6.11.2012   

MT

Il-Ġurnal Uffiċjali tal-Unjoni Ewropea

C 336/1

6.11.2012   

MT

Il-Ġurnal Uffiċjali tal-Unjoni Ewropea

C 336/2

6.11.2012   

MT

Il-Ġurnal Uffiċjali tal-Unjoni Ewropea

C 336/3

6.11.2012   

MT

Il-Ġurnal Uffiċjali tal-Unjoni Ewropea

C 336/4

1.

Fit-30 ta’ Novembru 2011, il-Kummissjoni adottat proposta li tikkonċerna emendi għad-Direttiva 2006/43/KE dwar il-verifiki statutorji (1). L-emendi għad-Direttiva 2006/43/KE jikkonċernaw l-approvazzjoni u r-reġistrazzjoni ta’ awdituri u ditti tal-awditjar, il-prinċipji rigward l-etika professjonali, is-segretezza professjonali, l-indipendenza u r-rapportar kif ukoll ir-regoli assoċjati dwar is-superviżjoni. Fl-istess data, il-Kummissjoni adottat proposta għal Regolament dwar l-awditjar statutorju ta’ entitajiet ta’ interess pubbliku (2), li jistabbilixxi l-kundizzjonijiet għat-twettiq tat-tali awditjar (minn hawn ’il quddiem imsejjaħ “ir-Regolament propost”). Dawn il-proposti ntbagħtu lill-KEPD għal konsultazzjoni fis-6 ta’ Diċembru 2011.

2.

Il-KEPD jilqa’ l-fatt li huwa kkonsultat mill-Kummissjoni u jirrakkomanda li fil-preambolu tad-Direttiva tiġi inkluża referenza għal din l-Opinjoni. Diġà ġiet inkluża referenza għall-konsultazzjoni tal-KEPD fil-preambolu tar-Regolament propost.

3.

F’din l-Opinjoni, il-KEPD jindirizza kwistjonijiet relatati mad-Direttiva 2006/43/KE li jmorru lil hinn minn dak kopert mill-emendi proposti. Jisħaq fuq l-implikazzjonijiet potenzjali għall-protezzjoni tad-data tad-Direttiva stess (3). L-analiżi ppreżentata f’din l-Opinjoni hija direttament relevanti għall-applikazzjoni tal-leġiżlazzjoni eżistenti u għal proposti pendenti u possibbli oħrajn fil-ġejjieni li jkun fihom dispożizzjonijiet simili, bħal dawk diskussi fl-Opinjonijiet tal-KEPD fuq il-pakkett leġiżlattiv dwar ir-reviżjoni tal-leġiżlazzjoni bankarja, l-aġenziji ta’ klassifikazzjoni tal-kreditu, is-swieq fl-istrumenti finanzjarji (MiFID/MiFIR) u l-abbuż tas-suq (4). Għaldaqstant, il-KEPD jirrakkomanda li din l-Opinjoni tinqara flimkien mal-Opinjonijiet tiegħu tal-10 ta’ Frar 2012 dwar l-inizjattivi msemmija hawn fuq.

4.

Il-Kummissjoni tqis lid-ditti tal-awditjar bħala atturi li kkontribwew għall-kriżi finanzjarja, u tfittex li tindirizza r-rwol tal-awdituri fil-kriżi – jew tabilħaqq ir-rwol li missu kellhom. Il-Kummissjoni tiddikkjara wkoll li awditjar robust huwa fundamentali biex jerġgħu jinbnew il-fiduċja u l-kunfidenza fis-suq.

5.

Il-Kummissjoni ssemmi wkoll li huwa importanti li jiġi enfasizzat li l-awdituri huma fdati mil-liġi sabiex iwettqu awditjar statutorju tad-dikjarazzjonijiet finanzjarji tal-kumpaniji li jgawdu minn responsabilità limitata u/jew li huma awtorizzati jipprovdu servizzi fis-settur finanzjarju. Din il-fiduċja twieġeb għat-twettiq tar-rwol soċjali ta’ għoti ta’ opinjoni dwar il-verità u l-korrettezza tad-dikjarazzjonijiet finanzjarji ta’ dawk il-kumpaniji.

6.

Fl-aħħar, skont il-Kummissjoni, il-kriżi finanzjarja xeħtet dawl fuq dgħjufijiet fl-awditjar statutorju speċjalment fir-rigward tal-Entitajiet ta’ Interess Pubbliku (PIE - Public Interest Entities). Dawn huma entitajiet ta’ interess pubbliku notevoli minħabba n-negozju, id-daqs u n-numru ta’ impjegati jew l-istatus korporattiv tagħhom, inkella għaliex għandhom firxa wiesgħa ta’ partijiet interessati.

