Ebda oppożizzjoni għal konċentrazzjoni notifikata

(Il-Każ M.10192 — Linde/Hyosung/JVs)

(Test b’rilevanza għaż-ŻEE)

(2021/C 103/01)

Fit 18 ta’ Marzu 2021, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10192. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

Ebda oppożizzjoni għal konċentrazzjoni notifikata

(Każ M.10179 — Tengelmann Warenhandelsgesellschaft/KiK Textilien und Non-Food)

(Test b’rilevanza għaż-ŻEE)

(2021/C 103/02)

Fi 18 ta’ Marzu 2021, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fil-Ġermaniż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt -dokument li jġib in-numru 32021M10179. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

Rata tal-kambju tal-euro (1)

L-24 ta' Marzu 2021

(2021/C 103/03)

1 euro =

	Munita	Rata tal-kambju
USD	Dollaru Amerikan	1,1825
JPY	Yen Ġappuniż	128,60
DKK	Krona Daniża	7,4360
GBP	Lira Sterlina	0,86250
SEK	Krona Żvediża	10,1635
CHF	Frank Żvizzeru	1,1068
ISK	Krona Iżlandiża	150,10
NOK	Krona Norveġiża	10,1563
BGN	Lev Bulgaru	1,9558
CZK	Krona Ċeka	26,206
HUF	Forint Ungeriż	364,93
PLN	Zloty Pollakk	4,6280
RON	Leu Rumen	4,8880
TRY	Lira Turka	9,4009
AUD	Dollaru Awstraljan	1,5532
CAD	Dollaru Kanadiż	1,4884
HKD	Dollaru ta' Hong Kong	9,1863
NZD	Dollaru tan-New Zealand	1,6963
SGD	Dollaru tas-Singapor	1,5917
KRW	Won tal-Korea t'Isfel	1 338,12
ZAR	Rand ta' l-Afrika t'Isfel	17,5248
CNY	Yuan ren-min-bi Ċiniż	7,7133
HRK	Kuna Kroata	7,5730
IDR	Rupiah Indoneżjan	17 082,00
MYR	Ringgit Malażjan	4,8843
PHP	Peso Filippin	57,468
RUB	Rouble Russu	90,2013
THB	Baht Tajlandiż	36,658
BRL	Real Brażiljan	6,5258
MXN	Peso Messikan	24,5236
INR	Rupi Indjan	85,8585

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Informazzjoni mill-Kummissjoni dwar in-notifika mill-Polonja dwar każijiet ta’ nuqqas ta’ reċiproċità f’konformità mal-Artikolu 7, l-ewwel paragrafu, il-punt (a) tar-Regolament (UE) 2018/1806 tal-Parlament Ewropew u tal-Kunsill

(2021/C 103/04)

I.   Bażi ġuridika

Din l-informazzjoni hija bbażata fuq in-notifika riċevuta mill-Polonja f’konformità mal-Artikolu 7, l-ewwel paragrafu, il-punt (a) tar-Regolament (UE) 2018/1806 tal-Parlament Ewropew u tal-Kunsill tal-14 ta’ Novembru 2018 li jelenka l-pajjiżi terzi li ċ-ċittadini tagħhom għandhom ikollhom viża fil-pussess tagħhom meta jaqsmu l-fruntieri esterni u dawk li ċ-ċittadini tagħhom huma eżenti minn dik il-ħtieġa (kodifikazzjoni) (1).

F’konformità mal-Artikolu 7 tar-Regolament (UE) 2018/1806, fejn pajjiż terz elenkat fl-Anness II (lista ta’ pajjiżi terzi li ċ-ċittadini tagħhom huma eżenti mill-ħtieġa li jkollhom viża fil-pussess tagħhom meta jaqsmu l-fruntieri esterni tal-Istati Membri għal soġġorni ta’ mhux aktar minn 90 jum fi kwalunkwe perjodu ta’ 180 jum) japplika ħtieġa tal-viża għal ċittadini ta’ mill-inqas Stat Membru wieħed, l-Istat Membru kkonċernat għandu jinnotifika lill-Parlament Ewropew, lill-Kunsill u lill-Kummissjoni bil-miktub.

L-informazzjoni dwar dik in-notifika għandha tiġi ppubblikata mingħajr dewmien mill-Kummissjoni f’Il-Ġurnal Uffiċjali tal-Unjoni Ewropea, inkluż l-informazzjoni dwar id-data tal-implimentazzjoni tal-ħtieġa tal-viża u t-tipi ta’ dokumenti tal-ivvjaġġar u viżi kkonċernati.

Il-Kummissjoni diġà rċeviet notifiki mill-Ġermanja dwar ir-Repubblika tal-Korea u l-Ġappun u ppubblikathom f’Il-Ġurnal Uffiċjali tal-Unjoni Ewropea fit-8 ta’ Ottubru 2020 (2). F’konformità mal-Artikolu 7, l-ewwel paragrafu, il-punt (g) tar-Regolament (UE) 2018/1806, kwalunkwe notifika sussegwenti magħmula minn Stat Membru ieħor skont il-punt (a) dwar l-istess pajjiż terz matul il-perjodu ta’ applikazzjoni tal-miżuri adottati skont il-punt (e) jew (f) fir-rigward ta’ dak il-pajjiż terz għandha tiġi amalgamata fil-proċeduri li għaddejjin mingħajr ma jkunu estiżi l-iskadenzi jew il-perjodi stipulati f’dawk il-punti.

