15.10.2009   

MT

Il-Ġurnal Uffiċjali tal-Unjoni Ewropea

CE 247/1

A.

billi fil-Green Paper tagħha dwar ir-riforma tal-Politika Komuni tas-Sajd (CFP) il-Kummissjoni tesprimi l-opinjoni li mekkaniżmi ta' ġestjoni alternattivi jista' jkollhom irwol kumplementari sinjifikanti fil-ġestjoni tal-industrija tas-sajd tal-Komunità,

B.

billi l-Kummissjoni bdiet dibattitu dwar il-Ġestjoni Bbażata fuq id-Drittijiet (RBM) fis-sajd,

C.

billi numru ta' partijiet interessati diġà ressqu l-kontribut tagħhom għad-dibattitu,

D.

billi diġà kienu saru numru ta' studji dwar l-RBM, iżda l-ebda wieħed minnhom ma kopra l-Istati Membri kostali kollha tal-UE,

E.

billi, madankollu, numru ta' studji kkunsidraw it-tħaddim u l-effetti ta' sistemi, kemm fl-UE u kemm barra minnha, li jippermettu t-trasferiment tad-drittijiet tas-sajd għal valur ekonomiku;

F.

billi l-Kummissjoni issa ħarġet sejħa għall-offerti għal studju,

G.

billi l-Kummissjoni qalet li fil-mument m'għandhiex pjani biex tibdel is-sistemi ta' mmaniġġjar eżistenti iżda stqarret, bl-istess mod, il-ħsieb tagħha li tintroduċi bidliet fit-tħaddim tas-CFP u għalhekk qiegħda tfittex alternattivi vijabbli,

H.

billi s-sistemi attwali ta' ġestjoni tas-sajd fl-Unjoni Ewropea, b'mod speċifiku is-sistema tat-TACs u l-kwoti, ma jipprovdux risposta għall-problemi tas-settur, u huwa meħtieġ u fundamentali li jsir dibattitu b'firxa wiesgħa dwar din il-kwistjoni, filwaqt li jiġu evlawati l-aspetti pożittivi u negattivi tal-adozzjoni possibbli ta' sistemi ta' ġestjoni ġodda,

I.

billi, għaldaqstant, huwa importanti li jitqiesu modi kif jista' jsir titjib fit-tħaddim tas-CFP, b'mod partikulari permezz tal-politika ta' ġestjoni tas-sajd, li n-nuqqasijiet attwali tagħha huma evidenti,

J.

billi kwalunkwe bidla li ssir m'hix se ġġib titjib sakemm ma jkunx żgurat li r-riżorsi jkunu sfruttati b'mod li jipprovdi kundizzjonijiet ekonomiċi, ambjentali u soċjali sostenibbli,

1.

Jilqa' b'sodisfazzjon il-fatt li l-Kummissjoni fetħet dibattitu dwar RBM fis-sajd, b'antiċipazzjoni għall-modifika neċessarja tal-politika ta' ġestjoni eżistenti;

2.

Iqis li r-riżorsi bijoloġiċi tal-baħar huma riżors pubbliku komuni;

3.

Jemmen li d-drittijiet involuti m'għandhomx jiġu interpretati bħala drittijiet ta' proprjetà iżda bħala forma ta' użufrutt jew bħala dritt għall-ħsad li jkun soġġett, skond kif ikun jixraq, għal limitazzjonijiet adegwati;

4.

Jirrikonoxxi wkoll, madankollu, li hemm sistemi identifikabbli b'mod separat ta' RBM li huma bbażati fuq fehimiet differenti:

5.

Jilqa' b'sodisfazzjon il-fatt li l-Kummissjoni ħarġet sejħa għall-offerti biex ikun jista' jsir studju komplut tad-diversi sistemi ta' ġestjoni;

6.

Iqis li l-perjodu li ġie ffissat għad-dibattitu huwa qasir wisq, u jitlob li dan jiġi estiż sabiex jiżgura li d-diversi possibilitajiet disponibbli jkunu esplorati u studjati kif jixraq, flimkien mal-konsegwenzi tagħhom;

7.

Jirrikonoxxi, madankollu, anke fl-istadju ta' qabel studju bħal dan, li huwa evidenti li hemm varjetà wiesgħa ta' sistemi bħal dawn fis-seħħ, u li l-biċċa l-kbira tagħhom, jekk mhux kollha kemm huma, iħaddmu xi forma ta' RBM, anke jekk din tittieħed fl-iżjed sens wiesa' possibbli; jagħraf wkoll li esperimenti ta' ġestjoni permezz tad-drittijiet tas-sajd fl-Istati Membri li wettqu dawn it-tip ta' sistemi kellhom konsegwenzi pożittivi ħafna f'ħafna lati, pereżempju mil-lat ta' tnaqqis tal-kapaċità;

8.

Iqis li b'mod simili huwa evidenti wkoll li fuq il-livell Komunitarju u mill-inqas fi ħdan xi Stati Membri, il-forom ta' RMB imħaddma huma mħalltin, kemm f'termini tal-allokazzjoni u t-trasferibilità/negozjabilità tad-drittijiet u kemm f'termini tal-mod ta' kif inhu ddefinit l-ambitu tagħhom;

9.

Jinnota l-grad ta' kumplessità involut u d-diffikultajiet li dan jippreżenta fiċ-ċaqliq lejn sistema unika, immaterjalment minn jekk dan jinkisibx permezz tal-armonizzazzjoni tal-prattiki tal-Istati Membri jew permezz tal-amministrazzjoni tiegħu fuq livell Komunitarju;

10.

Madankollu huwa tal-fehma li, kif muri mill-fatt li l-RBM fis-sajd ġiet introdotta f'ħafna mill-pajjiżi u mir-reġjuni li għandhom l-aktar interessi tas-sajd sinjifikanti fid-dinja, dawn id-diffikultajiet jistgħu jiġu megħluba u, minħabba li s-sistema taf tkun pożittiva ħafna għall-ġestjoni ta' ċerti flotot Komunitarji, tal-inqas għandha tingħata kunsiderazzjoni għall-possibilità li din tiġi inkluża fic-CFP;

11.

Iqis li jeħtieġ li jkunu determinati l-effetti li l-bidliet — b'mod partikulari l-introduzzjoni ta' kwoti individwali trasferibbli mal-Komunità kollha u aċċess ieħor ibbażat fuq id-drittijiet — jista' jkollhom fir-rigward ta':

12.

Iqis li dawn il-kwistjonijiet iridu jiġu indirizzati qabel ma jsir xi pass lejn sistema unika, pereżempju, il-possibilità, kif intwera minn preċedenti eżistenti, li jitpoġġa limitu fuq l-akkumulazzjoni tad-drittijiet tas-sajd;

13.

Iqis li għandha titpoġġa enfasi fuq l-aspetti pożittivi tal-RBM fis-sajd, li fuqhom hemm qbil relattivament mifrux dwar il-kwistjonijiet li ġejjin:

14.

Jistaqsi wkoll dwar jekk fi kwalunkwe każ sistema unika ta' RBM tkunx adegwata għal tipi differenti ta' sajd;

15.

F'dan il-kuntest tiġbed l-attenzjoni għall-ħtiġijiet differenti ta' sajd għal speċi waħda u ta' sajd għal bosta speċijiet; u għas-sitwazzjoni speċjali tal-flottot artiġjanali;

16.

Iqis, fir-rigward tal-flottot artiġjanali, li għandha ssir dispożizzjoni separata għalihom, jew bl-użu ta' kriterji konnessi mad-distanza ġeografika mix-xatt jew billi titwarrab parti mill-kwota għalihom;

17.

Jilqa', għalhekk, il-fatt li l-Kummissjoni fil-mument m'għandhiex ħsieb tintervjeni fis-sistemi ta' ġestjoni kurrenti;

18.

Iqis, madankollu, li trid tingħata iżjed kunsiderazzjoni lill-vantaġġi u lill-iżvantaġġi ta' sistemi ta' RBM differenti;

19.

Iqis li jeħtieġ li jkun evitat tagħwiġ ekonomiku fl-industrija tas-sajd, bi ħsara għas-sidien ta' bastimenti żgħar, b'mod partikulari dawk li jirrappreżentaw il-flottot artiġjanali;

20.

Jirrikonoxxi li sistemi bħal dawn jistgħu jippromwovu l-effiċjenza ekonomika, dejjem jekk jitfasslu kif suppost; isemmi li din l-effiċjenza hija waħda mill-objettivi ta' kwalunkwe politika ekonomika u huwa fl-interess tas-CFP li tiżgura industrija tas-sajd li tħalli l-qligħ li tkun inqas u inqas dipendenti fuq il-fondi pubbliċi;

21.

Iqis li, minħabba li s-sajd huwa politika komuni, għandhom jiġu adottati mekkaniżmi ta' ġestjoni tad-drittijiet tas-sajd fil-livell Komunitarju, liema mekkaniżmi jagħmluha possibbli li titjieb il-ġestjoni tar-riżorsi tas-sajd;

22.

Jemmen li l-effiċjenza ekonomika hija ta' valur biss sakemm tippromwovi l-objettivi tas-CFP;

23.

Jistieden lill-Kummissjoni biex tiżgura li kwalunkwe studju li tibda tagħmel dwar l-RBM ikun immexxi biex:

24.

Iħeġġeġ lill-Kummissjoni sabiex tippermetti perjodu itwal ta' dibattitu dwar din il-kwistjoni;

25.

Jagħti struzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u lill-parlamenti tal-Istati Membri, lill-Kunsilli Kunsultattivi Reġjonali u lill-Kumitat Kunsultattiv għas-Sajd u l-Akwakultura.

15.10.2009   

MT

Il-Ġurnal Uffiċjali tal-Unjoni Ewropea

CE 247/5

a)

id-djalogu bejn il-Gvern Ċiniż u l-Mibgħuta tad-Dalai Lama (15 ta' Frar 2007) (1),

b)

is-Samit UE-Ċina – id-djalogu bejn l-UE u ċ-Ċina dwar id-drittijiet tal-bniedem (13 ta' Diċembru 2007) (2),

c)

ir-releazzjonijiet bejn l-UE u ċ-Ċina (7 ta' Settembru 2006) (3),

d)

l-andament tad-djalogi dwar id-drittijiet tal-bniedem u l-konsultazzjonijiet fuq id-drittijiet tal-bniedem ma' pajjiżi terzi (6 ta' Settembru 2007) (4),

A.

billi d-49 anniversarju tar-rivolta nazzjonali Tibetana kontra l-amministrazzjoni Ċiniża wassal għal dimostrazzjonijiet kbar mir-reliġjużi, mis-sorijiet u miċ-ċittadini Tibetani kontra r-repressjoni Ċiniża,

B.

billi, skond l-awtoritajiet Ċiniżi, mietu 20 persuna; billi, skond għejun indipendenti, aktar minn 140 persuna tilfet ħajjitha fil-ġlied, u numru ta' persuni oħra ġew arrestati,

C.

billi l-Gvern Ċiniż iddikjara stat ta' emerġenza u ngħalqu l-ħwienet u t-tempji f'Lhasa kif ukoll fi bliet oħra b'eluf ta' uffiċjali tal-pulizija armati u truppi tal-armata li miċ-Ċina marru fit-Tibet,

D.

billi l-Qdusija Tiegħu d-Dalai Lama sejjaħ din ir-reazzjoni esaġerata min-naħa taċ-Ċiniżi bħala “ġenoċidju kulturali” u, iżda fl-istess waqt ħeġġeġ lit-Tibetani biex “jipprattikaw in-non-vjolenza u biex ma jitbiegħdux minn din it-triq, tkun kemm tkun serja s-sitwazzjoni ħafna” (5); billi l-Qdusija Tiegħu id-Dalai Lama ma talabx l-indipendenza tat-Tibet imma talab biex jinstab kompromess fejn ikun hemm biss awtonomija kulturali u politika u l-libertà tal-kult – pożizzjoni li l-Parlament Ewropew jappoġġja;

E.

billi huma l-mezzi paċifiċi u djalogu sinċier biss li jistgħu jwasslu għal ftehim dejjiemi;

F.

billi, ħlief għal vjaġġ uffiċjali tal-ġurnalisti internazzjonali organizzat mill-Gvern Ċiniż, il-media internazzjonali iċċaħdet mill-tidħol fir-reġjun tat-Tibet biex tirraporta fuq l-avvenimenti u l-ġurnalisti kollha ġew imkeċċija; billi l-vjaġġ tal-ġurnalisti internazzjonali msemmi hawn fuq kien ikkontrollat sew u l-ġurnalisti li pparteċipaw iċċaħdilhom l-aċċess bla restizzjoni għall-poplu Tibetan,

G.

billi l-Gvern Ċiniż jidher li qed jimblokka websites barranin ġewwa ċ-Ċina u li qed jiċċensura xandiriet tat-televiżjoni barranin dwar is-sitwazzjoni fit-Tibet;

H.

billi huwa konvint li l-Logħob Olimpiku ta' Beijing huwa opportunità straordinarja għaċ-Ċina biex tiftaħ lilha nnfisha għad-dinja u viċe-versa, u biex turi li tista' tonora l-ħidmiet tagħha fir-rigward tal-promozzjoni tad-drittijiet fundamentali għall-poplu Ċiniż kollu, bla distinzjoni ta' xejn

I.

billi d-djalogu ta' bejn l-UE u ċ-Ċina dwar id-drittijiet tal-bniedem stabbilit fis-sena 2000, naqas milli jikseb ir-riżultati mistennija;

1.

Jikkundanna bil-qawwa r-ripressjoni brutali min-naħa tal-forzi tas-sigurtà Ċiniżi kontra d-dimostranti Tibetani u l-atti vjolenti, għamilhom min għamilhom, li seħħu fit-toroq ta' Lhasa u f'imkejjen oħrajn fit-Tibet, u jesprimi l-kondoljanzi sinċieri tiegħu lill-familji tal-vittmi;

2.

Jistieden lill-Gvern Ċiniż biex jiggarantixxi kura medika xierqa għat-Tibetani feruti u assistenza legali għat-Tibetani arrestati; jagħmel appell lill-awtoritajiet biex jippreżentaw rendikont tan-nies miżmuma, jittrattawhom skond il-liġi internazzjontali dwar id-drittijiet tal-bniedem u, f'kull ċirkostanza, ma jużawx tortura; jitlob għall-ħelsien minnufih ta' dawk kollha li pprotestaw b'mod paċifiku billi eżerċitaw id-dritt leġittimu tagħhom għal-libertà tal-espressjoni;

3.

Jikkritika t-trattament, spiss diskriminatorju tal-minoranzi etniċi Ċiniżi non-Han; jistieden liċ-Ċina biex twettaq l-impenji tagħha lejn id-drittijiet tal-bniedem u tal-minoranzi u lejn l-istat tad-dritt; iħeġġeġ liċ-Ċina biex ma tużax b'mod ħażin il-Logħob Olimpiku 2008 billi tarresta dissidenti, ġurnalisti u attivisti favur id-drittijiet tal-bniedem biex tevita rapporti u dimostrazzjonijiet li l-awtoritajiet iqisu ta' mistħija; jitlob, f'dan ir-rigward, għall-ħelsien minnufih ta' Hu Jia, attivista prominenti dwar id-drittijiet tal-bniedem, b'sentenza ta' tliet snin u nofs ħabs b'akkużi ta' sovverżjoni;

4.

Jitlob li ssir inkjesta miftuħa u indipendenti dwar l-irvellijiet riċenti u dwar ir-ripressjoni fit-Tibet taħt l-awspiċju tan-NU; iħeġġeġ lill-awtoritajiet Ċiniżi biex jagħmlu stedina permanenti lill-Kummissarju Għoli tan-NU għad-Drittijiet tal-Bniedem u lill-korpi l-oħra tan-NU biex iżuru t-Tibet;

5.

Jilqa' b'sodisfazzjon il-fatt li l-Qdusija Tiegħu id-Dalai Lama stieden lill-poplu Tibetan biex jipprotesta b'mod mhux vjolenti u l-fatt li rrifjuta talbiet għall-indipendenza Tibetana u minflok din ippropona t-triq tan-nofs ta' awtonomija kulturali u politika ġenwina, u ħelsien reliġjuż; jafferma mill-ġdid l-appoġġ tiegħu għall-integrità territorjali taċ-Ċina;

6.

Jitlob lill-awtoritajiet Ċiniżi biex jiftħu t-Tibet għall-media u d-diplomatiċi, b'mod partikulari għar-rappreżentanti tal-UE; iħeġġeġ lill-awtoritajiet Ċiniżi biex minnufih ma jkomplux jiċċensuraw u jimblukkaw il-websites tal-aħbarijiet u l-informazzjoni bbażati barra l-pajjiż; jitlob li jinħelsu l-ġurnalisti, l-utenti u d-dissidenti tal-Internet kollha miżmuma fiċ-Ċina minħabba li eżerċitaw id-dritt tagħhom għall-informazzjoni;

7.

Huwa mħasseb dwar il-marġinalizzazzjoni ekonomika li kull ma tmur qiegħda tiżdied tal-poplu Tibetan fit-Tibet, li qed iħabbat wiċċu ma għadd dejjem ikbar ta' ħaddiema li jemigraw miċ-Ċina għat-Tibet u li jieħdu l-postijiet tax-xogħol u l-art minn ħalq it-Tibetani; jinnota d-diskriminazzjoni kbira fis-sistema edukattiva, fejn it-tfal Tibetani jitgħallmu l-lingwa nattiva tagħhom bħala t-tieni lingwa;

8.

Jitlob liċ-Ċina biex tirrispetta l-impenji pubbliċi tagħha lejn id-drittijiet tal-bniedem u d-drittijiet tal-minoranzi, id-demokrazija u l-istat tad-dritt li tħabbru fid-deċiżjoni tal-Kumitat Internazzjonali Olimpiku (IOC) li tħalli liċ-Ċina torganizza l-Logħob;

9.

Iħeġġeġ liċ-Ċina biex tirratifika, mingħajr aktar dewmien u f'kull każ qabel il-Logħob Olimpiku, il-Ftehim Internazzjonali dwar id-Drittijiet Ċivili u Politiċi (NU, 1966); jistieden lil Beijing biex jistabbilixxi moratorju fuq il-piena tal-mewt, kif mitlub mill-Assemblea Ġenerali tan-NU fir-Riżoluzzjoni 62/149 tat-18 ta' Diċembru 2007 dwar moratorium għall-użu tal-piena tal-mewt;

10.

Jesprimi d-dispjaċir tiegħu li s-sitt sessjonijiet ta' taħditiet bejn l-awtoritajiet Ċiniżi u l-Qdusija Tiegħu id-Dalai Lama naqsu li jiksbu riżultati u jitlob li jinfetaħ djalogu kostruttiv mingħajr kundizzjonijiet minn qabel, bil-ħsieb li jintlaħaq ftehim politiku komprensiv, li jinkludi soluzzjoni sostenibbli fir-rigward tal-awtonomija kulturali u politika tat-Tibet, il-libertà tal-kult u drittijiet veri tal-minoranzi għall-poplu Tibetan fi provinċji Ċiniżi oħra tal-viċinat;

11.

Jitlob lill-Kunsill, b'mod partikulari lill-Presidenza, biex tissorvelja l-iżviluppi mill-qrib, u biex tiżgura li l-UE tadotta pożizzjoni komuni konsistenti u li d-deċiżjonijiet meħuda fuq il-bażi tagħha jkunu implimentati kif jixraq, u jqis li r-rappreżentanti diplomatiċi tal-UE f'Beijing għandhom jieħdu l-inizjattiva li jżuru r-reġjun sabiex iħejju rapport lill-Kunsill dwar is-sitwazzjoni kurrenti;

12.

F′dan ir-rigward itenni l-istedina tiegħu sabiex il-Kunsill jaħtar mibgħuta speċjali għall-kwistjonijiet tat-Tibet sabiex jiffaċilitaw id-djalogu bejn il-partijiet u jsegwu mill-qrib in-negozjati, meta jergħu jinbdew;

13.

Japprova d-dikjarazzjoni tal-Qdusija Tiegħu id-Dalai Lama li l-Logħob Olimpiku huwa opportunità mill-aqwa għal-libertà għall-poplu Ċiniż kollu;

14.

Jistieden lill-Presidenza fil-kariga tal-UE biex tirsisti sabiex tinstab pożizzjoni komuni tal-UE fir-rigward tal-attendenza tal-Kapijiet tal-Gvern u tal-Istat u tar-Rappreżentant Għoli tal-UE fiċ-ċerimonja tal-ftuħ tal-Logħob Olimpiku, bil-possibilità li ma jattendux fil-każ li ma jerġax jinbeda d-djalogu bejn l-awtoritajiet Ċiniżi u l-QdusijaTiegħu id-Dalai Lama;

15.

Iħeġġeġ lir-Repubblika Popolari taċ-Ċina biex tieqaf tagħmel skrutinju u tiġġudika lill-atleti Olimpiċi fuq il-bażi tal-opinjoni politika tagħhom u biex tieqaf thedded li tipprojbilhom li jieħdu sehem fil-Logħob Olimpiku jekk ma jaqblux mal-pożizzjoni uffiċjali tal-Gvern Ċiniż;

16.

Jistenna bil-ħeġġa ż-żjara tal-Qdusija Tiegħu id-Dalai Lama fil-Parlament Ewropew biex jindirizza s-sessjoni plenarja li hija skedata għal tmiem l-2008, u jistieden lill-Konferenza tal-Presidenti biex tesplora l-possibilità ta' żjara iżjed bikrija;

17.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u l-parlamenti tal-Istati Membri, lill-gvernijiet u l-parlamenti tal-pajjiżi applikanti, lill-President u lill-Prim Ministru tar-Repubblika Popolari Ċiniża, lill-President tal-Kungress Popolari Nazzjonali taċ-Ċina, lill-Kumitat Olimpiku Internazzjonali u lill-Qdusija tiegħu id-Dalai Lama.

15.10.2009   

MT

Il-Ġurnal Uffiċjali tal-Unjoni Ewropea

CE 247/7

A.

billi l-Kroazja ressqet sew lejn sħubija sħiħa mal-Unjoni Ewropea, qed tkompli tissodisfa l-kriterji politiċi ta' Kopenħagen u qed timplimenta b'suċċess il-Ftehima ta' Stabilizzazzjoni u Assoċjazzjoni;

B.

billi l-Kroazja hija stat Ewropew demokratiku li jappoġġja l-integrazzjoni Ewropea u huwa impenjat sabiex jingħelbu l-firdiet eżistenti u tinkiseb ir-rikonċiljazzjoni bejn il-popli, aspetti li jinvolvu delegazzjoni voluntarja tal-poteri f'ċerti oqsma ewlenin tal-politika, u billi l-Kroazja għamlet sforzi sostanzjali u ta' suċċess f'dan ir-rigward li ħallew riżultati evidenti,

C.

billi l-proċess ta' adeżjoni tal-Kroazja mal-UE għandu implikazzjonijiet reġjonali aktar wiesa’, huwa meqjus bħala test għall-impenji li l-UE ħadet fir-rigward tal-Balkani tal-Punent, u jista' jsir inċentiv sinifikanti għall-pajjiżi kollha l-oħra kkonċernati,

D.

D billi l-Kroazja kompliet tissodisfa l-kriterji politiċi ta' Kopenħagen, billi ġiet rikonoxxuta li għandha ekonomija tas-suq li tiffunzjona, u billi b'mod ġenerali kompliet timplimenta l-Ftehima ta' Stabilizzazzjoni u Assoċjazzjoni mingħajr diffikultajiet kbar;

E.

billi l-impenn serju tal-Kroazja rigward in-negozjati dwar l-adeżjoni ta l-frott u jidher li hemm prospetti tajbin għall-ġejjieni tal-proċess tal-integrazzjoni tal-Kroazja kif ukoll ta' pajjiżi oħra tar-reġjun fl-UE,

F.

billi f'dawn l-aħħar sentejn ta' negozjati l-Kroazja għamlet passi sostanzjali u pożittivi 'l quddiem fil-parti l-kbira tal-oqsma koperti mill-korp tal-liġi Komunitarja,

G.

billi jeħtieġ li jkun hemm sforzi akbar u impenn politiku mġedded sabiex jiġu indirizzati wħud mill-oqsma l-aktar problematiċi fejn riformi serji huma meħtieġa qabel ma l-Kroazja tkun tista' tissieħeb fl-Unjoni Ewropea,

H.

billi l-Konklużjonijiet tal-Presidenza tal-Kunsill Ewropew 2003 f'Thessaloniki indika li l-futur tal-pajjiżi kollha tal-Balkani tal-Punent jinsab fil-fatt fl-Unjoni Ewropea, kif inhu kkonfermat f'numru ta' riżoluzzjonijiet tal-Parlament,

I.

billi d-dikjarazzjoni maħruġa mill-UE u mill-pajjiżi tal-Balkani tal-Punent, approvata b'mod unanimu mill-Ministri tal-Affarijiet Barranin tal-Unjoni Ewropea u tal-pajjiżi tal-Balkani tal-Punent fil-11 ta' Marzu 2006 f'Salzburg, tenfasizza l-importanza ta' relazzjonijiet tajbin mal-viċinat u dwar il-bżonn li jinstabu soluzzjonijiet aċċettabbli minn kulħadd għall-kwistjonijiet pendenti mal-pajjiżi ġirien,

1.

Jifraħ lill-awtoritajiet Kroati għar-riżultati pożittivi li nkisbu sa issa, b'mod partikulari rigward l-għadd ta' kapitoli ta' negozjati li nfetħu;

2.

Iqis li l-għan tan-negozjati ta' adeżjoni li għaddejjin hu li jinstab qbil dwar miżuri li jistgħu ikunu neċessarji għall-iffaċilitar tal-integrazzjoni, b'impenn ċar min-naħa tal-pajjiż kandidat li jaċċetta u jimplimenta l-acquis u li jżomm mal-objettivi politiċi tat-Trattati, u li huma m'għandhomx jintużaw bħala lieva sabiex tinstab xi soluzzjoni għal tilwim politiku bilaterali li ma jkunx fl-ambitu tal-acquis u tal-għanijiet tal-proċess;

3.

Jilqa’ b'sodisfazzjon il-fatt li l-Kroazja għamlet progress tajjeb biex tilħaq il-punti ta' referenza għall-ftuħ ta' kapitoli ġodda, u jappoġġja lill-gvern u lill-parlament tal-Kroazja fl-isforzi tagħhom sabiex jissodisfa l-benchmarks għall-bqija tal-kapitoli;

4.

Għandu l-pjaċir jinnota li l-parti l-kbira tal-leġiżlazzjoni tal-Kroazja ġiet allinjata mal-istandards tal-UE, iżda jfakkar lill-awtoritajiet Kroati li issa huwa żmien kruċjali biex jitħaffef l-iżvilupp tal-kapaċità amministrattiva meħtieġa sabiex tiġi implimentata l-leġiżlazzjoni l-ġdida; jistieden f'dan ir-rigward lill-awtoritajiet Kroati sabiex jiftħu dan il-proċess u jinvolvu lis-soċjetà ċivili fil-monitoraġġ tal-implimentazzjoni;

5.

Iħeġġeġ lill-Kroazja sabiex tħaffef il-proċess tar-riforma tas-servizz pubbliku fil-gvern lokali u reġjonali, u biex tforni r-riżorsi u t-taħriġ neċessarji għall-implimentazzjoni ta' dawn ir-riformi;

6.

Ifaħħar il-passi li ttieħdu fil-qasam kruċjali tar-riforma ġuridika, iżda jaqbel mal-Kummissjoni li jeħtieġ li jkun hemm aktar titjib, b'mod partikulari sabiex:

7.

Jifraħ lill-awtoritajiet Kroati għall-isforzi kontinwi tagħhom favur prosekuzzjoni imparzjali tar-reati domestiċi tal-gwerra, u jħeġġiġhom biex ikunu dejjem attenti sabiex jevitaw ir-riskju ta' sentenzi li jxaqilbu lejn xi grupp etniku u biex jiżguraw li jittieħdu l-miżuri kollha għall-ħarsien tal-integrità tal-proċess ġuridiku; f’dan il-kuntest jappella għal aktar miżuri urġenti għall-protezzjoni tax-xhieda, inkluż l-adozzjoni ta' dispożizzjonijiet legali msaħħa;

8.

Jilqa’ b'sodisfazzjon il-fatt li l-Kroazja qed tkompli tikkopera bis-sħiħ mat-Tribunal Kriminali Internazzjonali tal-Ġnus Magħquda għall-ex Jugoslavja (ICTY); jinsab imħasseb madanakollu dwar l-impatt negattiv tas-sentenzi tal-ICTY dwar il-każijiet ta' reati tal-gwerra ta' Vukovar fuq l-opinjoni pubblika fil-Kroazja;

9.

F’dan il-kuntest jappella lill-awtoritajiet Kroati sabiex jiżguraw konformità stretta mal-kundizzjonijiet għar-rilaxx proviżorju tal-akkużati mressqa quddiem l-ICTY;

10.

Jilqa’ t-tisħiħ tal-mandat tal-Uffiċċju għall-Prevenzjoni tal-Korruzzjoni u l-Kriminalità Organizzata (USKOK) u l-għadd ikbar ta' każijiet ta' korruzzjoni li qegħdin quddiem il-qrati, u jħares 'l quddiem għas-suċċess ta' investigazzjonijiet f'każijiet ta' korruzzjoni ta' livell għoli; jitlob li dawn l-isforzi jibqgħu għaddejjin biex jinqered il-livell – f'xi każijiet tant għoli li mhux aċċettabbli – ta' korruzzjoni, li jdgħajjef l-iżvilupp ekonomiku tal-pajjiż;

11.

Jifraħ lill-Kroazja għal-Liġi Kostituzzjonali dwar Minoranzi Nazzjonali (CLNM), li hija waħda eżemplari, u jfaħħarha għall-miżuri meħuda sabiex tiffaċilita l-integrazzjoni ta' minoranzi fil-ħajja soċjali u politika ta' kuljum;

12.

Jilqa’ d-deċiżjoni importanti li jinħatar rappreżentant tal-minoranza Serba bħala Viċi Prim Ministru b'responsabilità għall-iżvilupp reġjonali, għar-rikostruzzjoni u għar-ritorn tar-refuġjati;

13.

Iħeġġeġ lill-gvern u lill-parlament sabiex jagħmlu sforzi biex jiżguraw l-eliminazzjoni ta' kull forma ta' diskriminazzjoni u preġudizzju, anke fir-rigward tal-komunità Roma; f'dan il-kuntest jappella għall-adozzjoni mill-gvern ta' strateġija globali kontra d-diskriminazzjoni u tal-implimentazzjoni effettiva tagħha fil-livell ta' stat u fil-livell lokali;

14.

Ifakkar ukoll fil-bżonn li jkun żgurat livell effettiv ta' implimentazzjoni tas-CLNM, b'mod partikulari rigward it-tagħlim bilingwu fl-iskejjel u l-bilingwiżmu fl-amministrazzjoni pubblika u l-garanziji ta' impjieg ippjanati li jikkonċernaw ir-rappreżentazzjoni xierqa tal-minoranzi fil-ġudikatura u fl-amministrazzjoni pubblika; jistieden lill-Kummissjoni sabiex tiżgura li tingħata biżżejjed attenzjoni, skond l-Istrument ta' Qabel l-Adeżjoni, (Pre-Accession Assistance – IPA) lill-implimentazzjoni tad-dispożizzjonijiet tal-CLNM;

15.

Iqis li l-miżuri internazzjonali għall-bini ta' fiduċja huma element ewlieni għall-iżgurar tal-istabbilità tal-pajjiż u tal-inħawi tal-Balkani fil-madwar;

16.

Huwa tal-opinjoni li s-sistema edukattiva fil-Kroazja, filwaqt li tippreserva u ttejjeb it-tradizzjonijiet kulturali u soċjali ta' kull komunità nazzjonali, għandha tippromwovi integrazzjoni u koeżjoni akbar fi ħdan is-soċjetà Kroata;

17.

Jitlob li jkun hemm integrazzjoni mill-ġdid tar-rifuġjati tal-gwerra b'mod sostenibbli, u f'dan ir-rigward jiġbed l-attenzjoni għall-iżvilupp u l-implimentazzjoni f'waqtha ta' miżuri għall-akkomodazzjoni, l-impjiegi u miżuri soċjali għar-rifuġjati li jkunu proporzjonati mal-kobor tal-isfida;

18.

Jinnota b'sodisfazzjon it-tkabbir sostenibbli imwettaq mill-ekonomija Kroata; jittama li dan it-tkabbir jirriżulta f'iktar opportunitajiet ta' impjieg; ifaħħar ix-xogħol li sar minn HitroRez rigward it-tnaqqis tal-piż amministrattiv fuq in-negozju u jistenna bil-ħerqa riżultati simili f'setturi oħra;

19.

Jilqa’ r-riformi adottati fis-settur għall-protezzjoni ambjentali; jistieden lill-gvern sabiex jikkunsidra miżuri u politiki li jindirizzaw l-effetti ħżiena tal-bidla fil-klima, skond il-miri tal-UE; jappella għall-istabbiliment ta' djalogu intersettorjali aktar komprensiv sabiex ikun żgurat żvilupp ekoloġiku sostenibbli;

20.

Iħeġġeġ lill-awtoritajiet Kroati biex jivvalutaw mill-ġdid l-effiċjenza tas-sistema attwali tal-miżuri ta' protezzjoni ambjentali, inklużi l-iżvilupp tal-impjanti kostali għat-trattament tal-ilma, il-ġbir differenzjat tal-iskart u impjanti għall-irkupru tas-sħana u l-eliminazzjoni ta' miżbliet illegali, u sabiex tiżdied il-koordinazzjoni bejn il-korpi kollha responsabbli; f'dan il-kuntest jappella wkoll għall-kampanja ta' trawwim ta' kuxjenza mmirata għaż-żieda tal-attenzjoni pubblika għall-ambjent;

21.

Jilqa’ l-Programm Ekonomiku ta' qabel l-adeżjoni tal-Kroazja u jinnota li dan ippreveda l-adozzjoni f'Marzu 2008 tal-Programm Nazzjonali ta' Ristrutturazzjoni għall-industrija tal-bini tal-vapuri, programm li ilu mistenni ħafna; ifakkar lill-awtoritajiet Kroati li l-progress f'dan il-qasam, minbarra li huwa rekwiżit tal-Ftehima ta' Stabilizzazzjoni u Assoċjazzjoni, huwa importanti ferm għan-negozjati dwar l-adeżjoni; jistieden lill-Kummissjoni sabiex tiffaċilita, permezz tal-IPA, l-implimentazzjoni tal-programm tar-ristrutturazzjoni;

22.

Jinsisti li l-leġiżlazzjoni l-ġdida għandha tiġi implimentata malajr, billi din tipprovdi referenza affidabbli għall-evalwazzjoni tal-livell tat-tħejjija tal-pajjiżi għas-sħubija, tal-istat tat-tħejjija bbażat fuq il-fatti u mhux biss fuq il-leġiżlazzjoni adottata, b'mod partikulari rigward ir-riforma ġudizzjarja, il-ġlieda kontra l-korruzzjoni u r-riformi ekonomiċi.

23.

Jistieden lill-gvern Kroat sabiex jiżgura li s-sejħiet pubbliċi għal offerti jinħarġu skond il-liġi Komunitarja;

24.

Sar jaf bi tħassib, dwar il-kritika reċenti li għamlet il-Kummissjoni rigward il-mod li bih il-fondi tal-UE qed jiġu mmaniġġjati mill-awtoritajiet Kroati u jħeġġiġhom sabiex bl-għajnuna tal-Kummissjoni, jindirizzaw b'urġenza d-dgħufija amministrattiva li ġiet identifikata sabiex tkun tista' titneħħa s-sospensjoni temporanja ta' kuntratti fil-programm PHARE 2006 (b’allokazzjoni finanzjarja totali ta' EUR 68,5 miljuni) u l-integrazzjoni mill-ġdid tal-allokazzjoni inizjali għas-sena finanzjarja 2008 fi ħdan l-IPA Component 1, wara tnaqqis ta' EUR 5 miljuni;

25.

Fir-rigward ta' kwistjonijiet bilaterali li għad m'hemmx qbil dwarhom, ifakkar lill-partijiet kollha kkonċernati fil-prinċipju “pacta sunt servanda”;

26.

Jilqa’ d-deċiżjoni tat-13 ta' Marzu 2008 tal-Parlament Kroat sabiex ma tkunx applikata z-Zona Protetta għas-Sajd Ekoloġiku għall-Istati Membri tal-UE sakemm tintlaħaq ftehima komuni fl-ispirtu tal-UE; huwa kunfidenti li, ladarba fl-aħħar din il-kwistjoni ġiet solvuta, jistgħu jittieħdu malajr id-deċiżjonijiet dwar il-ftuħ ta' kapitoli ġodda;

27.

Jilqa’ b'sodisfazzjon ir-rieda li wriet il-Kroazja li ssolvi l-kwistjonijiet dwar il-fruntiera mal-Montenegro, li bħala xhieda hemm il-ftehim li ntlaħaq bejn iż-żewġ Prim Ministri fit-12 ta' Marzu 2008; jilqa’ b'sodisfazzjon, barra minn hekk il-ftehima informali milħuqa mill-Prim Ministri tal-Kroazja u tas-Slovenja dwar il-kwistjoni tal-arbitraġġ, u jitlob liż-żewġ naħat biex jimplimentaw din il-ftehima u japprovaw ir-riżultat tal-arbitraġġ b'deċiżjoni ċara mill-parlamenti taż-żewġ pajjiżi;

28.

Ifakkar li l-fatt li għandhom jiġu indirizzati b'mod partikolari l-kwistjonijiet marbuta ma' fruntieri, huwa ta' prijorità għall-Kroazja fis-Sħubija ta' Adeżjoni; f'dan ir-rigward jesprimi t-tħassib li għad għandu dwar il-bidu tax-xogħol ta' kostruzzjoni tal-pont Pelješac f'Ottubru 2007 minkejja l-oppożizzjoni li wriet il-Bożnija Ħerzegovina dwar fruntieri tal-baħar mhux definiti; jinnota li bħalissa x-xogħol ta' kostruzzjoni jinsab wieqaf u jappella għal riżoluzzjoni negozjata għal din il-kwistjoni bejn iż-żewġ stati;

29.

Ifaħħar lill-Kroazja dwar il-progress kontinwu li għamlet fil-qasam tal-koperazzjoni reġjonali u fl-istess ħin iħeġġiġha biex tkompli miexja f'din id-direzzjoni fil-qasam tar-relazzjonijiet tajbin mal-pajjiżi ġirien, peress li dawn iż-żewġ oqsma huma kruċjali għall-integrazzjoni Ewropea;

30.

Jistieden lill-Kroazja sabiex iżżomm l-attitudni kostruttiva tagħha u jkollha rwol pożittiv fir-reġjun sabiex tappoġġja u ssaħħaħ il-konsolidazzjoni tal-Bożnija Ħerzegovina;

31.

Jaqbel mal-Kummissjoni li, bi sforzi akbar min-naħa tal-Kroazja u appoġġ kontinwu mill-istituzzjonijiet tal-UE, in-negozjati għall-adeżjoni għandhom f'kull każ jiġu konklużi fl-2009;

32.

F’dan il-kuntest jistieden lill-Kummissjoni sabiex iżżid l-isforzi tagħha u żżid ir-riżorsi allokati għall-preparazzjoni, l-ipproċessar u l-finalizzazzjoni tal-materjal tan-negozjati sabiex l-UE tkun tista' tirrispondi b'mod aktar mgħaġġel u effiċjenti għall-progress li għamlet il-Kroazja sabiex tilħaq il-punti ta' referenza tal-ftuħ u tal-għeluq;

33.

Iħeġġeġ lill-awtoritajiet Kroati biex jinvolvu gruppi tas-soċjetà ċivili (NGOs, il-komunità akkademika, tradeunions) fil-proċess ta' adeżjoni mal-UE;

34.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni, u lill-Gvernijiet u l-Parlamenti tal-Istati Membri u tal-Kroazja.

15.10.2009   

MT

Il-Ġurnal Uffiċjali tal-Unjoni Ewropea

CE 247/11

A.

billi, skond stimi mill-Aġenzija Internazzjonali għar-Riċerka dwar il-Kanċer (IARC), wieħed minn kull tliet Ewropej jinstablu l-kanċer matul ħajtu u wieħed minn kull erba’ Ewropej imut b’din il-marda,

B.

billi fl-2006, kien hemm madwar 2 miljuni u 300,000 każ ġdid ta’ kanċer u aktar minn miljun ruħ li mietu bil-kanċer fl-Unjoni Ewropea; billi l-biċċa l-kbira mietu bil-kanċer tal-pulmun, bil-kanċer kolorettali u bil-kanċer tas-sider,

C.

billi l-kanċer hu kkawżat minn ħafna fatturi fi stadji differenti u għalhekk tenħtieġ paradigma ġdida għall-prevenzjoni tal-kanċer li tindirizza, fuq livell ugwali, il-kawżi marbuta mal-istil tal-ħajja u l-kawżi marbuta max-xogħol u mal-ambjent, b’mod li tirrifletti l-effetti attwali kkombinati flimkien ta’ kawżi differenti, aktar milli tiffoka fuq kawżi iżolati,

D.

billi, skond studju reċenti magħmul mit-trejdjunjins, mill-inqas 8 % tal-imwiet mill-kanċer kull sena huma kkawżati direttament minn esponiment għall-karċinoġeni fuq il-post tax-xogħol; billi dan it-tip ta’ esponiment jista’ jiġi evitat bis-sostituzzjoni tal-karċinoġeni b’sustanzi li jagħmlu inqas ħsara; billi min iħaddem huwa barra minn dan obbligat legalment li jissostitwixxi l-karċinoġeni fejn hu possibbli, imma sfortunatament, dawn id-dispożizzjonijiet mhumiex implimentati u infurzati sew, u dan hu inaċċettabbli,

E.

billi sustanzi kimiċi li jqallbu l-glandola endokrinali jista’ jkollhom sehem importanti fil-formazzjoni tal-kanċer, bħall-kanċer tas-sider jew tat-testikoli, u għalhekk jiħtieġu azzjoni speċifika,

F.

billi l-popolazzjoni tal-Unjoni li qed tixjieħ hija waħda mir-raġunijiet għaż-żieda tal-mard tal-kanċer madwar l-Unjoni kollha,

G.

billi fl-Istati Membri l-ġodda r-rati tal-imwiet minħabba l-kanċer huma ogħla mir-rati fl-UE bi 15-il pajjiż,

H.

billi d-differenzi sorprendenti u inaċċettabbli fil-kwalità tal-faċilitajiet għat-trattament tal-kanċer, fil-programmi ta’ skrining, fil-linji gwida tal-aħjar prattika msejsa fuq l-evidenza, fil-faċilitajiet għar-radjuterapija, u fl-aċċess għal mediċini kontra l-kanċer, huma fost ir-raġunijiet għad-differenzi kbar fir-rata ta’ sopravivenza ta’ ħames snin għall-biċċa l-kbira tal-kanċer madwar l-Ewropa kollha,

I.

billi d-Dikjarazzjoni tal-Parlament Ewropew msemmija hawn fuq dwar il-ħtieġa għal strateġija komprensiva biex jiġi kkontrollat il-kanċer tistieden lill-Kunsill u lill-Kummissjoni sabiex jifformulaw strateġija komprensiva għall-kontroll tal-kanċer li tittratta l-erba’ fatturi bażiċi li jikkontrollaw il-kanċer: a) il-prevenzjoni, b) s-sejbien bikri, c) id-djanjosi, it-trattament u t-tkomplija tat-testijiet u d) l-kura li ttaffi s-sintomi,

J.

billi matul iż-żmien li kien fis-seħħ il-Pjan ta’ Azzjoni tal-Kummissjoni Kontra l-Kanċer (“L-Ewropa kontra l-kanċer” 1986-2002) f’ħafna pajjiżi naqset ir-rata ta’ mwiet għal bosta forom komuni ta’ kanċer,

K.

billi d-WHO tikkalkula li l-prevenzjoni hija possibbli għal talanqas terz mill-każijiet kollha ta’ kanċer u li l-prevenzjoni toffri l-istrateġija l-iktar effettiva f’sens ta’ nfiq għall-futur imbiegħed għall-kontroll tal-kanċer; billi jistgħu jitfejqu terz ieħor tal-kanċer jekk jinstabu kmieni u jiġu kkurati kif xieraq,

L.

billi s-silika kristallina kienet ikklassifikata mid-WHO bħala karċinoġenu tal-1 klassi u billi 3 miljuni u 200,000 ħaddiem fl-UE huwa espost għal din is-sustanza matul talanqas 75 % tal-ħin tax-xogħol; billi huwa stmat li 2.7 % mill-imwiet minħabba l-kanċer tal-pulmun jew tal-bronki huma kkaġunati mill-esponiment għas-silika kristallina waqt ix-xogħol,

M.

billi, skond id-data tal-Organiżżazzjoni dwar l-Iżvilupp u l-Koperazzjoni Ekonomika (OECD), bħalissa medja ta’ 3 % biss tal-baġit totali għas-saħħa tal-pajjiżi tal-OECD jintefqu fuq il-prevenzjoni meta mqabbla mas-97 % li jintefqu fuq il-kura tas-saħħa u t-trattament; billi jeħtieġ li dan l-iżbilanċ kbir jiġi korrett b’mod urġenti, aktar u aktar minħabba li mill-inqas terz tal-każi tal-kanċer jistgħu jiġu evitati,

N.

billi hu stmat li 25 % tal-imwiet kollha mill-kanċer fl-Unjoni huma kkawżati mit-tipjip; billi t-tipjip jikkawża bejn 80 u 90 % tal-imwiet mill-kanċer fil-fwied fid-dinja kollha,

O.

billi programm nazzjonali għall-kontroll tal-kanċer li jitfassal u li jiġi mmaniġġjat sew, inaqqas l-inċidenza tal-kanċer u tal-imwiet, f’xi każi b’iktar minn 70 %, u jtejjeb il-ħajja tal-pazjenti bil-kanċer, ikunu xi jkunu l-limitazzjonijiet tar-riżorsi li jiffaċċja l-pajjiż,

P.

billi l-implimentazzjoni fil-pajjiż kollu ta’ programmi ta’ skrining effettivi, ibbażati fuq il-popolazzjoni — imwettqa skond il-linji gwida Ewropej jekk diġà jeżistu – ittejjeb sew il-kwalità u l-aċċessibilità tal-iskrining tal-kanċer, tad-djanjosi u tas-servizzi terapewtiċi għall-popolazzjoni u b’hekk ittejjeb il-kontroll tal-kanċer,

Q.

billi r-reġistri nazzjonali tal-kanċer fl-Istati Membri kollha huma essenzjali bil-għan li tkun provduta data komparabbli dwar il-kanċer,

R.

billi bħalissa fl-UE hemm inugwaljanzi kwalitattivi konsiderevoli u innaċċettabbli fl-iskrining għall-kanċer u fis-sejbien bikri u t-tkomplija tat-testijiet, partikolarment fir-rigward tal-proċeduri djanjostiċi użati u tal-integrazzjoni ta’ dawk il-proċeduri fil-politika tas-saħħa tal-Istati Membri, u billi l-programmi ta’ skrining jiffaċilitaw id-djanjosi bikrija, li tikkontribwixxi għal tnaqqis li jista’ jitkejjel u effiċjenti f’sens ta’ nfiq tal-impatt tal-marda,

S.

billi l-onkoloġija m’hijiex rikonoxxuta bħala speċjalità medika fl-Istati Membri kollha, u billi jeħtieġ li tkun provduta edukazzjoni medika kontinwa,

T.

billi l-EudraCT, il-bażi ta’ data Ewropea għall-Istudji Kliniċi fl-Aġenzija Ewropea tal-Mediċini (EMEA), mhix miftuħa għall-pubbliku ġenerali, u l-pazjenti jsibu diffikultajiet sabiex isibu studji dwar il-kundizzjoni speċifika tagħhom,

U.

billi l-kumplessità tal-kanċer tirrikjedi komunikazzjoni mtejba bejn il-bosta u d-diversi professjonisti tal-kura tas-saħħa involuti fit-trattament tal-pazjenti bil-kanċer; billi l-kura psikoloġika tal-pazjenti bil-kanċer tista’ ttejjeb il-kwalità ta’ ħajjithom,

V.

billi bħalissa l-pazjenti bil-kanċer m’għandhomx aċċess indaqs għall-informazzjoni medika u jinsabu fi bżonn urġenti ta’ aktar informazzjoni f’kull stadju tal-marda tagħhom,

1.

Jistieden lill-Kummissjoni, lill-Kunsill u lill-Istati Membri sabiex jieħdu azzjoni xierqa għall-prevenzjoni, is-sejbien bikri, id-djanjosi u t-trattament, inkluża l-kura li ttaffi s-sintomi, sabiex titnaqqas iż-żieda sinifikanti li se sseħħ fl-impatt mill-kanċer, minħabba tibdil demografiku fid-deċennji li ġejjin, filwaqt li jaħsbu wkoll għal appoġġ finanzjarju xieraq għall-azzjonijiet koordinati u għat-tisħiħ xieraq tal-kapaċitajiet;

2.

Jistieden lill-Kummissjoni biex twaqqaf Grupp ta’ Ħidma interistituzzjonali tal-UE kontra l-Kanċer magħmul minn rappreżentanti mill-Kummissjoni, mill-Kunsill u mill-Parlament Ewropew, li jiltaqa’ regolarment, biex tinġabar u tiġi skambjata l-aħjar prattika dwar il-prevenzjoni, (inkluż it-tnaqqis tal-esponiment għal karċinoġeni marbuta max-xogħol u mal-ambjent u sustanzi oħra li jikkontribwixxu għall-iżvilupp tal-kanċer), l-iskrining u t-trattament u sabiex tkun minn ta’ quddiem fit-titjib tal-kontroll tal-kanċer fl-Ewropa; jenfasizza li l-Grupp ta’ Ħidma tal-UE għandu, b’mod partikulari, jippromwovi miżuri ġodda, kif ukoll proġetti eżistenti ta’ skrining, li jistgħu jgħinu biex sa l-201C jiżdied il-proporzjon tal-popolazzjoni li jieħu sehem f’miżuri ta’ skrining għall-kanċer b’talanqas 50 % f’kull wieħed mill-Istati Membri;

3.

Jilqa’ l-inizjattiva tal-Kummissjoni li tadotta Komunikazzjoni dwar il-Kanċer u Komunikazzjoni dwar il-Mard Rari, t-tnejn skedati għal iżjed tard din is-sena;

4.

Jitlob lill-Kummissjoni sabiex tirrevedi l-Kodiċi Ewropew Kontra l-Kanċer fuq bażi regolari u biex tippromwovih permezz ta’ kampanji ta’ għarfien u ta’ informazzjoni mmirati lejn gruppi speċifiċi tal-popolazzjoni;

5.

Iħeġġeġ lill-Istati Membri biex idaħħlu obbligu legali ta’ reġistrazzjoni tal-kanċer b’terminoloġija Ewropea standardizzata sabiex ikunu jistgħu jiġu evalwati fuq il-bażi tal-popolazzjoni l-programmi għall-prevenzjoni, l-iskrining u t-trattament, u r-rati ta’ sopravivenza kif ukoll il-komparabilità tad-data bejn l-Istati Membri;

6.

Jitlob lill-Kummissjoni biex tirrevedi r-Rakkomandazzjoni eżistenti dwar l-iskrining tal-kanċer ħalli tinkludi fiha l-iżvilupp rapidu ta’ teknoloġiji ġodda u biex tinkludi:

7.

Jistieden lill-Kummissjoni sabiex tistabbilixxi approċċ dinamiku, flessibbli, u kontinwu fil-ġlieda kontra l-kanċer li jkun ibbażat fuq il-progress xjentifiku u għal dan l-iskop għandu jistabbilixxi:

8.

Jistieden lill-Kummissjoni biex tappoġġja, fil-qafas tat-Tieni Programm ta’ Azzjoni għas-Saħħa Pubblika, networks ta’ reġistri nazzjonali tal-kanċer bil-għan li jsir studju madwar l-UE kollha dwar l-inugwaljanzi fl-inċidenza tal-kanċer u s-sopravivenza għall-kanċer;

9.

Iħeġġeġ lill-Gvernijiet tar-Repubblika Ċeka u tal-Italja, li għadhom ma għamlux dan, biex jirratifikaw il-Qafas ta’ Konvenzjoni dwar il-Kontroll tat-Tabakk tad-WHO, li daħal fis-seħħ fi Frar 2005;

10.

Jistieden lill-Kummissjoni u lill-Istati Membri kollha sabiex jiżviluppaw u jappoġġjaw protokolli u linji gwida sodi meta jimplimentaw il-Qafas ta’ Konvenzjoni dwar il-Kontroll tat-Tabakk tad-WHO u sabiex jiżguraw li jkun hemm riżorsi disponibbli li jgħinu lil dawk il-pajjiżi bi dħul baxx ħalli jwettqu l-obbligi tagħhom skond il-Konvenzjoni;

11.

Jistieden lill-Kummissjoni sabiex twettaq l-irwol ta’ gwardjan tat-Trattat billi tieħu azzjoni legali immedjata kontra l-Istati Membri kollha li ma jkunux qed jimplimentaw b’mod sħiħ id-Direttiva 2004/37/KE;

12.

Jistieden lill-Kummissjoni biex tieħu azzjoni leġiżlattiva, fejn xieraq, u biex tinkuraġġixxi u tappoġġja inizjattivi li jinkludu numru kbir ta’ partijiet interessatili għandhom l-għan li jiġi evitat il-kanċer permezz tat-tnaqqis tal-espożizzjoni għall-karċinoġeni u sustanzi oħra li jikkontribwixxu għall-iżvilupp tal-kanċer fuq ix-xogħol u fl-ambjent u li jitħeġġu l-istili ta’ ħajja tajbin għas-saħħa, b’mod partikulari fir-rigward tal-fatturi ta’ riskju ewlenin – it-tabakk, l-alkoħol, l-obeżità, id-dieti ħżiena għas-saħħa u n-nuqqas ta’ eżerċizzju fiżiku u ta’ protezzjoni kontra x-xemx – filwaqt li ssir enfasi kbira fuq it-tfal u l-adolexxenti;

13.

Jistieden lill-Kummissjoni u lill-Istati Membri sabiex jappoġġjaw u jimplimentaw politiki komprensivi dwar il-kontroll tat-tabakk li jinkludu ambjenti ħielsa mit-tipjip u interventi għal waqfien mit-tipjip, bħala metodi effettivi sabiex tonqos l-inċidenza tat-tipjip u b’hekk jiġi evitat numru kbir ta’ mwiet mill-kanċer, f’konformità mar-riżoluzzjoni tiegħu tal-24 ta’ Ottubru 2007 dwar il-Green Paper “Lejn Ewropa ħielsa mid-dħaħen tat-tabakk: għażliet politiċi fuq livell tal-UE” (13), ir-rakkomandazzjonijiet ta’ liema issa jridu jkunu implimentati b’mod sħiħ;

14.

Jistieden lill-Kummissjoni, lill-Istati Membri u lill-Aġenzija Ewropea dwar il-Kimiċi, fil-kuntest ta’ Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi (14), , sabiex jadottaw il-lista ta’ sustanzi kandidati li jwasslu għal tħassib kbir, li jinkludu sustanzi li huma karċinoġeni, bħala l-ogħla prijorità qabel l-1 ta’ Ġunju 2008, sabiex jista’ jiġi applikat l-Artikolu 33(2) ta’ REACH, li jippermetti lill-konsumaturi li jitolbu informazzjoni dwar karċinoġeni fl-artikoli li jakkwistaw, sabiex ikunu jistgħu jevitaw artikoli bħal dawn jekk ikunu jixtiequ;

15.

Jistieden lill-Kummissjoni sabiex tinkoraġġixxi u tappoġġja inizjattivi ħalli tevita l-importazzjoni ta’ artikoli li fihom kimiċi karċinoġeni; jitlob, barra minn hekk, għal miżuri mill-EU biex jiżdied l-immonitorjar tal-ikel għall-kimiċi, inklużi l-pestiċidi;

16.

Jitlob lill-Kummissjoni u lill-Istati Membri biex jiżguraw li l-istħarriġ għall-bijomonitoraġġ tal-bnedmin fl-UE kollha ikollu biżżejjed riżorsi biex jimmonitorja sustanzi karċinoġeni, u sustanzi oħra li jikkontribwixxu għall-iżvilupp tal-kanċer, li jippermetti li titkejjel l-effettività tal-politika;

17.

Iħeġġeġ lill-Kummissjoni u lill-Istati Membri biex jippromwovu kampanji tal-informazzjoni dwar l-iskrining tal-kanċer immirati għall-pubbliku ġenerali u dwar dawk kollha li jipprovdu l-kura tas-saħħa, kif ukoll l-iskambju tal-aħjar prattika dwar l-użu ta’ miżuri preventivi jew dwar is-sejba bikrija, bħal ma huma l-integrazzjoni ta’ testijiet għall-virus uman tal-papilloma (HPV) xierqa li ma jkunux għaljin għall-iskrining tal-kanċer ċervikali u l-vaċċinazzjoni tal-HPV biex tipproteġi t-tfajliet mill-kanċer ċervikali, jew it-test għall-antiġen speċifiku tal-prostata (PSA) għas-sejba bikrija tal-kanċer tal-prostata fl-irġiel li għandhom ’il fuq minn 50 sena.

18.

Jitlob lill-Kummissjoni biex tibda diskussjoni mal-Kunsill biex tiżgura li r-Rakkomandazzjoni dwar l-iskrining tal-kanċer jiġi promoss u implimentat b’mod effettiv. għal dan il-għan, iħeġġeġ lill-Istati Membri li għadhom ma għamlux dan biex jimplimentaw ir-Rakkomandazzjoni, biex jiġu stabbiliti proċeduri għall-adozzjoni ta’ kwalunkwe tibdil fil-futur għar-Rakkomandazzjoni u biex jitwaqqfu programmi tal-iskrining ibbażati fuq il-popolazzjoni bi qbil mal-linji gwida Ewropej għall-assigurazzjoni tal-kwalità;

19.

Jistieden lill-Kummissjoni sabiex tiggarantixxi l-appoġġ xjentifiku u professjonali fuq perjodu ta’ żmien medju u fit-tul għal assistenza adegwata u xierqa lill-Istati Membri biex jgħinhom jaħdmu fuq ir-Rakkomandazzjoni tal-Kunsill dwar l-iskrining tal-kanċer, u, sabiex jiġu mmonitorjati, evalwati u kkoordinati l-attivitajiet pilota u t-titjib kontinwu tal-kwalità;

20.

Jistieden lill-Kummissjoni sabiex tappoġġja l-iżvilupp tal-programmi Ewropej ta’ akkreditazzjoni/verifika tal-iskrining, tad-dijanjosi u t-trattament tal-kanċer ibbażati fuq il-linji gwida Ewropej għall-assigurazzjoni tal-kwalità, li jistgħu jservu wkoll bħala eżempju għal oqsma oħra tal-kura tas-saħħa;

21.

Jitlob lill-Istati Membri biex joffru lin-nazzjon sħiħ timijiet multidixxiplinarji tal-onkoloġija ħalli jagħtu trattament individwali ottimali lill-pazjenti kollha, u biex itejbu t-taħriġ tal-onkoloġisti u tal-professjonisti tal-kura tas-saħħa biex jirrikonoxxu l-bżonnijiet psikosoċjali tal-pazjenti sabiex itejbu l-kwalità tal-ħajja tagħhom u jnaqqsu l-ansjetà u d-dipressjoni fil-pazjenti tal-kanċer;

22.

Iħeġġeġ lill-Kummissjoni u lill-Istati Membri biex jirrikonoxxu l-onkoloġija bħala speċjalità medika u biex joffru tagħlim matul il-ħajja għall-onkoloġisti mediċi bi qbil ma’ linji gwida miftiehma;

23.

Jistieden lill-Kummissjoni u lill-Istati Membri biex jinkoraġġixxu u jippromwovu l-kura li ttaffi s-sintomi (palliative care) u biex jistabbilixxu linji gwida għall-użu tagħha;

24.

Jistieden lill-Kummissjoni biex tiżgura li l-leġiżlazzjoni Komunitarja jkun fiha inċentivi kemm għall-industrija kif ukoll għar-riċerkaturi sabiex tgħin fir-riċerka kontinwa bil-għan li jiġu żviluppati mediċini u trattamenti ġodda bbażati fuq l-evidenza għall-ġlieda u l-kontroll tal-kanċer;

25.

Jistieden lill-Kummissjoni biex permezz ta’ networks ta’ professjonisti tal-kura tas-saħħa, tiżgura t-tixrid tal-aħjar prattiki tat-trattament u l-kura sabiex ikun żgurat li ċ-ċittadini jkollhom aċċess għall-aqwa trattament disponibbli;

26.

Jistieden lill-Kummissjoni biex talloka fondi mill-Fondi Strutturali u mis-Seba’ Programm ta’ Qafas għar-Riċerka sabiex jinħolqu u jiġu ffinanzjati networks ta’ referenza għal kanċer rari u għal kanċer diffiċli biex tikkurahom, sabiex jinġabru flimkien ir-riżorsi u l-ħiliet u jittejbu d-dijanjosi u t-trattament;

27.

Iħeġġeġ lill-Kummissjoni sabiex talloka fondi mis-Seba’ Programm ta’ Qafas sabiex jitħeġġu r-riċerka u l-innovazzjoni fl-oqsma tal-prevenzjoni primarja, tal-iskrining u tas-sejba bikrija, kif ukoll ta’ mediċini u trattamenti ġodda kontra l-kanċer;

28.

Jistieden lill-Kunsill u lill-Kummissjoni biex jistabbilixxu standard tal-UE għall-evalwazzjoni ta’ approċċi dijanjostiċi u terapewtiċi ġodda u innovattivi u għall-identifikazzjoni tal-aħjar prattiki cliniċi u mediċi;

29.

Jistieden lill-Kummissjoni sabiex talloka fondi mis-Seba’ Programm ta’ Qafas ħalli tistimula r-riċerka dwar kanċer pedjatriku;

30.

Iħeġġeġ lill-Kummissjoni u lill-Istati Membri sabiex jiżguraw li l-mediċini tal-kanċer ikunu disponibbli b’mod uniformi għall-pazjenti kollha li għandhom bżonnhom fl-Istati Membri kollha;

31.

Iħeġġeġ lill-Kummissjoni u lill-Istati Membri sabiex jeżaminaw, permezz tal-Forum Farmaċewtiku ta’ Livell Għoli, kif mediċini tal-kanċer innovattivi li jsalvaw il-ħajja jistgħu jkunu disponibbli b’ħeffa akbar għall-pazjenti billi tiġi aċċellerata l-approvazzjoni ta’ kummerċ imħaffef permezz tal-Proċedura Ċentralizzata tal-UE, filwaqt li jiġi meqjus prezz taħt kundizzjoni u proċess tal-għoti tal-ħlas lura, waqt li d-data dwar il-valur tal-mediċina tkun qed tinġabar fuq pazjenti f’sitwazzjonijiet vera tal-ħajja;

32.

Jistieden lill-Kummissjoni sabiex tippreżenta, sa Ġunju 2008 l-aktar tard, proposta lill-Parlament Ewropew u lill-Kunsill li tiżgura informazzjoni dwar il-prodotti mediċinali, minn sorsi diversi, li tkun ta’ kwalità tajba, oġġettiva, li tista’ toqgħod fuqha u li ma sservix ta’ riklam;

33.

Jitlob lill-Kummissjoni biex tirrevedi id-Direttiva 2001/20/KE tal-Parlament Ewropew u tal-Kunsill tal-4 ta’ April 2001 dwar l-approssimazzjoni tal-liġijiet, regolamenti u disposizzjonijiet amministrattivi tal-Istati Membri li jirrelataw għall-implimentazzjoni ta’ prattika korretta ta’ klinika fit-twettiq ta’ provi kliniċi fuq prodotti mediċinali għall-użu mill-bniedem (15) (id-Direttiva rigward il-Provi Kliniċi) biex tħeġġeġ iżjed riċerka akkademika dwar il-kanċer, u b’mod partikolari riċerka għall-iskrining tal-kanċer u s-sejba bikrija tiegħu, filwaqt li jiġi rikonoxxut l-impatt tal-ispejjeż involuti għas-settur tar-riċerka mhux kummerċjali, u biex titjieb id-disponibilità tal-informazzjoni għall-pazjenti u l-pubbliku in ġenerali dwar il-provi kliniċi li jkunu fil-proċess u dawk li jkunu tlestew;

34.

Jistieden lill-Istati Membri u lill-Kummissjoni biex jaħdmu lejn l-iżvilupp ta’ linjigwida għal definizzjoni komuni ta’ diżabilità li tista’ tinkludi persuni b’mard kroniku jew kanċer u sadanittant għal Stati Membri li ma wettqux dan biex jieħdu azzjoni malajr biex jekk jista’ jkun jinkludu dawn il-persuni fi ħdan id-definizzjonijiet nazzjonali tagħhom ta’ diżabilità;

35.

Jistieden lill-Kummissjoni biex tfassal karta għall-ħarsien fuq il-post tax-xogħol tal-pazjenti bil-kanċer u tan-nies morda b’mod kroniku, bil-għan li l-kumpaniji jkollhom jippermettu li l-pazjenti jżommu l-impjieg tagħhom matul it-trattament tagħhom u li jkunu jistgħu jirritornaw għall-attivitajiet professjonali normali tagħhom;

36.

Iħeġġeġ lill-Istati Membri sabiex jadottaw Karti tad-drittijiet tal-pazjenti nazzjonali skond il-linji gwida Ewropej u sabiex jinkludu l-parteċipazzjoni tal-pazjent u tal-esperti fl-iżvilupp tal-politiki tas-saħħa;

37.

Jistieden lill-Istati Membri u lill-Kummissjoni sabiex jiżviluppaw u jsaħħu inizjattivi li jipprovdu appoġġ għal persuni affettwati direttament jew indirettament bil-kanċer, b’mod partikulari permezz tal-bidu u l-iżvilupp ta’ kura psikoloġika u l-appoġġ, fl-Unjoni kollha, għal dawk li jibqgu ħajjin wara li jkollhom il-kanċer;

38.

Jistieden lill-Kummissjoni sabiex iżżid l-informazzjoni disponibbli għall-pazjenti bil-kanċer, billi tinkoraġġixxi inizjattivi li jagħtu informazzjoni lill-pazjenti dwar l-għażliet tal-kura tagħhom u dwar l-aċċess għal dawn it-tipi ta’ trattamenti;

39.

Iħeġġeġ lill-Istati Membri ġodda biex jagħmlu użu ikbar tal-Fondi Strutturali għat-titjib tal-infrastruttura għall-kura tas-saħħa, pereżempju bl-appoġġ tal-implimentazzjoni tar-Rakkomandazzjoni tal-Kunsill dwar l-iskrining għall-kanċer;

40.

Jappoġġja l-Presidenza Slovena tal-UE li dalwaqt se tieħu l-kariga, li għażlet il-kanċer bħala waħda mill-prijoritajiet tagħha fl-2008, u jistieden lill-presidenzi tal-futur kollha biex ikomplu jagħtu prijorità lil kanċer;

41.

Jagħti istruzzjonijiet lill-President tiegħu biex iressaq din ir-riżoluzzjoni lill-Kunsill, lill-Kummissjoni u lill-gvernijiet u parlamenti tal-Istati Membri.

15.10.2009   

MT

Il-Ġurnal Uffiċjali tal-Unjoni Ewropea

CE 247/18

A.

billi l-Ewropa għadha m’hix qed timxi fid-direzzjoni lejn żvilupp ġenwinament sostenibbli,

B.

billi l-Kummissjoni tirrikonoxxi li sar biss progress limitat fir-rigward tal-kwistjonijiet fundamentali li għandhom x’jaqsmu mal-integrazzjoni tat-tħassib ambjentali f’oqsma ta’ politika oħrajn u fit-titjib tal-infurzar tal-leġiżlazzjoni tal-UE,

C.

billi l-Kummissjoni tirrimarka l-fatt li hemm bosta pressjonijiet ambjentali li fil-preżent qegħdin jikbru: l-emissjonijiet globali tal-gassijiet b’effett ta’ serra qed jiżdiedu, it-telf tal-bijodiversità qed jiżdied, it-tniggis għad għandu effett kbir fuq is-saħħa pubblika, l-ammont tal-iskart prodott fi ħdan l-UE qed ikompli jiżdied, u l-impatt ekoloġiku tagħna qed jikber b’mod kostanti; billi dan iqajjem mistoqsijiet serji dwar l-effetti kontroproduttivi ambjentali tal-politiki ewlenin l-oħra tal-UE,

D.

billi m’huwiex probabbli li l-iżvilupp sostenibbli qatt xi darba se jinkiseb sakemm il-kwistjonijiet ambjentali ma jkunux integrati bis-sħiħ fl-oqsma politiċi ewlenin kollha;

E.

billi ambjent nadif u tajjeb għas-saħħa huwa essenzjali għall-benesseri tal-bniedem u għall-kundizzjonijiet soċjali tajbin.

F.

billi politiki ambjentali mfasslin tajjeb jistgħu wkoll jikkontribwixxu għal għanijiet oħra bħal ma huma ż-żieda fil-kompetittività, l-istimulazzjoni tat-tkabbir ekonomiku, it-titjib fil-ħolqien tal-impjiegi u l-innovazzjoni u t-tkattir tal-progress xjentifiku permezz tal-iżvilupp ta’ teknoloġiji ġodda u sikuri,

1.

Iqis li huwa ta’ dispjaċir li l-analiżi ta’ nofs il-perjodu tas-Sitt Programm ta’ Azzjoni Ambjentali Komunitarju (is-Sitt EAP) ġie ttardjat bi kważi sena, u jikkundanna l-fatt li, kollox ma’ kollox, l-Unjoni Ewropea għadha lura fl-implimentazzjoni tal-miżuri pjanati fil-Programm ta’ Azzjoni, għall-kuntrarju ta’ dak li tgħid il-Kummissjoni fl-analiżi tagħha ta’ nofs il-perjodu; ifakkar li, għall-kuntrarju ta’ dak ta’ qablu, is-Sitt EAP ġie adottat permezz ta’ kodeċiżjoni skond l-Artikolu 251 tat-Trattat KE; jistieden lill-UE biex tagħmel kull ma tista’ biex tilħaq l-objettivi li sar qbil fuqhom fis-Sitt EAP, minħabba li n-nuqqas ta’ dan jagħmel ħsara lill-kredibilità tal-UE, inter alia f’għajnejn il-membri tal-pubbliku li huma mħassbin dwar l-istat tal-ambjent;

2.

Jinnota li l-użu tal-istrateġiji tematiċi bħala għodda ġdida ta’ proċedura żied l-importanza tal-proċessi pre-leġiżlattivi u ħoloq opportunitajiet addizzjonali għall-involviment tal-partijiet interessati u approċċ iżjed strateġiku lejn il-politika leġiżlattiva tal-UE; madankollu, jiddispjaċih li l-istrateġiji tematiċi tawlu wkoll it-tul tal-proċess tat-tfassil tal-politika ambjentali billi kien hemm dewmien fil-formulazzjoni ta’ proposti ta’ politika konkreti u l-adozzjoni tal-miżuri li jirriżultaw;

3.

Iqis, minħabba l-importanza tal-politika ambjentali għall-industrija u l-fatt li hi, b’mod ġenerali, implimentata mill-awtoritajiet lokali, li għandha tiġi kkunsidrata meta l-leġiżlazzjoni tkun qed tiġi abbozzata, u li l-opinjonijiet tal-industrija, tan-negozji ż-żgħar u tal-awtoritajiet lokali għandhom ikunu rrapreżentati fil-korpi konsultattivi rilevanti, u li jinstemgħu minn dawn l-istess korpi;

4.

Iqis li huwa essenzjali li tissaħħaħ il-pożizzjoni tas-Sitt EAP bħala d-dimensjoni ambjentali tal-istrateġija għall-Iżvilupp Sostenibbli tal-UE;

5.

Jemmen li, fl-UE, il-kompetenzi għandhom ikunu allokati u definiti b’mod ċar, u jirrimarka li r-reviżjoni ta’ nofs il-perjodu min-naħa tal-Kummissjoni turi konfużjoni u ambigwità interna fir-rigward tal-kompetenzi tal-Kummissjoni u tal-Istati Membri; jirrimarka li kemm il-limiti tal-kompetenzi rispettivi tagħhom u kif ukoll ir-responsabilitajiet speċifiċi tagħhom għandhom ikunu stabbiliti u stipulati b’mod ċar sabiex jiġi żgurat li dawk ir-responsabilitajiet ikomplu jitwettqu;

6.

Jirrimarka li l-istrateġiji tematiċi ma humiex utli jekk jaħbtu fl-istess żmien ma’ dossiers leġiżlattivi mdaqqsa, dawn huma utli jew qabel ma jidher id-dokument leġiżlattiv rilevanti jew inkella waħedhom;

7.

Jenfasizza l-konnessjoni diretta bejn l-istat tal-ambjent tal-bniedem u s-saħħa tal-bniedem; jistieden lill-Kummissjoni, bil-ħsieb tal-implimentazzjoni tal-approċċ “is-saħħa fil-politiki kollha”, biex twettaq abbozz ta’ studji li jindikaw ir-relazzjoni kawżali bejn il-bidla fil-kwalità tal-ambjent u l-bidla fl-istat tas-saħħa tal-persuni;

8.

Iqis li l-UE aġixxiet b’mod konsistenti biex tilħaq l-objettivi tad-diplomazija tal-klima stipulati fis-Sitt EAP; ifakkar, madankollu, li f’dak li għandu x’jaqsam mal-objettivi u l-azzjonijiet ta’ prijorità biex titwaqqaf il-bidla fil-klima, l-UE ma rnexxilhiex twettaq l-impenji kollha tagħha; huwa mħasseb ħafna dwar iż-żieda fl-emissjonijiet mit-trasport u dwar il-pass kajman tal-effetti tal-miżuri li ntużaw bi sforz biex tittejjeb l-effiċjenza enerġetika; ifakkar lill-Kummissjoni biex tippubblika komunikazzjoni dwar objettivi ambjentali kwantifikati għal sistema ta’ trasport sostenibbli; jistenna li l-Istati Membri jilħqu l-miri tagħhom fit-tnaqqis fl-emissjonijiet tal-gassijiet b’effett ta’ serra għal pajjiżi individwali stipulati fil-Protokoll ta’ Kyoto sa l-2012;

9.

Jiddeplora l-fatt li l-objettiv li jieqaf it-tnaqqis fil-bijodiversità sa l-2010 aktarx m’huwiex se jintlaħaq u l-fatt li l-istrateġiji proposti biex jitħarsu l-ambjent marittimu u l-ħamrija m’humiex se jwasslu għal riżultati ambjentali konkreti sa l-2012; jinnota li jeħtieġ li jsir sforz ikbar biex tiġi mgħejuna l-integrazzjoni tal-politika għall-bijodiversità f’oqsma ta’ politika oħrajn; jiġbed l-attenzjoni dwar il-ħtieġa li jkun hemm finanzjament xieraq għal Natura 2000 u għal objettivi prijoritarji oħrajn li huma konnessi mill-qrib;

10.

Iqis li, fir-rigward tal-kimiki, ir-Regolament (KE) Nru 1907/2006 (15) tal-Parlament Ewropew u l-Kunsill tat-18 ta’ Diċembru 2006 dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni tas-Sustanzi Kimiċi (REACH) u li jistabbilixxi Aġenzija Ewropea għas-Sustanzi Kimiċi jirrappreżentaw progress fit-tnaqqis tar-riskji għall-bnedmin u għall-ambjent, iżda jqis ukoll li dan għad irid jagħti prova li se jirnexxilu jagħmel dan b’mod effettiv u sinifikanti, u jiddispjaċih li r-regolament ma jaqbilx f’kull aspett mal-objettivi li sar qbil fuqhom fis-Sitt EAP; iqis li huwa ta’ dispjaċir li kien hemm dewmien sostanzjali fl-istrateġija tematika dwar l-użu sostenibbli tal-pestiċidi, u li l-miżuri li ttieħdu biex jittejbu l-kwalità tal-arja u l-ambjent urban u biex jitnaqqas l-istorbju m’humiex tajbin biżżejjed biex jilħqu l-objettivi tal-Programm ta’ Azzjoni Ambjentali; jistieden lill-Kummissjoni biex tippreżenta reviżjoni tad-Direttiva dwar il-Limiti tal-Emissjonijiet Nazzjonali (16) kemm jista’ jkun malajr; jemmen li huwa neċessarju li jiġi żgurat l-infurzar sħiħ tad-Direttiva dwar l-Istorbju Ambjentali (17);

11.

Billi l-kwalità tal-arja ta’ ġewwa għandha effett fuq is-saħħa, iħeġġeġ lill-Kummissjoni u lill-Istati Membri biex jappoġġjaw ix-xogħol tal-Organizzazzjoni Dinjija tas-Saħħa fuq il-kwalità tal-arja ta’ ġewwa u jitlob lill-Kummissjoni biex tipproponi miżuri leġiżlattivi konkreti dwar il-kwalità tal-arja ta’ ġewwa kemm jista’ jkun malajr;

12.

Jinnota li m’hemm l-ebda lakunae notevoli fl-għanijiet speċifiċi għall-ħarsien tal-ilma stipulati fis-Sitt EAP; madankollu, jistieden lill-Kummissjoni biex tiżgura l-implimentazzjoni sħiħa tad-Direttiva ta’ Qafas għall-Ilma (18) u biex terġa’ tevalwa l-integrazzjoni tal-impenji tal-UE dwar il-protezzjoni tal-ilma f’politiki oħrajn; barra minn hekk, iħeġġeġ lill-Kummissjoni biex malajr kemm jista’ jkun tressaq proposta għal direttiva dwar it-tneħħija tal-fosfru fil-biedja u fid-deterġenti skond l-Artikolu 16 tar-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar id-deterġenti (19);

13.

Jenfasizza l-ħtieġa ta’ politika ġdida għall-ilma li tiffoka fuq l-iffrankar tal-ilma u fuq il-ġestjoni sostenibbli tar-riżorsi tal-ilma;

14.

Iqis li huwa ta’ dispjaċir li l-istrateġiji tematiċi dwar ir-riżorsi naturali u l-iskart ikkompromettew l-għanijiet tas-Sitt EAP; jiddispjaċih dwar il-fatt li ma tfassal ebda għan konkret fil-livell tal-UE biex it-tkabbir ekonomiku jinfired mill-użu tar-riżorsi billi ssir bidla lejn mudell sostenibbli ta’ produzzjoni u konsum; jaqbel li jeħtieġ li tittieħed azzjoni ulterjuri dwar l-iskart bijoloġiku biex ikun hemm aktar żvijar mill-użu tal-landfills u biex jiġi żgurat li jiġu segwiti l-aqwa għażliet ta’ trattament, bħal dawk imsejsa fuq l-għan li tittaffa l-bidla fil-klima; ikompli jinkuraġġixxi l-appoġġ għall-forom ta’ ġestjoni tal-iskart li ma jagħmlux ħsara lill-ambjent u għall-miżuri li jiggravaw il-konsegwenzi tar-rimi tal-iskart fil-landfills, li jniġġes l-ambjent;

15.

Jistieden lill-Kummissjoni u lill-Istati Membri biex jieħdu l-azzjonijiet xierqa kollha sabiex jiżguraw li r-riżorsi naturali jintużaw b’mod razzjonali u effiċjenti u b’tali mod li ma jipperikolax il-bijodiversità;

16.

Ifakkar li l-implimentazzjoni sħiħa u korretta tal-leġiżlazzjoni eżistenti hija prijorità ewlenija u jqis li l-leġiżlazzjoni li torbot tibqa’ ċentrali fl-iffaċċjar tal-isfidi ambjentali; jitlob lill-Kummissjoni biex issaħħaħ l-attivitajiet tagħha bħala għassiesa tat-Trattat; għalhekk jistieden ukoll lill-awtoritajiet baġitarji tal-UE biex jipprovdu r-riżorsi finanzjarji u umani meħtieġa kollha lill-Kummissjoni biex tiżgura li ssir l-iżjed sorveljanza effiċjenti fuq l-implimentazzjoni u l-infurzar fl-Istati Membri kollha;

17.

Jenfasizza l-bżonn ta’ implimentazzjoni effettiva u preċiża tal-leġiżlazzjoni ambjentali Komunitarja u jirrakkomanda li jiġu adottati miżuri ta’ appoġġ speċjali għall-benefiċċju tar-reġjuni li qed jiffaċċjaw diffikultajiet biex jimplimentaw dak l-aspett tal-acquis communautaire; iħeġġeġ lill-awtoritajiet tal-Istati Membri sabiex ifasslu strateġiji ta’ traspożizzjoni sabiex jiddefinixxu b’mod ċar l-irwoli u r-responsabilitajiet tal-awtoritajiet nazzjonali, reġjonali u lokali bi traspożizzjoni korretta u bl-implimentazzjoni tal-liġi ambjentali Komunitarja;

18.

Madankollu huwa mħasseb dwar id-diversi suġġerimenti tal-proponenti li r-regolamenti komuni jridu jitnaqqsu u jiddgħajfu, jew saħansitra li jiġu sostitwiti bi ftehimiet volontarji jew b’miżuri oħrajn li ma jorbtux; għalhekk itenni li regolamentazzjoni aħjar għandha tikkonċentra fuq regoli u standards trasparenti li ma jkunux ambizzjużi, u li jkunu bbażati fuq leġiżlazzjoni marbuta ma’ objettivi maqbula, u fuq infurzar aħjar tagħhom;

19.

Ifaħħar il-proposti tal-Kummissjoni biex issaħħaħ l-infurzar tal-leġiżlazzjoni ambjentali fuq livell nazzjonali permezz ta’ aċċess imtejjeb għall-ġustizzja u ta’ użu armonizzat tal-liġi punittiva; jinnota li l-aspetti preventivi tal-liġi punittiva jikkontribwixxu għal infurzar u protezzjoni aħjar tal-ambjent;

20.

Barra minn hekk, jitlob li l-politiki ambjentali tal-UE jiġu mfassla u riveduti, sabiex jiffukaw iżjed fuq il-preskrizzjonijiet tal-għanijiet milli fuq id-deskrizzjonijiet tal-mezzi, sabiex l-Istati Membri u l-bdiewa jkunu jistgħu jsibu l-iżjed mezzi effettivi u effiċjenti biex jilħqu l-objettivi mixtieqa;

21.

Iqis li l-Kummissjoni għandha tiżgura li jkun hemm implimentazzjoni sħiħa tad-Direttivi dwar l-Għasafar u dwar il-Habitat jirrakomanda li, b’qies xieraq għall-prinċipju ta’ sussidjarjetà, jittieħdu miżuri ta’ tassazzjoni li jippromwovu l-aħjar prattika u biex jiskuraġġixxi lin-nies milli jieħdu sehem f’attivitajiet li jiġġeneraw it-tniġġis;

22.

Jiġbed l-attenzjoni tal-Kummissjoni, madankollu, dwar il-fatt li ż-żamma tal-prospett tal-konsegwenzi taħt il-liġi kriminali mhix suffiċjenti f’kull każ biex tipprevjeni imġiba illegali li tniġġes l-ambjent; għalhekk jenfasizza l-importanza tal-pieni sussegwenti skond il-liġi kriminali, b’mod partikulari għar-rimi illegali ta’ skart perikoluż fit-territorju ta’ pajjiżi oħrajn;

23.

Jilqa’ b’sodisfazzjon il-green paper dwar l-istrumenti bbażati fuq is-suq għal skopijiet ta’ politika ambjentali u politiki relatati; jemmen li jeħtieġ isir użu usa’ ta’strumenti bbażati fuq is-suq, li jqis l-impatt ambjentali tal-proċessi kollha tal-produzzjoni u tad-distribuzzjoni u x-xejriet fil-konsum;

24.

Huwa tal-fehma li l-Iskema ta’ Negozju tad-Dħaħen (ETS) s’issa għadha ma wasslitx għal tnaqqis fl-emissjonijiet tas-CO2 minħabba l-allokazzjonijiet esaġerati fil-konċessjonijiet tal-emissjonijiet; jirrimarka li l-UE impenjat ruħha li sa l-2020 tnaqqas l-emissjonijiet tal-gass b’effett ta’ serra b’mill-inqas 20 % mil-livelli tal-1990; jinsisti li l-ETS tal-UE għall-perjodu ta’ wara l-2012 għandu jinkludi limitu strett biżżejjed, irkantar sħiħ u limitu kwantitattiv u kwalitattiv tal-użu tas-CERs u tal-ERUs;

25.

Madankollu, jinnota li l-irwol tat-tassazzjoni ekoloġika għadu modest u ma jurix li qed jikber; jistieden lill-Kummissjoni u lill-Istati Membri biex jagħmlu iżjed sforzi fir-riforma tat-taxxi ekoloġiċi, inkluż ċaqliq gradwali tal-piż tat-taxxa minn taxxi soċjalment negattivi (eż. fuq ix-xogħol) lejn taxxi soċjalment pożittivi (eż. fuq attivitajiet li jagħmlu ħsara lill-ambjent, bħall-użu tar-riżorsi jew it-tniġġis); jirrimarka li minkejja fil-qasam tat-tassazzjoni hemm ir-rekwiżit tal-unanimità, it-trattati joffru l-possibilità ta’ kooperazzjoni msaħħa, u jiġbed l-attenzjoni dwar l-eżistenza tal-metodu tal-koordinazzjoni miftuħa;

26.

Jinnota l-ispinta li ngħatat lit-tneħħija tas-sussidji li jagħmlu ħsara lill-ambjent; madankollu, isibha inaċċettabbli li għall-futur qarib m’hu mistenni l-ebda pass konkret lejn ir-riforma ta’ sussidji li huma ta’ ħsara għall-ambjent; u għalhekk jistieden lill-Kummissjoni biex tressaq proposti konkreti sa l-aħħar tal-2008 biex telimina bil-mod il-mod is-sussidji kollha li jagħmlu ħsara lill-ambjent matul il-ħames snin li ġejjin;

27.

Iħeġġeġ lill-Kummissjoni u lill-Istati Membri biex jippromwovu integrazzjoni tal-politika ambjentali fit-tfassil tal-politika tal-UE li tkun iżjed b’saħħitha u koerenti; bil-għan li tiġi implimentata l-istrateġija “is-saħħa fil-politiki kollha” li ġiet iddikjarata fl-Unjoni Ewropea, jitlob għall-integrazzjoni tal-aspetti tal-ħarsien ambjentali u tas-saħħa, u li jiġu involuti r-reġjunijiet u l-bliet wkoll f’dan; jiddispjaċih kemm għan-nuqqas ta’ integrazzjoni ta’ dawn l-aspetti fid-diversi oqfsa legali ambjentali u fit-tħejjijiet ta’ leġiżlazzjoni ġdida u kif ukoll għan-nuqqas tal-integrazzjoni tagħhom f’leġiżlazzjoni li għandha objettivi ewlenin oħra barra l-ħarsien ambjentali;

28.

Iqis li sabiex jinkisbu riżultati konkreti fl-integrazzjoni ta’ kunsiderazzjonijiet ambjentali f’setturi ekonomiċi oħrajn hemm bżonn jitfasslu miri settorjali u skedi li jkunu jorbtu; fl-istess waqt, jenfasizza r-responsabilità tal-parteċipanti ekonomiċi f’setturi individwali tal-industrija għall-kisba ta’ riżultati fuq medda twila ta’ żmien fil-politika dwar il-klima u l-enerġija;

29.

Jenfasizza r-rabta fundamentali li teżisti bejn politika ambjentali effiċjenti u kwalità tal-ħajja mtejba u, b’rabta ma’ dan, jisħaq fuq l-importanza tad-dimensjoni reġjonali fl-implimentazzjoni tas-sitt EAP, speċjalment f’azzjonijiet li jikkonċernaw il-mitigazzjoni u l-adattament għall-bidla fil-klima; jisħaq fuq l-importanza ta’ kampanji li jqajmu l-kuxjenza pubblika dwar l-objettivi tas-Sitt EAP u l-proċess ta’ implimentazzjoni tiegħu;

30.

Jenfasizza l-bżonn li jitqies il-programm Natura 2000 fil-pjanijiet ta’ żvilupp reġjonali sabiex jiġu rikonċiljati l-prinċipju tal-protezzjoni tal-bijodiversità Ewropea mal-iżvilupp u t-titjib tal-kwalità tal-ħajja; jemmen, fid-dawl ta’ dan, li jeħtieġ li tinbeda kampanja kbira ta’ informazzjoni, flimkien mal-promozzjoni tal-prattiki tajba, sabiex jiġi indikat il-mod ta’ kif dawn l-għanijiet li jidhru kuntradittorji jistgħu jiġu konċiljati;

31.

Jenfasizza l-ħtieġa li n-netwerks tal-parteċipanti lokali u reġjonali jkunu koordinati aħjar sabiex jifirxu u jimplimentaw l-aħjar prattiki għar-reġjuni anqas żviluppati; jappoġġja l-promozzjoni ta’ koperazzjoni ambjentali transkonfinali bejn l-Istati Membri tal-Unjoni Ewropea kif ukoll mar-reġjuni u l-pajjiżi li jmissu mal-Unjoni Ewropea, bħar-reġjuni tal-Baħar l-Iswed, tal-Baħar Baltiku, u tal-Mediterran, b’mod partikulari sabiex jiġi evitat li jkun hemm tniġġis transkonfinali;

32.

Huwa mħasseb bis-sejbiet ta’ diversi studji ambjentali (20)  (21)  (22)  (23) li l-linji gwidi tal-Kummissjoni dwar l-evalwazzjonijiet tal-impatt m’humiex rispettati mid-DGs tal-Kummissjoni, li l-evalwazzjoni u l-kwantifikazzjoni tal-impatti ekonomiċi ġew enfasizzati askapitu tal-impatti ambjentali, soċjali u internazzjonali, li l-ispejjeż tal-leġiżlazzjoni huma evalwati ħafna iżjed mill-benefiċċji, u li l-kunsiderazzjonijiet immedjati tfew lil kunsiderazzjonijiet għat-tul; iqis li evalwazzjoni tal-impatt żbilanċjata bħal din hija kontroproduttiva fir-rigward tal-politika ambjentali nnfisha u fir-rigward tal-integrazzjoni tagħha f’politiki tal-UE oħrajn; jistieden lill-Kummissjoni biex tieħu azzjoni sabiex tikkoreġi dawn in-nuqqasijiet persistenti;

33.

Ifaħħar lill-Kummissjoni għall-impenn qawwi tagħha biex ittejjeb id-dimensjoni internazzjonali tal-politika ambjentali; jemmen li huwa neċessarju li tiġi żgurata l-integrazzjoni tal-politika ambjentali fl-azzjonijiet esterni kollha tal-UE u li tittejjeb it-tmexxija ambjentali internazzjonali; iħeġġeġ lill-Kummissjoni u lill-Istati Membri biex ikomplu jippromwovu politiki u rekwiżiti ambjentali ambizzjużi, pereżempju billi jippromwovu t-trasferiment tat-teknoloġija u l-iskambju tal-aħjar prattiki mal-pajjiżi li qed jiżviluppaw;

34.

Jenfasizza li “d-diplomazija tal-klima” għandha tiġi promossa b’aktar intensità u konsistenza fir-relazzjonijiet ta’ kummerċ tal-UE ma’ stati li mhumiex marbuta bi ftehimiet multilaterali għall-ħarsien tal-ambjent, bħal ma huma l-Istati Uniti, iċ-Ċina u l-Indja, u li għal diversi raġunijiet mhumiex qed jimplimentaw il-Protokol ta’ Kyoto; jistieden ukoll lill-Kummissjoni biex tgħin lill-pajjiżi li qed jiżviluppaw fl-użu ta’ teknoloġiji sostenibbli u effiċjenti permezz tal-mekkaniżmi kollha disponibbli;

35.

Jirrakkomanda li tiġi miżjuda klawsola ta’ sostenibilità mal-GATT, li tistabbilixxi prinċipji ta’ politika ambjentali, bħall-prinċipju ta’ prekawzjoni u l-prinċipju ta’ min iniġġeż iħallas, li magħhom jistgħu jitqabblu l-miżuri tal-kummerċ, sabiex jiġi żgurat li r-regoli tal-kummerċ ma jfixklux il-ħarsien ambjentali u li r-regolazzjoni ambjentali ma tintużax għal skopijiet ta’ protezzjoniżmu;

36.

Jistieden lill-Kunsill u lill-Kummissjoni sabiex jużaw negozjati bilaterali u reġjonali ħalli jindirizzaw l-impenji kummerċjali li għandhom benefiċċji ambjentali diretti; jikkunsidra li l-UE, flimkien mal-Istati Membri, teħtieġ tintensifika d-djalogu mal-ekonomiji emerġenti sabiex tbiddel dan id-djalogu f’oqsma ta’ tħassib komuni, bħall-bidla fil-klima, l-immaniġġjar tal-iskart u l-qtugħ illegali tas-siġar, f’implementazzjoni ta’ programmi konġunti; jappoġġja l-proposta tal-Kummissjoni sabiex tistabbilixxi, f’kull ftehima ta’ kummerċ, Forum ta’ Żvilupp Sostenibbli, miftuħ għall-parteċipazzjoni tas-soċjetà ċivili, b’element qawwi dwar il-klima, u jitlob sabiex dan jiġi implimentat fin-negozjati attwali;

37.

Jistieden lill-Kummissjoni u lill-Istati Membri biex jippromwovu sfruttar iżjed pragmatiku u orizzontali tal-innovazzjoni u t-teknoloġiji l-ġodda fil-politiki kollha tal-UE, sabiex dawk l-elementi jkollhom irwol ċentrali fit-tisħiħ tal-preservazzjoni tal-ambjent; jenfasizza l-ħtieġa li fuq il-livell tal-UE jiddaħħal bla dewmien approċċ tat-tip “l-aħjar mudell”, li huwa strument iżjed ambizzjuż li jtejjeb b’mod kontinwu t-tendenzi fil-produzzjoni u fil-konsum, biex jiġi żgurat li, fil-futur, il-prodotti kollha tas-suq tal-UE jitfasslu, jinħadmu u jintużaw skond kriterji ta’ sostenibilità;

38.

Ifakkar li l-investiment f’teknoliġiji innovattivi u favur l-ambjent u fi tfassil favur l-ekoloġija, effikaċja tal-enerġija fl-użu finali u rendiment tal-enerġija tal-bini huwa fl-aħħar mill-aħħar ta’ benefiċċju, minkejja l-possibilità ta’ spejjeż kbar fuq perjodu qasir, u jenfasizza l-bżonn li r-reġjuni jħeġġu lill-kumpaniji sabiex jieħdu vantaġġ sħiħ minn dawn l-investimenti;

39.

Jinkuraġġixxi lill-UE u lill-Istati Membri biex jadottaw regoli ta’ akkwist pubbliku li jkunu favur l-ambjent b’mod ġenwin sabiex jippromwovu innovazzjoni u tendenzi sostenibbli ta’ konsum u produzzjoni;

40.

Jistieden lill-Kummissjoni sabiex tgħin lill-awtoritajiet nazzjonali, reġjonali u lokali sabiex jissieħbu f’akkwisti sostenibbli konġunti billi jipprovdu qafas ċar li jiffaċilita d-definizzjoni ta’ objettivi li jistgħu jitkejlu u kriterji ta’ kwalità;

41.

Jistieden lill-Kummissjoni sabiex tintensifika l-isforzi tagħha ħalli tilħaq il-mira ta’ 20 % għal sorsi ta’ enerġija rinnovabbli u l-mira ta’ 10 % għall-konsum tal-bijofjuwils, waqt li żżomm preżenti li l-uċuh tar-raba’ li jintużaw għall-enerġija m’għandhomx jipperikolaw il-provvisti tal-ikel fl-Ewropa u fi bnadi oħra; jisħaq li l-mekkaniżmu ta’ sostenibilità, li jinsab fi stadju ta’ żvilupp, għandu japplika l-aktar kriterji stretti għall-bijofjuwils;

42.

Jinnota li l-agrikoltura fl-UE qiegħda titmexxa dejjem iżjed lejn il-produzzjoni ta’ ikel sikur u ta’ kwalità għolja, li għandu jipproteġi s-saħħa taċ-ċittadini tal-Unjoni;

43.

Iħeġġeġ lill-Istati Membri u lill-awtoritajiet reġjonali u lokali tagħhom sabiex jagħmlu l-aħjar użu mill-opportunitajiet il-ġodda ta’ investiment ipprovduti mill-Fondi Strutturali u mill-Programmi l-Ġodda tal-Politika Ewropea għall-Viċinat u biex jiżguraw li l-Programmi Operazzjonali appoġġjati mill-Fondi Strutturali jikkontribwixxu għat-titjib fl-implimentazzjoni tal-leġiżlazzjoni ambjentali tal-Komunità u għall-għan dejjiemi ta’ żvilupp sostenibbli mifrux mal-UE kollha b’konsistenza mal-prijoritajiet tematiċi l-oħra;

44.

Iqis li huwa essenzjali li tittejjeb l-applikazzjoni tal-prinċipju tas-sostituzzjoni, li jikkunsidra d-disponibilità, l-aċċessibilità, il-benefiċċji u l-ispejjeż tal-prodotti sostituti; jirrimarka li għandhom jiġu kkunsidrati wkoll il-proċessi tad-disinn, tal-produzzjoni u tal-użu, li jagħmluha possibbli li jintużaw prodotti li ma jirrappreżentawx riskju għas-saħħa tal-bniedem jew għall-ambjent, jew li jinvolvu riskju iżgħar;

45.

Jirrimarka li, jekk ir-regolamentazzjoni hija fil-fatt għan, għandha ssir reviżjoni tal-leġiżlazzjoni duplikata li toħloq piż burokratiku u ddgħajjef il-kompetittività;;

46.

Jikkunsidra li l-approċċ filosofiku applikat fil-proċess ta’ reviżjoni huwa nieqes minn raġunar kritiku u ma fihx analizi tar-raġunijiet u l-bażijiet tad-dewmien; jemmen li jekk għandhom jittieħdu d-deċiżjonijiet tajbin fil-futur, dan jista’ jsir biss permezz ta’ analiżi u riflessjoni dwar il-kawżi ta’ dan id-dewmien;

47.

Jinnota li jekk vera hemm xewqa li tittejjeb il-metodoloġija leġiżlattiva u li jiġu prodotti regoli prattiċi li jkunu jistgħu jiġu applikati faċilment mill-awtoritajiet, mill-intrapriżi u miċ-ċittadini responsabbli, huwa importanti ħafna li titwessa’ l-interazzjoni bejn l-istituzzjonijiet tal-Komunità u s-soċjetà ċivili sabiex jiġu indirizzati l-mistoqsijiet tagħhom, u biex jitqiesu d-deċiżjonijiet u l-opinjoni tar-reġjuni, tal-kunsilli lokali, tal-industriji affettwati u tal-assoċjazzjonijiet relatati; jenfasizza wkoll li għandhom jiġu kkunsidrati l-ispejjeż li hemm involuti tul perjodu qasir ta’ żmien fil-bidla tat-tagħmir eżistenti;

48.

Jirrimarka li hemm bżonn ta’ modi ġodda biex jitkejjel il-benessri fuq il-bażi ta’ valuri realistiċi għas-servizzi ekoloġiċi; iqis li l-GDP, minħabba li ma jistax jirrifletti l-aspetti u l-ħtiġijiet kollha ta’ soċjetà moderna, m’għadux għodda adegwata biex jitkejlu l-benessri u l-iżvilupp; jinkuraġġixxi lill-UE biex tiżviluppa iżjed u tagħmel użu politiku minn indikatur ġdid li jintegra l-impatt negattiv tal-progress ekonomiku fuq l-ambjent u fuq is-saħħa u li jikkontribwixxi għall-isforz biex it-tkabbir ekonomiku jinfired mill-pressjoni fuq l-ambjent; iqis li dan l-indikatur il-ġdid għandu jippromwovi l-iżvilupp ta’ soċjetà integrata u għandu jagħti spinta għal integrazzjoni aħjar tal-kunsiderazzjonijiet ambjentali f’politiki oħrajn;

49.

Jistieden lill-Kummissjoni biex tittratta l-protezzjoni tas-saħħa tal-bniedem bħala kwistjoni ta’ importanza primarja fost il-prijoritajiet tal-protezzjoni ambjentali;

50.

Iqis li l-Unjoni Ewropa għandu jkollha rwol prinċipali fl-iżvilupp ta’ għażliet ta’ politika li jwittu t-triq għal bidliet radikali fl-imġiba fit-tendenzi tal-konsum u l-produzzjoni;

51.

Jenfasizza l-importanza li l-konsumaturi jingħataw għajnuna biex ikunu iktar konxji fl-imġieba tagħhom li – lil hinn mill-qafas leġiżlattiv tal-Istat – jista’ wkoll ikollha effett pożittiv fuq id-daqs u l-intensità tal-impenji ambjentali tal-protagonisti fis-suq;

52.

Iqis li l-għoti ta’ informazzjoni xierqa liċ-ċittadini għandu jitqies bħala prijorità; jappoġġja bil-qawwa l-iżvilupp ta’ sistema ta’ tikkettar li tkun komprensiva u ċara minħabba li din tikkontribwixxi bil-kbir f’għajnuna lill-konsumaturi biex “jagħmlu l-għażla t-tajba”;

53.

Jinsisti li għandha ssir evalwazzjoni ġenerali tar-riżultati tas-Sitt EAP qabel ma tiġi ffinalizzata l-proposta għas-Seba’ EAP;

54.

Huwa tal-fehma li r-reviżjoni finali tas-Sitt EAP għandha titwettaq minn korp barrani li jkun indipendenti mill-Kummissjoni;

55.

Jagħti istruzzjoni lill-President tiegħu biex iressaq din ir-riżoluzzjoni lill-Kunsill, lill-Kummissjoni, u lill-gvernijiet u l-parlamenti tal-Istati Membri.

15.10.2009   

MT

Il-Ġurnal Uffiċjali tal-Unjoni Ewropea

CE 247/25

A.

billi l-kultura hija ġid pubbliku u għan fiha nnifisha li tiżviluppa l-individwu u li tibbenefika lis-soċjetà u fl-istess ħin trawwem it-tkabbir ekonomiku, l-impjieg u l-koeżjoni soċjali, kif ukoll l-iżvilupp reġjonali u lokali, kif juru l-istudji xjentifiċi riċenti, u b'mod paritkoli, kif emfasiżżat fl-studju tal-KEA dwar l-Affarijiet Ewropej għall-Kummissjoni fir-rigward tal-ekonomija tal-kultura fl-Ewropa,

B.

billi l-industriji kulturali ma setgħux jeżistu u lanqas iżidu mal-valur kulturali u ekonomiku Ewropew mingħajr input kontinwu ta' kontenut ġdid minn komunità kreattiva ħajja ta' awturi kreattivi, fl-oqsma kollha artistiċi, bħal dawk li jaħdmu l-films, il-kompożituri, l-awturi, l-artisti tal-arti viżiva u d-disinjaturi,

C.

billi l-industriji kulturali huma industriji li jagħtu lix-xogħol intellettwali valur miżjud ekonomiku u fl-istess ħin jiġġeneraw valuri ġodda għall-individwi u s-soċjetà; billi dawk l-industriji kulturali jinkludu industriji tradizzjonali bħaċ-ċinema, il-mużika u l-industriji tal-pubblikazzjoni, il-media u industriji tas-settur kreattiv (pereżempju l-moda u d-disinn), l-industriji tat-turiżmu, tal-arti u l-informazzjoni,

D.

billi, fid-dawl tad-definizzjoni mogħtija mill-Konvenzjoni tal-UNESCO dwar id-Diversità Kulturali, l-industriji kulturali jiġbru fihom is-setturi kollha li jgħaqqdu flimkien il-ħolqien, il-produzzjoni u l-kummerċ tal-prodotti u s-servizzi, li l-karattru tagħhom jiddistingwihom fin-natura tal-kontenut intanġibbli u kulturali; billi l-prodott tal-industriji kulturali hu tipikament protett mid-drittijiet tal-proprjetà intellettwali,

E.

billi, madankollu, rikonoxximent akbar, l-assigurazzjoni ta' status legali speċjali u appoġġ akbar għall-industriji kulturali u kreattivi kollha, inklużi n-negozji mikro u l-SMEs kif ukoll artisti individwali, huma meħtieġa sabiex jgħinu lil dawn is-setturi jilħqu l-potenzjal sħiħ tagħhom u sabiex jikkontribwixxu wkoll għall-għanijiet tal-Istrateġija ta' Liżbona,

F.

billi l-industriji kulturali jipproduċu u jifirxu ġabra wiesgħa ta' kontenut sabiex jinfurmaw, jedukaw u jiddevertu lill-pubbliku, u dawn qed jibbażaw dejjem iżjed fuq teknoloġiji ġodda u format diġitali u awdjoviżiv ġdid, u li fir-rigward tagħhom l-Istati Membri u l-Unjoni Ewropea għandu jkollhom rwol ta' promoturi u regolaturi, waqt li jiggarantixxu li jiġu ppremjati ekonomikament, b'mod ġust u adegwat, dawk li joħolqu kontenut oriġinali billi jiġi żgurat il-ħarsien adegwat u effiċjenti tad-dritt tal-awtur u drittijiet relatati, u b'hekk tiġi assigurata s-sostenibilità tal-industriji kulturali Ewropej,

G.

billi forom ġodda ta' produzzjoni, ta' distribuzzjoni u ta' konsum qed joħorġu fis-soċjetà tal-informazzjoni u tat-teknoloġija diġitali tal-llum qed jiġġeneraw prodotti u servizzi kulturali ġodda li jeħtieġu protezzjoni mill-piraterija, iżda wkoll, b'mod aktar ġenerali, mudelli adatti inprenditorjali u ekonomiċi sabiex jiżguraw l-aċċessibilità, il-firxa u d-diversità ta' prodotti b'kontenut kulturali waqt li tiġi ppreservata n-natura speċifika meta mqabbla ma' prodotti kummerċjali ordinarji u jingħata kumpens ġust għall-kontenut kulturali għall-kategoriji kollha li jkollhom id-dritt tal-awtur meta dan jiġi użat,

H.

billi l-prodotti u s-servizzi kulturali għandhom karatteristiċi speċjali li jiddistinġwuhom minn prodotti u servizzi oħra, u li dawn għandhom jiġu meqjusa meta jitfasslu u jiġu implimentati politiki tal-Unjoni Ewropea,

I.

billi protezzjoni adegwata u effettiva tad-dritt tal-awtur u drittijiet relatati hi mezz essenzjali li jippermetti lill-awturi kreattivi li jiġu mħallsa b'mod ġust għall-isforzi kreattivi tagħhom fil-kuntest tal-isfruttar kummerċjali tax-xogħlijiet tagħhom, u billi din il-protezzjoni hi għalhekk indispensabbli għas-sopravvivenza tal-industriji kulturali,

J.

billi l-industriji kulturali u l-komunità kreattiva jagħtu kontribut vitali biex tiġi promossa d-diversità kulturali, waqt li jiżguraw għażla għall-konsumatur, iżidu d-diversità tal-imprenditorija, jiddemokratizzaw l-aċċess għall-kultura, isaħħu l-identità u l-integrazzjoni Ewropea, u jippromovu d-djalogu interkulturali,

K.

billi l-industriji kulturali jikkontribwixxu sew għall-iżvilupp u l-koeżjoni lokali u reġjonali, minħabba li jattiraw l-investiment turistiku, joħolqu kategoriji ġodda ta' prodotti u servizzi kummerċjali ta' natura “lokali” u, minħabba li joħolqu impjiegi ġodda u opportunitajiet ta' żvilupp ekonomiku, jimpedixxu li reġjuni imbiegħda u żvantaġġjati jiġu mwarrba soċjalment,

L.

billi l-awturi għandhom rwol fundamentali fl-attivitajiet tal-industriji kulturali u għandhom għalhekk jiġu pprovduti b'ambjent ekonomiku, legali u soċjali li jgħinhom jiżviluppaw il-potenzjal kreattiv tagħhom,

M.

billi jeħtieġ li l-kultura tkun allejata mill-qrib mal-edukazzjoni u l-formazzjoni bil-għan li jissaħħu l-produttività u l-kapaċità kreattiva tas-settur kulturali,

N.

billi l-esperjenza tal-“Kapitali Ewropej tal-Kultura” uriet b'mod konkret ir-rabta tas-settur kulturali mal-ħajja ekonomika u soċjali tal-ibliet u l-iżvilupp tal-abitanti,

O.

billi l-għajnuna tal-Istat u sussidji oħra għall-benefiċċji tas-settur kreattiv għandhom jitqiesu bħala investiment u mhux bħala lussu u għandhom jiġu evalwati b'mod ugwali skond ir-regoli dwar il-kompetizzjoni tal-UE, il-Protokoll anness mat-Trattat ta' Amsterdam dwar is-sistema ta' xandir pubbliku fl-Istati Membri, l-Artikolu 151 tat-Trattat KE, u l-Konvenzjoni tal-UNESCO dwar id-Diversità Kulturali,

P.

billi l-investiment privat u pubbliku kif ukoll il-patroċinju għandhom jiġu nkoraġġiti fis-settur kulturali,

Q.

billi l-konċentrazzjoni fuq is-settur tal-industriji kulturali tqiegħed riskji għad-diversità u għall-provvista ta' prodotti kulturali lill-konsumaturi,

R.

billi l-kreatività hi kundizzjoni għall-iżvilupp tal-innovazzjoni fl-Ewropa u l-kumpaniji teknoloġiċi Ewropej għandhom jibbenefikaw minn ħidma simbjotika mal-awturi kreattivi fi “gruppi” (clusters),

S.

billi jeħtieġ aktar appoġġ għal negozji żgħar u mikro biex jiġu promossi n-networks tagħhom, u għall-ħaddiema individwali f'dawk in-negozji, li jikkontribwixxu sew biex jinħoloq il-ġid fl-ekonomija, u billi l-awturi kreattivi għandhom jiġu megħjuna fit-taħriġ bħala intraprendituri kreattivi u inkoraġġiti li jgħixu permezz tal-kreattività tagħhom,

T.

billi l-frammentazzjoni fl-Ewropa tas-settur kreattiv, li tista' tiġi ġustifikata parzjalment minħabba raġunijiet ta' lingwa u ta' identità nazzjonali, u n-nuqqas ta' industriji kulturali ġenwini fuq skala Ewropea, jistgħu jkunu responsabbli li jillimitaw l-irwol kulturali tal-Ewropa fuq skala globali,

U.

billi d-diversità kulturali u l-moviment liberu tal-ideat jinsabu fl-oriġinalità, fil-pluralità tal-identitajiet u fl-ugwaljanza bejn l-irġiel u n-nisa,

V.

billi l-ugwaljanza bejn l-irġiel u n-nisa tikkostitwixxi valur essenzjali tal-Unjoni Ewropea li jiġi trażmess permezz tal-kultura, u billi din it-trażmissjoni ta' valuri tiffavorixxi l-integrazzjoni Ewropea,

W.

billi fis-settur tal-industriji kulturali, il-bilanċ bejn s-sessi huwa 'l bogħod milli jista' jitqies bħala realtà,

X.

billi, fl-industrija kulturali, in-nisa jokkupaw postijiet ta' responsabiltà biss fl-SMEs, jew inkella meta joħolqu huma stess l-intrapriżi tagħhom,

Y.

billi l-parteċipazzjoni tan-nisa fis-settur TIMES (it-telekomunikazzjoni, l-internet, il-media, il-kummerċ elettroniku u l-kompjuters), li huwa bażi essenzjalt tal-industrija kulturali, estremament baxx fil-livell ta' 30 % biss, u peress li 20 % biss tal-intrapriżi ġodda f'dan is-settur huma stabbiliti min-nisa,

1.

Jilqa' l-fatt li l-Kunsill u l-Kummissjoni lesti jirrikonoxxu l-irwol ċentrali li għandhom il-kultura u l-kreattività bħala fatturi importanti sabiex tiġi promossa ċ-ċittadinanza Ewropea, waqt li jqarrbu l-arti lejn il-publiku Ewropew u jilħqu l-għanijiet tal-Istrateġija ta' Liżbona, u b'hekk tissaħħaħ aktar l-importanza tagħhom fl-iżvilupp tal-proġett Ewropew;

2.

Jenfasizza li, fi ħdan il-qafas tal-'ekonomija post-industrijali', il-kompetittività tal-Unjoni Ewropea teħtieġ tiġi msaħħa permezz tas-setturi tal-kultura u tal-kreattività; jistieden, f'dan il-qafas, lill-Kummissjoni u lill-Istati Membri biex jistabbilixxu bħala prijoritajiet tagħhom, politiki bbażati mhux biss fuq innovazzjoni intraprenditorjali, imma wkoll fuq l-innovazzjoni ta' azzjonijiet kulturali u ta' ekonomiji kreattivi;

3.

Jinnota li l-industriji kulturali huma fornituri ewlenin ta' servizzi b'valur miżjud, li huma l-bażi ta' ekonomija dinamika tal-għarfien u għandhom għaldaqstant jiġu rikonoxxuti bħala kontribut importanti għall-kompetittività fl-Unjoni Ewropea;

4.

Jikkunsidra li l-industriji kulturali, li huma sors importanti ta' ħolqien tal-impjiegi fl-Unjoni Ewropea, b'mod partikulari jeħtieġ li jutilizzaw it-talent kreattiv; iħeġġeġ lill-Istati Membri sabiex jinkoraġġixxu tipi ġodda u innovattivi ta' tagħlim tul il-ħajja li jrawmu t-talent kreattiv;

5.

Jistieden lill-Kunsill u lill-Kummissjoni biex jiċċaraw il-viżjoni Ewropea tal-kultura, tal-kreattività u tal-innovazzjoni u biex jiżviluppaw miżuri politiċi strutturati għall-implimentazzjoni prattika tal-iżvilupp ta' industriji kreattivi Ewropej u biex dan l-iżvilupp ikun inkluż fi strateġija verament Ewropea għall-kultura; jikkunsidra li, għal dan il-għan, l-identifikazzjoni tas-settur tal-industriji u tal-impriżi kulturali hi prijorità;

6.

Jistieden għalhekk lill-Kummissjoni sabiex tiżgura l-ġbir ta' statistika sistematika f'dan il-qasam ħalli l-Unjoni Ewropea u l-Istati Membri jkollhom elementi statistiċi koerenti u komparabbli, neċessarji għall-iżvilupp ta' politiki adegwati mmirati lejn il-promozzjoni tas-settur kulturali u kreattiv;

7.

Jinkoraġġixxi lill-Istati Membri biex jintroduċu, fil-programmi tal-edukazzjoni sekondarja u ta' edukazzjoni ogħla tagħhom, taħriġ fl-intraprenditorija, b'mod speċjali fl-oqsma umanistiċi, l-arti u l-kultura;

8.

Jistieden lill-Kummissjoni u lir-Rappreżentant Għoli għall-Politika Barranija u ta' Sigurtà Komuni sabiex jinkorpora d-dimensjoni kulturali Ewropea, u speċifikament l-industriji u l-awturi kreattivi kulturali tagħha, b'mod aktar sħiħ u effettiv fir-relazzjonijiet esterni tal-Unjoni Ewropea, kif ukoll fil-Politika Ewropea tal-Viċinat, u fid-diskussjonijiet ewlenin għal djalogu ma' reġjoni oħra fid-dinja;

9.

Jikkunsidra li l-biċċa l-kbira tal-iżvilupp mgħaġġel tal-industriji kulturali jiddependi fuq il-possibilitajiet ta' mobilità transkonfinali, u għalhekk id-diffikultajiet dwar il-mandat ta' arrest Ewropew għandu jiġi indirizzat waqt li jitfasslu regoli f'dan ir-rigward, u jtenni għalhekk it-talbiet li stabbilixxa fir-riżoluzzjoni tiegħu msemmija hawn fuq dwar l-istatus soċjali tal-artisti;

10.

Jilqa' b'sodisfazzjon l-idea li tiġi promossa l-mobilità għal persuni, prodotti u servizzi tas-settur kreattiv, b'konsiderazzjoni għar-regoli u l-prinċipji mniżżla fil-Konvenzjoni tal-UNESCO dwar id-Diversità Kulturali, u jistieden lill-Kummissjoni sabiex tippreżenta lill-Parlament Green Paper dwar is-suġġett, li tagħmel ġustizzja mal-ispeċifiċità tas-settur bħala riżorsa kulturali u ekonomika;

11.

Jiġbed l-attenzjoni dwar il-ħtieġa li jiġi żviluppat mudell soċjali u ekonomiku li jipprovdi network sikur u adegwat għall-imprendituri kreattivi, prinċipalment għal dawk li jaħdmu għal rashom, fis-setturi tal-kultura u tal-ekonomija kreattiva, setturi fejn s'issa kien hemm perċentwali għolja ta' impjieg għal żmien qasir u kundizzjonijiet tax-xogħol instabbli;

12.

Jikkunsidra li t-tmexxija kollettiva, transkonfinali u organizzata sew tad-dritt tal-awtur u drittijiet relatati kif ukoll mudelli kummerċjali li jirrispettaw id-drittijiet ta' dawk li għandhom id-drittijiet huma essenzjali sabiex ikun possibbli li jiġi sfruttat b'mod sħiħ il-potenzjal kreattiv waqt li jiġi żgurat ħlas ġust għall-kategoriji kollha ta' dawk li għandhom id-drittijiet;

13.

Ifakkar lill-Kummissjoni fir-riżoluzzjoni msemmija hawn fuq tat-13 ta' Marzu 2007, u jsejjaħ għal approċċ Komunitarju li, fuq il-bażi tal-prinċipju ta' trattament indaqs, jikkunsidra in-natura speċifika tal-era diġitali, l-importanza li tiġi mħarsa d-diversità kulturali Ewropea, kif ukoll dik ta' kumpaniji interessati żgħar u lokali;

14.

Jitlob lill-Kummissjoni, sabiex tipproċedi sistematikament u malajr kemm jista' jkun bl-applikazzjoni sħiħa tal-Artikolu 151(4) tat-Trattat KE, sabiex jiġi żgurat li l-kultura u s-settur kulturali jiġu kkunsidrati fil-politiki l-oħra kollha Komunitarji, b' mod partikolari dawk relatati mas-suq intern, il-kompetizzjoni, il-kummerċ, l-intrapriżi u r-riċerka u l-iżvilupp, u li titqies aħjar in-natura speċjali tas-settur kulturali fl-implimentazzjoni ta' dawk il-politiki kif ukoll tal-politika esterna fir-rigward tal-inklużjoni tat-trattati internazzjonali bi qbil mal-Konvenzjoni tal-UNESCO dwar id-Diversità Kulturali, u li l-Kummissjoni jkollha rwol proattiv u ttejjeb il-koperazzjoni internazzjonali;

15.

Jistieden lill-Kummissjoni u lill-Istati Membri sabiex jagħtu ħajja ġdida lill-Konvenzjoni tal-UNESCO dwar id-Diversità Kulturali u jqisu sew il-prinċipji li fuqhom hi bbażata fil-politiki interni u esterni tagħhom;

16.

Jistieden lill-Kummissjoni sabiex twaqqaf struttura għat-tisħiħ tal-koordinazzjoni tal-attivitajiet u tal-politiki li għandhom impatt fuq is-settur kulturali u kreattiv u sabiex twaqqaf task force għall-kultura u l-ekonomija kreattiva, ħalli tesplora aktar mill-qrib il-kontribuzzjoni diretta tal-kultura u tal-kreattività fuq l-innovazzjoni, it-tkabbir ekonomiku u l-iżvilupp soċjali fl-Unjoni Ewropea; u sabiex tipproponi miżuri konkreti f'koperazzjoni mal-Parlament fil-kuntest tal-politiki Komunitarji;

17.

Iħeġġeġ lill-Kummissjoni, fil-kuntest ta' evoluzzjoni rapida teknoloġika u kummerċjali, u bil-għan li jiġi żgurat li l-industriji kulturali u l-awturi kreattivi jibbenefikaw mill-iżvilupp tal-pjattaformi diġitali, sabiex terġa tikkunsidra l-kwistjoni kontroversjali tal-proprjetà intellettwali mill-perspettiva kulturali u ekonomika u biex tistieden lill-parteċipanti ewlenin kollha tas-settur, prinċipalment operaturi telecom u fornituri tas-servizz tal-Internet, biex flimkien isibu soluzzjonijiet sostenibbli għall-partijiet interessati kollha fl-interess tal-bilanċ bejn il-possibilitajiet ta' aċċess għall-attivitajiet u l-kontenut kulturali u d-drittijiet ta' proprjetà intelletwali li jiggarantixxu ħlas ġust u effettiv lill-kategoriji kollha li għandhom id-drittijiet, għażla reali għall-konsumaturi u diversità kulturali; jiġbed l-attenzjoni dwar dan il-punt għall-fatt li l-kriminalizzazzjoni ta' dawk il-konsumaturi li mhux qed ifittxu li jagħmlu profitt mhix is-soluzzjoni ġusta biex tiġi miġġielda l-piraterija diġitali;

18.

Jistieden lill-Kummissjoni sabiex tieħu miżuri rigward il-prevenzjoni u l-edukazzjoni u l-għarfien fost il-konsumaturi, speċjalment fost iż-żgħażagħ fl-iskejjel dwar il-valur tal-proprjetà intellettwali u l-kreattività b'mod ġenerali u sabiex tinkoraġġixxi lill-konsumaturi li jirrispettaw il-proprjetà intellettwali;

19.

Jistieden partikolarment lill-Kummissjoni sabiex tappoġġja l-isforzi li qed isiru biex jiġu introdotti mudelli ġodda ta' kummerċ fl-era diġitali li jippermettu lill-konsumaturi li jieħdu l-benefiċċji kollha tat-teknoloġiji l-ġodda u fl-istess ħin jippreservaw id-dritt leġittimu ta' ħlas għall-kreazzjoni artistika u kulturali;

20.

Jistieden lill-Kummissjoni sabiex tirrikonoxxi li, bħala riżultat tal-Internet, il-modi tradizzjonali fl-użu ta' prodotti u servizzi kulturali inbidel kompletament u li hu essenzjali li jiġi żgurat aċċess mingħajr tfixkil għall-kontenut kulturali online u għad-diversità ta' espressjonijiet kulturali, li jmur lilhinn minn dak immexxi mill-loġika industrijali u kummerċjali, waqt li jiġi żgurat, barra minn hekk, ħlas ġust għall-kategoriji kollha li għandhom id-drittijiet;

21.

Hu tal-opinjoni li riforma tad-drittijiet tal-proprjetà intellettwali hi vitali biex tiġi promossa l-kreattività u jiġi inkoraġġit l-iżvilupp ta' xogħlijiet kulturali; jirrakkomanda l-Ftehim ta' Parigi bħala qafas għall-bilanċ ta' interess ġust bejn l-awturi kreattivi u l-konsumaturi;

22.

Jistieden lill-Kummissjoni u lill-Istati Membri sabiex jipprovdu r-riżorsi meħtieġa ħalli jiġi żgurat li d-drittijiet tal-proprjetà intellettwali jiġu rispettati u mħarsa;

23.

Jitlob lill-Kummissjoni u lill-Istati Membri biex jirrikonoxxu li l-Internet jikkostitwixxi pjattaforma kbira ħafna għall-espressjoni kulturali, l-aċċess għall-għarfien u l-parteċipazzjoni demokratika fil-kreattività Ewropea, billi joħloq konnessjonijiet bejn il-ġenerazzjonijiet fis-soċjetà tal-informazzjoni; jitlob lill-Kummissjoni u lill-Istati Membri għalhekk sabiex jevitaw li jadottaw miżuri li jmorru kontra l-libertajiet ċivili u d-drittijiet tal-Bniedem, kif ukoll il-prinċipji tal-proporzjonalità, l-effikaċja u l-effett dissważiv, bħas-sospensjoni tal-aċċess għall-Internet.

24.

Iħeġġeġ lill-Kummissjoni, fil-ġlieda kontra l-piraterija, biex tagħmel lill-partijiet kollha, inkluż lill-konsumaturi, konxji tar-responsabilitajiet tagħhom u biex tniedi kampanji ta' għarfien u ta' edukazzjoni;

25.

Jikkunsidra li huwa essenzjali li jkun hemm fondi adegwati għall-industriji kulturali u kreattivi kif ukoll għall-komunitajiet kreattivi, u jistieden lill-Kunsill, lill-Kummissjoni u lill-Istati Membri biex jieħdu l-azzjoni meħtieġa, waqt li jirrakkomanda metodu differenti ta' fondi u ta' sigurtà kulturali, u l-promozzjoni ta' qafas regolatorju u fiskali li jiffavorixxi l-industriji kulturali kif ukoll lill-komunitajiet kreattivi, u partikolarment ukoll l-applikazzjoni ta' krediti tat-taxxa u rati mnaqqsa tal-VAT għall-prodotti kulturali kollha, inklużi xogħlijiet online;

26.

Jenfasizza l-importanza għas-settur kreattiv Ewropew tal-infrastrutturi għall-informazzjoni libera bħalma hu l-WorldWideWeb, li huma bbażati fuq mudelli ta' parteċipazzjoni u standards miftuħa u jitlob lill-Kummissjoni biex tressaq strateġija għal infrastrutturi ta' informazzjoni aktar miftuħa u interoperabbli;

27.

Jikkunsidra bħala meħtieġ għall-Fondi Strutturali, għall-programmi għall-SMEs u s-Seba' Programm ta' Qafas għar-riċerka, għall-iżvilupp teknoloġiku u l-attivitajiet dimostrattivi (2007-2013) li jingħata post partikolari għall-iżvilupp u għall-fondi suffiċjenti għall-industriji kulturali u kreattivi, inklużi l-SMEs u impriżi artistiċi individwali f'dan il-qasam, u jtenni t-talba tiegħu li l-Kummissjoni tagħmel studju dwar l-impatt ta' fondi tal-Fondi Strutturali, u s-Seba' Programm ta' Qafas, fuq setturi kulturali u edukattivi;

28.

28 Itenni l-importanza tal-objettivi tal-Bank Ewropew tal-Investiment fi ħdan l-Inizzjattiva ta' Innovazzjoni 2000(i2i), u jitlob li dawn jingħataw prijorità; jinkoraġġixxi lill-Kummissjoni u lill-Istati Membri sabiex jesploraw aktar modi li jipprovdu għajnuna finanzjarja għall-bidu u t-tkabbir tal-SMEs fis-setturi kulturali u kreattivi (per eżempju permezz tas-Seba' Programm ta' Qafas); jinkoraġġixxi l-użu tal-Fondi Strutturali biex jingħata appoġġ lill-arti tradizzjonali u lis-setturi tal-wirt u lill-industriji kulturali u innovattivi; jistieden lill-Kummissjoni sabiex tissorvelja dawk l-attivitajiet u tgħin sabiex jiġu disseminati l-aħjar prattiki;

29.

Jistieden lill-Kummissjoni sabiex tippromovi l-industriji kulturali fir-rigward ta' programmi ta' għajnuna teknika għall-pajjiżi terzi, partikolarment iċ-Ċina, l-Indja u l-Amerika Latina;

30.

Jistieden lill-Kummissjoni sabiex tinkoraġġixxi u tappoġġja ftehim ta' sħubija bejn is-settur tal-industriji kulturali u s-setturi tal-informazzjoni u tat-teknoloġija tal-komunikazzjoni sabiex jiġu promossi sinerġiji bejn il-kreattività u l-innovazzjoni fil-kuntest tal-Istrateġija ta' Liżbona;

31.

Jistieden lill-Kummissjoni sabiex tifli l-possibilità li jitwaqqaf programm bħall-Programm MEDIA, li jitkomplew il-proċeduri għall-implimentazzjoni tal-inizjattiva għal-librerija diġitali Ewropea, jiġu stimulati u appoġġjati l-mużika, it-teatru u l-industriji tal-pubblikazzjoni sabiex tiġi ffaċilitata d-distribuzzjoni transnazzjonali tax-xogħlijiet, u bħala pass preliminari, jitwaqqaf mekkaniżmu skond il-programm “Culture” li jippermetti industriji kulturali mhux awdjoviżivi li jkollhom aċċess għall-fondi tal-Komunità sabiex jiġu promossi kotba (fost l-oħrajn permezz ta' stands konġunti tal-fieri tal-kotba), kif ukoll il-mużika u t-taħriġ professjonali;

32.

Jistieden lill-Kummissjoni u lill-Istati Membri biex iżidu l-ammont ta' għajnuna għat-traduzzjoni minħabba li l-baġits allokati għall-programmi kulturali Ewropej m'humiex biżżejjed biex iwettqu l-objettivi li għandhom;

33.

Jikkunsidra li jeħtieġ li jiġi inkoraġġit is-settur kulturali u kreattiv billi jittejbu s-sistemi ta' kwalifiki, tal-apprendistat u tat-taħriġ, partikolarment billi jsir tentattiv li l-istudenti jiġu pprovduti f'kull livell ta' edukazzjoni, fid-dixxiplini kulturali u artistiċi, b'taħriġ li jippreparahom għall-ħajja professjonali, kif ukoll billi jiġu inkoraġġiti sinerġiji aħjar bejn in-negozji fis-settur u l-iskejjel u billi jiġu inkoraġġiti rabtiet aktar mill-qrib bejn skejjel u istituzzjonijiet fl-Istati Membri li diġà qed jaħdmu għal dan il-għan; jikkunsidra li jeħtieġ wkoll li jsir aktar progress favur ir-rikonoxximent reċiproku tad-diplomi fl-istudji tal-arti;

34.

Jenfasizza n-natura speċjali ta' ċerti professjonijiet jew snajja' kif ukoll ta' ħiliet fis-setturi kulturali, kreattivi u tas-snajja', jenfasizza wkoll li l-kontinwità tagħhom trid tiġi mħarsa permezz ta' mekkaniżmi xierqa ta' trażmissjoni tat-tagħrif;

35.

Jistieden lill-Kummissjoni u lill-Istati Membri sabiex jieħdu passi xierqa ħalli jsaħħu l-istatus ta' ħiliet tradizzjonali sabiex jinkoraġġixxu l-mobilità u jiffaċilitaw l-aċċess għall-impjieg għal dawk li jaħdmu fis-setturi relevanti fl-Unjoni Ewropea;

36.

Jinkoraġġixxi lill-Istati Membri sabiex jagħtu attenzjoni partikulari lil-livelli tas-salarji tan-nisa fl-industriji kulturali sabiex jiġi evitat li s-sistemi ta' remunerazzjoni adottati ma jinvolvux diskriminazzjoni fil-pagi bbażata fuq is-sess;

37.

Jenfasizza l-irwol importanti li għandhom l-industriji kulturali fil-ġlieda kontra l-isterjotipitas-sessi, fil-promozzjoni tal-ugwaljanza bejn in-nisa u l-irġiel u fil-bdil tal-mentalità; jistieden lill-Istati Membri sabiex jinkoraġġixxu u jappoġġjaw kull inizjattiva li tista' tittieħed mill-industriji kulturali għal dan il-għan;

38.

Jappella lill-Istati Membri u lill-awtoritajiet lokali tagħhom sabiex jiżguraw komunikazzjoni aħjar bejn l-industriji kreattivi u dawk li jiffinanzjawhom, bl-iżvilupp ta' servizzi ta' konsultazzjoni dwar it-tmexxija tal-intrapriżi, pariri finanzjarji, informazzjoni u taħriġ għall-intrapriżi ż-żgħar, għall-imprendituri u għal dawk li jaħdmu fis-settur kulturali u kreattiv;

39.

Jagħti importanza kbira lid-dispożizzjonijiet tad-Direttiva 2007/65/KE u jistieden lill-Istati Membri sabiex jiżguraw it-traspożizzjoni tagħha fil-ħin u lill-Kummissjoni sabiex tipprovdi lill-Parlament b'informazzjoni dwar l-implimentazzjoni ta' dik id-direttiva;

40.

Jenfasizza l-opportunitajiet maħluqa permezz ta' “broadband” b'veloċità għolja u estiża sew u ta' teknoloġiji “wireless” ġodda fl-iżvilupp u fid-disseminazzjoni ta' servizzi kulturali u ta' kontenut kulturali ġodda u innovattivi fl-inħawi rurali kif ukoll urbani ta' kull wieħed mis-27 Stat Membru; barra minn hekk, jistieden lill-Istati Membri biex jagħtu prijorità lill-iżvilupp ta' network “broadband” f'zoni rurali u periferali sabiex tingħeleb id-differenza diġitali; jinnota li l-avvanzi teknoloġiċi jagħmluha possibbli għall-konsumatur li jkollu aċċess aktar malajr għal kontenut kulturali;

41.

Ifakkar lill-Kummissjoni u lill-Istati Membri dwar il-pożizzjoni li s'issa ħadu fir-rigward tas-servizzi awdjoviżivi fi ħdan il-qafas ta' taħdidiet dwar kummerċ internazzjonali u jitlobhom biex fil-futur, fil-qafas tan-negozjati tad-WTO-GATS, jibqgħu ma jagħmlux la offerti sabiex jilliberalizzaw is-servizzi awdjoviżivi u lanqas talbiet li permezz tagħhom jingħataw deroga mill-applikazzjoni tal-klawsola tan-nazzjon l-aktar favorit;

42.

Jilqa' b'sodisfazzjon il-ħolqien fl-2007 tal-premju annwali Ewropew għaċ-ċinema (PRIX LUX) bħala tisħiħ tal-politika kulturali, tal-promozzjoni tad-diversità kulturali u lingwistika, tal-ħarsien tat-tradizzjonijiet kulturali u l-promozzjoni tal-iskambji; u jitlob biex fi ħdan dan il-premju titqies b'mod partikulari l-parteċipazzjoni u l-kreatività tan-nisa bħala għarfien tal-kontribut tagħhom għall-iżvilupp u l-evoluzzjoni taċ-ċinema Ewropew;

43.

Jitlob lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u lill-parlamenti tal-Istati Membri kif ukoll lill-UNESCO u lill-Kunsill tal-Ewropa.

15.10.2009   

MT

Il-Ġurnal Uffiċjali tal-Unjoni Ewropea

CE 247/32

A.

billi, mingħajr preġudizzju għall-ikbar ftuħ, u l-iktar wieħed mixtieq, għall-kulturi l-oħra kollha, l-Unjoni Ewropea għandha b'mod partikulari l-obbligu li tipproteġi l-għana kulturali tal-Ewropa, peress li l-patrimonju kulturali Ewropew għandu jiġi ppreservat, imxerred u maqsum kemm fi ħdan l-Unjoni kif ukoll barra, fid-dimensjonijiet kollha tiegħu u bil-mezzi kollha,

B.

billi, l-arti u l-kultura huma mezzi li jwasslu għal espressjoni u awto-konoxxenza ikbar fl-iżvilupp personali u soċjali, u jippermettu lill-individwi u lill-komunitajiet biex jindokraw il-patrimonju u l-memorja tagħhom, u biex isawru l-kunċetti dwar il-ġejjieni individwali u kollettiv,

C.

billi, l-arti u l-kultura jiftħu forom ġodda ta' djalogu, joħolqu spazji ta' fehim kulturali u jippermettu lill-individwi li jmorru lil hinn minn perċezzjonijiet esklussivi dwar l-identità tagħhom,

D.

billi, bħala qasam ta' skambju, dibattitu u kreattività u tal-produzzjoni tal-ideat, l-arti u l-kultura jinkuraġġixxu impenn u parteċipazzjoni ċivika,

E.

billi l-patrimonju kulturali Ewropew, inkluż fid-diversità tal-espressjonijiet tiegħu u f'kif jingħaqdu l-matriċi prinċipali tiegħu, bħal pereżempju l-antikità Griega u Rumana u l-Ġudeo-Kristjaniżmu, fis-sens storiku, qiegħed lill-Ewropa fuq quddiem nett ta'l-kontinenti kollha, wera li huwa magna unika ta' żvilupp u ta' progress, infirex f'kull direzzjoni, u għadu sal-lum jikkostitwixxi referenza essenzjali għall-umaniżmu, ta' għana u ta' animazzjoni spiritwali, demokrazija, tolleranza u ċittadinanza,

F.

billi, f'dinja dejjem iktar globalizzata, l-għana kulturali Ewropea tippreżenta konfigurazzjoni nukleari li l-karatteristiċi speċifiċi u markanti tagħha jikkostitwixxu valur miżjud Ewropew u li l-irwol identitarju tagħha huwa essenzjali għall-Ewropa u għall-Unjoni, sabiex tiġi mifhuma d-dinja, tiġi garantita l-koeżjoni tagħha, tiġi mmarkata d-differenza tagħha u biex tafferma ruħha mal-popli l-oħra,

G.

billi kemm il-flessibilità u kemm il-mobilità huma intrinsiċi għall-prattika tal-professjonijiet artistiċi,

H.

billi l-produzzjonijiet artistiċi jlaqqgħu flimkien kemm lill-artisti Ewropej u kemm lil dawk mhux Ewropej, u billi l-mobilità tal-artisti qiegħda tixxekkel minn politiki nazzjonali li jitolbu l-viżi minn persuni li jivvjaġġaw fl-UE,

I.

billi l-espressjonijiet partikulari tal-projjezzjoni storika tal-patrimonju kulturali Ewropew f'kontinenti oħra għandhom iwasslu għal azzjonijiet privileġġati li jenfasizzaw il-fatturi ta' kostruzzjoni taċ-ċivilizzazzjoni, tal-komprensjoni reċiproka u tal-approċċ kostruttiv bejn il-popli li huma jirrappreżentaw,

J.

billi l-awtoritajiet lokali u reġjonali għandhom sehem partikularment importanti fl-iżvilupp u l-ikkonsolidar tal-kultura, b'mod speċjali permezz tal-ħarsien tal-patrimonju kulturali u tal-promozzjoni tal-innovazzjoni artistika ġewwa l-fruntieri tagħhom – fattur li għandu jitqies sewwa fl-organizzazzjoni mill-ġdid tal-aġenda Ewropea għall-kultura fid-dawl tal-globalizzazzjoni,

K.

billi l-immigranti mhux Ewropej, it-turisti u viżitaturi huma obbligati li jirrispettaw il-patrimonju kulturali tal-Ewropa, li fl-Istati Membri għandu status privileġġjat,

L.

billi, min-naħa l-waħda, il-ħallieqa, l-artisti, u l-industriji kulturali Ewropej għandhom rwol deċiżiv fil-ħolqien ta' identità kulturali Ewropea, fil-valuri komuni, u fl-iżvilupp kontinwu taċ-ċittadinanza Ewropea li, waqt li tittraxxendi l-istat nazzjon, tirrikonoxxi wkoll id-diversità kulturali fuq skala Ewropea, nazzjonali, reġjonali u lingwistika,

M.

billi, min-naħa l-oħra, il-ħallieqa, l-artisti, u l-industriji kulturali Ewropej għandhom ukoll impatt reali fuq l-introjtu ekonomiku, fuq is-sorsi ta' ġid, u fuq il-ħolqien tal-impjiegi fl-UE,

N.

billi l-progress teknoloġiku jfisser li l-prodotti kulturali kull ma jmorru qegħdin jiġu prodotti, jixxerrdu u jiġu kkunsmati f'forma diġitali, u l-politika trid tqis dan l-iżvilupp,

O.

billi l-industriji kulturali Ewropej isibu lilhom infushom fi spazju protett rigward ir-regoli tal-kummerċ, li jirrifletti b'mod adegwat il-perċezzjonijiet Ewropej li l-prodotti u s-servizzi kulturali huma differenti minn prodotti u servizzi ta' natura oħra, u li jeħtieġu regoli speċifiċi,

P.

billi l-mużewijiet u l-istituzzjonijiet kulturali l-kbar fil-livell tal-UE kull ma jmorru qegħdin jagħmlu skambji ta' importanza ekonomika ma' istituzzjonijiet simili minn postijiet oħra fid-dinja, u li qegħdin iħallu introjtu sostanzjali minbarra dak li jidħol mit-turiżmu,

Q.

billi l-patrimonju storiku, kulturali u arkeoloġiku tal-Istati Membri jistħoqqlu l-akbar ħarsien mir-riskji tal-esportazzjoni illegali u tal-kummerċ illeċitu b'mod ġenerali, skond id-dispożizzjonijiet tal-Konvenzjoni tal-14 ta' Novembru 1970 dwar il-Mezzi għall-Projbizzjoni u l-Prevenzjoni tal-Importazzjoni, l-Esportazzjoni u t-Trasferiment tas-Sjieda tal-Proprjetà Kulturali Illeċiti u ta' strumenti internazzjonali oħra li japplikaw,

R.

billi l-UE għandha turi solidarjetà fil-ħarsien tal-patrimonju kulturali ta' pajjiżi terzi, b'mod partikolari dawk li għandhom setturi kulturali l-aktar dgħajfa, u għandha timpedixxi b'mod attiv l-importazzjoni illegali ta' xogħlijiet kulturali li huma mħarsa fl-Istat tal-oriġini tagħhom,

S.

billi l-bilanċ kummerċjali tal-UE għall-prodotti u s-servizzi kulturali m'huwiex favorevoli,

T.

billi l-globalizzazzjoni ekonomika u ż-żieda fl-industriji kulturali globali huma ta' sfida għad-diversità lingwistika u kulturali li huma valuri fihom infushom, u b'hekk huwa importanti li tinstab strateġija komuni Ewropea għal dawn l-isfidi,

U.

billi l-industrija tat-turiżmu, u s-servizzi marbuta magħha, hija waħda mill-punti fejn jiltaqgħu l-kummerċ u l-kultura internazzjonali, u fir-relazzjonijiet bejn l-UE u l-pajjiżi terzi tista' tkun l-aħjar mezz biex id-destinazzjonijiet kulturali Ewropej jiġbdu aktar attenzjoni fuqhom filwaqt li fl-istess ħin ikunu ta' ġid għall-kummerċ, u b'hekk jgħinu biex jiżguraw is-sostenibilità soċjali, kulturali u ambjentali,

V.

billi ftit li xejn hemm statistika affidabbli u sinifikattiva dwar il-kummerċ internazzjonali fil-prodotti u s-servizzi kulturali,

W.

billi t-teknoloġiji diġitali għandhom jiġu mifhuma bħala opportunità oriġinali għat-tixrid globali ta' prodotti u servizzi kulturali li jistgħu jġibu 'l quddiem l-fehim interkulturali skond il-premessa tal-aċċess liberu u ġust kif ukoll tad-differenzi kulturali u lingwistiċi,

X.

billi t-teknoloġiji ġodda tal-midja, fosthom portali u servizzi tal-internet “open source” u l-iżvilupp tagħhom, kull ma jmorru qegħdin jiksbu aktar kontenut sabiex ikunu kompetittivi,

Y.

billi dawn l-iżviluppi joffru sfidi li qatt ma kien hemm bħalhom jirrikjedu raġunar ġdid dwar kif għandhom ikunu trattati u regolati kwistjonijiet li jeffettwaw il-ħarsien tad-drittijiet tal-proprjetà intellettwali, il-piraterija u d-diġitalizzazzjoni mhix awtorizzata, filwaqt li titqies il-ħtieġa ta' bilanċ xieraq bejn aċċess ġust għal prodotti u servizzi kulturali u ta' suriet ġodda ta' ħolqien artistiku u intellettwali,

Z.

billi l-iffalsifikar u l-piraterija ta' prodotti kulturali jwasslu għat-telf tal-impjiegi fl-UE u jimminaw il-kompetittività tal-industriji kulturali u l-kwalità tal-prodotti, li jħallu effett b'mod partikolari fuq Stati Membri li jiġbru l-introjtu bażiku tagħhom mill-ġenerazzjoni ta' prodotti kulturali u mill-użu tagħhom għal skopijiet ekonomiċi,

AA.

billi l-Kummissjoni ngħatalha l-poter finali li tħares id-drittijiet tal-proprjetà intellettwali tal-industriji Ewropej fil-fora internazzjonali kollha kif ukoll rigward xi msieħba kummerċjali li m'għandhomx leġiżlazzjoni adegwata f'dan il-qasam,

AB.

billi l-kultura hija inkluża b'mod speċifiku fil-ftehimiet ta' kummerċ ħieles (FTAs) tal-UE u fi strumenti oħra tal-kummerċ,

AC.

billi l-kultura u l-lingwa huma forzi li jagħtu spinta lill-iżvilupp reġjonali u jgħinu b'mod qawwi l-attrazzjoni tal-investiment akkwistat, b'mod speċjali f'reġjuni sottożviluppati, foqra fir-riżorsi naturali jew f'attrazzjonijiet turistiċi, u billi artisti u istituzzjonijiet kulturali għandhom l-irwol deċiżiv fil-formazzjoni tal-identità ta' reġjuni u fiż-żieda tal-attrazzjoni tagħhom u fil-proċess tal-integrazzjoni Ewropea,

AD.

billi l-kultura hija partikolarment importanti għall-iżvilupp ta' bliet (b'mod speċjali dawk żgħar u ta' daqs medju), bħala settur li jipprovdi x-xogħol u jrawwem it-tkabbir ekonomiku u billi, fl-isfera soċjali, l-identità kulturali hija fattur importanti li jiffavorixxi l-integrazzjoni u koeżjoni soċjali akbar fir-reġjuni u fil-komunitajiet lokali,

AE.

billi jista' jingħata appoġġ fi ħdan il-politiki għall-koeżjoni u l-iżvilupp rurali għat-twaqqif mill-ġdid tal-patrimonju kulturali u l-promozzjoni ta' snajja artistiċi bil-għan li r-reġjuni jsiru aktar attraenti,

AF.

billi l-SMEs u l-kapital privat għandhom rwol dejjem aktar importanti fis-settur kulturali u għandhom ikunu involuti fl-implimentazzjoni ta' proġetti u miżuri f'dan il-qasam, partikolarment permezz ta' sħubiji pubbliċi-privati (PPPs),

1.

Jilqa' l-komunikazzjoni tal-Kummissjoni dwar l-aġenda Ewropea għall-kultura u jappoġġja l-għanijiet mistqarra fiha; ifakkar li huwa enfasizza f'bosta okkażjonijiet l-irwol essenzjali u strutturali tal-kultura fl-implimentazzjoni fl-istrateġija ta' Liżbona u fil-kostituzzjoni ta' kolonna ġdida ta' iggvernar globali u ta' żvilupp sostenibbli;

2.

Bl-istess mod jilqa' b'sodisfazzjon il-fatt li l-komunikazzjoni tal-Kummissjoni msemmija hawn fuq intlaqgħet tajjeb mill-Kunsill, kif jidher fir-riżoluzzjoni tal-Kunsill tas-16 ta' Novembru 2007;

3.

Jenfasizza li l-awtoritajiet lokali, reġjonali u nazzjonali għandhom rwol ewlieni fl-iżvilupp u t-trawwim tal-kultura, b'mod speċjali fil-ħarsien tal-patrimonju kulturali, fil-promozzjoni tal-innovazzjoni artistika u fl-industriji kreattivi;

4.

Jilqa' b'sodisfazzjon il-fatt li l-Kummissjoni qiegħda tikkunsidra l-mobilità tal-artisti u tal-professjonisti fil-qasam kulturali;

5.

Jirrimarka l-ħtieġa tal-promozzjoni tad-dħul fix-xena u tal-mobilità tal-artisti żgħażagħ Ewropej;

6.

Jiddispjaċih li fit-tfassil ta' aġenda Ewropea għall-kultura f'dinja globalizzata ma saret l-ebda referenza għall-irwol tan-numru kbir ta' sħubijiet bejn l-ibliet, l-awtoritajiet lokali u reġjuni;

7.

Jenfasizza l-fatt li s-settur kulturali għandu sehem importanti fil-kisba tal-objettivi tal-istrateġija mġedda ta' Liżbona, u jiġbed l-attenzjoni għall-importanza tal-kultura fil-ħolqien ta' ambjent tajjeb u dinamikament ħaj, notevolment permezz tal-opportunitajiet tremendi li joffri t-turiżmu kulturali għall-iżvilupp ekonomiku ta' bosta reġjuni;

8.

Jirrimarka li, fid-dawl tal-Artikolu 151 tat-Trattat, kull azzjoni fis-settur tal-kultura m'għandiex ixxekkel id-diversità kulturali u l-identitajiet nazzjonali u tista' tkun biss fis-sura ta' politiki ta' koperazzjoni u ftehimiet ta' sħubiji bejn l-Istati Membri; jirrimarka wkoll r-rwol tar-reġjuni tal-Unjoni Ewropea bħala forum importanti għall-koperazzjoni kulturali;

9.

Huwa mħasseb li l-komunikazzjoni tonqos milli tiċċara l-problema kurrenti dwar in-nuqqas ta' ftehim rigward il-kultura relatata mal-forom tal-arti kontemporanji u tradizzjonali, il-patrimonju Ewropew u l-“industriji kreattivi” kummerċjali li jagħmlu l-qligħ. Barra minn hekk, ġeneralment l-objettivi stipulati fl-aġenda jagħtu lil wieħed x'jifhem li l-kultura għandha valur soċjali, ekonomiku, politiku u b'mod ġenerali “strumentali”, iżda mħasseb li dawn l-objettivi ma jinkludux il-kwistjoni tal-kultura bħala valur fiha nnfisha (culture qua culture);

10.

Huwa mħasseb li d-dibattitu dwar id-djalogu interkulturali u kulturali u dwar x'irridu ngħidu bil-kelma “kultura”, wieħed jifhem li l-kultura tgħaqqad lin-nies flimkien iżjed milli tkun ta' medjatur tad-differenzi. F'dan il-kuntest, nistgħu nikkwotaw lil Jean Monnet: iż-żgħażagħ “li jkunu midħla ta' dak kollu li huwa kbir u tajjeb fil-kulturi differenti, bla ma jieqfu jħarsu lejn artijiethom b'imħabba u bi kburija, dawn isiru Ewropej”;

11.

Iqis li, għall-implimentazzjoni kompleta u koerenti tal-Artikolu 151(4) tat-Trattat, l-ispeċifikazzjonijiet tas-settur kulturali, b'mod partikulari l-potenzjal kreattiv u innovattiv tiegħu u t-tifsira soċjali tiegħu, għandhom jitqiesu bħala assi kulturali u ekonomiċi, sabiex il-kultura terġa' ssib bis-sħiħ il-post li jistħoqqilha fil-qafas tal-Istrateġija ta' Liżbona;

12.

Jemmen li l-objettiv tal-Kummissjoni li tkompli tiżviluppa iżjed id-djalogu mas-soċjetà ċivili fis-settur kulturali huwa kruċjali sabiex tiġi żviluppata aġenda Ewropea koerenti għall-kultura, u jemmen li huwa biss permezz ta' djalogu strutturat bħal dan li l-politiki Ewropej ikunu jistgħu jirriflettu b'mod ġenwin ir-realtajiet u l-ħtiġijiet tal-artisti Ewropej u tal-operaturi kulturali;

13.

Jistieden lill-Kummissjoni biex tressaq rakkomandazzjonijiet dwar il-ħarsien ta' sistemi ta' ġestjoni tad-drittijiet diġitali li jqisu bl-istess mod il-ħtiġijiet tas-suq intern tal-UE u tal-Konvenzjoni tal-Unesco dwar il-Protezzjoni tad-Diversità Kulturali;

14.

Jenfasizza li l-produttività kulturali u l-kreattività tal-artisti trid tiġi garantita b'mod sostenibbli, u li dan jassumi minn qabel sitwazzjoni soċjali sigura għall-artisti, inkluż qafas legali xieraq fil-qasam tat-taxxa, tax-xogħol, tas-sigurtà soċjali u tal-liġi tad-drittijiet tal-awtur;

15.

Jistieden lill-Kummissjoni u lill-Istati Membri biex iqajmu l-Konvenzjoni tal-Unesco dwar il-Protezzjoni tad-Diversità Kulturali fuq saqajha u biex iqisu bis-sħiħ il-prinċipji inerenti fil-politiki interni u esterni;

16.

Ifakkar lill-Kummissjoni li l-Komunità hi marbuta bid-dmir li timplimenta l-Konvenzjoni tal-Unesco dwar il-Protezzjoni tad-Diversità Kulturali meta teżerċita l-kompetenzi tagħha f'oqsma ta' politika koperti mill-Konvenzjoni, jiġifieri “l-politika kummerċjali komuni, il-politika dwar il-koperazzjoni fl-iżvilupp, il-koperazzjoni ekonomika, finanzjarja u teknika ma' pajjiżi terzi, il-moviment ħieles tal-oġġetti, tal-persuni, tas-servizzi u l-kapital, il-kompetizzjoni, u s-suq intern, inkluża l-proprjetà intellettwali” (7);

17.

Jemmen li l-programmi Komunitarji li huma disponibbli attwalment fis-settur tal-kultura mhumiex biżżejjed għas-sitwazzjoni marbuta mal-patrimonju kulturali komuni tal-Ewropej, u jistieden għalhekk lill-Kummissjoni sabiex tagħmel proposta għal ħolqien ta' programmi speċifiċi li jrawmu l-kreattività artistika u jippermettu, b'mod iktar vast u profond, li jinżamm il-kuntatt mal-oġġetti u l-valuri, materjali u immaterjali, li jintegraw il-patrimonju kulturali Ewropew, li jiffaċilitaw l-interazzjoni tagħhom fil-komprensjoni umanista tal-identitajiet u tad-differenzi kif ukoll fil-produzzjoni kulturali attwali, u li jippermettu li wieħed jibbenefika minnhom u jaqsamhom;

18.

Jirrimarka li l-UE għandha rwol essenzjali x'tilgħab fit-teħid ta' miżuri prattiċi li jwasslu b'mod ġenwin għall-mobilità ta' artisti Ewropej u t'oħrajn mhux Komunitarji;

19.

Jenfasizza li l-programmi kollha tas-settur tal-kultura għandu jkollhom aspetti ferm pożittivi f'dak li għandu x'jaqsam mal-koeżjoni, il-konverġenza reali, it-tkabbir ekonomiku, l-iżvilupp sostenibbli, l-impjieg u l-kompetittività;

20.

Jitlob biex tiddaħħal viża speċjali għall-artisti sabiex ikunu jistgħu jaċċettaw minnufih offerti qosra ħafna ta' impenn professjonali;

21.

Jerġa' jtenni l-importanza strateġika tal-proġett kulturali attraenti tal-UE – l-iskema tal-Kapitali tal-Kultura Ewropea – li jagħti spinta sinifikanti lill-iżvilupp soċjali u ekonomiku tal-ibliet u r-reġjuni billi jinjetta valur miżjud Ewropew;

22.

Jitlob lill-Kummissjoni biex tagħti attenzjoni partikulari għall-koperazzjoni b'saħħita u effettiva bejn l-Ibliet Kapitali tal-Kultura Ewropea ta' bejn l-2007 u l-2011 u n-Netwerk tal-Ibliet Kulturali tal-2010, li jlaqqa' flimkien iżjed minn mitejn belt mill-Ungerija, il-Ġermanja u t-Turkija biex jaħdmu flimkien fuq l-iżvilupp tal-objettivi kulturali Ewropej tagħhom, biex jissieħbu fil-proġett Kapitali tal-Kultura fit-tħejjijiet tagħhom għall-2010 u biex jippreżentaw il-proġetti tagħhom b'mod simultanju f'firxa vasta ta' postijiet differenti;

23.

Isostni li l-mobilità u l-flessibilità huma l-uniċi mezzi biex tiġi żgurata s-sopravivenza tal-attività reattiva fl-Istati Membri individwali u biex titrawwem identità kulturali Ewropea;

24.

Jirrakkomanda lill-Kunsill u lill-Kummissjoni biex jitfassal programm bil-għan li jissaħħaħ il-patrimonju klassiku Ewropew u l-kontribuzzjonijiet storiċi u kulturali nazzjonali tul is-sekli u fid-dimensjonijiet kollha, u li dan il-programm għandu jeżisti b'mod paralleli mal-programm ta' qafas “Kultura 2007-2013” u jikkumpletah, filwaqt li jqis kif jixraq il-ħtiġijiet tas-settur kulturali fil-ġejjieni;

25.

Jistieden lill-Kummissjoni sabiex tintensifika l-politiki ta' appoġġ għat-traduzzjoni litterarja previsti fil-“Programm Kultura (2007-2013)”;

26.

Jistieden lill-Kummissjoni sabiex toħloq programm bil-għan li tiġi valorizzata il-promozzjoni tal-lingwi Ewropej fid-dinja u l-irwol tagħhom fil-ħolqien kulturali tal-kontinenti l-oħra, b'tali mod illi tiffaċilita kemm l-għarfien u l-komprensjoni reċiproċi kif ukoll l-interazzjoni kulturali iġġenerata u trasportata permezz ta' dawn il-lingwi fl-aspetti extra-Komunitarji tagħhom;

27.

Jistieden lill-Kummissjoni biex issaħħaħ u tippromwovi l-iskambji kulturali internazzjonali u l-ksib ta' ħiliet kulturali u tal-multilingwiżmu fost iċ-ċittadini tal-Unjoni Ewropea;

28.

Jenfasizza li, b'segwitu għall-għażla tal-2008 bħala s-Sena Ewropea għad-Djalogu Interkulturali, l-Unjoni Ewropea għandha tpoġġi l-valuri tad-djalogu interkulturali fil-prattika u tiftaħ lilha nnfisha għal kulturi oħra u tippromwovi u tiżviluppa opportunitajiet għal koperazzjoni billi tipproponi firxa interessanti ta' programmi kulturali għall-pajjiżi terzi Ewropej, b'mod partikulari dawk koperti mill-Politika Ewropea għall-Viċinat (ENP), li għalihom l-involviment f'programmi kulturali konġunti għandu jkollu influwenza ta' mobilizzazzjoni tabilħaqq importanti;

29.

Jipproponi li jkun hemm impenn tal-Parlament, tal-Kunsill, tal-Kummissjoni u tal-Istati Membri sabiex jinħolqu kundizzjonijiet favorevoli għall-kultura u għall-ħolqien kulturali fuq il-livelli kollha tal-ħajja tal-Unjoni u speċjalment f'dak li jikkonċerna l-familja, l-iskola, it-tagħlim tul il-ħajja, il-komunikazzjoni soċjali u d-dinja tat-teknoloġiji diġitali;

30.

Isostni li proġetti kulturali speċifiċi, bħal-librerija diġitali Ewropea, għandhom jibqgħu jiġu promossi fuq livell Ewropew; jitlob biex il-librerija tiġi stabbilita b'mod iżjed rapidu;

31.

Jappoġġja d-diversi ftehimiet ta' sħubija kulturali bejn l-ibliet, il-komunitajiet u r-reġjuni, li huma ta' importanza kbira għall-iżvilupp soċjali tar-reġjuni u tal-promozzjoni tal-innovazzjoni kulturali; jistieden lill-Kummissjoni u lill-Istati Membri biex jipprovdu kull appoġġ għal inizjattivi kulturali lokali, reġjonali u interreġjonali bħala fattur essenzjali fil-proċess tal-integrazzjoni reġjonali u Ewropea quddiem l-isfidi globali;

32.

Jenfasizza l-importanza li għandhom it-tagħlim tal-arti fil-perfezzjonament tal-personalità taż-żgħażagħ, fil-tqajjim u l-iżvilupp tal-vokazzjoni tagħhom u fl-ibbenefikar bis-sħiħ tal-oġġetti u tal-valuri kulturali;

33.

Jenfasizza l-ħtieġa li s-sillabi tal-iskejjel fl-Istati Membri kollha jinkludu storja komuni tal-programm tat-tagħlim tal-Unjoni Ewropea biex tiġi promossa l-identità u l-kultura Ewropea fil-kontest tal-globalizzazzjoni;

34.

Isemmi l-importanza tat-twaqqif, fl-iskejjel kif ukoll fis-soċjetà, ta' pontijiet innovattivi bejn il-kultura, ir-riċerka, ix-xjenza u t-teknoloġija u l-bżonn ta' programmi li jkopru dawn l-aspetti;

35.

Jitlob lill-Kummissjoni sabiex telabora strument adegwat li jidentifika s-setturi fi kriżi fl-industriji kulturali Ewropej, billi tingħata attenzjoni partikulari lis-suq tal-pubblikazzjoni li l-evoluzzjoni tiegħu wasslet biex tipperikola l-ħolqien litterarju ta' kwalità għall-benefiċċju tal-“bestsellers” u għad-dinja tal-kreazzjoni mużikali, fejn il-kwalità u d-diversità huma wkoll ipperikolati permezz tal-piraterija minħabba t-tixrid dinji tat-teknoloġiji diġitali, permezz ta' proċessi ta' konċentrazzjoni ta' “collective rights management”;

36.

Jistieden lill-Kummissjoni u lill-Istati Membri biex iħaddmu l-mezzi meħtieġa biex jinforzaw u jipproteġu d-drittijiet tal-proprjetà artistika, b'mod speċjali fl-ambjent diġitali;

37.

Iqis li għandhom jitwaqqfu pedamenti ta' diplomazija kulturali Ewropea reali u jinsisti sabiex l-Istati Membri u l-istituzzjonijiet Komunitarji jsaħħu l-komponenti kulturali tar-rappreżentanzi diplomatiċi tagħhom u sabiex jieħdu inizjattivi strutturati u regolari, dedikati għall-kultura Ewropea;

38.

Jistieden lill-Istati Membri u lill-istituzzjonijiet tal-Komunità biex jinkoraġġixxu inizjattivi mmirati lejn l-iżvilupp tat-turiżmu kulturali;

39.

Jirrakkomanda li l-Kunsill u l-Kummissjoni jelaboraw u jippromwovu lista ta' ”siti ta' pellegrinaġġ kulturali” fl-Istati Membri kollha bl-għan li jkunu organizzati inizjattivi u avvenimenti speċifiċi li jsiru b'mod regolari f'dawn il-postijiet li huma monumenti għall-kultura u li minnhom tkun iġġenerata l-kultura;

40.

Jemmen li tiketta ta' partimonju Ewropew għandha tkun stabbilita bl-għan li tkun enfasizzata d-dimensjoni Ewropea ta' beni kulturali, monumenti, siti memorjali u postijiet ta' tifkira, li kollha huma xhieda tal-istorja u l-patrimonju tal-Ewropa;

41.

Jirrakkomanda li l-Kunsill u l-Kummissjoni jappoġġjaw u jippromwovu l-programm Rotot Kulturali Ewropej tal-Kunsill tal-Ewropa, imniedi fl-1987, ladarba r-rotot in kwistjoni jikkostitwixxu netwerks eżemplari li jħaddnu reġjuni u komunitajiet lokali u jagħtu xhieda tal-patrimonju u tal-istorja komuni Ewropej;

42.

Jipproponi li l-Kunsill u l-Kummissjoni jistabilixxu skema ta' sponsorizzazzjoni tal-arti u jaħtru “patrun kulturali Ewropew” sabiex jippermettu sħubiji effettivi bejn is-setturi pubbliċi u privati, li jkunu konsistenti mal-għanijiet tal-proposti tal-Kummissjoni;

43.

Jipproponi wkoll il-ħolqien ta' premji Ewropej ta' prestiġju, li jingħataw fuq bażi regolari, għall-oqsma kollha ta' attività kreattiva;

44.

Jissuġġerixxi wkoll li l-profil tal-premji eżistenti jingħata aktar prominenza u li l-effetti tagħhom ikunu evalwati;

45.

Jissuġġerixxi li, minħabba li se jaħbat il-200 anniversarju mill-mewt ta' Fryderyk Chopin, kompożitur brillanti li bla dubju ta' kontribut lill-patrimonju dinji, l-2010 għandha tkun is-“Sena Ewropea ta' Fryderyk Chopin”;

46.

Jissuġġerixxi li s-sena 2011 tkun is-“Sena Ewropea tal-Klassiċi Griegi u Rumani” sabiex il-popli tal-Unjoni jkunu konxji minn dan l-aspett essenzjali tal-patrimonju kulturali li llum huwa fil-periklu li jintesa;

47.

Jirrakkomanda li l-Kummissjoni, f'koperazzjoni mal-Istati Membri, fl-interess tal-promozzjoni tal-valuri kulturali Ewropej u biex turi l-impenn tagħha għall-kultura, għandha tibda torganizza b'mod regolari u tappoġġja Sena Ewropea li tfakkar personalità, attività artistika jew avveniment kulturali sinifikanti fuq livell Ewropew;

48.

Jissuġġerixxi li jsir titjib fir-rigward tal-promozzjoni tal-aċċess għal u l-pubbliċità dwar dawn il-miżuri;

49.

Jiġbed l-attenzjoni tal-Kunsill li hemm l-obbligu li l-finanzjament maħsub mill-baġit għal dawn il-miżuri proposti fil-komunikazzjoni tal-Kummissjoni u dawk li diġà jeżistu ikunu riveduti immedjatament u bħala kwistjoni urġenti;

50.

Iħeġġeġ lill-Kummissjoni u lill-Kunsill biex jiggarantixxu li r-regoli li jirregolaw ir-relazzjonijiet kummerċjali kemm fil-livell bilaterali kif ukoll f'dak multilaterali jkunu trasparenti, ġusti, miftuħa u orjentati lejn l-aċċess għas-suq; barra minn hekk jinsisti li dawn ir-regoli jridu jħallu lill-industriji kulturali Ewropej jiżviluppaw il-potenzjal sħiħ tagħhom, b'mod partikolari fl-oqsma awdjoviżivi, mużikali u tal-pubblikazzjoni;

51.

Jistieden lill-Kummissjoni biex tirrevedi l-mekkaniżmi tal-kontroll doganali u tal-iskambju tal-informazzjoni fl-Istati Membri sabiex tiżgura li jkunu effettivi kemm jista' jkun fil-ġlieda kontra l-esportazzjoni u l-importazzjoni illegali ta' xogħlijiet tal-arti u ta' beni kulturali oħra li huma mħarsa;

52.

Jistieden lill-Kummissjoni biex tieħu l-miżuri xierqa ħalli tibda reviżjoni bir-reqqa tal-ħarsien tad-drittijiet tal-proprjetà intellettwali, sabiex ikun hemm bilanċ aħjar bejn l-għanijiet kuntrastanti tal-ħarsien tad-detentur tad-drittijiet u l-aċċess liberu u ġust għall-beni u s-servizzi kulturali fl-acquis communautaire tal-UE, fir-regoli tal-Organizzazzjoni Dinjija tal-Kummerċ (WTO) u fil-ftehimiet bilaterali tal-UE sabiex jinqerdu l-għeruq tal-kawżi tal-iffalsifikar u tal-piraterija;

53.

Jistieden lill-Kummissjoni biex tuża s-setgħat tagħha sabiex tiżgura li s-sieħba tal-kummerċ kollha jinfurzaw l-obbligi tal-ftehimiet fi ħdan il-qafas tar-regoli tad-WTO u tal-liġijiet internazzjonali tal-kummerċ, fosthom l-attivazzjoni potenzjali tal-istrumenti għas-riżoluzzjoni ta' tilwim li hemm dispożizzjoni għalihom fil-ftehimiet internazzjonali;

54.

Jistieden lill-Kummissjoni sabiex tiżviluppa sett affidabbli u koerenti ta' indikaturi u ta' strumenti biex jitqies u jkun evalwat il-kummerċ internazzjonali fil-beni kulturali;

55.

Filwaqt li jitqies li t-turiżmu kulturali huwa settur tal-industrija kulturali li kull ma jmur qiegħed dejjem jikber fid-dinja kollha, jistieden lill-Kummissjoni biex fil-ftehimiet dwar il-politika tal-kummerċ tal-UE iddaħħal klawsoli fuq il-firxa u l-kummerċ ta' prodotti b'valur kulturali u storiku;

56.

Jistieden lill-Kummissjoni u lill-Istati Membri sabiex iqisu dejjem aktar il-klawsoli tal-ftehimiet ta' kummerċ ħieles (FTAs) tal-UE u ta' strumenti oħra tal-kummerċ li jittrattaw il-kummerċ fil-prodotti kulturali meta jsegwu dawn il-ftehimiet tal-kummerċ;

57.

Jisħaq fuq l-importanza tal-appoġġ għall-fluss transkonfinali tal-prodotti kulturali bis-saħħa ta' mobilità akbar min-naħa tal-artisti u l-ħaddiema tas-settur kulturali; iqis li l-mobilità transkonfinali tal-arti u l-kultura Ewropea għandha sehem importanti fit-tixrid tal-valuri Ewropej kif ukoll biex jinżammu u jiġu żviluppati d-diversità kulturali u d-djalogu interkulturali;

58.

Jistieden lill-Kummissjoni biex tidentifika xi ostakli mhux tariffarji imposti minn pajjiżi terzi fit-tranżazzjonijiet kummerċjali għal xi prodotti u servizzi kulturali Ewropej u, jekk ikun meħtieġ, biex tieħu l-passi ħalli tneħħihom;

59.

Jenfasizza, f'dan ir-rigward, li l-Unjoni Ewropea għandha tappoġġja u tħaffef l-aċċess għas-suq tal-prodotti u s-servizzi kulturali tagħha fir-rigward tal-pajjiżi li qegħdin jiżviluppaw, filwaqt li tingħata attenzjoni partikulari għall-impatt pożittiv li dan jista' jkollu fuq il-ħolqien tal-impjiegi u fuq l-iżvilupp teknoloġiku fl-industriji kulturali tagħhom.

60.

Jistieden lill-Kummissjoni biex tipproponi azzjonijiet u avvenimenti kulturali speċifiċi li jippromwovu l-kultura Ewropea fil-pajjiżi li qed jiżviluppaw, filwaqt li jingħata aċċess għall-prijorità kulturali fil-politiki tal-iżvilupp;

61.

Jappoġġja l-integrazzjoni sistematika tad-dimensjoni kulturali u l-aspetti varji tal-kultura fil-politiki, il-proġetti u l-programmi esterni u ta' żvilupp kollha, bħala mezz li jsaħħaħ il-kwalità tal-isforzi diplomatiċi tal-Kummissjoni u l-vijabilità u s-sostenibilità tal-attivitajiet ta' koperazzjoni kollha tal-UE, u bħala mezz li jsaħħaħ il-miżuri li jqajmu l-kuxjenza tal-pubbliku dwar l-importanza tal-aspett kulturali tal-attivitajiet tal-iżvilupp;

62.

Jilqa' b'sodisfazzjon l-istabbiliment ta' programmi ta' koperazzjoni kulturali speċifiċi ta' natura interdipendenti ma' xi pajjiżi msieħba fir-reġjun tal-ENP, fl-Ażja u f'postijiet oħra, bħall-Fond Kulturali għall-Indja;

63.

Jilqa' b'sodisfazzjon il-proposta tal-Kummissjoni sabiex jinħoloq Fond Kulturali UE-ACP bħala kontribuzzjoni konġunta tal-UE għall-appoġġ tad-distribuzzjoni u tal-produzzjoni ta' prodotti kulturali tal-ACP, filwaqt li jinnota li l-10 Fond Ewropew għall-Iżvilupp ser jipprovdi fondi ta' inizjazzjoni li ser ikunu kkumplimentati minn kontribuzzjonijiet mill-Istati Membri;

64.

Jistieden lill-Kummissjoni biex tippromwovi l-konformità mal-ftehimiet internazzjonali u ma' strumenti legali oħrajn li għandhom x'jaqsmu mad-drittijiet kulturali sabiex tiżgura l-libertà kulturali u tipproteġi d-diversità u l-manifestazzjonijiet tagħha fid-dawl tal-pjanijiet tal-liberalizzazzjoni tas-suq li jheddu d-diversità kulturali fil-pajjiżi li qed jiżviluppaw;

65.

Jistieden lill-Kummissjoni sabiex tippromwovi skambji kulturali bejn l-UE u pajjiżi terzi u reġjuni;

66.

Jitlob lill-Kummissjoni biex tippromwovi l-inklużjoni tal-politika kulturali fil-politika dwar il-koperazzjoni fl-iżvilupp, b'mod partikulari fir-rigward tal-interazzjoni tagħha ma politiki soċjali u ekonomiċi;

67.

Jistieden lill-Kummissjoni sabiex tiżgura li l-programmi u l-proġetti ta' koperazzjoni kollha tagħha jqisu l-kultura lokali u jikkontribwixxu sabiex aktar nies ikollhom aktar aċċess għall-kultura u għall-mezzi ta' espressjoni kulturali, minbarra li jittrattaw il-faqar u l-esklużjoni soċjali; jiġbed l-attenzjoni dwar l-importanza tal-edukazzjoni, inkluża l-promozzjoni tal-integrazzjoni tal-kultura fil-kurrikula tal-edukazzjoni fil-livelli kollha fil-pajjiżi li qed jiżviluppaw;

68.

Ifakkar lill-Kummissjoni li l-iżvilupp tal-patrimonju kulturali huwa konness b'mod inseparabbli mal-użu u t-tgawdija pubblika tiegħu, u li l-patrimonju kulturali għandu jkun immaniġġjat b'mod sostenibbli minħabba n-natura tranżitorja tiegħu; iqis ukoll li, f'sens ekonomiku, l-immaniġġjar tal-patrimonju kulturali meħtieġ li jkun vijabbli u li għalhekk dan għandu jkollu rwol fit-titjib tal-kundizzjonijiet soċjo-ekonomiċi li jgħixu fihom in-nies;

69.

Jappoġġja l-involviment attiv tal-UE fil-ħidma tal-organizzazzjonijiet internazzjonali li għandhom x'jaqsmu mal-kultura, u fil-proċess “Alleanza taċ-Ċivilizzazzjonijiet” tan-Nazzjonijiet Uniti.

70.

Jirrikonoxxi l-importanza tal-pjanijiet għal aġenda kulturali Ewropea, iżda jinnota li l-komunikazzjoni tal-Kummissjoni dwar din l-aġenda tonqos milli tipprovdi dettalji dwar l-iffinanzjar tagħha jew xi pjan prattiku sabiex jintuża l-metodu miftuħ ta' koordinazzjoni; jistieden lill-Kummissjoni sabiex tipprovdi dawn id-dettalji mill-aktar fis possibbli;

71.

Jirrakkomanda li l-Istati Membri jinkludu lill-awtoritajiet lokali u reġjonali fil-proċess mhux biss tal-immonitorjar ta' riżultati, iżda wkoll tal-implimentazzjoni ta' kull aġenda kulturali ġdida tal-UE, biex il-politika kulturali fil-fatt implimentata tirrifletti l-aspettattivi speċifiċi u l-ħtiġijiet tar-reġjuni;

72.

Jiġbed l-attenzjoni għall-ħtieġa li tiġi promossa d-diversità kulturali u li l-kultura tingħata rwol sinifikanti fid-djalogi mhux biss bejn pajjiżi individwali iżda wkoll bejn reġjuni madwar id-dinja, filwaqt li jiġu promossi l-iskambji interkulturali u tiġi inkluża l-kultura fi programmi ta' żvilupp; jappoġġja l-idea tal-approċċ integrat għal ħolqien ta' strateġiji għall-kultura, li jinkludi s-setturi u l-fatturi kollha li jinfluwenzaw direttament jew indirettament l-iżvilupp tal-kultura;

73.

Jenfasizza li t-turiżmu kulturali għandu rwol importanti fit-tkabbir ekonomiku reġjonali u fil-ħolqien tal-ġid u fit-tisħiħ tal-valur tal-patrimonju kulturali tal-Ewropa u li l-għaqdiet kulturali reġjonali u dawk attivi fil-qasam tal-politika kulturali għandhom ikunu involuti f'dan il-proċess;

74.

Jesprimi dispjaċir dwar il-fatt li l-Kummissjoni tagħti ftit wisq attenzjoni għall-arranġamenti ta' ġemellaġġ bejn bliet, muniċipalitajiet u reġjuni, li għal ħafna snin ipprovdew forum eċċellenti għall-koperazzjoni kulturali u għall-iskambju ta' informazzjoni;

75.

Jenfasizza l-irwol importanti li għandhom l-awtoritajiet lokali u reġjonali biex titrawwem u tissaħħaħ b'mod komprensiv il-kultura fiz-zoni tagħhom, fuq kollox l-irwol importanti tal-awtoritajiet lokali u reġjonali sabiex irawmu u jżommu ħajja l-kultura fl-inħawi tagħhom, l-aktar fil-qasam tal-wirt kulturali u bħala patruni tal-innovazzjoni artistika, bħala l-entitajiet responsabbli għall-provvista u l-isponsorjar ta' faċilitajiet u inizjattivi kulturali u edukazzjoni u taħriġ u bħala organizzaturi ta' festivals u laqgħat kulturali;

76.

Jistieden lill-Kummissjoni sabiex tippromwovi l-aħjar prattiki fl-attivitajiet kulturali fil-livell Ewropew, u jiġbed l-attenzjoni għall-fatt li ħafna mill-aħjar prattiki f'dan il-qasam huma ġġenerati fil-livell reġjonali; jissuġġerixxi li tiġi organizzata konferenza tematika u li jinħolqu databases tal-aħjar prattiki li jkunu aċċessibbli għall-pubbliku fil-lingwi uffiċjali kollha tal-Unjoni Ewropea;

77.

Waqt li jqis is-Sena Ewropea għad-Djalogu Interkulturali attwali, jenfasizza l-irwol li jista' jkollhom ir-reġjuni bħala punt ta' laqgħa kulturali ġenwin; jistieden lill-Kummissjoni biex tressaq proposti sodi għal attivitajiet għal 2008 u biex b'mod attiv tinkludi r-reġjuni fl-ippjanar u l-implimentazzjoni ta' dawn l-attivitajiet;

78.

Jaqbel mal-Kummissjoni dwar il-fatt li d-diversità kulturali u lingwistika tal-UE hija vantaġġ kompetittiv ewlieni; ifakkar lill-Istati Membri li t-tagħlim tal-lingwi u l-programmi ta' skambju edukattivi u kulturali fl-Unjoni Ewropea kif ukoll barra minnha jeħtieġu appoġġ kontinwu; ifakkar fl-irwol tax-xandir televiżiv fil-qasam tal-iskambju interkulturali;

79.

Jistieden lill-Kummissjoni sabiex tappoġġja l-inizjattivi kulturali fil-proġetti ta' koperazzjoni reġjonali, inkluż fill-livell ta' belt, b'mod speċjali fi bliet żgħar u ta' daqs medju, fosthom permezz tal-programm Interreg IV C, u sabiex tinkorpora dimensjoni kulturali fl-inizjattiva għar-reġjuni għall-bidla ekonomika;

80.

Jistieden lill-Istati Membri sabiex jappoġġjaw il-kultura fir-reġjuni billi jinvestu fl-infrastruttura kulturali, billi jagħmlu użu mill-fondi strutturali, u sabiex ifasslu programmi reġjonali ta' żvilupp kulturali f'konsultazzjoni mas-setturi kulturali u edukattivi u mas-soċjetà ċivili;

81.

Jistieden lill-Kummissjoni u lill-Istati Membri sabiex jistipulaw regoli sempliċi, trasparenti u preċiżi għall-implimentazzjoni tal-PPPs, sabiex dawn ikunu jistgħu isiru mezz effettiv ta' ffinanzjar ta' inizjattivi kulturali fir-reġjuni u jkunu jistgħu jiffaċilitaw aktar involviment attiv mill-SMEs;

82.

Jilqa' l-proposta tal-Kummissjoni sabiex toħloq Fond Kulturali EU-ACP bħala kontribuzzjoni tal-UE għad-distribuzzjoni tal-oġġetti kulturali tal-ACP u tal-Pajjiżi u t-Territorji Esterni (OCT); huwa tal-opinjoni li għandhom jiġu implimentati arranġamenti simili b'mod partikulari għall-pajjiżi li jipparteċipaw fil-politika għall-viċinat;

83.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, kif ukoll lill-gvernijiet u lill-parlamenti tal-Istati Membri, u lill-Unesco u lill-Kunsill tal-Ewropa.

15.10.2009   

MT

Il-Ġurnal Uffiċjali tal-Unjoni Ewropea

CE 247/41

A.

billi skond il-Kontribut tat-Tieni Grupp ta’Ħidma għall-IPCC AR4, huwa mistenni li kważi r-reġjuni Ewropej kollha se jkunu affetwati b’mod negattiv b’xi impatti futuri tal-bidla fil-klima; billi dawk l-impatti se joħolqu sfidi għal ħafna setturi ekonomiċi, iżda bl-istess mod se joħolqu theddida oħra għall-bijodiversità tal-Unjoni Ewropea u se jtellfu l-iżvilupp soċjali,

B.

billi osservazzjoni xjentifika reġjonali mill-kontinenti kollha u minn ħafna oċeani tipprovdi evidenza li n-natura qed tkun affetwata mill-bidla fil-klima speċjalment minħabba ż-żieda fit-temperatura iżda wkoll minħabba impatti oħra tal-bidla fil-klima, billi din iż-żieda fit-temperatura osservata hija kkawżata minn attività tal-bniedem u qed tinfluwenza s-sistemi fiżiċi u bijoloġiċi,

C.

billi l-UE għandha tikkunsidra sa liema punt l-adattament għall-bidla fil-klima jista’jwitti t-triq għal mudell ġdid għall-iżvilupp u t-tkabbir ekonomiku li jħares l-ambjent, iżid l-impjiegi u jagħti dimensjoni ġdida lill-politiki soċjali,

D.

billi l-bidla fil-klima hija problema li tikkonċerna lis-soċjetajiet moderni kollha kemm huma u għalhekk il-livelli kollha ta’governanza, mil-livell tal-UE u l-awtoritajiet pubbliċi sa ċ-ċittadin individwali u jistgħu u għalhekk għandu jkollhom irwol importanti fil-miżuri ta’adattament,

E.

billi miżuri ta’adattament li jevitaw il-ħsara mhumiex bżonnjużi biss biex iwieġbu għall-impatti futuri tal-bidla fil-klima fl-Ewropa u barra l-Ewropa, iżda għandhom ukoll jiġu żviluppati u applikati issa biex iwieġbu kemm fuq livell reġjonali u kemm fuq livell lokali għall-konsegwenzi tal-livelli attwali tat-tisħin globali minħabba raġunijiet storiċi ta’emissjonijiet ta’gass li għandu effett ta’serra; billi, adattazzjoni bħal din teħtieġ approċċ verament komuni u l-inklużjoni ta’aspetti soċjali, ekonomiċi u ambjentali f’sens wiesa’,

F.

billi jeżistu diversi studji u mudelli fuq skala reġjonali u lokali dwar l-impatti mistennija tal-bidla fil-klima, billi, f’ħafna studji, m’hemm l-ebda eżami ekwivalenti tad-dimensjoni soċjo-ekonomika u tal-konsegwenzi prevedibbli għall-popolazzjonijiet ikkonċernati,

G.

billi, fuq il-livell tal-UE, il-monitoraġġ tal-bidla fil-klima u l-koordinazzjoni tal-miżuri biex din tiġi indirizzata għandhom jingħataw prijorita’sabiex tiġi ffaċilitata strateġija komuni fir-rigward ta’din il-problema,

H.

billi l-investiment kemm pubbliku kif ukoll privat f’attivitajiet ta’riċerka u żvilupp dwar il-bidla fil-klima se jkun ta’importanza kbira biex jiġi żgurat li l-isforzi ta’adattament u ta’mitigazzjoni jkunu kemm jista’jkun possibbli effettivi fil-limitazzjoni tal-konsegwenzi tal-bidla fil-klima,

I.

billi hemm bżonn li r-riċerka nazzjonali dwar il-bidla fil-klima tkun ikkoordinata mar-riċerka li titwettaq taħt is-Seba’Programm ta’Qafas,

J.

billi l-adattazzjoni tal-bidla fil-klima kienet inqas fiċ-ċentru tad-dibattitu pubbliku wara enfasi ċara dwar il-miżuri ta’mitigazzjoni neċessarji biex jiġi llimitat it-tisħin globali;

K.

billi l-ilħuq tal-mira li jitwaqqaf it-tisħin globali f’2 °C jibqa’jfisser tisħin għall-Ewropa kkaratterizzat mill-bidliet reġjonali fil-klima, b’diversi konsegwenzi għall-popolazzjonijiet ikkonċernati, għall-ekonomija lokali u reġjonali u għall-ambjent, karatteristiċi li jwasslu għal iktar tisħiħ tal-inugwaljanzi eżistenti u d-differenzi reġjonali rigward ir-riżorsi u l-assi fl-Ewropa,

L.

billi r-riċerka fil-prekundizzjonijiet għal u l-fehim ta’kundizzjonijiet estremi tat-temp għandhom ikunu intensifikati bħala bażi neċessarja għall-miżuri preventivi, inkluża l-implimentazzjoni ta’sistemi ta’twissija bikrija u azzjonijiet fil-futur biex jiġu evitati diżgrazzji u ħsarat u billi jridu jiġu żviluppati għodod għall-evalwazzjoni tal-effettività ta’miżuri bħal dawn,

M.

billi approċċ lejn mekkaniżmi ta’adattament ibbażati biss fuq analiżi tal-ispiża meta mqabbla mal-benifiċċju ma jidhirx xieraq peress li huwa previst li anke fl-Ewropa, l-iktar li se jintlaqtu ħażin huma l-iktar foqra minħabba li huma ġeneralment m’għandhomx biżżejjed assikurazzjoni, informazzjoni u mobilità biex iwieġbu għal ambjent li qed jinbidel,

N.

billi approċċ minn isfel għal fuq jinvolvi komunitajiet li jesperjenzaw il-konsegwenzi negattivi tal-bidla fil-klima biex jippreżentaw liema tekniki sabu li huma suċċess biex jiġu miġġielda dawk il-konsegwenzi, se jkun indikatur utli għall-UE biex din taħdem bħala umbrella fil-promozzjoni ta’strateġiji, fl-iżvilupp ta’programmi ta’appoġġ relevanti u fil-koordinazzjoni ta’politika ta’tmexxija permezz ta’netwerks u sħubijiet reġjonali u lokali,

O.

billi komponent ewlieni tar-reazzjoni għall-impatt tal-bidla fil-klima huwa li tiżdied u titjieb l-edukazzjoni professjonali u dik pubblika fir-rigward tal-azzjonijiet ta’adattament,

P.

billi huwa evidenti li l-bidla fil-klima taffetwa l-kisbiet tal-iżvilupp u thedded l-iżvilupp b’suċċess fl-Ewropa, iżda għandha impatt iktar qawwi fuq il-pajjiżi li qed jiżviluppaw, billi l-kwistjoni tal-iffinanzjar tal-miżuri ta’adattament għandha tkun evalwata iktar fil-fond kemm fl-Unjoni Ewropea kif ukoll f’termini ta’appoġġ provdut lill-pajjiżi li qed jiżviluppaw,

Q.

billi skond il-kunċett ta’integrazzjoni sistematika, l-adattament tal-bidla fil-klima għandha tkun inkluża fil-proċess tat-teħid ta’deċiżjonijiet wara li jkunu saru ċertu mistoqsijiet dwar kif u meta wieħed għandu jinvesti, billi d-dibattiti matul dan il-proċess ta’teħid ta’deċiżjonijiet għandu jinvolvi kemm lill-parteċipanti kkonċernati lokali u reġjonali kif ukoll lil dawk involuti fit-teħid ta’deċiżjonijiet,

R.

billi l-Green Paper dwar l-Adattament għall-Bidla fil-Klima ma tirrikonoxxix b’mod speċifiku l-eċċezzjonijiet ġeografiċi, klimatiċi u ta’żvilupp tar-reġjuni l-iktar imbiegħda tal-UE li probabilment għandhom dgħjufijiet differenti minn dawk li wieħed jistenna li jsib fil-kontinent Ewropew, u lanqas ma teżamina l-kundizzjonijiet tal-klima tal-inħawi urbani u tal-partijiet l-iktar ippopolati fl-Ewropa,

S.

billi l-bidla fil-klima x’aktarx li taffetwa dawk ir-reġjuni li, minħabba l-karatteristiċi topografiċi tagħhom, huma partikolarment dipendenti fuq id-dinamika tan-natura (inter alja z-zoni glaċjali u r-reġjuni muntanjużi), u b’hekk l-ekonomija lokali, il-kultura u l-popolazzjoni b’mod ġenerali jiġu esposti għal pressjoni u spejjeż għoljin ta’adattament, filwaqt li potenzjalment tkompli żżid id-disparitajiet reġjonali,

T.

billi l-Ewropa tan-Nofsinnhar u l-Baċir Mediterranju huma tnejn miz-zoni l-aktar vulnerabbli fl-Ewropa li diġà qed jaffaċjaw nuqqas ta’ilma, nuqqas ta’xita u nirien fil-foresti,

U.

billi strateġiji ta’adattament b’suċċess biex tintlaqa’l-bidla inevitabbli fil-klima se jeħtieġu l-appoġġ tal-edukazzjoni u tal-komunikazzjoni permezz tal-involviment tal-midja tal-massa u tal-parteċipazzjoni taċ-ċittadini fi kwistjonijiet ambjentali,

V.

billi l-Organizzazzjoni Dinjija għas-Saħħa tistma li 60 000 mewt fis-sena jistgħu jkunu diġa’attribwiti għad-diżastri naturali relatati mal-bidla fil-klima, billi l-iktar rapport riċenti tal-IPCC AR4 jenfasizza l-impatt tal-bidla fil-klima fuq is-saħħa pubblika, billi hemm tħassib serju dwar il-propagazzjoni ta’mard tropikali u l-vektors ta’dan il-mard lejn reġjuni bi klima moderata, billi, bħala konsegwenza partikulari ta’dan, il-faċilitajiet tal-kura tas-saħħa mmirati lejn l-aktar sezzjonijiet vulnerabbli tas-soċjetà x’aktarx huma l-aktar li jkollhom jadattaw għall-bidla fil-klima,

W.

billi l-bidla fil-klima se tikkawża aktar danni serji lill-ekosistemi u l-bijodiversità li diġà huma vulnerabbli u mhedda u tħalli impatt fuq il-bijodiversità Ewropea; billi danni bħal dawn se jinħassu l-aktar indirettament, permezz tad-degradazzjoni tal-ekosistemi li huma fundamentali għall-benesseri tal-bniedem, billi l-ħarsien tal-ekosistemi se jkun għalhekk fil-bażi ta’strateġija ta’adattament tal-UE, billi l-ħamrija hija l-akbar riżerva ta’karbonju organiku tal-art, u billi prattiki ta’mmaniġġjar tal-ħamrija li mhumiex adattati qed jikkontribwixxu biex din ir-riżerva tiċkien; billi huwa neċessarju li din it-tendenza tinbidel u li jiġi żgurat li miżuri li huma xierqa sabiex il-karbonju organiku tal-ħamrija jiġi ppreservat u – fejn dan ikun possibbli – jiżdied, ikunu parti integrali minn strateġija ta’adattament tal-UE;

1.

Jilqa’b’sodisfazzjon il-Green Paper dwar l-Adattament għall-Bidla fil-Klima u l-proċess ta’konsultazzjoni mal-partijiet ikkonċernati kollha;

2.

Jenfasizza l-importanza tal-interkonnettività bejn l-isforzi ta’adattament u ta’mitigazzjoni biex jintużaw sinerġiji li għandhom jillimitaw il-konsegwenzi tal-bidla fil-klima; jistieden lill-Kummissjoni biex teżamina kif se tibbilanċja ż-żewġ sforzi b’mod reċiproku biex itejbu l-effettività tagħhom bil-għan li tiġi żviluppata strateġija ċara u ħolistika;

3.

Jirrikonoxxi li għalkemm fil-Green Paper dwar l-Adattament għall-Bidla fil-Klima l-kwistjonijiet huma ppreżentati fuq bażi settorjali, ħafna minn dawk is-setturi msemmija fiha huma interdipendenti bis-sħiħ; iqis li l-impatti fuq settur wieħed u d-deċiżjonijiet ta’adattament meħuda dwaru ta’sikwit se jkollhom effett fuq setturi oħra, u għalhekk jitlob lill-Kummissjoni biex tqis dawn l-interazzjonijiet fl-implimentazzjoni tal-miżuri ta’adattament;

4.

Itenni l-bżonn għal iktar studji u mudelli xjentifiċi dwar approċċ ibbażat fuq ir-riskju biex jiġu analizzati, miftiehma u previsti aħjar l-impatti umani u soċjali tal-bidla fil-klima b’relazzjoni mal-mira ta’mitigazzjoni tal-UE ta’2 °C u d-dimensjoni tal-adattamenti lokali u reġjonali meħtieġ;

5.

Jitlob lill-Kummissjoni biex twettaq studju dwar l-ekonomiji tal-adattament, biex jiġu żviluppati sitwazzjonijiet li jistabbilixxu l-karta tal-bilanċ tal-ispejjeż u l-benefiċċji tal-adattament u biex tiġi stimulata u antiċipata l-azzjoni ekonomika; Jissottolinja l-importanza li jintuża approċċ settorjali minn isfel ghal fuq li jqis id-differenzi fl-ambjenti naturali tal-Ewropa bhal ma huma z-zoni muntanjużi; Jistieden lill-Kummissjoni biex tagħmel rendikont tat-trasferimenti fl-impjieg kemm fis-setturi li qed jikbru kif ukoll fis-setturi li qed jiċkienu;

6.

Jistieden lill-Kummissjoni biex tikkoordina u tappoġġja l-preparazzjoni xjentifika ta’bażijiet ta’data komuni Ewropej dwar id-dgħjufijiet sabiex wieħed jifhem kif gruppi tas-soċjetà u l-kultura Ewropea u l-wirt nazzjonali se jkunu affetwati u kif is-soċjetajiet jistgħu jirreaġixxu għall-konsegwenzi tal-bidla fil-klima fil-futur; Jemmen li għandhom jiġu stabbiliti bażijiet ta’data li jinkludu informazzjoni importanti oħra dwar attivitajiet u politiki ta’adattament, bħal indiċijiet, politiki u miżuri, eċċ.;

7.

Jistieden lill-Kummissjoni biex tikkoordina n-netwerks eżistenti ta’monitoraġġ ta’data ambjentali u, fejn xieraq, biex tgħaqqadhom ma’strutturi ġodda, bil-għan li jiġu kkompilati bażijiet ta’data b’miżuri omoġenji li jistgħu jintużaw biex jinħolqu mudelli li jippermettu li tiġi identifikata l-azzjoni l-aktar meħtieġa fuq livell kontinentali, reġjonali u lokali;

8.

Jistieden lill-Kummissjoni biex teżamina kif tiżviluppa u tappoġġja iktar lil netwerk pan-Ewropew ta’universitajiet, lill-imsieħba soċjali, lill-organizzazzjonijiet tas-soċjetà ċivili, b’mod partikulari lill-organizzazzjonijiet nazzjonali għat-tbassir tat-temp, li għandhom riżorsi estensivi tad-data, u lil dawk involuti fit-teħid ta’deċiżjonijiet lokalment u reġjonalment sabiex jippromwovu sħubijiet transettorjali dwar adattamenti għall-iskambju tal-għarfien u l-politiki kif ukoll għall-iżvilupp ta’għodod li jkejlu s-suċċess tal-miżuri adottati u l-komunikazzjoni u t-tixrid ta’sejbiet u xenarji xjentifiċi dwar adattamenti neċessarji għat-tibdil tal-klima għall-pubbliku;

9.

Iqis li, sabiex ir-riċerka dwar l-impatt tal-bidla fil-klima tkun iktar effiċjenti, ir-riċerka li titwettaq taħt is-Seba’Programm ta’Qafas għandha tkun koordinata mar-riċerka li titwettaq fuq livell nazzjonali (b’mod partikulari l-programmi ta’osservazzjoni tad-Dinja mill-ispazju);

10.

Iqis li l-UE trid tagħmel sforzi sostanzjali biex jiżdied l-iżvilupp teknoloġiku fil-miżuri ta’adattament biex tiġi appoġġjata l-ekonomija tagħha u biex dawn it-teknoloġiji jiġu ttrasferiti lejn il-pajjiżi li qed jiżviluppaw; Jemmen li l-iżvilupp ta’teknoloġiji effettivi, sikuri u rħas huwa wieħed mill-modi essenzjali għall-adattament għall-bidla fil-klima u jqis li l-Konferenza/Laqgħa li jmiss tal-Partijiet f’Poznan (COP 14) għandha tiffoka fuq din il-kwistjoni;

11.

Jitlob lill-Kummissjoni biex tinkludi adattament fit-tfassil u l-modifikazzjoni tal-leġiżlazzjoni, tal-istrateġiji u tal-proġetti ta’finanzjament b’impatt spazjali, eżistenti u dawk kollha li għad iridu jsiru, sabiex ikunu limitati l-effetti tal-bidla fil-klima; Jitlob lill-Kummissjoni biex twettaq analiżi komprensiva tal-istrumenti finanzjarji Ewropej eżistenti u l-użu tagħhom fil-miżuri ta’adattament għal bidla fil-klima fl-oqsma ta’applikazzjoni oriġinali tagħhom u biex tindika fejn se jkunu meħtieġa fondi;

12.

Iħeġġeġ b’qawwa lill-Kunsill biex jasal għal deċiżjoni, mingħajr aktar dewmien, dwar il-proposta għal regolament li jistabbilixxi Fond ta’Solidarjetà tal-Unjoni Ewropea (EUSF), filwaqt li jżomm f’moħħu li l-Parlament ilu li adotta l-pożizzjoni tiegħu mit-18 ta’ Mejju 2006 (6); jemmen li r-regolament propost, flimkien ma’miżuri oħra, jbaxxu l-limiti għall-mobilizzazzjoni tal-EUSF, se jippermetti li tiġi indirizzata l-ħsara kkawżata minn diżastri naturali jew magħmula mill-bniedem b’mod iktar effettiv, flessibbli u f’waqtu; Jinsisti li strument finanzjarju bħal dan huwa importanti ħafna, speċjalment minħabba li d-diżastri naturali huma mistennija wkoll li jiżdiedu fil-futur anki minħabba l-bidla fil-klima;

13.

Jistieden lill-Kummissjoni biex tikkunsidra li tinkludi miżuri finanzjarji ta’adattament fil-qafas finanzjarju għal żmien twil li jmiss għall-politiki reġjonali u għall-fondi strutturali kif ukoll sabiex tipproponi li r-riżorsi addizzjonali jiġu allokati sabiex jinstabu soluzzjonijiet innovattivi li jindirizzaw il-bidla fil-klima;

14.

Jinnota li l-linji gwida strateġiċi għall-politika ta’koeżjoni tal-UE jiddiskrivu b’mod ċar il-bżonn li jissaħħu s-sinerġiji bejn l-ambjent u t-tkabbir; Jiddikjara li l-programmi ta’politika reġjonali jinvestu f’infrastruttura fl-oqsma tal-ilma, l-iskart u l-arja, fil-bijodiversità, il-promozzjoni tal-ippjanar tal-użu tal-art u t-trasport pubbliku; Jenfasizza li dawn jikkontribwixxu għall-ilħuq tal-impenji marbuta mal-klima u jrawmu miżuri ta’prevenzjoni tar-riskju permezz ta’politiki ta’mmaniġġjar pubbliku inkluż, pereżempju, il-monitoraġġ preventiv; Jirreferi wkoll għall-bżonn li l-Kummissjoni u l-Istati Membri jsaħħu l-bżonn ta’koordinazzjoni tal-organizzazzjonijiet għall-protezzjoni ċivili u l-ippjanar għal dak li jista’jinqala’; Jinnota, f’dan ir-rigward, għall-ħidma tal-Istrateġija Internazzjonali tan-Nazzjonijiet Uniti għall-Programm ta’Tnaqqis tad-Diżastri;

15.

jenfasizza l-bżonn għall-Istati Membri li jużaw il-fondi għall-Iżvilupp Rurali biex jissaħħaħ l-adattament għall-bidla fil-klima fl-agrikoltura u fl-imsaġar; ifakkar fl-irwol li għandha l-materja organika tal-ħamrija fir-rigward tal-fertilità tal-ħamrija u l-kapaċità tagħha li żżomm l-ilma u bħala baċin tal-karbonju, u jistieden lill-Komunità biex tadotta u tappoġġja prattiki xierqa ta’mmaniġġjar tal-ħamrija li jippreservaw il-livelli tal-materja organika tal-ħamrija fit-tipi kollha tal-ħamrija fl-Ewropa bħala mod effettiv biex ikun hemm adattament għaż-żieda fit-temperaturi u l-bidliet fl-ammont ta’xita li tagħmel; jenfasizza l-bżonn ta’prevenzjoni xierqa tal-kriżijiet u ta’miżuri għall-immaniġġjar tar-riskju kemm fuq livell tal-Komunità u kemm fuq livell nazzjonali u reġjonali minħabba li n-numru ta’kriżijiet fil-futur se jiżdied b’mod ċar, b’refernza partikulari għal sforz ta’mmaniġjar sistematiku tal-art li jiżgura perjodi itwal ta’preservazzjoni tal-ilma u piż inqas ta’nirien fuq il-foresti; jemmen li l-immaniġjar tar-riskju għandu jkun parti integrali u espliċita mill-politika ta’koeżjoni tal-UE;

16.

Jistieden lill-Kummissjoni biex tipproponi qafas li japplika madwar l-UE kollha għall-ippjanar tal-adattament u t-tħejjija; jenfasizza l-bżonn li l–prinċipju ta’sussidjarjetà jitqies kif suppost meta jiġu trattati l-konsegwenzi tal-bidla fil-klima permezz ta’miżuri adattivi, minħabba li reġjuni u awtoritajiet lokali fl-Ewropa se jkunu jistgħu jirrispondu iktar permezz ta’tweġibiet politiċi għall-esperjenzi tagħhom stess, jenfasizza madankollu l-bżonn ta’koerenza u koordinazzjoni fil-pjanijiet ta’adattament fil-livell tal-UE;

17.

Jenfasizza l-irwol ewlieni tal-komunitajiet lokali fil-ġlieda kontra l-bidla fil-klima u għalhekk jitlob l-implimentazzjoni ta’strateġiji integrati ta’żvilupp urban, reġjonali u rurali sostenibbli, li jqis b’mod sħiħ il-miżuri mmirati lejn il-mitigazzjoni u l-adattament u biex jitwettqu studji xjentifiċi biex jiġi analizzat liema huma l-infrastrutturi l-iktar xierqa tista’tgħin biex tiġi indirizzata l-bidla fil-klima;

18.

Jitlob kooperazzjoni eqreb u skambju tal-aħjar prattiki bejn istituzzjonijiet Ewropej u awtoritajiet reġjonali u lokali u bejn dawk fl-iżvilupp ta’kostruzzjonijiet, utilitajiet u servizzi mmirati biex jinkiseb status newtrali ta’karbonju fl-oqsma rispettivi tagħhom, bħal skemi ta’tisħin distrettwali, servizzi ta’riċiklaġġ imtejba, trasport pubbliku integrat, bini effiċjenti f’sens ta’enerġija u ilma, il-produzzjoni u l-użu ikbar ta’enerġija alternattiva, u aktar għoti ta’informazzjoni pubblika dwar il-konsum tal-enerġija;

19.

Jenfasizza l-fatt li s-settur agrikolu huwa wieħed mill-aktar vulnerabbli għall-bidla fil-klima iżda li fl-istess ħin dan is-settur ġie akkużat li wettaq ħsara ambjentali; jemmen li l-miżuri ta’adattament f’dan is-settur għandhom jaħdmu lejn it-tnaqqis tal-vulnerabilità u ż-żieda tas-sostenibilità kemm minn perspettiva ambjentali u kif ukoll minn dik ekonomika;

20.

Jenfasizza l-fatt li l-adattament gradwali tas-settur tal-agrikoltura għall-bżonnijiet il-ġodda li jirriżultaw mill-bidla tal-klima għandu jkun eżaminat fil-kuntest tal-‘kontrolli tas-saħħa’;

21.

Jenfasizza li s-settur tal-agrikoltura jista’jadatta ruħu għall-bidla fil-klima u jnaqqas l-effetti tagħha permezz tal-implimentazzjoni tal-leġiżlazzjoni li żżid is-sostenibilità u tippromwovi metodi ġodda dwar l-użu u l-immaniġġjar tal-ilma u riżorsi naturali oħra;

22.

Jenfasizza l-importanza tal-Istati Membri u tal-Kummissjoni fl-identifikazzjoni ta’infrastruttura tat-trasport li l-iktar li tista’tkun affetwata mill-kundizzjonijiet tal-bidla fil-klima u meta jkun hemm bżonn ta’sforzi addizzjonali li jiżguraw iffunzjonar kontinwu u sikur;

23.

Ifaħħar ir-riżultat sinifikanti tal-MOP 3 f’Bali għat-tħaddim tal-Fond għall-Adattament li jiġbor flimkien proġetti konkreti ta’adattament permezz ta’finanzjament minn imposta fuq proġetti ta’Mekkaniżmi ta’Żvilupp Nadif (CDM) imwettqa f’pajjiżi li qed jiżviluppaw li huma Partijiet għall-Protokoll ta’Kyoto; jenfasizza li din id-deċiżjoni rivoluzzjonarja biex jiġi ffinanzjat l-adattament fil-pajjiżi li qed jiżviluppaw indipendentement mid-donaturi ttieħdet qabel ma ġie adottat il-Pjan ta’Azzjoni għal Bali;

24.

Jenfasizza l-bżonn li jiġi żgurat li, bħala parti mill-evalwazzjoni tal-impatt ambjentali, il-permessi kollha għall-bini u l-pjanijiet urbani jqisu x-xenarji ta’adattament differenti sabiex jiġu evitati investimenti f’infrastrutturi inkompatibbli; jinnota li f’ħafna każi ikun aktar xieraq li z-zoni vulnerabbli ma jiġux żviluppati, jew li jerġa’jiġi rrestawrat l-istat naturali taz-zoni li diġà ġew żviluppati, milli jinbnew difiżi bħala preparazzjoni għall-effetti negattivi tal-klima;

25.

Iqis li l-kooperazzjoni biex jiġu appoġġjati r-reġjuni ifqar tal-Ewropa u l-partijiet tad-dinja li għadhom qed jiżviluppaw bħala importanti ħafna peress li dawn iz-zoni x’aktarx jintlaqtu l-aktar ħażin mill-bidla fil-klima iżda huma l-inqas kapaċi li jaffaċċjaw il-konsegwenzi; jiddispjaċih li l-Green Paper dwar l-Adattament tal-Bidla fil-Klima ma tindirizzax b’mod suffiċjenti l-bżonn ta’kooperazzjoni dwar l-adattament bejn l-UE u l-pajjiżi li qed jiżviluppaw; b’mod partikulari jenfasizza l-bżonn tat-trasferiment tat-teknoloġija u l-bini ta’kapacità; f’dan il-kuntest jilqa’b’sodisfazzjon l-inizjattiva tal-Kummissjoni biex tniedi Alleanza Globali dwar il-Bidla fil-Klima iżda jenfasizza li attwalment din hija nieqsa għall-aħħar mill-fondi;

26.

Jirrikonoxxi rabta kondizzjonali bejn l-għanijiet ta’żvilupp u kemm il-mitigazzjoni kif ukoll l-adattament għall-bidla fil-klima; jenfasizza li l-bida fil-klima għandha tkun integrata sistematikament fil-kooperazzjoni kollha tal-UE għall-iżvilupp, inklużi programmi eżistenti ta’sħubija bħad-djalogu EUROMED jew is-sħubija tal-enerġija bejn l-UE u l-Afrika; jenfasizza wkoll l-importanza kbira li jissaħħu s-sħubiji mal-pajjiżi li qed jiżviluppaw biex jiżdiedu l-isforzi biex tiġi evitata d-deforestazzjoni, u jiġu pprovduti benefiċċji kemm ta’mitigazzjoni kif ukoll ta’adattament;

27.

Jitlob li jiġu żviluppati strumenti finanzjarji sinifikanti u prevedibbli fil-qafas tal-politiki tal-UE, bħall-Iskema tal-Iskambju tal-Emissjonijiet, sabiex jgħinu lill-pajjiżi li qed jiżviluppaw biex jadattaw għall-impatti tal-bidla fil-klima u kif ukoll biex jipprovdu finanzjament għall-politiki ta’adattament fl-Istati Membri;

28.

Jinnota li l-bidla fil-klima tista’taċċellera t-tnaqqis tal-aċċess għar-riżorsi naturali; jistieden lill-Kummissjoni biex tikkunsidra miżuri ulterjuri għall-adattament għal sfidi ġodda biex tiġi żgurata sigurtà fil-provvista tal-ikel u tal-enerġija;

29.

Jistieden lill-Kummisjoni biex teżamina fuq livell Ewropew u, fil-kuntest internazzjonali, kif jiġi inkorporat adattament neċessarju bħala tweġiba għall-bidla fil-klima fil-pjanijiet għall-iżvilupp u fin-negozjati dwar il-baġit; jistieden lill-Kummissjoni biex tinvestiga kif tapplika miżuri bħal dawn fil-politiki settorjali biex tmexxi fondi u investimenti pubbliċi u privati; jenfasizza li din l-inkorporazzjoni se tkopri l-oqsma tax-xjenza, tal-integrazzjoni sistematika, tal-ħolqien ta’kuxjenza, tal-informazzjoni, tal-kooperazzjoni u tal-monitoraġġ, filwaqt li b’mod ċar isegwi l-kriterji kkontrollati regolarment għall-konformità biex wieħed jiġġustifika iktar appoġġ u jirrapporta lura lill-Parlament u lill-Kunsill;

30.

Jenfasizza l-importanza ta’ħtieġa akbar ta’użu razzjonali tal-ilma permezz ta’‘mmaniġġjar tad-domanda għall-ilma’, peress li l-ilma qed isir riżors skars; jistieden lill-Kummissjoni u lill-Istati Membri sabiex jadottaw miżuri integrattivi biex ikunu żgurati d-disponibilità, l-aċċessibilità, l-użu u l-konservazzjoni tal-ilma, u biex ikunu promossi teknoloġiji u prattiki innovattivi inklużi proġetti pilota li jgħinu biex jitnaqqas id-dannu tal-perjodi bla xita u r-riskji tal-għargħar; f’dan il-kuntest, jirrikonoxxi l-importanza ta’approċċ ibbażat fuq l-ekosistema fil-prevenzjoni u l-assorbiment tal-impatti tal-erożjoni tal-ħamrija, l-għargħar, id-deżertifikazzjoni, żieda fil-livelli tal-baħar, speċi aljeni li jinfirxu fl-ambjent, u reżistenza akbar għan-nirien tal-foresti;

31.

Jirrikonoxxi li l-bidla fil-klima tikkontribwixxi għall-piż globali tal-mard u l-imwiet prematuri billi taffettwa b’mod partikulari l-gruppi l-aktar vulnerabbli tal-popolazzjoni; jistieden lill-Istati Membri sabiex jikkunsidraw miżuri għat-tisħiħ tal-kapaċità tas-sistemi tas-saħħa biex jadattaw għall-effetti avversi tal-bidla fil-klima; jistieden lill-Kummissjoni sabiex twaqqaf sistema mifruxa mal-UE għall-immonitorjar u s-sorveljanza tal-effetti tal-bidla fil-klima fuq is-saħħa; jistieden lill-Kummissjoni biex tiżgura li t-theddid mill-bidla fil-klima għas-saħħa tal-bniedem ikunu fiċ-ċentru tal-politika ta’adattament u ta’mitigazzjoni tal-UE;

32.

Jenfasizza l-ħtieġa ta’approċċ iddivrenzjat klimatiku u tal-iżvilupp f’dak li għandu x’jaqsam ma’oqsma u reġjuni partikularment vulnerabbli għall-bidla fil-klima, bħal ma huma zoni muntanjużi jew kostali, gżejjer jew, per eżempju, is-seba’reġjuni l-aktar imbiegħda tal-UE, li, minħabba l-karatteristiċi topografiċi tagħhom u l-iżvantaġġi strutturali, huma dipendenti b’mod speċjali fuq id-dinamika ta’avvenimenti naturali; jistieden f’dan il-kuntest lill-Kummissjoni sabiex tespandi l-lista taz-zoni l-aktar vulnerabbli u sabiex tikkopera ma’inizjattivi reġjonali eżistenti bħal ma huma l-Konvenzjoni Alpini u l-Konvenzjoni ta’Karpazja sabiex jagħmlu l-aħjar użu minn għarfien eżistenti li nkiseb minn inizjattivi bħal dawn;

33.

Jistieden lill-Kummissjoni sabiex tikkunsidra l-irwol vitali li ekosistemi b’saħħithom jista’jkollhom fil-politika tal-adattament; jenfasizza l-fatt li l-leġiżlazzjoni eżistenti tal-UE (i.e. id-Direttiva tal-Għasafar (7) u d-Direttiva dwar l-habitat naturali (8), Natura 2000 u d-Direttiva ta’Qafas dwar l-Ilma (9)) jistgħu jgħinu sabiex tiġi indirizzata din il-kwistjoni fl-Ewropa; jistieden lill-Kummissjoni u lill-Istati Membri sabiex jagħtu l-ogħla prijorità għall-implimentazzjoni ta’din il-politika, sabiex jassiguraw adattament rapidu u effiċjenti għall-bidla fil-klima;

34.

Jilqa’b’sodisfazzjon l-inizjattiva tal-Kummissjoni biex twaqqaf Grupp Konsultattiv Ewropew għall-Adattament għall-Bidla fil-Klima u jenfasizza l-bżonn li dan il-grupp ta’esperti jipprovdi l-kapacitajiet għar-realizzazzjoni ta’strateġiji intersettorjali koerenti fil-livell tal-UE kif ukoll għat-tisħiħ tal-oqfsa ta’politika li jistgħu jipprovdu inċentivi għall-investiment fl-attivitajiet ta’mitigazzjoni u adattament għall-bidla fil-klima;

35.

Jagħti istruzzjonijiet lill-President tiegħu biex iressaq din ir-riżoluzzjoni lill-Kummissjoni bħala l-kontribut tal-Parlament għall-proċess ta’konsultazzjoni dwar il-Green Paper mibdi mill-Kummissjoni.

15.10.2009   

MT

Il-Ġurnal Uffiċjali tal-Unjoni Ewropea

CE 247/48

A.

billi l-Unjoni Ewropea għandha tiżgura li ċ-ċittadini jkollhom aċċess indaqs għall-informazzjoni, l-edukazzjoni u l-kultura,

B.

billi t-telf parzjali jew sħiħ tas-smigħ huwa kundizzjoni li taffettwa iktar minn 83 miljun persuna fl-Ewropa, billi, ladarba l-popolazzjoni Ewropea qed tixjieħ, din il-problema ser tkompli tikber,

C.

billi l-aċċess għat-televiżjoni fl-Ewropa hu universali; billi t-televiżjoni ta' servizz pubbliku għandha missjoni ta' servizz pubbliku li tikkonsisti, fost affarijiet oħra, fl-informazzjoni u l-edukazzjoni tat-telespettaturi,

D.

billi t-teknoloġija tal-lum tippermetti li l-programmi tat-televiżjoni (inklużi programmi f'xandira diretta) jkunu sottotitolati hekk kif qed ikunu mxandra, eżempju wieħed ta' dan huma programmi tal-BBC, li impenjat ruħha li tagħmel is-sottotitoli fil-programmi kollha tagħha minn April 2008,

1.

Iqis li l-inklużjoni tas-sottotitoli fil-programmi kollha tat-televiżjoni ta' servizz pubbliku fl-Unjoni Ewropea hija essenzjali sabiex ikun żgurat li t-telespettaturi kollha, inklużi dawk torox u li għandhom problemi ta' smigħ, ikollhom aċċess sħiħ għalihom, huwa tal-fehma li dan jgħin ukoll fit-tagħlim ta' lingwi barranin;

2.

Jistieden lill-Kummissjoni biex tressaq proposta leġiżlattiva li tirrikjedi li x-xandara ta' televiżjoni ta' servizz pubbliku fl-Unjoni Ewropea jinkludu s-sottotitoli fil-programmi kollha tagħhom;

3.

Jagħti istruzzjonijiet lill-President tiegħu biex jgħaddi din id-dikjarazzjoni, flimkien mal-ismijiet tal-firmatarji, lill-Kunsill, lill-Kummissjoni u lill-gvernijiet tal-Istati Membri.

Gabriele Albertini, Jan Andersson, Alfonso Andria, Emmanouil Angelakas, Roberta Angelilli, Kader Arif, Stavros Arnaoutakis, Robert Atkins, John Attard-Montalto, Elspeth Attwooll, Inés Ayala Sender, Liam Aylward, Peter Baco, Maria Badia i Cutchet, Mariela Velichkova Baeva, Enrique Barón Crespo, Katerina Batzeli, Edit Bauer, Jean Marie Beaupuy, Christopher Beazley, Zsolt László Becsey, Irena Belohorská, Monika Beňová, Rolf Berend, Sergio Berlato, Giovanni Berlinguer, Thijs Berman, Adam Bielan, Slavi Binev, Šarūnas Birutis, Sebastian Valentin Bodu, Herbert Bösch, Jens-Peter Bonde, Vito Bonsignore, Josep Borrell Fontelles, Victor Boștinaru, Costas Botopoulos, Bernadette Bourzai, Sharon Bowles, Iles Braghetto, Mihael Brejc, Frieda Brepoels, Jan Březina, Elmar Brok, Danutė Budreikaitė, Wolfgang Bulfon, Nicodim Bulzesc, Ieke van den Burg, Niels Busk, Philippe Busquin, Jerzy Buzek, Joan Calabuig Rull, Luis Manuel Capoulas Santos, Marco Cappato, Carlos Carnero González, Paulo Casaca, Michael Cashman, Carlo Casini, Françoise Castex, Alejandro Cercas, Giles Chichester, Giulietto Chiesa, Zdzisław Kazimierz Chmielewski, Ole Christensen, Sylwester Chruszcz, Luigi Cocilovo, Carlos Coelho, Richard Corbett, Giovanna Corda, Titus Corlățean, Paolo Costa, Jean Louis Cottigny, Michael Cramer, Corina Crețu, Gabriela Crețu, Brian Crowley, Magor Imre Csibi, Marek Aleksander Czarnecki, Ryszard Czarnecki, Daniel Dăianu, Dragoș Florin David, Chris Davies, Antonio De Blasio, Véronique De Keyser, Panayiotis Demetriou, Gérard Deprez, Proinsias De Rossa, Marie-Hélène Descamps, Harlem Désir, Nirj Deva, Mia De Vits, Jolanta Dičkutė, Alexandra Dobolyi, Valdis Dombrovskis, Beniamino Donnici, Bert Doorn, Brigitte Douay, Avril Doyle, Mojca Drčar Murko, Petr Duchoň, Bárbara Dührkop Dührkop, Cristian Dumitrescu, Saïd El Khadraoui, Edite Estrela, Harald Ettl, Jonathan Evans, Robert Evans, Göran Färm, Richard Falbr, Claudio Fava, Szabolcs Fazakas, Emanuel Jardim Fernandes, Anne Ferreira, Elisa Ferreira, Ilda Figueiredo, Petru Filip, Věra Flasarová, Alessandro Foglietta, Hanna Foltyn-Kubicka, Nicole Fontaine, Glyn Ford, Brigitte Fouré, Armando França, Monica Frassoni, Urszula Gacek, Milan Gaľa, Gerardo Galeote, Vicente Miguel Garcés Ramón, Iratxe García Pérez, Giuseppe Gargani, Jean-Paul Gauzès, Jas Gawronski, Evelyne Gebhardt, Eugenijus Gentvilas, Bronisław Geremek, Lidia Joanna Geringer de Oedenberg, Claire Gibault, Adam Gierek, Maciej Marian Giertych, Neena Gill, Norbert Glante, Robert Goebbels, Bogdan Golik, Ana Maria Gomes, Donata Gottardi, Hélène Goudin, Genowefa Grabowska, Dariusz Maciej Grabowski, Vasco Graça Moura, Ingeborg Gräßle, Louis Grech, Lilli Gruber, Ignasi Guardans Cambó, Ambroise Guellec, Pedro Guerreiro, Umberto Guidoni, Zita Gurmai, Catherine Guy-Quint, Klaus Hänsch, Benoît Hamon, Małgorzata Handzlik, Gábor Harangozó, Marian Harkin, Rebecca Harms, Joel Hasse Ferreira, Satu Hassi, Jutta Haug, Anna Hedh, Gyula Hegyi, Edit Herczog, Jim Higgins, Krzysztof Hołowczyc, Mary Honeyball, Milan Horáček, Richard Howitt, Ján Hudacký, Alain Hutchinson, Iliana Malinova Iotova, Mikel Irujo Amezaga, Marie Anne Isler Béguin, Lily Jacobs, Anneli Jäätteenmäki, Stanisław Jałowiecki, Mieczysław Edmund Janowski, Lívia Járóka, Anne E. Jensen, Karin Jöns, Dan Jørgensen, Madeleine Jouye de Grandmaison, Jelko Kacin, Filip Kaczmarek, Gisela Kallenbach, Othmar Karas, Sajjad Karim, Ioannis Kasoulides, Sylvia-Yvonne Kaufmann, Piia-Noora Kauppi, Tunne Kelam, Glenys Kinnock, Evgeni Kirilov, Dieter-Lebrecht Koch, Jaromír Kohlíček, Eija-Riitta Korhola, Magda Kósáné Kovács, Miloš Koterec, Sergej Kozlík, Guntars Krasts, Rodi Kratsa-Tsagaropoulou, Constanze Angela Krehl, Wolfgang Kreissl-Dörfler, Ģirts Valdis Kristovskis, Wiesław Stefan Kuc, Helmut Kuhne, Jan Jerzy Kułakowski, Aldis Kušķis, Sepp Kusstatscher, Zbigniew Krzysztof Kuźmiuk, Alain Lamassoure, Stavros Lambrinidis, Vytautas Landsbergis, Henrik Lax, Roselyne Lefrançois, Klaus-Heiner Lehne, Lasse Lehtinen, Jörg Leichtfried, Jo Leinen, Katalin Lévai, Janusz Lewandowski, Bogusław Liberadzki, Marcin Libicki, Marie-Noëlle Lienemann, Andrea Losco, Caroline Lucas, Astrid Lulling, Elizabeth Lynne, Marusya Ivanova Lyubcheva, Linda McAvan, Mary Lou McDonald, Mairead McGuinness, Edward McMillan-Scott, Jamila Madeira, Eugenijus Maldeikis, Ramona Nicole Mănescu, Vladimír Maňka, Erika Mann, Mario Mantovani, Marian-Jean Marinescu, Helmuth Markov, Sérgio Marques, David Martin, Miguel Angel Martínez Martínez, Jan Tadeusz Masiel, Antonio Masip Hidalgo, Jiří Maštálka, Maria Matsouka, Mario Mauro, Manolis Mavrommatis, Manuel Medina Ortega, Erik Meijer, Íñigo Méndez de Vigo, Emilio Menéndez del Valle, Willy Meyer Pleite, Rosa Miguélez Ramos, Marianne Mikko, Miroslav Mikolášik, Viktória Mohácsi, Javier Moreno Sánchez, Luisa Morgantini, Jan Mulder, Roberto Musacchio, Cristiana Muscardini, Joseph Muscat, Riitta Myller, Pasqualina Napoletano, Hartmut Nassauer, Robert Navarro, Cătălin-Ioan Nechifor, Catherine Neris, James Nicholson, null Nicholson of Winterbourne, Lambert van Nistelrooij, Ljudmila Novak, Raimon Obiols i Germà, Vural Öger, Cem Özdemir, Jan Olbrycht, Seán Ó Neachtain, Gérard Onesta, Janusz Onyszkiewicz, Josu Ortuondo Larrea, Reino Paasilinna, Borut Pahor, Justas Vincas Paleckis, Marie Panayotopoulos-Cassiotou, Dimitrios Papadimoulis, Atanas Paparizov, Georgios Papastamkos, Ioan Mircea Pașcu, Vincent Peillon, Maria Petre, Rihards Pīks, Józef Pinior, Mirosław Mariusz Piotrowski, Paweł Bartłomiej Piskorski, Gianni Pittella, Francisca Pleguezuelos Aguilar, Zita Pleštinská, Rovana Plumb, Guido Podestà, Anni Podimata, Zdzisław Zbigniew Podkański, Samuli Pohjamo, Bernard Poignant, Lydie Polfer, Bernd Posselt, Christa Prets, Pierre Pribetich, Jacek Protasiewicz, Bilyana Ilieva Raeva, Miloslav Ransdorf, Vladimír Remek, Karin Resetarits, Teresa Riera Madurell, Frédérique Ries, Karin Riis-Jørgensen, Giovanni Rivera, Bogusław Rogalski, Zuzana Roithová, Luca Romagnoli, Raül Romeva i Rueda, Dariusz Rosati, Wojciech Roszkowski, Dagmar Roth-Behrendt, Mechtild Rothe, Libor Rouček, Martine Roure, Leopold Józef Rutowicz, Eoin Ryan, Guido Sacconi, Aloyzas Sakalas, José Ignacio Salafranca Sánchez-Neyra, María Isabel Salinas García, Antolín Sánchez Presedo, Manuel António dos Santos, Daciana Octavia Sârbu, Jacek Saryusz-Wolski, Christel Schaldemose, Karin Scheele, Olle Schmidt, György Schöpflin, Jürgen Schröder, Inger Segelström, Esko Seppänen, Adrian Severin, Czesław Adam Siekierski, Kathy Sinnott, Marek Siwiec, Csaba Sógor, Søren Bo Søndergaard, Bogusław Sonik, María Sornosa Martínez, Francesco Enrico Speroni, Bart Staes, Grażyna Staniszewska, Dirk Sterckx, Struan Stevenson, Catherine Stihler, Theodor Dumitru Stolojan, Margie Sudre, László Surján, Eva-Britt Svensson, Hannes Swoboda, József Szájer, Andrzej Jan Szejna, Konrad Szymański, Csaba Sándor Tabajdi, Antonio Tajani, Hannu Takkula, Charles Tannock, Andres Tarand, Britta Thomsen, Marianne Thyssen, Silvia-Adriana Țicău, Gary Titley, Patrizia Toia, László Tőkés, Ewa Tomaszewska, Witold Tomczak, Jacques Toubon, Catherine Trautmann, Kyriacos Triantaphyllides, Claude Turmes, Evangelia Tzampazi, Vladimir Urutchev, Inese Vaidere, Nikolaos Vakalis, Adina-Ioana Vălean, Elena Valenciano Martínez-Orozco, Frank Vanhecke, Anne Van Lancker, Daniel Varela Suanzes-Carpegna, Yannick Vaugrenard, Armando Veneto, Riccardo Ventre, Donato Tommaso Veraldi, Bernadette Vergnaud, Alejo Vidal-Quadras, Kristian Vigenin, Oldřich Vlasák, Johannes Voggenhuber, Diana Wallis, Graham Watson, Renate Weber, Jan Marinus Wiersma, Glenis Willmott, Janusz Wojciechowski, Francis Wurtz, Luis Yañez-Barnuevo García, Anna Záborská, Zbigniew Zaleski, Andrzej Tomasz Zapałowski, Stefano Zappalà, Tomáš Zatloukal, Tatjana Ždanoka, Roberts Zīle, Jaroslav Zvěřina, Tadeusz Zwiefka

15.10.2009   

MT

Il-Ġurnal Uffiċjali tal-Unjoni Ewropea

CE 247/50

1.

Japprova l-ħatra tas-Sinjura Androula Vassiliou bħala Membru tal-Kummissjoni għall-bqija tal-mandat tal-Kummissjoni sal-31 ta' Ottubru 2009;

2.

Jagħti istruzzjonijiet lill-President tiegħu biex iressaq din id-deċiżjoni lill-Kunsill, lill-Kummisjoni u lill-gvernijiet ta' l-Istati Membri.

15.10.2009   

MT

Il-Ġurnal Uffiċjali tal-Unjoni Ewropea

CE 247/51

1.

Japprova l-proposta tal-Kummissjoni kif emendata;

2.

Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

15.10.2009   

MT

Il-Ġurnal Uffiċjali tal-Unjoni Ewropea

CE 247/52

1.

Japprova l-proposta tal-Kummissjoni kif emendata;

2.

Jistieden lill-Kummissjoni sabiex konsegwentement tbiddel il-proposta tagħha, b'konformità mal-Artikolu 250(2) tat-Trattat KE;

3.

Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

4.

Jitlob lill-Kunsill sabiex jerġa’ jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

15.10.2009   

MT

Il-Ġurnal Uffiċjali tal-Unjoni Ewropea

CE 247/60

1.

Japprova l-proposta tal-Kummissjoni kif emendata;

2.

Jistieden lill-Kummissjoni sabiex konsegwentement tbiddel l-abbozz ta’ regolament tagħha;

3.

Jistieden lill-Kummissjoni biex terġa’ tikkonsultah jekk ikollha l-ħsieb li titbiegħed mit-test approvat mill-Parlament;

4.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.