European flag

Il-Ġurnal Uffiċjali
tal-Unjoni Ewropea

MT

Is-serje L

2026/1731

22.7.2026

REGOLAMENT TA’ IMPLIMENTAZZJONI TAL-KUMMISSJONI (UE) 2026/1731

tal-15 ta’ Lulju 2026

li jemenda r-Regolamenti ta’ Implimentazzjoni (UE) 2024/2977, (UE) 2024/2979, (UE) 2024/2980 u (UE) 2024/2982 fir-rigward tal-istandards u l-ispeċifikazzjonijiet applikabbli

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 910/2014 tal-Parlament Ewropew u tal-Kunsill tat-23 ta’ Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (1), u b’mod partikolari l-Artikolu 5a(23) tiegħu,

Billi:

(1)

Biex ikun żgurat l-ogħla livell ta’ armonizzazzjoni fost l-Istati Membri għall-iżvilupp tal-Kartieri Ewropej tal-Identità Diġitali, l-ispeċifikazzjonijiet tekniċi għall-kartieri jistrieħu fuq il-ħidma li saret skont ir-Rakkomandazzjoni tal-Kummissjoni (UE) 2021/946 (2) u b’mod partikolari l-arkitettura u l-qafas ta’ referenza. Billi l-arkitettura u l-qafas ta’ referenza evolvew ġmielhom mir-Regolamenti ta’ Implimentazzjoni tal-Kummissjoni (UE) 2024/2977 (3), (UE) 2024/2979 (4), (UE) 2024/2980 (5), u (UE) 2024/2982 (6), dawk ir-Regolamenti ta’ Implimentazzjoni jenħtieġ li issa jiġu emendati biex jiġu allinjati ma’ standards, speċifikazzjonijiet u proċeduri ġodda.

F’konformità mal-objettivi tar-Regolament (UE) Nru 910/2014, intgħażlu għadd ta’ standards biex jiġu ssodisfati dawn ir-rekwiżiti speċifiċi. Dawn l-istandards jenħtieġ li jkunu jirriflettu prattiki stabbiliti u jkunu rikonoxxuti b’mod wiesa’ fis-setturi rilevanti. Pereżempju, peress li l-format VCDM tad-W3C jintuża bħala l-format ta’ referenza għall-attestazzjonijiet b’mod partikolari fis-settur edukattiv, il-Kartieri Ewropej tal-Identità Diġitali jenħtieġ li jappoġġaw ukoll dan il-format meta jkunu disponibbli l-profili l-ġodda bil-format VCDM tad-W3C. Meta meħtieġ, dawn l-istandards jenħtieġ li jiġu adattati jew ikkomplementati biex jiżguraw is-sigurtà u l-affidabbiltà tal-Kartieri Ewropej tal-Identità Diġitali, filwaqt li jiffaċilitaw l-interoperabbiltà transfruntiera u l-funzjonament effettiv tas-suq intern.

(2)

Għall-użi tal-kartiera li jkunu jeħtieġu l-preżentazzjoni ta’ ritratt tal-wiċċ tal-utent tal-kartiera, is-soluzzjonijiet tal-kartieri jridu jappoġġaw il-funzjonalità tal-iżvelar selettiv, u l-iżvelar irid ikun bil-kontroll sħiħ tal-utent. Biex titħares l-abbiltà li l-utent jiddeċiedi qabel kull żvelar, u r-ritratt ta’ wiċċu jkun protett minn kwalunkwe użu mhux intenzjonat jew mhux awtorizzat, id-disinn tal-arkitettura tal-Kartieri Ewropej tal-Identità Diġitali jenħtieġ li jipprevedi mekkaniżmi ta’ twissija u jirreġistra kull tranżazzjoni relatata mal-użu tar-ritratt tal-wiċċ. Biex ikun żgurat li l-utent ikun konxju mill-kondiviżjoni tad-data bijometrika, it-twissijiet jenħtieġ li jindikaw li t-talba tinvolvi l-kondiviżjoni ta’ data bijometrika u b’mod speċifiku jkunu jitolbu l-konferma tal-utent għall-iżvelar. Meta parti dipendenti tipproċessa r-ritratt tal-wiċċ bl-iskop li tidentifika b’mod uniku lil persuna fiżika jew biex tikkonferma l-identità dikjarata ta’ dik il-persuna, ikunu japplikaw l-Artikoli 6 u 9 tar-Regolament (UE) 2016/679 tal-Parlament Ewropew u tal-Kunsill (7) kif ukoll ir-rekwiżiti l-oħra kollha ta’ dak ir-Regolament, inkluż li l-ipproċessar tar-ritratt tal-wiċċ minn partijiet dipendenti jenħtieġ li jkun limitat għal dak meħtieġ għall-użu maħsub. L-użu maħsub jenħtieġ li jiġi kkomunikat lill-utent tal-kartiera, flimkien mat-talba għall-iżvelar, b’lingwaġġ ċar u li jinftiehem. Biex titqies kif xieraq is-sensittività tad-data bijometrika, l-utent tal-kartiera jenħtieġ li jikkonferma b’mod espliċitu u speċifiku l-iżvelar tar-ritratt ta’ wiċċu. Is-silenzju jew il-kaxxi mmarkati minn qabel jenħtieġ li ma jitqisux bħala konferma mill-utent tal-kartiera. Il-konferma espliċita tal-utent tal-kartiera jenħtieġ li tkun salvagwardja teknika u minnha nnifisha ma tipprovdix bażi legali għall-ipproċessar. Kif stabbilit fil-paragrafu 4 tal-Artikolu 9 tar-Regolament (UE) 2016/679, l-Istati Membri jistgħu jżommu jew jintroduċu aktar kundizzjonijiet, inkluż limitazzjonijiet, fir-rigward tal-ipproċessar tad-data ġenetika, tad-data bijometrika jew tad-data dwar is-saħħa.

(3)

Biex l-Istati Membri jingħataw biżżejjed żmien ħalli jadattaw il-proċeduri nazzjonali tagħhom, ir-ritratt ta’ wiċċ l-utent tal-kartiera jista’ jkun parti mid-data obbligatorja tal-identifikazzjoni tal-persuna għall-persuni fiżiċi biss mill-11 ta’ Awwissu 2028. Meta dawn l-immaġnijiet jinkisbu minn dokumenti tal-identità eżistenti, bħal karti tal-identità jew passaporti, ikunu japplikaw ir-rekwiżiti rilevanti stabbiliti fir-Regolamenti tal-Kunsill (UE) 2025/1208 (8) jew (KE) Nru 2252/2004 (9) rispettivament.

(4)

Ir-Regolament (UE) Nru 910/2014 jeżiġi li l-kartieri jkunu kapaċi juru Marka ta’ Fiduċja tal-Kartiera tal-Identità Diġitali tal-UE, bħala indikazzjoni verifikabbli, sempliċi u rikonoxxibbli li kartiera ġiet ipprovduta f’konformità mar-Regolament. L-użu ta’ dik il-Marka ta’ Fiduċja se jappoġġa l-funzjonament effettiv tas-suq intern, jiggarantixxi kompetizzjoni ġusta u jipproteġi l-interessi tal-konsumaturi. Biex l-użu ta’ dik il-Marka ta’ Fiduċja jkun possibbli, jenħtieġ li jiġu stabbiliti l-karatteristiċi viżivi u tekniċi tal-Marka ta’ Fiduċja.

(5)

Kif stabbilit fl-Artikolu 12b tar-Regolament (UE) Nru 910/2014, il-gwardjani jridu jippermettu interoperabbiltà effettiva lill-fornituri tal-Kartieri Ewropej tal-Identità Diġitali u lill-emittenti tal-mezzi tal-identifikazzjoni elettronika notifikati, mal-istess karatteristiċi tas-sistema operatorja, tal-hardware jew tas-software u, għall-finijiet tal-interoperabbiltà, jippermettu wkoll aċċess effettiv għalihom. Dawn l-interoperabbiltà u l-aċċess effettivi jridu jingħataw mingħajr ħlas u irrispettivament minn jekk dawk il-karatteristiċi tal-hardware jew tas-software ikunux parti mis-sistema operatorja, ikunux disponibbli għal dak il-gwardjan meta jipprovdi dawk is-servizzi, jew jintużawx minn dak il-gwardjan meta jipprovdi dawk is-servizzi. Peress li s-soluzzjonijiet kollha tal-kartieri jenħtieġ li jappoġġaw sett komuni ta’ protokolli u interfaċċi biex jiżguraw l-użabbiltà, is-sigurtà u l-interoperabbiltà fl-Istati Membri kollha, il-gwardjani jenħtieġ li jippermettu l-karatteristiċi tas-sistema operatorja, tal-hardware jew tas-software meħtieġa biex jiġu implimentati l-protokolli u l-interfaċċi stabbiliti fl-Anness XII ta’ dan ir-Regolament. F’dan il-kuntest, fil-flussi online bejn l-apparati, kemm għall-verifika tal-qrubija fiżika kif ukoll għat-trasferiment tad-data bejn iż-żewġ apparati, jenħtieġ li l-gwardjani jippreferu kanal ta’ komunikazzjoni lokali kif attivat mill-verżjoni 2.3 tal-ispeċifikazzjoni Client To Authenticator Protocol (CTAP) (10) milli jużaw is-servizzi ta’ mina ibrida tas-CTAP.

(6)

Biex l-Istati Membri, il-fornituri taċ-ċertifikati tar-reġistrazzjoni ta’ parti dipendenti fuq kartiera u l-fornituri tal-kartieri jingħataw biżżejjed żmien biex l-unitajiet tal-kartiera jkunu jistgħu jawtentikaw u jivvalidaw iċ-ċertifikati tar-reġistrazzjoni ta’ parti dipendenti fuq kartiera, dan ir-rekwiżit jenħtieġ li japplika biss mill-11 ta’ Awwissu 2028.

(7)

Ir-Regolament (UE) 2016/679 u, meta rilevanti, id-Direttiva 2002/58/KE tal-Parlament Ewropew u tal-Kunsill (11) japplikaw għall-attivitajiet kollha tal-ipproċessar tad-data personali skont dan ir-Regolament.

(8)

Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (12) u ta l-opinjoni tiegħu fis-17 ta’ April 2026 (13).

(9)

Il-miżuri previsti f’dan ir-Regolament huma f’konformità mal-opinjoni tal-kumitat stabbilit bl-Artikolu 48 tar-Regolament (UE) Nru 910/2014,

ADOTTAT DAN IR-REGOLAMENT:

Artikolu 1

Emendi għar-Regolament ta’ Implimentazzjoni tal-Kummissjoni (UE) 2024/2977

Ir-Regolament ta’ Implimentazzjoni (UE) 2024/2977 hu emendat kif ġej:

(1)

jiddaħħal l-Artikolu 3a li ġej:

“Artikolu 3a

Protezzjoni tar-ritratt tal-wiċċ

1.   Minbarra r-rekwiżiti tal-informazzjoni skont ir-Regolament (UE) 2016/679, il-fornituri tal-kartieri għandhom jiżguraw li s-soluzzjonijiet tal-kartieri li jipprovdu, ikunu joħorġu twissijiet lill-utenti tal-kartiera meta l-partijiet dipendenti fuq kartiera jitolbu l-iżvelar tar-ritratt tal-wiċċ, filwaqt li jindikaw li t-talba tinvolvi l-kondiviżjoni ta’ data bijometrika u teħtieġ konferma għall-iżvelar selettiv tar-ritratt tal-wiċċ.

2.   Għall-implimentazzjoni tal-iżvelar selettiv tar-ritratt tal-wiċċ lil parti dipendenti fuq kartiera, il-fornituri tal-kartieri għandhom jiżguraw li s-soluzzjonijiet tal-kartieri jkunu jeħtieġu l-konferma espliċita u speċifika tal-utent tal-kartiera biex tkun tista’ ssir preżentazzjoni tar-ritratt ta’ wiċċu.

3.   Ir-ritratt tal-wiċċ ma għandux jinżamm mill-partijiet dipendenti fuq kartiera sakemm l-ipproċessar ulterjuri tiegħu ma jkunx meħtieġ għall-finijiet ta’ identifikazzjoni u awtentikazzjoni f’konformità mal-liġi tal-Unjoni dwar il-protezzjoni tad-data jew meta dan ikun previst mil-liġi tal-Unjoni jew nazzjonali, f’konformità mal-liġi tal-Unjoni dwar il-protezzjoni tad-data. Ir-ritratt tal-wiċċ ma għandux jiġi trasferit lil pajjiżi terzi jew organizzazzjonijiet internazzjonali sakemm ma jkunx permess mil-liġi tal-Unjoni dwar il-protezzjoni tad-data.”

;

(2)

fl-Artikolu 4, il-paragrafu 1 huwa sostitwit b’dan li ġej:

“1.   L-attestazzjonijiet elettroniċi tal-attributi maħruġa lill-unitajiet tal-kartiera għandhom jikkonformaw imqar ma’ wieħed mill-istandards stabbiliti fl-Anness II tar-Regolament ta’ Implimentazzjoni (UE) 2024/2979.”

;

(3)

fl-Artikolu 5, il-paragrafu 4, il-punt (b) huwa sostitwit b’dan li ġej:

“(b)

meta l-attestazzjoni tal-unità tal-kartiera li għaliha tkun inħarġet id-data tal-identifikazzjoni personali tkun ġiet revokata;”;

(4)

L-Anness huwa sostitwit bit-test stabbilit fl-Anness I ta’ dan ir-Regolament.

Artikolu 2

Emendi għar-Regolament ta’ Implimentazzjoni tal-Kummissjoni (UE) 2024/2979

Ir-Regolament ta’ Implimentazzjoni (UE) 2024/2979 huwa emendat kif ġej:

(1)

fl-Artikolu 3, jitħassar il-paragrafu 2;

(2)

fl-Artikolu 5, il-paragrafu 1, il-punt (a) huwa sostitwit b’dan li ġej:

“(a)

iwettqu operazzjonijiet kriptografiċi tal-kartiera li jinvolvu assi kritiċi maħżuna f’apparat kriptografiku sigur tal-kartiera u li ma jkunux meħtieġa għall-awtentikazzjoni tal-utent tal-kartiera biss meta dawk l-applikazzjonijiet ikun irnexxielhom jawtentikaw lill-utenti tal-kartiera;”;

(3)

jiddaħħal l-Artikolu 5a li ġej:

“Artikolu 5a

Mekkaniżmi kriptografiċi

Il-fornituri tal-kartiera għandhom, għall-finijiet tal-paragrafu 2 tal-Artikolu 4, jużaw biss il-mekkaniżmi kriptografiċi msemmija fl-Anness Ia.”

;

(4)

l-Artikolu 6 huwa emendat kif ġej:

(a)

il-paragrafu 1 huwa sostitwit b’dan li ġej:

“1.   Il-fornituri tal-kartiera għandhom joħorġu attestazzjonijiet tal-unità tal-kartiera għal kull unità tal-kartiera. Il-fornituri tal-kartieri għandhom jiffirmaw jew jissiġillaw l-attestazzjonijiet tal-unità tal-kartiera b’mod li l-firem jew is-siġilli jkunu jistgħu jiġu validati b’ċertifikat elenkat f’konformità mal-Anness II, it-Taqsima 2, il-punt (1), l-ittra (h) tar-Regolament ta’ Implimentazzjoni (UE) 2024/2980.”

;

(b)

il-paragrafu 2 huwa sostitwit b’dan li ġej:

“2.   Il-fornituri tal-kartiera għandhom jiżguraw li l-attestazzjonijiet tal-unità tal-kartiera msemmija fil-paragrafu 1 jkunu konformi mal-ispeċifikazzjonijiet tekniċi stabbiliti fl-Anness Ib.”

;

(c)

fil-paragrafu 3, il-punt (b) huwa sostitwit b’dan li ġej:

“(b)

jipprovdu mekkaniżmi tal-identifikazzjoni u tal-awtentikazzjoni siguri għall-utenti tal-kartiera li jkunu indipendenti mill-unitajiet tal-kartiera;”

(5)

fl-Artikolu 9, il-paragrafu 2, il-punt (b) huwa sostitwit b’dan li ġej:

“(b)

l-isem, id-dettalji tal-kuntatt, u l-identifikatur uniku tal-parti korrispondenti dipendenti fuq kartiera u l-Istat Membru li fih hija stabbilita dik il-parti dipendenti fuq kartiera;”;

(6)

fl-Artikolu 10, il-paragrafu 1 huwa sostitwit b’dan li ġej:

“1.   Il-fornituri tal-kartiera għandhom jiżguraw li l-attestazzjonijiet elettroniċi tal-attributi maħruġa f’konformità mal-ispeċifikazzjonijiet tekniċi applikabbli għall-politiki komuni tal-iżvelar inkorporat stabbiliti fl-Anness III jistgħu jiġu pproċessati mill-unitajiet tal-kartieri li jipprovdu.”

;

(7)

l-Artikolu 12 huwa emendat kif ġej:

(a)

fil-paragrafu 2, il-punt (c) huwa sostitwit b’dan li ġej:

“(c)

il-ħolqien ta’ firem jew siġilli f’konformità imqar mal-format obbligatorju tal-firem jew tas-siġilli msemmi fl-Anness IV;”;

(b)

il-paragrafu 3 huwa sostitwit b’dan li ġej:

“3.   L-applikazzjonijiet għall-ħolqien tal-firem jistgħu jiġu integrati fl-istanzi tal-kartieri jew ikunu esterni għalihom.”

;

(c)

jiddaħħal il-paragrafu li gej:

“4.   L-applikazzjonijiet għall-ħolqien tal-firem użati mill-unitajiet tal-kartieri għandhom jappoġġaw imqar l-interfaċċa tal-ipprogrammar tal-applikazzjonijiet imsemmija fl-Anness IV.”

;

(8)

fl-Artikolu 14, jitħassar il-paragrafu 1;

(9)

jiddaħħal l-Artikolu 14a li ġej:

“Artikolu 14a

Marka ta’ Fiduċja tal-Kartiera tal-Identità Diġitali tal-UE

1.   Il-fornituri tal-kartiera għandhom jiżguraw li l-unitajiet tal-kartieri juru l-Marka ta’ Fiduċja tal-Kartiera tal-Identità Diġitali tal-UE. Il-Marka ta’ Fiduċja tal-Kartiera tal-Identità Diġitali tal-UE għandha tkun bil-format stabbilita fl-Annessi VI u VII.

2.   Il-fornituri tal-kartieri għandhom jiżguraw li l-unitajiet tal-kartieri jippermettu lill-utenti tal-kartieri jaċċessaw informazzjoni biex ikunu jistgħu jivverifikaw l-istatus taċ-ċertifikazzjoni tas-soluzzjoni tal-kartiera. Għal dak il-għan, il-fornituri tal-kartiera għandhom jiżguraw li, wara r-reġistrazzjoni ta’ soluzzjoni tal-kartieri, l-unitajiet tal-kartieri korrispondenti jinkludu l-URLs ipprovduti mill-Kummissjoni Ewropea għal tali verifika. Il-fornituri tal-kartiera għandhom jiżguraw li l-unitajiet tal-kartiera tagħhom ikollhom aċċess għad-data tal-Marka ta’ Fiduċja tal-Kartiera tal-Identità Diġitali tal-UE li tikkonforma mal-ispeċifikazzjonijiet tekniċi stabbiliti fl-Anness VIII.

3.   Il-kuluri ta’ referenza għall-Marka ta’ Fiduċja tal-Kartiera tal-Identità Diġitali tal-UE għandhom ikunu Pantone 661 u 116, jew blu (100 % cyan + 67 % maġenta + 0 % isfar + 40 % iswed) u isfar (0 % cyan + 20 % maġenta + 100 % isfar + 0 % iswed), meta jintuża proċess CMYK; filwaqt li meta jintużaw kuluri RGB, il-kuluri ta’ referenza għandhom ikunu blu (0 aħmar + 51 aħdar + 153 blu) u isfar (255 aħmar + 204 aħdar + 0 blu).

4.   Meta l-użu tal-kulur ma jkunx prattiku, il-Marka ta’ Fiduċja tal-Kartiera tal-Identità Diġitali tal-UE tista’ tintuża bl-abjad u bl-iswed kif stabbilit fl-Anness VII.