II.   Informazzjoni dwar in-notifika mill-Polonja, inkluż dwar id-data tal-implimentazzjoni tal-ħtieġa tal-viża u t-tipi ta’ dokumenti tal-ivvjaġġar u viżi kkonċernati.

Il-Kummissjoni rċeviet notifika mill-Polonja, li ntbagħtet fit-18 ta’ Novembru 2020, dwar:

—	ir-Repubblika tal-Korea;

—

il-Ġappun. Pajjiż terz elenkat fl-Anness II tar-Regolament (UE) 2018/1806 li jimplimenta l-ħtieġa tal-viża Data tal-implimentazzjoni tal-ħtieġa tal-viża Tipi ta’ dokumenti tal-ivvjaġġar u viżi kkonċernati Ir-Repubblika tal-Korea it-13 ta’ April 2020 Iċ-ċittadini Pollakki kollha; it-tipi kollha ta’ passaporti Il-Ġappun Il-21 ta’ Marzu 2020 Iċ-ċittadini Pollakki kollha; it-tipi kollha ta’ passaporti

---

(1)  ĠU L 303, 28.11.2018, p. 39.

(2)  ĠU C 332, 8.10.2020, p. 3.

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2021/C 103/05)

Naħa nazzjonali tal-munita kommemorattiva l-ġdida ta’ żewġ euro maħsuba għaċ-ċirkolazzjoni u maħruġa mill-Finlandja

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-Żona tal-Euro. Biex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri taż-Żona tal-Euro u l-pajjiżi li kkonkludew ftehim monetarju mal-Unjoni Ewropea li jipprevedi l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jiġu ssodisfati ċerti kundizzjonijiet, b’mod partikolari li jintużaw muniti ta’ żewġ euro biss. Dawn il-muniti għandhom l-istess karatteristiċi tekniċi bħall-muniti l-oħra ta’ żewġ euro, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Il-pajjiż tal-ħruġ: Il-Finlandja

Is-suġġett tal-kommemorazzjoni: Il-Ġurnaliżmu u l-Komunikazzjoni Miftuħa Jappoġġaw id-Demokrazija Finlandiża

Id-deskrizzjoni tad-disinn: Il-figuri murija fil-parti ta’ ġewwa tal-munita jistgħu jiġu interpretati bħala figuri stilizzati umani magħmula minn u marbuta f’xibka qisu żigarella. In-naħat ta’ barra tal-parti ta’ ġewwa tal-munita juru l-ittri “JOURNALISMI JOURNALISTIK”. Il-parti ta’ isfel tal-parti ta’ ġewwa turi l-kitba “2021 FI” preċeduta mill-marka taz-zekka Finlandiża.

Iċ-ċirku ta’ barra tal-munita juri t-12-il stilla tal-bandiera Ewropea.

L-Għadd ta’ muniti li huwa stmat li se jinħarġu: 800 000

Id-data tal-ħruġ: Fir-Rebbiegħa 2021

---

(1)  Ara l-ĠU C 373, 28.12.2001, p. 1, għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill dwar l-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).

Għajnuna mill-istat – Deċiżjoni li ma ssir ebda oġġezzjoni

(2021/C 103/06)

L-Awtorità ta’ Sorveljanza tal-EFTA ma ssib l-ebda oġġezzjoni għall-miżura ta’ għajnuna mill-istat li ġejja:

