European flag

Il-Ġurnal Uffiċjali
tal-Unjoni Ewropea

MT

Is-serje L


2026/2434

19.11.2026

DEĊIŻJONI TAL-KUMITAT KONĠUNT TAŻ-ŻEE Nru 193/2026

tal-10 ta’ Lulju 2026

li temenda l-Anness I (Kwistjonijiet veterinarji u fitosanitarji) u l-Anness II (Regolamenti tekniċi, standards, testijiet u ċertifikazzjoni) tal-Ftehim ŻEE [2026/2434]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2026/765 tal-1 ta’ April 2026 dwar il-metodi ta’ kampjunar u analiżi, u dwar l-interpretazzjoni tar-riżultati għall-kontroll uffiċjali tar-residwi tal-pestiċidi fl-ikel u fl-għalf li joriġinaw mill-pjanti u mill-annimali u fuqhom, u li jħassar id-Direttiva 2002/63/KE (1) għandu jiġi inkorporat fil-Ftehim ŻEE.

(2)

Ir-Regolament ta’ Implimentazzjoni tal-Kummissjoni (UE) 2026/765 iħassar id-Direttiva tal-Kummissjoni 2002/63/KE (2), li hija inkorporata fil-Ftehim dwar iż-ŻEE u li konsegwentement għandha titħassar skont il-Ftehim dwar iż-ŻEE.

(3)

Din id-Deċiżjoni tikkonċerna l-leġiżlazzjoni dwar l-għalf u l-oġġetti tal-ikel. Il-leġiżlazzjoni dwar l-għalf u l-oġġetti tal-ikel ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli tibqa’ estiża għal-Liechtenstein, kif speċifikat fl-adattamenti settorjali tal-Anness I u fl-introduzzjoni tal-Kapitolu XII tal-Anness II tal-Ftehim ŻEE. Għalhekk, din id-Deċiżjoni ma tapplikax għal-Liechtenstein.

(4)

Għalhekk, jenħtieġ li l-Annessi I u II tal-Ftehim ŻEE jiġu emendati kif xieraq,

ADOTTA DIN ID-DEĊIŻJONI:

Artikolu 1

Il-punt li ġej jiddaħħal wara l-punt 31x (ir-Regolament ta’ Implimentazzjoni tal-Kummissjoni (UE) 2022/1646) tal-Anness I, il-Kapitolu II, tal-Ftehim ŻEE:

“31y.

32026 R 0765: Ir-Regolament ta’ Implimentazzjoni tal-Kummissjoni (UE) 2026/765 tal-1 ta’ April 2026 dwar il-metodi ta’ kampjunar u analiżi, u dwar l-interpretazzjoni tar-riżultati għall-kontroll uffiċjali tar-residwi tal-pestiċidi fl-ikel u fl-għalf li joriġinaw mill-pjanti u mill-annimali u fuqhom, u li jħassar id-Direttiva 2002/63/KE (ĠU L, 2026/765, 7.4.2026).”

Artikolu 2

Il-Kapitolu XII tal-Anness II tal-Ftehim ŻEE huwa emendat kif ġej:

1.

Il-punt li ġej jiddaħħal wara l-punt 54zzzzzt (ir-Regolament ta’ Implimentazzjoni tal-Kummissjoni Ir-Regolament (UE) 2022/1428):

“54zzzzzu.

32026 R 0765: Ir-Regolament ta’ Implimentazzjoni tal-Kummissjoni (UE) 2026/765 tal-1 ta’ April 2026 dwar il-metodi ta’ kampjunar u analiżi, u dwar l-interpretazzjoni tar-riżultati għall-kontroll uffiċjali tar-residwi tal-pestiċidi fl-ikel u fl-għalf li joriġinaw mill-pjanti u mill-annimali u fuqhom, u li jħassar id-Direttiva 2002/63/KE (ĠU L, 2026/765, 7.4.2026).”

2.

Jitħassar it-test tal-punt 54zz (id-Direttiva tal-Kummissjoni 2002/63/KE).

Artikolu 3

It-test tar-Regolament ta’ Implimentazzjoni (UE) 2026/765 bil-lingwa Iżlandiża u b’dik Norveġiża, li se jiġi ppubblikat fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 4

Din id-Deċiżjoni għandha tidħol fis-seħħ fil-11 ta’ Lulju 2026, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 5

Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.

Magħmul fi Brussell, fl-10 ta’ Lulju 2026.

Għall-Kumitat Konġunt taż-ŻEE

Il-President

Pascal SCHAFHAUSER


(1)   ĠU L, 2026/765, 7.4.2026, ELI: http://data.europa.eu/eli/reg_impl/2026/765/oj.

(2)   ĠU L 187, 16.7.2002, p. 30.

(*1)  Ma huwa indikat l-ebda rekwiżit kostituzzjonali.


ELI: http://data.europa.eu/eli/dec/2026/2434/oj

ISSN 1977-074X (electronic edition)