5.   Meta l-Marka ta’ Fiduċja tal-Kartiera tal-Identità Diġitali tal-UE tintuża fuq sfond skur, tista’ tintuża b’format negattiv bl-istess kulur tal-isfond. Meta l-Marka ta’ Fiduċja tal-Kartiera tal-Identità Diġitali tal-UE fuq sfond ikkulurit li jagħmilha diffiċli biex tidher, tista’ tintuża linja ta’ delimitazzjoni esterna madwar il-Marka ta’ Fiduċja tal-Kartiera tal-Identità Diġitali tal-UE biex ittejjeb il-kuntrast mal-kuluri tal-isfond.

6.   Id-daqs minimu tal-Marka ta’ Fiduċja tal-Kartiera tal-Identità Diġitali tal-UE għandu jkun 64 × 85 pixels b’150 dpi.

7.   Il-fornituri tal-kartiera għandhom jiżguraw li l-Marka ta’ Fiduċja tal-Kartiera tal-Identità Diġitali tal-UE tintuża b’mod li jkun hemm indikazzjoni ċara tal-unità tal-kartiera li għaliha tappartjeni l-Marka ta’ Fiduċja tal-Kartiera tal-Identità Diġitali tal-UE. Il-Marka ta’ Fiduċja tal-Kartiera tal-Identità Diġitali tal-UE tista’ tkun assoċjata ma’ elementi grafiċi jew testwali li jindikaw b’mod ċar l-unità tal-kartiera li tintuża għaliha, diment li dawn la jkunu jibdlu r-rikonoxxibbiltà tagħha bħala Marka ta’ Fiduċja tal-Kartiera tal-Identità Diġitali tal-UE, u lanqas ma jibdlu l-assoċjazzjoni mal-lista tal-Kartieri Ewropej tal-Identità Diġitali ċċertifikati msemmija fl-Artikolu 5d tar-Regolament (UE) Nru 910/2014.

8.   Meta l-fornituri tal-kartiera jirrevokaw attestazzjoni tal-unità tal-kartiera, dan għandhom jiżguraw li l-Marka ta’ Fiduċja tal-Kartiera tal-Identità Diġitali tal-UE ma tibqax tidher fuq l-unità tal-kartiera korrispondenti.”

(10)

L-Annessi Ia u Ib huma miżjuda kif stabbilit fl-Anness II u l-Anness III ta’ dan ir-Regolament.

(11)

L-Anness II huwa sostitwit bl-Anness IV ta’ dan ir-Regolament.

(12)

L-Anness III huwa sostitwit bl-Anness V ta’ dan ir-Regolament.

(13)

L-Anness IV huwa emendat f’konformità mal-Anness VI ta’ dan ir-Regolament.

(14)

L-Anness V jitħassar.

(15)

It-test stabbilit fl-Anness VII ta’ dan ir-Regolament huwa mdaħħal bħala l-Anness VI.

(16)

It-test stabbilit fl-Anness VIII ta’ dan ir-Regolament huwa mdaħħal bħala l-Anness VII.

(17)

It-test stabbilit fl-Anness IX ta’ dan ir-Regolament huwa mdaħħal bħala l-Anness VIII.

Artikolu 3

Emendi għar-Regolament ta’ Implimentazzjoni tal-Kummissjoni (UE) 2024/2980

Ir-Regolament ta’ Implimentazzjoni (UE) 2024/2980 huwa emendat kif ġej:

1.

fl-Artikolu 5, il-paragrafu 2 huwa sostitwit b’dan li ġej:

“2.   Meta applikabbli, il-Kummissjoni għandha tistabbilixxi, iżżomm u tippubblika lista bl-informazzjoni notifikata mill-Istati Membri dwar il-fornituri tal-kartieri, il-fornituri tad-data tal-identifikazzjoni tal-persuni, u l-fornituri taċ-ċertifikati tal-aċċess għal parti dipendenti fuq kartiera, kif imsemmi fl-Anness II, it-Taqsimiet 2, 3, 4 u 5.”

;

2.

L-Anness II tar-Regolament ta’ Implimentazzjoni (UE) 2024/2980 huwa emendat kif stabbilit fl-Anness X ta’ dan ir-Regolament.

Artikolu 4

Emendi għar-Regolament ta’ Implimentazzjoni tal-Kummissjoni (UE) 2024/2982

Ir-Regolament ta’ Implimentazzjoni (UE) 2024/2982 huwa emendat kif ġej:

(1)

fl-Artikolu 1, il-paragrafu 2 huwa sostitwit b’dan li ġej:

“(2)   il-preżentazzjoni ta’ attributi tad-data tal-identifikazzjoni personali u tal-attestazzjonijiet elettroniċi tal-attributi, lil partijiet dipendenti fuq kartiera;”

;

(2)

L-Artikolu 3 huwa emendat kif ġej:

(a)

il-paragrafu (1) huwa sostitwit b’dan li ġej:

“(1)   jawtentikaw u jivvalidaw iċ-ċertifikati tal-aċċess għal parti dipendenti fuq kartiera meta jinteraġixxu ma’ partijiet dipendenti fuq kartiera mingħajr ma jiddelegaw l-eżekuzzjoni ta’ dawn il-proċessi lil brawżer tas-sistema operatorja jew applikazzjoni intermedjarja oħra;”

;

(b)

il-paragrafu (2) jitħassar;

(c)

il-paragrafu (3) huwa sostitwit b’dan li ġej:

“(3)   jawtentikaw u jivvalidaw it-talbiet li jsiru b’ċertifikati tal-aċċess għal parti dipendenti fuq kartiera;”

;

(d)

il-paragrafu (4) huwa sostitwit b’dan li ġej:

“(4)   jawtentikaw u jivvalidaw iċ-ċertifikat tar-reġistrazzjoni ta’ parti dipendenti fuq kartiera;”

;

(e)

il-paragrafu (5) huwa sostitwit b’dan li ġej:

“(5)   juru lill-utenti tal-kartiera l-informazzjoni li jkun hemm fiċ-ċertifikati tal-aċċess għal parti dipendenti fuq kartiera;”

;

(f)

il-paragrafu (8) jitħassar;

(g)

il-paragrafu (9) huwa sostitwit b’dan li ġej:

“(9)   ma jippreżentaw l-ebda attribut mitlub lil partijiet dipendenti fuq kartiera sakemm ikunu tlestew il-passi li ġejjin:

(a)

verifika li l-politiki tal-iżvelar inkorporat ġew ipproċessati fi ħdan l-unità tal-kartiera f’konformità mal-Artikolu 10 tar-Regolament ta’ Implimentazzjoni (UE) 2024/2979;

(b)

verifika li l-utenti tal-kartiera approvaw parzjalment jew għalkollox il-preżentazzjoni.”
;

(3)

fl-Artikolu 4, il-paragrafu 1 huwa sostitwit b’dan li ġej:

“1.   Il-fornituri tal-kartiera għandhom jiżguraw li s-soluzzjonijiet tal-kartieri jappoġġaw il-protokolli u l-interfaċċi stabbiliti fl-Anness I għall-ħruġ tad-data tal-dentifikazzjoni tal-persuna u tal-attestazzjonijiet elettroniċi tal-attributi għall-unitajiet tal-kartiera.”

;

(4)

l-Artikolu 5 huwa emendat kif ġej:

(a)

il-paragrafi 1 u 2 jinbidlu b’dan li ġej:

“1.   Il-fornituri tal-kartiera għandhom jiżguraw li s-soluzzjonijiet tal-kartieri jappoġġaw protokolli u interfaċċi għall-preżentazzjoni tal-attributi lil partijiet dipendenti fuq kartiera, b’mod remot u meta xieraq bil-prossimità, f’konformità mal-ispeċifikazzjonijiet tekniċi stabbiliti fl-Anness II.

2.   Il-fornituri tal-kartiera għandhom jiżguraw li, meta jintalab mill-utenti, l-unitajiet tal-kartiera jwieġbu talbiet awtentikati u vvalidati b’suċċess minn partijiet dipendenti fuq kartiera msemmija fl-Artikolu 3, f’konformità mal-ispeċifikazzjonijiet tekniċi stabbiliti fl-Anness II.”

;

(b)

il-paragrafu 5 jitħassar.

(5)

l-Artikolu 8 huwa sostitwit b’dan li ġej:

“Artikolu 8

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

L-Artikolu 3(4) għandu japplika mill-11 ta’ Awwissu 2028.

Dan ir-Regolament għandu jorbot fl-intier tiegħu u japplika direttament fl-Istati Membri kollha.”

.

(6)

L-Anness jitħassar.

(7)

It-test stabbilit fl-Anness XI ta’ dan ir-Regolament huwa miżjud bħala l-Anness I.

(8)

It-test stabbilit fl-Anness XII ta’ dan ir-Regolament huwa miżjud bħala l-Anness II.

Artikolu 5

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta’ Lulju 2026.

Għall-Kummissjoni

Il-President

Ursula VON DER LEYEN

(1)   ĠU L 257, 28.8.2014, p.73, ELI: http://data.europa.eu/eli/reg/2014/910/oj.

(2)  Ir-Rakkomandazzjoni tal-Kummissjoni (UE) 2021/946 tat-3 ta’ Ġunju 2021 dwar Sett ta’ Għodod komuni tal-Unjoni għal approċċ koordinat lejn Qafas Ewropew għall-Identità Diġitali (ĠU L 210, 14.6.2021, p. 51, ELI: http://data.europa.eu/eli/reco/2021/946/oj).

(3)  Ir-Regolament ta’ Implimentazzjoni tal-Kummissjoni (UE) 2024/2977 tat-28 ta’ Novembru 2024 li jistabbilixxi regoli għall-applikazzjoni tar-Regolament (UE) Nru 910/2014 tal-Parlament Ewropew u tal-Kunsill fir-rigward tad-data tal-identifikazzjoni tal-persuna u l-attestazzjonijiet elettroniċi tal-attributi maħruġa lill-Kartieri Ewropej tal-Identità Diġitali (ĠU L, 2024/2977, 4.12.2024, ELI: http://data.europa.eu/eli/reg_impl/2024/2977/oj).

(4)  Regolament ta’ Implimentazzjoni tal-Kummissjoni (UE) 2024/2979 tat-28 ta’ Novembru 2024 li jistabbilixxi regoli għall-applikazzjoni tar-Regolament (UE) Nru 910/2014 tal-Parlament Ewropew u tal-Kunsill fir-rigward tal-integrità u l-funzjonalitajiet ewlenin tal-Kartieri Ewropej tal-Identità Diġitali (ĠU L, 2024/2979, 4.12.2024, ELI: http://data.europa.eu/eli/reg_impl/2024/2979/oj).

(5)  Ir-Regolament ta’ Implimentazzjoni tal-Kummissjoni (UE) 2024/2980 tat-28 ta’ Novembru 2024 li jistabbilixxi regoli għall-applikazzjoni tar-Regolament (UE) Nru 910/2014 tal-Parlament Ewropew u tal-Kunsill fir-rigward tan-notifiki lill-Kummissjoni dwar l-ekosistema tal-Kartieri Ewropej tal-Identità Diġitali (ĠU L, 2024/2980, 4.12.2024, ELI: http://data.europa.eu/eli/reg_impl/2024/2980/oj).

(6)  Ir-Regolament ta’ Implimentazzjoni tal-Kummissjoni (UE) 2024/2982 tat-28 ta’ Novembru 2024 li jistabbilixxi regoli għall-applikazzjoni tar-Regolament (UE) Nru 910/2014 tal-Parlament Ewropew u tal-Kunsill fir-rigward tal-protokolli u l-interfaċċi li jridu jiġu appoġġati mill-Qafas Ewropew għall-Identità Diġitali (ĠU L, 2024/2982, 4.12.2024, ELI: http://data.europa.eu/eli/reg_impl/2024/2982/oj).

(7)  Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, ELI: http://data.europa.eu/eli/reg/2016/679/oj).

(8)  Ir-Regolament tal-Kunsill (UE) 2025/1208 tat-12 ta’ Ġunju 2025 dwar it-tisħiħ tas-sigurtà tal-karti tal-identità taċ-ċittadini tal-Unjoni u tad-dokumenti ta’ residenza li jinħarġu liċ-ċittadini tal-Unjoni u lill-membri tal-familja tagħhom li jeżerċitaw id-dritt tagħhom ta’ moviment liberu (OJ L, 2025/1208, 20.6.2025, ELI: http://data.europa.eu/eli/reg/2025/1208/oj).

(9)  Ir-Regolament tal-Kunsill (KE) Nru 2252/2004 tat- 13 ta' Diċembru 2004 dwar l-istandards għall-karatteristiċi ta' sigurtà u għall-bijometriċi f'passaporti u dokumenti ta' l-ivvjaġġar maħruġa mill-Istati Membri (ĠU L 385, 29.12.2004, p. 1, ELI: http://data.europa.eu/eli/reg/2004/2252/oj).

(10)  L-istandard propost minn Fido Alliance, il-Client To Authenticator Protocol (CTAP), is-26 ta’ Frar 2026.

(11)  Id-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (Direttiva dwar il-privatezza u l-komunikazzjoni elettronika) (ĠU L 201, 31.7.2002, p. 37, ELI: http://data.europa.eu/eli/dir/2002/58/oj).

(12)  Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39, ELI: http://data.europa.eu/eli/reg/2018/1725/oj).

(13)   Il-kummenti formali tal-EDPS dwar l-abbozz tar-Regolament ta’ Implimentazzjoni fir-rigward tal-istandards u l-ispeċifikazzjonijiet applikabbli u li jikkoreġi r-Regolament ta’ Implimentazzjoni (UE) 2024/2980 | il-Kontrollur Ewropew għall-Protezzjoni tad-Data.

ANNESS I

“

ANNESS

Speċifikazzjonijiet tekniċi għad-data tal-identifikazzjoni tal-persuna msemmija fl-Artikolu 3(3)

(1)   

Taqsima 1: Sett tad-data tal-identifikazzjoni ta’ persuna fiżika

Tabella 1

Data obbligatorja tal-identifikazzjoni tal-persuna għall-persuna fiżika għal żvelar selettiv

Identifikatur tad-data

Definizzjoni

family_name

Il-kunjom(ijiet) attwali tal-utent li miegħu hija relatata d-data tal-identifikazzjoni tal-persuna.

given_name

L-ismijiet attwali, inkluż l-ismijiet tan-nofs meta applikabbli, tal-utent li miegħu hija relatata d-data tal-identifikazzjoni tal-persuna.

birth_date

Il-jum, ix-xahar u s-sena meta twieled l-utent li miegħu hija relatata d-data tal-identifikazzjoni tal-persuna.

birth_place

Il-pajjiż bħala kodiċi tal-pajjiż alfa-2 kif speċifikat fl-ISO 3166-1, jew l-istat, il-provinċja, id-distrett, jew iż-żona lokali jew il-muniċipalità, il-belt, ir-raħal jew il-villaġġ fejn twieled l-utent li miegħu hija relatata d-data tal-identifikazzjoni tal-persuna.

nationality

Kodiċi tal-pajjiż alfa-2 wieħed jew aktar kif speċifikat fl-ISO 3166-1, li jirrappreżenta n-nazzjonalità tal-utent li miegħu hija relatata d-data tal-identifikazzjoni tal-persuna.

portrait

Ħlief meta l-utent ikun għażel espliċitament li ma jinkludix ritratt, l-immaġni tal-wiċċ tal-utent li magħha tkun relatata d-data tal-identifikazzjoni tal-persuna, f’konformità mar-rekwiżiti tal-kwalità għal tip ta’ immaġni frontali sħiħa kif stabbilit fl-ISO/IEC 39794-5 jew, għal retrokompatibbiltà, fl-ISO/IEC 19794-5, il-klawżoli 8.2, 8.3, u 8.4, u mogħtija bħala data tal-immaġni kodifikata mingħajr l-intestaturi jew il-blokki kif speċifikat fil-klawżola 5 tal-ISO/IEC 19794-5 ħlief għad-data tal-immaġni nnifisha (JPEG), għandha tapplika mill-11 ta’ Awwissu 2028.

—

L-Istati Membri jistgħu jipprovdu li l-utent għandu l-għażla li ma jaċċettax li jinkludi ritratt tal-wiċċ mad-data tal-identifikazzjoni tal-persuna.

—

L-Istati Membri għandhom jiżguraw li l-iżvelar selettiv japplika għal kull identifikatur tad-data, inkluż ir-ritratt.

—

Meta d-data tat-twelid tal-persuna fiżika ma tkunx magħrufa, l-Istati Membri għandhom jagħżlu valuri xierqa li jikkonformaw mal-ispeċifikazzjonijiet stabbiliti fit-taqsimiet 4.1 jew 4.2 (kif xieraq) ta’ dan l-Anness.

—

Meta n-nazzjonalità tal-persuna fiżika ma tkunx magħrufa, l-Istati Membri għandhom jużaw il-valur “QU”.

—

Meta l-persuna fiżika ma jkollhiex nazzjonalità, l-Istati Membri għandhom jużaw il-valur “QS”.

—

Meta l-utent jagħżel li ma jinkludix ir-ritratt tal-wiċċ, l-Istati Membri għandhom jistabbilixxu l-valur bħala vojt.

Tabella 2

Data fakultattiva tal-identifikazzjoni tal-persuna għall-persuna fiżika għal żvelar selettiv

Identifikatur tad-data

Definizzjoni

resident_address

L-indirizz sħiħ tal-post fejn jirrisjedi bħalissa jew fejn jista’ jiġi kkuntattjat l-utent li miegħu hija relatata d-data tal-identifikazzjoni tal-persuna (l-isem tat-triq, in-numru tad-dar, il-belt, eċċ.).

resident_country

Il-pajjiż fejn jirrisjedi bħalissa l-utent li miegħu hija relatata d-data tal-identifikazzjoni tal-persuna, bħala kodiċi tal-pajjiż alfa-2 kif speċifikat fl-ISO 3166-1.

resident_state

L-Istat, il-provinċja, id-distrett, jew iż-żona lokali fejn jirrisjedi bħalissa l-utent li miegħu hija relatata d-data tal-identifikazzjoni tal-persuna.

resident_city

Il-muniċipalità, il-belt, ir-raħal jew il-villaġġ fejn jirrisjedi bħalissa l-utent li miegħu hija relatata d-data tal-identifikazzjoni tal-persuna.

resident_postal_code

Il-kodiċi postali tal-post fejn jirrisjedi bħalissa l-utent li miegħu hija relatata d-data tal-identifikazzjoni tal-persuna.

resident_street

L-isem tat-triq fejn jirrisjedi bħalissa l-utent li miegħu hija relatata d-data tal-identifikazzjoni tal-persuna, inkluż in-numru tad-dar u kwalunkwe affiss jew suffiss tiegħu.

personal_administrative_number

Valur assenjat lill-utent li miegħu hija relatata d-data tal-identifikazzjoni tal-persuna, li jkun uniku fost in-numri amministrattivi personali kollha maħruġa mill-fornitur tad-data tal-identifikazzjoni tal-persuna. Meta l-Istati Membri jagħżlu li jinkludu dan l-attribut, dawn għandhom jiddeskrivu, fl-iskemi tal-identifikazzjoni elettronika tagħhom li bihom tinħareġ id-data tal-identifikazzjoni tal-persuna, il-politika li japplikaw għall-valuri ta’ dan l-attribut, inkluż, meta applikabbli, kundizzjonijiet speċifiċi għall-ipproċessar ta’ dan il-valur.

family_name_birth

Il-kunjom(ijiet) tal-utent li miegħu tirrelata d-data tal-identifikazzjoni tal-persuna fil-ħin tat-twelid.

given_name_birth

L-ewwel isem/ismijiet, inkluż it-tieni isem/ismijiet, tal-utent li miegħu tirrelata d-data tal-identifikazzjoni tal-persuna fil-ħin tat-twelid.

sex

Il-valuri għandhom ikunu wieħed minn dawn:

0 = mhux magħruf;

1 = raġel;

2= mara;

3 = ieħor;

4 = inter;

5 = divers;

6 = miftuħ;

9 = mhux applikabbli;

Għall-valuri 0, 1, 2 u 9, japplika l-ISO/IEC 5218.

email_address

L-indirizz tal-email tal-utent li miegħu hija relatata d-data tal-identifikazzjoni tal-persuna [f’konformità mal-RFC 5322 (1)].

mobile_phone_number

In-numru tal-mowbajl tal-utent li miegħu hija relatata d-data tal-identifikazzjoni tal-persuna, li jibda bis-simbolu “+” bħala l-prefiss tal-kodiċi internazzjonali u l-kodiċi tal-pajjiż, u mbagħad numri biss.

(1)  P. Resnick, editur, “Internet Message Format,” RFC 5322, Ottubru 2008.

(2)   

Taqsima 2: Sett tad-data tal-identifikazzjoni ta’ persuna ġuridika

Tabella 3

Data obbligatorja tal-identifikazzjoni tal-persuna f’każ ta’ persuna ġuridika

Identifikatur tad-data

isem ġuridiku attwali

identifikatur uniku maħluq mill-Istat Membru mittenti f’konformità mal-ispeċifikazzjonijiet tekniċi għall-finijiet tal-identifikazzjoni transfruntiera, u li jibqa’ kemm jista’ jkun persistenti maż-żmien

—

Meta identifikatur tad-data ma jkunx magħruf għall-persuna jew ma jkunx jista’ jiġi żvelat mod ieħor bħala parti mis-sett tad-data tal-identifikazzjoni tal-persuna, l-Istati Membri, għandhom minflok jużaw valur ta’ attribut xieraq għas-sitwazzjoni.

Tabella 4

Data fakultattiva tal-identifikazzjoni tal-persuna f’każ ta’ persuna ġuridika

Identifikatur tad-data

indirizz attwali

numru tar-reġistrazzjoni tal-VAT

numru ta’ referenza tat-taxxa

Identifikatur uniku Ewropew imsemmi fid-Direttiva (UE) 2017/1132 tal-Parlament Ewropew u tal-Kunsill (2)

Identifikatur tal-Entità Ġuridika (LEI) imsemmi fir-Regolament ta’ Implimentazzjoni tal-Kummissjoni (UE) 2022/1860 (3)

Numru tar-Reġistrazzjoni u tal-Identifikazzjoni tal-Operaturi Ekonomiċi (EORI) imsemmi fir-Regolament ta’ Implimentazzjoni tal-Kummissjoni (UE) Nru 1352/2013 (4)

numru tas-sisa stipulat fl-Artikolu 2(12) tar-Regolament tal-Kunsill (UE) Nru 389/2012 (5).

(2)  Id-Direttiva (UE) 2017/1132 tal-Parlament Ewropew u tal-Kunsill tal-14 ta' Ġunju 2017 dwar ċerti aspetti tal-liġi dwar il-kumpaniji (ĠU L 169, 30.6.2017, p.46, ELI: http://data.europa.eu/eli/dir/2017/1132/oj).

(3)  Ir-Regolament ta’ Implimentazzjoni tal-Kummissjoni (UE) 2022/1860 tal-10 ta’ Ġunju 2022 li jistabbilixxi standards tekniċi ta’ implimentazzjoni għall-applikazzjoni tar-Regolament (UE) Nru 648/2012 tal-Parlament Ewropew u tal-Kunsill fir-rigward tal-istandards, il-formati, il-frekwenza u l-metodi u l-arranġamenti għar-rapportar (ĠU L 262, 7.10.2022, p.68, ELI: http://data.europa.eu/eli/reg_impl/2022/1860/oj).

(4)  Ir-Regolament ta’ Implimentazzjoni tal-Kummissjoni (UE) Nru 1352/2013 tal- 4 ta’ Diċembru 2013 li jistabbilixxi l-formoli previsti fir-Regolament (UE) Nru 608/2013 tal-Parlament Ewropew u tal-Kunsill dwar l-infurzar doganali tad-drittijiet tal-proprjetà intellettwali (ĠU L 341, 18.12.2013, p.10, ELI: http://data.europa.eu/eli/reg_impl/2013/1352/oj).

(5)  Ir-Regolament tal-Kunsill (UE) Nru 389/2012 tat- 2 ta’ Mejju 2012 dwar kooperazzjoni amministrattiva fil-qasam tad-dazji tas-sisa u li jħassar ir-Regolament (KE) Nru 2073/2004 (ĠU L 121, 8.5.2012, p.1, ELI:http://data.europa.eu/eli/reg/2012/389/oj).

(3)   

Taqsima 3: Sett ta’ metadata dwar id-data tal-identifikazzjoni tal-persuna

Tabella 5

Metadata dwar id-data tal-identifikazzjoni tal-persuna

Identifikatur tad-data

Definizzjoni

Preżenza

issuing_authority

Isem l-awtorità amministrattiva li ħarġet id-data tal-identifikazzjoni tal-persuna, jew il-kodiċi tal-pajjiż alfa-2 tal-ISO 3166 tal-Istat Membru rispettiv jekk ma jkunx hemm awtorità separata li tista’ toħroġ id-data tal-identifikazzjoni tal-persuna.

obbligatorja

issuing_country

il-kodiċi tal-pajjiż alfa-2, kif speċifikat fl-ISO 3166-1, tal-pajjiż jew it-territorju tal-fornitur tad-data tal-identifikazzjoni tal-persuna.

obbligatorja

expiry_date

Id-data (u jekk possibbli l-ħin) meta jiskadi l-perjodu tal-validità amministrattiva tad-data tal-identifikazzjoni tal-persuna.

fakultattiva

document_number

Numru għad-data tal-identifikazzjoni tal-persuna, assenjat mill-fornitur tad-data tal-identifikazzjoni tal-persuna.

fakultattiva

issuing_jurisdiction

Il-kodiċi tas-suddiviżjoni tal-pajjiż tal-ġuriżdizzjoni li jkun ħareġ id-data tal-identifikazzjoni tal-persuna, kif speċifikat fil-klawżola 8 tal-ISO 3166-2:2020. L-ewwel parti tal-kodiċi għandha tkun l-istess bħall-valur għall-pajjiż emittenti.

fakultattiva

issuance_date

Id-data, u jekk possibbli l-ħin, meta beda l-perjodu tal-validità amministrattiva tad-data tal-identifikazzjoni tal-persuna.

fakultattiva

(4)   

Taqsima 4: Kodifikazzjoni tal-attributi tad-data tal-identifikazzjoni tal-persuna fiżika

—

Id-data tal-identifikazzjoni tal-persuna fiżika għandha tinħareġ f’konformità mal-istandards stabbiliti fl-Anness II tar-Regolament ta’ Implimentazzjoni (UE) 2024/2979, il-klawżoli 5 (il-format SD-JWT VC) u 6 (il-format ISO/IEC-mdoc) kif applikabbli għall-attestazzjonijiet elettroniċi tal-attributi. Il-klawżoli 5.2.2, 5.2.4, 5.2.5, EAA-6.1-03, 6.2.2, 6.2.3,6.2.4 u 6.2.5 m’għandhomx japplikaw.

—

Il-kodifikazzjoni tad-data tal-identifikazzjoni tal-persuna fiżika għandha tikkonforma mal-ispeċifikazzjonijiet tekniċi fit-Taqsimiet 4.1 u 4.2 ta’ dan l-Anness.

4.1

Kodifikazzjoni tad-data tal-identifikazzjoni tal-persuna f’każ ta’ persuna fiżika u bil-format ISO/IEC-mdoc

—

It-tip ta’ attestazzjoni għad-data tal-identifikazzjoni tal-persuna bil-format ISO/IEC mdoc għandu jkun “eu.europa.ec.eudi.pid.1”. L-identifikatur tal-ispazju tal-isem għall-attributi tad-data tal-identifikazzjoni tal-persuna stabbiliti f’dan l-Anness għandu jkun “eu.europa.ec.eudi.pid.1”.

—

Meta d-data tal-identifikazzjoni tal-persuna tkun tinkludi data li ma jkunux stabbiliti identifikaturi tad-data għaliha f’dan l-Anness, din id-data għandha tiġi definita fl-ispazju tal-isem tad-data tal-identifikazzjoni tal-persuna domestika li juża l-format ġenerali eu.europa.ec.eudi.pid.[Kodiċi tal-pajjiż ISO 3166-1 alfa-2 jew il-kodiċi tar-reġjun ISO 3166-2] segwit b’punt fakultattiv u numru tal-verżjoni.

—

Meta jintuża l-ispazju tal-isem domestiku, l-iskema tiegħu, inkluż l-identifikaturi tad-data kollha, id-definizzjonijiet, il-preżenza u l-formati tal-kodifikazzjoni tagħhom, għandha tiġi ppubblikata f’konformità mal-Artikolu 8 tar-Regolament ta’ Implimentazzjoni tal-Kummissjoni (UE) 2025/1569 (6).

—

Id-data tal-identifikazzjoni tal-persuna u l-metadata tagħha stabbiliti fit-Taqsimiet 1 u 3 ta’ dan l-Anness għandhom jiġu inklużi fl-elementi tad-data tal-identifikazzjoni tal-persuna skont it-tifsira tal-ispeċifikazzjonijiet tal-format mdoc tal-ISO/IEC.

—

Il-membru deviceKey fi ħdan il-membru deviceKeyInfo tal-istanza tat-tip MobileSecurityObject għandu jkun fih kjavi pubblika.

—

Dik il-kjavi pubblika għandha tikkorrispondi għal kjavi privata li tkun maħżuna fl-apparat kriptografiku sigur tal-kartiera (“WSCD”) tal-utent tal-kartiera.

—

L-Intestatura Protetta tal-firma diġitali CB-AdES li tiffirma data tal-identifikazzjoni tal-persuna bil-format ISO/IEC-mdoc għandha tinkludi l-parametri tal-intestatura x5u u x5t, it-tnejn speċifikati fl-RFC 9360 (7).

—

L-algoritmu diġest użat fil-parametru tal-intestatura x5t, għandu jkun SHA-256.

—

Ir-rekwiżiti għall-kodifikazzjoni tad-data tal-identifikazzjoni tal-persuna bil-format ISO/IEC-mdoc huma stabbiliti fit-Tabella 6:

Tabella 6

Rekwiżiti għall-kodifikazzjoni tad-data tal-identifikazzjoni tal-persuna bil-format ISO/IEC-mdoc

Identifikatur tad-data

Identifikatur tal-attribut

Format tal-kodifikazzjoni

family_name

family_name

tstr

given_name

given_name

tstr

birth_date

birth_date

full-date

birth_place

place_of_birth

place_of_birth

nationality

nationality

nationalities

resident_address

resident_address

tstr

resident_country

resident_country

tstr

resident_state

resident_state

tstr

resident_city

resident_city

tstr

resident_postal_code

resident_postal_code

tstr

resident_street

resident_street

tstr

personal_administrative_number

personal_administrative_number

tstr

portrait

portrait

bstr

family_name_birth

family_name_birth

tstr

given_name_birth

given_name_birth

tstr

sex

sex

uint

email_address

email_address

tstr

mobile_phone_number

mobile_phone_number

tstr

expiry_date

expiry_date

tdate

jew full-date

issuing_authority

issuing_authority

tstr

issuing_country

issuing_country

tstr

document_number

document_number

tstr

issuing_jurisdiction

issuing_jurisdiction

tstr

issuance_date

issuance_date

tdate

jew full-date

—

In-notazzjoni tal-format tal-kodifikazzjoni tal-attributi speċifikati fit-Tabella 6 għandha tuża tipi ta’ rappreżentazzjoni kif speċifikati fl-RFC 8610 (8), bir-rekwiżiti addizzjonali li ġejjin:

(a)

tstr għandu jkun kodifikat b’UTF-8;

(b)

tstr għandu jappoġġa l-firxa sħiħa tal-Unicode;

(c)

tstr għandu jkollu tul massimu ta’ 150 karattru;

(d)

data għandha tiġi kodifikata kif speċifikat fl-RFC 8943 (9);

(e)

l-attribut full-date għandu jiġi interpretat bħala #6.1004(tstr), u t-tag 1004 tkun kif speċifikat fl-RFC 8943;

(f)

l-attribut tdate għandu jkun fih string bid-data u l-ħin kif speċifikat fl-RFC 3339 (10);

(g)

attribut full-date għandu jkun fih string b’data sħiħa kif speċifikat fl-RFC 3339, f’konformità mal-RFC 8943;

(h)

rappreżentazzjoni tad-data bħala attributi għandha, sakemm ma jkunx indikat mod ieħor:

—

ma tużax frazzjonijiet ta’ sekondi;

—

ma tużax differenza tal-ħin lokali mill-UTC, u d-differenza tal-ħin speċifikata fl-RFC 3339 għandha tkun stabbilita għal “Z”.

(i)

numru sħiħ bit-tipi ewlenin 0 u 1 għandu jkun żgħir kemm jista’ jkun, kif speċifikat fl-RFC 8949 (11), it-Taqsima 4.2;

(j)

place_of_birth għandu jkun fih imqar wieħed mill-pari bi kjavi-valur li ġejjin: “country”, “region”, jew “locality”;

(k)

l-espressjoni tat-tul f’bstr, f’tstr, f’array jew f’mappa għandha tkun qasira kemm jista’ jkun, kif speċifikat fl-RFC 8949, it-Taqsima 4.2;

(l)

l-attribut nationality għandu jiġi kkodifikat bħala array ta’ kodiċijiet tal-pajjiż alfa-2 kif speċifikat fl-ISO 3166-1. Meta tintuża n-notazzjoni CDDL kif speċifikata fl-RFC 8610, il-kodifikazzjoni ta’ dan l-attribut għandha tkun:

—

nationalities = [+ CountryCode];

—

CountryCode = tstr; il-kodiċi tal-pajjiż alfa-2 speċifikat fl-ISO 3166-1

—

meta utent tal-kartiera li miegħu tkun relatata d-data tal-identifikazzjoni tal-persuna jkollu aktar minn nazzjonalità waħda u l-fornitur tad-data tal-identifikazzjoni tal-persuna jixhed dawn in-nazzjonalitajiet multipli, il-fornitur tad-data tal-identifikazzjoni tal-persuna jista’ jinkludi n-nazzjonalitajiet kollha fid-data tal-identifikazzjoni tal-persuna;

—

l-attribut place_of_birth għandu jiġi kkodifikat bħala tip place_of_birth. Meta tintuża n-notazzjoni CDDL kif speċifikata fl-RFC 8610, il-kodifikazzjoni ta’ dan l-attribut għandha tkun:

place_of_birth =

{

? 'country': tstr; a single alpha-2 country code as specified in ISO 3166-1

? 'region': tstr; the name of a state, province, district, or local area

? 'locality': tstr; the name of a municipality, city, town, or village

}

4.2

Rekwiżiti għall-kodifikazzjoni tad-data tal-identifikazzjoni tal-persuna bil-format SD-JWT VC

—

Id-data tal-identifikazzjoni tal-persuna u l-metadata tagħha speċifikata f’din it-Taqsima għandhom jiġu inklużi f’data tal-identifikazzjoni tal-persuna bħala dikjarazzjonijiet fit-tifsira tal-ispeċifikazzjonijiet tal-format SD-JWT VC.

—

Id-dikjarazzjonijiet kollha fid-data tal-identifikazzjoni tal-persuna maħruġa, imsemmija fl-inċiż preċedenti, għandhom ikunu jistgħu jiġu żvelati b’mod selettiv individwalment, ħlief id-dikjarazzjonijiet definiti bħala mhux selettivi li jistgħu jiġu żvelati bil-format SD-JWT VC.

—

It-Tabella 7 tispeċifika l-kodifikazzjoni tal-ismijiet tad-dikjarazzjonijiet li huma ismijiet pubbliċi.

—

It-Tabella 8 tispeċifika l-kodifikazzjoni tal-ismijiet tad-dikjarazzjonijiet li huma speċifiċi għad-data tal-identifikazzjoni tal-persuna.

—

String JSON użata fid-data tal-identifikazzjoni tal-persuna kodifikata b’SD-JWT VC għandha tkun kodifikata b’UTF-8 u għandha tappoġġa l-firxa sħiħa tal-Unicode, sakemm ma jkunx speċifikat espliċitament mod ieħor fit-Tabella 8 hawn taħt jew fir-referenzi fiha.

—

Id-dikjarazzjonijiet tal-JWT nbf u exp kif definiti fl-RFC 7519 (12) għandhom jintużaw biex jesprimu l-perjodu tal-validità teknika tad-data tal-identifikazzjoni tal-persuna konformi mal-format SD-JWT VC.

—

Id-data tal-identifikazzjoni tal-persuna għandha tinkorpora d-dikjarazzjoni “cnf” kif definita fl-RFC 7800 (13), li għandha tkun kjavi pubblika ġġenerata minn kjavi privata maħżuna fid-WSCD tal-unità tal-kartiera tal-utenti tal-kartiera.

—

L-Intestatura Protetta tal-firma diġitali li tiffirma data tal-identifikazzjoni tal-persuna bil-format SD-JWT VC għandu jkun fiha l-parametri tal-intestatura x5u u x5t#S256, speċifikati fl-RFC 7515 (14).

Tabella 7

Rekwiżiti għall-kodifikazzjoni tad-data tal-identifikazzjoni tal-persuna bil-format SD-JWT VC permezz ta’ ismijiet pubbliċi

Identifikatur tad-data

Identifikatur tal-attribut

Format tal-kodifikazzjoni

family_name

family_name

string

given_name

given_name

string

birth_date

birthdate

string, ISO 8601-1, bil-format YYYY-MM-DD

birth_place

place_of_birth

struttura JSON

nationality

nationalities

array ta’ strings

resident_address

address.formatted

string

resident_country

address.country

string

resident_state

address.region

string

resident_city

address.locality

string

resident_postal_code

address.postal_code

string

resident_street

address.street_address

string

family_name_birth

birth_family_name

string

given_name_birth

birth_given_name

string

email_address

email

string

mobile_phone_number

phone_number

string

portrait

picture

string; il-URL tad-data li fiha ritratt ikkodifikat bil-base64 bil-format JPEG

Tabella 8

Rekwiżiti għall-kodifikazzjoni tad-data tal-identifikazzjoni tal-persuna bil-format SD-JWT VC permezz ta’ ismijiet privati

Identifikatur tad-data

Identifikatur tal-attribut

Format tal-kodifikazzjoni

expiry_date

date_of_expiry

string, ISO 8601-1, bil-format YYYY-MM-DD

issuance_date

date_of_issuance

string, ISO 8601-1, bil-format YYYY-MM-DD

personal_administrative_number

personal_administrative_number

string

sex

sex

numru

issuing_authority

issuing_authority

string

issuing_country

issuing_country

string

document_number

document_number

string

issuing_jurisdiction

issuing_jurisdiction

string

—

It-tip bażi tad-data tal-identifikazzjoni tal-persuna għandu jkun “urn:eudi:pid:1”, inkluż fid-dikjarazzjoni vct. Id-data kollha tal-identifikazzjoni tal-persuna għandha tuża tipi fl-ispazju tal-isem “urn:eudi:pid:”.

—

Meta d-data tal-identifikazzjoni tal-persuna tkun tinkludi attributi li mhumiex speċifikati f’dan l-Anness, dawn l-attributi għandhom jiġu definiti f’tip domestiku.

—

Meta jintuża t-tip domestiku, l-iskema tiegħu, inkluż l-identifikaturi tad-data kollha, id-definizzjonijiet tagħhom, il-preżenza u l-formati tal-kodifikazzjoni, għandha tiġi definita fi skema ppubblikata f’konformità mal-Artikolu 8 tar-Regolament ta’ Implimentazzjoni (UE) 2025/1569.

(5)   

Taqsima 5: Dettalji tal-infrastruttura ta’ fiduċja

Il-lista ta’ fornituri tad-data tal-identifikazzjoni tal-persuna li l-Kummissjoni qiegħdet għad-dispożizzjoni f’konformità mar-Regolament ta’ Implimentazzjoni (UE) 2024/2980 għandha tippermetti l-awtentikazzjoni tad-data tal-identifikazzjoni tal-persuna.

”

(6)  Ir-Regolament ta’ Implimentazzjoni tal-Kummissjoni (UE) 2025/1569 tad-29 ta’ Lulju 2025 li jistabbilixxi regoli għall-applikazzjoni tar-Regolament (UE) Nru 910/2014 tal-Parlament Ewropew u tal-Kunsill fir-rigward ta’ attestazzjonijiet elettroniċi kwalifikati tal-attributi u attestazzjonijiet elettroniċi tal-attributi pprovduti minn jew f’isem korp tas-settur pubbliku responsabbli għal sors awtentiku (ĠU L, 2025/1569, 30.7.2025, ELI: http://data.europa.eu/eli/reg_impl/2025/1569/oj).

(7)  J. Schaad, “CBOR Object Signing and Encryption (COSE): Header Parameters for Carrying and Referencing X.509 Certificates” (https://datatracker.ietf.org/doc/rfc9360/).

(8)  C. Vigano u H. Birkholz, “Concise Data Definition Language (CDDL): A Notational Convention to Express Concise Binary Object Representation (CBOR) and JSON Data Structures,” RFC 8610, Ġunju 2019.

(9)  M. Jones, A. Nadalin u J. Richter, “Concise Binary Object Representation (CBOR) Tags for Date,” RFC 8943, Novembru 2020.

(10)  G. Klyne u C. Newman, “Date and Time on the Internet: Timestamps,” RFC 3339, Lulju 2002.

(11)  C. Bormann u P. Hoffman, “Concise Binary Object Representation (CBOR),” RFC 8949, Diċembru 2020.

(12)  J. Jones, et al., “JSON Web Token (JWT),” RFC 7519, Mejju 2015.

(13)  M. Jones, et al., “Proof-of-Possession Key Semantics for JSON Web Tokens (JWTs),” RFC 7800, April 2016.

(14)  M. Jones, et al., “JSON Web Signature (JWS),” RFC 7515, Mejju 2015.

ANNESS II

“

ANNESS Ia

Mekkaniżmi kriptografiċi msemmija fl-Artikolu 5a

Il-Grupp Ewropew taċ-Ċertifikazzjoni taċ-Ċibersigurtà, Sottogrupp dwar il-Kriptografija: “Agreed Cryptographic Mechanisms” ippubblikat mill-Aġenzija tal-Unjoni Ewropea għaċ-Ċibersigurtà (“ENISA”) (1).

”

(1)   https://certification.enisa.europa.eu/publications/eucc-guidelines-cryptography_en.

ANNESS III

“

ANNESS Ib

Speċifikazzjonijiet tekniċi għall-attestazzjonijiet tal-unità tal-kartiera msemmija fl-Artikolu 6(2a)

(1)   

Attestazzjoni tal-unità tal-kartiera għandha tinkludi attestazzjoni waħda jew aktar tal-istanza tal-kartiera u attestazzjoni waħda jew aktar tal-kjavi.

(2)   

L-attestazzjoni tal-istanza tal-kartiera u l-attestazzjonijiet tal-kjavi għandhom jissodisfaw ir-rekwiżiti li ġejjin:

(a)

Rekwiżiti tal-format

—

FR-WIA-1: Attestazzjoni tal-istanza tal-kartiera għandha tkun JSON Web Token (JWT) kif speċifikat fl-RFC 7519 (1), iffirmat jew issiġillat b’mod elettroniku mill-fornitur tal-kartiera b’firma kompatta JAdES linja bażi B.

—

FR-WIA-1.1: Attestazzjoni tal-istanza tal-kartiera għandha tkun attestazzjoni tal-kartiera kif speċifikat fl-Appendiċi E ta’ OpenID għall-Ħruġ ta’ Kredenzjali Verifikabbli v1.0 (2) (“OID4VCI”) u estiża kif speċifikat f’C-WIA-1 u C-WIA-2 hawn taħt.

—

FR-KA-1: Attestazzjoni tal-kjavi għandha tkun JWT kif speċifikat fl-RFC 7519, iffirmata jew issiġillata b’mod elettroniku mill-fornitur tal-kartiera b’firma kompatta JAdES linja bażi B.

—

FR_KA_1.1: Attestazzjoni tal-kjavi għandha tkun attestazzjoni ta’ kjavi kif speċifikat fl-Appendiċi D tal-OID4VCI, estiża kif speċifikat f’C_KA-1 u C_KA-2 hawn taħt.

(b)

Rekwiżiti tat-trasport

—

TR-WIA-1: Unità tal-kartiera għandha tuża attestazzjoni tal-istanza tal-kartiera waqt il-ħruġ tad-data tal-identifikazzjoni tal-persuna, attestazzjonijiet elettroniċi kwalifikati jew mhux kwalifikati tal-attributi, jew attestazzjonijiet elettroniċi tal-attributi pprovduti minn korp tas-settur pubbliku responsabbli għal sors awtentiku jew f’ismu.

—

TR-WIA-2: Fornitur tal-kartiera għandu jivverifika l-integrità tal-istanza tal-kartiera u jiffirma jew jissiġilla b’mod elettroniku l-attestazzjoni tal-istanza tal-kartiera.

—

TR-WIA-2.1: Meta fornitur tal-kartiera joħroġ attestazzjoni ta’ istanza tal-kartiera, id-differenza bejn il-ħin meta l-fornitur tal-kartiera vverifika l-integrità tal-istanza tal-kartiera u l-ħin li jindika fil-parametru tal-intestatura “exp” tal-attestazzjoni tal-istanza tal-kartiera maħruġa għandha tkun inqas minn 24 siegħa.

—

TR-WIA-2.2: Il-fornitur tal-kartiera għandu jiżgura li unità tal-kartiera jkun fiha attestazzjonijiet tal-istanza tal-kartiera kif meħtieġ għall-ħruġ tal-identifikazzjoni tal-persuna u tal-attestazzjonijiet elettroniċi tal-attributi.

—

TR-WIA-3: Waqt il-ħruġ, unità tal-kartiera għandha tibgħat attestazzjoni tal-istanza tal-kartiera lis-server tal-awtorizzazzjoni fit-talba għall-awtorizzazzjoni awtomatika u fit-talba għat-token, kif speċifikat fl-OID4VCI.

—

TR-WIA-3.1: Unità tal-kartiera għandha tibgħat l-attestazzjoni tal-istanza tal-kartiera flimkien ma’ Prova tal-Pussess (“PoP”) kif speċifikat fl-Appendiċi E tal-OID4VCI.

—

TR-WIA-3.2: Unità tal-kartiera għandha tibgħat l-istess attestazzjoni tal-istanza tal-kartiera lil server tal-awtorizzazzjoni wieħed biss.

—

TR-WIA-3.2.1: Meta fornitur tal-kartiera juża l-għażla ta’ “per-issuer reuse” speċifikata f’R_WIA_1 hawn taħt, unità tal-kartiera tista’ tibgħat attestazzjoni tal-istanza tal-kartiera lill-istess server tal-awtorizzazzjoni diversi drabi.

—

TR-WIA-3.2.2: Meta fornitur tal-kartiera ma jużax l-għażla ta’ “per-issuer reuse”, unità tal-kartiera għandha tuża attestazzjoni tal-istanza tal-kartiera f’mhux aktar minn proċess ta’ ħruġ wieħed.

—

TR-WIA-4: Meta server tal-awtorizzazzjoni jirċievi attestazzjoni ta’ istanza tal-kartiera, dan għandu jivverifika l-firma tal-attestazzjoni tal-istanza tal-kartiera permezz tal-kjavi pubblika fiċ-ċertifikat tal-iffirmar inkluż fil-parametru “x5c” fl-intestatura JOSE tal-attestazzjoni tal-istanza tal-kartiera.

—

TR-WIA-4.1: Is-server tal-awtorizzazzjoni għandu jivverifika wkoll li dan iċ-ċertifikat tal-iffirmar jista’ jiġi vverifikat b’ankra ta’ fiduċja fuq il-lista tal-fornituri tal-kartiera msemmija fl-Artikolu 5 tar-Regolament ta’ Implimentazzjoni (UE) 2024/2980, potenzjalment b’ċertifikati intermedji inklużi fil-parametru x5c.

—

TR-WIA-4.2: Is-server tal-awtorizzazzjoni għandu jivverifika li l-attestazzjoni tal-istanza tal-kartieri ma skadietx.

—

TR-WIA-4.3: Is-server tal-awtorizzazzjoni għandu jivverifika l-firma tal-PoP skont il-kjavi pubblika preżenti fid-dikjarazzjoni “cnf”.

—

TR_KA-1: Unità tal-kartiera għandha tuża attestazzjoni tal-kjavi waqt il-ħruġ ta’ data tal-identifikazzjoni tal-persuna u waqt il-ħruġ ta’ attestazzjonijiet elettroniċi kwalifikati jew mhux kwalifikati tal-attributi marbuta mal-apparat, jew attestazzjonijiet elettroniċi tal-attributi pprovduti minn korp tas-settur pubbliku responsabbli għal sors awtentiku jew f’ismu.

—

TR_KA-1.1: Unità tal-kartiera ma għandhiex tuża attestazzjoni tal-kjavi waqt il-ħruġ ta’ attestazzjonijiet elettroniċi kwalifikati jew mhux kwalifikati tal-attributi mhux marbuta ma’ apparat, jew attestazzjonijiet elettroniċi tal-attributi pprovduti minn korp tas-settur pubbliku responsabbli għal sors awtentiku jew f’ismu.

—

TR_KA-2: Fornitur tal-kartiera għandu jipprovdi unità tal-kartiera b’attestazzjonijiet tal-kjavi differenti għad-WSCD tal-unità tal-kartiera u għal kull wieħed mill-imħażen tal-kjavi tiegħu.

—

TR_KA-2.1: Il-fornitur tal-kartiera għandu jiffirma jew jissiġilla b’mod elettroniku fuq l-attestazzjoni tal-kjavi, wara li l-fornitur tal-kartiera jkun ivverifika li l-kjavi attestati fl-attestazzjoni tal-kjavi huma maħżuna fid-WSCD tal-unità tal-kartiera jew fil-maħżen tal-kjavi deskritt fl-attestazzjoni tal-kjavi.

—

TR_KA-2.2: Attestazzjoni tal-kjavi għandu jkun fiha mqar kjavi pubblika attestata. L-għadd ta’ kjavi fl-attestazzjoni tal-kjavi mibgħuta lil emittent tal-kredenzjali ma għandux jaqbeż id-daqs massimu tal-lott speċifikat minn dak l-emittent tal-kredenzjali fil-metadata tal-Emittent tal-Kredenzjali tiegħu; ara l-ETSI TS 119 472-3 (3), il-parametru “credential_configurations_supported. credential_metadata.credential_reuse_policy.options.batch_size”.

—

TR_KA-2.3: Fornitur tal-kartiera għandu jinkludi kjavi pubblika (li tkun tikkorrispondi għal kjavi privata maħżuna fid-WSCD jew fil-maħżen tal-kjavi tal-unità tal-kartiera) f’mhux aktar minn attestazzjoni tal-kjavi waħda.

—

TR_KA-2.4: Unità tal-kartiera għandha tuża attestazzjoni tal-kjavi waqt mhux aktar minn proċess wieħed ta’ ħruġ jew ta’ ħruġ mill-ġdid ta’ kredenzjali.

—

TR_KA-2.5: Fornitur tal-kartiera għandu jiżgura li unità tal-kartiera tkun fil-pussess ta’ attestazzjonijiet tal-kjavi kif meħtieġ għall-ħruġ ta’ data tal-identifikazzjoni tal-persuna u attestazzjonijiet elettroniċi tal-attributi marbuta mal-apparat.

—

TR_KA-3: Meta meħtieġ waqt il-ħruġ, unità tal-kartiera għandha tinkludi attestazzjoni tal-kjavi fl-entrata “proofs” ta’ Talba għal Kredenzjali lill-emittent tal-kredenzjali, kif speċifikat fl-OID4VCI, fi prova tat-tip “jwt” jew tat-tip “attestation”.

—

TR_KA_3.1: Meta unità tal-kartiera tkun tinkludi attestazzjoni tal-kjavi f’element “jwt”, din għandha tiffirma jew tissiġilla l-attestazzjoni tal-kjavi bil-kjavi privata li tkun tikkorrispondi għall-kjavi pubblika fl-indiċi 0 tal-array “attested_keys” fl-oġġett “key_attestation”.

—

TR_KA-4: Meta emittent tal-kredenzjali joħroġ kredenzjali marbuta ma’ apparat, dan għandu jindika fil-parametru “proof_types_supported” tal-Metadata tal-Kredenzjali tal-Emittent tiegħu, kif speċifikat fit-Taqsima 12.2.4 OID4VCI, li dan jappoġġa t-tipi ta’ prova “jwt” u “attestation” għall-attestazzjonijiet tal-kjavi li għandhom jinkludu l-oġġett “key_attestations_required”.

—

TR_KA-4.1: Meta emittent tal-kredenzjali joħroġ kredenzjali mhux marbuta ma’ apparat, dan għandu jħalli barra l-parametri “proof_types_supported” u “cryptographic_binding_methods_supported” fil-Metadata tal-Emittent tal-Kredenzjali.

—

TR_KA-5: Meta emittent tal-kredenzjali jirċievi attestazzjoni tal-kjavi bit-tip ta’ prova “jwt” jew “attestation”, dan għandu jivverifika l-firma tal-attestazzjoni tal-kjavi skont il-kjavi pubblika fiċ-ċertifikat tal-iffirmar inkluż fil-parametru “x5c” fl-intestatura JOSE tal-attestazzjoni tal-kjavi u li dan iċ-ċertifikat tal-iffirmar b’ankra ta’ fiduċja fuq il-lista tal-fornituri tal-kartiera msemmija fl-Artikolu 5 tar-Regolament ta’ Implimentazzjoni (UE) 2024/2980, potenzjalment b’ċertifikati intermedji inklużi fil-parametru “x5c”.

—

TR_KA-6: Meta emittent tal-kredenzjali jirċievi attestazzjoni tal-kjavi f’tip ta’ prova “jwt”, dan għandu jivverifika l-firma tal-element “jwt” skont il-kjavi fl-indiċi 0 tal-array “attested_keys” fi ħdan l-oġġett “key_attestation” inkluż fl-element “jwt”.

—

TR_KA-6.1: L-emittent tal-kredenzjali għandu jivverifika li l-entrata “nonce” tal-element “jwt” tinkludi c_nonce validu min-nonce_endpoint tiegħu, kif speċifikat fl-OID4VCI.

—

TR_KA-7: Meta emittent tal-kredenzjali jirċievi attestazzjoni tal-kjavi f’tip ta’ prova “attestation”, dan għandu jivverifika li l-oġġett “key_attestation” jinkludi c_nonce validu min-nonce_endpoint tiegħu.

—

TR_KA-8: Fornitur tad-data tal-identifikazzjoni tal-persuna għandu jiżgura li d-data tal-identifikazzjoni tal-persuna tkun marbuta ma’ kjavi pubblika li toriġina minn attestazzjoni tal-kjavi li ssemmi WSCD.

(c)

Rekwitiżi tal-kontenut

—

C_WIA-1: Attestazzjoni tal-istanza tal-kartiera għandha tinkludi:

—

id-dikjarazzjoni “wallet_name” speċifikata fl-Appendiċi E tal-OID4VCI, li l-valur tagħha jkun l-identifikatur tas-soluzzjoni tal-kartiera li tista’ tinstab fuq il-lista tal-fornituri tal-kartiera msemmija fl-Artikolu 5 tar-Regolament ta’ Implimentazzjoni (UE) 2024/2980.

—

dikjarazzjoni “wallet_version” (4), li tkun string li l-valur tagħha jkun il-verżjoni tas-soluzzjoni tal-kartiera.

—

dikjarazzjoni “wallet_solution_certification_information”, li tkun oġġett JSON li fih informazzjoni dwar il-korp tal-valutazzjoni tal-konformità li ċċertifika s-soluzzjoni tal-kartiera, in-numru taċ-ċertifikazzjoni, kif applikabbli, u dettalji rilevanti oħra fir-rigward taċ-ċertifikazzjoni.

—

dikjarazzjoni “client_status” b’żewġ subentrati:

—

“status”: referenza ta’ lista tal-istatus kif speċifikat fl-Appendiċi E tal-OID4VCI li tirrappreżenta l-istatus tar-revoka tal-istanza tal-kartiera. Ara t-Taqsima (e) hawn taħt għad-dettalji;

—

“exp”: NumericDate, kif speċifikat fl-RFC 7519, li tiddefinixxi l-ħin sa meta l-fornitur tal-kartiera se jżomm l-istatus tar-revoka fl-indiċi tal-lista tal-istatus irreferenzjat fi “status”.

—

id-dikjarazzjoni “exp” speċifikata fl-Appendiċi E tal-OID4VCI.

—

NOTA: Id-dikjarazzjoni “client_status.status” f’attestazzjoni tal-istanza tal-kartiera tirrappreżenta l-istatus tar-revoka tal-istanza tal-kartiera, mhux l-istatus tar-revoka tal-attestazzjoni nnifisha. Kif deskritt f’R_WIA-1 hawn taħt, fornitur tal-kartiera jista’ jiddeċiedi li jillimita kull attestazzjoni tal-istanza tal-kartiera għal server tal-awtorizzazzjoni speċifiku abbażi tal-fatt li l-attestazzjonijiet kollha mibgħuta lil dak is-server fihom l-istess valur tal-indiċi fl-entrata “client_status.status”.

—

NOTA: Il-valur “idx” fid-dikjarazzjoni “status” jista’ jintuża bħala identifikatur uniku (fil-livell tal-pari) tal-istanza tal-kartiera u tal-unità tal-kartiera.

—

C_WIA-2: Attestazzjoni tal-istanza tal-kartiera għandha tinkludi wkoll id-dikjarazzjoni “wallet_link” speċifikata fl-Appendiċi E tal-OID4VCI u l-valur ta’ din id-dikjarazzjoni għandu jkun URI fejn tista’ tinkiseb aktar informazzjoni dwar is-soluzzjoni tal-kartiera.

—

C_WIA-3: Server tal-awtorizzazzjoni ma għandux jinterpreta l-parametru “exp” fil-livell għoli tal-attestazzjoni tal-istanza tal-kartiera bħala tmiem il-perjodu tal-manutenzjoni tar-revoka tal-istanza tal-kartiera.

—

NOTA: Il-parametru “exp” fl-ogħla livell tal-attestazzjoni tal-istanza tal-kartiera jindika meta tiskadi l-attestazzjoni nnifisha.

—

C_KA-1: Attestazzjoni tal-kjavi għandha tinkludi:

—

Id-dikjarazzjonijiet “key_storage” u “user_authentication” speċifikati fl-Appendiċi D tal-OID4VCI.

—

L-attributi “key_storage” u “user_authentication” għandu jkollhom il-valur “iso_18045_high”, u attestazzjoni tal-kjavi ssemmi WSCD,

—

id-dikjarazzjoni “certification” speċifikata fl-Appendiċi D tal-OID4VCI, b’URL imnejn tista’ tinkiseb informazzjoni dwar iċ-ċertifikazzjoni miksuba mid-WSCD jew mill-maħżen tal-kjavi, b’mod indikattiv l-iskema bħal Common Criteria jew GlobalPlatform, ir-rekwiżiti evalwati bħall-Profil ta’ Protezzjoni applikabbli, u l-livell tal-evalwazzjoni.

—

Minn din l-informazzjoni, għandu jkun jista’ jiġi determinat jekk il-ħażna tal-kjavi hix WSCD.

—

dikjarazzjoni “key_storage_status”, li fiha żewġ subentrati:

—

“status”: referenza għal lista tal-istatus kif speċifikat fl-Appendiċi D.1 tal-OID4VCI. Il-valur jirrappreżenta jew l-istatus tar-revoka tat-tip ta’ apparat kriptografiku sigur tal-kartiera jew ta’ maħżen tal-kjavi użat biex jaħżen il-kjavi attestati, jew -- mill-għażla tal-indiċi per-key-attestation -- l-istatus tar-revoka ta’ WSCD jew maħżen tal-kjavi ta’ unità individwali tal-kartiera. Ara R_KA_1 hawn taħt għall-għażliet disponibbli tal-assenjar tal-indiċi;

—

“exp”: NumericDate, kif speċifikat fl-RFC 7519, li tiddefinixxi l-ħin sa meta l-fornitur tal-kartiera se jżomm l-istatus tar-revoka fl-indiċi tal-lista tal-istatus irreferenzjat fi “status”.

—

id-dikjarazzjoni “exp” speċifikata fl-Appendiċi D tal-OID4VCI.

—

NOTA dwar il-valur “idx” fid-dikjarazzjoni “key_storage_status.status” f’attestazzjoni tal-kjavi: Meta l-fornitur tal-kartiera juża l-għażla “type-shared index” (ara R_KA_1 hawn taħt), l-attestazzjonijiet tal-kjavi kollha għall-istess tip ta’ WSCD jew maħżen tal-kjavi jkunu jikkondividu l-istess indiċi tal-lista tal-istatus. Għalhekk, il-valur “idx” ma jkunx uniku għal kull unità tal-kartiera. Għall-kuntrarju, meta l-fornitur tal-kartiera juża l-għażla “per-key-attestation index”, il-valur “idx” ikun uniku għall-unità tal-kartiera (jew uniku f’pari għal kull emittent tal-kredenzjali). Iżda fil-każijiet kollha, emittent tal-kredenzjali ma għandux juża l-valur “idx” f’attestazzjoni tal-kjavi bħala identifikatur tal-unità tal-kartiera, iżda minflok għandu juża l-valur “idx” f’attestazzjoni ta’ istanza tal-kartiera.

—

C_KA-2: Meta attestazzjoni tal-kjavi tintbagħat f’tip ta’ prova “attestation”, din għandha tinkludi wkoll c_nonce valida kif speċifikat fl-Appendiċi F.3 tal-OID4VCI.

—

C_KA-3: Emittent tal-kredenzjali ma għandux jinterpreta l-parametru “exp” fil-livell għoli tal-attestazzjoni tal-kjavi bħala t-tmiem tal-perjodu tal-manutenzjoni tar-revoka tad-WSCD jew tal-maħżen tal-kjavi.

—

NOTA: Il-parametru “exp” fl-ogħla livell tal-attestazzjoni tal-kjavi jindika meta l-attestazzjoni tal-kjavi nnifisha tiskadi.

(d)

Rekwiżiti taċ-ċiklu tal-ħajja

—

Dan l-Anness jispeċifika l-parametri tal-metadata tal-Emittent tal-Kredenzjali li ġejjin:

—

“preferred_client_status_period”: OPTIONAL. Numru sħiħ li jispeċifika l-perjodu preferut tal-manutenzjoni tal-istatus li jifdal tal-attestazzjoni tal-istanza tal-kartiera li trid tiġi preżentata mill-unità tal-kartiera waqt il-ħruġ, f’sekondi. Il-perjodu tal-manutenzjoni tal-istatus li jifdal hu definit bħala l-valur ta’ “client_status.exp” fl-attestazzjoni ħlief għall-ħin tal-irċevuta tal-attestazzjoni.

—

“preferred_key_storage_status_period”: OPTIONAL. Numru sħiħ li jispeċifika l-perjodu preferut tal-manutenzjoni tal-istatus li jifdal tal-attestazzjoni tal-kjavi li trid tiġi preżentata mill-unità tal-kartiera waqt il-ħruġ, f’sekondi. Il-perjodu tal-manutenzjoni tal-istatus li jifdal hu definit bħala l-valur “key_storage_status.exp” fl-attestazzjoni ħlief għall-ħin tal-irċevuta tal-attestazzjoni.

—

LC_WIA-1: Server tal-awtorizzazzjoni jista’ jikkomunika l-preferenzi tiegħu għall-perjodu tal-manutenzjoni tal-istatus li jkun fadal fl-attestazzjonijiet tal-istanza tal-kartiera billi jinkludi l-parametru tal-metadata “preferred_client_status_period” fil-punt terminali tal-Metadata tal-Emittent tal-Kredenzjali tagħhom kif speċifikat fit-Taqsima 12.2.2 tal-OID4VCI.

—

LC_WIA-1.1: Din l-entrata għandha titqiegħed fl-ogħla livell tal-Metadata tal-Emittent tal-Kredenzjali.

—

LC_WIA_2: Server tal-awtorizzazzjoni ma għandux jinterpreta l-parametru “exp” fil-livell għoli tal-attestazzjoni tal-istanza tal-kartiera bħala tmiem il-perjodu tal-manutenzjoni tar-revoka tal-istanza tal-kartiera.

—

LC_WIA_3: Meta fornitur tal-kartiera jiffirma jew jissiġilla b’mod elettroniku attestazzjoni tal-istanza tal-kartiera, dan għandu jżomm l-istatus tar-revoka tal-istanza tal-kartiera rilevanti sakemm “wallet_instance_status.exp” indikat f’dik l-attestazzjoni tal-istanza tal-kartiera jkun għadda.

—

LC_KA-1: Meta tkun meħtieġa attestazzjoni tal-kjavi, emittent tal-kredenzjali jista’ jikkomunika l-preferenzi tiegħu għall-perjodu tal-manutenzjoni tal-istatus li jkun fadal fl-attestazzjonijiet tal-kjavi billi jinkludi l-parametru tal-metadata “preferred_key_storage_status_period” speċifikat hawn fuq fil-punt terminali tal-Metadata tal-Emittent tal-Kredenzjali tagħhom kif speċifikat fit-Taqsima 12.2.2 tal-OID4VCI.

—

LC_KA-1.1: Din l-entrata għandha titqiegħed fl-oġġett “key_attestations_required” kif speċifikat fit-Taqsima 12.2.4 tal-OID4VCI.

—

LC_KA-2: Fornitur tal-kartiera għandu jagħżel il-perjodu tal-validità teknika tal-attestazzjonijiet tal-kjavi li joħroġ.

—

LC_KA-3: Meta fornitur tal-kartiera jiffirma jew jissiġilla b’mod elettroniku attestazzjoni tal-kjavi, dan għandu jżomm l-istatus tar-revoka tad-WSCD jew il-maħżen tal-kjavi rilevanti sakemm “key_storage_status.exp” indikat f’dik l-attestazzjoni tal-kjavi jkun għadda.

—

LC_GEN-1: Fornitur tal-kartiera għandu jiżgura li unità tal-kartiera tista’ dejjem tippreżenta attestazzjonijiet tal-unità tal-kartiera u attestazzjonijiet tal-kjavi li “client_status.exp” u “key_storage_status.exp” tagħhom (rispettivament) ikunu mqar 31 jum fil-futur waqt il-preżentazzjoni lil server tal-awtorizzazzjoni jew emittent tal-kredenzjali.

—

NOTA: Dan jiggarantixxi li l-fornituri tad-data tal-identifikazzjoni tal-persuna jistgħu jibbażaw fuq il-katina tar-revoka mingħajr ma jkunu mġiegħla joħorġu data tal-identifikazzjoni tal-persuna għal żmien qasir.

—

LC_GEN-2: Fornitur tal-kartiera għandu jiżgura li unità tal-kartiera tfittex il-Metadata tal-Emittent tal-Kredenzjali waqt il-ħruġ.

—

LC_GEN_2.1: Jekk entrata “preferred_key_storage_status_period” tkun inkluża f’din il-metadata, allura l-unità tal-kartiera għandha tibgħat attestazzjoni tal-kjavi bi (“key_storage_status.exp” – ħin attwali) – “preferred_key_storage_status_period” kemm jista’ jkun żgħira iżda mhux negattiva. Jekk l-ebda tali attestazzjoni tal-kjavi ma tkun disponibbli għall-unità tal-kartiera, din għandha tikseb attestazzjoni tal-kjavi ġdida mingħand il-fornitur tal-kartiera li tkun tissodisfa “key_storage_status.exp” – ħin attwali ≥ “preferred_key_storage_status_period”.

—

LC_GEN_2.2: Jekk entrata “preferred_client_status_period” tkun inkluża f’din il-metadata, allura l-unità tal-kartiera għandha tibgħat attestazzjoni tal-istanza tal-kartiera bi (“client_status.exp” – ħin attwali) – “preferred_client_status_period” kemm jista’ jkun żgħira iżda mhux negattiva. Jekk ma jkun hemm l-ebda unità tal-kartiera b’tali attestazzjoni tal-istanza tal-kartiera, din għandha titlob attestazzjoni tal-istanza tal-kartiera ġdida mingħand il-fornitur tal-kartiera li tkun tissodisfa “client_status.exp” – ħin attwli ≥ “preferred_client_status_period”.

—

LC_GEN-3: Il-perjodu tal-validità teknika tad-data tal-identifikazzjoni tal-persuna għandu jintemm kemm qabel “client_status.exp” tal-attestazzjoni tal-istanza tal-kartiera, u qabel “key_storage_status.exp” tal-attestazzjoni tal-kjavi mibgħuta lill-fornitur tad-data tal-identifikazzjoni tal-persuna waqt il-proċess tal-ħruġ.

—

LC_GEN-4: Fornitur tad-data tal-identifikazzjoni tal-persuna li għandu perjodu tal-validità teknika ta’ aktar minn 24 siegħa għandu jivverifika l-istatus tar-revoka kemm tal-attestazzjoni tal-istanza tal-kartiera kif ukoll tal-attestazzjoni tal-kjavi li jkun irċieva waqt il-ħruġ imqar darba kull 24 siegħa, tul il-perjodu tal-validità teknika tad-data tal-identifikazzjoni tal-persuna. Meta waħda minnhom tiġi revokata, il-fornitur għandu jirrevoka d-data tal-identifikazzjoni tal-persuna.

(e)

Rekwiżiti tar-revoka

—

R_GEN-1: Fornitur tal-kartiera għandu juża Listi tal-Istatus tat-Tokens (speċifikati fil-Lista tal-Istatus tat-Tokens tal-IETF) bħala l-mekkaniżmu tar-revoka kemm għall-attestazzjonijiet tal-kjavi u għall-attestazzjonijiet tal-istanza tal-kartiera, kif speċifikat fl-Appendiċi D u E tal-OID4VCI, rispettivament.

—

NOTA: Biex itejjeb l-iskalabbiltà tal-listi tal-istatus tiegħu, fornitur tal-kartiera jista’ juża l-ottimizzazzjonijiet li ġejjin:

—

Il-qsim tal-lista tal-istatus f’diversi biċċiet, fejn il-fornituri tal-kartiera għandhom għadd konsiderevoli ta’ utenti u attestazzjonijiet maħruġa. Jeżistu ħafna strateġiji taċ-chunking, pereżempju abbażi ta’ daqs fiss jew skont perjodu taż-żmien. L-istrateġija taċ-chunking titħalla fid-diskrezzjoni tal-fornitur tal-kartiera. Il-kunsiderazzjonijiet jistgħu jinkludu d-daqs ta’ lista tal-istatus għat-tniżżil u l-privatezza tal-utent.

—

Li jkun hemm listi tal-istatus multipli.

—

Il-kompressjoni ta’ lista tal-istatus biex jitnaqqas id-daqs tagħha.

—

R_WIA-1: Fornitur tal-kartiera jista’ jassenja l-istess valur lid-dikjarazzjoni “idx” fid-dikjarazzjoni “client_status.status” fl-attestazzjonijiet kollha tal-istanza tal-kartiera li unità tal-kartiera partikolari tippreżenta lill-istess server tal-awtorizzazzjoni. Din tissejjaħ l-għażla ta’ “per-issuer reuse”. Jekk tintuża din l-għażla:

—

R_WIA-1.1: L-unità tal-kartiera għandha żżomm rekord tal-valur tal-indiċi li tkun użat għal kull server tal-awtorizzazzjoni li tkun interaġixxiet miegħu qabel, u għandha titlob attestazzjoni tal-istanza tal-kartiera li fiha l-istess valur tal-indiċi meta terġa’ tinteraġixxi mal-istess server tal-awtorizzazzjoni.

—

R_WIA-1.2: Meta fornitur tal-kartiera jirċievi talba għal attestazzjoni tal-istanza tal-kartiera li fiha valur ta’ indiċi speċifiku, għandu jivverifika li l-unità tal-kartiera li tkun qed titlobha tkun irċeviet dak il-valur tal-indiċi qabel, qabel ma joħroġ attestazzjoni tal-istanza tal-kartiera ġdida b’dak il-valur tal-indiċi.

—

R_WIA-1.3: L-unità tal-kartiera ma għandhiex terġa’ tuża l-istess valur tal-indiċi għal interazzjonijiet ma’ servers tal-awtorizzazzjoni differenti.

—

NOTA: Jekk tintuża l-għażla ta’ “per-issuer reuse”, il-fornitur tal-kartiera jkun jista’ jiddetermina ma’ kemm-il server tal-awtorizzazzjoni interaġixxiet unità tal-kartiera u kemm-il darba tinteraġixxi ma’ kull wieħed.

—

R_WIA-2: Fil-politika tal-privatezza tiegħu, fornitur tal-kartiera għandu jiddokumenta jekk ikunx qed juża l-għażla ta’ “per-issuer reuse” għar-revoka tal-istanza tal-kartiera.

—

R_WIA-3: Meta fornitur tal-kartiera ma jużax l-għażla “per-issuer reuse”, il-fornitur tal-kartiera għandu jassenja valur ta’ indiċi ġdid u mhux konnettibbli, għal kull attestazzjoni tal-istanza tal-kartiera li joħroġ.

—

R_WIA-4: Meta unità tal-kartiera tkun trid tiġi revokata, fornitur tal-kartiera għandu jirrevoka l-valuri tal-indiċi fid-dikjarazzjoni “client_status.status” fl-attestazzjonijiet kollha tal-istanza tal-kartiera assoċjati ma’ dik l-unità tal-kartiera.

—

R_WIA-5: Fornitur tal-kartiera għandu jqis l-iskala tal-varar tagħha u l-arkitettura sottostanti meta jiddetermina d-daqs tal-listi tal-istatus tal-attestazzjoni tal-istanza tal-kartiera tiegħu, filwaqt li jiżgura li jkunu kbar biżżejjed biex jipprevjenu l-korrelazzjoni u jipproteġu l-privatezza tal-utent. Mill-inqas, lista tal-istatus għandha, fejn possibbli, tkun relatata ma’ mqar 10 000 attestazzjoni.

—

R_KA_1: Fornitur tal-kartiera għandu jagħżel waħda mill-għażliet tal-assenjar tal-indiċi li ġejjin għad-dikjarazzjoni “key_storage_status.status” f’attestazzjoni tal-kjavi:

—

L-għażla 1, imsejħa “type-shared index”, fejn l-attestazzjonijiet kollha tal-kjavi li jattestaw il-kjavi maħżuna fl-istess tip ta’ WSCD jew maħżen tal-kjavi fihom l-istess valur tal-indiċi ġo “key_storage_status.status”.

—

L-għażla 2, imsejħa “per-key-attestion index”, fejn attestazzjoni tal-kjavi li tattesta l-kjavi maħżuna f’WSCD individwali jew maħżen tal-kjavi jkun fiha valur ta’ indiċi uniku (f’pari) ġo “key_storage_status.status”.

—

NOTA: Meta fornitur tal-kartiera juża l-għażla 1, azzjoni waħda ta’ revoka tinvalida l-attestazzjonijiet tal-kjavi kollha tat-tip affettwat fl-unitajiet kollha tal-kartiera. Barra minn hekk, minħabba li l-attestazzjonijiet tal-kjavi kollha għall-istess tip ta’ WSCD jew maħżen tal-kjavi jikkondividu indiċi wieħed ta’ lista tal-istatus, l-għadd ta’ entrati f’lista tal-istatus ta’ attestazzjoni tal-kjavi jirrifletti l-għadd ta’ tipi ta’ WSCDs jew imħażen tal-kjavi appoġġati mill-fornitur tal-kartiera, mhux l-għadd ta’ unitajiet tal-kartiera skjerati. Il-kunsiderazzjonijiet tal-privatezza li jimmotivaw id-daqs minimu tal-lista tal-istatus għal-listi tal-istatus tal-istanza tal-kartiera għalhekk ma japplikawx għal-listi tal-istatus tal-attestazzjoni tal-kjavi taħt l-għażla 1, sakemm ikun hemm biżżejjed unitajiet tal-kartiera li jużaw l-istess tip ta’ WSCD jew maħżen tal-kjavi.

—

NOTA: Meta fornitur tal-kartiera juża l-għażla 2, kull indiċi jirrappreżenta l-istat ta’ revoka tal-WSCD jew il-maħżen tal-kjavi speċifiku attestat f’dik l-attestazzjoni tal-kjavi.

—

NOTA: Meta fornitur tal-kartiera juża l-għażla 2, WSCD jew maħżen tal-kjavi speċifiku jista’ wkoll jiġi revokat fuq talba tal-Utent.

—

R_KA-2: Meta fornitur tal-kartiera juża l-għażla 2, il-fornitur tal-kartiera jista’ juża b’mod fakultattiv l-għażla “per-issuer reuse” deskritta f’R_WIA-1. Jekk il-fornitur tal-kartiera juża din l-għażla, ir-rekwiżiti R_WIA-1 - R_WIA-3 għandhom japplikaw mutatis mutandis.

—

R_KA-3: Meta fornitur tal-kartiera juża l-għażla 2, il-fornitur tal-kartiera għandu jqis l-iskala tal-varar tiegħu u l-arkitettura sottostanti meta jiddetermina d-daqs tal-listi tal-istatus tal-attestazzjoni tal-kjavi tiegħu, filwaqt li jiżgura li jkunu kbar biżżejjed biex jipprevjenu l-korrelazzjoni u jipproteġu l-privatezza tal-utent. Mill-inqas, lista tal-status għandha, fejn possibbli, tkun relatata ma’ mill-inqas 10 000 attestazzjoni tal-kjavi.

—

R_KA-4: Meta fornitur tal-kartiera juża l-għażla 1 (indiċi kondiviż tat-tip), il-fornitur tal-kartiera għandu jirrevoka entrata “key_storage_status.status” biss jekk it-tip ta’ WSCD jew maħżen tal-kjavi jkollu vulnerabbiltà tas-sigurtà.

(f)

Rekwiżiti dwar l-algoritmi tal-firma

—

SA-1: Għall-iffirmar tal-attestazzjonijiet tal-każijiet tal-kartiera, għal attestazzjonijiet tal-kjavi, għal provi relatati tal-pussess u għal-listi tal-istatus ta’ tokens, għandu jintuża wieħed mill-algoritmi li ġejjin:

—

ES256 (ECDSA b’SHA-256 u P-256)

—

ES384 (ECDSA b’SHA-384 u P-384)

—

ES512 (ECDSA b’SHA-512 u P-521)

—

SA-2: Fornitur tal-kartiera għandu jagħżel liema mill-algoritmi msemmija f’SA-1 se juża.

—

SA-3: Server tal-awtorizzazzjoni jew emittent tal-kredenzjali (kif speċifikat fl-OID4VCI) għandu jappoġġa l-algoritmi kollha msemmija fl-SA-1.
”

(1)  RFC 7519: JSON Web Token (JWT), Mejju 2015.

(2)  OpenID for Verifiable Credential Issuance v1.0, https://openid.net/specs/openid-4-verifiable-credential-issuance-1_0.html.

(3)  L-ETSI, “Electronic Signatures and Infrastructures (ESI); JAdES digital signatures; Part 3: JAdES levels and baseline profiles,” ETSI TS 119 472-3, V1.1.1, Marzu 2026.

(4)  Din id-dikjarazzjoni hija definita f’dan is-CIR għax mhix parti mill-ispeċifikazzjoni OID4VCI.

ANNESS IV

“

ANNESS II

Lista tas-servizzi msemmija fl-Artikolu 8

Japplikaw l-ispeċifikazzjonijiet tekniċi stabbiliti fil-klawżoli 2 sa 6 tal-ETSI TS 119 472-1 V1.2.1 (2026-02). Għandhom jinqraw bl-adattamenti li ġejjin:

(1)

2.1

Referenzi normattivi

—

[16] ETSI EN 319 412-1 V1.6.1 (2025-06): “Electronic Signatures and Infrastructures (ESI); Certificate Profiles; Part 1: Overview and common data structures”.

—

[17] ETSI TS 119 412-6 V1.1.1 (2025-09): “Electronic Signatures and Trust Infrastructures (ESI); Certificate Profiles; Part 6: Certificate profile requirements for PID, Wallet, EAA, QEAA, and PSBEAA providers”.

—

[25] IETF Token Status List (TSL), draft-ietf-oauth-status-list-20: “Token Status List”, l-20 ta’ April 2026.

(2)

4.2.11.1

Rekwiżiti ġenerali

—

EAA-4.2.11.1-06: Meta element tal-istatus jintuża għal data tal-identifikazzjoni tal-persuna, attestazzjonijiet elettroniċi kwalifikati tal-attributi, jew attestazzjonijiet elettroniċi tal-attributi pprovduti minn korp tas-settur pubbliku responsabbli għal sors awtentiku jew f’ismu, dan għandu jindika biss jekk l-attestazzjoni hix revokata jew le u ma għandux jappoġġa xi valuri oħra tal-istatus, bħal sospensjoni.

—

EAA-4.2.11.1-06.1: Meta attestazzjoni tiġi revokata, din għandha tiġi revokata b’mod permanenti.

(3)

4.2.13

EAA għal żmien qasir

—

EAA-4.2.13-03: Meta jinħarġu attestazzjonijiet elettroniċi tal-attributi ta’ ħajja qasira b’perjodu tal-validità ta’ 24 siegħa jew inqas, ir-revoka ma għandhiex tkun meħtieġa.

(4)

4.6.3

Rekwiżiti għal EAA tal-UE maħruġa minn jew f’isem korp tas-settur pubbliku responsabbli għal sors awtentiku (PuB-EAA)

—

PuB-EAA-4.6.2-03: void.

—

PuB-EAA-4.6.2-04: void.

—

PuB-EAA-4.6.3-03: Il-firma diġitali PuB-EAA jenħtieġ li jkun fiha ċ-ċertifikat kwalifikat li jappoġġa l-firma diġitali PuB-EAA.

—

PuB-EAA-4.6.3-04: Iċ-ċertifikat kwalifikat li jappoġġa l-firma diġitali PuB-EAA għandu jissodisfa r-rekwiżiti tal-klawżola 8 tal-ETSI TS 119 412-6 v1.1.1 u għandu jkun fih il-QcType QcStatement kif definit fl-ETSI EN 319 412-5 v2.5.1, bil-valur “id-etsi-qct-eidaspsbeaa” definit kif ġej:

id-etsi-qct-eidaspsbeaa OBJECT IDENTIFIER ::= { id-etsi-eidas2-qct-extensions 3 } -- Iċ-ċertifikat imsemmi fl-Art.45f(1)(b) li jappoġġa l-firma elettronika kwalifikata jew is-siġill elettroniku kwalifikat tal-korp tas-settur pubbliku msemmi fl-Artikolu 3, il-punt (46), tar-Regolament (UE) Nru 910/2014.

(5)

5.2.10.1

Rekwiżiti ġenerali

—

EAA-5.2.10.1-04: void.

—

EAA-5.2.10.1-05: void.

—

EAA-5.2.10.1-06: Il-membru tal-istatus jista’ jkun fih il-membru “status_list” kif speċifikat fil-klawżola 6.2 ta’ “draft-ietf-oauth-status-list-20” tal-IETF [25].

—

EAA-5.2.10.1-07: void.

—

EAA-5.2.10.1-08: void.

—

EAA-5.2.10.1-09: void.

—

EAA-5.2.10.1-10: void.

—

EAA-5.2.10.1-11: void.

—

EAA-5.2.10.1-12: void.

(6)

6.2.10.1

Rekwiżiti ġenerali

—

EAA-6.2.10.1-01: Meta attestazzjoni elettronika tal-attributi konformi mal-ISO/IEC mdoc tuża l-mekkaniżmu tal-lista tal-istatus tal-attestazzjoni kif stabbilit fl-EAA-6.2.10.1-02.2 jew il-mekkaniżmu tal-lista tar-revoka tal-attestazzjoni kif stabbilit fl-EAA-6.2.10.1-02.3, l-Oġġett tas-Sigurtà Mobbli (MSO) tiegħu għandu jkun fih l-istruttura tal-istatus, kif speċifikat fl-EAA-6.2.10.1-17, li fiha informazzjoni dwar ir-revoka tal-MSO.

—

EAA-6.2.10.1-01.1: Meta jiġi implimentat il-mekkaniżmu tal-lista tal-identifikaturi, l-element tal-istatus għandu jkun fih l-element identifier_list kif stabbilit fl-EAA-6.2.10.1-11.

—

EAA-6.2.10.1-01.2: Meta jiġi implimentat il-mekkaniżmu tal-lista tal-istatus, l-element tal-istatus għandu jkun fih l-element status_list kif stabbilit fl-EAA-6.2.10.1-13.

—

NOTA:

—

L-istruttura tal-istatus fiha referenza għal lista tar-revoka tal-MSO.

—

Il-lista tar-revoka tal-MSO hija struttura COSE_Sign1 li tindika jekk MSO partikolari hux revokat jew le.

—

L-istruttura tal-istatus fiha l-informazzjoni kollha meħtieġa biex il-parti dipendenti fuq kartiera tiddetermina jekk il-lista tar-revoka tal-MSO hix awtentika.

—

EAA-6.2.10.1-02: Il-fornitur tad-data tal-identifikazzjoni tal-persuna, il-fornitur tal-attestazzjonijiet elettroniċi kwalifikati tal-attributi jew il-fornitur tal-attestazzjonijiet elettroniċi tal-attributi pprovduti minn korp tas-settur pubbliku responsabbli għal sors awtentiku jew f’ismu għandu juża wieħed mill-metodi li ġejjin għar-revoka tad-data tal-identifikazzjoni tal-persuna, l-attestazzjonijiet elettroniċi tal-attributi kwalifikati jew l-attestazzjonijiet elettroniċi tal-attributi pprovduti minn korp tas-settur pubbliku responsabbli għal sors awtentiku jew f’ismu:

—

EAA-6.2.10.1-02.1: Meta joħorġu attestazzjonijiet elettroniċi tal-attributi ta’ ħajja qasira li għandhom perjodu tal-validità ta’ 24 siegħa jew inqas, ir-revoka ma għandhiex tkun meħtieġa.

—

EAA-6.2.10.1-02.2: Uża mekkaniżmu tal-lista tal-istatus tal-attestazzjoni biex tikkodifika l-informazzjoni dwar ir-revoka bħala lista tal-istatus.

—

EAA-6.2.10.1-02.2.1: Il-mekkaniżmu tal-lista tal-istatus jirrevoka MSO abbażi ta’ jekk il-bit tal-pożizzjoni tal-bit definita mill-emittent fl-MSO hijiex issettjata għal veru fil-lista tal-istatus.

—

EAA-6.2.10.1-02.2.2: Il-mekkaniżmu tal-lista tal-istatus hu speċifikat fl-ispeċifikazzjoni tal-lista tal-istatus tat-tokens (draft-ietf-oauth-status-list-20).

—

EAA-6.2.10.1-02.3: Uża mekkaniżmu tal-lista tar-revoka tal-attestazzjoni biex tikkodifika l-informazzjoni tar-revoka bħala lista ta’ identifikaturi.

—

EAA-6.2.10.1-02.3.1: Il-mekkaniżmu tal-lista ta’ identifikaturi jirrevoka MSO abbażi ta’ jekk l-identifikatur definit mill-emittent fl-MSO huwiex preżenti fil-lista ta’ identifikaturi.

—

EAA-6.2.10.1-02.3.2: L-EAA-6.2.10.1-06, l-EAA-6.2.10.1-08, l-EAA-6.2.10.1-09, l-EAA-6.2.10.1-10 u l-EAA-6.2.10.1-11 jispeċifikaw il-mekkaniżmu tal-lista tal-identifikaturi, abbażi tar-rekwiżiti mill-ispeċifikazzjoni tal-lista tal-istatus tat-tokens inkluża l-komunalità bejn il-lista tal-istatus u l-mekkaniżmu tal-lista tal-identifikaturi.

—

EAA-6.2.10.1-03: Meta element tal-istatus jintuża għal data tal-identifikazzjoni tal-persuna, attestazzjonijiet elettroniċi kwalifikati tal-attributi jew attestazzjonijiet elettroniċi tal-attributi pprovduti minn jew f’isem korp tas-settur pubbliku responsabbli għal sors awtentiku, l-istatus “revoked” għandu jintuża esklussivament.

—

EAA-6.2.10.1-03.1: Għal lista tal-istatus dan jimplika li għandhom jintużaw biss il-valuri “valid” u “invalid”, kif speċifikat fl-ispeċifikazzjoni tal-lista tal-istatus tat-token.

—

EAA-6.2.10.1-03.2: Għal-lista ta’ identifikaturi, l-MSOs revokati biss, għall-kuntrarju tal-MSOs sospiżi temporanjament, għandhom jitpoġġew fil-lista ta’ identifikaturi.

—

EAA-6.2.10.1-04: Meta MSO jiġi revokat, l-MSO għandu jiġi revokat b’mod permanenti.

—

EAA-6.2.10.1-05: Il-verifika tal-lista tar-revoka tal-MSO hija fakultattiva għall-parti dipendenti fuq kartiera u fejn applikabbli, il-verifika għandha tikkonforma mar-rekwiżiti ta’ verifika speċifikati fl-ispeċifikazzjoni tal-lista tal-istatus tat-tokens u l-ispeċifikazzjoni tal-istruttura tal-istatus stabbiliti fl-EAA-6.2.10.1-01.

—

EAA-6.2.10.1-05.1: Meta parti dipendenti fuq kartiera teħtieġ li tkun tista’ tivverifika l-istatus tar-revoka tad-data tal-identifikazzjoni tal-persuna jew l-attestazzjonijiet elettroniċi tal-attributi, għandha tappoġġa kemm il-mekkaniżmu tal-lista tal-istatus tal-attestazzjoni kif ukoll il-mekkaniżmu tal-lista tar-revoka tal-attestazzjoni stabbilit fl-EAA-6.2.10.1-02.

—

EAA-6.2.10.1-06: L-identifier_list u l-status_list fl-MSO jistgħu jkun fihom l-element taċ-ċertifikat.

—

EAA-6.2.10.1-06.1: Meta jkun preżenti l-element taċ-ċertifikat, dan għandu jkun fih ċertifikat li jkun fih il-kjavi pubblika li ffirmat jew issiġillat b’mod elettroniku ċ-ċertifikat tal-ogħla livell fl-element x5chain fl-istruttura tal-lista tar-revoka tal-MSO.

—

EAA-6.2.10.1-06.1.1: L-istanza tal-parti dipendenti fuq kartiera għandha tuża dak iċ-ċertifikat bħala ankra ta’ fiduċja għall-verifika tal-element x5chain fl-istruttura tal-lista tar-revoka tal-MSO.

—

EAA-6.2.10.1-06.2: Meta l-element taċ-ċertifikat ma jkunx preżenti, iċ-ċertifikat tal-ogħla livell fl-element x5chain fl-istruttura tal-lista tar-revoka tal-MSO għandu jiġi ffirmat jew issiġillat b’mod elettroniku miċ-ċertifikat użat għall-iffirmar taċ-ċertifikat fl-element x5chain tal-MSO.

—

EAA-6.2.10.1-06.2.1: L-istanza tal-parti dipendenti fuq kartiera għandha tuża dak iċ-ċertifikat bħala ankra ta’ fiduċja għall-verifika tal-element x5chain fl-istruttura tal-lista tar-revoka tal-MSO.

—

EAA-6.2.10.1-07: Lista tar-revoka tal-MSO għandha tiġi implimentata skont l-ispeċifikazzjoni tal-lista tal-istatus tat-token bħala token tal-lista tal-istatus bil-format CWT.

—

EAA-6.2.10.1-08: Għal-lista tar-revoka tal-MSO għal-lista ta’ identifikaturi u l-mekkaniżmu tal-lista tal-istatus, japplikaw ir-rekwiżiti li ġejjin:

—

id-dikjarazzjoni tal-exp għandha tkun preżenti.

—

id-dikjarazzjoni tat-ttl tista’ tkun preżenti.

—

id-dikjarazzjoni aggregation_uri fid-dikjarazzjoni IdentifierList jew StatusList tista’ tkun preżenti u l-fornitur tad-data tal-identifikazzjoni tal-persuna, il-fornitur tal-attestazzjonijiet elettroniċi kwalifikati tal-attributi, jew il-fornitur tal-attestazzjonijiet elettroniċi tal-attributi pprovduti minn korp tas-settur pubbliku responsabbli għal sors awtentiku jew f’ismu jista’ juża d-dikjarazzjoni aggregation_uri biex jindika appoġġ għall-mekkaniżmu ta’ aggregazzjoni kif speċifikat fl-ispeċifikazzjoni tal-lista tal-istatus tat-tokens.

—

is-CWT għandu jkun oġġett COSE_Sign1 li juża wieħed mill-algoritmi tal-firma li ġejjin għall-kalkolu tal-firma:

(a)

“ES256” (ECDSA bil-kurva NIST P-256 u SHA-256);

(b)

“ES384” (ECDSA bil-kurva NIST P-384 u SHA-384);

(c)

“ES512” (ECDSA bil-kurva NIST P-521 u SHA-512);

(d)

“ESB256” (ECDSA bil-kurva brainpoolP256r1 u SHA-256);

(e)

“ESB384” (ECDSA bil-kurva brainpoolP384r1 u SHA-384);

(f)

“ESB512” (ECDSA bil-kurva brainpoolP512r1 u SHA-512);

—

is-CWT għandu jkun fih l-x5chain fl-intestatura protetta li fiha ċ-ċertifikat jew il-katina taċ-ċertifikati għall-verifika tal-firma tal-lista tar-revoka tal-MSO.

—

l-użu estiż tal-kjavi tal-identifikatur tal-oġġett speċifikat fl-ispeċifikazzjoni tal-lista tal-istatus tat-token jista’ jintuża għal-lista tal-istatus u ċ-ċertifikat tal-iffirmar tal-lista tal-identifikaturi u l-istanzi tal-parti dipendenti fuq kartiera jistgħu jappoġġaw l-użu estiż tal-kjavi tal-identifikaturi tal-oġġett speċifikati fl-ispeċifikazzjoni tal-lista tal-istatus tat-token u għall-identifikatur tal-oġġett, il-fornitur tal-attestazzjonijiet elettroniċi kwalifikati tal-attributi, jew il-fornitur tal-attestazzjonijiet elettroniċi tal-attributi pprovduti minn korp tas-settur pubbliku jew f’ismu ma għandhomx jagħmlu l-entrata tal-użu estiż tal-kjavi kritika meta jużaw l-OID tal-użu estiż tal-kjavi speċifikat fl-ispeċifikazzjoni tal-lista tal-istatus tat-token.

—

EAA-6.2.10.1-09: B’devjazzjoni għar-rekwiżiti tal-ispeċifikazzjoni tal-lista tal-istatus tat-tokens, għall-mekkaniżmu tal-lista tal-identifikaturi japplikaw ir-rekwiżiti li ġejjin:

—

il-valur tad-dikjarazzjoni tat-tip għandu jkun “application/identifierlist+cwt”;

—

id-dikjarazzjoni StatusList ma għandhiex tkun preżenti fis-sett tad-dikjarazzjonijiet CWT;

—

l-istruttura IdentifierList definita fl-EAA-6.2.10.1-11 għandha tkun preżenti bħala dikjarazzjoni fis-sett tad-dikjarazzjonijiet CWT bl-użu tal-kjavi 65530.

—

EAA-6.2.10.1-10: L-istruttura tal-IdentifierList għandha tkun struttura CBOR bis-CDDL li ġej:

IdentifierList = {

'identifiers': { * Identifier => IdentifierInfo },

? 'aggregation_uri': Aggregation_uri

* tstr => RFU

}

IdentifierInfo = { tstr/int => RFU }

Identifier = bstr

Aggregation_uri = tstr

—

EAA-6.2.10.1-10.1: Meta l-identifikatur fl-IdentifierList ikun preżenti, l-MSO li fih l-identifikatur fl-element tal-istatus jiġi revokat.

—

EAA-6.2.10.1-10.2: Id-dikjarazzjoni Aggregation_uri hija speċifikata fit-Taqsima 9.2 tal-ispeċifikazzjoni tal-lista tal-istatus tat-tokens.

—

EAA-6.2.10.1-10.3: It-tip ta’ kontenut tal-lista tal-identifikaturi għandu jkun “application/identifierlist+cwt” stabbilit fir-rekwiżiti speċifikati fit-Taqsima 8.2 tal-ispeċifikazzjoni tal-lista tal-istatus tat-tokens.

—

EAA-6.2.10.1-11: Ir-rekwiżiti li ġejjin japplikaw għall-element identifier_list fl-MSO (ara EAA-6.2.10.1-17).

—

EAA-6.2.10.1-11.1: L-element identifier_list huwa struttura CBOR bis-CDDL li ġej:

IdentifierListInfo = {

'id': Identifier ,

'uri': URI,

? 'certificate': Certificate

* tstr => RFU

}

URI = tstr

Certificate = bstr

—

EAA-6.2.10.1-11.2: REV-11.2: Biex l-identifikatur ma jintużax bħala korrelazzjoni bejn preżentazzjonijiet, dan għandu jkun uniku għal kull MSO.

—

EAA-6.2.10.1-12: Ir-rekwiżiti li ġejjin japplikaw għal-lista tal-istatus:

—

EAA-6.2.10.1-12.1: L-element tal-bits fl-istruttura StatusList għandu jiġi ssettjat għal 1.

—

EAA-6.2.10.1-13: Ir-rekwiżiti li ġejjin japplikaw għall-element status_list fl-MSO (ara EAA-6.2.10.1-17):

—

EAA-6.2.10.1-13.1: L-element status_list għandu jsegwi r-rekwiżiti għall-istruttura StatusListInfo kif speċifikat fl-ispeċifikazzjoni tal-lista tal-istatus tat-token u għandu jiżdied l-element taċ-ċertifikat fakultattiv definit fl-EAA-6.2.10.1-06.

—

EAA-6.2.10.1-13.2: Biex jiġi evitat li l-indiċi tal-istatus ikun korrelazzjoni bejn il-preżentazzjonijiet, il-kombinazzjoni tal-indiċi tal-istatus u l-URI għandha tkun unika għal kull MSO.

—

EAA-6.2.10.1-14: Il-fornitur tal-kartiera għandu juża t-tieni (EAA-6.2.10.1-02.2) jew it-tielet (EAA-6.2.10.1-02.3) wieħed mill-metodi speċifikati fl-EAA-6.2.10.1-02 għar-revoka ta’ attestazzjoni tal-unità tal-kartiera (WIA) jew għar-revoka ta’ attestazzjoni tal-kjavi (KA).

—

EAA-6.2.10.1-15: Il-fornitur tal-kartiera għandu jimplimenta l-mekkaniżmi tar-revoka tal-attestazzjoni speċifikati fl-EAA-6.2.10.1-02 fis-soluzzjoni tal-kartiera tiegħu.

—

EAA-6.2.10.1-16: Il-fornitur tad-data tal-identifikazzjoni tal-persuna u l-fornitur tal-attestazzjonijiet elettroniċi tal-attributi għandhom jappoġġaw kemm il-mekkaniżmu tal-lista tal-istatus tal-attestazzjoni kif ukoll il-mekkaniżmu tal-lista tar-revoka tal-attestazzjoni speċifikat fl-EAA-6.2.10.1-02 biex jivverifikaw l-istatus tar-revoka ta’ attestazzjoni tal-unità tal-kartiera (WIA) jew ta’ attestazzjoni tal-kjavi (KA).

—

EAA-6.2.10.1-17: L-istruttura tal-istatus fl-MSO għandha tkun struttura ta’ CBOR bis-CDDL li ġejja:

Status = {

? 'identifier_list' : IdentifierListInfo,

? 'status_list' : StatusListInfo,

* tstr => RFU

}
”

ANNESS V

“

ANNESS III

Speċifikazzjonijiet tekniċi msemmija fl-Artikolu 10

—

Speċifikazzjonijiet tekniċi:

—

Il-klawżola 4.2.5 tal-ETSI TS 119 472-3 V1.1.1 (2026-03).
”

ANNESS VI

L-Anness IV tar-Regolament ta’ Implimentazzjoni (UE) 2024/2979 huwa emendat kif ġej:

(1)

il-punt 1 huwa sostitwit b’dan li ġej:

“1.

Format obbligatorju tal-firem jew tas-siġilli elettroniċi:

(a)

PAdES (PDF Advanced Electronic Signature) kif speċifikat fl-ETSI EN 319 142-1 V1.2.1 (2024-01); Firem u Infrastrutturi Elettroniċi (ESI); firem diġitali tal-PAdES; Parti 1: Elementi kostitwenti u firem bażi tal-PAdES.”;

(2)

il-punt 3 huwa sostitwit b’dan li ġej:

“3.

Interfaċċa għall-ipprogrammar tal-applikazzjonijiet:

ETSI TS 119 432 v1.3.1 (2026-03) il-klawżoli 6.4.3, A.6, A.7 u A.8.”.

ANNESS VII

“

ANNESS VI

Marka ta’ Fiduċja tal-Kartiera tal-Identità Diġitali tal-UE bil-kulur

Image 1

”

ANNESS VIII

“

ANNESS VII

Marka ta’ Fiduċja tal-Kartiera tal-Identità Diġitali tal-UE bl-abjad u l-iswed

Image 2

”

ANNESS IX

“

ANNESS VIII

Data tal-Marka ta’ Fiduċja tal-Kartiera tal-Identità Diġitali tal-UE

Data

Deskrizzjoni

Kodifikazzjoni

Status

TrustMarkResourceURL

URL tal-grafika tal-Marka ta’ Fiduċja tal-Kartiera tal-Identità Diġitali tal-UE u r-riżorsi tal-informazzjoni tal-utent fl-interfaċċa tal-utent tal-kartiera.

URL

obbligatorja

ListOfCertifiedWalletsURL

URL tal-lista pubblika ta’ soluzzjonijiet ta’ kartieri ċċertifikati fl-UE kif stabbilit fir-Regolament ta’ Implimentazzjoni tal-Kummissjoni (UE) 2025/849 (1).

URL

obbligatorja

ListOfCertifiedWalletsQRCode

Kodiċi QR li fih l-informazzjoni ta’ ListOfCertifiedWalletsURL

ISO-8859-1 Byte mode QR code

fakultattiva

WalletSolutionInfoPageURL

URL għall-paġna tal-informazzjoni tas-soluzzjoni tal-kartiera ċċertifikata fil-lista tal-paġna tas-soluzzjonijiet tal-kartiera ċċertifikata mil-ListOfCertifiedWalletsURL URL miżjuda bi ? u l-identifikatur WalletSolutionID tas-soluzzjoni tal-kartiera.

URL

obbligatorja

WalletSolutionInfoPageQRCode

Kodiċi QR li fih l-informazzjoni tal-WalletSolutionInfoPageURL

ISO-8859-1 Byte mode QR code

fakultattiva

WalletVerifierToolURL*

URL li jipponta lejn l-endpoint /.well-known/openid-credential-issuer tal-għodda tal-verifika tal-kartiera użata għall-irkupru tal-metadata tal-fornitur tal-attestazzjoni.

URL

fakultattiva

(1)  Ir-Regolament ta’ Implimentazzjoni tal-Kummissjoni (UE) 2025/849 tas-6 ta’ Mejju 2025 li jistabbilixxi regoli għall-applikazzjoni tar-Regolament (UE) Nru 910/2014 tal-Parlament Ewropew u tal-Kunsill fir-rigward tas-sottomissjoni tal-informazzjoni lill-Kummissjoni u lill-Grupp ta’ Kooperazzjoni għal-lista tal-Kartieri Ewropej tal-Identità Diġitali ċċertifikati (ĠU L, 2025/849, 7.5.2025, ELI: http://data.europa.eu/eli/reg_impl/2025/849/oj).
”

ANNESS X

L-Anness II tar-Regolament ta’ Implimentazzjoni (UE) 2024/2980 huwa emendat kif ġej:

(1)

fl-Anness II, it-Taqsima 1, il-punt 1(i) huwa sostitwit b’dan li ġej:

“(i)

ċertifikat wieħed jew aktar konformi mal-istandard ETSI EN 319 412-2 V2.4.1 (2025-06) jew mal-istandard ETSI EN 319 412-3 V1.3.1 (2023-09) li jistgħu jintużaw għall-verifika tal-firma jew tas-siġill maħluqa mir-reġistratur fuq id-data tar-reġistru u li d-data tal-identità ċċertifikata għalih tkun tinkludi isem ir-reġistratur u, meta applikabbli, in-numru tar-reġistrazzjoni tar-reġistratur, kif ipprovduti fil-punti (c) u (d), rispettivament;”;

(2)

fl-Anness II, it-Taqsima 2, il-punt 1(h) huwa sostitwit b’dan li ġej:

“(h)

ċertifikat wieħed jew aktar konformi mal-istandard ETSI EN 319 412-2 V2.4.1 (2025-06) jew mal-istandard ETSI EN 319 412-3 V1.3.1 (2023-09) li jistgħu jintużaw biex jawtentikaw u jivvalidaw l-attestazzjonijiet tal-unità tal-kartiera li jkun ħareġ il-fornitur tal-kartiera, u li għalihom id-data tal-identità ċċertifikata tinkludi l-isem, u fejn applikabbli, in-numru tar-reġistrazzjoni tal-fornitur tal-kartiera, kif speċifikat fil-punti (a) u (b), rispettivament;”;

(3)

fl-Anness II, it-Taqsima 3, il-punt 1(h) huwa sostitwit b’dan li ġej:

“(h)

ċertifikat wieħed jew aktar konformi mal-istandard ETSI EN 319 412-2 V2.4.1 (2025-06) jew mal-istandard ETSI EN 319 412-3 V1.3.1 (2023-09) li jistgħu jintużaw għall-verifika tal-firma jew tas-siġill elettroniku maħluq mill-fornitur tad-data tal-identifikazzjoni tal-persuna fuq id-data tal-identifikazzjoni tal-persuna li huwa jipprovdi, u li għaliha, id-data tal-identità ċċertifikata tinkludi l-isem, u fejn applikabbli, in-numru tar-reġistrazzjoni tal-fornitur tad-data tal-identifikazzjoni tal-persuna, kif speċifikat fil-punti (a) u (b), rispettivament.”;

(4)

fl-Anness II, it-Taqsima 4, il-punt 1(g) huwa sostitwit b’dan li ġej:

“(g)

ċertifikat wieħed jew aktar konformi mal-istandard ETSI EN 319 412-2 V2.4.1 (2025-06) jew mal-istandard ETSI EN 319 412-3 V1.3.1 (2023-09) li jistgħu jintużaw għall-verifika tal-firma jew tas-siġill maħluqa mill-fornitur taċ-ċertifikati tal-aċċess għal parti dipendenti fuq kartiera fuq iċ-ċertifikat tal-aċċess li jipprovdi lil partijiet dipendenti fuq kartiera, flimkien, meta applikabbli, mal-informazzjoni meħtieġa biex tiddistingwi ċ-ċertifikati tal-aċċess ta’ parti dipendenti fuq kartiera minn ċertifikati oħra.”;

(5)

fl-Anness II, tiżdied it-Taqsima 5 kif ġej:

“5.

 Notifiki tal-informazzjoni dwar il-fornituri taċ-ċertifikati tar-reġistrazzjoni ta’ parti dipendenti fuq kartiera

1.

L-Istat Membri għandhom jipprovdu l-informazzjoni li ġejja lill-Kummissjoni dwar il-fornituri taċ-ċertifikati tar-reġistrazzjoni ta’ parti dipendenti fuq kartiera:

(a)

isem il-fornitur taċ-ċertifikati tar-reġistrazzjoni ta’ parti dipendenti fuq kartiera;

(b)

meta applikabbli, numru tar-reġistrazzjoni tal-fornitur taċ-ċertifikati tar-reġistrazzjoni ta’ parti dipendenti fuq kartiera;

(c)

l-Istat Membru li fih ikun stabbilit il-fornitur taċ-ċertifikati tar-reġistrazzjoni ta’ parti dipendenti fuq kartiera;

(d)

l-email u n-numru tat-telefown tal-fornitur taċ-ċertifikati tar-reġistrazzjoni ta’ parti dipendenti fuq kartiera, għal kwistjonijiet relatati maċ-ċertifikati tar-reġistrazzjoni li jipprovdi lill-partijiet dipendenti fuq kartiera;

(e)

meta applikabbli, il-URL tal-paġna web tal-fornitur taċ-ċertifikati tar-reġistrazzjoni ta’ parti dipendenti fuq kartiera li jkun fiha informazzjoni addizzjonali dwar il-fornitur u ċ-ċertifikati tar-reġistrazzjoni li jipprovdi lill-partijiet dipendenti fuq kartiera;

(f)

il-URL tal-paġna web bil-politiki, it-termini u l-kundizzjonijiet li japplikaw għall-forniment u l-użu taċ-ċertifikati tar-reġistrazzjoni li jipprovdi lill-partijiet dipendenti fuq kartiera;

(g)

ċertifikat wieħed jew aktar konformi mal-istandard ETSI EN 319 412-2 V2.4.1 (2025-06) jew mal-istandard ETSI EN 319 412-3 V1.3.1 (2023-09) li jistgħu jintużaw għall-verifika tal-firma jew tas-siġill maħluqa mill-fornitur taċ-ċertifikati tar-reġistrazzjoni ta’ parti dipendenti fuq kartiera fuq iċ-ċertifikat tar-reġistrazzjoni li dan jipprovdi lil partijiet dipendenti fuq kartiera, flimkien, meta applikabbli, mal-informazzjoni meħtieġa biex tiddistingwi ċ-ċertifikati tar-reġistrazzjoni ta’ parti dipendenti fuq kartiera minn ċertifikati oħra.

2.

 L-informazzjoni msemmija fil-punt 1 għandha tingħata għal kull fornitur taċ-ċertifikati tar-reġistrazzjoni ta’ parti dipendenti fuq kartiera.”

ANNESS XI

“

ANNESS I

Protokolli u interfaċċi msemmija fl-Artikolu 4

L-ispeċifikazzjoni teknika ETSI TS 119 472-3 V1.1.1 (2026-03) għandha tapplika bl-adattamenti li ġejjin:

(1)

4.1

Rekwiżiti ġenerali

—

GEN-REQ-4.1-05: void

—

NOTA: void

(2)

4.2.3

Għoti ta’ ċertifikati tar-reġistrazzjoni ta’ Fornitur PID/EAA lil Kartiera tal-EUDI

—

ISS-MDATA-REG_CERT-4.2.3-04: Wieħed mill-elementi fil-parametru tal-array “issuer_info” għandu jkun fih iċ-ċertifikat tar-reġistrazzjoni tal-Fornitur PID/EAA.

—

ISS-MDATA-REG_CERT-4.2.3-07: void

—

ISS-MDATA-REG_CERT-4.2.3-08: void

—

ISS-MDATA-REG_CERT-4.2.3-09: void

—

ISS-MDATA-REG_CERT-4.2.3-10: void

—

ISS-MDATA-REG_CERT-4.2.3-11: void

—

ISS-MDATA-REG_CERT-4.2.3-12: void

—

ISS-MDATA-REG_CERT-4.2.3-13: void

(3)

4.2.4.2 Politika ta’ użu mill-ġdid tal-PID/EAA predefinita tal-ARF

—

ISS-MDATA-EAA-REUSE-POL-4.2.4.2-09: Meta l-membru “id” ikollu l-valur “arf_annex_ii”, u l-array immappjat mat-tikketta “details” ikun fih il-valur “once_only” jew il-valur “per-relying-party”, l-Oġġett JSON li jkun fih dan l-array immappjat mat-tikketta “details” għandu jkun fih ukoll numru JSON immappjat mat-tikketta “reissue_trigger_unused”.

(4)

L-Anness A ma għandux japplika.
”

ANNESS XII

“

ANNESS II

Speċifikazzjonijiet tekniċi msemmija fl-Artikolu 5

Għandha tapplika l-ispeċifikazzjoni teknika fl-Anness C tal-ISO/IEC 18013-7:2025.

L-ispeċifikazzjonijiet tekniċi fil-klawżoli 4.1, 4.2, 5 u 6 tal-ETSI TS 119 472-2 V1.2.1 (2026-03), għandhom japplikaw bl-adattamenti li ġejjin, inkluż billi tiddaħħal il-klawżola 4.3 ġdida:

(1)

1

Ambitu

—

Dan id-dokument jispeċifika żewġ profili ta’ protokolli li jippermettu lill-Partijiet Dipendenti (minn hawn ’il quddiem RP) jitolbu EAAPs jew data tal-identifikazzjoni tal-persuna (minn hawn ’il quddiem PID) lill-Kartiera tal-EUDI, u li l-Kartiera tal-EUDI tibgħat l-EAAPs/PIDs mitluba lill-RP. Kull wieħed mill-profili jappoġġa żewġ mekkaniżmi tat-trażmissjoni, jiġifieri: Medjat b’API u mhux medjat b’API, kif jidher hawn taħt:

(a)

Profil huwa mibni fuq:

—

ISO/IEC 18013-5 [10] għal mekkaniżmu tat-trażmissjoni mhux medjat b’API biss, u

—

L-Anness C tal-ISO/IEC 18013-7 [16] għall-mekkaniżmu tat-trażmissjoni medjat b’API.

Dan il-profil jissejjaħ profil ISO/IEC-mdoc u huwa definit fil-klawżola 5 tad-dokument preżenti.

(b)

Profil huwa mibni fuq:

OpenID4VC-HAIP [11] għal mekkaniżmi tat-trażmissjoni medjati u mhux medjati b’API, kif ġej:

—

It-Taqsimiet 5, 5.1, 5.3, 7, u 8 ta’ [11] għat-trażmissjoni b’ridirezzjonar jew għall-mekkaniżmu tat-trażmissjoni mhux medjat b’API, u

—

It-Taqsimiet 5, 5.2, 5.3, 7, u 8 ta’ [11] għall-mekkaniżmu tat-trażmissjoni medjat b’API.

Dan il-profil jissejjaħ profil OpenID4VC-HAIP u hu definit fil-Klawżola 6 ta’ dan id-dokument.

(2)

2.1

Referenzi normattivi

—

[15] ISO 639: “Language code”.

—

[16] ISO/IEC 18013-7:2025 “Personal identification – ISO – compliant driving licence – Part 7: Mobile driving licence (mDL) add-on functions”.

(3)

4.1

Implimentazzjoni tal-EAAP ibbażata fuq SD-JWT VC

—

EAAP-SD-JWT VC-04: void.

(4)

4.2

Implimentazzjoni tal-EAAP ibbażata fuq ISO/IEC-mdoc

—

EAAP-ISO/IEC-mdoc-01: void.

—

NOTA 2: void.

—

EAAP-ISO/IEC-mdoc-02: void.

(5)

4.3

Implimentazzjoni tal-EAAP b’API ta’ medjazzjoni

—

EAAP-API-GEN-01: Il-Kartiera tal-EUDI għandha tappoġġa API ta’ medjazzjoni li tappoġġa ż-żewġ protokolli definiti fil-klawżola 5.2 ta’ [11] u fl-Anness C ta’ [16].

—

NOTA: Meta l-apparat li fuqu tiġi installata l-Kartiera tal-EUDI ma jkunx jappoġġa ż-żewġ protokolli, dan ir-rekwiżit ma jistax jiġi ssodisfat u tiskatta nonkonformità għax is-sistemi operatorji sottostanti u l-brawżers ma jkunux jimplimentaw il-karatteristiċi tal-interoperabbiltà meħtieġa.

—

EAAP-API-GEN-02: Il-Kartiera tal-EUDI għandha tappoġġa API ta’ medjazzjoni mqar għat-tipi ta’ PIDs u EAA rreġistrati fil-katalgu tal-iskemi kif definit fir-Regolament ta’ Implimentazzjoni (UE) 2025/1569, u mqar għall-formati kollha definiti fl-Anness II tar-Regolament ta’ Implimentazzjoni (UE) 2024/2979.

—

NOTA 1: Meta s-sistema operatorja sottostanti, il-brawżer, l-APIs ta’ medjazzjoni, jew xi saff tekniku ieħor barra mill-kontroll tal-Kartiera tal-EUDI jirrestrinġi, jiffiltra, jagħżel minn qabel, jew jillimita mod ieħor il-formati tal-kredenzjali, u t-tipi ta’ PIDs u EAA rreġistrati fil-katalgu tal-iskemi, dan ir-rekwiżit ma jistax jiġi ssodisfat. Meta tali restrizzjoni twaqqaf lill-Kartiera tal-EUDI milli tappoġġa tip jew format ta’ kredenzjali rreġistrat, in-nonkonformità li tirriżulta tkun attribwibbli għall-falliment ta’ dawk is-sistemi operatorji sottostanti, il-brawżers, l-API ta’ medjazzjoni, jew xi saff tekniku rilevanti ieħor li jipprovdu l-karatteristiċi tal-interoperabbiltà meħtieġa.

(6)

4.4

Validazzjoni tal-parti dipendenti fuq kartiera u verifiki eċċessivi

—

WRP-VALIDATION-01: Il-Kartiera tal-EUDI għandha tivvalida ċ-ċertifikat tar-reġistrazzjoni ta’ parti dipendenti fuq kartiera li tkun irċeviet fit-talba qabel ma tippreżenta xi PID jew attestazzjoni elettronika tal-attributi mitluba lill-utent tal-kartiera għall-approvazzjoni.

—

WRP-VALIDATION-02: Meta l-validazzjoni taċ-ċertifikat tar-reġistrazzjoni ta’ parti dipendenti fuq kartiera ma tirnexxix, inkluż meta ċ-ċertifikat ikun skada, ġie revokat, ma jkunx inħareġ minn fornitur fdat validu taċ-ċertifikati tar-reġistrazzjoni ta’ parti dipendenti fuq kartiera, ikun malfurmat, jew ma jkunx jista’ jiġi vverifikat kriptografikament, il-Kartiera tal-EUDI għandha twissi lill-utent tal-kartiera li l-parti dipendenti fuq kartiera ma setgħetx tiġi vvalidata u ma għandhiex tippreżenta t-talba bħala waħda li ġiet ivvalidata b’suċċess. L-utent tal-kartiera għandu japprova b’mod espliċitu t-talba tal-parti dipendenti. Is-silenzju jew il-kaxxi mmarkati minn qabel ma għandhomx ikunu biżżejjed għall-approvazzjoni espliċita.

—

WRP-VALIDATION-03: Il-fornitur tal-kartiera għandu jiddetermina, abbażi tal-analiżi tar-riskju u l-politika tas-sigurtà tiegħu, jekk u skont liema kundizzjonijiet l-utenti tal-kartiera jistgħu jevitaw verifiki tal-validazzjoni falluti speċifiċi.

—

WRP-OVERASKING-01: Il-Kartiera tal-EUDI għandha tqabbel l-attestazzjonijiet u l-attributi mitluba mill-parti dipendenti fuq kartiera mal-attestazzjonijiet u l-attributi rreġistrati fiċ-ċertifikat tar-reġistrazzjoni ta’ parti dipendenti fuq kartiera.

—

WRP-OVERASKING-02: Meta l-parti dipendenti fuq kartiera titlob PID jew attestazzjonijiet elettroniċi tal-attributi jew dikjarazzjonijiet li ma jkunux koperti miċ-ċertifikat tar-reġistrazzjoni ta’ parti dipendenti fuq kartiera, il-Kartiera tal-EUDI għandha twissi b’mod ċar lill-utent tal-kartiera qabel kull żvelar. It-twissija għandha tidentifika li l-parti dipendenti fuq kartiera tkun qed titlob aktar informazzjoni milli tkun irreġistrat. L-utent tal-kartiera għandu japprova b’mod espliċitu t-talba tal-parti dipendenti. Is-silenzju jew il-kaxxi mmarkati minn qabel ma għandhomx ikunu biżżejjed għall-approvazzjoni espliċita.

—

WRP-OVERASKING-03: Il-fornitur tal-kartiera għandu jiddetermina, abbażi tal-analiżi tar-riskju tiegħu, il-politika tas-sigurtà u l-liġi applikabbli, jekk l-utent tal-kartiera jistax ikompli minkejja din it-twissija, jekk jistax jiġi żvelat biss is-subsett tad-data mitluba kopert miċ-ċertifikat tar-reġistrazzjoni, jew jekk it-talba għandhiex tiġi rifjutata.

(7)

5.1

Introduzzjoni

—

Il-Klawżola 5 u s-subklawżoli tagħha jiddefinixxu profil għal protokoll li jippermetti lil RP titlob EAAPs jew PIDs lill-Kartiera tal-EUDI, u li l-Kartiera tal-EUDI tibgħat l-EAAPs/PIDs mitluba lill-RP billi tuża mekkaniżmu tat-trażmissjoni mhux medjat b’API, mibni fuq ISO/IEC 18013-5 [10] jew mekkaniżmu tat-trażmissjoni medjat b’API mibni fuq l-Anness C ta’ ISO/IEC 18013-7 [16] għat-trasferiment tal-istrutturi tad-data definiti fl-ISO/IEC 18013-5 [10] inkapsulati kif xieraq.

—

Il-bqija tal-Klawżola 5 hija organizzata kif ġej:

—

Il-Klawżola 5.2 tiddefinixxi r-rekwiżiti dwar l-appoġġ tal-profil u l-mekkaniżmi tat-trażmissjoni mill-RPs u mill-Kartiera tal-EUDI;

—

Il-Klawżola 5.3 tispeċifika r-rekwiżiti li huma speċifiċi għall-mekkaniżmu tat-trażmissjoni mhux medjat b’API;

—

Il-Klawżola 5.4 u s-subklawżoli tagħha jispeċifikaw rekwiżiti li huma speċifiċi għall-mekkaniżmu tat-trażmissjoni medjat b’API.

(8)

5.2

Rekwiżiti għall-Kartiera tal-EUDI u appoġġ tal-RP

—

ISO/IEC 18013-SUPPORT-01: L-Unitajiet tal-Kartiera, il-Fornituri tal-PID, il-Fornituri tal-Attestazzjoni, il-Fornituri tal-Kartiera, u l-Partijiet Dipendenti ma għandhomx jappoġġaw l-irkupru tas-server kif speċifikat fl-ISO/IEC 18013-5 [10] għat-talba u għall-preżentazzjoni tal-attributi tal-PID jew tal-attestazzjoni.

—

ISO/IEC 18013-SUPPORT-02: Il-Kartiera tal-EUDI għandha tissodisfa r-rekwiżiti definiti fil-klawżoli 5.3 u 5.4 ta’ dan id-dokument.

—

ISO/IEC 18013-SUPPORT-04: Parti Dipendenti għandha timplimenta l-profil definit fil-klawżola 5.4 ta’ dan id-dokument.

(9)

5.3.2

ISO/IEC-mdoc EAAP Request contents

—

ISO/IEC 18013-5-REQ-04: It-talbiet għal apparati mibgħuta lil Kartieri tal-EUDI għandu jkun fihom il-par kjavi-valur “requestInfo” speċifikat fil-klawżola 8.3.2.1.2.1 ta’ [10]. Il-valur ta’ dan il-par għandu jkun tat-tip RequestInfo.

—

ISO/IEC 18013-5-REQ-05: It-tip RequestInfo għandu jkun kif turi d-definizzjoni tas-CDDL hawn taħt.

RequestInfo = {

'euWrprc': bstr ; contains a registration certificate (see requirements below)

}

—

ISO/IEC 18013-5-REQ-06: Il-membru “requestInfo” rikjedenti għandu jkun fih membru bit-tikketta “euWrprc”

—

ISO/IEC 18013-5-REQ-07: Il-valur ta’ “euWrprc” għandu jkun ċertifikat tar-reġistrazzjoni kodifikat ta’ CBOR.

—

ISO/IEC 18013-5-REQ-08: void.

—

NOTA 3: void.

—

ISO/IEC 18013-5-REQ-09: void.

—

ISO/IEC 18013-5-REQ-10: void.

—

ISO/IEC 18013-5-REQ-11: void.

(10)

5.3.3

Profil ISO/IEC-mdoc ta’ Rispons tal-EAAP

—

Din il-klawżola tiddefinixxi r-rekwiżiti għat-tip ta’ messaġġ DeviceResponse, komuni għaż-żewġ tipi ta’ mekkaniżmi tat-trażmissjoni (medjati u mhux medjati b’API).

—

NOTA 1: Meta jintuża mekkaniżmu mhux medjat b’API mibni fuq l-ISO/IEC 18013-5 [10], Rispons tal-EAAP ikun eżattament istanza ta’ DeviceResponse kif profilat fil-klawżola preżenti. Meta jintuża mekkaniżmu medjat b’API mibni fuq l-Anness C tal-ISO/IEC 18013-7 [16], l-istanza ta’ DeviceRequest tkun inkapsulata kif speċifikat fl-Anness C ta’ [16].

—

ISO/IEC 18013-5-RESP-02: Il-fornitur tad-data tal-identifikazzjoni tal-persuna u tal-attestazzjonijiet elettroniċi tal-attributi ma għandu jinkludi ebda element tad-data fil-mappa tal-KeyAuthorizations fl-Oġġett tas-Sigurtà Mobbli tad-data tal-identifikazzjoni tal-persuna u tal-attestazzjonijiet elettroniċi tal-attributi li huma joħorġu, ħlief għal elementi tad-data pprovduti mill-parti dipendenti fuq kartiera fid-data tranżazzjonali fit-talba tal-mdoc li trid tiġi ffirmata jew issiġillata b’mod elettroniku mill-unità tal-kartiera bil-kjavi privata tad-data tal-identifikazzjoni tal-persuna jew l-attestazzjonijiet elettroniċi tal-attributi.

—

NOTA 2: Minħabba f’hekk, l-unitajiet tal-kartiera ma jistgħux jippreżentaw element tad-data ffirmat minn apparat lil partijiet dipendenti fuq kartiera, ħlief data tal-iffirmar ipprovduta mill-parti dipendenti fuq kartiera, pereżempju f’każijiet tal-użu għal awtentikazzjoni sigura tal-utent.

—

NOTA 3: L-ISO/IEC 18013-5:2021 ma jispeċifikax kif il-partijiet dipendenti fuq kartiera jistgħu jinkludu data tranżazzjonali f’talba mdoc. L-inklużjoni ta’ data tranżazzjonali f’talba mdoc għandha ssir biż-żieda ta’ speċifikazzjonijiet tekniċi.

—

ISO/IEC 18013-5-RESP-03: Il-fornituri tad-data tal-identifikazzjoni tal-persuna ma għandhomx jippermettu li l-kjavi privata tad-data tal-identifikazzjoni tal-persuna tiffirma elementi tad-data li huma pprovduti mill-parti dipendenti fuq kartiera fid-data tranżazzjonali fit-talba tal-mdoc.

(11)

5.4

Requirements for API mediated mechanism

5.4.1

Rekwiżiti relatati ma’ ISO/IEC 18013-7

Din il-klawżola tiddefinixxi r-rekwiżiti għall-mekkaniżmu ta’ trażmissjoni medjat b’API relatat mar-rekwiżiti definiti fl-Anness C ta’ [16].

—

ISO/IEC 18013-7-API-01: Il-profil li jappoġġa preżentazzjonijiet medjati b’API għandu jikkonforma mar-rekwiżiti fl-Anness C tal-ISO/IEC 18013-7 [16] kif spjegat f’aktar dettall fil-klawżoli 5.3 u 5.4 ta’ dan id-dokument.

—

ISO/IEC 18013-7-API-02: Ir-rekwiżiti obbligatorji kollha definiti fl-Anness C ta’ [16] għandhom japplikaw kif spjegat f’aktar dettall fil-klawżoli 5.3 u 5.4 ta’ dan id-dokument.

—

ISO/IEC 18013-7-API-03: Ir-rekwiżiti fakultattivi kollha definiti fl-Anness C ta’ [16] għandhom jibqgħu fakultattivi sakemm ma jkunx iddikjarat mod ieħor f’dan id-dokument.

(12)

5.4.2

Rekwiżiti addizzjonali

—

Din il-klawżola tispeċifika rekwiżiti addizzjonali għall-mekkaniżmu tat-trażmissjoni medjat b’API.

—

ISO/IEC 18013-ADD-API-01: Il-Kartiera tal-EUDI għandha tiżvela awtomatikament il-preżenza tal-attestazzjonijiet elettroniċi kollha maħżuna tat-tip ta’ attributi lill-API ta’ medjazzjoni li taħdem f’konformità mal-Anness C ta’ [16], iżda ma għandhiex tiżvela l-attributi u l-valuri tagħhom f’dawn l-attestazzjonijiet elettroniċi tal-attributi.

—

NOTA 1: Ir-restrizzjoni tal-valur tal-attribut tapplika anke jekk tali żvelar itejjeb is-servizzi pprovduti mis-Sistema Operatorja lill-Kartiera tal-EUDI, pereżempju, l-għażla tal-attestazzjoni fil-kuntest tal-API ta’ medjazzjoni.

—

Hemm il-kunsiderazzjonijiet relatati mas-sistemi operatorji u l-brawżers li jaqgħu barra mill-kontroll tal-implimentaturi, li jistgħu jitqiesu kif indikat fin-noti 2 sa 4 li ġejjin:

—

NOTA 2: Talba għal preżentazzjoni minn Parti Dipendenti li tappoġġa l-Anness C ta’ [16] tista’ tiġi pproċessata mill-brawżer u/jew mis-Sistema Operatorja għat-tiftix tal-EAAs disponibbli, għall-prevenzjoni ta’ frodi mmirata lejn l-Utent, jew għal skopijiet ta’ individwazzjoni ta’ soluzzjoni.

—

NOTA 3: Talba għal preżentazzjoni minn Parti Dipendenti li tappoġġa l-Anness C ta’ [16] hija mistennija li tiġi pproċessata mill-brawżer u/jew mis-Sistema Operatorja għal skopijiet ta’ sigurtà tal-Utent.

—

NOTA 4: Talba għal preżentazzjoni minn Parti Dipendenti li tappoġġa l-Anness C ta’ [16] mhix mistennija tiġi pproċessata mill-brawżer u/jew mis-Sistema Operatorja għal skopijiet ta’ analiżi tas-suq (inkluż bħala skop sekondarju) jew għall-iskopijiet interni tal-brawżer u/jew tas-Sistema Operatorja.

—

ISO/IEC 18013-ADD-API-02: Meta Kartiera tal-EUDI tħassar fuq talba tal-Utent PID jew EAA żvelata qabel lill-API ta’ medjazzjoni li jaħdem f’konformità mal-Anness C ta’ [16], il-Kartiera tal-EUDI għandha tiżvela l-fatt li ma għadhiex taħżen dan il-PID jew l-EAA lill-API ta’ medjazzjoni.

—

ISO/IEC 18013-ADD-API-03: Jekk l-Utent jiddiżinstalla l-Kartiera tal-EUDI tiegħu, il-Kartiera tal-EUDI tiżvela l-fatt li huwa ma għadux jaħżen PID(s) jew EAA(s) żvelati qabel, lill-API ta’ medjazzjoni li taħdem f’konformità mal-Anness C ta’ [16].

—

ISO/IEC 18013-ADD-API-04: Il-Kartiera tal-EUDI għandha tipprovdi parametru globali għall-utent biex tiddiżattiva l-iżvelar tal-EAAs maħżuna permezz ta’ API ta’ medjazzjoni li taħdem kif speċifikat fl-ISO/IEC 18013-ADD-API-01. Meta dan il-parametru jkun diżattivat, il-Kartiera tal-EUDI ma għandhiex tirreklama jew twieġeb għat-talbiet ta’ ħruġ jew preżentazzjoni medjati b’API.

—

ISO/IEC 18013-ADD-API-05: Il-Kartieri tal-EUDI għandhom jivverifikaw fil-flussi bejn l-apparati, permezz tal-API ta’ medjazzjoni, li l-apparat li jinteraġixxi jkun fiżikament qrib il-Kartiera tal-EUDI, u għandhom jużaw kanal tal-komunikazzjoni lokali sigur, dirett u medjat mill-utent, bħal teknoloġija tal-komunikazzjoni mingħajr fili ta’ medda qasira, biex jagħmlu din il-verifika tal-qrubija fiżika.

—

NOTA: CTAP 2.3 jippermetti l-użu ta’ BLE biex issir il-verifika tal-qrubija fiżika u meta jiġi implimentat miż-żewġ apparati, jippermetti wkoll it-trasferiment tad-data bejn l-apparati permezz ta’ teknoloġiji tat-trażmissjoni ta’ medda qasira. It-twettiq tal-verifika tal-qrubija fiżika u tat-trasferiment tad-data bejn iż-żewġ apparati minn kanal tal-komunikazzjoni lokali kif permess mis-CTAP 2.3, għandu jkun ippreferut mis-sistemi operatorji sottostanti, il-brawżers, l-APIs ta’ medjazzjoni, jew xi saff tekniku ieħor barra mill-kontroll tal-Kartiera tal-EUDI, aktar mis-servizzi ta’ mina ibrida tas-CTAP.

(13)

6.2

Rekwiżiti għall-Kartiera tal-EUDI u appoġġ tal-RP

—

OIDFVP-HAIP-SUPPORT-02: Il-Kartiera tal-EUDI għandha tissodisfa r-rekwiżiti speċifikati fil-klawżola 6.5 ta’ dan l-Anness.

—

OIDFVP-HAIP-SUPPORT-03: Il-Kartiera tal-EUDI ma għandhiex tappoġġa l-mekkaniżmu bbażat fuq ir-ridirezzjonar speċifikat fil-klawżola 6.4 għall-flussi tal-preżentazzjoni bejn apparati differenti.

—

NOTA 3: L-użu ta’ dan il-mekkaniżmu hu vulnerabbli għall-attakki, bħall-iffissar tas-sessjoni. Sta għall-partijiet dipendenti biex itaffu dawk l-attakki. L-implimentazzjoni ta’ dan il-mekkaniżmu ma għandhiex twassal għal nonkonformità.

—

OIDFVP-HAIP-SUPPORT-05: Parti Dipendenti għandha tissodisfa r-rekwiżiti speċifikati fil-klawżoli 6.5 tal-Anness preżenti.

—

NOTA 5: void.

(14)

6.3.1.

Rekwiżiti ġenerali

—

OIDFVP-HAIP-GEN-01: Ir-rekwiżiti obbligatorji kollha speċifikati fil-klawżoli 5, 5.3, 7, u 8 tal-HAIP [11] għandhom japplikaw.

—

NOTA 1: “Taqsima 5 tal-HAIP [11]” tirreferi biss għar-rekwiżiti direttament taħt l-intestatura tat-Taqsima 5. Dan ma jinkludix it-taqsimiet 5,1, 5.2, u 5.3.

—

OIDFVP-HAIP-GEN-03: Jekk l-Anness preżenti jimmodifika rekwiżit f’OpenID4VC-HAIP [11], ir-rekwiżit modifikat speċifikat mill-Anness preżenti għandu jipprevali.

—

NOTA 2: Dan jippermetti, pereżempju, li rekwiżit fakultattiv minn OpenID4VC-HAIP [11] jiġi kkonvertit f’obbligatorju jew li jiġu estiżi r-rekwiżiti obbligatorji.

—

OIDFVP-HAIP-GEN-04: Meta l-format tal-attestazzjoni mitluba jkun konformi ma’ [10], il-Partijiet Dipendenti u l-Kartieri tal-EUDI għandhom jikkonformaw mal-profil “ISO mdocs” fi [11] tat-Taqsima 6.

—

NOTA 3: Għal raġunijiet ta’ ċarezza: il-profil “ISO mdocs” fil-HAIP jimplika li l-Partijiet Dipendenti u l-Kartieri tal-EUDI jridu jkunu konformi mar-rekwiżiti applikabbli f’[7] tal-Anness B.2.

—

OIDFVP-HAIP-GEN-05: Meta l-format tal-attestazzjoni mitluba jkun konformi ma’ [2], il-Partijiet Dipendenti u l-Kartieri tal-EUDI għandhom jikkonformaw mal-profil “IETF SD-JWT VCs” fi [11] tat-Taqsima 6.

—

NOTA 4: Għal raġunijiet ta’ ċarezza: il-profil “IETF SD-JWT VCs” jimplika li l-Partijiet Dipendenti u l-Kartieri tal-EUDI jridu jkunu konformi mar-rekwiżiti fl-Anness B.3 [7], u mar-rekwiżiti fi [11] tat-Taqsima 6.1.

(15)

6.3.2.1

Rekwiżiti ġenerali

—

OIDFVP-HAIP-COMMON-REQ-01: void.

(16)

6.3.2.2

Rekwiżiti għall-Oġġett tat-Talba

—

OIDFVP-HAIP-COMMON-REQ-RO-02: void

—

OIDFVP-HAIP-COMMON-REQ-RO-03: void

—

OIDFVP-HAIP-COMMON-REQ-RO-04: void

—

OIDFVP-HAIP-COMMON-REQ-RO-05: void

—

OIDFVP-HAIP-COMMON-REQ-RO-06: void.

—

OIDFVP-HAIP-COMMON-REQ-RO-07: void

—

OIDFVP-HAIP-COMMON-REQ-RO-08: void

—

OIDFVP-HAIP-COMMON-REQ-RO-09: void

—

OIDFVP-HAIP-COMMON-REQ-RO-10: void

—

OIDFVP-HAIP-COMMON-REQ-RO-11: void

—

OIDFVP-HAIP-COMMON-REQ-RO-12: void

—

NOTA 2: void

—

OIDFVP-HAIP-COMMON-REQ-RO-13: Wieħed mill-elementi tal-parametru verifier_info għandu jinkludi ċ-ċertifikat tar-reġistrazzjoni.

—

OIDFVP-HAIP-COMMON-REQ-RO-23: Iċ-ċertifikat finali msemmi fit-Taqsima 5.9.3 ta’ OpenID4VP għall-użu mal-Prefiss tal-Identifikatur tal-Klijent x509_hash għandu jkun ċertifikat tal-aċċess RP kif speċifikat fl-ETSI TS 119 475 [14].

(17)

6.3.3

Profil ta’ Rispons għal Awtorizzazzjoni (rispons EAAP)

—

OIDFVP-HAIP-COMMON-RESP-01: void.

(18)

6.4.1

Rekwiżiti ġenerali

—

OIDFVP-HAIP-REDIRECTS-04: void.

—

NOTA: void.

(19)

6.5.2

Rekwiżiti addizzjonali

—

OIDFVP-HAIP-ADD-API-01: Il-Kartiera tal-EUDI għandha tiżvela awtomatikament il-preżenza tat-tipi kollha ta’ EAA maħżuna lill-API ta’ medjazzjoni li taħdem f’konformità mal-klawżola 5.2 ta’ [11], iżda ma għandhiex tiżvela l-attributi u l-valuri tagħhom f’dawn l-EAAs.

—

OIDFVP-HAIP-ADD-API-04: Jekk il-Kartiera tal-EUDI tappoġġa API ta’ medjazzjoni li taħdem kif speċifikat f’OIDFVP-HAIP-ADD-API-01, din għandha tipprovdi parametru globali għall-utent biex jiddiżattiva l-iżvelar tal-EAAs maħżuna permezz tal-API ta’ medjazzjoni. Meta dan il-parametru jkun issettjat bi żvelar diżattivat, il-Kartiera tal-EUDI sussegwentement għandha tippermetti lill-utent jagħżel attestazzjonijiet individwali li jridu jiġu żvelati lill-API ta’ medjazzjoni.

—

OIDFVP-HAIP-ADD-API-05: Il-Kartieri tal-EUDI għandhom jużaw l-API ta’ medjazzjoni biex fil-flussi bejn l-apparati jivverifikaw li l-apparat li jinteraġixxi jkun fiżikament qrib il-Kartiera tal-EUDI, u din il-verifika tal-qrubija fiżika għandhom jagħmluha b’kanal tal-komunikazzjoni lokali sigur, dirett u medjat mill-utent, bħal teknoloġija tal-komunikazzjoni mingħajr fili ta’ medda qasira.

—

NOTA 5: CTAP 2.3 jippermetti l-użu ta’ BLE għall-verifika tal-qrubija fiżika, u meta din tiġi implimentata miż-żewġ apparati, dan jippermetti wkoll it-trasferiment tad-data bejn l-apparati b’teknoloġiji tat-trażmissjoni ta’ medda qasira. It-twettiq tal-verifika tal-qrubija fiżika u tat-trasferiment tad-data bejn iż-żewġ apparati minn kanal tal-komunikazzjoni lokali kif permess mis-CTAP 2.3, għandu jkun ippreferut mis-sistemi operatorji sottostanti, il-brawżers, l-APIs ta’ medjazzjoni, jew xi saff tekniku ieħor barra mill-kontroll tal-Kartiera tal-EUDI, aktar mis-servizzi ta’ mina ibrida tas-CTAP.

(20)

6.5.3

Rekwiżiti speċifiċi meta jintalab EAAP tal-ISO/IEC 18013-5

—

OIDFVP-HAIP-ISO/IEC_18013_5_REQ-02: Ir-rekwiżiti kollha speċifikati f’dan id-dokument applikabbli għall-istrutturi ta’ DeviceRequest u DeviceResponse speċifikati fl-ISO/IEC 18013-5 japplikaw ukoll meta l-Kartiera tal-EUDI tirċievi talba għal preżentazzjoni ISO/IEC mdoc b’mekkaniżmu tat-trażmissjoni medjat b’API speċifikat fil-klawżola C.1 ta’ [16].
”

ELI: http://data.europa.eu/eli/reg_impl/2026/1731/oj

ISSN 1977-074X (electronic edition)