Id-data tal-adozzjoni tad-deċiżjoni	L-14 ta’ Diċembru 2020
Il-Każ Nru	85921
Id-Deċiżjoni Nru	159/20/COL
Stat tal-EFTA	In-Norveġja
It-titlu (u / jew isem il-benefiċjarju)	Emendi għall-perjodu mill-1 ta’ Settembru sal-31 ta’ Diċembru 2020 għall-iskema ta’ kumpens għall-kanċellazzjoni jew il-posponiment ta’ avvenimenti kulturali
Il-bażi ġuridika	L-emendi għall-iskema ta’ kumpens u ż-żieda fil-baġit għall-perjodu mill-1 ta’ Settembru sal-31 ta’ Diċembru 2020 huma bbażati fuq il-proposta tal-baġit Prop 51 S (2020-2021), soġġett għall-approvazzjoni tal-Parlament Il-qafas legali nazzjonali għall-emendi għall-iskema ta’ kumpens għall-ispejjeż eliġibbli mġarrba f’Settembru huwa regolament emendatorju għar-Regolament tal-4 ta’ Novembru 2020 Nru 2250 dwar skema ta’ kumpens temporanju b’rabta mal-kanċellazzjonijiet, l-għeluq jew il-posponimenti tal-avvenimenti ppjanati li saru f’Settembru 2020 bħala riżultat tal-imxija tal-COVID-19 Il-qafas legali nazzjonali għall-emendi għall-iskema ta’ kumpens għall-ispejjeż eliġibbli mġarrba fil-perjodu mill-1 ta’ Ottubru sal-31 ta’ Diċembru 2020 huwa regolament emendatorju għar-Regolament tal-4 ta’ Novembru 2020 Nru 2245 skema ta’ kumpens temporanju b’rabta mal-kanċellazzjonijiet jew l-għeluq tal-avvenimenti ppjanati minn Ottubru sa Diċembru 2020 bħala riżultat tal-imxija tal-COVID-19
It-tip ta’ miżura	Skema u żieda fil-baġit
L-objettiv	Biex jikkumpensaw għal telf eliġibbli kkawżat mill-kanċellazzjoni, kanċellazzjoni parzjali jew posponiment ta’ avvenimenti kulturali biex jiġi miġġieled it-tixrid tal-virus tal-COVID-19
Il-forma tal-għajnuna	Għotjiet
Il-baġit	Il-baġit approvat ta’ 200 miljun għall-perjodu mill-1 ta’ Settembru sal-31 ta’ Diċembru 2020 tal-iskema eżistenti se jiżdied b’NOK 146 109 153 , biex il-baġit totali għall-perjodu jikkostitwixxi fi NOK 346 109 153
Għal kemm żmien	Mill-1 ta’ Settembru 2020 sal-31 ta’ Diċembru 2020
Setturi ekonomiċi	Kultura
L-isem u l-indirizz tal-awtorità awtorizzanti	Arts Council Norway Postboks 4808 Nydalen N-0422 Oslo NORWAY

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fis-sit web tal-Awtorità ta’ Sorveljanza tal-EFTA:

http://www.eftasurv.int/state-aid/state-aid-register/decisions/

Għajnuna mill-istat – Deċiżjoni li ma ssir ebda oġġezzjoni

(2021/C 103/07)

L-Awtorità ta’ Sorveljanza tal-EFTA ma ssib l-ebda oġġezzjoni għall-miżura ta’ għajnuna mill-istat li ġejja:

Id-data tal-adozzjoni tad-deċiżjoni	Il-15 ta’ Diċembru 2020
Il-Każ Nru	85961
Id-Deċiżjoni Nru	162/20/COL
Stat tal-EFTA	In-Norveġja
Ir-reġjun	It-territorju kollu tan-Norveġja
Il-bażi ġuridika	Riżoluzzjoni Parlamentari (“Stortingsvedtak”) dwar emenda għall-Baġit Nazzjonali 2020: “Prop. 1 S Tillegg 1 (2020-2021) Endring av Prop. 1 S (2020-2021) Statsbudsjettet 2021” (għad trid tiġi adottata), ibbażata fuq “Innst. 8 S (2020-2021)” (għad trid tiġi adottata)
It-tip ta’ miżura	Skema
L-għan	Li jkun żgurata suq tal-assikurazzjoni tal-kreditu kummerċjali li jiffunzjona fid-dawl tal-pandemija tal-COVID-19
Il-forma tal-għajnuna	Garanziji
Il-baġit	NOK 18 200 miljun f’garanziji
Għal kemm żmien	Sat-30 ta’ Ġunju 2021
Setturi ekonomiċi	L-assikurazzjoni ta’ kreditu għall-esportazzjoni
L-isem u l-indirizz tal-awtorità awtorizzanti	GIEK Postboks 1763 Vika N-0122 Oslo IN-NORVEĠJA

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fis-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

Għajnuna mill-istat – Deċiżjoni li ma ssir ebda oġġezzjoni

(2021/C 103/08)

L-Awtorità ta’ Sorveljanza tal-EFTA ma ssib l-ebda oġġezzjoni għall-miżura ta’ għajnuna mill-istat li ġejja:

Id-data tal-adozzjoni tad-deċiżjoni	L-14 ta’ Diċembru 2020
Il-Każ Nru	85894
Id-Deċiżjoni Nru	160/20/COL
Stat tal-EFTA	L-Iżlanda
It-Titolu	COVID-19 Għotjiet għar-Reżiljenza
Il-bażi ġuridika	L-Att dwar l-Għotjiet għar-Reżiljenza (bl-Iżlandiż lög um viðspyrnustyrki)
It-tip ta’ miżura	Skema
L-għan	Li jikkontribwixxi għall-attività ekonomika kontinwa tal-impriżi li sofrew telf ta’ introjtu minħabba l-pandemija tal-COVID-19 u l-miżuri ta’ konteniment imposti biex jiġi miġġieled it-tixrid tal-virus
Il-forma tal-għajnuna	Għotjiet diretti
Il-baġit	ISK 19.8 biljun (madwar EUR 122 miljun)
Għal kemm żmien	Il-31 ta’ Mejju 2021
Setturi ekonomiċi	Is-setturi kollha
L-isem u l-indirizz tal-awtorità li ħarġet l-għajnuna	Iceland Revenue and Customs Tryggvagata 19 101 Reykjavík ICELAND

