7.10.2008   

MT

Il-Ġurnal Uffiċjali ta’ l-Unjoni Ewropea

CE 254/1

(1)

Skond Deċiżjoni Nru 1600/2002/KE tal-Parlament Ewropew u tal-Kunsill tat-22 ta' Lulju 2002 li tistabbilixxi s-Sitt Programm ta' Azzjoni tal-Komunità Ambjentali (4), din id-Direttiva tistabbilixxi qafas legali komuni biex jintlaħaq użu sostenibbli tal-pestiċidi.

(2)

Attwalment, din id-Direttiva għandha tapplika għal pestiċidi li huma prodotti għall-protezzjoni tal-pjanti. Madankollu, huwa antiċipat li l-kamp ta' applikazzjoni ta' din id-Direttiva jiġi estiż sabiex tkopri prodotti bijoċidali.

(3)

Il-miżuri previsti f'din id-Direttiva għandhom jikkomplementaw miżuri stipulati f'leġislazzjoni Komunitarja oħra relatata, mingħajr ma jaffettwawhom, partikolarment id-Direttiva tal-Kunsill Nru 79/409/KEE tat-2 ta' April 1979 dwar il-konservazzjoni ta' l-għasafar selvaġġi (5), Direttiva tal-Kunsill 92/43/KEE tal-21 ta' Mejju 1992 dwar il-konservazzjoni ta' l-habitat naturali u tal-fawna u l-flora selvaġġa (6), id-Direttiva 2000/60/KE tal-Parlament Ewropew u tal-Kunsill tat-23 ta' Ottubru 2000 li tistabbilixxi qafas għal azzjoni Komunitarja fil-qasam tal-politika ta' l-ilma (7), ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali (8) u Regolament tal-Kunsill (KE) Nru …/… ta' … dwar it-tqegħid fis-suq ta'prodotti għall-ħarsien tal-pjanti (9). Dawn il-miżuri għandhom ukoll ma jippreġudikawx miżuri volontarji fil-kuntest ta' Regolament għal Fondi Strutturali jew skond ir-Regolament tal-Kunsill (KE) Nru 1698/2005 ta' l-20 ta' Settembru 2005 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) (10).

(4)

Il-Pjanijiet ta' Azzjoni Nazzjonali mfassla sabiex jiffissaw miri, miżuri u skedi ta' żmien biex inaqqsu r-riskji u l-impatti ta' l-użu tal-pestiċidi fuq is-saħħa tal-bniedem u fuq l-ambjent u biex jinkoraġġixxu l-iżvilupp u l-introduzzjoni ta' Ġestjoni Integrata ta' Organiżmi ta' Ħsara u ta' approċċi jew tekniki alternattivi sabiex inaqqsu d-dipendenza fuq l-użu tal-pestiċidi, għandhom jintużaw mill-Istati Membri sabiex tiġi ffaċilitata l-implimentazzjoni ta' din id-Direttiva. Il-Pjanijiet ta' Azzjoni Nazzjonali jistgħu jiġu kkoordinati ma' pjanijiet ta' implimentazzjoni taħt leġislazzjoni Komunitarja oħra rilevanti u jistgħu jintużaw biex jingħaqdu flimkien l-objettivi li għandhom jintlaħqu skond leġislazzjoni Komunitarja oħra relatata mal-pestiċidi.

(5)

L-iskambju ta' informazzjoni dwar l-objettivi u l-azzjonijiet li l-Istati Membri jistipulaw fil-Pjanijiet ta' Azzjoni Nazzjonali tagħhom huwa element ferm importanti biex jinkisbu l-objettivi ta' din id-Direttiva. Għaldaqstant, jixraq li l-Istati Membri jintalbu jirrappurtaw regolarment lill-Kummissjoni u lill-Istati Membri l-oħra, partikolarment dwar l-implimentazzjoni u r-riżultati tal-Pjanijiet ta' Azzjoni Nazzjonali tagħhom u dwar l-esperjenzi tagħhom.

(6)

Għat-tħejjija u l-modifika ta' Pjanijiet ta' Azzjoni Nazzjonali, jixraq li tiġi prevista l-applikazzjoni tad-Direttiva 2003/35/KE tal-Parlament Ewropew u tal-Kunsill tas-26 ta' Mejju 2003 li tipprovdi għall-parteċipazzjoni pubblika rigward it-tfassil ta' ċerti pjani u programmi li għandhom x'jaqsmu ma' l-ambjent (11).

(7)

Huwa essenzjali li l-Istati Membri jistabbilixxu sistemi ta' taħriġ kemm inizjali kif ukoll addizzjonali għad-distributuri, il-konsulenti u l-utenti professjonali tal-pestiċidi u sistemi ta' ċertifikazzjoni biex dan jiġi rreġistrat sabiex permezz tagħhom, dawk li jużaw il-pestiċidi, jew li biħsiebhom jużawhom, ikunu konxji bis-sħiħ mir-riskji potenzjali għas-saħħa tal-bniedem u għall-ambjent u dwar il-miżuri adegwati biex dawn ir-riskji jitnaqqsu kemm jista' jkun. L-attivitajiet ta' taħriġ għall-utenti professjonali jistgħu jiġu kkoordinati ma' dawk organizzati fil-qafas tar-Regolament tal-Kunsill (KE) Nru 1698/2005.

(8)

Il-bejgħ tal-pestiċidi, inkluż il-bejgħ bl-Internet, huwa element importanti fil-katina ta' distribuzzjoni, fejn għandu jingħata parir speċifiku dwar l-istruzzjonijiet tas-sigurtà għas-saħħa tal-bniedem u għall-ambjent lill-utent aħħari fil-mument tal-bejgħ, partikolament lill-utenti professjonali. Għall-utenti mhux professjonali li ġeneralment m'għandhomx l-istess edukazzjoni u taħriġ, għandhom jingħataw rakkomandazzjonijiet, partikolament dwar l-immaniġġjar sigur u l-ħażna tal-pestiċidi kif ukoll dwar ir-rimi ta' l-imballaġġ.

(9)

Fid-dawl tar-riskji possibbli mill-użu tal-pestiċidi, il-pubbliku ġenerali għandu jkun infurmat aħjar dwar l-impatti globali ta' l-użu tal-pestiċidi permezz ta' kampanji ta' sensibilizzazzjoni, informazzjoni mgħoddija permezz ta' bejjiegħa bl-imnut u miżuri xierqa oħra.

(10)

Safejn l-immaniġġjar u l-applikazzjoni tal-pestiċidi jirrikjedu l-istipular ta' rekwiżiti minimi għas-sigurtà u s-saħħa fuq il-post tax-xogħol, li jkopru r-riskji li jirriżultaw mill-espożizzjoni tal-ħaddiema għal prodotti bħal dawn, kif ukoll ta' miżuri preventivi ġenerali u speċifiċi biex dawk ir-riskji jitnaqqsu, dawk il-miżuri huma koperti mid-Direttiva tal-Kunsill 98/24/KE tas-7 ta' April 1998 dwar il-protezzjoni tas-saħħa u s-sigurtà tal-ħaddiema mir-riskji li għandhom x'jaqsmu ma' l-aġenti kimiċi fuq il-post tax-xogħol (12) u d-Direttiva 2004/37/KE tal-Parlament Ewropew u tal-Kunsill tad-29 ta' April 2004 dwar il-protezzjoni tal-ħaddiema minn riskji relatati ma' l-esposizzjoni għal karċinoġeni jew mutaġeni fuq il-post tax-xogħol (13).

(11)

Peress li d-Direttiva 2006/42/KE tal-Parlament Ewropew u tal-Kunsill tas-17 ta' Mejju 2006 dwar il-makkinarju (14) se tipprovdi regoli dwar it-tqegħid fis-suq ta' tagħmir għall-applikazzjoni tal-pestiċidi li jiżguraw li r-rekwiżiti ambjentali jiġu sodisfatti, sabiex jiġi minimizzati l-impatti negattivi tal-pestiċidi fuq is-saħħa tal-bniedem u l-ambjent ikkawżat minn tagħmir bħal dan, jixraq li jiġu pprovduti sistemi għal spezzjonijiet tekniċi regolari tat-tagħmir għall-applikazzjoni tal-pestiċidi li diġà qed jintuża. L-Istati Membri għandhom jiddeskrivu kif huma ser jiżguraw l-implimentazzjoni ta' dawk ir-rekwiżiti fil-Pjanijiet ta' Azzjoni Nazzjonali tagħhom

(12)

Il-bexx mill-ajru tal-pestiċidi għandu l-potenzjal li jikkawża impatti negattivi sinifikanti fuq is-saħħa tal-bniedem u fuq l-ambjent, partikolarment mit-traxxix tal-bexx. Għalhekk, il-bexx mill-ajru għandu jiġi pprojbit b'mod ġenerali bil-possibbiltà ta' derogi fejn ikun joffri vantaġġi ċari f'termini ta' impatti mnaqqsa fuq is-saħħa tal-bniedem u fuq l-ambjent meta mqabbel ma' metodi oħra ta' bexx, jew fejn ma jkun hemm l-ebda alternattiva vijabbli.

