(1)

Is-sustanzi attivi aclonifen, amisulbrom, Bacillus amyloliquefaciens tar-razza MBI 600, beflubutamid, clomazone, ċjantraniliprol, cyprodinil, daminozide, dichlorprop-P, dimethachlor, fludioxsonil, formetanate, fosetyl, isofetammid, metalaxyl, metazachlor, penconazole, fenmedifam, pirimicarb, pyraclostrobin u aċidu S-abxissiku ġew approvati bħala sustanzi attivi għall-użu fil-prodotti għall-protezzjoni tal-pjanti għal perjodu limitat ta’ żmien u l-applikazzjonijiet għat-tiġdid tal-approvazzjonijiet tagħhom attwalment qed jiġu evalwati skont l-Artikolu 14 tar-Regolament (KE) Nru 1107/2009.

(2)

Id-Direttiva tal-Kummissjoni 2004/30/KE (2) inkludiet il-pyraclostrobin fl-Anness I tad-Direttiva tal-Kunsill 91/414/KEE (3) bħala sustanza attiva sal-31 ta’ Mejju 2014 u sussegwentement ġiet inkluża fil-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (4). L-approvazzjoni tal-pyraclostrobin ġiet estiża għaxar darbiet, l-iktar reċenti bir-Regolament ta’ Implimentazzjoni tal-Kummissjoni (UE) 2025/1489 (5) sal-15 ta’ Settembru 2026.

(3)

Id-Direttiva tal-Kummissjoni 2004/58/KE (6) inkludiet il-fenmedifam fl-Anness I tad-Direttiva 91/414/KEE bħala sustanza attiva sat-28 ta’ Frar 2015 u sussegwentement ġiet inkluża fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjoni tal-fenmedifam ġiet estiża disa’ darbiet, l-iktar reċenti bir-Regolament ta’ Implimentazzjoni tal-Kummissjoni (UE) 2025/99 (7) sat-30 ta’ Settembru 2026.

(4)

Id-Direttiva tal-Kummissjoni 2005/53/KE (8) inkludiet id-daminozide fl-Anness I tad-Direttiva 91/414/KEE bħala sustanza attiva sat-28 ta’ Frar 2016 u sussegwentement ġiet inkluża fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjoni tad-daminozide ġiet estiża disa’ darbiet, l-iktar reċenti bir-Regolament ta’ Implimentazzjoni (UE) 2025/1489 sal-15 ta’ Settembru 2026.

(5)

Id-Direttiva tal-Kummissjoni 2006/39/KE (9) inkludiet il-pirimicarb fl-Anness I tad-Direttiva 91/414/KEE bħala sustanza attiva sal-31 ta’ Jannar 2017 u sussegwentement ġiet inkluża fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjoni tal-pirimicarb ġiet estiża disa’ darbiet, l-iktar reċenti bir-Regolament ta’ Implimentazzjoni (UE) 2025/99 sal-31 ta’ Ottubru 2026.

(6)

Id-Direttiva tal-Kummissjoni 2006/64/KE (10) inkludiet is-cyprodinil u l-fosetyl fl-Anness I tad-Direttiva 91/414/KEE bħala sustanzi attivi sat-30 ta’ April 2017 u sussegwentement ġew inklużi fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjonijiet tas-cyprodinil u tal-fosetyl ġew estiżi tmien darbiet, l-iktar reċenti bir-Regolament ta’ Implimentazzjoni (UE) 2025/99 sal-31 ta’ Ottubru 2026.

(7)

Id-Direttiva tal-Kummissjoni 2006/74/KE (11) inkludiet id-dichlorprop-P fl-Anness I tad-Direttiva 91/414/KEE bħala sustanza attiva sal-31 ta’ Mejju 2017 u sussegwentement ġiet inkluża fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjoni tad-dichlorprop-P ġiet estiża tmien darbiet, l-iktar reċenti bir-Regolament ta’ Implimentazzjoni (UE) 2025/99 sal-31 ta’ Ottubru 2026.

(8)

Id-Direttiva tal-Kummissjoni 2007/5/KE (12) inkludiet il-formetanate fl-Anness I tad-Direttiva 91/414/KEE bħala sustanza attiva sat-30 ta’ Settembru 2017 u sussegwentement ġiet inkluża fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjoni tal-formetanate ġiet estiża tmien darbiet, l-iktar reċenti bir-Regolament ta’ Implimentazzjoni (UE) 2025/99 sat-30 ta’ Settembru 2026.

(9)

Id-Direttiva tal-Kummissjoni 2007/50/KE (13) inkludiet il-beflubutamid fl-Anness I tad-Direttiva 91/414/KEE bħala sustanza attiva sat-30 ta’ Novembru 2017 u sussegwentement ġiet inkluża fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjoni tal-beflubutamid ġiet estiża seba’ darbiet, l-iktar reċenti bir-Regolament ta’ Implimentazzjoni tal-Kummissjoni (UE) 2023/918 (14) sal-31 ta’ Ottubru 2026.

(10)

Id-Direttiva tal-Kummissjoni 2007/76/KE (15) inkludiet il-fludioxonil u l-clomazone fl-Anness I tad-Direttiva 91/414/KEE bħala sustanzi attivi sal-31 ta’ Ottubru 2018 u sussegwentement ġew inklużi fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjonijiet tal-fludioxonil u tal-clomazone ġew estiżi seba’ darbiet, l-iktar reċenti bir-Regolament ta’ Implimentazzjoni tal-Kummissjoni (UE) 2025/787 (16), it-tnejn sat-30 ta’ Settembru 2026.

(11)

Id-Direttiva tal-Kummissjoni 2008/116/KE (17) inkludiet l-aclonifen u l-metazachlor fl-Anness I tad-Direttiva 91/414/KEE bħala sustanzi attivi sal-31 ta’ Lulju 2019 u sussegwentement ġew inklużi fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjonijiet tal-aclonifen u tal-metazachlor ġew estiżi tliet darbiet u erba’ darbiet, rispettivament, l-iktar reċenti bir-Regolament ta’ Implimentazzjoni (UE) 2023/918, it-tnejn sal-31 ta’ Ottubru 2026.

