1.12.2010   

MT

Il-Ġurnal Uffiċjali tal-Unjoni Ewropea

C 324/1

—

ir-Rakkomandazzjoni tal-Parlament Ewropew u tal-Kunsill tas-16 ta' Novembru 2005 dwar il-patrimonju ċinematografiku u l-kompetittività ta' attivitajiet industrijali relatati (1) (Rakkomandazzjoni dwar il-patrimonju ċinematografiku) tissottolinja l-fatt li x-xogħlijiet ċinematografiċi huma manifestazzjoni essenzjali tar-rikezza u d-diversità tal-kulturi Ewropej, u li huma jikkostitwixxu patrimonju kulturali li għandu jiġi ssalvagwardjat għall-ġenerazzjonijiet futuri;

—

fil-kuntest politiku ta' dan is-suġġett kif imniżżel fl-Anness għal dawn il-konklużjonijiet;

—

tal-komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni “Aġenda Diġitali għall-Ewropa” (2), u JIRRIKONOXXI b'enfasi partikolari l-fatt li tixrid akbar u użu aktar effettiv tat-teknoloġiji diġitali jipprovdu kwalità ta' ħajja aħjar lill-Ewropej permezz ta' possibbiltajiet ġodda ta' komunikazzjoni u aċċess aktar faċli għal kontenut kulturali;

—

l-istituzzjonijiet patrimonjali ċinematografiċi qed jiffaċċjaw kemm l-isfidi dejjem preżenti tal-era analoġika kif ukoll l-isfidi ġodda tal-era diġitali;

—

l-evoluzzjoni kontinwa tat-teknoloġiji u tal-mezzi ta' distribuzzjoni u ta' utilizzazzjoni tal-kontenut kulturali jista' jkollha impatt fuq il-kunċetti tradizzjonali tal-film, taċ-ċinema u tal-patrimonju;

—

l-ambjent diġitali jippermetti li l-patrimonju ċinematografiku jkun aktar aċċessibbli għal min joħloq, għall-professjonisti taċ-ċinema, għar-riċerkaturi, għall-iskejjel, u għaċ-ċittadini in ġenerali, u dan irrispettivament mill-fruntieri. Għalhekk, dan jippermetti l-iżvilupp tal-kreattività, iż-żieda ta' skambji kulturali u t-twessigħ tal-aċċess għad-diversità tal-kulturi u tal-lingwi tal-Unjoni Ewropea;

—

l-era diġitali tqajjem ukoll kwistjonijiet ġodda fir-rigward tal-ġbir, il-wiri u l-preservazzjoni fit-tul ta' kopji diġitali ta' materjal analoġiku kif ukoll ta' materjal ta' oriġini diġitali;

—

id-diġitalizzazzjoni tal-materjal analoġiku hija operazzjoni kumplessa, għalja u li tieħu l-ħin, u li għalhekk jeħtieġ li jiġu stabbiliti prijoritajiet, b'kont meħud partikolarment tal-valur tal-materjal u r-riskju ta' deterjorazzjoni;

—

il-qafas legali dwar id-drittijiet ta' proprjetà intellettwal u l-implimentazzjoni tiegħu fil-qafas kuntrattwali għandu jiżgura ċertezza legali suffiċjenti biex l-istituzzjonijiet patrimonjali ċinematografiċi jkunu jistgħu jwettqu l-missjonijiet tagħhom ta' interess pubbliku, partikolarment il-preservazzjoni u r-restawr tax-xogħlijiet iddepożitati, kif ukoll, jekk ikun il-każ, l-għoti ta' aċċess għal dawn ix-xogħlijiet għal finijiet kulturali u edukattivi;

—

hemm il-ħtieġa li tiġi rrinforzata s-sensibilizzazzjoni fost dawk li jfasslu l-politika, il-partijiet interessati u ċ-ċittadini inġenerali dwar il-ħtiġijiet kruċjali fir-rigward tal-ġbir, ir-restawr u l-preservazzjoni tal-patrimonju ċinematografiku, inkluż il-materjal diġitali;

—

jinħtieġ li jitjiebu l-edukazzjoni tal-mezzi ta' komunikazzjoni u t-taħriġ professjonali, f'rabta mal-iżvilupp fl-użu ta' teknoloġiji ġodda fl-istituzzjonijiet patrimonjali ċinematografiċi;

—

irrispettivament mill-proċess ta' diġitalizzazzjoni tal-patrimonju ċinematografiku, il-preservazzjoni tal-mezzi oriġinali tibqa' fundamentali. F'dan il-kuntest, il-Kunsill jirrikonoxxi wkoll l-importanza ta' laboratorji li kapaċi jwettqu sewwa r-restawr u d-duplikazzjoni tal-materjal analoġiku.

—

il-materjal relatat mal-films huwa komponent prezzjuż tal-patrimonju ċinematografiku;

—

l-impenn tiegħu li jappoġġa b'mod attiv l-istituzzjonijiet patrimonjali ċinematografiċi fil-kompiti kollha tagħhom, b'mod partikolari fil-kuntest tal-evoluzzjoni lejn l-ambjent diġitali;

—

ir-rwol kumplimentari li jista' jkollhom is-sħubiji pubbliċi-privati fit-twettiq tal-kompiti ta' dawn l-istituzzjonijiet, b'mod partikolari permezz tal-promozzjoni, għal finijiet kulturali u edukattivi, ta' aċċess pubbliku wiesgħa għax-xogħlijiet iddepożitati, filwaqt li jiġu rispettati d-drittijiet tal-proprjetà intellettwali;

—

l-ewwel (3) u t-tieni (4) rapport tal-Kummissjoni dwar l-implimentazzjoni tar-Rakkomandazzjoni dwar il-patrimonju ċinematografiku;

—

il-ftehim qafas konkluż bejn il-Federazzjoni Internazzjonali tal-Assoċjazzjonijiet tal-Produtturi tal-Films (FIAPF) u l-Assoċjazzjoni taċ-Ċinemateki Ewropej (ACE) dwar id-depożitu volontarju tal-films fl-arkivji għall-preservazzjoni (5);

—

l-intenzjoni tal-Kummissjoni li sal-2010 tipproponi direttiva dwar ix-xogħlijiet orfni, kif imħabbar fil-komunikazzjoni tagħha “Aġenda Diġitali għall-Ewropa”;

—

jadattaw l-istrumenti eżistenti li jistabbilixxu depożitu obbligatorju, legali jew kuntrattwali, tax-xogħlijiet ċinematografiċi li jifformaw parti mill-patrimonju awdjoviżiv tagħhom filwaqt li jittieħed kont tat-transizzjoni lejn il-produzzjoni u d-distribuzzjoni diġitali u jiżguraw applikazzjoni adatta ta' dawn l-istrumenti;

—

jippromwovu d-depożitu volontarju ta' films u l-użu tal-ftehim qafas konkluż bejn il-Federazzjoni Internazzjonali tal-Assoċjazzjonijiet tal-Produtturi tal-Films (FIAPF) u l-Assoċjazzjoni taċ-Ċinemateki Ewropej (ACE) dwar id-depożitu volontarju tal-films fl-arkivji għall-preservazzjoni;

—

jieħdu f'konsiderazzjoni l-patrimonju ċinematografiku meta jiddefinixxu l-politiki kulturali tagħhom;

—

jiżguraw li jittieħed kont tal-preservazzjoni tal-patrimonju ċinematografiku fil-politika ċinematografika nazzjonali jew reġjonali tagħhom, b'mod partikolari biex:

—

jiffaċilitaw, fir-rispett tad-drittijiet tal-proprjetà intellettwali, iċ-ċirkolazzjoni u l-promozzjoni tal-patrimonju ċinematografiku permezz ta', fost oħrajn:

—

jintensifikaw l-isforzi għad-diġitilizzazzjoni tal-patrimonju ċinematografiku u jżidu l-aċċessibbiltà tiegħu b'mod partikolari permezz ta' Europeana, f'konformità mal-prinċipji tal-Istrateġija Diġitali għall-Ewropa;

—

jistinkaw biex jiżviluppaw l-edukazzjoni u t-taħriġ professjonali fil-qasam tal-arkivji ċinematografiċi, pereżempju bl-inklużjoni ta' korsijiet speċifiċi fis-sistemi tal-edukazzjoni u t-taħriġ, u b'żieda fl-iskambju temporanju ta' professjonisti bejn l-istituzzjonijiet patrimonjali ċinematografiċi għall-finijiet ta' taħriġ professjonali kontinwu;

—

jistabbilixxu politika ta' preservazzjoni fit-tul tal-kopji diġitali tal-materjal analoġiku kif ukoll tal-materjal ta' oriġini diġitali, f'konformità mar-Rakkomandazzjoni tal-Kummissjoni tal-24 ta' Awwissu 2006 dwar id-diġitalizzazzjoni u l-aċċessibbiltà online tal-materjal kulturali u l-konservazzjoni diġitali (7), u mal-Konklużjonijiet relatati tal-Kunsill tat-13 ta' Novembru 2006 (8);

—

ikomplu l-kooperazzjoni u l-iskambju ta' prassi tajba f'dan il-qasam;

—

tkompli teżamina kif tiggarantixxi ċertezza legali suffiċjenti f'dak li jikkonċerna d-drittijiet tal-proprjetà intellettwali għall-istituzzjonijiet inkarigati mill-preservazzjoni tal-patrimonju ċinematografiku, sabiex jiġi ffaċilitat it-twettiq tal-missjonijiet tagħhom ta' interess pubbliku;

—

tkompli bl-iskambju ta' esperjenzi u ta' prassi tajba fil-grupp ta' esperti taċ-ċinema stabbilit mill-Kummissjoni (9), u tirrapporta lill-Kunsill dwar il-progress li jkun inkiseb;

—

tkompli tappoġġa r-riċerka fl-oqsma tal-preservazzjoni fit-tul tal-materjal diġitali u l-aċċessibbiltà tiegħu f'kuntest multilingwi, partikolarment rigward is-sostenibbiltà tal-mezzi diġitali u l-format tad-data;

—

teżamina, fil-kuntest tal-ħidma li għaddejja dwar ix-xogħlijiet orfni, il-kwistjonijiet li jqumu fis-settur awdjoviżiv;

—

jippromwovu l-applikazzjoni tal-istandards Ewropej dwar l-interoperabbiltà tal-bażijiet tad-data ċinematografiċi (10) u, jekk meħtieġ, jistabbilixxu standards komuni rigward id-depożitu ta' fajls diġitali lill-istituzzjonijiet patrimonjali ċinematografiċi;

—

jistudjaw fid-dettall l-isfidi u l-opportunitajiet li jirriżultaw mill-era diġitali għall-istituzzjonijiet inkarigati mill-preservazzjoni tal-patrimonju ċinematografiku;

—

jappoġġaw l-azzjonijiet imwettqin minn dawn l-istituzzjonijiet biex iwieġbu għal dawn l-isfidi u opportunitajiet, b'mod partikolari billi jagħmlu l-kollezzjonijiet tagħhom aktar aċċessibbli bl-għajnuna ta' teknoloġiji ġodda.

1.12.2010   

MT

Il-Ġurnal Uffiċjali tal-Unjoni Ewropea

C 324/5

1.

Fit-12 ta' Novembru 2002, il-Kunsill approva Riżoluzzjoni dwar il-promozzjoni ta' kooperazzjoni Ewropea msaħħa fl-edukazzjoni u t-taħriġ vokazzjonali (1), li sussegwentement serviet bħala l-bażi għad-dikjarazzjoni adottata mill-Ministri responsabbli għall-edukazzjoni u t-taħriġ vokazzjonali (ETV) tal-Istati Membri tal-UE, il-pajjiżi tal-EFTA/ŻEE u l-pajjiżi kandidati għall-adeżjoni, kif ukoll il-Kummissjoni u l-Imsieħba Soċjali Ewropej fil-laqgħa tagħhom f'Kopenħagen fid-29 u t-30 ta' Novembru 2002, bħala l-istrateġija għat-titjib tal-prestazzjoni, il-kwalità u l-attraenza tal-ETV, imsemmija ta' spiss bħala “l-proċess ta' Kopenħagen”.

2.

Ir-Rakkomandazzjoni tal-Parlament Ewropew u tal-Kunsill tat-18 ta' Diċembru 2006 dwar il-kompetenzi ewlenin għat-tagħlim tul il-ħajja (2) tirrakkomanda lill-Istati Membri biex jiżviluppaw il-provvediment ta' kompetenzi ewlenin għal kulħadd bħala parti tal-istrateġiji tagħhom għat-tagħlim tul il-ħajja, sabiex joffru liż-żgħażagħ kollha l-mezzi biex jiżviluppaw dawn il-kompetenzi f'livell li jikkostitwixxi bażi suffiċjenti għal aktar tagħlim u għall-ħajja tax-xogħol.

3.

Ir-Riżoluzzjoni tal-Kunsill tal-15 ta' Novembru 2007 dwar ħiliet ġodda għal impjiegi ġodda (3) enfasizzat l-urġenza tal-antiċipazzjoni ta' ħiliet futuri meħtieġa għat-tħejjija ta' ħaddiema għal impjiegi ġodda fis-soċjetà tal-għarfien, billi jiġu implimentati miżuri bl-għan li jqabblu l-għarfien, il-ħiliet u l-kompetenzi mal-ħtiġiet tal-ekonomija u jiġu evitati nuqqasijiet possibbli ta' ħiliet.

4.

Il-konklużjonijiet tal-Kunsill tat-22 ta' Mejju 2008 dwar it-tagħlim għall-adulti rrikonoxxew ir-rwol prinċipali li t-tagħlim għall-adulti jista' jkollu biex jintlaħqu l-għanijiet tal-Istrateġija ta' Lisbona, billi titrawwem il-koeżjoni soċjali, jingħataw liċ-ċittadini l-ħiliet meħtieġa biex isibu xogħlijiet ġodda u tingħata għajnuna lill-Ewropa biex tirrispondi aħjar għall-isfidi tal-globalizzazzjoni, u stiednu lill-Istati Membri biex jindirizzaw serje ta' miżuri speċifiċi rigward it-tagħlim għall-adulti (4).

5.

Il-konklużjonijiet tal-Kunsill tal-21 ta' Novembru 2008 dwar il-mobbiltà taż-żgħażagħ (5) stiednu lill-Istati Membri biex jagħtu liż-żgħażagħ kollha fl-edukazzjoni u t-taħriġ vokazzjonali l-opportunità li jipparteċipaw fi skema tal-mobbiltà u jżidu l-opportunitajiet għall-mobbiltà fil-kuntest tal-ETV.

6.

Ir-Riżoluzzjoni tal-Kunsill u tar-Rappreżentanti tal-Gvernijiet tal-Istati Membri, imlaqqgħin fil-Kunsill tal-21 ta' Novembru 2008, dwar kif l-iggwidar tul il-ħajja jista' jiġi integrat aħjar fl-istrateġiji ta' tagħlim tul il-ħajja (6), enfasizzat il-ħtieġa li l-individwi jingħataw għajnuna biex jidentifikaw il-ħiliet eżistenti tagħhom u biex jiddefinixxu l-għanijiet ta' tagħlim meħtieġa biex itejbu l-prospetti ta' karriera tagħhom.

7.

Il-konklużjonijiet tal-Kunsill u r-Rappreżentanti tal-Gvernijiet tal-Istati Membri, imlaqqgħin fil-Kunsill, tat-12 ta' Mejju 2009 (7) dwar it-titjib ta' sħubiji bejn l-istituzzjonijiet tal-edukazzjoni u t-taħriġ u l-imsieħba soċjali, b'mod partikolari min iħaddem, fil-kuntest tat-tagħlim tul il-ħajja ħeġġew lill-Istati Membri jippromwovu b'mod attiv sħubiji bħal dawn.

8.

Il-konklużjonijiet tal-Kunsill tat-12 ta' Mejju 2009 dwar qafas strateġiku għall-kooperazzjoni Ewropea fl-edukazzjoni u t-taħriġ (“ET 2020”) (8) stabbilixxew din il-kooperazzjoni għall-perijodu sal-2020 fil-kuntest ta' qafas li jkopri sistemi ta' edukazzjoni u taħriġ b'mod ġenerali fil-perspettiva tat-tagħlim tul il-ħajja.

9.

Fil-konklużjonijiet tiegħu tal-25 u s-26 ta' Marzu 2010 u tas-17 ta' Ġunju 2010 (9), il-Kunsill Ewropew stabbilixxa żewġ miri ewlenin għall-edukazzjoni u t-taħriġ fil-kuntest tal-istrateġija Ewropa 2020. Huwa stieden lill-Kummissjoni tippreżenta l-azzjonijiet meħtieġa fil-livell tal-UE biex tiġi implimentata dik l-istrateġija, b'mod partikolari permezz ta' numru ta' inizjattivi prominenti.

10.

Il-konklużjonijiet tal-Kunsill tal-11 ta' Mejju 2010 dwar kompetenzi li jappoġġaw it-tagħlim tul il-ħajja u l-inizjattiva “ħiliet ġodda għal impjiegi ġodda” (10), ħeġġet lill-Istati Membri biex jagħmlu aktar biex jappoġġaw l-akkwist, l-aġġornar u l-iżvilupp ulterjuri tal-firxa sħiħa ta' kompetenzi fil-qasam tal-edukazzjoni u t-taħriġ vokazzjonali, kif ukoll jappoġġaw l-iżvilupp professjonali inizjali u kontinwu tal-għalliema u dawk li jħarrġu fl-ETV, inkluż għall-iskop li jiġu mgħammra biex jieħdu rwoli ġodda impliċiti f'approċċ ibbażat fuq il-kompetenzi.

11.

Il-konklużjonijiet tal-Kunsill tal-10 u l-11 ta' Mejju 2010 dwar id-dimensjoni soċjali tal-edukazzjoni u t-taħriġ (11) stiednu lill-Istati Membri biex isaħħu l-kisba ta' kompetenzi ewlenin permezz tal-perkorsi u l-programmi vokazzjonali, u biex jindirizzaw aħjar il-ħtiġijiet tal-istudenti żvantaġġati.

1.

Kemm l-ETV inizjali (ETV-I) kif ukoll l-ETV kontinwu (ETV-K) għandhom l-istess objettiv doppju li jikkontribwixxu għall-impjegabbiltà u t-tkabbir ekonomiku, u li jirrispondu għall-isfidi aktar wiesgħa tas-soċjetà, b'mod partikolari l-promozzjoni tal-koeżjoni soċjali. Huma għandhom joffru liż-żgħażagħ, kif ukoll lill-adulti, opportunitajiet attraenti u ambizzjużi għall-karriera u għandhom jappellaw b'mod ugwali kemm għan-nisa kif ukoll għall-irġiel, għall-persuni b'potenzjal għoli u għal dawk li, għal xi raġuni, jiffaċċjaw ir-riskju ta' esklużjoni mis-suq tax-xogħol.

2.

Is-suq tax-xogħol Ewropew futur ser ikollu jiffaċċja fl-istess ħin popolazzjoni li qed tixjieħ u kwantitajiet jiċkienu ta' żgħażagħ li jidħlu fis-sistemi tal-edukazzjoni u t-taħriġ u fis-swieq tax-xogħol. Fl-istess ħin, ser ikollu jilqa' l-isfidi ta' żvilupp teknoloġiku kontinwu u ħtiġiet ekonomiċi li jinbidlu. B'riżultat ta' dan, l-adulti – u b'mod partikolari l-ħaddiema ta' età avvanzata, ser jiġu dejjem iżjed mitluba jaġġornaw u jwessgħu l-ħiliet u l-kompetenzi tagħhom permezz ta' ETV kontinwu.

3.

It-tnaqqis attwali fir-ritmu ekonomiku jista' jkollu effett serju fuq l-investiment fl-ETV. Minħabba limitazzjonijiet baġitarji, huma meħtieġa soluzzjonijiet innovattivi biex jiksbu finanzjament sostenibbli għall-ETV u biex jiżguraw li r-riżorsi jiġu allokati b'mod effiċjenti u jitqassmu b'mod ġust.

4.

L-iżbilanċi bejn id-domanda u l-offerta ta' ħiliet jistgħu jostakolaw il-produttività, it-tkabbir u l-kompetittività. Huwa meħtieġ li jiġu antiċipati l-ħtiġiet meħtieġa u n-nuqqasijiet fil-livelli kollha tal-kwalifiki, u li r-riżultati jiġu trasferiti fil-politika u l-prattika, bil-ħsieb tat-titjib tat-komplimentarjetà bejn il-provvediment ta' ETV u l-ħtiġiet tal-ekonomija, taċ-ċittadini u tas-soċjetà inġenerali.

5.

It-tfassil tal-ETV huwa r-responsabbiltà kondiviża tal-gvernijiet nazzjonali, l-imsieħba soċjali, min iħaddem u partijiet interessati rilevanti oħra, bħall-organizzazzjonijiet settorjali, dawk li jipprovdu l-ETV, l-għalliema, dawk li jħarrġu, u l-istudenti: kollha għandhom interess reċiproku fil-kooperazzjoni aktar mill-qrib.

6.

Il-linji politiċi Ewropej u nazzjonali għandhom jenfasizzaw li fis-soċjetà tal-għarfien il-ħiliet u l-kompetenzi vokazzjonali huma importanti daqs il-ħiliet u l-kompetenzi akkademiċi.

7.

Minħabba r-rwol tagħhom fis-soċjetajiet u l-ekonomiji Ewropej, huwa kruċjali li tiġi sostnuta u żviluppata aktar l-eċċellenza fl-ETV. L-ETV tal-aqwa livell huma ta' importanza assoluta biex tinżamm il-pożizzjoni tal-Ewropa bħala l-esportatur l-aktar b'saħħtu tal-prodotti industrijali fid-dinja. Settur tal-ETV bi prestazzjoni għolja huwa importanti ħafna wkoll biex jinżamm il-mudell Ewropew għall-assistenza soċjali.

I.

Viżjoni globali għall-ETV fl-2020;

II.

Objettivi strateġiċi għall-perijodu 2011-2020, flimkien ma' numru ta' objettivi trasversali ta' sostenn;

III.

Prinċipji li fuqhom huma bbażati l-governanza u l-appartenenza tal-Proċess ta' Kopenħagen;

IV.

Riżultati fuq perijodu qasir għall-ewwel erba' snin (2011-2014),

—

ETV (kemm l-ETV-I kif ukoll l-ETV-K) attraenti u inklużivi, b'għalliema u dawk li jħarrġu kwalifikati ħafna, b'metodi innovattivi ta' tagħlim, infrastruttura u faċilitajiet ta' kwalità għolja, b'rilevanza għolja fis-suq tax-xogħol, u b'perkorsi li jwasslu għal aktar edukazzjoni u taħriġ;

—

Kwalità għolja tal-ETV inizjali (ETV-I) li l-istudenti, il-ġenituri u s-soċjetà inġenerali jistgħu jikkunsidraw bħala għażla attraenti, tal-istess valur bħall-edukazzjoni ġenerali. L-ETV-I għandha tgħammar l-istudenti b'kompetenzi ewlenin u b'ħiliet vokazzjonali speċifiċi;

—

L-ETV kontinwu (ETV-K) faċilment aċċessibbli u orjentat lejn il-karriera għall-impjegati, min iħaddem, l-intraprendituri indipendenti u persuni qiegħda, li jiffaċilitaw kemm l-iżvilupp ta' kompetenzi kif ukoll il-bidliet fil-karriera;

—

Sistemi flessibbli tal-ETV, ibbażati fuq riżultati tat-tagħlim, li jappoġġaw perkorsi flessibbli ta' tagħlim, li jippermettu permeabbiltà bejn is-sottosistemi differenti tal-edukazzjoni u t-taħriġ (edukazzjoni skolastika, ETV, edukazzjoni għolja, edukazzjoni għall-adulti) u li jinkludu l-validazzjoni ta' tagħlim informali u dak mhux formali, inklużi l-kompetenzi miksuba permezz tal-esperjenza tax-xogħol;

—

Żona Ewropea ta' edukazzjoni u taħriġ, b'sistemi trasparenti ta' kwalifiki li jippermettu t-trasferiment u l-akkumulazzjoni ta' riżultati tat-tagħlim, kif ukoll ir-rikonoxximent ta' kwalifiki u kompetenzi, u li jżidu l-mobbiltà transnazzjonali;

—

Opportunitajiet miżjuda b'mod sostanzjali għall-mobbiltà transnazzjonali tal-istudenti tal-ETV u tal-professjonisti fl-ETV;

—

L-informazzjoni tul il-ħajja, il-gwida u s-servizzi ta' pariri faċilment aċċessibbli u ta' kwalità għolja, li jiffurmaw netwerk koerenti u li jippermettu liċ-ċittadini Ewropej jieħdu deċiżjonijiet tajba u jamministraw it-tagħlim u l-karrieri professjonali tagħhom lil hinn mill-profili tal-ġeneru tradizzjonali.

(a)

Togħla l-kwalità tal-ETV-I (ara wkoll 1.2 hawn taħt), billi titjieb il-kwalità u l-kompetenza tal-għalliema, dawk li jħarrġu, u l-mexxejja tal-iskejjel, jiġu introdotti perkorsi flessibli bejn il-livelli kollha tal-edukazzjoni u tiżdied is-sensibilizzazzjoni tal-pubbliku dwar il-possibbiltajiet li joffru l-ETV. Dan huwa ta' importanza partikolari fi Stati Membri fejn l-ETV għandhom tendenza jkunu sottovalutati:

(b)

Jiġu inkoraġġiti attivitajiet prattiċi u l-provvediment ta' gwida u informazzjoni ta' kwalità għolja li jippermettu lill-istudenti tfal fl-edukazzjoni obbligatorja, u l-ġenituri tagħhom, isiru familjari ma' snajja' vokazzjonali u possibbiltajiet ta' karrieri differenti;

(c)

Ikun żgurat li l-kompetenzi ewlenin huma integrati fil-kurrikula tal-ETV-I u jiġu żviluppati mezzi ta' valutazzjoni adatti;

(d)

Jiġu organizzati attivitajiet ta' taħriġ u tagħlim li jrawmu l-iżvilupp ta' ħiliet ta' ġestjoni tal-karriera fl-ETV-I;

(e)

L-istudenti fl-ETV-I jingħataw aċċess għal tagħmir tekniku, materjal edukattiv u infrastrutturi aġġornati u adatti. Fornituri tal-ETV għandhom jikkunsidraw il-qsim tal-ispejjeż u t-tagħmir bejniethom u f'kooperazzjoni man-negozji. It-tagħlim ibbażat fuq ix-xogħol fl-intrapriżi li jkollhom l-infrastruttura rilevanti għandu wkoll ikun promoss;

(f)

Tiġi monitorata t-transizzjoni ta' gradwati fl-ETV għas-suq tax-xogħol jew għal aktar edukazzjoni u taħriġ, bl-użu ta' sistemi ta' monitoraġġ nazzjonali.

(a)

Kwalità għolja tal-forniment tal-ETV hija prerekwiżit biex ikunu attraenti. Sabiex tiġi garantita kwalità aħjar, aktar trasparenza, fiduċja reċiproka, il-mobbiltà tal-ħaddiema u l-istudenti, u t-tagħlim tul il-ħajja, l-Istati Membri għandhom jistabbilixxu oqfsa ta' assigurazzjoni tal-kwalità skont ir-Rakkomandazzjoni dwar l-EQAVET;

(b)

L-Istati Membri għandhom – sa tmiem l-2015 – jistabbilixxu fil-livell nazzjonali qafas komuni ta' assigurazzjoni tal-kwalità għall-fornituri tal-ETV, li japplika wkoll għat-tagħlim assoċjat fil-post tax-xogħol u li huwa kompatibbli mal-qafas tal-EQAVET.

(a)

L-Istati Membri għandhom itejbu t-taħriġ inizjali u dak kontinwu għall-għalliema, għal dawk li jħarrġu, il-mentors u l-kunsilliera billi joffru investiment u taħriġ flessibbli. Il-popolazzjoni li qed tixjieħ tal-għalliema u dawk li jħarrġu fl-Ewropa, is-swieq tax-xogħol u l-ambjenti tax-xogħol li qed jinbidlu, flimkien mal-ħtieġa li jiġu attirati dawk li l-aktar huma adatti biex jgħallmu, jagħmlu dan l-objettiv saħansitra aktar kritiku. Għandhom ikunu mħeġġa apprendistati għall-għalliema u għal dawk li jħarrġu fl-intrapriżi;

(b)

L-Istati Membri għandhom jaħdmu flimkien biex jidentifikaw l-aħjar prassi u prinċipji gwida fir-rigward ta' kompetenzi li jinbidlu u l-profili tal-għalliema u dawk li jħarrġu fl-ETV. Dan jista' jsir bl-appoġġ tal-Kummissjoni Ewropea u tas-Cedefop, b'kollaborazzjoni man-netwerk tiegħu tal-għalliema u dawk li jħarrġu fl-ETV.

(a)

L-awtoritajiet fl-Istati Membri - f'livell nazzjonali, reġjonali, jew lokali - għandhom joħolqu opportunitajiet għal kooperazzjoni msaħħa bejn l-iskejjel u l-intrapriżi sabiex jittejjeb l-għarfien tal-għalliema dwar il-prattiki tax-xogħol minn naħa waħda u l-kompetenzi u l-ħiliet pedagoġiċi ġenerali ta' dawk li jħarrġu min-naħa l-oħra;

(b)

L-Istati Membri għandhom jippromwovu sħubiji bejn l-imsieħba soċjali, l-intrapriżi, il-fornituri tal-edukazzjoni u t-taħriġ, is-servizzi tal-impjiegi, l-awtoritajiet pubbliċi, l-organizzazzjonijiet tar-riċerka u l-partijiet interessati rilevanti oħra, sabiex jiġi żgurat trasferiment aħjar ta' informazzjoni dwar il-ħtiġijiet tas-suq tax-xogħol u tiġi pprovduta komplimentarjata aħjar bejn dawk il-ħtiġijiet u l-iżvilupp tal-għarfien, il-ħiliet u l-kompetenzi. Min iħaddem u l-imsieħba soċjali għandhom ifittxu li jiddefinixxu b'mod ċar liema huma l-kompetenzi u l-kwalifiki li jeħtieġu kemm fil-perijodu qasir kif ukoll fit-tul, u fi ħdan is-setturi kif ukoll f'livell trans-settorjali. L-iżvilupp ta' lingwaġġ komuni (18) mmirat biex iġib flimkien min-naħa waħda d-dinja tal-edukazzjoni u t-taħriġ, u min-naħa l-oħra d-dinja tax-xogħol, għandu jitkompla u għandu jkun konsistenti ma' strumenti oħra tal-UE, bħall-QEK (Qafas Ewropew tal-Kwalifiki);

(c)

Il-kurrikuli tal-ETV għandhom ikunu orjentati fuq ir-riżultati u jwieġbu aħjar għall-ħtiġijiet tas-suq tax-xogħol. Il-mudelli ta' kooperazzjoni ma' kumpanniji jew organizzazzjonijiet dipartimentali professjonali għandhom jindirizzaw din il-kwistjoni u jipprovdu lill-istituzzjonijiet tal-ETV b'rispons kemm dwar l-impjegabbiltà kif ukoll dwar ir-rati tal-impjiegi tal-gradwati tal-ETV;

(d)

Biex titjieb il-kwalità u r-rilevanza tal-ETV, l-Istati Membri, u partikolarment il-fornituri tal-ETV, għandhom jagħmlu użu tar-rispons mis-servizzi ta' gwida dwar it-transizzjoni tal-gradwati tal-ETV għax-xogħol jew għal aktar tagħlim;

(e)

It-tagħlim ibbażat fuq ix-xogħol imwettaq fi sħubija ma' negozji u organizzazzjonijiet bla skop ta' qligħ għandu jkun karatteristika tal-korsijiet kollha inizjali tal-ETV;

(f)

L-Istati Membri għandhom jappoġġaw l-iżvilupp ta' taħriġ tat-tip ta' apprendistati u jqajmu għarfien dwar dan.

(a)

Jinkoraġġixxu b'mod attiv lill-individwi sabiex jipparteċipaw, u lill-fornituri tal-ETV biex iżidu l-involviment tagħhom fl-ETV-K, b'konċentrazzjoni partikolari fuq persuni li jiffaċċjaw it-transizzjonijiet fis-suq tax-xogħol (bħal ħaddiema f'riskju u dawk li huma qiegħda) u fuq gruppi żvantaġġati;

(b)

Jistabbilixxu qafas adatt immirat biex jinkoraġġixxi lill-kumpanniji biex ikomplu jinvestu fl-iżvilupp tar-riżorsi umani u tal-ETV-K;

(c)

Jinkoraġġixxu arranġamenti flessibbli ta' taħriġ (tagħlim elettroniku, korsijiet ta' filgħaxija, taħriġ matul il-ħin tax-xogħol, eċċ) sabiex jippromwovu l-aċċess għat-taħriġ f'sitwazzjonijiet differenti tal-ħajja u jadattaw għal ħtiġijiet differenti. It-taħriġ kontinwu għandu jinkludi t-tipi kollha ta' tagħlim, inkluż ukoll it-taħriġ fil-kumpanniji stess u t-tagħlim ibbażat fuq ix-xogħol, u għandu jkun ugwalment aċċessibbli kemm għan-nisa kif ukoll għall-irġiel;

(d)

Jinkoraġġixxu lill-istituzzjonijiet tat-taħriġ u lil dawk li jħaddmu biex jikkollaboraw, b'mod partikolari fit-taħriġ tan-numru elevat ta' ħaddiema b'nuqqas ta' ħiliet li għandhom mhux aktar minn edukazzjoni sekondarja fil-livell baxx u li jibbenefikaw minn approċċi fejn il-ħiliet bażiċi huma inklużi fl-ETV;

(e)

Jibdew jiżviluppaw, sa mhux aktar tard mill-2015, proċeduri nazzjonali għar-rikonoxximent u l-validazzjoni ta' tagħlim mhux formali u informali, appoġġati kif adattat minn oqfsa nazzjonali tal-kwalifiki. Dawn il-proċeduri għandhom jiffukaw fuq l-għarfien, il-ħiliet u l-kompetenzi, irrispettivament mill-kuntest li fih ikunu nkisbu, pereżempju tagħlim wiesa' għall-adulti, ETV, esperjenza tax-xogħol u attivitajiet voluntarji. Għandhom jitqiesu aktar ukoll l-għarfien, il-ħiliet u l-kompetenzi li ma jwasslux neċessarjament għal kwalifiki formali sħaħ. Kooperazzjoni mill-qrib ma' oqsma oħra ta' politika, bħaż-żgħażagħ, l-isport, il-kultura, l-affarijiet soċjali, l-impjiegi, hija importanti f'dan ir-rigward;

(f)

Jieħdu miżuri speċifiċi biex tittejjeb il-rata ta' parteċipazzjoni fl-ETV-K ta' persuni li jiffaċċjaw transizzjonijiet fis-suq tax-xogħol u ta' gruppi b'parteċipazzjoni baxxa fit-taħriġ, bħan-nisa, il-ħaddiema b'ħiliet limitati u l-ħaddiema aktar avvanzati fl-età. B'mod partikolari, l-Istati Membri għandhom ifittxu permezz tal-investiment li jġibu n-numru ta' persuni b'ħiliet limitati ta' età bejn il-25 u l-64 sena li jipparteċipaw fit-tagħlim tul il-ħajja aktar konformi mar-rati ta' parteċipazzjoni medji ta' dak il-grupp ta' età.

(a)

Jiffaċilitaw it-transizzjonijiet mill-edukazzjoni u t-taħriġ għax-xogħol, u minn impjieg għal ieħor, billi jipprovdu servizzi integrati ta' gwida (servizzi ta' impjiegi u servizzi ta' pariri), kif ukoll ħiliet ta' ġestjoni tal-karriera, kemm għaż-żgħażagħ kif ukoll għall-adulti. Huwa kruċjali li l-fornituri tas-servizzi involuti jkunu kapaċi li b'mod faċli u oġġettiv jiskambjaw informazzjoni u jiżviluppaw il-kwalità tas-servizzi ta' gwida;

(b)

Jiżviluppaw jew iżommu l-ETV postsekondarju/ogħla, fil-livell 5 jew ogħla tal-QEK, kif adatt, u jikkontribwixxu għall-kisba tal-mira ewlenija tal-UE ta' 40 % fl'edukazzjoni terzjarja jew dik ekwivalenti;

(c)

Jippromwovu perkorsi flessibbli bejn l-ETV, l-edukazzjoni ġenerali u l-edukazzjoni għolja u jtejbu l-permeabbiltà permezz tat-tisħiħ tar-rabtiet ta' bejniethom. Biex jinkiseb dan l-għan, kif ukoll parteċipazzjoni akbar fit-tagħlim tul il-ħajja, l-Istati Membri għandhom jaċċelleraw l-istabbiliment u l-implimentazzjoni ta' oqfsa ta' kwalifiki nazzjonali bbażati fuq ir-riżultati tat-tagħlim;

(d)

Il-Kummissjoni u l-Istati Membri għandhom jaħdmu lejn koerenza akbar bejn iż-żewġ sistemi Ewropej ta' kreditu – l-ECVET u l-ECTS.

(a)

Il-globalizzazzjoni ekonomika tinkoraġġixxi lil min iħaddem, lill-impjegati u l-intraprendituri indipendenti biex jestendu l-ambitu tagħhom lil hinn mill-fruntieri tal-pajjiżi tagħhom stess.

Il-fornituri tal-ETV għandhom jappoġġawhom f'dan il-proċess billi jagħtu dimensjoni internazzjonali lill-kontenut tat-tagħlim u jistabbilixxu netwerks internazzjonali ma' istituzzjonijiet sħab;

(b)

L-Istati Membri għandhom jinkoraġġixxu lill-awtoritajiet lokali u reġjonali u l-fornituri tal-ETV – permezz ta' inċentivi, skemi ta' finanzjament (inkluż l-użu tal-Fondi Strutturali Ewropej) u d-disseminazzjoni tal-aħjar prattika – biex jiżviluppaw strateġiji għal kooperazzjoni transkonfinali fl-ETV, bl-għan li titrawwem mobbilità akbar tal-istudenti, l-għalliema u dawk li jħarrġu, u ta' professjonisti oħrajn tal-ETV. L-Istati Membri għandhom jippromwovu ETV li jippermettu, jinkoraġġixxu u – preferibbilment – jintegraw perijodi ta' mobbiltà, inkluż esperjenzi ta' xogħol, barra l-pajjiż;

(c)

L-Istati Membri għandhom sistematikament jużaw u jippromwovu għodod Ewropej ta' trasparenza bħall-QEK, l-ECVET u l-Europass għall-promozzjoni tal-mobbiltà transnazzjonali;

(d)

L-Istati Membri għandhom jippromwovu opportunitajiet għal tagħlim tal-lingwi kemm għall-istudenti kif ukoll għall-għalliema fl-ETV, u l-provvediment ta' taħriġ fil-lingwa addattat għall-ħtiġijiet speċifiċi tal-ETV, b'enfasi speċjali fuq l-importanza tal-lingwi barranin għall-kooperazzjoni transkonfinali fl-ETV u l-mobbiltà internazzjonali.

(a)

L-Istati Membri għandhom jinkoraġġixxu attivament lill-fornituri tal-ETV sabiex jikkollaboraw ma' intrapriżi innovattivi, ċentri ta' disinn, is-settur kulturali u l-istituzzjonijiet ta' edukazzjoni għolja fil-formazzjoni ta' “sħubiji tal-għarfien”. Dan għandu jgħinhom jiksbu tagħrif prezzjuż dwar żviluppi ġodda u ħtiġijiet ta' kompetenza u biex jiżviluppaw l-eċċellenza professjonali u l-innovazzjoni. Sħubiji bħal dawn jistgħu wkoll ikunu ta' għajnuna fl-introduzzjoni ta' metodi ta' tagħlim ibbażat fuq l-esperjenza, l-inkoraġġiment tal-esperimentazzjoni u l-adattament tal-kurrikuli;

(b)

L-ICT għandhom ikunu użati biex jimmassimizzaw l-aċċess għat-taħriġ u biex jippromwovu t-tagħlim attiv, kif ukoll biex jiżviluppaw metodi ġodda kemm f'ETV ibbażat fuq ix-xogħol u kemm f'dak ibbażat fl-iskola;

(c)

L-Istati Membri għandhom jappoġġaw inizjattivi mmirati sabiex jippromwovu l-intraprenditorija kemm fl-ETV-I kif ukoll fl-ETV-K f'kooperazzjoni mill-qrib ma' min iħaddem, il-fornituri tal-ETV u s-servizzi nazzjonali ta' appoġġ tan-negozju. Biex jiksbu dan, huma għandhom jinkoraġġixxu l-provvediment ta' finanzjament adatt – eż. għall-materjali tat-tagħlim, l-għodda ta' appoġġ u l-istabbiliment ta' kumpanniji żgħar mill-istudenti – u għandhom ifittxu li jsaħħu l-kooperazzjoni fil-livell reġjonali;

(d)

L-Istati Membri għandhom jappoġġaw intraprendituri li għadhom kif ġew stabbiliti u oħrajn futuri billi jinkoraġġixxu appoġġ għall-gradwati tal-ETV fil-fażi tal-bidu ta' intrapriża u billi jippromwovu l-mobbiltà tat-tagħlim għall-intraprendituri żgħażagħ.

(a)

Jiggarantixxu li l-ETV inizjali jipprovdu lill-istudenti kemm b'kompetenzi vokazzjonali speċifiċi kif ukoll b'kompetenzi ewlenin usa', inkluż kompetenzi trasversali, li jippermettulhom li jsegwu aktar edukazzjoni u taħriġ (fl-ETV jew fl-edukazzjoni għolja) u jappoġġaw l-għażliet ta' karriera, il-parteċipazzjoni u t-transizzjonijiet fis-suq tax-xogħol. L-għarfien, il-ħiliet u l-kompetenzi li l-persuni jakkwistaw fl-ETV għandhom jgħinuhom biex iġestixxu l-karrieri tagħhom u biex ikollhom rwol attiv fis-soċjetà;

(b)

Jiżguraw li s-sistemi ta' tagħlim għall-adulti jrawmu l-akkwist u l-iżvilupp ulterjuri tal-kompetenzi ewlenin. Dan jista' jitwettaq b'kooperazzjoni mal-fornituri tal-ETV, il-komunitajiet lokali, l-organizzazzjonijiet tas-soċjetà ċivili, eċċ;

(c)

Jimmassimizzaw il-kontribut tal-ETV għat-tnaqqis tal-persentaġġ ta' dawk li jieqfu mill-iskola qabel iż-żmien għal inqas minn 10 % permezz ta' taħlita ta' miżuri kemm preventivi kif ukoll ta' rimedju. Dan jista' jinkiseb, pereżempju, permezz tal-ETV rilevanti fis-suq tax-xogħol, aktar tagħlim ibbażat fuq ix-xogħol u l-apprendistati, il-perkorsi flessibli ta' tagħlim, il-gwida u l-pariri effettivi, u permezz tal-kontenut u l-metodi tat-tagħlim li jirrikonoxxu l-istili ta' ħajja u l-interessi taż-żgħażagħ, filwaqt li jinżammu standards ta' kwalità għolja għall-ETV;

(d)

Jieħdu miżuri adatti biex jiżguraw aċċess fuq bażi ugwali, speċjalment għal individwi u gruppi f'riskju li jiġu esklużi, b'mod partikolari dawk b'ħiliet limitati jew bla taħriġ, persuni bi bżonnijiet speċjali jew minn sfond soċjali żvantaġġat, u ħaddiema aktar avvanzati fl-età. Il-parteċipazzjoni ta' tali gruppi fl-ETV għandha tiġi ffaċilitata u inkoraġġita permezz ta' mezzi finanzjarji jew mezzi oħra u permezz tal-validazzjoni tat-tagħlim mhux formali u informali, kif ukoll il-provvediment ta' perkorsi flessibbli;

(e)

Jippromowovu ċittadinazza attiva fl-ETV, pereżempju billi jħeġġu s-sħubiji bejn il-fornituri tal-ETV u l-organizzazzjonijiet tas-soċjetà ċivili jew, f'konformità mal-leġislazzjoni u l-prassi nazzjonali, billi jippromwovu r-rappreżentanza tal-istudenti f'istituzzjonijiet tal-ETV. Promozzjoni ta' dan it-tip tista' tikkontribwixxi għall-validazzjoni ta' ħiliet u kompetenzi miksuba permezz ta' attivitajiet volontarji.

—

L-Istati Membri għandhom jagħmlu impenn qawwi biex jimplimentaw il-prijoritajiet tal-proċess ta' Kopenħagen fil-programmi ta' riforma nazzjonali tal-Ewropa 2020;

—

Ir-rappurtar skont il-proċess ta' Kopenħagen għandu jkun inkorporat f'dak tal-qafas strateġiku “ET 2020”. Dan jipprovdi l-aktar mod effiċjenti ta' kontribut għar-rappurtar dwar l-Istrateġija Ewropa 2020, u għandu jżid il-viżibbiltà tal-ETV fil-tagħlim tul il-ħajja;

—

Il-kooperazzjoni fil-qasam tal-ETV għandha tiġi intensifikata. Il-metodu miftuħ ta' koordinazzjoni għandu jkompli jservi bħala l-mekkaniżmu prinċipali għal kooperazzjoni bħal din. It-tagħlim bejn il-pari u l-proġetti innovattivi għandhom jipprovdu mezzi ta' appoġġ għall-iżviluppi tal-politika nazzjonali;

—

Id-Diretturi Ġenerali għat-Taħriġ Vokazzjonali (DĠTV), l-Imsieħba Soċjali Ewropej u l-Kumitat Konsultattiv għat-Taħriġ Vokazzjonali (KKTV) għandhom ikomplu jkollhom rwol attiv fil-governanza tal-proċess ta' Kopenħagen;

—

Is-Cedefop u l-ETF għandhom ikomplu jappoġġaw l-iżvilupp tal-politika u l-implimentazzjoni, jirrapportaw dwar il-progress lejn l-objettivi strateġiċi u r-riżultati fuq perijodu qasir, u jipprovdu evidenza għat-tfassil tal-politika fl-ETV;

—

L-organizzazzjonijiet tal-fornituri tal-ETV għandhom jiġu inkoraġġiti jikkooperaw fil-livell Ewropew bil-ħsieb li jippromwovu l-objettivi msemmijin hawn fuq;

—

Id-djalogi ta' politika u l-iskambji ta' esperjenza mas-sieħba globali tagħna jistgħu jikkontribwixxu biex jintlaħqu l-isfidi preżenti u dawk futuri. Għandhom jissaħħu l-iskambji u l-kooperazzjoni ma' pajjiżi kandidati potenzjali, ma' pajjiżi tal-viċinat assistiti mill-ETF u ma' organizzazzjonijiet internazzjonali, b'mod partikolari l-OECD, il-Kunsill tal-Ewropa, l-Organizzazzjoni Internazzjonali tax-Xogħol u l-UNESCO. Id-dritt ta' parteċipazzjoni f'dawn l-attivitajiet għandu jiġi żgurat għall-Istati Membri kollha;

—

Sabiex jiġi ffaċilitat ir-rappurtar perjodiku dwar il-progress mill-gvernijiet nazzjonali u l-imsieħba soċjali, għandha ssir lista tar-riżultati fuq perijodu qasir.

(a)

L-organizzazzjoni ta' attivitajiet immirati lejn il-promozzjoni tal-attraenza u tal-eċċellenza tal-ETV, li jistgħu jinkludu kampanji u kompetizzjonijiet ta' ħiliet;

(b)

L-appoġġ ta' attivitajiet, li jippermettu lill-istudenti żgħażagħ fl-edukazzjoni obbligatorja jsiru familjari ma' snajja vokazzjonali u possibbiltajiet ta' karrieri.

—

Dokument ta' politika dwar ir-rwol tal-eċċellenza vokazzjonali għal tkabbir intelliġenti u sostenibbli;

—

Konsiderazzjoni tal-appoġġ Ewropew għal kampanji ta' promozzjoni tal-ETV, inkluż il-Eurobarometer dwar l-attraenza tal-ETV;

—

Inkoraġġiment ta' kompetizzjonijiet ta' ħiliet fil-livell Ewropew u/jew globali.

(a)

It-teħid ta' miżuri adegwati għall-implimentazzjoni tar-Rakkomandazzjoni dwar l-EQAVET u progress lejn oqfsa nazzjonali ta' assigurazzjoni tal-kwalità għall-ETV;

(b)

Kif adatt, l-iżgurar li l-kompetenzi ewlenin u l-ħiliet ta' ġestjoni tal-karriera huma integrati b'mod adegwat fil-kurrikuli tal-ETV-I u li jistgħu jinkisbu permezz ta' opportunitajiet ta' taħriġ fl-ETV-K;

(c)

Il-gvernijiet, l-imsieħba soċjali u l-fornituri tal-ETV għandhom jagħmlu l-arranġamenti meħtieġa biex:

(d)

Ikomplu jaħdmu fuq it-twaqqif ta' sistemi ta' monitoraġġ dwar tranżizzjonijiet minn tagħlim għal xogħol.

—

Gwida u appoġġ tekniku għall-implimentazzjoni tal-EQAVET;

—

Ir-reviżjoni tal-implimentazzjoni tal-EQAVET fil-livell nazzjonali fl-2013;

—

Netwerking tematiku tal-proġetti tal-Assigurazzjoni tal-Kwalità fi ħdan il-Programm Leonardo da Vinci;

—

Vademekum/studju dwar mudelli ta' tagħlim ta' suċċess ibbażati fuq ix-xogħol (b'kontribut mis-Cedefop);

—

It-tisħiħ tal-antiċipazzjoni tal-iżvilupp ta' ħiliet u kompetenzi, speċjalment permezz ta' previżjonijiet tal-ħiliet (Cedefop) u permezz tat-twaqqif ta' Kunsilli Ewropej dwar il-Ħiliet;

—

L-iżvilupp ta' lingwaġġ komuni mmirat biex iservi ta' pont bejn id-dinja tal-edukazzjoni u t-taħriġ u dik tax-xogħol (ESCO) konsistenti ma' strumenti oħra tal-UE, bħall-QEK;

—

Il-konsiderazzjoni tal-adozzjoni ta' punt ta' riferiment tal-UE għall-impjegabbiltà abbażi ta' proposta tal-Kummissjoni;

—

Il-ħidma fuq l-aħjar prattiki u prinċipji ta' gwida fir-rigward tal-profili li jinbidlu tal-għalliema u dawk li jħarrġu fl-ETV (flimkien mas-Cedefop).

(a)

Sabiex ikun massimizzat il-kontribut tal-ETV għall-punt ta' riferiment ta' 15 % tal-“ET 2020” dwar il-parteċipazzjoni tal-adulti fit-tagħlim tul il-ħajja, jiġi rivedut l-użu ta' inċentivi, drittijiet u obbligi għall-partijiet interessati involuti kollha, u tittieħed azzjoni adatta biex tħeġġeġ il-parteċipazzjoni fl-ETV-K;

(b)

L-implimentazzjoni tar-Rakkomandazzjoni dwar il-QEK:

(c)

L-iżvilupp u l-promozzjoni tal-użu ta' proċeduri għall-validazzjoni ta' tagħlim mhux formali u informali appoġġat minn oqfsa Ewropej u nazzjonali tal-kwalifiki u mill-għoti ta' gwida;

(d)

Il-provvediment ta' servizzi ta' gwida integrati (edukazzjoni, taħriġ, impjieg) relatati mill-qrib mal-bżonnijiet tas-suq tax-xogħol;

(e)

L-implimentazzjoni tal-ECVET: ara t-taqsima 2.2 hawn taħt.

—

Manwal tal-politika dwar l-aċċess għal u l-parteċipazzjoni fl-ETV-K;

—

Gwida u appoġġ tekniku għall-implimentazzjoni tal-QEK, b'mod partikolari bil-ħsieb li jiġi applikat approċċ ibbażat fuq ir-riżultati tat-tagħlim;

—

Isiru mapep tal-iżviluppi tal-QNK mis-CEDEFOP u l-ETF;

—

Rakkomandazzjoni tal-Kunsill dwar il-validazzjoni ta' taħriġ non-formali u informali (2011);

—

Rapport ta' progress dwar l-iżvilupp ta' linji ta' politika, sistemi u prattiki dwar l-iggwidar tul il-ħajja – 2011 (CEDEFOP, ETF u ELGPN).

(a)

Progress lejn l-implimentazzjoni tal-ECVET f'konformità mar-Rakkomandazzjoni, u parteċipazzjoni fl-ittestjar tal-ECVET għall-mobbiltà;

(b)

It-teħid ta' miżuri adatti biex tingħata spinta lill-mobbiltà fl-ETV, inkluż:

—

Gwida u appoġġ tekniku għall-implimentazzjoni tal-ECVET;

—

Reviżjoni perjodika tal-implimentazzjoni tal-ECVET (flimkien mas-Cedefop);

—

Netwerking tematiku tal-proġetti ECVET fi ħdan il-Programm Leonardo da Vinci;

—

Rakkomandazzjoni dwar il-mobbiltà tat-tagħlim (2011);

—

Il-konsiderazzjoni tal-adozzjoni ta' punt ta' riferiment tal-UE għall-mobbiltà tal-EVT abbażi ta' proposta tal-Kummissjoni (2011);

—

Proposta għal qafas ta' kwalità għal apprendistati;

—

Promozzjoni tal-mobbiltà għall-apprendisti, inkluż permezz ta' portal ta' appoġġ, fi ħdan il-qafas tal-Programm ta' Tagħlim tul il-Ħajja/il-Programm Leonardo da Vinci;

—

Żvilupp ta' passaport Ewropew ta' ħiliet bħala parti mill-Europass sal-2012.

(a)

L-inkoraġġiment ta' sħubiji għall-kreattività u l-innovazzjoni (fornituri tal-ETV, istituzzjonijiet tal-edukazzjoni għolja, u ċentri ta' disinn, arti, riċerka u innovazzjoni);

(b)

L-inkoraġġiment tal-użu ta' kwalità għolja, effettiv u innovattiv tat-teknoloġija mill-fornituri tal-ETV kollha (inklużi netwerking u sħubiji pubbliċi-privati) appoġġati bl-apparat, l-infrastruttura u n-netwerks meħtieġa, b'titjib kontinwu li jirrifletti l-iżviluppi fit-teknoloġiku u fil-fehim pedagoġiku;

(c)

It-teħid ta' miżuri għall-promozzjoni tal-intraprenditorija, p.e. permezz tal-promozzjoni tal-akkwist ta' kompetenzi ewlenin rilevanti, biex tingħata l-possibbiltà li jsiru esperjenzi prattiċi f'intrapriżi, u l-involviment ta' esperti minn negozji.

—

It-twaqqif ta' Forum ETV/Negozji fil-livell tal-UE li jiffoka fuq it-temi li ġejjin:

(a)

It-teħid ta' miżuri preventivi u ta' rimedju biex ikun massimizzat il-kontribut tal-ETV fil-ġlieda kontra t-tluq kmieni mill-iskola;

(b)

Jiġu meqjusa miżuri speċifiċi mmirati lejn iż-żieda fil-parteċipazzjoni ta' gruppi b'livell baxx ta' ħiliet u oħrajn li huma “f'riskju” fl-edukazzjoni u t-taħriġ, inkluż permezz tal-iżvilupp ta' perkorsi flessibbli fl-ETV-K u l-użu ta' gwida adatta u servizzi ta' appoġġ;

(c)

L-użu tal-ICT biex jiġi massimizzat l-aċċess għat-taħriġ u biex jiġi promoss it-tagħlim attiv, kif ukoll biex jiġu żviluppati metodi ġodda kemm f'ETV ibbażat fuq ix-xogħol u kemm f'dak ibbażat fl-iskola, biex tkun iffaċilitata l-parteċipazzjoni ta' gruppi “f'riskju”;

(d)

L-użu ta' sistemi eżistenti ta' monitoraġġ biex tiġi appoġġata l-parteċipazzjoni ta' gruppi “f'riskju” fl-ETV: ara t-taqsima 1.2. (d) hawn fuq.

—

Vademekum tal-aħjar prattiki dwar l-inklużjoni ta' gruppi “f'riskju” permezz ta' taħlita ta' tagħlim ibbażat fuq ix-xogħol u kompetenzi ewlenin;

—

Rakkomandazzjoni tal-Kunsill dwar it-tnaqqis tan-numru ta' dawk li jitilqu kmieni mill-iskola (2011).

(a)

L-istabbiliment ta' strateġiji ta' komunikazzjoni għal gruppi differenti ta' partijiet interessati, iffokati fuq l-implimentazzjoni u l-valur miżjud ta' għodod (ECVET, ECTS, riferenzjar ta' oqfsa nazzjonali għal dak Ewropew tal-kwalifiki, sistemi ta' assigurazzjoni tal-kwalità f'konformità mal-EQAVET);

(b)

It-twaqqif ta' mekkaniżmi għal kooperazzjoni strutturata bejn is-settur tal-ETV u s-servizzi tal-impjieg fil-livelli kollha (politika u implimentazzjoni), inklużi l-isħab soċjali;

(c)

Il-kontribut għat-titjib tad-data fil-livell tal-UE dwar studenti tal-ETV-I, inkluża l-mobbiltà u l-impjegabbiltà.

—

L-appoġġ għall-kisba tal-objettivi ta' hawn fuq permezz tal-Programm tat-Tagħlim Tul il-Ħajja u, fejn adatt, permezz tal-Fondi Strutturali Ewropej;

—

L-appoġġ ta' tagħlim bejn il-pari bejn l-Istati Membri u proġetti innovattivi;

—

It-twaqqif ta' proċedura ta' koordinazzjoni msaħħa għall-implimentazzjoni ta' għodod Ewropej komuni fil-qasam tal-edukazzjoni u t-taħriġ;

—

Strateġija ta' komunikazzjoni Ewropea dwar għodod Ewropej ta' trasparenza;

—

L-iżvilupp ta' kooperazzjoni strutturata ma' assoċjazzjonijiet tal-fornituri tal-ETV fil-livell tal-UE;

—

It-tisħiħ ta' kooperazzjoni strutturata bejn l-oqsma tal-politika tal-edukazzjoni u t-taħriġ u dik tal-impjieg;

—

It-titjib tad-data fil-livell tal-UE dwar studenti tal-ETV-I, inkluża l-mobbiltà u l-impjegabbiltà;

—

Sħab soċjali fil-livelli kollha għandhom ikomplu jkollhom rwol attiv fil-proċess ta' Kopenħagen (governanza u appartenenza) u jikkontribwixxu għar-realizzazzjoni tar-riżultati tanġibbli fuq terminu qasir imsemmija hawn fuq;

—

Rapport dwar l-iżviluppi fl-ETV fl-Istati Membri u l-pajjiżi sħab;

—

Ir-rinfurzar tal-iskambji mal-pajjiżi tat-tkabbir u tal-viċinat.

1.

Jimplimentaw miżuri bil-għan li:

2.

Jippromwovu l-viżjoni, l-objettivi u l-prinċipji deskritti f'dawn il-konklużjonijiet fil-kuntest usa' tal-proċess ta' Kopenħagen, permezz ta' kooperazzjoni reċiproka bejn l-Istati Membri, l-awtoritajiet reġjonali u lokali, il-Kummissjoni, il-pajjiżi kandidati, il-pajjiżi tal-EFTA-ŻEE u s-sħab soċjali.

1.12.2010   

MT

Il-Ġurnal Uffiċjali tal-Unjoni Ewropea

C 324/16

—

kull persuna għandha d-dritt għall-aċċess u l-parteċipazzjoni fil-ħajja kulturali, li taspira għal edukazzjoni u taħriġ tul il-ħajja, li tiżviluppa l-potenzjal kreattiv tagħha, u li tagħżel u jkollha rispett għall-identita' u l-affiljazzjonijiet kulturali tagħha, fid-diversità tal-mezzi tagħha ta' espressjoni;

—

id-dimensjoni transversali tal-kultura tiġġustifika l-mobbilizzazzjoni tal-politika kulturali fil-ġlieda kontra l-faqar u l-esklużjoni soċjali;

—

fil-fatt, l-aċċess, il-parteċipazzjoni u l-edukazzjoni fil-kultura jista' jkollhom rwol importanti fil-ġlieda kontra l-faqar u fil-promozzjoni ta' inklużjoni soċjali akbar, fis-sens li jistgħu jiffavorixxu b'mod partikolari:

A.

Jimplimentaw approċċ globali, koerenti u parteċipattiv għall-promozzjoni tad-dimensjoni transversali tal-kultura, billi:

B.

Isaħħu r-rabtiet bejn l-edukazzjoni, it-taħriġ, l-ekonomija, l-impjieg u l-kultura billi:

C.

Jimmobilizzaw il-potenzjal tal-kultura fil-ġlieda kontra l-isterjotipi u l-preġudizzji fir-rigward ta' gruppi soċjali u kulturali partikolari, li jiffaċċjaw sitwazzjonijiet ta' faqar jew ta' esklużjoni soċjali, billi:

A.

Ineħħu l-ostakli konnessi mal-kultura permezz ta':

B.

Itejbu l-parteċipazzjoni fil-ħajja kulturali u l-espressjoni kulturali billi:

(1)

jużaw bl-aħjar mod l-istrumenti tal-politika ta' koeżjoni tal-Unjoni biex jappoġġjaw l-inizjattivi kulturali li għandhom l-għan li jiġġieldu kontra l-faqar u l-esklużjoni soċjali;

(2)

jagħmlu użu sħiħ mill-kontribuzzjoni tal-kultura fl-iżviluppp u l-implimentazzjoni tal-Għanijiet ta' Żvilupp tal-Millennju għall-Iżvilupp;

(3)

iqisu dawn il-konklużjonijiet fit-twettiq tal-objettivi tal-Istrateġija “Ewropa 2020”.

1.12.2010   

MT

Il-Ġurnal Uffiċjali tal-Unjoni Ewropea

C 324/18

—

Fl-4 ta' Diċembru 2000, il-Kunsill adotta l-Konklużjonijiet (li dawn il-konklużjonijiet jissupplimentaw) dwar il-ġlieda kontra d-doping (1) li jistabbilixxu l-ħtieġa għall-koordinazzjoni bejn il-Komunità Ewropea u l-Istati Membri, fi żmien raġonevoli qabel kull laqgħa tal-Aġenzija Dinjija Kontra d-Doping (WADA), li għandha tiġi organizzata taħt ir-responsabbiltà tal-Presidenza.

—

Wara d-dħul fis-seħħ tat-Trattat ta' Lisbona (2) fl-1 ta' Diċembru 2009, l-Unjoni Ewropea kisbet kompetenza fil-qasam tal-isport li tippermetti lill-Unjoni li twettaq azzjonijiet sabiex tappoġġa, tikkoordina jew tissupplimenta l-azzjonijiet tal-Istati Membri, biex tikkontribwixxi għall-promozzjoni ta' kwistjonijiet Ewropej fil-qasam tal-isport, filwaqt li tieħu kont tan-natura speċifika tal-isport, l-istrutturi tiegħu bbażati fuq attività volontarja u l-funzjoni soċjali u edukattiva tiegħu. Konsegwentement, id-dimensjoni Ewropea fl-isport għandha tiġi żviluppata bil-promozzjoni tal-ġustizzja u t-trasparenza fil-kompetizzjonijiet sportivi u l-kooperazzjoni bejn il-korpi responsabbli mill-isport, u bil-protezzjoni tal-integrità fiżika u morali tal-isportivi, nisa u rġiel, speċjalment ta' dawk l-aktar żgħażagħ fosthom. Għandha titrawwem il-kooperazzjoni ma' pajjiżi terzi u ma' organizzazzjonijiet internazzjonali kompetenti, partikolarment mal-Kunsill tal-Ewropa.

—

xi wħud mill-kwistjonijiet ittrattati mill-WADA jaqgħu fl-ambitu tal-kompetenza tal-UE, waqt li oħrajn huma r-responsabbiltà tal-Istati Membri;

—

fid-dawl tal-fatt li l-WADA hija strutturata fuq bażi kontinentali, huwa meħtieġ li jkun hemm kooperazzjoni mill-qrib mal-Kunsill tal-Ewropa bil-ħsieb li jkun hemm intendiment komuni fuq il-punti kollha ta' interess Ewropew.

—

huwa ta' importanza kruċjali li jiġi żgurat li l-fehmiet tal-UE u l-Istati Membri tagħha jitqiesu b'mod adegwat fid-deliberazzjonijiet tal-WADA;

—

fejn meħtieġ, pereżempju fid-dawl tal-acquis tal-UE u d-dmir ta' kooperazzjoni sinċiera, il-pożizzjonijiet tal-UE u tal-Istati Membri għandhom jiġu kkoordinati, taħt ir-responsabbiltà tal-Presidenza, fi żmien debitu u b'mod effiċjenti qabel il-laqgħat fil-WADA.

1.12.2010   

MT

Il-Ġurnal Uffiċjali tal-Unjoni Ewropea

C 324/19

1.12.2010   

MT

Il-Ġurnal Uffiċjali tal-Unjoni Ewropea

C 324/20

1.12.2010   

MT

Il-Ġurnal Uffiċjali tal-Unjoni Ewropea

C 324/21

European Commission

Directorate-General for Trade

Directorate H

Office: N-105 4/92

1049 Bruxelles/Brussel

BELGIQUE/BELGIË

Fax +32 22956505

1.12.2010   

MT

Il-Ġurnal Uffiċjali tal-Unjoni Ewropea

C 324/24

1.

Fit-22 ta’ Novembru 2010 il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Companhia de Seguros Tranquilidade, SA (“Tranquilidade”, il-Portugall) ikkontrollata minn Espírito Santo Financial Group, SA (“ESFG”, il-Lussemburgu) u Banco Pastor, SA (“Banco Pastor”, Spanja) jakkwistaw skont it-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt ta' Pastor Vida, SA de Seguros y Reaseguros (“Pastor Vida”, Spanja), sa issa taħt il-kontroll waħdani ta' Banco Pastor u l-impriża Espírito Santo Gestion, S.A.U., S.G.I.I.C. (“ESG”, Spanja), ikkontrollata minn ESFG takkwista, fi ħdan it-tifsira tal-Artikolu 3(1)(b) tar-Regolament dwar l-Għaqdiet il-kontroll sħiħ ta' Gespastor S.G.I.I.C, SA (“Gespastor”, Spanja) permezz tax-xiri ta' ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa’ fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5980 – Tranquilidade/Banco Pastor/Pastor Vida/Espírito Santo Gestion/Gespastor, fl-indirizz li ġej:

1.12.2010   

MT

Il-Ġurnal Uffiċjali tal-Unjoni Ewropea

C 324/26

1.

Fil-24 ta’ Novembru 2010, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impri¿i Votorantim Group (il-Bra¿il) u l-Fischer Group (il-Bra¿il) jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ kumpanija ġdida li tikkostitwixxi f’impri¿a konġunta (“IK”) permezz tal-amalgamazzjoni tas-sussidjari rispettivi tagħhom Citrovita u Citrosuco.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta’ referenza COMP/M.5907 – Votorantim/Fischer/JV, fl-indirizz li ġej:

1.12.2010   

MT

Il-Ġurnal Uffiċjali tal-Unjoni Ewropea

C 324/27