-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika Ex-Jugoslava tal-Maċedonja, min-naħa l-oħra, (minn hawn 'il quddiem imsejjaħ “l-FSA”) kien iffirmat fil-Lussemburgu fid-9 ta' April 2001 u daħal fis-seħħ fl-1 ta' April 2004. |
(2) |
Saru negozjati sabiex jinbidlu l-arranġamenti preferenzjali fl-FSA fir-rigward ta' l-importazzjonijiet taz-zokkor u tal-prodotti taz-zokkor li joriġinaw fir-Repubblika Ex-Jugoslava tal-Maċedonja lejn il-Komunità. |
(3) |
Għandhom jiġu adottati l-emendi xierqa għall-FSA, |
IDDEĊIDEW KIF ĠEJ:
Artikolu 1
L-FSA huwa b'dan emendat kif ġej:
1) |
L-Artikolu 27 għandu jiġi emendat kif ġej:
|
2) |
Fit-Tabella fl-Anness I mal-Protokoll 3, ir-referenzi għall-prodotti li jaqgħu taħt l-intestatura 1702 tan-Nomenklatura Magħquda għandhom jiġu mħassra. |
Artikolu 2
Dan il-Protokoll għandu jifforma parti integrali mill-FSA.
Artikolu 3
Dan il-Protokoll għandu jidħol fis-seħħ fl-ewwel jum tax-xahar ta' wara d-data tal-firma.
Artikolu 4
Dan il-Protokoll għandu jiġi mfassal duplikatament f'kull waħda mil-lingwi uffiċjali tal-Partijiet Kontraenti, u kull wieħed minn dawn it-testi għandu jkun ugwalment awtentiku.
Magħmul fi Brussell, nhar il-21 ta' Novembru 2005.
Għall-Komunità Ewropea
Għar-Repubblika Ex-Jugoslava tal-Maċedonja