—

wara li kkunsidra l-Artikolu 225 tat-Trattat dwar il-Funzjonament tal-Unjoni Ewropea,

—

wara li kkunsidra l-Artikolu 47 tal-Karta tad-Drittijiet Fundamentali tal-Unjoni Ewropea,

—

wara li kkunsidra l-Artikolu 5 tad-Deċiżjoni tal-Parlament Ewropew tat-28 ta' Settembru 2005 li tadotta l-Istatut għall-Membri tal-Parlament Ewropew (1),

—

wara li kkunsidra d-Direttiva (UE) 2020/1828 tal-Parlament Ewropew u tal-Kunsill tal-25 ta' Novembru 2020 dwar azzjonijiet rappreżentattivi għall-protezzjoni tal-interessi kollettivi tal-konsumaturi, u li tħassar id-Direttiva 2009/22/KE (2),

—

wara li kkunsidra r-Rakkomandazzjoni tal-Kummissjoni tal-11 ta' Ġunju 2013 dwar prinċipji komuni għall-mekkaniżmi tar-rimedju kollettiv inġuntiv u kompensatorju fl-Istati Membri fir-rigward tal-ksur tad-drittijiet mogħtija skont id-Dritt tal-Unjoni,

—

wara li kkunsidra l-Istudju mwettaq mis-Servizz ta' Riċerka tal-Parlament Ewropew “Il-Finanzjament Privat Responsabbli ta' Litigazzjoni” ta' Marzu 2021,

—

wara li kkunsidra l-Artikoli 47 u 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali (A9-0218/2022),

A.

billi l-Istati Membri għandhom responsabbiltà primarja li jagħmlu disponibbli għajnuna legali adegwata għal dawk li m'għandhomx biżżejjed riżorsi bil-għan li jiżguraw aċċess għall-ġustizzja għal kulħadd, f'konformità mal-Artikolu 47 tal-Karta tad-Drittijiet Fundamentali tal-Unjoni Ewropea; billi l-għajnuna legali pubblika u l-prosekuzzjoni pubblika huma u jridu jibqgħu l-mekkaniżmi ċentrali biex jiggarantixxu d-dritt fundamentali għal rimedju effettiv u għal proċess ġust;

B.

billi l-finanzjament kummerċjali ta' litigazzjoni minn partijiet terzi (TPLF) huwa prattika li qed tikber fejn investituri privati (“il-finanzjaturi ta' litigazzjoni”) li mhumiex parti f'tilwima jinvestu fi proċedimenti legali u jħallsu spejjeż legali u spejjeż oħra, bi skambju għal sehem minn kwalunkwe ammont mogħti eventwali; billi r-rimedju kollettiv huwa biss tip wieħed ta' litigazzjoni li fiha attwalment jintuża t-TPLF, b'eżempji oħra li jkunu l-arbitraġġ, il-proċedimenti ta' insolvenza, l-irkupru tal-investiment, il-pretensjonijiet tal-antitrust u oħrajn;

C.

billi t-TPLF jista', jekk ikun regolat kif xieraq, jintuża aktar ta' spiss bħala għodda biex jappoġġja l-aċċess għall-ġustizzja, speċjalment f'pajjiżi fejn l-ispejjeż legali huma għoljin ħafna, jew għan-nisa u l-gruppi emarġinati b'ostakli addizzjonali għall-finanzjament; billi t-TPLF jista' jgħin dejjem aktar biex jiżgura li l-każijiet ta' interess pubbliku jitressqu quddiem il-qorti u jnaqqas l-iżbilanċi ekonomiċi sinifikanti li jeżistu bejn il-korporazzjonijiet u dawk iċ-ċittadini li jfittxu rimedju, u b'hekk jiżgura responsabbiltà korporattiva xierqa;

D.

billi r-rapport tal-British Institute of International and Comparative Law (BIICL) dwar “State of Collective Redress in the EU in the context of the Commission Recommendation” (L-Istat tar-Rimedju Kollettiv fl-UE fil-kuntest tar-Rakkomandazzjoni tal-Kummissjoni) jenfasizza li, f'xi Stati Membri, il-finanzjament minn partijiet terzi sar fattur essenzjali biex jitwettaq ir-rimedju kollettiv (3); billi r-Rapport tal-Kummissjoni COM(2018)0040 dwar l-implimentazzjoni tar-rakkomandazzjonijiet mhux vinkolanti tal-2013 dwar ir-rimedju kollettiv jenfasizza l-fatt li t-TPLF huwa aspett ewlieni tar-rimedju kollettiv, li għandu dimensjoni transfruntiera importanti (4);

E.

billi l-finanzjaturi ta' litigazzjoni involuti fi proċedimenti legali jistgħu jaġixxu fl-interess ekonomiku tagħhom stess, aktar milli fl-interess tar-rikorrenti; billi jistgħu jfittxu li jikkontrollaw il-litigazzjoni u jitolbu eżitu li jħallilhom l-akbar redditu u fl-inqas ammont ta' żmien (5); billi huwa essenzjali li jiġi żgurat li d-danni adegwati jitħallsu lill-vittmi;

F.

billi, filwaqt li t-TPLF huwa virtwalment ineżistenti fl-Ewropa, huwa fenomenu li qed jikber fl-arbitraġġ dwar l-investiment li jimmultiplika l-għadd u l-volum ta' pretensjonijiet ta' investituri privati kontra l-Istati;

G.

billi, skont id-data disponibbli, il-finanzjaturi ta' litigazzjoni jistgħu, f'ċerti Stati Membri, jitolbu sehem sproporzjonat tar-rikavati li jaqbżu r-redditi tipiċi ta' tipi oħra ta' investimenti; billi l-ammonti mitluba mill-finanzjaturi ta' litigazzjoni normalment ivarjaw madwar l-Unjoni minn 20 % sa 50 % tal-ammont mogħti (6), iżda barra mill-Unjoni tali pretensjonijiet jistgħu f'xi każijiet jirrappreżentaw redditi fuq l-investiment sa 300 %; billi għandhom jiġu introdotti regoli biex jiġi żgurat li t-tariffi mħallsa lill-finanzjaturi ta' litigazzjoni jkunu proporzjonati u li l-ammont mogħti jingħata l-ewwel lir-rikorrenti, qabel ma titħallas it-tariffa lill-finanzjatur ta' litigazzjoni;

H.

billi t-TPLF mhuwiex l-uniku mod kif jiġi ffaċilitat l-aċċess għall-ġustizzja, u huma disponibbli strumenti oħra, bħall-għajnuna legali jew l-assigurazzjoni tal-ispejjeż legali, biex jiffaċilitaw tali aċċess, u jeżistu wkoll rimedji extraġudizzjarji biex jinstab rimedju, bħall-medjazzjoni, l-ADR/ODR, l-Ombudsman jew permezz ta' sistemi ta' lmentar ġestiti mill-kumpaniji; billi dawk is-soluzzjonijiet jistgħu jirriżultaw f'kumpens aktar rapidu u aktar adegwat għar-rikorrenti għalkemm dawn ir-rimedji mhux dejjem ikunu neċessarjament effettivi biżżejjed biex jipprovdu rimedju adegwat; billi r-rikorrenti għandhom dejjem jingħataw il-possibbiltà li jfittxu direttament rimedju ġudizzjarju;

I.

billi t-TPLF huwa prevalenti fl-Awstralja, fl-Istati Uniti tal-Amerka, fil-Kanada, fir-Renju Unit u fin-Netherlands, u xi wħud iqisuh bħala fattur ewlieni biex jiġi żgurat li l-aċċess għall-ġustizzja jkun disponibbli (7), madankollu, hemm ukoll tħassib dwar prattiki abbużivi f'xi ġuriżdizzjonijiet; billi, id-data empirika (8) turi li l-finanzjaturi ta' litigazzjoni jagħżlu fil-maġġor parti kawżi li jirrappreżentaw l-aħjar redditu potenzjali, u ma jinvestux f'kawżi li jqisuhom riskjużi wisq jew li ma jrendux biżżejjed profitt;

J.

billi huwa diffiċli li jiġi ddeterminat l-għadd ta' finanzjaturi ta' litigazzjoni, b'mill-inqas 45 finanzjatur bħal dawn li bħalissa huwa magħruf li qed joperaw fl-UE; billi, għalkemm fil-biċċa l-kbira tal-Istati Membri, il-prattika tat-TPLF s'issa kienet limitata fil-firxa tagħha, hija mistennija li jkollha rwol dejjem akbar fis-snin li ġejjin, iżda għadha fil-biċċa l-kbira mhux regolata fl-Unjoni, minkejja l-fatt li tista' tippreżenta mhux biss benefiċċji, iżda wkoll riskji materjali għall-amministrazzjoni tal-ġustizzja li jeħtieġ li jiġu indirizzati;

K.

billi fil-vakwu regolatorju attwali hemm riskju li l-finanzjaturi ta' litigazzjoni joperaw b'mod mhux trasparenti, bir-riżultat li l-qrati jistgħu, xi drabi, jagħtu ammonti lil rikorrenti mingħajr ma jirrealizzaw li sehem mill-ammont mogħti, li xi kultant jaf ikun sproporzjonat, sussegwentement jiġi dirett mill-ġdid lejn il-finanzjaturi ta' litigazzjoni a skapitu tar-rikorrenti; billi tali nuqqas ta' trasparenza jista' jfisser ukoll li anke l-benefiċjarji potenzjali ftit li xejn ikollhom għarfien dwar id-distribuzzjoni tal-ammonti mogħtija jew il-ftehimiet ta' finanzjament, b'mod partikolari fejn japplika mekkaniżmu ta' nonparteċipazzjoni fi ħdan is-sistemi ta' rimedji kollettivi; billi, fin-nuqqas ta' standards minimi komuni fil-livell tal-Unjoni, hemm riskju ta' frammentazzjoni u żbilanċi regolatorji fil-qasam tal-finanzjament ta' litigazzjoni;

L.

billi d-Direttiva (UE) 2020/1828 tidentifika opportunitajiet u tistabbilixxi salvagwardji relatati mal-finanzjament ta' litigazzjoni, li, madankollu, huma limitati għal azzjonijiet rappreżentattivi f'isem il-konsumaturi skont l-ambitu ta' dik id-Direttiva, u għalhekk ma tirregolax tipi oħra ta' azzjoni, bħal dawk relatati mad-drittijiet tan-negozju jew tal-bniedem, jew kategoriji ta' rikorrenti, bħall-organizzazzjonijiet tad-drittijiet tal-bniedem jew il-ħaddiema; billi għandhom japplikaw miżuri u salvagwardji effettivi għat-tipi kollha ta' pretensjonijiet;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

—

wara li kkunsidra l-Komunikazzjoni tal-Kummissjoni tas-16 ta' Lulju 2021 bit-titolu “L-Istrateġija l-ġdida tal-UE għall-Foresti għall-2030” (COM(2021)0572),

—

wara li kkunsidra r-riżoluzzjoni tiegħu tat-8 ta' Ottubru 2020 dwar l-Istrateġija Ewropea għall-Foresti – It-Triq 'il Quddiem (1),

—

wara li kkunsidra r-riżoluzzjoni tiegħu tat-28 ta' April 2015 dwar “Strateġija ġdida tal-UE għall-Foresti: għall-foresti u s-settur ibbażat fuq il-foresti” (2),

—

wara li kkunsidra t-Trattat dwar il-Funzjonament tal-Unjoni Ewropea (TFUE), b'mod partikolari l-Artikolu 4 tiegħu,

—

wara li kkunsidra l-Aġenda 2030 għall-Iżvilupp Sostenibbli u l-Għanijiet ta' Żvilupp Sostenibbli tan-Nazzjonijiet Uniti,

—

wara li kkunsidra l-Ftehim adottat fil-21 Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima (COP21) f'Pariġi fit-12 ta' Diċembru 2015 (il-Ftehim ta' Pariġi),

—

wara li kkunsidra l-komunikazzjoni tal-Kummissjoni tal-11 ta' Diċembru 2019 dwar il-Patt Ekoloġiku Ewropew (COM(2019)0640), u l-linji gwida politiċi konsegwenti tal-President tal-Kummissjoni Ursula von der Leyen u l-Kummissjoni,

—

wara li kkunsidra r-Regolament (UE) 2021/1119 tal-Parlament Ewropew u tal-Kunsill tat-30 ta' Ġunju 2021 li jistabbilixxi l-qafas biex tinkiseb in-newtralità klimatika u li jemenda r-Regolamenti (KE) Nru 401/2009 u (UE) 2018/1999 (3),

—

wara li kkunsidra r-Regolament (UE) 2018/841 tal-Parlament Ewropew u tal-Kunsill tat-30 ta' Mejju 2018 dwar l-inklużjoni tal-emissjonijiet u l-assorbimenti ta' gassijiet serra minn użu tal-art, tibdil fl-użu tal-art u l-forestrija fil-qafas ta' politika għall-klima u l-enerġija għall-2030 u li jemenda r-Regolament (UE) Nru 525/2013 u d-Deċiżjoni Nru 529/2013/UE (4),

—

wara li kkunsidra d-Direttiva (UE) 2018/2001 tal-Parlament Ewropew u tal-Kunsill tal-11 ta' Diċembru 2018 dwar il-promozzjoni tal-użu tal-enerġija minn sorsi rinnovabbli (5),

—

wara li kkunsidra d-Direttiva tal-Kunsill 92/43/KEE tal-21 ta' Mejju 1992 dwar il-konservazzjoni tal-ħabitat naturali u tal-fawna u l-flora selvaġġa (id-Direttiva dwar il-Ħabitats) (6),

—

wara li kkunsidra r-Regolament Delegat tal-Kummissjoni (UE) 2021/268 tat-28 ta' Ottubru 2020 li jemenda l-Anness IV tar-Regolament (UE) 2018/841 tal-Parlament Ewropew u tal-Kunsill fir-rigward tal-livelli ta' referenza għall-foresti li jeħtieġ jiġu applikati mill-Istati Membri għall-perjodu 2021-2025 (7),

—

wara li kkunsidra l-Komunikazzjoni tal-Kummissjoni tal-20 ta' Mejju 2020 bit-titlu “Strateġija tal-UE għall-Bijodiversità għall-2030 – Inreġġgħu n-natura lura f'ħajjitna” (COM(2020)0380),

—

wara li kkunsidra l-Komunikazzjoni tal-Kummissjoni tal-10 ta' Marzu 2020 bit-titolu “Strateġija Industrijali Ġdida għall-Ewropa” (COM(2020)0102),

—

wara li kkunsidra l-Komunikazzjoni tal-Kummissjoni tat-30 ta' Ġunju 2021 bit-titlu “Viżjoni fit-tul għaż-żoni rurali tal-UE – Lejn żoni u komunitajiet rurali aktar b'saħħithom, konnessi, reżiljenti u prosperużi sal-2040” (COM(2021)0345),

—

wara li kkunsidra l-Komunikazzjoni tal-Kummissjoni tal-14 ta' Ottubru 2020 bit-titlu “Mewġa ta' Rinnovazzjoni għall-Ewropa – l-ekoloġizzazzjoni tal-binjiet tagħna, il-ħolqien tal-impjiegi, it-titjib tal-ħajja” (COM(2020)0662),

—

wara li kkunsidra l-Komunikazzjoni tal-Kummissjoni tal-11 ta' Ottubru 2018 bit-titlu “Bijoekonomija sostenibbli għall-Ewropa: Tisħiħ tal-konnessjoni bejn l-ekonomija, is-soċjetà u l-ambjent” (COM(2018)0673),

—

wara li kkunsidra l-Komunikazzjoni tal-Kummissjoni tat-23 ta' Marzu 2022 dwar is-salvagwardja tas-sigurtà tal-ikel u t-tisħiħ tar-reżiljenza tas-sistemi tal-ikel (COM(2022)0133),

—

wara li kkunsidra l-inizjattiva tal-Bauhaus Ewropea l-Ġdida,

—

wara li kkunsidra l-abbozz ta' regolament tal-Kummissjoni li jiddikjara ċerti kategoriji ta' għajnuna fis-setturi tal-agrikoltura u tal-forestrija u f'żoni rurali kompatibbli mas-suq intern bl-applikazzjoni tal-Artikoli 107 u 108 tat-Trattat dwar il-Funzjonament tal-Unjoni Ewropea u li jħassar ir-Regolament tal-Kummissjoni (UE) Nru 702/2014 (8),

—

wara li kkunsidra l-konklużjonijiet tal-Kunsill tal-5 ta' Novembru 2021 dwar l-Istrateġija l-ġdida tal-UE għall-Foresti għall-2030,

—

wara li kkunsidra l-Opinjoni tal-Kumitat Ekonomiku u Soċjali Ewropew tat-8 ta' Diċembru 2021 dwar il-Komunikazzjoni tal-Kummissjoni bit-titlu “L-Istrateġija l-ġdida tal-UE għall-Foresti għall-2030” (9),

—

wara li kkunsidra l-opinjoni tal-Kumitat Ewropew tar-Reġjuni tat-28 ta' April 2022 dwar il-Komunikazzjoni tal-Kummissjoni bit-titlu “L-Istrateġija l-ġdida tal-UE għall-Foresti għall-2030”,

—

wara li kkunsidra r-responsabbiltajiet tal-Istati Membri skont il-Konvenzjoni tan-NU għall-Ġlieda kontra d-Deżertifikazzjoni,

—

wara li kkunsidra r-rapport tal-Qorti Ewropea tal-Awdituri tal-2021 bit-titlu “Rapport Speċjali 21/2021 – Il-finanzjament tal-UE għall-bijodiversità u t-tibdil fil-klima fil-foresti tal-UE: riżultati pożittivi iżda limitati”,

—

wara li kkunsidra l-pubblikazzjoni tal-Kummissjoni tal-2018 bit-titlu “Guidance on cascading use of biomass with selected good practice examples on woody biomass” (Gwida dwar l-użu kaskata tal-bijomassa b'eżempji magħżula ta' prattika tajba fuq il-bijomassa tal-injam),

—

wara li kkunsidra r-rapport tal-2020 taċ-Ċentru Konġunt tar-Riċerka tal-Kummissjoni bit-titlu “Mapping and Assessment of Ecosystems and their Services: An EU ecosystem assessment” (l-Immappjar u l-Valutazzjoni tal-Ekosistemi u s-Servizzi tagħhom: Valutazzjoni tal-ekosistema tal-UE),

—

wara li kkunsidra r-rapport tal-Aġenzija Ewropea għall-Ambjent tal-2020 bit-titlu “State of nature in the EU – Results from reporting under the nature directives 2013-2018” (L-Istat tan-natura fl-UE – Riżultati mir-rappurtar taħt id-direttivi tan-natura 2013-2018),

—

wara li kkunsidra r-rapport Forest Europe tal-2020 bit-titlu “State of Europe's Forests 2020” (L-Istat tal-Foresti tal-Ewropa 2020),

—

wara li kkunsidra r-rapport ta' valutazzjoni globali dwar il-bijodiversità u s-servizzi ekosistemiċi tal-Pjattaforma Intergovernattiva tal-Politika tax-Xjenza dwar il-Bijodiversità u s-Servizzi Ekosistemiċi (IPBES),

—

wara li kkunsidra d-Dikjarazzjoni ta' Kunming – “Ecological Civilization: Building a Shared Future for All Life on Earth” (Ċivilizzazzjoni Ekoloġika: Nibnu Futur Komuni għall-Ħajja Kollha fid-Dinja),

—

wara li kkunsidra r-r-rapport tal-Grupp ta' Ħidma II tal-Grupp Intergovernattiv ta' Esperti dwar it-Tibdil fil-Klima (IPCC) bit-titlu “Climate Change 2022: Impacts, Adaptation and Vulnerability” Tibdil fil-Klima 2022: Impatti, Adattament u Vulnerabbiltà),

—

wara li kkunsidra r-rapporti speċjali tal-IPCC dwar it-tibdil fil-klima, id-deżertifikazzjoni, id-degradazzjoni tal-art, il-ġestjoni sostenibbli tal-art, is-sigurtà tal-ikel u l-flussi ta' gass serra fl-ekosistemi terrestri

—

wara li kkunsidra s-sentenza tal-Qorti tal-Ġustizzja tal-Unjoni Ewropea tas-17 ta' April 2018 fil-Kawża C-441/17, Il-Kummissjoni Ewropea v ir-Repubblika tal-Polonja (10),

—

wara li kkunsidra l-proġetti u l-prattiki għall-koordinazzjoni tal-informazzjoni dwar il-foresti fl-Ewropa (in-Network Ewropew tal-Inventarju Nazzjonali tal-Foresti (ENFIN), il-proġett FutMon, il-proġett Diabolo, l-Atlas Ewropew tal-Ispeċijiet tas-Siġar tal-Foresti, u l-programm tal-Immappjar u l-Valutazzjoni tal-Ekosistemi u s-Servizzi tagħhom (MAES)),

—

wara li kkunsidra r-rapport kosponsorjat tal-IPBES u l-IPCC tas-Sessjoni ta' Ħidma dwar il-bijodiversità u t-tibdil fil-klima tal-10 ta' Ġunju 2021,

—

wara li kkunsidra l-Artikolu 54 tar-Regolament ta' Proċedura tiegħu,

—

wara li kkunsidra l-opinjonijiet tal-Kumitat għall-Ambjent, is-Saħħa Pubblika u s-Sikurezza tal-Ikel u l-Kumitat għall-Iżvilupp,

—

wara li kkunsidra r-rapport tal-Kumitat għall-Agrikoltura u l-Iżvilupp Rurali (A9-0225/2022),

A.

billi l-UE stabbiliet il-miri vinkolanti li tnaqqas l-emissjonijiet tal-gassijiet b'effett ta' serra b'mill-inqas 55 % sal-2030 u li tilħaq in-newtralità klimatika sa mhux aktar tard mill-2050 (11); billi l-UE ħadet l-impenn li tikseb l-Għanijiet ta' Żvilupp Sostenibbli tan-NU (SDG), inkluż l-SDG 15 li jikkonsisti fil-protezzjoni u r-restawr tal-ekosistemi terrestri u l-promozzjoni tal-użu sostenibbli tagħhom, il-ġestjoni sostenibbli tal-foresti, l-indirizzar tad-deżertifikazzjoni, il-waqfien u t-treġġigħ lura tad-degradazzjoni tal-art u l-waqfien tat-telf tal-bijodiversità, u li tirrispetta l-Ftehim ta' Pariġi u li tonora l-impenji li saru waqt il-Konferenza tan-NU dwar it-Tibdil fil-Klima tal-2021 (COP26); billi l-foresti u l-industriji u s-servizzi bbażati fuq il-foresti, kif ukoll is-sidien u l-ħaddiema, se jkollhom rwol ewlieni u insostitwibbli fil-kisba tal-SDGs u l-miri tal-Ftehim ta' Pariġi, filwaqt li l-ekosistemi tal-foresti u r-raggruppamenti tal-karbonju tagħhom huma essenzjali għall-mitigazzjoni u l-adattament għat-tibdil fil-klima, peress li jassorbu u jaħżnu madwar 10 % tal-emissjonijiet ta' gassijiet serra tal-Ewropa (12) u huma ospitanti ewlenin tal-bijodiversità;

B.

billi l-Artikolu 4 tat-TFUE jipprevedi kompetenzi u responsabbiltà kondiviżi fir-rigward tal-foresti, b'mod partikolari fil-qafas tal-politika ambjentali tal-UE, filwaqt li ma jagħmel l-ebda referenza għal politika komuni tal-UE dwar il-foresti u b'hekk il-politika dwar il-foresti tibqa' kompetenza tal-Istati Membri; billi minħabba d-diversità kbira tal-foresti tal-UE fir-rigward tal-bijoġeografija, l-istruttura, id-daqs, il-bijodiversità, ix-xejriet tas-sjieda u l-politiki eżistenti, meta l-politika ambjentali, klimatika u ta' natura relevanti oħra tkun tolqot il-foresti, jeħtieġ li jiġu applikati kif xieraq il-prinċipji tas-sussidjarjetà u l-proporzjonalità fl-iżvilupp u l-implimentazzjoni tal-Istrateġija l-Ġdida tal-UE għall-Foresti (l-Istrateġija) u l-leġiżlazzjoni rilevanti tal-UE; billi d-dettalji relatati mal-ġestjoni tal-foresti jeħtieġ li jiġu aġġustati fil-livell nazzjonali u reġjonali, billi jittieħed approċċ minn isfel għal fuq; billi hija meħtieġa aktar koordinazzjoni fil-livell tal-UE biex jintlaħqu aħjar l-objettivi tal-Patt Ekoloġiku Ewropew u biex ikun jista' jiġi kkalkulat b'mod aktar preċiż it-tnaqqis potenzjali tal-emissjonijiet u l-limiti tal-użu tal-foresti fid-dawl tar-rwol importanti tal-foresti biex jinkisbu l-objettivi klimatiċi Ewropej;

C.

billi l-prinċipju tal-Patt Ekoloġiku Ewropew bħala approċċ trasversali biex jiġu indirizzati l-isfidi klimatiċi u ambjentali, u biex jiġi żgurat li n-natura u l-bijodiversità jistgħu jiġru protetti kif xieraq, b'mod li joħloq tkabbir sostenibbli u impjiegi f'ekonomija effiċjenti fir-riżorsi, ċirkolari u kompetittiva, għandu jiggwida l-implimentazzjoni tal-istrateġija fil-ġestjoni tal-kompromessi, il-ħolqien ta' sinerġiji u s-sejbien ta' bilanċ tajjeb bejn id-diversi funzjonijiet tal-foresti, inklużi l-funzjonijiet soċjoekonomiċi, ambjentali u klimatiċi; billi “ekosistema” hija ambjent fiżiku magħmul minn komponenti ħajjin u mhux ħajjin li jinteraġixxu ma' xulxin; billi minn dawn l-interazzjonijiet, l-ekosistemi joħolqu fluss ta' benefiċċji għan-nies u għall-ekonomija msejħa “servizzi tal-ekosistema”; billi t-tibdil fil-klima u t-telfien tal-bijodiversità u tas-servizzi tal-ekosistema assoċjati joħolqu theddida sistemika għas-soċjetà; billi l-foresti jipprovdu firxa wiesgħa ta' servizzi tal-ekosistema, bħall-provvista tal-injam, prodotti mhux tal-injam u ikel, sekwestru tal-karbonju, kenn għall-bijodiversità, arja u ilma nodfa, benefiċċji għall-klima lokali, u protezzjoni kontra perikli naturali bħall-valangi, l-għargħar, in-nixfa u l-waqgħa tal-blat, u jipprovdu wkoll valur rikreattiv, kulturali u storiku; billi l-għan tal-ġestjoni sostenibbli tal-foresti huwa li tiġi żgurata l-provvista bbilanċjata tad-diversi servizzi tal-ekosistema u li jiġu appoġġati l-isforzi ta' adattament u mitigazzjoni tat-tibdil fil-klima;

D.

billi l-prodotti magħmula mill-injam jikkontribwixxu għall-mitigazzjoni tat-tibdil fil-klima għax jaħżnu l-karbonju u jieħdu post prodotti b'marka tal-karbonju kbira, inklużi materjali tal-bini u tal-imballaġġ, tessuti, sustanzi kimiċi u fjuwils; billi l-prodotti magħmula mill-injam huma rinnovabbli u fil-biċċa l-kbira riċiklabbli, u bħala tali għandhom potenzjal enormi biex jappoġġjaw bijoekonomija ċirkolari; billi dan jagħmel lis-settur tal-forestrija u lill-industriji bbażati fuq il-foresti atturi ewlenin f'ekonomija ekoloġika;

E.

billi bħala parti mill-pakkett “Lesti għall-Mira ta' 55 %” u l-mira li l-politika dwar il-klima tiġi allinjata mal-Ftehim ta' Pariġi, id-Direttiva dwar l-Enerġija Rinnovabbli u r-Regolament dwar l-Inklużjoni ta' Emissjonijiet ta' Gassijiet Serra mill-Użu tal-Art, it-Tibdil fl-Użu tal-Art u l-Forestrija (13) qed jiġu riveduti; billi l-Kummissjoni pproponiet regolament dwar prodotti li ma jikkawżawx deforestazzjoni; billi fid-dawl tal-kunċett Ewropew ta' foresti multifunzjonali, dawn l-inizjattivi jridu jkunu koerenti mal-miri politiċi ta' livell għoli tal-Patt Ekoloġiku, il-Pjan ta' Azzjoni dwar il-Bijoekonomija, l-Istrateġija għal Ekonomija Ċirkolari, l-Istrateġija għall-Foresti, l-Istrateġija għall-Bijodiversità u l-Viżjoni fit-Tul għaż-Żoni Rurali;

F.

billi s-sjieda tal-foresti madwar l-Ewropa hija diversa f'termini ta' daqs u struttura ta' sjieda, u dan iwassal għal diversità kbira ta' mudelli ta' ġestjoni; billi madwar 60 % tal-foresti tal-UE huma proprjetà ta' 16-il miljun sid ta' foresti privati (14), li sehem sinifikanti minnhom huma detenturi agrikoli żgħar (15), filwaqt li madwar 40 % tal-foresti tal-UE jinsabu taħt forom differenti ta' sjieda pubblika; billi għadd żgħir ta' sidien tal-foresti għandhom sehem sinifikanti mill-erja totali tal-foresti, li wħud minnhom huma s-sidien tal-impjanti ewlenin tal-ipproċessar tal-injam tal-UE; billi l-involviment, l-appoġġ u l-motivazzjoni, qabel il-penali, ta' dawn is-sidien permezz ta' politika komprensiva u qafas leġiżlattiv li jipprovdi ċertezza legali, u li jkun ibbażat fuq ir-rikonoxximent tad-drittijiet ta' proprjetà tagħhom, l-esperjenza bħala maniġers, l-importanza tad-dħul ġenerat mill-ġestjoni tal-foresti u sfidi speċifiċi, se jkunu kruċjali biex jintlaħqu l-miri tal-istrateġija, inkluż il-forniment ta' servizzi klimatiċi u servizzi oħra tal-ekosistema; billi huwa importanti, f'dan ir-rigward, li jiġi żgurat li dan il-qafas ikun ċar u trasparenti u li jiġi evitat piż amministrattiv eċċessiv fuq l-atturi kollha;

G.

billi l-UE għandha madwar 5 % taż-żona forestali totali tad-dinja, u l-foresti jammontaw għal 43 % taż-żona tal-art tal-UE, proporzjon ftit ikbar minn dak tal-art li tintuża għall-agrikoltura, u dawn fihom 80 % tal-bijodiversità terrestri tagħha (16); billi, skont rapport tal-Aġenzija Ewropea għall-Ambjent, bit-titlu “The European environment – state and outlook 2020: knowledge for transition to a sustainable Europe” L-ambjent Ewropew – L-istat u l-prospetti għall-2020: għarfien għal tranżizzjoni lejn Ewropa sostenibbli) (17), l-Ewropa esperjenzat tnaqqis enormi fil-bijodiversità; billi kważi 23 % tal-foresti Ewropej jinsabu fis-siti tan-Natura 2000, u s-sehem f'xi Stati Membri jaqbeż il-50 %; billi kważi nofs il-ħabitats naturali fiż-żoni ta' Natura 2000 huma foresti;

H.

billi l-aktar data reċenti miġbura skont l-Artikolu 17 tad-Direttiva dwar il-Ħabitats tindika li l-kundizzjoni tal-parametru tal-ħabitat turi li 49 % biss tal-ħabitats tal-foresti huma f'kundizzjoni tajba (18), filwaqt li l-istatus ta' 29,6 % tal-ħabitats mhuwiex magħruf u 21,1 % jinsabu f'kundizzjoni ħażina u jeħtieġ li jittejbu; billi l-iffukar esklużiv fuq data aggregata jista' ma jkunx biżżejjed biex tiġi identifikata u indirizzata informazzjoni ewlenija dwar l-aktar kwistjonijiet urġenti u għalhekk jeħtieġ li jiġu kkonsultati indikaturi aktar speċifiċi dwar ix-xejriet fil-kundizzjoni u l-pressjonijiet u li jiġi żgurat li d-data nieqsa tkun disponibbli fil-futur; billi dawn l-indikaturi ma jappoġġawx valutazzjoni negattiva ġenerali tal-istat tal-foresti tal-UE, iżda juru xejriet kemm pożittivi kif ukoll negattivi (19) li jirrikjedu rispons individwali skont il-każ; billi l-foresti huma dejjem aktar vulnerabbli għall-impatti tat-tibdil fil-klima, b'mod partikolari permezz tal-firxa dejjem iktar prevalenti tan-nirien fil-foresti; billi l-kwantifikazzjoni tal-effetti ta' tali disturbi naturali għar-reżiljenza u l-produttività fuq il-foresti fuq skala kbira għadha sfida kbira;

