1.   

Il-Kumitat Konsultattiv (14-il Stat Membru) jaqbel mal-Kummissjoni li l-imġiba koperta mill-abbozz ta’ deċiżjoni tikkostitwixxi ftehim antikompetittiv u/jew prattika miftiehma bejn il-partijiet li tikser l-Artikolu 101 tat-TFUE.

2.   

Il-Kumitat Konsultattiv (14-il Stat Membru) jaqbel mal-Kummissjoni li l-ftehim u/jew il-prattika miftiehma kellhom l-għan li jirrestrinġu l-kompetizzjoni.

3.   

Il-Kumitat Konsultattiv (14-il Stat Membru) jaqbel mal-Kummissjoni li l-imġiba koperta mill-abbozz ta’ deċiżjoni tikkostitwixxi kartell skont il-punt 1 tal-Avviż ta’ Klemenza, jiġifieri ftehim u/jew prattika miftiehma bejn żewġ kompetituri jew aktar bl-għan li jinfluwenzaw il-parametri rilevanti tal-kompetizzjoni permezz ta’ azzjonijiet antikompetittivi kontra kompetituri oħra.

4.   

Il-Kumitat Konsultattiv (14-il Stat Membru) jaqbel mal-valutazzjoni tal-Kummissjoni fl-abbozz ta’ deċiżjoni fir-rigward ta’ kemm dam għaddej il-ksur.

5.   

Il-Kumitat Konsultattiv (14-il Stat Membru) jaqbel mal-Kummissjoni li l-ftehim u/jew il-prattika miftiehma jikkostitwixxu ksur uniku u kontinwu tal-Artikolu 101(1) tat-TFUE.

6.   

Il-Kumitat Konsultattiv (14-il Stat Membru) jaqbel mal-Kummissjoni li jenħtieġ li jiġi ordnat li jintemm l-ksur kif stabbilit fl-abbozz ta’ deċiżjoni.

7.   

Il-Kumitat Konsultattiv (14-il Stat Membru) jaqbel mal-Kummissjoni li jenħtieġ li tiġi imposta multa fuq id-destinatarji tal-abbozz tad-deċiżjoni.

8.   

Il-Kumitat Konsultattiv (14-il Stat Membru) jaqbel mal-Kummissjoni dwar l-ammont finali tal-multa, abbażi tal-Linji Gwida tal-2006 dwar il-metodu tal-kalkoli tal-multi imposti skont l-Artikolu 23(2)(a) tar-Regolament Nru 1/2003.

9.   

Il-Kumitat Konsultattiv (14-il Stat Membru) jirrakkomanda l-pubblikazzjoni tal-opinjoni tiegħu fil-Ġurnal Uffiċjali.