ISSN 1725-5198 doi:10.3000/17255198.C_2011.212.mlt |
||
Il-Ġurnal Uffiċjali tal-Unjoni Ewropea |
C 212 |
|
Edizzjoni bil-Malti |
Informazzjoni u Avviżi |
Volum 54 |
Avviż Nru |
Werrej |
Paġna |
|
I Riżoluzzjonijiet, rakkomandazzjonijiet u opinjonijiet |
|
|
RAKKOMANDAZZJONIJIET |
|
|
Il-Kunsill |
|
2011/C 212/01 |
||
2011/C 212/02 |
||
2011/C 212/03 |
||
2011/C 212/04 |
||
|
OPINJONIJIET |
|
|
Il-Kummissjoni Ewropea |
|
2011/C 212/05 |
||
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2011/C 212/06 |
Ebda oppożizzjoni għal konċentrazzjoni notifikata (Każ COMP/M.6175 – Danaher/Beckman Coulter) ( 1 ) |
|
2011/C 212/07 |
Ebda oppożizzjoni għal konċentrazzjoni notifikata (Każ COMP/M.6191 – Birla/Columbian Chemicals) ( 1 ) |
|
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kunsill |
|
2011/C 212/08 |
||
2011/C 212/09 |
||
|
Il-Kummissjoni Ewropea |
|
2011/C 212/10 |
||
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2011/C 212/11 |
||
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2011/C 212/12 |
Notifika minn qabel ta' konċentrazzjoni (Każ COMP/M.6299 – KKR/Sorgenia/Sorgenia France) – Każ li jista' jiġi kkunsidrat għal proċedura simplifikata ( 1 ) |
|
2011/C 212/13 |
Notifika minn qabel ta' konċentrazzjoni (Każ COMP/M.6238 – RREEF/SMAG/OHL – Arenales) – Każ li jista' jiġi kkunsidrat għal proċedura simplifikata ( 1 ) |
|
|
|
|
(1) Test b’relevanza għaż-ŻEE |
MT |
|
I Riżoluzzjonijiet, rakkomandazzjonijiet u opinjonijiet
RAKKOMANDAZZJONIJIET
Il-Kunsill
19.7.2011 |
MT |
Il-Ġurnal Uffiċjali tal-Unjoni Ewropea |
C 212/1 |
RAKKOMANDAZZJONI TAL-KUNSILL
tat-12 ta’ Lulju 2011
dwar il-Programm Nazzjonali ta' Riforma 2011 ta' Spanja u li tagħti opinjoni tal-Kunsill dwar il-Programm ta' Stabbiltà ta' Spanja aġġornat, għall-perjodu 2011-2014
2011/C 212/01
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u partikolarment l-Artikoli 121(2) u 148(4) tiegħu,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta' pożizzjonijiet ta' baġit u s-sorveljanza u l-koordinazzjoni ta' politika ekonomika (1), u partikolarment l-Artikolu 5(3) tiegħu,
Wara li kkunsidra r-rakkomandazzjoni tal-Kummissjoni Ewropea,
Wara li kkunsidra l-konklużjonijiet tal-Kunsill Ewropew,
Wara li kkunsidra l-opinjoni tal-Kumitat tal-Impjiegi,
Wara li ġie kkonsultat il-Kumitat Ekonomiku u Finanzjarju,
Billi:
(1) |
Fis-26 ta’ Marzu 2010, il-Kunsill Ewropew qabel mal-proposta tal-Kummissjoni li tvara strateġija ġdida għall-impjiegi u t-tkabbir, Ewropa 2020, imsejsa fuq koordinazzjoni msaħħa tal-politiki ekonomiċi, li tiffoka fuq l-oqsma ewlenin fejn jeħtieġ azzjoni biex tingħata spinta lill-potenzjal tal-Ewropa għat-tkabbir sostenibbli u l-kompetittività. |
(2) |
Fit-13 ta’ Lulju 2010, il-Kunsill adotta rakkomandazzjoni dwar il-linji gwida ġenerali għall-politiki ekonomiċi tal-Istati Membri u l-Unjoni (mill-2010 sal-2014) u fil-21 ta’ Ottubru 2010, hu adotta deċiżjoni dwar il-linji gwida għall-politiki dwar l-impjiegi tal-Istati Membri (2), li flimkien jiffurmaw il-“linji gwida integrati”. L-Istati Membri ġew mistiedna jqisu l-linji gwida integrati fil-politiki ekonomiċi u okkupazzjonali nazzjonali tagħhom. |
(3) |
Fit-12 ta’ Jannar 2011, il-Kummissjoni adottat l-ewwel Stħarriġ Annwali dwar it-Tkabbir, li kien il-bidu ta’ ċiklu ġdid ta’ governanza ekonomika fl-UE u l-ewwel semestru Ewropew ta’ koordinazzjoni integrata u ex ante ta’ politika, imsejjes fuq l-istrateġija Ewropa 2020. |
(4) |
Fil-25 ta’ Marzu 2011, il-Kunsill Ewropew endorsja l-prijoritajiet għall-konsolidazzjoni fiskali u r-riforma strutturali (bi qbil mal-konklużjonijiet tal-Kunsill tal-15 ta’ Frar u s-7 ta’ Marzu 2011 u b'żieda mal-Istħarriġ Annwali tat-Tkabbir mill-Kummissjoni). Hu saħaq il-ħtieġa li tingħata prijorità biex jerġgħu jibdew jiftasslu baġits tajbin filwaqt li titreġġa' lura s-sostenibbiltà fiskali, jitnaqqas il-qgħad permezz ta’ riformi fis-suq tax-xogħol u li jsiru sforzi ġodda biex jittejjeb it-tkabbir. Talab lill-Istati Membri biex isarrfu dawn il-prijoritajiet f'miżuri konkreti li jiġu inklużi fil-Programmi ta’ Stabilità jew ta’ Konverġenza u fil-Programmi Nazzjonali ta’ Riforma. |
(5) |
Fil-25 ta’ Marzu 2011, il-Kunsill Ewropew stieden ukoll lill-Istati Membri parteċipi fil-Patt Euro Plus biex jippreżentaw l-impenji tagħhom fil-ħin ħalli dawn ikunu jistgħu jiddaħħlu fil-Programmi ta’ Stabbiltà jew ta’ Konverġenza u fil-Programmi Nazzjonali ta’ Riforma tagħhom. |
(6) |
Fid-29 ta’ April 2011, Spanja ressqet il-Programm ta’ Stabbiltà tagħha għall-2011 li ġie aġġornat u li jkopri l-perjodu 2011-2014 u l-Programm Nazzjonali ta’ Riforma tagħha għall-2011. Sabiex jitqiesu l-konnotazzjonijiet ta' bejniethom, iż-żewġ programmi ġew ivvalutati fl-istess waqt. |
(7) |
L-ekonomija ta' Spanja ntlaqtet ħażin ħafna mill-kriżi u għaddiet minn aġġustament qawwi bejn l-2008 u l-2009. Il-PDG reali waqa' b'4,3 % bejn il-bidu tas-sena 2008 u l-aħħar tas-sena 2010, u l-okkupazzjoni naqset b'aktar minn 10 %. Konsegwentement, ir-rata tal-qgħad telgħet għal 20,1 % fl-aħħar tas-sena 2010, li kienet l-ogħla waħda fl-UE. L-aktar li kellhom isofru l-piż tar-riċessjoni fi Spanja kienu l-ħaddiema żgħażagħ (b'rata ta' qgħad ta' 41,6 %) u l-ħaddiema b'livell inqas ta' edukazzjoni (b'rata ta' qgħad ta' 26,4 %). Ir-rendita fuq id-dejn sovran żdiedet fil-kuntest tal-iżviluppi avversi tad-dejn pubbliku fiż-żona tal-euro u s-sistemi bankarji, b'mod partikolari l-banek tat-tfaddil, sfaw taħt pressjoni kbira malli nfaqgħet il-bużżieqa tas-settur tad-djar u mat-tnaqqis f'salt fis-settur tal-bini. Il-proċess li għadu sejjer ta' assorbiment tal-iżbilanċi makroekonomiċi kbar li nkisbu matul il-perjodu ta' tkabbir qawwi se jkompli għaddej għal xi żmien ieħor. Bħala reazzjoni għal dawn l-isfidi, il-Gvern Spanjol daħal għal aġenda ambizzjuża ta' riforma li tkopri l-konsolidazzjoni fiskali, riforma tal-pensjonijiet pubbliċi, ir-ristrutturar tal-banek tat-tfaddil u r-riformi tax-xogħol u fis-suq tal-prodotti. |
(8) |
Il-Kunsill wasal għall-opinjoni, imsejsa fuq il-valutazzjoni tal-Programm ta' Stabbiltà li ġie aġġornat skont ir-Regolament (KE) Nru 1466/97, li x-xenarju makroekonomiku li qiegħed fl-isfond tal-previżjonijiet baġitarji fil-Programm ta' Stabbiltà, jidher favorevoli għall-2011 u l-2012. Il-Programm ta’ Stabbilità jippjana li jniżżel id-defiċit tal-baġit taħt il-valur referenzarju ta' 3 % sal-2013, f'konformità mar-rakkomandazzjonijiet tal-Kunsill ta' April 2009, u li jnaqqas ulterjorment id-defiċit għal 2,1 % tal-PDG fl-2014. Il-Programm ta’ Stabbilità ma jipprevedix il-kisba tal-objettiv ta' terminu medju, li se jibqa' baġit bilanċjat, tul il-perjodu kopert mill-Programm ta’ Stabbilità. Il-pjan ta' aġġustament huwa adattat. It-titjib medju annwali tal-bilanċ strutturali huwa bejn wieħed u ieħor ta' 1,5 % tal-PDG tul il-perjodu 2010-2013, f'konformità mar-rakkomandazzjoni tal-Kunsill, u ta' 0,3 % addizzjonali tal-PDG għas-sena 2014. Il-proporzjon ta' bejn id-dejn u l-PDG huwa previst li se jitla' minn 60,1 % tal-PDG fl-2010 għal 69 % fl-2013 u jinżel ftit fl-2014. Hemm għadd ta' riskji negattivi għall-pjan ta' konsolidazzjoni relatat mas-suppożizzjonijiet makroekonomiċi sottostanti u fir-rigward tal-miri baġitarji fuq livell reġjonali. Ir-reġjuni huma responsabbli għal sehem kbir min-nefqa pubblika totali u 9 minn 17 qabżu l-objettivi fiskali tagħhom għall-2010. Madanakollu, mekkaniżmi ta’ kontroll tad-defiċit u tad-dejn għall-gvernijiet reġjonali diġà ġew imsaħħa u l-Gvern Spanjol daħal għall-impenn li jieħu miżuri addizzjonali, jekk ikunu meħtieġa sabiex jintlaħqu l-miri baġitarji. |
(9) |
Il-kisba ta' konsolidazzjoni fiskali prevista fl-2011 u fl-2012 tirrikjedi l-applikazzjoni stretta tal-mekkaniżmi ta' kontroll tad-defiċit u tad-dejn li ġew stabbiliti għall-gvernijiet reġjonali. F'każ li l-iżviluppi makroekonomiċi u dawk baġitarji fl-2011 u fl-2012 imorru agħar minn kif mistenni, se jkun meħtieġ li jittieħdu l-miżuri addizzjonali li l-Gvern Spanjol intrabat li jieħu sabiex jintlaħqu l-miri baġitarji. Għas-sena 2013, il-Pjan tar-Reviżjoni tan-Nefqa jidentifika ċerti miżuri biex dawn jirfdu l-miri baġitarji. Skont l-aħħar valutazzjoni tal-Kummissjoni, ir-riskji fir-rigward tas-sostenibbiltà fit-tul tal-finanzi pubbliċi jidhru li huma għoljin. |
(10) |
Il-qafas baġitarju ta' terminu medju fi Spanja kien strumentali biex jippromovi l-ippjanar fiskali multiannwali u b'mod ġenerali juri profil tajjeb. Madanakollu, dan il-qafas għadda minn prova minħabba l-kriżi u wera l-ħtieġa li jissaħħu ulterjorment l-istabbiltà fiskali u l-aspett preventiv tal-politika fiskali. Dan ikun jista' jissaħħaħ permezz tal-introduzzjoni ta' regola tal-infiq ibbażata fuq it-tkabbir nominali tal-PDG għal terminu medju skont il-qafas dwar il-governanza ekonomika tal-UE ġdid. Ir-regola, proposta mill-awtoritajiet Spanjoli fil-Programm ta' Stabbiltà tkun torbot awtomatikament lill-gvern ċentrali kif ukoll lill-gvernijiet lokali. Il-Gvern qed jippjana li jintlaħaq kunsens fi ħdan il-Kunsill tal-Politika Fiskali u Finanzjarja dwar l-applikazzjoni tar-regola għall-Komunitajiet Awtonomi. |
(11) |
Fin-nuqqas ta’ riforma, l-impatt fit-tul li aktarx ikollu t-tixjiħ fuq il-baġit pubbliku fi Spanja jkun ogħla mill-medja tal-UE. Dan hu prinċipalment minħabba li n-nefqa fuq il-pensjonijiet bħala proporzjon tal-PDG hija prevista li se tiżdied sostanzjalment għad-deċennji ta’ snin li ġejjin. Fuq medda twila ta' żmien, it-tixjiħ se jwassal għal żieda sinifikanti fil-proporzjon tal-persuni rtirati għal kull ħaddiem. Il-proposta tal-Gvern Spanjol għal riforma tal-pensjonijiet, li ntlaħaq ftehim dwarha flimkien mal-imsieħba soċjali, se ttejjeb b’mod sinfikanti s-sostenibbiltà fiskali u biex jiġu miżjuda l-inċentivi għall-parteċipazzjoni fis-suq tax-xogħol. Madanakollu, ir-riforma għad trid tiġi approvata mill-Parlament u tista' tkun għadha soġġetta għal xi tibdiliet minuri. |
(12) |
Spanja ħadet passi importanti biex issaħħaħ is-sistema bankarja, billi pprovdiet appoġġ pubbliku u billi ħadet miżuri bil-għan li tirristruttura l-banek tat-tfaddil, issaħħaħ is-solvenza tal-banek u ttejjeb it-trasparenza tal-karti tal-bilanċi tagħhom. Is-settur għadda minn konsolidament notevoli b’riżultat, u speċifikatament fost il-banek tat-tfaddil, b’konsegwenzi pożittivi f’termini tad-daqs medju tal-istituzzjonijiet, tnaqqis tal-kapaċità eċċessiva f'termini ta' fergħat u impjieg, tisħih tal-karti tal-bilanċ, rikapitalizzazzjoni u titjib fl-effiċjenza u fil-profitabbiltà. Il-leġiżlazzjoni reċenti indirizzat il-problemi li nħolqu minħabba r-rwol tal-awtoritajiet lokali fil-governanza tal-banek tat-tfaddil minħabba li l-parti l-kbira tagħhom jittrasferixxu l-attiv u l-passiv tagħhom lill-banek kummerċjali. Il-Gvern Spanjol intrabat li jiffinalizza l-parti l-kbira tal-proċess ta’ ristrutturar sal-aħħar ta' Settembru tal-2011. Il-kopertura tar-rawnd li jmiss ta’ testijiet ta’ stress ser ikun mill-ġdid fost l-ogħla fl-UE. |
(13) |
Ir-riforma fis-suq tax-xogħol li għaddejja bħalissa fi Spanja għandha tiġi kkumplimentata minn reviżjoni tas-sistema attwali ta' negozjar kollettiv li hija waħda kumplessa. Il-predominanza tal-ftehimiet provinċjali u ta' dawk tal-industrija ftit li xejn tħalli lok għal negozjati fuq il-livell ta' impriża. L-estensjoni awtomatika tal-ftehimiet kollettivi, il-validità tal-kuntratti mhux imġedda u l-użu ta' klawsoli ta' indiċjar tal-inflazzjoni ex-post, jikkontribwixxu għall-ipparalizzar fil-pagi, filwaqt li jimpedixxu li jkun hemm il-flessibbiltà fil-pagi kif jinħtieġ biex jitħaffef l-aġġustament ekonomiku u titreġġa' lura l-kompetittività. Il-Gvern Spanjol talab lill soċjali biex jiftiehmu dwar riforma tas-sistema ta' negozjar kollettiv tal-pagi matul ir-rebbiegħa tal-2011. Fin-nuqqas ta’ ftehim, fl-10 ta’ Ġunju l-Gvern approva Digriet Irjali li daħal fis-seħħ immedjatament imma li jrid jiġi vvalidat mill-Parlament. |
(14) |
Fl-isfond ta' rata għolja ħafna ta' qgħad, Spanja varat riforma tas-suq tax-xogħol tagħha permezz tal-liġi ta' Settembru tal-2010. Il-liġi għandha l-għan li jitnaqqsu d-duwaliżmu fis-suq tax-xogħol u l-qgħad fost iż-żgħażagħ, li tiżdied l-impjegabbiltà ta' gruppi ta' nies vulnerabbli kif ukoll li tiżdied il-flessibbiltà fil-livell ta' kumpanija u titjieb l-efffiċjenza tal-intermedjarjetà fis-suq. Fi Frar tal-2011 ġiet adottata riforma tal-politiki attivi dwar is-suq tax-xogħol, li wkoll kienet tinkludi miżuri marbuta mat-tisħiħ tar-rwol konsultattiv u ta' gwida tas-servizzi tal-impjiegi u mat-tisħiħ tal-koordinazzjoni tagħhom fil-livelli nazzjonali u reġjonali. Għalissa għadu kmieni wisq biex wieħed jevalwa b’mod sħiħ kemm din ir-riforma hija suffiċjenti biex tnaqqas is-segmentazzjoni u biex tnaqqas il-qgħad fost iż-żgħażagħ u l-qgħad fit-tul minħabba li ċerti miżuri għadhom ma bdewx joperaw. Il-Gvern Spanjol impenja lilu nnifsu li jieħu passi ulterjuri sa Ottubru tal-2011. |
(15) |
Spanja esperjenzat telf fil-kompetittività abbażi tal-prezzijiet u tal-ispejjeż, għalkemm uriet prestazzjoni relattivament tajba f’termini ta’ ishma tas-suq tal-esportazzjoni, li ġie raffurzat waqt il-kriżi. Iż-żidiet ogħla fil-pagi flimkien mat-tkabbir aktar baxx fil-produttività meta mqabbel ma' dak taż-żona tal-euro, u n-nuqqas ta’ kompetizzjoni f’ċerti swieq ta’ prodotti, ikkontribwixxew għall-inflazzjoni fi Spanja li baqgħet ogħla b'mod persistenti. Billi ssib spazju sabiex ittejjeb l-effiċjenza tat-taxxi tkun tista’ tagħti spinta lill-kompetittività. Issaħħaħ aktar il-kompetizzjoni fi swieq ta' prodotti u tadotta riforma tas-sistema ta' negozjar kollettiv sabiex tassigura li t-tkabbir tal-pagi jirrifletti aħjar l-iżviluppi tal-kompetittività fil-livell tal-azjenda jgħin sabiex tingħata spinta lill-kompetittività. |
(16) |
Il-livell għoli tat-tluq bikri mill-iskola fi Spanja (31,2 % fl-2009) huwa partikolarment inkwetanti, minħabba li jdgħajjef id-daqs tal-forza tax-xogħol imħarrġa sew, jaffettwa l-prospetti ta' xogħol tal-individwi kkonċernati u jnaqqas it-tkabbir potenzjali. Il-Liġi dwar l-Ekonomija Sostenibbli, adottata fil-15 ta' Frar 2011, tinkludi miżuri li għandhom l-għan li jtejbu l-kwalità u li jżidu l-kwantità tal-kapital uman permezz tal-edukazzjoni u tat-taħriġ vokazzjonali. Madanakollu, l-effettività tal-miżuri l-ġodda fil-ġlieda kontra t-tluq bikri mill-iskola u għat-titjib tat-taħriġ vokazzjonali għadha mhix magħrufa fiċ-ċert u jista' jagħti l-każ li jkun diffiċli li l-implimentazzjoni titwettaq fil-livelli governattivi kollha. |
(17) |
Spanja għamlet progress sinifikanti fit-titjib tal-kundizzjonijiet għall-kompetizzjoni fis-swieq tal-prodotti u tas-servizzi, billi indirizzat waħda mir-raġunijiet tat-tkabbir kajman fil-produttività. It-traspożizzjoni f'liġi tad-Direttiva dwar is-Servizzi hija avvanzata sewwa u ambizzjuża fi Spanja, għalkemm jeħtieġ li jkun hemm ftuħ ulterjuri tas-servizzi professjonali. Il-Liġi dwar l-Ekonomija Sostenibbli tinkludi medda wiesgħa ta' miżuri marbuta mat-titjib tal-ambjent tan-negozju, mat-tisħiħ tal-kompetizzjoni u mal-promozzjoni tas-sostenibbiltà ambjentali. Implimentazzjoni effettiva titlob sforzi ulterjuri mil-livelli kollha tal-gvern u koordinazzjoni xierqa. |
(18) |
