Deskrizzjoni tal-oġġetti

Klassifikazzjoni

(Kodiċi NM)

Raġunijiet

(1)

(2)

(3)

Oġġett li għandu jintuża f’konnessjoni ma’ sistemi ta’ infużjoni li jikkonsisti minn:

It-tliet tubi huma mqabbda ma’ xulxin bil-konnettur Y. It-tubu singolu, li jifforma l-fergħa t’isfel tal-“Y”, huwa mgħammar b’konnettur Luer Lock bi skorfina li ddur u tapp protettiv, filwaqt li kull wieħed miż-żewġ tubi fit-tarf ta’ fuq tal-“Y” huwa mgħammar bi clamp skorrevoli u konnettur Luer Lock b’valv unidirezzjonali integrat. It-tul totali tal-prodott huwa ta’ madwar 15 cm.

Il-konnetturi Luer Lock jintużaw biex iqabbdu l-oġġett ma’ tubi u/jew apparati oħra (eż. siringi) b’mod li tiġi evitata t-tnixxija.

L-oġġett huwa ddisinjat biex jintuża darba biss fil-faċilitajiet tal-kura tas-saħħa, fil-kura tad-dar, fil-kura outpatient u fit-trasport mediku (eż. fl-ambulanzi) f’konnessjoni mas-sistemi ta’ infużjoni għall-amministrazzjoni tal-likwidi.

Għal dan l-għan, it-tubu fil-fergħa t’isfel tal-“Y” huwa mqabbad man-naħa tal-aċċess tal-pazjent tas-sistema ta’ infużjoni permezz ta’ konnettur Luer Lock. Peress li hemm żewġ tubi, kull wieħed b’konnettur Luer Lock fin-naħa ta’ fuq tal-“Y” (influss), jistgħu jingħataw diversi dożi ta’ infużjoni fl-istess ħin meta jintuża l-prodott, mingħajr ma jkun hemm bżonn li tintmiss jew tinbidel in-naħa tal-aċċess tal-pazjent tas-sistema ta’ infużjoni. Il-valvi unidirezzjonali jiffurmaw ostaklu fiżiku (sistema magħluqa) u jipprevjenu l-kontaminazzjoni mikrobika. L-influss mit-tubi jista’ jiġi rregolat permezz tal-clamps skorrevoli mwaħħla mat-tubi fin-naħa ta’ fuq tal-“Y”.

L-oġġett huwa ppreżentat f’imballaġġ sterili uniku.

(Ara l-istampa) (*1)

3917 33 00

Il-klassifikazzjoni hija ddeterminata mir-regoli ġenerali 1, 3(b) u 6 għall-interpretazzjoni tan-Nomenklatura Magħquda, in-Nota 8 tal-Kapitolu 39 u bil-formulazzjoni tal-kodiċijiet NM 3917 u 3917 33 00.

Minkejja l-fatt li l-oġġett huwa ppreżentat f’pakketti sterili u jintuża għal sistemi ta’ infużjoni, abbażi tal-karatteristiċi oġġettivi tiegħu, ma jistax jiġi identifikat bħala użat biss jew prinċipalment ma’ sistemi bħal dawn. Għaldaqstant, il-klassifikazzjoni taħt l-intestatura 9018 bħala parti minn strument mediku skont it-tifsira tan-Nota 2 tal-Kapitolu 90 hija eskluża.

L-oġġett huwa oġġetti komposti li jikkonsistu minn komponenti differenti, jiġifieri (a) tubi tal-plastik interkonnessi flimkien b’konnetturi tal-plastik, (b) clamps u (c) valvi.

L-oġġett jinkorpora aktar mill-karatteristiċi aċċessorji għall-valvi (ara wkoll in-Noti ta’ Spjegazzjoni tas-Sistema Armonizzata (NSSA) tal-intestatura 8481, is-seba’ paragrafu). It-tubi tal-plastik interkonnessi bil-konnetturi għandhom ir-rwol essenzjali fir-rigward tal-użu tal-oġġett, li huwa l-amministrazzjoni ta’ likwidi. Huwa għalhekk dan il-komponent li jagħti lill-element sħiħ il-karattru essenzjali tiegħu u għandu jiġi kklassifikat skont dak il-komponent. Għaldaqstant, il-klassifikazzjoni taħt l-intestatura 8481 bħala valv jew apparat simili hija eskluża.

Peress li t-tubi tal-plastik huma kkombinati b’konnetturi tal-plastik, dawn għandhom jitqiesu bħala tubi tal-plastik b’fittings. Minħabba l-karatteristiċi u l-proprjetajiet oġġettivi tagħhom, it-tubi tal-plastik interkonnessi bil-konnetturi jissodisfaw it-termini tal-intestatura 3917 u jissodisfaw ir-rekwiżiti tan-Nota 8 tal-Kapitolu 39 (ara wkoll in-NSSA, Ġenerali tal-Kapitolu 39 u tal-intestatura 3917).

Għalhekk, l-oġġett għandu jiġi kklassifikat taħt il-kodiċi NM 3917 33 00 bħala tubi oħrajn tal-plastik, mhux rinfurzati jew b’xi mod ieħor ikkombinati ma’ materjali oħrajn, mingħajr fittings.