Notifika pubblika mill-Kummissjoni Ewropea

(2021/C 475/01)

L-Artikolu 3 tar-Regolament tal-Kummissjoni (UE) Nru 548/2014 tal-21 ta’ Mejju 2014 dwar l-implimentazzjoni tad-Direttiva 2009/125/KE tal-Parlament Ewropew u tal-Kunsill fir-rigward ta’ transformers tal-elettriku ta’ qawwa żgħira, medja u għolja (1) jistipula:

“Jekk il-limiti tal-vultaġġi fin-netwerks tad-distribuzzjoni tal-elettriku jiddevjaw minn dawk standard madwar l-Unjoni, l-Istati Membri għandhom jinnotifikaw b’dan lill-Kummissjoni, b’tali mod li tkun tista’ ssir notifika pubblika għall-interpretazzjoni korretta tat-Tabelli I.1, I.2, I.3a, I.3b, I.4, I.5, I.6, I.7, I.8 u I.9 fl-Anness I.”

Skont din id-dispożizzjoni, ir-Repubblika Ċeka nnotifikat lill-Kummissjoni li, b’devjazzjoni mil-limiti tal-vultaġġi standard madwar l-Unjoni, il-vultaġġi standard tar-Repubblika Ċeka fil-każ tal-ogħla vultaġġ għat-tagħmir f’sistemi trifażi AC huma 38,5 kV minflok 36 kV u 25 kV minflok 24 kV. Din id-devjazzjoni nazzjonali hija enfasizzata wkoll fis-Cenelec EN 60038, fl-Anness 2B tiegħu.

---

(1)  ĠU L 152, 22.5.2014, p. 1.

Ebda oppożizzjoni għal konċentrazzjoni notifikata

(Il-Każ M.10474 — NESTE / RAVAGO / JV)

(Test b’rilevanza għaż-ŻEE)

(2021/C 475/02)

Fit 16 ta’ Novembru 2021, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tas-sit web tal-Kummissjoni dwar il-Kompetizzjoni (http://ec.europa.eu/competition/mergers/cases/). Dan is-sit web jipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fis-sit web EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10474. Il-EUR-Lex hu l-aċċess fuq l-internet għal-liġi tal-Unjoni Ewropea.

---

(1)  ĠU L 24, 29.1.2004, p. 1.

Rata tal-kambju tal-euro (1)

L-24 ta’ Novembru 2021

(2021/C 475/03)

1 euro =

	Munita	Rata tal-kambju
USD	Dollaru Amerikan	1,1206
JPY	Yen Ġappuniż	129,06
DKK	Krona Daniża	7,4367
GBP	Lira Sterlina	0,83935
SEK	Krona Żvediża	10,1905
CHF	Frank Żvizzeru	1,0484
ISK	Krona Iżlandiża	146,60
NOK	Krona Norveġiża	10,0260
BGN	Lev Bulgaru	1,9558
CZK	Krona Ċeka	25,501
HUF	Forint Ungeriż	369,15
PLN	Zloty Pollakk	4,6802
RON	Leu Rumen	4,9493
TRY	Lira Turka	13,5022
AUD	Dollaru Awstraljan	1,5549
CAD	Dollaru Kanadiż	1,4227
HKD	Dollaru ta’ Hong Kong	8,7372
NZD	Dollaru tan-New Zealand	1,6257
SGD	Dollaru tas-Singapor	1,5330
KRW	Won tal-Korea t’Isfel	1 331,51
ZAR	Rand ta’ l-Afrika t’Isfel	17,8078
CNY	Yuan ren-min-bi Ċiniż	7,1600
HRK	Kuna Kroata	7,5190
IDR	Rupiah Indoneżjan	16 018,25
MYR	Ringgit Malażjan	4,7183
PHP	Peso Filippin	56,504
RUB	Rouble Russu	83,8087
THB	Baht Tajlandiż	37,389
BRL	Real Brażiljan	6,2705
MXN	Peso Messikan	23,8330
INR	Rupi Indjan	83,4390

---

(1)  Sors: rata tal-kambju ta’ referenza ppubblikata mill-Bank Ċentrali Ewropew.

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2021/C 475/04)

Wiċċ nazzjonali tal-munita kommemorattiva l-ġdida taż-żewġ euro maħsuba għaċ-ċirkolazzjoni u maħruġa minn Malta

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-Żona tal-Euro. Biex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri taż-Żona tal-Euro u l-pajjiżi li kkonkludew ftehim monetarju mal-Unjoni Ewropea li jipprevedi l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jiġu ssodisfati ċerti kundizzjonijiet, b’mod partikolari li jintużaw muniti taż-żewġ euro biss. Dawn il-muniti għandhom l-istess karatteristiċi tekniċi bħall-muniti l-oħra taż-żewġ euro, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Il-pajjiż tal-ħruġ: Malta

Is-suġġett tal-kommemorazzjoni: Eroj tal-pandemija

Id-deskrizzjoni tad-disinn: Id-disinn huwa maħluq minn Maria Anna Frisone u juri żewġ professjonisti mediċi jħaddnu lil xulxin biex jiffaċċjaw dak li mhux magħruf. Id-disinn huwa maħsub biex ifaħħar s-servizzi ta’ dawn l-individwi altruwisti li kienu fuq quddiem nett fil-ġlieda kontra l-pandemija tal-COVID-19. Fin-naħa ta’ fuq, f’nofs ċirku, hemm l-iskrizzjoni “HEROES OF THE PANDEMIC”. Fin-naħa t’isfel, f’nofs ċirku, hemm l-iskrizzjoni “MALTA - 2021”.

Iċ-ċirku ta’ barra tal-munita juri t-12-il stilla tal-bandiera Ewropea.

L-għadd ta’ muniti li huwa stmat li se jinħarġu:72 500

Id-data tal-ħruġ: Ġunju 2021

---

(1)  Ara l-ĠU C 373, 28.12.2001, pp. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill dwar l-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji-gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, pp. 52).

Skeda għat-tkomplija tas-sessjoni ġenerali tal-awditjar

Numru tal-fajl 05 KO.2016.672

(2021/C 475/05)

Id-debitur fallut:	Gable Insurance AG in Konkurs, Alvierweg 2, 9490 Vaduz irrappreżentata minn: Batliner Wanger Batliner Rechtsanwälte AG, Am Schrägen Weg 2, 9490 Vaduz
li tikkonċerna:	proċedura ta’ falliment

Il-laqgħa ġenerali tal-awditjar fir-rigward tat-talbiet ippreżentati se titkompla nhar:

it-Tnejn, 20 ta’ Diċembru 2021, fid-9:30am, fl-Awla Nru 1

ta’ din il-qorti.

Fürstlichem Landgericht

Avviż minn qabel ta’ konċentrazzjoni

(Il-Każ M.10436 — MOËT HENNESSY / CAMPARI / CLASS A TANNICO SHAREHOLDERS / TANNICO)

(Test b’rilevanza għaż-ŻEE)

(2021/C 475/06)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).