5.11.2011   

MT

Il-Ġurnal Uffiċjali tal-Unjoni Ewropea

C 322/1

1.

Fid-19 ta’ Mejju 2011 il-Kummissjoni adottat Proposta għall-konklużjoni ta’ Ftehim bejn l-Unjoni Ewropea u l-Awstralja dwar l-ipproċessar u t-trasferiment tad-dejta fir-Reġistru tal-Ismijiet tal-Passiġġieri (PNR) minn trasportaturi bl-ajru lis-Servizz Awstraljan tad-Dwana u tal-Protezzjoni tal-Fruntieri (3). Il-proposta ntbagħtet lill-KEPD fit-23 ta’ Mejju.

2.

Il-KEPD ġie kkonsultat b’mod informali tul Mejju 2011, fil-kuntest ta’ proċedura mgħaġġla, dwar il-proposta relatata ma’ ftehim bejn l-Unjoni Ewropea u l-Awstralja dwar l-ipproċessar u t-trasferiment tad-dejta tal-PNR.

3.

Meta jitqies li l-kummenti tiegħu jibqgħu validi fir-rigward tas-sustanza tal-proposta adottata mill-Kummissjoni u ppreżentata lill-Kunsill u lill-Parlament, il-KEDP iddeċida li jagħmel l-osservazzjonijiet tiegħu disponibbli b’mod aktar mifrux fl-għamla ta’ opinjoni pubblika. B’dan il-mod, l-osservazzjonijiet jistgħu jiġu kkunsidrati waqt aktar dibattiti dwar il-proposta.

4.

Il-KEPD juża din l-okkażjoni biex iqajjem ċerti kwistjonijiet oħra, u jħeġġeġ lill-Kunsill u lill-Parlament biex iqisu dawn l-opinjonijiet meta jiddeċiedu dwar il-proposta skont l-Artikolu 218 tat-TFUE.

5.

Il-ftehim bejn l-UE u l-Awstralja dwar id-dejta tal-PNR huwa pass ieħor fl-aġenda tal-UE, li jinkludi linji gwida globali tal-PNR, li jwaqqaf skema tal-UE-PNR u jinnegozja ftehimiet ma’ pajjiżi terzi (4).

6.

Il-KEPD segwa mill-qrib l-iżviluppi relatati mal-PNR u riċentement adotta żewġ Opinjonijiet dwar il-“pakkett tal-PNR” tal-Kummissjoni u dwar il-Proposta għal Direttiva dwar l-UE-PNR (5). L-opinjonijiet imfissra mill-KEPD dwar l-iskemi tal-PNR jikkumplimentaw u huma fil-parti l-kbira tagħhom konsistenti ma’ dawk tal-Grupp ta’ Ħidma tal-Artikolu 29 (6), iżda wkoll ma’ dokumenti riċenti oħra, inkluża l-opinjoni tal-Kumitat Ekonomiku u Soċjali (7) u l-opinjoni tal-Aġenzija tad-Drittijiet Fundamentali (8).

7.

Kif żviluppat hawn taħt, l-approċċ konsistenti tal-KEPD minn dejjem kien li jikkonfronta l-iskop tal-iskemi tal-PNR mar-rekwiżiti fundamentali tan-neċessità u l-proporzjonalità, u li janalizza f’tieni stadju d-dettalji tad-dispożizzjonijiet biex jissuġġerixxi titjib fejn rilevanti.

8.

Il-KEPD jilqa’ l-approċċ ġenerali li għandu l-għan li jarmonizza salvagwardji għall-protezzjoni tad-dejta fid-diversi ftehimiet tal-PNR ma’ pajjiżi terzi. Madankollu, xorta jeħtieġ li jitqajmu ċerti osservazzjonijiet.

9.

Rimarka konsistenti mtennija fl-Opinjonijiet tal-KEPD u fl-Opinjonijiet tal-Grupp ta’ Ħidma tal-Artikolu 29 tapplika bl-istess mod għall-proposta tal-PNR Awstraljan: in-neċessità u l-proporzjonalità tal-iskemi tal-PNR għandhom jintwerew.

10.

Dawn iż-żewġ rekwiżiti fundamentali huma aspetti essenzjali tal-liġi tal-protezzjoni tad-dejta, skont l-Artikoli 7 u 8 tal-Karta tad-Drittijiet Fundamentali u l-Artikolu 16 tat-TFUE. L-UE għandha tiżgura li jiġu sodisfatti r-rekwiżiti tal-liġi tal-protezzjoni tad-data tal-UE, f’każijiet ukoll fejn id-dejta taċ-ċittadini Ewropej tiġi pproċessata u ttrasferita mit-territorju tal-UE għal pajjiż terz. F’każijiet bħal dawn, in-neċessità u l-proporzjonalità għandhom jiġu evalwati u stabbiliti, qabel ikun jista’ jiġi ffirmat xi ftehim. Minbarra l-elementi ta’ sostenn tan-neċessità tal-iskema tal-PNR, il-proporzjonalità teħtieġ bilanċ adegwat bejn l-għan segwit u l-ipproċessar ta’ ammonti kbar ħafna ta’ dejta li jirriżulta f’indħil serju fil-ħajja privata tal-individwi.

11.

Safejn huma kkonċernati l-iskemi tal-PNR, l-għan huwa l-ġlieda kontra t-terroriżmu u r-reati (transnazzjonali) serji, permezz tal-ġbir ta’ ammonti kbar ħafna ta’ dejta relatata mal-passiġġieri kollha, sabiex titwettaq valutazzjoni tar-riskju fuq dawn il-passiġġieri. Sa issa, il-KEPD ma ra ebda elementi konvinċenti fil-ġustifikazzjonijiet ippreżentati għall-iskemi eżistenti tal-PNR jew għal dawk li qed jiġu previsti, bħalma huma l-iskema PNR tal-UE li huwa analizza fid-dettall fl-opinjoni tiegħu ta’ Marzu 2011 (9).

12.

Barra minn hekk, jekk tiġi stabbilita n-neċessità, il-KEPD jenfasizza li t-test ta’ proporzjonalità xorta jeħtieġ li jiġi ssodisfat. Huwa jesprimi dubji dwar il-bilanċ bejn l-ipproċessar ta’ dejta personali fuq skala kbira u l-għan segwit, speċjalment fid-dawl tal-varjetà ta’ reati inklużi fl-ambitu ta’ applikazzjoni tal-abbozz tal-ftehim. Huwa jikkunsidra li għall-ġlieda kontra t-terroriżmu u reati serji, huma disponibbli strumenti effettivi oħrajn.

13.

Il-kummenti speċifiċi hawn taħt huma mingħajr preġudizzju għal din l-osservazzjoni preliminari u fundamentali. Il-KEPD jilqa’ d-dispożizzjonijiet li jipprevedu garanziji speċifiċi bħas-sigurtà tad-dejta, l-infurzar u s-sorveljanza, kif ukoll dawk relatati ma’ trasferimenti ’l quddiem. Fl-istess ħin, huwa jesprimi tħassib, minbarra n-neċessità u l-proporzjonalità tal-iskema, rigward l-ambitu tad-definizzjonijiet u l-kundizzjonijiet taż-żamma tad-dejta.

14.

Il-KEPD jinnota li l-ftehim huwa bbażat fuq l-Artikolu 82(1)(d), l-Artikolu 87(2)(a) u l-Artikolu 218(6)(a) tat-Trattat dwar il-Funzjonament tal-Unjoni Ewropea. Huwa jfakkar li l-fatturi oġġettivi li għandhom jiġu kkunsidrati għall-għażla tal-bażi legali jinkludu b’mod partikolari, l-għan u l-kontenut tal-miżura (10). Jekk l-eżami ta’ miżura tal-UE juri li dan isegwi għan doppju jew li għandu komponent doppju u jekk wieħed ikun identifikabbli bħala l-għan jew komponent prinċipali jew predominanti, filwaqt li l-ieħor ikun sempliċiment inċidentali, il-miżura għandha tkun ibbażata fuq bażi legali waħda, jiġifieri dik meħtieġa mill-għan jew komponent ewlieni jew predominanti (11). B’eċċezzjoni, jekk jiġi stabbilit li l-miżura ssegwi simultanjament diversi għanijiet li huma marbuta flimkien b’mod inseparabbli mingħajr ma wieħed ikun sekondarju u indirett fir-rigward tal-ieħor, il-miżura tista’ tkun ibbażata fuq il-bażijiet legali korrispondenti (12).

15.

Fl-isfond tal-ġurisprudenza stabbilita, kif miġbura fil-qosor, u apparti mill-Artikolu 218(6)(a), il-KEPD isostni li l-ftehim m’għandux ikun ibbażat fuq l-Artikolu 82(1)(d) u l-Artikolu 87(2)(a), iżda fuq l-Artikolu 16 tat-TFUE.

16.

F’dak li jirrigwarda l-għan, għandu jiġi mfakkar li l-ftehimiet tal-PNR li qegħdin jiġu nnegozjati mill-UE kollha nbdew mill-bżonn li jiġi rikonċiljat l-obbligu tal-linji tal-ajru li jipprovdu dejta tal-PNR lill-awtoritajiet ta’ pajjiżi terzi mad-dritt fundamentali għall-protezzjoni tad-dejta (13). Barra minn hekk, it-test tal-proposta f’diversi okkazjonijiet jirreferi għall-għan tal-protezzjoni tad-dejta personali (14).

17.

Fir-rigward tal-kontenut, il-predominanza tad-dispożizzjonijiet tal-protezzjoni tad-dejta fil-ftehim hija evidenti minnha nnifsha. Minbarra mill-Artikoli 3, 4 u 6, jidher li l-protezzjoni tad-dejta hija preżenti tista’ tgħid fid-dispożizzjonijiet kollha tal-ftehim. Dan huwa evidenti fl-Artikolu 1 (l-għan), l-Artikolu 2 (id-definizzjonijiet), l-Artikolu 5 (l-adegwatezza), l-Artikolu 7 sa 19 (salvagwardji applikabbli għall-ipproċessar tad-dejta tal-PNR).

18.

Meta niġu għad-disposizzjonijiet tas-salvagwardji (l-Artikoli 7 sa 19), għandu jiġi osservat li dawn jinkludu dispożizzjonijiet tipiċi għal leġiżlazzjoni tal-protezzjoni tad-data (15). Il-fatt li att fih dispożizzjonijiet li jappartjenu tipikament għal qasam speċifiku tal-liġi kien ikkunsidrat mill-Qorti bħala element li jiġġustifika bażi legali speċifika waħda (16).

19.

Fil-qosor, il-KEPD iqis li l-għan tal-ftehim, aktar milli t-titjib tal-kooperazzjoni tal-pulizija, huwa l-mandat u l-awtorizzazzjoni għal trasferiment ta’ dejta personali minn operaturi privati fid-dawl tat-talba ta’ pajjiż terz. Filwaqt li tali trasferiment lejn pajjiż terz fil-prinċipju ma jkunx possibbli skont ir-regoli tal-UE, il-ftehim tal-PNR jimmmira li jippermetti t-trasferiment ta’ dejta personali skont ir-rekwiżiti tal-protezzjoni tad-dejta tal-UE permezz tal-adozzjoni ta’ salvagwardji speċifiċi.

20.

Għal dawn ir-raġunijiet, il-KEPD jemmen li l-ftehim għandu – fi kwalunkwe każ primarjament – ikun ibbażat fuq l-Artikolu 16 tat-TFUE (17).

21.

Il-KEPD jinnota l-fatt li l-għanijiet li għalihom id-dejta tal-PNR tista’ tiġi pproċessata huma definiti b’mod preċiż fl-Artikolu 3 tal-Proposta. Madankollu, huwa jiddispjaċih mill-fatt li d-definizzjonijiet attwali huma usa’ mid-definizzjonijiet tal-Proposta għal Direttiva dwar l-UE-PNR, li hi stess xorta jmissha ġiet aktar ristretta, speċjalment f’dak li jirrigwarda r-reati minuri.

22.

Filwaqt li fil-Proposta tal-UE-PNR, id-definizzjonijiet iqisu l-konsegwenzi tal-attivitajiet definiti bħala “terroristiċi”, bħal danni konkreti lil persuni jew gvernijiet (mewt, attakki fuq l-integrità fiżika, il-qerda ta’ sistema tat-trasport, faċilità ta’ infrastruttura, eċċ), din il-Proposta hija inqas speċifika u iktar orjentata lejn l-għan meta tirreferi għall-intimidazzjoni tal-persuni, gvernijiet, jew id-destabbilizzar serju ta’ strutturi politiċi jew ekonomiċi fundamentali.

23.

Il-KEPD iqis li hija meħtieġa preċiżjoni akbar fir-rigward tal-kunċetti “intimidatorji, li jisfurzaw jew li jikkostrinġu”, kif ukoll “l-istrutturi politiċi, kostituzzjonali, ekonomiċi jew (speċjalment) soċjali fundamentali ta’ pajjiż jew ta’ organizzazzjoni internazzjonali”. Dan jevita l-applikazzjoni tal-iskema tal-PNR f’każijiet fejn fi kwalunkwe każ m’għandhomx ikunu fil-mira, bħalma huma attivitajiet leġittimi (pereżempju dimostrazzjonijiet paċifiċi) f’kuntest soċjali, kulturali jew politiku (18).

24.

Il-possibbiltà li tiġi pproċessata dejta f’każijiet eċċezzjonali oħrajn tqajjem mistoqsijiet addizzjonali, speċjalment minħabba li testendi għal “theddida għas-saħħa”. Il-KEPD iqis li estensjoni tal-għan bħal din hija sproporzjonata, speċjalment billi proċeduri alternattivi u aktar speċifiċi jistgħu jkunu disponibbli biex jittrattaw theddid importanti għas-saħħa fejn ikun meħtieġ fuq il-bażi ta’ każ b’każ. Barra minn hekk, id-dejta tal-PNR mhijiex l-aktar għodda xierqa biex jiġu identifikati l-passiġġieri: teżisti dejta aktar affidabbli, b’mod partikolari dejta tal-API.

25.

Il-KEPD jinnota wkoll li l-lista tad-dejta tal-PNR annessa mal-Proposta teċċedi dak li ġie kkunsidrat bħala proporzjonali mill-Awtoritajiet għall-Protezzjoni tad-Data fl-Opinjonijiet tal-Parti ta’ Ħidma tal-Artikolu 29 (19). Din il-lista għandha titqassar. B’mod partikolari l-inklużjoni tat-taqsima “Rimarki ġenerali” li tista’ tinkludi dejta irrilevanti – u potenzjalment sensittiva – mhijiex iġġustifikata u għandha titħassar.

26.

Il-KEPD jilqa’ l-esklużjoni tal-ipproċessar ta’ dejta sensittiva mill-ambitu ta’ applikazzjoni, kif iddikjarat fl-Artikolu 8 tal-Proposta. Madankollu, l-abbozzar ta’ din id-dispożizzjoni xorta jissuġġerixxi li dejta sensittiva tista’ tiġi “ipproċessata”. Id-dispożizzjoni tippermetti li din id-dejta tintbagħat l-ewwel mil-linji tal-ajru, u mbagħad titħassar mill-awtoritajiet pubbliċi fit-tieni stadju. Il-fatt li tintbagħat mil-linji tal-ajru huwa att ta’ pproċessar. Il-KEPD iqis li l-linji tal-ajru għandhom ikunu obbligati li jiffiltraw dejta sensittiva fis-sors tal-ipproċessar.

27.

Il-Proposta tinkludi fl-Artikolu 9 dispożizzjoni komprensiva dwar is-sikurezza u l-integrità tad-data, li hija milqugħa. Il-KEPD jappoġġa b’mod partikolari l-obbligu li jiġi rrapportat ksur tas-sigurtà lill-Uffiċċju tal-Kummissarju tal-Informazzjoni Awstraljan. Fir-rigward tat-trasmissjoni ulterjuri ta’ informazzjoni lill-Kummissjoni Ewropea, ikunu meħtieġa aktar spjegazzjonijiet dwar il-proċedura li għandha tiġi segwita. Barra minn hekk, il-KEPD iqis li l-Awtoritajiet għall-Protezzjoni tad-Dejta huma wkoll riċevituri rilevanti ta’ din it-tip ta’ informazzjoni u għandhom jissemmew b’mod espliċitu fil-Proposta.

28.

Is-sistema ta’ superviżjoni, inkluż il-miżuri ta’ sorveljanza u ta’ responsabbiltà u l-insistenza fuq in-nuqqas ta’ diskriminazzjoni bbażata fuq in-nazzjonalità jew il-post ta’ residenza, hija milqugħa. Il-KEPD jappoġġja bis-sħiħ ukoll id-dritt fundamentali ta’ kull individwu għar-rimedju amministrattiv u protezzjoni ġudizzjarja effettiva. Huwa jikkunsidra l-irwol tal-Uffiċċju tal-Kummissarju tal-Informazzjoni Awstraljan bħala garanzija importanti safejn huma kkonċernati l-possibiltajiet ta’ rimedju u l-eżerċizzju tad-drittijiet tas-suġġetti tad-dejta.

29.

Skont l-Artikolu 15, interpretat a contrario, deċiżjoni awtomatizzata li ma “taffettwa[x] b’mod sinifikanti lil xi passiġġier jew li [ma] tipproduċi[x] effett legali negattiv fuqu” tista’ tittieħed fuq il-bażi tal-ipproċessar awtomatizzat tad-dejta. Is-salvagwardji japplikaw biss meta d-deċiżjoni taffettwa lill-passiġġier b’mod sinifikanti. Meta wieħed iqis l-ambitu wiesa’ tal-ipproċessar awtomatizzat tad-dejta personali previst fl-iskema tal-PNR, din ir-restrizzjoni hija dubjuża fil-fehma tal-KEPD. Sabiex tiġi evitata kwalunkwe interpretazzjoni flessibbli ta’ din id-dispożizzjoni, huwa jirrakkomanda li titħassar “b’mod sinifikanti” u li jiġi żgurat li ma tiġi awtorizzata l-ebda deċiżjoni awtomatizzata li tipproduċi effett negattiv fuq individwu.

30.

Il-KEPD iqis it-tul tal-perjodu taż-żamma tad-dejta kif previst fl-Artikolu 16 bħala waħda mill-akbar diffikultajiet fil-proposta. Perjodu ta’ żamma ta’ ħames snin u nofs, inklużi tliet snin mingħajr l-ebda ħabi tad-dejta, huwa b’mod ċar spropozjonat, speċjalment jekk dan il-perjodu taż-żamma jitqabbel mal-iskema preċedenti tal-PNR Awstraljana li ma kinitx tipprevedi l-ħażna tad-dejta ħlief fuq il-bażi ta’ każ b’każ (20). Għandha tingħata ġustifikazzjoni estensiva biex jiġi spjegat għaliex issa huwa previst dan il-perjodu twil ta’ żamma, li ma kienx meqjus meħtieġ fl-ewwel iskema tal-PNR Awstraljana.

31.

F’konformità mal-pożizzjoni sostnuta fl-Opinjoni tiegħu dwar il-Proposta għal Direttiva għal UE-PNR, il-KEPD iqis li għandha ssir l-anonimimizzazzjoni sħiħa (jiġifieri irriversibbli) tad-dejta kollha, jekk mhux immedjatament wara l-analiżi, wara 30 jum bħala massimu.

32.

Il-garanziji pprovduti fl-Artikoli 18 u 19 huma milqugħa, b’mod speċjali peress li dawn jipprovdu għal lista ta’ riċevituri tad-dejta trasferita ġewwa l-Awstralja, għal trasferiment fuq bażi ta’ każ b’każ u valutazzjoni tan-neċessità tat-trasferiment f’kull każ. Il-KEPD madankollu jinnota li din id-dispożizzjoni tista’ tinqabeż bl-eċċezzjoni tal-Art. 18.1(c) li jippermetti l-kondiviżjoni ta’ dejta depersonalizzata anki jekk mhux fuq bażi ta’ każ b’każ. Madankollu, depersonalizzazzjoni ma jimplikax it-tħassir ta’ elementi li jippermettu identifikazzjoni għal aċċess ta’ dejta kompluta meta jkun meħtieġ, iżda li dawn jinħbew biss, sabiex l-aċċess sħiħ għad-dejta jibqa’ possibbli. Għal din ir-raġuni, il-KEPD jirrakkomanda li l-ebda eċċezzjoni għall-prinċipju ta’ trasferimenti “każ b’każ” ma għandha tiġi awtorizzata. Bħala salvagwardja addizzjonali, il-KEPD jissuġġerixxi li t-trasferimenti jiġu limitati għal awtoritajiet “li l-kompitu tagħhom huwa li jiġġieldu kontra t-terroriżmu jew il-kriminalità transnazzjonali”, pjuttost milli dawk l-awtoritajiet li l-funzjonijiet huma “direttament relatati mal-prevenzjoni ta’ (dawn ir-)reati”.

33.

Il-fatt li t-trasferimenti lejn pajjiżi terzi huma soġġetti għall-kundizzjoni li dawn jipprovdu l-“istess” salvagwardji bħall-ftehim oriġinali huwa appoġġjat. Meta wieħed iqis il-fatt li trasferimenti ulterjuri madankollu jimplikaw telf ta’ kontroll fuq il-mod kif id-dejta tista’ tiġi pproċessata, u fin-nuqqas ta’ ftehim internazzjonali li jiggarantixxi l-applikazzjoni effettiva tas-salvagwardji minn dawn il-benefiċjarji l-ġodda, il-KEPD jissuġġerixxi wkoll li dawn it-trasferimenti jkunu soġġetti għal awtorizzazzjoni ġudizzjarja minn qabel.

34.

Il-Proposta tipprevedi li meta d-dejta ta’ persuna residenti fi Stat Membru tal-UE tiġi trasferita lejn pajjiż terz, l-Istat Membru kkonċernat għandu jiġi infurmat jekk is-Servizz Awstraljan tad-Dwana u tal-Protezzjoni tal-Fruntieri jkunx konxju ta’ din is-sitwazzjoni (l-Artikolu 19 1.(F)). Il-KEPD iqis li għandhom jiġu inklużi aktar dettali li jispjegaw l-għan ta’ trasmissjoni bħal din lil Stat Membru. Jekk trażmissjoni ta’ informazzjoni bħal din ikollha impatt fuq is-suġġett tad-dejta, għandhom jiġu inklużi ġustifikazzjoni u salvagwardji addizzjonali.

35.

Fl-aħħa rnett, fir-rigward ta’ trasferimenti ġewwa l-Awstralja u lil pajjiżi terzi, kemm l-Artikolu 18 u l-Artikolu 19 jipprevedu dispożizzjoni ġenerali li tgħid li xejn m’għandu jimpedixxi l-iżvelar ta’ dejta tal-PNR jekk dan ikun meħtieġ għall-finijiet tal-Artikolu 3(4) (21), fi kliem ieħor fil-każ ta’ ċirkostanzi eċċezzjonali bil-għan li jitħares l-interess vitali ta’ kwalunkwe individwu, inkluż theddid għas-saħħa. Il-KEPD diġà qajjem dubji dwar ir-riskju ta’ interpretazzjoni wiesgħa ta’ din l-eċċezzjoni. Barra minn hekk, huwa ma jarax għala kwalunkwe trasferiment f’ċirkostanzi eċċezzjonali ma għandux ikun soġġett għas-salvagwardji previsti fl-Artikolu 18 u l-Artikolu 19, speċjalment fir-rigward tal-limitazzjoni tal-għan jew il-minimizzazzjoni tad-dejta, kif ukoll fir-rigward tal-protezzjoni tal-identità tar-riċevituri u l-livell ta’ protezzjoni mogħtija għad-dejta personali.

36.

Skont l-Artikolu 21.3, it-trasferimenti ta’ dejta tal-PNR lill-awtoritajiet jista’ sseħħ aktar minn ħames darbiet għal kull titjira f’ċirkostanzi eċċezzjonali, fil-każ ta’ theddid speċifiku. Sabiex titjieb iċ-ċertezza legali, il-kundizzjonijiet ta’ trasferimenti addizzjonali bħal dawn għandhom ikunu aktar dettaljati u għandhom jinkludu b’mod partikolari l-ħtieġa addizzjonali ta’ theddida immedjata.

37.

Il-KEPD iqis li l-kundizzjonijiet għar-reviżjoni għandhom ikunu aktar dettaljati dwar diversi aspetti. Il-frekwenza tar-reviżjonijiet wara r-reviżjoni inizjali għandha tkun speċifikata. Barra minn hekk, l-Awtoritajiet għall-Protezzjoni tad-Dejta għandhom ikunu inklużi espliċitament fit-tim ta’ reviżjoni, u mhux sempliċiment b’mod kondizzjonali.

38.

Il-KEPD jissuġġerixxi li r-reviżjoni tikkonċentra wkoll fuq il-valutazzjoni tan-neċessità u l-proporzjonalità tal-miżuri, permezz tal-ġbir ta’ statistika dwar in-numru ta’ individwi affettwati u kkundannati effettivament fuq il-bażi tad-dejta tal-PNR, u dwar l-eżerċizzju effettiv tad-drittijiet tas-suġġetti tad-dejta: il-valutazzjoni għandha tinkludi l-verifika tal-mod kif it-talbiet tas-suġġetti tad-dejta qed jiġu pproċessati fil-prattika, speċjalment meta ma jkun awtorizzat ebda aċċess dirett.

39.

Il-KEPD jilqa’ s-salvagwardji previsti fil-proposti speċjalment rigward l-implimentazzjoni konkreta tal-ftehim. B’mod partikolari, l-aspetti tas-sigurtà tad-dejta, id-dispożizzjonijiet ta’ superviżjoni u ta’ infurzar huma żviluppati b’mod sodisfaċenti. Il-KEPD jenfasizza li kull individwu jkollu aċċess għall-Awtorità Awstraljana għall-Protezzjoni tad-Data, kif ukoll għall-awtoritajiet ġudizzjarji Awstraljani. Dawn huma fost il-garanziji essenzjali pprovduti mill-proposti.

40.

Madankollu, il-KEPD identifika wkoll marġni sinifikanti għal titjib, b’mod speċjali rigward l-ambitu tal-ftehim, id-definizzjoni tat-terroriżmu u l-inklużjoni ta’ xi għanijiet eċċezzjonali, kif ukoll il-perjodu ta’ żamma tad-dejta tal-PNR. Meta mqabbel mal-iskema preċedenti tal-PNR Awstraljana, kif ukoll lill-Proposta tal-UE-PNR, dan il-perjodu ta’ żamma huwa sproporzjonat.

41.

Il-bażi legali għall-ftehim għandha tiġi kkunsidrata mill-ġdid. Fl-isfond tal-ġurisprudenza stabbilita, u apparti mill-Artikolu 218(6)(a), il-KEPD jemmen li l-ftehim għandu – almenu primarjament – ikun ibbażat fuq l-Artikolu 16 tat-TFUE u mhux fuq l-Artikolu 82(1)(d) u l-Artikolu 87(2)(a) tat-TFUE. Dan huwa kompletament konformi mad-Dikjarazzjoni 21 tat-Trattat ta’ Lisbona.

42.

Dawn l-osservazzjonijiet għandhom jinqraw fil-kuntest usa’ tal-leġittimità ta’ kwalunkwe skema tal-PNR, li tidher bħala l-ġbir sistematiku ta’ dejta tal-passiġġieri għal finijiet ta’ valutazzjoni tar-riskju. Jekk l-iskema tirrispetta r-rekwiżiti fundamentali ta’ neċessità u proporzjonalità skont l-Artikoli 7 u 8 tal-Karta tad-Drittijiet Fundamentali u l-Artikolu 16 tat-TFUE biss, il-proposta tkun tista’ tissodisfa r-rekwiżiti l-oħrajn tal-qafas tal-protezzjoni tad-dejta.

43.

Il-KEPD għalhekk jikkonkludi wkoll li għandha tingħata aktar attenzjoni lil dawn ir-rekwiżiti fundamentali fl-evalwazzjonijiet finali li jiġu qabel il-konklużjoni tal-ftehim.

—

Opinjoni tal-KEPD tal-25 ta’ Marzu 2011 dwar il-Proposta għal Direttiva tal-Parlament Ewropew u tal-Kunsill dwar l-użu tad-dejta tar-Reġistru tal-Ismijiet tal-Passiġġieri għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u reati serji;

—

Opinjoni tal-KEPD tad-19 ta’ Ottubru 2010 dwar l-approċċ globali għal trasferimenti ta’ dejta tar-Reġistru tal-Ismijiet tal-Passiġġieri (PNR) lil pajjiżi terzi.

—

Il-memorandum ta’ spjegazzjoni jirrikonoxxi li l-liġijiet dwar il-protezzjoni tad-dejta tal-UE ma jippermettux li t-trasportaturi jittrażmettu dejta tal-PNR lil pajjiżi li ma jiżgurawx livell adegwat ta’ protezzjoni. Għalhekk, “hija meħtieġa soluzzjoni li se tipprovdi l-bażi legali għat-trasferiment […] sabiex jiġi żgurat […] rispett tad-drittijiet tal-individwi għall-protezzjoni ta’ dejta personali”.

—

L-għan li jiġi żgurat rispett għad-dritt għal protezzjoni tad-dejta personali jirriżulta wkoll b’mod pjuttost ċar mill-preambolu, jiġifieri l-premessa li tikkwota l-Artikolu 6 tat-TFUE, l-Artikolu 16 tat-TFUE, l-Artikolu 8 tal-KEDB, il-Konvenzjoni 108, eċċ.

—

Il-preambolu jikkwota wkoll id-dispożizzjonijiet relevanti Awstraljani għall-protezzjoni tad-dejta tal-liġi Awstraljana, u jirrikonoxxi li dawn jipprovdu għall-protezzjoni tad-dejta, id-drittijiet ta’ aċċess u rimedju, rettifika u annotazzjoni u r-rimedji u s-sanzjoni għall-użu ħażin tad-data personali.

—

L-Artikolu 1 tal-Ftehim – intitolat “Għan tal-Ftehim”- jiddikjara li l-ftehim jipprovdi għat-trasferiment tad-dejta tal-PNR. Huwa jkompli li l-ftehim “jistipula l-kondizzjonijiet li bihom din id-dejta tista’ tiġi trasferita u użata, u l-mod kif id-dejta għandha tiġi protetta” (enfasi miżjuda).

5.11.2011   

MT

Il-Ġurnal Uffiċjali tal-Unjoni Ewropea

C 322/7

5.11.2011   

MT

Il-Ġurnal Uffiċjali tal-Unjoni Ewropea

C 322/10

5.11.2011   

MT

Il-Ġurnal Uffiċjali tal-Unjoni Ewropea

C 322/11

—

l-iffaċilitar u t-tħeġġiġ tal-promozzjoni u ċ-ċirkolazzjoni ta’ xogħol awdjoviżiv u ċinematografiku Ewropew waqt wirjiet kummerċjali, fieri u festivals awdjoviżivi fl-Ewropa u madwar id-dinja, sakemm avvenimenti bħal dawn jista’ jkollhom rwol importanti fil-promozzjoni ta’ xogħlijiet Ewropej u fin-netwerking ta’ professjonisti;

—

it-tħeġġiġ tal-ħolqien ta’ netwerks ta’ operaturi Ewropej, billi jiġu appoġġati attivitajiet konġunti fis-swieq Ewropej u dawk internazzjonali permezz ta’ korpi ta’ promozzjoni nazzjonali jew privati.

—

li jtejbu ċ-ċirkolazzjoni ta’ xogħlijiet awdjoviżivi Ewropej billi jiżguraw li s-settur awdjoviżiv Ewropew ikollu aċċess għas-swieq awdjoviżivi Ewropej u internazzjonali professjonali;

—

li jinkoraġġixxu attivitajiet komuni bejn organizzazzjonijiet nazzjonali li jippromwovu films u programmi awdjoviżivi;

—

li jinkoraġġixxu l-bini ta’ sħubija ekonomika bejn pajjiżi u professjonisti ġewwa u barra l-programm MEDIA u li jiffaċilitaw għarfien reċiproku u fehim aħjar.

Education, Audiovisual and Culture Executive Agency (EACEA)

Unit Programme MEDIA — P8

Call for proposals EACEA/35/11 Promotion/Access to markets

Mr Constantin DASKALAKIS

BOUR 3/30

Avenue du Bourget/Bourgetlaan 1

1049 Bruxelles/Brussel

BELGIQUE/BELGIË

5.11.2011   

MT

Il-Ġurnal Uffiċjali tal-Unjoni Ewropea

C 322/14

1.

Fis-27 ta’ Ottubru 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża G4S plc (“G4S”, Ir-Renju Unit) takkwista, fit-tifsira tal-Artikolu 3(1)(b) tar-Regolament dwar l-Għaqdiet il-kontroll tal-impriża kollha ISS A/S (“ISS”, id-Danimarka) permezz ta' xiri ta' ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6397 – G4S/ISS, fl-indirizz li ġej:

5.11.2011   

MT

Il-Ġurnal Uffiċjali tal-Unjoni Ewropea

C 322/15

1.

Fis-26 ta’ Ottubru 2011, il-Kummissjoni rċeviet notifika ta' proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Carlyle Partners V, L.P. (l-Istati Uniti tal-Amerika), fond amministrat mill-Grupp Carlyle (“Carlyle”), u fond ta' investimenti affiljati kkontrollati mill-H&F Corporate Investors VII, Ltd. (il-Gżejjer Kajman) u ffinanzjati minn Hellman & Friedman (“H&F”) takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt tal-Pharmaceutical Product Development, Inc (l-Istati Uniti tal-Amerika) permezz tax-xiri tal-ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6423 – Carlyle/H&F/Pharmaceutical Product Development, fl-indirizz li ġej: