8.3.2018   

MT

Il-Ġurnal Uffiċjali tal-Unjoni Ewropea

C 88/1

(1)

Il-Kunsill Ewropew ta’ Ġunju 2017 qabel dwar il-ħtieġa li tiġi varata kooperazzjoni strutturata permanenti (PESCO) inklużiva u ambizzjuża, għat-tisħiħ tas-sigurtà u d-difiża tal-Ewropa biex tikkontribwixxi ħalli jiġi sodisfatt il-livell ta’ ambizzjoni tal-Unjoni kif derivat mill-Istrateġija Globali tal-UE u kif definit fil-konklużjonijiet tal-Kunsill tal-14 ta’ Novembru 2016 dwar l-implimentazzjoni tal-Istrateġija Globali tal-UE fil-qasam tas-Sigurtà u d-Difiża. Huwa nnota li din il-ħidma għandha tkun konsistenti mal-ippjanar u l-impenji fid-difiża nazzjonali tal-Istati Membri maqbula fi ħdan in-NATO u n-NU mill-Istati Membri kkonċernati.

(2)

Fit-13 ta’ Novembru 2017, il-Kunsill u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà. (ir-Rappreżentant Għoli) rċevew notifika konġunta skont l-Artikolu 46(1) tat-Trattat dwar l-Unjoni Ewropea (TUE) minn 23 Stat Membru, u fis-7 ta’ Diċembru 2017 minn żewġ Stati Membri oħra.

(3)

Id-Deċiżjoni (PESK) 2017/2315 stabbilixxiet il-PESCO u pprevediet li l-governanza tal-PESCO tiġi organizzata fil-livell tal-Kunsill u fil-qafas ta’ proġetti implimentati minn gruppi ta’ dawk l-Istati Membri parteċipanti li qablu bejniethom biex iwettqu tali proġetti.

(4)

Fil-11 ta’ Diċembru 2017, l-Istati Membri li jipparteċipaw fil-PESCO adottaw ukoll Dikjarazzjoni li tesprimi l-intenzjoni tagħhom li jħejju, f’raggruppamenti differenti, l-ewwel proġetti kollaborattivi tal-PESCO kif indikat fl-Anness għad-Dikjarazzjoni.

(5)

Fl-14 ta’ Diċembru 2017, il-Kunsill Ewropew laqa’ b’mod pożittiv l-istabbiliment ta’ PESCO ambizzjuża u inklużiva u enfasizza l-importanza li l-ewwel grupp ta’ proġetti jiġi implimentat malajr u stieden lill-Istati Membri parteċipanti biex iwettqu l-pjanijiet ta’ implimentazzjoni nazzjonali tagħhom.

(6)

Fis-6 ta’ Marzu 2018, il-Kunsill adotta d-Deċiżjoni PESK 2018/340 (2) li tistabbilixxi l-lista ta’ proġetti li għandhom jiġu żviluppati taħt il-PESCO.

(7)

L-Artikolu 4(2)(a) tad-Deċiżjoni (PESK) 2017/2315 jikkonferma li l-Kunsill, konformement mal-Artikolu 46(6) tat-TUE, jista’ jadotta deċiżjonijiet jew rakkomandazzjonijiet li jipprovdu direzzjoni u gwida strateġika għall-PESCO.

(8)

Għalhekk jenħtieġ li l-Kunsill jadotta rakkomandazzjoni li tipprovdi tali direzzjoni u gwida strateġika għall-implimentazzjoni tal-PESCO,

1.

L-objettiv ta’ din ir-rakkomandazzjoni huwa li tipprovdi direzzjoni u gwida strateġika għall-implimentazzjoni tal-PESCO, sabiex tiġi strutturata l-ħidma ulterjuri meħtieġa dwar il-proċessi u l-governanza, inkluż fir-rigward tal-proġetti, bil-ħsieb li l-Istati Membri parteċipanti jwettqu l-impenji aktar vinkolanti li ħadu fil-konfront ta’ xulxin, kif indikat fl-Anness għad-Deċiżjoni (PESK) 2017/2315.

2.

