|
(1)
|
taħt l-intestatura “A. Persuni fiżiċi”, l-entrati 1, 2, 13 sa 14 huma sostitwiti bl-entrati korrispondenti li ġejjin:
|
|
Isem
|
Informazzjoni identifikattiva
|
Raġunijiet
|
Data tal-elenkar
|
|
“1.
|
GAO Qiang
|
Data tat-twelid: 4 ta’ Ottubru 1983
Post tat-twelid: Shandong Province, China
Indirizz: Room 1102, Guanfu Mansion, 46 Xinkai Road, Hedong District, Tianjin, China
Ċittadinanza: Ċiniża
Sess: raġel
|
Gao Qiang huwa marbut mal-umbrella ‘APT10’ (‘Advanced Persistent Threat 10’ (Theddida Persistenti Avvanzata 10)) (magħrufa wkoll bħala ‘Red Apollo’, ‘CVNX’, ‘Stone Panda’, ‘MenuPass’ u ‘Potassium’), u kien involut fl-‘Operation Cloud Hopper’, sensiela ta’ attakki ċibernetiċi b’effett sinifikanti li joriġinaw minn barra l-Unjoni u li jikkostitwixxu theddida esterna għall-Unjoni jew għall-Istati Membri tagħha u ta’ attakki ċibernetiċi b’effett sinifikanti kontra Stati terzi.
L-‘Operation Cloud Hopper’ kellha fil-mira tagħha s-sistemi ta’ informazzjoni ta’ kumpanniji multinazzjonali f’sitt kontinenti, inkluż kumpanniji li jinsabu fl- Unjoni, u kisbet aċċess mhux awtorizzat għal data kummerċjali sensittiva, b’riżultat ta’ telf ekonomiku sinifikanti.
Gao Qiang huwa assoċjat mal-infrastruttura ta’ kmand u kontroll tal-APT10. Barra minn hekk, Huaying Haitai, kumpanija użata mill-APT10, u maħsuba biex tipprovdi appoġġ u tiffaċilita l-‘Operation Cloud Hopper’, impjegat lil Gao Qiang. Huwa assoċjat ukoll ma’ Zhang Shilong, li kellu rabtiet mal-APT10 u li kien ukoll impjegat minn Huaying Haitai.
|
30.7.2020
|
|
2.
|
ZHANG Shilong
|
Data tat-twelid: 10 ta’ Settembru 1981
Post tat-twelid: China
Indirizz: Hedong, Yuyang Road No 121, Tianjin, China
Ċittadinanza: Ċiniża
Sess: raġel
|
Zhang Shilong huwa marbut mal-umbrella ‘APT10’ (‘Advanced Persistent Threat 10’ (Theddida Persistenti Avvanzata 10)) (magħrufa wkoll bħala ‘Red Apollo’, ‘CVNX’, ‘Stone Panda’, ‘MenuPass’ u ‘Potassium’), u kien involut fl-‘Operation Cloud Hopper’, sensiela ta’ attakki ċibernetiċi b’effett sinifikanti li joriġinaw minn barra l-Unjoni u li jikkostitwixxu theddida esterna għall-Unjoni jew għall-Istati Membri tagħha u ta’ attakki ċibernetiċi b’effett sinifikanti kontra Stati terzi.
L-‘Operation Cloud Hopper’ kellha fil-mira tagħha s-sistemi ta’ informazzjoni ta’ kumpanniji multinazzjonali f’sitt kontinenti, inkluż kumpanniji li jinsabu fl-Unjoni, u kisbet aċċess mhux awtorizzat għal data kummerċjali sensittiva, b’riżultat ta’ telf ekonomiku sinifikanti.
Zhang Shilong huwa assoċjat mal-APT10, inkluż permezz tal-malware li żviluppa u ttestja b’rabta mal-attakki ċibernetiċi mwettqa mill-APT10.
Barra minn hekk, Huaying Haitai, kumpanija użata mill-APT10, u maħsuba biex tipprovdi appoġġ u tiffaċilita l-‘Operation Cloud Hopper’, impjegat lil Zhang Shilong.
Huwa assoċjat ma’ Gao Qiang, li għandu rabtiet ma’ APT10 u li kien ukoll impjegat minn Huaying Haitai.
|
30.7.2020
|
|
13.
|
Mikhail Mikhailovich TSAREV
|
Михаил Михайлович ЦАРЕВ
Data tat-twelid: 20.4.1989
Post tat-twelid: Serpukhov, Russian Federation
Ċittadinanza: Russa
Indirizz: Serpukhov
Sess: raġel
|
Mikhail Mikhailovich TSAREV ħa sehem f’attakki ċibernetiċi b’effett sinifikanti li jikkostitwixxu theddida esterna għall-Istati Membri tal-UE.
Mikhail Mikhailovich TSAREV, magħruf ukoll bil-monikers online ‘Mango’, ‘Alexander Grachev’, ‘Super Misha’, ‘Ivanov Mixail’, ‘Misha Krutysha’, u ‘Nikita Andreevich Tsarev’ huwa attur ewlieni fit-tnedija tal-programmi tal-malware ‘Conti’ u ‘Trickbot’ u huwa involut fil-grupp ta’ theddida bbażat fir-Russja ‘Wizard Spider’. Wiżard Spider qed ikompli jevolvi u jintensifika l-operazzjonijiet tiegħu.
Il-programmi tal-malware Conti u Trickbot inħolqu u ġew żviluppati minn Wizard Spider. Wizard Spider wettaq kampanji ta’ ransomware f’varjetà ta’ setturi, inkluż servizzi essenzjali bħas-saħħa u s-servizzi bankarji.
Il-grupp infetta kompjuters madwar id-dinja u l-malware tiegħu ġie żviluppat f’malware suit ferm modulari. Kampanji minn Wizard Spider, bl-użu ta’ malware bħal Conti, ‘Ryuk’ TrickBot jew Black Basta, huma responsabbli għal ħsara ekonomika sostanzjali fl-Unjoni Ewropea.
Għalhekk, Mikhail Mikhailovich TSAREV huwa involut f’attakki ċibernetiċi b’effett sinifikanti, li jikkostitwixxu theddida esterna għall-Unjoni jew għall-Istati Membri tagħha.
|
24.6.2024
|
|
14.
|
Maksim Sergeevich GALOCHKIN
|
Максим Сергеевич ГАЛОЧКИН
Data tat-twelid: 19.5.1982
Post tat-twelid: Abakan, Russian Federation
Ċittadinanza: Russa
Sess: raġel
|
Maksim Galochkin ħa sehem f’attakki ċibernetiċi b’effett sinifikanti li jikkostitwixxu theddida esterna għall-Istati Membri tal-UE.
Maksim Galochkin huwa magħruf ukoll bil-monikers online bħala ‘Benalen’, ‘Bentley’, ‘Volhvb’, ‘volhvb’, ‘manuel’, ‘Max17’ u ‘Crypt’. Galochkin huwa attur ewlieni fit-tnedija tal-programmi tal-malware ‘Conti’ u ‘Trickbot’ u huwa involut fil-grupp ta’ theddida bbażat fir-Russja ‘Wizard Spider’. Huwa mexxa grupp ta’ testers, b’responsabbiltajiet għall-iżvilupp, is-superviżjoni, u l-implimentazzjoni ta’ testijiet għall-programm tal-malware TrickBot, maħluq u mniedi minn ‘Wizard Spider’. Wiżard Spider qed ikompli jevolvi u jintensifika l-operazzjonijiet tiegħu.
Wizard Spider wettaq kampanji ta’ ransomware f’varjetà ta’ setturi, inkluż servizzi essenzjali bħas-saħħa u s-servizzi bankarji. Il-grupp infetta kompjuters madwar id-dinja u l-malware tagħhom ġie żviluppat f’sett ta’ malware ferm modulari. Il-kampanji minn Wizard Spider, bl-użu ta’ malwares bħal Conti, ‘Ryuk’ TrickBot jew Black Basta, huma responsabbli għal ħsara sostanzjali fl-Unjoni Ewropea.
Għalhekk, Maksim Galochkin huwa involut f’attakki ċibernetiċi b’effett sinifikanti, li jikkostitwixxu theddida esterna għall-Unjoni jew għall-Istati Membri tagħha.
|
24.6.2024”;
|
|