7.

Biex tindirizza dan it-tħassib, il-Kummissjoni ppubblikat proposta biex tiġi emendata d-Direttiva 2006/43/KE dwar il-verifiki statutorji, li tikkonċerna l-approvazzjoni u r-reġistrazzjoni ta’ awdituri u ditti tal-awditjar, il-prinċipji dwar l-etika professjonali, is-segretezza professjonali, l-indipendenza u r-rapportar kif ukoll ir-regoli dwar is-superviżjoni assoċjati. Il-Kummissjoni pproponiet ukoll Regolament ġdid dwar l-awditjar statutorju ta’ entitajiet ta’ interess pubbliku li jistabbilixxi l-kundizzjonijiet għat-twettiq ta’ awditjar bħal dan.

8.

Il-Kummissjoni tipproponi li d-Direttiva 2006/43/KE għandha tapplika f’sitwazzjonijiet mhux koperti mir-Regolament propost. Għaldaqstant, huwa importanti li tiġi introdotta separazzjoni ċara bejn iż-żewġ testi legali. Dan ifisser li d-dispożizzjonijiet attwali fid-Direttiva 2006/43/KE relatati biss mat-twettiq tal-awditjar statutorju fuq id-dikjarazzjonijiet finanzjarji annwali u kkonsolidati tal-entitajiet ta’ interess pubbliku jiddaħħlu u jiġu emendati kif xieraq fir-Regolament propost.

9.

F’ċerti każijiet, l-implimentazzjoni u l-applikazzjoni tal-qafas legali għall-awditjar statutorju jistgħu jaffettwaw id-drittijiet tal-individwi relatati mal-ipproċessar tad-data personali tagħhom. Id-Direttiva 2006/43/KE fl-għamla attwali u emendata tagħha u r-Regolament propost fihom dispożizzjonijiet li jista’ jkollhom implikazzjonijiet għall-protezzjoni tad-data għall-individwi kkonċernati.

46.

Il-KEPD huwa sodisfatt bl-attenzjoni mogħtija b’mod speċifiku għall-protezzjoni tad-data fir-Regolament propost, iżda identifika lok għal xi titjib.

47.

Il-KEPD jagħmel ir-rakkomandazzjonijiet li ġejjin:

6.11.2012   

MT

Il-Ġurnal Uffiċjali tal-Unjoni Ewropea

C 336/7

1.

Fit-28 ta’ Marzu 2012, il-Kummissjoni adottat Komunikazzjoni bit-titolu “Il-Ġlieda kontra l-Kriminalità f’din l-Era Diġitali: It-Twaqqif ta’ Ċentru Ewropew taċ-Ċiberkriminalità” (1).

2.

Il-KEPD jinnota li l-Kunsill ippubblika l-Konklużjonijiet tiegħu dwar it-twaqqif ta’ Ċentru Ewropew taċ-Ċiberkriminalità fis-7-8 ta' Ġunju 2012 (2). Il-Kunsill japprova l-miri tal-Komunikazzjoni, jappoġġja t-twaqqif taċ-Ċentru (imsejjaħ ukoll “EC3”) fl-Europol u l-użu tal-istrutturi eżistenti biex jaħdmu flimkien ma’ oqsma oħra tal-kriminalità, jikkonferma li l-EC3 għandu jservi bħala punt fokali fil-ġlieda kontra ċ-ċiberkriminalità, u li l-EC3 sejjer jikkoopera mill-qrib mal-aġenziji u ma’ atturi rilevanti f’livell internazzjonali, u jappella lill-Kummissjoni f'konsultazzjoni mal-Europol biex telabora aktar il-kamp ta’ applikazzjoni tal-kompiti speċifiċi li sejrin ikunu meħtieġa biex jagħmlu l-EC3 operattiv sal-2013. Madankollu, il-Konklużjonijiet ma jirreferux għall-importanza tad-drittijiet fundamentali, u b’mod partikolari, għall-protezzjoni tad-dejta fit-twaqqif tal-EC3.

3.

Qabel l-adozzjoni tal-Komunikazzjoni tal-Kummissjoni, il-KEPD kien ingħata l-possibbiltà li jipprovdi kummenti informali dwar l-abbozz ta’ Komunikazzjoni. Fil-kummenti informali tiegħu, il-KEPD enfasizza li l-protezzjoni tad-dejta hija aspett essenzjali li għandha tittieħed f’kunsiderazzjoni fit-twaqqif taċ-Ċentru Ewropew taċ-Ċiberkriminalità (minn hawn ’il quddiem “EC3”). Sfortunatament, il-Komunikazzjoni ma ħaditx f’kunsiderazzjoni l-kummenti magħmula fl-istadju informali. Barra minn hekk, il-Konklużjonijiet tal-Kunsill jitolbu li jiġi żgurat li sas-sena d-dieħla, iċ-Ċentru jkun diġà operattiv. Din hija r-raġuni għala l-protezzjoni tad-dejta għandha tittieħed f'kunsiderazzjoni fil-passi li jmiss li diġà sejrin jittieħdu fuq perjodu ta' żmien qasir ħafna.

