AVVIŻ TA’ KOMPETIZZJONIJIET ĠENERALI

EPSO/AD/304/15 — Ġuristi lingwisti tal-lingwa Bulgara (BG) (AD 7)

EPSO/AD/305/15 — Ġuristi lingwisti tal-lingwa Spanjola (ES) (AD 7)

EPSO/AD/306/15 — Ġuristi lingwisti tal-lingwa Franċiża (FR) (AD 7)

EPSO/AD/307/15 — Ġuristi lingwisti tal-lingwa Taljana (IT) (AD 7)

(2015/C 166 A/01)

Data tal-għeluq għar-reġistrazzjoni: it-23 ta’ Ġunju 2015 f’12.00 (nofsinhar), ħin ta' Brussell.

L-Uffiċċju Ewropew għas-Selezzjoni tal-Persunal (EPSO) qiegħed jorganizza kompetizzjonijiet ġenerali abbażi ta’ kwalifiki u eżamijiet, sabiex jinħolqu listi ta’ riżerva li minnhom il-Qorti tal-Ġustizzja fil-Lussemburgu ser tirrekluta membri ġodda tas-servizz pubbliku bħala “ġuristi lingwisti” (grupp ta’ funzjoni AD).

Dan l-Avviż ta’ Kompetizzjoni, flimkien mar-Regoli Ġenerali applikabbli għall-Kompetizzjonijiet Ġenerali ppubblikati f’ Il-Ġurnal Uffiċjali tal-Unjoni Ewropea C 70 A tas-27 ta' Frar 2015 (http://eur-lex.europa.eu/legal-content/EN/TXT/?uri=OJ:C:2015:070A:TOC), jikkostitwixxi l-qafas legalment vinkolanti għal din il-proċedura ta’ selezzjoni.

Numru mitlub ta’ kandidati magħżula:

EPSO/AD/304/15 – BG: 10

EPSO/AD/305/15 – ES: 15

EPSO/AD/306/15 – FR: 15

EPSO/AD/307/15 – IT: 12

Dan l-avviż ikopri diversi kompetizzjonijiet u tista’ tapplika biss għal waħda minnhom. Din l-għażla għandha waqt l-applikazzjoni elettronika u ma tistax tinbidel ladarba tkun ikkonfermajt u vvalidajt l-applikazzjoni elettronika tiegħek.

LIEMA FUNZJONIJIET SER INKUN QIEGĦED INWETTAQ?

L-irwol ġenerali tal-ġuristi lingwisti fil-Qorti tal-Ġustizzja huwa li jittraduċu testi legali fil-lingwa tal-kompetizzjoni minn tal-inqas żewġ lingwi uffiċjali oħra tal-UE u li jipprovdu analiżi legali b’kooperazzjoni mar-Reġistri u mad-dipartimenti l-oħra tal-Qorti tal-Ġustizzja.

Ara l-ANNESS I għal aktar informazzjoni dwar id-dmirijiet tipiċi li għandhom jitwettqu.

JIENA ELIĠIBBLI LI NAPPLIKA?

Inti trid tissodisfa dawn il-kundizzjonijiet KOLLHA meta tivvalida l-applikazzjoni tiegħek:

KIF SER INKUN MAGĦŻUL?

(1)    Selezzjoni preliminari bbażata fuq il-kwalifiki:

L-ewwel, ir-rekwiżiti ta’ eliġibbiltà ser jiġu vverifikati abbażi ta’ informazzjoni pprovduta fl-applikazzjoni elettronika tal-kandidati kollha. Jekk in-numru ta’ kandidati li jkunu ssodisfaw il-kundizzjonijiet ta’ ammissjoni jkun anqas minn 20 darba in-numru ta’ kandidati mixtieqa għal kull kompetizzjoni, ma ssirx preselezzjoni bbażata fuq il-kwalifiki u l-kandidati eleġibbli kollha jiġu mistiedna jagħmlu t-testijiet preliminari.

Jekk in-numru ta’ kandidati li jkunu jissodisfaw il-kundizzjonijiet ta’ ammissjoni jkun ugwali għal jew ogħla minn 20 darba n-numru mitlub ta’ kandidati magħżula għal kull kompetizzjoni, il-bord tal-għażla janalizza bir-reqqa l-applikazzjonijiet tal-kandidati eliġibbli kollha li vvalidaw il-formola tal-applikazzjoni tagħhom sad-data ta’ skadenza.

Is-selezzjoni abbażi tal-kwalifiki ser issir bl-użu tal-informazzjoni pprovduta mill-kandidati fit-taqsima Evalwazzjoni tal-Kapaċitajiet tal-formola tal-applikazzjoni. Il-bord ta' selezzjoni ser jassenja piż lil kull kriterju ta’ selezzjoni li jirrifletti l-importanza relattiva tiegħu (1 sa 3) u t-tweġibiet ta’ kull kandidat jingħataw bejn 0 u 4 punti.

Imbagħad, il-bord tas-selezzjoni jimmultiplika l-punti bil-piż ta’ kull kriterju u jgħoddhom flimkien sabiex jiġu identifikati dawk il-kandidati li l-profili tagħhom jissodisfaw bl-aħjar mod id-dmirijiet li għandhom jwettqu. Jekk int iġġib waħda mill- aħjar marki totali fil-fażi tas-selezzjoni preliminari abbażi tal-kwalifiki int tiġi mistieden għat-testijiet preliminari.

Jekk jogħġbok ara l-ANNESS IV għal-lista ta’ kriterji.

(2)    Testijiet preliminari: it-traduzzjonijiet

Sa massimu ta’ 20 darba n-numru ta’ kandidati ammessi u mitluba mill-kompetizzjoni jiġu mistiedna għal din il-fażi. Il-kandidati mistiedna għat-testijiet preliminari jagħmlu 2 testijiet ta’ traduzzjoni bil-kompjuter mingħajr l-għajnuna ta’ dizzjunarju:

Kull test idum 110 minuta u kull wieħed ser ikun immarkat minn 80 (marka minima 40/80). Jekk int ma tgħaddix mit-test (a), it-test (b) tiegħek ma jiġix ikkoreġut.

Il-marki miksuba f’dawn it-testijiet, flimkien mal-marki miksuba matul il-Fażi ta’ Evalwazzjoni, jingħaddu flimkien sabiex tinkiseb marka finali.

(3)    Il-Fażi ta’ Evalwazzjoni

Ser jiġu mistiedna għal din il-fażi sa massimu ta’ 4,5 darba n-numru ta’ kandidati ammessi u mitluba mill-kompetizzjoni. Jekk inti ksibt waħda mill- aħjar marki totali fit-testijiet preliminari, int tkun mistieden għall-Fażi ta’ Evalwazzjoni għal ġurnata u nofs, x’aktarx fil- Lussemburgu , fejn isirulek testijiet bil- lingwa 1 tiegħek.

Il-Fażi ta’ Evalwazzjoni hija magħmula minn sensiela ta’ mistoqsijiet b’għażla multipla fuq il-kompjuter u testijiet ibbażati fuq il-kompetenza kif indikat hawn taħt:

Jingħata punt wieħed għal kull mistoqsija u l-punteġġ globali jkun minn 40. Il-marki miksuba f’dawn it-testijiet jingħaddu mal-marka finali tiegħek.

Fl-istadju tal-Fażi ta’ Evalwazzjoni jiġu ttestjati tmien kompetenzi ġenerali u l-kompetenzi speċifiċi meħtieġa għal dawn il-kompetizzjonijiet permezz ta’ 3 testijiet (intervisti ġenerali u speċifiċi bbażati fuq il-kompetenza u eżerċizzju fi grupp) kif deskritt fit-tabelli li ġejjin:

Il-marki miksuba fit-testijiet tat-traduzzjoni jiġu miżjuda ma’ dawk miksuba matul il-Fażi ta’ Evalwazzjoni li tagħti lill-kandidati l-punteġġ globali tagħhom.

(4)    Lista ta’ riżerva

Wara li jiġu vverifikati d-dokumenti ta’ sostenn tal-kandidati, il-bord tal-għażla jistabbilixxi lista ta’ riżerva għal kull kompetizzjoni tal-kandidati eliġibbli li ġabu l-aħjar marki wara l-Fażi ta’ Evalwazzjoni sakemm jintlaħaq in-numru mitlub ta’ kandidati ammessi. L-ismijiet jiġu elenkati f’ordni alfabetika.

META U FEJN NISTA' NAPPLIKA?

Applika elettronikament fuq is-sit tal-EPSO http://jobs.eu-careers.eu sa:

23 ta’ Ġunju 2015 f’12.00 (nofsinhar), ħin ta’ Brussell.