L-Artikolu 4(2)(b) tad-Deċiżjoni (PESK) 2017/2315 jipprevedi li l-Kunsill għandu jadotta deċiżjonijiet u rakkomandazzjonijiet li jiffissaw is-sekwenza tal-issodisfar tal-impenji l-aktar vinkolanti indikati fl-Anness għal dik id-Deċiżjoni matul iż-żewġ fażijiet inizjali konsekuttivi (is-snin 2018-2020 u 2021-2025) u li jispeċifikaw fil-bidu ta’ kull fażi l-objettivi aktar preċiżi għall-issodisfar tal-impenji aktar vinkolanti.

3.

Huwa għalhekk xieraq li l-Kunsill jadotta rakkomandazzjoni sa Ġunju 2018 dwar l-iffissar tas-sekwenza tal-issodisfar tal-impenji għall-fażijiet 2018-2020 u 2021-2025 u li tispeċifika objettivi aktar preċiżi, inkluż l-impenji li għandhom jiġu sodisfatti qabel l-2020. Din ir-rakkomandazzjoni għandha tiddefinixxi wkoll indikaturi komunement maqbula biex jassistu lill-Istati Membri parteċipanti fl-issodisfar tal-impenji u fil-valutazzjoni tal-progress f’dak ir-rigward.

4.

Is-segretarjat tal-PESCO, ipprovdut b’mod konġunt mis-Servizz Ewropew għall-Azzjoni Esterna, inkluż l-Istat Maġġur tal-Unjoni Ewropea (EUMS), u lAġenzija Ewropea għad-Difiża, kif stabbilit fl-Artikolu 7 tad-Deċiżjoni (PESK) 2017/2315, huwa mistieden jipprovdi feedback inizjali sal-aħħar ta’ Marzu 2018 fir-rigward tat-tip, il-granularità u l-istruttura tal-informazzjoni pprovduta fil-pjanijiet ta’ implimentazzjoni nazzjonali kkomunikati f’Diċembru 2017 mill-Istati Membri parteċipanti, fid-dawl tal-issodisfar tal-impenji tagħhom. Dan il-feedback għandu jgħin biex jipprovdi informazzjoni għall-iżvilupp tar-rakkomandazzjoni dwar l-iffissar tas-sekwenza, li għandha tiġi adottata mill-Kunsill f’konformità mal-Artikolu 4(2)(b) tad-Deċiżjoni (PESK) 2017/2315. Is-segretarjat tal-PESCO jista’ wkoll jappoġġa individwalment kull Stat Membru parteċipanti, fuq talba tagħhom, biex itejjeb il-kwalità tal-pjanijiet ta’ implimentazzjoni nazzjonali tagħhom.

5.

Wara l-adozzjoni tar-rakkomandazzjoni dwar l-iffissar tas-sekwenza, l-Istati Membri parteċipanti għandhom jirrieżaminaw u jaġġornaw kif xieraq il-pjanijiet ta’ implimentazzjoni nazzjonali tagħhom skont dan, u jikkomunikawhom lis-segretarjat tal-PESCO sal-10 ta’ Jannar 2019, skont l-Artikolu 3(2) tad-Deċiżjoni (PESK) 2017/2315. Mill-2020, dawn il-pjanijiet għandhom jiġu ppreżentati kull sena lis-segretarjat tal-PESCO sal-10 ta’ Jannar, b’kont meħud tar-rieżami tal-PESCO min-naħa tal-Kunsill – abbażi tar-rapport annwali preċedenti tar-Rappreżentant Għoli msemmi fl-Artikolu 6 tad-Deċiżjoni (PESK) 2017/2315, il-Pjan ta’ Żvilupp tal-Kapaċitajiet u r-rakkomandazzjonijiet tar-rapport biennali tal-CARD.

6.