Spanja ħadet għadd ta’ impenji fil-Patt Euro Plus. Mil-lat fiskali, Spanja tieħu l-impenn li tistabbilixxi regola tan-nefqa sabiex issaħħaħ l-istabbiltà fiskali u b'hekk issaħħaħ ukoll is-sostenibbiltà tal-finanzi pubbliċi. Sabiex issaħħaħ l-istabbiltà finanzjarja, Spanja impenjat ruħha li, qabel it-30 ta' Settembru, tikkonkludi l-proċess ta' ristrutturar tas-settur finanzjarju. Il-miżuri marbuta mal-impjieg jikkonċentraw fuq l-implimentazzjoni ta' atti fir-rigward tal-politiki attivi dwar is-suq tax-xogħol u ta' dispożizzjonijiet fil-qasam tat-taħriġ vokazzjonali kif ukoll fuq l-indirizzar tal-impjieg informali. Il-miżuri marbuta mal-kompetittività jikkonċentraw fuq ir-riforma tas-sistema ta' negozjar kollettiv, il-professjonijiet regolati, it-twaqqif ta' Kumitat Konsultattiv dwar il-Kompetittività u r-riforma tal-liġi dwar il-fallimenti. L-impenji ta' hawn fuq jirreferu għall-erba' oqsma tal-Patt. Huma jirrappreżentaw kontinwità tal-aġenda ta' riforma kurrenti, filwaqt li jżidu perjodu ta' żmien strett għall-implimentazzjoni ta' ċerti riformi u jiżguraw li ssir l-implimentazzjoni totali tar-riformi li diġà jkunu twettqu. Dawn l-impenji ġew ivvalutati u ġew ikkunsidrati fir-rakkomandazzjonijiet. |
(19) |
Il-Kummissjoni vvalutat il-Programm ta' Stabbiltà u l-Programm Nazzjonali ta' Riforma, inklużi l-impenji tal-Patt Euro Plus. Mhux biss qieset ir-relevanza tagħhom għall-politika sostenibbli fiskali u soċjoekonomika fi Spanja imma wkoll il-konformità tagħhom mar-regoli u mal-gwida tal-UE, fid-dawl tal-ħtieġa tat-tisħiħ tal-governanza ekonomika ġenerali tal-UE billi jiġi pprovdut kontribut fil-livell tal-UE għad-deċiżjonijiet nazzjonali futuri. Fid-dawl ta' dan kollu, il-Kummissjoni tqis li l-Gvern Spanjol stabbilixxa pjanijiet ta' konsolidazzjoni fiskali li huma konsistenti mal-miri meħtieġa, iżda li xorta fadal ċerti riskji negattivi. It-tkabbir tan-nefqa pubblika għandu jinżamm taħt ir-rata tat-tkabbir tal-PDG għal terminu medju u jeħtieġ li tiġi adottata r-riforma tal-pensjonijiet. Il-passi li għandhom jittieħdu fl-2011-2012 għandhom jikkonċentraw fuq l-iżgurar tal-istabbiltà tas-sistema finanzjarja (permezz tal-finalizzazzjoni tar-ristrutturar u tal-konsolidazzjoni tal-banek tat-tfaddil) u tat-tisħiħ tas-sorsi domestiċi għat-tkabbir, billi tiġi indirizzata ż-żieda kurrenti fil-qgħad, b'mod partikolari permezz tar-riforma tan-negozjar kollettiv u tal-implimentazzjoni kontinwa tar-riformi li għaddejjin bħalissa fis-suq tax-xogħol, flimkien ma' monitoraġġi u evalwazzjonijiet mill-qrib tal-effikaċja ta' dawn ir-riformi. Is-settur tas-servizzi, il-kummerċ u l-professjonijiet għandu jiġi estiż għal kompetizzjoni ikbar, u l-piż amministrattiv għall-impriżi għandu jitnaqqas. |
(20) |
Fid-dawl ta’ din il-valutazzjoni, wara li kkunsidra wkoll ir-Rakkomandazzjoni tal-Kunsill skont l-Artikolu 126(7) tat-Trattat dwar il-Funzjonament tal-Unjoni Ewropea tat-2 ta’ Ġunju 2010, il-Kunsill eżamina l-aġġornament tal-Programm ta’ Stabbiltà ta' Spanja għas-sena 2011, u l-opinjoni tiegħu (3) ġiet riflessa b'mod partikolari fir-rakkomandazzjoni (1) tiegħu ta' hawn taħt. Wara li kkunsidra l-konklużjonijiet tal-Kunsill Ewropew tal-25 ta’ Marzu 2011, il-Kunsill eżamina l-Programm Nazzjonali ta’ Riforma ta' Spanja, |
B’DAN JIRRAKKOMANDA li Spanja tieħu azzjoni matul il-perjodu 2011-2012 sabiex:
1. |
Timplimenta l-istrateġija baġitarja fl-2011 u fl-2012, u tikkoreġi d-defiċit eċċessiv fis-sena 2013 skont ir-rakkomandazzjoni tal-Kunsill taħt il-PDE, filwaqt li tiżgura l-kisba tal-miri tad-defiċit fil-livelli governattivi kollha, inkluż permezz tal-applikazzjoni stretta tal-mekkaniżmi ta' kontroll tad-defiċit u tad-dejn għall-gvernijiet reġjonali li qed jintużaw bħalissa; tadotta miżuri ulterjuri f'każ li l-iżviluppi baġitarji u ekonomiċi jmorru agħar milli mistenni; tieħu kwalunkwe opportunità, inkluż minn kundizzjonijiet ekonomiċi aħjar, biex jiġi aċċellerat it-tnaqqis fid-defiċit; tistabbilixxi miżuri konkreti biex issostni bis-sħiħ il-miri għall-2013 u l-2014 li jġib il-proporzjon għoli ta' dejn pubbliku fi triq 'l isfel u jassigura progress adegwat lejn l-objettiv għal terminu medju. Iżżomm it-tkabbir tan-nefqa pubblika taħt ir-rata tat-tkabbir tal-PDG għal terminu medju, billi tintroduċi regola tan-nefqa vinkolanti fil-livelli governattivi kollha, kif previst. Ittejjeb aktar il-forniment ta' informazzjoni fir-rigward tal-baġits tal-gvernijiet reġjonali u lokali u l-implimentazzjoni tagħhom. |
2. |
Tadotta r-riforma tal-pensjonijiet proposta sabiex tiġi estiża l-età tal-irtirar statutorja u effettiva u biex jiġi miżjud l-ammont ta' snin ta' ħidma għall-kalkolu tal-pensjonijiet kif kien ippjanat; tirrevedi b'mod regolari l-parametri tal-pensjonijiet f'konformità mal-bidliet tal-istennija tal-għomor, kif kien ippjanat, u tiżviluppa miżuri ulterjuri biex ittejjeb it-tagħlim tul il-ħajja għall-ħaddiema kbar fl-età. |
3. |
Timmonitorja mill-viċin ir-ristrutturar li għaddej bħalissa fis-settur finanzjarju, b’mod partikolari fir-rigward tal-banek tat-tfaddil, bil-ħsieb li tiffinalizzah sat-30 ta’ Settembru kif previst. |
4. |
Teżamina l-ambitu sabiex ittejjeb l-effiċjenza tas-sistema ta’ tassazzjoni, pereżempju billi titbiegħed minn taxxi fuq ix-xogħol għal taxxi fuq il-konsum u ambjentali waqt li tassigura l-pjanijiet ta' konsolidament fiskali. |
5. |
Wara konsultazzjoni mal-imsieħba soċjali u skont il-prattika nazzjonali, tikkompleta l-adozzjoni u tipproċedi bl-implimentazzjoni ta’ riforma komprensiva tal-proċess ta’ negozjar kollettiv u tas-sistema ta’ indiċjar tal-pagi sabiex tassigura li t-tkabbir fil-pagi jirrifletti l-iżvikuppi tal-produttività kif ukoll il-kondizzjonijiet lokali u dawk fil-livell tal-azjenda u sabiex tagħti lill-impriżi biżżejjed flessibiltà sabiex jadottaw internament il-kondizzjonijiet ta' xogħol għal tibdiliet fl-ambjent ekonomiku. |
6. |
Twettaq valutazzjoni, sal-aħħar tas-sena 2011, dwar l-effetti tar-riformi tas-suq tax-xogħol li saru f'Settembru 2010 u tar-riforma tal-politiki attivi dwar is-suq tax-xogħol li saret fi Frar 2011, flimkien ma' proposti, skont kif meħtieġ, għal riformi ulterjuri biex titnaqqas is-segmentazzjoni tas-suq tax-xogħol, u biex jittejbu l-opportunitajiet ta' xogħol għaż-żgħażagħ; tiżgura monitoraġġ mill-qrib tal-effettività tal-miżuri stabbiliti fil-Programm Nazzjonali ta' Riforma biex tnaqqas it-tluq bikri mill-iskola, anke permezz ta' politiki ta' prevenzjoni, u biex tiffaċilita t-tranżizzjoni għall-edukazzjoni u t-taħriġ vokazzjonali. |
7. |
Tkompli tiftaħ aktar is-servizzi professjonali u tilleġiżla l-leġiżlazzjoni ppjanata sabiex tiddisinja mill-ġdid il-qafas regolatorju sabiex telimina r-restrizzjonijiet għall-kompetizzjoni, l-effiċjenza u l-innovazzjoni; timplimenta l-Liġi dwar l-Ekonomija Sostenibbli, notevolment il-miżuri li l-iskop tagħhom huwa li jtejbu l-ambjent tan-negozju u li jsaħħu l-kompetizzjoni fis-swieq tal-prodotti u tas-servizzi, fil-livelli kollha governattivi; u ttejjeb il-koordinament bejn l-amministrazzjonijiet reġjonali u nazzjonali sabiex tnaqqas il-piż amminstrattiv għall-impriżi. |
Magħmul fi Brussell, it-12 ta’ Lulju 2011.
Għall-Kunsill
Il-President
J. VINCENT-ROSTOWSKI
(2) Li nżammet għall-2011 permezz tad-Deċiżjoni tal-Kunsill 2011/308/UE tad-19 ta' Mejju 2011 dwar il-linji gwida għall-politika tal-Istati Membri dwar l-impjiegi (ĠU L 138, 26.5.2011, p. 56).
(3) Prevista fl-Artikolu 5(3) tar-Regolament (KE) Nru 1466/97.
19.7.2011 |
MT |
Il-Ġurnal Uffiċjali tal-Unjoni Ewropea |
C 212/5 |
RAKKOMANDAZZJONI TAL-KUNSILL
tat-12 ta' Lulju 2011
dwar il-Programm Nazzjonali ta’ Riforma 2011 tar-Repubblika Ċeka u li tagħti opinjoni tal-Kunsill dwar il-Programm ta’ Konverġenza aġġornat tar-Repubblika Ċeka, 2011-2014
2011/C 212/02
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikulari l-Artikolu 121(2) u l-Artikolu 148(4) tiegħu,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta’ pożizzjonijiet ta’ baġit u s-sorveljanza u l-koordinazzjoni ta’ politika ekonomika (1), u b’mod partikulari l-Artikolu 9(3) tiegħu,
Wara li kkunsidra r-Rakkomandazzjoni tal-Kummissjoni Ewropea,
Wara li kkunsidra l-konklużjonijiet tal-Kunsill Ewropew,
Wara li kkunsidra l-opinjoni tal-Kumitat tal-Impjiegi,
Wara li ġie kkonsultat il-Kumitat Ekonomiku u Finanzjarju,
Billi:
(1) |
Fis-26 ta’ Marzu 2010, il-Kunsill Ewropew qabel mal-proposta tal-Kummissjoni li tvara strateġija ġdida għall-impjiegi u t-tkabbir, imsejħa Ewropa 2020, imsejsa fuq koordinazzjoni msaħħa tal-politiki ekonomiċi, li tiffoka fuq l-oqsma ewlenin fejn jeħtieġ li tittieħed azzjoni biex tingħata spinta lill-potenzjal tal-Ewropa għat-tkabbir sostenibbli u l-kompetittività. |
(2) |
Fit-13 ta’ Lulju 2010, il-Kunsill adotta rakkomandazzjoni dwar il-linji gwida ġenerali għall-politiki ekonomiċi tal-Istati Membri u tal-Unjoni (mill-2010 sal-2014) u, fil-21 ta’ Ottubru 2010 huwa adotta deċiżjoni dwar il-Linji Gwida għall-politika tal-Istati Membri dwar l-impjiegi (2), li flimkien jagħmlu l-“linji gwida integrati”. L-Istati Membri ġew mistiedna jqisu l-linji gwida integrati fil-politiki nazzjonali ekonomiċi u tal-impjiegi tagħhom. |
(3) |
Fit-12 ta’ Jannar 2011, il-Kummissjoni adottat l-ewwel Stħarriġ Annwali dwar it-Tkabbir, li kien il-bidu ta’ ċiklu ġdid ta’ governanza ekonomika fl-UE u l-ewwel semestru Ewropew ta’ koordinazzjoni integrata u ex ante ta’ politika, imsejjes fuq l-istrateġija Ewropa 2020. |
(4) |
Fil-25 ta’ Marzu 2011, il-Kunsill Ewropew endorsja l-prijoritajiet għall-konsolidazzjoni fiskali u r-riforma strutturali (bi qbil mal-konklużjonijiet tal-Kunsill tal-15 ta’ Frar u tas-7 ta’ Marzu 2011 u b’żieda mal-Istħarriġ Annwali dwar it-Tkabbir adottat mill-Kummissjoni). Hu saħaq fuq il-ħtieġa li tingħata prijorità lir-restawr ta’ baġits tajbin u s-sostenibilità fiskali, lit-tnaqqis tal-qgħad permezz ta’ riformi fis-suq tax-xogħol u li jsiru sforzi ġodda biex jittejjeb it-tkabbir. Talab lill-Istati Membri biex isarrfu dawn il-prijoritajiet f’miżuri konkreti li għandhom jiġu inklużi fil-Programmi ta’ Stabilità jew ta’ Konverġenza tagħhom u fil-Programmi Nazzjonali ta’ Riforma tagħhom. |
(5) |
Fid-29 ta’ April 2011, ir-Repubblika Ċeka ressqet il-Programm Nazzjonali ta’ Riforma tagħha għall-2011 u fil-5 ta’ Mejju 2011, hija ressqet il-Programm ta’ Konverġenza għall-2011 tagħha aġġornat li jkopri l-perjodu mill-2011 sal-2014. Sabiex jitqiesu l-konnotazzjonijiet bejniethom, iż-żewġ programmi ġew ivvalutati fl-istess waqt. |
(6) |
Minħabba l-ftuħ kbir fin-negozju tal-ekonomija Ċeka, il-kriżi finanzjarja dinjija ħalliet effett negattiv qawwi fuq it-tkabbir tal-PDG u l-qgħad fir-Repubblika Ċeka. Il-PDG reali naqas b’4,1 % fl-2009, minħabba t-tnaqqis fl-esportazzjonijiet u fl-investiment domestiku. Ir-rata tal-qgħad żdiedet b’mod sinifikanti minn 4,4 % fl-2008 għal 7,3 % fl-2010, u r-rata tal-impjiegi naqset b’żewġ punti perċentwali bejn l-2008 u l-2010. Madankollu, l-livell għoli ta’ esponiment għan-negozju internazzjonali u l-irkupru b’rata mgħaġġla tas-sħab kummerċjali ewlenin tar-Repubblika Ċeka iffaċilitaw ukoll irkupru relativament mgħaġġel fit-tkabbir tal-PDG reali fl-2010, biex dan laħaq livell ta’ 2,3 % u se jkomplu jappoġġaw irkupru moderat. |
(7) |
Fuq il-bażi tal-valutazzjoni tal-Programm ta’ Konverġenza aġġornat skont ir-Regolament (KE) Nru 1466/97, il-Kunsill huwa tal-fehma li s-suppożizzjonijiet makroekonomiċi li fuqhom jissejjes il-Programm ta’ Konverġenza huma plawżibbli għall-ewwel sentejn tal-Programm u favorevoli għas-snin ta’ wara, meta vvalutati skont it-tbassir għall-perjodu medju tal-Kummissjoni dwar il-potenzjal produttiv, skont il-metodoloġija li hemm qbil komuni dwarha. Il-Programm ta’ Konverġenza jissejjes fuq tbassir ta’ tkabbir għall-2012 li huwa inqas minn dak imbassar mis-servizzi tal-Kummissjoni fit-tbassir maħruġ fir-Rebbiegħa tal-2011, l-iktar minħabba aktar tnaqqis kontinwu fin-nefqa reali tal-gvern fuq il-konsum – ħaġa li mhijiex meqjusa fit-tbassir tas-servizzi tal-Kummissjoni għall-2012 li huwa msejjes fuq sitwazzjoni ta’ ebda bidla fil-politika. Il-Programm ta’ Konverġenza jipprevedi tnaqqis tad-defiċit tal-amministrazzjoni pubblika għal livell li jkun inqas minn 3 % tal-PDG fl-2013 u għal livell ta’ 1,9 % tal-PDG fl-2014. Il-konsolidazzjoni ppjanata hija bbażata l-aktar fuq limitazzjoni tan-nefqa. Il-miżuri proposta huma ġeneralment biżżejjed biex tintlaħaq il-mira sal-2013, kif ġie rrakkomandat mill-Kunsill, iżda hemm riskji marbutin mal-eżitu baġitarju attwali tal-miżuri kif imressqin fil-Programm ta’ Konverġenza. Barra minn hekk, il-kisba tal-miri għall-aħħar snin tal-Programm ta’ Konverġenza donnhom jiddependu fuq kundizzjonijiet ċikliċi favorevoli u fuq aktar kisbiet fl-effiċjenza fl-amministrazzjoni pubblika, li jista’ jkun li jsiru dejjem iktar diffiċli biex jintlaħqu. Il-kisba tal-objettivi baġitarji ta’ terminu medju hija mbassra għal żmien li jmur lil hinn mill-perjodu tal-Programm ta’ Konverġenza. L-isforz fiskali medju annwali fil-perjodu mill-2010 sal-2013 huwa ftit inqas mil-livell ta’ 1 % tal-PDG li ġie rrakkomandat mill-Kunsill fil-proċedura ta’ żbilanċ eċċessiv tat-2 ta’ Diċembru 2009. |
(8) |
Il-Programm ta’ Konverġenza stabbilixxa objettiv ċar sabiex id-defiċit fil-finanzi pubbliċi jinġieb għal inqas minn 3 % tal-PDG sal-2013. L-isfida se tkun li wieħed jiżgura li l-miżuri li fuqhom tissejjes it-triq għat-tnaqqis fid-defiċit mill-2011 sal-2013 u fis-snin ta’ wara ma jikkompromettux it-tkabbir fit-tul, b’mod partikulari billi tiġi ssalagwardjata n-nefqa fuq l-edukazzjoni u r-riċerka u l-iżvilupp fil-qasam pubbliku, u li huma jinkludu lqugħ adegwat għal żidiet fin-nefqa li jiġu minħabba l-iżviluppi demografiċi. |
(9) |
L-istrateġija għall-konsolidazzjoni baġitarja tinkludi miżuri li jaffettwaw id-dħul mill-VAT: ir-rata l-baxxa tal-VAT mistennija tiżdied fl-2012 u fl-2013, filwaqt li dik li hija ogħla se tonqos fl-2013. Mill-2013 ’il quddiem il-gvern beħsiebu jżid ukoll l-għadd ta’ ditti li għandhom iħallsu l-VAT. Skont il-Programm ta’ Konverġenza , dawn il-bidliet għandhom iwasslu għal żieda fir-rikavati mit-taxxa ta’ 0,7 % tal-PDG fl-2012 u għal 0,1 % ieħor tal-PDG fl-2013. Barra minn hekk, donnu hemm lok għal iktar żieda fid-dħul mit-taxxi indiretti – dħul li kien ta’ 11,8 % tal-PDG fl-2010 meta mqabbel mal-livell medju tal-UE li kien ta’ 13,4 %, u b’hekk jista’ jkun li t-taxxi ma jibqgħux marbutin daqshekk max-xogħol. Ir-riforma ppjanata tat-taxxa ser tiffoka parzjalment fuq din il-kwistjoni. Barra minn hekk, huwa stmat li d-differenza bejn id-dħul reali mill-VAT u l-VAT li għandha titħallas teoretikament hija ferm iktar mill-medja tal-UE – ħaġa li ssostni l-ħtieġa għal miżuri li jtejbu l-konformità fil-qasam tat-taxxi. Għal dan il-għan, ir-Repubblika Ċeka introduċiet miżuri ġodda fl-2011, immirati lejn it-trattament tal-frodi tal-VAT u t-tnaqqis tal-evażjoni tat-taxxa. |
(10) |
Minħabba li l-impatt baġitarju tat-tixjiħ tal-popolazzjoni huwa mistenni jkun ferm iktar mill-medja tal-UE, ir-riforma tas-sistema tal-pensjonijiet hija kwistjoni importanti. Il-gvern ressaq żewġ settijiet ta’ proposti. L-ewwel sett huwa mistenni jkun approvat mill-Parlament sa Settembru tal-2011 u għandu fil-mira l-pilastru pubbliku ta’ pagament progressiv (“Pay-As-You-Go”) li ilu jsofri minn żbilanċ sa mill-2009. Fost miżuri oħrajn, dan jinkludi żieda fl-età statutarja tal-irtirar, li fl-2041 se tiġi unifikata għal 66 sena u 8 xhur, għall-irġiel u għan-nisa mweldin fl-1975. Għal kull grupp ta' età sussegwenti, l-età tal-irtirar ser tiżdied b'xahrejn oħra, mingħajr limitu predeterminat. Dan is-sett ta’ riformi tal-parametri għandu jgħin biex jindirizza l-problema tas-sostenibbiltà fiskali, iżda jista’ ma jkunx biżżejjed sabiex jiġu indirizzati l-isfidi kollha ppreżentati minn pressjonijiet demografiċi. It-tieni sett ta’ miżuri, li għadhom ma ġewx approvati mill-gvern, se jkunu magħmulin mill-introduzzjoni ta’ pilastru ieħor volontarju privat fl-2013, bil-għan li tiżdied id-diversifikazzjoni tal-introjti tal-pensjonijiet u li tiġi appoġġata s-suffiċjenza tagħhom fil-ġejjieni billi jkun promoss l-iżvilupp tat-tfaddil privat. Madankollu, il-forma tal-pilastru li qed tiġi ssuġġerita ftit toħloq inċentivi sabiex wieħed jissieħeb fl-iskema u, fil-verità, tista’ tkompli żżid il-pressjonijiet fit-tul imsemmija hawn fuq. Il-kostijiet biex jitħaddmu t-tali fondi tal-pensjonijiet ukoll iridu jiġu analizzati sewwa u jridu jinżammu f’livell li jkun baxx kemm jista’ jkun sabiex ikun żgurat li l-iskema tkun effikaċi. |
(11) |
Is-suq tax-xogħol huwa meqjus li hu flessibbli b’mod moderat u ma kien wera l-ebda nuqqas kbir ta’ funzjonament qabel il-kriżi finanzjarja dinjija. Madankollu hemm xi nuqqasijiet strutturali. Sfida ewlenija għandha x’taqsam mad-diffikultajiet kbar li jħabbtu wiċċhom magħhom in-nisa li għandhom it-tfal meta jkunu qed jerġgħu jidħlu fis-suq wara li jkunu ħarġu bil-liv tal-maternità. Din il-kwistjoni hija importanti wkoll minħabba r-riperkussjonijiet ekonomiċi usa’ tagħha: perjodi itwal mingħajr xogħol, differenza ikbar bejn in-nisa u l-irġiel b’rabta mal-impjiegi u distakk għoli ħafna bejn il-pagi tan-nisa u tal-irġiel. Għadu diffiċli li wieħed imur lura għax-xogħol malajr wara li jkollu t-tfal, minkejja l-isforz tal-gvern li jagħti għażla ikbar lill-ġenituri biex jiddeċiedu t-tul taż-żmien tal-liv tal-ġenituri. Il-problema ġejja, b’mod parzjali, min-nuqqas ta’ rieda tal-kumpaniji li jipprovdu kuntratti tax-xogħol part-time, kuntratti li jużaw ħafna drabi l-impjegati bit-tfal żgħar fl-Istati Membri l-oħra, u, b’mod parzjali, id-disponibbiltà limitata ta’ faċilitajiet għall-kura tat-tfal li huma għall-but ta’ kulħadd. Il-Programm Nazzjonali ta’ Riforma jidentifika numru ta' miżuri konkreti sabiex iżid id-disponibbiltà ta’ faċilitajiet għall-kura tat-tfal, inkluż għat-tfal ta’ inqas minn tliet snin. |
(12) |
Filwaqt li r-rata ġenerali tal-qgħad u dik tal-qgħad fit-tul għadhom ferm inqas mill-medja tal-UE, din tal-aħħar qiegħed tiżdied bħala konsegwenza tal-kriżi, b’mod partikulari fost dawk li għandhom bejn l-20 u d-29 sena. Dawk li għandhom livell baxx ta’ edukazzjoni kif ukoll dawk l-oħrajn li jaqilgħu pagi baxxi jħabbtu wiċċhom ma’ diffikultajiet konsiderevoli biex isibu x-xogħol. In-nefqa fuq politiki attivi tas-suq tax-xogħol u s-sehem ta’ parteċipanti f’miżuri regolari t’attivazzjoni għandhom jiżdiedu u dawn il-miżuri għandhom jiġu mmirati aħjar. |
(13) |
L-ineffiċjenzi fl-amministrazzjoni pubblika, li jaffettwaw l-ambjent tan-negozju, jistgħu jiġu indirizzati billi l-istrateġiji eżistenti jiġu implimentati b’mod komprensiv. Fl-2007, il-gvern nieda aġenda għal “regolazzjoni aħjar” u strateġija għal kontra l-korruzzjoni għall-2011 sal-2012. Dawn jinkludu miżuri li huma importanti sabiex tittejjeb il-kwalità tal-qafas legali u regolatorju Ċek, li huwa kklassifikat f’livell inqas mill-medja tal-UE skont stħarriġ internazzjonali, u sabiex tissaħħaħ il-kunfidenza tan-negozji. Hemm sfida biex l-amministrazzjoni pubblika ssir stabbli, minħabba li r-ristrutturar ta’ spiss u b’konsegwenzi kbar tagħha jfixkel l-effiċjenza tagħha. Biex dan iseħħ, se jkun importanti li jiġi adottat l-Att dwar il-ħaddiema taċ-ċivil, li ilha żmien tiġi posposta. Dan l-aħħar il-gvern adotta miżuri sabiex tiżdied it-trasparenza fil-proċeduri tal-akkwist pubbliku. Madankollu, element wieħed tal-qafas regolatorju, li huwa t-tip ta’ ishma speċifiċi fil-kumpaniji li jippermettu t-trasferiment tal-ġid b’mod kompletament anonimu jixraqlu li jingħata iktar attenzjoni. |
(14) |
Il-kriżi mistennija twassal għal impatt negattiv fuq it-tkabbir potenzjali. Minkejja l-għadd kbir ta’ żgħażagħ li qed isegwu kors fl-università, huwa importanti li jittejjeb il-kapital uman. Dan qed jixxekkel mill-kwalità insuffiċjenti tat-taħriġ, kif muri mill-klassifikazzjoni baxxa tal-istituzzjonijiet tal-edukazzjoni terzjarja tar-Repubblika Ċeka f’diversi stħarriġ internazzjonali. Barra minn hekk, l-infiq għal kull student, fi prezzijiet li jistgħu jitqabblu, jinsab fl-aħħar kwart tal-Istati Membri u huwa limitat b’mod speċjali fejn tidħol l-edukazzjoni primarja. Il-Programm Nazzjonali ta’ Riforma jagħti miżuri għall-istadji kollha tal-edukazzjoni. Riforma kumplessa tal-edukazzjoni terzjarja ilha titħejja diversi snin. Sabiex ikun hemm il-kompetittività u l-kapaċità għall-innovazzjoni, huwa importanti li jiġi żgurat li l-edukazzjoni terzjarja tkun ta’ kwalità u li din tkun effiċjenti. |
(15) |
Il-Kummissjoni vvalutat il-Programm ta’ Konverġenza u l-Programm Nazzjonali ta’ Riforma tar-Repubblika Ċeka. Hija qieset mhux biss ir-rilevanza tagħhom għal politika fiskali u soċjoekonomika sostenibbli fir-Repubblika Ċeka, imma wkoll il-konformità tagħhom mar-regoli u l-gwida tal-UE, fid-dawl tal-ħtieġa li tissaħħaħ il-governanza ekonomika ġenerali tal-UE billi jiġi pprovdut kontribut fil-livell tal-UE għad-deċiżjonijiet nazzjonali tal-ġejjieni. F’dan il-kuntest, il-Kummissjoni tqis li l-konsolidazzjoni fiskali għandha tinżamm fil-mira, filwaqt li għandha titħares in-nefqa li ttejjeb it-tkabbir. Is-sostenibbiltà fit-tul tal-finanzi pubbliċi tiddependi ħafna fuq il-ħila li wieħed jimplimenta, dal-ħin stess, ir-riforma meħtieġa fis-sistema tal-pensjonijiet. Huwa essenzjali li wieħed itejjeb il-livell ta’ parteċipazzjoni fis-suq tax-xogħol, b’mod partikulari min-naħa tan-nisa, u li wieħed joħloq iktar opportunitajiet tax-xogħol għal dawk li ilhom żmien twil bla xogħol. Għall-kompetittività huwa kruċjali li wieħed jieħu iktar passi sabiex tittejjeb il-kwalità tas-servizzi pubbliċi u tal-qafas regolatorju, kif ukoll il-kwalità tal-edukazzjoni terzjarja. |
(16) |
Fid-dawl ta’ din il-valutazzjoni, u filwaqt li titqies ukoll ir-Rakkomandazzjoni tal-Kunsill tat- 2 ta’ Diċembru 2009 skont l-Artikolu 126(7) tat-Trattat dwar il-Funzjonament tal-Unjoni Ewropea, il-Kunsill eżamina l-aġġornament tal-2011 tal-Programm ta’ Konverġenza tar-Repubblika Ċeka u l-opinjoni tiegħu (3) tidher b’mod partikulari fir-rakkomandazzjonijiet tiegħu mogħtija fil-punti (1) u (2) t’hawn taħt. Filwaqt li jitqiesu l-konklużjonijiet tal-Kunsill Ewropew tal-25 ta’ Marzu 2011, il-Kunsill eżamina l-Programm Nazzjonali ta’ Riforma tar-Repubblika Ċeka, |
JIRRAKKOMANDA li r-Repubblika Ċeka tieħu azzjoni fil-perjodu mill-2011 sal-2012 sabiex:
1. |
Timplimenta l-konsolidazzjoni ppjanata fl-2011 u tieħu miżuri kumpensatorji ta’ natura permanenti kif meħtieġ fil-każ ta’ kwalunkwe nuqqasijiet fid-dħul ippjanat jew devjazzjonijiet fin-nefqa. Hija għandha tadotta l-miżuri fiskali kif ippjanati fil-Programm ta' Konverġenza għall-2012 u għandha tibbaża l-mira tal-2013 fuq miżuri iktar speċifiċi; soġġett għal dan, għandha tevita li tnaqqas in-nefqa fuq affarijiet li jtejbu t-tkabbir. Ittejjeb l-effiċjenza tal-investimenti pubbliċi u tkompli l-isforzi biex tisfrutta l-lok li hemm għal żidiet fid-dħul mit-taxxa indiretta sabiex jitmexxew it-taxxi lil hinn mix-xogħol, ittejjeb il-konformità fil-qasam tat-taxxi u tnaqqas l-evażjoni tat-taxxa. Tiżgura sforz fiskali medju matul il-perjodu 2010-2013 ta' 1 % tal-PDG, f'konformità mar-rakkomandazzjonijiet tal-Kunsill għall-korrezzjoni tad-defiċit eċċessiv, li ser jippermetti li tintlaħaq l-iskadenza tal-PDE b'marġni suffiċenti fl-2013. |
2. |
Timplimenta r-riforma sħiħa ppjanata tas-sistema tal-pensjonijiet sabiex ittejjeb is-sostenibbiltà fit-tul tal-finanzi pubbliċi u tiżgura s-suffiċjenza tal-pensjonijiet fil-ġejjieni. L-isforzi addizzjonali għandhom jiffukaw fuq iktar tibdil fil-pilastru pubbliku sabiex jiġi żgurat li s-sistema ma tkunx sors ta' żbilanċi fiskali fil-futur, u fuq l-iżvilupp tat-tfaddil privat. Bil-ħsieb li tiżdied l-età effettiva tal-irtirar, jistgħu jiġu kkunsidratimiżuri bħal rabta bejn l-età statutarja tal-irtirar u l-istennija tal-għomor. Tiżgura li l-iskema ffinanzjata prevista tattira parteċipazzjoni wiesgħa, u li din titfassal b’mod li l-kostijiet amministrattaivi jkunu trasparenti u baxxi. |
3. |
Ittejjeb il-parteċipazzjoni fis-suq tax-xogħol billi jitnaqqsu l-ostakli biex il-ġenituri li għandhom it-tfal żgħar jerġgħu jidħlu fis-suq tax-xogħol permezz ta’ iktar faċilitajiet għall-indukrar tat-tfal li huma għall-but ta’ kulħadd u ta’ aċċess akbar għalihom. Għandha tiżdied l-attrazzjoni u d-disponibbiltà ta’ forom ta’ arranġamenti tax-xogħol li huma iktar flessibbli, bħall-impjiegi part-time. |
4. |
Ittejjeb il-prestazzjoni tas-servizz pubbliku tal-impjiegi sabiex tiżdied il-kwalità u l-effikaċja tat-taħriġ, tal-għajnuna fit-tfittxija għal xogħol u tas-servizzi personalizzati, billi l-fondi tal-programmi jkunu marbutin mar-riżultati. F'kooperazzjoni mal-partijiet interessati, għandhom jiġu estiżi programmi speċifiċi tat-taħriġ, li jkunu adattati għall-ħaddiema li huma mdaħħlin fl-età, għaż-żgħażagħ, għall-persuni bi ftit kompetenzi, u għal gruppi vulnerabbli oħrajn. |
5. |
Tieħu l-miżuri meħtieġa sabiex tittejjeb il-kwalità tas-servizzi pubbliċi f’oqsma li huma essenzjali għall-ambjent tan-negozju. F'dan il-kuntest għandha tiġi implimentata b’rata iżjed mgħaġġla l-istrateġija għal kontra l-korruzzjoni skont miri identifikati, għandu jiġi adottat l-Att dwar il-ħaddiema taċ-ċivil sabiex ikunu promossi l-istabbiltà u l-effikaċja tal-amministrazzjoni pubblika u jittieħdu passi sabiex tiġi indirizzata s-sjieda anonima tal-ishma. |
6. |
Għandha tiġi stabbilita sistema trasparenti għall-evalwazzjoni tal-kwalità tal-istituzzjonijiet akkademiċi u din għandha tintrabat mal-finanzjament tagħhom, sabiex tittejjeb il-prestazzjoni tal-edukazzjoni terzjarja. |
Magħmul fi Brussell, it-12 ta’ Lulju 2011.
Għall-Kunsill
Il-President
J. VINCENT-ROSTOWSKI
(2) Miżmuma għall-2011 permezz tad-Deċiżjoni tal-Kunsill 2011/308/UE tad-19 ta’ Mejju 2011 dwar il-linji gwida għall-politika tal-Istati Membri dwar l-impjiegi (ĠU L 138, 26.5.2011, p. 56).
(3) Prevista fl-Artikolu 9(3) tar-Regolament (KE) Nru 1466/97.
19.7.2011 |
MT |
Il-Ġurnal Uffiċjali tal-Unjoni Ewropea |
C 212/9 |
RAKKOMANDAZZJONI TAL-KUNSILL
tat-12 ta’ Lulju 2011
dwar il-Programm Nazzjonali ta' Riforma 2011 tal-Ġermanja u li tagħti opinjoni tal-Kunsill dwar il-Programm ta' Stabbiltà aġġornat tal-Ġermanja 2011-2014
2011/C 212/03
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikulari l-Artikoli 121(2) u 148(4) tiegħu,
Wara li kkunsidra r-Regolament tal-Kunsill (KE) Nru 1466/97 tas-7 ta' Lulju 1997 dwar it-tisħiħ tas-sorveljanza ta' pożizzjonijiet ta' baġit u s-sorveljanza u l-koordinazzjoni ta' politika ekonomika (1), u b'mod partikulari l-Artikolu 5(3) tiegħu,
Wara li kkunsidra r-rakkomandazzjoni tal-Kummissjoni Ewropea,
Wara li kkunsidra l-konklużjonijiet tal-Kunsill Ewropew,
Wara li kkunsidra l-opinjoni tal-Kumitat tal-Impjiegi,
Wara li kkonsulta mal-Kumitat Ekonomiku u Finanzjarju,
Billi:
(1) |
Fis-26 ta’ Marzu 2010, il-Kunsill Ewropew qabel mal-proposta tal-Kummissjoni li tvara strateġija ġdida għall-impjiegi u t-tkabbir, Ewropa 2020, imsejsa fuq koordinazzjoni msaħħa tal-politiki ekonomiċi, li tiffoka fuq l-oqsma ewlenin fejn tinħtieġ azzjoni biex tingħata spinta lill-potenzjal tal-Ewropa għat-tkabbir sostenibbli u l-kompetittività. |
(2) |
Fit-13 ta’ Lulju 2010, il-Kunsill adotta rakkomandazzjoni dwar il-linji gwida ġenerali għall-politiki ekonomiċi tal-Istati Membri u l-Unjoni (mill-2010 sal-2014) u fil-21 ta’ Ottubru 2010 adotta deċiżjoni dwar il-linji gwida għall-politiki dwar l-impjiegi tal-Istati Membri (2), li flimkien jagħmlu l-“linji gwida integrati”. L-Istati Membri ġew mistiedna jqisu l-linji gwida integrati fil-politiki ekonomiċi u okkupazzjonali nazzjonali. |
(3) |
Fit-12 ta’ Jannar 2011, il-Kummissjoni adottat l-ewwel Stħarriġ Annwali tat-Tkabbir, li kien il-bidu ta’ ċiklu ġdid ta’ governanza ekonomika fl-UE u l-ewwel semestru Ewropew ta’ koordinazzjoni integrata u ex-ante ta’ politika, imsejjes fuq l-istrateġija Ewropa 2020. |
(4) |
Fil-25 ta’ Marzu 2011, il-Kunsill Ewropew endorsja l-prijoritajiet għall-konsolidazzjoni fiskali u r-riforma strutturali (bi qbil mal-konklużjonijiet tal-Kunsill tal-15 ta’ Frar u s-7 ta’ Marzu 2011 u b'żieda mal-Istħarriġ Annwali tat-Tkabbir mill-Kummissjoni). Hu saħaq il-ħtieġa li tingħata prijorità lir-restawr ta’ baġits tajbin u s-sostenibilità fiskali, lit-tnaqqis tal-qagħad permezz ta’ riformi fis-suq tax-xogħol u li jsiru sforzi ġodda biex jittejjeb it-tkabbir. Talab lill-Istati Membri biex isarrfu dawn il-prijoritajiet f'miżuri konkreti li jiġu inklużi fil-Programmi ta’ Stabilità jew ta’ Konverġenza u fil-Programmi Nazzjonali ta’ Riforma. |
(5) |
Fil-25 ta’ Marzu 2011, il-Kunsill Ewropew stieden lill-Istati Membri parteċipi fil-Patt Euro Plus biex jippreżentaw l-impenji tagħhom fil-ħin għall-inklużjoni fil-Programmi ta’ Stabbiltà jew ta’ Konverġenza tagħhom u fil-Programmi Nazzjonali ta’ Riforma tagħhom. |
(6) |
Fis-27 ta' April 2011 il-Ġermanja ressqet il-Programm ta' Stabbiltà aġġornat tagħha, li jkopri l-perjodu 2011-2015, u fis-7 ta' April 2011 ressqet il-Programm Nazzjonali ta' Riforma tagħha għall-2011. Sabiex jingħata kas tar-rabtiet bejn iż-żewġ programmi, ġew ivvalutati fl-istess ħin. |
(7) |
L-ekonomija Ġermaniża daħlet fil-kriżi f'pożizzjoni relattivament soda. Madanakollu, it-tnaqqis fil-kummerċ dinji wassal għal kollass tal-esportazzjonijiet u tal-investimenti fl-2009, b'mod li l-PDG reali ċkien b'4,7 %, figura li qatt ma kienet intlaħqet qabel. Minkejja dan, wara li għola ftit, il-qgħad ilu minn tmiem l-2009 li reġa' beda nieżel. Ir-reżiljenza tas-suq tax-xogħol tirrifletti l-effetti benefiċjali tar-riformi li saru fl-imgħoddi li ffaċilitaw tnaqqis fis-sigħat maħduma u tas-sussidji għal xogħol b'ħinijiet iqsar. L-ekonomija reġgħet ġiet f'postha bil-qawwa wara d-daqqa tar-riċessjoni, u l-PDG reali fl-2010 tela' bi 3,6 %. L-esportazzjonijiet fil-biċċa l-kbira tagħhom reġġgħu lura t-tnaqqis massiv li kien hemm fl-2009 u wittew it-triq għal irkupru fuq bażi usa' li wassal ukoll biex jitnaqqas il-bilanċ pożittiv fil-kont kurrenti. L-ekonomija kompliet ittejjeb il-kompetittività tagħha vis-à-vis l-biċċa l-kbira tal-Istati Membri l-oħra taż-żona tal-euro. Il-baġit ġenerali tal-Gvern fl-2009 waqa' minn pożizzjoni fejn kien f'bilanċ għal waħda b'defiċit ta' 3 % tal-PDG, b'riżultat ta' stabbilizzaturi awtomatiċi li ntużaw bil-qawwa kollha tagħhom u ta' miżuri diskrezzjonarji li ttieħdu biex jiġi missielet it-tnaqqis ekonomiku. L-irkupru ekonomiku għen biex fl-2010 d-defiċit inżamm taħt kontroll (3,3 % tal-PDG) minkejja stimulu fiskali mdaqqas u miżuri ta' sostenn għas-suq li għadhom għaddejjin. |
(8) |
Fuq il-bażi tal-valutazzjoni tal-Programm aġġornat ta' Stabbiltà, li saret skont ir-Regolament (KE) Nru 1466/97, il-Kunsill huwa tal-fehma li x-xenarju makroekonomiku li fuqu huwa msejjes il-Programm ta' Stabbiltà huwa kawt fil-każ tal-2011 u mbagħad isir plawsibbli, anki kif ivvalutat b'paragun mat-tbassir tas-servizzi tal-Kummissjoni għar-Rebbiegħa tal-2011. Il-Programm ta’ Stabbiltà jipprojetta li l-PDG reali se jikber bi 2,3 % fl-2011, qabel ma jbatti għal 1,8 % fl-2012 u jasal għal medja ta' 1,5 % fl-2013-2015. Il-Programm ta’ Stabbiltà jippjana li d-defiċit ikun diġà niżżlu taħt il-valur ta' referenza ta' 3 % tal-PDG fl-2011, jiġifieri sentejn qabel iż-żmien li stabbilixxa l-Kunsill biex dan isir, u li jagħmel aktar progress lejn il-kisba tal-Objettiv ta' Terminu Medju (OTM) – defiċit ta' 0,5 % tal-PDG f'termini strutturali – fl-2014. Wara li ssir il-korrezzjoni mistennija tad-defiċit eċċessiv, il-pass tal-aġġustament lejn l-OTM skont il-Programm ta’ Stabbiltà jaqa' taħt il-valur referenzjarju ta' 0,5 % tal-PDG fl-2013 u fl-2014. Filwaqt li l-proporzjon tad-dejn meta pparagunat mal-PDG fl-2010 kiber bi kważi 10 punti perċentwali (3), huwa pprojettat li se jibda nieżel mill-2011 'il quddiem u huwa mistenni jilħaq il-75,5 % tal-PDG sal-2015; b'hekk jibqa' ogħla mill-valur ta' referenza tat-Trattat. Jidher li, b'mod ġenerali, ir-riskji għall-projezzjoni baġitarja għall-2011 huma bbilanċjati, iżda wara r-riżultati jistgħu jkunu agħar milli mistenni minħabba li xi tfaddil jista' ma jseħħx kif maħsub. Ċerti miżuri għad iridu jiġu ddibattuti (eż. it-taxxi fuq l-enerġija u t-transazzjonijiet finanzjarji) u oħrajn għad iridu jiġu speċifikati (eż. titjib tal-effiċjenza fl-amministrazzjoni pubblika). Barra minn hekk, ma jistax jiġi eskluż li jittieħdu aktar miżuri biex jiġi sostnut is-suq finanzjarju. Skont l-aħħar valutazzjoni tal-Kummissjoni, ir-riskji fir-rigward tas-sostenibbiltà fit-tul tal-finanzi pubbliċi jidhru li huma medji. |
(9) |
Minħabba li r-riforma ta' dan l-aħħar tas-sistema tas-servizzi tas-saħħa daħħlet miżuri biex jiġu kkontrollati ż-żidiet fl-infiq, l-aktar fl-2011 u fl-2012, jekk jittieħdu aktar passi biex titjieb l-effiċjenza tan-nefqa pubblika fuq is-servizzi tas-saħħa u fuq il-kura fuq medda twila ta' żmien ikun qed jingħata sostenn lit-triq li ġiet maħsuba biex ikun hemm konsolidazzjoni. Fl-istess waqt, jekk tinżamm direzzjoni lejn il-konsolidazzjoni li fil-biċċa l-kbira tagħha tkun orjentata lejn it-tkabbir, inkluż billi tiżgura nefqa adegwata fuq l-edukazzjoni, dan jgħin biex jissaħħaħ il-potenzjal għat-tkabbir fuq medda twila ta' żmien. |
(10) |
Għalkemm il-qafas fiskali Ġermaniż issaħħaħ konsiderevolment bl-introduzzjoni ta' regola baġitarja kostituzzjonali, bil-ħolqien tal-Kunsill ta' Stabbiltà u bis-sistema ta' twissija bikrija biex ma jitħalliex li jkun hemm perikli baġitarji, ir-regola baġitarja għad trid tiġi implimentata għal kollox fil-livell tal-Länder. Biex tissaħħaħ il-kredibbiltà ġenerali tal-finanzi pubbliċi, ikun tajjeb ukoll li jkompli jissaħħaħ il-mekkaniżmu assoċjat ta' monitoraġġ u ta' sanzjonar. |
(11) |
Il-kriżi kixfet vulnerabbiltajiet serji fil-qasam bankarju. Telfiet kbar u tniżżil qawwi fil-valur rigward investimenti internazzjonali f'self subprime u f'assi strutturati dgħajfu l-bażi kapitali ta' xi banek u wasslu għall-ħtieġa ta' interventi Statali sostanzjali. Il-kriżi esponiet ukoll id-dgħjufijiet ta' xi Landesbanken, li qabel faqqgħet il-kriżi kienu diġà qed ibatu minn nuqqas ta' strutturi effettivi tal-ġestjoni tar-riskju u mill-fatt li ma kienx jeżisti mudell vijabbli ta' negozju. Jekk issir aktar riforma tas-settur bankarju, li tkun tinkludi r-ristrutturazzjoni tal-Landesbanken għandhom bżonn ta' mudell vijabbli u ffinanzjat b'mod adegwat ta' negozju, kif ukoll it-tisħiħ tal-qafas regolatorju u superviżorju, dan jgħin biex tinżamm l-istabbiltà tas-settur finanzjarju u biex jiġi wkoll żgurat li jkun hemm allokazzjoni aktar effiċjenti tat-tfaddil domestiku bħala mod kif jiġu sostnuti d-domanda u l-investiment. |
(12) |
Il-potenzjal tat-tkabbir u l-kompetittività strutturali tal-ekonomija Ġermaniża jiddependu bil-kbir fuq forza tax-xogħol imħarrġa tajjeb u mogħnija bil-ħiliet, iżda meta wieħed iqis l-iżviluppi demografiċi jista' jkun li jkun hemm nuqqasijiet urġenti fil-provvista ta' ħaddiema. Dan jenfasizza l-importanza li l-potenzjal tal-forza tax-xogħol jiġi utilizzat kollu kemm hu billi jitwarrbu l-ostakli li jxekklu lil gruppi partikulari (il-ħaddiema ta' età ikbar, in-nisa, dawk bi ftit kompetenzi, dawk li m'għandhomx in-nazzjonalità tal-UE) milli jipparteċipaw fis-suq tax-xogħol, kif ukoll l-importanza li jkompli jiġi żviluppat il-kapital uman. Jekk jiġi indirizzat il-piż tat-taxxa, li għadu għoli b'mod speċjali għal dawk li għandhom dħul baxx jew medju, dan itejjeb l-inċentivi biex wieħed jaħdem filwaqt li jippermetti li ż-żidiet fil-pagi fil-biċċa l-kbira tagħhom jissarrfu f'introjtu disponibbli akbar u f'aktar domanda domestika. L-intaxxar tal-koppji joħloq diżinċentivi għall-provvista tax-xogħol. Il-“Faktorverfahren” introdotta fl-2009 tippermetti li l-piż ta' kull xahar tat-taxxa fuq l-individwu jirrifletti d-dħul personali ta' kull individwu, waqt li l-piż tat-taxxa għas-sena b’mod sħiħ jibqa’ mhux mibdul. L-effetti ta’ din ir-riforma fuq il-parteċipazzjoni fis-suq tax-xogħol għandu jiġi mmonitorjat. F’dan il-kuntest, miżuri oħra sabiex jitnaqqsu diżinċentivi possibbli li jifdal għax-xogħol jistgħu ikunu meħtieġa. Aktar disponibbiltà ta' faċilitajiet fejn jieħdu ħsieb it-tfal, b'mod partikulari, ukoll tgħin biex titjieb il-parteċipazzjoni tan-nisa fil-forza full-time tax-xogħol, li għadha baxxa. Barra minn dan, jekk jiżdied l-għadd ta' persuni bi kwalifiki ta' taħriġ vokazzjonali, dan jista' jtejjeb il-possibbiltajiet li ħaddiema bi ftit kompetenzi jidħlu fis-suq tax-xogħol. |
(13) |
Dan l-aħħar il-Ġermanja ħadet deċiżjonijiet radikali dwar it-taħlita tal-enerġija tagħha għall-ġejjieni. L-implimentazzjoni tal-Kunċett tal-Enerġija se timplika trasformazzjoni fundamentali fil-provvista tal-enerġija u se jkollha implikazzjonijiet għall-prezzijiet tal-enerġija u għall-kompetittività tal-ekonomija fuq medda medja u twila ta' żmien. Jeħtieġ, għalhekk, li l-effettività tar-riżultati meta mqabblin man-nefqa tkun il-prinċipju ewlieni ta' gwida għall-implimentazzjoni tal-Kunċett tal-Enerġija, li għandu jkun imsejjes fuq konsum effiċjenti tal-enerġija, fuq skemi ta' appoġġ li jagħtu riżultati effettivi meta mqabblin man-nefqa, u fuq grilji adegwati tal-elettriku għall-enerġija li tiġġedded u swieq kompetittivi tal-enerġija. |
(14) |
Jekk tingħata spinta lill-kompetizzjoni fis-settur privat, dan jinkuraġġixxi t-tkabbir tal-produttività u jagħti sostenn lid-domanda domestika. Anki t-tkabbir aktar dinamiku tas-settur tas-servizzi jista' jikkontribwixxi biex titwessa' l-bażi għat-tkabbir tal-provvista u tad-domanda fil-Ġermanja. Minkejja l-progress konsiderevoli li sar fl-aħħar snin bl-implimentazzjoni tad-Direttiva dwar is-Servizzi, jidher li hemm fejn ix-xkiel għad-dħul u l-ħruġ ta' ditti jkompli jitnaqqas, notevolment billi tkompli tiġi ssimplifikata s-sistema tal-liċenzji u tal-permessi u tiġi ssimplifikata r-regolamentazzjoni għall-eżerċizzju ta’ ċerti servizzi professjonali. Il-ġustifikazzjoni u l-adegwatezza tar-regolamentazzjoni ta’ ċerti snajja’ tista’ tiġi eżaminata. Rigward is-servizzi tal-industrija tan-netwerks, il-kompetizzjoni fis-settur ferrovjarju tista’ tiġi mtejba. Jekk jissaħħaħ ir-rwol superviżorju tal-Aġenzija Federali tan-Netwerks u l-infrastruttura tal-bejgħ u tal-biljetti tinfetaħ għall-kompetituri, tiġi inkuraġġita l-kompetizzjoni fuq medda qasira ta' żmien. |
(15) |
Aktar riformi sabiex jitjiebu l-aċċessibbiltà u l-kwalità tas-sistema tal-edukazzjoni u tat-taħriġ huma ta' importanza ewlenija biex ikun hemm provvista ta' ħaddiema b'ħiliet adegwati, anki fid-dawl tal-iżviluppi demografiċi. Huwa mbassar li se jkun hemm nuqqasijiet ta' ħaddiema, b'mod partikulari dawk b'ħiliet medji u b'ħiliet għoljin, speċjalment fir-rigward tas-suġġetti tal-matematika, tax-xjenza u tat-teknoloġija. Ir-rati tal-kisbiet edukattivi taż-żgħażagħ fil-Ġermanja, kemm fil-livell sekondarju superjuri kif ukoll f'dak terzjarju, huma iktar baxxi mill-medja tal-UE. Ir-riżultati edukattivi jistgħu jitjiebu billi tiżdied id-disponibbiltà tal-edukazzjoni preprimarja u tal-iskejjel għal ġurnata sħiħa u billi titħaffef it-tranżizzjoni bejn partijiet differenti tas-sistema skolastika. |
(16) |
Il-Ġermanja daħlet għal għadd ta' impenji bħala parti mill-Patt Euro Plus. Mill-aspett fiskali, l-impenji jitolbu li d-defiċit eċċessiv jissewwa sa mill-2011 u li l-miri li saru bħala parti mir-regola baġitarja nazzjonali jintlaħqu b'marġni wiesa' fl-2011-2012. Sabiex tissaħħaħ l-istabbiltà finanzjarja, il-miżuri jinkludu r-regolamentazzjoni u s-superviżjoni effiċjenti tas-suq kapitali. Il-miżuri dwar ix-xogħol jiffukaw fuq il-parteċipazzjoni fis-suq tax-xogħol (riforma tal-istrumenti attivi tas-suq tax-xogħol, integrazzjoni aħjar tal-professjonisti bi kwalifiki barranin, u integrazzjoni tal-migranti) u fuq l-edukazzjoni (il-Patt dwar l-Edukazzjoni Bażika). Il-miżuri favur il-kompetittività jiffukaw fuq l-industriji tan-netwerks, l-enerġija u s-settur tas-servizzi (i.e. aġenzija għat-trasparenza tas-suq għas-settur tal-elettriku u l-gass, programm dwar l-elettromobbiltà, u aktar finanzjament tal-infrastruttura tat-trasport) kif ukoll fuq l-edukazzjoni (i.e. l-Inizjattiva għall-Eċċellenza sabiex jiġu promossi l-iskejjel ta' speċjalizzazzjoni u l-finanzjament tal-Patt Universitarju). Dawn l-impenji jirreferu għall-erba' oqsma tal-Patt. Huma jirriflettu, fil-biċċa l-kbira tagħhom, l-aġenda usa' tar-riforma ppreżentata b'mod ġenerali fil-Programm ta' Stabbiltà u f'dak Nazzjonali ta' Riforma. Madanakollu, diversi oqsma ta' linji politiċi għadhom mhux indirizzati fl-impenji tal-Patt (eż. ir-ristrutturazzjoni tal-Landesbanken jew il-piż tat-taxxa fuq ix-xogħol) jew huma biss imsemmijin fuq fuq (il-ftuħ tas-settur tas-servizzi u tal-industriji tan-netwerks għal kompetizzjoni ikbar). Fir-rakkomandazzjonijiet, l-impenji tal-Patt Euro Plus ġew ivvalutati u ngħata kashom. |
(17) |
Il-Kummissjoni vvalutat il-Programm ta' Stabbiltà u l-Programm Nazzjonali ta' Riforma tal-Ġermanja, inklużi l-impenji tagħha bħala parti mill-Patt Euro Plus. Hija tat kas mhux biss tar-relevanza tagħhom għal linja politika fiskali u soċjoekonomika sostenibbli fil-Ġermanja iżda wkoll tal-konformità tagħhom mar-regoli u mal-gwida tal-UE, minħabba l-ħtieġa li tissaħħaħ il-governanza ekonomika ġenerali tal-Unjoni Ewropea billi tiġi pprovduta kontribuzzjoni mil-livell tal-UE għal deċiżjonijiet nazzjonali fil-ġejjieni. F'dan il-kuntest, il-Kummissjoni tqis li jeħtieġ li l-istrateġija baġitarja Ġermaniża tiġi implimentata kif maħsub. Sforz ta’ aġġustament strutturali adegwat lejn l-OTM għandu wkoll jiġi assigurat minn hemm ’il quddiem, filwaqt li l-pajjiż jibqa' għaddej fi triqtu lejn il-konsolidazzjoni b'mod li jaġevola t-tkabbir. Fl-2011-2012 għandhom jittieħdu aktar passi li jiffukaw fuq li jiġu żgurati l-istabbiltà tas-sistema finanzjarja (eż. permezz tar-ristrutturazzjoni tal-Landesbanken), it-tisħiħ tal-għejun domestiċi għat-tkabbir, billi tiżdied il-parteċipazzjoni fis-suq tax-xogħol permezz ta' tnaqqis tal-piż tat-taxxa fuq ix-xogħol, billi jitjiebu l-aċċessibbiltà għall-edukazzjoni u l-kwalità tagħha, u billi s-settur tas-servizzi, il-kummerċ u l-professjonijiet kif ukoll l-industriji tan-netwerks jinfetħu għal kompetizzjoni ikbar. |
(18) |
Fid-dawl ta' din il-valutazzjoni, anki meta wieħed iqis ir-Rakkomandazzjoni tal-Kunsill skont l-Artikolu 126(7) tat-Trattat dwar il-Funzjonament tal-Unjoni Ewropea tat-2 ta' Diċembru 2009, il-Kunsill eżamina l-aġġornament tal-2011 tal-Programm ta' Stabbiltà tal-Ġermanja u l-opinjoni tiegħu (4) hija riflessa b'mod partikulari fir-rakkomandazzjoni (1) tiegħu hawn taħt. Wara li kkunsidra l-konklużjonijiet tal-Kunsill Ewropew tal-25 ta' Marzu 2011, il-Kunsill eżamina l-Programm Nazzjonali ta' Riforma tal-Ġermanja, |
B'DAN JIRRAKKOMANDA li l-Ġermanja tieħu azzjoni fil-perjodu 2011-2012 sabiex:
1. |
Timplimenta l-istrateġija baġitarja għas-sena 2012 u lil hinn minnha kif maħsub, b’hekk iġġib il-proporzjon tad-dejn pubbliku fi triq ’l isfel, skont ir-rakkomandazzjonijiet tal-Kunsill taħt il-PDE. Tassigura sforz ta’ aġġustament strutturali adegwat lejn l-objettiv ta’ terminu medju minn hemm ‘il quddiem. Tlesti l-implimentazzjoni tar-regola baġitarja fil-livell tal-Länder u tkompli ssaħħaħ il-mekkaniżmu korrispondenti ta' monitoraġġ u ssanzjonar. Iżżomm fi triq ta' konsolidazzjoni li taġevola t-tkabbir, b'mod partikulari billi tissalvagwardja nefqa adegwata fuq l-edukazzjoni u billi tkompli ttejjeb l-effiċjenza tan-nefqa pubblika fuq is-servizzi tas-saħħa u fuq il-kura fuq medda twila ta' żmien. |
2. |
Tindirizza d-dgħufijiet strutturali fis-settur finanzjarju, b'mod partikulari billi tirristruttura l-Landesbanken li għandhom bżonn ta' mudell vijabbli li jkun iffinanzjat b'mod adegwat ta' negozju. |
3. |
Iżżid il-parteċipazzjoni fis-suq tax-xogħol billi ttejjeb l-aċċess ġust għas-sistemi tal-edukazzjoni u tat-taħriġ u billi tieħu passi ulterjuri sabex tnaqqas il-piż kbir fuq it-taxxi b'mod li l-effett fuq il-baġit ikun newtru u ttejjeb l-inċentivi tax-xogħol għal persuni b’perspettivi ta’ dħul baxx. Iżżid l-għadd ta' faċilitajiet full-time fejn jieħdu ħsieb lit-tfal u tal-iskejjel ta' ġurnata sħiħa. Timmonitorja mill-viċin l-effetti tal-miżuri ta’ riforma reċenti sabiex jitnaqqsu d-diżinċentivi tat-taxxa għal dawk li huma t-tieni sors ta' dħul, u tieħu passi ulterjuri f’każ li jibqgħu id-diżinċentivi. |
4. |
Tneħħi restrizzjonijiet mhux ġustifikati fuq ċerti servizzi professjonali u fuq ċerti snajja'. Ittejjeb il-kompetizzjoni fl-industriji tan-netwerks, issaħħaħ ir-rwol ta' superviżjoni li għandha l-Aġenzija Federali tan-Netwerks fis-settur ferrovjarju; u, fil-kuntest tal-Kunċett nazzjonali tal-Enerġija li tħabbar, tiffoka fuq it-titjib tal-effettività fuq medda twila ta' żmien tal-Att dwar l-Enerġija li Tiġġedded meta mqabbla man-nefqa, b'mod li jiggarantixxi l-indipendenza effettiva tal-produzzjoni u t-trażmissjoni tal-elettriku u li jtejjeb l-interkonnessjonijiet transkonfinali. |
Magħmul fi Brussell, it-12 ta’ Lulju 2011.
Għall-Kunsill
Il-President
J. VINCENT-ROSTOWSKI
(2) Miżmuma għall-2011 permezz tad-Deċiżjoni tal-Kunsill 2011/308/UE tad-19 ta’ Mejju 2011 dwar il-linji gwida għall-politika tal-Istati Membri dwar l-impjiegi (ĠU L 138, 26.5.2011, p. 56).
(3) Il-qabża li kien hemm fl-2010 kienet marbuta l-aktar mal-fatt li żewġ banek li kienu f'qagħda diffiċli ttrasferew assi danneġġati lill-“banek tal-assi ħżiena” rispettivi tagħhom, li huma kklassifikati taħt is-settur governattiv. B'konformità mal-gwida tal-Eurostat dwar ir-regoli tal-kontabbiltà għall-istrutturi ta' annullament finanzjarju (ir-responsabbiltajiet korrispondenti tal-“banek tal-assi ħżiena” kellhom impatt dirett fuq il-livell tad-dejn.
(4) Previst fl-Artikolu 5(3) tar-Regolament (KE) Nru 1466/97.
19.7.2011 |
MT |
Il-Ġurnal Uffiċjali tal-Unjoni Ewropea |
C 212/13 |
RAKKOMANDAZZJONI TAL-KUNSILL
tat-12 ta’ Lulju 2011
dwar il-Programm Nazzjonali ta' Riforma 2011 tal-Pajjiżi l-Baxxi u li tagħti opinjoni tal-Kunsill dwar il-Programm ta' Stabbiltà aġġornat tal-Pajjiżi l-Baxxi, 2011-2015
2011/C 212/04
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikoli 121(2) u 148(4) tiegħu,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta' pożizzjonijiet ta' baġit u s-sorveljanza u l-koordinazzjoni ta' politika ekonomika (1), u b’mod partikolari l-Artikolu 5(3) tiegħu,
Wara li kkunsidra r-rakkomandazzjoni tal-Kummissjoni Ewropea,
Wara li kkunsidra l-konklużjonijiet tal-Kunsill Ewropew,
Wara li kkunsidra l-opinjoni tal-Kumitat tal-Impjiegi,
Wara li kkonsulta l-Kumitat Ekonomiku u Finanzjarju,
Billi:
(1) |
Fis-26 ta’ Marzu 2010, il-Kunsill Ewropew qabel mal-proposta tal-Kummissjoni li tvara strateġija ġdida għall-impjiegi u t-tkabbir, Ewropa 2020, imsejsa fuq koordinazzjoni msaħħa ta’ linji ta’ politika ekonomika, li tiffoka fuq l-oqsma ewlenin fejn jeħtieġ azzjoni biex tingħata spinta lill-potenzjal tal-Ewropa għat-tkabbir sostenibbli u l-kompetittività. |
(2) |
Fit-13 ta’ Lulju 2010, il-Kunsill adotta rakkomandazzjoni dwar il-linji gwida ġenerali għal-linji ta’ politika ekonomika tal-Istati Membri u l-Unjoni (mill-2010 sal-2014) u, fil-21 ta’ Ottubru 2010, il-Kunsill adotta deċiżjoni dwar Linji Gwida għal-linji ta’ politika dwar l-impjiegi tal-Istati Membri (2), li flimkien jagħmlu l-“linji gwida integrati”. L-Istati Membri ġew mistiedna jqisu l-linji gwida integrati fil-linji ta’ politika nazzjonali tagħhom dwar l-ekonomija u l-impjiegi. |
(3) |
Fit-12 ta’ Jannar 2011, il-Kummissjoni adottat l-ewwel Stħarriġ Annwali tat-Tkabbir, li kien il-bidu ta’ ċiklu ġdid ta’ governanza ekonomika fl-UE u l-ewwel semestru Ewropew ta’ koordinazzjoni ta’ politika ex ante u integrata, imsejsa fuq l-istrateġija Ewropa 2020. |
(4) |
Fil-25 ta’ Marzu 2011, il-Kunsill Ewropew approva l-prijoritajiet għall-konsolidazzjoni fiskali u r-riforma strutturali (bi qbil mal-konklużjonijiet tal-Kunsill tal-15 ta’ Frar u s-7 ta’ Marzu 2011 u b'żieda mal-Istħarriġ Annwali tat-Tkabbir mill-Kummissjoni). Huwa saħaq fuq il-ħtieġa li tingħata prijorità lir-restawr ta’ baġits tajbin u s-sostenibbiltà fiskali, it-tnaqqis tal-qgħad permezz ta’ riformi fis-suq tax-xogħol u li jsiru sforzi ġodda biex jittejjeb it-tkabbir. Talab lill-Istati Membri biex isarrfu dawn il-prijoritajiet f'miżuri konkreti li jiġu inklużi fil-Programmi ta’ Stabbiltà jew ta’ Konverġenza tagħhom u fil-Programmi Nazzjonali ta’ Riforma. |
(5) |
Fil-25 ta’ Marzu 2011, il-Kunsill Ewropew stieden ukoll lill-Istati Membri parteċipi fil-Patt Euro Plus biex jippreżentaw l-impenji tagħhom għall-inklużjoni fil-Programmi ta’ Stabbiltà jew ta’ Konverġenza tagħhom u fil-Programmi Nazzjonali ta’ Riforma tagħhom. |
(6) |
Fis-29 ta’ April 2011, il-Pajjiżi l-Baxxi ressqu l-aġġornament tal-Programm ta’ Stabbiltà 2011 tagħhom li jkopri l-perijodu 2011-2015 u l-Programm Nazzjonali ta’ Riforma 2011 tagħhom. Sabiex jitqiesu l-konnessjonijiet bejniethom, iż-żewġ programmi ġew ivvalutati fl-istess waqt. |
(7) |
Minkejja li qabel kellha prestazzjoni soda, hekk kif żviluppat l-kriżi, l-ekonomija Olandiża ferm miftuħa sofriet b'mod sinifikanti: il-PDG reali naqas bi kważi 4 % fl-2009. L-irkupru beda fl-aħħar sitt xhur tal-2009, imsejjes fuq domanda esterna li bdiet tiżdied u żdiedet b'rata sostanzjali fl-ewwel sitt xhur tal-2010, bir-riżultat li ż-żieda fil-PDG kienet 1,8 %. L-impatt tal-kriżi fuq is-suq tax-xogħol kien relattivament ikkontrollat. Il-qgħad huwa mistenni li jonqos gradwalment matul is-sentejn li ġejjin minn 4,5 % fl-2010 għal 4 % fl-2012. L-impatt tal-kriżi fuq il-finanzi pubbliċi Olandiżi kien enormi, bid-defiċit tal-amministrazzjoni pubblika jiżdied għal 5,5 % tal-PDG fl-2009 u għal 5,4 % fl-2010. L-operazzjonijiet tal-Gvern biex jappoġġa l-istituzzjonijiet finanzjarji u jistabilizza s-swieq finanzjarji kienu jirrikjedu żieda fil-proporzjoni tad-dejn tal-gvern bi 15-il punt perċentwali tal-PDG, bir-rata tad-dejn titla' għal 60,8 % tal-PDG fl-2009. |
(8) |
Abbażi tal-valutazzjoni tal-Programm ta’ Stabbiltà aġġornat skont ir-Regolament (KE) Nru 1466/97, il-Kunsill huwa tal-opinjoni li x-xenarju makroekonomiku sottostanti għat-tbassir baġitarju ppreżentat fil-Programm ta' Stabbiltà huwa plawsibbli. Il-Programm ta’ Stabbiltà huwa bbażat fuq tbassir tat-tkabbir għall-2011 u l-2012 ftit aktar prudenti mill-Previżjoni tar-Rebbiegħa 2011 tas-servizzi tal-Kummissjoni. Il-Programm ta' Stabbiltà huwa ppjanat li jnaqqas id-defiċit tal-amministrazzjoni pubblika għal inqas mill-valur ta' referenza ta' 3 % fl-2012, li għandu jkun sena qabel id-data tal-iskadenza stipulata bil-proċedura tal-isbilanċ eċċessiv. Abbażi taċ-ċifri fil-Programm ta' Stabbiltà, l-objettiv ta’ terminu medju (OTM), jiġifieri defiċit strutturali ta' 0,5 % tal-PDG, se jintlaħaq kważi kollu sat-tmiem tal-perijodu tal-Programm ta’ Stabbiltà, billi l-bilanċ strutturali kkalkulat mill-Kummissjoni huwa ta' – 0,8 % tal-PDG fl-2015. L-istrateġija baġitarja hija msejsa kompletament fuq miżuri speċifikati b'mod suffiċjenti sal-2015, għalkemm l-implimentazzjoni tagħhom hija suġġetta għal xi riskji, speċjalment fir-rigward tal-kapaċità li n-nefqa żejda fil-kura tas-saħħa titpatta, u li n-nefqa lokali tal-gvern tiġi mmonitorjata. Il-medja tal-isforz fiskali annwali hija 0,75 % tal-PDG matul il-perijodu 2011-2013, b'konformità mar-Rakkomandazzjoni tal-Kunsill tat-2 ta' Diċembru 2009 taħt il-proċedura tal-iżbilanċ eċċessiv (PŻE). Għas-snin ta' wara d-data tal-iskadenza għall-korrezzjoni tad-defiċit eċċessiv (2014 u 2015), il-bilanċ strutturali kkalkulat mill-ġdid għandu jitjieb b' 0,25 % fl-2014 u b' 0,5 % fl-2015, u b'hekk kemm ikun ftit inqas mit-titjib meħtieġ ta' 0,5 % fil-bilanċ strutturali sakemm jintlaħaq l-OTM. |
(9) |
Il-konsolidazzjoni baġitarja ppjanata u implimentata mill-awtoritajiet Olandiżi hija ġeneralment bbażata ħafna fuq tnaqqis fin-nefqa strutturali, b'ammont li jwassal għal kważi 3 % tal-PDG sa tmiem il-perijodu tal-Programm ta’ Stabbiltà (2015) mqabbel mal-linja bażi. It-triq ta' aġġustament li tirriżulta tipprevedi tnaqqis fid-defiċit tal-amminsitrazzjoni pubblika minn 3,8 % tal-PDG fl-2011 għal 2,4 % tal-PDG fl-2012, li jibqa' jonqos b'ammonti annwali ta' madwar 0,5 % fil-perijodu 2013-2015. Il-Pajjiżi l-Baxxi huma impenjati ferm li jilħqu dawk il-miri. Is-salvagwardja tal-oqsma ta' politika li jgħinu t-tkabbir bħall-edukazzjoni permezz ta' tnaqqis baġitarju għandha tevita t-tfixkil tal-potenzjal futur għal tkabbir ekonomiku, u tikkontribwixxi għal kisba ta' korrezzjoni sostenibbli għad-defiċit eċċessiv. |
(10) |
Minkejja konsolidazzjoni fuq terminu qasir, waħda mill-isfidi ewlenin hija li tittejjeb is-sostenibbiltà tal-finanzi pubbliċi fuq medda twila, li hija affettwata negattivament biż-żieda qawwija fin-nefqa relatata mal-età. Huwa ċar li l-kost għal terminu twil tax-xjuħija huwa ogħla mill-medja tal-UE, notevolment f'pensjonijiet u f'kura fit-tul. Iż-żieda mistennija fin-nefqa fil-kura fit-tul hija l-ogħla fl-Ewropa, kif jidher mir-Rapport dwar it-Tixjiħ 2009 tal-Kummissjoni. Ir-raġuni ewlenija għal dan hija l-eżistenza ta' sistema diġà komprensiva ta' kura formali fit-tul (pereżempju, assigurazzjoni pubblika għal żmien twil li tkopri kura personali, infermerija, għajnuna, trattament u rikoveru f'istituzzjoni), waqt li l-kura informali għandha rwol iktar limitat fil-Pajjiżi l-Baxxi. Skont l-aħħar valutazzjoni tal-Kummissjoni, ir-riskji fir-rigward tas-sostenibbiltà għal terminu twil tal-finanzi pubbliċi jidhru li huma għoljin. Barra l-pjanijiet tiegħu ta’ konsolidazzjoni, il-gvern Olandiż ressaq miżuri lill-Parlament li jappoġġaw is-sostenibbiltà għal terminu twil inkluża żieda fl-età tal-irtirar statutorja li għadha ma ġietx adottata. |
(11) |
Is-suq tax-xogħol tal-Pajjiżi l-Baxxi huwa kkaratterizzat b'rati ta' parteċipazzjoni relattivament għoljin, produttività għolja għal kull siegħa ta' xogħol u rata ta' qgħad baxxa. Madankollu, l-isfida ewlenija għas-suq tax-xogħol se tkun li jiżdied l-użu ta' potenzjal ta' xoghol mhux utilizzat, partikolarment biex ipatti għat-tnaqqis mistenni fil-popolazzjoni tal-età tax-xogħol minħabba l-kobor fl-età. L-ammont medju ta' sigħat maħduma fis-sena huwa l-iktar baxx fl-UE, kif ikkonfermat bl-aħħar dejta disponibbli. L-għadd baxx ta' sigħat maħduma jirriżulta mis-sehem kbir ħafna ta' nies li jaħdmu part-time, partikolarment nisa, li jirrifletti preferenzi personali iżda wkoll l-eżistenza ta' disinċentivi finanzjarji biex tidħol fis-suq tax-xogħol jew biex iżżid is-sigħat tax-xogħol. Attwalment, fil-Pajjiżi l-Baxxi, wieħed mid-disinċentivi ewlenin għal dawk li jaqilgħu t-tieni introjtu tad-dar biex jidħlu fis-suq tax-xogħol jew biex jaħdmu iktar sigħat, hija r-rata għolja tat-taxxa marġinali fuq it-tieni introjtu, li f'xi każijiet tista' tkun ogħla minn 80 % b'riżultat ta' inter alia l-kreditu ġenerali tat-taxxa u t-tnaqqis fil-benefiċċji li jiddependu fuq l-introjtu bħas-sussidju ta' kura tat-tfal. |
(12) |
Għal grupp dejjem jiżdied u mħallat ta' dawk b'diżabbiltà parzjali, dawk li ilhom bla xogħol għal terminu twil li qed jiffaċċjaw riskju akbar ta' qgħad strutturali, l-implimentazzjoni ta' linji politiċi attivi tas-suq tax-xogħol apparentement ma tawx riżultati pożittivi. Dawk li ma għandhomx nazzjonalità tal-UE qed isibu diffikultajiet partikolari, u b'hekk id-differenzi persistenti bejn l-impjiegi u l-qgħad ikomplu jikbru. |
(13) |
Is-sistema tal-Pajjiżi l-Baxxi tar-riċerka u l-innovazzjoni (R&I) irnexxielha żżomm il-kapaċità innovattiva tagħha, iżda s-sehem baxx tas-settur privat fl-investiment fir-riċerka u l-iżvilupp (R&Ż) jista' jaffettwa ħażin it-tkabbir ekonomiku u l-kompetittività futuri tal-ekonomija tal-Pajjiżi l-Baxxi. Il-gvern għandu l-għan li joħloq ambjent attraenti għal kumpaniji intensivi fl-R&I, inkluż dawk barranin, f'termini ta' inċentivi fiskali, spazju għal intraprendituri u eċċellenza fir-riċerka. Minħabba l-ħtieġa ta' konsolidazzjoni baġitarja din is-sena, ċerti sussidji għal kumpaniji, jistgħu madankollu, ma jitkomplewx, waqt li oħrajn se jiġu ssemplifikati u mmirati lejn 'oqsma ekonomiċi ta' prijorità' u jitqarrbu lejn strumenti tat-taxxa aktar ġeneriċi. |
(14) |
L-ambjent tan-negozju huwa affettwat b'mod negattiv bil-livelli ta' konġestjoni fit-trasport bit-triq u bil-ferrovija. Dawn il-livelli ta' konġestjoni huma fost l-ogħla fl-UE. F'dan il-kuntest, infrastruttura relattivament ineffiċjenti tat-trasport taffettwa l-mobilita tax-xogħol b'mod ħażin u b'hekk ukoll it-tkabbir potenzjali permezz tal-produttività. Il-ħaddiema jkollhom jivvjaġġaw distanzi twal, tul ta' ħinijiet ta' vjaġġi inaffidabbli u kostijiet għoljin ta' konġestjoni. Dawn tal-aħħar huma mistennija li jiżdiedu aktar sal-2020 fin-nuqqas ta' tibdiliet fil-politika. It-titjib fl-użu effiċjenti ta' infrastruttura ( p.e. permezz ta' miżuri ta' pprezzar tat-toroq), għandu jikkontribwixxi biex iżid l-mobilita tax-xogħol u l-produttività u b'hekk it-tkabbir potenzjali. |
(15) |
Il-Pajjiżi l-Baxxi, fl-4 ta' April 2011, ħabbru għadd ta' impenji taħt il-Patt Euro Plus. Dawn jinkludu miżuri biex jitrawmu il-kompetittività (introduzzjoni ta' politika ġdida tan-negozju bbażata fuq aktar tnaqqis ġeneriku fit-tassazzjoni u l-piżijiet amministrattivi) u l-impjiegi (is-sigurtà soċjali ssir aktar attiva u titnaqqas id-dipendenza fuq il-benefiċċji tal-qgħad), biex ikun hemm kontribuzzjoni ulterjuri għas-sostenibbiltà tal-finanzi pubbliċi (il-patt tal-istabbiltà u t-tkabbir jiġi msejjes b'liġi nazzjonali) u biex l-istabbiltà finanzjarja tissaħħaħ mill-ġdid (aktar poter lill-istituzzjonijiet ta' sorveljanza). Dawn l-impenji jirriferu għall-oqsma kollha tal-Patt. Jirrappreżentaw kontinwazzjoni tal-aġenda usa' tar-riforma spjegata fil-Programm ta' Stabbiltà u l-Programm Nazzjonali ta' Riforma. Madankollu, hemm nuqqas ta' dettal f'termini taż-żmien tagħhom u tal-miżuri li huma meħtieġa għall-implimentazzjoni tagħhom. Dawn l-impenji ġew ivvalutati u tqiesu fir-rakkomandazzjonijiet. |
(16) |
Il-Kummissjoni vvalutat il-Programm ta' Stabbiltà u l-Programm Nazzjonali ta' Riforma, inkluż l-impenji tal-Patt Euro Plus. Mhux biss qieset ir-rilevanza tagħhom għall-politika sostenibbli fiskali u soċjoekonomika fil-Pajjiżi l-Baxxi, iżda wkoll kemm dawn josservaw ir-regoli u l-gwida tal-UE, fid-dawl tal-ħtieġa tat-tisħiħ tal-governanza ekonomika kumplessiva tal-UE billi jiġi pprovdut kontribut fil-livell tal-UE għal deċiżjonijiet nazzjonali futuri. Tikkunsidra li l-istrateġija baġitarja ta' konsolidazzjoni tal-Pajjiżi l-Baxxi speċifikata bis-sħiħ għandha tiġi implimetata kif previst, waqt li tiġi ppreservata n-nefqa f'oqsma li l-aktar li jwasslu għal tkabbir fuq medda twila. Għandhom jittieħdu iżjed passi biex titjib is-sostenibbiltà tal-finanzi pubbliċi fuq terminu twil, notevolment fl-oqsma tal-pensjonijiet u l-kura fit-tul, tiżdied il-parteċipazzjoni u l-integrazzjoni fis-suq tax-xogħol, u jiġu indirizzati l-kwistjonijiet dwar il-konġestjoni tat-trasport. |
(17) |
Fid-dawl ta' din il-valutazzjoni, li tqis ukoll ir-Rakkomandazzjoni tal-Kunsill tat-2 ta' Diċembru 2009 skont l-Artikolu 126(7) tat-Trattat dwar il-Funzjonament tal-Unjoni Ewropea, il-Kunsill eżamina l-aġġornament tal-2011 tal-Programm ta' Stabbiltà tal-Pajjiżi l-Baxxi, u l-opinjoni tiegħu (3) hija riflessa partikolarment fir-rakkomandazzjoni tiegħu fil-paragrafi (1) u (2) hawn taħt. B'kunsiderazzjoni tal-konklużjonijiet tal-Kunsill Ewropew tal-25 ta’ Marzu 2011, il-Kunsill eżamina l-Programm Nazzjonali ta’ Riforma tal-Pajjiżi l-Baxxi, |
B’DAN JIRRAKKOMANDA li l-Pajjiżi l-Baxxi jieħdu azzjoni fil-perijodu 2011-2012 sabiex:
1. |
Jimplimentaw l-istrateġija baġitarja għas-sena 2012 konformement mar-rakkomandazzjonijiet tal-Kunsill sabiex id-defiċit eċċessiv jiġi kkoreġut, jitqiegħed fuq perkors ta’ tnaqqis il-proporzjon għoli tad-dejn pubbliku. Sussegwentement, isir progress lejn l-objettiv ta’ terminu medju konformement mar-rekwiżiti tal-Patt ta’ Stabbiltà u Tkabbir, b’konformità mal-limiti massimi komplessivi għall-infiq u mar-rekwiżiti tal-konsolidazzjoni, sabiex b’hekk ikun żgurat li l-konsolidazzjoni tkun sostenibbli u tgħin fit-tkabbir, billi jitħares l-infiq f'oqsma direttament rilevanti għat-tkabbir bħar-riċerka u l-innovazzjoni, l-edukazzjoni u t-taħriġ. |
2. |
Jieħdu miżuri biex iżidu l-età statutorja tal-irtirar billi jgħaqqduha mal-istennija tal-għomor, u jsejsu dawn il-miżuri ma' oħrajn biex jgħollu l-età effettiva tal-irtirar u biex itejbu s-sostenibbiltà tal-finanzi pubbliċi fuq medda twila. Jippreparaw pjan dettaljat għar-riforma tal-kura fit-tul minħabba l-fatt li l-popolazzjoni qed tikber fl-età. |
3. |
Isaħħu l-parteċipazzjoni fis-suq tax-xogħol billi jnaqqsu d-disinċentivi fiskali għal dawk li jaqilgħu t-tieni introjtu biex jaħdmu, u jfasslu miżuri biex jappoġġaw il-gruppi l-aktar vulnerabbli u jgħinuhom biex jerġgħu jintegraw mill-ġdid fis-suq tax-xogħol. |
4. |
Jippromwovu l-innovazzjoni, l-investiment privat fl-R&Ż u l-konnessjonijiet eqreb bejn ix-xjenza u n-negozju billi jipprovdu inċentivi adegwati fil-kuntest tal-politika l-ġdida tal-intrapriża (“Naar de top”). |
Magħmul fi Brussell, it-12 ta’ Lulju 2011.
Għall-Kunsill
Il-President
J. VINCENT-ROSTOWSKI
(1) ĠU L 209, 2.8.1997, p. 1; Edizzjoni Speċjali bil-Malti: Kap 10, Vol 01, p. 84.
(2) Miżmuma għall-2011 permezz tad-Deċiżjoni tal-Kunsill 2011/308/UE tad-19 ta’ Mejju 2011 dwar il-linji gwida għall-politika tal-Istati Membri dwar l-impjiegi (ĠU L 138, 26.5.2011, p. 56).
(3) Prevista fl-Artikolu 5(3) tar-Regolament (KE) Nru 1466/97.
OPINJONIJIET
Il-Kummissjoni Ewropea
19.7.2011 |
MT |
Il-Ġurnal Uffiċjali tal-Unjoni Ewropea |
C 212/16 |
OPINJONI TAL-KUMMISSJONI
tal-15 ta’ Lulju 2011
li tirrigwarda l-pjan għar-rimi ta' skart radjuattiv li jirriżulta mill-Faċilità ta’ Tneħħija tal-Ġebla u għar-Rimi ta’ Skart Norm ta' Stoneyhill, li tinsab f'Aberdeenshire, l-Iskozja, fir-Renju Unit, skont l-Artikolu 37 tat-Trattat Euratom
(it-test bl-Ingliż biss huwa awtentiku)
2011/C 212/05
Il-valutazzjoni ta’ hawn taħt qed titwettaq skont id-dispożizzjonijiet tat-Trattat Eurotom, bla ħsara għal kwalunkwe valutazzjoni oħra li għandha titwettaq skont it-Trattat dwar il-Funzjonament tal-Unjoni Ewropea u l-obbligi li joħorġu minnu u mil-leġiżlazzjoni sekondarja.
Fis-3 ta' Frar 2011, il-Kummissjoni Ewropea rċeviet mingħand il-Gvern Brittaniku, Dejta Ġenerali marbuta mal-pjan tar-rimi tal-iskart radjuattiv li jirriżulta mill-Faċilità ta’ Tneħħija tal-Ġebla u għar-Rimi ta' Skart Norm ta' Stoneyhill, skont l-Artikolu 37 tat-Trattat tal-Euratom.
Abbażi ta' din id-dejta, u wara konsultazzjoni mal-Grupp ta' Esperti, il-Kummissjoni fasslet l-opinjoni li ġejja:
(1) |
Id-distanza bejn is-sit ta’ Stoneyhill u l-eqreb punt fit-territorju ta' Stat Membru ieħor, f'dan il-każ l-Irlanda, hija ta' 398 km. |
(2) |
Il-faċilità tat-tneħħija tal-ġebla mhux se tkun soġġetta għal awtorizzazzjoni ta' rilaxx fir-rigward ta' effluwenti radjuattivi likwidi u tal-gass. Matul l-operazzjonijiet normali, il-faċilità tat-tneħħija tal-ġebla mhux ser tirrilaxxa effluwenti radjuattivi likwidi u tal-gass. Madanakollu, ser joħroġ gass radjuattiv naturali (radon) mill-faċilità tat-tneħħija tal-ġebla u ser jiġu rilaxxati ammonti żgħar ħafna ta’ aerosols radjoattivi. dawn mhumiex mistennija li jaffettwaw is-saħħa tal-popolazzjoni ta' Stat Membru ieħor. |
(3) |
Matul il-perjodu tal-operat tal-faċilità tar-rimi ta' skart:
|
(4) |
Wara l-perjodu tal-operat tal-faċilità tar-rimi: Il-miżuri previsti għall-għeluq aħħari tal-faċilità tar-rimi, kif deskritti fid-Dejta Ġenerali joffru evidenza affidabbli li l-konklużjonijiet imsemmija fil-punt 2 ta' hawn fuq sejrin jibqgħu validi fit-tul. |
(5) |
F'każ ta' tnixxijiet mhux ippjanati ta’ effluwenti radjuattivi li jistgħu jirriżultaw minn inċidenti tat-tip u d-daqs ikkunsidrati fid-Dejta Ġenerali, id-dożi li x'aktarx jolqtu l-popolazzjoni ta' Stat Membru ieħor ma jkunux tali li jistgħu jaffettwaw is-saħħa tal-popolazzjoni. |
Fl-aħħar nett, il-Kummissjoni hija tal-opinjoni li l-implimentazzjoni tal-pjan għar-rimi tal-iskart radjuattiv, ikun f'liema forma jkun, li jirriżulta mill-Faċilità għat-Tneħħija tal-Ġebla u għar-Rimi ta' Skart Norm ta' Stoneyhill fir-Renju Unit, kemm matul iż-żmien tal-operat normali tagħha kif ukoll wara l-għeluq aħħari tagħha, u anki fil-każ ta' inċident tat-tip u d-daqs ikkunsidrati fid-Dejta Ġenerali, mhijiex tali li tista' tirriżulta f'kontaminazzjoni radjuattiva tal-ilma, il-ħamrija jew l-ispazju tal-ajru ta' Stat Membru ieħor.
Magħmul fi Brussell, il-15 ta’ Lulju 2011.
Għall-Kummissjoni
Günther OETTINGER
Membru tal-Kummissjoni
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
19.7.2011 |
MT |
Il-Ġurnal Uffiċjali tal-Unjoni Ewropea |
C 212/18 |
Ebda oppożizzjoni għal konċentrazzjoni notifikata
(Każ COMP/M.6175 – Danaher/Beckman Coulter)
(Test b’relevanza għaż-ŻEE)
2011/C 212/06
Fis-16 ta’ Ġunju 2011, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32011M6175. Il-EUR-Lex hu l-aċċess fuq l-internet għal-liġi Ewropea. |
19.7.2011 |
MT |
Il-Ġurnal Uffiċjali tal-Unjoni Ewropea |
C 212/18 |
Ebda oppożizzjoni għal konċentrazzjoni notifikata
(Każ COMP/M.6191 – Birla/Columbian Chemicals)
(Test b’relevanza għaż-ŻEE)
2011/C 212/07
Fil-15 ta’ Ġunju 2011, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32011M6191. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kunsill
19.7.2011 |
MT |
Il-Ġurnal Uffiċjali tal-Unjoni Ewropea |
C 212/19 |
Avviż għall-attenzjoni tal-persuni li għalihom japplikaw il-miżuri previsti fid-Deċiżjoni tal-Kunsill 2010/145/PESK u fir-Regolament tal-Kunsill (KE) Nru 1763/2004
2011/C 212/08
KUNSILL TAL-UNJONI EWROPEA
L-informazzjoni li ġejja tinġieb għall-attenzjoni tal-persuni li jidhru fl-Anness I għad-Deċiżjoni tal-Kunsill 2010/145/PESK u fl-Anness I għar-Regolament tal-Kunsill (KE) Nru 1763/2004.
Il-Kunsill tal-Unjoni Ewropea ddettermina li l-persuni li jidhru fl-Anness imsemmi hawn fuq għadhom jissodisfaw il-kriterju li jinsab fid-Deċiżjoni tal-Kunsill 2010/145/PESK u fir-Regolament tal-Kunsill (KE) Nru 1763/2004 dwar aktar miżuri b'appoġġ għall-implimentazzjoni effettiva tal-mandat tat-Tribunal Kriminali Internazzjonali għal dik li kienet il-Jugoslavja, u konsegwentement huma għandhom jibqgħu soġġetti għal dawn il-miżuri.
Qiegħda tinġibed l-attenzjoni tal-persuni kkonċernati għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti tal-internet fl-Anness II għar-Regolament (KE) Nru 1763/2004, sabiex tinkiseb awtorizzazzjoni biex il-fondi ffriżati jintużaw għal ħtiġijiet bażiċi jew ħlasijiet speċifiċi (ara l-Artikolu 3 tar-Regolament).
Il-persuni kkonċernati jistgħu jibagħtu talba lill-Kunsill, flimkien ma' dokumentazzjoni ta' appoġġ, li d-deċiżjoni biex huma jiġu inklużi fil-lista msemmija hawn fuq terġa' tiġi kkunsidrata, fl-indirizz li ġej:
Council of the European Union |
General Secretariat |
DG K Coordination Unit (10 HN 43) |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
Tinġibed ukoll l-attenzjoni tal-persuni kkonċernati għall-possibbiltà li jikkontestaw id-Deċiżjoni tal-Kunsill quddiem il-Qorti Ġenerali tal-Unjoni Ewropea, konformement mal-kondizzjonijiet stabbiliti fl-Artikolu 275(2) u l-Artikolu 263(4) u (6) tat-Trattat dwar il-Funzjonament tal-Unjoni Ewropea.
19.7.2011 |
MT |
Il-Ġurnal Uffiċjali tal-Unjoni Ewropea |
C 212/20 |
Avviż għall-attenzjoni tal-persuni, il-gruppi u l-entitajiet fil-lista prevista fl-Artikolu 2(3) tar-Regolament tal-Kunsill (KE) Nru 2580/2001 dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu
(ara l-Anness għar-Regolament tal-Kunsill (UE) Nru 687/2011)
2011/C 212/09
IL-KUNSILL TAL-UNJONI EWROPEA
L-informazzjoni li ġejja hija miġjuba għall-attenzjoni tal-persuni, il-gruppi u l-entitajiet elenkati fir-Regolament tal-Kunsill (UE) Nru 687/2011 tat-18 ta’ Lulju 2011 (1).
Il-Kunsill tal-Unjoni Ewropea ddetermina li r-raġunijiet għall-inklużjoni tal-persuni, il-gruppi u l-entitajiet li jidhru fil-lista msemmija hawn fuq ta' persuni, gruppi u entitajiet soġġetti għall-miżuri restrittivi previsti fir-Regolament tal-Kunsill (KE) Nru 2580/2001 tas-27 ta' Diċembru 2001, dwar miżuri restrittivi speċifiċi diretti kontra ċerti persuni u entitajiet bil-għan li jiġi miġġieled it-terroriżmu (2), għadhom validi. Konsegwentement, il-Kunsill iddeċieda li jżomm dawk il-persuni, il-gruppi u l-entitajiet fil-lista.
Ir-Regolament tal-Kunsill (KE) Nru 2580/2001 tas-27 ta' Diċembru 2001 jipprevedi l-iffriżar tal-fondi, l-assi finanzjarji u r-riżorsi ekonomiċi l-oħrajn kollha li jappartjenu lill-persuni, il-gruppi u l-entitajiet ikkonċernati u li l-ebda fondi, assi finanzjarji u riżorsi ekonomiċi oħrajn ma jistgħu jsiru disponibbli għalihom, kemm direttament jew indirettament.
Qed tinġibed l-attenzjoni tal-persuni, il-gruppi u l-entitajiet ikkonċernati għall-possibbiltà li ssir applikazzjoni quddiem l-awtoritajiet kompetenti tal-Istat(i) Membru(i) rilevanti kif elenkati fl-Anness għar-Regolament, sabiex tinkiseb awtorizzazzjoni biex il-fondi ffriżati jintużaw għal ħtiġijiet essenzjali jew ħlasijiet speċifiċi skont l-Artikolu 5(2) ta' dak ir-Regolament. Lista aġġornata ta' awtoritajiet kompetenti hija disponibbli fuq l-internet f'dan l-indirizz:
http://ec.europa.eu/comm/external_relations/cfsp/sanctions/measures.htm
Il-persuni, gruppi jew entitajiet ikkonċernati jistgħu jippreżentaw talba biex jiksbu dikjarazzjoni tar-raġunijiet tal-Kunsill għall-inklużjoni tagħhom fil-lista msemmija hawn fuq (dment li d-dikjarazzjoni tar-raġunijiet ma tkunx ġiet diġà kkomunikata lilhom) fl-indirizz li ġej:
Council of the European Union |
(Attn: delegazzjonijiet tas-CP 931) |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
Il-persuni, il-gruppi u l-entitajiet ikkonċernati jistgħu jippreżentaw fi kwalunkwe ħin talba lill-Kunsill, flimkien ma' kwalunkwe dokumentazzjoni ta' appoġġ, biex id-deċiżjoni biex jiġu inklużi u miżmuma fil-lista tiġi kkunsidrata mill-ġdid, fl-indirizz ipprovdut hawn fuq. Tali talbiet ikunu kkunsidrati meta jiġu riċevuti. F'dan ir-rigward, qed tinġibed l-attenzjoni tal-persuni, il-gruppi u l-entitajiet ikkonċernati għar-rieżami regolari mill-Kunsill tal-lista skont l-Artikolu 1(6) tal-Pożizzjoni Komuni 2001/931/PESK. Biex it-talbiet jiġu kkunsidrati fir-rieżami li jmiss, huma għandhom jiġu ppreżentati fi żmien xahrejn mid-data tal-pubblikazzjoni ta' dan l-avviż.
Qed tinġibed ukoll l-attenzjoni tal-persuni, il-gruppi u l-entitajiet ikkonċernati għall-possibbiltà li jikkontestaw ir-Regolament tal-Kunsill quddiem il-Qorti Ġenerali tal-Unjoni Ewropea, konformement mal-kondizzjonijiet stabbiliti fl-Artikolu 263(4) u (6) tat-Trattat dwar il-Funzjonament tal-Unjoni Ewropea.
(1) ĠU L 188, 19.7.2001, p. 2.
(2) ĠU L 344, 28.12.2001, p. 70.
Il-Kummissjoni Ewropea
19.7.2011 |
MT |
Il-Ġurnal Uffiċjali tal-Unjoni Ewropea |
C 212/21 |
Rata tal-kambju tal-euro (1)
It-18 ta’ Lulju 2011
2011/C 212/10
1 euro =
|
Munita |
Rata tal-kambju |
USD |
Dollaru Amerikan |
1,4045 |
JPY |
Yen Ġappuniż |
111,10 |
DKK |
Krona Daniża |
7,4567 |
GBP |
Lira Sterlina |
0,87315 |
SEK |
Krona Żvediża |
9,2534 |
CHF |
Frank Żvizzeru |
1,1485 |
ISK |
Krona Iżlandiża |
|
NOK |
Krona Norveġiża |
7,8670 |
BGN |
Lev Bulgaru |
1,9558 |
CZK |
Krona Ċeka |
24,405 |
HUF |
Forint Ungeriż |
272,98 |
LTL |
Litas Litwan |
3,4528 |
LVL |
Lats Latvjan |
0,7093 |
PLN |
Zloty Pollakk |
4,0440 |
RON |
Leu Rumen |
4,2688 |
TRY |
Lira Turka |
2,3468 |
AUD |
Dollaru Awstraljan |
1,3237 |
CAD |
Dollaru Kanadiż |
1,3472 |
HKD |
Dollaru ta' Hong Kong |
10,9488 |
NZD |
Dollaru tan-New Zealand |
1,6640 |
SGD |
Dollaru tas-Singapor |
1,7107 |
KRW |
Won tal-Korea t'Isfel |
1 490,82 |
ZAR |
Rand ta' l-Afrika t'Isfel |
9,8084 |
CNY |
Yuan ren-min-bi Ċiniż |
9,0853 |
HRK |
Kuna Kroata |
7,4500 |
IDR |
Rupiah Indoneżjan |
12 024,36 |
MYR |
Ringgit Malażjan |
4,2311 |
PHP |
Peso Filippin |
60,463 |
RUB |
Rouble Russu |
39,6125 |
THB |
Baht Tajlandiż |
42,219 |
BRL |
Real Brażiljan |
2,2208 |
MXN |
Peso Messikan |
16,5456 |
INR |
Rupi Indjan |
62,6060 |
(1) Sors: rata tal-kambju ta' referenza ppubblikata mill-Bank Ċentrali Ewropew.
V Avviżi
PROĊEDURI AMMINISTRATTIVI
Il-Kummissjoni Ewropea
19.7.2011 |
MT |
Il-Ġurnal Uffiċjali tal-Unjoni Ewropea |
C 212/22 |
SEJĦA GĦALL-PROPOSTI
“Appoġġ għal miżuri ta’ informazzjoni fil-qasam tal-politika agrikola komuni”
L-implimentazzjoni ta' miżuri ta' informazzjoni skont il-linja tal-baġit 05 08 06 għall-2012
2011/C 212/11
1. DAĦLA
Din is-sejħa għall-proposti hija bbażata fuq ir-Regolament tal-Kunsill (KE) Nru 814/2000 tas-17 ta’ April 2000 dwar il-miżuri ta' tagħrif li għandhom x'jaqsmu mal-politika agrikola komuni (1), li jiddefinixxi t-tip u l-kontenut tal-miżuri ta’ informazzjoni li l-Unjoni tista’ tikkofinanzja. Ir-Regolament tal-Kummissjoni (KE) Nru 2208/2002 (2), emendat bir-Regolament tal-Kummissjoni (KE) Nru 1820/2004 (3), jistabbilixxi r-regoli ddettaljati għall-applikazzjoni tar-Regolament tal-Kunsill (KE) Nru 814/2000.
Din is-sejħa hija għal proposti għall-iffinanzjar ta’ miżuri ta’ informazzjoni, kif deskritti fl-Artikolu 3(1) tar-Regolament tal-Kunsill (KE) Nru 814/2000, minn approprjazzjonijiet tal-baġit tal-2012. Din is-sejħa għall-proposti tikkonċerna miżuri ta’ informazzjoni li għandhom jiġu implimentati (inklużi l-preparazzjoni, l-implimentazzjoni, is-segwitu u l-evalwazzjoni) bejn l-1 ta’ Marzu 2012 u t-28 ta’ Frar 2013.
Miżura ta' informazzjoni hija operazzjoni ta' informazzjoni integrata, indipendenti u koerenti mwettqa abbażi ta' baġit uniku. Il- miżuri inklużi f’operazzjoni bħal din jistgħu jvarjaw minn sempliċi serje ta' konferenzi għal kampanja komprensiva ta’ informazzjoni li tkopri diversi tipi ta’ miżuri u ta’ għodda ta’ informazzjoni/ta’ komunikazzjoni għall-pubbliku.
Kif speċifikat fl-Artikolu 4(2) tar-Regolament tal-Kummissjoni (KE) Nru 2208/2002, l-applikanti għal din is-sejħa għall-proposti għandhom ikunu persuni ġuridiċi kkostitwiti legalment fi Stat Membru għal mill-inqas sentejn.
2. IL-PRIJORITAJIET U T-TIPI TA’ MIŻURI GĦALL-2012
2.1. Il-prijoritajiet
Il-bażi tal-integrazzjoni Ewropea, il-PAK, fl-2012 se tagħlaq 50 sena. Għalhekk dan l-anniversarju huwa okkażjoni biex ikunu żviluppati miżuri ta’ komunikazzjoni dwar il-PAK, l-istorja u l-iżvilupp tagħha, ir-riżultati konkreti u l-perspettivi għall-iżvilupp fil-kuntest tar-riformi proposti.
Fil-qafas ta’ din is-sejħa għall-proposti, il-Kummissjoni tixtieq tagħti prijorità lill-miżuri li mistennija jkollhom impatt qawwi, li huma innovattivi u kreattivi, u li huma mmirati mhux biss għan-nies fiż-żoni rurali, iżda għas-soċjetà kollha.
Il-miżuri għandu jkollhom l-għan li jippromovu r-rwol u l-utilità tal-PAK bħala politika komuni tal-UE li twieġeb għall-ħtiġijiet u l-aspettattivi tas-soċjetà u li għandha l-għan:
— |
li twieġeb aħjar għall-isfidi tas-sigurtà tal-ikel, tat-tibdil fil-klima, tal-użu sostenibbli tar-riżorsi naturali u tal-iżvilupp ibbilanċjat tat-territorji, |
— |
li tgħin lis-settur agrikolu jaffronta l-effetti tal-kriżi ekonomika u ż-żieda fil-volatilità tal-prezzijiet agrikoli, |
— |
li tikkontribwixxi għall-iżvilupp ta’ tkabbir intelliġenti, sostenibbli u inklużiv kif definit fl-istrateġija “Ewropa 2020”. |
2.2. It-tipi ta’ miżuri ta’ informazzjoni
F’din is-sejħa għall-proposti, il-Kummissjoni tixtieq tappoġġa żewġ tipi ta’ miżuri integrati ta’ komunikazzjoni għall-pubbliku:
— |
fil-livell nazzjonali, billi jingħaqdu flimkien diversi msieħba fi proġett komuni fuq skala kbira, |
— |
fil-livell Ewropew, l-involviment tal-massimu tal-Istati Membri sabiex jiżdied l-impatt tal-miżuri. |
il-miżuri ta’ informazzjoni għandu jkollhom l-għan li:
— |
isaħħu l-għarfien dwar il-PAK, l-istorja u l-iżvilupp tagħha, kif ukoll dwar il-perspettivi tagħha għall-iżvilupp fil-kuntest tar-riformi proposti, fil-pajjiż ikkonċernat/fil-livell Ewropew, |
— |
iqajmu l-interess tal-pubbliku fuq firxa wiesgħa, u l-aktar tal-pubbliku ġenerali fiż-żoni urbani, dwar ir-rwol tal-agrikoltura u l-iżvilupp rurali fis-soċjetajiet tagħna billi jagħtu valur lid-diversi funzjonijiet tal-bdiewa. |
Il-miżuri ta’ informazzjoni għandhom isiru fil-forma ta’ kampanji ta’ informazzjoni fuq skala kbira li jinkludu attività waħda jew aktar minn dawk imsemmija hawn taħt:
— |
il-produzzjoni u d-distribuzzjoni ta’ materjal tal-multimidja u/jew awdjoviżiv li jkun innovattiv u oriġinali (programmi tar-radju u/jew televiżivi (4), programmi tat-tip “reality show”, programmi ta' diskussjoni, klipps, eċċ.) (5), |
— |
il-kampanji ta’ kartelluni murija lill-pubbliku f’postijiet fejn jgħaddi ħafna traffiku (fil-metro, fl-istazzjonijiet tal-ferrovija, eċċ.), |
— |
l-avvennimenti tat-tip imsejjaħ “ir-razzett fil-belt” eċċ., |
— |
l-avvenimenti fuq il-mezzi tax-xandir, |
— |
il-konferenzi, is-seminars u l-gruppi ta' ħidma speċjalizzati mmirati għal gruppi speċifiċi tal-pubbliku. |
2.3. Il-pubbliku fil-mira
Il-pubbliku fil-mira kkonċernat minn din is-sejħa għall-proposti huwa l-pubbliku inġenerali (l-aktar iż-żgħażagħ f’żoni urbani), il-midja, is-soċjetà ċivili u l-atturi fiż-żoni rurali.
3. IT-TUL TA' ŻMIEN U L-BAĠIT
Din is-sejħa għall-proposti tikkonċerna miżuri ta’ informazzjoni li għandhom jiġu implimentati (inklużi l-preparazzjoni, l-implimentazzjoni, is-segwitu u l-evalwazzjoni) bejn l-1 ta’ Marzu 2012 u t-28 ta’ Frar 2013, imma li għandhom assolutament jitwettqu fl-2012.
Il-baġit totali previst għall-miżuri ta' informazzjoni li għandhom jitwettqu skont din is-sejħa għall-proposti jammonta għal EUR 3 250 000. Dan l-ammont se jitqassam fost dawk l-applikazzjonijiet li jingħataw l-ogħla punti mill-Kumitat ta’ evalwazzjoni, skont il-kriterji msemmija fil-punt 2 tal-Anness III. Il-Kummssjoni tirriżerva d-dritt li tnaqqas dan l-ammont totali, jekk ikun meħtieġ.
L-ammont tal-għotja mitlub mingħand il-Kummissjoni se jkun ta’ bejn EUR 100 000 u EUR 500 000 għal kull miżura ta’ informazzjoni msemmija fil-punt 2.2 (rata fissa (ammont b’rata fissa) għall-ispejjeż tal-persunal).
Is-sehem tal-Kummissjoni fl-applikazzjonijiet magħżula huwa limitat għal 50 % tal-ispejjeż totali eliġibbli (ara l-Anness IV – It-Tfassil tal-Baġit), mingħajr l-ispejjeż tal-persunal, li għalihom jiżdied pagament b’rata fissa ta’ massimu ta' EUR 10 000 għal miżuri li l-ispejjeż totali eliġibbli tagħhom (mingħajr l-ammont b’rata fissa għall-ispejjeż tal-persunal) jammontaw għal anqas minn EUR 400 000 u ta’ massimu ta' EUR 25 000 għall-miżuri li l-ispejjeż totali eliġibbli tagħhom (mingħajr l-ammont b’rata fissa għall-ispejjeż tal-persunal) jammontaw għal bejn EUR 400 000 u EUR 950 000.
Għall-miżuri ta’ informazzjoni ta’ natura eċċezzjonali, u fil-każ li l-kandidat jitlob dan, il-perċentwali tas-sehem tal-Kummissjoni jista' jitla’ sa 75 %.
Miżura ta’ informazzjoni tiġi rrikonoxxuta bħala ta’ natura eċċezzjonali kif imsemmi fl-Artikolu 7(2) tar-Regolament (KE) Nru 2208/2002 jekk jiġu ssodisfati l-kundizzjonijiet kollha li ġejjin:
(1) |
tkun tinkludi pjan ta’ diffużjoni li jiżgura d-diffużjoni tal-informazzjoni fost l-akbar firxa possibbli tal-pubbliku, li jkun ikopri għall-inqas tliet Stati Membri u jkun jirrappreżenta minimu ta’ 5 % mill-popolazzjoni nazzjonali fl-Istati Membri kollha koperti, u li l-impatt mistenni tiegħu (ex-ante) u dak irrealizzat (ex-post) se jkun appoġġat minn provi esterni adegwati (l-istatistika dwar l-udjenza, eċċ.) |
(2) |
il-Kumitat ta’ Evalwazzjoni, minn hawn ’il quddiem “il-Kumitat”, ikun taha mill-inqas 75 punt minn 100 għall-kriterji tal-għotja mniżżlin fil-punt 2 tal-Anness III. |
Mhu se jingħata l-ebda prefinanzjament għall-miżuri ta’ informazzjoni li ngħataw għotja skont din is-sejħa għall-proposti. Il-benefiċjarju jista’ jitlob għal pagament interim billi jippreżenta rapport interim tekniku u finanzjarju. L-ammont tal-pagament interim ma jistax jaqbeż it-30 % tal-ammont totali previst fil-ftehim tal-għotja. Dan l-ammont għandu jkun iddeterminat abbażi tar-realizzazzjoni effettiva tal-miżura u tal-ispejjeż eliġibbli attwalment murija fid-dikjarazzjoni finanzjarja interim u dawk li ġew ivvalidati mill-Kummissjoni, li għalihom għandu japplika l-perċentwali tal-kofinanzjament stipulat fil-ftehim tal-għotja. L-ammont b’rata fissa għall-ispejjeż tal-persunal jingħata biss mal-pagament finali.
L-għażla ta’ applikazzjoni ma tobbligax lill-Kummissjoni tagħti l-ammont sħiħ mitlub mill-applikant. Fl-ebda ċirkostanza l-għotja ma għandha taqbeż l-ammont mitlub. Għotja ma tistax tingħata lil ebda miżura li hija s-suġġett ta' finanzjament ieħor mill-Unjoni Ewropea.
4. L-ISTRUZZJONIJIET ĠENERALI GĦAT-TRESSIQ TAT-TALBIET
4.1. L-istruzzjonijiet għat-tħejjija tal-applikazzjoni
Kull applikant huwa awtorizzat iressaq applikazzjoni għal miżura ta’ informazzjoni waħda biss għal kull eżerċizzju baġitarju (sena tal-baġit).
L-applikazzjoni titressaq bl-użu tal-formoli apposta disponibbli fl-indirizz tal-internet li ġej: http://ec.europa.eu/agriculture/grants/capinfo/index_mt.htm
L-applikazzjoni għandha tinkiteb b'waħda mil-lingwi uffiċjali tal-Unjoni. Madankollu, sabiex ikun iffaċilitat it-trattament f’waqtu tal-applikazzjoni tagħhom, l-applikanti huma mħeġġa jissottomettu (iressqu) l-applikazzjoni tagħhom bl-Ingliż jew bil-Franċiż. Jekk dan ma jkunx possibbli, l-applikanti għandhom talanqas jinkludu traduzzjoni tal-kontenut tal-formola nru 3 bl-Ingliż jew bil-Franċiż.
L-applikazzjoni għandha tinkludi bilfors id-dokumenti li ġejjin li huma disponibbli fl-indirizz tal-internet imsemmi hawn fuq:
— |
l-ittra tal-applikazzjoni li ssemmi t-titolu tal-miżura ta’ informazzjoni proposta u li tindika l-ammont tal-għotja mitlub, iffirmata mir-rappreżentant awtorizzat legalment fi ħdan l-organizzazzjoni li tkun qed tapplika; wieħed għandu jinnota li l-ammont tal-għotja mitlub fl-ittra għandu jkun identiku għall-ammont ta' kofinanzjament mill-Unjoni Ewropea indikat fit-tabella tad-dħul tal-baġit (il-punti g + h), |
— |
il-Formola Nru 1 (informazzjoni dwar l-applikant), Nru 2 (informazzjoni dwar il-koorganizzaturi eventwali (jekk ikun hemm)) u Nru 3 (deskrizzjoni ddettaljata tal-miżura ta’ informazzjoni) tal-applikazzjoni. Jekk mistoqsija ma tapplikax għall-miżura ta’ informazzjoni proposta, għandek iddaħħal “mhux applikabbli” jew “m/a”. Jiġu kkunsidrati biss l-applikazzjonijiet ippreżentati fuq dawn il-formoli; fil-każ li l-Formola Nru 2 ma tapplikax jekk jogħġbok ikteb “M/A” fuq l-ewwel paġna tagħha, |
— |
baġit tal-miżura ta' informazzjoni proposta (li huwa magħmul minn tabella waħda dettaljata tan-nefqa u tabella waħda dettaljata tad-dħul u fil-bilanċ (ibbilanċjati)), mimlija (mimli) kif xieraq, iffirmat u ddatat mir-rappreżentant awtorizzat legalment fl-organizzazzjoni li tkun qed tapplika, |
— |
id-dokumenti kollha addizzjonali msemmija fl-Anness I (dokumenti addizzjonali meħtieġa sabiex tapplika għall-għotja). |
4.2. L-iskadenzi u d-destinatarji li lilhom trid tintbagħat l-applikazzjoni
L-applikanti għandhom jibagħtu kopja waħda tal-applikazzjoni sħiħa tagħhom sa mhux aktar tard mit-30 ta' Settembru 2011 bil-posta rreġistrata li tkun tinkludi għarfien li l-applikazzjoni waslet (il-marka (it-timbru) tal-posta fuq l-envelopp isservi (iservi) ta' prova tad-data ta' meta tkun intbagħtet) fl-indirizz li ġej:
European Commission |
Unit AGRI. K.1. |
Call for proposals 2011/C /… |
Attn. Angela Filote |
L130 4/148A |
1049 Bruxelles/Brussel |
BELGIQUE/BELGIË |
L-applikazzjonijiet iridu jintbagħtu ġo envelopp jew kaxxa tal-kartun issiġillata li titqiegħed ġo envelopp ieħor jew kaxxa tal-kartun issiġillata. Fuq l-envelopp jew il-kaxxa tal-kartun ta’ ġewwa, barra l-indirizz tad-destinatarju, kif inhu indikat fis-sejħa għall-proposti, għandu jkun hemm ukoll it-titlu “appel à propositions — à ne pas ouvrir par le service du courrier” (“Sejħa għall-proposti – li m'għandhiex tinfetaħ mis-servizzi postali”). Meta jintużaw enveloppijiet li jkun fihom il-kolla, dawn għandhom ikunu ssiġillati b’tejp adeżiv u min jibgħathom għandu jiffirma fuq dak it-tejp.
Ladarba d-dokumenti kollha li jintbagħtu lill-Kummissjoni għandhom (iridu) jiġu skennjati paġna paġna, huwa mitlub li l-folji tal-applikazzjoni u tal-annessi ma jitwaħħlux flimkien. Barra minn hekk, b’rispett għall-ambjent, il-kandidati (huma) mħeġġa jressqu l-applikazzjoni tagħhom fuq karti riċiklati jew (u) stampati minn wara u minn quddiem.
Fl-istess ħin u sa mhux aktar tard mit-30 ta’ Settembru 2011 f'nofsillejl (ħin ta' Brussell), l-applikanti għandhom jibagħtu wkoll kopja elettronika tal-applikazzjoni tagħhom, (permezz tal-opzjoni għall-konferma tal-wasla) li tinkludi tal-anqas il-verżjoni elettronika tal-ittra tal-applikazzjoni (għall-għotja), il-formoli minn 1 sa 3 u l-baġit, (li għandhom ikunu) identiċi għal dawk mibgħuta bil-posta, fl-indirizz elettroniku li ġej:
AGRI-GRANTS-APPLICATIONS-ONLY@ec.europa.eu
Hija r-responsabbiltà tal-applikanti li jibagħtu l-applikazzjoni tagħhom (bil-posta u b'mod elettroniku) b'mod sħiħ u sad-data tal-iskadenza. L-applikazzjonijiet mibgħuta wara l-iskadenza ppubblikata jiġu rrifjutati.
5. IL-PROĊEDURA U L-ISKEDA TAŻ-ŻMIEN
5.1. Il-wasla u r-reġistrazzjoni tal-applikazzjonijiet
Il-Kummissjoni tirreġistra l-applikazzjoni u tibgħat konferma tar-riċeviment (tal-wasla) tagħha bil-posta elettronika bin-numru assenjat għall-applikazzjonijiet fi żmien ħmistax-il jum mit-terminu tas-sottomissjoni (mid-data tal-iskadenza għat-tressiq tal-applikazzjonijiet).
5.2. L-eżami tal-applikazzjonijiet fid-dawl tal-kriterji tal-eliġibbiltà u tal-esklużjoni
Kumitat ta' evalwazzjoni apposta jwettaq l-eżami tal-eliġibbiltà tal-applikazzjonijiet. L-applikazzjonijiet li ma jissodisfawx kriterju wieħed jew aktar minn dawk stabbiliti fl-Anness II (il-kriterji tal-eliġibbiltà u tal-esklużjoni) ma jintlaqgħux.
L-applikazzjonijiet kollha eliġibbli jgħaddu għall-fażi tal-evalwazzjoni li jmiss (eżami fid-dawl tal-kriterji tal-għażla – il-kapaċità teknika u finanzjarja tal-applikanti).
5.3. L-eżami tal-applikazzjonijiet fid-dawl tal-kriterji tal-għażla – il-kapaċità teknika u finanzjarja tal-applikanti
Matul din il-fażi, il-kumitat se jeżamina l-kapaċità teknika u finanzjarja tal-applikanti eliġibbli abbażi tal-informazzjoni pprovduta fl-applikazzjoni u skont il-kriterji deskritti fl-Anness III(1) (il-kriterji ta’ għażla).
L-applikazzjonijiet kollha li jgħaddu din il-fażi jingħataw aċċess għall-fażi li jmiss (evalwazzjoni fid-dawl tal-kriterji tal-għotja).
5.4. L-evalwazzjoni tal-applikazzjonijiet fid-dawl tal-kriterji għall-għoti (tal-għotja)
Matul din il-fażi, il-kumitat jevalwa l-applikazzjonijiet fid-dawl tal-kriterji għall-għoti (tal-għotja) spjegati fl-Anness III(2) (il-kriterji għall-għoti (tal-għotja)).
Il-fajls li jirċievu matul din il-fażi tal-evalwazzjoni mill-inqas 60 punt mill-100 disponibbli (u mill-inqas 50 % tal-punti disponibbli għal kull kriterju) biss ikunu proposti għal għotja mill-kumitat ta’ evalwazzjoni. Madankollu, li miżura tirċievi 60 mill-100 punt disponibbli mhuwiex garanzija li l-miżura ta’ informazzjoni se tingħata l-għotja. Fil-fatt, il-Kummissjoni tista' tgħolli r-rata minima aċċettabbli fid-dawl tan-numru ta’ applikazzjonijiet ta' suċċess (skont l-għadd ta’ applikazzjonijiet eliġibbli) u tar-riżorsi baġitarji disponibbli.
Il-fajls li jirċievu inqas minn 60 punt mill-100 disponibbli jew anqas minn 50 % tal-punti disponibbli għal kull kriterju jiġu mwarrba; l-applikant jirċievi notifika bil-miktub li tagħti r-raġunijiet li għalihom ġiet imwarrba l-applikazzjoni.
Jekk l-għotja mitluba tingħata, il-benefiċjarju jirċievi ftehim ta’ għoti (ftehim tal-għotja) (mudell disponibbli mill-indirizz tal-internet imsemmi fil-punt 4.1 ta’ din is-sejħa għall-proposti), denominat f’euro, li jispeċifika l-kundizzjonijiet u l-livell ta’ finanzjament, li jista’ jkun inferjuri għall-ammont mitlub fil-fajl (tal-applikazzjoni). Fil-każ ta' żbalji aritmetiċi jew spejjeż ikkunsidrati mhux eliġibbli, il-baġit jiġi kkoreġut mis-servizzi tal-Kummissjoni. Jekk il-korrezzjoni twassal għal ammont ogħla tal-ispejjeż totali, l-ammont mitlub jibqa’ mhux mibdul (tali kwali) u l-kontribuzzjoni tal-applikant tiżdied kif xieraq.
Id-data prevista għall-għeluq tal-proċedura tal-evalwazzjoni hija l-bidu tal-2012. Is-servizzi tal-Kummissjoni mhumiex awtorizzati li jinfurmaw lill-applikanti dwar l-istat tal-evalwazzjoni tal-fajls tagħhom qabel id-deċiżjoni tal-għotja. Għal din ir-raġuni, l-applikanti huma mitluba ma jċemplux u ma jiktbux lill-Kummissjoni biex ikunu jafu dwar ir-riżultat tal-applikazzjoni tagħhom qabel id-data prevista msemmija hawn fuq.
6. IR-REKLAMAR
6.1. Ir-responsabbiltajiet tal-benefiċjarju
Id-DĠ AGRI se jiżviluppa lowgo għal kull proġett ta’ komunikazzjoni dwar il-politika agrikola komuni – il-PAK. Dan il-lowgo se jkun disponibbli fuq is-sit tal-internet li ġej: http://ec.europa.eu/agriculture/grants/capinfo/index_mt.htm u se jkun jista’ jitniżżel f’verżjoni elettronika biex jintuża f’diversi formati (“banners”, kartelluni, “roll-ups”, eċċ.).
Il-benefiċjarji se jkollhom l-obbligu kuntrattwali li jniżżlu dan il-materjal minn fuq l-internet sabiex jużawh fil-formati adegwati meħtieġa fil-kuntest tal-kampanja tagħhom skont il-kundizzjonijiet stabbiliti fil-ftehim tal-għotja. L-ispejjeż marbuta mal-ħolqien ta’ dan il-materjal ta’ promozzjoni għandhom jiddaħħlu fil-baġit tal-miżura.
Barra minn hekk, il-benefiċjarji għandhom l-obbligu (kuntrattwali) li jiżguraw, bil-mezzi adegwati kollha u skont il-kundizzjonijiet stabbiliti fil-konvenzjoni tas-sussidju (fil-ftehim tal-għotja), li l-komunikazzjonijiet kollha, ir-reklamar (il-pubblikazzjonijiet) jew l-oġġetti promozzjonali (kollha) dwar il-miżura jsemmu l-finanzjament mogħti mill-Unjoni, u dan tul iż-żmien kollu tal-miżura.
Barra minn hekk, kull komunikazzjoni jew pubblikazzjoni tal-benefiċjarju, fi kwalunkwe forma u dwar kwalunkwe appoġġ (u fi kwalunkwe format), għandhom isemmu (għandha ssemmi) l-fatt li din torbot biss lill-awtur tagħha u li ma tirrappreżentax neċessarjament il-pożizzjoni uffiċjali tal-Kummissjoni.
L-evidenza ta’ dan ir-reklamar trid tiġi inkluża fir-rapporti tekniċi finali ta’ implimentazzjoni. Mudell tal-lowgo jista’ jitniżżel mill-indirizz tal-internet li ġej: http://europa.eu/abc/symbols/emblem/download_mt.htm u għandu jinkludi fih il-kliem “bl-appoġġ tal-Unjoni Ewropea”.
Jekk l-organizzazzjoni benefiċjarja ma tkunx konformi mal-obbligi msemmija hawn fuq, il-Kummissjoni tirriżerva d-dritt li tnaqqas l-ammont tal-għotja allokat għall-miżura ta' informazzjoni kkonċernata jew li tiċħad kompletament il-ħlas tal-għotja lill-benefiċjarju.
7. IL-ĦARSIEN TAD-DEJTA PERSONALI
Il-Kummissjoni Ewropea tiżgura li kwalunkwe dejta personali inkluża fl-applikazzjoni tkun ipproċessata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni tal-individwi fir-rigward tal-ipproċessar ta' dejta personali mill-istituzzjonijiet u l-korpi tal-Unjoni Ewropea u dwar il-moviment ħieles ta' dik id-dejta (6). Dawn id-dispożizzjonijiet japplikaw b’mod partikolari għall-kunfidenzjalità u s-sikurezza tad-dejta inkwistjoni.
(1) ĠU L 100, 20.4.2000, p. 7.
(2) ĠU L 337, 13.12.2002, p. 21.
(3) ĠU L 320, 21.10.2004, p. 14.
(4) Kull programm awdjoviżiv għandu jkun marbut ma’ impenn sod ta’ diffużjoni f’każ li jiġi kkofinanzjat.
(5) Għal din it-tip ta’ azzjoni (miżura), il-Konvenzjoni għas-sussidju (il-ftehim tal-għotja) tawtorizza lill-Kummissjoni tiddisponi minn drittijiet ta’ riproduzzjoni u diffużjoni, għal finijiet mhux kummerċjali, f’kull qasam tax-xandir, għal perjodu ta’ żmien mhux limitat u mingħajr restrizzjoni territorjali, tal-prodotti jew programmi jew ta’ partijiet minn dawn deskritti f’din il-miżura.
ANNESS I
DOKUMENTI ADDIZZJONALI MEĦTIEĠA SABIEX WIEĦED JAPPLIKA GĦAS-SUSSIDJU [GĦALL-GĦOTJA]
Sabiex ikunu kompluti, l-applikazzjonijiet għandhom jinkludu (minbarra l-ittra tal-applikazzjoni, il-formoli tal-applikazzjoni u [tal-preżentazzjoni ta’] l-baġit disponibbli mill-indirizz tal-internet imsemmi fil-punt 4.1 ta’ din is-sejħa għall-proposti), id-dokumenti addizzjonali kollha li ġejjin. L-applikanti għandhom jiżguraw li d-dokumenti jkunu mehmuża fl-ordni ppreżentata fit-tabella hawn taħt. In-nuqqas ta' wieħed minn dawn id-dokumenti jista' jwassal biex l-applikazzjoni tkun miċħuda.
Dokument |
Deskrizzjoni |
Kummenti |
||
Id-dokument A |
Formola ta’ identifikazzjoni tal-entità legali |
Għall-applikanti kollha. Il-formola hija disponibbli fuq l-indirizz tal-internet imsemmi fil-punt 4.1 ta’ din is-sejħa għall-proposti. |
||
Id-dokument B |
Formola ta’ identifikazzjoni finanzjarja |
Għall-applikanti kollha. Il-formola hija disponibbli fuq l-indirizz tal-internet imsemmi fil-punt 4.1 ta’ din is-sejħa għall-proposti. |
||
Id-dokument C |
L-att kostituttiv ta' assoċjazzjoni (statuti). |
Għall-applikanti kollha li mhumiex entitajiet pubbliċi. |
||
Id-dokument D |
Estratt riċenti mir-reġistrazzjoni tal-applikant fir-reġistru professjonali [uffiċjali] prevista [previst] mil-leġiżlazzjoni tal-Istat Membru fejn ikun stabbilit (bħalma hu estratt mill-ġurnal uffiċjali jew [mir-]reġistru tal-kumpaniji) li juri biċ-ċar l-isem u l-indirizz tal-applikant u d-data ta' reġistrazzjoni |
Għall-applikanti kollha. |
||
Id-dokument E |
Jekk l-applikant huwa soġġett għall-VAT, kopja tad-dokument irreġistrat [ta’ reġistrazzjoni]. Jekk l-applikant mhuwiex intitolat li jiġbor lura l-VAT, dokument uffiċjali li jikkonferma dan. |
Għall-applikanti li huma entitajiet privati (il-VAT imħallsa mill-entitajiet pubbliċi mhi eliġibbli fl-ebda każ). Jekk il-VAT ma tkunx tinġabar lura, l-applikant għandu jew jehmeż ċertifikat mill-awtorità tal-VAT jew mingħand kwalunkwe persuna esterna oħra responsabbli mill-istabbiliment jew mill-kontroll tal-kontijiet (kontabilista indipendenti, awditur, eċċ.) li jikkonferma dan kollu inkella inizjalment [għandu] jagħmel awtoċertifikazzjoni. Madankollu jekk ma jiġix ipprovdut iċ-ċertifikat estern il-konvenzjoni eventwali ta’ sussidju ma tistax tiġi ffirmata [ma jistax jiġi ffirmat il-ftehim tal-għotja]. |
||
Id-dokument F |
Il-karti tal-bilanċ u l-kontijiet tat-telf u tal-qligħ tal-aħħar sentejn finanzjarji li għalihom ġew magħluqa l-kontijiet, jew kwalunkwe dokument ieħor (bħal ċertifikat bankarju) li jagħti prova tas-sitwazzjoni finanzjarja tal-applikant u l-kapaċità tiegħu li jżomm [jkompli jwettaq] l-attività matul il-perjodu li fih tkun qed titwettaq il-miżura ta' informazzjoni. |
Għall-applikanti kollha li mhumiex entitajiet pubbliċi. |
||
Id-dokument G |
Curriculum vitae tal-persunal li se jwettaq il-preparazzjoni, l-implimentazzjoni, is-segwitu u l-evalwazzjoni tal-miżura ta' informazzjoni proposta. |
Għall-applikanti u l-koorganizzaturi tagħhom kollha. |
||
Id-dokument H |
Prova tal-kontribuzzjonijiet finanzjarji minn fornituri oħra ta’ fondi (anke jekk il-fornitur tal-fondi huwa wkoll koorganizzatur) għall-miżura ta’ informazzjoni proposta (li għandha tikkonsisti mill-inqas f'attestat [minn ċertifikat] uffiċjali ta’ finanzjar minn kull wieħed mill-fornituri previsti li jsemmi t-titolu tal-miżura ta' informazzjoni u l-ammont li jkun se jiġi kkontribwit). |
Formola li għandha tkun mehmuża b'mod obbligatorju f'każ li jkun hemm kontribuzzjoni minn fornituri ta' fondi oħrajn. |
||
|
ANNESS II
KRITERJI TA' ELIĠIBBILTÀ U TA' ESKLUŻJONI
1. Il-kriterji tal-eliġibbiltà
(a) Il-kriterji tal-eliġibbiltà li jikkonċernaw l-applikant:
— |
L-applikant irid ikun persuna ġuridika kkostitwita legalment fi Stat Membru għal mill-inqas sentejn. Dan irid jintwera b’mod ċar fl-applikazzjoni u fid-dokumenti mehmuża. Dawk l-applikanti li ma jkunux ikkostitwiti legalment fi Stat Membru għal mill-inqas sentejn, jew li (ma) jistgħux juru dan, jiġu skwalifikati. |
(b) Il-kriterji tal-eliġibbiltà li jikkonċernaw l-applikazzjoni:
Kull applikazzjoni taħt (skont) din is-sejħa għall-proposti għandha tissodisfa l-kriterji (kollha) li ġejjin:
— |
għandha tintbagħat sa mhux aktar tard mit-30 ta' Settembru 2011 (it-timbru tal-posta fuq l-envelopp jikkonferma dan), |
— |
għandha ssir, minn naħa waħda, bl-għajnuna tal-formoli oriġinali previsti għall-applikazzjoni u għall-baġit, li jistgħu jitniżżlu mill-indirizz tal-internet imsemmi fil-punt 4.1, u, min-naħa l-oħra, b'verżjoni elettronika, |
— |
għandha tinkiteb b’waħda mil-lingwi uffiċjali tal-Unjoni, |
— |
għandha tinkludi d-dokumenti kollha elenkati fil-punt 4.1 ta’ din is-sejħa għall-proposti, |
— |
għandha tinkludi ittra ta' applikazzjoni li ssemmi t-titolu tal-miżura ta' informazzjoni u l-ammont tas-sussidju (tal-għotja) mitlub (li għandu jkun identiku għall-ammont indikat fil-punti g u h tat-tabella tad-dħul tal-baġit), iffirmata mir-rappreżentant awtorizzat legalment fi ħdan l-organizzazzjoni li tkun qed tapplika, |
— |
l-applikanti jistgħu jissottomettu (jressqu) applikazzjoni waħda biss għal kull sena baġitarja, |
— |
l-ammont tas-sussidju (tal-għotja) mitlub lill-Kummissjoni (inkluż (l-ammont tar-rata fissa għal) l-ispejjeż tal-persunal) għandu jkun ta' bejn EUR 100 000 u EUR 500 000; |
— |
Il-baġit tal-miżuri ta’ informazzjoni proposti għandu:
|
— |
L-implimentazzjoni tal-miżura ta’ informazzjoni proposta (il-preparazzjoni, l-implimentazzjoni, is-segwitu u l-evalwazzjoni) għandha sseħħ bejn l-1 ta’ Marzu 2012 u t-28 ta’ Frar 2013. |
— |
Dawn li ġejjin mhumiex eliġibbli:
|
L-applikazzjonijiet kollha li ma jissodisfawx waħda jew aktar mill-kundizzjonijiet ta' hawn fuq mhumiex eliġibbli u jiġu rrifjutati.
2. Il-kriterji tal-esklużjoni
Il-Kummissjoni se teskludi l-applikanti kollha li jsibu ruħhom f’waħda mis-sitwazzjonijiet deskritti fl-Artikolu 5 tar-Regolament tal-Kummissjoni (KE) Nru 2208/2002 u fl-Artikoli 93(1), 94 u 96(2), il-punt a) tar-Regolament tal-Kunsill (KE, Euratom) Nru 1605/2002, regolament finanzjarju tal-25 ta’ Ġunju 2002 applikabbli għall-baġit ġenerali tal-Unjoni Ewropea.
L-għotjiet tas-sussidju (L-għotjiet) ma jistgħux jingħataw lill-applikanti li huma, fiż-żmien tal-proċedura tal-għotja, f'waħda mis-sitwazzjonijiet li ġejjin: l-applikanti
— |
li jinsabu fi stat ta' falliment jew qegħdin fil-proċess ta' stralċ, għandhom kwistjonijiet il-qorti jew daħlu f’arranġament mal-kredituri, għandhom attivitajiet kummerċjali sospiżi, jew jinsabu f’sitwazzjoni analoga li tirriżulta minn proċedura simili prevista fil-leġiżlazzjoni jew regolamenti nazzjonali, |
— |
li nstabu ħatja ta’ reat rigward il-kondotta professjonali tagħhom b’sentenza li għandha s-saħħa ta’ res judicata, |
— |
li fil-qasam professjonali kienu ħatja ta' mġiba ħażina pprovata bi kwalunkwe mezz li l-awtorità kontraenti tista' tiġġustifika, |
— |
li ma ssodisfawx l-obbligi relatati mal-ħlas tal-kontribuzzjonijiet tas-sigurtà soċjali jew dawk relatati mal-ħlas ta’ taxxi skont id-dispożizzjonijet legali tal-pajjiż fejn huma stabbiliti jew dawk tal-pajjiż tal-awtorità kontraenti jew dawk tal-pajjiż fejn sejra titwettaq il-miżura, |
— |
(li) kienu s-suġġett ta' sentenza li għandha s-saħħa ta' res judicata għal frodi, korruzzjoni, involviment f'organizzazzjoni kriminali jew kwalunkwe attività illegali (oħra) li hi ta' detriment għall-interessi finanzjarji tal-Unjoni, |
— |
li, wara proċedura (oħra) ta' akkwist jew proċedura oħra ta' għotja ta’ sussidju (ta’ għotja) ffinanzjata mill-baġit tal-Unjoni Ewropea, kienu ddikjarati li kisru b'mod serju l-kuntratt minħabba li ma kkonformawx mal-obbligi kuntrattwali tagħhom, |
— |
(li) jkunu suġġetti għal kunflitt ta’ interessi, |
— |
(li) huma ħatja jew ta' dikjarazzjonijiet foloz fil-preżentazzjoni tal-informazzjoni meħtieġa partikularment mid-dipartiment awtorizzanti jew talli ma pprovdewx din l-informazzjoni. |
L-applikanti jridu jiddikjaraw fuq l-unur (tagħhom) li mhumiex f’waħda mis-sitwazzjonijiet ta’ hawn fuq (ara l-ittra ta’ applikazzjoni disponibbli fl-indirizz tal-internet imsemmi fil-punt 4.1 ta’ din is-sejħa għall-proposti). Skont ir-riżultati tal-analiżi tal-ġestjoni tar-riskji (tal-analiżi tar-riskji tal-ġestjoni), il-Kummissjoni tista’ titlob evidenza addizzjonali. L-applikanti li jinstabu ħatja ta' dikjarazzjonijiet foloz jistgħu jkunu soġġetti għal pieni amministrattivi u finanzjarji.
ANNESS III
IL-KRITERJI TAL-GĦAŻLA U TAL-GĦOTJA
1. Il-kriterji tal-għażla
Sabiex jagħtu prova tal-kapaċità teknika tagħhom, l-applikanti għandhom juru li:
— |
għandhom il-ħiliet tekniċi (tal-persunal tekniku) neċessarji ta’ rilevanza diretta għall-preparazzjoni, l-implimentazzjoni, is-segwitu u l-evalwazzjoni tat-tip (skont it-tip) ta’ miżura ta’ informazzjoni proposta, |
— |
jkunu wettqu mill-inqas proġett wieħed ta’ informazzjoni pubblika fis-sentejn li għaddew; |
— |
għandhom mill-inqas sentejn esperjenza fit-trattament tas-suġġett(i) propost(i). |
Sabiex jagħtu prova tal-kapaċità finanzjarja tagħhom, l-applikanti għandhom juru li:
— |
is-sitwazzjoni finanzjarja tagħhom hija b’saħħitha biżżejjed biex iżżomm (ikomplu jwettqu) l-attività tagħhom matul il-perjodu li fih tkun qiegħda titwettaq il-miżura ta' informazzjoni. |
Il-kapaċità teknika u finanzjarja tal-applikanti se tkun iġġudikata abbażi tal-informazzjoni pprovduta fil-fajl tal-applikazzjoni tagħhom. Madankollu, il-Kummissjoni tista’ titlob informazzjoni addizzjonali. L-applikanti huma mfakkra li l-Kummissjoni ma hija se tagħti l-ebda finanzjament minn qabel għal dawk il-miżuri ta’ informazzjoni li jingħataw għotja taħt din is-sejħa għall-proposti. L-applikanti se jkollhom iġorru l-ispiża totali tal-miżuri ta’ informazzjoni huma stess. Is-sussidju (L-għotja) tal-Kummissjoni se jitħallas (se titħallas) biss wara l-approvazzjoni tar-rapport tekniku u finanzjarju finali ta' implimentazzjoni mressaq mill-benefiċjarji wara t-tmiem tal-miżura ta' informazzjoni u, f'dak il-każ (jekk ikun il-każ), (wara) l-esklużjoni tal-infiq li mhux eliġibbli.
Il-benefiċjarju jista’ jitlob pagament interim (ara d-dettalji mogħtija fil-punt 3 tas-sejħa għall-proposti msejjaħ “It-tul ta’ żmien u l-baġit”).
2. Il-kriterji tal-għotja
Kull miżura ta’ informazzjoni se tkun evalwata mill-kumitat adegwat fid-dawl tal-kriterji li ġejjin:
(1) |
(massimu ta’ 30 punt): Ir-rilevanza u l-interess ġenerali tal-miżura huma ġġudikati, b'mod partikulari fir-rigward:
|
(2) |
(massimu ta’ 30 punt): Il-valur miżjud ġenerali tal-proposta huwa ġġudikat, b'mod partikulari fir-rigward:
|
(3) |
(massimu ta’ 25 punt): L-impatt tal-miżura u l-politika ta’ tixrid adottata huma ġġudikati, b'mod partikulari fir-rigward:
|
(4) |
(massimu ta’ 15-il punt) L-evalwazzjoni tal-miżura hija ġġudikata b'mod partikulari fir-rigward:
|
Kwalunkwe miżura titqies tal-ogħla kwalità mill-Kumitat ta’ Evalwazzjoni u tiġi proposta għal għotja jekk din iġġib mill-inqas 60 mill-100 punt allokat għaliha fil-kriterji (allokati għall-kriterji) (1) sa (4) kif deskritt hawn fuq, u jkollha (ġġib) mill-inqas 50 % tal-punti disponibbli għal kull kriterju. Il-Kummissjoni tista' tgħolli (din i)r-rata minima aċċettabbli fid-dawl tar-riżorsi ta' baġit disponibbli. Jekk jogħġbok innota li d-deċiżjoni finali tal-Kummissjoni li tagħti l-għotja tista’ tkun differenti mill-proposta maħruġa mill-Kumitat ta' Evalwazzjoni.
ANNESS IV
IT-TFASSIL TAL-BAĠIT
Il-baġit għandu jirrispetta r-regoli rilevanti kollha previsti fl-Anness II (Il-kriterji tal-eliġibbiltà u tal-esklużjoni). Għandu jiġi ppreżentat bl-użu tal-formoli oriġinali (tabelli tal-infiq u tad-dħul).
It-tabella tal-infiq għandha tkun speċifika u għandha tippermetti fehim ċar ta’ kull nefqa (pereżempju m'għandux ikun hemm “(spejjeż) oħrajn”). Il-kategoriji differenti tal-ispejjeż għandhom ikunu riflessi fid-deskrizzjoni tal-miżura ta’ informazzjoni (Formola Nru 3).
It-tabella tad-dħul għandha tkun speċifika u għandha tippermetti fehim ċar ta’ kull kontribuzzjoni ta’ dħul/dik finanzjarja (ta’ kull dħul/kontribuzzjoni finanzjarja) u għandha tirrispetta r-regola tan-non-profitt (tan-nuqqas ta’ profitt). Il-provi tal-kontribuzzjonijiet minn fornituri oħra ta’ fondi għandhom ikunu annessi (ara d-dokument H tal-Anness I).
Sabiex ikun iffaċilitat it-tfassil tal-baġit, mudell ta’ baġit mimli b'mod korrett jinsab fl-indirizz tal-internet imsemmi fil-punt 4.1.
It-tabella tal-infiq tal-baġit għandha tinkludi biss spejjeż eliġibbli (ara iktar 'il quddiem).
Kwalunkwe nfiq li jsir qabel ikun iffirmat il-ftehim isir b’riskju proprju tal-applikant u ma huwa se joħloq l-ebda rabta, la legali u lanqas finanzjarja, min-naħa tal-Kummissjoni.
1. Spejjeż eliġibbli
L-ispejjeż eliġibbli għall-miżuri ta' informazzjoni huma spejjeż li fil-fatt saru mill-benefiċjarju, li jissodisfaw il-kriterji li ġejjin:
(a) |
huma marbuta mal-konvenzjoni (mas-suġġett tal-ftehim) u huma indikati fil-baġit ġenerali previst fil-miżura (għall-miżura) ta' informazzjoni; |
(b) |
huma meħtieġa għat-twettiq tal-miżura suġġetta għas-sussidju (tal-miżura li hija s-suġġett tal-għotja); |
(c) |
għandhom is-sostenn ta' u huma mħallsa (jiġġarrbu u jitħallsu) mill-benefiċjarju sakemm iddum il-miżura ta' informazzjoni kif speċifikat fl-Artikolu I.2.2 tal-konvenzjoni tas-sussidju (tal-ftehim tal-għotja), jiġifieri, (huma) appoġġati mid-dokumenti ta' sostenn oriġinali (ara t-tabella fil-punt 3 iktar ’il quddiem) u mill-provi rispettivi ta' ħlas; |
(d) |
huma identifikabbli u verifikabbli, b’mod partikulari hekk kif huma rreġistrati fil-kontabbiltà (fir-reġistri tal-kontabbiltà) tal-benefiċjarju u ddeterminati skont in-normi (l-istandards) tal-kontabbiltà applikabbli tal-pajjiż fejn il-benefiċjarju huwa stabbilit kif ukoll skont il-prattiki abitwali tal-benefiċjarju fir-rigward tal-kontabbiltà analitika; |
(e) |
huma raġonevoli, iġġustifikati, u jissodisfaw il-ħtiġijiet (ir-rekwiżiti) ta’ ġestjoni finanzjarja tajba, b’mod partikulari fuq il-pjan (fir-rigward) tal-ekonomija u l-effiċjenza; |
(f) |
huma jissodisfaw id-dispożizzjonijiet tal-leġiżlazzjoni fiskali u tal-leġiżlazzjoni soċjali applikabbli. |
FORNITURI/SOTTOKUNTRATTURI għal servizzi li jaqbżu l-EUR 10 000
Tajjeb li tinnota (wieħed jinnota) li fejn l-applikant għandu l-intenzjoni li juża fornituri/sottokuntratturi u fejn l-ammont tas-servizzi kollha li ser jingħataw mill-istess fornitur/sottokuntrattur jaqbżu l-EUR 10 000, l-applikant jeħtieġ jippreżenta lill-Kummissjoni mill-inqas tliet offerti, mitluba minn tliet kumpaniji differenti u jannessa (jehmeż) l-offerta magħżula filwaqt li juri li l-fornitur/is-sottokuntrattur magħżul jirrappreżenta l-aħjar valur għall-flus u għandhom jiġġustifikaw (għandu jiġġustifika) l-għażla fejn l-offerta magħżula ma tkunx l-irħas waħda.
Dawn id-dokumenti għandhom jiġu ppreżentati malajr kemm jista' jkun lill-Kummissjoni u dan mhux aktar tard mir-rapporti tekniċi u finanzjarji finali.
Jekk dan ma jsirx, il-Kummissjoni (tista’) tikkunsidra li dawn l-ispejjeż mhumiex eliġibbli.
2. Spejjeż li mhumiex eliġibbli
Dawn l-ispejjeż li ġejjin ma għandhomx jitqiesu bħala eliġibbli:
— |
il-kontribuzzjonijiet f’oġġetti (mhux fi flus), |
— |
l-infiq mhux speċifikat jew b'rata fissa, ħlief fil-każ ta' spejjeż tal-persunal, |
— |
l-ispejjeż indiretti (kera, elettriku, ilma, gass, assigurazzjoni, taxxi, eċċ.), |
— |
l-ispejjeż għal materjal għall-uffiċċju (bħal karti, kartolerija, eċċ.), |
— |
l-ispejjeż li ġejjin mix-xiri ta’ tagħmir ġdid jew użat, |
— |
l-ispejjeż ta’ deprezzament tat-tagħmir, |
— |
l-ispejjeż mhux ipprovduti fil-baġit bikri (previst), |
— |
il-VAT, ħlief meta l-benefiċjarju jista' juri li ma jistax jiġborha lura skont il-leġiżlazzjoni nazzjonali applikabbli. Fi kwalunkwe każ, il-VAT imħallsa mill-entitajiet pubbliċi mhix eliġibbli, |
— |
ir-redditu fuq il-kapital, |
— |
id-dejn u l-ħlas fuq servizzi ta’ djun, |
— |
il-proviżjonijiet (il-provvedimenti) għal telf jew djun potenzjali fil-futur, |
— |
l-imgħax dovut, |
— |
id-djun dubjużi, |
— |
it-telf mill-kambju, |
— |
l-ispejjeż iddikjarati mill-benefiċjarju u koperti fil-qafas ta' miżura oħra jew ta' programm ta’ ħidma ieħor li jkun qiegħed jirċievi sussidju (għotja) mill-Unjoni Ewropea; |
— |
l-infiq eċċessiv jew bla kontroll. |
3. Id-dispożizzjonijiet speċifiċi relatati mal-ispejjeż eliġibbli u d-dokumenti ta’ ġustifikazzjoni mitluba
Kategorija ta' nfiq |
Eliġibbli |
Dokumenti ta’ sostenn meħtieġa (NB.: Jekk huma elenkati diversi dokumenti, dawn iridu jiġu pprovduti kollha) |
||||||||||
L-ispejjeż tal-persunal |
|
Ma huma meħtieġa l-ebda dokumenti ta’ sostenn biex tinkiseb is-somma fissa (biex jingħata l-ammont b’rata fissa). Madankollu għal skopijiet ta' analiżi, il-benefiċjari huma mitluba jehmżu dokument li jindika l- ispejjeż reali tal-persunal imġarrbin b'rabta mal-miżura ta’ informazzjoni. |
||||||||||
|
Fattura li tindika għall-inqas it-titolu tal-miżura ta' informazzjoni, in-natura tax-xogħol imwettaq u d-dati ta' meta sar dan ix-xogħol.
|
|||||||||||
L-ispejjeż għat-trasport (1) |
|
|
||||||||||
|
|
|||||||||||
|
|
|||||||||||
|
|
|||||||||||
Akkomodazzjoni |
|
|
||||||||||
|
Lista tal-attendenza (tal-parteċipanti) ffirmata mill-parteċipanti kif mitlub għar-rapport tekniku (ara l-Artikolu I.5.2.2 tal-ftehim tal-għotja).
|
|||||||||||
Ikliet |
Waqt l-implimentazzjoni tal-miżura ta’ informazzjoni biss sal-ammont massimu (VAT eskluża) ta’:
|
Fattura globali (3) (minn kumpaniji (kumpanija) tal-catering, mil-lukanda, miċ-ċentru għall-konferenzi, eċċ.) li tindika talanqas it-titlu tal-miżura ta' informazzjoni, id-data, in-numru ta' persuni, it-tip ta' servizzi mogħtija (waqfiet għall-kafè, ikliet ta' nofsinhar u/jew ikliet ta' filgħaxija), il-prezzijiet unitarji u l-prezz totali. Lista tal-attendenza (tal-parteċipanti) ffirmata mill-parteċipanti kif mitlub għar-rapport tekniku (ara l-Artikolu I.5.2.2 tal-ftehim tal-għotja).
|
||||||||||
Interpretazzjoni |
|
Mhuwa meħtieġ l-ebda dokument ta’ sostenn. |
||||||||||
|
|
|||||||||||
Traduzzjoni |
|
Mhuwa meħtieġ l-ebda dokument ta’ sostenn. |
||||||||||
|
|
|||||||||||
Miżati għal konsulenti u kelliema |
Sa ammont massimu ta’ EUR 600 kuljum (VAT eskluża). Il-miżati tal-esperti jew tal-kelliema mhumiex eliġibbli fejn il-persuni konċernati jkunu ħaddiema taċ-ċivil nazzjonali, tal-Unjoni Ewropea jew internazzjonali jew (meta dawn ikunu) membri jew impjegati tal-organizzazzjoni li tirċievi l-għotja jew ta’ organizzazzjoni assoċjata jew affiljata (magħha). L-ispejjeż tal-akkomodazzjoni u t-trasport: jekk jogħġbok irreferi għal dawn il-kategoriji ta’ nfiq. |
|
||||||||||
Il-kiri ta’ swali għall-konferenzi u apparat |
NB: il-kiri ta’ kabini għall-interpretazzjoni simultanja huwa limitat għal ammont massimu ta’ EUR 750 għal kull ġurnata (eskluża l-VAT). |
Fattura li tindika mill-inqas it-titolu tal-miżura ta’ informazzjoni, in-natura tal-apparat u d-dati ta’ meta nkrew is-swali għall-konferenzi u l-apparat.
|
||||||||||
L-ispejjeż tal-posta |
Is-servizz postali jew ta’ kurjer għall-posta ta’ (biex jintbagħtu) dokumenti relatati mal-miżura ta’ informazzjoni (stediniet, eċċ.). |
Fattura dettaljata li tindika tal-anqas l-isem u n-numru tad-dokumenti mibgħuta jew riċevuta tal-posta bil-ġustifikazzjoni tal-benefiċjarju (flimkien ma’ prova mogħtija mill-benefiċjarju).
|
(1) L-ispejjeż għat-trasport komuni biss se jiġu ffinanzjati (ferrovija, ajruplan, dgħajsa). Madankollu wieħed għandu jinnota li t-tariffi tal-karozzi tal-linja, tal-metro, tat-tramm u tat-taxi mhumiex eliġibbli.
(2) Fejn tintuża klassi oħra li mhix dik ekonomika, l-ispejjeż ikunu eliġibbli biss jekk tiġi ppreżentata dikjarazzjoni mill-kumpanija tat-trasport li tindika l-prezz ta' vjaġġ fit-tieni klassi (fil-klassi ekonomika). F'dan il-każ, in-nefqa eliġibbli se tkun limitata għal dak l-ammont.
(3) Mhumiex se jiġu aċċettati riċevuti individwali tar-ristoranti.
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
19.7.2011 |
MT |
Il-Ġurnal Uffiċjali tal-Unjoni Ewropea |
C 212/36 |
Notifika minn qabel ta' konċentrazzjoni
(Każ COMP/M.6299 – KKR/Sorgenia/Sorgenia France)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2011/C 212/12
1. |
Fil-11 ta’ Lulju 2011, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-fondi għall-investimenti affiljati ma’ KKR & Co. L.P. (“KKR”, l-Istati Uniti) u Sorgenia SpA (“Sorgenia”, l-Italja), li jagħmlu parti mill-grupp ta’ kumpaniji kkontrollati minn Cofide, jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt indirett ta’ Sorgenia France SA (“Sorgenia France”, Franza), li attwalment hija kkontrollata biss minn Sorgenia, permezz tax-xiri ta’ ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6299 – KKR/Sorgenia/Sorgenia France, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
19.7.2011 |
MT |
Il-Ġurnal Uffiċjali tal-Unjoni Ewropea |
C 212/37 |
Notifika minn qabel ta' konċentrazzjoni
(Każ COMP/M.6238 – RREEF/SMAG/OHL – Arenales)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2011/C 212/13
1. |
Fit-8 ta’ Lulju 2011 il-Kummissjoni rċeviet notifika ta' proposta ta’ konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża RREEF Pan-European Infrastructure Fund II, LP (“RREEF”), li fl-aħħar mill-aħħar hija kkontrollata minn Deutsche Bank AG (“Deutsche Bank”, il-Ġermanja), takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta’ Arenales Solar PS, S.L. (“Azucarera”, Spanja), permezz tax-xiri ta' ishma. Arenales bħalissa hija kkontrollata b’mod konġunt minn Solar Millenium AG (“SMAG”, il-Ġermanja) u OHL Industrial, S.L., parti mill-grupp Villar Mir (“OHL/Villar”, Spanja). |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6238 – RREEF/SMAG/OHL – Arenales, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).