IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,

Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)	Fid-9 ta’ Ottubru 2023, il-Kunsill adotta d-Deċiżjoni (PESK) 2023/2135 (1).

(2)	Fit-28 ta’ April 2026, il-Kumitat tal-Kunsill tas-Sigurtà tan-Nazzjonijiet Uniti (KSNU) stabbilit skont ir-Riżoluzzjoni 1591(2005) tal-KSNU żied erba’ persuni mal-lista ta’ persuni soġġetti għal miżuri restrittivi.

(3)	Fis-7 ta’ Mejju 2026, il-Kunsill adotta d-Deċiżjoni ta’ Implimentazzjoni (PESK) 2026/1049 (2) li żżid tlieta minn dawk l-erba’ persuni mal-lista ta’ persuni u entitajiet li tinsab fl-Anness tad-Deċiżjoni tal-Kunsill 2014/450/PESK (3).

(4)	Fit-22 ta’ Ġunju 2026, il-Kunsill adotta d-Deċiżjoni ta’ Implimentazzjoni (PESK) 2026/1390 (4) li żżid ir-raba’ persuna mal-lista ta’ persuni u entitajiet li tinsab fl-Anness tad-Deċiżjoni 2014/450/PESK.

(5)	Għalhekk, jenħtieġ li l-entrata għal dik ir-raba’ persuna titħassar mil-lista ta’ persuni fiżiċi li tinsab fl-Anness tad-Deċiżjoni (PESK) 2023/2135.

(6)	Għalhekk, jenħtieġ li d-Deċiżjoni (PESK) 2023/2135 tiġi emendata skont dan,

ADOTTA DIN ID-DEĊIŻJONI:

Artikolu 1

Fl-Anness tad-Deċiżjoni (PESK) 2023/2135, taħt l-intestatura “A Lista ta’ persuni fiżiċi msemmija fl-Artikolu 1(1) u fl-Artikolu 2(1)”, titħassar l-entrata li ġejja:

“14. Algony Hamdan DAGALO MUSA”.

Artikolu 2

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.