4.

Din l-opinjoni tindirizza l-importanza tal-protezzjoni tad-dejta waqt it-twaqqif tal-EC3, u tipprovdi suġġerimenti speċifiċi li jistgħu jittieħdu f’kunsiderazzjoni waqt it-twaqqif tat-termini ta’ referenza għall-EC3 u fir-reviżjoni leġiżlattiva tal-qafas legali tal-Europol. Filwaqt li jaġixxi fuq l-inizjattiva tiegħu stess, il-KEPD għalhekk adotta l-Opinjoni attwali bbażata fuq l-Artikolu 41 (2) tar-Regolament (KE) Nru 45/2001.

5.

Fil-Komunikazzjoni tagħha, il-Kummissjoni tindika l-intenzjoni li toħloq Ċentru Ewropew taċ-Ċiberkriminalità bħala prijorità tal-Istrateġija tas-Sigurtà Interna (3).

6.

Il-Komunikazzjoni tipprovdi lista mhux eżawrjenti ta’ diversi aspetti ta’ ċiberkriminalità li fuqhom huwa mistenni jiffoka l-EC3: ċiberkriminalità mwettqa minn gruppi tal-kriminalità organizzata, b'mod partikolari dawk li jiġġeneraw profitti kriminali kbar bħal frodi online, ċiberkriminalità li tikkawża ħsara serja lill-vittmi tagħha, bħall-isfruttament sesswali online tat-tfal, u ċiberkriminalità li taffettwa serjament sistemi kritiċi tat-Teknoloġija tal-Informazzjoni u tal-Komunikazzjoni (ICT) fl-Unjoni.

7.

Fir-rigward tal-ħidma taċ-Ċentru, il-Komunikazzjoni telenka erba’ kompiti ewlenin (4):

8.

L-informazzjoni pproċessata mill-EC3 sejra tinġabar mill-firxa l-aktar wiesgħa ta’ sorsi pubbliċi, privati u miftuħa, tarrikkixxi d-dejta disponibbli tal-pulizija, u tkun tikkonċerna attivitajiet, metodi u suspettati taċ-ċiberkriminalità. L-EC3 sejjer jikkollabora direttament ukoll ma’ aġenziji u korpi Ewropej oħra. Dan sejjer iseħħ permezz tal-parteċipazzjoni ta’ dawn l-entitajiet fil-Bord tal-Programm tal-EC3 u wkoll permezz ta’ kooperazzjoni operattiva fejn rilevanti.

9.

Il-Kummissjoni tipproponi li l-EC3 ikun l-interfaċċja naturali għall-attivitajiet taċ-ċiberkriminalità tal-Europol u ta’ unitajiet oħrajn tal-pulizija internazzjonali taċ-ċiberkriminalità. Fi sħubija mal-Interpol u ma’ msieħba strateġiċi oħrajn madwar id-dinja, l-EC3 għandu wkoll ifittex li jtejjeb ir-rispons ikkoordinat fil-ġlieda kontra ċ-ċiberkriminalità.

10.

F'termini prattiċi, il-Kummissjoni tipproponi li toħloq dan l-EC3 bħala parti mill-Europol. L-EC3 sejjer ikun parti mill-Europol  (5) u, għalhekk, sejjer jitpoġġa taħt ir-reġim legali tal-Europol (6).

11.

Skont il-Kummissjoni Ewropea (7), in-novitajiet ewlenin li l-EC3 propost sejjer iġib lill-attivitajiet attwali tal-Europol sejrin ikunu: (i) aktar riżorsi biex ikun hemm ġbir aktar effiċjenti ta’ informazzjoni minn sorsi varji (ii) l-iskambju ta’ informazzjoni ma’ msieħba lil hinn mill-komunità tal-infurzar tal-liġi (prinċipalment mis-settur privat).

12.

F’din l-opinjoni, il-KEPD ifittex li:

13.

L-opinjoni hija organizzata kif ġej. Parti 2.1 telabora għala l-protezzjoni tad-dejta hija element essenzjali fit-twaqqif tal-EC3. Parti 2.2 tittratta l-kompatibilità tal-għanijiet stabbiliti għall-EC3 fil-Komunikazzjoni mal-mandat legali tal-Europol. Parti 2.3 tittratta l-kooperazzjoni mas-settur privat u mal-imsieħba internazzjonali.

50.

Il-KEPD iqis li l-ġlieda kontra ċ-ċiberkriminalità hija pedament fil-bini ta’ sikurezza u sigurtà fl-ispazju diġitali u fil-ġenerazzjoni tal-fiduċja meħtieġa. Il-KEPD jinnota li l-konformità mas-sistemi għall-protezzjoni tad-dejta għandha titqies bħala parti integrali tal-ġlieda kontra ċ-ċiberkriminalità u mhux bħala deterrent tal-effikaċja tagħha.

51.

Il-Komunikazzjoni tirreferi għat-twaqqif ta’ Ċentru Ewropew ġdid taċ-Ċiberkriminalità fl-Europol filwaqt li Ċentru taċ-Ċiberkriminalità tal-Europol diġà ilu jeżisti għal għadd ta’ snin. Il-KEPD jixtieq li tiġi pprovduta aktar ċarezza dwar il-kapaċitajiet ġodda u l-attivitajiet li sejrin jiddistingwu l-EC3 il-ġdid miċ-Ċentru taċ-Ċiberkriminalità eżistenti tal-Europol.

52.

Il-KEPD jagħti parir li l-kompetenzi tal-EC3 għandhom jiġu definiti b'mod ċar u mhux biss stabbiliti b’referenza għall-kunċett ta’ “Kriminalità tal-Kompjuter” inkluż fil-leġiżlazzjoni attwali tal-Europol. Barra minn hekk, id-definizzjoni tal-kompetenzi u s-salvagwardji għall-protezzjoni tad-dejta tal-EC3 għandhom ikunu parti mir-reviżjoni tal-leġiżlazzjoni tal-Europol. Sakemm il-leġiżlazzjoni l-ġdida tal-Europol issir applikabbli, il-KEPD jirrakkomanda li l-Kummissjoni tressaq kompetenzi u salvagwardji bħal dawn għall-protezzjoni tad-dejta fit-termini ta’ referenza għaċ-Ċentru. Dawn jistgħu jinkludu:

53.

Il-KEPD jikkunsidra li l-iskambji ta’ dejta personali tal-EC3 mal-“firxa l-aktar wiesgħa ta’ atturi pubbliċi, privati u miftuħa” jimplikaw riskji speċifiċi għall-protezzjoni tad-dejta peress li spiss jinvolvu l-ipproċessar ta’ dejta miġbura għal skopijiet kummerċjali u trasferimenti internazzjonali tad-dejta. Dawn ir-riskji ġew indirizzati mid-Deċiżjoni attwali tal-Europol li tistabbilixxi li, b'mod ġenerali, l-Europol m'għandux jiskambja dejta direttament mas-settur privat, u ma’ organizzazzjonijiet internazzjonali speċifiċi f'ċirkostanzi konkreti biss.

54.

F'dan l-isfond, u minħabba l-importanza ta’ dawn iż-żewġ attivitajiet għall-EC3, il-KEPD jirrakkomanda li għandhom jiġu pprovduti salvagwardji xierqa għall-protezzjoni tad-dejta skont id-dispożizzjonijiet eżistenti fid-Deċiżjoni tal-Europol. Dawn is-salvagwardji għandhom jiġu integrati fit-termini ta’ referenza li għandhom jiġu elaborati mit-tim ta’ implimentazzjoni għall-EC3 (u aktar tard fil-qafas legali rivedut tal-Europol) u fl-ebda każ ma għandhom iwasslu għal livell aktar baxx ta’ protezzjoni tad-dejta.

6.11.2012   

MT

Il-Ġurnal Uffiċjali tal-Unjoni Ewropea

C 336/10

1.

Fit-30 ta’ April 2012, il-Kummissjoni adottat proposta li tikkonċerna riformulazzjoni tar-Regolament tal-Kunsill (KE) Nru 1104/2008 ta’ Ottubru 2008 dwar il-Migrazzjoni mis-Sistema ta’ Informazzjoni ta’ Schengen (SIS) għas-Sistema ta’ Informazzjoni ta’ Schengen tat-tieni ġenerazzjoni (SIS II) (1) (“il-proposta”).

2.

