Il-Qorti Ewropea tal-Awdituri

12, rue Alcide de Gasperi, 1615 Luxembourg, LUXEMBOURG

1.1.

Dan il-Kapitolu tar-Rapport Annwali:

1.2.

Il-Qorti tal-Awdituri tipprovdi lill-Parlament Ewropew u lill-Kunsill b'Dikjarazzjoni ta’ Assigurazzjoni (DAS) (5) dwar l-affidabilità tal-kontijiet u dwar il-legalità u r-regolarità tat-tranżazzjonijiet ta’ bażi. Il-Qorti tista' tissupplimenta din id-dikjarazzjoni b'valutazzjonijiet speċifiċi ta’ kull qasam prinċipali ta’ attività tal-UE (6).

1.3.

L-għan tax-xogħol fuq l-affidabbiltà tal-kontijiet tal-Unjoni Ewropea huwa li tinkiseb konklużjoni dwar il-punt sa fejn id-dħul, in-nefqa, l-attivi u l-passivi ġew irreġistrati b'mod xieraq u li l-kontijiet annwali jirriflettu b'mod leali l-pożizzjoni finanzjarja fil-31 ta’ Diċembru 2010, u r-riżultati tal-operazzjonijiet u l-flussi ta’ likwidità tagħha għas-sena li ntemmet dakinhar (ara l-paragrafi 1.6 sa 1.18).

1.4.

L-objettiv tax-xogħol dwar ir-regolarità tat-tranżazzjonijiet li fuqhom huma bbażati l-kontijiet tal-2010 huwa li tinkiseb konklużjoni dwar jekk dawk it-tranżazzjonijiet humiex skont ir-regolamenti applikabbli jew id-dispożizzjonijiet kuntrattwali, u jekk ġewx ikkalkulati tajjeb (ara l-paragrafi 1.9 sa 1.14 għal ħarsa ġenerali lejn ir-riżultati u l-Kapitoli 2 sa 7 għal aktar dettalji).

1.5.

Il-Qorti analizzat l-affidabbiltà tar-rappreżentazzjonijiet tal-maniġment tal-Kummissjoni, jiġifieri d-dikjarazzjonijiet tad-diretturi ġenerali u r-rapporti annwali tal-attività tas-servizzi tal-Kummissjoni u r-rapport ta’ sinteżi relatat sabiex tivvaluta l-punt safejn dawn jagħtu valutazzjoni ġusta tal-kwalità tal-ġestjoni finanzjarja, u jikkontribwixxu għall-assigurazzjoni ġenerali tal-Qorti (ara l-paragrafi 1.17 sa 1.20 kif ukoll 1.23 sa 1.25 u “L-Affidabbiltà tar-rappreżentazzjonijiet tal-maniġment tal-Kummissjoni” fil-Kapitoli 2 sa 7). Ix-xogħol kien jinvolvi wkoll eżami tal-opinjoni ġenerali tal-awditur intern tal-Kummissjoni li nħarġet għall-ewwel darba u jkopri l-ġestjoni finanzjarja tal-Kummissjoni fis-sena baġitarja 2010 (ara l-paragrafi 1.21 sa 1.22).

1.6.

L-osservazzjonijiet tal-Qorti huma dwar il-kontijiet annwali tal-Unjoni Ewropea (minn hawn 'il quddiem “il-kontijiet”) għas-sena finanzjarja 2010, ippreparati mill-uffiċjal tal-kontabilità tal-Kummissjoni u approvati mill-Kummissjoni skont l-artikolu 129 tar-Regolament Finanzjarju tal-25 ta’ Ġunju 2002 (7) u rċevuti mill-Qorti fil-27 ta’ Lulju 2011. Il-kontijiet jinkludu:

1.7.

L-uffiċjal tal-kontabilità tal-Kummissjoni ta ittra ta’ rappreżentazzjoni lill-Qorti li tikkonferma li, soġġetti għal ċertu limitazzjonijiet immaterjali (8), il-kontijiet huma kompleti u affidabbli.

1.8.

Il-verifika mill-Qorti tal-kontijiet għall-2010 sabet li dawn kien fihom dikjarazzjonijiet żbaljati materjali (ara madankollu l-paragrafi 1.26 sa 1.37 u l-informazzjoni dwar is-segwitu ta’ osservazzjonijiet ta’ snin preċedenti dwar l-affidabbiltà tal-kontijiet fl- Anness 1.2 ).

1.9.

Fil-kapitolu 2 il-Qorti tipprovdi valutazzjonijiet speċifiċi dwar id-Dħul u fil-Kapitoli 3 sa 7 dwar il-gruppi tal-oqsma tal-politika tal-Ibbaġitjar Ibbażat fuq l-Attività (ABB) (ara t- Tabella 1.1 ). Kull valutazzjoni speċifika tagħti introduzzjoni, sejbiet u konklużjonijiet fuq ir-regolarità tat-tranżazzjonijiet, l-effettività tas-sistemi, u l-affidabbiltà tar-rappreżentazzjonijiet tal-maniġment tal-Kummissjoni, u tirrapporta dwar ir-risposta tal-Kummissjoni għar-rakkomandazzjonijiet preċedenti tal-Qorti.

1.10.

Għall-2010, il-grupp tal-politika r-Riċerka u Politiki Interni Oħra ppreżentat fil-Kapitolu 6 huwa magħmul minn gruppi/oqsma tal-politika li kienu parti minn valutazzjonijiet speċifiċi oħra fir-Rapport Annwali għall-2009 (9).

1.11.

Il-Qorti tikkonkludi li d-Dħul (EUR 127 795 miljun) (10) u l-pagamenti fil-grupp tal-politika n-Nefqa amministrattiva u nefqa oħra (EUR 9 264 miljun) kienu ħielsa minn żball materjali u li s-sistemi ta’ sorveljanza u kontroll kienu effettivi (ara t- Tabella 1.2 u l-paragrafi 2.41 sa 2.42 u 7.33 sa 7.34). L-impenji fil-gruppi tal-politika kollha wkoll kienu ħielsa minn żball materjali.

1.12.

Il-Qorti tikkonkludi li l-grupp tal-politika r-Riċerka u Politiki Interni oħra (EUR 8 953 miljun) kien ħieles minn żball materjali u li s-sistemi ta’ sorveljanza u kontroll kienu parzjalment effettivi fl-iżgurar tar-regolarità tal-pagamenti. Madankollu l-pagamenti interim u finali għall-programmi qafas tar-riċerka (FPs) kienu soġġetti għal żball materjali (ara t- Tabella 1.2 u l-paragrafi 6.48 sa 6.49). Il-Qorti tikkonkludi wkoll li l-grupp tal-politika l-Għajnuna Esterna, l-Iżvilupp u t-Tkabbir (EUR 6 543 miljun) kien ħieles minn żball materjali u li s-sistemi ta’ sorveljanza u kontroll kienu parzjalment effettivi fl-iżgurar tar-regolarità tal-pagamenti. Madankollu l-pagamenti interim u finali kienu soġġetti għal żball materjali (ara t- Tabella 1.2 u l-paragrafi 5.35 sa 5.36).

1.13.

Il-Qorti tikkonkludi li l-gruppi tal-politika l-Agrikoltura u r-Riżorsi Naturali (EUR 55 990 miljun ta’ nefqa rimborżata) u l-Koeżjoni, l-Enerġija u t-Trasport (EUR 37 556 miljun ta’ nefqa rimborżata) kienu milquta minn żball materjali. Madankollu l-pagamenti diretti lill-bdiewa koperti mill-SIAK (11) kienu ħielsa minn żball materjali. Il-Qorti tikkonkludi wkoll li s-sistemi ta’ sorveljanza u kontroll ivverifikati tal-grupp tal-politika l-Agrikoltura u r-Riżorsi Naturali kienu parzjalment effettivi. Barra minn hekk il-Qorti tikkonkludi li l-awtoritajiet tal-verifika bħala totalità tal-grupp tal-politika l-Koeżjoni, l-Enerġija u t-Trasport kienu parzjalment effettivi biex jiżguraw ir-regolarità tat-tranżazzjonijiet (ara t- Tabella 1.2 u l-paragrafi 3.55 sa 3.56 u 4.47 sa 4.48).

1.13

Il-Kummissjoni tqis li s-SIAK hi ġeneralment sistema ta’ kontroll effettiva għal-limitazzjoni tar-riskju ta’ żball jew nefqa rregolari. Fir-rigward tal-iżvilupp rurali, il-Kummissjoni tqis li s-sistemi superviżorji u ta’ kontroll qegħdin kontinwament jitjiebu.

Fir-rigward tal-Koeżjoni, il-Kummissjoni tosserva li, għat-tieni sena konsekuttiva l-livell ta’ żball jibqa' sew taħt dawk irrappurtati mill-Qorti fil-perjodu 2006-2008. Il-Kummissjoni tqis li dan l-iżvilupp pożittiv jirrifletti d-dispożizzjonijiet ta’ kontroll rinfurzat tal-perjodu ta’ pprogrammar 2007-2013 u l-pjan ta’ azzjoni tiegħu tal-2008 (ara wkoll it-tweġiba għall-paragrafu 4.24).

1.14.

Il-Qorti tikkonkludi li l-pagamenti ġenerali kienu materjalment milquta minn żball u li s-sistemi ta’ sorveljanza u kontroll għall-pagamenti kienu, b'mod ġenerali, parzjalment effettivi (ara t- Tabella 1.2 ).

1.15.

Ir-riżultati tal-verifika tal-Qorti għall-2010 juru żieda fl-istima tagħha tar-rata ta’ żball l-aktar probabbli dwar il-pagamenti għall-grupp tal-politika l-Koeżjoni, l-Enerġija u t-Trasport (12) meta mqabbel mal-grupp tal-politika l-Koeżjoni tal-2009 (13). L-istima mill-Qorti tar-rata ta’ żball l-aktar probabbli dwar il-pagamenti għall-gruppi tal-politika l-oħra baqgħu relattivament stabbli.

1.15.-1.16.

Fir-rigward tal-Koeżjoni, il-Kummissjoni tosserva li l-iżjed rata ta’ żball probabbli għall-2010 hi sew taħt il-livelli rappurtati fis-snin finanzjarji 2006 sal-2008. Il-limitu ta’ żball aktar baxx fl-2010, i.e. 4,7 % jitqabbel b'mod favorevoli ma’ 11 % fl-2008.

1.16.

Meħuda flimkien, dan iwassal għal żieda tar-rata ta’ żball l-aktar probabbli stmata mill-Qorti għall-pagamenti fit-totalità tagħhom minn 3,3 % fl-2009 għal 3,7 % fl-2010 (ara l- Grafika 1.1 ) (14). Il-Qorti sabet madwar terz tat-tranżazzjonijiet ittestjati milquta minn żball (2009: kwart tal-għadd totali ta’ tranżazzjonijiet).

1.17.

Kull direttur ġenerali jirrapporta kull sena dwar il-prestazzjoni tad-dmirijiet tiegħu/tagħha f'rapport tal-attività. Dan huwa akkumpanjat minn dikjarazzjoni fost l-oħrajn dwar il-punt safejn ir-riżorsi ntużaw għall-iskop maħsub tagħhom, u safejn il-proċeduri ta’ kontroll jiżguraw il-legalità u r-regolarità tat-tranżazzjonijiet.

1.18.

Id-diretturi ġenerali kollha ddikjaraw li r-rekwiżiti msemmija hawn fuq ġew irrispettati. Tlettax-il direttorat ġenerali jew servizzi ħarġu riżerva waħda jew aktar (15), li l-biċċa l-kbira minnhom jirreferu għal dgħufijiet dwar ir-regolarità tat-tranżazzjonijiet ta’ bażi (ara l-Annessi x.3 tal-Kapitoli 2 sa 7).

1.19.

Id-diretturi ġenerali jinkludu riżervi fid-dikjarazzjonijiet ta’ assigurazzjoni tagħhom abbażi tal-valutazzjoni tagħhom tal-materjalità tad-dgħufijiet u/jew osservazzjonijiet marbuta mal-elementi kostitwenti tar-rapporti annwali tal-attività tagħhom. Element ta’ din il-valutazzjoni li żdied fl-importanza partikolarment fl-2010 huwa l-kalkolu ta’ rata ta’ riskju residwu jew ta’ żball residwu – ġeneralment stima tal-impatt tal-mekkaniżmi ta’ kontroll fuq ir-rata ta’ żball fuq bażi multiannwali – li hija mqabbla mal-limitu ta’ materjalità ta’ 2 % biex ikun iddeterminat jekk tinħtieġx riżerva.

