Dikjarazzjoni mill-Kummissjoni

(2021/C 222 I/01)

Il-Kummissjoni tirrikonoxxi l-importanza ta’ liċenzjar komuni u tal-bini tal-kapaċità u ta’ programm ta’ taħriġ għall-infurzar biex is-sistema ta’ kontroll tal-esportazzjoni tal-UE tkun effettiva. Il-Kummissjoni, f’konsultazzjoni mal-Grupp ta’ Koordinazzjoni dwar Oġġetti b’Użu Doppju, timpenja ruħha li tesplora l-implikazzjonijiet fuq ir-riżorsi umani u finanzjarji li dan il-programm jista’ jinvolvi, bil-ħsieb li jiġu identifikati għażliet għat-tfassil, għall-modalitajiet u għat-tnedija ta’ programm ta’ bini tal-kapaċità u t-taħriġ.