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fis-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

Għajnuna mill-istat – Deċiżjoni li ma ssir ebda oġġezzjoni

(2021/C 103/09)

L-Awtorità ta’ Sorveljanza tal-EFTA ma ssib l-ebda oġġezzjoni għall-miżura ta’ għajnuna mill-istat li ġejja:

Id-data tal-adozzjoni tad-deċiżjoni	L-14 ta’ Diċembru 2020
Il-Każ Nru	85852
Id-Deċiżjoni Nru	158/20/COL
Stat tal-EFTA	In-Norveġja
It-titlu (u / jew isem il-benefiċjarju)	Kumpens addizzjonali għall-Ajruport ta’ TORP Sandefjord
Il-bażi ġuridika	L-ittra ta’ għoti ta’ għajnuna mill-Ministeru tat-Trasport li jimplimenta l-approprjazzjoni tal-Parlament Norveġiż
It-tip ta’ miżura	Għajnuna individwali
L-objettiv	Biex tikkumpensa parti mill-ħsara mġarrba direttament minn Sandefjord Lufthavn AS mill-1 ta’ Ottubru 2020 sal-31 ta’ Diċembru 2020 minħabba l-miżuri pubbliċi ta’ trażżin li ttieħdu b’konsegwenza tal-imxija tal-COVID-19
Il-forma tal-għajnuna	Sussidju
Il-baġit	NOK 30 miljun
L-intensità	87 % (stima)
Għal kemm żmien	mill-1 ta’ Ottubru 2020 sal-31 ta’ Diċembru 2020
Setturi ekonomiċi	Avjazzjoni
L-isem u l-indirizz tal-awtorità awtorizzanti	The Ministry of Transport Postboks 8010 Dep N-0030 Oslo NORWAY

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fis-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

L-ebda għajnuna mill-istat fis-sens tal-Artikolu 61(1) tal-Ftehim dwar iż-ŻEE

(2021/C 103/10)

L-Awtorità ta’ Sorveljanza tal-EFTA hija tal-fehma li l-miżura li ġejja ma tikkostitwixxix f’għajnuna mill-istat fis-sens tal-Artikolu 61(1) tal-Ftehim dwar iż-ŻEE:

Id-data tal-adozzjoni tad-deċiżjoni	Id-9 ta’ Diċembru 2020
Il-Każ Nru	85916
Id-Deċiżjoni Nru	144/20/COL
Stat tal-EFTA	In-Norveġja
It-titlu (u / jew isem il-benefiċjarju)	Municipal eHealth
Il-forma tal-għajnuna	L-ebda għajnuna

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fis-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

Sejħa għall-proposti 2021 — EAC/A01/2021

Il-Programm Erasmus+

(2021/C 103/11)

1.   Introduzzjoni u għanijiet

Din is-sejħa għal proposti hija soġġetta għal:

—	l-adozzjoni mingħajr modifiki sinifikanti mill-awtorità leġiżlattiva tal-Proposta għal Regolament tal-Parlament Ewropew u tal-Kunsill li jistabbilixxi l-qafas legali ta’ Erasmus+ u li jistabbilixxi l-programm Erasmus+ u li jħassar ir-Regolament (UE) Nru 1288/2013.

—	l-opinjoni pożittiva mill-Kumitat stabbilit fl-att bażiku dwar il-programm ta’ ħidma annwali għall-implimentazzjoni ta’ Erasmus+ fl-2021.

—	l-adozzjoni mill-Kummissjoni tal-programm ta' ħidma annwali tal-2021, wara referenza mingħand il-kumitat tal-programm.

—	id-disponibbiltà tal-approprjazzjonijiet previsti fl-abbozz tal-baġit għall-2021 wara l-adozzjoni tal-baġit għall-2021 mill-awtorità tal-baġit jew jekk il-baġit ma jiġix adottat kif previst fis-sistema tad-dodiċeżmi proviżorji.

—	il-ħatra tal-Aġenzija Nazzjonali mill-Awtorità Nazzjonali u l-aċċettazzjoni mill-Kummissjoni, u l-iffirmar tal-Ftehimiet ta’ Kontribuzzjoni.

Għalhekk, din in-notifika ma torbotx legalment lill-Kummissjoni (l-awtorità kontraenti). F’każ li mill-inqas waħda mill-kundizzjonijiet ta’ hawn fuq ma tiġix issodisfata, l-awtorità kontraenti tirriżerva d-dritt li tabbanduna jew tikkanċella din is-sejħa u li tniedi oħrajn b’kontenut differenti u bi skadenzi xierqa għas-sottomissjoni.

