8.11.2005   

MT

Il-Ġurnal Uffiċjali ta’ l-Unjoni Ewropea

C NaN/1

(1)

L-eliminazzjoni ta' distorsjonijiet tal-kompetizzjoni bejn intrapriżi ta' trasport fl-Istati Membri, il-funzjonament kif suppost tas-suq intern u l-kompetittività mtejba jiddependu kollha fuq mekkaniżmi ġusti li jiġu stabbiliti biex it-trasportaturi jħallsu għall-ispejjeż għall-użu ta' l-infrastruttura. Diġà ntlaħaq grad ta' armonizzazzjoni permezz tad-Direttiva 1999/62/KE.

(2)

Sistema iżjed ġusta ta' ħlas għall-użu ta' l-infrastruttura stradali hi kruċjali sabiex jiġi mħeġġeġ it-trasport sostenibbli fil-Komunità. L-objettiv li jsir l-aħjar użu mis-sistema stradali eżistenti u li jinkiseb tnaqqis sinifikanti fl-impatt negattiv tiegħu, għandu jintlaħaq bla ma jiġu imposti piżijiet addizzjonali fuq l-operaturi fl-interess ta' tkabbir ekonomiku sod u l-funzjonament xieraq tas-suq intern.

(3)

Il-Kummissjoni ħabbret l-intenzjoni tagħha li tipproponi direttiva dwar il-ħlas li jrid isir għall-użu ta' l-infrastruttura tat-toroq fil-White Paper “Il-politika Ewropea dwar it-trasport għall-2010: iż-żmien li niddeċiedu”. Il-Parlament Ewropew ikkonferma l-ħtieġa li jiġi impost ħlas għall-użu ta' infrastruttura meta adotta r-rapport dwar il-konklużjonijiet tal-White Paper fit-12 ta' Frar 2003. Wara l-Kunsill Ewropew ta' Göteborg tal-15 ta' Ġunju 2001, li ġibed attenzjoni partikolari fuq il-kwistjoni tat-trasport sostenibbli, il-Kunsill Ewropew ta' Kopenħagen tat-12 u t-13 ta' Diċembru 2002 u l-Kunsill Ewropew ta' Brussel ta' l-20 u l-21 ta' Marzu 2003 ukoll laqgħu l-intenzjoni tal-Kummissjoni li tippreżenta Direttiva ġdida ta' l-“Eurovignette”.

(4)

Għall-finijiet li jiġu stabbiliti tariffi għall-użu tat-triq, id-Direttiva 1999/62/KE tieħu f'kunsiderazzjoni spejjeż ta' kostruzzjoni, operazzjoni, manutenzjoni u żvilupp ta' l-infrastruttura. Hi meħtieġa dispożizzjoni speċifika biex tiġi żgurata ċ-ċarezza fir-rigward ta' l-ispejjeż ta' kostruzzjoni li jistgħu jittieħdu f'kunsiderazzjoni.

(5)

Operazzjonijiet tat-trasport stradali internazzjonali huma konċentrati fuq is-sistema stradali trans-Ewropea. Barra minn hekk, it-tħaddim tajjeb tas-suq intern hu vitali għat-trasport kummerċjali. Konsegwentement, il-qafas Komunitarju jrid japplika għat-trasport kummerċjali fuq is-sistema stradali trans-Ewropea kif imfisser bid-Deċiżjoni Nru 1692/96/KE tal-Parlament Ewropew u tal-Kunsill tat-23 ta' Lulju 1996 dwar il-linji gwida Komunitarji għall-iżvilupp tas-sistema stradali trans-Ewropea (5). L-Istati Membri jridu, skond il-prinċipju ta' sussidjarjetà, ikunu ħielsa biex japplikaw tariffi għall-użu tat-triq u/jew ħlasijiet mill-utent f'toroq oħra minbarra dawk fuq is-sistema stradali trans-Ewropea, f'konformità mat-Trattat.

(6)

Għal raġunijiet ta' effiċjenza fl-infiq fl-implimentazzjoni ta' sistemi ta' tariffi għall-użu tat-triq, l-infrastruttura kollha li magħha hi relatata xi tariffa għall-użu tat-triq mhux neċessarjament tkun soġġetta għal restrizzjonijiet ta' aċċess li jikkontrollaw it-tariffi għall-użu tat-triq. L-Istati Membri jistgħu jagħżlu li jimplimentaw din id-Direttiva permezz ta' l-użu ta' tariffi għall-użu tat-triq f'punt partikolari biss fuq l-infrastruttura li magħha hija relatata t-tariffa għall-użu tat-triq.

(7)

It-tariffi għall-użu tat-triq għandhom ikunu bbażati fuq il-prinċipju ta' rkupru ta' l-ispejjeż ta' l-infrastruttura. F'każi fejn tali infrastruttura tkun ġiet ko-finanzjata permezz tal-budget ġenerali ta' l-Unjoni Ewropea, il-kontribut magħmul minn fondi tal-Komunità m'għandux jiġi rkuprat b'tariffi għall-użu tat-triq, ħlief jekk hemm dispożizzjonijiet speċifiċi fl-istrumenti rilevanti tal-Komunità li jieħdu f'kunsiderazzjoni d-dħul futur mit-tariffi għall-użu tat-triq meta jiġi stabbilit l-ammont ta' ko-finanzjament mill-Komunità.

(8)

Il-fatt li l-utent jista' jieħu deċiżjonijiet li jinfluwenzaw il-piż tat-tariffi għall-użu tat-triq billi jagħżel il-vetturi li jniġġsu l-inqas u perijodi jew itinerarji b'konġestjoni iżjed baxxa huwa komponent importanti ta' sistema ta' tariffi. L-Istati Membri għandhom għalhekk ikunu kapaċi jagħmlu distinzjoni bejn tariffi għall-użu tat-triq skond il-kategorija ta' emissjoni tal-vettura (klassifikazzjoni “EURO”) u l-livell ta' ħsara li tikkawża lit-toroq, il-post, il-ħin u l-ammont ta' konġestjoni. Tali distinzjoni fil-livell ta' tariffi għall-użu tat-triq għandha tkun proporzjonata għall-objettiv imfittex.

(9)

Aspetti ta' ipprezzar kummerċjali għall-użu ta' l-infrastruttura tat-toroq li m'humiex koperti minn din id-Direttiva għandhom jirrispettaw ir-regoli tat-Trattat.

