DEĊIŻJONI TAL-KUNSILL (UE) 2026/1381

tal-15 ta’ Ġunju 2026

dwar il-konklużjoni tal-Ftehim bejn l-Unjoni Ewropea u l-Kanada li jistabbilixxi l-kundizzjonijiet għall-parteċipazzjoni ta’ entitajiet legali Kanadiżi u prodotti li joriġinaw mill-Kanada fl-akkwist skont l-Istrument SAFE

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 212 flimkien mal-Artikolu 218(6), it-tieni subparagrafu, il-punt (a), tiegħu,

Wara li kkunsidra l-proposta tal-Kummissjoni Ewropea,

Wara li kkunsidra l-approvazzjoni tal-Parlament Ewropew (1),

Billi:

(1)

F’konformità mad-Deċiżjoni tal-Kunsill (UE) 2026/444 (2), il-Ftehim bejn l-Unjoni Ewropea u l-Kanada li jistabbilixxi l-kundizzjonijiet għall-parteċipazzjoni ta’ entitajiet legali u prodotti Kanadiżi li joriġinaw mill-Kanada fl-akkwist skont l-Istrument SAFE (il-“Ftehim SAFE”) ġie ffirmat fl-14 ta’ Frar 2026, soġġett għall-konklużjoni tiegħu f’data aktar tard, u ġie applikat fuq bażi proviżorja mit-13 ta’ April 2026, sakemm jidħol fis-seħħ.

(2)

Il-konklużjoni tal-Ftehim SAFE tippermetti kooperazzjoni industrijali akbar fil-qasam tad-difiża u tirrifletti x-xewqa kondiviża li tiġi approfondita r-relazzjoni bejn l-Unjoni Ewropea u l-Kanada fil-qasam tas-sigurtà u d-difiża u li titrawwem sħubija aktar mill-qrib, ibbilanċjata u ta’ benefiċċju reċiproku bejn l-Unjoni Ewropea u l-Kanada biex tiġi appoġġata l-kooperazzjoni prattika fil-qasam tad-difiża.

(3)	Jenħtieġ li l-Ftehim SAFE jiġi approvat,

ADOTTA DIN ID-DEĊIŻJONI:

Artikolu 1

Il-Ftehim bejn l-Unjoni Ewropea u l-Kanada li jistabbilixxi l-kundizzjonijiet għall-parteċipazzjoni ta’ entitajiet legali u prodotti Kanadiżi li joriġinaw mill-Kanada fl-akkwist skont l-Istrument SAFE huwa b’dan approvat.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha (3).

Magħmul fil-Lussemburgu, il-15 ta’ Ġunju 2026.

Għall-Kunsill

Il-President

K. KALLAS

(1) L-approvazzjoni tal-20 ta’ Mejju 2026 (għadha mhijiex ippubblikata fil-Ġurnal Uffiċjali).

(2) Id-Deċiżjoni tal-Kunsill (UE) 2026/444 tal-11 ta’ Frar 2026 dwar l-iffirmar u l-applikazzjoni provisorja tal-Ftehim bejn l-Unjoni Ewropea u l-Kanada li jistabbilixxi l-kundizzjonijiet għall-parteċipazzjoni ta’ entitajiet legali Kanadiżi u prodotti li joriġinaw fil-Kanada fl-akkwist skont l-Istrument SAFE (ĠU L, 2026/444, 3.3.2026, ELI: http://data.europa.eu/eli/dec/2026/444/oj).

(3) Id-data tad-dħul fis-seħħ tal-Ftehim ser tiġi ppubblikata f’Il-Ġurnal Uffiċjali tal-Unjoni Ewropea mis-Segretarjat Ġenerali tal-Kunsill.