Il-KEPD diġà ħareġ Opinjoni dwar it-tliet Proposti li jistabbilixxu s-Sistema ta’ Informazzjoni ta’ Schengen tat-Tieni Ġenerazzjoni fid-19 ta’ Ottubru 2005 (2). F’dak iż-żmien, il-KEPD iffoka l-analiżi tiegħu fuq il-ħtieġa li jiġu llimitati d-drittijiet għall-aċċess u l-perjodi ta’ żamma, kif ukoll fuq il-ħtieġa li tiġi pprovduta l-informazzjoni lis-suġġetti tad-dejta. Huwa rrimarka wkoll li l-funzjonalità ġdida tal-konnessjonijiet bejn ir-reġistri ma għandhiex twassal għal estensjoni tad-drittijiet għall-aċċess. Rigward id-disinn tekniku tas-SIS II, huwa rrakkomanda li jsir titjib fil-miżuri ta’ sigurtà u wissa kontra l-użu ta’ kopji nazzjonali.

3.

Il-KEPD jieħu nota tal-konklużjonijiet tal-Kunsill dwar il-migrazzjoni għas-SIS II (3). Fost l-oħrajn, il-Kunsill stieden lill-Istati Membri sabiex:

4.

Qabel l-adozzjoni tal-Proposta preżenti tal-Kummissjoni, il-KEPD ingħata l-possibbiltà li jipprovdi kummenti informali dwar l-abbozz ta’ Proposta. F’dawn il-kummenti, il-KEPD esprima t-tħassib tiegħu fuq l-aspetti differenti tal-Migrazzjoni li fil-fehma tiegħu għandhom jiġu kkjarifikati. Sfortunatament, it-test adottat ma ħax f’kunsiderazzjoni l-kummenti li saru matul l-istadju informali u għalhekk ma pprovdiex il-kjarifiki meħtieġa.

61.

Il-migrazzjoni tad-dejta li tinsab fis-SIS għas-SIS II hija operazzjoni li x’aktarx tinvolvi riskji speċifiċi mill-perspettiva tal-protezzjoni tad-dejta. Filwaqt li l-KEPD jilqa’ l-isforzi li saru sabiex jiġi żgurat li din il-migrazzjoni sseħħ b’mod konformi għal kollox mal-liġi, huwa għandu xi rakkomandazzjonijiet x’jagħmel sabiex il-proposta tkompli tittejjeb.

62.

Il-KEPD jilqa’ b’mod partikolari l-fatt li skont id-dispożizzjonijiet il-ġodda, il-qafas legali għas-SIS II jidħol fis-seħħ ladarba l-ewwel Stat Membru jkun wettaq il-bidla b’suċċess. Dan huwa rilevanti billi skont il-leġiżlazzjoni l-antika, il-qafas legali tas-SIS II seta’ jidħol fis-seħħ biss ladarba l-Istati Membri kollha jkunu wettqu l-migrazzjoni għas-SIS II, xi ħaġa li setgħet toħloq ambigwità legali, partikolarment fir-rigward ta’ funzjonijiet ġodda.

63.

Dan l-approċċ għandu jiġi vvalutat mill-perspettiva tas-superviżjoni. Fil-fehma tal-KEPD, huwa għandu jirriżulta fi trasferiment ta’ responsabbiltajiet matul il-migrazzjoni li jista’ jkollhom effetti negattivi u jaffettwaw is-salvagwardji li tipprovdi s-superviżjoni fil-mument meta tkun l-aktar meħtieġa. Għalhekk, il-KEPD jirrakkomanda li l-mekkaniżmu ta’ superviżjoni kkoordinata għandu jkun applikabbli mill-bidu tal-migrazzjoni. Ir-riformulazzjoni għandha tipprovdi għal dan l-approċċ.

64.

Il-KEPD huwa tal-opinjoni li l-aspetti essenzjali tal-migrazzjoni għandhom jiġu kkjarifikati aktar fit-test tar-Regolament u ma jitħallewx għal strumenti oħrajn, bħall-Pjan tal-Migrazzjoni. B’mod partikolari, dan jikkonċerna:

65.

Il-KEPD jirrakkomanda li r-Regolament għandu jsaħħaħ l-obbligi tal-ittestjar billi jikkjarifika:

66.

Il-miżuri ta’ sigurtà preventiva huma milqugħa b’mod speċjali, u l-KEPD jirrakkomanda li fit-test tar-riformulazzjoni tiġi introdotta dispożizzjoni speċifika li titlob lill-Kummissjoni u lill-Istati Membri jimplimentaw miżuri tekniċi u organizzattivi xierqa sabiex jiżguraw livell ta’ sigurtà adegwat għar-riskji rrappreżentati mill-migrazzjoni u kif ukoll min-natura speċifika tad-dejta personali li għandha tiġi pproċessata, abbażi tar-rekwiżiti tal-Artikolu 22 tar-Regolament (KE) Nru 45/2001.

6.11.2012   

MT

Il-Ġurnal Uffiċjali tal-Unjoni Ewropea

C 336/13

1.

Fis-7 ta’ Marzu 2012, il-Kummissjoni adottat proposta għal Regolament tal-Parlament Ewropew u tal-Kunsill dwar it-titjib tas-saldu tat-titoli fl-Unjoni Ewropea u dwar id-depożitarji ċentrali tat-titoli (CSDs) u li temenda d-Direttiva 98/26/KE (“il-proposta”). Din il-proposta ntbagħtet lill-KEPD għal konsultazzjoni fl-istess jum.

2.

Il-KEPD jilqa’ l-fatt li jiġi kkonsultat mill-Kummissjoni u jirrakkomanda li r-referenzi għal din l-Opinjoni jkunu inklużi fil-preamboli tar-Regolament propost.

3.

Il-proposta fiha dispożizzjonijiet li f’ċerti każijiet jista' jkollhom implikazzjonijiet ta’ protezzjoni tad-dejta għall-individwi kkonċernati bħas-setgħat investigattivi tal-awtoritajiet kompetenti, l-iskambju ta’ informazzjoni, iż-żamma ta’ rekords, l-esternalizzazzjoni tal-attivitajiet, il-pubblikazzjoni tas-sanzjonijiet u r-rapportar ta’ ksur.

4.

Hemm dispożizzjonijiet simili għal dawk imsemmija f’din l-Opinjoni f’bosta proposti pendenti u futuri possibbli, bħal dawk diskussi fl-Opinjonijiet tal-KEPD dwar il-Fondi Ewropej ta’ Kapital ta’ Riskju u l-Fondi ta’ Intraprenditorija Soċjali Ewropej (1), il-pakkett leġiżlattiv dwar ir-reviżjoni tal-leġiżlazzjoni bankarja, l-aġenziji tal-klassifikazzjoni tal-kreditu, is-swieq fl-istrumenti finanzjarji (MiFID/MiFIR) u l-abbuż tas-suq (2). Għaldaqstant, il-KEPD jirrakkomanda l-qari ta’ din l-Opinjoni b’konnessjoni mill-qrib mal-Opinjonijiet tiegħu dwar l-inizjattivi msemmija hawn fuq.

5.

Kull kummerċ fit-titoli ġewwa jew barra post tan-negozju huwa segwit minn fluss ta’ proċessi ta’ wara n-negozju, li jwasslu għas-saldu tal-kummerċ, li jfisser l-għoti ta’ titoli lix-xerrej għall-għoti ta’ flus kontanti lill-bejjiegħ. Is-CSDs huma istituzzjonijiet ewlenin li jippermettu s-saldu billi jħaddmu dawk li jissejħu sistemi ta’ saldu ta’ titoli. Dawn huma l-istituzzjonijiet li jiffaċilitaw it-tranżazzjonijiet konklużi fis-swieq. Is-CSDs jiżguraw ukoll ir-reġistrar inizjali u l-manutenzjoni ċentrali tal-kontijiet tat-titoli li jirreġistraw kemm-il titolu nħareġ, minn min u kull bidla fiż-żamma ta’ dawk it-titoli.

6.

Filwaqt li huma ġeneralment siguri u effiċjenti fi ħdan il-fruntieri nazzjonali, is-CSDs jingħaqdu u jikkomunikaw b’mod inqas sigur bejn il-fruntieri, u dan ifisser li investitur iħabbat wiċċu ma' riskji u spejjeż akbar meta jagħmel investiment transkonfinali. In-nuqqas ta’ suq intern uniku effiċjenti għas-saldu jqajjem ukoll tħassib serju ieħor bħal pereżempju l-limitazzjoni tal-aċċess tal-emittenti tat-titoli għas-CSDs, reġimi u regoli ta’ liċenzjar nazzjonali differenti għas-CSDs madwar l-UE u kompetizzjoni limitata bejn is-CSDs nazzjonali differenti. Dawn l-ostakli jirriżultaw f’suq frammentat ħafna filwaqt li t-tranżazzjonijiet transkonfinali fl-Ewropa qegħdin dejjem jiżdiedu u s-CSDs qegħdin isiru dejjem aktar interkonnessi.

7.

Il-proposta għandha l-għan li tindirizza dawn il-problemi billi tintroduċi l-obbligu li t-titoli trasferibbli kollha jiġu rrappreżentati f’format ta’ entrata fil-kotba u li dawn jiġu rreġistrati fis-CSDs qabel ma jiġu nnegozjati f’ċentri regolati, u b’hekk tarmonizza l-perjodi tas-saldu u r-reġimi dixxiplinarji tas-saldu madwar l-UE, u tintroduċi sett ta’ regoli komuni li jindirizzaw ir-riskji tal-operazzjonijiet u s-servizzi tas-CSDs.

8.