Fi tmiem l-ewwel fażi, f’konformità mal-Artikolu 4(2)(c) tad-Deċiżjoni (PESK) 2017/2315, il-Kunsill ser jaġġorna, u jsaħħaħ jekk meħtieġ, l-impenji aktar vinkolanti indikati f’dik id-Deċiżjoni fid-dawl tal-kisbiet li jkunu saru permezz tal-PESCO, sabiex jirriflettu l-kapaċità u l-ħtiġijiet operazzjonali tal-Unjoni u l-ambjent tas-sigurtà kif jevolvi. Tali deċiżjoni ser tkun ibbażata fuq proċess ta’ rieżami strateġiku li jivvaluta l-issodisfar tal-impenji tal-PESCO.

7.

Fil-bidu tal-fażi li jmiss, il-Kunsill għandu jadotta sett ieħor ta’ objettivi aktar preċiżi għall-fażi 2021-2025, b’kont meħud tal-Artikolu 4(2)(c) tad-Deċiżjoni (PESK) 2017/2315.

8.

Wara l-adozzjoni ta’ Deċiżjoni mill-Kunsill fis-6 ta’ Marzu 2018 li tistabbilixxi l-lista ta’ proġetti li għandhom jiġu żviluppati taħt il-PESCO, l-Istati Membri parteċipanti għandhom jagħmlu sforzi sostanzjali biex jiddefinixxu objettivi u kronoloġiji għal kull proġett.

9.

Il-Kunsill għandu jaġġorna din il-lista sa Novembru 2018 biex tinkludi s-sett ta’ proġetti PESCO li jmiss, skont il-proċedura stabbilita fl-Artikolu 5 tad-Deċiżjoni (PESK) 2017/2315.

10.

Sussegwentement, bil-ħsieb ta’ implimentazzjoni sostenibbli u effettiva tal-PESCO, din il-proċedura biex jiġu vvalutati l-proġetti l-ġodda ppreżentati mill-Istati Membri parteċipanti għandha fil-prinċipju titlesta kull sena f’Novembru, wara sejħa għal proposti ta’ proġetti ġodda sal-bidu ta’ Mejju ta’ dik l-istess sena. Il-valutazzjoni tal-proposti ta’ proġetti PESCO mis-segretarjat tal-PESCO għandha ssegwi kriterji trasparenti li jkopru kemm il-perspettiva tal-kapaċità kif ukoll il-lat operazzjonali, u li għandhom jiġu żviluppati ultejorment mal-Istati Membri parteċipanti. F’konformità mal-Artikolu 5 tad-Deċiżjoni (PESK) 2017/2315, il-Kumitat Militari tal-Unjoni Ewropea (EUMC) ser jipprovdi parir militari dwar ir-rakkomandazzjoni tar-Rappreżentant Għoli rigward l-identifikazzjoni u l-evalwazzjoni tal-proġetti PESCO.

11.

L-Istati Membri Parteċipanti li jkollhom l-intenzjoni li jipproponu proġett individwali għandhom jinfurmaw lill-Istati Membri parteċipanti l-oħra fi żmien debitu qabel ma jippreżentaw il-proposti tagħhom, sabiex jiksbu appoġġ u biex ikollhom l-opportunità li jissieħbu u jippreżentaw il-proposta b’mod kollettiv. Il-proposti dettaljati ta’ proġetti inkluż il-kronoloġiji għall-implimentazzjoni tagħhom għandhom jiġu ppreżentati b’mod li s-segretarjat tal-PESCO ikollu biżżejjed ħin biex jivvalutahom bil-ħsieb ta’ rakkomandazzjoni mir-Rappreżentant Għoli lill-Kunsill skont l-Artikolu 5(1) tad-Deċiżjoni (PESK) 2017/2315. Il-Kunsill jistieden lis-segretarjat tal-PESCO biex jiżviluppa mudell għall-proġetti li għandhom jiġu ppreżentati u biex jappoġġa lill-Istati Membri parteċipanti fid-distribuzzjoni tal-proposti ta’ proġetti PESCO individwali tagħhom lill-Istati Membri l-oħra.

12.