(13)

L-ambjent akkwatiku huwa partikolarment sensittiv għall-pestiċidi. Għaldaqstant, jeħtieġ li tingħata attenzjoni partikolari biex ikun evitat it-tniġġiż ta' l-ilma tal-wiċċ u ta' taħt l-art billi jittieħdu miżuri xierqa bħall-istabbiliment ta' żoni ta' separazzjoni u ta' salvagwardja jew it-tħawwil ta' sisien tal-ħaxix ma' ġenb l-ilmijiet tal-wiċċ biex jitnaqqas l-espożizzjoni ta' ilmijiet għat-traxxix tal-bexx, il-flussi ta' katusi u t-tnixxijat. Id-dimensjonijiet taż-żoni ta' separazzjoni għandhom jiddependu partikolarment fuq il-karatteristiċi tal-ħamrija, il-proprjetajiet tal-pestiċidi, kif ukoll fuq karatteristiċi agrikoli taż-żoni kkonċernati. L-użu tal-pestiċidi f'żoni fejn jittella' l-ilma għax-xorb, fuq rotot għat-trasport jew matulhom, bħal linji tal-ferrovija jew fuq uċuħ issiġillati jew permeabbli ħafna jista' jwassal għal riskji ogħla ta' tniġġiż ta' l-ambjent akkwatiku. Għaldaqstant, f'żoni bħal dawn, l-użu tal-pestiċidi għandu jitnaqqas kemm jista' jkun, jew jiġi eliminat, jekk ikun il-każ.

(14)

L-użu tal-pestiċidi jista' jkun partikolarment perikoluż f'żoni sensittivi ħafna, bħal siti tan-Natura 2000 li huma protetti skond id-Direttivi 79/409/KEE u 92/43/KEE. F'postijiet oħrajn bħal parkijiet pubbliċi u grawnds ta' l-isport jew fejn jilagħbu t-tfal, ir-riskji mill-espożizzjoni tal-pubbliku ġenerali għall-pestiċidi huma għolja. L-użu tal-pestiċidi f'dawk iż-żoni għandu, għaldaqstant, ikun ipprojbit, ristrett jew ir-riskji minn tali użu għandhom jiġu minimizzati.

(15)

L-immanniġġjar tal-pestiċidi, inklużi l-ħażna, id-dilwizzjoni u t-taħlit tal-pestiċidi u t-tindif tat-tagħmir għall-applikazzjoni ta' pestiċidi wara l-użu, u l-irkupru u r-rimi tat-taħlita li tibqa' fit-tank, l-imballaġġ vojt u l-fdalijiet tal-pestiċidi għandhom tendenza partikolari li jikkawżaw espożizzjoni mhux mixtieqa tal-bnedmin u l-ambjent. Għaldaqstant, jixraq li jiġu provduti miżuri speċifiċi li jindirizzaw dawn l-attivitajiet bħala komplement għall-miżuri previsti fid-Direttiva 2006/12/KE tal-Parlament Ewropew u tal-Kunsill tal-5 ta' April 2006 dwar l-iskart (15), u fid-Direttiva tal-Kunsill 91/689/KEE tat-12 ta' Diċembru 1991 fuq skart perikoluż (16). Il-miżuri għandhom jinkludu wkoll l-utenti mhux professjonali, peress li l-użu inadegwat iseħħ x'aktarx f'dan il-grupp ta' utenti minħabba n-nuqqas ta' għarfien tagħhom.

(16)

L-applikazzjoni ta' prinċipji ġenerali u linji gwida speċifiċi għal uċuħ tar-raba u għas-settur dwar il-Ġestjoni Integrata ta' Organiżmi ta' Ħsara mill-bdiewa kollha għandha tirriżulta f'użu mmirat aħjar tal-miżuri kollha disponibbli għall-kontroll ta' l-organiżmi ta' ħsara, inklużi l-pestiċidi. Għaldaqstant, tikkontribwixxi għal iktar tnaqqis tar-riskji għas-saħħa tal-bniedem u l-ambjent u tad-dipendenza fuq l-użu tal-pestiċidi. L-Istati Membri għandhom jippromwovu ġestjoni ta' organiżmi ta' ħsara b'użu mill-inqas tal-pestiċidi, partikolarment Ġestjoni Integrata ta' Organiżmi ta' Ħsara u jistabbilixxu l-kondizzjonijiet u l-miżuri meħtieġa għall-implimentazzjoni tagħha.

(17)

Billi, abbażi tar-Regolament (KE) Nru …/… u ta' din id-Direttiva Qafas, l-implimentazzjoni tal-prinċipji tal-Ġestjoni Integrata ta' Organiżmi ta' Ħsara hija obbligatorja u billi l-prinċipju ta' sussidjarjetà japplika għall-mod li bih il-prinċipji għall-Ġestjoni Integrata ta' Organiżmi ta' Ħsara jiġu implimentati, l-Istati Membri għandhom jiddeskrivu kif huma jiżguraw l-implimentazzjoni tal-prinċipji tal-Ġestjoni Integrata ta' Organiżmi ta' Ħsara fil-Pjan ta' Azzjoni Nazzjonali tagħhom.

(18)

Jeħtieġ li jitkejjel il-progress miksub fit-tnaqqis tar-riskji u l-impatti negattivi mill-użu tal-pestiċidi fuq is-saħħa tal-bniedem u fuq l-ambjent. Il-mezzi xierqa huma indikaturi tar-riskju armonizzati li ser jiġu stabbiliti fil-livell Komunitarju. L-Istati Membri għandhom jużaw dawn l-indikaturi għall-ġestjoni tar-riskju fil-livell nazzjonali u għal finijiet ta' rappurtar, filwaqt li l-Kummissjoni għandha tikkalkula l-indikaturi biex tevalwa l-progress fil-livell Komunitarju. Għandha tintuża d-data statistika miġbura skond ir-Regolament (KE) Nru …/… tal-Parlament Ewropew u tal-Kunsill ta' … dwar l-istatistiċi ta' prodotti għall-protezzjoni tal-pjanti (9). Minbarra l-indikaturi komuni armonizzati, l-Istati Membri għandhom ikunu intitolati jużaw l-indikaturi nazzjonali tagħhom.

(19)

L-Istati Membri għandhom jistabbilixxu l-penalitajiet applikabbli għall-ksur tad-dispożizzjonijiet nazzjonali addottati skond din id-Direttiva u jiżguraw li dawn jiġu implimentati. Il-penalitajiet għandhom ikunu effettivi, proporzjonati u dissważivi.

(20)

Peress li l-objettiv ta' din id-Direttiva, jiġifieri l-protezzjoni tas-saħħa tal-bniedem u l-ambjent mir-riskji possibbli marbuta ma' l-użu tal-pestiċidi, ma jistax jintlaħaq b'mod suffiċjenti mill-Istati Membri, u għalhekk jista'jintlaħaq aħjar fil-livell Komunitarju, il-Komunità tista' tadotta miżuri, skond il-prinċipju ta' sussidjarjetà, kif stipulat fl-Artikolu 5 tat-Trattat. Skond il-prinċipju ta' proporzjonalità, kif stabbilit f'dak l-Artikolu, din id-Direttiva ma tmurx lil hinn minn dak li hu meħtieġ sabiex jinkiseb dan l-objettiv.

(21)

Din id-Direttiva tirrispetta d-drittijiet fundamentali u tosserva l-prinċipji rikonoxxuti b'mod partikolari mill-Karta tad-Drittijiet Fundamentali ta' l-Unjoni Ewropea. B'mod partikolari, għandha l-għan li tippromwovi l-integrazzjoni ta' livell għoli ta' protezzjoni ambjentali fil-linji politiki tal-Komunità, f'konformità mal-prinċipju ta' żvilupp sostenibbli kif stipulat fl-Artikolu 37 tal-Karta tad-Drittijiet Fundamentali ta' l-Unjoni Ewropea.

(22)

Il-miżuri neċessarji għall-implimentazzjoni ta' din id-Direttiva għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għal eżerċizzju tas-setgħat ta' l-implimentazzjoni konferiti fuq il-Kummissjoni (17).

(23)

B'mod partikolari il-Kummissjoni għandu jkollha s-setgħa li tistabbilixxi u taġġorna l-Annessi għal din id-Direttiva. Peress li dawk il-miżuri huma ta' ambitu ġenerali u huma mfassla biex jemendaw l-elementi mhux essenzjali ta' din id-Diettiva, inter alia billi jissupplimentawha b'elementi ġodda mhux essenzjali, huma għandhom jiġu adottati skond il-proċedura regolatorja bi skrutinju imsemmija fl-Artikolu 5a tad-Deċiżjoni 1999/468/KE.

(24)

Skond il-punt 34 tal-Ftehim interistituzzjonali dwar leġislazzjoni aħjar (18), l-Istati Membri huma mħeġġa jfasslu, għalihom infushom u fl-interess tal-Komunità, it-tabelli tagħhom, li juru, sa fejn ikun possibbli, l-korrelazzjoni bejn din id-Direttiva u l-miżuri ta' traspożizzjoni, u jagħmluhom pubbliċi,

1)

“utent professjonali” tfisser kwalunkwe persuna li tuża pestiċidi matul l-attivitajiet professjonali tagħha, inklużi operaturi, tekniċi, min iħaddem u nies li jaħdmu għal rashom, kemm fil-biedja kif ukoll f'setturi oħrajn;

2)

“distributur” tfisser kwalunkwe persuna fiżika jew ġuridika li tagħmel pestiċida disponibbli fis-suq, inklużi bejjiegħa bl-ingrossa, bejjiegħa bl-imnut, bejjiegħa u fornituri;

3)

“konsulent” tfisser kwalunkwe persuna li tagħti pariri dwar il-ġestjoni ta' l-organiżmi ta' ħsara u l-użu sigur tal-pestiċidi, fil-kuntest ta' kapaċità professjonali jew servizz kummerċjali, inklużi servizzi ta' konsulenza privati minn min jaħdem għal rasu u servizzi ta' konsulenza pubbliċi, aġenti kummerċjali, produtturi ta' l-ikel u bejjiegħa bl-imnut fejn applikabbli;

(4)

“tagħmir għall-applikazzjoni tal-pestiċidi” tfisser apparati maħsuba b'mod speċifiku għall-applikazzjoni tal-pestiċidi, inklużi aċċessorji li huma essenzjali għat-tħaddim effettiv ta' tali tagħmir, bħal żnienen, manometri, filtri, passaturi u apparat għat-tindif tat-tankijiet;

