Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Artikolu 1

It-test tal-punt 46d (id-Direttiva Delegata tal-Kummissjoni (UE) 2020/12) tal-Anness XIII tal-Ftehim ŻEE huwa sostitwit b’dan li ġej:

“32026 R 0118: Ir-Regolament Delegat tal-Kummissjoni (UE) 2026/118 tas-7 ta’ Novembru 2025 li jissupplimenta d-Direttiva (UE) 2017/2397 tal-Parlament Ewropew u tal-Kunsill billi jistabbilixxi standards għall-kompetenzi u l-għarfien u l-ħiliet korrispondenti, għall-eżamijiet prattiċi, għall-approvazzjoni tas-simulaturi u għall-istat mediku u li jħassar id-Direttiva Delegata tal-Kummissjoni (UE) 2020/12 (ĠU L, 2026/118, 23.1.2026).”

Artikolu 2

It-test tar-Regolament Delegat (UE) 2026/118 bil-lingwa Iżlandiża u b’dik Norveġiża, li se jiġi ppubblikat fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fl-1 ta’ Mejju 2026, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.