2.   Azzjonijiet

Din is-sejħa għall-proposti tkopri dawn l-azzjonijiet tal-Programm Erasmus+:

Azzjoni Ewlenija 1 (KA1) — Il-mobbiltà fit-tagħlim tal-individwi

—	Il-mobbiltà tal-individwi fil-qasam tal-edukazzjoni, it-taħriġ u ż-żgħażagħ

—	Attivitajiet ta’ parteċipazzjoni taż-żgħażagħ

Azzjoni Ewlenija 2 (KA2) — Kooperazzjoni fost l-organizzazzjonijiet u l-istituzzjonijiet

—	Sħubijiet għall-Kooperazzjoni: — Sħubijiet ta’ Kooperazzjoni — Sħubijiet fuq Skala żgħira

—	Sħubijiiet għall-Eċċellenza: — Ċentri ta’ Eċċellenza Vokazzjonali — Akkademja tal-Għalliema tal-Erasmus+ — Azzjonijiet Erasmus Mundus

—	Sħubijiet għall-Innovazzjoni: — Alleanzi għall-innovazzjoni

—	Avvenimenti Sportivi mingħajr skop ta’ qligħ

Azzjoni Ewlenija 3 (KA3) — Appoġġ għall-iżvilupp tal-politika u l-kooperazzjoni

—	Żgħażagħ Ewropej flimkien

Azzjonijiet Jean Monnet:

—	Jean Monnet fil-qasam tal-edukazzjoni għolja:

—	Jean Monnet f’oqsma oħra tal-edukazzjoni u tat-taħriġ

3.   Eliġibbiltà

Kull korp pubbliku jew privat li hu attiv fl-oqsma tal-edukazzjoni, it-taħriġ, iż-żgħażagħ u l-isport jista' japplika għal finanzjament mill-Programm Erasmus+. Barra minn hekk, il-gruppi taż-żgħażagħ li huma attivi fil-ħidma taż-żgħażagħ, iżda mhux bilfors fil-kuntest ta' organizzazzjoni taż-żgħażagħ, jistgħu japplikaw għal finanzjament fejn tidħol il-mobbiltà tat-tagħlim taż-żgħażagħ u tal-ħaddiema żgħażagħ kif ukoll għal Sħubijiet strateġiċi fil-qasam taż-żgħażagħ.

Dawn il-Pajjiżi li ġejjin jistgħu jieħdu sehem sħiħ fl-azzjonijiet tal-Programm Erasmus+ (1):

—	is-27 Stat Membru tal-Unjoni Ewropea u l-pajjiżi u t-territorji extra-Ewropej,

—	pajjiżi terzi assoċjati mal-Programm: — il-pajjiżi tal-EFTA/ŻEE: l-Iżlanda, il-Liechtenstein u n-Norveġja (2), — Il-pajjiżi kandidati tal-UE: ir-Repubblika tat-Turkija, ir-Repubblika tal-Maċedonja ta’ Fuq u r-Repubblika tas-Serbja (3).

Barra minn hekk, ċerti azzjonijiet tal-Programm Erasmus+ huma miftuħa għal organizzazzjonijiet minn pajjiżi terzi mhux assoċjati mal-Programm.

Jekk jogħġbok ara l-Gwida tal-Programm 2021 tal-Erasmus+ għal aktar dettalji dwar il-modalitajiet tal-parteċipazzjoni.

4.   Il-baġit u t-tul tal-proġetti

L-istima tal-baġit totali allokat għal din is-sejħa għall-proposti hija EUR 2 453,5 miljun:

L-Edukazzjoni u t-Taħriġ:	EUR	2 153,1 miljun
Iż-Żgħażagħ:	EUR	244,7 miljun
L-Isport:	EUR	41,7 miljun
Jean Monnet:	EUR	14-il miljun

Il-baġit totali allokat għas-sejħa għall-proposti, kif ukoll it-tqassim tiegħu huma indikattivi u suġġetti għall-adozzjoni tal-Programmi ta' Ħidma Annwali tal-Erasmus+ tal-2021 u jistgħu jiġu mmodifikati soġġett għal emenda tal-Programmi ta' Ħidma Annwali tal-Erasmus+. L-applikanti potenzjali mistiedna jikkonsultaw regolarment il-Programmi ta’ Ħidma Annwali Erasmus + u l-emendi tagħhom, ippubblikati fuq:

https://ec.europa.eu/programmes/erasmus-plus/resources/documents/annual-work-programmes_mt fir-rigward tal-baġit disponibbli għal kull azzjoni koperta mis-sejħa.

Il-livell tal-għotjiet kif ukoll it-tul tal-proġetti jvarja skont fatturi bħat-tip ta' proġett u l-għadd ta' sħab involuti.

Il-benefiċjarji jistgħu jiddikjaraw il-kostijiet tax-xogħol imwettaq minn voluntiera fl-ambitu ta’ azzjoni jew ta’ programm ta’ ħidma abbażi tal-kostijiet unitarji awtorizzati u definiti fid-Deċiżjoni tal-Kummissjoni (2019)2646. Jekk jogħġbok ara l-Gwida tal-Programm Erasmus+ għal aktar struzzjonijiet dettaljati dwar l-eliġibbiltà tal-kostijiet tal-voluntiera.

5.   L-iskadenza biex jitressqu l-applikazzjonijiet

L-iskadenzi tal-applikazzjonijiet imsemmija hawn taħt kollha jirreferu għall-ħin ta' Brussell.

