(1)

Is-settur agrikolu, b’mod partikolari l-bdiewa, li jiżguraw is-sigurtà tal-ikel, qiegħed jiffaċċa firxa ta’ sfidi. Il-pandemija tal-COVID-19, l-instabbiltà dejjem akbar fil-kummerċ dinji, l-eventi ta’ temp dejjem aktar estrem u l-gwerra ta’ aggressjoni tar-Russja li għaddejja bħalissa kontra l-Ukrajna wasslu għal żieda bla preċedent fil-kostijiet tar-riżorsi agrikoli meħtieġa relatati mal-enerġija u għal perjodu twil ta’ inflazzjoni għolja, li affettwaw l-ispejjeż tal-bdiewa u l-prezzijiet tal-ikel. B’mod parallel, il-bdiewa għadhom qed jagħmlu sforzi biex jiżguraw li l-produzzjoni tagħhom hija aktar sostenibbli mill-aspett ambjentali. Ħafna klijenti, li diġa’ qed iħabbtu wiċċhom ma’ żieda fl-għoli tal-ħajja, qed jixtru u jikkunsmaw dejjem aktar prodotti tal-ikel li huma inqas għaljin. Dawk il-fatturi kollha komplew jiddestabbilizzaw il-mod li l-valur miżjud huwa distribwit tul il-katina tal-provvista tal-ikel u żiedu l-livell ta’ inċertezza li fih joperaw il-bdiewa, b’mod partikolari l-bdiewa b’azjendi agrikoli żgħar jew ta’ daqs medju, li rriżultaw fi protesti u sfiduċja. Għalhekk huwa xieraq li jiġu adottati miżuri biex jiġu indirizzati dawk l-isfidi sabiex jiġu restawrati l-ġustizzja u l-fiduċja tal-atturi fil-katina tal-provvista tal-ikel, biex tissaħħaħ il-pożizzjoni tal-bdiewa u titjieb is-saħħa ta’ negozjar tagħhom, inkluż permezz ta’ organizzazzjonijiet tal-produtturi u kooperattivi bħala ħallieqa ta’ valur miżjud, kif ukoll biex jiġi protett l-introjtu tal-bdiewa u tiżdied il-fiduċja taż-żgħażagħ fil-professjoni tal-biedja.

(2)

Meta jiġu żviluppati standards tal-kummerċjalizzazzjoni li jikkonċernaw l-indikazzjoni tal-post tal-biedja u/jew tal-oriġini, jenħtieġ li tingħata attenzjoni partikolari lill-kuntest speċifiku ta’ kull prodott u settur. Jenħtieġ li dawk l-indikazzjonijiet jiġu ddeterminati fid-dawl tal-ħtieġa li jintlaħqu aħjar l-aspettattivi tat-trasparenza, inkluż permezz tat-tikkettar tal-pajjiż ta’ oriġini f’konformità mar-regoli tas-suq intern, ir-rilevanza tagħhom għall-konsumaturi u l-istruttura tal-katina tal-provvista, filwaqt li jitqiesu l-implikazzjonijiet prattiċi għall-operaturi u l-ħtieġa li tiġi evitata kumplessità bla bżonn.

(3)

Diversi operaturi fil-katina tal-provvista agroalimentari, li huma attivi fi stadji differenti tal-produzzjoni, l-ipproċessar, il-kummerċjalizzazzjoni, id-distribuzzjoni u l-bejgħ bl-imnut, żviluppaw skemi u tikketti biex jippromwovu modalitajiet kummerċjali li jiżguraw l-allokazzjoni ġusta tal-valur miżjud lill-bdiewa u l-ħolqien u ż-żamma ta’ ktajjen tal-provvista qosra. L-istabbiliment ta’ rekwiżiti minimi għall-użu ta’ termini fakultattivi li jiddeskrivu dawk il-modalitajiet kummerċjali huwa meħtieġ biex jiżdiedu t-trasparenza u l-affidabbiltà tal-użu ta’ dawk it-termini fil-katina tal-provvista tal-ikel, u b’hekk jiġu kkomplementati r-regoli eżistenti dwar it-tikkettar tal-ikel, b’mod partikolari dawk fir-Regolament (UE) Nru 1169/2011 tal-Parlament Ewropew u tal-Kunsill (4).

(4)

Fl-interess taż-żieda fil-fiduċja u tal-ekwità tul il-katina tal-provvista tal-ikel, it-termini “ġust”, “ekwu”, u t-termini li għandhom tifsira ekwivalenti għal dawk it-termini, jenħtieġ li jintużaw biss biex jiġu indikati modalitajiet kummerċjali li jiżguraw l-istabbiltà u t-trasparenza fir-relazzjonijiet kummerċjali bejn il-bdiewa u x-xerrejja u l-ipprezzar li huwa kkunsidrat ekwu u remunerattiv mill-bdiewa parteċipanti, u li jappoġġaw u jikkontribwixxu għall-Għanijiet ta’ Żvilupp Sostenibbli tan-Nazzjonijiet Uniti, inkluż b’mod li jkun konsistenti mal-Anness I tad-Direttiva (UE) 2024/1760 tal-Parlament Ewropew u tal-Kunsill (5).

(5)

Jenħtieġ li t-terminu “katina tal-provvista qasira” jintuża biss biex jindika modalitajiet kummerċjali fejn teżisti rabta diretta bejn il-bdiewa u l-konsumaturi li tippermetti skambji diretti ta’ informazzjoni fil-proċess tal-produzzjoni u l-prodott, inkluż permezz ta’ komunikazzjoni mill-bogħod u/jew permezz ta’ intermedjarju fil-katina tal-provvista, u li l-konsumaturi jkunu jistgħu jidentifikaw faċilment l-azjendi tal-bdiewa parteċipanti fejn tkun ġiet prodotta l-materja prima. Inkella, dak it-terminu jista’ jintuża ukoll fejn tkun teżisti rabta mill-qrib bejn il-bdiewa u l-konsumaturi fil-prossimità ġeografika tagħhom, inkluż f’kuntesti transfruntieri. Jenħtieġ li l-prossimità ġeografika tinftiehem, fost l-oħrajn, bħala distanza qasira jew ħin tal-ivvjaġġar qasir li tqis l-ispeċifiċitajiet ġeografiċi u demografiċi tal-Istati Membri. Tali użu tat-terminu “katina tal-provvista qasira” ser jinċentiva lill-konsumaturi biex iħallsu prezzijiet li jirremuneraw b’mod ġust lill-bdiewa għal dak li jipproduċu, isaħħaħ żoni rurali u jikkontribwixxi għall-iżvilupp u r-rivitalizzazzjoni ta’ dawk iż-żoni u jtejjeb it-trasparenza fir-rigward tal-oriġini u l-metodi ta’ produzzjoni tal-prodotti. Jenħtieġ li dan japplika għall-prodotti magħmula jew imqiegħda fis-suq intern.

