12.3.2016   

MT

Il-Ġurnal Uffiċjali tal-Unjoni Ewropea

C 97/1

(1)

L-amplifikazzjoni proċiklika ta’ xokkijiet finanzjarji għall-ekonomija reali permezz tas-sistema bankarja u s-swieq finanzjarji kienet wieħed mill-elementi l-aktar distabilizzanti tal-kriżi finanzjarja globali. Tnaqqis ekonomiku wara perjodu ta’ tkabbir eċċessiv tal-kreditu jista’ jwassal għal telf kbir fis-settur bankarju u jagħti bidu għal ċirku vizzjuż. F’sitwazzjoni bħal din, il-passi meħuda minn istituzzjonijiet ta’ kreditu biex isaħħu l-karti tal-bilanċ tagħhom jistgħu jirrestrinġu l-provvista ta’ kreditu għall-ekonomija reali, biex b’hekk jiġi aggravat it-tnaqqis ekonomiku u jkomplu jiddgħajfu l-karti tal-bilanċ tagħhom.

(2)

Ir-riżerva kapitali kontroċiklika hija ddisinjata li taħdem kontra dawn id-dinamiċi proċikliċi billi tiżdied ir-reżiljenza tas-settur bankarju. Ir-regoli li jeħtieġu ż-żamma ta’ riżervi ta’ kapital kontroċikliċi jifformaw parti mill-istandards regolatorji globali ġodda fuq l-adegwatezza kapitali bankarja (il-qafas Basel III) maħruġa mill-Kumitat ta’ Basel dwar is-Superviżjoni Bankarja (BCBS) f’Diċembru 2010 u implimentati fl-Unjoni bid-Direttiva 2013/36/UE. Biż-żieda tar-rata ta’ riżerva kontroċiklika, awtoritajiet jew korpi pubbliċi nominati jistgħu jeħtieġu li s-settur bankarju jibni kapital addizjonali f’perijodi meta r-riskji mas-sistema kollha minn tkabbir ta’ kreditu eċċessiv qegħdin jiżdiedu. Meta dawn ir-riskji jimmaterjalizzaw, l-awtortiatjiet jistgħu jiffissaw ir-rata tar-riżerva tal-kapital kontroċiklika f’rata iktar baxxa u jippermettu din ir-riżerva ta’ kapital addizzjonali tintuża biex tassorbi telf mhux mistenni. Dan jippermetti lis-settur bankarju li jkompli jipprovdi kreditu lill-ekonomija reali u biex ikun hemm konformità mar-rekwiżiti tal-kapital regolatorju.

(3)

Is-self transkonfinali jġib dimensjoni internazzjonali għar-riżerva ta’ kapital kontroċiklika. It-telf jista’ jirriżulta minn skoperturi tas-setturi bankarji domestiċi tal-Istati Membri lil pajjiżi terzi. Dan it-telf jista’ jkun sinjifikanti jekk pajjiż terz li miegħu s-settur bankarju domestiku tal-Istat Membru għandu skoperturi materjali jidħol fi tnaqqis ekonomiku wara perijodi ta’ tkabbir ta’ kreditu eċċessiv.

(4)

Il-qafas Basel III dwar ir-riżerva kapitali kontroċiklika huwa ddisinjat biex jaqbad din id-dimensjoni internazzjonali. B’mod partikolari, skont il-qafas, il-ġurisdizzjonijiet għandhom jirrikonoxxu r-rati tar-riżerva ta’ kapital kontroċikliċi ta’ xulxin. Jekk awtorità f’ġurisdizzjoni waħda żżid ir-rata tar-riżerva ta’ kapital kontroċiklika biex tipproteġi s-settur bankarju domestiku tagħha minn tkabbir ta’ kreditu eċċessiv, l-awtoritajiet f’ġurisdizzjonijiet oħrajn għandhom japplikaw l-istess rata tar-riżerva ta’ kapital kontroċiklika fl-iskoperturi tal-banek domestiċi tagħhom lil dak il-pajjiż. Skont il-qafas, il-banek jikkalkulaw ir-rekwiżiti tar-riżervi ta’ kapital tagħhom fuq il-bażi tal-post ġeografiku tal-iskoperturi tagħhom. Il-qafas Basel III jipprovdi għal reċiproċità ġurisdizzjonali obbligatorja għal rati tar-riżerva ta’ kapital kontroċikliċi sa 2,5 %, bla ħsara għal dispożizzjonijiet tranżitorji. Jekk applikata b’mod konsistenti fil-ġurisdizzjonijiet kollha, din ir-reċiproċità ġurisdizzjonali tgħin biex tipproteġi lis-settur bankarju f’ġurisdizzjoni partikolari mir-riskji assoċjati ma’ tkabbir ta’ kreditu eċċessiv f’ġurisdizzjonijiet oħrajn.

(5)

Billi l-istandards BCBS ma humiex legalment vinkolanti, il-ġurisdizzjonijiet fid-dinja jistgħu ma jimplimentawx ir-riżerva tal-kapital kontroċikklika bl-istess mod. Jistgħu jdumu biex jimplimentawha jew ma jimplimentawha xejn. Fl-Unjoni, l-Artikolu 136 tad-Direttiva 2013/36/UE jipprevedi l-mod kif awtortiajiet nominati għandhom jiffissaw rati tar-riżerva ta’ kapital kontroċikliċi għal skoperturi domestiċi. Iktar gwida fuq l-iffissar tar-rati tar-riżerva ta’ kapital kontroċikliċi għall-iskoperturi domestiċi, kif meħtieġ mill-Artikolu 135 tad-Direttiva 2013/36/UE, hija pprovduta fir-Rakkomandazzjoni BERS/2014/1 tal-Bord Ewropew dwar ir-Riskju Sistemiku (4). Fl-Unjoni, qafas legali komuni ddisinjat biex jegħleb it-tendenza għal nuqqas ta’ azzjoni qiegħed b’hekk fis-seħħ, u l-iffissar trimestrali tar-rati tar-riżerva ta’ kapital kontroċikliċi għall-iskoperturi domestiċi se jkunu obbligatorji mill-2016. Iżda, hemm inċertezza dwar jekk u sa fejn pajjiżi terzi li ma humiex membri tal-BCBS se jimplimentaw ir-riżerva ta’ kapital kontroċiklika.

(6)

L-awtoritajiet innominati għandhom setgħat legali biex jipproteġu s-setturi bankarji tagħhom minn riskji ġejjin minn tkabbir ta’ kreditu eċċessiv f’pajjiżi terzi. B’mod partikolari, l-Artikolu 139 tar-Direttiva 2013/36/UE jippermetti awtoritajiet innominati f’ċerti ċirkustanzi li jiffissaw rata tar-riżerva ta’ kapital kontroċiklika għall-iskoperturi lil pajjiż terz li domestikament istituzzjonijiet awtorizzati għandhom japplikaw biex jikkalkolaw ir-riżerva ta’ kapital kontroċiklika speċifika għall-istituzzjoni tagħhom. Awtorità nnominata tista’ taġixxi f’sitwazzjonijiet fejn rata tar-riżerva ta’ kapital kontroċiklika ma kinitx iffissata u ppubblikata mill-awtorità tal-pajjiż terz rilevanti għal dak il-pajjiż, jew jekk tikkunsidra li r-rata tar-riżerva ta’ kapital kontroċiklika ffissata mill-awtorità tal-pajjiż terz rilevanti għal dak il-pajjiż terz ma hijiex biżżejjed biex tipproteġi s-setturi bankarji domestiċi tal-Istati Membri minn telf potenzjali assoċjat ma’ tkabbir ta’ kreditu eċċessiv fil-pajjiż terz inkwisjtoni.

(7)

L-iffissar ta’ rati tar-riżerva ta’ kapital kontroċikliċi għal skoperturi lil pajjiżi terzi jista’, jekk isir b’mod mhux kkoordinat, jirriżulta f’rekwiżiti kapitali differenti ġewwa l-Unjoni għal skoperturi lill-istess pajjiż terz u l-istess riskji. Meta ssir analiżi tal-iżviluppi f’pajjiż terz, l-awtoritajiet innominati jistgħu jaslu għal konklużjonijiet differenti dwar jekk it-tkabbir ta’ kreditu f’dak il-pajjiż huwiex eċċessiv u joħloqx riskju għas-sistema bankarja domestika tagħhom li hemm bżonn jittaffa. Anki jekk awtoritajiet innominati jaslu għall-istess valutazzjoni tar-riskju, jistgħu jaslu għal konklużjonijiet differenti dwar il-livell tar-rata tar-riżerva ta’ kapital kontroċiklika xierqa neċessarja biex ittaffi r-riskju.

(8)

Ir-rikonoxximent tar-rati tar-riżerva ta’ kapital kontroċikliċi għal skoperturi lil pajjiżi terzi jista’, jekk isir b’mod mhux kkoordinat, jirriżulta wkoll f’rekwiżiti kapitali differenti ġewwa l-Unjoni. Ir-rikonoxximent ta’ rati tar-riżerva ta’ kapital kontroċikliċi ffissati minn awtortitajiet innominati oħrajn jew minn awtoritajiet ta’ pajjiż terz rilevanti huwa meħtieġ mil-liġi tal-Unjoni għal rati sa 2,5 % bla ħsara għal dispożizzjonijiet tranżitorji bejn l-2016 u l-2019 kif stabbilit fl-Artikolu 160 tad-Direttiva 2013/36/UE. Filwaqt li skont ir-Rakkomandazzjoni BERS/2014/1, l-awtoritajiet innominati ġeneralment għandhom jirrikonoxxu rati tar-riżerva ta’ kapital kontroċikliċi lil hinn minn livelli obbligatorji, dan japplika biss għar-rati tar-riżerva ta’ kapital kontroċikliċi ffissati minn awtoritajiet innominati f’ġurisdizzjonijiet ġewwa l-Unjoni, u mhux għal dawk iffissati minn awtoritajiet ta’ pajjiżi terzi rilevanti għal pajjiżi terzi. Dan ifisser li l-mod kif ir-rati tar-riżerva ta’ kapital kontroċikliċi ffissati mill-awtoritajiet tal-pajjiż terz rilevanti jiġu rrikonoxxuti jista’ jkun differenti ġewwa l-ġurisdizzjonijiet fl-Unjoni. B’mod partikolari, qabel l-2019, xi awtoritajiet innominati jistgħu jagħżlu li japplikaw dispożizzjonijiet tranżitorji, filwaqt li awtoritajiet innominati oħrajn jistgħu jagħżlu li jiddevjaw minnhom. Barra minn hekk, mill-2019, xi awtoritajiet innominati jistgħu jagħżlu li jirrikonoxxu volontarjament rati tar-riżerva ta’ kapital kontroċikliċi li jaqbżu 2,5 %, filwaqt li oħrajn jistgħu jagħżlu li ma jagħmlux hekk.

(9)

Rekwiżiti kapitali differenti ġewwa l-Unjoni għal skoperturi lill-istess pajjiż terz u l-istess riskji jkunu tipikament mhux mixtieqa, billi jimminaw kundizzjonijiet ugwali fl-Unjoni u jipprovdu opportunità għal arbitraġġ regolatorju. Istituzzjonijiet ta’ kreditu fil-ġurisdizzjonijiet tal-Unjoni fejn tapplika rata tar-riżerva ta’ kapital kontroċiklika għall-iskoperturi lil pajjiż terz partikolari minn dik applikabbli fil-ġurisdizzjonijiet oħrajn tal-Unjoni jkollhom inċentiv li jiksbu sehem mis-suq billi jiżdied is-self tagħhom lil dak il-pajjiż terz. Żieda bħal dik fis-self tista’ twassal għal skoperturi kkonċentrati kbar lil pajjiż terz partikolari mill-istituzzjonijiet ta’ kreditu f’ġurisdizzjoni partikolari. Fl-aħħar mill-aħħar, kundizzjonijiet mhux ugwali bħal dawk u l-inċentivi li jirriżultaw għall-arbitraġġ regolatorju jistgħu jheddu l-istabbiltà finanzjarja fl-Unjoni.