(12)

Id-Direttiva tal-Kummissjoni 2009/77/KE (18) inkludiet id-dimethachlor u l-penconazole fl-Anness I tad-Direttiva 91/414/KEE bħala sustanzi attivi sal-31 ta’ Diċembru 2019 u sussegwentement ġew inklużi fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjonijiet tad-dimethachlor u tal-penconazole ġew estiżi erba’ darbiet, l-iktar reċenti bir-Regolament ta’ Implimentazzjoni tal-Kummissjoni (UE) 2023/2592 (19), it-tnejn sal-15 ta’ Ottubru 2026.

(13)

Id-Direttiva tal-Kummissjoni 2010/28/UE (20) inkludiet il-metalaxyl fl-Anness I tad-Direttiva 91/414/KEE bħala sustanza attiva sat-30 ta’ Ġunju 2020 u sussegwentement ġiet inkluża fil-Parti A tal-Anness tar-Regolament ta’ Implimentazzjoni (UE) Nru 540/2011. L-approvazzjoni tal-metalaxyl ġiet estiża darbtejn, l-iktar reċenti bir-Regolament ta’ Implimentazzjoni (UE) 2023/918 sat-30 ta’ Settembru 2026.

(14)

Ir-Regolament ta’ Implimentazzjoni tal-Kummissjoni (UE) Nru 151/2014 (21) approva s-sustanza attiva aċidu S-abxissiku sat-30 ta’ Ġunju 2024 u inkludieh fil-Parti B tal-Anness tar-Regolament ta’ Implimentazzjoni (UE) Nru 540/2011. L-approvazzjoni tal-aċidu S-abxissiku ġiet estiża darba bir-Regolament ta’ Implimentazzjoni tal-Kummissjoni (UE) 2024/1892 (22) sal-15 ta’ Settembru 2026.

(15)

Ir-Regolament ta’ Implimentazzjoni tal-Kummissjoni (UE) Nru 193/2014 (23) approva s-sustanza attiva amisulbrom sat-30 ta’ Ġunju 2024 u inkludieh fil-Parti B tal-Anness tar-Regolament ta’ Implimentazzjoni (UE) Nru 540/2011. L-approvazzjoni tal-amisulbrom ġiet estiża bir-Regolament ta’ Implimentazzjoni (UE) 2024/1892 sal-15 ta’ Settembru 2026.

(16)

Ir-Regolament ta’ Implimentazzjoni tal-Kummissjoni (UE) 2016/1414 (24) approva s-sustanza attiva ċjantraniliprol sal-14 ta’ Settembru 2026 u inkludieh fil-Parti B tal-Anness tar-Regolament (UE) Nru 540/2011.

(17)

Ir-Regolament ta’ Implimentazzjoni tal-Kummissjoni (UE) 2016/1425 (25) approva s-sustanza attiva isofetammid sal-15 ta’ Settembru 2026 u inkludieh fil-Parti B tal-Anness tar-Regolament ta’ Implimentazzjoni (UE) Nru 540/2011.

(18)

Ir-Regolament ta’ Implimentazzjoni tal-Kummissjoni (UE) 2016/1429 (26) approva s-sustanza attiva Bacillus amyloliquefaciens tar-razza MBI 600 sas-16 ta’ Settembru 2026 u inkludieh fil-Parti B tal-Anness tar-Regolament (UE) Nru 540/2011.

(19)

Peress li l-approvazzjonijiet ta’ dawn is-sustanzi attivi x’aktarx li jiskadu qabel ma jkunu ttieħdu deċiżjonijiet dwar it-tiġdid tagħhom bħala parti mill-proċeduri ta’ tiġdid li għaddejjin, il-Kummissjoni staqsiet lill-Istati Membri relaturi kkonċernati u lill-Awtorità Ewropea dwar is-Sigurtà fl-Ikel (l-“Awtorità”) dwar ir-raġunijiet għad-dewmien fil-proċeduri ta’ tiġdid ta’ dawn is-sustanzi attivi. Il-Kummissjoni staqsiet ukoll meta huwa mistenni li jiġu ffinalizzati l-abbozzi tar-rapporti ta’ valutazzjoni tat-tiġdid mill-Istati Membri relaturi jew il-konklużjonijiet tal-Awtorità.

(20)

L-informazzjoni disponibbli, inkluż dik ipprovduta mill-Istati Membri relaturi u mill-Awtorità, turi li r-raġunijiet għad-dewmien f’kull waħda minn dawn il-proċeduri ta’ tiġdid ma humiex fil-kontroll tal-applikanti.

(21)

Għalhekk, filwaqt li titqies in-natura temporanja u eċċezzjonali tal-mekkaniżmu għall-estensjoni tal-approvazzjonijiet, il-perjodi ta’ approvazzjoni ta’ dawk is-sustanzi attivi jenħtieġ li jiġu estiżi għall-perjodu vvalutat kif meħtieġ, f’kull każ speċifiku u abbażi tal-informazzjoni disponibbli fil-mument tal-adozzjoni ta’ dan ir-Regolament, biex jiġu ffinalizzati l-proċeduri rispettivi dwar it-tiġdid tal-approvazzjonijiet. Minħabba li l-valutazzjoni każ b’każ taż-żmien meħtieġ biex titlesta kull proċedura ta’ tiġdid hija bbażata fuq stimi, jenħtieġ li jitqies dan il-livell ta’ inċertezza.

(22)

L-applikazzjonijiet għat-tiġdid tal-approvazzjoni tas-sustanzi attivi aclonifen, beflubutamid, clomazone, cyprodinil, daminozide, dichlorprop-P, dimethachlor, fludioxsonil, formetanate, fosetyl, metalaxyl, metazachlor, penconazole, fenmedifam, pirimicarb u pyraclostrobin ġew sottomessi u qed jiġu evalwati f’konformità mar-Regolament ta’ Implimentazzjoni tal-Kummissjoni (UE) Nru 844/2012 (27).