(6)

Sabiex jirriflettu aħjar il-kundizzjonijiet tas-suq, l-aspettattivi li qed jevolvu tal-konsumaturi u l-avvanzi kemm fl-istandards tal-kummerċjalizzazzjoni kif ukoll fl-istandards internazzjonali rilevanti, jenħtieġ li s-setgħa li jiġu adottati atti f’konformità mal-Artikolu 290 tat-Trattat dwar il-Funzjonament tal-Unjoni Ewropea (TFUE) tiġi ddelegata lill-Kummissjoni fir-rigward tal-emendar tar-Regolament (UE) Nru 1308/2013 tal-Parlament Ewropew u tal-Kunsill (6) billi jiżdied termini fakultattivi addizzjonali li huma ekwivalenti għat-terminu “ġust” jew “ekwu”, u li jispeċifikaw il-kundizzjonijiet għall-użu tat-termini fakultattivi li jindikaw modalitajiet kummerċjali relatati mal-allokazzjoni ġusta tal-valur miżjud lill-bdiewa u l-ħolqien u ż-żamma ta’ ktajjen tal-provvista qosra, filwaqt li jitqiesu kwalunkwe standard internazzjonali rilevanti u skemi tal-kwalità relatati. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol ta’ tħejjija tagħha, li jinkludi dak fil-livell ta’ esperti, u li dawk il-konsultazzjonijiet jitwettqu f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (7). B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(7)

Filwaqt li l-Istati Membri jistgħu jżommu jew jintroduċu liġi nazzjonali li tistabbilixxi rekwiżiti supplimentari għall-użu ta’ termini fakultattivi għal modalitajiet kummerċjali, jenħtieġ li dik il-liġi la tfixkel, la tillimita u lanqas tostakola l-użu ta’ dawk it-termini għal prodotti magħmula legalment jew ikkummerċjalizzati legalment fi Stat Membru ieħor.

(8)

L-użu ta’ kuntratti bil-miktub jaqdi rwol kruċjali fl-irfigħ tar-responsabbiltà tal-operaturi, iżid il-konsapevolezza dwar l-importanza tas-sinjali tas-suq, jgħin biex jadatta l-provvista għad-domanda, itejjeb it-trażmissjoni tal-prezzijiet fil-katina tal-provvista, isaħħaħ it-trasparenza u jipprevjeni u jindirizza prattiki kummerċjali inġusti. Għalhekk, jenħtieġ li r-regoli dwar ir-relazzjonijiet kuntrattwali fis-settur tal-ħalib u tal-prodotti tal-ħalib jiġu estiżi biex ikopru prodotti għajr il-ħalib mhux ipproċessat, filwaqt li jiġi żgurat l-allinjament mar-regoli dwar ir-relazzjonijiet kuntrattwali applikabbli għal setturi agrikoli oħra. Madankollu, jenħtieġ li dan ir-Regolament jippermetti lill-Istati Membri jeżentaw lill-operaturi mill-obbligu li jinkludu indikaturi, indiċijiet jew metodi ta’ kalkolu tal-prezz finali jew klawżola ta’ reviżjoni fil-kuntratti bil-miktub tagħhom, wara li jikkonsultaw lir-rappreżentanti rilevanti tal-bdiewa jew tal-organizzazzjonijiet interprofessjonali rilevanti, dment li l-effetti tal-prevedibbiltà, tat-trasparenza u tat-trażmissjoni tal-prezzijiet ikunu jistgħu jinkisbu b’mezzi oħra jew li l-obbligu li jiġu inklużi dawn l-elementi ma jkunx xieraq jew proporzjonat għal raġunijiet ġustifikati oħra.

(9)

Sabiex jiġu riflessi l-iżviluppi tas-suq filwaqt li tinżamm ukoll kompetizzjoni effettiva fis-suq tal-prodotti tal-ħalib, huwa xieraq li jiżdiedu l-limiti kwantitattivi applikabbli għall-volum ta’ ħalib mhux ipproċessat koperti minn negozjati kuntrattwali kollettivi minn organizzazzjonijiet tal-produtturi rikonoxxuti espressi bħala perċentwal tal-produzzjoni totali tal-Unjoni u tal-volumi totali prodotti u kkonsenjati fi Stat Membru.

(10)

Sabiex tiżdied il-flessibbiltà għall-Istati Membri u tiġi ssimplifikata l-proċedura għar-rikonoxximent tal-organizzazzjonijiet tal-produtturi, u b’hekk jitnaqqsu l-kostijiet tat-tranżazzjonijiet u tittejjeb l-effiċjenza, jenħtieġ li r-regoli applikabbli jippermettu r-rikonoxximent tagħhom wara talba waħda li tkopri diversi setturi jew prodotti, minflok ir-rekwiżit attwali ta’ talba waħda li tkopri setturi speċifiku wieħed dment li l-organizzazzjoni tal-produtturi tissodisfa l-kundizzjonijiet applikabbli għal kull settur speċifiku li għalih tfittex rikonoxximent. Barra minn hekk, il-produtturi tal-prodotti organiċi jistgħu jużaw il-possibbiltà eżistenti għall-istabbiliment u r-rikonoxximent tal-organizzazzjonijiet ta’ produtturi biex itejbu l-kollaborazzjoni tagħhom. Il-kriterji għar-rikonoxximent tal-organizzazzjonijiet ta’ produtturi u l-istatuti tagħhom jenħtieġ li jirrikjedu wkoll li l-organizzazzjonijiet ta’ produtturi jiġu stabbiliti fuq l-inizjattiva tal-bdiewa li jipproduċu prodotti agrikoli tal-art, irrispettivament minn jekk il-metodi ta’ produzzjoni jużawx il-ħamrija jew media oħra ta’ tkabbir, pereżempju fis-serer, jew tat-trobbija tal-bhejjem, u li l-organizzazzjonijiet tal-produtturi humiex ikkontrollati f’konformità mar-regoli li jippermettu lil dawk il-membri bdiewa jiskrutinaw b’mod demokratiku l-organizzazzjoni tagħhom u d-deċiżjonijiet tagħha. Jenħtieġ li l-Istati Membri jitħallew ukoll jiddeċiedu li tali skrutinju demokratiku jista’ jitwettaq mhux biss direttament mill-bdiewa iżda wkoll permezz tal-assoċjazzjonijiet tagħhom, inkluż dawk fil-forma ta’ kooperattivi, dment li dawk l-assoċjazzjonijiet ikunu kkontrollati mill-bdiewa. Jenħtieġ li dan ma jipprekludix produtturi oħra li mhumiex bdiewa li jipproduċu prodotti agrikoli tal-art jew tat-trobbija tal-bhejjem, bħal proċessuri tal-ewwel stadju jew dawk li mhumiex produtturi, milli jingħaqdu ma’ organizzazzjonijiet tal-produtturi.