(10)

Din id-Direttiva ma teffettwax il-libertà ta' l-Istati Membri li jintroduċu sistema ta' tariffi għall-użu tat-triq u/jew ħlasijiet mill-utent għall-infrastruttura biex jipprovdu, mingħajr preġudizzju għall-Artikoli 87 u 88 tat-Trattat, kumpens xieraq għal dan il-ħlas. Tali kumpens m'għandux iwassal għal distorsjonijiet tal-kompetizzjoni fi ħdan is-suq intern u għandu jkun soġġett għad-dispożizzjonijiet rilevanti tal-liġi Komunitarja, b'mod partikolari r-rati minimi ta' taxxi tal-vetturi stabbiliti fl-Anness I li jinsab mad-Direttiva 1999/62/KE u d-dispożizzjonijiet tad-Direttiva tal-Kunsill 2003/96/KE tas-27 ta' Ottubru 2003 (6) li jirristrutturaw il-qafas Komunitarju għat-tassazzjoni ta' prodotti ta' l-enerġija u l-elettriku.

(11)

Fejn l-Istati Membri jimponu tariffi għall-użu tat-triq jew ħlasijiet mill-utent fis-sistema stradali trans-Ewropea, it-toroq soġġetti għat-tariffi għandhom jingħataw prijorità xierqa fl-iskedi ta' manutenzjoni ta' l-Istati Membri.

(12)

Attenzjoni partikolari trid tingħata lil reġjuni muntanjużi bħall-Alpi jew il-Pirinej. It-tnedija ta' proġetti maġġuri ġodda ta' infrastruttura kemm-il darba falliet għaliex ir-riżorsi finanzjarji sostanzjali li dawn ikunu jeħtieġu ma kinux disponibbli. F'tali reġjuni, l-utenti jistgħu għalhekk jiġu mitluba jħallsu żieda biex jiffinanzjaw proġetti essenzjali ta' valur Ewropew għoli ħafna, inklużi dawk li jinvolvu mod ieħor ta' trasport fl-istess kuritur. Dan l-ammont għandu jkun marbut mal-ħtiġiet finanzjarji tal-proġett. Għandu jkun marbut ukoll mal-livell bażiku tat-tariffi għall-użu tat-triq biex jiġu evitati ħlasijiet artifiċjalment għolja fi kwalunkwe kuritur wieħed, li jistgħu jwasslu biex it-traffiku jiġi devjat lejn kurituri oħra, u b'hekk jinħolqu problemi ta' konġestjoni lokali u użu ineffiċjenti tas-sistema stradali.

(13)

Il-miżati m'għandhomx ikunu diskriminatorji u l-ġbir tagħhom m'għandux jinvolvi formalitajiet eċċessivi jew joħloq ostakoli fil-fruntieri interni. Miżuri xierqa għandhom għalhekk jittieħdu sabiex jiffaċilitaw il-pagament mill-utenti okkażjonali, b'mod partikolari fejn it-tariffi għall-użu tat-triq u/jew ħlasijiet mill-utent huma miġbura esklusivament permezz ta' sistema li teħtieġ l-użu ta' apparat ta' pagament elettroniku (unità abbord il-vettura).

(14)

Sabiex tiġi żgurata applikazzjoni konsistenti u armonizzata ta' sistemi ta' tariffi infrastrutturali, arranġamenti ġodda għal tariffi għall-użu tat-triq għandhom jikkalkolaw l-ispejjeż skond sett ta' prinċipji ċentrali jew jiġu stabbiliti f'livell li ma jmurx lil hinn minn dak li kieku jirriżulta mill-applikazzjoni ta' dawn il-prinċipji. Dawn il-ħtiġiet m'għandhomx japplikaw għal arranġamenti eżistenti sakemm ma jiġux sostanzjalment modifikati fil-futur. Tali modifiki sostanzjali jkunu jinkludu kwalunkwe bidla sinjifikanti għall-pattijiet u l-kondizzjonijiet oriġinali ta' l-iskema ta' tariffi għall-użu tat-triq permezz ta' modifika ta' kuntratt ma' l-operatur tas-sistema ta' tariffi għall-użu tat-triq, imma jkunu jeskludu bidliet previsti fl-iskema oriġinali. Fil-każ ta' kuntratti ta' konċessjoni, modifika sostanzjali tista' tiġi implimentata skond proċedura ta' akkwist pubbliku. Sabiex tinkiseb it-trasparenza mingħajr ma jinħolqu ostakoli għall-funzjonament ta' l-ekonomija tas-suq u għal sħubijiet pubbliċi/privati, l-Istati Membri għandhom ukoll jikkomunikaw lill-Kummissjoni, sabiex din tkun f'pożizzjoni li tagħti opinjoni, il-valuri ta' unità u parametri oħra li għandhom il-ħsieb japplikaw biex jikkalkulaw id-diversi elementi ta' spejjeż tal-ħlasijiet jew, fil-każ ta' kuntratti ta' konċessjoni, il-kuntratt rilevanti u l-każ li fuqu hu bbażat. Opinjonijiet adottati mill-Kummissjoni qabel l-introduzzjoni ta' arranġamenti ġodda ta' tariffi għall-użu tat-triq fl-Istati Membri huma għal kollox mingħajr preġudizzju għall-obbligu tal-Kummissjoni taħt it-Trattat li tiżgura li l-liġi Komunitarja hija applikata.

(15)

Jeħtieġ iżjed progress tekniku biex tiġi żviluppata s-sistema ta' tariffi għall-użu ta' l-infrastruttura tat-toroq. Irid ikun hemm proċedura li tippermetti lill-Kummissjoni tadatta l-ħtiġiet tad-Direttiva 1992/62/KE għall-progress tekniku wara konsultazzjoni ma' l-Istati Membri għal dan il-għan.

(16)

Il-miżuri meħtieġa għall-implimentazzjoni ta' din id-Direttiva għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat ta' implimentazzjoni mogħtija lill-Kummissjoni (7).

(17)

Minħabba li l-objettiv ta' din id-Direttiva, jiġifieri li jiġu armonizzati l-kondizzjonijiet applikabbli għat-tariffi għall-użu ta' l-infrastruttura tat-triq u l-ħlasijiet mill-utent, ma jistax jintlaħaq b'mod sodisfaċenti mill-Istati Membri waħedhom u jista' għalhekk, minħabba d-dimensjoni Ewropea tiegħu u bil-ħsieb li jiġi salvagwardjat is-suq intern tat-trasport, jintlaħaq aħjar fuq il-livell Komunitarju, il-Komunità tista' tadotta miżuri, skond il-prinċipju ta' sussidjarjetà miġbur fl-Artikolu 5 tat-Trattat. Skond il-prinċipju ta' proporzjonalità kif stabbilit f'dak l-Artikolu, din id-Direttiva ma tmurx lil hinn minn dak li hu meħtieġ biex jintlaħaq dak l-objettiv.