1.19.-1.20.

Peress li s-sistemi ta’ ġestjoni u kontroll ivarjaw b'mod sinifikanti bejn l-oqsma ta’ politika, id-dipartimenti tal-Kummissjoni għandhom approċċi differenti biex jikkunsidraw u jikkalkulaw ir-rati ta’ żball residwi. Il-Kummissjoni taqbel li l-gwida eżistenti tista' ma tkunx dettaljata b'mod suffiċjenti biex tiżgura użu konsistenti ta’ terminoloġija u kriterji mis-servizzi kollha. Daħħlet fis-seħħ il-proċedura ta’ reviżjoni mill-pari biex tiżgura li jkun hemm konsistenza, fejn Direttorati-Ġenerali differenti jimplimentaw programmi simili.

Il-gwida għandha tippermetti lill-UAD marġini ta’ apprezzament f'kull każ individwali.

Filwaqt li l-kwantifikazzjoni tar-riskji fir-rapporti ta’ attività annwali (RAA) hi intiża li tagħti indikazzjoni tal-ammonti f'riskju u li tagħti stima tal-korrezzjonijiet finanzjarji potenzjali għall-pagamenti fis-sena ta’ referenza, id-Direttur Ġenerali għandu għad-dispożizzjoni tiegħu għodod oħra biex jipproteġi l-fondi tal-UE, bħal interruzzjonijiet u sospensjonijiet ta’ pagament u korrezzjonijiet finanzjarji. Il-kwantifikazzjoni tar-riskju fir-RAA m'għandhiex l-istess funzjoni bħar-rata ta’ żball stabbilita mill-Qorti tal-Awdituri u l-Kummissjoni tqis għaldaqstant li ma jistgħux u m'għandhomx jiġu mqabbla. Id-Direttur Ġenerali jista' jevalwa jekk jeżistux “miżuri ta’ mitigazzjoni”, li jillimitaw ir-riskju. Fil-Koeżjoni, ir-rekwiżiti legali eżistenti huma filfatt miżuri ta’ mitigazzjoni u l-valutazzjoni tal-espożizzjoni għar-riskju tal-2010 għandha tikkunsidra dawk il-mekkaniżmi ta’ kontroll komplimentari, li jistgħu jmorru sew lil hinn mis-sena ta’ referenza tal-verifiki tal-Qorti (verifiki annwali mill-awtoritajiet nazzjonali tal-awditjar, awditjar komplimentari mid-Direttorati-Ġenerali għall-Politika Reġjonali (DĠ REGIO) u għall-Impjiegi, l-Affarijiet Soċjali u l-Inklużjoni (EMPL), verifiki ta’ għeluq fi tmiem il-programmi).

1.20.

L-istruzzjonijiet permanenti għar-rapporti annwali tal-attività maħruġa mis-Segretarjat Ġenerali u d-Direttorat Ġenerali għall-Baġit ma fihomx gwida dwar l-istima ta’ din ir-rata ta’ riskju residwu jew ta’ żball residwu. Dan jirriżulta f'applikazzjoni inkonsistenti ta’ dan il-kunċett mid-direttorati ġenerali kkonċernati (eż. antiċipazzjoni ta’ rkupri mistennija mingħajr rabta ma’ ammonti attwali, għal ċerti programmi nuqqas ta’ kwantifikazzjoni ta’ riskji ta’ żball sa 'l fuq minn 5 %, b'kunsiderazzjoni tar-rata ta’ retenzjoni li għaliha hemm dispożizzjoni fir-regolament (16), esklużjoni ta’ riżultati tal-verifika negattivi għal programmi tal-verifika li għadhom kemm bdew b'kopertura tal-verifika limitata).

1.21.

L-awditur intern tal-Kummissjoni ħareġ l-ewwel opinjoni ġenerali tiegħu (17) fuq l-istat tal-kontroll fil-Kummissjoni. Hija bbażata partikolarment fuq assigurazzjonijiet mogħtija fir-rapporti annwali tal-attività u fuq xogħol imwettaq mis-servizz ta’ verifika interna tal-Kummissjoni (IAS) u l-kapaċitajiet ta’ verifika interna tad-direttorati ġenerali differenti fl-2008 sal-2010.

1.22.

L-ambitu tal-opinjoni ġenerali huwa limitat għall-qafas ta’ kontroll intern tal-Kummissjoni stess. Madankollu aktar minn 90 % tal-iżbalji kollha huma identifikati barra l-Kummissjoni fil-livell tal-benefiċjarji. L-awditur intern tal-Kummissjoni jivvaluta dan il-qafas bħala adegwat, meta meħud fit-totalità tiegħu. Madankollu, il-Qorti tinnota li s-sistemi ta’ sorveljanza u kontroll fis-seħħ ma jimpedixxux jew ma jidentifikawx u jikkoreġu żbalji sa tali punt li t-tranżazzjonijiet fil-bażi tal-baġit, meħud fit-totalità tiegħu, huma legali u regolari.

1.22.

Meta jeżamina s-sistemi ta’ kontroll tal-Kummissjoni, l-Awditur Intern tal-Kummissjoni jitlob assigurazzjoni li kull servizz daħħal fis-seħħ strateġija ta’ kontroll li għaliha l-ispejjeż ta’ kontrolli huma proporzjonali mar-riskji ta’ żball fit-tranżazzjonijiet sottostanti, u li hi effettiva biex jiġu evitati żbalji fit-talbiet sottomessi mill-benefiċjarji, u fl-irkupru ta’ somom imħallsin meta mhux dovut meta jseħħu l-iżbalji.

1.23.

L-introduzzjoni għar-rapport ta’ sinteżi (18) tiddikjara li, bl-adozzjoni tiegħu, il-Kummissjoni tassumi r-responsabbiltà politika (19) tagħha għall-implimentazzjoni tal-baġit tal-UE mill-maniġment anzjan tagħha. Il-Kummissjoni tinnota li d-diretturi ġenerali rnexxielhom jikkoreġu d-dgħufijiet f'25 % tar-riżervi fformulati fl-2009. Fil-fehma tagħha, it-titjib relatat jinkludi konformità akbar mar-regoli ta’ eliġibbiltà għan-nefqa ddikjarata mill-benefiċjarji.

1.24.

Madankollu, il-Kummissjoni tagħraf li għad hemm oqsma li għandhom bżonn aktar titjib, partikolarment fir-rigward tal-ġestjoni maqsuma, u tipproponi azzjonijiet biex tindirizza dawn il-kwistjonijiet, bħal ma huma:

—

reviżjoni tar-Regolament Finanzjarju u regolamenti settorjali għall-perjodu ta’ wara l-2013 bil-ħsieb li jittejjeb it-tfassil tal-iskemi ta’ finanzjament, li jiġi indirizzat ir-riskju ta’ żball, li jiġi limitat il-piż amministrattiv għall-benefiċjarji u partijiet interessati oħra u li titnaqqas l-ispiża operattiva tal-kontrolli;

—

—

eżerċizzju rigoruż tal-irwol ta’ sorveljanza mill-Kummissjoni u l-applikazzjoni tagħha ta’ interruzzjoni ta’ pagamenti, proċeduri ta’ sospensjoni u korrezzjonijiet finanzjarji b'mod sistematiku u f'waqtu, kull meta jiġu identifikati nuqqasijiet serji fil-kontroll;

—

—

sforzi akbar fil-qasam tal-koeżjoni biex tiġi indirizzata ż-żieda sinifikanti, meta mqabbla mal-2009, tar-rata ta’ żball u l-volum ta’ pagamenti żbaljati kkawżati mill-għadd ikbar ta’ tranżazzjonijiet u l-ammonti ogħla ta’ nefqa ddikjarata;

—

modernizzazzjoni tar-regoli tal-akkwist pubbliku tal-UE li huma sors importanti ta’ żball, partikolarment fil-qasam tal-koeżjoni (20);

—

aktar titjib tal-leġibbiltà u l-komparabbiltà tar-rapporti annwali tal-attività.

1.25.

Fir-rapport ta’ sinteżi tagħha, il-Kummissjoni ħadet nota tar-rapporti mill-maniġment u ddikjarat li huma “ta’ serħan il-moħħ għall-Kulleġġ f'dak li għandu x'jaqsam mal-prestazzjoni tal-governanza u l-kontroll intern li jinsabu fis-seħħ fis-servizzi tiegħu, filwaqt li jagħtu assigurazzjoni raġonevoli dwar il-kapaċità tiegħu li jiskeb għanijietu” (21). Madankollu l-Qorti tenfasizza li hija qabel kienet identifikat kwistjonijiet oħra (22) li s'issa għadhom ma ġewx riżolti:

—

f'bosta oqsma l-ambitu jew l-iskala tar-riżervi għandha tkun akbar (ara l-paragrafi 1.20; 3.52 sa 3.54; 4.45 sa 4.46; 5.31 sa 5.34; 6.46 sa 6.47 u l-Annessi x.3 tal-Kapitoli 2 sa 7);

—

—

id-data mill-Istati Membri dwar l-irkupri jew l-irtirar għadha mhux kompluta jew inkella għadha ma ġietx ivverifikata u/jew ivvalidata mill-Kummissjoni (ara l- Anness 1.2 , il-punt 3);

—

Fil-Koeżjoni, għall-perjodu ta’ pprogrammar 2000-2006, il-Kummissjoni tivverifika li l-informazzjoni sottomessa għall-għeluq tal-programmi hi kompluta u affidabbli. Għall-perjodu ta’ pprogrammar 2007-2013, il-Kummissjoni qed twettaq inkjesta ta’ awditjar speċifika dwar is-sistemi tal-Istati Membri għall-irkupri, sabiex tikseb assigurazzjoni dwar il-kwalità tad-dejta sottomessa fid-dikjarazzjonijiet annwali dwar l-irkupri u l-irtirar. L-ewwel riżultati ta’ dan l-awditjar huma mistennija li jiġu kkunsidrati fir-rapporti tal-attività annwali tal-2011.

—

id-differenza bejn il-mekkaniżmi ta’ korrezzjoni finanzjarja u l-irkupri (il-korrezzjonijiet finanzjarji huma konsegwenza ta’ dgħufijiet identifikati fis-sistemi ta’ sorveljanza u kontroll filwaqt li l-irkupri huma relatati ma’ pagamenti irregolari) u l-impatt tagħhom (il-korrezzjonijiet finanzjarji jiġġarrbu mill-kontribwenti tat-taxxa filwaqt li l-irkupri jitħallsu mill-benefiċjarji individwali) għadha ma titqiesx b'mod adegwat (ara l- Anness 1.2 , il-punt 3).

—

1.26.

Komponent sinifikanti ta’ pagamenti magħmula mill-Kummissjoni jagħti finanzjament bil-quddiem għal spejjeż li se jiġġarrbu minn korpi esterni f'data aktar tard. Meta dawn il-pagamenti jiġu identifikati b'mod korrett bħala prefinanzjament, ma jiġux ittrattati fil-kontijiet tal-Unjoni bħala nefqa definittiva fiż-żmien meta jsiru. Minflok, jiġu rreġistrati bħala attiv fil-karta tal-bilanċ sakemm tiġi ppreżentata ġustifikazzjoni għall-ispejjeż imġarrba (jew inkella, inqas ta’ spiss, tlestija tal-attività meħtieġa). Abbażi ta’ dan, il-Kummissjoni tirreġistra l-ispiża relatata fil-kont tar-riżultat ekonomiku u tapprova l-entrata fil-karta tal-bilanċ.

1.27.

Jekk pagamenti bil-quddiem jiġu rikonoxxuti fil-kontijiet bħala nefqa definittiva, m'hemm l-ebda rekord kontabilistiku tal-ħtieġa biex tiġi ppreżentata evidenza tal-użu aħħari ta’ dawn il-fondi. Dan iżid ir-riskju li l-użu tal-fondi ma jiġix ġustifikat, u li ma jinstabux irregolaritajiet jew inkella jinstabu biss wara dewmien konsiderevoli. Dan jaf jagħmilha aktar diffiċli biex jiġu rkuprati l-ammonti mħallsa b'mod irregolari.

1.27.