(11)

Sabiex ikompli jiġi promoss żvilupp sostenibbli, li huwa prinċipju ewlieni tat-Trattati u objettiv prijoritarju għall-politiki tal-Unjoni, u biex jiġu żgurati t-trasparenza, l-istabbiltà u l-ekwità fir-relazzjonijiet kummerċjali bejn il-bdiewa u x-xerrejja tul il-katina tal-provvista, l-Istati Membri jenħtieġ li jkunu jistgħu jirrikonoxxu lil organizzazzjonijiet ta’ produtturi li jfittxu li jilħqu għanijiet speċifiċi billi jużaw termini fakultattivi għall-modalitajiet kummerċjali, bħal “ġust” jew “ekwu”, jew termini li għandhom tifsira ekwivalenti għal dawk it-termini, u t-terminu “katina tal-provvista qasira”, fil-modalitajiet kummerċjali tagħhom.

(12)

Sabiex jiġi żgurat standard tal-għajxien ġust għall-bdiewa, biex tissaħħaħ il-pożizzjoni ta’ negozjar tagħhom fil-konfront ta’ proċessuri u atturi oħra fil-katina tal-provvista u biex tiġi prevista distribuzzjoni aktar ekwa tal-valur miżjud tul il-katina tal-provvista, il-possibbiltà li t-termini kuntrattwali jiġu nnegozjati f’isem il-membri tagħhom, għal parti jew għat-totalità tal-produzzjoni tagħhom, jenħtieġ li tiġi estiża għal organizzazzjonijiet ta’ produtturi mhux rikonoxxuti, fosthom kooperattivi jew forom legali ekwivalenti oħra rikonoxxuti skont il-liġi nazzjonali, dment li jikkonformaw mal-kriterji ta’ rikonoxximent stipulati fil-livell tal-Unjoni u jkunu involuti fl-attivitajiet stabbiliti fir-Regolament (UE) Nru 1308/2013, inkluż il-konċentrazzjoni tal-provvista u t-tqegħid tal-prodotti tal-membri tagħhom fis-suq. Sabiex jiġi żgurat trattament ugwali tal-membri ta’ organizzazzjonijiet ta’ produtturi rikonoxxuti u mhux rikonoxxuti, dik il-possibbiltà jenħtieġ li tkun soġġetta għal limiti xierqa. B’mod partikolari, jenħtieġ li tkun estiża biss għall-organizzazzjonijiet tal-produtturi mhux rikonoxxuti li jkunu ppreżentaw applikazzjoni għar-rikonoxximent lil Stat Membru, fi żmien erba’ xhur mill-preżentazzjoni ta’ dik l-applikazzjoni, jew, jekk ma tkun ittieħdet l-ebda deċiżjoni f’dak il-perjodu minn dak l-Istat Membru, fi żmien ħames snin mid-data tal-preżentazzjoni tal-applikazzjoni tagħhom, dment li sadanittant, l-Istat Membru ma jirrifjutax ir-rikonoxximent.

(13)

Sabiex tissaħħaħ il-pożizzjoni ta’ negozjar tal-organizzazzjonijiet ta’ produtturi rikonoxxuti u biex jiġi żgurat l-iżvilupp vijabbli tal-produzzjoni agrikola, l-assoċjazzjonijiet rikonoxxuti tal-organizzazzjonijiet ta’ produtturi jenħtieġ li jitħallew jinnegozjaw termini kuntrattwali f’isem il-membri tagħhom, inkluż il-prezz, għall-prodotti magħmula minn xi wħud jew mit-totalità tal-membri tagħhom anke jekk huma stess ma jkunux ġenwinament qed jeżerċitaw attività ekonomika dment li l-membri tagħhom ġenwinament qed jeżerċitaw attività ekonomika. Dik il-possibbiltà jenħtieġ li tkun permessa, soġġett għas-salvagwardja li l-organizzazzjonijiet li jkunu membri ta’ dawk l-assoċjazzjonijiet ma jkunux ukoll membri ta’ assoċjazzjoni oħra ta’ organizzazzjonijiet ta’ produtturi u l-volum tal-prodott kopert mill-attivitajiet ta’ dawk l-assoċjazzjonijiet ma jaqbiżx is-36 % tal-produzzjoni nazzjonali totali ta’ dak il-prodott fl-Istat Membru kkonċernat. Barra minn hekk, sabiex tinżamm kompetizzjoni effettiva fis-suq, jenħtieġ ukoll li l-assoċjazzjonijiet rikonoxxuti ta’ organizzazzjonijiet ta’ produtturi ma jitħallewx jinnegozjaw termini kuntrattwali meta dawk l-assoċjazzjonijiet jinkludu organizzazzjonijiet ta’ produtturi mhux rikonoxxuti.

(14)

L-istatuti tal-organizzazzjonijiet tal-produtturi jirrikjedu li l-membri tagħhom jillimitaw is-sħubija għal organizzazzjoni tal-produtturi waħda għal prodott partikolari sabiex joħolqu stabbiltà għall-organizzazzjoni tal-produtturi, jipprevjenu mġiba opportunistika mill-membri billi jillimitaw il-possibbiltà għalihom li jqiegħdu liberament il-kwantitajiet tagħhom ma’ organizzazzjonijiet tal-produtturi differenti, u jżommu l-koerenza fir-rappreżentanza tal-membri tagħhom. Fl-istess ħin, jenħtieġ li jkun possibbli li produttur ikun membru ta’ organizzazzjonijiet tal-produtturi differenti jekk il-prodott ikkonċernat ikun prodott differenti tal-azjenda. Għalhekk huwa xieraq li jiġi ċċarat li sħubijiet multipli huma possibbli f’każijiet debitament ġustifikati, dment li l-prodotti jkunu distinti biżżejjed, fir-rigward, fost l-oħrajn, il-karatteristiċi speċifiċi tagħhom jew l-użi finali intiżi differenzjati.

(15)

Sabiex ix-xerrejja ma jitħallewx idgħajfu l-pożizzjoni ta’ negozjar tal-organizzazzjonijiet ta’ produtturi, jenħtieġ li jiġu stabbiliti salvagwardji xierqa għall-kuntatti bejn ix-xerrejja u l-membri ta’ tali organizzazzjonijiet ta’ produtturi. Filwaqt li x-xerrejja jistgħu jikkuntattjaw lill-membri tal-organizzazzjonijiet tal-produtturi, jenħtieġ li l-kuntatt ma’ dawk il-membri ma jdgħajjifx l-objettivi tal-organizzazzjonijiet tal-produtturi, jew il-konċentrazzjoni tal-provvista u l-introduzzjoni ta’ prodotti fis-suq, b’mod partikolari, meta tali kuntatt dirett ma’ membri ta’ organizzazzjonijiet ta’ produtturi jintuża biex tiġi evitata l-istrateġija konġunta tal-organizzazzjonijiet tal-produtturi.

(16)

Sabiex tissaħħaħ il-pożizzjoni tal-bdiewa tal-prodotti tal-ħalib, b’mod partikolari billi jissaħħu l-organizzazzjonijiet tal-produtturi tagħhom, huwa xieraq li r-regoli dwar l-istatuti tal-organizzazzjonijiet tal-produtturi jiġu allinjati u li l-applikazzjoni ta’ dawk ir-regoli tiġi estiża għall-organizzazzjonijiet tal-produtturi fis-settur tal-prodotti tal-ħalib, biex b’hekk jittejbu l-funzjonament demokratiku u t-trasparenza.

(17)

L-organizzazzjonijiet interprofessjonali jaqdu rwol importanti fl-iffaċilitar tad-djalogu bejn l-atturi fil-katina tal-provvista, u fil-promozzjoni tal-aħjar prattiki, tat-trasparenza tas-suq, tal-istabbiltà u tal-ekwità fir-relazzjonijiet kummerċjali bejn il-bdiewa u x-xerrejja tul il-katina tal-provvista kollha. Għalhekk huwa xieraq li tiġi inkluża l-promozzjoni ta’ inizjattivi għall-inklużjoni ta’ termini fakultattivi għall-modalitajiet kummerċjali, bħat-termini “ġust”, “ekwu” jew termini li għandhom tifsira ekwivalenti għal dawk it-termini, u t-terminu “katina tal-provvista qasira” fil-lista ta’ objettivi li organizzazzjoni interprofessjonali rikonoxxuta tista’ tfittex li tilħaq.

(18)

Ċerti Stati Membri jirrikjedu li l-konsenji kollha ta’ prodotti agrikoli fit-territorju tagħhom ikunu koperti minn kuntratti bil-miktub bejn il-partijiet rilevanti. Meta Stat Membru ma jużax dik il-possibbiltà, il-bdiewa, l-organizzazzjonijiet ta’ produtturi jew l-assoċjazzjonijiet ta’ organizzazzjonijiet ta’ produtturi jistgħu jitolbu l-użu ta’ kuntratti bil-miktub. Madankollu, minħabba l-pożizzjoni ta’ negozjar aktar dgħajfa tagħhom u l-biża’ ta’ ritaljazzjoni kummerċjali mix-xerrejja, jista’ jkun diffiċli għall-bdiewa u għall-assoċjazzjonijiet tagħhom li jagħmlu talba bħal din. Sabiex jiżdiedu l-fiduċja, it-trasparenza u l-effiċjenza fil-katina tal-provvista, il-bdiewa, li jaħdmu fil-bidu nett tal-katina tal-provvista agroalimentari u l-assoċjazzjonijiet tagħhom, l-organizzazzjonijiet tal-produtturi u l-assoċjazzjonijiet tal-organizzazzjonijiet tal-produtturi jenħtieġ li jkollhom il-benefiċċju ta’ kuntratti bil-miktub. Għalhekk, jenħtieġ li jkunu meħtieġa kuntratti bil-miktub meta l-konsenji ta’ prodotti agrikoli jsiru minn bdiewa li jipproduċu l-prodotti tal-art, irrispettivament minn jekk il-metodi ta’ produzzjoni tagħhom jużawx il-ħamrija jew media oħra ta’ tkabbir, pereżempju fis-serer, jew tat-trobbija tal-bhejjem fl-azjendi tagħhom u meta jipproċessaw dawk il-prodotti agrikoli primarji. Il-konsenji ta’ prodotti bħal dawn li jsiru minn assoċjazzjonijiet tal-bdiewa, organizzazzjonijiet tal-produtturi jew assoċjazzjonijiet ta’ organizzazzjonijiet tal-produtturi li jipproċessaw jew jikkummerċjalizzaw tali prodotti għall-bdiewa jenħtieġ li jkunu koperti wkoll minn kuntratt bil-miktub.

(19)

Sabiex jitqiesu aħjar is-sinjali tas-suq u titjieb it-trażmissjoni tal-prezzijiet, l-Istati Membri jenħtieġ li jkunu jistgħu jirrikjedu l-użu ta’ kuntratti bil-miktub għall-konsenja ta’ prodotti agrikoli, inkluż il-konsenji minn jew għal operaturi oħra tal-katina tal-provvista tal-ikel u jenħtieġ li jirrikjedu li x-xerrejja jużaw offerti bil-miktub għal kuntratti għall-konsenja ta’ prodotti agrikoli.

(20)

Għal raġunijiet ta’ sempliċità u tnaqqis tal-kostijiet tat-tranżazzjonijiet, dan ir-Regolament jenħtieġ li jinkludi ċerti derogi mill-obbligu li jintużaw kuntratti bil-miktub jew offerti bil-miktub għal kuntratti, u jippermetti lill-Istati Membri jeżentaw ċerti konsenji mill-obbligu li jintużaw kuntratti bil-miktub jew offerti bil-miktub għal kuntratti. Jenħtieġ li l-bdiewa u l-assoċjazzjonijiet tagħhom iżommu d-dritt li jitolbu kuntratt bil-miktub jew offerta bil-miktub għal kuntratt meta ma jkunx hemm tali obbligu. Sabiex jiġi ppreservat ir-rwol tal-organizzazzjonijiet tal-produtturi u tal-kooperattivi fil-promozzjoni ta’ approċċi kollettivi u jiġi mmassimizzat il-valur miżjud għall-membri tagħhom, u b’hekk tissaħħaħ il-pożizzjoni tal-bdiewa fil-katina tal-provvista, jenħtieġ li ma jkunx meħtieġ kuntratt bil-miktub għall-konsenji mill-membri lill-organizzazzjoni tal-produtturi jew lill-kooperattiva tagħhom, dment li l-istatuti tal-organizzazzjoni tal-produtturi jew tal-kooperattiva kkonċernati jipprevedu regoli trasparenti u prevedibbli dwar it-trażmissjoni tal-prezzijiet, filwaqt li jitqies l-impatt fuq ir-remunerazzjoni tal-bdiewa.

(21)

Sabiex l-Istati Membri jingħataw l-possibbiltà li jqisu l-prattiki nazzjonali jew reġjonali, jenħtieġ li dan ir-Regolament jippermetti lill-Istati Membri jeżentaw prodotti soġġetti għal provvista staġjonali jew għal fluttwazzjonijiet fid-domanda jew prodotti li jitħassru u prodotti li huma soġġetti għal prattiki ta’ bejgħ tradizzjonali jew abitwali speċifiċi mill-obbligu li jintużaw kuntratti bil-miktub jew offerti bil-miktub għal kuntratti. Barra minn hekk, jenħtieġ li l-Istati Membri jitħallew jeżentaw ċerti prodotti għajr il-ħalib u l-prodotti tal-ħalib mill-obbligu li jkunu s-suġġett ta’ kuntratti bil-miktub, wara konsultazzjoni mar-rappreżentanti rilevanti tal-bdiewa jew mal-organizzazzjonijiet interprofessjonali rilevanti, dment li l-effetti tal-prevedibbiltà, tat-trasparenza u tat-trażmissjoni tal-prezzijiet jinkisbu b’mezzi oħra għall-prodotti kkonċernati jew li l-obbligu li dawk il-prodotti jkunu s-suġġett ta’ kuntratti bil-miktub jew offerti bil-miktub għal kuntratti ma jkunx xieraq jew proporzjonat għal dawk il-prodotti għal raġunijiet ġustifikati oħra. Dik il-possibbiltà li ċerti prodotti jiġu eżenti mill-obbligu li jkunu s-suġġett ta’ kuntratti bil-miktub jenħtieġ li tinkludi wkoll il-possibbiltà li ċerti prodotti jiġu eżenti minn ċerti elementi obbligatorji ta’ tali kuntratti bil-miktub. Sabiex il-bdiewa jiġu protetti, jenħtieġ li l-każijiet li għalihom jistgħu jingħataw dawn l-eżenzjonijiet jiġu stipulati b’mod ċar.

(22)

L-obbligu li jintużaw kuntratti bil-miktub għall-konsenja ta’ prodotti agrikoli u l-kundizzjonijiet bażiċi għall-użu tagħhom jenħtieġ li jiġu stabbiliti fil-livell tal-Unjoni, filwaqt li jiġi żgurat li d-dritt tal-partijiet li jinnegozjaw l-elementi kollha tal-kuntratti tagħhom ma jkunx ristrett lil hinn minn dak li huwa strettament meħtieġ. Madankollu, jenħtieġ li l-Istati Membri ma jiġux preklużi milli jadottaw miżuri biex jiġġieldu l-prattiki kummerċjali inġusti fil-katina agroalimentari li għandhom impatt negattiv fuq l-istandards tal-għajxien tal-komunità agrikola, dment li tali miżuri jkunu xierqa u proporzjonati biex jiżguraw l-ilħuq tal-objettiv segwit u jkunu kompatibbli mad-Direttiva (UE) 2019/633 tal-Parlament Ewropew u tal-Kunsill (8), inkluż l-Artikolu 9 tagħha.

(23)

Sabiex il-partijiet jiġu mħeġġa jilħqu ftehim bonarju fil-każ ta’ tilwim dwar il-konklużjoni jew ir-rieżami ta’ kuntratt bil-miktub, l-Istati Membri jenħtieġ li jiżguraw li l-medjazzjoni jew il-mekkaniżmi komparabbli jkunu disponibbli għall-partijiet. Tali mekkaniżmi jistgħu jinkludu l-mekkaniżmi eżistenti jew ġodda li huma stabbiliti għal dak l-għan. Dawn jistgħu jinkludu, fost l-oħrajn, organizzazzjonijiet li jirrappreżentaw lill-bdiewa, organizzazzjonijiet interprofessjonali, servizzi ta’ medjazzjoni privati akkreditati jew korpi indipendenti oħra għas-soluzzjoni tat-tilwim. Jenħtieġ li dawk il-mekkaniżmi jkunu imparzjali u li l-użu tagħhom ikun volontarju għall-partijiet kontraenti. Jenħtieġ li l-Istati Membri jinfurmaw lill-Kummissjoni dwar il-mekkaniżmi fis-seħħ fit-territorju tagħhom.

(24)

Sabiex jiġi ffaċilitat il-funzjonament tal-mekkaniżmi tat-trażmissjoni tal-prezzijiet, meta l-prezz finali pagabbli għall-konsenja ta’ prodotti agrikoli jiġi kkalkolat billi jiġu kkombinati diversi fatturi stabbiliti fil-kuntratt, dawk il-fatturi jenħtieġ li jinkludu indikaturi oġġettivi, indiċijiet jew metodi ta’ kalkolu mifhuma faċilment mill-partijiet. Sabiex jiġi evitat li l-bdiewa jkunu mġiegħla jbigħu b’mod sistematiku aktar baxx minn kostijiet tal-produzzjoni tagħhom, l-indikaturi, l-indiċijiet u l-metodi tal-kalkolu tal-prezz finali jenħtieġ li jirriflettu l-bidliet fil-kundizzjonijiet tas-suq u lbidliet fl-elementi rilevanti tal-kostijiet tal-produzzjoni tal-prodotti agrikoli kkonsenjati li jkollhom impatt fuq ir-remunerazzjoni tal-bdiewa.

(25)

Meta titqies il-pożizzjoni vulnerabbli ta’ negozjar tal-bdiewa u tal-organizzazzjonijiet tagħhom, każijiet reċenti ta’ volatilità sinifikanti fil-kostijiet tar-riżorsi agrikoli meħtieġa u fil-prezzijiet tas-suq, u l-ħtieġa ta’ trażmissjoni aktar effiċjenti tal-prezzijiet fil-katina tal-provvista, il-kuntratti fis-settur tal-ħalib b’tul ta’ aktar minn sitt xhur, u l-kuntratti b’tul ta’ aktar minn 12-il xahar f’setturi agrikoli oħra, jenħtieġ li jinkludu klawżola ta’ reviżjoni li l-bdiewa jew l-organizzazzjonijiet tagħhom jistgħu jiskattaw, pereżempju fil-każ ta’ ċirkostanzi mhux previsti, bħal eventi ta’ temp estrem, tifqigħat ta’ mard tal-annimali, tensjonijiet ġeopolitiċi, jew għal kwalunkwe raġuni oħra. Tali klawżola jenħtieġ li tippermetti lill-bdiewa jitolbu, fi kwalunkwe ħin wara l-perjodu tal-ewwel sitt xhur jew 12-il xahar, kif rilevanti, reviżjoni tal-elementi tiegħu u tippermettilhom itemmuh f’każ li ma jintlaħaq l-ebda ftehim. Jenħtieġ li dan ikun mingħajr preġudizzju għad-dritt tal-partijiet li jinnegozjaw possibbiltajiet oħra għar-reviżjoni tal-kuntratt.

(26)

Sabiex tissaħħaħ it-trasparenza kuntrattwali u jkun hemm kontribut għal prattiki kummerċjali aktar ġusti, l-Istati Membri jenħtieġ li jkunu jistgħu jirrikjedu r-reġistrazzjoni ta’ kuntratti bil-miktub għall-konsenja ta’ prodotti agrikoli.

(27)

Ċerti inizjattivi ta’ kooperazzjoni vertikali u orizzontali li jikkonċernaw prodotti agroalimentari, li għandhom l-għan li japplikaw rekwiżiti li huma aktar stretti mir-rekwiżiti obbligatorji jista’ jkollhom effetti pożittivi fuq l-objettiv tal-politika agrikola komuni li jiżgura standard tal-għajxien ġust għall-komunità agrikola u fuq l-objettiv li jiġi żgurat żvilupp sostenibbli tal-Unjoni. Għalhekk, f’każijiet speċifiċi, tali inizjattivi jenħtieġ li ma jkunux soġġetti għall-applikazzjoni tal-Artikolu 101(1) TFUE.

(28)

F’perjodi ta’ żbilanċ serju fis-suq, kategoriji speċifiċi ta’ azzjoni kollettiva minn operaturi privati jistgħu jikkontribwixxu għall-istabbilizzazzjoni tas-setturi kkonċernati. Tali azzjoni kollettiva minn operaturi privati tista’, pereżempju, tikkonsisti fl-irtirar mis-suq jew fid-distribuzzjoni b’xejn tal-prodotti tagħhom, fosthom billi jagħtuhom lill-organizzazzjonijiet tal-karità. Bil-ħsieb li jiġi żgurat li l-operaturi privati jkollhom ir-riżorsi meħtieġa biex jimplimentaw dawk l-azzjonijiet, il-Kummissjoni jenħtieġ li tkun tista’ tagħmel disponibbli riżorsi tal-Unjoni mir-riżerva għall-agrikoltura biex tappoġġa dawk l-azzjonijiet. L-Istati Membri jenħtieġ li jkunu jistgħu jallokaw ukoll riżorsi nazzjonali addizzjonali mingħajr dewmien.

(29)

Fil-Komunikazzjoni tagħha tad-19 ta’ Frar 2025 intitolata “Viżjoni għall-Agrikoltura u għall-Ikel”, il-Kummissjoni tfakkar li l-bhejjem huma parti essenzjali mis-settur agrikolu, il-kompetittività u l-koeżjoni tal-Unjoni. Is-sistemi sostenibbli tal-bhejjem huma kruċjali għall-ekonomija tal-Unjoni, għall-vijabbiltà taż-żoni rurali u għall-preservazzjoni tal-ambjent u tal-pajsaġġi rurali. Is-settur tal-bhejjem tal-Unjoni huwa partikolarment vulnerabbli għal diversi xokkijiet u għall-kompetizzjoni globali u huwa meħtieġ li jissodisfa standards għoljin ta’ produzzjoni li mhux dejjem jiġu ppremjati mis-suq. F’dak il-kuntest, huwa neċessarju li, fl-interess kemm tal-produtturi tal-Unjoni kif ukoll tal-konsumaturi, tiġi rikonoxxuta l-kompożizzjoni naturali tal-laħam u tal-prodotti tal-laħam. It-termini relatati mal-laħam spiss ikollhom sinifikat kulturali u storiku. Għalhekk huwa xieraq li jiġu protetti t-termini relatati mal-laħam biex tissaħħaħ it-trasparenza fis-suq intern fir-rigward tal-kompożizzjoni tal-ikel u l-kontenut nutrittiv tiegħu, u li jiġi żgurat li l-konsumaturi jkunu jistgħu jagħmlu għażliet infurmati tajjeb. Tali ċarezza hija partikolarment importanti għall-konsumaturi li jfittxu kontenut nutrittiv speċifiku tradizzjonalment assoċjat mal-prodotti tal-laħam. Għalhekk, għall-finijiet u fil-kamp ta’ applikazzjoni tar-Regolament (UE) Nru 1308/2013, jenħtieġ li “laħam” ifisser il-partijiet li jittieklu tal-annimali.

(30)

Barra minn hekk, fir-rigward tal-prodotti agrikoli elenkati fl-Anness I TFUE kif ukoll il-prodotti tal-ikel mhux elenkati f’dak l-Anness, jenħtieġ li ċerti termini jiġu riżervati għall-prodotti derivati mil-laħam, mingħajr preġudizzju għall-proċessi teknoloġiċi użati fil-produzzjoni li ma għandhomx l-għan li jissostitwixxu kompletament jew parzjalment il-laħam jew kwalunkwe kostitwent tal-laħam, jew, għall-prodotti li għandhom isem, li fihom dawk it-termini jintużaw flimkien ma’ kelma jew kliem biex jiġu indikati l-ispeċijiet tal-annimali li minnhom joriġina prodott agrikolu, mingħajr preġudizzju għall-użu ta’ dawn it-termini għall-prodotti tas-sajd u tal-akkwakultura kif definiti fl-atti leġiżlattivi tal-Unjoni dwar l-organizzazzjoni komuni tas-swieq fil-prodotti tas-sajd u tal-akkwakultura. Sabiex jitqies li hemm ċerti prodotti mhux derivati mil-laħam, li n-natura eżatta tagħhom hija ċara minħabba l-użu stabbilit fit-tul u ma jikkawża l-ebda konfużjoni possibbli lill-konsumaturi, jenħtieġ li tiżdied setgħa għall-Kummissjoni fl-Artikolu 78(3) tar-Regolament (UE) Nru 1308/2013 biex titfassal lista ta’ ismijiet, li jkunu jistgħu jintużaw waħedhom jew flimkien ma’ kliem ieħor, u li tqis kif it-termini jintużaw f’lingwi differenti.

(31)

Sabiex il-kultivaturi tal-pitravi zokkrija jkunu jistgħu jibbenefikaw minn ċarezza kuntrattwali mtejba u biex jiġi żgurat qafas kuntrattwali armonizzat filwaqt li titqies l-ispeċifiċità tas-settur tal-pitravi zokkrija, it-termini tax-xiri f’kuntratti għall-konsenja ta’ pitravi zokkrija jenħtieġ li jiġu allinjati mal-kundizzjonijiet għall-użu ta’ kuntratti bil-miktub f’setturi agrikoli oħra.

(32)

Għalhekk, jenħtieġ li r-Regolament (UE) Nru 1308/2013 jiġi emendat skont dan.

(33)

Sabiex tissaħħaħ il-pożizzjoni tal-bdiewa fil-katina tal-provvista tal-ikel, jenħtieġ li jiġu emendati ċerti dispożizzjonijiet tar-Regolament (UE) 2021/2115 tal-Parlament Ewropew u tal-Kunsill (9) fir-rigward tat-tipi ta’ intervent li jeżistu f’ċerti setturi. Dawn l-emendi għandhom l-għan li jipprovdu inċentiv lill-bdiewa biex isiru jew jibqgħu membri ta’ organizzazzjonijiet ta’ produtturi jew assoċjazzjonijiet ta’ organizzazzjonijiet ta’ produtturi rikonoxxuti skont ir-Regolament (UE) Nru 1308/2013, fid-dawl tar-rwol pożittiv li l-organizzazzjonijiet ta’ produtturi u l-assoċjazzjonijiet ta’ organizzazzjonijiet ta’ produtturi għandhom fit-tisħiħ tas-setgħa ta’ negozjar tal-produtturi. Barra minn hekk, biex jiġi żgurat appoġġ aktar effiċjenti u mmirat tal-organizzazzjonijiet ta’ produtturi permezz tal-pjanijiet speċifiċi mfassla mill-Istati Membri skont il-politika agrikola komuni (il-“Pjanijiet Strateġiċi tal-PAK”), jenħtieġ li tiġi prevista l-possibbiltà ta’ żieda fl-assistenza finanzjarja tal-Unjoni għall-programmi operazzjonali f’ċerti setturi.

(34)

F’ċerti Stati Membri, il-valur tal-produzzjoni tal-frott u l-ħxejjex ikkummerċjalizzati minn organizzazzjonijiet ta’ produtturi meta mqabbel mal-valur totali tal-produzzjoni tal-frott u l-ħxejjex għadu ferm taħt il-medja tal-Unjoni. Fost l-inċentivi finanzjarji disponibbli, l-Istati Membri diġà jistgħu jipprovdu assistenza finanzjarja nazzjonali taħt l-Artikolu 53 tar-Regolament (UE) 2021/2115 lil organizzazzjonijiet ta’ produtturi li jinsabu f’ċerti reġjuni fejn il-livell ta’ organizzazzjoni tal-produtturi huwa ferm taħt il-medja tal-Unjoni. Bil-għan li tittejjeb il-kompetittività, tissaħħaħ il-pożizzjoni tal-bdiewa fil-katina tal-valur u jiġu stabbiliti organizzazzjonijiet ta’ produtturi ġodda, jenħtieġ li jingħata inċentiv finanzjarju li jikkonsisti f’żieda ta’ 10 % tal-assistenza finanzjarja tal-Unjoni lill-organizzazzjonijiet ta’ produtturi fl-Istati Membri, li fihom il-livell ta’ organizzazzjoni tal-produtturi jkun inqas minn 10 % għal tliet snin konsekuttivi qabel l-implimentazzjoni tal-programm operazzjonali rilevanti.

(35)

Bil-għan li jiġi ffaċilitat it-tiġdid ġenerazzjonali fis-settur tal-biedja u jiġu mħeġġa produtturi ġodda li jissieħbu f’organizzazzjonijiet ta’ produtturi fis-settur tal-frott u l-ħxejjex u f’setturi oħrajn imsemmija fl-Artikolu 42, il-punt (f), tar-Regolament (UE) 2021/2115, jenħtieġ li jingħata inċentiv lill-bdiewa żgħażagħ u lill-bdiewa ġodda li jissieħbu f’organizzazzjoni ta’ produtturi rikonoxxuta skont ir-Regolament (UE) Nru 1308/2013. B’mod partikolari, jenħtieġ li tkun possibbli li tiżdied l-assistenza finanzjarja tal-Unjoni għan-nefqa relatata mal-investimenti li jsiru fl-azjenda ta’ bdiewa żgħażagħ jew bdiewa ġodda li jissieħbu f’organizzazzjoni ta’ produtturi rikonoxxuta għall-ewwel darba bi 20 punt perċentwali.

(36)

Minħabba r-rikorrenza ta’ eventi ta’ temp avversi, diżastri naturali, mard tal-pjanti u infestazzjonijiet ta’ pesti f’dawn l-aħħar snin, irriżulta utli għall-organizzazzjonijiet ta’ produtturi u għall-assoċjazzjonijiet ta’ organizzazzjonijiet ta’ produtturi li jkunu jistgħu jidderieġu mill-ġdid il-fondi, inkluż l-assistenza finanzjarja tal-Unjoni fil-fond operazzjonali, għal interventi meħtieġa biex jiġu indirizzati l-konsegwenzi ta’ tali eventi. Għalhekk huwa meħtieġ li tiġi prevista l-possibbiltà li l-assistenza finanzjarja tal-Unjoni stipulata fl-Artikolu 52(1), l-Artikolu 62, l-Artikolu 65(1) u l-Artikolu 68 tar-Regolament (UE) 2021/2115 tiżdied minn 50 % għal 70 % tan-nefqa reali mġarrba, soġġett għal ċerti kundizzjonijiet.

(37)

Sabiex jiġi appoġġat l-istabbiliment ta’ tipi ta’ intervent fis-setturi l-oħra msemmija fl-Artikolu 42, il-punt (f), tar-Regolament (UE) 2021/2115, jenħtieġ li, mill-1 ta’ Jannar 2025, l-Istati Membri jingħataw aktar flessibbiltà għall-aġġustament tal-allokazzjoni tal-fondi għal dawk is-setturi. Għalhekk jenħtieġ li l-Istati Membri jkunu jistgħu jużaw sa 6 % tal-allokazzjonijiet tagħhom għal ħlasijiet diretti, wara li jiġu vvalutati l-konsegwenzi għal-livell ta’ appoġġ għall-introjtu.

(38)

Għalhekk jenħtieġ li r-Regolament (UE) 2021/2115 jiġi emendat skont dan.

(39)

Bil-għan li jiġi żgurat li jkunu jistgħu jsiru disponibbli għall-Istati Membri riżorsi tal-Unjoni mir-riżerva għall-agrikoltura sabiex jiġu appoġġati azzjonijiet kollettivi minn operaturi privati f’perjodi ta’ żbilanċ serju fis-suq, il-possibbiltà li tintuża r-riżerva għall-agrikoltura jenħtieġ li tiġi estiża għall-appoġġ ta’ azzjonijiet kollettivi fejn il-Kummissjoni tiddeċiedi li r-regoli tal-kompetizzjoni ma japplikawx għal dawk l-azzjonijiet.

(40)

Għalhekk jenħtieġ li r-Regolament (UE) 2021/2116 tal-Parlament Ewropew u tal-Kunsill (10) jiġi emendat skont dan.

(41)

Sabiex l-operaturi tas-suq jingħataw iż-żmien meħtieġ biex jadattaw u biex il-Kummissjoni tkun tista’ tivvaluta l-iskemi u l-prattiki nazzjonali eżistenti, l-applikazzjoni tar-regoli relatati mar-riżerva tat-termini fakultattivi “ġust” u “ekwu” u termini li għandhom tifsira ekwivalenti għal dawk it-termini, u t-terminu “ktajjen tal-provvista qosra”, jenħtieġ li tiġi differita sa sentejn wara d-data tad-dħul fis-seħħ ta’ dan ir-Regolament. Bl-istess mod, sabiex l-operaturi jadattaw ir-relazzjonijiet kuntrattwali tagħhom għar-regoli l-ġodda dwar il-kuntratti bil-miktub u biex l-organizzazzjonijiet tal-produtturi fis-settur tal-ħalib jaġġustaw l-istatuti tagħhom, jenħtieġ li l-applikazzjoni ta’ dawk ir-regoli tiġi differita sa sentejn wara d-data tad-dħul fis-seħħ ta’ dan ir-Regolament. Barra minn hekk, sabiex l-operaturi tas-suq ikunu jistgħu jadattaw u jaġġustaw l-istrateġiji tas-suq tagħhom, l-applikazzjoni tad-definizzjonijiet u d-denominazzjonijiet riżervati għal-laħam u l-prodotti tal-laħam jenħtieġ li tiġi differita sa tliet snin wara d-data tad-dħul fis-seħħ ta’ dan ir-Regolament. Madankollu, jenħtieġ li l-prodotti li jkunu ġew prodotti jew importati f’konformità mar-regoli applikabbli qabel id-data li fiha jibdew japplikaw ir-regoli l-ġodda jitħallew ikomplu jiġu kkummerċjalizzati għal perjodu massimu ta’ sitt snin mid-data tad-dħul fis-seħħ ta’ dan ir-Regolament jew sad-data meta jispiċċaw l-istokkijiet, skont liema minnhom isseħħ l-ewwel,

(1)

fl-Artikolu 75(3), il-punt (j) huwa sostitwit b’dan li ġej:

;

(2)

l-Artikolu 78 huwa emendat kif ġej:

(3)

fil-Parti II, Titolu II, Kapitolu I, Taqsima 1, tiddaħħal is-subtaqsima li ġejja:

(4)

L-Artikolu 148 huwa sostitwit b’dan li ġej:

(5)

fl-Artikolu 149(2), il-punt (c) huwa sostitwit b’dan li ġej:

;

(6)

L-Artikolu 152 huwa emendat kif ġej:

(7)

L-Artikolu 153 huwa emendat kif ġej:

(8)

fl-Artikolu 157(1), il-punt (c), jiżdied il-punt li ġej:

;

(9)

L-Artikolu 168 huwa sostitwit b’dan li ġej:

(10)

L-Artikolu 210a huwa emendat kif ġej:

(11)

fl-Artikolu 222, il-paragrafu 1 huwa sostitwit b’dan li ġej:

(12)

fl-Artikolu 222a, il-paragrafu 2 huwa sostitwit b’dan li ġej:

(13)

fl-Anness VII, tiddaħħal il-Parti li ġejja:

“PARTI Ia

Denominazzjonijiet ta’ laħam u prodotti tal-laħam

(*2)  Ir-Regolament (UE) 2015/2283 tal-Parlament Ewropew u tal-Kunsill tal-25 ta’ Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (ĠU L 327, 11.12.2015, p. 1, ELI: http://data.europa.eu/eli/reg/2015/2283/oj).”;"

(14)

L-Anness X huwa emendat kif ġej:

(1)

L-Artikolu 52 huwa emendat kif ġej:

(2)

fl-Artikolu 62, jiżdied il-paragrafu li ġej:

(3)

fl-Artikolu 65(1), jiżdied il-punt li ġej:

;

(4)

fl-Artikolu 68, għandu jiddaħħal il-paragrafu li ġej:

(5)

fl-Artikolu 88, il-paragrafu 7 huwa sostitwit b’dan li ġej:

“(b)

miżuri eċċezzjonali skont l-Artikoli 219, 220, 221 u 222 tar-Regolament (UE) Nru 1308/2013.”.