Is-sett komuni ta’ regoli ta’ governanza għall-proġetti skont l-Artikolu 4(2)(f) tad-Deċiżjoni (PESK) 2017/2315, li l-Istati Membri parteċipanti li jkunu qed jieħdu sehem fi proġett individwali jistgħu jadattaw skont kif neċessarju għal dak il-proġett, għandu jiġi adottat mill-Kunsill sa Ġunju 2018. Għandu jipprovdi qafas li jiżgura implimentazzjoni koerenti u konsistenti tal-proġetti PESCO u jinkludi modalitajiet biex il-Kunsill jiġi informat regolarment dwar l-iżvilupp ta’ proġetti individwali, skont l-Artikolu 5(2) tad-Deċiżjoni (PESK) 2017/2315, u biex jippermetti s-sorveljanza neċessarja mill-Kunsill. F’dan ir-rigward, ir-rwoli u r-responsabbiltajiet tal-Istati Membri parteċipanti, inkluż inter alia ir-rwol tal-osservaturi jekk xieraq, kif ukoll tas-segretarjat tal-PESCO għandhom jiġu speċifikati ulterjorment. Dan il-qafas għandu jipprovdi wkoll gwida ġenerali lill-parteċipanti fit-tfassil tal-arranġamenti xierqa għall-ġestjoni ta’ kull proġett, f’konformità mal-Artikolu 5(3) tad-Deċiżjoni (PESK) 2017/2315. F’dan il-kuntest, il-Kunsill ser ukoll jerġa’ lura sa Ġunju 2018 għall-kwsitjoni tal-funzjonijiet ta’ koordinament tal-Istati Membri parteċipanti fl-ambitu tal-proġetti.

13.

Skont l-Artikoli 4(2)(g) u 9(1) tad-Deċiżjoni (PESK) 2017/2315, il-Kunsill ser jadotta deċiżjoni li tistabbilixxi, fi żmien debitu, il-kondizzjonijiet ġenerali li skonthom Stati terzi jistgħu eċċezzjonalment ikunu mistiedna jipparteċipaw fi proġetti individwali; u ser jiddetermina skont l-Artikolu 9(2) tad-Deċiżjoni (PESK) 2017/2315 jekk Stat terz partikolari jissodisfax dawn il-kondizzjonijiet. Il-ħidma biex jiġu żviluppati dawn il-kondizzjonijiet ġenerali għandha tibda hekk kif jiġu stabbiliti, sa Ġunju 2018, is-sett komuni ta’ regoli ta’ governanza għall-proġetti u l-iffissar tas-sekwenza tal-issodisfar tal-impenji, u, soġġett għal valutazzjoni ulterjuri mill-Kunsill, fil-prinċipju għandha tiġi adottata Deċiżjoni qabel tmiem l-2018.

14.

Skont l-Artikolu 6(3) tad-Deċiżjoni (PESK) 2017/2315, u abbażi ta’ pjanijiet ta’ implimentazzjoni nazzjonali aġġornati ppreżentati mill-Istati Membri parteċipanti, ir-Rappreżentant Għoli ser tippreżenta rapport annwali lill-Kunsill li jiddeskrivi l-istat ta’ implimentazzjoni tal-PESCO, u inkluż l-issodisfar, minn kull Stat Membru parteċipanti, tal-impenji tiegħu, f’konformità mal-pjan ta’ implimentazzjoni nazzjonali tiegħu. Dan għandu jiffoka fuq l-azzjonijiet konkreti u l-provvedimenti meħuda mill-Istati Membri parteċipanti biex jissodisfaw l-impenji tagħhom, inkluż permezz ta’ proġetti PESCO, u abbażi ta’ objettivi aktar preċiżi u s-sekwenza definita għaż-żewġ fażijiet inizjali konsekuttivi. F’dan il-kuntest, is-segretarjat tal-PESCO huwa mistieden jipprovdi l-mudell aġġornat għall-pjanijiet ta’ implimentazzjoni nazzjonali.

L-Istati Membri parteċipanti għandhom jinkludu fil-pjanijiet ta’ implimentazzjoni nazzjonali tagħhom informazzjoni dwar l-azzjonijiet konkreti u l-provvedimenti meħuda biex jissodisfaw l-impenji tagħhom, inkluż informazzjoni dwar il-kontribuzzjonijiet għall-proġetti. Barra minn hekk, konsultazzjonijiet informali jistgħu jgħinu biex jiċċaraw l-informazzjoni pprovduta fihom.

