RAKKOMANDAZZJONI TAL-BORD EWROPEW DWAR IR-RISKJU SISTEMIKU

tat-2 ta’ Ġunju 2020

li temenda r-Rakkomandazzjoni BERS/2015/2 dwar il-valutazzjoni tal-effetti transkonfinali ta’ miżuri tal-politika makroprudenzjali u r-reċiproċità volontarja tagħhom

(BĊE/2020/9)

(2020/C 217/01)

IL-BORD ĠENERALI TAL-BORD EWROPEW DWAR IR-RISKJU SISTEMIKU,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament (UE) Nru 1092/2010 tal-Parlament Ewropew u tal-Kunsill tal-24 ta’ Novembru 2010 dwar is-sorveljanza makroprudenzjali fl-Unjoni Ewropea tas-sistema finanzjarja u li jistabbilixxi Bord Ewropew dwar ir-Riskju Sistemiku (1), u b’mod partikolari l-Artikolu 3 u l-Artikoli 16 sa 18 tiegħu,

Wara li kkunsidra d-Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/448/KE u 2006/49/KE (2), u b’mod partikolari l-Artikolu 134(4) tagħha,

Wara li kkunsidra d-Deċiżjoni BERS/2011/1 tal-Bord Ewropew dwar ir-Riskju Sistemiku tal-20 ta’ Jannar 2011 li tadotta r-Regoli tal-Proċedura tal-Bord Ewropew dwar ir-Riskju Sistemiku (3), u b’mod partikolari l-Artikoli 18 sa 20 tagħha,

Billi:

(1)	Sabiex jiġu żgurati miżuri ta’ politika makroprudenzjali nazzjonali effettivi u konsistenti, huwa importanti li tiġi kkumplimentata r-reċiproċità obbligatorja meħtieġa skont id-dritt tal-Unjoni b’reċiproċità volontarja.

(2)

Il-qafas dwar reċiproċità volontarja għal miżuri tal-politika makroprudenzjali stipulat fir-Rakkomandazzjoni BERS/2015/2 tal-Bord Ewropew dwar ir-Riskju Sistemiku (4) għand l-għan li jiżgura li l-miżuri kollha tal-politika makroprudenzjali bbażati fuq skopertura attivati fi Stat Membru wieħed ikunu rreċiprokati fl-Istati Membri l-oħrajn.

(3)

Fl-24 ta’ Ġunju 2016, skont ir-Rakkomandazzjoni BERS/2016/4 tal-Bord Ewropew dwar ir-Riskju Sistemiku (5), ir-Rakkomandazzjoni BERS/2015/2 ġiet emendata sabiex tirrakkomanda r-reċiproċità tar-riżerva dwar ir-riskju sistemiku ta’ 1 fil-mija applikata mill-Eesti Pank skont l-Artikolu 133 tad-Direttiva 2013/36/UE għall-iskoperturi domestiċi tal-istituzzjonijiet ta’ kreditu kollha awtorizzati fl-Estonja.

(4)

B’risposta għad-deċiżjoni tal-Eesti Pank tas-6 ta’ April 2020 biex jitnaqqas il-livell tar-riżerva dwar ir-riskju sistemiku għal 0 fil-mija, b’effett mill-1 ta’ Mejju 2020, il-Bord Ġenerali tal-Bord Ewropew dwar ir-Riskju Sistemiku (BERS) iddeċieda li jeskludi l-miżura Estonjana mil-lista ta’ miżuri tal-politika makroprudenzjali li huma rrakkomandati li jiġu rreċiprokati taħt ir-Rakkomandazzjoni BERS/2015/2.

(5)	Għalhekk, ir-Rakkomandazzjoni BERS/2015/2 għandha tiġi emendata kif meħtieġ,

ADOTTA DIN IR-RAKKOMANDAZZJONI:

EMENDI

Ir-Rakkomandazzjoni BERS/2015/2 hija emendata kif ġej:

1.

Fit-Taqsima 1, is-subrakkomandazzjoni C(1) hija ssostitwita b’dan li ġej: “1. L-awtoritajiet rilevanti huma rrakkomandati li jirreċiprokaw il-miżuri tal-politika makroprudenzjali adottati minn awtoritajiet rilevanti oħrajn u rrakkomandati għal reċiprokazzjoni mill-BERS. Huwa rrakkomandat li l-miżuri li ġejjin, kif deskritt aktar fl-Anness, jiġu rreċiprokati:   Il-Finlandja — limitu minimu ta’ 15 fil-mija għall-piż tar-riskju medju fuq self ipotekarju residenzjali ggarantit minn ipoteka fuq unitajiet domestiċi fil-Finlandja applikat b’konformità mal-Artikolu 458(2)(d)(vi) tar-Regolament (UE) Nru 575/2013 għall-istituzzjonijiet ta’ kreditu awtorizzati fil-Finlandja, li jużaw l-Approċċ Ibbażat fuq Klassifikazzjonijiet Interni (approċċ IRB) għall-kalkolu tar-rekwiżiti tal-kapital regolatorju;   Il-Belġju: — suppliment għall-piż tar-riskju għall-iskoperturi fil-livell tal-konsumatur iggarantit minn proprjetà immobbli residenzjali li tinsab fil-Belġju, applikata skont l-Artikolu 458(2)(d)(vi) tar-Regolament (UE) Nru 575/2013 lil istituzzjonijiet ta’ kreditu awtorizzati fil-Belġju bl-użu tal-Approċċ IRB għall-kalkolu tar-rekwiżiti tal-kapital regolatorju u magħmul minn: (a) suppliment fiss ta’ piż għar-riskju ta’ 5 punti perċentwali; u (b) suppliment għall-piż tar-riskju proporzjonat li jikkonsisti minn 33 fil-mija tal-medja ponderata skont l-iskopertura tal-piż tar-riskju applikat għall-portafoll ta’ skoperturi fil-livell tal-konsumatur iggarantiti minn proprjetà immobbli residenzjali li tinsab fil-Belġju;   Franza: — issikkar tal-limitu ta’ skopertura kbira pprovdut fl-Artikolu 395(1) tar-Regolament (UE) Nru 575/2013, applikabbli għall-iskoperturi għal korporazzjonijiet mhux finanzjarji kbar b’dejn kbir li għandhom l-uffiċċju rreġistrat tagħhom fi Franza għal 5 fil-mija tal-kapital eliġibbli, applikat skont l-Artikolu 458(2)(d)(ii) tar-Regolament (UE) Nru 575/2013 għal istituzzjonijiet sistemikament importanti globali (G-SIIs) u istituzzjonijiet sistemikament importanti oħrajn (O-SIIs) fl-ogħla livell ta’ konsolidazzjoni tal-perimetru prudenzjali bankarju tagħhom;   L-Iżvezja: — limitu minimu speċifiku għall-istituzzjonijiet ta’ kreditu ta’ 25 fil-mija għall-medja ponderata għall-iskopertura tal-piżijiet tar-riskju applikati għall-portafoll ta’ skoperturi fil-livell tal-konsumatur lil obbliganti li jirrisjedu fl-Iżvezja ggarantiti minn proprjetà immobbli skont l-Artikolu 458(2)(d)(vi) tar-Regolament (UE) Nru 575/2013 għall-istituzzjonijiet ta’ kreditu awtorizzati fl-Iżvezja li jużaw l-Approċċ IRB għall-kalkolu tar-rekwiżiti ta’ kapital regolatorju.”;

2.	L-Anness huwa ssostitwit bl-Anness ta’ din ir-Rakkomandazzjoni.

---

(1)  ĠU L 331, 15.12.2010, p. 1.

(2)  ĠU L 176, 27.6.2013, p. 338.

(3)  ĠU C 58, 24.2.2011, p. 4.

(4)  Rakkomandazzjoni BERS/2015/2 tal-Bord Ewropew dwar ir-Riskju Sistemiku tal-15 ta’ Diċembru 2015 dwar il-valutazzjoni tal-effetti transkonfinali ta’ miżuri tal-politika makroprudenzjali u r-reċiproċità volontarja tagħhom (ĠU C 97, 12.3.2016, p. 9).

(5)  Rakkomandazzjoni BERS/2016/4 tal-Bord Ewropew dwar ir-Riskju Sistemiku tal-24 ta’ Ġunju 2016 li temenda r-Rakkomandazzjoni BERS/2015/2 dwar il-valutazzjoni tal-effetti transkonfinali ta’ miżuri tal-politika makroprudenzjali u r-reċiproċità volontarja tagħhom (ĠU C 290, 10.8.2016, p. 1).

Ebda oppożizzjoni għal konċentrazzjoni notifikata

(Il-Każ M.9316 — Peab/YIT’s paving and mineral aggregates business)

(Test b’rilevanza għaż-ŻEE)

(2020/C 217/02)

Fis-26 ta’ Marzu 2020, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32020M9316. Il-EUR-Lex hu l-aċċess fuq l-Internet għal-liġi Ewropea.

---

(1)  ĠU L 24, 29.1.2004, p. 1.

Ebda oppożizzjoni għal konċentrazzjoni notifikata

(Il-Każ M.9601 — Czech Media Invest/Rockaway/Brasinex Bohemia)

(Test b’rilevanza għaż-ŻEE)

(2020/C 217/03)

Fil-25 ta’ Ġunju 2020, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss biss fil-lingwa ċeka u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32020M9601. Il-EUR-Lex hu l-aċċess fuq l-Internet għal-liġi Ewropea.

---

(1)  ĠU L 24, 29.1.2004, p. 1.

Ebda oppożizzjoni għal konċentrazzjoni notifikata

(Il-Każ M.9450 — PPG/TIL/JV)

(Test b’rilevanza għaż-ŻEE)

(2020/C 217/04)

Fil-31 ta’ Ottubru 2019, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32019M9450. Il-EUR-Lex hu l-aċċess fuq l-Internet għal-liġi Ewropea.

---

(1)  ĠU L 24, 29.1.2004, p. 1.

Avviż għall-attenzjoni ta’ ċerti persuni u entitajiet soġġetti għall-miżuri restrittivi previsti fid-Deċiżjoni tal-Kunsill (PESK) 2016/849 u fir-Regolament tal-Kunsill (UE) 2017/1509 dwar miżuri restrittivi kontra r-Repubblika Demokratika tal-Poplu tal-Korea

(2020/C 217/05)

L-informazzjoni li ġejja qed tinġieb għall-attenzjoni tas-Sur HYON Chol-hae (nru 2), is-Sur O Kuk-Ryol (nru 3), is-Sur PAK Jae-gyong (nru 4), il-Logutenent Ġeneral KIM Yong Chol (nru 7), is-Sur HONG Sung-Mu (nru 10), is-Sur KIM Chun-sam (nru 12), is-Sur KIM Chun-sop (13), is-Sur KIM Jong-gak (nru 14), is-Sur KIM Rak Kyom (nru 15), is-Sur KIM Won-hong (nru 16), is-Sur PAK Jong-chon (nru 17), is-Sur RI Jong-su (nru 18), is-Sur SON Chol-ju (nru 19), is-Sur YUN Jong-Rin (nru 20), is-Sur RI Myong Su (nru 24), is-Sur SO Hong Chan (nru 25), is-Sur JANG Chol (nru 27) u Korean Ryengwang Trading Corporation (nru 2), persuni u entitajiet li jidhru fl-Anness II għad-Deċiżjoni (PESK) 2016/849 (1) u fl-Anness XV għar-Regolament (UE) 2017/1509 (2) kif ukoll is-Sur JONG Chol Young (nru 4) u Pan Systems Pyongyang (nru 4), il-persuna u l-entità li jidhru fl-Anness III għad-Deċiżjoni (PESK) 2016/849 u fl-Anness XVI għar-Regolament (UE) 2017/1509 dwar miżuri restrittivi kontra r-Repubblika Demokratika tal-Poplu tal-Korea.