Il-proposta sejra tagħlaq il-qafas regolatorju għall-infrastrutturi tas-suq tat-titoli, flimkien mad-Direttiva 2004/39/KE dwar is-swieq fl-istrumenti finanzjarji (MiFID) għaċ-ċentri tan-negozjar, u l-proposta għal Regolament dwar tranżazzjonijiet tad-derivattivi (EMIR) għall-Kontropartijiet Ċentrali.

48.

Il-KEPD jilqa’ l-attenzjoni mogħtija b’mod speċifiku lill-protezzjoni tad-dejta fil-proposta.

49.

Il-KEPD jagħmel dawn ir-rakkomandazzjonijiet li ġejjin:

6.11.2012   

MT

Il-Ġurnal Uffiċjali tal-Unjoni Ewropea

C 336/15

1.

Fit-2 ta’ Mejju 2012, il-Kummissjoni ppubblikat il-Komunikazzjoni tagħha dwar “Strateġija Ewropea għal Internet Aħjar għat-Tfal” (1) (li minn hawn ’il quddiem sejra tissejjaħ “il-Komunikazzjoni”).

2.

Qabel l-adozzjoni ta’ din il-Komunikazzjoni, il-KEPD ingħata l-opportunità li jipprovdi kummenti informali. Il-KEPD jilqa’ l-fatt li fil-Komunikazzjoni ttieħdu f’kunsiderazzjoni wħud mill-kummenti informali tiegħu. Fir-rigward tal-importanza tas-suġġett, il-KEPD xorta waħda jixtieq jippreżenta din l-opinjoni fuq inizjattiva personali tiegħu.

3.

L-għan tal-Komunikazzjoni huwa li tiżviluppa strateġija biex ittejjeb il-protezzjoni tat-tfal fuq l-Internet. Il-Komunikazzjoni tinsab fil-kuntest tal-Aġenda tal-UE dwar id-Drittijiet tat-Tfal, (2) l-Aġenda Diġitali għall-Ewropa, (3) u l-Konklużjonijiet tal-Kunsill dwar il-Protezzjoni tat-Tfal fid-Dinja Diġitali. (4)

4.

Il-Komunikazzjoni hija msejsa fuq erba’ pilastri ewlenin:

5.

Il-Komunikazzjoni tispjega numru ta’ azzjonijiet li jridu jittieħdu mill-industrija, l-Istati Membri u l-Kummissjoni, rispettivament. Tkopri kwistjonijiet bħal kontrolli mill-ġenituri, issettjar tal-privatezza, klassifikazzjonijiet skont l-età, għodod ta’ rapportar, linji telefoniċi ta’ assistenza immedjata, u kooperazzjoni bejn l-industrija, il-linji telefoniċi ta’ assistenza immedjata u l-korpi ta’ infurzar tal-liġi

6.

Il-KEPD jappoġġja bis-sħiħ l-inizjattivi li għandhom l-għan li jsaħħu l-protezzjoni tat-tfal fuq l-Internet u jtejbu l-mezzi għall-ġlieda kontra l-abbuż ta’ tfal fuq l-Internet (5). F’żewġ Opinjonijiet preċedenti, il-KEPD xeħet dawl fuq l-importanza tal-protezzjoni u s-sikurezza tat-tfal fuq l-Internet f’perspettiva ta’ protezzjoni tad-dejta (6). Jilqa’ l-fatt li dan ġie rikonoxxut fil-Komunikazzjoni.

7.

L-użu dejjem ikbar tal-ambjent diġitali mit-tfal u l-evoluzzjoni kostanti ta’ dan l-ambjent jimponu riskji ġodda għall-protezzjoni tad-dejta u l-privatezza, li huma esposti fil-punt 1.2.3 tal-Komunikazzjoni. Riskji bħal dawn jinkludu, fost l-oħrajn, l-użu ħażin tad-dejta personali tagħhom, it-tqassim mhux mixtieq tal-profil personali tagħhom fuq siti ta’ netwerks soċjali, l-użu dejjem ikbar tas-servizzi ta’ ġeolokalizzazzjoni, il-fatt li dejjem qegħdin ikunu iktar soġġetti direttament għal kampanji ta’ pubbliċità u għal delitti serji bħal abbuż fuq tfal. Dawn huma riskji partikolari li jridu jiġu indirizzati b’mod li jkun xieraq għall-ispeċifiċità u l-vulnerabilità tal-kategorija tal-individwi f’riskju.

8.