(18)

Id-Direttiva 1999/62/KE għandha tiġi emendata f'dan is-sens,

1)

L-Artikolu 2 għandu jiġi emendat kif ġej:

2)

L-Artikolu 7 għandu jiġi emendat kif ġej:

3)

Għandu jiddaħħal l-Artikolu li ġej:

“Artikolu 7a

1.   Meta jiġu biex jiddeterminaw il-livelli ta' tariffi medji ppeżati għall-użu tat-triq li għandhom jiġu mitluba fis-sistema infrastrutturali kkonċernata jew f'parti tas-sistema definita b'mod ċar, l-Istati Membri għandhom jieħdu f'kunsiderazzjoni d-diversi spejjeż imniżżla fl-Artikolu 7(9). L-ispejjeż li jittieħdu f'kunsiderazzjoni tagħhom għandhom jirrelataw mas-sistema infrastrutturali jew parti minnha li fuqha huma mposti t-tariffi għall-użu tat-triq i u mal-vetturi li huma soġġetti għat-tariffa għall-użu tat-triq. L-Istati Membri jistgħu jagħżlu li ma jirkuprawx dawn l-ispejjeż permezz ta' dħul minntariffi għall-użu tat-triq jew li jirkupraw biss perċentaġġ ta' l-ispejjeż.

2.   It-tariffi għall-użu tat-triq għandhom jiġu ddeterminati skond l-Artikolu 7 u l-paragrafu 1 ta' dan l-Artikolu.

3.   Fir-rigward ta' arranġamenti ġodda ta' tariffa għall-użu tat-triq, minbarra dawk li jinvolvu konċessjoni għat-tariffi għall-użu tat-triq introdotti mill-Istati Membri wara ... (12), l-Istati Membri għandhom jikkalkolaw l-ispejjeż bl-użu ta' metodoloġija bbażata fuq il-prinċipji ċentrali ta' kalkolu mniżżla fl-Anness III.

Għal tariffi konċessjonarji ġodda għall-użu tat-triq li jiddaħħlu wara ... (12), il-livell massimu ta' tariffi għall-użu tat-triq għandu jkun ekwivalenti għal, jew anqas minn, il-livell li jkun irriżulta mill-użu ta' metodoloġija bbażata fuq il-prinċipji ċentrali ta' kalkolu mniżżla fl-Anness III. Il-valutazzjoni ta' tali ekwivalenza għandha ssir abbażi ta' perijodu ta' riferenza raġonevolment twil li jkun xieraq għan-natura tal-kuntratt ta' konċessjoni.

Arranġamenti ta' tariffi għall-użu tat-triq li jkunu diġà fis-seħħ fi ... (12) jew li għalihom ġew riċevuti offerti jew risposti għal stediniet ta' negozjar taħt il-proċedura nnegozjata b'segwitu għal proċedura ta' akkwist pubbliku qabel ... (12) m'għandhomx ikunu soġġetti għall-obbligi imniżżla f'dan il-paragrafu, sakemm dawn l-arranġamenti jibqgħu fis-seħħ u dment li ma jiġux modifikati sostanzjalment.

4.   L-Istati Membri għandhom jikkomunikaw lill-Kummissjoni mill-anqas erba' xhur qabel l-implimentazzjoni ta' arranġament ġdid ta' tariffi għall-użu tat-triq:

5.   Fir-rigward ta' każi soġġetti għall-obbligi tal-paragrafu 3, il-Kummissjoni għandha, fi żmien erba' xhur minn meta tirċievi l-informazzjoni skond il-paragrafu 4, tagħti opinjoni dwar jekk dawn l-obbligi jidhrux li ġew imwettqa.

L-opinjonijiet tal-Kummissjoni għandhom isiru disponibbli lill-Kumitat imsemmi fl-Artikolu 9ċ (1).

6.   Fejn Stat Membru jixtieq japplika d-dispożizzjonijiet li hemm fl-Artikolu 7(11) fir-rigward ta' arranġamenti ta' tariffi għall-użu tat-triq diġà fis-seħħ fi ... (12), l-Istat Membru kkonċernat għandu jipprovdi informazzjoni li turi li t-tariffa medja ppeżata għall-użu tat-triq li qed tiġi applikata għall-infrastruttura kkonċernata hija konformi ma' l-Artikoli 2(aa), 7(9) u 7(10).”;

4)

L-Artikolu 8(2) (b) għandu jinbidel bl-Artikolu li ġej:

5)

Għandu jiiddaħħal l-Artikolu li ġej:

“Artikolu 8a

Kull Stat Membru għandu jagħmel monitoraġġ tas-sistema ta' tariffi għall-użu tat-triq u/jew ta' ħlasijiet mill-utenti oħra fuq l-utent biex jiġi żgurat li din taħdem b'mod trasparenti u bla ma tkun diskriminatorja.”

6)

L-Artikolu 9 għandu jiġi emendat kif ġej:

7)

Għandhom jiddaħħlu l-Artikoli li ġejjin:

“Artikolu 9a

L-Istati Membri għandhom jistabbilixxu kontrolli xierqa u jiddeterminaw is-sistema ta' penali applikabbli għall-ksur tad-dispożizzjonijiet nazzjonali adottati taħt din id-Direttiva; huma għandhom jieħdu l-miżuri kollha meħtieġa biex jiżguraw li dawn jiġu implimentati. Il-penali stabbiliti jridu jkunu effettivi, proporzjonati u dissważivi.

Artikolu 9b

Il-Kummissjoni għandha tiffaċilita d-djalogu u l-iskambju ta' kapaċitajiet tekniċi bejn l-Istati Membri fir-rigward ta' l-implimentazzjoni ta' din id-Direttiva u b'mod partikolari l-Anness III. Il-Kummissjoni għandha taġġorna u tiċċara l-Annessi 0, III u IV fid-dawl tal-progress tekniku u l-Annessi I u II fid-dawl ta' l-inflazzjoni, skond il-proċedura msemmija fl-Artikolu 9ċ(3).

Artikolu 9ċ

1.   Il-Kummissjoni għandha tkun megħjuna minn Kumitat.

2.   Fejn issir riferenza għal dan il-paragrafu, għandhom japplikaw l-Artikoli 3 u 7 tad-Deċiżjoni tal-Kunsill 1999/468/KE, b'kont meħud tad-dispożizzjonijiet ta' l-Artikolu 8 tagħha.

3.   Fejn issir riferenza għal dan il-paragrafu, għandhom japplikaw l-Artikoli 5 u 7 tad-Deċiżjoni tal-Kunsill 1999/468/KE, b'kont meħud tad-dispożizzjonijiet ta' l-Artikolu 8 tagħha.

Il-perijodu stabbilit fl-Artikolu 5(6) tad-Deċiżjoni 1999/468/KE għandu jkun ta' tliet xhur.