Il-Kunsill biħsiebu jżomm fis-seħħ il-miżuri restrittivi kontra l-persuni u l-entitajiet imsemmijin hawn fuq b’dikjarazzjonijiet tar-raġunijiet ġodda. Dawk il-persuni huma b’dan infurmati li jistgħu jippreżentaw talba lill-Kunsill biex jiksbu d-dikjarazzjonijiet tar-raġunijiet maħsuba għad-deżinjazzjoni tagħhom, qabel is-7 ta’ Lulju 2020, fl-indirizz li ġej:

Kunsill tal-Unjoni Ewropea

General Secretariat

RELEX.1.C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Indirizz elettroniku: sanctions@consilium.europa.eu.

---

(1)  ĠU L 141, 28.5.2016, p. 79.

(2)  ĠU L 224, 31.8.2017, p. 1.

Rata tal-kambju tal-euro (1)

It-30 ta' Ġunju 2020

(2020/C 217/06)

1 euro =

	Munita	Rata tal-kambju
USD	Dollaru Amerikan	1,1198
JPY	Yen Ġappuniż	120,66
DKK	Krona Daniża	7,4526
GBP	Lira Sterlina	0,91243
SEK	Krona Żvediża	10,4948
CHF	Frank Żvizzeru	1,0651
ISK	Krona Iżlandiża	155,40
NOK	Krona Norveġiża	10,9120
BGN	Lev Bulgaru	1,9558
CZK	Krona Ċeka	26,740
HUF	Forint Ungeriż	356,58
PLN	Zloty Pollakk	4,4560
RON	Leu Rumen	4,8397
TRY	Lira Turka	7,6761
AUD	Dollaru Awstraljan	1,6344
CAD	Dollaru Kanadiż	1,5324
HKD	Dollaru ta' Hong Kong	8,6788
NZD	Dollaru tan-New Zealand	1,7480
SGD	Dollaru tas-Singapor	1,5648
KRW	Won tal-Korea t'Isfel	1 345,83
ZAR	Rand ta' l-Afrika t'Isfel	19,4425
CNY	Yuan ren-min-bi Ċiniż	7,9219
HRK	Kuna Kroata	7,5708
IDR	Rupiah Indoneżjan	16 184,41
MYR	Ringgit Malażjan	4,7989
PHP	Peso Filippin	55,834
RUB	Rouble Russu	79,6300
THB	Baht Tajlandiż	34,624
BRL	Real Brażiljan	6,1118
MXN	Peso Messikan	25,9470
INR	Rupi Indjan	84,6235

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Sommarju tal-Opinjoni tal-Kontrollur Ewropew għall-Protezzjoni tad-Data dwar il-ftuħ ta’ negozjati għal sħubija ġdida mar-Renju Unit

(It-test sħiħ ta’ din l-Opinjoni jista’ jinstab bil-Franċiż, bil-Ġermaniż u bl-Ingliż fuq is-sit web tal-EDPS www.edps.europa.eu)

(2020/C 217/07)

Sommarju Eżekuttiv

Fit-3 ta’ Frar 2020, il-Kummissjoni Ewropea adottat Rakkomandazzjoni għal Deċiżjoni tal-Kunsill li tawtorizza l-ftuħ ta’ negozjati għal sħubija ġdida mar-Renju Unit tal-Gran Brittanja u l-Irlanda ta’ Fuq.

L-għan tan-negozjati huwa li tiġi stabbilita sħubija bejn l-Unjoni, l-Euratom fejn rilevanti, u r-Renju Unit, li tkun komprensiva u tkopri l-oqsma ta’ interess deskritti fid-Dikjarazzjoni Politika. Tali sħubija tkun magħmula minn tliet partijiet ewlenin: id-dispożizzjonijiet ġenerali, li jinkludu, fost oħrajn, il-prinċipji u l-bażi sottostanti għall-kooperazzjoni kif ukoll id-dispożizzjonijiet ta’ governanza, sħubija ekonomika u sħubija ta’ sigurtà.

L-EDPS jilqa’ u jappoġġa l-għan tal-Kummissjoni li tikkonkludi sħubija komprensiva mar-Renju Unit, billi tistabbilixxi kooperazzjoni li l-elementi essenzjali tagħha jkunu b’mod partikolari r-rispett u s-salvagwardja fir-rigward tad-drittijiet tal-bniedem kif ukoll tal-istat tad-dritt, li tafferma l-impenn tal-Partijiet li jiżguraw livell għoli ta’ protezzjoni tad-data personali u li josservaw bis-sħiħ ir-regoli tal-Unjoni għall-protezzjoni tad-data personali.

Minħabba l-kooperazzjoni mill-qrib li hija mistennija tkompli bejn l-UE u r-Renju Unit fi tmiem il-perjodu ta’ tranżizzjoni, l-EDPS jilqa’ u jappoġġa wkoll l-impenn tal-Kummissjoni fir-Rakkomandazzjoni tagħha li taħdem favur l-adozzjoni ta’ deċiżjonijiet ta’ adegwatezza, sakemm jiġu ssodisfati l-kundizzjonijiet rilevanti.

Din l-Opinjoni għandha l-għan li tipprovdi pariri kostruttivi u oġġettivi fir-rigward tas-sħubija prevista u tal-valutazzjoni ta’ adegwatezza.

L-EDPS jagħmel it-tliet rakkomandazzjonijiet ewlenin li ġejjin fir-rigward tas-sħubija prevista:

—	l-iżgurar li s-sigurtà u s-sħubijiet ekonomiċi jkunu appoġġati minn impenji simili li jirrispettaw id-drittijiet fundamentali inkluża l-protezzjoni adegwata ta’ data personali;

—	id-definizzjoni tal-prijoritajiet fejn l-arranġamenti għall-kooperazzjoni internazzjonali għandhom jiġu konklużi f’materji għajr l-infurzar tal-liġi, b’mod partikolari għall-kooperazzjoni bejn l-awtoritajiet pubbliċi, inklużi l-istituzzjonijiet, il-korpi, l-uffiċċji u l-aġenziji tal-Unjoni;

—	il-valutazzjoni tal-kwistjoni ta’ trasferimenti ulterjuri ta’ data personali, fid-dawl tal-Opinjoni 1/15 tal-QĠUE kemm għas-sħubija ekonomika kif ukoll dik tas-sigurtà.

Fir-rigward tal-valutazzjoni ta’ adegwatezza, l-EDPS jiġbed l-attenzjoni għall-punti li ġejjin:

—	l-importanza ta’ din il-valutazzjoni skont id-Direttiva dwar l-Infurzar tal-Liġi u skont il-GDPR għall-kooperazzjoni bejn l-awtoritajiet pubbliċi u l-impatt tagħha fuq it-trasferimenti minn istituzzjonijiet, korpi, uffiċċji u aġenziji tal-Unjoni lejn ir-Renju Unit;

—	l-importanza li jiġi definit il-kamp ta’ applikazzjoni tad-deċiżjonijiet dwar l-adegwatezza previsti, b’mod partikolari skont id-Direttiva dwar l-Infurzar tal-Liġi;

—	l-adozzjoni ta’ deċiżjoni ta’ adegwatezza hija soġġetta għal kundizzjonijiet u rekwiżiti speċifiċi u, jekk il-Kummissjoni tippreżenta abbozz ta’ deċiżjoni ta’ adegwatezza, l-EDPS għandu jiġi involut kif xieraq u f’waqtu;

—	minħabba s-sitwazzjoni speċifika tar-Renju Unit, kwalunkwe devjazzjoni sostanzjali mill-acquis tal-UE dwar il-protezzjoni tad-data li tirriżulta fit-tnaqqis tal-livell ta’ protezzjoni tikkostitwixxi ostakolu importanti għas-sejbiet ta’ adegwatezza.

Finalment l-EDPS jirrakkomanda li l-Unjoni tieħu l-passi biex tipprepara għall-eventwalitajiet kollha, inkluż fejn id-deċiżjoni/jiet ta’ adegwatezza ma setgħux jiġu adottati fil-perjodu ta’ tranżizzjoni, fejn ma tkun ġiet adottata l-ebda deċiżjoni ta’ adegwatezza, jew fejn din tiġi adottata biss fir-rigward ta’ xi oqsma.

L-EDPS jibqa’ għad-dispożizzjoni tal-Kummissjoni, tal-Parlament Ewropew u tal-Kunsill għal aktar pariri matul in-negozjati u qabel il-finalizzazzjoni tas-sħubija prevista.

1.   INTRODUZZJONI

1.

Fl-1 ta’ Frar 2020, ir-Renju Unit tal-Gran Brittanja u l-Irlanda ta’ Fuq (minn hawn ’il quddiem “ir-Renju Unit”) ħarġu mill-Unjoni Ewropea u mill-Komunità Ewropea tal-Enerġija Atomika. L-arranġamenti għall-ħruġ huma stabbiliti fil-Ftehim dwar il-ħruġ tar-Renju Unit mill-Unjoni Ewropea u mill-Komunità Ewropea tal-Enerġija Atomika (1).

2.

Il-Ftehim dwar il-Ħruġ daħal fis-seħħ fl-1 ta’ Frar 2020 u jipprevedi perjodu ta’ tranżizzjoni li matulu d-dritt tal-Unjoni japplika għar-Renju Unit u fir-Renju Unit f’konformità ma’ dak il-Ftehim. Dan il-perjodu jintemm fil-31 ta’ Diċembru 2020, sakemm il-Kumitat Konġunt stabbilit fil-qafas tal-Ftehim dwar il-Ħruġ ma jadottax, qabel l-1 ta’ Lulju 2020, deċiżjoni unika li testendi l-perjodu ta’ tranżizzjoni għal sena jew sentejn. Il-Ftehim dwar il-Ħruġ (2) kien akkumpanjat minn Dikjarazzjoni Politika li tistabbilixxi l-qafas għar-relazzjoni futura bejn l-Unjoni Ewropea u r-Renju Unit 2020/C 34/01 (minn hawn ’il quddiem “Dikjarazzjoni Politika”) (3).

3.

Fit-3 ta’ Frar 2020, il-Kummissjoni Ewropea adottat ir-rakkomandazzjoni tagħha għal Deċiżjoni tal-Kunsill li tawtorizza l-ftuħ ta’ negozjati għal sħubija ġdida mar-Renju Unit tal-Gran Brittanja u l-Irlanda ta’ Fuq (4) (minn hawn ’il quddiem “ir-Rakkomandazzjoni”). L-Anness tar-Rakkomandazzjoni (minn hawn ’il quddiem “l-Anness”) jistabbilixxi d-direttivi ta’ negozjar tal-Kunsill lill-Kummissjoni, jiġifieri l-objettivi li din tal-aħħar għandha timmira li tikseb f’isem l-UE matul in-negozjati.

4.