Minkejja l-validità tal-prinċipju ddikjarat fit-tieni parti tal-kumment tal-Qorti, għandu jiġi osservat li, pereżempju, fil-każ tal-istrumenti ta’ inġinerija finanzjarja (FEI's) il-bażi legali tipprevedi biss verifika ta’ eliġibbiltà waħda tal-ispejjeż imġarrba, fl-għeluq tal-programm, jew fi tmiem il-perjodu ta’ pprogrammar (skont liema jseħħ l-ewwel). Għaldaqstant, ikun xi jkun it-trattament tal-kontabilità applikat għall-ħlas tal-flus mill-Kummissjoni lill-Istati Membri, l-irregolaritajiet eventwali jiġu skoperti biss f'dak iż-żmien.

1.28.

Il-valur irreġistrat gross ta’ prefinanzjament akkumulat irdoppja u aktar matul l-aħħar sitt snin (minn EUR 39 biljun għal EUR 84 biljun, ara l-ewwel ringiela tat- Tabella 1.3 ). Il-Kummissjoni tistma wkoll, matul l-eżerċizzju ta’ qtugħ (23), in-nefqa mġarrba fi tmiem is-sena mill-benefiċjarji li għalihom għadhom ma waslux talbiet ta’ pagament. Dawn l-imposti dovuti (ara t-tieni ringiela tat- Tabella 1.3 ) jitnaqqsu mill-prefinanzjament pendenti gross relatat. L-ammont ta’ prefinanzjament nett li jirriżulta fil-karta tal-bilanċ (ara t-tielet ringiela tat- Tabella 1.3 ) kiber b'mod sinifikanti wkoll, iżda inqas malajr (minn EUR 29 biljun għal EUR 49 biljun).

1.28.

1.29.

Filwaqt li x'aktarx li dejjem se jinħtieġ xi element ta’ stima għall-approvazzjoni tal-prefinanzjament, bosta direttorati ġenerali fil-politiki interni u azzjonijiet esterni jibqgħu jirreġistraw l-istimi fil-kontijiet saħansitra meta jkunu aċċettaw ir-rendikonti tan-nefqa bħala bażi adegwata biex isiru aktar pagamenti lill-benefiċjarju (24). L-użu ta’ stimi għal imposti dovuti żdied b'mod sinifikanti biż-żmien, b'ċaqliq ta’ inqas minn kwart tal-ammont imħallas bil-quddiem fl-2005 għal kważi nofs fl-2010 (ara t-tieni ringiela tat- Tabella 1.3 ). Il-Qorti fissret it-tħassib tagħha dwar iż-żieda f'din il-prattika (25).

1.29.

Minħabba r-riskju ta’ żball f'dikjarazzjonijiet mhux iċċertifikati u/jew mhux awditjati tal-ispejjeż, numru ta’ Uffiċjali Awtorizzanti b'Delega qed joqogħdu lura milli jagħmlu l-pagamenti abbażi ta’ dawn id-dikjarazzjonijiet. Jużaw b'hekk dikjarazzjonijiet ta’ nefqa mhux iċċertifikati u/jew mhux awditjati bħala indikazzjoni tal-progress fl-azzjoni sussidjata u jħallsu prefinanzjamenti addizzjonali, sabiex jiżguraw float tat-teżor kontinwu tal-pagamenti għall-proġetti sussidjati. L-approvazzjoni tiġi mbagħad posposta sal-aħħar tal-proġett.

Tajjeb li wieħed isemmi li kemm il-Kummissjoni u kif ukoll il-benefiċjarji/kuntratturi (b'mod partikolari f'politiki interni u għajnuna esterna) se jaffrontaw sfida f'termini tal-piż tax-xogħol amministrattiv meta l-approvazzjonijiet regolari tal-prefinanzjamenti jsiru iżjed effettivi.

1.30.

Sa mill-2009, kien hemm żieda sinifikanti fil-pagamenti prinċipalment f'istrumenti ta’ inġinerija finanzjarja (SIF) li għalihom ġustifikazzjoni tal-ispejjeż u/jew attività hija mistennija biss f'data aktar tard. Il-verifika żvelat għadd sinifikanti ta’ każijiet fejn fil-bidu l-Kummmissjoni ma rreġistratx bix-xieraq li l-pagamenti jwasslu għal attiv. Għalhekk, bil-kontra tal-prinċipju ta’ sustanza fuq il-forma (26) l-kontijiet taw l-impressjoni li r-riċevituri taw ġustifikazzjoni sħiħa għall-użu tal-fondi, meta fil-prattika dan ma kienx il-każ.

1.30.

1.31.

Il-kontribuzzjonijiet għas-SIF isawru l-aktar element waħdieni u sinifikanti ta’ din il-problema. Ir-regolamenti relevanti fl-oqsma tal-Koeżjoni u l-Iżvilupp rurali (27) jipprovdu għall-inklużjoni ta’ pagamenti li jsiru minn programmi operazzjonali biex jistabbilixxu jew jikkontribwixxu għal fondi li jimplimentaw is-SIF fid-dikjarazzjonijiet tan-nefqa. Il-Kummissjoni adottat il-prattika li tirreġistra l-ammonti sħaħ iddikjarati mill-istati membri bħala spejjeż fil-kont tar-riżultat ekonomiku bħallikieku kienu l-ipproċessar finali u definittiv ta’ dikjarazzjoni tan-nefqa.

1.31.

Abbażi tal-informazzjoni li talbet u kisbet mill-Istati Membri f'Ġunju 2011, il-Kummissjoni ttrattat pagamenti lil FEIs bħala assi fil-kontijiet tal-2010 inklużi l-figuri komparattivi għall-2009. Ara n-noti 2.5, 2.9, 2.10 u 3.4 għall-kontijiet konsolidati meta d-dettalji kollha huma provduti. Ara wkoll it-tweġiba għall-paragrafu 1.32.

1.32.

Madankollu, skont ir-regolamenti settorjali, l-awtoritajiet fl-istati membri huma meħtieġa biss jippreżentaw dikjarazzjoni finali dwar l-użu tagħhom fil-għamla ta’ self, garanziji jew investimenti fl-ekwità, mogħtija lir-riċevituri finali f'data aktar tard (tipikament fi tmiem il-perjodu tal-programm). Dan fisser li fl-2010 l-Kummissjoni ma kellha l-ebda informazzjoni komprensiva dwar l-ammonti użati attwalment mill-iSIF, u kien biss wara li din il-problema dehret fl-ewwel parti tal-2011 li hija setgħet tiġbor l-informazzjoni meħtieġa mill-istati membri. B'riżultat ta’ dan, madwar EUR 4,8 biljun ma kinux irreġistrati bħala prefinanzjament fil-karta tal-bilanċ tal-kontijiet provviżorji għall-2010 (28).

1.32.

L-assi li jammontaw għal total ta’ 4,8 biljun euro se jiġu kompletament deprezzati sal-aħħar tal-2015, permezz tal-applikazzjoni tal-bażi legali attwali.

Ara wkoll it-tweġiba għall-paragrafu 4.32.

1.33.

Barra minn hekk, għadd ta’ skemi oħra ta’ għotja jippermettu li jsiru pagamenti bil-quddiem fi flus kontanti lill-benefiċjarji, qabel ma jiġu ppreżentati r-rendikonti tal-ispejjeż finali. Fil-prattika dawn huma ttrattati wkoll bħallikieku kienu nefqa definittiva. Għalhekk, mhumiex rikonoxxuti u ppreżentati fil-karta tal-bilanċ. Huwa diffiċli għall-Kummissjoni biex tikkwantifika l-ammont ikkonċernat.

1.33.

Ara wkoll it-tweġiba għall-paragrafu 1.36.

1.34.

Il-Kummissjoni fittxet li tikseb biżżejjed informazzjoni għall-kontijiet finali tagħha. Skont l-informazzjoni li waslet mill-istati membri fi tmiem Ġunju 2011, il-kontribuzzjoni mill-UE lill-iSIF tammonta għal EUR 6,4 biljun. Abbażi tal-istima tal-ammonti mhux użati mill-iSIF fil-31.12.2010, l-aġġustamenti l-aktar sinifikanti li kellhom isiru kienu klassifikazzjoni mill-ġdid mill-ispejjeż għall-attivi fil-kontijiet tal-2009 u tal-2010 (ara n-noti 2.5, 2.9, 2.10 u 3.4 għall-kontijiet tal-2010 li jispjegaw l-aġġustamenti li saru).

1.35.

Il-Kummissjoni kkoreġiet problemi materjali rigward il-kompletezza tal-prefinanzjament permezz ta’ reġistrazzjonijiet ta’ qtugħ u aġġustamenti (ara l-paragrafu 1.34). Minkejja dan, in-nuqqas ta’ informazzjoni kurrenti dwar il-fondi tal-UE attwalment użati mill-istati membri inaqqas b'mod sinifikanti is-siwi tal-informazzjoni kontabilistika għall-maniġment, notevolment għall-Kummissjoni fir-responsabbiltajiet tagħha għall-implimentazzjoni tal-baġit.

1.35

1.36.

Il-Kummissjoni teħtieġ tieħu aktar azzjoni biex tiżgura li l-informazzjoni meħtieġa hija disponibbli, li t-tranżazzjonijiet jingħataw trattament konsistenti fil-kontijiet, u li d-direttorati ġenerali kollha jżommu rekords kontabilistiċi kompleti, preċiżi u aġġornati.

1.36.

L-effikaċja tal-ispejjeż jeħtieġ li tiġi kkunsidrata peress li l-Kummissjoni għandha tevita li r-rappurtar fuq il-pagamenti bil-quddiem meħtieġa mill-benefiċjarji jsir kumpless iżżejjed u li jirrikjedi ħafna riżorsi għall-partijiet kollha kkonċernati.

Il-Kummissjoni diġà proponiet modifika xierqa għall-bażi legali settorjali attwali fir-regolazzjoni tal-fondi strutturali. Se tintroduċi wkoll dispożizzjonijiet xierqa fil-proposti għall-bażi legali fil-futur.

1.37.

L-użu akbar ta’ prefinanzjament fil-baġit tal-UE u ta’ tipi ġodda ta’ strumenti finanzjarji jagħmilha urġenti għall-Kummissjoni biex din iżżur mill-ġdid ir-regola kontabilistika relevanti sabiex tagħti gwida adegwata dwar ir-rikonoxximent u l-approvazzjoni ta’ prefinanzjament. Din għandha tkun akkumpanjata minn sorveljanza mtejba (29).

1.37.

Il-Kummissjoni tenfasizza wkoll li l-indirizzar tal-approvazzjoni tal-prefinanzjament qabel il-pagamenti finali ma hijiex sempliċiment kwistjoni ta’ gwida tal-kontabilità. Fil-prattika, tfisser ir-rimborż ta’ dikjarazzjonijiet ta’ spejjeż interim li tagħhom il-livell ta’ konformità ma’ regoli tal-eliġibbiltà kumplikati għandu l-ewwel jiġi vverifikat. Dan ma jistax jinkiseb mingħajr żieda sostanzjali fil-piż tax-xogħol amministrattiv, kemm għall-benefiċjarji u s-servizzi tal-Kummissjoni.

Barra minn hekk, dan se jirrikjedi bidliet fir-Regolament Finanzjarju u fil-leġiżlazzjoni settorjali li, fil-mument, jippermettu prefinanzjamenti suċċessivi bbażati fuq progress fl-azzjonijiet issussidjati. Il-Kummissjoni kienet diġà proponiet fir-reviżjoni tal-artikolu rilevanti tar-Regolament Finanzjarju, li l-approvazzjoni regolari tal-prefinanzjament issir obbligatorja.

Finalment, il-Kummissjoni tindika li s-servizzi ta’ kontabilità tagħha provdew gwida, taħriġ u organizzaw workshops dwar il-prefinanzjament matul l-2010 u l-2011 u dan se jitkompla.

1.38.

Din it-taqsima tiġbor fil-qosor l-implimentazzjoni tal-baġit ġenerali tal-UE fl-2010.

1.39.

It-total tal-approprjazzjonijiet disponibbli fl-2010, b'kunsiderazzjoni tal-approprjazzjonijiet miġjuba 'l quddiem (30), id-dħul assenjat (31) u l-baġits ta’ emenda (32), jammonta għal EUR 147,3 biljun għall-impenji u EUR 130,5 biljun għall-pagamenti, żieda ta’ 0,9 % u 4,8 % rispettivament meta mqabbel mat-total tal-approprjazzjonijiet disponibbli fl-2009 (ara d- Dijagrammi III u IV fl- Anness għal dan ir-Rapport Annwali).

1.40.

L-approprjazzjonijiet tal-impenji tal-baġit tas-sena kienu EUR 0,6 biljun aktar mil-limitu massimu tal-qafas finanzjarju minħabba l-użu tal-fondi li għalihom dan huwa permess (33). It-total tal-approprjazzjonijiet tal-pagamenti baqa' taħt il-limitu massimu b'EUR 11,4 biljun.

1.41.

Il-Kummissjoni tipproduċi serje ta’ dokumenti li l-fost l-oħrajn fihom l-informazzjoni li ġejja dwar l-implimentazzjoni tal-baġit tal-Unjoni Ewropea (34):

—

Il-bilanċ favur tal-baġit fi tmiem l-2010 kien ta’ EUR 4,5 biljun (2009: EUR 2,3 biljun).

—

Ir-rati ta’ użu fl-2010 għall-impenji u għall-pagamenti kienu ta’ 99 % u 97 % rispettivament.

—

EUR 3,3 biljun ta’ impenji pendenti akkumulati ġew diżimpenjati fl-2010 (2009: EUR 1,9 biljun). Iż-żieda fid-diżimpenji ġejja l-aktar mit-titolu 04 - L-Impjiegi u l-Affarijiet Soċjali (EUR 1,4 biljun).

—

—

EUR 1,5 biljun ta’ approprjazzjonijiet tal-pagamenti li ma ntużawx (minbarra d-dħul assenjat (35)) inġiebu 'l quddiem mill-2010 sal-2011.

—

Għall-oqsma tal-politika l-Agrikoltura u l-Iżvilupp Rurali (it-titolu 05), il-Koeżjoni (it-titoli 04 u 13) u s-Sajd u l-Affarijiet Marittimi (it-titolu 11), ir-rata ta’ użu ġenerali tal-approprjazzjonijiet tal-pagamenti kienet ta’ 98 %.

—

Fil-qasam tal-politika l-Politika Reġjonali, l-approprjazzjonijiet tal-pagamenti kienu ogħla milli previst (106 % tal-baġit tal-bidu). Dan kien iffinanzjat minn trasferimenti li ammontaw għal EUR 1,8 biljun, l-aktar mit-titoli 04 (L-Impjiegi u l-Affarijiet Soċjali) u 05 (l-Agrikoltura u l-Iżvilupp Rurali), li għalihom il-pagamenti kienu aktar baxxi milli kien mistenni minħabba interruzzjoni u sospensjoni tal-pagamenti għall-Fond Soċjali Ewropew (implimentazzjoni ta’ 88 %), klejms aktar baxxi fl-Iżvilupp Rurali (implimentazzjoni ta’ 94 %) jew inkella pproċessar kajman ta’ għeluq ta’ programmi (36).

—

1.42.

Matul is-sena finanzjarja 2010 r-regolamenti relevanti (37) ġew modifikati sabiex ikun hemm dispożizzjoni għal prefinanzjamenti oħra għall-azzjonijiet strutturali għall-perjodu 2007–2013. Abbażi tar-regolamenti adattati tħallsu pagamenti oħra bil-quddiem għall-Fond Soċjali Ewropew, li ammontaw għal EUR 371 miljun, għall-Fond ta’ Koeżjoni għal ammont ta’ EUR 404 miljun u għall-fond tas-Sajd Ewropew għal ammont ta EUR 0,8 miljun lil dawk l-istati membri li kienu partikolarment milquta mill-kriżi ekonomika. Għall-Agrikoltura u l-Iżvilupp Rurali, tħallas prefinanzjament ieħor ta’ EUR 401 miljun lill-istati membri matul is-sena tal-baġit 2010 mingħajr bażi legali xierqa. L-ammont ikkonċernat huwa rrappurtat bħala żball ta’ legalità u regolarità fil-Kapitolu 3 (38).

1.42.

1.43.

L-impenji baġitarji pendenti li jirrappreżentaw impenji miftuħa li għalihom għadu ma sarx pagament u/jew diżimpenn (39), żdiedu b'EUR 17-il biljun (9,7 %) għal EUR 194 biljun, l-aktar f'oqsma tal-politika ffinanzjati permezz ta’ approprjazzjonijiet differenzjati (40), u jirrappreżentaw l-ekwivalenti ta’ 2,2 snin li jissarrfu f'impenji differenzjati jew 2,8 snin ta’ pagamenti differenzjati bir-rata ta’ nfiq tal-2010 fl-oqsma tal-politika rispettivi.

1.43.–1.44.

1.44.

Il-biċċa (ara l- Grafika 1.2 ). F'dan il-qasam l-kbira tal-impenji pendenti jinsabu fil-grupp tal-politika ta’ Koeżjoni, l-impenji pendenti ammontaw għal 128 biljun (41) (madwar 66 % tal-ammont totali), li jirrappreżentaw 2,6 snin ta’ impenji jew 3,4 snin ta’ pagamenti f'dan il-qasam bir-rata ta’ nefqa tal-2010. Il-maġġoranza l-kbira ta’ dawn l-impenji pendenti (EUR 113,2 biljun jew inkella 88 % tal-ammont totali) jirreferu għall-perjodu kurrenti 2007-2013. Dan juri l-impatt tal-isforzi biex l-impenji pendenti jitħallsu permezz ta’ pagamenti qabel l-applikazzjoni tar-regola ta’ diżimpenn awtomatiku (regola n + 2 / regola n + 3 (42)).

2.1.

Dan il-kapitolu jippreżenta l-valutazzjoni speċifika tal-Qorti dwar id-Dħul li jinkludi r-riżorsi proprji u dħul ieħor. L-informazzjoni finanzjarja prinċipali dwar id-Dħul fl-2010 tinsab fit- Tabella 2.1 . Ir-riżorsi proprji huma bil-bosta s-sors prinċipali ta’ finanzjament tan-nefqa baġitarja (93,8 %). Il-kapitolu jinkludi wkoll sommarju dwar kif il-Kummissjoni wieġbet għas-sejbiet tar-Rapport Speċjali Nru 2/2008 tal-Qorti dwar l-Informazzjoni Tariffarja Vinkolanti.

2.2.

Hemm tliet kategoriji ta’ riżorsi proprji (1): ir-riżorsi proprji tradizzjonali (id-dazji doganali miġbura fuq l-importazzjonijiet u l-pagamenti għall-produzzjoni taz-zokkor - l-RPT), ir-riżorsi proprji kkalkulati fuq il-bażi tat-taxxa fuq il-valur miżjud (VAT) miġbura mill-Istati Membri, u r-riżorsi proprji meħuda mill-introjtu gross nazzjonali (ING) tal-Istati Membri.

2.3.

L-RPT huma stabbiliti u miġbura mill-Istati Membri. Tliet kwarti minn dawn l-ammonti jitħallsu lill-baġit tal-Unjoni, filwaqt li l-kwart li jifdal jinżamm biex ikopri l-ispejjeż tal-ġbir. Kull Stat Membru jibgħat rendikont tad-dazji stabbiliti (ir-rendikont tal-kont “A”) lill-Kummissjoni kull xahar u rendikont ta’ dawk id-dazji stabbiliti li mhumiex inklużi fiha (il-kont “B”) (2) kull tliet xhur.

2.4.

Il-riżorsi proprji tal-VAT u tal-ING huma kontribuzzjonijiet li jirriżultaw mill-applikazzjoni ta’ rati uniformi lill-bażijiet ta’ valutazzjoni armonizzati nozzjonalment tal-VAT tal-Istati Membri jew lill-ING tal-Istati Membri irrispettivament.

2.5.

Ċerti Stati Membri jibbenefikaw minn rata ta’ ġbir imnaqqsa tal-VAT (3) u minn tnaqqis gross tal-kontribuzzjoni annwali tagħhom tal-ING (4) għall-perjodu 2007–2013. Barra minn hekk, ir-Renju Unit jingħata korrezzjoni fir-rigward ta’ żbilanċi tal-baġit (“il-korrezzjoni tar-Renju Unit”) li tinvolvi tnaqqis fil-pagamenti tiegħu tar-riżorsi proprji bbażati fuq l-ING.

2.6.

Wara li ġie kkunsidrat it-total tal-RPT, riżorsi proprji bbażati fuq il-VAT u dħul ieħor, ir-riżorsi proprji bbażati fuq l-ING jintużaw biex jibbilanċjaw il-baġit. Kwalunkwe dikjarazzjoni inqas (jew dikjarazzjoni żejda) tal-ING għal Stati Membri partikolari — filwaqt li ma tolqotx ir-riżorsi proprji bbażati fuq l-ING ġenerali — għandha l-effett li żżid (jew tnaqqas) il-kontribuzzjonijiet mill-Istati Membri l-oħrajn, sakemm il-problema tiġi kkoreġuta.

2.7.

L- Anness 1.1 , il- Parti 2 , tiddeskrivi l-approċċ ġenerali tal-verifika u tal-metodoloġija tal-Qorti. Għall-verifika tad-Dħul, għandhom jiġu nnotati l-punti speċifiċi li ġejjin:

2.8.

Il-verifika mill-Qorti ta’ tranżazzjonijiet li fuqhom huma bbażati l-kontijiet ma tistax tkopri importazzjonijiet li ma ġewx iddikjarati jew dawk li nqabżu mis-sorveljanza doganali.

2.9.

Il-Qorti wettqet valutazzjoni ta’ sistemi ta’ sorveljanza u kontroll fl-Italja, fil-Pajjiżi l-Baxxi u fir-Renju Unit li jikkontribwixxu għal madwar 38 % tat-total tal-RPT. Hija għamlet reviżjoni tas-sistemi ta’ kontabilità tagħhom u eżaminat il-fluss tal-RPT minn meta ġew stabbiliti sa meta ġew iddikjarati lill-Kummissjoni sabiex ikollha assigurazzjoni raġonevoli li l-ammonti rreġistrati kienu preċiżi u kompluti. L-awdituri wettqu testijiet ta’ kontrolli prinċipali marbuta mal-applikazzjoni ta’ rati tad-dazju preferenzjali, l-għoti tas-“simplifikazzjoni superjuri” għal utenti ta’ Proċeduri ta’ Approvazzjoni Lokali (rinunzja tan-notifika) (6) u t-trattament tal-ispejjeż tal-merkanzija u l-assigurazzjoni f'dawn l-Istati Membri.

2.10.

Barra minn dan, għas-sitt ordnijiet ta’ rkupru tal-RPT inklużi fil-kampjun imsemmi fil-paragrafu 2.7, il-Qorti rrikonċiljat ir-rendikonti ta’ kull xahar magħżula mar-rekords tal-kontabilità li fuqhom huma bbażati d-dikjarazzjonijiet tal-Istati Membri kkonċernati (7).

2.11.

Il-Qorti vvalutat ukoll is-sistemi ta’ sorveljanza u kontroll fil-Kummissjoni, inklużi l-ispezzjonijiet tagħha fl-Istati Membri.

2.12.

Ir-riżorsi proprji bbażati fuq il-VAT u fuq l-ING huma bbażati fuq data statistika, li għaliha t-tranżazzjonijiet li huma bbażati fuqhom ma jistgħux jiġu vverifikati direttament. Għal din ir-raġuni, il-verifika ħadet bħala l-punt tat-tluq tagħha l-ġbir mill-Kummissjoni tal-aggregati makroekonomiċi ppreparati mill-Istati Membri, u mbagħad ivvalutat is-sistemi tal-Kummissjoni tal-ipproċessar tad-data sabiex jiġu ddeterminati l-ammonti li għandhom jiġu inklużi fil-kontijiet finali tal-baġit. Għalhekk il-Qorti eżaminat il-preparazzjoni tal-baġit u l-korrettezza tal-kontribuzzjonijiet mill-Istati Membri.

2.13.

Il-Qorti vvalutat is-sistemi ta’ sorveljanza u ta’ kontroll tal-Kummissjoni li huma maħsuba li jipprovdu assigurazzjoni raġonevoli li dawn ir-riżorsi huma kkalkolati u miġbura b'mod korrett. Il-verifika kopriet ukoll il-ġestjoni tal-Kummissjoni tar-riżervi tal-VAT u tal-ING, il-verifikazzjoni tagħha tal-inventarji tal-ING fl-Istati Membri u s-sorveljanza tagħha tal-applikazzjoni tad-direttivi tal-VAT. Il-verifika tal-Qorti ma tipprovdix ġudizzju dwar il-kwalità tad-data tal-VAT u l-ING li rċeviet il-Kummissjoni mill-Istati Membri.

2.14.

L- Anness 2.1 jinkludi sommarju tar-riżultati tal-ittestjar tat-tranżazzjonijiet. L-ittestjar tal-Qorti tal-kampjun tagħha ta’ tranżazzjonijiet sab li kienu ħielsa minn livell ta’ żbalji materjali (8). L-iżbalji l-aktar probabbli stmati mill-Qorti huma 0 %. Madankollu, xi dgħufijiet fis-sistemi relatati mal-ittestjar tat-tranżazzjoni ġew osservati u huma stipulati hawn taħt.

2.15.

Il-Qorti sabet li b’mod ġenerali r-rendikonti tal-kontijiet A tal-Istati Membri mibgħuta lill-Kummissjoni kienu ħielsa minn żbalji materjali. Madankollu, għal tranżazzjoni waħda (9) mis-sitta li kienu vverifikati, ma kienx possibbli li l-ammont iddikjarat tal-RPT ikun rikonċiljat mar-rekords ta’ kontabilità li huma bbażati fuqhom.

2.15.

2.16.

Il-verifika tal-Qorti sabet il-kalkolu tal-kontribuzzjonijiet tal-Istati Membri u l-pagament tagħhom ħielsa minn żbalji materjali. Madankollu, il-Qorti sabet żball fil-kalkolu tal-Kummissjoni tal-ammont definittiv tal-2006 (10) tal-korrezzjoni tar-Renju Unit imdaħħal fil-baġit tal-2010, li rriżulta minn korrezzjoni żejda mogħtija lir-Renju Unit ta’ EUR 189 miljun (3,5 % tal-korrezzjoni tar-Renju Unit tal-2006) (ara l- Anness 2.5 b'mod partikolari, il-paragrafi 6 u 7 tagħha). Sabiex tikkoreġi l-iżbalji l-Kummissjoni għamlet proposta eċċezzjonali biex temenda l-baġit 2011 bi qbil mal-Istati Membri kollha.

2.16.

2.17.

Il-Qorti sabet li b’mod ġenerali t-tranżazzjonijiet ittestjati fir-rigward ta’ dħul ieħor kienu ħielsa minn żbalji materjali.

2.18.

L- Anness 2.2 jinkludi sommarju tar-riżultati tal-eżaminazzjoni tas-sistemi. Il-Qorti sabet li b'mod ġenerali s-sistemi kienu effettivi fl-assigurazzjoni tar-regolarità tat-tranżazzjonijiet.

2.19.

Bħal fis-snin preċedenti (11), il-Qorti sabet problemi fil-proċeduri u s-sistemi li jaffettwaw l-ammonti inklużi fir-rendikonti tal-kontijiet B. Dawn jikkonċernaw b'mod partikolari:

2.19.

2.20.

L-awtoritajiet nazzjonali tal-Italja, il-Pajjiżi l-Baxxi u r-Renju Unit ma setgħux jiġġustifikaw għal kollox l-ammonti rrappurtati fir-rendikonti tal-kontijiet B, minħabba li ma qablux mad-dokumenti li huma bbażati fuqhom.

2.20.

2.21.

Fl-Istati Membri miżjura l-verifika tal-Qorti żvelat ukoll defiċjenzi fil-prestazzjoni ta’ kontrolli qabel ir-rilaxx ta’ oġġetti, b'mod partikolari li jikkonċernaw l-applikazzjoni ta’ rati ta’ dazju preferenzjali, l-għoti tas-“semplifikazzjoni superjuri” għal utenti ta’ Proċeduri Lokali ta’ Approvazzjoni u t-trattament tal-ispejjeż tal-merkanzija u tal-assigurazzjoni. Sorveljanza doganali nazzjonali parzjalment effettiva żżid ir-riskju li jinġabru ammonti mhux korretti tal-RPT.

2.21.

2.22.

Ir-riżervi huma mezz biex l-elementi dubjużi fid-dikjarazzjonijiet tal-VAT mibgħuta mill-Istati Membri miftuħa għall-korrezzjoni wara l-limitu ta’ żmien statutorju ta’ erba’ snin. Fl-2010, saru 52 riżerva u tneħħew 67. Fl-aħħar tas-sena, it-total ta’ riżervi ffissati kien 152 (ara t- Tabella 2.2 ). L-effett nett tat-tneħħija ta’ 67 riżerva kien li r-riżorsi proprji bbażati fuq il-VAT jiżdiedu bi kważi EUR 90 miljun (15).

2.23.

Il-Qorti nnutat progress tajjeb fit-tneħħija ta’ riżervi dwar il-VAT li kienu ilhom ħafna pendenti. Kien għad hemm tmienja minnhom fi tmiem l-2010 li jkopru s-snin qabel is-sena 2000, meta mqabbla ma’ 20 fi tmiem l-2009. Il-Qorti tqis li r-riżervi li jkunu ilhom ħafna pendenti għandhom ikunu definiti bħal dawk ir-riżervi relatati ma sena mill-inqas għaxar snin qabel. Dan iżid tmien riżervi oħra li jikkonċernaw l-2001.

2.23.

2.24.

Il-Kummissjoni hija responsabbli biex tiżgura l-applikazzjoni korretta tad-direttivi tal-VAT u għandha tissorvelja t-traspożizzjoni u l-konformità tal-miżuri implimentattivi nazzjonali stabbiliti mill-Istati Membri. Traspożizzjoni inkorretta jew inkompleta tista’ taffettwa l-ammont tal-VAT irċevut u konsegwentement l-ammont imħallas ta’ riżorsi proprji bbażati fuq il-VAT. Fl-2010, tliet direttivi tal-VAT daħlu fis-seħħ: tnejn dwar “il-pakkett tal-“VAT” (16) u waħda dwar is-sistema komuni tal-VAT biex tiġġieled l-evażjoni tat-taxxa għal tranżazzjonijiet intra-Komunitarji (17).

2.25.

Għal seba' Stati Membri, il-valutazzjoni tal-Kummissjoni ta’ miżuri implimentattivi nazzjonali tal-“pakkett tal-VAT” kienet għadha għaddejja fl-aħħar tal-2010,12-il xahar wara li d-direttivi daħlu fis-seħħ. Sal-istess żmien, il-proċedura tal-valutazzjoni tal-Kummissjoni tal-implimentazzjoni tal-VAT dwar il-ġlieda kontra l-evażjoni tat-taxxa kienet bdiet biss fir-rigward ta’ żewġ Stati Membri.

2.25.

Fir-rigward tad-direttiva tal-VAT dwar il-ġlieda kontra l-evażjoni tat-taxxa, f’Marzu tal-2010 l-Kummissjoni fetħet każijiet ta’ ksur għal disa’ Stati Membri sabiex tkun fil-pożizzjoni li twettaq valutazzjoni xierqa.

Matul is-sena 2009 u s-sena 2010, il-Kummissjoni qajmet u ddiskutiet il-problema ta' żewġ Stati Membri oħrajn li qegħdin fl-ATFS (Grupp ta’ Esperti għall-Istrateġija Kontra l-Frodi Fiskali) u fis-SCAC (Kumitat Permanenti dwar il-Kooperazzjoni Amministrattiva). Għalhekk, sal-aħħar tas-sena 2011 għandha tkun disponibbli valutazzjoni sħiħa.

2.26.

Fl-aħħar tal-2010, kienu jeżistu riżervi ġenerali (18) dwar data tal-ING ta’ 15-il Stat Membru għall-perjodu 2002-2006 u dwar għaxar Stati Membri tal-UE għall-perjodu tal-2004 sal-2006, sakemm titlesta l-analiżi tal-inventarji aġġornati jew ġodda tal-ING (19).

2.27.

Fil-bidu tal-2010, kien hemm erba' (20) riżervi speċifiċi miftuħa (21) tal-PNG relatati mal-perjodu 1995-2001. Matul l-2010, il-Kummissjoni ma neħħiet l-ebda wieħed minn dawn. Minħabba li ma ġewx stabbiliti riżervi addizzjonali speċifiċi, l-għadd ta’ riżervi speċifiċi pendenti fl-aħħar tas-sena se jibqa' l-istess.

2.27.

2.28.

Fl-2010, il-Kummissjoni għamlet żjarat f'sitt Stati Membri biex tivverifika inventarji tal-ING u wettqet verifika diretta f'erbgħa minn dawn, iżda ristretta għal għadd żgħir ħafna ta’ komponenti tal-ING. Bħalma hemm deskritt fil-linji gwida tal-Eurostat, dan l-approċċ dirett ta’ verifikazzjoni normalment mhuwiex mistenni jagħmel konklużjonijiet fuq il-partijiet kollha tal-estimi tal-ING.

2.28.

2.29.

Fl-aħħar tal-2010, il-Eurostat ma pprepara l-ebda rapporti ta’ valutazzjoni dwar id-data tal-ING tal-Istati Membri għall-perjodu 2002’il quddiem u għaldaqstant ma setgħux jiġu sostitwiti kwalunkwe riżervi ġenerali (ara l-paragrafu 2.26) b'riżervi speċifiċi dwar dawn is-snin.

2.29.

2.30.

Is-sistemi ta’ sorveljanza u kontroll fl-Istituti Nazzjonali tal-Istatistika (INI) tal-Istati Membri għandhom jgħinu biex tiġi żgurata l-komparabbiltà, l-affidabbiltà u l-eżawriment tad-data tal-ING (22). Madankollu, il-Eurostat għadu ma lestiex il-valutazzjoni tiegħu tas-sistemi ta’ sorveljanza u ta’ kontroll fl-INI u għadu ma addottax linji gwida dwar l-applikazzjoni ta’ tali sistemi għall-kompilazzjoni tal-Kontijiet Nazzjonali fl-Istati Membri.

2.30.

2.31.

Fil-kalkolu tagħha tal-korrezzjoni tar-Renju Unit għas-snin ta’ referenza mill-2007 sal-2009, il-Kummissjoni ma inkludietx madwar 2 % tal-pagamenti totali tal-fondi tal-UE fiċ-ċifra għan-nefqa totali allokata, element bażiku fil-kalkolu tal-korrezzjoni. Il-Kummissjoni eskludiet dawn is-somom minħabba li ma kienx hemm informazzjoni disponibbli fejn saret din in-nefqa. Il-Kummissjoni ma ċċekkjatx jekk din in-nefqa setgħetx kienet allokata għall-iskopijiet tal-kalkolu (ara l- Anness 2.5 , b'mod partikolari il-paragrafi 3 sa 5 u 10 sa 11 tagħha).

2.31.

2.32.

Il-Qorti nnotat ukoll li fid-definizzjoni tagħha ta’ “pagamenti attwali” għall-kalkolu tan-nefqa totali allokata, il-Kummissjoni:

(a)

ma tinkludix in-nefqa ffinanzjata minn dħul assenjat (nefqa indikata) li żdiedet b'mod sinifikanti mill-2007 sal-2009 minn 1 % sa 5 % tal-pagamenti totali mill-baġit;

(a)

(b)

ma tnaqqasx min-nefqa allokata, ammonti koperti minn ordnijiet irkuprati u msarrfa, notevolment relatati mat-Titolu 6 tal-Baġit “Kontribuzzjonijiet u rifużjonijiet b'konnessjoni mal-ftehim u l-programmi tal-Komunità”: fatturi minn dan is-sors varjaw bejn 3 % u 5 % tal-pagamenti matul l-istess perjodu.

(b)

2.33.

L-omissjonijiet innotati fiż-żewġ paragrafi preċedenti inaqqsu l-preċiżjoni tal-kalkolu tal-korrezzjoni tar-Renju Unit. Mhux possibbli jingħad f'liema direzzjoni dawn se jaffettwaw ir-riżultat tal-kalkolu.

2.34.

Skont ir-regoli ta’ implimentazzjoni tar-Regolament Finanzjarju (23), l-ordnijiet ta’ rkupru jistgħu jkunu rinunzjati f'każijiet meta l-prezz imbassar tal-irkupru jkun ikbar mill-ammont li għandu jkun irkuprat, meta l-ammont l[li]-għandu jitħallas ma jistax ikun irkuprat minħabba ż-żmien jew li d-debitur m'għandux minn fejn iħallas u meta l-irkupru ma jaqbilx mal-prinċipju tal-proporzjonalità. Id-deċiżjoni għar-rinunzja trid tiġi sostanzjata.

2.35.

Il-verifika għas-sistemi għal rinunzji żvelat li b'mod ġenerali, il-Kummissjoni applikat il-proċeduri stabbiliti għal ordnijiet ta’ rkupru ta’ rinunzji u ssostanzjat id-deċiżjonijiet li ttieħdu. Madankollu, il-Qorti sabet dgħufijiet fil-ġestjoni tal-Kummissjoni matul il-perjodu 1995-2008 li żiedu r-riskju li l-ammonti riċevibbli ma jiġux irkuprati. Għal kull wieħed mill-każijiet ta’ rinunzja t’hawn taħt, ġiet identifikata dgħufija waħda jew aktar (Eżempji 2.1, 2.2 u 2.3).

2.35.

2.36.

L- Anness 2.3 jinkludi sommarju tar-riżultati tar-reviżjoni tar-rappreżentazzjonijiet tal-ġestjoni tal-Kummissjoni. Il-Qorti tiddeskrivi osservazzjonijiet sinifikanti f'aktar dettall hawn taħt.

2.37.

Id-dgħufija sinifikanti tas-sistema żvelata mill-verifika tal-Qorti dwar l-affidabbiltà tal-kontijiet tal-RPT f'wieħed mill-Istati Membri (ara l-paragrafu 2.15) instabet ukoll mix-xogħol ta’ spezzjoni tal-Kummissjoni. Il-Qorti tqis li din id-dgħufija kellha tkun imsemmija fir-Rapport ta’ Attività Annwali tad-DĠ BUDG.

2.37.

2.38.

L-iżball li sabet il-Qorti fil-kalkolu tal-Kummissjoni tal-ammont definittiv tal-korrezzjoni tar-Renju Unit (ara l-paragrafu 2.16) huwa deskritt fir-Rapport ta’ Attività Annwali tad-DĠ BUDG, li jistipula l-miżuri addizzjonali ta’ kontroll stabbiliti sussegwentement. Madankollu, meta wieħed iqis il-kriterji ta’ materjalità tal-Kummissjoni stess, fl-opinjoni tal-Qorti, għandha tkun saret riżerva fid-dikjarazzjoni ta’ assigurazzjoni tad-Direttur Ġenerali tad-DĠ BUDG.

2.38.

2.39.

Abbażi tax-xogħol tal-verifika tagħha (24), il-Qorti tikkonkludi li:

għas-sena li ntemmet fil-31 ta’ Diċembru 2010 kienu ħielsa minn żbalji materjali.

2.40.

Abbażi tax-xogħol tal-verifika tagħha, il-Qorti tikkonkludi li s-sistemi ta’ sorveljanza u kontroll kienu effettivi fl-assigurazzjoni tar-regolarità tad-Dħul. Madankollu, il-Qorti tiġbed l-attenzjoni għad-dgħufijiet stipulati hawn taħt:

(a)

Il-verifiki tal-Qorti jkomplu jiżvelaw problemi permezz tal-użu tal-kontijiet B (il-paragrafu 2.19) u permezz tal-affidabbiltà tar-rendikonti tal-kontijiet A u B (il-paragrafi 2.15 u 2.20). Instabu wkoll dgħufijiet fis-sorveljanza doganali nazzjonali (il-paragrafu 2.21). Il-Qorti tikkonkludi li s-sistemi ta’ sorveljanza u ta’ kontroll tal-Istati Membri vverifikati huma biss parzjalment effettivi biex jiżguraw li l-RPT irreġistrati huma kompluti u korretti.

(a)

(b)

Riżervi li ilhom pendenti għadhom jeżistu (il-paragrafu 2.23). Il-Qorti sabet ukoll dgħufijiet fil-monitoraġġ tal-Kummissjoni tal-applikazzjoni tal-Istati Membri tad-direttivi tal-VAT eżaminati (il-paragrafu 2.25).

(b)

Fir-rigward tal-Pakkett tal-VAT, il-valutazzjoni tal-5 Stati Membri li fadal għadha għaddejja bħalissa u l-Kummissjoni qed tippjana li tiffinalizzaha sa Settembru tal-2011. Fir-rigward tad-direttiva tal-VAT dwar il-ġlieda kontra l-evażjoni tat-taxxa, wara li waslulha notifiki tard mingħand l-Istati Membri, il-Kummissjoni issa tista tiffinalizza il-monitoraġġ komplut tal-implimentazzjoni sal-aħħar tas-sena 2011 permezz ta’ rapport tal-Kummissjoni għall-Kunsill. (ara 2.25)

(c)

Il-Kummissjoni għadha ma lestietx il-verifikazzjoni tagħha tal-inventarji tal-ING li jkopru d-data tal-ING tal-Istati Membri għall-perjodu 2002 ’il quddiem (il-paragrafu 2.29), u għadha ma neħħietx l-erba' riżervi speċifiċi miftuħa tal-PNG li baqa' fuq il-perjodu tal-1995-2001 (il-paragrafu 2.27).

(c)

(d)

Kien hemm żball fil-kalokolu definittiv tal-korrezzjoni tar-Renju Unit tal-2006 (25) (ara l-paragrafu 2.16). Kien hemm dgħufijiet fil-kalkolu tal-korrezzjoni għal snin sussegwenti (ara l-paragrafi 2.31 sa 2.33). Il-Qorti tikkonkludi li s-sistemi ta’ sorveljanza u ta’ kontroll tal-Kummissjoni huma parzjalment effettivi biex jiżguraw li l-korrezzjoni tar-Renju Unit hija kkalkolata sew.

(d)

Il-Kummissjoni tqis li l-metodoloġija għall-ikkalkular tan-nefqa allokata hija soda biżżejjed biex tikkalkula l-involviment tar-Renju Unit fiha. L-eżistenza ta’ dawn in-“nuqqasijiet” identifikati mill-Qorti tirriżulta mill-fatt li l-kost marġinali tat-tfittxija għal aktar irfinar fl-ikkalkular ġie stmat li ma jkunx kosteffikaċi.

(e)

Minħabba li t-telf li ġġarrab mill-baġit relatat mar-rinunzji ta’ ammonti riċevibbli seta' jiġi evitat jew għall-inqas imnaqqas kieku l-Kummissjoni kienet aktar proattiva (il-paragrafu 2.35).

(e)

2.41.

L- Anness 2.4 juri r-riżultat tar-reviżjoni tal-Qorti tal-progress fl-indirizzar tar-rakkomandazzjonijiet li saru fir-rapporti annwali preċedenti. Għandhom jiġu kkunsidrati l-punti li ġejjin:

—

Fil-qasam tal-RPT, il-Kummissjoni għamlet valutazzjoni tad-dgħufijiet relatati ma’ proċeduri doganali semplifikati għall-importazzjonijiet. Il-Qorti żżomm l-opinjoni tagħha dwar id-dħul fil-kontijiet B tad-djun doganali mġarrba minn oġġetti maqbuda.

—

Il-pożizzjoni tal-Kummissjoni dwar id-dħul tad-dejn doganali miġrub fuq oġġetti ssekwestrati fil-kontijiet B hija differenti minn dik tal-Qorti tal-Awdituri. Il-Kummissjoni analizzat id-deċiżjonijiet tal-Qorti tal-Ġustizzja fil-każ Elshani (Kawża Nru C-459/07) u fil-każ Dansk Logistik (Kawża Nru C-230/08) u kkonkludiet li tista żżomm il-pożizzjoni attwali tagħha.

Ara t-tweġiba tal-Kummissjoni fl-Anness 2.4.

—

F'dawk li huma riżorsi proprji bbażati fuq l-ING, il-linji gwida dwar komunikazzjonijiet ta’ reviżjonijiet statistiċi maġġuri mhumiex dejjem applikati mill-Istati Membri u ma sarx progress fir-rigward tal-implimentazzjoni ta’ politika ta’ reviżjoni komuni fl-UE.

—

—

Tkompli bl-isforzi tagħha biex tiżgura li l-kontijiet B qed jintużaw b'mod korrett, li s-sistemi ta’ kontabilità jippermettu r-rendikonti tal-kontijiet A u B tal-Istati Membri li jintwerew kompluti u korretti, u li s-sorveljanza doganali nazzjonali tkompli tissaħħaħ (RPT).

—

—

Tippreżenta lill-Kumitat tal-ING ir-rapporti ta’ valutazzjoni dwar id-data tal-ING tal-Istati Membri sabiex fl-2011 ikunu jistgħu jiġu sostitwiti r-riżervi eżistenti ġenerali b'riżervi speċifiċi għall-perjodu tal-2002 ’il quddiem. Fil-valutazzjoni tal-ING tal-Istati Membri, din għandha tqis l-evalwazzjoni tas-sistemi ta’ sorveljanza u ta’ kontroll fl-NSI għall-kumpilazzjoni tal-Kontijiet Nazzjonali u tiċċara l-ambitu tal-opinjoni li jipprovdi (riżorsi proprji bbażati fuq l-ING).

—

2.42.

Fl-2008, il-Qorti ppubblikat ir-Rapport Speċjali tagħha Nru 2/2008 dwar Informazzjoni Tariffarja Vinkolanti (ITV) (26). L-ITV hija deċiżjoni tal-klassifika ta’ tariffa li tingħata bil-miktub mill-awtoritajiet doganali ta’ Stat Membru fuq talba tal-operaturi ekonomiċi. Hija torbot legalment l-awtoritajiet doganali kollha tal-UE vis-à-vis id-detentur għal mhux aktar minn sitt snin mid-data tal-ħruġ.

2.43.

B'mod ġenerali, is-sistema ITV instabet li qed taħdem tajjeb. Minkejja dan, kien meħtieġ titjib.

2.44.

Fid-deċiżjoni tiegħu tar-rilaxx tal-2007 (27), il-Parlament ħeġġeġ lill-Kummissjoni biex tagħmel sforz biex issolvi d-dgħufijiet pendenti u l-argumenti dwar il-klassifikazzjoni tat-tariffi. Il-Kunsill stieden lill-Kummissjoni biex tkompli ttejjeb is-sistema ITV u biex tissorvelja l-implimentazzjoni u l-applikazzjoni tagħha fl-Istati Membri iżda enfasizza li r-responsabbiltá finanzjarja possibbli tal-Istati Membri, jekk hemm, għandha tiġi vvalutata bl-akbar kawtela (28).

(a)

Ir-rakkomandazzjoni: Il-Kummissjoni għandha tnaqqas id-dewmien sabiex jiġu solvuti l-klassifikazzjonijiet inkonsistenti tat-tariffi (il-paragrafi 43 u 44 tar-Rapport Speċjali Nru 2/2008).

(b)

Ir-rakkomandazzjoni: Il-Kummissjoni għandha tevalwa l-impatt finanzjarju sħiħ tal-ITV mhux korretta u taġġorna d-database tal-Informazzjoni Ewropea dwar it-Tariffarja Vinkolanti (EBTI-3) (il-paragrafi 45 u 46 tar-Rapport Speċjali Nru 2/2008).

(c)

Ir-rakkomandazzjoni: Il-leġiżlazzjoni, ikkomplementata mil-linji gwida amministrattivi tal-Kummissjoni, għandha tissaħħaħ (il-paragrafu 47 tar-Rapport Speċjali Nru 2/2008).

(d)

Ir-rakkomandazzjoni: Il-Kummissjoni għandha tinkoraġġixxi lill-Istati Membri biex jikkoreġu dgħufijiet misjuba (il-paragrafu 48 tar-Rapport Speċjali Nru 2/2008).

(d)

2.45.

Il-Kummissjoni tejbet is-sistema tal-ITV u ssorveljat l-implimentazzjoni u l-implimentazzjoni tagħha fl-Istati Membri. Madankollu, il-miżuri ewlenin ta’ rimedju se jkunu effettivi biss meta l-IPMCC jidħlu fis-seħħ u l-Kummissjoni għandha tkompli bl-isforzi tagħha biex jitnaqqas il-ħin li ttieħed sabiex jiġu solvuti kwistjonijiet ta’ klassifikazzjoni.

2.45.

3.1.

Dan il-kapitolu jippreżenta l-valutazzjoni speċifika tal-Qorti dwar l-Agrikoltura u r-Riżorsi Naturali, li tinkludi l-oqsma tal-politika 05-l-Agrikoltura u l-iżvilupp rurali, 07-l- Ambjent, 11-l-Affarijiet Marittimi u s-Sajd u 17-is-Saħħa u l- Ħarsien tal-Konsumatur. L-informazzjoni prinċipali dwar l-attivitajiet koperti u l-infiq fl-2010 hija pprovduta fit- Tabella 3.1 .

3.2.

L-objettivi (1) tal-politika agrikola komuni kif stabbiliti fit-Trattat huma li tiżdied il-produttività agrikola, biex b’hekk jiġi żgurat livell tal-għajxien ġust għall-komunità agrikola, li s-swieq jiġu stabbilizzati, li tiġi żgurata d-disponibbiltà tal-provvisti u li jiġi żgurat li l-provvisti jaslu għand il-konsumaturi bi prezzijiet raġonevoli.

3.3.

Il-baġit tal-UE jiffinanzja n-nefqa tal-politika agrikola komuni prinċipalment permezz ta’ żewġ Fondi (2): il-Fond Agrikolu Ewropew ta’ Garanzija (“FAEG”), li jiffinanzja bis-sħiħ l-għajnuna diretta tal-UE u l-miżuri tas-suq (3), u l-Fond Agrikolu Ewropew għall-Iżvilupp Rurali (“FAEŻR”), li jikkofinanzja l-programmi għall-iżvilupp rurali b’rati li jvarjaw.

3.4.

Il-miżuri prinċipali iffinanzjati mill-FAEG (EUR 43 990 miljun) huma:

3.5.

Il-Fond Agrikolu Ewropew għall-Iżvilupp Rurali (FAEŻR) jikkofinanzja n-nefqa għall-Iżvilupp Rurali li tkopri għadd kbir ta’ miżuri bħal skemi agroambjentali, ammonti ta’ kumpens għall-agrikoltura f’żoni inqas vantaġġjati, investimenti f’irziezet u infrastruttura f’żoni rurali (EUR 11 497 miljun) (6).

3.6.

Taħt l-iskemi kollha ta’ għajnuna diretta tal-FAEG (7) u ċerti skemi ta’ għajnuna tal-FAEŻR, il-benefiċjarji tal-għajnuna tal-UE għandhom obbligu legali biex jissodisfaw rekwiżiti ta’ “cross-compliance”, li għandhom x’jaqsmu mal-ħarsien tal-ambjent, is-saħħa tal-pubbliku, is-saħħa tal-annimali u l-pjanti, il-benesseri tal-annimali (Rekwiżiti ta’ Ġestjoni Statutarji), u għaż-żamma tal-art agrikola f’kundizzjoni agrikola u ambjentali tajba (GAEC) (8). Il-leġiżlazzjoni tal-UE tipprovdi li meta jkun hemm nuqqas ta’ konformità ma’ dawk ir-rekwiżiti, għandu jiġi applikat tnaqqis jew esklużjoni (9) fuq l-ammont globali tal-pagamenti diretti magħmula fir-rigward tal-applikazzjonijiet ippreżentati fil-kors tas-sena kalendarja tas-sejba.

3.6.

3.7.

Il-bdiewa biss huma eliġibbli għal għajnuna diretta tal UE. Bidwi huwa definit bħala persuna fiżika jew ġuridika li twettaq attività agrikola li hija definita bħala l-produzzjoni, it-trobbija jew it-tkabbir ta’ prodotti agrikoli inkluż il-ħsad, il-ħlib, it-trobbija tal-annimali u ż-żamma tal-annimali għal finijiet agrikoli, jew iż-żamma tal-art f’kundizzjoni agrikola u ambjentali tajba (GAEC) (10). Il-manutenzjoni tal-art f’GAEC tikkostitwixxi l-attività agrikola minima meħtieġa mill-applikant biex ikun eliġibbli għall-għajnuna.

3.8.

In-nefqa taħt iż-żewġ fondi tiġi allokata permezz ta’ madwar 80 (11) aġenzija tal-pagamenti nazzjonali jew reġjonali fis-27 Stat Membru. Dawn l-aġenziji tal-pagamentii huma responsabbli milli jagħmlu pagamenti lill-benefiċjarji u qabel ma jagħmlu dan, direttament jew permezz ta’ korpi delegati, iridu jkunu sodisfatti mill-eliġibbiltà tal-applikazzjonijiet għall-għajnuna. Ir-reġistri tal-kontijiet u l-pagamenti tal-aġenziji tal-pagamenti jiġu eżaminati minn korpi tal-verifika indipendenti (korpi ta’ ċertifikazzjoni) li jirrapportaw lill-Kummissjoni fi Frar tas-sena ta’ wara.

3.8.

3.9.

Il-politika tal-Unjoni dwar l-Ambjent hija mfassla biex tikkontribwixxi għall-ħarsien u t-titjib tal-kwalità tal-ambjent, tas-saħħa tal-bniedem, u l-użu razzjonali tar-riżorsi naturali, inkluż f’livell internazzjonali. L-Istrument Finanzjarju għall-Ambjent (LIFE) (12) huwa l-aktar strument importanti f’termini ta’ finanzjament (nefqa ta’ EUR 205 miljun fl-2010) li jkopri l-kontribuzzjoni tal-UE għal proġetti fl-Istati Membri favur in-natura u l-bijodiversità, kif ukoll il-politika tal-ambjent, il-governanza, l-informazzjoni u l-komunikazzjoni.

3.10.

Il-Fond Ewropew għas-Sajd (13) (FES) huwa l-istrument prinċipali (nefqa ta’ EUR 395 miljun (14) fl-2010) għall-qasam tal-politika l-Affarijiet Marittimi u s-Sajd. Fil-qasam partikolari tagħha, il-Politika tas-Sajd Komuni ssegwi l-istess objettivi tal-Politika Agrikola Komuni (ara l-paragrafu 3.2).

3.11.

Fir-rigward tas-Saħħa u l-Ħarsien tal-Konsumatur, l-UE tikkontribwixxi, minn naħa l-waħda, għall-ħarsien tas-saħħa tal-bniedem, tal-annimali u tal-pjanti u, min-naħa l-oħra, għall-benesseri tal-konsumatur (nefqa ta’ EUR 478 miljun fl-2010).

3.12.

Għall-FAEG in-nefqa tikkonsisti primarjament fir-rimborżi (pagamenti interim/finali) mill-UE ta’ sussidji mħallsa lil bdiewa u benefiċjarji oħrajn mill-Istati Membri.

3.13.

Għall-FAEŻR, fl-2010, il-pagamenti mġarrba kollha kienu jirrigwardaw pagamenti bil-quddiem u pagamenti interim. Għall-FES, saru biss pagamenti interim.

3.14.

M’hemmx pagamenti bil-quddiem għas-Saħħa u l-Ħarsien tal-Konsumatur ma jinkludux, u l-Istati Membri jiġu rimborżati fuq il-bażi tal-ispejjeż iddikjarati minnhom. Għall-Ambjent, hemm previst prefinanzjament sa 40 % tal-kontribuzzjoni tal-UE għal proġett LIFE, kif stabbilit fil-ftehim tal-għotja.

3.15.

Fil-qasam tal-FAEŻR, l-approprjazzjonijiet ta’ pagamenti naqsu b’EUR 1 160 miljun (madwar 9 % tal-approprjazzjonijiet tal-pagamenti oriġinali) fi tmiem l-2010 (15), primarjament bħala riżultat tat-tnaqqis fin-nefqa tal-Istati Membri minħabba diffikultajiet fil-forniment ta’ kofinanzjament nazzjonali fis-sitwazzjoni ekonomika attwali.

3.16.

L- Anness 1.1 , il- Parti 2 , jiddeskrivi l-approċċ u l-metodoloġija ġenerali tal-verifika tal-Qorti. Għall-verifika tal-grupp tal-politika l-Agrikoltura u r-Riżorsi Naturali għandhom jiġu nnutati l-punti speċifiċi li ġejjin:

3.17.

L- Anness 3.1 jinkludi sommarju tar-riżultati tal-ittestjar tat-tranżazzjonijiet. L-ittestjar tal-Qorti tal-kampjun tagħha ta’ tranżazzjonijiet sab li 37 % minnhom kienu milquta minn żball. L-istima tal-Qorti tar-rata tal-iżball l-aktar probabbli hija ta’ 2,3 % (17). Il-Qorti identifikat ukoll irregolaritajiet fil-pagamenti bil-quddiem lil Stati Membri, li jammontaw għal EUR 401 miljun (ekwivalenti għal 0,7 % tal-pagamenti kollha tas-sena), mill-Kummissjoni (ara l-paragrafu 3.22) (18).

3.17.

Barra minn hekk, ir-riskju għall-baġit tal-UE hu kopert b’mod xieraq mill-proċedura ta’ approvazzjoni ta’ konformità.

Il-pagamenti bil-quddiem ta’ EUR 401 miljun ma jirrappreżentawx pagamenti irregolari għall-benefiċjarji finali. Barra minn hekk, l-irkupru tal-ammonti inkwistjoni hu kontinwu u se jitlesta sal-aħħar tal-2011.

3.18.

Il-verifika tal-Qorti kkonfermat ir-riżultati tas-snin preċedenti li wrew li l-frekwenza u l-impatt tal-iżbalji fil-pagamenti ma kinux distribwiti b’mod ugwali fl-oqsma tal-politika kollha. Il-Qorti tinnota li n-nefqa għall-Iżvilupp Rurali, b’mod partikolari, għandha t-tendenza li tkun milquta minn żball. B’kuntrast, pagamenti diretti koperti mis-SIAK, ma nstabux li kellhom żball materjali.

3.18.

3.19.

Fil-FAEG, minn 146 tranżazzjoni li ttieħdu bħala kampjun, 39 (27 %) kienu milquta minn żball. 29 (74 %) minn dawn it-tranżazzjonijiet kienu milquta minn żbalji kwantifikabbli. Fir-rigward tan-nefqa tal-Iżvilupp Rurali, minn 80 tranżazzjoni li ttieħdu bħala kampjun, 40 (50 %) kienu milquta minn żbalji. 21 (52 %) minn dawn it-tranżazzjonijiet kienu milquta minn żbalji kwantifikabbli. Fir-rigward tal-Ambjent, l-Affarijiet Marittimi u s-Sajd, is-Saħħa u l-Ħarsien tal-Konsumatur, minn kampjun ta’ 12-il tranżazzjoni, 8 (67 %) kienu milquta minn żball. 4 (50 %) minn dawn it-tranżazzjonijiet kienu milquta minn żbalji kwantifikabbli.

3.19.

3.20.

Fl-2010, mit-tranżazzjonijiet milquta minn żball, 54 (62 %) kienu milquta minn żbalji kwantifikabbli ta’ eliġibbiltà u, l-aktar, ta’ preċiżjoni (97 % fil-FAEG u 52 % għall-FAEŻR), partikolarment minħabba dikjarazzjonijiet żejda ta’ art eliġibbli.

3.21.

Eżempji ta’ żbalji misjuba mill-Qorti huma msemmija hawn taħt (ara l-eżempju 3.1):

3.22.

Mill-2007 sal-2009, il-Kunsill ħa diversi deċiżjonijiet biex il-baġit għall-Iżvilupp Rurali jiżdied b’EUR 5.43 biljun l-iktar sabiex jiġu indirizzati “sfidi ġodda” (pereżempju, it-tibdil fil-klima, il-protezzjoni tal-bijodiversità, …). Minn dan l-ammont, EUR 3 biljun irrappreżentaw trasferiment ta’ fondi minn miżuri ta’ għajnuna diretta għal miżuri għall-iżvilupp rurali (“modulazzjoni”). B’riżultat ta’ dan, l-Istati Membri żiedu l-programmi tagħhom għall-iżvilupp rurali u, fl-2010, il-Kummissjoni għamlet pagamenti bil-quddiem għal dawn il-programmi addizzjonali għal ammont ta’ EUR 401 miljun. Madankollu, il-leġiżlazzjoni ma tipprevedix dawn il-pagamenti bil-quddiem addizzjonali (il-prefinanzjament huwa awtorizzat biss meta l-programmi għall-iżvilupp rurali jiġu adottati fil-bidu tal-perjodu tal-ipprogrammar, jiġifieri 2007-2008, u mhux meta jiġu riveduti). Barra minn hekk, il-leġiżlazzjoni tipprojbixxi b’mod espliċitu finanzjament minn qabel ta’ fondi ta’ modulazzjoni. Għalhekk, ma kien hemm l-ebda bażi legali għal dan il-pagament ta’ EUR 401 miljun.

3.22.

3.23.

L- Anness 3.2 jinkludi sommarju tar-riżultati tal-eżami tas-Sistema Integrata ta’ Amministrazzjoni u Kontroll (SIAK), is-sistema ta’ kontroll prinċipali biex tiżgura r-regolarità tat-tranżazzjonijiet tal-FAEG u l-FAEŻR (25).

3.24.

Għall-verifika tagħha tal-2010 ta’ sitt aġenziji tal-pagamenti, il-Qorti sabet li s-sistemi tas-SIAK huma effettivi biex tiġi żgurata r-regolarità tal-pagamenti f’erba’ aġenziji u parzjalment effettiva fit-tnejn l-oħra. Barra minn hekk, il-Qorti wettqet verifiki ta’ segwitu fi tliet aġenziji tal-pagamenti u sabet li għad hemm nuqqasijiet fl-LPIS u fil-kwalità tal-kontrolli fuq il-post.

3.24.

Fir-rigward tat-tliet awditi ta’ segwitu mwettqa mill-Qorti, l-Istati Membri kkonċernati (BG, RO u GR) temmew jew waslu biex itemmu pjanijiet ta’ azzjoni biex jirrimedjaw id-defiċjenzi fis-SIAK tagħhom. B'konsegwenza, is-sitwazzjoni f’dawn l-Istati Membri tjiebet konsiderevolment.

Fir-rigward tal-valutazzjoni tas-SIAK b’mod ġenerali, ara wkoll ir-risposta għall-paragrafu 3.29.

3.25.

Fir-rigward tad-disa’ sistemi ta’ sorveljanza u kontroll tal-Iżvilupp Rurali li ġew verifikati, il-Qorti sabet li tnejn mis-sistemi ta’ kontroll implimentati ma kinux effettivi, sitta minnhom kienu biss parzjalment effettivi u waħda kienet effettiva biex tiżgura r-regolarità tal-pagamenti.

3.25.

3.26.

Is-SIAK, f’kull Stat Membru, tikkonsisti f’databases ta’ azjendi u applikazzjonijiet, sistemi biex jiġu identifikati pakketti agrikoli u biex jiġu rreġistrati l-annimali, kif ukoll reġistru ta’ intitolamenti f’dawk l-Istati Membri li jimplimentaw l-SPU. Is-sistema tipprevedi diversi kontrolli ta’ eliġibbiltà: kontroll amministrattiv tal-klejms kollha, kontrolli reċiproċi ma’ databases sabiex jevitaw li l-istess art/annimali milli jiġu ddikjarati darbtejn u rata minima ta’ 5 % fuq spezzjonijiet fir-razzett li għandhom isiru mill-aġenziji tal-pagamenti.

3.27.

Is-SIAK tkopri l-iskemi prinċipali ffinanzjati mill-FAEG, jiġifieri l-SPU, is-SAPS u l-iskemi kollha ta’ għajnuna akkoppjata relatati mal-erja kif ukoll skemi ta’ primjums tal-annimali. Fil-każ tal-FAEŻR, u b’mod partikolari għaż-żoni agroambjentali u dawk inqas vantaġġjati, il-verifikazzjoni ta’ ċerti elementi prinċipali bħas-superfiċje tal-art eliġibbli u l-għadd tal-annimali ssir permezz tas-SIAK filwaqt li r-rekwiżiti l-oħra huma rregolati minn kontrolli mfassla apposta (26).

3.28.

Il-verifika tas-SIAK tal-Qorti kopriet il-konformità mad-dispożizzjonijiet tar-regolamenti relevanti u valutazzjoni tal-effettività tas-sistemi biex tiġi żgurata r-regolarità tat-tranżazzjonijiet. B’mod partikolari, ġew eżaminati l-elementi li ġejjin:

I.

Il-proċeduri amministrattivi u l-kontrolli biex jiżguraw pagament korrett inkluża l-kwalità tad-databases.

II.

Is-sistemi ta’ kontroll ibbażati fuq kontrolli fuq il-post.

III.

Is-sistemi biex jiżguraw l-implimentazzjoni u l-kontroll tal-cross-compliance.

III.

3.29.

Il-verifiki tas-sistemi annwali tas-SIAK tal-Qorti li saru f’dawn l-aħħar snin juru li l-effettività tas-SIAK hija milquta b’mod negattiv minħabba data mhux preċiża fid-databases, kontrolli reċiproċi mhux kompluti jew segwitu inkorrett jew mhux komplut tal-anomaliji. Il-Qorti osservat dawn id-dgħufijiet f’ċertu aġenziji ta’ pagament. B’mod partikolari, instab li żewġ kontrolli prinċipali, il-kontroll reċiproku ta’ ħbula tar-raba’ ddikjarati permezz tal-LPIS u l-kontrolli fuq il-post ta’ dawk il-ħbula tar-raba’ kienu affetwati mid-dgħufijiet ta’ diversi aġenziji tal-pagamenti verifikati mill-Qorti.

3.29.

L-effikaċja globali u t-titjib kostanti tas-SIAK huma kkonfermati mir-riżultati tal-awditi ta’ konformità li l-Kummissjoni tkun wettqet fl-aħħar snin fl-Istati Membri kollha, bir-rata ta’ żball baxxa indikata fl-istatistiċi tal-kontroll li tirċievi mill-Istati Membri u li huma vverifikati u vvalidati mill-korpi ta’ ċertifikazzjoni kif ukoll mis-sejbiet DAS tal-Qorti stess għall-2010, li għall-pagamenti diretti jindikaw rata ta’ żball ta’ 1 %.

In-nuqqasijiet li jifdal huma ġeneralment ta’ natura iżgħar u ma jrendux is-SIAK ineffettiva iżda pjuttost, li tista’ tittejjeb. Dawn in-nuqqasijiet kollha jiġu segwiti matul il-proċeduri tal-approvazzjoni tal-konformità li jiżguraw li r-riskju għall-baġit tal-UE jiġi kopert b’mod adegwat.

Ara wkoll It-tweġiba tal-Kummissjoni għall-punt 3.24.

3.30.

Aġenziji tal-pagamenti għandhom iwettqu kontrolli amministrattivi biex jistabbilixxu jekk il-klejms issodisfawx ir-rekwiżiti tal-iskema jew le (27). Il-kontrolli amministrattivi għandhom jinkludu kontrolli reċiproċi kull fejn huwa possibbli u xieraq, fost l-oħrajn ma’ databases tas-SIAK. Il-Qorti vverifikat jekk id-databases kinux kompluti u affidabbli, jekk il-kontrolli identifikawx anomaliji u jekk itteħditx azzjoni biex jiġu kkoreġuti l-iżbalji. In-nuqqasijiet l-aktar maġġuri li nstabu fis-sistemi huma elenkati hawn taħt.

3.31.

Is-Sistema ta’ Identifikazzjoni ta’ Ħbula tar-Raba’ (LPIS) hija database li fiha tiġi rreġistrata l-erja agrikola kollha (ħbula referenzjali) fl-Istat Membru, inkluż l-użu fakultattiv tal-ortoritratti (28). Fi tliet Stati Membri (il-Greċja, ir-Rumanija u Spanja), il-Qorti sabet każijiet fejn ħbula referenzjali ta’ “mergħat permanenti” (29) kienu ġew irreġistrati fl-LPIS bħala 100 % eliġibbli minkejja l-fatt li kienu parzjalment koperti b’foresta densa jew elementi ineliġibbli oħrajn u b’hekk biss parzjalment eliġibbli (ara l-eżempju 3.2).

3.31.

3.32.

F’ħames Stati Membri (il-Bulgarija, il-Pajjiżi l-Baxxi (30), il-Greċja, ir-Rumanija u Spanja), il-Qorti identifikat dgħufijiet sabiex l-LPIS tinżamm aġġornata.

3.32.

3.33.

Fir-rigward tas-sistema ta’ kontroll mhux tas-SIAK għall-miżura li tirrigwarda “ir-ristrutturar tal-industrija taz-zokkor” fi Franza, il-Qorti sabet li s-sistema hija biss parzjalment effettiva (ara l-eżempju 3.3).

3.34.

Il-kontrolli amministrattivi jikkonċernaw il-korrettezza tad-dikjarazzjonijiet magħmula minn dak li jagħmel il-klejm u l-issodisfar tar-rekwiżiti ta’ eliġibbiltà għall-għoti u l-ħlas tal-għajnuna (31). Kontrolli bħal dawn jinkludu kontrolli reċiproċi kontra d-data diġà disponibbli għall-amministrazzjoni, pereżempju fid-databases tas-SIAK.

3.35.

Wieħed mill-kontrolli amministrattivi prinċipali ta’ miżuri (32) għat-titjib tal-kompetittività tas-settur agrikolu, bħal pereżempju l-immodernizzar tal-azjendi agrikoli, u t-titjib u l-iżvilupp ta’ infrastruttura rurali, għandu l-għan li jivvaluta r-raġonevolezza tal-ispejjeż iddikjarati. Għalhekk, l-Istati Membri huma mitluba jimplimentaw sistemi adegwati biex tiġi vvalutata d-dikjarazzjoni tal-ammonti mill-benefiċjarji. Il-Qorti sabet li dan ir-rekwiżit regolatorju ma ġiex implimentat effettivament minn erbgħa mis-seba’ awtoritajiet nazzjonali vverifikati għal dan l-aspett.

3.35.

3.36.

Għal uħud mill-proġetti tal-FAEŻR, il-kontrolli amministrattivi għandhom jinkludu verifika tal-konformità tat-tħaddim mar-regoli nazzjonali u tal-UE applikabbli inkluż l-akkwist pubbliku. Il-Qorti sabet li, fil-Portugall, l-ispejjeż relatati mal-bini ta’ diga nqasmu fuq diversi kuntratti, liema kuntratti għalhekk setgħu jingħataw direttament minflok ma jinħarġu b’sejħiet għall-offerti. Dan ma nstabx fil-kontrolli amministrattivi.

3.36.

3.37.

Kull sena, l-Istati Membri għandhom jagħmlu kontrolli fuq il-post li jkopru, għall-biċċa l-kbira tal-iskemi ta’ għajnuna, tal-anqas 5 % tal-benefiċjarji kollha (33). Il-verifika tal-Qorti ffukat fuq l-adegwatezza tal-proċeduri tal-analiżi tar- riskju biex jintgħażlu l-benefiċjarji għal dawn il-kontrolli, il-kwalità tal-kontrolli u l-adegwatezza tal-korrezzjonijiet magħmula.

3.38.

Meta reġgħu saru kontrolli fuq il-post mill-aġenziji tal-pagamenti, il-Qorti ħafna drabi sabet li l-kontrolli ma twettqux kif suppost (ara l-eżempju 3.4).

3.39.

Fil-FAEŻR, il-Qorti sabet dgħufijiet fil-proċess tal-ippjanar tal-kontrolli fuq il-post u tal-analiżi tar-riżultati. Fil-Portugall, pereżempju, kważi l-kontrolli kollha (97,5 %) twettqu b’dewmien konsiderevoli, pereżempju sena jew anki sentejn wara s-sena li għaliha jkun intalab il-pagament, fatt li jagħmilha iktar diffiċli li jinstabu każijiet ta’ nuqqas ta’ konformità.

3.39.

3.40.

Ir-rekwiżiti tal-cross-compliance jikkonsistu fir-Rekwiżiti ta’ Ġestjoni Statutarji (SMRs) u l-istandards GAEC (ara l-paragrafu 3.6). Filwaqt li l-SMRs huma speċifikati f’Direttivi u regolamenti varji tal-UE, l-istandards GAEC huma definiti f’livell nazzjonali. Fir-rigward tal-cross-compliance, l-aġenziji tal-pagamenti għandhom jikkontrollaw tal-anqas 1 % tal-applikazzjonijiet għal pagamenti diretti.

3.41.

Matul iż-żjarat tagħha fuq il-post il-Qorti osservat, fuq il-bażi tal-verifika limitata (ara l-paragrafu 3.16, il-ħames inċiż), ksur ta’ cross-compliance f’madwar 12 % tal-pagamenti soggetti għall-obbligi tal-cross-compliance. In-nuqqas ta’ konformità osservat kien relatat kemm mal-SMRs (identifikazzjoni u reġistrazzjoni ta’ annimali), kif ukoll mal-GAEC (evitar tal-invażjoni tal-artijiet agrikoli minn veġetazzjoni mhux mixtieqa).

3.41.

3.42.

Il-Qorti ppubblikat Rapport Speċjali dwar il-verifika tal-irkupri tal-PAK (34) li sab li s-sistemi tal-lum huma iktar effettivi għall-protezzjoni tal-interessi finanzjarji tal-UE u li għal każijiet mill-2006 ’l quddiem, ir-rati ta’ rkupru tjiebu. Madankollu, is-sistemi jeħtieġu jkomplu jitjiebu billi jiġu ċċarati r-regoli biex b’hekk jonqos l-ambitu ta’ interpretazzjoni u prattiki diverġenti adottati mill-Istati Membri.

3.42.