KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

14.6.2012

Il-Ġurnal Uffiċjali tal-Unjoni Ewropea

C 168/1

Awtorizzazzjoni għal għajnuna mill-Istat skont l-Artikoli 107 u 108 tat-TFUE

Fir-rigward ta' dawn il-każijiet il-Kummissjoni ma tqajjimx oġġezzjonijiet

(Test b’rilevanza għaż-ŻEE, għajr f’dak li għandu x’jaqsam mal-prodotti rilevanti mal-Anness I tat-Trattat)

2012/C 168/01

Data tal-adozzjoni tad-Deċiżjoni

8.5.2012

In-numru ta' referenza tal-għajnuna

SA.33418 (11/N)

Stat Membru

L-Ungerija

Reġjun

—

Titolu (u/jew isem tal-benefiċjarju)

Mezőgazdasági Időjárási Kockázatkezelési Program

Il-bażi legali

A mezőgazdasági termelést érintő időjárási és más természeti kockázatok kezeléséről szóló 2011. évi CLXVIII törvény,

A vidékfejlesztési miniszter …/2012. (… …) VM rendelete a kárenyhítési hozzájárulás megfizetésével, valamint a kárenyhítő juttatás igénybevételével kapcsolatos egyes kérdésekről

It-tip tal-miżura

Skema

—

L-għan

Diżastri naturali jew ġrajjiet eċċezzjonali, Kundizzjonijeit ħżiena tat-temp

Il-forma tal-għajnuna

Għotja diretta

L-estimi

Baġit globali: HUF 56 000 (f'miljuni)

Baġit annwali: HUF 8 000 (f'miljuni)

L-intensità

80 %

It-tul ta' żmien

sal-31.12.2018

Setturi ekonomiċi

Produzzjoni ta' għelejjel u annimali, kaċċa u attivitajiet relatati

Isem u indirizz tal-awtorità responsabbli mill-għajnuna

Ministry of Rural Development

Budapest

Kossuth Lajos tér 11.

1055

MAGYARORSZÁG/HUNGARY

Aktar informazzjoni

—

It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:

http://ec.europa.eu/community_law/state_aids/state_aids_texts_mt.htm

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

14.6.2012

Il-Ġurnal Uffiċjali tal-Unjoni Ewropea

C 168/2

Rata tal-kambju tal-euro (1)

It-13 ta’ Ġunju 2012

2012/C 168/02

1 euro =

	Munita	Rata tal-kambju
USD	Dollaru Amerikan	1,2534
JPY	Yen Ġappuniż	99,80
DKK	Krona Daniża	7,4318
GBP	Lira Sterlina	0,80630
SEK	Krona Żvediża	8,8320
CHF	Frank Żvizzeru	1,2009
ISK	Krona Iżlandiża
NOK	Krona Norveġiża	7,5115
BGN	Lev Bulgaru	1,9558
CZK	Krona Ċeka	25,578
HUF	Forint Ungeriż	296,43
LTL	Litas Litwan	3,4528
LVL	Lats Latvjan	0,6968
PLN	Zloty Pollakk	4,3240
RON	Leu Rumen	4,4616
TRY	Lira Turka	2,2870
AUD	Dollaru Awstraljan	1,2565
CAD	Dollaru Kanadiż	1,2860
HKD	Dollaru ta' Hong Kong	9,7241
NZD	Dollaru tan-New Zealand	1,6094
SGD	Dollaru tas-Singapor	1,6041
KRW	Won tal-Korea t'Isfel	1 462,90
ZAR	Rand ta' l-Afrika t'Isfel	10,5297
CNY	Yuan ren-min-bi Ċiniż	7,9600
HRK	Kuna Kroata	7,5514
IDR	Rupiah Indoneżjan	11 825,17
MYR	Ringgit Malażjan	3,9814
PHP	Peso Filippin	53,308
RUB	Rouble Russu	40,9050
THB	Baht Tajlandiż	39,570
BRL	Real Brażiljan	2,5783
MXN	Peso Messikan	17,5102
INR	Rupi Indjan	69,6890

(1) Sors: rata tal-kambju ta' referenza ppubblikata mill-Bank Ċentrali Ewropew.

14.6.2012

Il-Ġurnal Uffiċjali tal-Unjoni Ewropea

C 168/7

Notifika minn qabel ta' konċentrazzjoni

(Każ COMP/M.6572 – KEMET/NEC/NEC TOKIN)

(Test b’relevanza għaż-ŻEE)

2012/C 168/07

Fis-7 ta’ Ġunju 2012, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi KEMET Electronics Corporation (“KEMET”, l-Istati Uniti tal-Amerika) u NEC Corporation (“NEC”, il-Ġappub), jakkwistaw skont it-tifsira tal-Artikolu 3(1)(b) tar-Regolament dwar l-Għaqdiet kontroll konġunt sħiħa ta' NEC TOKIN Corporation (“NEC TOKIN”, il-Ġappun) permezz ta’ xiri ta’ ishma.