Ir-Rakkomandazzjoni ġiet addottata fuq il-bażi tal-proċedura stipulata fl-Artikolu 218 tat-Trattat dwar il-Funzjonament tal-Unjoni Ewropea (TFUE) għall-ftehimiet konklużi bejn l-UE u pajjiżi terzi. Fir-rigward tal-bażi ġuridika sostantiva, il-Kummissjoni tirrakkomanda li d-Deċiżjoni f’dan l-istadju tkun ibbażata fuq l-Artikolu 217 tat-TFUE (ftehim ta’ assoċjazzjoni) waqt li tirrikonoxxi li “[l]-bażi ġuridika sostantiva għall-iffirmar u l-konklużjoni tas-sħubija l-ġdida tista’ tiġi determinata biss fi tmiem in-negozjati”.

5.

“Is-sħubija prevista hija pakkett uniku li jinkludi tliet komponenti ewlenin: — arranġamenti ġenerali (inklużi dispożizzjonijiet dwar valuri u prinċipji bażiċi u dwar il-governanza); — arranġamenti ekonomiċi (inklużi dispożizzjonijiet dwar il-kummerċ u garanziji dwar kundizzjonijiet ekwivalenti ta’ kompetizzjoni); kif ukoll — arranġamenti ta’ sigurtà (inklużi dispożizzjonijiet dwar l-infurzar tal-liġi u l-kooperazzjoni ġudizzjarja f’materji kriminali, kif ukoll dwar il-politika barranija, is-sigurtà u d-difiża)” (5).

6.

Fit-12 ta’ Frar 2020, il-Parlament Ewropew adotta Riżoluzzjoni (6) dwar il-mandat propost għal negozjati għal sħubija ġdida mar-Renju Unit. L-EDPS jilqa’ l-fatt li ġie kkonsultat dwar ir-Rakkomandazzjoni mill-Kummissjoni Ewropea fit-12 ta’ Frar 2020. Din l-Opinjoni hija mingħajr preġudizzju għal kwalunkwe kumment addizzjonali li l-EDPS jista’ jagħmel fuq il-bażi ta’ informazzjoni ulterjuri disponibbli aktar tard. L-EDPS jistenna li jiġi kkonsultat dwar it-test tal-abbozz tas-sħubija fi żmien debitu, f’konformità mal-Artikolu 42(1) tar-Regolament (UE) 2018/1725.

5.   KONKLUŻJONI

20.

L-EDPS jilqa’ u jappoġġa l-objettiv tal-Kummissjoni li tikkonkludi sħubija komprensiva mar-Renju Unit, billi tistabbilixxi kooperazzjoni li l-elementi essenzjali tagħha jkunu b’mod partikolari r-rispett u s-salvagwardja fir-rigward tad-drittijiet tal-bniedem kif ukoll tal-istat tad-dritt, li tafferma l-impenn tal-Partijiet li jiżguraw livell għoli ta’ protezzjoni tad-data personali u li josservaw bis-sħiħ ir-regoli tal-Unjoni għall-protezzjoni tad-data personali.

21.

Minħabba l-kooperazzjoni mill-qrib li hija mistennija tkompli bejn l-UE u r-Renju Unit fi tmiem il-perjodu ta’ tranżizzjoni, l-EDPS jilqa’ u jappoġġa wkoll l-impenn tal-Kummissjoni fir-Rakkomandazzjoni tagħha li taħdem favur l-adozzjoni ta’ deċiżjonijiet ta’ adegwatezza, sakemm jiġu ssodisfati l-kundizzjonijiet rilevanti.

22.

Għaldaqstant, din l-Opinjoni għandha l-għan li tipprovdi pariri kostruttivi u oġġettivi lill-istituzzjonijiet tal-UE hekk kif il-Kummissjoni tfittex li tikseb l-awtorizzazzjoni mill-Kunsill biex tinnegozja sħubija ġdida mar-Renju Unit u għandha l-intenzjoni taħdem lejn deċiżjonijiet ta’ adegwatezza jekk jiġu ssodisfati l-kundizzjonijiet.

23.

Għal dan il-għan, b’rabta mas-sħubija prevista, l-EDPS jirrakkomanda: — l-iżgurar li s-sigurtà u s-sħubijiet ekonomiċi jkunu appoġġati minn impenji simili li jirrispettaw id-drittijiet fundamentali inkluża l-protezzjoni adegwata ta’ data personali; — id-definizzjoni tal-prijoritajiet fejn l-arranġamenti għall-kooperazzjoni internazzjonali għandhom jiġu konklużi f’materji għajr l-infurzar tal-liġi, b’mod partikolari għall-kooperazzjoni bejn l-awtoritajiet pubbliċi, inklużi l-istituzzjonijiet, il-korpi, l-uffiċċji u l-aġenziji tal-Unjoni; — il-valutazzjoni tal-kwistjoni ta’ trasferimenti ulterjuri ta’ data personali, fid-dawl tal-Opinjoni 1/15 tal-QĠUE, mhux biss fil-qafas tal-ipproċessar tad-data tal-PNR iżda wkoll kemm għas-sħubija ekonomika kif ukoll dik tas-sigurtà.

24.

Fir-rigward tal-valutazzjoni ta’ adegwatezza, l-EDPS jenfasizza l-importanza ta’: — tali valutazzjoni skont id-Direttiva dwar l-Infurzar tal-Liġi u skont il-GDPR għall-kooperazzjoni bejn l-awtoritajiet pubbliċi u l-impatt tagħha fuq it-trasferimenti minn istituzzjonijiet, korpi, uffiċċji u aġenziji tal-Unjoni lejn ir-Renju Unit; — id-definizzjoni tal-kamp ta’ applikazzjoni tad-deċiżjonijiet ta’ adegwatezza previsti, b’mod partikolari skont id-Direttiva dwar l-Infurzar tal-Liġi.

25.

Huwa jfakkar li l-adozzjoni ta’ deċiżjoni ta’ adegwatezza hija soġġetta għal kundizzjonijiet u rekwiżiti speċifiċi u, jekk il-Kummissjoni tippreżenta abbozz ta’ deċiżjoni ta’ adegwatezza, l-EDPS għandu jkun involut b’mod xieraq u f’waqtu. Huwa jenfasizza li minħabba s-sitwazzjoni speċifika tar-Renju Unit, kwalunkwe devjazzjoni sostanzjali mill-acquis tal-UE dwar il-protezzjoni tad-data li tirriżulta fit-tnaqqis tal-livell ta’ protezzjoni tikkostitwixxi ostakolu importanti għas-sejbiet ta’ adegwatezza. L-EDPS jirrakkomanda wkoll li l-Unjoni tieħu l-passi biex tipprepara għall-eventwalitajiet kollha, inkluż fejn id-deċiżjoni/jiet ta’ adegwatezza ma setgħux jiġu adottati fil-perjodu ta’ tranżizzjoni, fejn ma tkun ġiet adottata l-ebda deċiżjoni ta’ adegwatezza, jew fejn din tiġi adottata biss fir-rigward ta’ xi oqsma.

26.

Fl-aħħar nett, l-EDPS jibqa’ għad-dispożizzjoni tal-Kummissjoni, tal-Kunsill u tal-Parlament Ewropew biex jipprovdi pariri waqt stadji aktar tard ta’ dan il-proċess. Il-kummenti f’din l-Opinjoni huma mingħajr preġudizzju għal kwalunkwe kumment addizzjonali li l-EDPS jista’ jagħmel hekk kif jistgħu jirriżultaw kwistjonijiet ulterjuri u li mbagħad jiġu indirizzati ladarba tkun disponibbli aktar informazzjoni. Hu jistenna li jiġi kkonsultat dwar it-test tal-abbozz tas-sħubija qabel il-finalizzazzjoni tiegħu.

---

(1)  ĠU L 29, 31.1.2020, p. 7.

(2)  L-Artikolu 184 tal-Ftehim tal-Ħruġ jipprovdi li: “L-Unjoni u r-Renju Unit għandhom jagħmlu kull sforz, f’bona fide u b’rispett sħiħ tal-ordinamenti ġuridiċi rispettivi tagħhom, biex jieħdu l-passi neċessarji biex jinnegozjaw bla telf ta’ żmien il-ftehimiet li jirregolaw ir-relazzjoni futura tagħhom imsemmija fid-Dikjarazzjoni Politika tas-17 ta’ Ottubru 2019 u biex iwettqu l-proċeduri rilevanti għar-ratifika jew il-konklużjoni ta’ dawk il-ftehimiet, bil-għan li jiżguraw li dawk il-ftehimiet japplikaw, sa fejn possibbli, minn tmiem il-perjodu ta’ tranżizzjoni.”

(3)  ĠU C 34, 31.1.2020, p. 1.

(4)  COM(2020) 35 final.

(5)  Paġna 2 tar-Rakkomandazzjoni.

(6)  2020/2557(RSP) Riżoluzzjoni tal-Parlament Ewropew tat-12 ta’ Frar 2020 dwar il-mandat propost għal negozjati għal sħubija ġdida mar-Renju Unit tal-Gran Brittanja u l-Irlanda ta’ Fuq (P9_TA(2020)0033).

Notifika minn qabel ta’ konċentrazzjoni

(Il-Każ M.9736 — Lone Star/BASF construction chemicals (EB) Business)

(Test b’rilevanza għaż-ŻEE)

(2020/C 217/08)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

Notifika minn qabel ta’ konċentrazzjoni

(Il-Każ M.9803 — SAZKA Group/OPAP)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 217/09)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

Pubblikazzjoni ta’ komunikazzjoni ta’ approvazzjoni ta’ emenda standard għall-Ispeċifikazzjoni tal-Prodott ta’ isem fis-settur tal-inbid kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33

(2020/C 217/10)

Din il-komunikazzjoni hija ppubblikata skont l-Artikolu 17(5) tar-Regolament Delegat tal-Kummissjoni (UE) 2019/33 (1)

KOMUNIKAZZJONI TA’ EMENDA STANDARD LI TEMENDA D-DOKUMENT UNIKU

“ALELLA”

PDO-ES-A1423-AM04

Data tal-komunikazzjoni: 03-04-2020

DESKRIZZJONI TAL-EMENDA APPROVATA U R-RAĠUNIJIET GĦALIHA

1.   Tkabbir taż-żona ġeografika tad-do (Denominazzjoni ta’ Oriġini)

L-emenda tikkonċerna l-estensjoni taż-żona demarkata biex tinkludi l-muniċipalità ta’ Santa Coloma de Gramenet, u b’hekk temenda l-punt 6 tal-Ispeċifikazzjoni tal-Prodott u l-punt 1.6 tad-Dokument Uniku.

Għaldaqstant, din hija emenda standard peress li ma taffettwax l-isem tad-denominazzjoni, ma tibdilx il-kategoriji tal-inbid, ma taffettwax ir-rabta u mhijiex restrizzjoni kummerċjali.

RAĠUNIJIET:

Il-muniċipalità ta’ Santa Coloma de Gramenet ikkomunikat ix-xewqa tagħha li l-ambitu territorjali tad-Denominazzjoni ta’ Oriġini “Alella” jiġi estiż biex jinkludi t-territorju ta’ dik il-muniċipalità, u ppreżentat id-dokumentazzjoni teknika meħtieġa.

Ir-rapport ippreżentat juri li l-karatteristiċi pedoklimatiċi u ambjentali ta’ din il-muniċipalità huma simili għal dawk taż-żona demarkata attwali tad-DOP “Alella”, peress li huma parti mill-istess sistema ġeomorfoloġika tas-Sierra de la Marina, San Mateo, Corredor u Montnegre, bejn ix-xmajjar Besós u Tordera, li għandha sodda ta’ blat tal-granit li tiddekomponi biex tifforma l-ħamrija “sauló” li hija tipika għal din iż-żona.

Fi kliem ieħor, din il-muniċipalità hija parti mit-territorju kontinwu u naturali tad-Denominazzjoni ta’ Oriġini “Alella”.

Madankollu, minkejja li l-kultivazzjoni tad-dwieli tradizzjonali f’din il-muniċipalità kienet qed tintilef, f’dawn l-aħħar żminijiet reġgħet bdiet tikber, partikolarment minħabba proġett ta’ rkupru tal-patrimonju vitikulturali, li nbeda fl-2015 f’Sabasis. Xhieda ta’ dan l-interess ġdid huwa l-ftehim bejn l-Università ta’ Barċellona, l-INCAVI (Institut Català de la Vinya i el Vi, l-Istitut Katalan tad-dwieli u tal-inbid) u l-Kunsill ta’ Santa Coloma de Gramenet — bl-appoġġ tad-DO “Alella” — biex tiġi studjata l-adegwatezza ta’ erba’ varjetajiet ta’ dwieli lokali għat-tekniki ta’ kultivazzjoni ekoloġika.

Ix-xewqa tal-muniċipalità u tal-professjonisti involuti f’dan il-proġett, li qed jitolbu l-protezzjoni mogħtija lid-DO “Alella”, hija li jikkummerċjalizzaw il-prodott malajr kemm jista’ jkun, kif ukoll li jiżdiedu l-uċuħ għall-produzzjoni u l-għadd ta’ fabbriki tal-inbid.

Barra minn hekk, l-għaxar dispożizzjoni addizzjonali tal-Liġi 2/2020 tagħna tal-5 ta’ Marzu, dwar il-produzzjoni tal-inbid, taħt it-titolu dwar il-protezzjoni ta’ żoni periurbani (bħall-muniċipalità ta’ Santa Coloma de Gramenet), tistabbilixxi l-impenn min-naħa tal-amministrazzjoni pubblika Katalana li tiżviluppa programm speċjali biex tipproteġi ż-żoni periurbani ta’ produtturi tal-inbid sabiex tiġi evitata l-pressjoni tal-urbanizzazzjoni u tiġi ppreservata l-kontinwità tat-tradizzjoni tal-produzzjoni tal-inbid.

DOKUMENT UNIKU

1.   Isem tal-prodott

Alella

2.   Tip ta’ indikazzjoni ġeografika

DOP - Denominazzjoni ta’ Oriġini Protetta

3.   Kategoriji tal-prodotti tad-dwieli

1.

Inbid

3.	Inbid likur

5.	Inbid frizzanti ta’ kwalità

8.	Inbid semifrizzanti

4.   Deskrizzjoni tal-inbid/inbejjed

Inbid abjad u nbid rożè

Magħmulin mill-varjetajiet elenkati fit-Taqsima 6 tal-Ispeċifikazzjoni: il-varjetajiet bojod biss għall-inbejjed bojod, u l-varjetajiet kollha għall-inbejjed rożé. Il-frazzjonijiet tal-most miksuba permezz ta’ pressjoni inadegwata ma jistgħu, f’ebda każ, jintużaw fil-produzzjoni ta’ nbejjed protetti.

* L-aċidità volatili reali tal-inbejjed Crianza ma għandhiex tkun aktar minn 0,80 g/l.

* Il-kontenut massimu ta’ diossidu tal-kubrit huwa 250 mg/l meta l-kontenut ta’ zokkor ikun 5 g/l jew aktar.

Karatteristiċi analitiċi ġenerali
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum):	10,5
Aċidità totali minima:	f’milliekwivalenti kull litru
Aċidità volatili massima (f’milliekwivalenti kull litru):	8,3
Total massimu ta’ diossidu tal-kubrit (f’milligrammi kull litru):	200

Inbid aħmar

Magħmul mill-varjetajiet tal-għeneb aħmar elenkati fit-Taqsima 6 ta’ din l-ispeċifikazzjoni. Il-frazzjonijiet tal-most miksuba permezz ta’ pressjoni inadegwata ma jistgħu, f’ebda każ, jintużaw fil-produzzjoni ta’ nbejjed protetti.

* l-aċidità volatili reali tista’ tkun ogħla mil-limitu ta’ 0,06 gr/l għal kull grad ta’ alkoħol ta’ aktar minn 11-il grad u għal kull sena ta’ maturazzjoni, sa massimu ta’ 0,9 gr/l.

* Il-kontenut massimu ta’ diossidu tal-kubrit huwa 200 mg/l meta l-kontenut ta’ zokkor ikun 5 g/l jew aktar.

Karatteristiċi analitiċi ġenerali
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum):	11,5
Aċidità totali minima:	f’milliekwivalenti kull litru
Aċidità volatili massima (f’milliekwivalenti kull litru):	11,7
Total massimu ta’ diossidu tal-kubrit (f’milligrammi kull litru):	150

Inbid likur

Rancio: magħmul mill-varjetajiet “garnacha blanca” u “macabeo” jew “garnacha negra”, permezz tal-ossidazzjoni, fi btieti tal-ballut, ta’ nbejjed bojod li jrid ikollhom kontenut ta’ zokkor ta’ mhux inqas minn 14 °Bé. Il-maturazzjoni ossidattiva tiegħu ssir permezz tal-metodu “sol y serena” u l-inbid jinżamm mill-inqas sena fi btieti tal-ballut.

Mistela: magħmul mill-varjetajiet kollha tal-għeneb abjad. Fil-produzzjoni ta’ dan l-inbid, il-qtar tal-most jiġi sseparat u mbagħad l-inbid jiġi ffiltrat minnufih. Wara, ma’ dan l-inbid jiġi miżjud alkoħol mill-għeneb u t-taħlita tiġi mħawda.

Inbid ħelu naturali: magħmul minn most li jkollu kontenut għoli ta’ zokkor, ta’ aktar minn 250 gr/l, u parzjalment iffermentat.

* Il-kontenut massimu ta’ diossidu tal-kubrit huwa 200 mg/l meta l-kontenut ta’ zokkor ikun 5 g/l jew aktar.

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):	15
Aċidità totali minima:	f’milliekwivalenti kull litru
Aċidità volatili massima (f’milliekwivalenti kull litru):
Total massimu ta’ diossidu tal-kubrit (f’milligrammi kull litru):	150

Inbid frizzanti ta’ kwalità

Magħmul mill-varjetajiet awtorizzati, u prodott skont il-metodu tradizzjonali b’fermentazzjoni sekondarja fil-flixkun, bi pressjoni żejda minima ta’ 3,5 bars u perjodu ta’ maturazzjoni ta’ disa’ xhur, mid-data tat-tirage (meta t-taħlita tal-inbid titqiegħed fil-fliexken għall-fermentazzjoni sekondarja) sa meta jiġi sboċċat.

Karatteristiċi analitiċi ġenerali
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum):	10,8
Aċidità totali minima:	f’milliekwivalenti kull litru
Aċidità volatili massima (f’milliekwivalenti kull litru):
Total massimu ta’ diossidu tal-kubrit (f’milligrammi kull litru):

Inbid semifrizzanti

Magħmul mill-varjetajiet kollha tal-għeneb abjad u aħmar. Waqt il-produzzjoni, tinżamm parti mid-diossidu tal-karbonju prodott mill-istess fermentazzjoni tal-inbid.

* Il-kontenut massimu ta’ diossidu tal-kubrit huwa 250 mg/l meta l-kontenut ta’ zokkor tal-inbid abjad jew rożè jkun 5 g/l jew aktar. Fil-każ tal-inbid aħmar, iż-żewġ limiti huma 150 u 200 rispettivament.

* pressjoni żejda f’20 °C, minħabba d-diossidu tal-karbonju endoġenu f’soluzzjoni, ta’ bejn 1 u 2,5 bars.

Karatteristiċi analitiċi ġenerali
Qawwa alkoħolika totali massima (f’% tal-volum)
Qawwa alkoħolika proprja minima (f’% tal-volum):	10,5
Aċidità totali minima:	f’milliekwivalenti kull litru
Aċidità volatili massima (f’milliekwivalenti kull litru):
Total massimu ta’ diossidu tal-kubrit (f’milligrammi kull litru):	200

5.   Prattiki tal-produzzjoni tal-inbid

a.   Prattiki enoloġiċi speċifiċi

Metodu ta’ kultivazzjoni

It-tħarriġ tad-dwieli għandu jkun dak meqjus bħala l-aħjar wieħed biex tiġi żgurata l-aqwa kwalità u rikkezza aromatika tal-inbejjed, u jsir kif ġej:

(a)	tradizzjonalment, tħarriġ b’forma ta’ sġajriet bi dwieli b’żewġt għajnejn u b’għajn għamja.

(b)	tħarriġ fuq kannizzata b’diviżjoni tal-veġetazzjoni.

Il-prattika tal-irrigazzjoni, li trid tkun awtorizzata, tista’ titwettaq biss sabiex tittejjeb il-kwalità tal-għeneb, il-qawwa alkoħolika tiegħu u l-aċidità tiegħu. Mil-lat tal-kontenut ta’ ilma tal-uċuħ tad-dwieli, dan jista’ jiġi ekwilibrat mill-ġdid skont il-kundizzjonijiet tal-ilma fil-ħamrija u l-kundizzjonijiet ekoloġiċi tad-dwieli.

Prattiki enoloġiċi speċifiċi

Il-ħsad tal-għeneb għandu jsir bl-akbar reqqa, u għall-produzzjoni ta’ nbejjed ta’ din id-DOP jista’ jintuża biss l-għeneb b’saħħtu li jkollu l-grad ta’ maturazzjoni meħtieġ għall-produzzjoni ta’ nbejjed b’qawwa alkoħolika naturali ta’ 9,5 % vol. jew aktar. It-trasport tal-għeneb maħsud għandu jsir kemm jista’ jkun malajr u b’mezzi li jiggarantixxu l-konservazzjoni tal-kwalità tal-għeneb.

b.   Rendimenti massimi

Varjetajiet bojod

12 000 kilogramma ta’ għeneb kull ettaru

Varjetajiet bojod

78 ettolitru kull ettaru

Varjetajiet ħomor

10 000 kilogramma ta’ għeneb kull ettaru

Varjetajiet ħomor

60 ettolitru kull ettaru

6.   Żona ġeografika demarkata

—

Alella

—	Arenys de Mar

—	Arenys de Munt

—

Argentona

—

Badalona

—	Cabrera de Mar

—

Cabrils

—

Calella

—

El Masnou

—	Granollers

—	La Roca del Vallès

—	Llinars del Vallès

—

Montgat

—	Montornès del Vallès

—	Martorelles

—

Mataró

—

Òrrius

—	Premià de Dalt

—	Premià de Mar

—	Sant Cebrià de Vallalta

—	Sant Fost de Campsentelles

—	Sant Iscle de Villalta

—	Sant Pol de Mar

—	Santa Coloma de Gramenet

—	Santa Maria de Martorelles

—

Teià

—

Tiana

—	Vilanova del Vallès

—	Vilassar de Dalt

—	Vilassar de Mar

—	Vallromanes

7.   Varjetà jew varjetajiet tad-dwieli li minnhom jinkiseb l-inbid/jinkisbu l-inbejjed

GARNACHA TINTA

SYRAH

XARELLO - PANSA BLANCA

8.   Deskrizzjoni tar-rabta/rabtiet

“Inbid”

It-tip ta’ ħamrija lokali huwa magħmul minn substrat tal-granit b’residwi marini, li fil-wiċċ jinbidel fi żrar żgħir. Dan iffisser li l-ħamrija għandha permeabbiltà tajba u li d-dielja jkollha tfannad l-għeruq tagħha biex issib l-ilma u d-diversi nutrijenti li l-ħamrija lokali tipprovdi; jista’ jingħad li dan il-fatt joħloq “stress” ċkejken li, meta jiġi kkontrollat tajjeb, jgħin biex jirregola l-produzzjoni ta’ għeneb minn kull dielja. Id-differenza żgħira fit-togħma tal-inbejjed prodotti mal-kosta meta mqabbla ma’ dik tal-inbejjed prodotti internament hija li dawn tal-aħħar huma aktar aċidużi.

“Inbid likur”

L-użu tal-maturazzjoni ossidattiva fil-produzzjoni ta’ dawn l-inbejjed jiddistingwi lil din id-DOP: ir-residwi minerali/marini prodotti mill-metodu “sol y sereno” huma ferm aktar evidenti waqt il-maturazzjoni ossidattiva.

“Inbid frizzanti ta’ kwalità”

Il-karatteristika ta’ dawn l-inbejjed hija li għall-produzzjoni tagħhom jintużaw varjetajiet tal-għeneb li huma indiġeni għaż-żona kif ukoll varjetajiet tal-għeneb aktar klassiċi. Id-DNA tad-DOP “Alella” hija l-ħamrija lokali, li tagħti lill-inbejjed tagħna kontenut ta’ minerali li mhux preżenti fid-DOP “Cava” (dan il-paragun huwa validu minħabba li f’dik iż-żona l-inbejjed frizzanti jiġu prodotti bl-istess varjetajiet ta’ għeneb bħal dawk tad-DOP “Alella”). Meta jduq kwalunkwe wieħed mill-inbejjed frizzanti bojod ta’ kwalità prodotti f’dawn iż-żewġ żoni, wieħed jista’ jidentifika d-DOP “Alella” l-aktar mit-togħma morra/ċitrika tiegħu, li tfakkarna tant fl-eleganza tal-lewża ħadra. Id-denominatur komuni huwa l-mineralità, irrispettivament mill-metodu tal-produzzjoni.

9.   Kundizzjonijiet essenzjali ulterjuri (imballaġġ, tikkettar, rekwiżiti oħra)

Qafas legali:

Fil-leġiżlazzjoni nazzjonali

Tip ta’ kundizzjoni ulterjuri:

Ibbottiljar fiż-żona ġeografika demarkata

Deskrizzjoni tal-kundizzjoni:

L-ibbottiljar tal-inbejjed koperti mid-DOP “Alella” għandu jsir fl-impjanti tal-ibbottiljar irreġistrati, sabiex tiġi ffaċilitata t-traċċabbiltà u żgurata l-kwalità tal-prodott finali.

Qafas legali:

Fil-leġiżlazzjoni nazzjonali

Tip ta’ kundizzjoni ulterjuri:

Dispożizzjonijiet addizzjonali dwar it-tikkettar

Deskrizzjoni tal-kundizzjoni:

It-tikketti għandu jkollhom siġill ta’ garanzija.

Il-karattri li jintużaw għall-kelma “Alella” ma jridux ikunu għoljin iktar minn 4 mm, jew nofs l-għoli tal-karattri użati għall-frażi “Denominación de Origen”.

Għad-denominazzjonijiet tal-inbejjed bl-isem tal-vitikultur jew tal-azjenda tal-inbid, l-inbid irid jkun ġej minn dwieli kkultivati mill-istess vitikultur jew li huma rreġistrati fl-azjenda tal-inbid, u jkunu magħmula biss u esklussivament mill-uċuħ tar-raba’ tal-vitikultur u fl-azjenda tal-inbid tiegħu, rispettivament.

Link għall-ispeċifikazzjoni tal-prodott

http://ves.cat/eqCL

---

(1)  ĠU L 9, 11.1.2009, p. 2.

Pubblikazzjoni ta’ komunikazzjoni tal-approvazzjoni ta’ emenda standard għall-Ispeċifikazzjoni tal-Prodott għal isem fis-settur tal-inbid, kif imsemmi fl-Artikolu 17(2) u (3) tar-Regolament Delegat tal-Kummissjoni (UE) 2019/33

(2020/C 217/11)

Din il-komunikazzjoni hija ppubblikata skont l-Artikolu 17(5) tar-Regolament Delegat tal-Kummissjoni (UE) 2019/33 (1).

KOMUNIKAZZJONI TAL-APPROVAZZJONI TA’ EMENDA STANDARD

“MITTERBERG”

Numru ta’ referenza: PGI-IT-A0295-AM02

Data tal-komunikazzjoni: 24.3.2020

DESKRIZZJONI U RAĠUNIJIET TAL-EMENDA APPROVATA

1.   Produzzjoni tat-tipi frizzanti u passito

Ġie indikat li l-inbejjed tat-tipi frizzanti u passito jistgħu jiġu prodotti bħala nbejjed mhux varjetali jew inbejjed varjetali (varjetà waħda jew żewġ varjetajiet).

Din hija emenda formali li tiddefinixxi aħjar dawn it-tipoloġiji eżistenti.

L-emenda tikkonċerna l-Artikolu 2 tal-Ispeċifikazzjoni tal-Prodott u ma tikkonċernax id-Dokument Uniku.

2.   Aġġornament tal-lista tal-varjetajiet aċċettati għall-produzzjoni tal-inbejjed

Il-varjetajiet Johanniter B, Solaris B, Muscaris B, Souvignier gris B, iddaħħlu fil-lista tal-varjetajiet li jistgħu jintużaw għall-inbejjed relatati.

B’din l-emenda, l-varjetajiet imsemmija jiżdiedu mal-lista tal-varjetajiet fl-Anness I tal-Ispeċifikazzjoni tal-Prodott u għalhekk jistgħu jintużaw kemm fil-produzzjoni tal-inbejjed tal-IĠP “Mitterberg” mhux varjetali u kif ukoll tal-inbejjed IĠP “Mitterberg” varjetali (varjeta waħda jew multivarjetali).

L-emenda tikkonċerna l-Artikolu 2 tal-Ispeċifikazzjoni tal-Prodott u l-Anness 1 tagħha, kif ukoll it-taqsima 1.7 tad-Dokument Uniku.

3.   Kundizzjonijiet ambjentali u tal-koltivazzjoni tal-vinji

Ġie speċifikat li l-kundizzjonijiet ambjentali u tal-koltivazzjoni tal-vinji maħsuba għall-produzzjoni tal-inbejjed IGT “Mitterberg” iridu jkunu dawk tradizzjonali taż-żona u li huma xierqa biex l-għeneb u l-inbid derivat jingħataw il-karatteristiċi speċifiċi tal-kwalità stabbiliti fl-Ispeċifikazzjoni tal-Prodott.

Din hija kjarifika formali li tirreferi għall-karatteristiċi ambjentali u tal-koltivazzjoni speċifiċi tal-produzzjoni tal-produzzjoni tal-inbid lokali.

L-emenda tikkonċerna l-Artikolu 4 tal-Ispeċifikazzjoni tal-Prodott u ma tikkonċernax id-Dokument Uniku.

4.   Karatteristiċi tal-konsum — Novello

It-tip “novello” ġie eliminat.

Din hija l-eliminazzjoni ta’ tip ta’ nbid li ilu s-snin ma jiġi prodott u għalhekk ma għadx hemm interess li dan it-terminu jibqa’ jissemma fl-Ispeċifikazzjoni tal-Prodott.

L-emenda tikkonċerna l-Artikolu 6 tal-Ispeċifikazzjoni tal-Prodott, u kif ukoll it-taqsima 1.4 tad-Dokument Uniku.

5.   Karatteristiċi tal-konsum — Passito

Għall-Mitterberg Passito, il-qawwa alkoħolika totali minima skont il-volum żdiedet minn 14 % għal 16 % tal-volum u l-qawwa alkoħolika proprja żdiedet minn tal-inqas 7,00 għal 9,00 biex ikun jista’ jidħol fil-kategorija tal-Inbid miksub minn għeneb imqadded. Ir-Regolament (UE) Nru 1308/2013, l-Anness. 7, il-parti II.

Din l-emenda ġġib il-parametri kimikofiżiċi msemmija hawn fuq f’konformità mal-leġiżlazzjoni tal-Unjoni Ewropea.

L-emenda tikkonċerna l-Artikolu 6 tal-Ispeċifikazzjoni tal-Prodott, u kif ukoll it-taqsima 1.4 tad-Dokument Uniku.

DOKUMENT UNIKU

1.   Isem/ismijiet għar-reġistrazzjoni

“Mitterberg”

2.   Tip ta’ indikazzjoni ġeografika

IĠP - Indikazzjoni Ġeografika Protetta

3.   Kategoriji tal-prodotti tad-dwieli

1.

Inbid

8.	Inbid frizzanti

15.	Inbid miksub minn għeneb imqadded

4.   Deskrizzjoni tal-inbid/tal-inbejjed

Mitterberg bianco

Kulur: isfar lewn it-tiben;

Riħa: pjaċevoli, ta’ frott, kultant aromatika;

Togħma: qawwija, armonjuża, pjaċevoli;

Qawwa alkoħolika totali minima skont il-volum: 10,00 % vol.;

Estratt minimu mingħajr zokkor: 15,0 g/l.

Il-parametri analitiċi l-oħra, li ma jidhrux fit-tabella ta’ hawn taħt, jirrispettaw il-limiti previsti mil-leġiżlazzjoni nazzjonali u tal-UE.

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)
Total massimu ta’ diossidu tal-kubrit (f’milligrammi għal kull litru):

Mitterberg bianco varjetali (varjetà waħda jew multivarjetali)

Kulur: karatteristiku tal-varjetà tal-oriġini;

Riħa: pjaċevoli, delikata, karatteristika tal-varjetà tal-oriġini;

Togħma: qawwija, armonjuża, karatteristika tal-varjetà jew tal-varjetajiet tal-oriġini;

Qawwa alkoħolika totali minima skont il-volum: 10,00 % vol.;

Estratt minimu mingħajr zokkor: 15,0 g/l.

Il-parametri analitiċi l-oħra, li ma jidhrux fit-tabella ta’ hawn taħt, jirrispettaw il-limiti previsti mil-leġiżlazzjoni nazzjonali u tal-UE.

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)
Total massimu ta’ diossidu tal-kubrit (f’milligrammi għal kull litru):

Mitterberg rosso

Kulur: minn aħmar lewn ir-rubin ċar għal intens sa lewn ir-rummien skur;

Riħa: pjaċevoli, delikata;

Togħma: ratba, pjaċevoli, qawwija u armonjuża;

Qawwa alkoħolika totali minima skont il-volum: 10,00 % vol.;

Estratt minimu mingħajr zokkor: 16,0 g/l.

Il-parametri analitiċi l-oħra, li ma jidhrux fit-tabella ta’ hawn taħt, jirrispettaw il-limiti previsti mil-leġiżlazzjoni nazzjonali u tal-UE.

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)
Total massimu ta’ diossidu tal-kubrit (f’milligrammi għal kull litru):

Mitterberg rosso varjetali (varjetà waħda jew multivarjetali)

Kulur: minn aħmar lewn ir-rubin ċar għal intens sa lewn ir-rummien skur, karatteristiku tal-varjetà tal-oriġini;

Riħa: pjaċevoli, karatteristika tal-varjetà tal-oriġini;

Togħma: ratba, pjaċevoli, qawwija, armonjuża, karatteristika tal-varjetà jew tal-varjetajiet tal-oriġini;

Qawwa alkoħolika totali minima skont il-volum: 10,00 % vol.;

Estratt minimu mingħajr zokkor: 16,0 g/l.

Il-parametri analitiċi l-oħra, li ma jidhrux fit-tabella ta’ hawn taħt, jirrispettaw il-limiti previsti mil-leġiżlazzjoni nazzjonali u tal-UE

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)
Total massimu ta’ diossidu tal-kubrit (f’milligrammi għal kull litru):

Mitterberg rosato mhux varjetali jew varjetali (varjetà waħda jew multivarjetali)

Kulur: roża;

Riħa: delikata, pjaċevoli, karatteristika tal-varjetà tal-oriġini;

Togħma: mhux qawwija ħafna, armonjuża, eleganti, friska, karatteristika tal-varjetà jew tal-varjetajiet tal-oriġini;

Qawwa alkoħolika totali minima skont il-volum: 10,00 % vol.;

Estratt minimu mingħajr zokkor: 15,0 g/l.

Il-parametri analitiċi l-oħra, li ma jidhrux fit-tabella ta’ hawn taħt, jirrispettaw il-limiti previsti mil-leġiżlazzjoni nazzjonali u tal-UE

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)
Total massimu ta’ diossidu tal-kubrit (f’milligrammi għal kull litru):

Mitterberg frizzanti, mhux varjetali jew varjetali (varjetà waħda jew multivarjetali)

Ragħwa: fina, dejjiema;

Kulur: karatteristiku tal-varjetà tal-oriġini;

Aroma: delikata, pjaċevoli, ta’ frott, karatteristika tal-varjetà tal-oriġini;

Togħma: xotta jew kemxejn ħelwa, armonjuża, karatteristika tal-varjetà jew tal-varjetajiet tal-oriġini;

Qawwa alkoħolika totali minima skont il-volum: 10,00 % tal-volum;

Estratt minimu mingħajr zokkor: 15,0 g/l.

Il-parametri analitiċi l-oħra, li ma jidhrux fit-tabella ta’ hawn taħt, jirrispettaw il-limiti previsti mil-leġiżlazzjoni nazzjonali u tal-UE

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):
Aċidità totali minima:	3,5
Aċidità volatili massima (f’milliekwivalenti għal kull litru)
Total massimu ta’ diossidu tal-kubrit (f’milligrammi għal kull litru):

Mitterberg passito, mhux varjetali jew varjetali (varjetà waħda jew multivarjetali)

Kulur: karatteristiku tal-varjetà tal-oriġini;

Riħa: pjaċevoli, delikata, karatteristika;

Togħma: kemxejn ħelwa jew ħelwa, qawwija, armonjuża, karatteristika tal-varjetà jew tal-varjetajiet tal-oriġini;

Qawwa alkoħolika totali minima skont il-volum: 16,00 % tal-volum;

Estratt minimu mingħajr zokkor: 20,0 g/l.

Il-parametri analitiċi l-oħra, li ma jidhrux fit-tabella ta’ hawn taħt, jirrispettaw il-limiti previsti mil-leġiżlazzjoni nazzjonali u tal-UE

Karatteristiċi analitiċi ġenerali
Qawwa alkoħolika totali massima (f’% tal-volum):
Qawwa alkoħolika proprja minima (f’% tal-volum):	9,00
Aċidità totali minima:	3,5
Aċidità volatili massima (f’milliekwivalenti għal kull litru)
Total massimu ta’ diossidu tal-kubrit (f’milligrammi għal kull litru):

5.   Prattiki tal-produzzjoni tal-inbid

a.   Prattiki enoloġiċi speċifiċi

“Mitterberg”

Prattika enoloġika speċifika

Id-diversi tekniki ta’ arrikkiment previsti fil-leġiżlazzjoni tal-UE huma permessi.

It-taħlit b’most jew inbejjed oħra, fosthom dawn minn żoni oħrajn tal-produzzjoni fl-Italja, huwa permess sa volum massimu ta’ 15 %.

b.   Rendimenti massimi

Mitterberg bianco, rosso u rosato

19 000 kg ta’ għeneb għal kull ettaru

Mitterberg b’indikazzjoni varjetali

18 000 kg ta’ għeneb għal kull ettaru

6.   Definizzjoni taż-żona demarkata

Iż-żona tal-produzzjoni tal-għeneb adattat għall-produzzjoni tal-inbejjed bl-indikazzjoni ġeografika tipika “Mitterberg” tkopri t-territorju amministrattiv kollu tal-Provinċja ta’ Bolzano.

7.   Varjetà jew varjetajiet li minnhom jinkiseb l-inbid/jinkisbu l-inbejjed

Bronner B.

Cabernet franc N. - Cabernet

Cabernet sauvignon N. - Cabernet

Carmenère N. - Cabernet nostrano

Chardonnay B.

Diolinoir N.

Johanniter B.

Kerner B.

Lagrein N.

Malvasia N. - Roter Malvasier

Manzoni bianco B. - Incrocio Manzoni 6.0.13 B.

Merlot N.

Moscato giallo B. - Muskateller

Moscato rosa Rs. - Rosen muskateller

Muscaris B.

Müller thurgau B. - Riesling x Sylvaner

Petit manseng B.

Petit verdot N

Pinot bianco B. - Pinot

Pinot grigio - Pinot

Pinot nero N. - Pinot

Portoghese N. - Portugieser

Regent N.

Riesling italico B. - Riesling

Riesling italico B. - Welschriesling

Sauvignon B. - Sauvignon blanc

Schiava N.

Schiava gentile N. - Mittervernatsch

Schiava grigia N. - Grauvernatsch

Schiava grossa N. - Großvernatsch

Solaris B.

Souvignier gris B.

Sylvaner verde B. - Grüner Sylvaner

Syrah N. - Shiraz

Tannat N.

Tempranillo N.

Teroldego N.

Traminer aromatico Rs. - Gewürztraminer

Veltliner B.

Viogner B.

Zweigelt N.

8.   Deskrizzjoni tar-rabta/rabtiet

“Mitterberg”

Iż-żona tal-produzzjoni tal-inbid tal-IĠP “Mitterberg” tgawdi minn żoni estensivi ta’ għoljiet b’esponimenti liema bħalhom u minn ċerti karatteristiċi tal-ħamrija. Dawn il-fatturi huma deċiżivi għal fil-produzzjoni ta’ prodott ta’ kwalità għolja ħafna. Il-karatteristiċi morfoloġiċi differenti ħafna taż-żona tal-produzzjoni joħolqu diversi mikroambjenti, li jippermetti l-koltivazzjoni ta’ għadd ta’ varjetajiet nattivi u mhux nattivi. Filwaqt li fit-Tramuntana, il-katina tal-Alpi tilqgħalha mir-riħ tal-Artiku u mill-klima kiesħa tal-Atlantiku, fin-Nofsinhar iż-żona tal-produzzjoni tiftaħ għall-benefiċċju tal-influss tas-sħana li tiġi mill-Mediterran, u li tasal sal-Val Venosta u sal-Valle Isarco.

9.   Rekwiżiti oħra applikabbli (ippakkjar, tikkettar, rekwiżiti addizzjonali)

L-EBDA

Link għall-ispeċifikazzjoni tal-prodott

https://www.politicheagricole.it/flex/cm/pages/ServeBLOB.php/L/IT/IDPagina/15208

---

(1)  ĠU L 9, 11.1.2019, p. 2.

Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2020/C 217/12)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.

DOKUMENT UNIKU

“PAMPEPATO DI TERNI”/“PANPEPATO DI TERNI”

Nru tal-UE: PGI-IT-02467 — 30.12.2019

DOP () IĠP (X)

1.   Isem/Ismijiet

“Pampepato di Terni”/“Panpepato di Terni”

2.   Stat Membru jew Pajjiż Terz

L-Italja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 2.3. Ħobż, għaġina, kejkijiet, ħelu, gallettini u prodotti oħra tal-furnara

3.2.   Deskrizzjoni tal-prodott li għalih japplika l-isem f’(1)

Il-“Pampepato di Terni/Panpepato di Terni” huwa prodott moħmi magħmul minn taħlita ta’ ġewż, ċikkulata, żbib, konfettura, kawkaw mhux dolċifikat, għasel, kafè, ħwawar, dqiq.

Meta jitqiegħed fis-suq għall-konsum il-“Pampepato di Terni/Panpepato di Terni” għandu l-karatteristiċi li ġejjin:

Karatteristiċi fiżiċi:

Forma: tonda, qiegħ ċatt u wiċċ konvess.

Qisien:

dijametru: bejn ċentimetru (1 cm) u 20 cm;

għoli: bejn ċentimetru (1 cm) u 10 cm;

Piż: bejn 25 g u 1 kg;

Indewwa: bejn 7,5 % u 25 %.

Karatteristiċi organolettiċi:

Dehra minn barra: kannella skur, kważi iswed fil-forma ta’ koppla bil-ġewż jidher fil-wiċċ;

Dehra minn ġewwa: kulur kannella skur bi kwantità kbira ta’ ġewż u konfettura mifruxa sew;

Konsistenza tat-taħlita: kompatta, ratba minħabba l-ingredjenti rotob (iċ-ċikkulata, iż-żbib, il-konfettura, l-għasel u l-kafè) u tqarmeċ minħabba l-ġewż inkaljat.

Riħa: l-ewwel riħa hija ta’ ċikkulata u ta’ ġewż, imbagħad ta’ ħwawar, b’mod partikolari ta’ kannella, bżar u noċemuskata;

Togħma: fil-bidu togħma ta’ ċikkulata, bi ħjiel ta’ ħwawar li bil-mod il-mod taqleb għal dik ta’ ġewż u konfettura; togħma finali qawwija ta’ ċikkulata u ħwawar, b’mod partikolari ta’ kannella, noċemuskata u bżar.

Il-prodott ma fihx koloranti jew preservattivi miżjuda miegħu.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Għall-produzzjoni tal-“Pampepato di Terni/Panpepato di Terni”, jintużaw dawn l-ingredjenti li ġejjin u li minnhom toħroġ taħlita ta’ 10 kg qabel it-tisjir:

—	ġewż inkaljat: taħlita ta’ lewż, ġewż u ġellewż, fi proporzjonijiet differenti, bejn 3,5 kg u 6 kg;

—	konfettura u frott imnixxef: taħlita ta’ żbib, larinġ, citron fi proporzjonijiet differenti, bejn 1,5 kg u 3 kg;

—	għasel millefiori (ta’ ħafna fjuri): bejn 0,5 kg u 1,5 kg;

—	trab tal-kawkaw mhux dolċifikat (20-22 % butir tal-kawkaw): bejn 0,2 kg u 0,5 kg;

—	ċikkulata (minimu ta’ 50 % kawkaw): bejn 0,5 kg u 1,5 kg;

—	ħwawar: taħlita ta’ bżar, kannella, noċemuskata, fi proporzjonijiet differenti, bejn 0,05 kg u 0,15 kg;

—	dqiq tat-tip “0” jew, inkella, dqiq tal-qamħirrum jew tar-ross jew lewż mitħun: bejn 0,2 kg u 0,7 kg;

Minbarra l-ingredjenti li diġà ssemmew, fl-istess taħlita ta’ referenza jistgħu jintużaw dawn l-ingredjenti li ġejjin:

—	most mgħolli: sa 0,8 kg;

—	likur: sa massimu ta’ 0,075 kg;

—	zokkor: sa massimu ta’ 0,05 kg;

—	qoxra tal-larinġ: sa massimu ta’ 0,05 kg;

—	qlub tal-ġewż tal-arżnu: sa 0,2 kg;

—	kafè likwidu: sa 0,2 kg;

—	karta tal-ostja: bħala bażi.

Jekk it-taħlita ssir bil-magna, jista’ jintuża sa massimu ta’ 5 % ilma.

3.4.   Passi speċifiċi tal-produzzjoni li jridu jsiru fiż-żona ġeografika ddefinita

L-istadji tal-għaġna, tat-tqassim f’porzjonijiet, tat-tiswir, tat-tisjir u tal-maturazzjoni tal-“Pampepato di Terni/Panpepato di Terni” jseħħu fiż-żona ġeografika tal-produzzjoni.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

Meta jintemm l-istadju tal-maturazzjoni tal-prodott, l-ewwel imballaġġ irid isir fil-post tal-produzzjoni, sabiex jiġi evitat li tonqos il-perċezzjoni tal-kwalità min-naħa tal-konsumatur. Jekk il-prodott jiġi espost għall-arja għax ma jkunx imgeżwer, l-aroma ta’ dan il-ħelu tinbidel u l-firxa kumplessa tal-aromi pprovduta mill-ħwawar tintilef u tonqos mill-qawwa tagħha; barra minn hekk il-wiċċ tiegħu ma jibqax ileqq minħabba li l-butir tal-kawkaw jevapora u l-ġewż ma jibqax iqarmeċ.

Il-prodott jiġi mgeżwer f’mill-inqas imballaġġ protettiv wieħed magħmul minn wieħed minn dawn il-materjali: cellophane adattat għall-ikel, parċmina, aluminju jew materjal ieħor adattat għall-ikel, skont il-liġijiet applikabbli.

Meta joħroġ mis-sit tal-produzzjoni, jista’ jiġi mgeżwer għal darb’oħra.

Il-“Pampepato di Terni/Panpepato di Terni” jinbiegħ f’pakketti ta’ unità waħda, sħiħ jew imqatta’ f’biċċiet bi ħxuna ta’ bejn 0,5 u 1,5 cm.

3.6.   Regoli speċifiċi dwar it-tikkettar

Il-pakkett irid ikollu l-kliem “Pampepato di Terni” jew “Panpepato di Terni” u “Indicazione Geografica Protetta” (Indikazzjoni Ġeografika Protetta) sħiħa jew bl-akronimu “IGP” (IĠP) u l-informazzjoni addizzjonali li ġejja:

—	is-simbolu Ewropew tal-IĠP

—	l-isem, jew l-isem kummerċjali, l-indirizz tal-kumpanija li tipproduċih u/jew li tippakkjah;

—	il-logo tal-prodott, li għandu jintuża dejjem flimkien mal-Indikazzjoni Ġeografika Protetta.

Il-logo tal-prodott huwa dan:

4.   Definizzjoni fil-qosor taż-żona ġeografika

Iż-żona tal-produzzjoni tal-“Pampepato di Terni/Panpepato di Terni” hija magħmula mit-territorju amministrattiv kollu tal-provinċja ta’ Terni u tal-muniċipalitajiet ta’ Massa Martana, Marsciano, Todi, Fratta Todina, Montecastello di Vibio u Deruta u tal-provinċja ta’ Perugia.

5.   Rabta maż-żona ġeografika

Il-fama tal-“Pampepato di Terni/Panpepato di Terni” hija tradizzjonalment marbuta mal-ambjent u mat-territorju li jirrappreżenta.

Il-“Pampepato di Terni/Panpepato di Terni”, li għal sekli sħaħ kien jiġi ppreparat b’dak li l-ekonomija rurali kienet tippermetti li wieħed iwarrab matul is-sena, huwa l-ħelu tal-Milied per eċċellenza.

Matul iż-żmien, il-preparazzjoni tal-“Pampepato di Terni/Panpepato di Terni” tjiebet sakemm saret tirrappreżenta l-gastronomija ta’ Terni matul il-festi tal-Milied.

L-ewwel referenza għal produzzjoni professjonali u “fuq skala kbira” tal-“Pampepato di Terni/Panpepato di Terni” tmur lura għall-1913, meta ħanut tal-ħelu storiku ta’ dak iż-żmien ipproduċieh u kisiblu l-fama tal-ħelu ta’ Terni.

Kienu ħafna l-kotba ta’ riċetti tradizzjonali, gwidi tal-gastronomija, gwidi turistiċi u pubblikazzjonijiet differenti fis-seklu għoxrin, u anki llum, li jirreferu għall-“Pampepato di Terni/Panpepato di Terni” bħala ħelu tipiku ta’ Terni għal żmien il-Milied.

It-Touring Club Italiano, fl-ewwel edizzjoni tal-Guida Gastronomica d’Italia tal-1931, jgħid “ta’ min wieħed ifakkar il-Panpepato tal-Milied f’Terni” (Touring Club Italiano 1931); il-“Guida Gastronomica d’Italia”, (Felice Cunsolo, Guida gastronomica d’Italia, Istituto Geografico De Agostini - Novara - 1975), fit-taqsima ddedikata għar-Reġjun tal-Umbria wkoll jirreferi għall-“Pampepato di Terni/Panpepato di Terni” bħala ħelu tal-Milied tipiku ta’ Terni.

Il-“Pampepato di Terni/Panpepato di Terni” huwa msemmi wkoll fil-gwida turistika “Guida di Terni e del ternano” bħala ħelu “li jiddomina l-mejda tal-Milied” (Loretta Santini, Guida di Terni e del ternano, p. 23, edizzjoni Qguide, 2003).

Il-gwida “Sapori e Profumi” tal-Provinċja ta’ Terni fit-taqsima “Tradizzjoni tal-ikel tal-Milied” issemmi il-pampepato fost il-ħelu (Umbria Gusto, Sapori e profumi, 2008 — Provinċja ta’ Terni).

L-Accademia Italiana della Cucina (Akkademja Taljana tat-Tisjir) iddedikat diversi kitbiet lil “Pampepato di Terni/Panpepato di Terni” li jinsabu f’volumi kommemorattivi jew f’rivisti speċjalizzati; fost l-aktar importanti: “I frutti del sole”, fejn jingħad li “Il-panpepato huwa r-re tal-ħelu tradizzjonali tal-Milied f’Terni” (I Frutti Del Sole — 2007 — edizzjoni Accademia italiana della cucina), kif ukoll fl-artiklu “Panpepato ternano”, il-“Pampepato di Terni/Panpepato di Terni” huwa ddefinit fis-sottotitlu bħala “ir-re tal-ħelu tradizzjonali tal-Milied f’din il-belt tal-Umbria” (“Civiltà della Tavola”, nru 299 Diċembru 2017- edizzjoni Accademia italiana della cucina).

Prova oħra tar-rabta tal-fama tal-“Pampepato di Terni/Panpepato di Terni” mat-territorju ta’ Terni hija pprovduta mill-artiklu “Terni da leccarsi i baffi” (Terni jqanqal l-aptit), ippubblikat fil-gazzetta ta’ kuljum Corriere dell’Umbria tas-Sibt, 9 ta’ April 2016, fejn f’dak li jirrigwarda l-ikel tradizzjonali jingħad li l-“Pampepato di Terni/Panpepato di Terni”“huwa l-aħjar rappreżentant ta’ dawk il-kontradizzjonijiet kollha li huma għal qalb it-tradizzjoni tal-Umbria. Huwa l-bilanċ perfett bejn il-ħelu u l-morr li jiddistingwi lil dan il-kejk, li mal-ewwel sar parti mit-tradizzjoni tal-bdiewa tal-Umbria”.

Barra minn hekk, nikkwotaw silta mill-artiklu ppubblikat fil-gazzetta ta’ kuljum “Il Messaggero”, fl-edizzjoni lokali ta’ Terni tal-31 ta’ Diċembru 2009, “It-tradizzjoni tgħid li l-pampepato qatt ma kien nieqes mill-mejda tan-nies ta’ Terni mill-1851 ’l hawn.”

Huwa interessanti wkoll artiklu ieħor ippubblikat fl-istess gazzetta, intitolat “Kompetizzjoni għall-aħjar ‘Pampepato tas-sena’”, fejn dak ta’ Terni huwa mfaħħar bħala “uniku, jinstab biss f’Terni u huwa wkoll simbolu tat-tradizzjoni, kif juru l-ingredjenti nfushom.” (Il Messaggero tal-15 ta’ Diċembru 2008)

Il-“Pampepato di Terni/Panpepato di Terni”, fir-rivista tat-tisjir “Cucina Moderna”, huwa indikat bħala “kejk klassiku tal-festi tal-Milied” (Cucina Moderna, Jannar 2018, p. 98, Edizzjoni Gruppo Mondadori).

Fit-tieni edizzjoni tal-pubblikazzjoni “La vera Umbria”, ġiet ippubblikata r-riċetta tal-“Pampepato di Terni/Panpepato di Terni”, li huwa indikat bħala ħelu tipiku ta’ Terni (Caruso P., la vera Umbria). La tradizione umbra nei piaceri della tavola, edizzjoni Grilligraf Collazzone (Pg), 2000).

Fil-pubblikazzjoni “Terni: la città fra due fiumi” fis-sensiela “Il turismo culturale: la rivista che ti guida” jingħad ukoll li “f’Terni, matul il-Milied, ma hemmx familja, ristorant, kċina, ħanut tal-ħelu jew forn li ma jippreparax il-pampepato […]” (AA.VV. Terni la città tra due fiumi. Provincia di Terni — Edizzjoni Vanni — 2006).

Il-“Pampepato di Terni/Panpepato di Terni” huwa wkoll il-protagonist tal-logħob u tal-attivitajiet tal-massa fit-territorju.

F’dan ir-rigward, id-delegazzjoni ta’ Terni tal-Accademia Italiana della Cucina, għal numru ta’ snin, stiednet lill-membri tagħha biex iduqu l-pampepati prodotti fi djarhom stess u biex jaqsmu r-riċetta rispettiva tagħhom, u mbagħad jingħata premju lill-kejk li l-aktar jissodisfa r-regoli tat-tradizzjoni. Fuq l-istess linji tal-Akkademja, il-ħanut ta’ Terni MET, ilu mill-2009 jorganizza l-Premju “Pampepato tas-sena” li kulħadd jista’ jipparteċipa għalih billi jibgħat il-prodott tiegħu bl-iskop li jiġi ġġudikat minn ġurija kkwalifikata magħmula minn studjużi tal-ikel, dulċiera, esperti fiċ-ċikkulata, sommeliers, rappreżentanti ta’ kategoriji u korpi professjonali. Il-premju li jingħata lill-aħjar “Pampepato di Terni/Panpepato di Terni” fost il-ħafna li jiddaħħlu għall-kompetizzjoni, huwa mgħarfa tal-injam tad-dulċiera, li kull sena tintradd lura mir-rebbieħ tal-edizzjoni preċedenti sabiex tingħata lir-rebbieħ il-ġdid. (Il cucchiaio di legno per il miglior pampepato, minn Il Messaggero tal-05 ta’ Jannar 2013”).

Fl-10 ta’ Frar 2002, xi dulċiera minn Terni, waqt fiera pubblika ddedikata lill-“Pampepato di Terni/Panpepato di Terni”, irnexxielhom jipproduċu għall-ewwel darba Pampepato ta’ 112-il kg.

Fl-aħħar nett, indikaturi oħrajn ferm importanti tal-fama stabbilita tal-“Pampepato di Terni/Panpepato di Terni” huma marbuta mal-preżenza dejjem tiżdied u mifruxa tiegħu fuq l-ixkafef tal-ħwienet tal-prodotti tipiċi, fejn dejjem jiġi identifikat bħala tifkira gastronomika li qed tkun dejjem aktar apprezzata.

Referenza għall-pubblikazzjoni tal-Ispeċifikazzjoni tal-Prodott

(it-tieni subparagrafu tal-Artikolu 6(1) ta’ dan ir-Regolament)

It-test konsolidat tal-Ispeċifikazzjoni tal-Prodott jinsab fuq is-sit web: http://www.politicheagricole.it/flex/cm/pages/ServeBLOB.php/L/IT/IDPagina/3335”

Jew

billi żżur direttament il-paġna ewlenija tal-Ministeru tal-Politika Agrikola, Alimentari u Forestali (www.politicheagricole.it) u tagħfas fuq “Qualità” (fin-naħa ta’ fuq fil-lemin tal-iskrin), u wara fuq “Prodotti DOP IGP STG” (fil-ġenb, fuq in-naħa tax-xellug tal-iskrin) u fl-aħħar tagħfas fuq “Disciplinari di Produzione all’esame dell’UE”.

---

(1)  ĠU L 343, 14.12.2012, p. 1.

Avviż ta’ Informazzjoni — Konsultazzjoni Pubblika

Indikazzjonijiet Ġeografiċi mill-Ġappun

(2020/C 217/13)

Il-Ftehim ta’ Sħubija Ekonomika bejn l-UE u l-Ġappun (minn hawn ’il quddiem “il-Ftehim”), li jinkludi kapitolu dwar l-Indikazzjonijiet Ġeografiċi (IĠ) li jipproteġu bosta IĠ tal-UE u Ġappuniżi, daħal fis-seħħ fl-1 ta’ Frar 2019. Skont l-Artikolu 14.30 tal-Ftehim, l-awtoritajiet Ġappuniżi ppreżentaw lista ta’ IĠ addizzjonali li jridu jiġu protetti skont il-Ftehim. Il-Kummissjoni Ewropea bħalissa qed tikkunsidra jekk dawn l-Indikazzjonijiet Ġeografiċi għandhomx jiġu protetti wkoll skont il-Ftehim.

Il-Kummissjoni tistieden lil kwalunkwe Stat Membru jew pajjiż terz, jew kwalunkwe persuna fiżika jew ġuridika li għandha interess leġittimu, li hi residenti jew stabbilita fi Stat Membru jew f’pajjiż terz, biex tressaq oppożizzjoni għal tali protezzjoni billi tibgħat dikjarazzjoni sostanzjata kif dovut.

Id-dikjarazzjonijiet ta’ oppożizzjoni jridu jaslu għand il-Kummissjoni fi żmien xahrejn mid-data ta’ din il-pubblikazzjoni. Id-dikjarazzjonijiet ta’ oppożizzjoni jenħtieġ li jintbagħtu f’dan l-indirizz tal-posta elettronika: AGRI-A4@ec.europa.eu

Id-dikjarazzjonijiet ta’ oppożizzjoni se jiġu eżaminati biss jekk jaslu fil-limitu taż-żmien stabbilit hawn fuq u jekk dawn juru li l-protezzjoni tal-isem propost:

(a)	toħloq kunflitt mal-isem ta’ varjetà ta’ pjanta jew ta’ razza tal-bhejjem u b’hekk x’aktarx tkun tqarraq bil-konsumatur dwar l-oriġini vera tal-prodott;

(b)

tkun kompletament jew parzjalment omonima ma’ isem li diġà huwa protett fl-Unjoni skont ir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (1), skont ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli (2) u skont ir-Regolament (UE) 2019/787 tal-Parlament Eropew u tal-Kunsill tas-17 ta’ April 2019 dwar id-definizzjoni, id-deskrizzjoni, il-preżentazzjoni u t-tikkettar ta' xorb spirituż, l-użu tal-ismijiet ta' xorb spirituż fil-preżentazzjoni u t-tikkettar ta' oġġetti tal-ikel oħra, il-protezzjoni ta' indikazzjonijiet ġeografiċi ta' xorb spirituż, l-użu ta' alkoħol etiliku u distillati ta' oriġini agrikola f'xorb alkoħoliku, u li jħassar ir-Regolament (KE) Nru 110/2008 (3) jew ma’ waħda mill-Indikazzjonijiet Ġeografiċi minn pajjiżi mhux tal-UE li huma protetti fl-UE skont ftehimiet bilaterali disponibbli f’dan l-indirizz: https://ec.europa.eu/info/sites/info/files/food-farming-fisheries/food_safety_and_quality/documents/list-gis-non-eu-countries-protected-in-eu_en.pdf

(c)	fid-dawl tar-reputazzjoni u tal-fama tat-trademark u t-tul ta’ żmien li ilha tintuża, tista’ tqarraq bil-konsumatur dwar l-identità vera tal-prodott;

(d)	tkun tipperikola l-eżistenza ta’ isem jew ta’ trademark kompletament jew parzjalment identiċi, jew tipperikola l-eżistenza ta’ prodotti li jkunu ilhom fis-suq b’mod legali għal mill-inqas ħames snin qabel id-data tal-pubblikazzjoni ta’ dan l-avviż;

(e)	jew jekk id-dikjarazzjonijiet ta’ oppożizzjoni jistgħu jagħtu dettalji li abbażi tagħhom wieħed jista’ jikkonkludi li l-isem li għalih qed tiġi kkunsidrata l-protezzjoni huwa ġeneriku.

Il-kriterji msemmija hawn fuq għandhom ikunu evalwati b’rabta mat-territorju tal-Unjoni, li fil-każ tad-drittijiet tal-proprjetà intellettwali jirreferi biss għat-territorju jew għat-territorji fejn dawn id-drittijiet huma protetti. Il-protezzjoni eventwali ta’ dawn l-ismijiet fl-Unjoni Ewropea hija suġġetta għall-konklużjoni b’suċċess tad-diskussjonijiet li jsiru skont l-Artikolu 14.30 tal-Ftehim u l-att legali sussegwenti.

Lista tal-Indikazzjonijiet Ġeografiċi (4)

Nru	Isem Protett fil-Ġappun	Traskrizzjoni għall-alfabett Latin (għal skopijiet ta’ informazzjoni biss)	Deskrizzjoni qasira (fejn meħtieġ u għal skopijiet ta’ informazzjoni biss)	Kategorija tal-prodott
1		Mito no Yawaraka Negi	basal aħdar	Frott, ħxejjex u ċereali, friski jew ipproċessati
2		Matsudate Shibori Daikon	Ravanell abjad Ġappuniż (Daikon)	Frott, ħxejjex u ċereali, friski jew ipproċessati
3		Taisyu Soba	Qamħ saraċin u dqiq tal-qamħ saraċin	Frott, ħxejjex u ċereali, friski jew ipproċessati
4	/Yamagata Celery	Yamagata Celery	Karfus	Frott, ħxejjex u ċereali, friski jew ipproċessati
5		Nango Tomato	Tadam	Frott, ħxejjex u ċereali, friski jew ipproċessati
6		Yamadai Kansho	Patata ħelwa	Frott, ħxejjex u ċereali, friski jew ipproċessati
7	/	Iwadeyama Koridofu/ Iwadeyama Meisan Koridofu	Baqta tal-fażola mnixxfa, iffriżata	Frott, ħxejjex u ċereali, friski jew ipproċessati
8		Kumamoto Akaushi	Ċanga	Laħam frisk (u l-ġewwieni)
9	/	Futago Satoimo/ Futago Imonoko	Taro	Frott, ħxejjex u ċereali, friski jew ipproċessati
10	/	Echizen Gani/Echizen Kani	Granċ tas-silġ/Granċ tas-silġ mgħolli	Ħut frisk, molluski, u krustaċji u prodotti derivati minnhom
11	/ Daisen Broccoli	Daisen Broccoli	Brokkoli	Frott, ħxejjex u ċereali, friski jew ipproċessati
12	/Okukuji Shamo Chicken	Okukuji Shamo	Tiġieġ	Laħam frisk (u l-ġewwieni)
13	/ Koge Hanagoshogaki	Koge Hanagoshogaki	Japanese persimmon	Frott, ħxejjex u ċereali, friski jew ipproċessati
14	/ Kikuchi Suiden Gobo	Kikuchi Suiden Gobo	Burdock	Frott, ħxejjex u ċereali, friski jew ipproċessati
15	/ Tsuruta Steuben	Tsuruta Steuben	Għeneb	Frott, ħxejjex u ċereali, friski jew ipproċessati
16	/Ozasa Urui	Ozasa Urui	Hosta	Frott, ħxejjex u ċereali, friski jew ipproċessati
17	/Tokyo Shamo	Tokyo Shamo	Tiġieġ	Laħam frisk (u l-ġewwieni)
18	/ Sayo Mochidaizu	Sayo Mochidaizu	Fażola tas-sojja	Frott, ħxejjex u ċereali, friski jew ipproċessati
19	/Iburigakko	Iburigakko	Pikles	Frott, ħxejjex u ċereali, friski jew ipproċessati
20	/Daiei Suika	Daiei Suika	Dulliegħ	Frott, ħxejjex u ċereali, friski jew ipproċessati
21	/ Tsunan no Yukishita Ninjin	Tsunan no Yukishita Ninjin	Zunnarija	Frott, ħxejjex u ċereali, friski jew ipproċessati
22	/Zentsujisan Shikakusuika	Zentsujisan Shikakusuika	Dulliegħ	Frott, ħxejjex u ċereali, friski jew ipproċessati
23	/Hiba Gyu	Hiba Gyu	Ċanga	Laħam frisk (u l-ġewwieni)
24	/Ibuki Soba/ /Ibuki Zairaisoba	Ibuki Soba/Ibuki Zairaisoba	Qamħ Saraċin	Frott, ħxejjex u ċereali, friski jew ipproċessati
25	/Higashiizumo no Maruhata Hoshigaki/Higashiizumo no Maruhata Hoshikaki	Higashiizumo no Maruhata Hoshigaki	Kaki mnixxef Ġappuniż	Frott, ħxejjex u ċereali, friski jew ipproċessati
26		Hokkaido	Inbid	Inbid
27		Nadagogo	Sake	Xorb alkoħoliku ieħor
28		Harima	Sake	Xorb alkoħoliku ieħor

---

(1)  ĠU L 343, 14.12.2012, p. 1.

(2)  ĠU L 347, 20.12.2013, p. 671.

(3)  ĠU L 130, 17.5.2019, p. 1.

(4)  Lista ta’ IĠ reġistrati fil-Ġappun ipprovduta mill-awtoritajiet Ġappuniżi fil-qafas tad-diskussjonijiet li għaddejjin skont l-Artikolu 14.30 tal-Ftehim.