I.

billi fehim akbar tad-disturbi naturali potenzjali mġarrba mill-foresti Ewropej minħabba l-klima għandu jipprovdi appoġġ addizjonali għall-gwida għall-ġestjoni tal-foresti u jiddefinixxi politiki ta' adattament bl-għan li jiġu indirizzati dawn il-vulnerabbiltajiet;

J.

billi l-ġbir u ż-żamma ta' data trasparenti, affidabbli u ta' kwalità għolja, l-iskambju tal-għarfien u tal-aħjar prattiki, u riċerka ffinanzjata b'mod adegwat u kkoordinata tajjeb huma ta' importanza fundamentali biex jintlaħqu l-isfidi u jinħolqu opportunitajiet u biex jitwettqu l-funzjonijiet multipli tal-foresti, inklużi d-diversi benefiċċji pprovduti mill-prodotti tal-industriji bbażati fuq il-foresti, f'ambjent dejjem aktar kumpless; billi d-data dwar il-foresti, disponibbli fil-livell tal-UE mhijiex kompluta u l-kwalità tagħha tvarja, u dan ixekkel il-koordinament tal-UE u tal-Istati Membri fil-ġestjoni u l-konservazzjoni tal-foresti; billi, b'mod partikolari, hemm bżonn ta' monitoraġġ aħjar tal-istatus tal-ekosistema tal-foresti, kif ukoll tal-impatti tal-miżuri tal-forestrija fuq il-bijodiversità u l-klima;

K.

billi fil-livell internazzjonali, l-Organizzazzjoni tal-Ikel u l-Agrikoltura tan-NU (FAO) hija l-forum ewlieni għall-iżvilupp ta' definizzjonijiet maqbula internazzjonalment fil-qasam tal-foresti u l-forestrija; billi l-FAO tiġbor u tipprovdi data dwar il-foresti u l-forestrija; billi l-Kummissjoni u l-Istati Membri jikkontribwixxu għax-xogħol tal-FAO;

L.

billi l-provvista tad-diversi servizzi tal-ekosistema tal-foresti permezz tas-settur tal-forestrija u l-industriji bbażati fuq il-foresti hija pilastru importanti tal-introjtu u l-impjiegi, b'mod partikolari f'żoni rurali, iżda wkoll f'żoni urbani permezz tal-użu downstream ta' tali servizzi; billi l-implimentazzjoni tal-istrateġija għandha tagħti attenzjoni xierqa lill-iżvilupp tal-introjtu u l-impjiegi, iżda wkoll lill-attraenza tal-impjiegi fis-settur permezz ta' impjiegi ta' kwalità, protezzjoni soċjali, standards tas-saħħa u s-sikurezza, l-iżvilupp kontinwu ta' sħubijiet ta' ħiliet li jinvolvu l-partijiet ikkonċernati, u opportunitajiet ta' taħriġ adegwati għall-maniġers u l-ħaddiema; billi l-impjiegi fil-forestrija Ewropea naqsu b'terz bejn l-2000 u l-2015 – primarjament minħabba żieda fil-mekkanizzazzjoni fl-industrija tal-injam u tal-karta (20); billi d-disinn imtejjeb tal-makkinarju tal-forestrija jista' jżid mal-protezzjoni tal-ħaddiema u jnaqqas l-impatt fuq il-ħamrija u l-ilma; billi l-qtugħ tas-siġar u l-industrija tal-injam huma fost l-aktar setturi industrijali perikolużi u għandhom livelli għoljin ta' inċidenti fuq il-post tax-xogħol, mard okkupazzjonali u rtirar bikri;

M.

billi ż-żona u l-volum tal-bijomassa tal-foresti Ewropej qed jiżdiedu (21), b'kuntrast max-xejriet inkwetanti tad-deforestazzjoni globalment; billi l-UE jista' jkollha rwol importanti fl-indirizzar tad-deforestazzjoni globali, rwol enfasizzat mill-proposta tal-Kummissjoni għal regolament għal prodotti li ma jikkawżawx deforestazzjoni; billi lil hinn mir-regolamentazzjoni tal-importazzjonijiet, Strateġija Ewropea għall-Foresti li tixhed l-aħjar prattiki għall-ġestjoni sostenibbli tal-foresti ekonomikament vijabbli tista' tikkontribwixxi għat-titjib tal-ġestjoni tal-foresti globalment;

N.

billi bħalissa hemm fis-seħħ skemi ta' ċertifikazzjoni volontarji globali għall-ġestjoni sostenibbli tal-foresti; billi l-iskemi ta' ċertifikazzjoni huma għodda essenzjali biex jiġu ssodisfati r-rekwiżiti tar-Regolament tal-UE dwar l-Injam (22) għad-diliġenza dovuta (23);

O.

billi l-proċess ta' ġestjoni sostenibbli tal-foresti fl-Ewropa għandu jiżgura li jinkiseb il-bilanċ it-tajjeb bejn it-tliet pilastri tas-sostenibbiltà – jiġifieri l-protezzjoni ambjentali, l-iżvilupp soċjali u l-iżvilupp ekonomiku;

P.

billi l-kriterji u l-indikaturi għad-definizzjoni tal-ġestjoni sostenibbli tal-foresti użati b'mod komuni fl-UE huma bbażati fuq kooperazzjoni pan-Ewropea fi ħdan il-proċess Forest Europe li l-Istati Membri kollha u l-Kummissjoni huma firmatarji tiegħu; billi bħala parti mill-programm ta' ħidma kontinwa tagħha, Forest Europe bdiet valutazzjoni mill-ġdid tad-definizzjoni ta' ġestjoni sostenibbli tal-foresti; billi Forest Europe tiġbor u tipprovdi informazzjoni dwar l-istatus u x-xejriet fil-foresti u l-forestrija abbażi tal-kriterji għall-ġestjoni sostenibbli tal-foresti; billi hemm il-ħtieġa li jiġi żgurat li l-indikaturi u l-limiti jkunu bbażati fuq l-evidenza u li ssir ħidma f'kooperazzjoni mill-qrib mal-Istati Membri f'dan ir-rigward; billi indikaturi u limiti ġodda trasparenti jistgħu jtejbu s-sostenibbiltà tas-settur, minħabba l-importanza tiegħu f'termini ta' valuri ambjentali, ekonomiċi u soċjali; billi l-qafas ta' ġestjoni sostenibbli tal-foresti se jkollu jiġi ddefinit b'mod ċar, b'mod partikolari fir-rigward tal-kriterji, l-indikaturi u l-limiti relatati mas-saħħa tal-ekosistemi, mal-bijodiversità u mat-tibdil fil-klima, jekk trid issir għodda ta' skrinjar aktar dettaljata u utli biex jiġu ddeterminati u mqabbla approċċi ta' ġestjoni differenti, l-impatt tagħhom u l-istatus u l-konservazzjoni ġenerali tal-foresti Ewropej; billi l-ġestjoni sostenibbli tal-foresti għandha timxi id f'id mal-promozzjoni tar-rwol multifunzjonali tal-foresti sabiex jiġi żgurat li tkun kompletament konformi mad-diversità tal-foresti u l-karatteristiċi speċifiċi ta' kull reġjun;

Q.

billi l-agroforestrija, definita bħala sistemi ta' użu tal-art fejn jitkabbru s-siġar fuq l-istess unità ta' art fejn jitwettqu l-prattiki agrikoli, hija sensiela ta' sistemi ta' ġestjoni tal-art li jagħtu spinta lill-produttività ġenerali, jiġġeneraw aktar bijomassa, iżommu l-ħamrija tajba u jreġġgħuha lura għall-istadju oriġinali tagħha, u jipprovdu għadd ta' servizzi ekosistemiċi ta' valur; billi hemm żewġ tipi ewlenin ta' agroforestrija fl-UE: agroforestrija silvipastorali (ragħa tal-annimali, jew għalf tal-annimali prodott taħt is-siġar) u agroforestrija silvipastorali (l-għelejjel jitkabbru taħt siġar, bi spazju ta' bejn ir-ringieli li jippermetti lit-tratturi jgħaddu); billi l-maġġoranza tas-sistemi agroforestali eżistenti fl-UE huma sistemi silvipastorali u t-tkabbir tal-agroforestrija tista' ġġib diversi benefiċċji fid-dawl tal-pressjonijiet ambjentali;

R.

billi l-Istrateġija tal-UE għall-Bijodiversità għall-2030 għandha l-mira li “jiġu definiti, immappjati, monitorjati u protetti b'mod strett il-foresti primarji u antiki kollha tal-UE li fadal”; billi l-protezzjoni tal-foresti, inklużi l-foresti primarji u antiki tal-UE kollha li jibqgħu, hija kruċjali biex tiġi ppreservata l-bijodiversità u biex jiġi mmitigat it-tibdil fil-klima; billi skont rapport taċ-Ċentru Konġunt tar-Riċerka tal-2021 (24), għad hemm biss 4,9 miljun ettaru ta' foresti primarji u antiki tal-Ewropa, li jirrappreżentaw biss 3 % taż-żona forestali totali tal-Unjoni u 1,2 % tal-massa tal-art tagħha; billi l-foresti primarji u qodma għandhom rwol ewlieni għall-konservazzjoni tal-bijodiversità; billi spiss dawn ikunu bijodiversi ħafna meta mqabbla ma' foresti oħra fl-istess reġjun ekoloġiku, ikunu rikki fl-ispeċijiet u jospitaw flora u fawna speċjalizzati; billi l-foresti primarji u antiki jipprovdu wkoll firxa wiesgħa ta' servizzi kritiċi oħra tal-ekosistema; billi hija meħtieġa definizzjoni operattiva tal-foresti primarji u antiki għat-tfassil, għall-implimentazzjoni u għall-monitoraġġ xierqa tal-politika;

S.

billi l-Integrate Network huwa pjattaforma ta' rappreżentanti ta' pajjiżi Ewropej differenti, mibdi minn diversi gvernijiet tal-Istati Membri u appoġġat mill-Kumitat Forestrarju Permanenti tal-Kummissjoni, li jipprovdi pariri xjentifiċi u sa issa serva bħala mutur importanti għall-identifikazzjoni ta' mezzi biex il-konservazzjoni tan-natura tiġi integrata fil-ġestjoni sostenibbli tal-foresti; billi l-ħidma tal-pjattaforma kellha rwol importanti fl-iskambju tal-esperjenzi u tal-aħjar prattiki;

T.

billi l-proġett Alterfor iffinanzjat minn Orizzont 2020 qies il-potenzjal li jiġu ottimizzati l-metodi ta' ġestjoni tal-foresti li qed jintużaw bħalissa u ppreżenta mudelli alternattivi ta' ġestjoni tal-foresti, b'opportunitajiet u sfidi elenkati għal kull alternattiva;

U.

billi l-proġett SINCERE ffinanzjat minn Orizzont 2020 żviluppa politiki ġodda u mudelli ta' negozju ġodda billi għaqqad l-għarfien u l-għarfien espert mill-prattika, ix-xjenza u l-politika, madwar l-Ewropa u lil hinn minnha, bil-għan li jiġu esplorati mezzi ġodda li jsaħħu s-servizzi tal-ekosistema tal-foresti b'modi li jkunu ta' benefiċċju għas-sidien tal-foresti, u li jaqdu wkoll il-ħtiġijiet soċjetali wiesgħa;

V.

billi l-gwerra fl-Ukraina se jkollha impatt kbir fuq l-importazzjonijiet tal-injam, b'mod partikolari l-injam tal-betula, li minnu r-Russja tirrappreżenta 80 % tal-produzzjoni globali, u fuq l-industrija tal-ipproċessar tal-injam tal-Ewropa u l-esportazzjonijiet ta' prodotti pproċessati; billi s-sanzjonijiet leġittimi imposti fuq ir-Russja jqajmu l-kwistjoni tad-dipendenza tal-UE fuq l-importazzjonijiet tal-injam mir-Russja; billi l-UE tikseb madwar 80 % tad-domanda tagħha għall-injam domestikament, u l-importazzjonijiet mir-Russja jammontaw biss għal madwar 2 % tal-konsum totali; billi l-Finlandja u l-Iżvezja huma l-importaturi ewlenin tal-UE ta' njam tond mhux ipproċessat mir-Russja u se jiġu affettwati minn projbizzjonijiet kummerċjali (25);

W.

billi l-qtugħ illegali tas-siġar, inkluż il-qtugħ tas-siġar f'żoni protetti bħal żoni ta' Natura 2000, huwa problema kontinwa u mhux solvuta f'għadd ta' Stati Membri;

X.

billi l-foresti huma essenzjali għas-saħħa fiżika u mentali u għall-benessri tan-nies, u jixprunaw it-tranżizzjoni lejn ekonomija ħielsa mill-fjuwils fossili u għandhom rwol importanti fil-ħajja tal-komunitajiet lokali, speċjalment fiż-żoni rurali fejn jipprovdu kontributi importanti għall-għajxien lokali;

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

48.

49.

50.

51.

52.

53.

54.

55.

56.

57.

58.

59.

60.

61.

62.

—

wara li kkunsidra l-Artikoli 2, 3 u 5(3) tat-Trattat dwar l-Unjoni Ewropea,

—

wara li kkunsidra l-Artikoli 165, 166 u 167 tat-Trattat dwar il-Funzjonament tal-Unjoni Ewropea,

—

wara li kkunsidra l-Artikoli 14, 15 u 32 tal-Karta tad-Drittijiet Fundamentali tal-Unjoni Ewropea,

—

wara li kkunsidra l-Pilastru Ewropew tad-Drittijiet Soċjali, b'mod partikolari l-prinċipji 1, 3 u 4 tiegħu,

—

wara li kkunsidra r-riżoluzzjoni tiegħu tas-17 ta' April 2020 dwar azzjoni koordinata tal-UE biex tikkumbatti l-pandemija tal-COVID-19 u l-konsegwenzi tagħha (1),

—

wara li kkunsidra r-riżoluzzjoni tiegħu tat-8 ta' Ottubru 2020 dwar il-Garanzija għaż-Żgħażagħ (2),

—

wara li kkunsidra r-riżoluzzjoni tiegħu tal-10 ta' Frar 2021 dwar l-impatt tal-COVID-19 fuq iż-żgħażagħ u fuq l-isport (3),

—

wara li kkunsidra r-riżoluzzjoni tiegħu tas-17 ta' Frar 2022 dwar it-tisħiħ tal-pożizzjoni taż-żgħażagħ Ewropej: l-impjiegi u l-irkupru soċjali wara l-pandemija (4),

—

wara li kkunsidra r-riżoluzzjoni tiegħu tal-20 ta' Mejju 2021 dwar id-dritt għall-informazzjoni tal-Parlament rigward il-valutazzjoni li għaddejja tal-pjanijiet nazzjonali għall-irkupru u r-reżiljenza (5),

—

wara li kkunsidra r-rapport tal-Avveniment Ewropew taż-Żgħażagħ 2021 bit-titolu “Youth Ideas Report for the Conference on the Future of Europe” (Rapport dwar l-Ideat taż-Żgħażagħ għall-Konferenza dwar il-Futur tal-Ewropa),

—

wara li kkunsidra d-Deċiżjoni (UE) 2021/2316 tal-Parlament Ewropew u tal-Kunsill tat-22 ta Diċembru 2021 dwar Sena Ewropea taż-Żgħażagħ (2022) (6),

—

wara li kkunsidra l-proposta għal rakkomandazzjoni tal-Kunsill tal-10 ta' Diċembru 2021 dwar approċċ Ewropew għall-mikrokredenzjali għall-apprendiment tul il-ħajja u għall-impjegabbiltà (COM(2021)0770) u d-dokument ta' ħidma tal-persunal li jakkumpanjaha (SWD(2021)0367),

—

wara li kkunsidra l-artiklu tal-aħbarijiet tas-7 ta' April 2020 bit-titolu “COVID-19: how can VET respond?” (Il-COVID-19: kif jistgħu jirrispondu l-VET?), ippubblikat mid-Direttorat Ġenerali tal-Kummissjoni għall-Impjiegi, l-Affarijiet Soċjali u l-Inklużjoni (7),

—

wara li kkunsidra l-komunikazzjoni tal-Kummissjoni tat-30 ta' Settembru 2020 intitolata “Pjan ta' Azzjoni dwar l-Edukazzjoni Diġitali 2021-2027: Tfassil mill-ġdid tal-edukazzjoni u t-taħriġ għall-era diġitali” (COM(2020)0624),

—

wara li kkunsidra l-Istħarriġ tal-Erasmus+ u l-Korp Ewropew ta' Solidarjetà dwar l-impatt tal-COVID-19 fuq il-mobbiltà għat-tagħlim (8),

—

wara li kkunsidra l-komunikazzjoni li jmiss tal-Kummissjoni dwar il-kura fit-tul u l-edukazzjoni u l-kura tat-tfal,

—

wara li kkunsidra l-istudju bit-titolu “Education and youth in post-COVID-19 Europe – crisis effects and policy recommendations” (L-edukazzjoni u ż-żgħażagħ fl-Ewropa ta' wara l-COVID-19 – l-effetti tal-kriżi u rakkomandazzjonijiet ta' politika), ippubblikat mid-Direttorat Ġenerali għall-Politiki Interni tiegħu fl-4 ta' Mejju 2021 (9),

—

wara li kkunsidra l-istudju bit-titolu “Youth in Europe: Effects of COVID-19 on their economic and social situation” (Iż-żgħażagħ fl-Ewropa: L-effetti tal-COVID-19 fuq is-sitwazzjoni ekonomika u soċjali tagħhom), ippubblikat mid-Direttorat Ġenerali għall-Politiki Interni tiegħu fl-24 ta' Settembru 2021 (10),

—

wara li kkunsidra l-istudju bit-titolu “Cultural and creative sectors in post-COVID-19 Europe – crisis effects and policy recommendations” (Is-setturi kulturali u kreattivi fl-Ewropa ta' wara l-COVID-19 – l-effetti tal-kriżi u rakkomandazzjonijiet ta' politika), ippubblikat mid-Direttorat Ġenerali għall-Politiki Interni tiegħu fit-18 ta' Frar 2021 (11),

—

wara li kkunsidra r-rapport ad hoc NESET Nru 3/2021 bit-titolu “Distance learning from pupil perspective” (It-tagħlim mill-bogħod mill-perspettiva tal-istudenti) (12),

—

wara li kkunsidra r-rapport ad hoc tan-NESET Nru 2/2021 bit-titolu “The impact of COVID-19 on student learning outcomes across Europe: the challenges of distance education for all” (L-impatt tal-COVID-19 fuq l-eżiti tat-tagħlim tal-istudenti madwar l-Ewropa: l-isfidi tal-edukazzjoni mill-bogħod għal kulħadd) (13),

—

wara li kkunsidra n-Network Ewropew ta' Esperti dwar l-Ekonomija tal-Edukazzjoni (EENEE) u r-rapport analitiku tan-NESET bit-titolu “The impact of COVID-19 on the education of disadvantaged children and the socio-economic consequences thereof” (L-impatt tal-COVID-19 fuq l-edukazzjoni tat-tfal żvantaġġjati u l-konsegwenzi soċjoekonomiċi tiegħu) (14),

—

wara li kkunsidra r-rapport tekniku taċ-Ċentru Konġunt tar-Riċerka bit-titolu “The likely impact of COVID-19 on education: Reflections based on the existing literature and recent international datasets” (L-impatt probabbli tal-COVID-19 fuq l-edukazzjoni: Riflessjonijiet ibbażati fuq il-letteratura eżistenti u settijiet ta' data internazzjonali reċenti) (15),

—

wara li kkunsidra r-rapport tal-Forum Ewropew taż-Żgħażagħ tas-17 ta' Ġunju 2021 bit-titolu “Beyond Lockdown: the 'pandemic scar' on young people” (Lil hinn mil-Lockdown: iċ-“ċikatriċi tal-pandemija” fuq iż-żgħażagħ) (16),

—

wara li kkunsidra r-rapport tal-UNICEF tal-4 ta' Ottubru 2021 bit-titolu “The State of the World's Children 2021 – On My Mind: Promoting, protecting and caring for children's mental health” (L-Istat tal-Tfal fid-Dinja 2021 – Fi Ħsibijieti: il-promozzjoni, il-protezzjoni u l-kura tas-saħħa mentali tat-tfal) (17),

—

wara li kkunsidra n-nota ta' politika tal-OECD tat-12 ta' Mejju 2021 bit-titolu “Supporting young people's mental health through the COVID-19 crisis” (Appoġġ għas-saħħa mentali taż-żgħażagħ tul il-kriżi tal-COVID-19) (18),

—

wara li kkunsidra l-istħarriġ tal-Young Minds ta' Frar 2021 bit-titolu “Coronavirus: Impact on young people with mental health needs” (Il-Coronavirus: L-impatt fuq iż-żgħażagħ bi ħtiġijiet ta' saħħa mentali) (19),

—

wara li kkunsidra l-proġett Orizzont 2020 bit-titolu “Prevention of child mental health problems in Southeastern Europe – Adapt, Optimise, Test, and Extend Parenting for Lifelong Health” (Il-prevenzjoni tal-problemi tas-saħħa mentali tat-tfal fix-Xlokk tal-Ewropa – Adatta, Ottimizza, Ittestja, u Estendi t-Trobbija tat-Tfal mill-Ġenituri għas-Saħħa Tul il-Ħajja) (20),

—

wara li kkunsidra r-rapport tal-Mental Health Foundation Scotland (Fondazzjoni tas-Saħħa Mentali Skozja) ta' Settembru 2020 bit-titolu “Impacts of lockdown on the mental health and well-being of children and young people” (L-impatti tal-lockdown fuq is-saħħa mentali u l-benesseri tat-tfal u ż-żgħażagħ) (21),

—

wara li kkunsidra r-rapport ta' riċerka tad-9 ta' Novembru 2021 tal-Fondazzjoni Ewropea għat-Titjib tal-Kundizzjonijiet tal-Ħajja u tax-Xogħol (Eurofound) bit-titolu “Impact of COVID-19 on young people in the EU” (L-impatt tal-COVID-19 fuq iż-żgħażagħ fl-UE) (22),

—

wara li kkunsidra l-kampanja YouMoveEurope dwar il-petizzjoni tal-International Youth Work Trainers Guild (L-Għaqda Internazzjonali ta' Ħarrieġa fil-Ħidma fost iż-Żgħażagħ) “Responding to the Impact of COVID-19 on International Youth Work Mobility” (Ir-reazzjoni għall-Impatt tal-COVID-19 fuq il-Mobbiltà Internazzjonali tal-Ħidma fost iż-Żgħażagħ) (23),

—

wara li kkunsidra r-riżoluzzjoni tiegħu tat-23 ta' Novembru 2021 dwar il-politika tal-UE dwar l-isport: valutazzjoni u toroq possibbli 'l quddiem) (24),

—

wara li kkunsidra l-Konvenzjoni tan-NU dwar id-Drittijiet tat-Tfal, b'mod partikolari l-Artikolu 12 tagħha,

—

wara li kkunsidra l-Konvenzjoni tan-NU dwar id-Drittijiet tat-Tfal tal-20 ta' Novembru 1989, b'mod partikolari l-Artikolu 30 tagħha,

—

wara li kkunsidra r-Rakkomandazzjoni tal-Kunsill (UE) 2021/1004 tal-14 ta' Ġunju 2021 li tistabbilixxi Garanzija Ewropea għat-Tfal (25),

—

wara li kkunsidra r-riżoluzzjoni tiegħu tat-8 ta' Lulju 2020 dwar id-drittijiet tal-persuni u l-familji tagħhom b'diżabbiltà intellettwali fil-kriżi tal-COVID-19 (26),

—

wara li kkunsidra l-Għanijiet Ewropej dwar iż-Żgħażagħ, b'mod partikolari l-Għanijiet 5, 9 u 11,

—

wara li kkunsidra r-riżoluzzjoni tiegħu tas-17 ta' Settembru 2020 dwar l-irkupru kulturali tal-Ewropa (27),

—

wara li kkunsidra r-riżoluzzjoni tal-Parlament Ewropew tat-22 ta' Ottubru 2020 dwar il-futur tal-edukazzjoni Ewropea fil-kuntest tal-COVID-19 (28),

—

wara li kkunsidra r-riżoluzzjoni tiegħu tal-25 ta' Marzu 2021 dwar it-tfassil tal-politika tal-edukazzjoni diġitali (29),

—

wara li kkunsidra r-riżoluzzjoni tiegħu tal-20 ta' Ottubru 2021 dwar is-sitwazzjoni tal-artisti u l-irkupru kulturali fl-UE (30),

—

wara li kkunsidra l-proġett tal-OECD “Aġenzija tal-Istudenti għall-2030”,

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Kultura u l-Edukazzjoni (A9-0216/2022),

A.

billi l-għeluq tal-faċilitajiet għall-edukazzjoni bikrija tat-tfal u għall-għoti tal-kura, tal-iskejjel, tal-universitajiet, tal-ispazji għall-benesseri taż-żgħażagħ u għall-ħidma fost iż-żgħażagħ, kif ukoll attivitajiet ekstrakurrikulari, spazji kulturali u faċilitajiet sportivi, ċaħħad lit-tfal u liż-żgħażagħ mill-opportunità li jipparteċipaw f'attivitajiet li huma essenzjali għall-iżvilupp ġenerali tagħhom, għall-benesseri intellettwali, fiżiku u mentali tagħhom, u għall-inklużjoni soċjali u professjonali tagħhom;

B.

billi t-tfal u ż-żgħażagħ huma fost l-aktar gruppi vulnerabbli fis-soċjetà tagħna u ntlaqtu mill-għeluq relatat mal-COVID-19 matul perjodu kruċjali u kritiku ta' ħajjithom; billi s-saħħa mentali hija waħda mill-prekundizzjonijiet u l-pedamenti ta' soċjetà u demokrazija b'saħħithom; billi l-aċċess għas-servizzi tas-saħħa mentali huwa għalhekk inseparabbli minn drittijiet bażiċi oħra;

C.

billi l-kanċellazzjoni ta' attivitajiet u avvenimenti edukattivi, kulturali, taż-żgħażagħ u sportivi intensifikat it-tranżizzjoni diġitali tant li biddlet f'daqqa r-rutini ta' kuljum, kif ukoll il-mod li bih it-tfal u ż-żgħażagħ jinteraġixxu u jikkomunikaw ma' xulxin, mingħajr kuntatti soċjali jew fiżiċi; billi l-għeluq tal-iskejjel, tal-ispazji għall-kultura u tal-faċilitajiet sportivi li jospitaw tali attivitajiet u avvenimenti naqqas il-livelli ta' saħħa fiżika fost iż-żgħażagħ b'tali mod li bħalissa persuna waħda biss minn kull erba' persuni ta' 11-il sena twettaq biżżejjed attività fiżika; billi dan wassal biex wieħed minn kull tliet itfal ikollhom piż żejjed jew obeżità, u dan iżid ir-riskju ta' fattur ta' diżabbiltà u morbożità akbar (31);

D.

billi l-edukazzjoni kklassifikata bħala waħda mill-aktar settur li jgħejjik mill-aspett emozzjonali matul il-pandemija tal-COVID-19 (32) u r-riċerka turi rabta ċara bejn is-saħħa mentali tal-għalliema u dik tal-istudenti (33); billi l-edukazzjoni mill-bogħod għandha limitazzjonijiet inerenti fit-tagħlim tal-korsijiet tal-laboratorju u tal-arti, kif ukoll fl-edukazzjoni vokazzjonali u fiżika; billi l-edukazzjoni mill-bogħod f'ħafna każijiet mhijiex adattata pedagoġikament, speċjalment għall-istudenti żgħażagħ, li għandhom bżonn akbar ta' kuntatt interpersonali mal-għalliem, u minħabba n-nuqqas ta' opportunitajiet għall-għalliema biex ikunu mħarrġa b'mod adegwat biex jużaw l-għodod diġitali b'mod effettiv fl-iskejjel; billi fil-biċċa l-kbira tal-każijiet, it-tagħlim mill-bogħod ma qiesx il-ħtiġijiet tal-istudenti li jirċievu edukazzjoni fil-lingwi reġjonali jew minoritarji; billi dan l-approċċ jista' jitqies diskriminatorju u joħloq tbatija, ansjetà u sens ta' nuqqas ta' sigurtà f'dawk l-istudenti;

E.

billi m'hemm l-ebda skeda fissa ta' kuljum li toħloq “rutina” ta' serħan il-moħħ, u l-użanza li wieħed jattendi l-iskola għal perjodi twal intilfet f'xi Stati Membri, issa li l-iskejjel reġgħu fetħu, ħafna studenti jidhru li huma “distakkati”, mhux interessati fil-ħajja skolastika u qed ikollhom diffikultajiet biex isibu r-ritmu tagħhom, jikkonċentraw, iħossu sens ta' appartenenza u jaqsmu l-għanijiet tal-komunità skolastika;

F.

billi l-għeluq tal-postijiet kulturali – li kienu l-ewwel li ngħalqu u l-aħħar li tħallew jinfetħu mill-ġdid – ċaħħad lill-ħallieqa kulturali żgħażagħ u, b'mod partikolari, lill-artisti żgħażagħ mill-opportunità li jibdew u jiżviluppaw il-karrieri tagħhom f'dan l-istadju bikri kruċjali;

G.

billi l-isport tal-massa ġie affettwat serjament mill-konsegwenzi negattivi tal-pandemija, b'ħafna minnhom jingħalqu kompletament għal żmien twil; billi l-klabbs sportivi professjonali, speċjalment fil-livell lokali u reġjonali, għadhom mistennija jiffaċċjaw sfidi serji fir-rigward tal-irkupru finanzjarju tagħhom fit-tul; billi t-telf permanenti tal-isport tal-massa jkollu impatt dirett fuq l-atleti żgħażagħ, kemm f'termini tal-iżvilupp soċjali tagħhom kif ukoll tal-karriera professjonali futura potenzjali tagħhom fl-isport;

H.

billi l-istat ġenerali tas-saħħa u l-benesseri mentali taż-żgħażagħ mar għall-agħar b'mod sinifikanti matul il-pandemija, bi problemi relatati mal-irduppjar tas-saħħa mentali f'għadd ta' Stati Membri meta mqabbel mal-livelli ta' qabel il-kriżi (34), li wassal biex l-esperti fil-qasam isejħu s-sitwazzjoni il-“pandemija silenzjuża” jew iċ-“ċikatriċi tal-pandemija”; billi l-pandemija kixfet in-nuqqas ta' appoġġ ipprovdut liż-żgħażagħ li jesperjenzaw kwistjonijiet marbuta mas-saħħa mentali; billi l-gruppi emarġinati, bħal-LGBTIQ+, il-minoranzi razzjali u etniċi jew iż-żgħażagħ bi bżonnijiet speċjali, ġew soġġetti għal riskju ogħla li jiżviluppaw disturb fis-saħħa mentali; billi l-konsegwenzi reali tal-kwistjonijiet ta' saħħa mentali għaż-żgħażagħ ħafna drabi huma diffiċli biex jiġu identifikati u, sal-lum, għadhom mhumiex kompletament viżibbli;

I.

billi l-pressjoni eċċessiva fuq l-istudenti biex imorru aħjar, anke minn età żgħira, poġġiet pressjoni addizzjonali fuq is-saħħa u l-benesseri mentali tal-istudenti; billi d-diffikultajiet tas-saħħa mentali jġorru magħhom stigma qawwija fis-soċjetajiet tagħna, li twassal biex iż-żgħażagħ li jgħixu bi kwistjonijiet ta' saħħa mentali jkunu soġġetti wkoll għal preġudizzju, iżolament soċjali, abbuż verbali jew bullying, u biex jesperjenzaw ambjenti ta' tagħlim bħala ambjent mhux sikur fejn huwa diffiċli li wieħed ifittex għajnuna jew trattament;

J.

billi hemm diskrepanzi kbar bejn is-sitwazzjonijiet speċifiċi tal-Istati Membri, minħabba n-natura u t-tul ta' żmien differenti tal-miżuri stabbiliti, kif ukoll minħabba d-differenzi fl-aċċess għat-teknoloġija u l-għodod diġitali, li jaċċentwaw l-inugwaljanzi rurali-urbani;

K.

billi l-bidla sfurzata lejn it-tagħlim virtwali mhux biss aggravat l-inugwaljanzi li diġà jeżistu, iżda ħolqot ukoll oħrajn ġodda billi ħalliet warajhom tfal minn sfondi soċjalment żvantaġġati bħala riżultat ta' kundizzjonijiet ta' abitazzjonijiet iffullati, in-nuqqas ta' infrastruttura jew tagħmir diġitali u kwistjonijiet ta' konnettività, filwaqt li żiedet ir-riskju ta' eżiti baxxi ta' tagħlim u konsegwentement ta' tluq bikri mill-iskola fost l-istudenti b'inqas opportunitajiet;

L.

billi l-għeluq tal-istituzzjonijiet tat-tagħlim wassal għal tnaqqis fl-għarfien eżistenti, telf tal-metodoloġija biex jinkiseb għarfien ġdid u telf reali ta' tagħlim; billi dan it-telf, li x'aktarx ikollu impatt negattiv fit-tul fuq il-benesseri futur tat-tfal u ż-żgħażagħ, huwa ogħla fost l-istudenti minn unitajiet domestiċi soċjoekonomikament żvantaġġati, li rċevew inqas appoġġ bl-istudji tagħhom matul il-pandemija;

M.

billi ġie osservat li 64 % taż-żgħażagħ fil-grupp tal-età ta' bejn it-18 u l-34 sena kienu f'riskju ta' dipressjoni fir-rebbiegħa tal-2021 (35) u li s-suwiċidju huwa t-tieni kawża ewlenija tal-mewt fost iż-żgħażagħ (36) bħala riżultat tal-istress, is-solitudni, l-iżolament, id-dipressjoni, it-tbatija psikoloġika, in-nuqqas ta' prospetti edukattivi, tax-xogħol jew finanzjarji u ż-żieda tal-qgħad fost iż-żgħażagħ, kif ukoll l-inċertezzi fost iż-żgħażagħ marbuta ma' prospetti usa' soċjali u tal-ħajja;

N.

billi jeżistu lakuni reġjonali sinifikanti madwar l-UE fl-aċċess għas-servizzi tas-saħħa mentali, filwaqt li l-aċċess minn pazjenti minn ambjenti soċjalment żvantaġġati, inklużi t-tfal, huwa limitat aktar mir-restrizzjonijiet li jeżistu f'xi Stati Membri fir-rigward tar-rimborżi tas-sessjonijiet ta' psikoterapija mill-baġits tas-saħħa pubblika; billi hemm ħtieġa sinifikanti għal approċċ Ewropew rigward is-saħħa mentali għat-tfal u ż-żgħażagħ, b'enfasi partikolari fuq l-edukazzjoni u l-konsulenza fl-iskejjel u ż-żgħażagħ;

O.

billi l-miżuri ta' lockdown kellhom impatt partikolarment negattiv fuq il-persuni b'diżabbiltà jew bi bżonnijiet speċjali; billi kwalunkwe miżura meħuda mill-Istati Membri f'ċirkostanzi eċċezzjonali għandha dejjem tirrispetta d-drittijiet fundamentali tagħhom u tiżgura l-aċċess ugwali u nondiskriminatorju tagħhom għall-kura tas-saħħa, għas-servizzi soċjali u għall-edukazzjoni, kif ukoll għall-attivitajiet taż-żgħażagħ, kulturali u sportivi;

P.

billi d-differenzi relatati mal-ġeneru għandhom impatt fuq kif it-tfal u ż-żgħażagħ ġew affettwati mill-pandemija, u t-tfajliet u n-nisa żgħażagħ sofrew aktar minn vjolenza domestika, mard psikosomatiku u disturbi fil-burdata (37); billi d-differenza bejn il-pagi tal-irġiel u n-nisa kompliet tiddeterjora matul il-pandemija, u affettwat il-bilanċ bejn ix-xogħol u l-ħajja privata tan-nisa u d-dipendenza finanzjarja tagħhom fuq is-sħab, il-qraba jew il-ħbieb tagħhom; billi l-lockdowns suċċessivi żiedu l-piż fuq il-ġenituri u t-tuturi, li aggrava r-riskju ta' abbuż ta' sustanzi mill-ġenituri u vjolenza intrafamiljari li jaffettwaw is-saħħa u l-benesseri mentali ta' dawk l-aktar vulnerabbli, kif ukoll tat-tfal u ż-żgħażagħ;

Q.

billi l-problemi tas-saħħa mentali fi stadju bikri tal-iżvilupp personali jżidu l-probabbiltà li kwistjonijiet ta' saħħa mentali jseħħu fil-ħajja adulta, b'konsegwenzi estensivi fir-rigward tal-iżvilupp personali, soċjali u professjonali u l-kwalità tal-ħajja; billi t-tfal u ż-żgħażagħ għaddejjin minn fażijiet kritiċi tal-iżvilupp newroloġiku tagħhom u huma partikolarment sensittivi għall-użu fuq skala kbira ta' għodod diġitali għat-tagħlim mill-bogħod; billi din id-diġitalizzazzjoni intensiva tal-edukazzjoni tqajjem mistoqsijiet dwar l-impatt tat-teknoloġija fuq kwistjonijiet ta' tagħlim;

R.

billi l-għeluq naqqas il-livelli ta' saħħa fiżika fost iż-żgħażagħ b'tali mod li bħalissa persuna waħda biss minn kull erba' persuni ta' 11-il sena twettaq biżżejjed attività fiżika;

S.

billi l-2022 hija s-Sena Ewropea taż-Żgħażagħ;

T.

billi kwalunkwe strateġija tal-UE dwar is-saħħa mentali mmirata lejn it-tfal u ż-żgħażagħ trid l-ewwel u qabel kollox tipprovdilhom opportunitajiet biex jinstemgħu u l-kontribut tagħhom jitqies fl-elaborazzjoni ta' risponsi inklużivi; billi strateġija ta' suċċess trid tinvolvi l-ġenituri, il-familji, il-ħbieb, l-organizzazzjonijiet taż-żgħażagħ u s-servizzi tal-benesseri taż-żgħażagħ, il-persuni li jaħdmu maż-żgħażagħ, l-istituzzjonijiet kulturali u l-klabbs sportivi, flimkien mal-iskejjel u l-għalliema, billi tipprovdilhom taħriġ xieraq relatat ma' kif jittrattaw kwistjonijiet ta' saħħa mentali, sabiex jiġi stabbilit approċċ olistiku u jiġi żgurat li jintlaħqu ż-żgħażagħ minn ambjenti soċjoekonomikament żvantaġġati u gruppi emarġinati;

U.

billi d-data xjentifika tissuġġerixxi li l-livelli ta' fiduċja istituzzjonali fost il-membri tal-ġenerazzjonijiet żgħażagħ naqsu; billi dan huwa kkawżat mill-istress u l-inċertezza marbuta mal-pandemija nnifisha iżda wkoll mill-effettività limitata tal-kanali ta' komunikazzjoni uffiċjali tal-Istati Membri biex jilħqu l-ġenerazzjoni żagħżugħa, kif ukoll iż-żieda fid-diżinformazzjoni u l-aħbarijiet foloz li jappartjenu għall-pandemija; billi jeħtieġ li tingħata attenzjoni speċjali biex terġa' tinkiseb dik il-fiduċja, li tista' tinkiseb permezz ta' parteċipazzjoni xierqa skont l-età, inkluż billi ż-żgħażagħ jiġu offruti opportunitajiet biex jieħdu inizjattivi u deċiżjonijiet li jsawru d-dinja li jgħixu fiha u jippromwovu l-aġenzija taż-żgħażagħ sabiex iż-żgħażagħ jingħataw is-setgħa li jfittxu l-awtodeterminazzjoni u jiżviluppaw ir-reżiljenza;

V.

billi l-pandemija tatna opportunità biex jiġu indirizzati kwistjonijiet relatati mas-saħħa mentali li ilhom jeżistu u li preċedentement ma ġewx indirizzati b'mod olistiku; billi s-saħħa mentali ġiet inkluża fl-objettivi speċifiċi tal-programm EU4Health, li jikkontribwixxi għall-bini ta' unjoni tas-saħħa Ewropea bbażata fuq sistemi tas-saħħa aktar b'saħħithom, aktar aċċessibbli u reżiljenti li jkunu lesti jiffaċċjaw kriżijiet futuri possibbli;

W.

billi l-gwerra fl-Ukrajna u l-konsegwenzi devastanti tagħha fuq il-bniedem, l-ikel, l-enerġija u dawk finanzjarji, kif ukoll theddid globali ieħor, jistgħu jirriżultaw f'inċertezzi li huma mistennija li jkollhom impatt negattiv ulterjuri fuq is-saħħa mentali u l-benesseri tat-tfal u ż-żgħażagħ;

X.

billi l-gwerra fl-Ukrajna wasslet biex miljuni ta' tfal u żgħażagħ jiġu spostati u jesperjenzaw trawma estensiva;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

—

wara li kkunsidra l-Aġenda 2030 għall-Iżvilupp Sostenibbli tan-Nazzjonijiet Uniti u l-Għanijiet ta' Żvilupp Sostenibbli, b'mod partikolari l-Għan 4 dwar edukazzjoni ta' kwalità, l-Għan 11 dwar bliet u komunitajiet sostenibbli u l-Għan 13 dwar l-azzjoni klimatika,

—

wara li kkunsidra r-rapport tal-4 ta' April 2022 tal-Grupp Intergovernattiv ta' Esperti dwar it-Tibdil fil-Klima bit-titolu “Climate Change 2022: Mitigation of Climate Change” (It-Tibdil fil-Klima 2022: Mitigazzjoni tat-Tibdil fil-Klima),

—

wara li kkunsidra l-ftehim adottat fil-21 Konferenza tal-Partijiet għall-Konvenzjoni Qafas tan-NU dwar it-Tibdil fil-Klima (COP21) f'Pariġi fit-12 ta' Diċembru 2015 (il-Ftehim ta' Pariġi),

—

wara li kkunsidra l-komunikazzjoni tal-Kummissjoni tal-15 ta' Settembru 2021 bit-titolu “Il-Bauhaus Ewropea l-Ġdida: Sbuħija, Sostenibbiltà, Flimkien'' (COM(2021)0573),

—

wara li kkunsidra l-komunikazzjoni tal-Kummissjoni tal-10 ta' Ġunju 2016 bit-titolu ‘Aġenda ġdida għall-Ħiliet għall-Ewropa – Naħdmu flimkien biex insaħħu l-kapital uman, l-impjegabbiltà u l-kompetittività’ (COM(2016)0381),

—

wara li kkunsidra l-komunikazzjoni tal-Kummissjoni tat-22 ta' Mejju 2018 bit-titolu ‘Aġenda Ewropea Ġdida għall-Kultura’ (COM(2018)0267),

—

wara li kkunsidra l-komunikazzjoni tal-Kummissjoni tal-14 ta' Ottubru 2020 bit-titolu ‘Mewġa ta' Rinnovazzjoni għall-Ewropa – l-ekoloġizzazzjoni tal-binjiet tagħna, il-ħolqien tal-impjiegi, it-titjib tal-ħajja’ (COM(2020)0662),

—

wara li kkunsidra l-komunikazzjoni tal-Kummissjoni tat-30 ta' Ġunju 2021 bit-titolu ‘Viżjoni fit-tul għaż-żoni rurali tal-UE – Lejn żoni u komunitajiet rurali aktar b'saħħithom, konnessi, reżiljenti u prosperużi sal-2040’ (COM(2021)0345),

—

wara li kkunsidra l-komunikazzjoni tal-Kummissjoni tal-14 ta' Lulju 2021 bit-titolu ‘Lesti għall-Mira ta' 55 %: nilħqu l-Mira Klimatika tal-UE għall-2030 fi Triqitna lejn in-Newtralità Klimatika’ (COM(2021)0550),

—

wara li kkunsidra l-komunikazzjoni tal-Kummissjoni tat-8 ta' Marzu 2022 bit-titolu ‘REPowerEU: Azzjoni Ewropea Konġunta għal enerġija aktar affordabbli, sikura u sostenibbli’ (COM(2022)0108),

—

wara li kkunsidra l-konklużjonijiet tal-Kunsill tat-30 ta' Novembru 2021 dwar il-kultura, l-arkitettura ta' kwalità għolja u l-ambjent mibni bħala elementi ewlenin tal-inizjattiva Bauhaus Ewropea Ġdida (1),

—

wara li kkunsidra l-konklużjonijiet tal-Kunsill tal-15 ta' Novembru 2018 dwar il-Pjan ta' Ħidma għall-Kultura (2019-2022) (2),

—

wara li kkunsidra r-riżoluzzjoni tiegħu tal-20 ta' Ottubru 2021 dwar is-sitwazzjoni tal-artisti u l-irkupru kulturali fl-UE (3),

—

wara li kkunsidra r-riżoluzzjoni tiegħu tat-8 ta' Marzu 2022 dwar ir-rwol tal-kultura, tal-edukazzjoni, tal-media u tal-isport fil-ġlieda kontra r-razziżmu (4),

—

wara li kkunsidra r-riżoluzzjoni tiegħu tas-17 ta' Settembru 2020 dwar l-irkupru kulturali tal-Ewropa (5),

—

wara li kkunsidra r-riżoluzzjoni tiegħu tas-17 ta' Settembru 2020 dwar il-massimizzazzjoni tal-potenzjal tal-effiċjenza enerġetika tal-istokk tal-bini tal-UE (6),

—

wara li kkunsidra r-riżoluzzjoni tiegħu tas-17 ta' Diċembru 2020 dwar l-istrateġija tal-UE dwar l-adattament għat-tibdil fil-klima (7),

—

wara li kkunsidra r-riżoluzzjoni tiegħu tal-20 ta' Jannar 2021 dwar il-kisba ta' eredità politika effettiva għas-Sena Ewropea tal-Wirt Kulturali (8),

—

wara li kkunsidra r-riżoluzzjoni tiegħu tal-11 ta' Novembru 2021 dwar iż-Żona Ewropea tal-Edukazzjoni: approċċ olistiku kondiviż (9),

—

wara li kkunsidra r-riżoluzzjoni tiegħu tal-25 ta' Marzu 2021 dwar il-politika ta' koeżjoni u l-istrateġiji ambjentali reġjonali fil-ġlieda kontra t-tibdil fil-klima (10),

—

wara li kkunsidra r-Regolament (UE) 2021/695 tal-Parlament Ewropew u tal-Kunsill tat-28 ta' April 2021 li jistabbilixxi l-Orizzont Ewropa – il-Programm Qafas għar-Riċerka u l-Innovazzjoni, u jistabbilixxi r-regoli tiegħu għall-parteċipazzjoni u d-disseminazzjoni (11) (ir-Regolament dwar l-Orizzont Ewropa),

—

wara li kkunsidra r-Regolament (UE) 2021/783 tal-Parlament Ewropew u tal-Kunsill tad-29 ta' April 2021 li jistabbilixxi l-Programm għall-Ambjent u l-Azzjoni Klimatika (LIFE) (12),

—

wara li kkunsidra r-Regolament (UE) 2021/1058 tal-Parlament Ewropew u tal-Kunsill tal-24 ta' Ġunju 2021 dwar il-Fond Ewropew għall-Iżvilupp Reġjonali u l-Fond ta' Koeżjoni (13),

—

wara li kkunsidra r-Regolament (UE) 2021/690 tal-Parlament Ewropew u tal-Kunsill tat-28 ta' April 2021 li jistabbilixxi programm għas-suq intern, għall-kompetittività tal-intrapriżi, inkluż l-intrapriżi żgħar u ta' daqs medju, għall-qasam tal-pjanti, l-annimali, l-ikel u l-għalf, u għall-istatistika Ewropea (Programm tas-Suq Uniku) (14),

—

wara li kkunsidra r-Regolament (UE) 2021/694 tal-Parlament Ewropew u tal-Kunsill tad-29 ta' April 2021 li jistabbilixxi l-Programm Ewropa Diġitali (15),

—

wara li kkunsidra r-Regolament (UE) 2021/817 tal-Parlament Ewropew u tal-Kunsill tal-20 ta' Mejju 2021 li jistabbilixxi Erasmus+: il-Programm tal-Unjoni għall-edukazzjoni u taħriġ, żgħażagħ u sport (16),

—

wara li kkunsidra r-Regolament (UE) 2021/818 tal-Parlament Ewropew u tal-Kunsill tal-20 ta' Mejju 2021 li jistabbilixxi l-Programm Ewropa Kreattiva (2021 – 2027) (17),

—

wara li kkunsidra r-Regolament (UE) 2021/888 tal-Parlament Ewropew u tal-Kunsill tal-20 ta' Mejju 2021 li jistabbilixxi l-Programm tal-Korp Ewropew ta' Solidarjetà (18),

—

wara li kkunsidra n-‘New Leipzig Charter – The transformative power of cities for the common good’ (Il-Karta Ġdida ta' Leipzig – Il-qawwa trasformattiva tal-bliet għall-ġid komuni), adottata fil-laqgħa ministerjali Informali dwar kwistjonijiet urbani fit-30 ta' Novembru 2020,

—

wara li kkunsidra r-rapport mill-Grupp ta' Ħidma ta' Esperti tal-Istati Membri dwar il-Metodu Miftuħ ta' Koordinazzjoni tas-6 ta' Ottubru 2021 bit-titolu ''Towards a Shared Culture of Architecture: investing in a high-quality living environment for everyone” (Lejn Kultura Kondiviża tal-Arkitettura: ninvestu f'ambjent ta' għajxien ta' kwalità għolja għal kulħadd),

—

wara li kkunsidra d-Dikjarazzjoni ta' Davos adottata mill-Konferenza tal-Ministri tal-Kultura fit-22 ta' Jannar 2018 bit-titolu “Towards a high-quality Baukultur for Europe” (Lejn Baukultur ta' kwalità għolja għall-Ewropa), kif ukoll is-Sistema Davos ta' Kwalità għall-Baukultur“Tmien kriterji għal Baukultur ta' kwalità għolja” żviluppata suċċessivament,

—

wara li kkunsidra r-rapport finali tal-Kummissjoni “Building Better, Building Beautiful” tal-Gvern tar-Renju Unit tat-30 ta' Jannar 2020, intitolat “Living with beauty”,

—

wara li kkunsidra l-Artikolu 167 tat-Trattat dwar il-Funzjonament tal-Unjoni Ewropea,

—

wara li kkunsidra l-Karta tad-Drittijiet Fundamentali tal-UE, b'mod partikolari l-Artikolu 17 dwar id-dritt għall-proprjetà, l-Artikolu 18 dwar id-dritt għall-ażil, l-Artikolu 19 dwar il-protezzjoni f'każ ta' tneħħija, tkeċċija jew estradizzjoni, l-Artikolu 26 dwar l-integrazzjoni tal-persuna b'diżabilità, l-Artikolu 34 dwar is-sigurtà soċjali u l-assistenza soċjali, l-Artikolu 36 dwar l-aċċess għal servizzi ta' interess ekonomiku ġenerali u l-Artikolu 37 dwar il-ħarsien tal-ambjent,

—

wara li kkunsidra l-Pilastru Ewropew tad-Drittijiet Soċjali, b'mod partikolari l-Kapitolu III dwar il-protezzjoni u l-inklużjoni soċjali, il-Prinċipju 19 dwar l-akkomodazzjoni u l-għajnuna għall-persuni mingħajr dar u l-Prinċipju 20 dwar l-aċċess għal servizzi essenzjali,

—

wara li kkunsidra l-ħidma mwettqa fuq il-Bauhaus Ewropea l-Ġdida miċ-Ċentru Konġunt tar-Riċerka tal-Kummissjoni,

—

wara li kkunsidra l-Artikolu 54 tar-Regoli ta' Proċedura tiegħu,

—

wara li kkunsidra l-opinjonijiet tal-Kumitat għall-Iżvilupp Reġjonali, tal-Kumitat għall-Baġits u tal-Kumitat għall-Impjiegi u l-Affarijiet Soċjali,

—

wara li kkunsidra r-rapport konġunt tal-Kumitat għall-Industrija, ir-Riċerka u l-Enerġija u l-Kumitat għall-Kultura u l-Edukazzjoni (A9-0213/2022),

A.

billi l-Ewropa tinsab f'mument ta' tranżizzjoni ekoloġika, diġitali u soċjali, li qed tiġi mħaffa mill-impatt ekonomiku u soċjali tal-COVID-19; billi s-sitwazzjoni ġeopolitika tal-Ewropa qed tinbidel b'riżultat tal-aggressjoni Russa kontra l-Ukrajna; billi l-populiżmu, l-estremiżmu u s-sentiment anti-Ewropew qed jiżdiedu;

B.

billi l-UE kienet qed twieġeb għall-isfidi tad-degradazzjoni ambjentali, tat-tibdil fil-klima u għall-iskarsezza dejjem akbar tar-riżorsi naturali, u dawn jeħtieġu azzjoni politika ambizzjuża u estensiva sabiex jiġi implimentat il-Patt Ekoloġiku Ewropew, li qed jixpruna t-tfittxija għat-tiġdid u għall-innovazzjoni fir-rispett tal-limiti tal-pjaneta; billi, bħala r-“ruħ” tal-Patt Ekoloġiku Ewropew, il-Bauhaus Ewropea l-Ġdida għandha l-għan li tindirizza l-ħtiġijiet spazjali u ambjentali tal-Ewropa b'mod transdixxiplinari, sostenibbli, inklużiv u estetiku;

C.

billi t-tranżizzjoni lejn ekonomija newtrali għall-klima sal-2050 tirrappreżenta kemm opportunità kbira kif ukoll sfida għall-Unjoni, għall-Istati Membri tagħha u għan-negozji minn kull settur; billi l-Bauhaus Ewropea l-Ġdida jeħtieġ li tinterpreta mill-ġdid il-Bauhaus oriġinali fid-dawl tal-kriżi klimatika, il-gwerra, il-pandemija u d-diżastri naturali, li qed iżidu l-inugwaljanzi soċjali;

D.

billi l-kultura u l-libertà tal-arti jikkontribwixxu b'mod sinifikanti għad-dinamiżmu ta' soċjetà, u jippermettulna ngħixu aħjar flimkien, nibnu soċjetajiet demokratiċi, inklużivi u ħielsa u nerġgħu niksbu sens ta' identità u appartenenza kondiviżi; billi kulħadd għandu jkollu d-dritt li jkollu aċċess għall-kultura u li jipparteċipa fiha; billi l-kultura hija essenzjali wkoll għall-esplorazzjoni tal-isfidi kumplessi tas-soċjetà u l-postijiet kulturali huma postijiet essenzjali għal-libertà tal-espressjoni u tad-dibattitu;

E.

billi l-kultura hija settur strateġiku għall-UE li jgħin biex tissaħħaħ l-ekonomija tagħha permezz tal-kontribut sinifikanti tagħha għall-PDG u l-impjiegi, u l-kontribut indirett tagħha għal setturi u industriji oħra; billi s-setturi u l-industriji kulturali u kreattivi (CCSI) kienu wieħed mill-oqsma l-aktar milquta mill-pandemija, qed jirkupraw aktar bil-mod mill-bqija tal-ekonomija tal-UE u għalhekk għandhom jiġu promossi u appoġġjati aktar; billi l-Bauhaus Ewropea l-Ġdida tista' tippermetti aktar investiment fis-settur u tinvolvi atturi differenti fl-implimentazzjoni tagħha fuq il-post;

F.

billi l-arkitettura, l-ippjanar urban u territorjali, il-mobilità, id-disinn, l-arti, is-soċjoloġija u l-inġinerija huma komplementari u strumentali għall-bini ta' soċjetà inklużiva, sostenibbli u sabiħa; billi dawn is-setturi, li għandhom rwol ewlieni fil-promozzjoni tar-riċerka u l-innovazzjoni għall-iżvilupp sostenibbli, kultura ta' bini sostenibbli u soluzzjonijiet innovattivi u effiċjenti fl-użu tal-ispazju, f'konformità mat-tranżizzjoni ekoloġika u diġitali tagħna, ġew imfixkla mill-kriżi tal-COVID-19;

G.

billi hemm ħtieġa urġenti li jiġu żviluppati mudelli ekonomiċi aktar sostenibbli fis-setturi tal-kostruzzjoni u tal-bini u tal-enerġija, li t-tnejn jiffavorixxu l-ekonomija ċirkolari u jgħinu fil-ġlieda kontra l-faqar enerġetiku u biex jinkisbu l-objettivi klimatiċi tal-Unjoni;

H.

billi l-binjiet huwa responsabbli għal madwar 40 % tal-konsum tal-enerġija tal-UE u għal 36 % tal-emissjonijiet tal-gassijiet serra tagħha (19);

I.

billi l-istrateġija tal-Mewġa għar-Rinnovazzjoni għandha l-għan li tirdoppja r-rata tar-rinnovazzjoni tal-bini fl-Ewropa, filwaqt li għandha l-objettiv li aktar minn 35 miljun binja jiġu rrinovati u li jinħolqu sa 160 000 impjieg fis-settur tal-kostruzzjoni;

J.

billi l-aċċess għall-akkomodazzjoni huwa dritt fundamentali; billi l-kundizzjoni ta' persuni mingħajr dar u n-nuqqas ta' aċċess għal akkomodazzjoni ta' kwalità u bi prezz aċċessibbli jikkostitwixxu kriżi f'partijiet mill-UE;

K.

billi l-bliet huma postijiet ta' pluraliżmu, kreattività u solidarjetà; billi l-ippjanar u d-disinn ħżiena fil-qasam pubbliku u t-tkabbir tat-tifrix urban irriżultaw fit-telf tal-kwalità tal-bini madwar l-Ewropa; billi l-Bauhaus Ewropea l-Ġdida għandha l-potenzjal li tesplora opportunitajiet biex l-ispazju limitat fil-bliet jintuża b'mod sostenibbli, estetiku u inklużiv, li tgħaqqad aħjar iż-żoni urbani u rurali, u li tiżgura l-parteċipazzjoni tal-abitanti fl-ippjanar spazjali u tgħinhom jirreklamaw il-belt bħala spazju maħluq għall-interazzjoni u l-attivitajiet kulturali;

L.

billi l-bini ta' futur aħjar jibda b'edukazzjoni u taħriġ ta' kwalità, inklużi l-edukazzjoni ambjentali, it-taħriġ vokazzjonali u t-tagħlim tul il-ħajja, fost l-oħrajn permezz ta' opportunitajiet ta' tagħlim online li għandhom ikunu aċċessibbli għal kulħadd, kif ukoll it-titjib tal-ħiliet u t-taħriġ mill-ġdid; billi l-aċċess għal edukazzjoni ta' kwalità huwa dritt fundamentali; billi l-edukazzjoni u l-kultura huma vitali għall-iżvilupp personali u għandhom rwol kruċjali fil-parteċipazzjoni demokratika u ċivika taċ-ċittadini; billi ambjent mibni ta' kwalità għolja jirrikjedi t-taħriġ ta' professjonisti tas-sengħa, ta' ħaddiema tas-snajja' u ta' ħaddiema kulturali; billi l-kisba tal-awtonomija strateġika tal-Unjoni tiddependi fuq il-kapaċità tagħha li teċċella fl-edukazzjoni, fir-riċerka u fl-innovazzjoni;

M.

billi l-wirt kulturali, li jirrifletti l-valuri ta' komunità, qed jintlaqat dejjem aktar mit-tibdil fil-klima u d-degradazzjoni ambjentali u qed jiffaċċja sfidi oħra bħal nuqqas ta' investiment, l-ippjanar ħażin u l-flussi turistiċi ġestiti ħażin; billi l-Bauhaus Ewropea l-Ġdida tista' tikkontribwixxi għall-preservazzjoni, ir-restawr, l-adattament u l-protezzjoni tiegħu għall-futur; billi l-professjonisti fis-settur tal-bini jeħtiġilhom jikkontribwixxu għall-ġid komuni billi jirrispettaw il-wirt kulturali;

N.

billi l-proġetti tal-Bauhaus Ewropea l-Ġdida jirrikjedu kemm qafas regolatorju ta' appoġġ, li jikkonforma mal-leġiżlazzjoni settorjali tal-UE, kif ukoll prattiki ta' akkwist pubbliku sostenibbli;

O.

billi l-azzjonijiet tal-gwerra tar-Russja huma mmirati b'mod intenzjonat lejn l-infrastruttura, l-istokk tad-djar, il-wirt kulturali u infrastruttura ċivili oħra fl-Ukrajna;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

24.

25.

26.

27.

28.

29.

30.

31.

32.

33.

34.

35.

36.

37.

38.

39.

40.

41.

42.

43.

44.

45.

46.

47.

—

wara li kkunsidra r-riżoluzzjonijiet preċedenti tiegħu dwar l-Ukrajna u r-Russja, b'mod partikolari r-riżoluzzjonijiet tiegħu tas-7 ta' April (1), tal-5 ta' Mejju (2) u tad-19 ta' Mejju (3) 2022,

—

wara li kkunsidra l-Karta tan-Nazzjonijiet Uniti,

—

wara li kkunsidra l-Konvenzjoni Ewropea dwar id-Drittijiet tal-Bniedem,

—

wara li kkunsidra l-Patt Internazzjonali dwar id-Drittijiet Ċivili u Politiċi,

—

wara li kkunsidra l-Konvenzjonijiet ta' The Hague,

—

wara li kkunsidra l-Konvenzjonijiet ta' Ġinevra u l-protokolli anċillari tagħhom,

—

wara li kkunsidra l-Istatut ta' Ruma tal-Qorti Kriminali Internazzjonali (QKI),

—

wara li kkunsidra l-Konvenzjoni Internazzjonali għall-Ħarsien tal-Persuni Kollha mill-Għajbien Sfurzat,

—

wara li kkunsidra l-Konvenzjoni tan-NU dwar id-Drittijiet tat-Tfal tal-20 ta' Novembru 1989 u l-protokolli addizzjonali tagħha,

—

wara li kkunsidra l-Konvenzjoni dwar il-Prevenzjoni u l-Kastig tad-Delitt ta' Ġenoċidju,

—

wara li kkunsidra l-konklużjonijiet tal-Kunsill Ewropew dwar l-Ukrajna tat-30 ta' Mejju 2022,

—

wara li kkunsidra r-rapporti tal-Organizzazzjoni għas-Sigurtà u l-Kooperazzjoni fl-Ewropa (OSKE) dwar il-ksur tad-dritt umanitarju internazzjonali u tad-dritt internazzjonali li jikkonċerna d-drittijiet tal-bniedem, u dwar id-delitti tal-gwerra u d-delitti kontra l-umanità mwettqa fl-Ukrajna fit-13 ta' April 2022 u fl-14 ta' Lulju 2022,

—

wara li kkunsidra r-rapporti tal-Kummissarju għad-Drittijiet tal-Bniedem tal-Parlament tal-Ukrajna,

—

wara li kkunsidra d-diskussjoni fil-Kunsill tas-Sigurtà tan-NU tas-7 ta' Settembru 2022 dwar l-ispostament u d-deportazzjoni furzati taċ-ċittadini Ukreni, kif ukoll l-adozzjonijiet furzati ta' tfal Ukreni fir-Russja,

—

wara li kkunsidra r-rapport tal-Human Rights Watch “‘We Had No Choice’: ‘Filtration’ and the Crime of Forcibly Transferring Ukrainian Civilians to Russia” (“Ma Kellna l-Ebda Għażla”: “Filtrazzjoni” u d-Delitt ta' Trasferiment bil-Forza ta' Ċivili Ukreni lejn ir-Russja"tal-1 ta' Settembru 2022,

—

wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.

billi l-Federazzjoni Russa bdiet mill-ġdid gwerra ta' aggressjoni mhux ipprovokata, mhux ġustifikata u illegali kontra l-Ukrajna fl-24 ta' Frar 2022; billi r-Russja wettqet ksur massiv u serju tad-drittijiet tal-bniedem u delitti tal-gwerra mill-bidu tal-invażjoni fuq skala sħiħa tagħha tal-Ukrajna, inklużi l-qtil tal-massa ta' ċivili u priġunieri tal-gwerra, it-tortura, il-vjolenza sesswali, l-għajbien furzat, id-deportazzjoni furzata, is-sakkeġġ u t-tfixkil tal-evakwazzjoni u tal-konvojs umanitarji, li kollha kemm huma pprojbiti skont id-dritt internazzjonali u jridu jiġu pproċessati;

B.

billi l-Kummissarju għad-Drittijiet tal-Bniedem tal-Parlament tal-Ukrajna (Ombudsman) jistma li mill-24 ta' Frar 2022 aktar minn 1 miljun Ukren ġew deportati bil-forza lejn il-Federazzjoni Russa, ħafna drabi sal-Lvant Imbiegħed tar-Russja; billi sorsi differenti jindikaw li dawn in-numri huma sottovalutati, bl-ogħla stimi jpoġġu n-numri għal 2,5 miljun, u li n-numri qed jiżdiedu b'mod kostanti; billi d-deportazzjonijiet furzati mill-Ukrajna, iffaċilitati mill-hekk imsejħa “kampijiet ta' filtrazzjoni”, juru paralleli storiċi qawwija ma' deportazzjonijiet Sovjetiċi furzati tal-massa u ma' kampijiet ta' konċentrament tal-Gulag; billi trasferiment furzat huwa delitt tal-gwerra u delitt potenzjali kontra l-umanità;

C.

billi d-deportazzjoni furzata fuq skala kbira ta' ċivili Ukreni lejn il-Federazzjoni Russa ġiet identifikata minn organizzazzjonijiet internazzjonali bħall-OSKE u n-NU bħala wieħed mill-aktar ksur serju tad-dritt umanitarju internazzjonali mwettaq mill-Federazzjoni Russa fil-gwerra ta' aggressjoni tagħha kontra l-Ukrajna;

D.

billi l-Uffiċċju tal-Kummissarju Għoli tan-Nazzjonijiet Uniti għad-Drittijiet tal-Bniedem (OHCHR) ivverifika l-eżistenza tal-hekk imsejħa “filtrazzjoni”, li tinvolvi skrinjar tas-sigurtà fuq skala kbira, obbligatorju, punittiv u abbużiv li rriżulta f'diversi ksur tad-drittijiet tal-bniedem kontra ċittadini Ukreni; billi ċ-ċivili Ukreni ġew intervistati b'mod effettiv hekk kif stennew li jgħaddu minn dan il-proċess, li varja fit-tul minn ftit sigħat għal kważi xahar; billi matul il-“filtrazzjoni”, iċ-ċittadini Ukreni huma soġġetti għal interrogazzjoni dettaljata, tiftix fuq il-ġisem, xi drabi l-involviment ta' nudità furzata, u tortura; billi f'ċirkostanzi bħal dawn, in-nisa u l-bniet Ukreni huma f'riskju ta' sfruttament sesswali;

E.

billi l-proċess ta' “filtrazzjoni” huwa sistematiku u jirrappreżenta eżerċizzju ta' ġbir tad-data illegali tal-massa, u li dan jipprovdi lill-awtoritajiet Russi b'ammonti kbar ta' data personali dwar iċ-ċivili Ukreni, inkluża d-data bijometrika tagħhom; billi dan huwa ksur ċar tad-dritt għall-privatezza u jista' jpoġġi lil dawk soġġetti għalih f'riskju li jkunu fil-mira fil-futur;

F.

billi matul dan il-proċess, l-awtoritajiet Russi spiss jikkonfiskaw passaporti Ukreni u jġiegħlu lill-Ukreni jiffirmaw ftehimiet biex jibqgħu fir-Russja, u b'hekk ifixklu l-kapaċità tagħhom li jirritornaw lejn pajjiżhom, fi sforz apparenti biex tinbidel l-għamla demografika tal-Ukrajna; billi, minbarra d-deportazzjonijiet u l-adozzjonijiet furzati, ir-Russja fil-kunċett ġeopolitiku tagħha ta' “Russkij mir” (“id-dinja Russa”) fit-territorji okkupati tal-Ukrajna qed twettaq Russifikazzjoni aċċellerata;

G.

billi ċ-ċittadini Ukreni li “jfallu” l-proċess ta' “filtrazzjoni” jinżammu u jiġu trasferiti lejn iċ-ċentri ta' detenzjoni u l-kolonji penali Russi, u huma jinsabu f'riskju ta' ħsara serja, inklużi tortura u trattament ħażin, jew qed jisfgħu vittmi ta' għajbien furzat; billi l-OHCHR iddokumenta rapporti kredibbli ta' tfal separati mill-familji tagħhom meta l-adult li jakkumpanjahom ma għaddiex mill-proċess ta' “filtrazzjoni”;

H.

billi t-tfal li qed jaħarbu mill-gwerra, speċjalment meta ma jkunux akkumpanjati, jinsabu f'riskju akbar ta' vjolenza, abbuż u sfruttament, kif ukoll li jgħibu u jisfgħu vittmi tat-traffikar, speċjalment meta jiċċaqilqu bejn il-fruntieri, u l-bniet b'mod partikolari huma f'riskju ta' vjolenza abbażi tal-ġeneru;

I.

billi l-Ombudsman Ukren, fit-3 ta' Settembru 2022, iddikjara li aktar minn 200 000 tifel u tifla kienu diġà ttieħdu bil-forza fil-Federazzjoni Russa bl-intenzjoni li jsiru disponibbli għall-adozzjoni mill-familji Russi u setgħu jivverifikaw iċ-ċirkostanzi tad-deportazzjoni furzata ta' 7 000 tifel u tifla Ukreni; billi l-awtoritajiet Russi qed jisseparaw b'mod deliberat lit-tfal Ukreni mill-ġenituri tagħhom u qed jaħtfu oħrajn minn orfanatrofji, istituzzjonijiet oħra tat-tfal u sptarijiet qabel ma jressquhom għall-adozzjoni fir-Russja; billi din l-azzjoni mill-Federazzjoni Russa hija ta' natura sistematika u fuq skala kbira, u tinkludi l-qerda tar-rekords personali tal-persuni deportati, fost reati oħra;

J.

billi l-Ukrajna ħolqot il-portal “Tfal tal-Gwerra” biex tippermetti lill-ġenituri ta' tfal mitlufa, spostati u deportati jikkondividu d-data kollha disponibbli;

K.

billi ladarba t-tfal ikunu fir-Russja stess jew fit-territorji okkupati minnha, il-proċess ta' tluq jew ta' għaqda mill-ġdid mal-kustodji tagħhom huwa tassew kumpless; billi mingħajr proċeduri formali fis-seħħ għar-ritorn tat-tfal Ukreni lejn l-Ukrajna jew għar-riunifikazzjoni tagħhom mal-kustodji u l-indokraturi tagħhom, il-proċess fil-biċċa l-kbira jaqa' fuq individwi b'appoġġ minn voluntiera lokali, NGOs u negozjati permezz ta' mezzi informali;

L.

billi fil-25 u fit-30 ta' Mejju 2022, il-President Vladimir Putin iffirma digrieti li jissimplifikaw il-proċedura għall-għoti taċ-ċittadinanza Russa liċ-ċittadini Ukreni, inklużi tfal mingħajr kura tal-ġenituri, u għall-adozzjoni tat-tfal Ukreni mill-familji Russi, u b'hekk kompla jikkomplika r-ritorn tagħhom lejn l-Ukrajna u jiffaċilita l-proċess ta' assimilazzjoni sfurzata tat-tfal Ukreni; billi mijiet ta' tfal Ukreni minn dak iż-żmien 'l hawn irċevew ċittadinanza Russa u ntbagħtu lil ġenituri ġodda fir-reġjuni differenti tar-Russja;

M.

billi d-dritt internazzjonali jipprojbixxi b'mod inekwivoku d-deportazzjoni f'territorju okkupat jew minn territorju okkupat lejn it-territorju tal-poter okkupanti, li jikkostitwixxi ksur serju tal-Konvenzjonijiet ta' Ġinevra u delitt tal-gwerra skont l-Istatut ta' Ruma tal-QKI; billi d-dritt u l-prattika internazzjonali jipprojbixxu l-adozzjoni matul jew immedjatament wara l-emerġenzi; billi l-Ukrajna adottat moratorju fuq l-adozzjonijiet bejn il-pajjiżi fil-bidu tal-gwerra; billi l-Konvenzjoni tan-NU dwar id-Drittijiet tat-Tfal u r-Raba' Konvenzjoni ta' Ġinevra jipprojbixxu l-poteri okkupanti milli jbiddlu l-istatus personali tat-tfal, inkluża n-nazzjonalità tagħhom;

N.

billi skont l-Artikolu II tal-Konvenzjoni tan-NU dwar il-Prevenzjoni u l-Kastig tad-Delitt ta' Ġenoċidju, it-trasferiment furzat tat-tfal minn grupp għal ieħor, bl-intenzjoni li jeqred, kompletament jew parzjalment, grupp nazzjonali, etniku, razzjali jew reliġjuż, jikkostitwixxi ġenoċidju;

O.

billi l-anzjani, il-persuni b'diżabilità u gruppi vulnerabbli oħra jidhru li jinsabu f'riskju partikolari li jinqabdu fiż-żoni okkupati mir-Russja jew fir-Russja, peress li spiss jitqiegħdu kontra r-rieda tagħhom f'faċilitajiet bħad-djar tal-kura li jinsabu fir-Russja jew fiż-żoni okkupati mir-Russja; billi dawn il-faċilitajiet huma istituzzjonijiet magħluqa, u t-tqegħid ta' persuni vulnerabbli hemmhekk jimmina b'mod fundamentali d-dritt tagħhom għal-libertà tal-moviment;

P.

billi ċ-ċittadini Ukreni fir-Russja u fit-territorji okkupati mir-Russja jħabbtu wiċċhom ma' diffikultajiet sinifikanti, bħan-nuqqas ta' mezzi ta' sussistenza, l-inabbiltà li jiskambjaw l-hryvnia tal-Ukrajna jew li jiġbdu fondi bl-użu ta' kards tal-bank, nuqqas ta' ħwejjeġ u oġġetti iġjeniċi, u n-nuqqas ta' kapaċità li jikkuntattjaw lill-qraba; billi ċ-ċivili Ukreni qed jiġu rilokati bil-forza f'żoni ekonomikament batuti jew iżolati fir-Russja, ħafna drabi fis-Siberja, u jitħallew mingħajr ebda mezz ta' ritorn; billi dawk li jippruvaw jitilqu mir-Russja spiss iħabbtu wiċċhom ma' diffikultajiet biex jaqsmu mir-Russja minħabba li ma għandhomx dokumenti ta' identifikazzjoni xierqa, ikunu ħallewhom l-Ukrajna meta ħarbu mill-gwerra jew li ġew ikkonfiskati lilhom mill-awtoritajiet Russi;

Q.

billi narrattiva distorta tat-Tieni Gwerra Dinjija tinsab fl-għeruq tal-propaganda tal-Kremlin li tiġġustifika l-gwerra ta' aggressjoni li r-Russja wettqet illum kontra l-Ukrajna;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

—

wara li kkunsidra r-riżoluzzjonijiet preċedenti tiegħu dwar l-Uganda u t-Tanzanija,

—

wara li kkunsidra l-Linji Gwida tal-UE dwar id-Difensuri tad-Drittijiet tal-Bniedem u l-Linji Gwida tal-UE dwar id-Drittijiet tal-Bniedem fir-rigward tal-Libertà ta' Espressjoni Online u Offline,

—

wara li kkunsidra d-Dikjarazzjoni Universali tad-Drittijiet tal-Bniedem tal-1948, li l-Uganda hija firmatarja għaliha, u b'mod partikolari l-Artikolu 9 tagħha,

—

wara li kkunsidra l-Patt Internazzjonali dwar id-Drittijiet Ċivili u Politiċi tas-16 ta' Diċembru 1966, irratifikat mill-Uganda fil-21 ta' Ġunju 1995, u b'mod partikolari l-Artikolu 9 tiegħu, li jiggarantixxi d-dritt għal-libertà minn arrest jew detenzjoni arbitrarji,

—

wara li kkunsidra d-Dikjarazzjoni tan-NU dwar id-Dritt u r-Responsabbiltà tal-Individwi, tal-Gruppi u tal-Entitajiet tas-Soċjetà li Jippromwovu u Jħarsu d-Drittijiet tal-Bniedem Rikonoxxuti Universalment, magħrufa wkoll bħala d-Dikjarazzjoni dwar id-Difensuri tad-Drittijiet tal-Bniedem, adottata fid-9 ta' Diċembru 1998,

—

wara li kkunsidra l-Ftehim ta' Pariġi, adottat fil-21 Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima f'Pariġi fit-12 ta' Diċembru 2015 u ffirmat fit-22 ta' April 2016 minn, fost l-oħrajn, il-pajjiżi kollha tal-UE, l-Uganda u t-Tanzanija,

—

wara li kkunsidra l-istrateġija konġunta UE-Afrika,

—

wara li kkunsidra r-riżoluzzjoni adottata mill-Assemblea Ġenerali tan-NU fit-28 ta' Lulju 2022, ivvutata minn 161 pajjiż inklużi l-Istati Membri kollha tal-UE, li tiddikjara l-aċċess għal ambjent nadif u b'saħħtu bħala dritt universali tal-bniedem,

—

wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.

billi l-proġett għall-iżvilupp tal-Lag Albert jikkonsisti f'diversi sħab, bil-kumpanija taż-żejt multinazzjonali Franċiża TotalEnergies (Total) bħala l-investitur ewlieni, flimkien ma' China National Offshore Oil Corporation, Uganda National Oil Company, u Tanzania Petroleum Development Corporation; billi l-produzzjoni mill-proġett se titwassal fil-port ta' Tanga fit-Tanzanija permezz ta' pipeline transfruntier, il-pipeline taż-żejt mhux raffinat tal-Afrika tal-Lvant (East African Crude Oil Pipeline, EACOP); billi l-EACOP tnieda fl-1 ta' Frar 2022 u huwa ppjanat li jitlesta sal-2025; billi Total bdiet żewġ proġetti ewlenin ta' esplorazzjoni taż-żejt fl-Uganda, li wieħed minnhom huwa l-proġett Tilenga, li se jinvolvi t-tħaffir għaż-żejt fiż-żona naturali protetta ta' Murchison Falls;

B.

billi l-fażijiet ta' kostruzzjoni u operazzjonali huma mistennija li jikkawżaw aktar impatti negattivi serji għall-komunitajiet fiż-żoni tal-estrazzjoni taż-żejt u tal-pipelines, inkluż li jipperikolaw ir-riżorsi tal-ilma u jagħmlu ħsara irrimedjabbli lill-għajxien tal-bdiewa, tas-sajjieda u tas-sidien tan-negozji tat-turiżmu li jiddependu mir-riżorsi naturali rikki tar-reġjun; billi l-faċilitajiet offshore tal-EACOP fuq il-kosta tat-Tanżanija se jinbnew f'żona b'riskju għoli ta' tsunami, b'perikolu għaż-żoni tal-baħar protetti; billi dawn ir-riskji ġew innotati mill-Kummissjoni għall-Valutazzjoni Ambjentali tan-Netherlands fir-“Rieżami Konsultattiv tal-Valutazzjoni tal-Impatt Ambjentali u Soċjali ppreżentata mill-ġdid għall-EACOP”, li tenfasizza b'mod partikolari li t-teknika proposta għall-qsim tal-ilma u tal-art mistagħdra (trinka miftuħa) għandha l-potenzjal għal impatti negattivi sinifikanti, b'mod partikolari fl-artijiet mistagħdra;

C.

billi r-riskji u l-impatti kkawżati mill-bjar taż-żejt u l-iżvilupp tal-infrastruttura tal-pipelines diġà huma rrapportati li huma kbar ħafna, u ġew iddokumentati b'mod eżawrjenti f'bosta valutazzjonijiet tal-impatt ibbażati fil-komunità u studji esperti indipendenti; billi huwa previst li l-proġett se jipperikola r-riżervi u l-ħabitats naturali; billi minkejja t-tħabbira mis-sħab tal-proġett tal-benefiċċji ekonomiċi u tal-impjiegi tagħha, ħafna persuni mill-Afrika tal-Lvant u organizzazzjonijiet tas-soċjetà ċivili tal-Afrika tal-Lvant komplew jesprimu oppożizzjoni qawwija għall-bini tal-pipeline u l-proġetti assoċjati filwaqt li jsostnu li l-impatt tiegħu fuq il-komunitajiet lokali u l-ambjent mhux vallapena tar-riskju;

D.

billi l-biċċa l-kbira tal-produzzjoni ppjanata minn dan il-proġett taż-żejt fuq skala kbira se tiġi estratta u mibjugħa wara l-2030; billi l-estrazzjoni taż-żejt fl-Uganda tiġġenera sa 34 miljun tunnellata ta' emissjonijiet tal-karbonju fis-sena; billi l-Aġenzija Internazzjonali tal-Enerġija (AIE) wissiet f'rapport tal-2021 li l-limitazzjoni tat-tisħin globali għal 1,5 oC biex jiġu evitati l-aktar impatti distruttivi tat-tibdil fil-klima tirrikjedi li l-iżvilupp ġdid taż-żejt u tal-gass jieqaf immedjatament; billi diversi esperti ambjentali u tal-klima indikaw diversi nuqqasijiet kritiċi f'dawn il-valutazzjonijiet tal-impatt ambjentali u soċjali, filwaqt li qiesu li huwa inevitabbli li “jseħħ tixrid taż-żejt mill-EACOP matul il-ħajja tal-proġett”;

E.

billi fil-komunikazzjoni tagħhom tal-24 ta' Jannar 2022, l-erba' Rapporteurs Speċjali tan-Nazzjonijiet Uniti dwar is-sitwazzjoni tad-difensuri tad-drittijiet tal-bniedem esprimew it-tħassib tagħhom rigward l-arresti, l-intimidazzjoni u l-fastidju ġudizzjarju tad-difensuri tad-drittijiet tal-bniedem u tal-organizzazzjonijiet mhux governattivi (NGOs) li jaħdmu fis-settur taż-żejt u tal-gass fl-Uganda; billi diversi difensuri tad-drittijiet tal-bniedem, ġurnalisti u atturi tas-soċjetà ċivili ġew irrapportati li sofrew kriminalizzazzjoni, intimidazzjoni u fastidju, inkluż Maxwell Atuhura, difensur tad-drittijiet ambjentali u uffiċjal fuq il-post f'Buliisa għall-NGO Africa Institute for Energy Governance, li sofra dħul furzat u arrest arbitrarju; Federica Marsi, ġurnalista Taljana, li ġiet arrestata arbitrarjament fil-25 ta' Mejju 2021; Joss Kaheero Mugisa, il-president tal-NGO Oil and Gas Human Rights Defenders Association, li qatta' 56 lejl fil-ħabs mingħajr ma ġie kkundannat minn qorti; Robert Birimuye, mexxej ta' persuni affettwati mill-proġett EACOP fid-Distrett ta' Kyotera, li ġie arrestat b'mod arbitrarju; Yisito Kayinga Muddu, koordinatur ta' Community Transformation Foundation Network – COTFONE, li sofra dħul furzat f''daru u fl-uffiċċju tiegħu fl-istess jum; u Fred Mwesigwa, li xehed fil-kawża kontra TotalEnergies fi Franza u sussegwentement ġie mhedded bi qtil;

F.

billi mill-2019, Total iffaċċjat azzjoni legali fi Franza fuq allegazzjonijiet li naqset milli tistabbilixxi pjan ta' viġilanza adegwat li jkopri r-riskji għas-saħħa, is-sikurezza, l-ambjent u d-drittijiet tal-bniedem kif meħtieġ mil-liġi Franċiża dwar id-“dmir ta' viġilanza”, relatat mal-proġetti Tilenga u EACOP u l-impatt tagħhom fuq id-drittijiet tal-bniedem; billi l-appelli ta' Total ġew miċħuda mill-Qorti tal-Kassazzjoni Franċiża f'Diċembru 2021, il-kawża issa waslet biex tinstema' fuq il-merti tagħha u s-sentenza għadha pendenti;

G.

billi missjoni mid-delegazzjoni tal-UE u l-ambaxxati ta' Franza, il-Belġju, id-Danimarka, in-Norveġja u n-Netherlands ġiet ipprojbita milli tidħol fiż-żona taż-żejt fid-9 ta' Novembru 2021;

H.

billi kważi 118 000 persuna huma affettwati minn dawn il-proġetti taż-żejt: xi wħud kellhom id-djar tagħhom meqruda biex jiffaċilitaw il-kostruzzjoni ta' toroq ta' aċċess jew l-impjant tal-ipproċessar, oħrajn kellhom l-art kollha jew parti minnha rekwiżizzjonata u tilfu l-użu liberu tal-proprjetajiet tagħhom u b'hekk il-mezzi ta' sussistenza tagħhom, mingħajr ħlas minn qabel ta' kumpens ġust u adegwat; billi l-kumpens imħallas spiss ikun baxx wisq biex jippermetti lill-bdiewa li l-art tagħhom tkun ġiet esproprjata jixtru art komparabbli li fuqha jkunu jistgħu jkomplu bil-biedja, u peress li dan il-kumpens baxx għalhekk ixekkel serjament u, a priori, b'mod definittiv l-introjtu u l-kundizzjonijiet tal-għajxien tagħhom, b'tali mod li l-persuni rilokati ma jkunux jistgħu jiġġeneraw aktar introjtu suffiċjenti biex jitimgħu lill-familji tagħhom, jibagħtu lil uliedhom l-iskola jew jaċċessaw il-kura tas-saħħa; billi d-drittijiet tal-komunitajiet indiġeni għal kunsens liberu, minn qabel u infurmat mhumiex qed jiġu rispettati f'konformità mal-istandards internazzjonali;

1.

2.

3.

4.

5.

6.

7.

8.

—

wara li kkunsidra r-riżoluzzjonijiet preċedenti tiegħu dwar in-Nikaragwa, b'mod partikolari dik tas-16 ta' Diċembru 2021 dwar is-sitwazzjoni fin-Nikaragwa (1) u dik tad-9 ta' Ġunju 2022 dwar l-istrumentalizzazzjoni tal-ġustizzja bħala strument ta' repressjoni fin-Nikaragwa (2),

—

wara li kkunsidra d-Dikjarazzjoni Universali tad-Drittijiet tal-Bniedem tan-NU, b'mod partikolari l-Artikolu 18 tagħha dwar il-libertà tal-opinjoni u tal-espressjoni, il-Karta tad-Drittijiet Fundamentali tal-Unjoni Ewropea, b'mod partikolari l-Artikolu 10 tagħha dwar il-libertà tal-ħsieb, tal-kuxjenza u tar-reliġjon, u l-Konvenzjoni Amerikana dwar id-Drittijiet tal-Bniedem, b'mod partikolari l-Artikolu 12 tagħha dwar il-libertà tal-kuxjenza u tar-reliġjon,

—

wara li kkunsidra l-Patt Internazzjonali dwar id-Drittijiet Ċivili u Politiċi u r-Regoli Standard Minimi tan-NU dwar it-Trattament tal-Priġunieri (ir-Regoli Nelson Mandela),

—

wara li kkunsidra d-Deċiżjoni tal-Kunsill (PESK) 2019/1720 tal-14 ta' Ottubru 2019 dwar miżuri restrittivi fid-dawl tas-sitwazzjoni fin-Nikaragwa (3),

—

wara li kkunsidra d-dikjarazzjoni tal-kelliem tal-Viċi President tal-Kummissjoni/Rappreżentant Għoli tal-Unjoni għall-Affarijiet Barranin u l-Politika ta' Sigurtà (VP/RGħ) tal-14 ta' Marzu 2022 dwar il-kundanna ta' priġunieri politiċi,

—

wara li kkunsidra d-dikjarazzjoni tal-kelliem tal-Uffiċċju tan-NU għad-Drittijiet tal-Bniedem tad-9 ta' Mejju 2022 dwar ir-repressjoni tas-soċjetà ċivili min-naħa tan-Nikaragwa u r-rapport tal-Kummissarju Għoli tan-NU għad-Drittijiet tal-Bniedem tal-24 ta' Frar 2022 dwar is-sitwazzjoni tad-drittijiet tal-bniedem fin-Nikaragwa u d-dikjarazzjoni tal-Kummissarju Għoli tan-NU għad-Drittijiet tal-Bniedem qabel id-49 sessjoni tal-Kunsill tad-Drittijiet tal-Bniedem tan-NU fis-7 ta' Marzu 2022,

—

wara li kkunsidra r-Riżoluzzjoni Nru 49/3 tal-Kunsill tad-Drittijiet tal-Bniedem tan-NU tal-31 ta' Marzu 2022 dwar il-promozzjoni u l-ħarsien tad-drittijiet tal-bniedem fin-Nikaragwa,

—

wara li kkunsidra l-Ftehim li jistabbilixxi Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Amerka Ċentrali, min-naħa l-oħra (4) (il-Ftehim ta' Assoċjazzjoni bejn l-UE u l-Amerka Ċentrali),

—

wara li kkunsidra l-Artikoli 144(5) u 132(4) tar-Regoli ta' Proċedura tiegħu,

A.

billi fid-19 ta' Awwissu 2022, il-pulizija nazzjonali tan-Nikaragwa għamlet rejd bil-forza fuq il-kurja veskovili ta' Matagalpa biex tarresta arbitrarjament lill-Isqof Rolando Álvarez wara impass ta' ġimagħtejn, flimkien ma' ħames qassisin, żewġ seminaristi u cameraman, li issa qegħdin fil-ħabs ta' El Chipote; billi l-Isqof Álvarez kellu rwol importanti bħala medjatur fid-Djalogu Nazzjonali tal-2018, talab b'mod kostanti djalogu paċifiku u motivat fin-Nikaragwa u kkritika l-għeluq ta' seba' stazzjonijiet tar-radju Kattoliċi operati mid-djoċesi ta' Matagalpa fl-1 ta' Awwissu 2022;

B.

billi l-istqarrija tal-pulizija ma tatx raġuni għall-arresti, iżda qalet li kienu parti minn investigazzjoni mibdija fil-5 ta' Awwissu 2022 dwar attivitajiet “destabbilizzanti u provokattivi” fil-pajjiż; billi l-pulizija aktar tard ikkonfermat li kienu għaddejjin “inkjesti ġudizzjarji”; billi sigħat wara, il-Viċi President tan-Nikaragwa Rosario Murillo f'diskors sostna li l-pulizija kienet qed terġa' tistabbilixxi l-ordni f'Matagalpa u li l-arrest tal-isqof kien “neċessarju”;

C.

billi n-Nunzju Appostoliku għan-Nikaragwa, Monsinjur Waldemar Stanisław Sommertag, tkeċċa mill-pajjiż f'Marzu 2022, Padre Manuel Salvador García ġie arrestat f'Ġunju 2022, l-Assoċjazzjoni tal-Missjonijiet tal-Karità tal-Ordni ta' Santa Tereża ta' Kalkutta ġiet iddikjarata illegali u tkeċċiet f'Lulju 2022, u l-pulizija allegatament ipprojbixxiet purċissjonijiet reliġjużi skedati għat-13 u l-14 ta' Awwissu 2022; billi ħames qassisin oħra, Uriel Vallejos, Vicente Martínez, Sebastián López, Mangel Hernández u Dani García, marru f'eżilju minħabba l-arrest tal-Isqof Álvarez; billi fl-2019, l-Isqof Silvio Báez kien imġiegħel imur f'eżilju wara theddid fuq ħajtu rikonoxxut mill-Vatikan; billi fl-1 ta' Settembru 2022, l-awtoritajiet tan-Nikaragwa kkundannaw lill-monsinjur Leonardo José Urbina Rodríguez għal piena ta' 30 sena ħabs; billi dawn huma biss ftit eżempji ta' atti ta' repressjoni mmirati lejn membri tal-Knisja Kattolika Rumana fin-Nikaragwa;

D.

billi mill-2018 'l hawn, ir-reġim tan-Nikaragwa wettaq inkarċerazzjoni sistematika u ripetuta, fastidju u intimidazzjoni fil-konfront ta' prekandidati presidenzjali, mexxejja tal-oppożizzjoni u mexxejja reliġjużi – partikolarment mill-Knisja Kattolika Rumana – kif ukoll studenti u mexxejja rurali, ġurnalisti, difensuri tad-drittijiet tal-bniedem, organizzazzjonijiet tas-soċjetà ċivili, persuni LGBTI u rappreżentanti tan-negozju;

E.

billi minn dak iż-żmien 'l hawn, fin-Nikaragwa stabbilixxa ruħu qafas ta' repressjoni mill-istat, ikkaratterizzat minn impunità sistemika għall-ksur tad-drittijiet tal-bniedem, deterjorament tal-istituzzjonijiet u l-istat tad-dritt, u kollużjoni bejn is-setgħat tal-eżekuttiv u l-ġudikatura;

F.

billi l-attakki fuq il-libertà tal-espressjoni, tal-kuxjenza u tar-reliġjon intensifikaw u billi t-theddid min-naħa tal-uffiċċju tal-prosekutur pubbliku fil-konfront ta' diversi ġurnalisti, difensuri tad-drittijiet tal-bniedem bħala kritiċi tar-reġim u membri tal-Knisja Kattolika Rumana – minħabba l-isforzi ta' medjazzjoni tagħhom fit-taħditiet nazzjonali tal-2018 u għax ikkundannaw il-ksur tad-drittijiet tal-bniedem imwettaq fil-kuntest tal-kriżi attwali fin-Nikaragwa – wassal lil ħafna minnhom jitilqu min-Nikaragwa biex ifittxu protezzjoni;

G.

billi kif ġie ċċarat mill-Uffiċċju tal-Kummissarju Għoli tan-NU għad-Drittijiet tal-Bniedem u d-detenturi ta' mandat ta' proċedura speċjali tal-Kunsill tad-Drittijiet tal-Bniedem tan-NU, dawk miżmuma l-ħabs ġew arrestati għal raġunijiet inkompatibbli mal-istandards internazzjonali tad-drittijiet tal-bniedem u l-Kostituzzjoni tan-Nikaragwa;

H.

billi l-għeluq tal-istazzjonijiet tar-radju Kattoliċi u ta' żewġ stazzjonijiet tar-radju u tat-televiżjoni komunitarji oħra ftit wara, b'użu eċċessiv tal-forza, huma l-aħħar f'lista twila ta' aktar minn 1 700 organizzazzjoni tas-soċjetà ċivili u mill-inqas 40 organizzazzjoni tan-nisa, diversi partiti politiċi, assoċjazzjonijiet tal-midja u universitajiet li sfaw attakkati mir-reġim tan-Nikaragwa;

I.

billi din is-sena r-reġim tan-Nikaragwa awtorizza l-preżenza militari Russa fil-pajjiż, li hija evidenza ċara tar-relazzjoni b'saħħitha u l-appoġġ komuni eżistenti bejn ir-reġim ta' Ortega-Murillo u r-reġim ta' Putin;

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

—

wara li kkunsidra t-Trattat dwar l-Unjoni Ewropea (TUE), b'mod partikolari l-Artikolu 2 tiegħu, li jiddikjara li l-Unjoni hija bbażata fuq il-valuri tar-rispett għad-dinjità tal-bniedem, il-libertà, id-demokrazija, l-ugwaljanza, l-istat tad-dritt u r-rispett għad-drittijiet tal-bniedem, inklużi d-drittijiet ta' persuni li jagħmlu parti minn minoranzi,