1.   

Fis-27 ta’ Ġunju 2024, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	Hewlett Packard Enterprise Company (“HPE”, l-Istati Uniti tal-Amerika),

—	Juniper Networks, Inc. (“Juniper”, l-Istati Uniti tal-Amerika).

HPE se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Juniper kollha kemm hi.

Il-konċentrazzjoni hija mwettqa permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma dawn li ġejjin:

—	HPE hija kumpanija globali bil-kwartieri ġenerali f’Texas, l-Istati Uniti, b’offerti li jinkludu l-komputazzjoni, il-ħżin, in-networking, il-computing ta’ prestazzjoni għolja u l-intelliġenza artifiċjali, u software,

—	Juniper hija kumpanija multinazzjonali tat-teknoloġija tan-networking li għandha l-kwartieri ġenerali tagħha f’California, l-Istati Uniti, li tiżviluppa u tbigħ prodotti ta’ netwerking, inklużi routing, switching, wireless, sigurtà tan-network, u servizzi assoċjati.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.   

Il-Kummissjoni tistieden lil partijiet terzi interessati biex jibagħtulha l-kummenti li jista’ jkollhom dwar l-operazzjoni proposta lill-Kummissjoni.

L-osservazzjonijiet iridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11457 — HPE / JUNIPER

L-osservazzjonijiet jistgħu jintbagħtu lill-Kummissjoni permezz ta’ email jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz postali:

Il-Kummissjoni Ewropea

Id-Direttorat Ġenerali għall-Kompetizzjoni

Ir-Reġistru tal-Fużjonijiet

1049 Bruxelles/Brussel

BELGIQUE/BELGIË