3.5.2013

Il-Ġurnal Uffiċjali tal-Unjoni Ewropea

C 126/1

RAKKOMANDAZZJONI TAL-BANK ĊENTRALI EWROPEW

tas-26 ta’ April 2013

lill-Kunsill tal-Unjoni Ewropea dwar l-awdituri esterni tas-Suomen Pankki

(BĊE/2013/12)

2013/C 126/01

IL-KUNSILL GOVERNATTIV TAL-BANK ĊENTRALI EWROPEW,

Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, partikolarment l-Artiklu 27.1 tiegħu,

Billi:

(1)	Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Istati Membri li l-munita tagħhom hija l-euro huma verifikati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea.

(2)	Il-mandat tal-awdituri esterni kurrenti tas-Suomen Pankki ntemm wara l-verifika għas-sena finanzjarja 2012. Huwa għalhekk neċessarju li jinħatru awdituri esterni mis-sena finanzjarja 2013.

(3)	Suomen Pankki għażel lil PricewaterhouseCoopers Oy bħala l-awdituri esterni tiegħu għas-snin finanzjarji 2013 sa 2019,

ADOTTA DIN IR-RAKKOMANDAZZJONI:

Huwa rrakkomandat illi PricewaterhouseCoopers Oy għandhom jinħatru bħala l-awdituri esterni tas-Suomen Pankki għas-snin finanzjarji 2013 sa 2019.

Magħmula fi Frankfurt am Main, is-26 ta’ April 2013.

Il-President tal-BĊE

Mario DRAGHI

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

3.5.2013

Il-Ġurnal Uffiċjali tal-Unjoni Ewropea

C 126/2

Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament (1):

0,75 % fl-1 ta’ Mejju 2013

Rata tal-kambju tal-euro (2)

It-2 ta’ Mejju 2013

2013/C 126/02

1 euro =

	Munita	Rata tal-kambju
USD	Dollaru Amerikan	1,3191
JPY	Yen Ġappuniż	129,04
DKK	Krona Daniża	7,4559
GBP	Lira Sterlina	0,84660
SEK	Krona Żvediża	8,5503
CHF	Frank Żvizzeru	1,2244
ISK	Krona Iżlandiża
NOK	Krona Norveġiża	7,5865
BGN	Lev Bulgaru	1,9558
CZK	Krona Ċeka	25,650
HUF	Forint Ungeriż	297,08
LTL	Litas Litwan	3,4528
LVL	Lats Latvjan	0,7001
PLN	Zloty Pollakk	4,1465
RON	Leu Rumen	4,3215
TRY	Lira Turka	2,3633
AUD	Dollaru Awstraljan	1,2871
CAD	Dollaru Kanadiż	1,3285
HKD	Dollaru ta' Hong Kong	10,2357
NZD	Dollaru tan-New Zealand	1,5540
SGD	Dollaru tas-Singapor	1,6270
KRW	Won tal-Korea t'Isfel	1 452,85
ZAR	Rand ta' l-Afrika t'Isfel	11,8585
CNY	Yuan ren-min-bi Ċiniż	8,1204
HRK	Kuna Kroata	7,5822
IDR	Rupiah Indoneżjan	12 844,32
MYR	Ringgit Malażjan	4,0238
PHP	Peso Filippin	53,940
RUB	Rouble Russu	41,2009
THB	Baht Tajlandiż	38,821
BRL	Real Brażiljan	2,6426
MXN	Peso Messikan	16,0529
INR	Rupi Indjan	70,9210

(1) Rata applikata għall-operazzjoni l-iktar reċenti mwettqa qabel il-jum indikat. Fil-każ ta' sejħa għall-offerti b'rata varjabbli, ir-rata tal-interessi hija r-rata marġinali.

(2) Sors: rata tal-kambju ta' referenza ppubblikata mill-Bank Ċentrali Ewropew.

3.5.2013

Il-Ġurnal Uffiċjali tal-Unjoni Ewropea

C 126/3

Notifika minn qabel ta' konċentrazzjoni

(Każ COMP/M.6883 – Canada Life/Irish Life)

(Test b’relevanza għaż-ŻEE)

2013/C 126/03

Fit-22 ta’ April 2013, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Canada Life Limited (“Canada Life”, ir-Renju Unit) ultimament ikkontrollata minn Power Corporation of Canada (il-Kanada), takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet, il-kontroll sħiħ ta’ Irish Life Group Limited (“Irish Life”, l-Irlanda), li bħalissa hija kkontrollata mill-Ministru tal-Finanzi tal-Irlanda permezz ta’ xiri ta’ ishma.

L-attivitajiet kummerċjali tal-impriżi kkonċernati huma:

—	Canada Life: il-provvista ta’ assikurazzjoni tal-ħajja individwali u kollettiva, ġestjoni tal-ġid, protezzjoni tal-pensjoni u servizzi ta’ ġestjoni tal-assi f'livell internazzjonali,

—	Irish Life: il-provvista ta' assikurazzjoni tal-ħajja, u tal-pensjoni, individwali u kollettiva, pariri u prodotti finanzjarji għall-membri fil-unjons tas-settur pubbliku, kif ukoll il-ġestjoni ta’ fondi fl-Irlanda u r-Renju Unit.

3.	Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6883 – Canada Life/Irish Life, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

		ISSN 1977-0987 doi:10.3000/19770987.C_2013.126.mlt
Il-Ġurnal Uffiċjali tal-Unjoni Ewropea		C 126

Edizzjoni bil-Malti	Informazzjoni u Avviżi	Volum 56 3 ta' Mejju 2013

Avviż Nru	Werrej	Paġna
	I Riżoluzzjonijiet, rakkomandazzjonijiet u opinjonijiet
	RAKKOMANDAZZJONIJIET
	Il-Bank Ċentrali Ewropew
2013/C 126/01	Rakkomandazzjoni tal-Bank Ċentrali Ewropew tas-26 ta’ April 2013 lill-Kunsill tal-Unjoni Ewropea dwar l-awdituri esterni tas-Suomen Pankki (BĊE/2013/12)	1

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2013/C 126/03	Notifika minn qabel ta' konċentrazzjoni (Każ COMP/M.6883 – Canada Life/Irish Life) ( 1 )	3

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2013/C 126/02	Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament: 0,75 % fl-1 ta’ Mejju 2013 – Rata tal-kambju tal-euro	2


	(1) Test b’relevanza għaż-ŻEE