Azzjoni Ewlenija 1
Il-mobbiltà tal-individwi fil-qasam tal-edukazzjoni għolja	il-11 ta’ Mejju f’12.00
Il-mobbiltà tal-individwi fl-oqsma tal-ETV, l-edukazzjoni skolastika u l-edukazzjoni għall-adulti	il-11 ta’ Mejju f’12.00
L-Akkreditazzjonijiet tal-Erasmus fl-ETV, l-edukazzjoni skolastika u l-edukazzjoni għall-adulti	id-19 ta’ Ottubru f’ 12.00
Il-mobilità tal-individwi fil-qasam taż-żgħażagħ	il-11 ta’ Mejju f’12.00
Il-mobilità tal-individwi fil-qasam taż-żgħażagħ	il-5 ta’ Ottubru f’12.00

Azzjoni Ewlenija 2
Sħubiji ta’ kooperazzjoni fl-oqsma tal-edukazzjoni, it-taħriġ u ż-żgħażagħ, ħlief dawk ippreżentati mill-NGOs Ewropej	l-20 ta’ Mejju f’12.00
Sħubijiet ta’ kooperazzjoni fil-qasam tal-edukazzjoni, it-taħriġ u ż-żgħażagħ sottomessi mill-NGOs Ewropej	l-20 ta’ Mejju fil-17.00
Sħubijiet ta’ kooperazzjoni fil-qasam tal-isport	l-20 ta’ Mejju fil-17.00
Sħubijiet ta’ skala żgħira fl-oqsma tal-edukazzjoni, it-taħriġ u ż-żgħażagħ	l-20 ta’ Mejju f’12.00
Sħubijiet ta’ skala żgħira fl-oqsma tal-edukazzjoni, it-taħriġ u ż-żgħażagħ	it-3 ta’ Novembru f’12.00
Sħubijiet ta’ skala żgħira fil-qasam tal-isport	l-20 ta’ Mejju fil-17.00
Ċentri ta’ Eċċellenza Vokazzjonali	is-7 ta’ Settembru fil-17.00
Akkademja tal-Għalliema tal-Erasmus	is-7 ta’ Settembru fil-17.00
Azzjonijiet Erasmus Mundus	is-26 ta’ Mejju fil-17.00
Alleanzi għall-Innovazzjoni	is-7 ta’ Settembru fil-17.00
It-tiswir tal-kapaċità fil-qasam taż-żgħażagħ	l-1 ta’ Lulju fil-17.00
Avvenimenti sportivi Ewropej mingħajr skop ta’ qligħ	l-20 ta’ Mejju fil-17.00

Azzjoni Ewlenija 3
Żgħażagħ Ewropej Flimkien	l-24 ta’ Ġunju fil-17.00

Networks u Azzjonijiet Jean Monnet

it-2 ta’ Ġunju fil-17.00

Jekk jogħġbok ara l-Gwida tal-Programm Erasmus+ għal aktar struzzjonijiet dettaljati dwar is-sottomissjoni tal-applikazzjonijiet.

6.   Dettalji sħaħ

Ara l-kundizzjonijiet ta' din is-sejħa għall-proposti fid-dettall, inklużi l-prijoritajiet, fil-Gwida tal-Programm Erasmus+ tal-2021:

http://ec.europa.eu/programmes/erasmus-plus/resources/programme-guide

Il-Gwida tal-Programm Erasmus+ tifforma parti integrali minn din is-sejħa għall-proposti u l-kundizzjonijiet għall-parteċipazzjoni u l-finanzjament li jissemmew fiha japplikaw bis-sħiħ għal din is-sejħa.

---

(1)  L-attivitajiet Jean Monnet huma miftuħa għal organizzazzjonijiet minn madwar id-dinja kollha.

(2)  Soġġett għad-deċiżjoni tal-Kumitat Konġunt taż-ŻEE għall-parteċipazzjoni fil-programm.

(3)  Soġġett għall-iffirmar tal-Ftehimiet ta’ Assoċjazzjoni bilaterali

Avviż minn qabel ta’ konċentrazzjoni

(Il-Każ M.10143 — Inter-Risco/Unavets/OneVet)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2021/C 103/12)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2021/C 103/13)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.

DOKUMENT UNIKU

“ŐRSÉGI TÖKMAGOLAJ”

Nru tal-UE: PGI-HU-02482 — 12.9.2018

DOP ( ) IĠP (X)

1.   Isem/Ismijiet

“Őrségi tökmagolaj”

2.   Stat Membru jew Pajjiż Terz

L-Ungerija

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.5: Żjut u xaħmijiet (butir, marġerina, żejt, eċċ.)

3.2.   Deskrizzjoni tal-prodott li għalih japplika l-isem f’(1)

L-“Őrségi tökmagolaj” huwa żejt veġetali mhux raffinat magħsur miż-żerriegħa mixwija tal-qargħa ħamra (Cucurbita pepo L.) mkabbra b’mod speċifiku għall-finijiet ta’ għasir taż-żejt.

Iż-żejt taż-żerriegħa tal-qargħa ħamra, magħsur miż-żerriegħa tal-qargħa ħamra biss, huwa ħieles minn kwalunkwe materja oħra. Huwa likwidu viskuż mimli karattru u mingħajr irwejjaħ jew togħmiet estranji. Għandu palat qawwi, mieles, togħma pikkanti li tfakkrek fil-ġewż. Huwa ta’ lewn aħdar skur ħafna.

L-aċidi xaħmin poliinsaturati jammontaw għall-biċċa l-kbira tal-kontenut ta’ xaħam tiegħu.

Karatteristiċi fiżiċi u kimiċi:

Kontenut ta’ aċidu xaħmi poliinsaturat: minimu ta’ 55 %

Kontenut ta’ sapun: massimu ta’ 0,005 % (m/m)

Valur ta’ aċidu: massimu ta’ 4,0 mg KOH/g ta’ żejt tat-tisjir

Valur tal-perossidu: massimu ta’ 10,0 meq O2/kg ta’ żejt tat-tisjir

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

—

3.4.   Passi speċifiċi tal-produzzjoni li jridu jsiru fiż-żona ġeografika ddefinita

Ħżin u tħejjija tal-ingredjent bażiku

Tħin

Tagħġin

Xiwi

Għasir

Serħan, sedimentazzjoni

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

—

3.6.   Regoli speċifiċi dwar it-tikkettar

—

4.   Definizzjoni fil-qosor taż-żona ġeografika

L-“Őrségi tökmagolaj” jiġi prodott fil-limiti amministrattivi tal-muniċipalitajiet li ġejjin:

Bajánsenye, Csákánydoroszló, Csörötnek, Döbörhegy, Felsőjánosfa, Felsőmarác, Halogy, Hegyhátszentjakab, Hegyhátszentmárton, Ispánk, Ivánc, Kercaszomor, Kerkáskápolna, Kisrákos, Kondorfa, Körmend, Magyarszombatfa, Molnaszecsőd, Nádasd, Nagymizdó, Nagyrákos, Őrimagyarósd, Őriszentpéter, Pankasz, Rábagyarmat, Rádócköldek, Szaknyér, Szalafő, Szarvaskend, Szatta, Szentgotthárd, Szőce, Velemér, Viszák.

5.   Rabta maż-żona ġeografika

Ir-rabta bejn l-“Őrségi tökmagolaj” u ż-żona ġeografika hija bbażata fuq ir-reputazzjoni tal-prodott u attributi oħra.

Il-qargħa ħamra taż-żejt ilha tiġi mkabbra – u ż-żejt taż-żerriegħa tal-qargħa ħamra ilu jiġi magħsur miż-żerriegħa tagħha – fil-villaġġi storiċi ta’ Őrség għal qrib il-100 sena issa. L-użu u l-konsum taż-żejt taż-żerriegħa tal-qargħa ħamra kien jifforma parti mill-ħajja ta’ kuljum:

“Huma jħobbu jxappu ż-żejt hekk kif jagħli fuq in-nar. Inkella, kif issemma’ diġà, jakkumpanja insalati, kaboċċi, patata, bżar, basal aħmar, jew ħjar. Jintuża wkoll fil-ħami tal-iscones. Minbarra ż-żejt taż-żerriegħa tal-ġirasol li huma rari ħafna, ftit huma ż-żjut tat-tisjir li wieħed jista’ jsib fil-kċejjen tal-Őrség…’(Kardos, László: Az őrség népi táplálkozása. Budapest, 1943, pp. 90-91).

Il-metodu tradizzjonali tal-produzzjoni tal-“Őrségi tökmagolaj” baqa’ ppreservat sal-lum il-ġurnata. Il-qargħa ħamra taż-żejt, li kienet tiġi mħawla fuq wara ta’ kważi kull ġnien tal-ħxejjex, kienet tifforma parti integrali mill-farms tal-familji. Skont data etnografika, l-għasir taż-żejt fuq bażi domestika kien prattika komuni fl-Őrség fil-bidu tas-seklu għoxrin.

L-għasir taż-żejt fuq skala żgħira reġa’ qabad fit-tmeninijiet, fejn beda jinfirex dejjem aktar. Ir-rivista Szabad Föld irrapportat dan li ġej fl-edizzjoni tagħha tal-10 ta’ Marzu 1984: “Il-produzzjoni taż-żejt taż-żerriegħa tal-qargħa ħamra – okkupazzjoni tradizzjonali ta’ tmiem ix-xitwa – diġà għaddejja ġmielha fil-villaġġi tal-Őrség. Id-domanda għal dan iż-żejt appetituż – li jista’ jintuża wkoll bħala rimedju għall-ilmenti diġestivi – tant kibret f’dawn l-aħħar snin li l-impjanti tal-għasir taż-żejt (magħrufa bħala mtieħen taż-żejt) li ngħalqu bejn 10 u 15-il sena ilu biss, qed jerġgħu jaħdmu f’dawn l-irħula. Fl-imgħoddi, il-familji kienu jipproduċu biżżejjed żejt biss biex jissodisfaw il-ħtiġijiet tagħhom stess. Illum, qed jinbiegħ dejjem aktar minn dan iż-żejt. Huwa qed jinxtara mill-istabbiliment kooperattiv ta’ skambji kummerċjali TSZKER, l-aktar għall-esportazzjoni.” Dan huwa kkonfermat minn studju mwettaq minn Attila Selmeczi Kovács fl-1992: “Minn tmiem l-aħħar seklu, madwar it-Transdanubia tal-Punent infirxu workshops żgħar li jipproduċu ż-żejt taż-żerriegħa tal-qargħa ħamra, iżda minflok għodod tat-tisħiq tradizzjonali, użaw diversi mtieħen tal-industrija artiġjanali li kienu ferm aktar produttivi. Id-dqiq taż-żerriegħa misħuqa jew mitħuna jiġi magħġun sabiex ikun adattat għat-tisħin. Fir-reġjuni Transdanubjani tal-Punent tal-Őrség u l-Hetes, pereżempju, fejn il-produzzjoni taż-żejt taż-żerriegħa tal-qargħa ħamra baqgħet industrija tad-djar rustiċi sal-lum il-ġurnata, 6 kg ta’ grixa taż-żerriegħa tal-qargħa ħamra ssir biż-żieda ta’ litru wieħed ta’ ilma jagħli, filwaqt li wieħed jagħġen kontinwament. Tiġi ffurmata pasta polpuża u ratba li tiġi mqassma f’porzjonijiet li jvarjaw fid-daqs skont il-kapaċità tal-pressa taż-żejt, u mixwija porzjon, porzjon. Il-pasta tiġi mħawda kontinwament waqt ix-xiwi, sakemm tilħaq l-aħjar livell tagħha, li jiġi ddeterminat bl-esperjenza.” (Selmeczi Kovács, Attila - Az olajsütés. A nyersanyag és a technológia kapcsolata. F’: Néprajzi értesítő, volum 74, 1992, pp. 75-89).

Ir-reputazzjoni tal-“Őrségi tökmagolaj” hija bbażata fuq il-kwalitajiet organolettiċi eċċellenti tiegħu kkonferiti mit-teknika ta’ produzzjoni tradizzjonali speċifika tiegħu. Il-fatturi ewlenin huma ħafna s-snin ta’ esperjenza, l-għarfien espert, u l-użu ta’ tagħmir u twaġen adatti biex jinkiseb żejt delizzjuż u żejt primjum minn żerriegħa ta’ valur għoli. Grazzi għat-teknika tal-produzzjoni taż-żejt taż-żerriegħa tal-qargħa ħamra użata fir-reġjun tal-Őrség, l-“Őrségi tökmagolaj” għandu togħma aktar intensa, aktar aromatika miż-żejt ordinarju taż-żerriegħa tal-qargħa ħamra prodott permezz tal-ippressar kiesaħ. Iż-żrieragħ tal-qargħa ħamra jinxtwew f’temperatura aktar baxxa, iżda msaħħna għal ħin itwal, u dan jagħti lill-“Őrségi tökmagolaj” togħma mielsa, pikkanti, distintiva li tfakkrek fil-ġewż.

Għal dawn ir-raġunijiet, l-“Őrségi tökmagolaj” huwa ta’ importanza partikolari għad-dinja tal-gastronomija. Fl-2016, ġurija professjonali ppreżentat il-premju nazzjonali tal-“Magyarország tortája” [Kejk tal-Kampanja] lill-“Őrség Zöld Aranya”, kejk li jsir bl-użu ta’ għaġina li fiha l-“Őrségi tökmagolaj”, b’topping tal-ġelì magħmul ukoll mill-“Őrségi tökmagolaj”. Minn dak iż-żmien ’l hawn, l-“Őrség Zöld Aranya” sar popolari ħafna fost il-konsumaturi u huwa element permanenti fl-aqwa ħwienet tal-ħelu Ungeriżi.

L-“Őrségi tökmagolaj” qed isir dejjem aktar popolari fost il-konsumaturi u t-turisti. Fl-2011, edizzjoni speċjali ta’ siegħa tal-programm tat-televiżjoni pubblika Ungeriża, Gasztroangyal, ippreżentat il-metodu ta’ produzzjoni tradizzjonali għall-“Őrségi tökmagolaj”.

L-“Őrségi tökmagolaj” igawdi wkoll reputazzjoni barra mill-pajjiż: rebaħ midalja tal-fidda fit-Tieni Esibizzjoni Internazzjonali taż-Żejt taż-Żerriegħa tal-Qargħa Ħamra, li saret fl-2019. Huwa sar isem ta’ marka rikonoxxuta matul l-aħħar deċennji.

Referenza għall-pubblikazzjoni tal-Ispeċifikazzjoni tal-prodott

(it-tieni subparagrafu tal-Artikolu 6(1) ta’ dan ir-Regolament)

https://gi.kormany.hu/foldrajzi-arujelzok

---

(1)  ĠU L 343, 14.12.2012, p. 1.