L-attivitajiet kummerċjali tal-impriżi kkonċernati huma:

—	KEMT prinċipalment timmanifattura u tbigħ kapasiters tat-tantalju, taċ-ċeramika, tal-aluminju, tal-film, tal-karti u elettrolitiċi,

—	NEC TOKIN timmanifattur au tbigħ kapasiters u ċerti komponenti elettroniċi oħra; kif ukoll,

—	NEC Hija kumpanija multinazzjonali Ġappuniża tal-IT. Hija tipprovdi firxa wiesgħa ta' prodotti tal-IT u servizzi għall-intrapriżi tan-negozju, fornituri tas-servizzi tal-komunikazzjoni u l-gvern.

3.	Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6572 – KEMET/NEC/NEC TOKIN, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

14.6.2012

Il-Ġurnal Uffiċjali tal-Unjoni Ewropea

C 168/8

Notifika minn qabel ta' konċentrazzjoni

(Każ COMP/M.6625 – Nordic Capital/Tokmanni)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2012/C 168/08

Fl-4 ta’ Ġunju 2012, il-Kummissjoni rċeviet, skont l-Artikolu 4 tar-Regolament tal-Kunsill (KE) Nru 139/2004 (1), notifika ta’ konċentrazzjoni proposta li permezz tagħha l-impriża Nordic Capital VII Limited (“Nordic Capital”, Jersey), li hija ta' Nordic Capital Group (Jersey), takkwista, skont l-Artikolu 3(1)(b) tar-Regolament dwar l-Għaqdiet, il-kontroll sħiħ ta' Tokmanni Oy (“Tokmanni”, il-Finlandja) u s-sussidjarji tagħha permezz tax-xiri ta’ ishma u assi.

L-attivitajiet kummerċjali tal-impriżi kkonċernati huma:

—	għal Nordic Capital: ditta privata tal-investimenti tal-ekwità,

—	għal Tokmanni: bejjiegħ bl-imnut bi prezzijiet skontati ta' oġġetti ta' kuljum għall-konsumatur, kemm tal-ikel u kif ukoll li mhumiex permezz ta' kanali moderni ta' distribuzzjoni fil-Finlanda.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6625 – Nordic Capital/Tokmanni, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2) ĠU C 56, 5.3.2005, p. 32 (“Avviż ta’ proċedura simplifikata”).

14.6.2012

Il-Ġurnal Uffiċjali tal-Unjoni Ewropea

C 168/9

SPEĊIFIKAZZJONIJIET EWLENIN TAL-FAJL TEKNIKU GĦAL RON DE GUATEMALA

2012/C 168/09

INTRODUZZJONI

Fil-15 ta' Marzu 2010, l-Asociación Nacional de Fabricantes de Alcoholes y Licores, korp Gwatemalan stabbilit skont il-liġi tal-Gwatemala, applika għar-reġistrazzjoni tar-‘Ron de Guatemala’ bħala indikazzjoni ġeografika taħt ir-Regolament (KE) Nru 110/2008 tal-Parlament Ewropew u tal-Kunsill dwar id-definizzjoni, id-deskrizzjoni, il-preżentazzjoni, it-tikkettar, u l-protezzjoni ta' indikazzjonijiet ġeografiċi, ta' xorb spirituż u li jħassar ir-Regolament tal-Kunsill (KEE) Nru 1576/89.

Skont l-Artikolu 17(5) tar-Regolament (KE) Nru 110/2008, fi żmien 12-il xahar mid-data tas-sottomissjoni tal-applikazzjoni msemmija fil-paragrafu 1, il-Kummissjoni għandha tivverifika jekk l-applikazzjoni hijiex konformi ma' dan ir-Regolament.

Din il-verifika twettqet u waqt il-107 laqgħa tal-Kumitat tax-xorb alkoħoliku tat-8 ta' Frar 2012, skont l-Artikolu 17(6), il-Kummissjoni ddikjarat li l-applikazzjoni hija konformi mar-Regolament.

Għalhekk, l-ispeċifikazzjonijiet ewlenin tal-fajl tekniku għandhom jiġu ppubblikati f'Il-Ġurnal Uffiċjali tal-Unjoni Ewropea, is-Serje C.

Skont l-Artikolu 17(7), kwalunkwe persuna naturali jew legali li għandha interess leġittimu, tista’ fi żmien sitt xhur mid-data tal-pubblikazzjoni tal-ispeċifikazzjonijiet prinċipali tal-fajl tekniku, toġġezzjona għar-reġistrazzjoni tal-indikazzjoni ġeografika fl-Anness III fuq il-bażi li l-kundizzjonijiet stipulati f'dan ir-Regolament ma jkunux issodisfati. L-oġġezzjoni, li għandha tkun debitament sostanzjata, għandha tiġi sottomessa lill-Kummissjoni f'waħda mil-lingwi uffiċjali tal-Unjoni Ewropea jew ikollha magħha traduzzjoni f'waħda minn dawk il-lingwi.

SKEDA TAS-SOMMARJU I.Ġ. “RON DE GUATEMALA”

1. Isem: Ron de Guatemala

2. Kategorija ta’ xarba alkoħolika: Rum (kategorija 1 tal-Anness II tar-Regolament (KE) Nru 110/2008).

3. Deskrizzjoni: Xarba alkoħolika magħmula esklussivament minn materja prima miksuba mill-kannamiela.

Ir-Ron de Guatemala tiġi fil-varjetajiet differenti li ġejjin:

Solera: rum minn għasel verġni tal-kannamiela, immaturat f’altitudni fi btieti tal-ballut abjad.

Solera Añejo: taħlita ta’ rum minn għasel verġni tal-kannamiela, immaturat f'altitudni fi btieti tal-ballut abjad, miksuba bit-taħlit tas-soleras qabel jiġi bbottiljat.

Solera Reserva: taħlita ta’ rum minn għasel verġni tal-kannamiela, immaturat f’altitudni fi btieti tal-ballut abjad, imħawwar minn użu preċedenti għal prodotti oħrajn.

Solera Gran Reserva: taħlita ta’ rum minn għasel verġni tal-kannamiela, immaturat f’altitudni f’minn tal-inqas żewġ tipi ta' btieti, imħawwar minn użu preċedenti għal prodotti differenti.

Solera Gran Reserva Especial: taħlita ta’ rum minn għasel verġni tal-kannamiela, immaturat f’altitudni f’minn tal-inqas tliet tipi ta' btieti tal-ballut abjad, imħawwar minn użu preċedenti għal prodotti differenti.

4. Proprjetajiet fiżiċi, kimiċi u organolettiċi: Il-proprjetajiet fiżiċi u kimiċi tar-Ron de Guatemala għandhom jilħqu r-rekwiżiti kimiċi u organiċi li ġejjin:

Rekwiżiti kimiċi:

Qawwa alkolika: Bejn 37,5 % u 50 % Vol.

Ammont totali ta’ elementi tal-istess tip (inkluż l-aċetaldejide, aċidu acetiku, aċitat etiliku, alkoħol ogħla) espressi f’milligrammi kull 100 ml ta’ alkoħol ta’ etil anidru: iżjed minn jew ugwali għal 50.

Aċidità totali, espressa f'milligrammi ta' aċidu aċetiku għal kull 100 ml ta' alkoħol ta’ etil anidru: mhux aktar minn 120.

Metanol, f'milligrammi għal kull 100 ml ta' alkoħol ta’ etil anidru: mhux aktar minn 280.

Rekwiżiti organolettiċi:

Dehra: Dehra trasparenti u nadifa, konsistenza likwida, korp dens.

Kulur: Determinati skont il-maturazzjoni. Lwien li jvarjaw minn amber u deheb sa ħamrani.

Aroma: L-aroma primarja ġejja mill-materja prima użata, jiġifieri l-għasel verġni estratt mill-kannamiela. L-aroma sekondarja, li tiżviluppa matul il-fermentazzjoni alkoħolika, għandha riħa qawwija ta’ nbid minħabba l-azzjoni tal-ħmira. L-aroma terzjarja sseħħ matul il-proċess ta’ maturazzjoni.

Togħma: Togħma ġeneruża u ħafifa li tvarja minn togħma ħelwa sa waħda xotta.

5. Żona ġeografika: Iż-żona tat-tħawwil tal-kannamiela għall-produzzjoni tar-Ron de Guatemala tinsab fid-dipartimenti tan-Nofsinhar ta’ Retalhuleu u Suchitepéquez, li t-tnejn imissu mal-Oċean Paċifiku. Iż-żona tal-maturazzjoni tinsab fil-belt ta' Quetzaltenango, f'iktar minn 2 300 metru ‘il fuq mil-livell tal-baħar.

6. Metodu tal-produzzjoni: Il-produzzjoni tar-Ron de Guatemala hija proċess f'diversi stadji.

Tħawwil tal-kannamiela: il-kannamiela tilħaq il-maturità fiżjoloġika meta jkollha 12-il xahar.

Ħsad: il-kannamiela tinħasad permezz tal-qtugħ manwali u l-ġbir mekkaniku, minn tmiem il-perjodu tax-xita f’Novembru sa Mejju.

Tagħsir fl-impjanti: ladarba tinqata’ l-kannamiela, din tintgħasar fl-imtieħen f’perjodu massimu ta’ 36 siegħa. Il-produzzjoni tal-għasel verġni tal-kannamiela f'impjanti tal-ipproċessar tinvolvi diversi stadji.

It-tqattigħ: iz-zokkor jiġi estratt mill-kannamiela bl-użu ta' tekniki differenti ta’ tqattigħ li jkissru ċ-ċelloli.

It-tagħsir fl-imtieħen: il-meraq jinkiseb billi ripetutament tintgħasar il-kannamiela fl-imtieħen.

Il-produzzjoni tal-għasel verġni tal-kannamiela: l-għasel verġni tal-kannamiela jinkiseb permezz ta' proċess ta’ evaporazzjoni biex jitneħħa l-ilma u b'hekk jiġi kkonċentrat il-kontenut taz-zokkor.

Il-purifikazzjoni: l-għasel verġni tal-kannamiela jiġi ppurifikat bi proċess ta' trattament bil-ġir, li jaħdem permezz tal-flokkulazzjoni u d-dikantazzjoni.

Fermentazzjoni: il-proċess tal-fermentazzjoni iseħħ billi tiżdied il-ħmira tal-għasir tas-Saccharomyces cerevisiae mal-meraq. Dan it-tnissil tal-ħmira jinkiseb mill-ananas.

Distillazzjoni: il-proċess ta’ distillazzjoni jseħħ f’rum nej kontinwu mingħajr estrazzjoni. Il-most iffermentat irid jiġi msaħħan bil-fwar sa punt li fih l-alkoħol jinbidel fi fwar tal-alkoħol. Wara li jgħaddi mill-kondensaturi, dan jerġa’ jinbidel f’likwidu, b'hekk jiġi prodott rum nej.

Maturazzjoni: il-qawwa alkoħolika titniżżel għal-limitu legali ta’ 60° billi jiżdied l-ilma minn għejjun fil-qrib. Ir-rum imbagħad jinħażen fi btieti tal-ballut abjad Amerikan u Ewropew li qabel jkunu ħażnu prodotti bħal wiski, cognac jew sherry Amerikan. Il-btieti jinżammu fl-imħażen li ma jkunux magħluqin ermetikament.

L-aħħar stadju jinvolvi t-taħlit tal-prodotti. Ir-rum differenti jitħallat flimkien, jiżdied l-ilma biex titnaqqas il-qawwa alkoħolika, u t-taħlita li tirriżulta tinħażen f'kontenituri tal-injam, li jippermettu li r-rum jikseb bilanċ.

7. Rabta ġeografika: L-ispeċifiċità tar-Ron de Guatemala tinsab fil-kombinazzjoni ta’ ħafna fatturi li joħorġu minn kundizzjonijiet agroekoloġiċi kemm taż-żona tat-tħawwil tal-kannamiela u ż-żona tal-maturazzjoni, kif ukoll mill-karattru awtentiku tal-proċess tal-produzzjoni, li jqarreb lejn xulxin in-natura, it-tradizzjoni, l-arti u x-xjenza.

Iż-żona ta’ kultivazzjoni tal-kannamiela għandha l-karatteristiċi tipiċi tal-klima tropikali, b'temperatura medja annwali ta' 26°C, b’umdità relattiva medja ta’ 78 % u xita medja annwali ta’ bejn 2 600 u 3 600 mm. Din tipproduċi uċuħ tal-kannamiela b’livelli ta’ zokkor għoljin, li huma essenzjali għall-kisba ta’ meraq ikkonċentrat u effervexxenti ħafna tal-aħjar kwalità possibbli għall-produzzjoni tar-rum.

Il-ħamrija taflija tiffavorixxi ż-żamma tal-umdità u l-konċentrazzjoni taz-zokkor fil-kannamiela.

Iż-żona tal-maturazzjoni tinsab f'altitudnijiet ta' aktar minn 2 400 metru. Iż-żona għandha klima kiesħa u niexfa u temperatura medja annwali ta’ 14,79°C.

Il-livelli kesħin u b’anqas ossiġnu f’altitudni jnaqqsu r-ritmu tal-proċess tal-maturazzjoni kimika, li jippermetti biex l-aromi u t-togħmiet jiżviluppaw b'aktar intensità.

8. Rekwiżiti tal-leġiżlazzjoni nazzjonali: Ir-Ron de Guatemala huwa protett bħala denominazzjoni tal-oriġini fir-Reġistru tal-Proprjetà Intellettwali tal-Gwatemala u jissodisfa r-rekwiżiti legalment stabbiliti fl-Istandard Tekniku tal-Gwatemala COGUANOR NGO 33011, il-Liġi dwar Spirti, Xorb Alkoħoliku u Xorb Iffermentat, id-Digriet Nru 536 tal-Kungress tar-Repubblika tal-Gwatemala, u l-Ordni ta’ Implimentazzjoni tal-Liġi dwar Spirti, Xorb Alkoħoliku u Xorb Iffermentat.

9. Applikant: Asociación Nacional de Fabricantes de Alcoholes y Licores (ANFAL), b’uffiċċju reġistrat fid-dipartiment tal-Gwatemala, indirizz Km. 16,5 Carretera Roosevelt, 4-81 zona 1 de Mixco, Guatemala.

10. Awtorità superviżorja: Laboratorio Nacional de Salud de Guatemala, inkarigat biex jivverifika l-konformità mal-fajl tekniku dwar l-Indikazzjoni Ġeografika tar-Ron de Guatemala qabel il-bejgħ tal-prodott ikkonċernat.

		ISSN 1977-0987 doi:10.3000/19770987.C_2012.168.mlt
Il-Ġurnal Uffiċjali tal-Unjoni Ewropea		C 168

Edizzjoni bil-Malti	Informazzjoni u Avviżi	Volum 55 14 ta' Ġunju 2012

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2012/C 168/01	Awtorizzazzjoni għal għajnuna mill-Istat skont l-Artikoli 107 u 108 tat-TFUE – Fir-rigward ta' dawn il-każijiet il-Kummissjoni ma tqajjimx oġġezzjonijiet ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2012/C 168/02	Rata tal-kambju tal-euro	2

2012/C 168/03	Komunikazzjoni tal-Kummissjoni dwar l-implimentazzjoni tal-Artikolu 4 tar-Regolament (KE) Nru 552/2004 tal-Parlament Ewropew u tal-Kunsill dwar l-interoperabilità tax-Xibka Ewropea ta’ Amministrazzjoni ta’ Traffiku tal-Ajru(Pubblikazzjoni ta' titoli u referenzi ta' speċifikazzjonijiet tal-Komunità skont ir-Regolament) ( 2 )	3

	INFORMAZZJONI DWAR IŻ-ŻONA EKONOMIKA EWROPEA
	Awtorità ta' Sorveljanza EFTA
2012/C 168/04	Avviż ta’ informazzjoni mill-Awtorità ta’ Sorveljanza tal-EFTA f'konformità mal-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità – Sejħa għall-offerti fir-rigward tal-operat ta’ servizzi tal-ajru bi skeda f’konformità mal-obbligi tas-servizz pubbliku fin-Norveġja	4

2012/C 168/05	Avviż ta’ informazzjoni mill-Awtorità ta’ Sorveljanza tal-EFTA f'konformità mal-Artikolu 16(4) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità – Modifika ta' obbligi tas-servizz pubbliku, fir-rigward ta' servizzi tal-ajru bi skeda fin-Norveġja	5

	V Avviżi
	PROĊEDURI AMMINISTRATTIVI
	L-Uffiċċju Ewropew għas-Selezzjoni tal-Persunal (EPSO)
2012/C 168/06	Avviż ta' kompetizzjoni ġenerali	6

	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2012/C 168/07	Notifika minn qabel ta' konċentrazzjoni (Każ COMP/M.6572 – KEMET/NEC/NEC TOKIN) ( 2 )	7

2012/C 168/08	Notifika minn qabel ta' konċentrazzjoni (Każ COMP/M.6625 – Nordic Capital/Tokmanni) – Każ li jista' jiġi kkunsidrat għal proċedura simplifikata ( 2 )	8

	ATTI OĦRAJN
	Il-Kummissjoni Ewropea
2012/C 168/09	Speċifikazzjonijiet ewlenin tal-fajl tekniku għal Ron de Guatemala	9


	(1) Test b’rilevanza għaż-ŻEE, għajr f’dak li għandu x’jaqsam mal-prodotti rilevanti mal-Anness I tat-Trattat
	(2) Test b’relevanza għaż-ŻEE