(23)

L-applikazzjoni għat-tiġdid tal-approvazzjoni tas-sustanza attiva aclonifen ġiet sottomessa fit-12 ta’ Lulju 2016 u l-Istat Membru relatur informa lill-Istat Membru korelatur, lill-Kummissjoni u lill-Awtorità fid-19 ta’ Awwissu 2016 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) Nru 844/2012 u jistma li se jkun jista’ jissottometti l-abbozz tar-rapport ta’ valutazzjoni tat-tiġdid lill-Awtorità sal-aħħar ta’ Settembru 2026. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 29 xahar, sal-31 ta’ Marzu 2029.

(24)

L-applikazzjoni għat-tiġdid tal-approvazzjoni tas-sustanza attiva beflubutamid ġiet sottomessa fis-27 ta’ Novembru 2014 u l-Istat Membru relatur informa lill-Istat Membru korelatur, lill-Kummissjoni u lill-Awtorità fit-12 ta’ Diċembru 2019 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fl-10 ta’ Novembru 2023, l-Istat Membru relatur issottometta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwaru bejn is-16 ta’ Diċembru 2024 u l-14 ta’ Frar 2025. Fis-6 ta’ Ottubru 2025, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fl-5 ta’ Novembru 2025 qabel l-iskadenza mogħtija. Fis-17 ta’ Ġunju 2026, l-Istat Membru relatur ippreżenta l-abbozz rivedut tar-rapport ta’ valutazzjoni tat-tiġdid lill-Awtorità. Jekk ma tintalab l-ebda informazzjoni addizzjonali skont l-Artikolu 13(3a) tar-Regolament ta’ Implimentazzjoni (UE) Nru 844/2012, l-Awtorità tistma li se tkun tista’ tiffinalizza l-konklużjoni tagħha għall-beflubutamid sal-aħħar ta’ Marzu 2027, u peress li l-Kummissjoni se jkollha bżonn iż-żmien biex tadotta d-deċiżjonijiet sussegwenti dwar il-ġestjoni tar-riskju, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 21 xahar, sal-31 ta’ Lulju 2028.

(25)

Ġew ippreżentati żewġ applikazzjonijiet għat-tiġdid tal-approvazzjoni tas-sustanza attiva clomazone fit-30 ta’ Ottubru 2015 u l-Istat Membru relatur informa lill-Istat Membru korelatur, lill-Kummissjoni u lill-Awtorità fit-8 ta’ Frar 2016 li kien ivvaluta l-ammissibbiltà tal-applikazzjonijiet skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħhom, u kkonkluda li kienu ammissibbli. L-applikazzjonijiet ġew ippubblikati mill-Awtorità. Fit-12 ta’ Frar 2018, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwaru bejn it-8 ta’ Marzu u t-8 ta’ Mejju 2023. Fil-15 ta’ April 2019, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikanti ssottomettew dik l-informazzjoni fl-14 u fil-15 ta’ Mejju 2019, rispettivament, qabel l-iskadenza mogħtija. Fit-18 ta’ Frar 2020, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament tal-Kummissjoni (UE) 2018/605 (28), skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikanti ssottomettew dik l-informazzjoni fit-12 u fis-16 ta’ Awwissu, u fil-31 ta’ Ottubru 2022, rispettivament, qabel l-iskadenza mogħtija. L-Awtorità wettqet konsultazzjoni pubblika addizzjonali dwar l-abbozz aġġornat tar-rapport ta’ valutazzjoni tat-tiġdid bejn il-31 ta’ Ottubru 2023 u t-3 ta’ Jannar 2024. Fit-18 ta’ Diċembru 2024, l-Awtorità adottat il-konklużjoni tagħha u kkomunikatha lill-applikanti, lill-Istati Membri u lill-Kummissjoni; ġiet ippubblikata fil-21 ta’ Frar 2025. L-Awtorità ppubblikat verżjoni riveduta tal-konklużjoni fl-1 ta’ Settembru 2025 biex tiċċara l-kwistjonijiet relatati mal-lakuni fid-data identifikati. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva clomazone fil-Kumitat Permanenti dwar il-Pjanti, l-Annimali, l-Ikel u l-Għalf fil-11 ta’ Marzu 2025. Madankollu, minkejja l-konklużjoni riveduta, xi kwistjonijiet xjentifiċi pendenti li jikkonċernaw l-ispeċifikazzjoni teknika tas-sustanza attiva, il-miżuri effettivi ta’ mitigazzjoni tar-riskju, l-esponiment tal-bniedem u l-proprjetajiet ekotossikoloġiċi għad iridu jiġu ċċarati. Għalhekk, il-Kummissjoni qed tħejji mandat ġdid għall-Awtorità. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 15-il xahar, sal-31 ta’ Diċembru 2027.

(26)

L-applikazzjoni għat-tiġdid tal-approvazzjoni tas-sustanza attiva cyprodinil ġiet sottomessa fid-29 ta’ April 2014 u l-Istat Membru relatur informa lill-Istat Membru korelatur, lill-Kummissjoni u lill-Awtorità fl-1 ta’ Ottubru 2014 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fit-2 ta’ Ottubru 2017, l-Istat Membru relatur issottometta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwaru bejn is-16 ta’ Diċembru 2022 u l-14 ta’ Frar 2023. Fis-27 ta’ Marzu 2018, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fil-25 ta’ April 2018 qabel l-iskadenza mogħtija. Fis-7 ta’ Ġunju 2019, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fis-7 ta’ Diċembru 2021 qabel l-iskadenza mogħtija. Fit-18 ta’ Diċembru 2024, l-Awtorità adottat il-konklużjoni tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva cyprodinil fil-Kumitat Permanenti dwar il-Pjanti, l-Annimali, l-Ikel u l-Għalf fil-11 ta’ Marzu 2025. L-abbozz ta’ rapport ta’ tiġdid u l-abbozz ta’ Regolament ta’ Implimentazzjoni ġew diskussi fil-Kumitat Permanenti fl-10 ta’ Marzu 2026. Peress li hemm bżonn iktar żmien biex tingħata l-opinjoni ta’ dak il-Kumitat u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 9 xhur, sal-31 ta’ Lulju 2027.

(27)

L-applikazzjoni għat-tiġdid tal-approvazzjoni tas-sustanza attiva daminozide ġiet sottomessa fis-27 ta’ Frar 2013 u l-Istat Membru relatur informa lill-Istat Membru korelatur, lill-Kummissjoni u lill-Awtorità fil-15 ta’ April 2013 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fil-31 ta’ Ottubru 2018, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwar dan bejn l-14 ta’ Ġunju u l-14 ta’ Awwissu 2023. Fit-3 ta’ Jannar 2020, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fit-3 ta’ Frar 2020 qabel l-iskadenza mogħtija. Fit-18 ta’ Awwissu 2020, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fil-15 ta’ Frar 2023 qabel l-iskadenza mogħtija. Fit-18 ta’ Diċembru 2024, l-Awtorità adottat il-konklużjoni tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni bdiet diskussjonijiet preliminari dwar it-tiġdid tal-approvazzjoni tas-sustanza attiva daminozide fil-Kumitat Permanenti dwar il-Pjanti, l-Annimali, l-Ikel u l-Għalf fil-11 ta’ Marzu 2025, li matulhom ġew identifikati inċertezzi dwar l-esponiment mhux djetetiku, l-affidabbiltà tal-istudji tossikoloġiċi ewlenin u l-valutazzjoni tar-riskju għall-operaturi, għall-ħaddiema, għar-residenti u għall-persuni fil-qrib. Għalhekk, fit-18 ta’ Novembru 2025, il-Kummissjoni ppreżentat mandat lill-Awtorità biex tevalwa mill-ġdid, flimkien mal-Istat Membru relatur, xi informazzjoni disponibbli fl-applikazzjoni u biex taġġorna l-konklużjoni tagħha. L-Istat Membru relatur ressaq ir-rapport ta’ valutazzjoni tat-tiġdid aġġornat fi Frar 2026 lill-Awtorità, li hija mistennija taġġorna l-konklużjoni tagħha dwar id-daminozide sal-aħħar ta’ Novembru 2026. Peress li se jkun hemm bżonn iktar żmien biex tingħata opinjoni tal-Kumitat Permanenti u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 15-il xahar, sal-15 ta’ Diċembru 2027.

(28)

L-applikazzjoni għat-tiġdid tal-approvazzjoni tas-sustanza attiva dichlorprop-P ġiet sottomessa fid-29 ta’ Mejju 2014 u l-Istat Membru relatur informa lill-Istat Membru korelatur, lill-Kummissjoni u lill-Awtorità fis-27 ta’ Novembru 2015 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fis-16 ta’ Marzu 2017, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwar dan bejn it-28 ta’ April u t-28 ta’ Ġunju 2017. Fl-4 ta’ Ottubru 2017, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fit-3 ta’ Novembru 2017 qabel l-iskadenza mogħtija. Fis-16 ta’ Mejju 2018, l-Awtorità adottat il-konklużjoni tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet dwar it-tiġdid tal-approvazzjoni tas-sustanza attiva dichlorprop-P fil-Kumitat Permanenti dwar il-Pjanti, l-Annimali, l-Ikel u l-Għalf. Wara d-diskussjonijiet, fl-14 ta’ Jannar 2019, il-Kummissjoni ppreżentat mandat lill-Awtorità skont l-Artikolu 14(1a) tar-Regolament ta’ Implimentazzjoni (UE) Nru 844/2012 biex tivvaluta mill-ġdid jekk id-dichlorprop-P jissodisfax il-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605. Fid-9 ta’ Awwissu 2019, l-Awtorità talbet informazzjoni addizzjonali għall-finijiet tal-valutazzjoni mill-ġdid tal-kriterji tal-approvazzjoni skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fis-26 ta’ Jannar 2022 qabel l-iskadenza mogħtija. L-Awtorità wettqet konsultazzjoni pubblika addizzjonali dwar l-abbozz aġġornat tar-rapport ta’ valutazzjoni tat-tiġdid bejn l-4 ta’ Lulju u t-2 ta’ Settembru 2022. Fid-9 ta’ Frar 2024, l-Awtorità adottat il-konklużjoni aġġornata tagħha u kkomunikatha lill-applikant, lill-Istati Membri u lill-Kummissjoni. Fid-19 ta’ Diċembru 2025, l-Awtorità adottat konklużjoni aġġornata iktar u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva dichlorprop-P fil-Kumitat Permanenti dwar il-Pjanti, l-Annimali, l-Ikel u l-Għalf fl-10 ta’ Marzu 2026. Il-Kummissjoni qed tħejji abbozz ta’ Regolament ta’ Implimentazzjoni u abbozz ta’ rapport ta’ rieżami dwar it-tiġdid tal-approvazzjoni ta’ din is-sustanza attiva, li jridu jiġu ppreżentati lill-Kumitat Permanenti. Peress li hemm bżonn iktar żmien biex tingħata l-opinjoni ta’ dak il-Kumitat u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 12-il xahar, sal-31 ta’ Ottubru 2027.

(29)

L-applikazzjoni għat-tiġdid tal-approvazzjoni tas-sustanza attiva dimethachlor ġiet sottomessa fid-19 ta’ Diċembru 2016 u l-Istat Membru relatur informa lill-Istat Membru korelatur, lill-Kummissjoni u lill-Awtorità fl-20 ta’ Jannar 2017 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fl-4 ta’ Ottubru 2021, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwaru bejn it-22 ta’ Mejju u l-21 ta’ Lulju 2023. Fit-12 ta’ Ottubru 2023, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fl-10 ta’ Novembru 2023 qabel l-iskadenza mogħtija. Fit-12 ta’ Novembru 2024, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012, li trid tiġi sottomessa mill-applikant sat-12 ta’ Mejju 2027 u s-sottomissjoni hija pendenti. L-Awtorità tistma li se jkollha bżonn 120 jum wara li tirċievi l-abbozz rivedut tar-rapport ta’ valutazzjoni tat-tiġdid biex tlesti l-evalwazzjoni u tiffinalizza l-konklużjoni tagħha għad-dimethachlor, u peress li l-Kummissjoni se jkollha bżonn iż-żmien biex tadotta d-deċiżjonijiet tal-ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 29 xahar u 15-il jum, sal-31 ta’ Marzu 2029.

(30)

L-applikazzjoni għat-tiġdid tal-approvazzjoni tas-sustanza attiva fludioxonil ġiet sottomessa fis-26 ta’ Ottubru 2015 u l-Istat Membru relatur informa lill-Istat Membru korelatur, lill-Kummissjoni u lill-Awtorità fid-29 ta’ Marzu 2016 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fil-21 ta’ Frar 2018, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwar dan bejn it-13 ta’ Jannar u l-14 ta’ Marzu 2023. Fit-2 ta’ Mejju 2019, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fis-6 ta’ Ġunju 2019 qabel l-iskadenza mogħtija. Fl-4 ta’ Lulju 2019, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fl-20 ta’ Diċembru 2021 qabel l-iskadenza mogħtija. Fil-25 ta’ Settembru 2024, l-Awtorità adottat il-konklużjoni tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva fludioxonil fil-Kumitat Permanenti dwar il-Pjanti, l-Annimali, l-Ikel u l-Għalf fl-4 ta’ Diċembru 2024. Il-Kummissjoni qed tħejji abbozz ta’ Regolament ta’ Implimentazzjoni u abbozz ta’ rapport ta’ rieżami dwar it-tiġdid tal-approvazzjoni ta’ din is-sustanza attiva, li jridu jiġu ppreżentati lill-Kumitat Permanenti. Peress li hemm bżonn iktar żmien biex tingħata l-opinjoni ta’ dak il-Kumitat u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 12-il xahar, sat-30 ta’ Settembru 2027.

(31)

L-applikazzjoni għat-tiġdid tal-approvazzjoni tas-sustanza attiva formetanate ġiet sottomessa fid-29 ta’ Settembru 2014 u l-Istat Membru relatur informa lill-Istat Membru korelatur, lill-Kummissjoni u lill-Awtorità fit-13 ta’ Ottubru 2014 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fit-2 ta’ Ottubru 2017, l-Istat Membru relatur issottometta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwaru bejn is-17 ta’ Novembru 2022 u s-16 ta’ Jannar 2023. Fil-5 ta’ Novembru 2018, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fl-4 ta’ Diċembru 2018 qabel l-iskadenza mogħtija. Fit-12 ta’ Lulju 2019, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fl-10 ta’ Jannar 2022 qabel l-iskadenza mogħtija. Fit-12 ta’ Diċembru 2024, l-Awtorità adottat il-konklużjoni tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva formetanate fil-Kumitat Permanenti dwar il-Pjanti, l-Annimali, l-Ikel u l-Għalf fil-11 ta’ Marzu 2025. Il-Kummissjoni qed tħejji abbozz ta’ Regolament ta’ Implimentazzjoni u abbozz ta’ rapport ta’ rieżami dwar it-tiġdid tal-approvazzjoni ta’ din is-sustanza attiva, li jridu jiġu ppreżentati lill-Kumitat Permanenti. Peress li hemm bżonn iktar żmien biex tingħata l-opinjoni ta’ dak il-Kumitat u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 12-il xahar, sat-30 ta’ Settembru 2027.

(32)

Ġew ippreżentati ħames applikazzjonijiet għat-tiġdid tal-approvazzjoni tas-sustanza attiva fosetyl fil-15, fit-23, fil-25, fit-28 u fit-30 ta’ April 2014, rispettivament, u l-Istat Membru relatur informa lill-Istat Membru korelatur, lill-Kummissjoni u lill-Awtorità fis-16 ta’ Diċembru 2015 li kien ivvaluta l-ammissibbiltà tal-applikazzjonijiet skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħhom, u kkonkluda li kienu ammissibbli. L-applikazzjonijiet ġew ippubblikati mill-Awtorità. Fl-1 ta’ April 2017, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwar dan bejn it-12 ta’ Lulju u l-11 ta’ Settembru 2017. Fis-27 ta’ Ottubru 2017, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikanti ssottomettew dik l-informazzjoni fl-20, fil-21 u fl-24 ta’ Novembru 2017, rispettivament, qabel l-iskadenza mogħtija. Fl-24 ta’ Mejju 2018, l-Awtorità adottat il-konklużjoni tagħha u kkomunikatha lill-applikanti, lill-Istati Membri u lill-Kummissjoni. Il-Kummissjoni nediet diskussjonijiet dwar it-tiġdid tal-approvazzjoni tas-sustanza attiva fosetyl fil-Kumitat Permanenti dwar il-Pjanti, l-Annimali, l-Ikel u l-Għalf. Wara d-diskussjonijiet, fis-7 ta’ Ottubru 2019 il-Kummissjoni ppreżentat mandat lill-Awtorità skont l-Artikolu 14(1a) tar-Regolament ta’ Implimentazzjoni (UE) Nru 844/2012 biex tivvaluta mill-ġdid jekk il-fosetyl jissodisfax il-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605. Fil-15 ta’ Ġunju 2020, l-Awtorità talbet informazzjoni addizzjonali għall-finijiet tal-valutazzjoni mill-ġdid tal-kriterji tal-approvazzjoni skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikanti ssottomettew dik l-informazzjoni fid-9 u fit-13 ta’ Diċembru 2022, rispettivament, qabel l-iskadenza mogħtija. L-Awtorità wettqet konsultazzjoni pubblika addizzjonali dwar l-abbozz aġġornat tar-rapport ta’ valutazzjoni tat-tiġdid bejn it-8 ta’ Frar u t-8 ta’ April 2024. Fit-13 ta’ Ġunju 2025, l-Awtorità adottat il-konklużjoni aġġornata tagħha u kkomunikatha lill-applikanti, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva fosetyl fil-Kumitat Permanenti dwar il-Pjanti, l-Annimali, l-Ikel u l-Għalf fl-10 ta’ Diċembru 2025, li matulhom ġew identifikati xi inċertezzi rigward il-koformulanti preżenti. Għalhekk, fit-22 ta’ April 2026, il-Kummissjoni ppreżentat mandat lill-Awtorità biex tevalwa mill-ġdid, flimkien mal-Istat Membru relatur, xi informazzjoni disponibbli fl-applikazzjoni u biex taġġorna l-konklużjoni tagħha, mistennija sal-aħħar ta’ April 2027. Peress li hemm bżonn iktar żmien biex tingħata l-opinjoni ta’ dak il-Kumitat u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 15-il xahar, sal-31 ta’ Jannar 2028.

(33)

L-applikazzjoni għat-tiġdid tal-approvazzjoni tas-sustanza attiva metalaxyl ġiet sottomessa fid-29 ta’ Ġunju 2017 u l-Istat Membru relatur informa lill-Istat Membru korelatur, lill-Kummissjoni u lill-Awtorità fit-13 ta’ Novembru 2017 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) Nru 844/2012 u jistma li se jkun jista’ jissottometti l-abbozz tar-rapport ta’ valutazzjoni tat-tiġdid lill-Awtorità sal-aħħar ta’ Jannar 2027. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 33 xahar, sat-30 ta’ Ġunju 2029.

(34)

Ġew ippreżentati tliet applikazzjonijiet għat-tiġdid tal-approvazzjoni tas-sustanza attiva metazachlor fil-25, fis-26 u fis-27 ta’ Lulju 2016, rispettivament, u l-Istat Membru relatur informa lill-Istat Membru korelatur, lill-Kummissjoni u lill-Awtorità fis-27 ta’ Ottubru 2016 li kien ivvaluta l-ammissibbiltà tal-applikazzjonijiet skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħhom, u kkonkluda li kienu ammissibbli. L-applikazzjonijiet ġew ippubblikati mill-Awtorità. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) Nru 844/2012 u jistma li se jkun jista’ jissottometti l-abbozz tar-rapport ta’ valutazzjoni tat-tiġdid lill-Awtorità sal-aħħar ta’ Diċembru 2026. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 31 xahar, sal-31 ta’ Mejju 2029.

(35)

Ġew ippreżentati żewġ applikazzjonijiet għat-tiġdid tal-approvazzjoni tas-sustanza attiva penconazole fil-21 u fid-29 ta’ Diċembru 2016, rispettivament, u l-Istat Membru relatur informa lill-Istat Membru korelatur, lill-Kummissjoni u lill-Awtorità fis-17 ta’ Jannar 2017 li kien ivvaluta l-ammissibbiltà tal-applikazzjonijiet skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħhom, u kkonkluda li kienu ammissibbli. L-applikazzjonijiet ġew ippubblikati mill-Awtorità. Fid-19 ta’ Novembru 2021, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwaru bejn it-22 ta’ Awwissu u l-21 ta’ Ottubru 2022. Fid-9 ta’ Frar 2023, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikanti ssottomettew dik l-informazzjoni fis-6 u fit-13 ta’ Marzu 2023, rispettivament, qabel l-iskadenza mogħtija. Fit-28 ta’ Lulju 2025, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012, li trid tiġi sottomessa mill-applikanti sas-27 ta’ Marzu 2027 u s-sottomissjoni hija pendenti. Peress li l-Awtorità tistma li se jkollha bżonn 120 jum wara li tirċievi l-abbozz rivedut tar-rapport ta’ valutazzjoni tat-tiġdid biex tlesti l-evalwazzjoni u tiffinalizza l-konklużjoni tagħha għad-penconazole, u peress li l-Kummissjoni se jkollha bżonn iż-żmien biex tadotta d-deċiżjonijiet tal-ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 28 xahar, sal-15 ta’ Frar 2029.

(36)

L-applikazzjoni għat-tiġdid tal-approvazzjoni tas-sustanza attiva fenmedifam ġiet sottomessa fit-28 ta’ Lulju 2014 u l-Istat Membru relatur informa lill-Istat Membru korelatur, lill-Kummissjoni u lill-Awtorità fit-12 ta’ Mejju 2015 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fil-15 ta’ Diċembru 2016, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwar dan bejn l-20 ta’ Frar u t-22 ta’ April 2017. Fis-26 ta’ Ġunju 2017, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fil-25 ta’ Lulju 2017 qabel l-iskadenza mogħtija. Fil-31 ta’ Jannar 2018, l-Awtorità adottat il-konklużjoni tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet dwar it-tiġdid tal-approvazzjoni tas-sustanza attiva fenmedifam fil-Kumitat Permanenti dwar il-Pjanti, l-Annimali, l-Ikel u l-Għalf. Wara d-diskussjonijiet, fl-14 ta’ Jannar 2019, il-Kummissjoni ppreżentat mandat lill-Awtorità skont l-Artikolu 14(1a) tar-Regolament ta’ Implimentazzjoni (UE) Nru 844/2012 biex tivvaluta mill-ġdid jekk il-fenmedifam jissodisfax il-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605. Fid-9 ta’ Awwissu 2019, l-Awtorità talbet informazzjoni addizzjonali għall-finijiet tal-valutazzjoni mill-ġdid tal-kriterji tal-approvazzjoni skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fl-14 ta’ Frar 2022 qabel l-iskadenza mogħtija. L-Awtorità wettqet konsultazzjoni pubblika addizzjonali dwar l-abbozz aġġornat tar-rapport ta’ valutazzjoni tat-tiġdid bejn it-8 ta’ Ġunju u t-8 ta’ Awwissu 2022. Fit-30 ta’ Settembru 2025, l-Awtorità adottat il-konklużjoni aġġornata tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva fenmedifam fil-Kumitat Permanenti dwar il-Pjanti, l-Annimali, l-Ikel u l-Għalf fl-10 ta’ Diċembru 2025. Il-Kummissjoni qed tħejji abbozz ta’ Regolament ta’ Implimentazzjoni u abbozz ta’ rapport ta’ rieżami dwar it-tiġdid tal-approvazzjoni ta’ din is-sustanza attiva, li jridu jiġu ppreżentati lill-Kumitat Permanenti. Peress li hemm bżonn iktar żmien biex tingħata l-opinjoni ta’ dak il-Kumitat u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 12-il xahar, sat-30 ta’ Settembru 2027.

(37)

L-applikazzjoni għat-tiġdid tal-approvazzjoni tas-sustanza attiva pirimicarb ġiet sottomessa fl-20 ta’ Jannar 2014 u l-Istat Membru relatur informa lill-Istat Membru korelatur, lill-Kummissjoni u lill-Awtorità fl-14 ta’ Frar 2014 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fl-4 ta’ Diċembru 2017, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwar dan bejn l-14 ta’ Lulju u l-15 ta’ Settembru 2023. Fis-17 ta’ Lulju 2018, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fis-16 u fit-22 ta’ Awwissu 2018 qabel l-iskadenza mogħtija. Fit-13 ta’ Jannar 2020, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament tal-Kummissjoni (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fit-8 ta’ Lulju 2022 qabel l-iskadenza mogħtija. Fil-25 ta’ Settembru 2024, l-Awtorità adottat il-konklużjoni tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva pirimicarb fil-Kumitat Permanenti dwar il-Pjanti, l-Annimali, l-Ikel u l-Għalf fl-4 ta’ Diċembru 2024. L-abbozz ta’ rapport ta’ tiġdid u l-abbozz ta’ Regolament ta’ Implimentazzjoni rigward it-tiġdid tal-approvazzjoni tal-pirimicarb ġew diskussi fil-Kumitat Permanenti fl-10 ta’ Marzu 2026. Peress li hemm bżonn iktar żmien biex tingħata l-opinjoni ta’ dak il-Kumitat u biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 9 xhur, sal-31 ta’ Lulju 2027.

(38)

L-applikazzjoni għat-tiġdid tal-approvazzjoni tas-sustanza attiva pyraclostrobin ġiet sottomessa fl-24 ta’ Jannar 2014 u l-Istat Membru relatur informa lill-Istat Membru korelatur, lill-Kummissjoni u lill-Awtorità fis-7 ta’ Marzu 2014 li kien ivvaluta l-ammissibbiltà tal-applikazzjoni skont l-Artikolu 3 tar-Regolament ta’ Implimentazzjoni (UE) Nru 844/2012, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità. Fid-19 ta’ Frar 2018, l-Istat Membru relatur ippreżenta l-abbozz tar-rapport ta’ valutazzjoni tat-tiġdid lill-Awtorità, li wettqet konsultazzjoni pubblika dwar dan bejn l-20 ta’ Lulju u t-18 ta’ Settembru 2022. Fl-14 ta’ Mejju 2019, l-Awtorità talbet informazzjoni addizzjonali għall-finijiet tal-valutazzjoni tat-tiġdid skont l-Artikolu 13(3) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fis-17 ta’ Ġunju 2019 qabel l-iskadenza mogħtija. Fid-19 ta’ Frar 2020, l-Awtorità talbet informazzjoni addizzjonali għall-finijiet tal-valutazzjoni tal-kriterji tal-approvazzjoni dwar il-proprjetajiet li jfixklu s-sistema endokrinali stabbiliti fil-punti 3.6.5 u 3.8.2 tal-Anness II tar-Regolament (KE) Nru 1107/2009, kif emendat bir-Regolament (UE) 2018/605, skont l-Artikolu 13(3a) tar-Regolament ta’ Implimentazzjoni (UE) Nru 844/2012 u l-applikant issottometta dik l-informazzjoni fit-13 ta’ Diċembru 2021 qabel l-iskadenza mogħtija. Fit-28 ta’ Jannar 2026, l-Awtorità adottat il-konklużjoni aġġornata tagħha u kkomunikatha lill-applikant, lill-Istati Membri u lill-Kummissjoni. Il-Kummissjoni nediet diskussjonijiet preliminari dwar it-tiġdid tal-approvazzjoni tas-sustanza attiva pyraclostrobin fil-Kumitat Permanenti dwar il-Pjanti, l-Annimali, l-Ikel u l-Għalf fl-10 ta’ Marzu 2026. L-abbozz ta’ rapport ta’ tiġdid u l-abbozz ta’ Regolament ta’ Implimentazzjoni ġew diskussi fil-Kumitat Permanenti fl-4 ta’ Mejju 2026. Il-Kumitat Permanenti vvota favur il-proposta tal-Kummissjoni għat-tiġdid tal-approvazzjoni tal-piraclostrobin fit-30 ta’ Ġunju 2026. Peress li hemm bżonn iktar żmien biex biex il-Kummissjoni tadotta d-deċiżjonijiet ta’ ġestjoni tar-riskju li jsegwu, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 3 xhur, sal-15 ta’ Diċembru 2026.

(39)

Għas-sustanzi attivi aclonifen, beflubutamid, metalaxyl u metazachlor, l-Awtorità, f’konsultazzjoni mal-Istati Membri, xorta tista’ titlob informazzjoni addizzjonali mingħand l-applikanti skont l-Artikolu 13(3a) tar-Regolament ta’ Implimentazzjoni (UE) Nru 844/2012, jekk tqis li dan ikun meħtieġ biex jiġu vvalutati l-proprjetajiet li jfixklu s-sistema endokrinali ta’ dawn is-sustanzi attivi. Il-perjodi ta’ estensjoni proposti għal dawn is-sustanzi attivi ma jinkludu l-ebda żmien addizzjonali li jista’ jkun meħtieġ biex tiġi pprovduta u evalwata dik l-informazzjoni.

(40)

Ġew ippreżentati applikazzjonijiet għat-tiġdid rispettiv tal-approvazzjoni tas-sustanzi attivi amisulbrom, Bacillus amyloliquefaciens tar-razza MBI 600, ċjantraniliprol, isofetammid u aċidu S-abxissiku u qed jiġu evalwati f’konformità mar-Regolament ta’ Implimentazzjoni tal-Kummissjoni (UE) 2020/1740 (29).

(41)

L-applikazzjoni għat-tiġdid tal-approvazzjoni tas-sustanza attiva amisulbrom ġiet sottomessa fit-28 ta’ Settembru 2021 u l-Istat Membru relatur informa lill-Istat Membru korelatur, lill-Kummissjoni u lill-Awtorità fit-28 ta’ April 2023 li kien ivvaluta l-ammissibbiltà tal-applikazzjoni skont l-Artikolu 8 tar-Regolament ta’ Implimentazzjoni (UE) 2020/1740, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità, li wettqet konsultazzjoni pubblika dwarha bejn il-15 ta’ Frar u l-15 ta’ April 2024, skont l-Artikolu 10 tar-Regolament ta’ Implimentazzjoni (UE) 2020/1740. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) 2020/1740 u ma setax jipprovdi l-istimi dwar meta se jkun jista’ jissottometti l-abbozz tar-rapport ta’ valutazzjoni tat-tiġdid lill-Kummissjoni u lill-Awtorità. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 42 xahar, sal-15 ta’ Marzu 2030.

(42)

L-applikazzjoni għat-tiġdid tal-approvazzjoni tas-sustanza attiva Bacillus amyloliquefaciens tar-razza MBI 600 ġiet ippreżentata fit-12 ta’ Settembru 2023 u l-Istat Membru relatur għadu ma vvalutax l-ammissibbiltà skont l-Artikolu 8 tar-Regolament ta’ Implimentazzjoni (UE) 2020/1740. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) 2020/1740 u jistma li se jkun jista’ jissottometti l-abbozz tar-rapport ta’ valutazzjoni tat-tiġdid lill-Kummissjoni u lill-Awtorità sal-aħħar ta’ Ġunju 2027. Peress li hemm bżonn ta’ aktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu ta’ approvazzjoni jenħtieġ li tiġi stabbilita għal 38 xahar u 15-il jum, sal-1 ta’ Diċembru 2029.

(43)

L-applikazzjoni għat-tiġdid tal-approvazzjoni tas-sustanza attiva ċjantraniliprol ġiet sottomessa fit-8 ta’ Settembru 2023 u l-Istat Membru relatur informa lill-Istat Membru korelatur, lill-Kummissjoni u lill-Awtorità fit-28 ta’ Frar 2024 li kien ivvaluta l-ammissibbiltà skont l-Artikolu 8 tar-Regolament ta’ Implimentazzjoni (UE) 2020/1740, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità, li wettqet konsultazzjoni pubblika dwarha bejn is-26 ta’ Ġunju u l-25 ta’ Lulju 2024, skont l-Artikolu 10 tar-Regolament ta’ Implimentazzjoni (UE) 2020/1740. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) 2020/1740 u jistma li se jkun jista’ jissottometti l-abbozz tar-rapport ta’ valutazzjoni tat-tiġdid lill-Kummissjoni u lill-Awtorità f’Diċembru 2027. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 42 xahar, sal-14 ta’ Marzu 2030.

(44)

L-applikazzjoni għat-tiġdid tal-approvazzjoni tas-sustanza attiva isofetammid ġiet ippreżentata fit-18 ta’ Settembru 2023 u l-Istat Membru relatur għadu ma vvalutax l-ammissibbiltà skont l-Artikolu 8 tar-Regolament ta’ Implimentazzjoni (UE) 2020/1740. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) 2020/1740 u ma setax jipprovdi l-istimi dwar meta se jkun jista’ jissottometti l-abbozz tar-rapport ta’ valutazzjoni tat-tiġdid lill-Kummissjoni u lill-Awtorità. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 42 xahar, sal-15 ta’ Marzu 2030.

(45)

L-applikazzjoni għat-tiġdid tal-approvazzjoni tas-sustanza attiva aċidu S-abxissiku ġiet sottomessa fid-29 ta’ Settembru 2021 u l-Istat Membru relatur informa lill-Istat Membru korelatur, lill-Kummissjoni u lill-Awtorità fil-11 ta’ April 2022 li kien ivvaluta l-ammissibbiltà skont l-Artikolu 8 tar-Regolament ta’ Implimentazzjoni (UE) 2020/1740, u b’mod partikolari l-kompletezza u l-puntwalità tagħha, u kkonkluda li kienet ammissibbli. L-applikazzjoni ġiet ippubblikata mill-Awtorità, li wettqet konsultazzjoni pubblika dwarha bejn l-24 ta’ Ottubru u t-22 ta’ Diċembru 2023, skont l-Artikolu 10 tar-Regolament ta’ Implimentazzjoni (UE) 2020/1740. L-Istat Membru relatur ma ffinalizzax il-valutazzjonijiet tar-riskju skont l-Artikolu 11 tar-Regolament ta’ Implimentazzjoni (UE) 2020/1740 u jistma li se jkun jista’ jissottometti l-abbozz tar-rapport ta’ valutazzjoni tat-tiġdid lill-Kummissjoni u lill-Awtorità sal-aħħar ta’ Diċembru 2026. Peress li hemm bżonn iktar żmien biex jitlestew il-passi li fadal fil-proċedura ta’ tiġdid, id-durata tal-estensjoni tal-perjodu tal-approvazzjoni jenħtieġ li tiġi stabbilita għal 31 xahar, sal-15 ta’ April 2029.

(46)

Għaldaqstant, jenħtieġ li r-Regolament ta’ Implimentazzjoni (UE) Nru 540/2011 jiġi emendat kif xieraq.

(47)

F’każ li l-Kummissjoni tadotta Regolament li jipprevedi li l-approvazzjoni ta’ sustanza attiva elenkata fl-Anness ta’ dan ir-Regolament ma tiġġeddidx, il-Kummissjoni jenħtieġ li tistabbilixxi d-data tal-iskadenza għall-approvazzjoni ta’ din is-sustanza attiva fid-data tad-dħul fis-seħħ ta’ dak ir-Regolament jew fl-istess data prevista qabel l-adozzjoni ta’ dan ir-Regolament, skont liema data tiġi l-aħħar. F’każ li l-Kummissjoni tadotta Regolament li jipprevedi t-tiġdid tal-approvazzjoni ta’ sustanza attiva msemmija fl-Anness ta’ dan ir-Regolament, il-Kummissjoni jenħtieġ li tistabbilixxi, kif ikun xieraq skont iċ-ċirkostanzi, l-eqreb data tal-applikazzjoni possibbli.

(48)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,