4.   Il-Kumitat għandu jadotta r-regoli ta' proċedura tiegħu.”;

(8)

L-Artikolu 11 għandu jinbidel bl-Artikolu li ġej:

“Artikolu 11

Mhux iktar tard minn ... (13), il-Kummissjoni għandha tippreżenta rapport lill-Parlament Ewropew u l-Kunsill dwar l-implimentazzjoni u l-effetti ta' din id-Direttiva, fejn tittieħed kunsiderazzjoni ta' żviluppi fit-teknonoloġija u t-tendenza fid-densità tat-traffiku, u li tivvaluta l-impatt tagħha fuq is-suq intern, inkluż fuq reġjuni gżejjer, reġjuni mingħajr kosta u reġjuni periferali tal-Komunità, il-livelli ta' investiment fis-settur u l-kontribut tiegħu għall-objettivi tal-politika ta' trasport sostenibbli.

Ir-rapport għandu jkun akkumpanjat, jekk xieraq, minn proposti lill-Parlament Ewropew u lill-Kunsill għal reviżjoni ulterjuri ta' din id-Direttiva.

L-Istati Membri għandhom jibagħtu l-informazzjoni meħtieġa lill-Kummissjoni mhux aktar tard minn (14).”;

9)

It-Tabella fl-Anness II li tindika l-ammont ta' ħlasijiet annwali għandha tinbidel bit-Tabella li ġejja:

10)

L-aħħar sentenza ta' l-Anness II għandha tinbidel bis-sentenza li ġejja:

“Il-ħlas mill-utent bil-ġurnata huwa l-istess għall-kategoriji kollha tal-vetturi u jammonta għal EUR 11.”;

11)

Għandu jiddaħħal l-Anness 0, li t-test tiegħu jidher fl-Anness I ma' din id-Direttiva;

12)

Għandu jiżdied l-Anness III, li t-test tiegħu jidher fl-Anness II li jinsab ma' din id-Direttiva.

13)

Għandu jiżdied l-Anness IV, li t-test tiegħu jidher fl-Anness III li jinsab ma' din id-Direttiva.

8.11.2005   

MT

Il-Ġurnal Uffiċjali ta’ l-Unjoni Ewropea

C NaN/19

(1)

Fil-Komunità Ewropea jinħtieġ li tittejjeb l-effiċjenza fl-użu finali ta' l-enerġija, id-domanda mmaniġjata għall-enerġija u l-promozzjoni ta' l-produzzjoni ta' l-enerġija rinovabbli, peress li hemm marġni ta' manuvra relattivament limitat għal kwalunkwe influenza oħra fuq il-kondizzjonijiet ta' provvista u distribuzzjoni ta' l-enerġija fiż-żmien qasir jew medju, kemm permezz tal-bini ta' kapaċitajiet ġodda kif ukoll permezz tat-titjib fit-trasmissjoni u fid-distribuzzjoni. Għaldaqstant din id-Direttiva tikkontribwixxi għal titjib fis-sigurtà tal-provvista.

(2)

Titjib fl-effiċjenza ta' l-użu finali ta' l-enerġija jikkontribwixxi wkoll għal tnaqqis fil-konsum ta' l-enerġija primarja u għal tnaqqis fl-emissjonijiet tas-CO2 u ta' gassijiet serra oħra. Dawn l-emissjonijiet qed ikomplu jiżdiedu, u qed jagħmluha iktar u iktar diffiċli li jitwettqu l-impenji ta' Kyoto. L-attivitajiet umani attribwiti lis-settur ta' l-enerġija jikkawżaw sa 78 % ta' l-emissjonijiet tal-gassijiet serra tal-Komunità. Is-Sitt Programm ta' Azzjoni dwar l-Ambjent tal-Komunità, stabbilit bid-Deċiżjoni Nru 1600/2002/KE (4) tal-Parlament Ewropew u tal-Kunsill, jipprevedi li hemm bżonn ta' iktar tnaqqis sabiex jintlaħaq l-għan fuq iż-żmien medju tal-Konvenzjoni Qafas tan-Nazzjonijiet Uniti dwar il-Bidla Klimatika li jiġu stabilizzati l-konċentrazzjonijiet tal-gassijiet serra fl-atmosfera fuq livell li jimpedixxi interferenza antropoġenika perikoluża mas-sistema klimatika.

(3)

L-effiċjenza mtejba fl-użu finali ta' l-enerġija se tagħmilha possibbli li jiġi sfruttat l-iffrankar potenzjali fl-ispejjeż ta' l-enerġija b'mod li jkun ekonomikament effiċjenti. Miżuri għat-titjib ta' l-effiċjenza ta' l-enerġija jistgħu jwasslu għal dan l-iffrankar ta' l-enerġija u b'hekk jgħinu lill-Komunità Ewropea biex tnaqqas id-dipendenza tagħha fuq l-importazzjoni ta' l-enerġija. Barra minn hekk, pass lejn teknoloġiji aktar effiċjenti fl-użu ta' l-enerġija jista' jqawwi l-innovazzjoni u l-kompetittività tal-Komunità Ewropea kif enfasizzat fl-istrateġija ta' Liżbona.

(4)

Il-Komunikazzjoni tal-Kummissjoni dwar l-implimentazzjoni ta' l-ewwel fażi tal-Program Ewropew dwar il-Bidla Klimatika elenkat Direttiva dwar l-immaniġġar tad-domanda għall-enerġija bħala waħda mill-miżuri prijoritarji tal-bidla klimatika li għandhom jittieħdu fuq livell Komunitarju.

(5)

Din id-Direttiva hija konsistenti mad-Direttiva 2003/54/KE tal-Parlament Ewropew u tal-Kunsill tas-26 ta' Ġunju 2003, dwar regoli komuni għas-suq intern fl-elettriku li tirrevoka d-Direttiva 96/92/KE (5), u d-Direttiva 2003/55/KE tal-Parlament Ewropew u tal-Kunsill tas-26 ta' Ġunju 2003, dwar regoli komuni għas-suq intern tal-gass naturali li tirrevoka d-Direttiva 98/30/KE (6), li jipprovdu l-possibilità li l-effiċjenza ta' l-enerġija u l-immaniġġjar tad-domanda jintużaw bħala alternattivi għal provvista ġdida u għall-protezzjoni ambjentali, filwaqt li jippermettu lill-awtoritajiet ta' l-Istati Membri, fost affarijiet oħra, li jagħmlu sejħa għall-offerti ta' kapaċità ġdida jew li jagħżlu miżuri ta' effiċjenza ta' l-enerġija u miżuri li jagħtu każ tad-domanda, inklużi sistemi għal ċertifikati bojod.

(6)

Din id-Direttiva hija bla preġudizzju għall-Artikolu 3 tad-Direttiva 2003/54/KE li tesiġi li l-Istati Membri jiżguraw li l-konsumaturi domestiċi kollha, u fejn l-Istati Membri jqisu xieraq, l-intrapriżi żgħar, igawdu minn servizz universali, jiġifieri d-dritt li jiġu provduti b'elettriku ta' kwalità speċifikata fit-territorju tagħhom bi prezzijiet raġonevoli, faċilment komparabbli, ċari u trasparenti.

(7)

Il-liberalizzazzjoni tas-swieq bl-imnut għall-konsumaturi finali għall-elettriku, il-gass naturali, il-faħam u l-lignite, it-tisħin, u f'xi każi anke t-tisħin u t-tkessiħ distrettwali, wassal kważi esklussivament għal titjib fl-effiċjenza u għal inqas spejjeż fil-ġenerazzjoni, fit-trasformazzjoni u fid-distribuzzjoni ta' l-enerġija. Din il-liberalizzazzjoni ma waslitx għal kompetizzjoni sinifikanti ta' prodotti u servizzi li setgħet irriżultat f'effiċjenza mtejba min-naħa tad-domanda.

(8)

Fir-Riżoluzzjoni tiegħu tas-7 ta' Diċembru, 1998, dwar l-effiċjenza ta' l-enerġija fil-Komunità Ewropea, il-Kunsill approva mira għall-Komunità b'mod ġenerali biex tittejjeb l-intensità ta' l-enerġija tal-konsum finali b'żieda ta' wieħed fil-mija sas-sena 2010.

(9)

L-Istati Membri għalhekk għandhom jiffissaw miri indikattivi nazzjonali, biex jippromovu l-effiċjenza ta' l-enerġija fl-użu finali u biex jiżguraw li s-suq tas-servizzi ta' l-enerġija jkompli jikber u jkun vijabbli u b'hekk jikkontribwixxi għall-implimentazzjoni ta' l-istrateġija ta' Liżbona. L-adozzjoni ta' miri indikattivi nazzjonali għall-promozzjoni ta' l-effiċjenza fl-użu aħħari ta' l-enerġija tipprovdi sinerġija effettiva ma' leġiżlazzjoni oħra tal-Komunità li, meta tkun applikata, se tikkontribwixxi għall-kisba ta' dawn il-miri nazzjonali.

(10)

Din id-Direttiva tirrikjedi li tittieħed azzjoni mill-Istati Membri, fejn it-twettiq ta' l-għanijiet jiddependi mill-effetti li tali azzjonijiet ikollhom fuq il-konsumaturi finali ta' l-enerġija. Ir-riżultat finali ta' l-azzjonijiet ta' l-Istati Membri huwa għalhekk dipendenti minn ħafna fatturi esterni li jinfluwenzaw l-imġieba tal-konsumaturi fir-rigward ta' l-użu tagħhom ta' l-enerġija u d-disponibilità tagħhom li jimplimentaw u jużaw metodi għall-iffrankar ta' l-enerġija. Għalhekk, għalkemm l-Istati Membri jintrabtu li jagħmlu sforz sabiex tinkiseb il-mira ta' 6 %, il-mira ta' l-iffrankar ta' l-enerġija nazzjonali hija minnha nnifisha indikattiva u ma tinvolvi l-ebda obbligu legali esegwibbli li l-Istati Membri jiksbuha.

(11)

Waqt li jsir l-għalmu għall-kisba ta' l-effiċjenza ta' l-enerġija permezz ta' bidliet teknoloġiċi, fl-imġieba u/jew ekonomiċi, għandu jkun evitat li jkun hemm impatt negattiv sostanzjali fuq l-ambjent, u l-prioritajiet soċjali jridu jkunu rispettati.

(12)

Effiċjenza mtejba ta' l-użu finali ta' l-enerġija tista' tinkiseb billi tiżdied id-disponibbiltà u d-domanda jew permezz ta' miżuri oħra ta' titjib ta' l-effiċjenza ta' l-enerġija.

(13)

Sabiex jintlaħaq il-potenzjal fl-iffrankar ta' l-enerġija f'ċerti partijiet tas-suq fejn l-audits ta' l-enerġija ġeneralment mhumiex mibjugħa kummerċjalment, bħal fid-djar, l-Istati Membri jridu jiżguraw id-disponibbiltà ta' audits ta' l-enerġija.

(14)

Il-Konklużjonijiet tal-Kunsill tal-5 ta' Diċembru 2000 jelenkaw il-promozzjoni ta' servizzi ta' l-enerġija permezz ta' l-iżvilupp ta' strateġija Komunitarja bħala qasam ta' prijorità għal azzjoni biex tittejjeb l-effiċjenza ta' l-enerġija.

(15)

Distributuri ta' l-enerġija, operaturi tas-sistemi ta' distribuzzjoni u kumpanniji li jbiegħu l-enerġija bl-imnut jistgħu jtejbu l-effiċjenza ta' l-enerġija fil-Komunità Ewropea jekk jippromwovu servizzi ta' l-enerġija li jinkludu użu finali effiċjenti, bħall-kumdità tat-temperatura ġewwa, l-ilma sħun domestiku, ir-refriġerazzjoni, il-fabbrikazzjoni ta' prodotti, id-dawl u l-motive power. Iż-żieda fil-profitti għal distributuri ta' l-enerġija, operaturi ta' sistemi ta' distribuzzjoni u kumpanniji li jbiegħu l-enerġija bl-imnut ikun b'hekk marbut aktar mill-qrib mal-bejgħ ta' servizzi ta' l-enerġija lil kemm jista' jkun konsumaturi minflok il-bejgħ ta' kemm jista' jkun enerġija lil kull konsumatur.

(16)

Sabiex tiġi kkunsidrata bi sħiħ l-organizzazzjoni nazzjonali ta' l-atturi tas-suq fis-settur ta' l-enerġija u sabiex tiffavorixxi l-implimentazzjoni tas-servizzi ta' l-enerġija u l-miżuri għat-titjib ta' l-effiċjenza ta' l-enerġija previsti f'din id-Direttiva, l-Istati Membri jrid ikollhom l-għażla li jobbligaw lil distributuri ta' l-enerġija, operaturi tas-sistema tad-distribuzzjoni jew kumpanniji li jbiegħu l-enerġija bl-imnut jew, fejn meħtieġ, tnejn jew kollha minn dawn il-kategoriji ta' atturi tas-suq, li jipprovdu dawn is-servizzi u jipparteċipaw f'dawn il-miżuri.

(17)

Prattika innovattiva li trid tiġi stimulata hija l-użu ta' arranġamenti ta' finanzjament minn partijiet terzi. F'dawn, il-benefiċjarju jevita l-ispejjeż ta' l-investiment billi juża parti mill-valur finanzjarju ta' l-iffrankar ta' l-enerġija li jirriżulta mill-investiment tal-parti terza biex iħallas lura l-investiment u l-ispejjeż ta' l-imgħax lill-parti terza.

(18)

Sabiex it-tariffi u regolamenti oħra għall-enerġija fir-rettikolat iwasslu għal użu finali effiċjenti fl-enerġija, inċentivi li jwasslu għal żieda fil-volum ta' l-enerġija u li ma jistgħux jiġu ġustifikati jridu jitneħħew.

(19)

Eżempju tajjeb rigward l-investimenti, il-manteniment u nfiq ieħor għal tagħmir li juża l-enerġija, servizzi ta' l-enerġija u miżuri oħra ta' effiċjenza ta' l-enerġija jrid jingħata mis-settur pubbliku f'kull Stat Membru. Għalhekk, is-settur pubbliku jrid ikun imħeġġeġ biex jintegra konsiderazzjonijiet ta' titjib fl-effiċjenza ta' l-enerġija fl-investimenti tagħhom, fil-provvedimenti għad-deprezzament u fil-baġit tat-tħaddim. Minħabba li l-istrutturi amministrattivi jvarjaw ħafna minn Stat Membru għal ieħor, it-tipi differenti ta' miżuri li jista' jieħu s-settur pubbliku jridu jittieħdu fil-livell nazzjonali, reġjonali u/jew lokali xieraq.

(20)

Is-servizzi ta' l-enerġija, il-programmi ta' titjib ta' l-effiċjenza ta' l-enerġija u miżuri oħra li jiddaħħlu fis-seħħ sabiex tintlaħaq il-mira ta' l-iffrankar ta' l-enerġija jistgħu jiġu sostnuti u/jew implimentati permezz ta' ftehimiet voluntarji bejn il-partijiet konċernati u l-korpi fis-settur pubbliku maħtura mill-Istati Membri.

(21)

Fid-definizzjoni ta' mekkaniżmi biex tittejjeb l-effiċjenza ta' l-enerġija, għandu jittieħed kont ta' żidiet fl-effiċjenza miksuba permezz ta' l-użu ġenerali ta' innovazzjonijiet teknoloġiċi li huma effettivi fin-nefqa, per eżempju l-kejl elettroniku.

(22)

Sabiex il-konsumaturi finali jkunu jistgħu jieħdu deċiżjonijiet abbażi ta' informazzjoni aħjar rigward il-konsum individwali tagħhom ta' l-enerġija, iridu jingħataw ammont raġonevoli ta' informazzjoni dwaru u informazzjoni relevanti oħra, bħal informazzjoni dwar il-miżuri disponibbli għat-titjib ta' l-effiċjenza ta' l-enerġija, deskrizzjonijiet komparattivi tal-konsumatur finali jew speċifikazzjonijiet tekniċi oġġettivi għal tagħmir li juża l-enerġija li jista' jinkludi tagħmir ibbażat fuq il-Factor Four jew tagħmir simili.

(23)

Bl-adozzjoni ta' din id-Direttiva, kull dispożizzjoni sostantiva tad-Direttiva tal-Kunsill 93/76/KEE tat-13 ta' Settembru 1993 biex jiġu limitati l-emissjonijiet tad-dijossidu tal-karbonju bit-titjib ta' l-effiċjenza (SAVE) (7) ta' l-enerġija, hija koperta minn leġiżlazzjoni Komunitarja oħra u għalhekk id-Direttiva 93/76/KEE għandha titħassar.

(24)

Peress li l-għanijiet ta' din id-Direttiva, jiġifieri l-promozzjoni ta' effiċjenza ta' l-enerġija fl-użu finali u l-iżvilupp ta' suq għas-servizzi ta' l-enerġija ma jistgħux jintlaħqu b'mod sodisfaċenti mill-Istati Membri u jistgħu għalhekk jintlaħqu aħjar fil-livell Komunitarju, il-Komunità tista' tadotta miżuri, skond il-prinċipju ta' sussidjaretà kif stabbilit fl-Artikolu 5 tat-Trattat. Skond il-prinċipju tal-proporzjonalità, kif stabbilitf'dak l-Artikolu, din id-Direttiva ma tmurx lil hinn minn dak li huwa meħtieġ sabiex jintlaħqu dawk l-għanijiet.

(25)

Il-miżuri meħtieġa sabiex tiġi implimentata din id-Direttiva għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat ta' implementazzjoni konferiti lill-Kummissjoni (8).

(a)

tipprovdi l-miri indikattivi neċessarji kif ukoll il-mekkaniżmi, l-inċentivi u l-oqfsa istituzzjonali, finanzjarji u legali biex jitneħħew ostakoli tas-suq u imperfezzjonijiet eżistenti li jimpedixxi l-użu finali effiċjenti ta' l-enerġija;

(b)

toħloq il-kondizzjonijiet għall-iżvilupp ta' suq għas-servizzi ta' l-enerġija u għall-fornitura ta' miżuri li jtejbu l-effiċjenza ta' l-enerġija lill-konsumaturi finali.

(a)

fornituri ta' miżuri li jtejbu l-effiċjenza ta' l-enerġija, inklużi distributuri ta' l-enerġija, operaturi tas-sistemi tad-distribuzzjoni u kumpanniji li jbiegħu l-enerġija bl-imnut. Madankollu, l-Istati Membri jistgħu jeskludu lil distributuri żgħar, operaturi żgħar tas-sistemi tad-distribuzzjoni u kumpanniji żgħar li jbiegħu l-enerġija bl-imnut mill-applikazzjoni ta' l-Artikoli 6 u 13;

(b)

konsumaturi finali. Madankollu din id-Direttiva ma tapplikax għal dawk l-impriżi involuti fil-kategoriji ta' attivitajiet elenkati fl-Anness I tad-Direttiva 2003/87/KE tal-Parlament Ewropew u tal-Kunsill tat-13 ta' Ottubru 2003 li tistabilixxi skema għall-iskambju ta' kwoti ta' emissjonijiet ta' gassijiet serra ġewwa l-Komunità li temenda d-Direttiva tal-Kunsill 96/61/KE (9) u għal dawk il-partijiet ta' l-impriżi tat-trasport ibbażati prinċipalment fuq l-użu ta' karburant għall-avjazzjoni u karburant marittimu tal-banker;

(ċ)

il-forzi armati, biss safejn l-applikazzjoni tagħha ma tikkawżax kunflitt man-natura u l-għan prinċipali ta' l-attivitajiet tal-forzi armati u bl-eċċezzjoni ta' materjal użat esklużivament għall-finijiet militari.

(a)

“enerġija”: il-forom kollha ta' l-enerġija disponibbli kummerċjalment, inklużi l-elettriku, il-gass naturali (inkluż gass naturali f'forma likwida u gass likwidu tal-petroljum, kwalunkwe karburant għat-tisħin u tkessiħ (inklużi it-tisħin u t-tkessiħ distrettwali), faħam u lignite, peat, karburant għat-trasport (minbarra karburant għall-avjazzjoni u karburant marittimu tal-banker) u l-biomassa kif definita fid-Direttiva 2001/77/KE tal-Parlament Ewropew u tal-Kunsill tas-27 ta' Settembru 2001 dwar il-promozzjoni ta' l-elettriku prodott minn sorsi ta' enerġija rinovabbli fis-suq intern ta' l-elettriku (10);

(b)

“effiċjenza ta' l-enerġija”: il-proporzjon bejn l-output tal-prestazzjoni, servizz, merkanzija jew enerġija u l-input ta' enerġija;

(ċ)

“titjib fl-effiċjenza ta' l-enerġija”: żieda fl-effiċjenza ta' l-enerġija fl-użu finali, b'riżultat ta' bidliet teknoloġiċi, fl-imġieba u/jew ekonomiċi;

(d)

“iffrankar ta' l-enerġija”: ammont ta' enerġija ffrankata stabbilita billi jitkejjel u/jew jiġi stmat il-konsum ta' l-enerġija qabel u wara l-implimentazzjoni ta' miżura waħda jew aktar li ttejjeb l-effiċjenza ta' l-enerġija, filwaqt li tiġi żgurata n-normalizzazzjoni tal-kundizzjonijiet esterni li jaffettwaw il-konsum ta' l-enerġija;

(e)

“servizz ta' l-enerġija”: il-benefiċċu fiżiku, l-użu jew il-vantaġġ li jirriżultaw minn taħlita ta' enerġija u teknoloġija effiċjenti fl-enerġija, li jistgħu jinkludu l-operazzjonijiet, il-manteniment u l-kontroll neċessarju għall-fornitura tas-servizz, li jkun fornut abbażi ta' kuntratt u li normalment iwassal għal titjib fl-effiċjenza ta' l-enerġija li jista' jiġi verifikat u mkejjel jew stmat;

(f)

“mekkaniżmi ta' effiċjenza ta' enerġija”: strumenti ġenerali applikati minn gvernijiet jew minn organi tal-gvern sabiex jinħoloq qafas ta' sostenn jew inċentivi sabiex l-atturi fis-suq jipprovdu u jixtru servizzi ta' l-enerġija u miżuri oħrajn għat-titjib ta' l-effiċjenza ta' l-enerġija;

(g)

“programmi għat-titjib ta' l-effiċjenza ta' l-enerġija”: attivitajiet li jiffokaw fuq gruppi ta' konsumaturi finali u li normalment iwasslu għal titjib fl-effiċjenza ta' l-enerġija li jista' jiġi verifikat u mkejjel jew stmat;

(h)

“miżuri għat-titjib ta' l-effiċjenza ta' l-enerġija”: l-azzjonijiet kollha li normalment iwasslu għal titjib fl-effiċjenza ta' l-enerġija li jista' jiġi verifikat u mkejjel jew stmat;

(i)

“kumpannija ta' servizz ta' l-enerġija” (ESCO): persuna fiżika jew ġuridika li tforni servizzi ta' l-enerġija u jew miżuri oħra li jtejbu l-effiċjenza ta' l-enerġija fil-faċilità jew fuq is-sit ta' utent, u taċċetta xi grad ta' riskju finanzjarju meta tagħmel dan. Il-ħlas għas-servizzi forniti jkun ibbażat (jew għal kollox jew ftit ftit) fuq il-kisba tat-titjib fl-effiċjenza ta' l-enerġija u fuq it-twettiq tal-kriterji l-oħra miftiehma dwar il-prestazzjoni;

(j)

“ikkuntrattar għall-prestazzjoni ta' l-enerġija (EPC)”: arranġament kuntrattwali bejn il-benefiċjarju u l-fornitur (normalment ikun ESCO) ta' miżura li ttejjeb l-effiċjenza ta' l-enerġija, fejn il-ħlas għall-investimenti f'dawk il-miżuri isir b'relazzjoni għal livell ta' titjib fl-effiċjenza ta' l-enerġija miftiehem kuntrattwalment;

(k)

“finanzjar minn parti terza”: arranġament kuntrattwali li jinvolvi lil parti terza — minbarra l-fornitur ta' l-enerġija u l-benefiċjarju tal-miżura li ttejjeb l-effiċjenza ta' l-enerġija — li jipprovdi l-kapital għall-miżura u jitlob miżata mingħand il-benefiċjarju ekwivalenti għal parti mill-iffrankar ta' l-enerġija miksuba bħala riżultat tal-miżura li ttejjeb l-effiċjenza ta' l-enerġija. Din il-parti terza tista' tkun ESCO jew le;

(l)

“audit ta' l-enerġija”: proċedura sistematika biex tikseb għarfien adegwat tal-profil tal-konsum eżistenti ta' enerġija ta' bini jew grupp ta' binja, ta' operazzjoni industrijali u/jew ta' stallazzjoni jew ta' servizz privat jew pubbliku, li tidentifika u jikkwantifika l-opportunitajiet effettivi fl-infiq għall-iffrankar ta' enerġija, u li tirrapporta s-sejbiet;

(m)

“strumenti finanzjarji għall-iffrankar ta' l-enerġija”: l-istrumenti finanzjarji kollha bħal fondi, sussidji, tnaqqis ta' taxxa, self, finanzjar minn persuni terzi, ikkuntrattar għall-prestazzjoni ta' l-enerġija, garanzija ta' kuntratti ta' iffrankar, outsourcing ta' l-enerġija u kuntratti oħra relatati li jiġu disponibbli għas-suq minn organi pubbliċi jew privati sabiex ikopru biċċa jew għal kollox l-ispiża tal-bidu tal-proġett għall-implimentazzjoni tal-miżuri li jtejbu l-effiċjenza ta' l-enerġija;

(n)

“konsumatur finali”: persuna fiżika jew ġuridika li tixtri l-enerġija għall-użu finali tagħha;

(o)

“distributur ta' l-enerġija”: persuna fiżika jew ġuridika li hija responsabbli għat-trasport ta' l-enerġija, bil-għan li titwassal lil konsumaturi finali jew lil stazzjonijiet tad-distribuzzjoni li jbiegħu l-enerġija lil konsumaturi finali. Din id-definizzjoni teskludi l-operaturi ta' sistemi ta' distribuzzjoni ta' l-elettriku u l-gass naturali, koperti minn punt (p);

(p)

“operatur ta' sistema ta' distribuzzjoni”: persuna fiżika jew ġuridika responsabbli għall-manteniment, u jekk ikun hemm bżonn, l-iżvilupp ta' sistema ta' distribuzzjoni ta' l-elettriku jew il-gass naturali f'qasam speċifiku, u fejn ikun applikabbli, l-interkonnessjonijiet tagħha ma' sistemi oħrajn, u responsabbli għall-kapaċità fit-tul tas-sistema li tissodisfa d-domandi raġonevoli għad-distribuzzjoni ta' l-elettriku jew tal-gass naturali;

(q)

“kumpannija tal-bejgħ ta' l-enerġija bl-imnut”: persuna fiżika jew ġuridika li tbiegħ l-enerġija lil konsumaturi finali;

(r)

“distributur żgħir, operatur żgħir ta' sistema ta' distribuzzjoni u kumpannija żgħira tal-bejgħ ta' l-enerġija bl-imnut”: persuna fiżika jew ġuridika li tiddistribwixxi jew tbiegħ l-enerġija lil konsumaturi finali, u li tiddistribixxi jew tbiegħ inqas mill-ekwivalenti ta' 100 GWh ta' enerġija fis-sena jew li timpjega inqas minn 10 persuni u li l-valur tal-bejgħ annwali u/jew it-total tal-karta tal-bilanċ annwali ma jaqbiżx iż-2 miljun EUR. Id-distribuzzjoni jew il-bejgħ ta' karburant għat-trasport għandha tkun ikkunsidrata separatament minn forom oħra ta' enerġija fl-applikazzjoni ta' dawn il-limiti massimi;

(s)

“ċertifikati bojod”: ċertifikati maħruġa minn organi indipendenti ta' ċertifikazzjoni li jikkonfermaw id-dikjarazzjonijiet dwar l-iffrankar ta' l-enerġija ta' l-atturi fuq is-suq, bħala konsegwenza ta' miżuri li jtejbu l-effiċjenza ta' l-enerġija;

(a)

jipprovdu meta mitluba, imma mhux iktar minn darba kull sena, informazzjoni statistika aggregata dwar il-konsumaturi finali tagħhom lill-awtoritajiet jew l-aġenziji msemmija fl-Artikolu 4(3) jew lil organu magħżul ieħor, bil-kondizzjoni li ta' l-aħħar jitrasmetti l-informazzjoni li jirċievi lil ta' l-ewwel. Din l-informazzjoni għandha tkun biżżejjed biex programmi li jtejbu l-effiċjenza ta' l-enerġija jkunu jistgħu jiġu ddisinnjati u implimentati, u biex servizzi ta' l-enerġija u miżuri oħra li jtejbu l-effiċjenza ta' l-enerġija jkunu promossi u mmonitorjati. Din tista' tinkludi informazzjoni storika u għandha tinkludi informazzjoni attwali dwar il-konsum mill-utent finali, inkluż, fejn ikun applikabbli, il-load profiles, is-segmentazzjoni tal-konsumaturi, il-post ġeografiku tal-konsumaturi, filwaqt li tippreserva l-integritàu l-konfidenzjalità ta' l-informazzjoni li tkun jew ta' natura privata jew kummerċjalment sensittiva, bi qbil mal-leġiżlazzjoni Komunitarja applikabbli;

(b)

ma jwettqux xi attività li tista' tfixkel id-domanda għal servizzi ta' l-enerġija u miżuri li jtejbu l-effiċjenza ta' l-enerġija jew il-fornitura tagħhom, jew li jostakolaw l-iżvilupp ta' swieq għas-servizzi ta' l-enerġija u miżuri li jtejbu l-effiċjenza ta' l-enerġija. L-Istat Membru konċernati għandu jieħu miżuri xierqa biex iġibu fi tmiem attivitajiet ta' dan it-tip meta jseħħu.

(a)

jagħżlu wieħed jew iktar mir-rekwiżiti li ġejjin li għandhom ikunu mħarsa mid-distributuri ta' l-enerġija, operaturi tas-sistema ta' distribuzzjoni u/jew kumpanniji li jbiegħu l-enerġija bl-imnut, direttament u/jew indirettament permezz ta' fornituri oħra ta' servizzi ta' l-enerġija jew miżuri li jtejbu l-effiċjenza ta' l-enerġija:

(b)

jiżguraw li ftehim volontarji u skemi oħra orjentati lejn is-suq, bħal ċertifikati bojod, b'effett ekwivalenti għal wieħed jew iktar mir-rekwiżiti msemmija fil-punt (a) jeżistu jew jiġu stabbiliti. Dawn il-ftehimiet volontarji għandhom ikunu sorveljati u segwiti mill-Istat Membru konċernat sabiex ikun żgurat li fil-prattika jkollhom effett ekwivalenti għal wieħed jew aktar mir-rekwiżiti msemmija fil-punt (a).

(a)

il-prezzijiet kurrenti reali u, il-konsum reali ta' enerġija;

(b)

tqabbil tal-konsum ta' enerġija attwali mill-konsumatur mal-konsum tul l-istess perijodu fis-sena ta' qabel, preferibbilment f'forma grafika;

(ċ)

fejn ikun possibbli u utli, tqabbil ma' utent ta' l-enerġija medju normalizzat jew ta' referenza fl-istess kategorija ta' utent;

(d)

informazzjoni dwar kif jista' jsir kuntatt ma' organizzazzjonijiet tal-konsumaturi, aġenziji ta' l-enerġija jew organi oħra simili, inkluż l-indirizz elettroniku tagħhom, minn fejn wieħed jista' jsib informazzjoni dwar il-miżuri disponibbli li jtejbu l-effiċjenza ta' l-enerġija, profili ta' konsumaturi finali għall-paragun, u/jew speċifikazzjonijiet tekniċi oġġettivi għal tagħmir li juża l-enerġija.

(a)

esperjenza bil-mudell ta' kalkolu armonizzat matul l-ewwel snin ta' applikazzjoni;

(b)

iż-żieda potenzjali mistennija fil-preċiżjoni bħala riżultat tas-sostituzzjoni ta' parti mill-kalkoli dixxendenti bil-kalkoli axxendenti;

(ċ)

il-prezz miżjud u/jew il-piż amministrattiv potenzjali stmati.

Jekk il-Kummissjoni tiddeċiedi li żżid il-persentaġġ tal-kalkoli axxendenti armonizzati, il-mudell ġdid armonizzat ta' kalkolu għandu jintuża għall-ewwel darba minn... (19).