(10)

Il-Bord Ewropew dwar ir-Riskju Sistemiku (BERS) għandu rwol biex jiżgura li, fir-rigward ta’ pajjiż terz partikolari, l-istess rati tar-riżerva ta’ kapital kontroċikliċi għal skoperturi lil pajjiżi terzi japplikaw tipikament fi ħdan l-Unjoni. Il-BERS għandu mandat espliċitu li jikseb koerenza fuq dan skont l-Artikolu 139(3) tad-Direttiva 2013/36/UE. Il-BERS jikkunsidra li jista’ jaqdi bl-aħjar mod il-mandat tiegħu billi jippromwovi approċċ koerenti fi ħdan l-Unjoni għar-rikonoxximent u l-iffissar ta’ rati tar-riżerva ta’ kapital kontroċikliċi għal skoperturi lil pajjiżi terzi.

(11)

Din ir-Rakkomandazzjoni hija ddisinjata biex tiżgura li l-istess rata tar-riżerva ta’ kapital kontroċiklika għal espożizzjonijiet lil pajjiż terz partikolari japplika tipikament fi ħdan l-Unjoni. Hija tkopri: (a) ir-rikonoxximent minn awtoritajiet innominati ta’ rata tar-riżerva ta’ kapital kontroċiklika ffissata minn awtorità ta’ pajjiż terz rilevanti; (b) l-iffissar minn awtoritajiet innominati ta’ rata tar-riżerva ta’ kapital kontroċiklika għal skoperturi lil pajjiż terz; (c) l-iffissar minn awtoritajiet innominati ta’ rata tar-riżerva ta’ kapital kontroċiklika b’rata iktar baxxa meta riskji f’pajjiż terz partikolari jonqsu jew jimmaterjalizzaw; u (d) il-komunikazzjoni minn awtoritajiet innominati tar-rata tar-riżerva ta’ kapital kontroċiklika għal skoperturi lil pajjiż terz.

(12)

Ir-Rakkomandazzjoni A hija ddiżinjata biex tiżgura li l-awtoritajiet innominati tipikament jirrikonoxxu l-istess rata tar-riżerva kapitali kontroċiklika ffissata minn awtorità partikolari ta’ pajjiż terz għal dak il-pajjiż terz. Sabiex dan iseħħ, tibni fuq ir-rekwiżit stabbilit fil-liġi tal-Unjoni sabiex jiġu rrikonoxxuti għal kollox rati tar-riżerva ta’ kapital kontroċikliċi sa 2,5 %, bla ħsara għal ftehim tranżitorji. Huwa rrakkomandat li l-awtoritajiet innominati jikkoordinaw ir-rikonoxximent tagħhom tar-rati ta riżerva kontroċikliċi ffissati f’iżjed minn 2,5 % permezz tal-BERS. Meta jiġri dan, il-BERS joħroġ rakkomandazzjoni sabiex jipprovdi gwida lill-awtoritajiet innominati dwar jekk u sa fejn ir-rata tar-riżerva ta’ kapital kontroċiklika ffissata minn pajjiż terz għandha tiġi rrikonoxxuta. Filwaqt li l-iffissar tar-rati ta riżerva kontroċikliċi minn pajjiżi terzi li huma membri tal-BERS jiġu mmoniterjati mis-Segretarjat tal-BERS, l-awtortitajiet innominati għandhom jinfurmaw lill-BERS meta pajjiż terz li ma huwiex membru tal-BCBS jiffissa rata tar-riżerva ta’ kapital kontroċiklika f’iktar minn 2,5 %. Huwa rrakkomandat ukoll li awtoritajiet innominati jinnotifikaw lill-BERS meta ma jkunux ċari dwar jekk miżura partikolari adottata minn pajjiż terz għandhiex tiġi rrikonoxxuta skont id-Direttiva 2013/36/UE bħala riżerva ta’ kapital kontroċikliku. F’dawn il-każijiet, il-BERS joħroġ rakkomandazzjoni biex jipprovdi gwida.

(13)

Ir-Rakkomandazzjoni B hija ddisinjata biex tiżgura li l-awtoritajiet innominati, meta jeżerċitaw is-setgħat tagħhom biex jiffissaw rata tar-riżerva ta’ kapital kontroċiklika għal skoperturi lil pajjiż terz partikolari, jiffissaw din ir-rata fl-istess livell. L-awtoritajiet innominati huma inkoraġġiti li jeżerċitaw il-poteri tagħhom skont l-Artikolu 139 tad-Direttiva 2013/36/UE. B’mod partikolari, l-awtoritajiet innominati għandhom jistabbilixxu ma’ liema pajjiżi terzi s-sistema bankarja fil-ġurisdizzjoni tagħhom għandhom skoperturi materjali. Barra minn hekk, għandhom jimmoniterjaw żviluppi f’dawk il-pajjiżi terzi għal sinjali ta’ tkabbir ta’ kreditu eċċessiv. Jekk l-awtoritajiet innominati jiskopru dawn is-sinjali f’wieħed minn dawk il-pajjiżi terzi li jimmoniterjaw u huma jikkunsidraw li jeħtieġ l-iffissar ta’ rata tar-riżerva ta’ kapital kontroċiklika għall-iskoperturi lil dak il-pajjiż terz, għandhom jinfurmaw lill-BERS. Jekk il-BERS jikkunsidra li azzjonijiet ta’ taffija għandhom jiġu kkoordinati fi ħdan l-Unjoni, għandu joħroġ rakkomandazzjoni lil awtoritajiet innominati fuq l-iffissar tar-rata tar-riżerva ta’ kapital kontroċiklika xierqa għal skoperturi lil pajjiżi terzi inkwistjoni.

(14)

Ir-Rakkomandazzjoni C hija ddisinjata biex tiżgura li, meta għandu jkun hemm iffissar tar-rata tar-riżerva ta’ kapital kontroċiklika għal skoperturi lil pajjiż terz partikolari b’rata iktar baxxa għaliex ir-riskji jew naqqsu jew immaterjalizzaw, l-istess rata tar-riżerva ta’ kapital kontroċiklika iktar baxxa tapplika fi ħdan l-Unjoni. Għal dan l-iskop, huwa rrakkomandat li, meta tiġi ffissata f’rata iktar baxxa r-rata tar-riżerva ta’ kapital kontroċiklika lil pajjiż terz partikolari, l-awtoritajiet innominati għandhom isegwu l-istess rotta li segwew meta żdiedet ir-rata tar-riżerva ta’ kapital kontroċiklika. Dan ifisser li, jekk l-awtoritajiet innominati rrikonoxxew jew iffissaw rata tar-riżerva ta’ kapital kontroċiklika għal skoperturi lil pajjiż terz skont rakkomandazzjoni tal-BERS, għandhom jaħdmu mal-BERS biex jiddeterminaw il-livell xieraq tar-rata tar-riżerva ta’ kapital kontroċiklika għall-iskoperturi lil pajjiżi terzi meta l-pajjiż terz inkwistjoni jiffissa f’livell iktar baxx ir-rata tar-riżerva ta’ kapital kontroċiklika. Meta jiġri dan, il-BERS għandu jadotta rakkomandazzjoni biex jipprovdi gwida lil awtoritajiet innominati dwar ir-rata tar-riżerva ta’ kapital kontroċiklika xierqa għal skoperturi lill-pajjiż terz inkwistjoni. Filwaqt li l-iffissar tar-rati ta riżerva kontroċikliċi minn pajjiżi terzi li huma membri tal-BERS jiġu mmoniterjati mill-BERS, l-awtortitajiet innominati għandhom jinfurmaw lill-BERS meta pajjiż terz li ma huwiex membru tal-BCBS jiffissa rata tar-riżerva ta’ kapital kontroċiklika f’rata iktar baxxa. Huwa rrakkomandat ukoll li, jekk, wara r-rakkomandazzjoni tal-BERS, l-awtoritajiet innominati rrikonoxxew jew iffissaw rata tar-riżerva ta’ kapital kontroċiklika għal skoperturi għal pajjiż terz, għandhom jinnotifikaw lill-BERS, jekk jikkunsidraw li r-riskji f’dak il-pajjiż terz naqqsu jew qed jimmaterjalizzaw.

(15)

Ir-Rakkomandazzjoni D hija ddisinjata biex tiżgura li deċiżjonijiet dwar rati tar-riżerva ta’ kapital kontroċikliċi għal espożizzjonijiet lil pajjiżi terzi jiġu kkommunikati b’mod ċar fi ħdan l-Unjoni. Dan għandu jgħin fil-ġestjoni tal-aspettattivi pubbliċi, jiġi żgurat li l-azzjonijiet bejn l-awtoritajiet innominati jistgħu jiġu kkoordinati u li l-kredibbiltà, ir-responsabbiltà u l-effettività tal-politika makroprudenzjali jittejbu. Sabiex dan jintlaħaq l-awtoritajiet innominati għandhom japplikaw l-istess prinċipju ffissat fir-Rakkomandazzjoni BERS/2014/1 għall-komunikazzjoni ta’ rati tar-riżerva kontroċikliċi għal skoperturi domestiċi għall-proċess tar-rikonoxximent, l-iffissar u t-tnaqqis tar-rati ta’ riżerva ta’ kapital kontroċikliċi għal skoperturi lil pajjiżi terzi.

(16)

Skont l-Artikolu 136 tad-Direttiva 2013/36/UE, kull Stat Membru huwa meħtieġ li jinnomina awtorità pubblika jew korp li jkun responsabbli għall-iffissar u r-rikonoxximent ta’ rati tar-riżerva ta’ kapital kontroċikliċi. Barra minn dan, ir-Regolament tal-Kunsill (UE) Nru 1024/2013 (5) jassenja kompiti speċifiċi lill-Bank Ċentrali Ewropew (BĊE). B’mod partikolari, il-BĊE jista’ japplika rekwiżiti ogħla għal riżervi kapitali kontroċikliċi minn dawk mill-awtoritajiet innominati nazzjonali li jipparteċipaw fil-Mekkaniżmu Superviżorju Uniku, u għandu s-setgħat u l-obbligi kollha li għandhom awtoritajiet innominati skont il-liġi tal-Unjoni relevanti. Għal dan l-iskop esklużiv, il-BĊE huwa kkunsidrat bħala awtorità nnominata.

(17)

Ir-rakkomandazzjonijiet tal-BERS huma ppubblikati wara li l-Bord Ġenerali jkun informa lill-Kunsill bl-intenzjoni tiegħu li jagħmel dan u jkun ipprovda lill-Kunsill b’opportunità biex jirreaġixxi.

1.

Meta awtorità ta’ pajjiż terz rilevanti tiffissa rata tar-riżerva ta’ kapital kontroċiklika għal dak il-pajjiż terz b’iżjed minn 2,5 %, l-awtoritajiet innominati huma rrakkomandati li jinfurmaw minnufih lill-BERS sabiex jitolbu gwida dwar rikonoxximent uniformi ġewwa l-Unjoni, sakemm ir-rata tapplika għal pajjiż li huwa membru tal-BCBS jew il-BERS ikunu infurmati diġà dwar rata tar-riżerva ta’ kapital kontroċiklika partikolari minn awtorità nnominata oħra. L-awtoritajiet innominati huma rrakkomandati li jużaw il-mudell fl-Anness I ta’ din ir-Rakkomandazzjoni biex jinfurmaw lill-BERS.

2.

Meta l-awtoritajiet innominati ma jkunux ċari jekk miżura partikolari adottata minn awtorità ta’ pajjiż terz għandhiex tiġi rrikonoxxuta skont id-Direttiva 2013/36/UE bħala rata tar-riżerva ta’ kapital kontroċiklika, l-awtoritajiet innominati huma rrakkomandati li jinfurmaw minnufih lill-BERS, sakemm il-BERS ma jkunx diġà ġie infurmat minn awtorità nnominata oħra. L-awtoritajiet innominati huma rrakkomandati li jużaw il-mudell fl-Anness I ta’ din ir-Rakkomandazzjoni biex jinfurmaw lill-BERS.

1.