Il-KEPD jilqa’ l-fatt li l-azzjonijiet previsti fil-Komunikazzjoni għandhom jirrispettaw il-qafas dwar il-protezzjoni tad-dejta attwali (inkluża d-Direttiva 95/46/KE u d-Direttiva 2002/58/KE (7) dwar il-Privatezza Elettronika), id-Direttiva dwar il-Kummerċ Elettroniku 2000/31/KE (8) u l-Karta tad-Drittijiet Fundamentali tal-UE, u li din tieħu f’kunsiderazzjoni wkoll il-qafas il-ġdid dwar il-protezzjoni tad-dejta (9). Il-KEPD jisħaq li l-miżuri kollha li jridu jiġu implimentati wara l-Komunikazzjoni għandhom ikunu konsistenti ma’ dan il-qafas.

9.

Din l-Opinjoni tixħet dawl fuq il-kwistjonijiet speċifiċi relatati mal-protezzjoni tad-dejta li joħorġu mill-miżuri previsti fil-Komunikazzjoni, li jridu jiġu indirizzati kif xieraq mill-indirizzati relevanti kollha tal-Komunikazzjoni, jiġifieri l-Kummissjoni, l-Istati Membri u l-industrija, fejn applikabbli. B’mod partikolari, il-Kapitolu II jixħet dawl fuq il-mezzi speċifiċi li jistgħu jgħinu jtejbu l-protezzjoni u s-sikurezza tat-tfal fuq l-Internet minn perspettiva ta’ protezzjoni tad-dejta. Fil-Kapitolu III, l-Opinjoni tixħet dawl fuq xi kwistjonijiet relatati mal-protezzjoni tad-dejta li jridu jiġu indirizzati għall-implimentazzjoni ta’ miżuri li għandhom l-għan li jiġġieldu kontra l-abbuż sesswali u l-isfruttament sesswali ta’ tfal fuq l-Internet, b’mod partikolari dwar l-użu ta’ għodod ta’ rapportar u l-kooperazzjoni bejn l-industrija, l-infurzar tal-liġi u l-linji telefoniċi ta’ assistenza immedjata.

49.

Il-KEPD jappoġġja l-inizjattivi tal-Komunikazzjoni li tagħmel l-Internet iktar sikur għat-tfal, u fil-ġlieda kontra abbuż sesswali u sfruttament sesswali ta’ tfal. B’mod partikolari, jilqa’ l-fatt li l-protezzjoni tad-dejta hija rikonoxxuta bħala element ewlieni għall-iżgurar tal-protezzjoni tat-tfal fuq l-Internet u sabiex jingħataw is-setgħa li jgawdu l-benefiċċji tiegħu b’mod sikur.

50.

Il-KEPD jixħet dawl fuq il-fatt li r-rekwiżiti dwar il-protezzjoni tad-dejta għandhom jiġu kkunsidrati kif suppost mill-industrija, l-Istati Membri u l-Kummissjoni meta jimplimentaw inizjattivi bil-għan li jiżguraw is-sikurezza tat-tfal fuq l-Internet, u b’mod partikolari:

51.

L-inizjattivi enfasizzati fil-Komunikazzjoni fir-rigward tal-ġlieda kontra l-abbuż sesswali u l-isfruttament sesswali tat-tfal iqajmu numru ta’ kwistjonijiet relatati mal-protezzjoni tad-dejta, li jridu jiġu kkunsidrati b’reqqa mill-partijiet interessati kollha fil-qasam ta’ azzjoni rispettiv tagħhom:

6.11.2012   

MT

Il-Ġurnal Uffiċjali tal-Unjoni Ewropea

C 336/18

6.11.2012   

MT

Il-Ġurnal Uffiċjali tal-Unjoni Ewropea

C 336/19

6.11.2012   

MT

Il-Ġurnal Uffiċjali tal-Unjoni Ewropea

C 336/20

1.

Fit-23 ta’ Ottubru 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Advent International Corporation (NL) takkwista fi ħdan it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ ta’ Mediq N.V. (NL) permezz ta’ offerta pubblika mħabbra fl-24 ta’ Settembru 2012.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6762 – Advent International Corporation/Mediq, fl-indirizz li ġej:

6.11.2012   

MT

Il-Ġurnal Uffiċjali tal-Unjoni Ewropea

C 336/21

1.

Fl-24 ta’ Ottubru 2012, il-Kummissjoni rċeviet notifika ta' konċentrazzjoni proposta skont l-Artikolu 4 u wara riferiment skont l-Artikolu 4(5) tar-Regolament tal-Kunsill (KE) Nru 139/2004 (1) li permezz tagħha l-impriżi REWE Touristik GmbH (il-Ġermanja) li tappartjeni għal REWE Group u Ferid NASR (ir-Repubblika Ċeka) jakkwistaw fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt tal-impriża EXIM Holding SA (ir-Repubblika Ċeka) permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6704 – REWE Touristik GmbH/Ferid NASR/EXIM Holding SA, fl-indirizz li ġej: