|
Il-Ġurnal Uffiċjali |
MT Is-serje L |
|
2026/1372 |
17.6.2026 |
DEĊIŻJONI TAL-KUNSILL (UE) 2026/1372
tat-8 ta’ Ġunju 2026
li tawtorizza l-ftuħ ta’ negozjati għal ftehim bejn l-Unjoni u r-Repubblika tal-Korea dwar ir-rikonoxximent reċiproku b’rabta ma’ valutazzjonijiet tal-konformità, ċertifikati u mmarkar tal-konformità
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 207(3) u (4), l-ewwel subparagrafu, flimkien mal-Artikolu 218(3) u (4) tiegħu,
Wara li kkunsidra r-rakkomandazzjoni tal-Kummissjoni Ewropea,
Billi jenħtieġ li jinfetħu negozjati bil-ħsieb li jiġi konkluż ftehim bejn l-Unjoni u r-Repubblika tal-Korea dwar ir-rikonoxximent reċiproku b’rabta mal-valutazzjonijiet tal-konformità, iċ-ċertifikati u l-immarkar tal-konformità,
ADOTTA DIN ID-DEĊIŻJONI:
Artikolu 1
Il-ftuħ ta’ negozjati dwar ftehim internazzjonali bejn l-Unjoni u r-Repubblika tal-Korea dwar ir-rikonoxximent reċiproku b’rabta ma’ valutazzjonijiet tal-konformità, ċertifikati u mmarkar tal-konformità huwa b’dan awtorizzat.
Artikolu 2
Il-Kummissjoni hija b’dan innominata bħala n-negozjatur tal-Unjoni.
Artikolu 3
Id-direttivi ta’ negozjati stabbiliti fl-addendum ta’ din id-Deċiżjoni huma b’dan indirizzati lill-Kummissjoni.
Artikolu 4
1. In-negozjati għandhom jitmexxew f’konsultazzjoni mal-Grupp ta’ Ħidma tal-Kunsill dwar Armonizzazzjoni Teknika, li jaġixxi bħala l-kumitat speċjali previst fl-Artikolu 207(3), it-tielet subparagrafu, tat-Trattat.
2. Il-Kummissjoni għandha tirrapporta lill-Kunsill dwar it-tmexxija, il-progress, u l-eżitu tan-negozjati fuq bażi regolari u kull meta tintalab mill-Kunsill, u għandha tibgħatlu d-dokumenti rilevanti kemm jista’ jkun kmieni sabiex il-membri tal-Kunsill ikollhom żmien raġonevoli biex iħejju ruħhom kif xieraq għan-negozjati.
3. Fejn adatt, jew meta tintalab mill-Kunsill, il-Kummissjoni għandha tipproduċi rapport bil-miktub.
Artikolu 5
Din id-Deċiżjoni hija indirizzata lill-Kummissjoni.
Magħmul fil-Lussemburgu, it-8 ta’ Ġunju 2026.
Għall-Kunsill
Il-President
A. VAFEADES
ELI: http://data.europa.eu/eli/dec/2026/1372/oj
ISSN 1977-074X (electronic edition)