L-awtoritajiet innominati huma rrakkomandati li jidentifikaw pajjiżi terzi materjali fuq bażi annwali. Din l-identifikazzjoni għandha tkun ibbażata fuq, imma mhux neċessarjament limitata għal, informazzjoni kwantitattiva fuq l-iskoperturi ta’ istituzzjonijiet awtorizzati domestikament lil pajjiżi terzi. L-awtoritajiet innominati huma rrakkomandati li jissottomettu lista ta’ dan il-materjal lil pajjiżi terzi lill-BERS fit-tieni trimestru ta’ kull sena bl-użu tal-mudell fl-Anness II ta’ din ir-Rakkomandazzjoni.

2.

L-awtoritajiet innominati huma rakkomandati li jimmoniterjaw ir-riskji minn tkabbir ta’ kreditu eċċessiv f’pajjiż terzi materjali identifikati skont il-paragrafu 1, bħala minimu, f’intervalli annwali, ħlief għal pajjiżi li huma mmoniterjati mill-BERS skont id-Deċiżjoni BERS/2015/3 (6). L-awtoritajiet innominati huma rakkomandati li jinnotifikaw lill-BERS b’każijiet fejn jiddeċiedu li ma jimmoniterjawx pajjiż terz materjali għaliex dak il-pajjiż diġà qed jiġi mmoniterjat mill-BERS skont id-Deċiżjoni BERS/2015/3. L-awtoritajiet innominati huma rrakkomandati li jużaw il-mudell fl-Anness II ma’ din ir-Rakkomandazzjoni biex jinnotifikaw lill-BERS b’dawn il-każijiet.

3.

L-awtoritajiet innominati huma rrakkomandati li jinnotifikaw lill-BERS b’sitwazzjonijiet fejn jikkunsidraw li awtorità ta’ pajjiż terz rilevanti għandha tiffissa u tippubblika rata tar-riżerva ta’ kapital kontroċiklika għal dak il-pajjiż terz, jew fejn il-livell tar-rata tar-riżerva ta’ kapital kontroċiklika ffissata u ppubblikata minn awtorità ta’ pajjiż terz rilevanti għal dak il-pajjiż terz mhuwiex ikkunsidrat biżżejjed għall-protezzjoni ta’ istituzzjonijiet finanzjarji domestiċi mir-riskji ta’ tkabbir ta’ kreditu eċċessiv fil-pajjiż terz inkwistjoni. L-awtoritajiet innominati huma rrakkomandati li jużaw il-mudell fl-Anness I ta’ din ir-Rakkomandazzjoni biex jinfurmaw lill-BERS bih.

1.

Jekk rata tar-riżerva ta’ kapital kontroċiklika ffissata minn awtorità ta’ pajjiż terz rilevanti għal dak il-pajjiż terz tiġi rrikonoxxuta fuq il-bażi ta’ rakkomandazzjoni tal-BERS, u l-awtorità tal-pajjiż terz rilevanti tiffissa r-rata tar-riżerva ta’ kapital kontroċiklika b’rata iktar baxxa, l-awtoritajiet innominati huma rrakkomandati li jinfurmaw minnufih lill-BERS sabiex jitolbu gwida fuq ir-rikonoxximent uniformi jew l-iffissar ta’ rati ta’ riżerva ta’ kapital kontroċikliċi ġodda, sakemm ir-rata inkwistjoni tapplika għal pajjiż li huwa membru tal-BCBS, jew il-BERS kien informat diġà bir-rata tar-riżerva ta’ kapital kontroċiklika ġdida iktar baxxa minn awtorità nnominata oħra. L-awtoritajiet innominati huma rrakkomandati li jużaw il-mudell fl-Anness I ta’ din ir-Rakkomandazzjoni biex jinfurmaw lill-BERS bih.

2.

Jekk l-awtorità tal-pajjiż terz rilevanti tiffissa r-rata tar-riżerva ta’ kapital kontroċiklika f’rata iktar baxxa u r-rata tar-riżerva ta’ kapital kontroċiklika li tapplika għall-iskoperturi lil dak il-pajjiż terz kienet ffissata fuq rakkomandazzjoni tal-BERS, l-awtoritajiet innominati huma rrakkomandati li jinfurmaw minnufih lill-BERS b’dan sabiex jitolbu gwida dwar jekk għandhiex tiġi applikata rata tar-riżerva ta’ kapital kontroċiklika iktar baxxa lil skoperturi lil dak il-pajjiż terz, sakemm ir-rata inkwistjoni tapplika għal pajjiż li huwa membru tal-BCBS jew il-BERS ikun diġà ġie infurmat bir-rata tar-riżerva ta’ kapital kontroċiklika iktar baxxa ġdida minn awtorità nnominata oħra. L-awtoritajiet innominati huma rrakkomandati li jużaw il-mudell fl-Anness I ta’ din ir-Rakkomandazzjoni biex jinfurmaw lill-BERS bih.

3.

Jekk ir-rata tar-riżerva ta’ kapital kontroċiklika li tapplika l-iskoperturi lil pajjiż terz ġiet iffisata fuq il-bażi ta’ rakkomandazzjoni tal-BERS, u awtorità nnominata tikkunsidra li r-riskji qed jimmaterjalizzaw jew jonqsu, dik l-awtorità nnominata hija rrakkomandata li tinnotifika minnufih lill-BERS biha sabiex titlob gwida dwar jekk rata tar-riżerva ta’ kapital kontroċiklika iktar baxxa għandhiex tiġi applikata għal skoperturi lil dak il-pajjiż terz, sakemm il-BERS diġà ġie infurmat biha minn awtorità nnominata oħra. L-awtoritajiet innominati huma rrakkomandati li jużaw il-mudell fl-Anness I ta’ din ir-Rakkomandazzjoni biex jinfurmaw lill-BERS bih.

(a)

“rata tar-riżerva ta’ kapital kontroċiklika” għandha l-istess tifsira bħal fl-Artikolu 128(7) tad-Direttiva 2013/36/UE;

(b)

“awtorità nnominata” għandha l-istess tifsira mogħtija fir-Rakkomandazzjoni BERS/2014/1;

(c)

“istituzzjoni awtorizzata domestikament” tfisser istituzzjoni li tkun ġiet awtorizzata fl-Istat Membru, li għaliha awtorità nnominata partikolari tkun responsabbli għall-iffissar tar-rata tar-riżerva ta’ kapital kontroċiklika;

(d)

“skoperturi materjali” ifissru skoperturi li potenzjalment jistgħu jirriżultaw f’telf sostanzjali għal istituzzjonijiet awtorizzati domestiċi f’ġurisdizzjoni partikolari, li jaffettwaw b’mod negattiv l-istabbiltà finanzjarja f’dik il-ġurisdizzjoni;

(e)

“pajjiż terz materjali” ifisser pajjiż terz li għalihom għandhom skoperturi materjali istituzzjonijiet awtorizzati domestikament;

(f)

“awtorità ta’ pajjiż terz rilevanti” tfisser l-awtorità jew korp pubbliku responsabbli għall-iffissar ta’ rati tar-riżerva ta’ kapital kontroċikliċi ġewwa pajjiż terz;

(g)

“pajjiż terz” ifisser kull ġurisdizzjoni barra miż-Żona Ekonomika Ewropea.

(a)

informazzjoni dwar it-tip ta’ azzjoni meħuda u meta ssir;

(b)

valutazzjoni dwar jekk l-azzjonijiet meħuda laħqux l-oġġettivi ta’ din ir-Rakkomandazzjoni;

(c)

ġustifikazzjoni dettaljata ta’ kull nuqqas ta’ azzjoni jew devjazzjoni minn din ir-Rakkomandazzjoni, inkluża kull raġuni għad-dewmien fir-rapportar.

1.

Id-destinatarji huma mitluba li jirrappurtaw lill-BERS, lill-Kunsill u lill-Kummissjoni l-azzjonijiet li huma jkunu ħadu b’risposta għal din ir-Rakkomandazzjoni, jew li jiġġustifikaw kwalunkwe nuqqas ta’ azzjoni, kif speċifikat fl-iskadenzi li jidhru hawn taħt.

2.

Rakkomandazzjoni A – Awtortitajiet innominati huma mitluba li jimplimentaw minnufih ir-Rakkomandazzjoni A(1) u A(2) fil-każ li s-sitwazzjoni prevista fir-Rakkomandazzjoni rilevanti tiġri, u jiġi sottomess rapport lill-BERS sal-31 ta’ Diċembru 2020 dwar l-implimentazzjoni tar-Rakkomandazzjoni A(1) u A(2).

3.

Rakkomandazzjoni B – L-awtoritajiet innominati huma mitluba:

4.

Rakkomandazzjoni C – L-awtoritajiet innominati huma mitluba li jimplimentaw minnufih ir-Rakkomandazzjoni C(1), C(2) u C(3) fil-każ li s-sitwazzjoni prevista fir-Rakkomandazzjoni rilevanti tiġri, u sal-31 ta’ Diċembru 2020, jirrapportaw lill-BERS dwar l-implimentazzjoni tar-Rakkomandazzjoni C(1), C(2) u C(3).

5.

Rakkomandazzjoni D – L-awtoritajiet innominati huma mitluba li jirrapportaw lill-BERS sal-31 ta’ Diċembru 2016 dwar l-implimentazzjoni tar-Rakkomandazzjoni D.

6.

Il-Bord Ġenerali għandu jiddeċiedi meta din ir-Rakkomandazzjoni teħtieġ li tiġi rriveduta jew aġġornata fid-dawl ta’ esperjenza miksuba fl-iffissar u r-rikonoxximent ta’ rati tar-riżerva ta’ kapital kontroċikliċi skont id-Direttiva 2013/36/UE jew fid-dawl ta’ żviluppi fi prattiki miftiehma internazzjonalment.

(a)

Is-Segretarjat tal-BERS:

(b)

Il-Bord Ġenerali jivvaluta l-azzjonijiet u l-ġustifikazzjonijiet irrapportati mill-indirizzati u jiddeċiedi jekk din ir-Rakkomandazzjoni ġietx segwita u jekk l-indirizzati kinux iġġustifikati b’mod adegwat jew le fin-nuqqas ta’ azzjoni tagħhom.

12.3.2016   

MT

Il-Ġurnal Uffiċjali tal-Unjoni Ewropea

C 97/9

(1)

Fl-Unjoni, is-sistema finanzjarja hija integrata sew. Dan ifisser li entitajiet barranin spiss jipprovdu servizzi finanzjarji transkonfinali. Fis-suq uniku, il-fornituri ta’ servizzi finanzjarji fi Stat Membru partikolari jistgħu jagħżlu bejn li jiprpovdu servizzi finanzjarji permezz ta’ sussidjarji jew friegħi stabbiliti fi Stat Membru ieħor, jew inkella li jipprovdu servizzi finanzjarji transkonfinali direttament. Din is-sitwazzjoni tista’ twassal għal politika makroprudenzjali nazzjonali li jkollha effetti transkonfinali sostanzjali.

(2)

Fornituri barranin ta’ servizzi finanzjarji li jipprovdu servizzi finanzjarji transkonfinali, jew direttament jew permezz tal-friegħi tagħhom fi Stati Membri oħrajn, normalment ma jkunux affettwati mill-miżuri ta’ politika makroprudenzjali li japplikaw għal fornituri ta’ servizzi finanzjarji nazzjonali f’dawk l-Istati Membri. Bħala riżultat ta’ dan, fornituri ta’ servizzi finanzjarji li kieku jaqgħu taħt l-ambitu ta’ dawk ir-rekwiżiti, jiġifieri għaliex għandhom kumpannija sussidjarja lokali, għandhom inċentiv li jgħaddu l-attivitajiet minn kanali alternattivi sabiex iduru mal-miżuri tal-pajjiż ospitanti. It-tnixxija u l-arbitraġġ regolatorju li jirriżultaw minn dak l-aġir jistgħu jimminaw l-effettività ta’ miżuri nazzjonali ta’ politika makroprudenzjali.

(3)

Barra minn hekk, jista’ jkun hemm distorsjoni fil-kompetizzjoni jekk il-friegħi ta’ fornituri barranin ta’ servizzi finanzjarji li jipprovdu servizzi finanzjarji transkonfinali jużaw direttament il-vantaġġ kompetittiv tagħhom, bħal rekwiżiti kapitali aktar baxxi għal skoperturi ġġenerati fl-Istat Membru attivanti, kontra fornituri domestiċi ta’ servizzi finanzjarji u sussidjarji ta’ fornituri barranin ta’ servizzi finanzjarji f’dak l-Istat Membru, sabiex iżidu s-sehem tagħhom fis-suq.

(4)

Miżuri ta’ politika makroprudenzjali meħuda f’pajjiż wieħed ikollhom effetti esterni fuq l-istabbiltà finanzjarja f’pajjiżi oħrajn permezz ta’ rabtiet transkonfinali. B’mod ġenerali, dawn l-effetti jkunu pożittivi, peress li l-politika makroprudenzjali tnaqqas ir-riskju sistemiku u l-probabbiltà u l-impatt ta’ kriżijiet sistemiċi, sabiex b’hekk titjieb ukoll l-istabbiltà finanzjarja fi Stati Membri oħrajn. Madankollu, dawk l-effetti jistgħu jkunu wkoll negattivi. Pereżempju, minkejja li jkunu esposti għall-istess riskji bħal fornituri domestiċi ta’ servizzi finanzjarji u sussidjarji ta’ fornituri barranin ta’ servizzi finanzjarji, friegħi ta’ fornituri barranin ta’ servizzi finanzjarji u fornituri barranin ta’ servizzi finanzjarji li jipprovdu servizzi finanzjarji transkonfinali direttament normalment ma jkunux meħtieġa li jibnu reżiljenza kontra dawn ir-riskji, pereżempju billi jkunu soġġetti għal miżuri kapitali nazzjonali fl-Istat Membru domestiku tagħhom. Barra minn hekk, safejn dawn il-fornituri ta’ servizzi finanzjarji jgawdu vantaġġ kompetittiv fuq fornituri domestiċi ta’ servizzi finanzjarji u s-sussidjarji ta’ fornituri barranin ta’ servizzi finanzjarji, dan jista’ jħeġġiġhom biex iżidu l-iskopertura tagħhom għar-riskji makroprudenzjali relevanti fl-Istat Membru attivanti, biex b’hekk jesponu l-Istat Membru ospitanti għal riskju akbar. Kieku dawn ir-riskji makroprudenzjali relatati mal-forniment ta’ servizzi finanzjarji kellhom jimmaterjalizzaw, ir-riżervi tal-kapital ta’ dawn il-fornituri ta’ servizzi finanzjarji jistgħu jirriżultaw li huma insuffiċjenti, li jkollu konsegwenzi negattivi għas-sistemi finanzjarji domestiċi tagħhom.

(5)

Kontra dan l-isfond u sabiex jiġu żgurati l-effettività u l-konsistenza tal-politika makroprudenzjali, dawk li jfasslu l-politika makroprudenzjali għandhom jagħtu l-kunsiderazzjoni meħtieġa lil dawk l-effetti transkonfinali u, meta jkun iġġustifikat, japplikaw strumenti ta’ politika adattati sabiex jindirizzawhom. Sabiex jinkiseb dan il-għan, il-Bord Ewropew dwar ir-Riskju Sistemiku (BERS) jirrakkomanda approċċ li jkun ibbażat fuq żewġ pilastri ewlenin, jiġifieri: (a) il-valutazzjoni sistematika tal-effetti transkonfinali tal-politika makroprudenzjali; u (b) risposta ta’ politika kkoordinata fil-forma ta’ reċiproċità volontarja għal miżuri tal-politika makroprudenzjali meta din tkun meħtieġa. Huwa importanti wkoll li dawn il-pilastri jkunu implimentati kemm jista’ jkun b’mod konsistenti madwar l-Unjoni kollha.

(6)

Sallum, il-valutazzjoni sistematika tal-effetti transkonfinali tal-politika makroprudenzjali ma rċevietx l-attenzjoni li jistħoqilha. Dan huwa dovut parzjalment għall-fatt li l-għarfien relatat ma’ kanali ta’ effetti kollaterali (potenzjali) għadu limitat u d-dejta disponibbli ma ġietx eżaminata bis-sħiħ bil-għan li jiġu analizzati l-effetti transkonfinali. B’riżultat ta’ dan, il-BERS jidhirlu li huwa importanti li kull dejta disponibbli tintuża b’mod sistematiku sabiex ikunu jistgħu jinftiehmu u jiġu vvalutati aħjar l-effetti transkonfinali.

(7)

Huwa importanti li tiġi stabbilita proċedura li tkun immirata lejn il-valutazzjoni sistematika tal-effetti transkonfinali tal-politika makroprudenzjali u timmira li tiżgura li dawk li jfasslu l-politika makroprudenzjali jagħmlu valutazzjoni ex ante ta’ kwalunkwe effetti transkonfinali potenzjali tal-miżuri proposti tagħhom. Barra minnn hekk, u meta jitqiesu r-rekwiżiti eżistenti tar-Regolament (UE) Nru 575/2013 tal-Parlament Ewropew u tal-Kunsill (5), id-Direttiva 2013/36/UE u r-Rakkomandazzjoni BERS/2013/1 tal-Bord Ewropew dwar ir-Riskju Sistemiku (6), dawk li jfasslu l-politika makroprudenzjali għandhom jagħmlu valutazzjonijiet ex post tal-effetti transkonfinali attwali tal-politiki tagħhom. Il-ħidma analitika mwettqa mill-Istati Membri ser tikkumplimenta l-ħidma analitika mwettqa mill-BERS.

(8)

Ir-risposta politika kkoordinata proposta mill-BERS tiegħu l-forma ta’ arranġament għar-reċiproċità volontarja għal miżuri tal-politika makroprudenzjali. In-natura volontarja tal-arranġament, li tirriżulta min-natura tar-rakkomandazzjonijiet tal-BERS (7), tiddistingwi dik ir-reċiproċità volontarja mir-rikonoxximent obbligatorju ta’ ċerti miżuri tal-politika makroprudenzjali taħt il-liġi tal-Unjoni. Din ir-Rakkomandazzjoni, bl-eċċezzjoni tar-rakkomandazzjoni A dwar il-valutazzjoni tal-effetti transkonfinali u r-rakkomandazzjoni B dwar in-notifika ta’ miżuri tal-politika makroprudenzjali, mhijiex maħsuba li tapplika għal miżuri tal-poltika makroprudenzjali li għalihom il-liġi tal-Unjoni diġà tipprovdi għal rikonoxximent obbligatorju. Rikonoxximent obbligatorju bħalissa huwa pprovdut fir-rigward tal-miżuri meħuda skont l-Artikoli 124(5) u 164(7) tar-Regolament (UE) Nru 575/2013, u għar-riżerva tal-kapital kontroċikliku (countercyclical capital buffer - CCB) jekk dan jiġi ffissat taħt il-limitu massimu għar-rikonoxximent obbligatorju. L-istess eċċezzjoni tapplika għal rati tas-CCB li jkunu ‘l fuq mil-limitu massimu għar-rikonoxximent obbligatorju, peress li r-Rakkomandazzjoni BERS/2014/1 tal-Bord Ewropew dwar ir-Riskju Sistemiku (8) diġà tirrakkomanda r-reċiprokazzjoni sħiħa tar-rati tas-CCB bejn l-Istati Membri.

(9)

Sabiex tiġi żgurata l-effettività u l-konsistenza ta’ miżuri ta’ politika makroprudenzjali nazzjonali, huwa importanti li r-rikonoxximent obbligatorju meħtieġ taħt il-liġi tal-Unjoni jkun ikkumplimentat b’reċiproċità volontarja, sabiex b’hekk il-friegħi ta’ fornituri barranin ta’ servizzi finanzjarji u fornituri barranin ta’ servizzi finanzjarji li jipprovdu servizzi finanzjarji direttament jinġiebu fi ħdan l-ambitu ta’ miżuri miżuri ta’ politika makroprudenzjali nazzjonali. L-objettiv aħħari huwa li l-istess ġabra ta’ rekwiżiti makroprudenzjali tapplika għall-istess tip ta’ skopertura għar-riskju fi Stat Membru partikolari, irrispettivament mill-istatus legali u fejn ikun stabbilit il-fornitur tas-servizz finanzjarju. B’hekk miżuri ta’ politika makroprudenzjali bbażati fuq l-iskopertura, b’mod partikolari dawk li l-mira tagħhom hija skopertura għal riskju speċifiku, għandhom ikunu reċiprokati.

(10)

Din ir-Rakkomandazzjoni tipprovdi gwida lill-awtoritajiet relevanti fir-rigward tal-adozzjoni ta’ miżuri reċiprokanti b’risposta għal miżuri tal-politika makroprudenzjali ta’ awtoritajiet relevanti oħrajn. Il-miżuri elenkati tal-politika makroprudenzjali attivati fi Stat Membru wieħed għandhom ikunu rreċiprokati fl-Istati Membri l-oħrajn kollha. Il-miżuri tal-politika makroprudenzjali ser jiġu elenkati f’din ir-Rakkomandazzjoni jekk l-awtorità relevanti attivanti titlob reċiprokazzjoni u jekk il-BERS iqis li t-talba għal reċiprokazzjoni hija ġġustifikata. Sabiex tiġi żgurata l-effiċjenza tal-arranġament ta’ reċiproċità volontarja huwa importanti li l-BERS jiġi nnotifikat dwar dawk il-miżuri b’mod tempestiv u f’dettall suffiċjenti, bl-użu ta’ mudell standardizzat.

(11)

Sabiex tiġi żgurata l-effettività tal-arranġament ta’ reċiproċità volontarja, l-awtoritajiet relevanti jkunu mistennija li jadottaw miżuri reċiprokanti fi żmien raġonevoli. Żminijiet itwal huma rrakkomandati għal miżuri li mhumiex disponibbli fil-ġurisdizzjonijiet kollha.

(12)

Din ir-Rakkomandazzjoni hija maħsuba biex tkopri l-miżuri ta’ politika makroprudenzjali kollha, irrispettivament minn liema parti tas-sistema finanzjarja jindirizzaw. Fuq il-bażi tal-mandat tas-SEBĊ fir-Regolament (UE) Nru 1092/2010, l-ambitu ta’ din ir-Rakkomandazzjoni jmur lil hinn mill-applikazzjoni tal-istrumenti makroprudenzjali pprovduti fid-Direttiva 2013/36/UE u r-Regolament (UE) Nru 575/2013. B’hekk, din ir-Rakkomandazzjoni hija maħsuba biex tkopri wkoll miżuri li ma ġewx armonizzati taħt il-liġi tal-Unjoni. L-ambitu ta’ din ir-Rakkomandazzjoni huwa soġġetti għall-ġurisdizzjoni rispettiva tal-awtoritajiet relevanti u tapplika għal miżuri ta’ politika makroprudenzjali li l-awtoritajiet relevanti għandhom il-mandat li jadottat jew jattivaw.

(13)

Awtoritajiet nazzjonali kompetenti, awtoritajiet innominati kif ukoll awtoritajiet makroprudenzjali u l-Bank Ċentrali Ewropew (BĊE) [għal Stati Membri li jipparteċipaw fil-Mekkaniżmu Superviżorju Uniku (MSU)] jitqiesu bħala awtoritajiet relevanti, b’mod partikolari jekk ikollhom il-mandat biex jadottaw jew jattivaw miżuri ta’ politika makroprudenzjali. Barra minn hekk, ir-Regolament tal-Kunsill (UE) Nru 1024/2013 (9) u r-Regolament (UE) Nru 468/2014 tal-Bank Ċentrali Ewropew (10) jassenjaw kokmpiti superviżorji speċifiċi lill-BĊE. Il-BĊE jista’ japplika rekwiżiti ogħla għal riżervi ta’ kapital jew miżuri aktar strinġenti minn dawk applikati mill-awtoritajiet nazzjonali nnominati. Għal dan l-iskop esklużiv, il-BĊE huwa meqjus, kif xieraq, bħala l-awtorità kompetenti jew innominata u għandu s-setgħat u l-obbligi kollha, li l-awtoritajiet kompetenti u l-awtoritajiet innominati għandhom taħt il-liġi tal-Unjoni relevanti.

(14)

Miżuri ġodda tal-politika makroprudenzjali meħuda mill-Istati Membri li jipparteċipaw fil-MSU għandhom jgħaddu mill-proċeduri ta’ koordinazzjoni tal-MSU relevanti. L-arranġament ta’ reċiproċità, kif iddefinit f’din ir-Rakkomandazzjoni, huwa mingħajr preġudizzju għal dawk il-proċeduri ta’ koordinazzjoni interni tal-MSU, u l-valutazzjoni ta’ reċiproċità tal-BERS tibda biss ladarba jkunu ġew konklużi l-proċeduri ta’ koordinazzjoni interni tal-MSU.

(15)

L-awtoritajiet jistgħu jeżentaw lil fornituri ta’ servizzi finanzjarji bi skopertura mhux materjali għar-riskju makroprudenzjali identifikat fil-pajjiż attivanti (prinċipju de minimis). Din hija diskrezzjoni nazzjonali li l-awtoritajiet jistgħu jagħżlu li ma japplikawx jekk ir-reċiproċità titqies bħala kwistjoni ta’ prinċipju.

(16)

Sabiex jiġu żgurati t-trasparenza u l-kontabbiltà ta’ miżuri tal-politika makroprudenzjali, kif ukoll l-implimentazzjoni effettiva tagħhom, l-awtoritajiet relevanti għandhom jistabbilixxu strateġija ta’ komunikazzjoni li tirrigwarda talbiet ta’ reċiprokazzjoni u kwalunkwe miżura reċiprokanti, bħala parti mill-istrateġija ta’ komunikazzjoni ġenerali tagħhom li tirrigwarda miżuri tal-politika makroprudenzjali. Fir-rigward ta’ talbiet għal reċiprokazzjoni, huwa ta’ importanza paritkolari li l-awtoritajiet kollha kkonċernati jiġu pprovduti bi kwalunkwe informazzjoni li tkun relevanti u neċessarja għall-proċessi rispettivi tagħhom ta’ teħid ta’ deċiżjonijiet b’mod tempestiv. Barra minn hekk, huwa ugwalment importanti li l-partijiet ikkonċernati (inklużi, iżda mhux biss, id-destinatarji diretti tal- miżuri ta’ politika makroprudenzjali) ikunu infurmati bis-sħiħ dwar kwalunkwe miżura ta’ politika makroprudenzjali li tkun relevanti għalihom b’mod tempestiv.

(17)

Il-proċess irrakkomandat minn din ir-Rakkomandazzjoni u d-Deċiżjoni BERS/2015/4 (11) huwa ddisinjat biex ikun kemm jista’ jkun effiċjenti u effettiv sabiex tinkiseb reċiprokazzjoni volontarja. Fil-kuntest tar-reviżjoni li ġejja tal-qafas tal-politika makroprudenzjali tal-Unjoni u b’mod konformi mal-emendi possiblbi għas-sett ta’ għodda eżistenti, il-Kummissjoni Ewropew għandha, madankollu, tikkunsidra jekk u b’liema mod l-arranġament ta’ reċiproċità volontarja kif stipulat f’din ir-Rakomandazzjoni tkun ankrata bl-aħjar mod fil-liġi tal-Unjoni sabiex titrawwem l-effettività tal-politiki makroprudenzjali nazzjonali. Idealment, il-proposta tal-Kummissjoni Ewropea għandha tkun ibbażata fuq l-arranġament ta’ reċiproċità volontarja kif elaborat f’din ir-Rakkomandazzjoni u fil-Kapitolu 11 tal-Manwal tal-BERS dwar l-Operazzjonalizzazzjoni tal-Politika Makroprudenzjali fis-Settur Bankarju (iktar ’il quddiem “il-Manwal BERS”) (ESRB Handbook on Operationalising Macroprudential Policy in the Banking Sector - ESRB Handbook) (12).

(18)

Ir-rakkomandazzjonijiet tal-BERS huma ppubblikati wara li l-Kunsill ikun ġie informat bl-intenzjoni tal-Bord Ġenerali li jagħmel dan u wara li l-Kunsill ikun ingħata opportunità biex jirreaġixxi,

1.

L-awtoritajiet attivanti relevanti huma rrakkomandati li jivvalutaw, qabel l-adozzjoni tagħhom, l-effetti transkonfinali tal-implimentazzjoni tal-miżuri tal-politika makroprudenzjali tagħhom stess. Ta’ mill-inqas, il-kanali ta’ effetti kollaterali li joperaw permezz ta’ aġġustament tar-riskju u arbitraġġ regolatorju għandhom jiġu vvalutati, bl-użu tal-metodoloġija stipulata fil-Kapitolu 11 tal-Manwal tal-BERS.

2.

L-awtoritajiet attivanti relevanti huma rrakomandati li jivvalutaw:

3.

L-awtoritajiet attivanti relevanti huma rrakkomandati li jimmonitorjaw ta’ mill-inqas darba fis-sena l-immaterjalizzar u l-evoluzzjoni tal-effetti transkonfinali tal-miżuri makroprudenzjali li huma introduċew.

1.

L-awtoritajiet attivanti relevanti huma rrakomandati li jinnotifikaw lill-BERS dwar kwalunkwe miżura tal-politika makroprudenzjali malli jiġu adottati, u sa mhux aktar tard minn ġimgħatejn wara li jiġu adottati. In-notifiki għandhom jinkludu valutazzjoni tal-effetti transkonfinali u tan-neċessità għal reċiprokazzjoni minn awtoritajiet relevanti oħrajn. L-awtoritajiet relevanti attivanti huma mitluba li jipprovdu l-informazzjoni bl-Ingliż billi jużaw il-mudelli ppubblikati fuq is-sit elettroniku tal-BERS.

2.

Jekk reċiprokazzjoni minn Stati Membri oħrajn titqies li hija meħtieġa sabiex jiġi żgurat it-tħaddim effettiv tal-miżuri relevanti, l-awtoritajiet attivanti relevanti huma rrakkomandati li jissottimettu talba għal reċiprokazzjoni lill-BERS, flimkien man-notifika tal-miżura.

3.

Jekk miżuri ta’ politika makroprudenzjali jkunu ġew attivati qabel l-adozzjoni ta’ din ir-Rakkomandazzjoni, jew jekk reċiprokazzjoni ma kinitx meqjusa li hija neċessarja meta kienu ġew introdotti l-miżuri għall-ewwel darba, iżda l-awtorità attivanti relevanti tkun iddeċidiet sussegwentement li dik ir-reċiprokazzjoni saret neċessarja, l-awtoritajiet attivanti relevanti huma rrakkomandati li jissottomettu talba għal reċiprokazzjoni lill-BERS.

1.

L-awtoritajiet relevanti huma rrakkomandati li jirreċiprokaw il-miżuri tal-politika makroprudenzjali adottati minn awtoritajiet relevanti oħrajn u rrakkomandati għal reċiprokazzjoni mill-BERS.

2.

Huwa rrakkomandat li l-awtoritajiet relevanti jirreċiprokaw il-miżuri tal-politika makroprudenzjali elenkati f’din ir-Rakkomandazzjoni billi jimplimentaw l-istess miżura tal-politika makroprudenzjali bħal dik li ġiet implimentata mill-awtorità attivanti. Jekk l-istess miżura tal-politika makroprudenzjali ma tkunx disponibbli fil-leġiżlazzjoni nazzjonali, l-awtoritajiet relevanti huma rrakkomandati li jirreċiprokaw, wara konsultazzjoni mal-BERS, billi jadottaw miżura tal-politika makroprudenzjali disponibbli fil-ġurisdizzjoni tagħhom li jkollha l-aktar effett ekwivalenti għall-miżura attivata tal-politika makroprudenzjali.

3.

Ħlief jekk tkun irrakkomandata skadenza speċifika b’rabta mar-reċiprokazzjoni ta’ miżura tal-politika makroprudenzjali, huwa rrakkomandat li l-awtoritajiet relevanti jadottaw miżuri reċiprokanti tal-politika makroprudenzjali sa mhux aktar tard minn tliet xhur, wara l-pubblikazzjoni tal-aħħar emenda ta’ din ir-Rakkomandazzjoni fil-Ġurnal Uffiċjali tal-Unjoni Ewropea. Il-miżuri adottati u reċiprokanti għandu jkollhom l-istess data ta’ attivazzjoni safejn ikun possibbli.

(a)

“attivazzjoni” tfisser l-applikazzjoni ta’ miżura tal-politika makroprudenzjali fuq livell nazzjonali;

(b)

“adozzjoni” tfisser deċiżjoni meħuda minn awtorità relevanti fir-rigward tal-introduzzjoni, ir-reċiprokazzjoni jew l-emendar ta’ miżura tal-politika makroprudenzjali;

(c)

“servizz finanzjarju” tfisser kwalunkwe servizz ta’ natura bankarja, ta’ kreditu, ta’ assigurazzjoni, ta’ pensjoni personali, ta’ investiment jew ta’ ħlas;

(d)

“miżura tal-politika makroprudenzjali” tfisser kwalunkwe miżura li tindirizza l-prevenzjoni u l-mitigazzjoni ta’ riskju sistemiku kif iddefinit fl-Artikolu 2(c) tar-Regolament (UE) Nru 1092/2010 u li tkun adottata jew attivata minn awtorità relevanti soġġett għal-liġi tal-Unjoni jew dik nazzjonali;

(e)

“notifika” tfisser avviż bil-miktub bl-Ingliż lill-BERS mill-awtoritajiet relevanti, inkluż il-BĊE skont l-Artikolu 9 tar-Regolament (UE) Nru 1024/2013, rigward miżura tal-politika makroprudenzjali skont, iżda mhux biss, l-Artikolu 133 tad-Direttiva 2013/36/UE u l-Artikolu 458 tar-Regolament (UE) Nru 575/2013, u li tista’ tkun talba għal reċiprokazzjoni minn Stat Membru skont, iżda mhux biss, l-Artikolu 134(4) tad-Direttiva 2013/36/UE u l-Artikolu 458(8) tar-Regolament (UE) Nru 575/2013;

(f)

“reċiproċità” tfisser arranġament, li permezz tiegħu l-awtorità relevanti f’ġurisdizzjoni waħda tapplika l-istess miżura ta’ politika makroprudenzjali, jew waħda ekwivalenti, kif stabbilit mill-awtorità attivanti relevanti f’ġuriżdizzjoni oħra, għal kwalunkwe istituzzjoni finanzjarja taħt il-ġurisdizzjoni tagħha, meta dawn ikunu esposti għall-istess riskju f’din l-aħħar ġurisdizzjoni;

(g)

“awtorità attivanti relevanti” tfisser awtorità relevanti li tkun inkarigata mill-applikazzjoni ta’ miżura tal-politika makroprudenzjali f’livell nazzjonali;

(h)

“awtorità relevanti” tfisser awtorità fdata bl-adozzjoni u/jew l-attivazzjoni ta’ miżuri tal-politika makroprudenzjali, inkluż iżda mhux biss:

1.

L-awtoritajiet relevanti jistgħu jeżentaw lil fornituri ta’ servizzi finanzjarji taħt il-ġurisdizzjoni tagħhom milli japplikaw miżura reċiprokanti partikolari tal-politika makroprudenzjali, jekk dawn il-fornituri ta’ servizzi finanzjarji jkollhom skoperturi mhux materjali għar-riskju makroprudenzjali identifikat fil-ġuriżdizzjoni fejn l-awtorità attivanti relevanti tkun qiegħda tapplika l-miżura tal-politika makroprudenzjali inkwistjoni (prinċipju de minimis). B’mod simili għall-prattika adottata għas-CCB fl-Artikolu 130 tad-Direttiva 2013/36/UE, l-awtoritajiet jistgħu jagħżlu li jeżentaw lil fornituri ta’ servizzi finanzjarji bi skoperturi taħt limitu minimu ffissat milli jirreċiprokaw din il-miżura tal-politika makroprudenzjali. L-awtoritajiet relevanti huma mitluba li jirrapportaw lill-BERS dwar dawk l-eżenzjonijiet, bl-użu tal-mudell għan-notifika ta’ miżuri reċiprokanti ppubblikati fuq is-sit elettroniku tal-BERS. Meta japplikaw il-prinċipju de minimis, jeħtieġ li l-awtoritajiet jimmonitorjaw mill-qrib jekk jimmaterjalizzawx effetit kollaterali u arbitraġġ regolatorju u jagħlqu l-lakuna regolatorja jekk meħtieġ.

2.

Jekk l-awtoritajiet relevanti jkunu diġà rreċiprokaw u żvelaw il-miżura qabel ma dik il-miżura tkun irrakkomandata għal reċiprokazzjoni f’din ir-Rakkomandazzjoni, il-miżura reċiprokanti ma teħtiġx li tkun emendata anki jekk tkun differenti minn dik implimentata mill-awtorità attivanti.

1.

L-awtoritajiet relefvanti huma mitluba li jirrapportaw lill-BERS u lill-Kunsill dwar l-azzjonijiet li huma jieħdu b’risposta għal din ir-Rakkomandazzjoni, jew li jiġġustifikaw b’mod adegwat kwalunkwe nuqqas ta’ azzjoni. Ir-rapporti għandhom jintbagħtu kull sentejn, bl-ewwel rapport dovut sat-30 ta’ Ġunju 2017. Bħala minimu r-rapporti għandhom jinkludu:

2.

F’każ ta’ responsabbiltajiet kondiviżi, l-awtoritajiet relevanti għandhom jikkoordinaw ma’ xulxin sabiex jipprovdu l-informazzjoni meħtieġa fil-ħin.

3.

L-awtoritajiet relevanti huma mħeġġa li jinfurmaw lill-BERS mal-ewwel opportunità dwar kwalunkwe miżura ta’ politika makroprudenzjali proposta.

4.

Miżura reċiprokanti ta’ politika makroprudenzjali titqies li hija ekwivalenti jekk ikollha, safejn ikun possibbli:

1.

Is-Segretarjat tal-BERS:

2.

Il-Bord Ġenerali jivvaluta l-azzjonijiet u l-ġustifikazzjonijiet irrapportati mill-awtoritajiet relevanti u, fejn xieraq, jiddeċiedi jekk din ir-Rakkomandazzjoni ġietx segwita u jekk l-awtoritajiet relevanti naqsux milli jiġġustifikaw b’mod adegwat in-nuqqas ta’ azzjoni min-naħa tagħhom.

12.3.2016   

MT

Il-Ġurnal Uffiċjali tal-Unjoni Ewropea

C 97/15

Council of the European Union

General Secretariat

DG C 1C

Rue de la Loi/Wetstraat 175

1048 Bruxelles/Brussel

BELGIQUE/BELGIË

E-mail: sanctions@consilium.europa.eu

12.3.2016   

MT

Il-Ġurnal Uffiċjali tal-Unjoni Ewropea

C 97/16

Council of the European Union

General Secretariat

DG C 1C

Rue de la Loi/Wetstraat 175

1048 Bruxelles/Brussell

BELGIQUE/BELGIË

E-mail: sanctions@consilium.europa.eu

12.3.2016   

MT

Il-Ġurnal Uffiċjali tal-Unjoni Ewropea

C 97/17

Focal Point for De-listing

Security Council Subsidiary Organs

Branch Room DC2 0853B

United Nations

New York, N.Y. 10017

UNITED STATES OF AMERICA

Tel. +1 9173679448

Fax +1 2129631300

Posta elettronika: delisting@un.org

Council of the European Union

General Secretariat

DG C 1C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Posta elettronika: sanctions@consilium.europa.eu

12.3.2016   

MT

Il-Ġurnal Uffiċjali tal-Unjoni Ewropea

C 97/18

Council of the European Union

General Secretariat

DG C 1C

Rue de la Loi/Wetstraat 175

1048 Bruxelles/Brussel

BELGIQUE/BELGIË

Posta elettronika: sanctions@consilium.europa.eu

12.3.2016   

MT

Il-Ġurnal Uffiċjali tal-Unjoni Ewropea

C 97/19

12.3.2016   

MT

Il-Ġurnal Uffiċjali tal-Unjoni Ewropea

C 97/20

12.3.2016   

MT

Il-Ġurnal Uffiċjali tal-Unjoni Ewropea

C 97/21

12.3.2016   

MT

Il-Ġurnal Uffiċjali tal-Unjoni Ewropea

C 97/22

12.3.2016   

MT

Il-Ġurnal Uffiċjali tal-Unjoni Ewropea

C 97/23

(1)

Il-Bord Ewropew dwar ir-Riskju Sistemiku (BERS) huwa responsabbli għat-twettiq ta’ superviżjoni makroprudenzjali sabiex jikkontribwixxi għall-prevenzjoni jew il-mitigazzjoni ta’ riskji sistemiċi fi ħdan l-Unjoni.

(2)

Sabiex jaqdi dmirijietu, il-BERS jeħtieġ li jivvaluta r-riskji makroprudenzjali li jirriżultaw minn żviluppi fi ħdan l-Unjoni u f’pajjiżi terzi. Dawk ir-riskji jistgħu jirriżultaw minn skoperturi transkonfinali tas-sistema bankarja tal-Unjoni lil pajjiżi terzi, li jistgħu jservu bħala kanal ta’ kontaġju ġewwa l-Unjoni. B’mod partikolari, tkabbir eċċessiv tal-kreditu f’pajjiż terz partikolari jista’, jekk ma jiġix indirizzat permezz ta’ politiki makroprudenzjali meħuda minn dak il-pajjiż, iwassal għal telf kbir għas-settur bankarju fi ħdan l-Unjoni u, fl-aħħar mill-aħħar, joħloq theddida għall-istabbiltà finanzjarja fi ħdan l-Unjoni.

(3)

L-Artikolu 138 tad-Direttiva 2013/36/UE jipprovdi lill-BERS b’mandat speċifiku biex jindirizza r-riskji li jirriżultaw minn tkabbir eċċessiv tal-kreditu f’pajjiżi terzi. B’mod speċifiku, meta azzjonijiet meħuda minn awtoritajiet f’pajjiż terz jitqiesu li huma insuffiċjenti, il-BERS jista’ jaġixxi biex jipproteġi s-settur bankarju tal-Unjoni minn riskji li jirriżultaw minn tkabbir tal-kreditu eċċessiv f’dak il-pajjiż terz. B’mod partikolari, il-BERS jista’, permezz ta’ rakkomandazzjoni, jipprovdi gwida lil awtoritajiet innominati fi ħdan l-Unjoni dwar ir-rata tar-riżerva tal-kapital kontoċiklika xierqa għal skoperturi lil pajjiżi terzi.

(4)

Sabiex jaqdi dan il-mandat, jeħtieġ li jiġu identifikati pajjiżi terzi li għalihom is-sistema bankarja tal-Unjoni jkollha skoperturi materjali (iktar 'il quddiem “pajjiżi terzi materjali”). L-impatt li t-tkabbir tal-kreditu eċċessiv f’pajjiż terz partikolari jista’ jkollu fuq is-sistema bankarja tal-Unjoni jiddependi fuq id-daqs u n-natura tal-iskoperturi tal-banek li għandhom l-uffiċċji prinċipali tagħhom fl-Unjoni lejn dak il-pajjiż terz. Peress li l-BERS m’għandux il-kapaċità li jimmonitorja żviluppi fil-pajjiżi terzi kollha madwar id-dinja, huwa jqis li jista’ jaqdi bl-aħjar mod il-mandat tiegħu taħt l-Artikolu 138 tad-Direttiva 2013/36/UE billi jimmonitorja biss dawk il-pajjiżi terzi li għalihom l-iskoperturi tas-sistema bankarja tal-Unjoni jkunu materjali għal sinjali ta’ tkabbir tal-kreditu eċċessiv.

(5)

Sabiex jidentifika pajjiżi terzi materjali, il-BERS beħsiebu juża d-dejta superviżorja miġbura mill-Awtorità Bankarja Ewropea (ABE) skont id-Deċiżjoni (ABE/DC/2015/130 tal-Awtorità Bankarja Ewropea tat-23 ta’ Settembru 2015 (5). Id-Deċiżjoni ABE/DC/2015/130 tipprovdi informazzjoni ddettaljata dwar skoperturi fil-ktieb bankarju ta’ kampjun tal-akbar 191 bank fl-Unjoni lill-pajjiżi terzi kollha globalment. Għalkemm id-dejta ma tinkludix skoperturi fil-ktieb tan-negozjar, u ma tkoprix il-banek kollha fl-Unjoni, il-BERS jikkunsidra li d-dejta hija adegwata għall-finijiet tal-identifikazzjoni ta’ pajjiżi terzi materjali. L-iffukar fuq skoperturi fil-ktieb bankarju jitqies li huwa adegwat għaliex jirrappreżentaw il-maġġoranza tal-iskoperturi. Barra minn hekk, l-arranġamenti tal-innettjar u l-użu ta’, inter alia, derivattivi u pożizzjonijiet qosra jagħmluha diffiċli li tiġi allokata skopertura fil-ktieb tan-negozjar lil pajjiż terz partikolari. L-iffukar fuq kampjun tal-akbar banek huwa meqjus adegwat għaliex dawn il-banek għandhom tendenza li jkollhom l-akbar volum ta’ attivitajiet transkonfinali u huma, għalhekk, il-banek li jintlaqtu l-aktar jekk ma jkunx indirizzat it-tkabbir eċċessiv tal-kreditu f’pajjiż terz. Fl-2014, il-191 bank fil-kampjun irrappreżentaw madwar 92 % tal-assi totali tas-sistema bankarja tal-Unjoni. Peress li l-BERS ma jeħtiġx dejta dwar skoperturi speċifika għall-banek għall-finijiet li jidentifika pajjiżi terzi materjali, huwa beħsiebu jitlob mingħand l-ABE d-dejta miġbura skont id-Deċiżjoni ABE/DC/2015/130 aggregata għal-livell tal-pajjiż. Dawk it-talbiet għal dejta huma rregolati bid-Deċiżjoni BERS/2015/2.

(6)

Il-BERS għandu jidentifika pajjiżi terzi materjali fuq il-bażi ta’ tliet metriċi ta’ skopertura: assi ppeżati għar-riskju, skopertura oriġinali u skoperturi inadempjenti b’rabta ma’ pajjiżi terzi. L-iskop ewlieni li jintużaw għadd ta’ metriċi huwa li tiġi riflessa perspettiva komprensiva tan-natura tal-iskoperturi għal pajjiżi terzi. L-iffukar esklużiv fuq assi ppeżati għar-riskju jista’ jirriżulta f’sitwazzjoni fejn skoperturi sinifikanti b’piżijiet tar-riskju baxxi ma jingħatawx il-kunsiderazzjoni dovuta. L-iskopertura oriġinali tikkumpensa għal dan, billi taqbad id-daqs tal-iskoperturi qabel ma jiġu applikati l-piżijiet tar-riskju. Finalment, skoperturi inadempjenti huma mmirati li jaqbdu dawk l-iskoperturi li jippreżentaw riskju ta’ kreditu akbar għall-banek.

(7)

Il-BERS tipikament jiddefinixxi pajjiż terz bħala materjali meta l-iskoperturi tas-sistema bankarja tal-Unjoni għal dak il-pajjiż terz ikunu ta’ mill-inqas 1 % għal ta’ mill-inqas wieħed mit-tliet metriċi msemmija hawn fuq. Meta mqabbla ma’ korporazzjonijiet mhux finanzjarji, il-livelli ta’ ekwità tal-banek għandhom tendenza li jkunu żgħar meta mqabbla mal-assi tagħhom. Dan ifisser li, anki għal dawk li jidhru li huma skoperturi żgħar meta mqabbla mad-daqs tal-karta tal-bilanċ ta’ bank, it-telf jista’ jilħaq livelli li jheddu s-solvenza tal-banek u/jew joħolqu dubju fost il-pubbliku dwar is-solvenza tagħhom. Dan l-argument ikun jeħtieġ l-iffissar ta’ limitu minimu baxx, peress li żviluppi negattivi f’pajjiż terz partikolari jista’ jkollhom impatt materjali fuq il-pożizzjoni kapitali tal-banek. Fl-istess ħin, il-limitu minimu użat għall-identifikazzjoni ta’ pajjiżi terzi materjali m’għandux jikkunsidra pajjiżi terzi li għalihom ikun espost Stat Membru wieħed biss, ħlief jekk dawk l-iskoperturi jkunu kbar biżżejjed biex joħolqu riskju għall-Unjoni, lil hinn mill-Istat Membru individwali inkwistjoni. Sabiex jiġu mminimizzati dawn l-okkorrenzi, għandu jiġi ffissat limitu minimu għoli, li jiżgura li jinqabdu biss l-akbar skoperturi bejn l-Istati Membri. Il-BERS jikkunsidra li limitu minimu ta’ 1 % ta’ skoperturi totali jikseb il-bilanċ ġust bejn iż-żewġ eżiti mixtieqa hawn fuq.

(8)

Il-BERS għandu jikkompila lista ta’ pajjiżi terzi materjali u jaġġorna din il-lista annwalment fuq il-bażi ta’ kriterji li jirregolaw iż-żidiet u t-tħassir minn dik il-lista. L-iskoperturi bankarji jevolvu maż-żmien, u jirriflettu żviluppi kemm ċikliċi kif ukoll strutturali fl-integrazzjoni ekonomika u finanzjarja madwar id-dinja. Il-proċess ta’ identifikazzjoni ta’ pajjiżi terzi materjali jeħtieġ li jirrifletti din l-evoluzzjoni. Għal dan il-għan, ġew iddefiniti kriterji li jirregolaw żidiet għal u tħassir mil-lista ta’ pajjiżi terzi materjali. Dawn huma mfassla biex ikunu: (a) konservattivi - huwa eħfef li pajjiż terz jiżdied mal-lista milli li jitħassar minnha; u (b) trasparenti - il-kriterji għal żieda u tnaqqis mil-lista huma bbażati fuq regoli sempliċi. Barra minn hekk, il-BERS jista’ jeżerċita diskrezzjoni meta jiddetermina jekk pajjiż terz huwiex materjali għas-settur bankarju tal-Unjoni. Dik id-diskrezzjoni aktarx li tiġi eżerċitata f’każijiet fejn pajjiż terz ikun qrib ħafna li jilħaq il-kriterji tal-materjalità.

(9)

Il-Bord Ġenerali jiġi mistoqsi biex japprova kull reviżjoni tal-lista ta’ pajjiżi terzi materjali permezz ta’ proċedura bil-miktub. Jekk titqajjem oġġezzjoni, il-Bord Ġenerali jivvota. Is-Segretarjat tal-BERS għandu, fuq bażi annwali, iħejji abbozz ta’ lista ta’ pajjiżi terzi materjali bbażata fuq l-applikazzjoni tal-kriterji ta’ żieda u ta’ tħassir. Il-Kumitat Tekniku Konsultattiv ikun kapaċi jeżerċita d-diskrezzjoni tiegħu u jemenda l-abbozz ta’ lista qabel is-sottomissjoni lill-Bord Ġenerali.

(10)

Pajjiżi terzi materjali identifikati skont din id-Deċiżjoni jiġu mmonitorjati mis-Segretarjat tal-BERS. Pajjiżi terzi oħrajn jistgħu jiġu mmonitorjati minn ġurisdizzjonijiet oħrajn fl-Unjoni skont il-materjalità tagħhom għas-sistema bankarja domestika ta’ Stat Membru partikolari. Ħila esperta miksuba mid-Dashboard tar-Riskju u minn xogħol li jkun sar qabel dwar ir-riżerva ta’ kapital kontroċiklika tintuża biex tidentifika dawk l-indikaturi li huma aktar relevanti f’termini tal-identifikazzjoni bikrija ta’ tkabbir tal-kreditu eċċessiv.

(11)

Il-BERS inizjalment identifika sitt pajjiżi terzi bħala materjali, fuq il-bażi ta’ dejta superviżorja b’data ta’ referenza tat-30 ta’ Ġunju 2014. Il-pajjiżi terzi identifikati inizjalment bħala materjali huma r-Repubblika Federattiva tal-Brażil, ir-Reġjun Amministrattiv Speċjali ta’ Ħong Kong tar-Repubblika Popolari taċ-Ċina, ir-Repubblika tat-Turkija, il-Federazzjoni Russa u l-Istati Uniti tal-Amerika. Emendi għal din il-lista ta’ pajjiżi terzi materjali għandhom jiġu ppubblikati fuq is-sit elettroniku tal-BERS.

(12)

L-ewwel reviżjoni tal-lista ta’ pajjiżi terzi materjali, kif identifikati mill-BERS, ser issir fit-tieni trimestru tal-2017, bl-użu ta’ dejta superviżorja b’data ta’ referenza tal-31 ta’ Diċembru 2016. Dan jirrifletti l-ħtieġa li jkun hemm dejta suffiċjenti sabiex jiġu applikati l-kriterji addizzjonali. Minħabba l-fatt li mhux ser ikun hemm dejta suffiċjenti biex jiġu applikati l-kriterji tat-tħassir, din l-ewwel reviżjoni ser tikkunsidra biss żidiet potenzjali għal-lista ta’ pajjiżi terzi materjali.

(13)

Reviżjonijiet sussegwenti għal-lista ta’ pajjiżi terzi materjali ser iseħħu bl-użu ta’ dejta superviżorja b’data ta’ referenza tal-31 ta’ Diċembru ta’ kull sena kalendarja relevanti. Ladarba tkun disponibbli dejta suffiċjenti għall-applikazzjoni tal-kriterji tat-tħassir, ir-reviżjonijiet sussegwenti ser jikkunsidraw ukoll tħassir potenzjali mil-lista ta’ pajjiżi terzi materjali.

(a)

“rata tar-riżerva ta’ kapital kontroċiklika” għandha l-istess tifsira bħal fl-Artikolu 128(7) tad-Direttiva 2013/36/UE;

(b)

“skopertura” għandha l-istess tifsira bħal fl-Artikolu 5(1) tar-Regolament (UE) Nru 575/2013 tal-Parlament Ewropew u tal-Kunsill (6);

(c)

“monitoraġġ/immonitorjat mis-Segretarjat tal-BERS” tfisser il-governanza, il-manutenzjoni u l-aġġornament regolari ta’ sett ta’ indikaturi u għodod kwantitattivi mis-Segretarjat tal-BERS sabiex jiġi ssenjalat tkabbir tal-kreditu potenzjalment eċċessiv f’pajjiżi terzi materjali;

(d)

“pajjiż terz” għandha l-istess tifsira bħal fil-punt 1(g) tat-Taqsima 2 tar-Rakkomandazzjoni BERS/2015/1.

(a)

ammonti ta’ skopertura ppeżati skont ir-riskju;

(b)

skoperturi oriġinali; u

(c)

skoperturi inadempjenti.

(a)

Mudell C 09.01: intersezzjoni tar-ringieli 070, 080, 090, 100, 110, 120, 130, 140, 150, 160, u kolonni 010, 020 u 080; u

(b)

Mudell C 09.02: intersezzjoni tar-ringieli 030, 060 u 140, u kolonni 010, 030 u 110.

(a)

il-medja aritmetika ta’ skoperturi għall-pajjiż terz fit-tmien trimestri ta’ qabel id-data ta’ referenza kienet ta’ mill-inqas 1 % għal ta’ mill-inqas wieħed mill-metriċi elenkati fl-Artikolu 3(2); u

(b)

l-iskoperturi f’kull wieħed miż-żewġ trimestri ta’ qabel id-data ta’ referenza kienu ta’ inqas minn 1 % għal ta’ mill-inqas wieħed mill-metriċi elenkati fl-Artikolu 3(2).

(a)

il-medja aritmetika ta’ skoperturi għal dak il-pajjiż fi tnax-il trimestru qabel id-data ta’ referenza kienet ta’ mill-inqas 1 % għall-metriċi kollha elenkati fl-Artikolu 3(2); u

(b)

l-iskoperturi f’kull wieħed miż-żewġ trimestri ta’ qabel id-data ta’ referenza kienu taħt il-1 % għall-metriċi kollha elenkati fl-Artikolu 3(2).

12.3.2016   

MT

Il-Ġurnal Uffiċjali tal-Unjoni Ewropea

C 97/28

(1)

Il-Bord Ewropew dwar ir-Riskju Sistemiku (BERS) huwa responsabbli għas-superviżjoni makroprudenzjali ġewwa l-Unjoni. F’dan ir-rigward, il-BERS għandu l-għan li jikkontribwixxi għall-prevenzjoni jew il-mitigazzjoni ta’ riskji sistemiċi għall-istabbiltà finanzjarja fl-Unjoni, inklużi riskji ġejjin minn barra l-Unjoni. Bħala parti minn dan il-kompitu, il-BERS jaħdem biex jiġi evitat arbitraġġ regolatorju u żvelar mhux awtorizzat transkonfinali billi jiġi żgurat li l-istess rekwiżiti makroprudenzjali jew ekwivalenti japplikaw għall-istess riskji fi ħdan l-Unjoni. Biex tiġi żgurata l-effettività tal-miżuri tal-politika makroprudenzjali, il-BERS jikkonsidra tliet kompiti bħala li huma ta’ importanza partikolari. Dawn il-kompiti huma stabbiliti mid-dritt tal-Unjoni u/jew isegwu mir-Regolament (UE) Nru 1092/2010.

(2)

L-ewwel nett, il-BERS għandu l-mandat skont l-Artikolu 133 tad-Direttiva 2013/36/UE u tal-Artikolu 458 tar-Regolament (UE) Nru 575/2013 li jivvaluta kemm huma xierqa l-miżuri tal-politika makroprudenzjali qabel ma jiġu adottati mill-Istati Membri jew il-Bank Ċentrali Ewropew (BĊE).

(3)

It-tieni nett, il-BERS jivvaluta l-effetti potenzjalment ħżiena ta’ konsegwenzi ulterjuri transkonfinali ta’ miżuri tal-politika makroprudenzjali speċifiċi u, jekk ikun irċieva talba ta’ reċiprokazzjoni mill-awtorità attivanti rilevanti, jevalwa jekk miżuri tal-politika makroprudenzjali speċifiċi meħudin mill-Istati Membri għandhomx jiġu rreċiprokati ġewwa l-Unjoni skont il-qafas stabbilit fir-Rakkomandazzjoni BERS/2015/2 tal-Bord Ewropew dwar ir-Riskju Sistemiku. Bis-saħħa tal-Artikolu 134 tad-Direttiva 2013/36/UE u l-Artikolu 458 tar-Regolament (UE) Nru 575/2013, l-Istati Membri jistgħu jitolbu lill-BERS li joħroġ rakkomandazzjonijiet lil Stati Membri oħrajn li jeħtieġu r-reċiprokazzjoni tal-miżuri tal-politika makroprudenzjali tagħhom. Skont il-mandat tiegħu, il-BERS jista’ jirrakkomanda wkoll ir-reċiprokazzjoni tal-miżuri li r-reċiprokazzjoni tagħhom hija suġġetta għad-diskrezzjoni nazzjonali.

(4)

It-tielet nett, il-BERS jikkontribwixxi biex tintlaħaq koerenza ġewwa l-Unjoni għal rati ta’ riżerva ta’ kapital kontroċiklika (CCB) li japplikaw għall-iskoperturi għal pajjiżi terzi. Hemm mandat speċifiku fl-Artikolu 138 tad-Direttiva 2013/36/UE li jinħarġu rakkomandazzjonijiet sabiex jiġi żgurat li dawk ir-rati CCB jkunu biżżejjed biex jipproteġu l-istituzzjonijiet tal-Unjoni mir-riskju ta’ tkabbir ta’ kreditu eċċessiv f’pajjiżi terzi. Skont l-Artikolu 139 tad-Direttiva 2013/36/UE, il-BERS jista’ joħroġ rakkomandazzjonijiet biex tintlaħaq koerenza ġewwa l-Istati Membri meta jeżerċitaw il-poteri mogħtija minn dak l-Artikolu fil-qasam tal-iffissar u r-rikonoxximent tar-rati CCB għall-iskoperturi għal pajjiżi terzi

(5)

Fir-rigward tal-ewwel kompitu tiegħu tal-valutazzjoni ta’ kemm huma xierqa ċerti miżuri tal-politika makroprudenzjali qabel l-adozzjoni tagħhom, fl-2014 il-BERS stabbilixxa Tim ta’ Valutazzjoni li ngħata l-mandat li janalizza dawn il-miżuri u biex jipprepara opinjonijiet u rakkomandazzjonijiet. Billi t-tieni u t-tielet kompiti tal-BERS għandhom numru ta’ aspetti li huma komuni mal-ewwel kompitu tiegħu, huwa rakkomandabbli li l-mandat jiġi estiż għat-Tim ta’ Valutazzjoni eżistenti biex ikopri t-tliet kompiti kollha. Fid-dawl tal-mandat estiż tat-Tim ta’ Valutazzjoni, imbagħad ikun meħtieġ ukoll li tiġi emendata l-kompożizzjoni tat-Tim ta’ Valutazzjoni biex tiġi inkluża medda usa’ ta’ kompetenza teknika. Barra minn dan, huwa meħtieġ li l-mandat ta’ ċerti membri tat-Tim ta’ Valutazzjoni, maħtura skont id-Deċiżjoni BERS/2014/2 tal-Bord Ewropew Dwar ir-Riskju Sistemiku (8) jkompli sakemm jiskadu l-mandati rilevanti.

(6)

Sabiex il-BERS ikun jista’ jwettaq dawn it-tliet kompiti, huwa rrakkomandat li l-awtoritajiet rilevanti jinnotifikaw lill-BERS bil-miżuri tal-politika makroprudenzjali, inklużi dawk li jmorru lil hinn mir-rekwiżiti li jistabbilixxi d-dritt tal-Unjoni. Dawn ir-rekwiżiti ta’ notifika huma stabbiliti fl-Artikoli 129(2), 130(2), 131(7) u (12), 133, 134(2), 136(7) u 160 tad-Direttiva 2013/36/UE kif ukoll l-Artikolu 99(7) u l-Artikolu 458 tar-Regolament (UE) Nru 575/2013. Barra minn hekk, ir-Rakkomandazzjoni BERS/2015/2 tirrakkomanda li l-awtoritajiet rilevanti jinnotifikaw lill-BERS bil-miżuri kollha tal-politika makroprudenzjali adottati.

(7)

Il-proċeduri operattivi tat-Tim ta’ Valutazzjoni għal kull wieħed mit-tliet kompiti tiegħu għandhom jirriflettu l-perijodi ta’ żmien differenti li permezz tagħhom il-BERS huwa meħtieġ li jwettaq il-kompiti rispettivi tiegħu. B’mod partikolari, il-BERS se jagħti l-opinjonijiet jew ir-rakkomandazzjonijiet tiegħu dwar il-miżura inkwistjoni fi żmien xahar minn meta jirċievi notifika, skont l-Artikolu 133 tad-Direttiva 2013/36/UE u l-Artikolu 458 tar-Regolament (UE) Nru 575/2013. Il-BERS se jimmira li jemenda r-Rakkomandazzjoni BERS/2015/2 fi żmien tliet xhur minn meta jiġi nnotifikat b’dawn il-miżuri. Jekk il-BERS jikkunsidra li hija meħtieġa azzjoni fuq ir-rata CCB li tapplika għall-iskoperturi għal pajjiż terz speċifiku, huwa jkollu l-mira li joħroġ rakkomandazzjoni fi żmien tliet xhur minn meta jsir jaf bir-riskju potenzjali ta’ tkabbir ta’ kreditu eċċessiv fil-pajjiż terz ikkonċernat.

(8)

Id-Deċiżjoni BERS/2014/2 għandha tiġi mħassra u mibdula b’din id-Deċiżjoni sabiex jiġu inklużi iż-żewġ kompiti addizzjonali għat-Tim ta’ Valutazzjoni u t-tibdil korrispondenti għall-kompożizzjoni tiegħu.

(a)

Rakkomandazzjonijiet u opinjonijiet tal-BERS fuq miżuri ta’ politika makroprudenzjali skont l-Artikolu 133(14) u (15) tad-Direttiva 2013/36/UE u l-Artikolu 458(4) tar-Regolament (UE) Nru 575/2013;

(b)

Emendi għar-Rakkomandazzjoni BERS/2015/2 għall-inkorporazzjoni ta’ miżuri addizzjonali tal-politika makroprudenzjali notifikati li jkunu rrakkomandati għar-reċiprokazzjoni skont, imma mhux limitati għal, l-Artikolu 134(4) tad-Direttiva 2013/36/UE u l-Artikolu 458(8) tar-Regolament (UE) Nru 575/2013;

(c)

Ir-Rakkomandazzjonijiet BERS, fuq l-iffissar u r-rikonoxximent ta’ rata CCB speċifika għall-iskoperturi għal pajjiż terz speċifiku skont, imma mhux limitati għal, l-Artikoli 138 u 139 tad-Direttiva 2013/36/UE (iktar ‘il quddiem ir-“rakomandazzjonijiet BERS fuq rati speċifiċi CCB ta’ pajjiżi terzi”).

(1)

“adozzjoni” għandha l-istess tifsira mogħtija fit-Taqsima 2(1) tar-Rakkomandazzjoni BERS/2015/2;

(2)

“rata tar-riżerva ta’ kapital kontroċiklika” tfisser rata tar-riżerva ta’ kapital kontroċiklika kif iddefinita fl-Artikolu 128(7) tad-Driettiva 2013/36/UE;

(3)

“Darwin” ifisser is-sistema interna ta’ ġestjoni ta’ dokumenti tal-BERS.

(4)

“miżura tal-politika makroprudenzjali” għandha l-istess tifsira bħat-Taqsima 2(1) tar-Rakkomandazzjoni BERS/2015/2;

(5)

“notifika” għandha l-istess tifsira mogħtija fit-Taqsima 2(1) tar-Regolament BERS/2015/2;

(6)

“awtorità ta’ notifika” tfisser awtorità rilevanti li tittrażmetti notifika lill-BERS;

(7)

“opinjoni” tfisser kull opinjoni li għandha tinħareġ mill-BERS wara li jirċievi notifika dwar miżura tal-politika makroprudenzjali, skont l-Artikolu 133 tad-Driettiva 2013/36/UE u l-Artikolu 458 tar-Regolament (UE) Nru 575/2013;

(8)

“reċiproċità” għandha l-istess tifsira mogħtija fit-Taqsima 2(1) tar-Rakkomandazzjoni BERS/2015/2;

(9)

“rakkomandazzjoni” tfisser kull rakkomandazzjoni li għandha tinħareġ mill-BERS skont, imma mhux limitat għal, l-Artikoli 133(14), 134(4), 138 u 139 tad-Direttiva 2013/36/UE u l-Artikolu 458 tar-Regolament (UE) Nru 575/2013;

(10)

“awtorità attivanti rilevanti” għandha l-istess tifsira mogħtija fit-Taqsima 2(1) tar-Rakkomandazzjoni BERS/2015/2;

(11)

“awtorità rilevanti” għandha l-istess tifsira mogħtija fit-Taqsima 2(1) tar-Rakkomandazzjoni BERS/2015/2;

(12)

“awtorità tal-pajjiż terz rilevanti” għandha l-istess tifsira mogħtija fit-Taqsima 2(1) tar-Rakkomandazzjoni BERS/2015/2;

(13)

“pajjiż terz” għandha l-istess tifsira mogħtija fit-Taqsima 2(1) tar-Rakkomandazzjoni BERS/2015/2.

(a)

Jekk it-Tim ta’ Valutazzjoni jiddetermina li hemm ħtieġa ta’ diskussjoni fuq ir-reċiprokazzjoni tal-miżura inkunsiderazzjoni, is-Segretarjat tal-BERS għandu jissottometti il-valutazzjoni tat-Tim ta’ Valutazzjoni u l-abbozz ta’ emenda tar-Rakkomandazzjoni BERS/2015/2 għal laqgħa tal-ATC għad-diskussjoni. Din id-diskussjoni għandha tikkunsidra wkoll it-tipi ta’ miżura kif tista’ tintlaħaq ir-reċiprokazzjoni minn Stati Membri oħrajn tal-miżura inkunsiderazzjoni. Meta l-istess miżura bħal dik inkunsiderazzjoni ma tkunx disponibbli fil-leġiżlazzjoni nazzjonali tal-Istati Membri l-oħrajn kollha, it-Tim ta’ Valutazzjoni għandu jidentifika miżuri oħrajn b’effett ekwivalenti li awtoritajiet ta’ reċiprokazzjoni rilevanti jistgħu jużaw fuq bażi tal-aħjar sforz.

(b)

Jekk it-Tim ta’ Valutazzjoni jiddetermina li ma hemm bżonn l-ebda diskussjoni għaliex il-miżura nnotifikata hija bbażata fuq skopertura u hija disponibbli fl-Istati Membri l-oħrajn kollha, is-Segretarjat tal-BERS jista’ jittrażmetti l-abbozz ta’ emenda tar-Rakkomandazzjoni BERS/2015/2 permezz ta’ Darwin lill-membri kollha tal-ATC għal proċedura bil-miktub. F’dak il-każ, l-abbozz ta’ emenda tar-Rakkomandazzjoni BERS/2015/2 għandu jitlob reċiprokazzjoni ta’ dik il-miżura mill-Istati Membri kollha.

(a)

meta awtorità ta’ pajjiż terz rilevanti titlob ir-rikonoxximent ta’ rata bafer ‘il fuq minn 2,5 %.

(b)

meta l-BERS jkun informat minn awtorità nominata skont ir-rakkomandazzjoni A(1), tar-Rakkomandazzjoni BERS/2015/1, jew meta — għal pajjiżi li huma membri tal-Kumitat ta’ Basel dwar is-Superviżjoni Bankarja (BCBS) — is-Segretarjat tal-BERS isir jaf li awtorità ta’ pajjiż terz rilevanti jkun iffissa rata CCB għal dak il-pajjiż terz li jaqbeż it-2,5 %;

(c)

meta l-BERS ikun informat minn awtorità nominata skont ir-rakkomandazzjonijiet A(2) u B(3) bir-Rakkomandazzjoni BERS/2015/1;

(d)

meta l-BERS ikun informat minn awtorità maħtura skont ir-rakkomandazzjoni C(1), bir-Rakkomandazzjoni BERS/2015/1, jew meta r-rata CCB stabbilita minn awtorità ta’ pajjiż terz rilevanti, li hija minn pajjiż li huwa membru tal-BCBS, tkun ġiet irrikonoxxuta fuq il-bażi ta’ rakkomandazzjoni BERS, u s-Segretarjat tal-BERS isir jaf li l-awtorità ta’ pajjiż terz rilevanti tkun iffissat ir-rata CCB b’rata li hija iktar baxxa;

(e)

meta l-BERS ikun informat minn awtorità maħtura skont ir-rakkomandazzjoni C(2), bir-Rakkomandazzjoni BERS/2015/1, jew meta r-rata CCB stabbilita minn awtorità ta’ pajjiż terz rilevanti, li hija minn pajjiż li huwa membru tal-BCBS, tkun ġiet stabbilita fuq il-bażi ta’ rakkomandazzjoni BERS, u s-segretarjat tal-BERS isir jaf li l-awtorità ta’ pajjiż terz rilevanti tkun iffissat ir-rata CCB b’rata li hija iktar baxxa;

(f)

meta s-Segretarjat tal-BERS isib indikazzjonijiet ta’ tkabbir ta’ kreditu eċċessiv f’wieħed mill-pajjiżi terzi identifikat bħala materjali għall-Unjoni, kif definit fl-Artikolu 4 tad-Deċiżjoni BERS/2015/3.

12.3.2016   

MT

Il-Ġurnal Uffiċjali tal-Unjoni Ewropea

C 97/36