5)

“bexx mill-ajru” tfisser applikazzjoni ta' pestiċidi minn inġenju ta' l-ajru (ajruplan jew ħelikopter);

6)

“ġestjoni integrata ta' organiżmi ta' ħsara” tfisser konsiderazzjoni attenta tal-metodi kollha disponibbli għall-protezzjoni tal-pjanti u l-integrazzjoni sussegwenti ta' miżuri xierqa li jiskoraġġixxu l-iżvilupp tal-popolazzjonijiet ta' organiżmi ta' ħsara u li jżommu l-użu tal-prodotti għall-protezzjoni tal-pjanti u forom oħra ta' intervent f'livelli li huma ġustifikati ekonomikament u ekoloġikament u li jnaqqsu jew jimminimizzaw ir-riskji għas-saħħa tal-bniedem u għall-ambjent. Il-Ġestjoni Integrata ta' l-Organiżmi ta' Ħsara tenfasizza t-tkabbir ta' uċuħ tar-raba' b'saħħithom bl-inqas xkiel possibbli għall-agro-ekosistemi u tinkoraġġixxi mekkaniżmi naturali ta' kontroll ta' l-organiżmi ta' ħsara;

7)

“indikatur tar-riskju” tfisser ir-riżultat ta' metodu ta' kalkolu li jintuża għall-evalwazzjoni tar-riskji tal-pestiċidi fuq is-saħħa tal-bniedem u/jew l-ambjent;

8)

it-termini “ilma tal-wiċċ” u “ilma ta' taħt l-art” għandhom l-istess tifsira bħal fid-Direttiva 2000/60/KE;

9)

“pestiċida” tfisser:

a)

japplikaw skedi ta' żmien u intervalli ta' spezzjoni differenti għat-tagħmir ta' applikazzjoni tal-pestiċidi li ma jintużax għall-bexx tal-pestiċidi, għal tagħmir ta' applikazzjoni tal-pestiċidi li jinżamm fl-idejn jew apparat għall-bexx li jiddendel fuq id-dahar u għal tagħmir ta' applikazzjoni ta' pestiċidi addizzjonali, li għandu jiġi elenkat fil-pjan ta' azzjoni nazzjonali previst fl-Artikolu 4, li jirrappreżenta rata ta' użu baxxa ħafna;

It-tagħmir ta' applikazzjoni ta' pestiċidi addizzjonali li ġejjin qatt ma jistgħu jiġu kkunsidrati li jirrappreżentaw rata ta' użu baxxa ħafna:

b)

jeżentaw mill-ispezzjoni tagħmir għall-applikazzjoni tal-pestiċidi li jinżamm fl-idejn jew apparat għall-bexx li jiddendel fuq id-dahar.

a)

m'għandux ikun hemm alternattivi vijabbli oħrajn, jew għandu jkun hemm vantaġġi ċari f'termini ta' impatti mnaqqsa fuq is-saħħa tal-bniedem u l-ambjent meta mqabbel ma' l-applikazzjoni tal-pestiċidi mill-art;

b)

il-pestiċidi użati għandhom ikunu approvati espliċitament għall-bexx mill-ajru mill-Istat Membru wara valutazzjoni speċifika li tindirizza r-riskji tal-bexx mill-ajru;

c)

l-operatur li jbexxex mill-ajru għandu jkollu ċertifikat kif imsemmi fl-Artikolu 5(2). Matul il-perijodu transitorju fejn is-sistemi ta' ċertifikazzjoni ma jkunux għadhom stabbiliti, l-Istati Membri jistgħu jaċċettaw evidenza oħra ta' kompetenza;

d)

l-intrapriża responsabbli għall-forniment ta' applikazzjonijiet għall-bexx mill-ajru għandha tkun iċċertifikata minn awtorità kompetenti li tawtorizza tagħmir u inġenji ta' l-ajru għal applikazzjoni tal-pestiċidi mill-ajru;

a)

li tingħata preferenza lil pestiċidi li mhumiex ikklassifikati bħala perikolużi għall-ambjent akwatiku skond id-Direttiva 1999/45/KE tal-Parlament Ewropew u tal-Kunsill tal-31 ta' Mejju 1999 li tirrigwarda l-approssimazzjoni tal-liġijiet, ir-regolamenti u d-dispożizzjonijiet amministrattivi ta' l-Istati Membri dwar il-klassifikazzjoni, l-imballaġġ u l-ittikettjar tal-preparazzjonjijiet perikolużi (24) u li ma fihomx sustanzi perikolużi ta' prijorità kif imniżżel fl-Artikolu 16(3) tad-Direttiva 2000/60/KE;

b)

li tingħata prefenza lit-tekniki ta' applikazzjoni l-aktar effiċjenti, bħall-użu ta' tagħmir għall-applikazzjoni ta' pestiċidi b'tifrix minimu (low-drift) speċjalment fuq prodotti vertikali bħall-ħops u dawk li jinstabu f'ġonna tas-siġar tal-frott u fil-vinji;

c)

Użu ta' miżuri ta' mitigazzjoni li jimminimizzaw ir-riskju ta' tniġġiż lil hinn mis-sit ikkawżat mit-traxxix tal-bexx, il-flussi ta' katusi u t-tnixxijat. Dawn għandhom jinkludu, meta meħtieġ, l-istabbiliment ta' żoni ta' separazzjoni ta' daqs xieraq għall-protezzjoni ta' organiżmi akwatiċi mhux fil-mira u ż-żoni ta' salvagwardja għall-ilmijiet tal-wiċċ u ta' taħt l-art użati għall-astrazzjoni ta' ilma tax-xorb, fejn il-pestiċidi m'għandhomx jintużaw jew jinħażnu;

d)

it-tnaqqis kemm jista' jkun jew l-eliminazzjoni jekk ikun xieraq, ta' applikazzjonijiet fuq jew tul toroq, linji tal-ferrovija, uċuħ permeabbli ħafna jew infrastruttura oħra qrib l-ilma tal-wiċċ jew l-ilma ta' taħt l-art, jew fuq uċuħ issiġillati b'riskju għoli ta' tnixxijat ġo sistemi ta' l-ilma tal-wiċċ jew tad-dranaġġ.

1)

żoni użati mill-pubbliku ġenerali jew minn popolazzjonijiet vulnerabbli, bħal parkijiet, ġonna pubbliċi, grawnds ta' l-isports, artijiet u btieħi ta' l-iskejjel;

2)

żoni protetti kif definiti fid-Direttiva 2000/60/KE jew żoni oħrajn identifikati għall-finijiet ta' l-istabbiliment tal-miżuri ta' konservazzjoni meħtieġa skond id-dispożizzjonijiet tad-Direttivi 79/409/KEE u 92/43/KEE;

3)

żoni ttrattati reċentement użati jew aċċessibbli għall-ħaddiema agrikoli.

a)

il-ħżin, l-immaniġġjar, id-dilwizzjoni u t-taħlit tal-pestiċidi qabel l-applikazzjoni;

b)

l-immaniġġjar ta' l-imballaġġ u l-fdalijiet tal-pestiċidi;

c)

ir-rimi tat-taħlitiet tat-tankijiet li jifdal wara l-applikazzjoni;

d)

it-tindif tat-tagħmir użat wara l-applikazzjoni;

e)

l-irkupru jew ir-rimi tal-fdalijiet tal-pestiċidi u l-imballaġġi tagħhom skond il-leġislazzjoni Komunitarja dwar l-iskart.

a)

jikkalkolaw l-indikaturi tar-riskju armonizzati kif imsemmi fil-paragrafu 1 bl-użu ta' data statistika miġbura skond ir-Regolament (KE) Nru …/… flimkien ma' data rilevanti oħra;

b)

jidentifikaw tendenzi fl-użu ta' ċerti sustanzi attivi;

c)

jidentifikaw oġġetti ta' prijorità, bħal sustanzi attivi, uċuħ tar-raba', reġjuni jew prattiki, li jeħtieġu attenzjoni partikolari jew prattiki tajbin li jistgħu jintużaw bħala eżempji sabiex jintlaħqu l-objettivi ta' din id-Direttiva li jitnaqqsu r-riskji u l-impatti ta' l-użu tal-pestiċidi fuq is-saħħa tal-bniedem u l-ambjent u biex jiġu inkoraġġiti l-iżvilupp u l-introduzzjoni tal-ġestjoni integrata ta' organiżmi ta' ħsara u ta' approċċi jew tekniki alternattivi sabiex titnaqqas id-dipendenza fuq l-użu tal-pestiċidi.

1)

l-iżvilupp ta' sistema armonizzata li tinkludi database adatta għall-ġbir u l-ħżin ta' l-informazzjoni kollha marbuta ma' l-indikaturi tar-riskju tal-pestiċidi, u biex din l-informazzjoni titqiegħed għad-dispożizzjoni ta' l-awtoritajiet kompetenti, partijiet interessati oħrajn u l-pubbliku ġenerali;

2)

it-twettiq ta' studji meħtieġa għat-tħejjija u l-iżvilupp ta' leġislazzjoni, inkluż l-adattament ta' l-Annessi ta' din id-Direttiva għall-avvanzi tekniċi;

3)

l-iżvilupp ta' gwida u l-aħjar prattiki biex jiffaċilitaw l-implimentazzjoni ta' din id-Direttiva.

7.10.2008   

MT

Il-Ġurnal Uffiċjali ta’ l-Unjoni Ewropea

CE 254/18

(1)

Il-kompitu u l-attività kummerċjali prinċipali ta' l-ajruporti hu li jiġi assigurat it-trattament ta' l-inġenji ta' l-ajru, mill-inżul sat-tlugħ, u tal-passiġġieri u l-merkanzija, sabiex l-operaturi ta' l-ajru ikunu jistgħu jipprovdu servizzi tat-trasport bl-ajru. Għal dan il-għan, l-ajruporti joffru għadd ta' faċilitajiet u servizzi relatati ma' l-operat ta' l-inġenji ta' l-ajru u l-ipproċessar tal-passiġġieri u l-merkanzija, li l-ispejjeż tagħhom ġeneralment jirkuprawhom permezz ta' imposti ta' l-ajruporti. Il-korpi li jmexxu l-ajruporti li jipprovdu faċilitajiet u servizzi li għalihom jitħallsu imposti ta' l-ajruport għandhom jippruvaw joperaw fuq bażi ta' effiċjenza meta mqabbla man-nefqa.

(2)

Jeħtieġ li jiġi stabbilit qafas komuni li jirregola l-karatteristiċi essenzjali ta' l-imposti ta' l-ajruport u l-mod li bih dawn jiġu stabbiliti, minħabba li, fin-nuqqas ta' tali qafas, ir-rekwiżiti bażiċi fir-relazzjoni bejn il-korpi ta' tmexxija ta' l-ajruporti u l-utenti ta' l-ajruporti jistgħu ma jintlaħqux. Tali qafas għandu jkun mingħajr preġudizzju għall-possibbiltà għal Stat Membru li jiddetermina safejn jista' jittieħed kont tad-dħul mill-attivitajiet kummerċjali ta' l-ajruport meta jiġu stabbiliti l-imposti ta' l-ajruport.

(3)

Din id-Direttiva għandha tapplika għal ajruporti li jinsabu fil-Komunità, li jkunu ikbar minn daqs minimu, billi l-ġestjoni u l-finanzjament ta' ajruporti żgħar ma jirrikjedux l-applikazzjoni ta' qafas Komunitarju, u għall-ajruport li għandu l-aktar moviment ta' passiġġieri f'kull Stat Membru.

(4)

Sabiex jippromwovu koeżjoni territorjali, l-Istati Membri għandhom ikollhom il-possibbiltà li japplikaw sistema komuni ta' ġbir ta' imposti biex tkopri network ta' ajruporti. It-trasferimenti ekonomiċi bejn l-ajruporti f'networks bħal dawn għandhom jikkonformaw mal-liġi Komunitarja.

(5)

Għar-raġunijiet tad-distribuzzjoni tat-traffiku, l-Istati Membri għandhom ikunu jistgħu jippermettu korp ta' tmexxija għall-ajruporti li jaqdu l-istess belt jew konurbazzjoni biex japplikaw l-istess livell ta' imposti ta' l-ajruporti. It-trasferimenti ekonomiċi bejn dawn l-ajruporti għandhom jikkonformaw mal-liġi Komunitarja rilevanti.

(6)

L-inċentivi biex jinfetħu rotot ġodda, bħal biex jiġi promoss, inter alia, l-iżvilupp tar-reġjuni żvantaġġati u l-aktar 'il bogħod għandhom biss jingħataw skond il-liġi Komunitarja.

(7)

Il-ġbir ta' l-imposti fir-rigward tal-forniment ta' servizzi tan-navigazzjoni ta' l-ajru u ta' servizzi ta' groundhandling diġà ġie indirizzat mir-Regolament tal-Kummissjoni (KE) Nru 1794/2006 tas-6 ta' Diċembru 2006 li tistabbilixxi skema komuni ta' imposti għas-servizzi tan-navigazzjoni ta' l-ajru (4) u mid-Direttiva tal-Kunsill 96/67/KE tal-15 ta' Ottubru 1996 dwar l-aċċess għas-suq tal-groundhandling fl-ajruporti tal-Komunità (5), rispettivament. L-imposti applikati għall-finanzjament ta' għajnuna għal passiġġieri b'diżabbiltà u passiġġieri b'mobbiltà mnaqqsa huma regolati mir-Regolament (KE) Nru 1107/2006 tal-Parlament Ewropew u tal-Kunsill tal- 5 ta' Lulju 2006 dwar id-drittijiet ta' persuni b'diżabbiltà u ta' persuni b'mobbiltà mnaqqsa meta jivvjaġġaw bl-ajru (6).

(8)

Fl-2004, il-Kunsill ta' l-Organizzazzjoni Internazzjonali għall-Avjazzjoni Ċivili (il-Kunsill ta' l-ICAO) adotta linji politiċi dwar imposti għall-ajruporti li kienu jinkludu, inter alia, il-prinċipji tar-relazzjoni ta' l-imposti ma' l-ispejjeż, in-non-diskriminazzjoni u mekkaniżmu indipendenti għar-regolamentazzjoni ekonomika ta' l-ajruporti.

(9)

Il-Kunsill ta' l-ICAO kkunsidra li imposta ta' ajruport hija impożizzjoni ta' ħlas li tkun imfassla u applikata speċifikament għall-irkupru ta' l-ispiża li jiġu fornuti faċilitajiet u servizzi għall-avjazzjoni ċivili, filwaqt li taxxa hija impożizzjoni ta' ħlas li tkun imfassla biex tgħolli d-dħul tal-gvern nazzjonali jew lokali li ġeneralment ma jiġux applikati għall-avjazzjoni ċivili fl-intier tagħhom jew fuq bażi speċifika skond in-nefqa.

(10)

L-imposti ta' l-ajruporti għandhom ikunu non-diskriminatorji. Għandha tiġi attwata proċedura obbligatorja għall-konsultazzjoni regolari bejn il-korpi ta' tmexxija ta' l-ajruporti u l-utenti ta' l-ajruport bil-possibbiltà li kull parti jkollha rikors għal korp ta' superviżjoni indipendenti kull meta l-utenti ta' l-ajruport jikkontestaw deċiżjoni dwar l-imposti ta' l-ajruport jew il-modifika tas-sistema ta' ġbir tal-imposti.

(11)

F'kull Stat Membru għandu jiġi stabbilit korp ta' superviżjoni indipendenti sabiex tiġi assigurata l-imparzjalità tad-deċiżjonijiet tiegħu u l-applikazzjoni korretta u effikaċi ta' din id-Direttiva. Tali korp għandu jkollu l-pussess tar-riżorsi kollha meħtieġa fir-rigward tal-persunal, il-kompetenza esperta, u l-mezzi finanzjarji għat-twettiq tal-kompiti tiegħu.

(12)

Għall-utenti ta' l-ajruport huwa vitali li fuq bażi regolari jingħataw, mingħand il-korp ta' tmexxija ta' l-ajruport, informazzjoni dwar kif u fuq liema bażi jiġu kkalkolati l-imposti ta' l-ajruport. Tali trasparenza toffri lit-trasportaturi bl-ajru tagħrif dwar l-ispejjeż li jkun ġarrab l-ajruport u l-produttività ta' l-investimenti ta' ajruport. Sabiex korp ta' tmexxija ta' l-ajruport ikun jista' jivvaluta sewwa r-rekwiżiti fir-rigward ta' l-investimenti futuri tiegħu, l-utenti ta' l-ajruport għandhom ikunu meħtieġa jikkondividu, fuq bażi tempestiva, mal-korp ta' tmexxija ta' l-ajruport il-previżjonijiet operattivi, il-proġetti ta' żvilupp u t-talbiet u s-suġġerimenti speċifiċi kollha tagħhom.

(13)

Il-korpi ta' tmexxija ta' l-ajruporti għandhom jinfurmaw lill-utenti ta' l-ajruport dwar proġetti infrastrutturali maġġuri billi dawn ikollhom impatt sinifikanti fuq is-sistema jew il-livell ta' l-imposti ta' l-ajruporti. Tali informazzjoni għandha tingħata sabiex ikun jista' jsir monitoraġġ ta' l-ispejjeż infrastrutturali u bil-ħsieb li jiġu pprovduti faċilitajiet adegwati u effettivi meta mqabbla man-nefqa fl-ajruport konċernat.

(14)

Il-korpi ta' tmexxija ta' l-ajruporti għandhom ikunu jistgħu japplikaw imposti ta' l-ajruporti li jikkorrispondu għall-infrastruttura u/jew il-livell ta' servizz provdut billi t-trasportaturi bl-ajru għandhom interess leġittimu li jirrikjedu servizzi minn korp ta' tmexxija ta' l-ajruport li jikkorrispondu għall-proporzjon tal-prezz/l-kwalità. Madankollu, l-aċċess għal livell differenzjat ta' infrastruttura jew ta' servizzi għandu jkun miftuħ għall-operaturi kollha li jkunu jixtiequ jagħmlu użu minnu, fuq bażi non-diskriminatorja. Jekk id-domanda tkun ogħla mill-provvista, l-aċċess għandu jiġi ddeterminat abbażi ta' kriterji oġġettivi u non-diskriminatorji li għandhom jiġu żviluppati minn korp ta' tmexxija ta' ajruport. Kwalunkwe differenzjazzjoni fl-imposti ta' l-ajruporti għandha tkun trasparenti, oġġettiva u bbażata fuq kriterji ċari.

(15)

L-utenti ta' l-ajruport u l-korp ta' tmexxija ta' l-ajruport għandhom ikunu jistgħu jikkonkludu ftehim dwar il-livell ta' servizz fir-rigward tal-kwalità tas-servizz provdut b'kumpens għall-imposti ta' l-ajruporti. In-negozjati dwar il-kwalità tas-servizz provdut b'kumpens għall-imposti ta' l-ajruporti jistgħu jsiru bħala parti mill-konsultazzjoni regolari.

(16)

Din id-Direttiva għandha tkun mingħajr preġudizzju għat-Trattat, b'mod partikolari għall-Artikoli 81 sa 89 tiegħu.

(17)

Billi l-għan ta' din id-Direttiva, jiġifieri li jiġu stabbiliti prinċipji komuni għall-istabbiliment ta' imposti ta' l-ajruporti fir-rigward ta' l-ajruporti Komunitarji, ma jistax jinkiseb suffiċjentement mill-Istati Membri billi fil-livell nazzjonali ma jistgħux jiġu stabbiliti sistemi ta' imposti ta' l-ajruporti b'uniformità fil-Komunità kollha, u għalhekk jista, minħabba l-iskala u l-effetti tiegħu, jinkiseb aħjar fil-livell Komunitarju, il-Komunità tista' tadotta miżuri, skond il-prinċipju tas-sussidjarjetà kif stabbilit fl-Artikolu 5 tat-Trattat. Skond il-prinċipju ta' proporzjonalità, kif stabbilit f'dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkiseb dak l-għan,

1.

“ajruport” tfisser kull medda ta' art speċifikament adattata għall-inżul, it-tlugħ u l-manuvrar ta' inġenji ta' l-ajru, inklużi l-installazzjonijiet anċillarji li dawn l-operazzjonijiet jistgħu jinvolvu għar-rekwiżiti tat-traffiku u servizzi ta' l-inġenji ta' l-ajru inklużi l-installazzjonijiet meħtieġa għall-assistenza tas-servizzi kummerċjali ta' l-ajru;

2.

“korp ta' tmexxija ta' l-ajruport” tfisser korp li, flimkien ma', jew mingħajr, attivitajiet oħrajn skond il-każ, jkollu bħala l-objettiv tiegħu, skond il-liġijiet, ir-regolamenti jew il-kuntratti nazzjonali, l-amministrazzjoni u l-ġestjoni ta' l-infrastrutturi ta' l-ajruport jew tan-network ta' ajruporti u l-koordinazzjoni u l-kontroll ta' l-attivitjiet ta' l-operaturi differenti preżenti fl-ajruporti jew fin-network ta' ajruporti konċernati;

3.

“utent ta' l-ajruport” tfisser kull persuna fiżika jew ġuridika responsabbli għall-ġarr ta' passiġġieri, posta u/jew merkanzija bl-ajru lejn, jew minn, l-ajruport konċernat;

4.

“imposta ta' l-ajruport” tfisser imposta miġbura għall-benefiċċju tal-korp ta' tmexxija ta' ajruport u mħallsa mill-utenti ta' l-ajruport għall-użu ta' faċiltajiet u servizzi, li jiġu provduti esklussivament mill-korp ta' tmexxija ta' l-ajruport u li jkunu relatati ma' l-inżul, it-tlugħ, movimenti fl-art u pparkjar ta' inġenji ta' l-ajru, u l-ipproċessar ta' passiġġieri u merkanzija;

5.

“network ta' ajruporti” tfisser grupp ta' ajruporti debitament indikat bħala tali mill-Istat Membru u operat mill-istess korp ta' tmexxija ta' ajruporti.

(a)

lista tad-diversi servizzi u ta' l-infrastruttura provduti b'kumpens għall-imposta ta' l-ajruport applikata;

(b)

il-metodoloġija użata sabiex jiġu stabbiliti l-imposti ta' l-ajruport;

(c)

l-istruttura ġenerali ta' l-ispejjeż fir-rigward tal-faċilitajiet u s-servizzi li magħhom jirrelataw l-imposti ta' l-ajruport;

(d)

id-dħul mill-imposti differenti u l-ispiża totali tas-servizzi li dawn ikopru;

(e)

previżjonijiet tas-sitwazzjoni fl-ajruport fir-rigward ta' l-imposti, taż-żieda fit-traffiku u ta' l-investimenti proposti;

(f)

l-użu attwali ta' l-infrastruttura u t-tagħmir ta' l-ajruport matul perijodu speċifiku.

(a)

previżjonijiet dwar it-traffiku;

(b)

previżjonijiet dwar il-kompożizzjoni u l-użu tal-flotta tagħhom;

(c)

il-proġetti ta' żvilupp tagħhom fl-ajruport konċernat;

(d)

ir-rekwiżiti tagħhom fl-ajruport konċernat.

(a)

tiġi stabbilita proċedura għar-riżoluzzjoni ta' nuqqas ta' qbil bejn il-korp ta' tmexxija ta' l-ajruport u l-utenti ta' l-ajruport;

(b)

jiġu ddeterminati l-kondizzjonijiet li taħthom ikun jista' jitressaq xi nuqqas ta' qbil quddiem il-korp ta' superviżjoni indipendenti. Tali korp jista', b'mod partikolari, ma jaċċettax ilmenti li ma jkunux ġustifikati kif xieraq jew ma jkunux dokumentati b'mod adegwat;

(c)

jiġu ddeterminati l-kriterji li fuqhom jiġi vvalutat in-nuqqas ta' qbil sabiex jiġi riżolt.

7.10.2008   

MT

Il-Ġurnal Uffiċjali ta’ l-Unjoni Ewropea

CE 254/26

(1)

L-Artikolu 137 tat-Trattat jipprevedi li l-Komunità għandha tappoġġa u tikkomplementa l-attivitajiet ta' l-Istati Membri bil-ħsieb li jittejjeb l-ambjent tax-xogħol biex jiġu protetti s-sigurtà u s-saħħa tal-ħaddiema. Id-Direttivi adottati abbażi ta' l-Artikolu msemmi qabel għandhom jevitaw li jimponu restrizzjonijiet amministrattivi, finanzjarji u legali b'mod li żżomm lura l-ħolqien u l-iżvilupp ta' l-impriżi żgħar u ta' daqs medju.

(2)

Id-Direttiva 2003/88/KE (4) tal-Parlament Ewropew u tal-Kunsill tistabbilixxi rekwiżiti minimi dwar l-organizzazzjoni tal-ħin tax-xogħol, inter alia, fir-rigward ta' perijodi ta' serħan ta' kuljum u ta' kull ġimgħa, il-waqfien, il-ħin tax-xogħol massimu ta' kull ġimgħa, il-leave annwali u ċerti aspetti tax-xogħol bil-lejl, xogħol bix-shift u tendenzi tax-xogħol.

(3)

It-tielet paragrafu ta' l-Artikolu 19 u t-tieni subparagrafu ta' l-Artikolu 22(1) tad-Direttiva 2003/88/KE jipprevedu reviżjoni qabel it-23 ta' Novembru 2003.

(4)

Aktar minn għaxar snin wara l-adozzjoni tad-Direttiva tal-Kunsill 93/104/KE (5), id-Direttiva inizjali dwar l-organizzazzjoni tal-ħin tax-xogħol, sar meħtieġ li jiġu meqjusa żviluppi u talbiet ġodda kemm minn min iħaddem kif ukoll mill-ħaddiema u li jiġu pprovduti r-riżorsi biex jintlaħqu l-objettivi ta' tkabbir u impjiegi stabbiliti mill-Kunsill Ewropew tat-22 u t-23 ta' Marzu 2005 fil-kuntest ta' l-Istrateġija ta' Lisbona.

(5)

Ir-rikonċiljazzjoni tal-ħajja tax-xogħol u dik tal-familja hija wkoll element essenzjali għall-kisba ta' l-objettivi stabbiliti mill-Unjoni Ewropea fl-istrateġija ta' Lisbona, b'mod partikolari għaż-żieda fir-rata ta' l-impjiegi fost in-nisa. L-għan m'huwiex biss li jinħoloq ambjent tax-xogħol aktar sodisfaċenti, iżda wkoll li jkun hemm tweġiba aħjar għat-talbiet tal-ħaddiema, b'mod partikolari dawk b'responsabbiltajiet ta' familja. Numru ta' emendi li jinsabu f'din id-Direttiva huma maħsuba biex jippermettu kompatibbiltà akbar bejn il-ħajja tax-xogħol u l-ħajja tal-familja.

(6)

F'dan il-kuntest l-Istati Membri għandhom iħeġġu lill-imsieħba soċjali biex jikkonkludu strumenti ta' ftehim fil-livell adatt biex tittejjeb ir-rikonċiljazzjoni bejn il-ħajja tax-xogħol u l-ħajja tal-familja.

(7)

Hemm ħtieġa li tissaħħaħ il-protezzjoni tas-saħħa u s-sigurtà tal-ħaddiema u għal flessibbiltà akbar fl-organizzazzjoni tal-ħin tax-xogħol, b'mod partikolari fir-rigward ta' ħin on-call u, aktar speċifikament, perijodi inattivi waqt ħin on-call, u wkoll biex jinstab bilanċ ġdid bejn ir-rikonċiljazzjoni tal-ħajja tax-xogħol u tal-ħajja tal-familja min-naħa waħda u organizzazzjoni aktar flessibli tal-ħin tax-xogħol min-naħa l-oħra.

(8)

Il-ħaddiema għandhom jingħataw perijodi ta' serħan kompensatorju f'ċirkostanzi fejn il-perijodi ta' serħan ma jingħatawx. Id-determinazzjoni tat-tul tal-perijodu raġonevoli li fih jista' jingħata serħan kompensatorju ekwivalenti lill-ħaddiema għandha titħalla għall-Istati Membri, b'kont meħud tal-ħtieġa li jiġu żgurati s-sigurtà u s-saħħa tal-ħaddiema konċernati u l-prinċipju ta' proporzjonalità.

(9)

Id-dispożizzjonijiet dwar il-perijodu ta' referenza għall-ħin tax-xogħol massimu ta' kull ġimgħa għandhom ukoll jiġu eżaminati mill-ġdid, bil-għan li jiġu adattati għall-ħtiġijiet ta' min iħaddem u l-impjegati, soġġetti għas-salvagwardji għall-protezzjoni tas-saħħa u s-sigurtà tal-ħaddiema.

(10)

Kull meta l-kuntratt tax-xogħol ikun għal perijodu ta' inqas minn sena, il-perijodu ta' referenza m'għandux jaqbeż il-perijodu tal-kuntratt tax-xogħol.

(11)

L-esperjenza miksuba fl-applikazzjoni ta' l-Artikolu 22(1) tad-Direttiva 2003/88/KE turi li d-deċiżjoni purament individwali li ma tkunx marbut bl-Artikolu 6 tagħha tista' tkun problematika fir-rigward tal-protezzjoni tas-saħħa u s-sigurtà tal-ħaddiema u l-libertà ta' l-għażla tal-ħaddiem.

(12)

L-għażla prevista fl-Artikolu 22(1) hija deroga mill-prinċipju ta' ġimgħa xogħol ta' mhux iżjed minn 48 siegħa, ikkalkulata bħala medja matul perijodu ta' referenza. Din hija soġġetta għall-protezzjoni effettiva tas-saħħa u s-sigurtà tal-ħaddiema, u għall-kunsens espress, liberu u informat tal-ħaddiem ikkonċernat. L-użu tagħha għandu jkun soġġett għal salvagwardji adatti biex jiżguraw li jkun hemm konformità ma' dawn il-kondizzjonijiet, u għal monitoraġġ mill-qrib.

(13)

Qabel l-applikazzjoni ta' l-għażla prevista fl-Artikolu 22(1), għandha tingħata konsiderazzjoni jekk l-itwal perijodu ta' referenza jew dispożizzjonijiet ta' flessibbiltà oħrajn previsti mid-Direttiva 2003/88/KE jiggarantixxux il-flessibbiltà meħtieġa.

(14)

Sabiex ikunu evitati riskji għas-saħħa u s-sigurtà tal-ħaddiema, l-użu kumulattiv fi Stat Membru kemm tal-perijodu ta' referenza flessibbli previst mill-punt (b) ta' l-ewwel paragrafu ta' l-Artikolu 19, kif ukoll l-għażla skond l-Artikolu 22(1) m'huwiex possibbli.

(15)

Skond l-Artikolu 138(2) tat-Trattat, il-Kummissjoni kkonsultat lil min imexxi u lill-ħaddiema fil-livell Komunitarju dwar id-direzzjoni possibbli ta' azzjoni Komunitarja f'dan il-qasam.

(16)

Wara din il-konsultazzjoni, il-Kummissjoni qieset li azzjoni Komunitarja kienet irrikmandata u kkonsultat ulterjorment lil min imexxi u lill-ħaddiema dwar il-kontenut tal-proposta prevista, skond l-Artikolu 138(3) tat-Trattat.

(17)

Wara din it-tieni fażi ta' konsultazzjoni, min imexxi u l-ħaddiema fil-livell Komunitarju ma infurmawx lill-Kummissjoni bix-xewqa tagħhom li jingħata bidu għall-proċess li jista' jwassal għall-konklużjoni ta' ftehim previst fl-Artikolu 139 tat-Trattat.

(18)

Peress li l-objettiv ta' din id-Direttiva, jiġifieri li timmodernizza l-leġislazzjoni Komunitarja dwar l-organizzazzjoni tal-ħin tax-xogħol, ma jistax jintlaħaq b'mod suffiċjenti mill-Istati Membri u għalhekk jista' jiġi milħuq aħjar fil-livell Komunitarju, il-Komunità tista' tadotta miżuri skond il-prinċipju tas-sussidjarjetà kif stabbilit fl-Artikolu 5 tat-Trattat. Skond il-prinċipju tal-proporzjonalità, kif stabbilit f'dak l-Artikolu, din id-Direttiva ma tmurx lil hinn minn dak li hu meħtieġ biex jintlaħaq dak l-objettiv.

(19)

Din id-Direttiva tirrispetta d-drittijiet fundamentali u tikkonforma mal-prinċipji rikonoxxuti mill-Karta tad-Drittijiet Fundamentali ta' l-Unjoni Ewropea (6). B'mod partikolari hija mfassla biex tiżgura r-rispett sħiħ tad-dritt għal kondizzjonijiet tax-xogħol ġusti u xierqa skond l-Artikolu 31 tal-Karta, u b'mod partikolari l-paragrafu 2 tagħha, li jipprevedi li “kull ħaddiem għandu d-dritt għal limitazzjoni ta' sigħat massimi tax-xogħol, għal perijodi ta' mistrieħ kuljum u ta' fil-ġimgħa u għal perijodu annwali ta' leave imħallas”.

(20)

L-implimentazzjoni ta' din id-Direttiva għandha żżomm il-livell ta' protezzjoni ġenerali mogħti lill-ħaddiema fir-rigward tas-saħħa u s-sigurtà fuq ix-xogħol,

1.

Fl-Artikolu 2 għandhom jiddaħħlu l-punti li ġejjin:

2.

Għandhom jiddaħħlu l-Artikoli li ġejjin:

“Artikolu 2a

Ħin on-call

Il-parti inattiva tal-ħin on-call m'għandhiex tkun meqjusa bħala ħin tax-xogħol sakemm liġi nazzjonali jew, skond il-liġi u/jew prattika nazzjonali, ftehim kollettiv jew ftehim bejn l-imsieħba soċjali ma jipprevedux mod ieħor.

Il-parti inattiva tal-ħin on-call tista' tkun ikkalkulata abbażi ta' medja tan-numru ta' sigħat jew proporzjon tal-ħin on-call, b'kont meħud ta' l-esperjenza fis-settur konċernat, permezz ta' ftehim kollettiv jew ftehim bejn l-imsieħba soċjali jew permezz ta' leġislazzjoni nazzjonali wara konsultazzjoni ma' l-imsieħba soċjali.

Il-parti inattiva tal-ħin on-call m'għandhiex tittieħed f'kont fil-kalkolazzjoni tal-perijodi ta' serħan ta' kuljum jew ta' kull ġimgħa stabbiliti fl-Artikolu 3 u 5 rispettivament, sakemm ma jkunx ġie previst mod ieħor:

Il-perijodu li matulu l-ħaddiem fil-fatt iwettaq l-attività jew id-dmirijiet tiegħu matul il-ħin on-call dejjem għandu jitqies bħala ħin tax-xogħol.

Artikolu 2b

Rikonċiljazzjoni bejn il-ħajja tax-xogħol u l-ħajja tal-familja

L-Istati Membri għandhom jinkorraġixxu lill-imsieħba soċjali fil-livell adatt, mingħajr preġudizzju għall-awtonomija tagħhom, biex jikkonkludu ftehim bl-għan li titjieb ir-rikonċiljazzjoni tal-ħajja tax-xogħol u l-ħajja tal-familja.

L-Istati Membri għandhom jiżguraw, mingħajr preġudizzju għad-Direttiva 2002/14/KE tal-Parlament Ewropew u tal-Kunsill tal-11 ta' Marzu 2002 li tistabbilixxi qafas ġenerali dwar l-informazzjoni u l-konsultazzjoni ta' l-impjegati fil-Komunità Ewropea (7) u f'konsultazzjoni ma' l-imsieħba soċjali, li dawk li jħaddmu jinfurmaw lill-ħaddiema fi żmien debitu dwar kwalunkwe bidla sostanzjali fit-tendenzi jew l-organizzazzjoni tal-ħin tax-xogħol tagħhom.

B'kont meħud tal-ħtiġijiet tal-ħaddiema għall-flessibbiltà fis-siegħat u fit-tendenzi tax-xogħol tagħhom, l-Istati Membri għandhom, skond il-prattiki nazzjonali tagħhom, iħeġġu wkoll lil dawk li jħaddmu biex jeżaminaw talbiet għal bidliet f'tali ħinijiet u tendenzi tax-xogħol, soġġett għall-ħtiġijiet ta' l-impriża u kemm tal-ħtiġijiet ta' flessibbiltà ta' min iħaddem kif ukoll tal-ħaddiema..

3.

l-Artikolu 17 għandu jiġi emendat kif ġej:

4.

Fl-Artikolu 18, fit-tielet paragrafu, il-kliem “bil-kondizzjoni li perijodi ta' serħan ekwivalenti kompensatorji jkunu mogħtija lill-ħaddiema kkonċernati” għandhom jinbidlu bi “bil-kondizzjoni li perijodi ta' serħan kompensatorju ekwivalenti jingħataw lill-ħaddiema konċernati f'perijodu raġonevoli, li għandu jkun determinat minn leġislazzjoni nazzjonali jew ftehim kollettiv jew ftehim konkluż bejn l-imsieħba soċjali”.

5.

L-Artikolu 19 għandu jinbidel b'dan li ġej:

“Artikolu 19

Limitazzjonijiet għal derogi mill-perijodi ta' referenza

Mingħajr preġudizzju għall-Artikolu 22a(b) u b'deroga mill-Artikolu 16(b), l-Istati Membri għandu jkollhom l-għażla, soġġetta għall-konformità mal-prinċipji ġenerali dwar il-protezzjoni tas-sigurtà u s-saħħa tal-ħaddiema, li jippermettu, għal raġunijiet oġġettivi jew tekniċi, jew raġunijiet li jikkonċernaw l-organizzazzjoni tax-xogħol, li l-perijodu ta' referenza jkun stabbilit għal perijodu li ma jabqiżx it-tnax-il xahar:

Meta jsir użu mill-għażla skond il-punt (b) ta' l-ewwel paragrafu, l-Istati Membri għandhom jiżguraw li min iħaddem jirrispetta l-obbligi tiegħu kif stabbiliti fit-Taqsima II tad-Direttiva 89/391/KEE.”.

6.

L-Artikolu 22 għandu jinbidel b'dan li ġej:

“Artikolu 22

Dispożizzjonijiet varji

1.   Għalkemm il-prinċipju ġenerali huwa li l-ġimgħa tax-xogħol massima fl-Unjoni Ewropea hija ta' 48 siegħa u li fil-prattika hija eċċezzjoni għall-ħaddiema fl-Unjoni li jaħdmu aktar fit-tul, l-Istati Membri jistgħu jiddeċiedu li ma japplikawx l-Artikolu 6 sakemm jieħdu l-miżuri meħtieġa biex tiġi żgurata l-protezzjoni effettiva tas-sigurtà u s-saħħa tal-ħaddiema. Madankollu, l-implimentazzjoni ta' din l-għażla, għandha tkun espressament stabbilita permezz ta' ftehim kollettiv jew ftehim bejn l-imsieħba soċjali fil-livell adatt jew mil-liġi nazzjonali wara konsultazzjoni ma' l-imsieħba soċjali fil-livell adatt.

2.   Fi kwalunkwe każ, l-Istati Membri li jixtiequ jagħmlu użu minn din l-għażla għandhom jieħdu l-miżuri meħtieġa biex jiżguraw li:

3.   Soġġett għall-konformità mal-prinċipji ġenerali relatati mal-protezzjoni tas-sigurtà u s-saħħa tal-ħaddiema, fejn ħaddiem huwa impjegat mill-istess persuna li tħaddem għal perijodu jew perijodi li ma jaqbżux totali ta' għaxar ġimgħat tul perijodu ta' tnax-il xahar, id-dispożizzjonijiet tal-paragrafu 2(ċ)(ii) u (d) m'għandhomx japplikaw.”.

7.

L-Artikolu li ġej għandu jiddaħħal:

“Artikolu 22a

Dispożizzjonijiet speċjali

Meta Stat Membru jagħmel użu mill-għażla prevista fl-Artikolu 22:

8.

L-Artikolu 24 għandu jinbidel b'dan li ġej:

“Artikolu 24

Rapporti

1.   L-Istati Membri għandhom jikkomunikaw lill-Kummissjoni t-testi tad-disposizzjonijiet tal-liġi nazzjonali li diġà ġew adottati jew li qed jiġu adottati fil-qasam irregolat minn din id-Direttiva.

2.   L-Istati Membri għandhom jirrapportaw lill-Kummissjoni kull ħames snin dwar l-implimentazzjoni prattika ta' din id-Direttiva, filwaqt li jindikaw il-fehma taż-żewġ naħat ta' l-industrija.

Il-Kummissjoni għandha tinforma lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat Konsultattiv dwar is-Sigurtà u s-Saħħa fuq il-Post tax-Xogħol b'dan.

3.   Kull ħames snin mit-23 ta' Novembru 1996 il-Kummissjoni għandha tippreżenta lill-Parlament Ewropew, lill-Kunsill u lill-Kumitat Ekonomiku u Soċjali Ewropew rapport dwar l-applikazzjoni ta' din id-Direttiva li jieħu kont tal-paragrafi 1 u 2.”.

9.

Għandu jiddaħħal l-Artikolu li ġej:

“Artikolu 24a

Rapport ta' evalwazzjoni

1.   Sa … (8):

2.   Sa … (9), il-Kummissjoni għandha, wara li tikkonsulta lill-imseħba soċjali fil-livell Komunitarju, tippreżenta lill-Parlament Ewropew, lill-Kunsill u lill-Kumitat Ekonomiku u Soċjali Ewropew rapport dwar:

Ir-rapport jista' jkun akkumpanjat minn proposti adatti biex jitnaqqsu s-sigħat eċċessivi ta' xogħol, inkluż l-użu ta' l-għażla skond l-Artikolu 22(1) b'kont meħud ta' l-impatt tiegħu fuq is-saħħa u s-sigurtà tal-ħaddiema kopert minn din l-għażla.

3.   Il-Kunsill għandu jevalwa, abbażi tar-rapport imsemmi fil-paragrafu 2, l-użu ta' l-għażliet previsti minn din id-Direttiva u jiġifieri dawk stabbiliti fil-punt (b) ta' l-ewwel paragrafu ta' l-Artikolu 19 u l-Artikolu 22(1).

B'kont meħud ta' din l-evalwazzjoni, il-Kummissjoni tista', sa … (10), jekk adatt, tippreżenta proposta lill-Parlament Ewropew u lill-Kunsill biex jemendaw din id-Direttiva, inkluż l-għażla stabbilita fl-Artikolu 22(1).”.

7.10.2008   

MT

Il-Ġurnal Uffiċjali ta’ l-Unjoni Ewropea

CE 254/36

(1)

Din id-Direttiva tirrispetta d-drittijiet fundamentali u tikkonforma mal-prinċipji rikonoxxuti mill-Karta tad-Drittijiet Fundamentali ta' l-Unjoni Ewropea (3). B'mod partikolari, hija mfassla biex tiżgura konformità sħiħa ma' l-Artikolu 31 tal-Karta, li jipprevedi li kull ħaddiem għandu d-dritt għal kondizzjonijiet tax-xogħol li jirrispettaw is-saħħa, is-sigurtà u d-dinjità tiegħu, u għal limitazzjoni ta' sigħat massimi tax-xogħol, għal perijodi ta' mistrieħ kuljum u fil-ġimgħa u għal perijodu annwali ta' leave imħallas.

(2)

Il-Karta tal-Komunità dwar id-Drittijiet Soċjali Fundamentali tal-Ħaddiema tipprevedi fil-punt 7 tagħha, inter alia, li t-tlestija tas-suq intern għandha twassal għal titjib fil-kondizzjonijiet tax-xogħol u ta' l-għixien tal-ħaddiema fil-Komunità Ewropea; dan il-proċess jintlaħaq billi jkun armonizzat il-progress rigward dawn il-kondizzjonijiet, l-aktar rigward forom ta' xogħol bħax-xogħol b'kuntratt għal żmien definit, xogħol part-time, xogħol temporanju permezz ta' aġenzija u xogħol staġunali.

(3)

Fis-27 ta' Settembru 1995 il-Kummissjoni kkonsultat lil min imexxi u lill-ħaddiema fil-livell Komunitarju skond l-Artikolu 138(2) tat-Trattat dwar l-azzjoni li għandha tiġi adottata fil-livell Ewropew fir-rigward tal-flessibbiltà tas-sigħat tax-xogħol u s-sigurtà ta' l-impjieg tal-ħaddiema.

(4)

Wara dik il-konsultazzjoni, il-Kummissjoni qieset li kienet irrikmandata azzjoni Komunitarja u fid-9 ta' April 1996 kkonsultat ulterjorment lil min imexxi u lill-ħaddiema skond l-Artikolu 138(3) tat-Trattat dwar il-kontenut tal-proposta prevista.

(5)

Fl-introduzzjoni tal-ftehim qafas dwar ix-xogħol għal żmien definit konkluż fit-18 ta' Marzu 1999, il-firmatarji indikaw l-intenzjoni tagħhom li jqisu l-ħtieġa għal ftehim simili dwar ix-xogħol temporanju permezz ta' aġenzija u ddeċidew li ma jinkludux il-ħaddiema temporanji permezz ta' aġenzija fid-Direttiva dwar ix-xogħol għal żmien definit.

(6)

L-organizazzjonijiet trans-settorjali ġenerali, jiġifieri l-Unjoni tal-Konfederazzjonijiet Industrijali u ta' Min Iħaddem fl-Ewropa (UNICE) (4), iċ-Ċentru Ewropew ta' l-Intrapriżi b'Parteċipazzjoni Pubblika u ta' Intrapriżi ta' Interess Ekonomiku Ġenerali (CEEP) u l-Konfederazzjoni Ewropea tat-Trade Unions (ETUC), infurmaw lill-Kummissjoni f'ittra konġunta tad-29 ta' Mejju 2000 bix-xewqa tagħhom li jagħtu bidu għall-proċess previst fl-Artikolu 139 tat-Trattat. Permezz ta' ittra konġunta oħra tat-28 ta' Frar 2001 huma talbu lill-Kummissjoni biex testendi l-iskadenza msemmija fl-Artikolu 138(4) b'xahar. Il-Kummissjoni laqgħet din it-talba u estendiet l-iskadenza għan-negozjati sat-15 ta' Marzu 2001.

(7)

Fil-21 ta' Mejju 2001, l-imsieħba soċjali rrikonoxxew li n-negozjati tagħhom dwar ix-xogħol temporanju permezz ta' aġenzija ma waslu għall-ebda ftehim.

(8)

F'Marzu 2005, il-Kunsill Ewropew ikkunsidra vitali t-tnedija mill-ġdid ta' l-Istrateġija ta' Lisbona u l-iffukar mill-ġdid tal-prijoritajiet tagħha dwar it-tkabbir u l-impjiegi. Il-Kunsill approva l-Linji Gwida Integrati għat-Tkabbir u l-Impjiegi 2005-2008, li għandhom l-għan, inter alia, li jippromwovu l-flessibbiltà flimkien mas-sigurtà ta' l-impjieg u li jnaqqsu s-segmentazzjoni tas-suq tax-xogħol, b'konsiderazzjoni debita tar-rwol ta' l-imsieħba soċjali.

(9)

F'konformità mal-Komunikazzjoni mill-Kummissjoni dwar l-Aġenda Soċjali li tkopri l-perijodu sa l-2010, li ntlaqet mill-Kunsill Ewropew ta' Marzu 2005 bħala kontribut lejn il-kisba ta' l-objettivi ta' l-Istrateġija ta' Lisbona billi jiġi rrinfurzat il-mudell soċjali Ewropew, il-Kunsill Ewropew ikkunsidra li forom ġodda ta' organizzazzjoni tax-xogħol u diversità akbar ta' l-arranġamenti kuntrattwali għall-ħaddiema u l-impriżi, li jikkombinaw aħjar il-flessibbiltà mas-sigurtà, jikkontribwixxu għall-adattabbiltà. Barra minn hekk, il-Kunsill Ewropew ta' Diċembru 2007 approva l-prinċipji komuni miftiehma ta' flessigurtà li jilħqu bilanċ bejn il-flessibbiltà u s-sigurtà fis-suq tax-xogħol u jgħinu kemm lill-ħaddiema kif ukoll lil min iħaddem jaħtfu l-opportunitajiet offruti mill-globalizzazzjoni.

(10)

Hemm differenzi konsiderevoli fl-użu tax-xogħol temporanju permezz ta' aġenzija u fis-sitwazzjoni legali, l-istatus u l-kondizzjonijiet tax-xogħol tal-ħaddiema temporanji permezz ta' aġenzija fl-Unjoni Ewropea.

(11)

Ix-xogħol temporanju permezz ta' aġenzija mhux biss jilħaq il-ħtiġijiet għall-flessibbiltà ta' l-intrapriżi iżda wkoll il-ħtieġa li l-impjegati jirrikkonċiljaw il-ħajja tax-xogħol u dik privata tagħhom. B'hekk huwa jikkontribwixxi għall-ħolqien ta' l-impjiegi u għall-parteċipazzjoni u l-integrazzjoni fis-suq tax-xogħol.

(12)

Din id-Direttiva tistabbilixxi qafas protettiv għall-ħaddiema temporanji permezz ta' aġenzija li huwa non-diskriminatorju, trasparenti u proporzjonat, filwaqt li tirrispetta d-diversità tas-swieq tax-xogħol u r-relazzjonijiet industrijali.

(13)

Id-Direttiva tal-Kunsill 91/383/KEE tal-25 ta' Ġunju 1991 li tissupplementa l-miżuri biex jinkoraġġixxu t-titjib fis-sigurtà u s-saħħa fix-xogħol tal-ħaddiema li għandhom relazzjoni ta' mpjieg għal perijodu definit jew ta' mpjieg temporanju (5) tistabbilixxi d-dispożizzjonijiet tas-sigurtà u s-saħħa applikabbli għall-ħaddiema temporanji permezz ta' aġenzija.

(14)

Il-kondizzjonijiet bażiċi tax-xogħol u ta' l-impjieg applikabbli għall-ħaddiema temporanji permezz ta' aġenzija għandhom ikunu ta' l-inqas dawk li japplikaw għal dawn il-ħaddiema kieku kellhom ikunu rreklutati mill-impriża utenti biex jokkupaw l-istess impjieg.

(15)

Il-kuntratti ta' impjieg għal żmien indefinit huma l-forma ġenerali ta' relazzjoni ta' impjieg. Fil-każ ta' ħaddiema li għandhom kuntratt permanenti ma' l-aġenzija ta' xogħol temporanju tagħhom, u bil-ħsieb tal-protezzjoni speċjali li joffri tali kuntratt, għandu jkun previst li jkunu permessi eżenzjonijiet mir-regoli applikabbli fl-impriża utenti.

(16)

Sabiex ikunu jistgħu jaffrontaw b'mod flessibbli d-diversità tas-swieq tax-xogħol u r-relazzjonijiet industrijali, l-Istati Membri jistgħu jippermettu lill-imsieħba soċjali jiddefinixxu kondizzjonijiet ta' xogħol u ta' impjieg, sakemm jiġi rispettat il-livell ġenerali ta' protezzjoni għall-ħaddiema temporanji permezz ta' aġenzija.

(17)

Barra minn hekk, f'ċerti ċirkostanzi limitati, l-Istati Membri għandhom, abbażi ta' ftehim konkluż mill-imsieħba soċjali fil-livell nazzjonali, ikunu jistgħu jidderogaw f'limiti mill-prinċipju ta' trattament ugwali, sakemm jiġi pprovdut livell adegwat ta' protezzjoni.

(18)

It-titjib fil-protezzjoni minima għall-ħaddiema temporanji permezz ta' aġenzija għandu jkun akkumpanjat minn reviżjoni ta' kwalunkwe restrizzjoni jew projbizzjoni li setgħet ġiet imposta fuq ix-xogħol temporanju permezz ta' aġenzija. Dawn jistgħu jkunu ġġustifikati biss għal raġunijiet ta' interess ġenerali rigward, b'mod partikolari l-protezzjoni tal-ħaddiema, ir-rekwiżiti tas-sigurtà u s-saħħa fuq il-post tax-xogħol u l-ħtieġa li jkun żgurat li s-suq tax-xogħol jaħdem tajjeb u li jiġu prevenuti l-abbużi.

(19)

Din id-Direttiva la taffettwa l-awtonomija ta' l-imsieħba soċjali u lanqas m'għandha taffettwa r-relazzjonijiet bejn l-imsieħba soċjali, inkluż id-dritt li jiġu nnegozjati u konklużi strumenti ta' ftehim kollettivi skond il-liġi u l-prattiki nazzjonali filwaqt li tiġi rispettata l-liġi Komunitarja prevalenti.

(20)

Id-dispożizzjonijiet ta' din id-Direttiva dwar ir-restrizzjonijiet jew il-projbizzjonijiet fuq ix-xogħol temporanju permezz ta' aġenzija huma mingħajr preġudizzju għal-leġislazzjoni nazzjonali jew il-prattiki li jipprojbixxu li ħaddiema li joħorġu fuq strajk ikunu sostitwiti b'ħaddiema temporanji permezz ta' aġenzija.

(21)

L-Istati Membri għandhom jipprovdu proċeduri amministrattivi jew ġudizzjarji biex iħarsu d-drittijiet tal-ħaddiema temporanji permezz ta' aġenzija u għandhom jipprovdu pieni effettivi, dissważivi u proporzjonati għall-ksur ta' l-obbligi stabbiliti f'din id-Direttiva.

(22)

Din id-Direttiva għandha tiġi implimentata f'konformità mad-dispożizzjonijiet tat-Trattat rigward il-libertà li jiġu pprovduti servizzi u l-libertà ta' stabbiliment u mingħajr preġudizzju għad-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi (6).

(23)

Peress li l-għan ta' din id-Direttiva, jiġifieri li jiġi stabbilit qafas armonizzat fuq livell Komunitarju għall-protezzjoni għal ħaddiema temporanji permezz ta' aġenzija, ma jistax jinkiseb suffiċjentement mill-Istati Membri u għalhekk jista', minħabba fl-iskala jew l-effetti ta' l-azzjoni, jinkiseb aħjar fil-livell Komunitarju billi jkunu introdotti rekwiżiti minimi applikabbli mal-Komunità kollha, il-Komunità tista' tadotta miżuri skond il-prinċipju tas-sussidjarjetà kif stabbilit fl-Artikolu 5 tat-Trattat. Skond il-prinċipju tal-proporzjonalità, kif stabbilit f'dak l-Artikolu, din id-Direttiva ma teċċedix dak li huwa meħtieġ biex jintlaħaq dak l-objettiv,

(a)

“ħaddiem” tfisser kwalunkwe persuna li, fl-Istat Membru kkonċernat, hija protetta bħala ħaddiem skond il-liġi nazzjonali ta' l-impjieg;

(b)

“aġenzija ta' xogħol temporanju” tfisser kwalunkwe persuna fiżika jew ġuridika li, f'konformità mal-liġi nazzjonali, tikkonkludi kuntratti ta' impjieg jew relazzjonijiet ta' impjieg ma' ħaddiema temporanji permezz ta' aġenzija sabiex tassenjahom lil impriżi utenti biex jaħdmu hemm temporanjament taħt is-superviżjoni u d-direzzjoni tagħhom;

(c)

“ħaddiem temporanju permezz ta' aġenzija” tfisser ħaddiem b'kuntratt ta' impjieg jew li għandu relazzjoni ta' impjieg ma' aġenzija ta' xogħol temporanju bil-ħsieb li jiġi assenjat għal ma' impriża utenti biex jaħdem temporanjament taħt is-superviżjoni u d-direzzjoni tagħha;

(d)

“impriża utenti” tfisser kwalunkwe persuna fiżika jew ġuridika li ħaddiem temporanju permezz ta' aġenzija jaħdem temporanjament għaliha taħt is-superviżjoni u d-direzzjoni tagħha;

(e)

“assenjazzjoni” tfisser il-perijodu li matulu l-ħaddiem temporanju permezz ta' aġenzija jintbagħat fl-impriża utenti biex jaħdem temporanjament taħt is-superviżjoni u d-direzzjoni tagħha;

(f)

“kondizzjonijiet bażiċi ta' xogħol u ta' impjieg” tfisser kondizzjonijiet ta' xogħol u ta' impjieg stabbiliti mil-leġislazzjoni, ir-regolamenti, id-dispożizzjonijiet amministrattivi, l-istrumenti ta' ftehim kollettivi u/jew dispożizzjonijiet ġenerali vinkolanti oħrajn fis-seħħ fl-impriża utenti relatati ma':

(i)

il-protezzjoni ta' nisa tqal u ommijiet li qed ireddgħu u l-protezzjoni ta' tfal u żgħażagħ; u

(ii)

it-trattament ugwali għall-irġiel u n-nisa u kwalunkwe azzjoni biex tiġi miġġielda kwalunkwe diskriminazzjoni bbażata fuq is-sess, ir-razza jew l-oriġini etnika, ir-reliġjon, it-twemmin, diżabbiltajiet, l-età jew l-orjentament sesswali;

(a)

itejbu l-aċċess tal-ħaddiema temporanji permezz ta' aġenzija għat-taħriġ u l-faċilitajiet ta' kura tat-tfal fl-aġenziji ta' xogħol temporanju, anki fil-perijodi bejn l-assenjazzjonijiet, sabiex itejbu l-iżvilupp tal-karriera u l-impjegabbiltà tagħhom;

(b)

itejbu l-aċċess tal-ħaddiema temporanji permezz ta' aġenzija għat-taħriġ għall-ħaddiema ta' l-impriżi utenti.

7.10.2008   

MT

Il-Ġurnal Uffiċjali ta’ l-Unjoni Ewropea

CE 254/s3