15.

Ir-Rappreżentant Għoli għandha tippreżenta l-ewwel rapport annwali tagħha f’April 2019 jew mill-anqas qabel il-Kunsill Affarijiet Barranin rilevanti fl-ewwel semestru tas-sena sabiex jitqiesu l-pjanijiet ta’ implimentazzjoni nazzjonali aġġornati ppreżentati mill-Istati Membri parteċipanti sal-10 ta’ Jannar 2019. Mill-2020, ir-rapport annwali għandu jiġi ppreżentat f’Marzu jew April, b’kont meħud tal-pjan ta’ implimentazzjoni nazzjonali rivedut u aġġornat ippreżentat f’Jannar tal-istess sena.

16.

Abbażi tar-rapport ipprovdut mir-Rappreżentant Għoli, l-EUMC għandu jipprovdi parir militari u rakkomandazzjonijiet lill-Kumitat Politiku u ta’ Sigurtà biex dan ikun jista’ jħejji r-rieżami tal-Kunsill dwar jekk l-Istati Membri parteċipanti jkunux għadhom jissodisfaw l-impenji l-aktar vinkolanti, sa Mejju ta’ kull sena. F’dan il-kuntest, il-Kunsill għandu jirrieżamina wkoll il-progress li jkun sar fl-issodisfar tal-Livell ta’ Ambizzjoni tal-Unjoni, biex b’hekk tissaħħaħ il-kapaċità tal-Unjoni li taġixxi bħala fornitur tas-sigurtà u l-awtonomija strateġika tagħha, u tissaħħaħ il-kapaċità tagħha li tikkoopera mas-sħab u li tipproteġi ċ-ċittadini tagħha.

8.3.2018   

MT

Il-Ġurnal Uffiċjali tal-Unjoni Ewropea

C 88/5

8.3.2018   

MT

Il-Ġurnal Uffiċjali tal-Unjoni Ewropea

C 88/7

8.3.2018   

MT

Il-Ġurnal Uffiċjali tal-Unjoni Ewropea

C 88/8

(1)

Fl-4 ta’ Settembru 2017, l-Awtorità rċeviet sottomissjoni mill-Mouvement pour une Europe des nations et des libertés (“MENL”) f’isem il-Fondation pour une Europe des nations et des libertés (“FENL”) għar-reġistrazzjoni ta’ din tal-aħħar bħala fondazzjoni politika Ewropea (“is-sottomissjoni”),

(2)

F’dak il-waqt, l-MENL kien għadu ma jikkostitwixxix partit politiku Ewropew skont it-termini tar-Regolament (UE, Euratom) Nru 1141/2014, minħabba li kien għadu ma ġiex irreġistrat skont il-kundizzjonijiet u l-proċeduri stabbiliti f’dan ir-Regolament,

(3)

Fit-8 ta’ Settembru 2017, l-Awtorità bagħtet lill-MENL u lill-FENL valutazzjoni preliminari skont l-Artikolu 34 tar-Regolament (UE, Euratom) Nru 1141/2014 (“l-ewwel valutazzjoni preliminari”), li fiha rreferiet għall-Artikolu 8(1) ta’ dak ir-Regolament, skont liema fondazzjoni tista’ tapplika biss biss permezz tal-partit politiku Ewropew li miegħu l-applikant huwa formalment assoċjat,

(4)

Fl-ewwel valutazzjoni preliminari, l-Awtorità kienet tal-fehma preliminari li, bla preġudizzju għall-kwistjoni ta’ jekk is-sottomissjoni kellhiex tiġi kkunsidrata bħala applikazzjoni skont ir-Regolament (UE, Euratom) Nru 1141/2014, is-sottomissjoni kienet inammissibbli jew, alternattivament, ma kenitx tissodisfa tal-anqas waħda mill-kundizzjonijiet stabbiliti fl-Artikolu 3(2) ta’ dak ir-Regolament,

(5)

Fit-18 ta’ Settembru 2017, l-Awtorità nnotifikat lill-MENL bid-deċiżjoni tagħha tal-14 ta’ Settembru 2017 li tirreġistrah bħala partit politiku Ewropew skont ir-Regolament (UE, Euratom) Nru 1141/2014 u, fl-istess jum, l-Awtorità rċeviet applikazzjoni mill-FENL (“l-applikant”) biex din tiġi rreġistrata bħala fondazzjoni politika Ewropea (“l-applikazzjoni”),

(6)

Fl-20 ta’ Settembru 2017, fil-kuntest ta’ telefonata, l-Awtorità informat lill-applikant li kienet tqis li l-applikazzjoni kienet ħadet post is-sottomissjoni tal-4 ta’ Settembru 2017,

(7)

Fil-25 ta’ Settembru 2017, l-Awtorità bagħtet lill-applikant valutazzjoni preliminari skont l-Artikolu 34 tar-Regolament (UE, Euratom) Nru 1141/2014 (“it-tieni valutazzjoni preliminari”), li fiha rreferiet għall-Artikolu 3(3) ta’ dak ir-Regolament, skont liema kull partit politiku Ewropew u fondazzjoni politika Ewropea affiljata miegħu għandhom jiżguraw separazzjoni bejn il-ġestjoni ta’ kuljum, l-istrutturi ta’ tmexxija u l-kontijiet finanzjarji rispettivi tagħhom,

(8)

Fit-tieni valutazzjoni preliminari, l-Awtorità kienet tal-fehma preliminari li l-applikazzjoni ma kenitx tissodisfa tal-anqas waħda mill-kundizzjonijiet stabbiliti fl-Artikolu 3(3) tar-Regolament (UE, Euratom) Nru 1141/2014 minħabba li sebgħa mit-tmien tal-membri tal-bord tad-diretturi tal-applikant kienu, fl-istess waqt, membri tal-bord tal-MENL,

(9)

Fis-27 ta’ Settembru 2017, l-applikant ħabbar pubblikament li kien fil-proċess li jirriorganizza l-kompożizzjoni tal-bord biex inaqqas id-duplikazzjoni mal-bord tal-MENL bil-għan li jikkonforma mal-Artikolu 3(3) tar-Regolament (UE, Euratom) Nru 1141/2014 sa mhux aktar tard mid-19 ta’ Ottubru 2017,

(10)

Fit-28 ta’ Settembru 2017, l-applikant ippreżenta sottomissjoni li fiha rrefera għat-tħabbira pubblika tiegħu u ta aktar dettalji dwar il-proċess ta’ riorganizzazzjoni tal-kompożizzjoni tal-bord tiegħu li kien għaddej bih biex inaqqas id-duplikazzjoni mal-bord tal-MENL, bil-għan li jikkonforma mal-Artikolu 3(3) tar-Regolament (UE, Euratom) Nru 1141/2014,

(11)

L-Awtorità tqis li t-tħabbira pubblika magħmula mill-applikant, li kienet indirizzata lill-pubbliku ġenerali, flimkien mal-azzjonijiet diġà mwettqa mill-applikant biex jimplimenta dik it-tħabbira, jikkostitwixxu elementi fattwali li jridu jiġu meqjusa f’dan il-każ, flimkien mal-elementi l-oħra kollha fil-fajl,

(12)

Jekk l-applikant jonqos milli jimplimenta t-tħabbira pubblika tiegħu, l-Awtorità tkun intitolata tirrevoka din id-deċiżjoni ta’ reġistrazzjoni, peress li din tal-aħħar tkun ibbażata fuq informazzjoni inkorretta jew żvijanti,

(13)

L-applikant issottometta wkoll dokumenti li juru li jissodisfa l-kundizzjonijiet stabbiliti fl-Artikolu 3 tar-Regolament (UE, Euratom) Nru 1141/2014, id-dikjarazzjoni fil-forma stabbilita fl-Anness għal dak ir-Regolament, u l-istatuti tal-applikant, li fihom id-dispożizzjonijiet rikjesti mill-Artikolu 5 ta’ dak ir-Regolament,

(14)

L-applikant ippreżenta dokumenti addizzjonali bi qbil mal-Artikoli 1 u 2 tar-Regolament Delegat tal-Kummissjoni (UE, Euratom) 2015/2401 (2),

(15)

Skont l-Artikolu 9 tar-Regolament (UE, Euratom) Nru 1141/2014, l-Awtorità eżaminat l-applikazzjoni u d-dokumentazzjoni ta’ sostenn imressqa, u tqis li mhuwiex stabbilit li l-applikant ma jissodisfax il-kundizzjonijiet għar-reġistrazzjoni stipulati fl-Artikolu 3 ta’ dak ir-Regolament jew li l-istatuti ma fihomx id-dispożizzjonijiet rikjesti mill-Artikolu 5 ta’ dak ir-Regolament,

Fondation pour une Europe des nations et des libertés

75, Boulevard Haussmann,

75008 Paris

FRANCE

8.3.2018   

MT

Il-Ġurnal Uffiċjali tal-Unjoni Ewropea

C 88/16

Data tal-adozzjoni tad-deċiżjoni

:

L-14 ta’ Diċembru 2017

Każ Nru

:

81383

Deċiżjoni Nru

:

213/17/COL

Stat tal-EFTA

:

Il-Liechtenstein

Reġjun

:

Il-Liechtenstein

Titlu (u/jew isem il-benefiċjarju)

:

L-Att dwar l-Appoġġ tal-Midja 2018-2023

Bażi ġuridika

:

L-Att dwar l-Appoġġ tal-Midja tal-21 ta’ Settembru 2006 (Medienförderungsgesetz)

Tip ta’ miżura

:

Skema

Objettiv

:

Kultura

Forma ta’ għajnuna

:

Għotja diretta

Baġit

:

CHF 11,04 miljun, fis-sena CHF 1,84 miljun

Intensità

:

25 %–40 %

Durata

:

2018–2023

Setturi ekonomiċi

:

Informazzjoni u komunikazzjoni

Isem u indirizz tal-awtorità awtorizzanti

:

Aktar informazzjoni

:

8.3.2018   

MT

Il-Ġurnal Uffiċjali tal-Unjoni Ewropea

C 88/17

Data tal-adozzjoni tad-deċiżjoni

:

L-14 ta’ Diċembru 2017

Numru tal-każ

:

80770

Deċiżjoni Nru

:

214/17/COL

Stat tal-EFTA

:

In-Norveġja

Titlu

:

Sistema tat-Taxxa Speċjali Norveġiża għat-Trasport Marittimu 2018–2027

Bażi ġuridika

:

L-Att Fiskali Norveġiż tas-26 ta’ Marzu 1999 Nru 14 Taqsima 8–10 u Taqsima 8–20

Tip ta’ miżura

:

Skema ta’ għajnuna

Objettiv

:

Promozzjoni tas-settur marittimu

Forma ta’ għajnuna

:

Eżenzjoni mit-taxxa

Baġit

:

NOK 200 miljun fis-sena

Durata

:

2018–2027

Setturi ekonomiċi

:

Trasport marittimu

Isem u indirizz tal-awtorità awtorizzanti

:

8.3.2018   

MT

Il-Ġurnal Uffiċjali tal-Unjoni Ewropea

C 88/18

Data tal-adozzjoni tad-deċiżjoni

:

Il-15 ta’ Diċembru 2017

Każ Nru

:

81263

Deċiżjoni Nru

:

225/17/COL

Stat tal-EFTA

:

In-Norveġja

Titlu (u/jew isem il-benefiċjarju)

:

Opzjonijiet ta’ ishma tal-impjegati

Bażi ġuridika

:

L-Att Fiskali Norveġiż Taqsima 5-14

Tip ta’ miżura

:

Skema ta’ għajnuna

Objettiv

:

Għajnuna lill-mikrointrapriżi

Forma ta’ għajnuna

:

Eżenzjoni mit-taxxa

Baġit

:

NOK 350 miljun fis-sena

Durata

:

2018-2027

Isem u indirizz tal-awtorità awtorizzanti

:

8.3.2018   

MT

Il-Ġurnal Uffiċjali tal-Unjoni Ewropea

C 88/19

EPSO/AD/356/18 — AMMINISTRATURI (AD 5)

8.3.2018   

MT

Il-Ġurnal Uffiċjali tal-Unjoni Ewropea

C 88/20

1.

Fit-28 ta’ Frar 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

Platinum Equity Group, takkwista fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Wyndham Vacation Rentals Europe kollha hemm hi.

Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   Platinum Equity Group: tispeċjalizza fl-għaqdiet, l-akkwist u t-tħaddim ta’ kumpaniji li jipprovdu servizzi u soluzzjonijiet lill-klijenti f’firxa wiesgħa ta’ negozji, inkluża t-teknoloġija tal-informazzjoni, it-telekomunikazzjonijiet, il-loġistika, is-servizzi tal-metall, il-manifattura u d-distribuzzjoni.

—   Wyndham Vacation Rentals Europe: attiva fis-settur tal-kirjiet tal-vaganzi b’servizz.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet taħt ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8825 — Platinum Equity Group/Wyndham Vacation Rentals Europe

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

8.3.2018   

MT

Il-Ġurnal Uffiċjali tal-Unjoni Ewropea

C 88/22

1.

Fit-28 ta’ Frar 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

IBM u Maersk jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ kumpanija ġdida li tikkostitwixxi f’impriża konġunta (joint venture, JV), GTD Operations LLC (il-“JV”, l-Istati Uniti tal-Amerka). Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   IBM: korporazzjoni multinazzjonali attiva madwar id-dinja kollha fl-iżvilupp, il-produzzjoni u l-kummerċjalizzazzjoni ta’ varjetà wiesgħa ta’ soluzzjonijiet tat-teknoloġija tal-informazzjoni (“IT”), li jikkonsistu f’software, sistemi (bħas-servers u sistemi ta’ ħażna), u servizzi (bħas-servizzi ta’ konsulenza lin- negozji u servizzi ta’ infrastruttura tal-IT).

—   Maersk: grupp internazzjonali b’attivitajiet fil-ġarr tal-containers bil-baħar, servizzi ta’ terminals tal-containers, rmonk fil-portijiet, loġistika kif ukoll diviżjoni separata tal-enerġija (b’mod partikolari t-tiftix għaż-żejt u l-gass, it-tħaffir, u t-tħaddim ta’ tankers).

—   il-JV: l-iżvilupp u l-kummerċjalizzazzjoni ta’ soluzzjoni ta’ diġitalizzazzjoni kummerċjali għall-katina dinjija tal-provvista ta’ bastimenti li se jipprovdu viżibbiltà tal-bastimenti minn tarf sa tarf u ġestjoni ta’ dokumenti għall-kummerċ dinji.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet taħt ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8742 — IBM/Maersk/GTD JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

8.3.2018   

MT

Il-Ġurnal Uffiċjali tal-Unjoni Ewropea

C 88/24

1.

Fl-1 ta’ Marzu 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha DK Telekommunikation ApS, konsorzju veikolu (il-konsorzju kompost minn MIRACo, PFA Holding, PKA Holding u ATP Holding), takkwista fis-sens tal-Artikolu 3(1)(b) tar-Regolament dwar l-Għaqdiet, tal-impriża TDC A/S (“TDC”, id-Danimarka) permezz ta’ offerta pubblika. Il-konsorzju huwa negattiv ikkontrollata minn Macquarie Group Limited (“Macquarie Group”, l-Awstralja), li ser ikollu wara t-tranżazzjoni l-kontroll esklussiv negattiv fuq TDC.

2.

L-attivitajiet kummerċjali tal-impriżi kkonċernati huma:

—   Macquarie Group: fornitur dinji ta’ servizzi bankarji, finanzjarji, konsultattivi, ta’ investiment u ta’ ġestjoni ta’ fondi kkwotati fil-Borża Awstraljana;

—   TDC: fornitur ta’ servizzi ta’ komunikazzjoni, kif ukoll it-televiżjoni u soluzzjonijiet ta’ divertiment domestiku primarjament għas-swieq residenzjali u kummerċjali fid-Danimarka u n-Norveġja.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet taħt ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8843 — Macquarie Group/TDC A/S, f’dan l-indirizz: