ANNESS

Regoli tekniċi għat-tfittxija u l-iskambju awtomatizzati ta’ data dwar ir-reġistrazzjoni tal-vetturi kif imsemmi fl-Artikolu 2

KAPITOLU 1

Tfittxijiet għall-iskambju tad-data tar-reġistrazzjoni tal-vetturi

1.   Tipi ta’ tfittxija

F’konformità mal-Artikolu 16 tar-Regolament (UE) 2024/982 (Prüm II), għandhom jiġu implimentati żewġ tipi ta’ tfittxija għad-data dwar ir-reġistrazzjoni tal-vetturi, jiġifieri tfittxija b’data relatata mal-vettura biex jinstab is-sid jew id-detentur, u tfittxija b’data relatata mas-sid jew id-detentur biex jinstabu l-vetturi kollha ta’ dak is-sid jew id-detentur.

2.   Tfittxija fuq il-vettura biex jinstab is-sid/id-detentur

2.1.   Deskrizzjoni tat-tfittxija

Hemm żewġ modi differenti kif tfittex l-informazzjoni dwar is-sid jew id-detentur ta’ vettura:

—	permezz ta’ Numru tax-Xażi/Numru ta’ Identifikazzjoni tal-Vettura (VIN), Data ta’ Referenza u l-Ħin kompluti,

—	permezz ta’ Numru tal-Pjanċa tal-Liċenzja komplut, Data ta’ Referenza u l-Ħin.

Jekk id-Data ta’ Referenza u l-Ħin ma jiġux ipprovduti, is-sistema għandha tuża awtomatikament id-Data u l-Ħin Attwali bħala r-referenza għat-tfittxija. Meta ssir tfittxija b’Data ta’ Referenza u l-Ħin u l-informazzjoni storika ma tkunx disponibbli fir-reġistru ta’ Stat Membru partikolari minħabba li ma tkun irreġistrata l-ebda informazzjoni bħal din, l-informazzjoni fid-Data u l-Ħin Attwali tista’ tiġi rritornata b’indikazzjoni li d-data tikkorrispondi għas-sitwazzjoni attwali.

B’dawn il-kriterji ta’ tiftix, toħroġ informazzjoni dwar vettura waħda u kultant aktar minn waħda. Jekk trid tiġi rritornata informazzjoni għal vettura waħda biss, is-sett komplut tad-data elenkat fil-punt 2.2.2 għandu jiġi rritornat f’risposta waħda.

Jekk tinstab aktar minn vettura waħda, għandhom jiġu rritornati l-elementi kollha tad-data meħtieġa għall-irfinar tat-tfittxija kif deskritt fil-punt 2.2.1.

Meta t-tfittxija ssir skont in-Numru tax-Xażi/in-Numru ta’ Identifikazzjoni tal-Vettura u d-Data ta’ Referenza u l-Ħin, it-talba għandha tintbagħat lil Stat Membru wieħed, lil xi wħud jew lill-Istati Membri kollha.

Meta t-tfittxija ssir permezz tan-Numru tal-Pjanċa tal-Liċenzja u d-Data ta’ Referenza u l-Ħin, it-talba għandha tintbagħat lil Stat Membru speċifiku wieħed tar-reġistrazzjoni.

Jekk l-Istat Membru tar-reġistrazzjoni ma jkunx ċert, it-talba għandha tintbagħat lil xi wħud mill-Istati Membri jew lill-Istati Membri kollha u t-tfittxija għandha titwettaq fuq bażi ta’ hit/no hit. Fit-tweġiba, l-entità rikjedenti għandha tirċievi indikazzjoni ta’ hit/no hit għal kull Stat Membru rikjest.

L-Istati Membri għandhom jipprovdu data aġġornata. Meta ssir tfittxija fid-Data u l-Ħin Attwali, għandha tiġi pprovduta s-sitwazzjoni attwali. Meta l-vettura titneħħa mir-reġistru, l-Istat Membru tar-reġistrazzjoni għandu jipprovdi l-informazzjoni li l-vettura tkun tneħħiet mir-reġistru. L-aħħar reġistrazzjoni magħrufa għandha tiġi pprovduta meta tintalab.

L-entitajiet għandhom jindikaw permezz ta’ bandiera jekk id-data relatata mad-detentur tal-vettura, id-data relatata mas-sid tal-vettura, id-data relatata mal-assigurazzjoni u/jew l-aħħar reġistrazzjoni magħrufa, humiex mitluba li jiġu inklużi fis-sett ta’ data rritornat bħala riżultat tat-tfittxija.

2.2.   Settijiet ta’ data

2.2.1.   Elementi ta’ data obbligatorji li għandhom jiġu pprovduti għall-irfinar tat-tfittxija

Elementi tad-data	O/F	Rimarki
Data dwar il-vetturi
Numru tal-pjanċa	O	(Kodiċi A) Numru tar-reġistrazzjoni sħiħ tal-vettura (numru permanenti, numru temporanju meta validu)
/Numru ta’ identifikazzjoni tal-vettura (VIN)/Numru tax-xażi	O	(Kodiċi E) Numru sħiħ ta’ identifikazzjoni tal-vettura/numru tax-xażi tal-vettura
Stat Membru tar-reġistrazzjoni	O	Kodiċi tal-pajjiż tal-Istat Membru tar-reġistrazzjoni tal-vettura
Il-Marka	O	(Kodiċi D.1) eż. Ford, Opel, Renault, eċċ.
Deskrizzjoni(jiet) kummerċjali	O	(Kodiċi D.3) eż. Fokus, Astra, Megane, eċċ.
Kodiċi tal-Kategorija tal-UE	O	(Kodiċi J) mopeds, muturi, karozzi, eċċ.
Nota: Il-kodiċijiet huma armonizzati skont l-Annessi I u II tad-Direttiva tal-Kunsill1999/37/KE  (1) . (1)  Id-Direttiva tal-Kunsill 1999/37/KE tad-29 ta’ April 1999 dwar id-dokumenti ta’ reġistrazzjoni għall-vetturi (ĠU L 138, 1.6.1999, p. 57, ELI: http://data.europa.eu/eli/dir/1999/37/oj).

2.2.2.   Sett komplut ta’ data ta’ elementi ta’ data li għandhom jiġu pprovduti bħala riżultat tat-tfittxija

Elementi tad-data	O/F	Rimarki
Data dwar id-detentur tal-vettura		(Kodiċi C.1) Id-data tirreferi għad-detentur taċ-ċertifikat ta’ reġistrazzjoni speċifiku. Id-data għandha tingħata lura jekk tintalab fit-tfittxija.
Tip ta’ detentur	O	Persuna fiżika, persuna ġuridika
Kunjom(ijiet) jew isem tan-negozju	O	(Kodiċi C.1.1) L-isem jista’ jkun relatat ma’ persuna fiżika jew persuna ġuridika. Jintużaw kaxxi separati għall-kunjom jew l-isem tan-negozju, l-infissi u t-titoli. Dawn għandhom jiġu kkomunikati wkoll f’format li jista’ jiġi stampat Jekk persuna fiżika jkollha isem wieħed biss, dan jitqies bħala kunjom.
Isem/ismijiet	O	(Kodiċi C.1.2) Taqsimiet separati għall-isem/ismijiet u l-inizjali. Dawn għandhom jiġu kkomunikati wkoll f’format li jista’ jiġi stampat.
Indirizz	O	(Kodiċi C.1.3) Għandhom jintużaw taqsimiet separati għat-triq, in-numru tad-dar u l-anness, il-kodiċi postali, il-post ta’ residenza, il-pajjiż ta’ residenza, eċċ. u l-indirizz. Dawn għandhom jiġu kkomunikati wkoll f’format li jista’ jiġi stampat.
Ġeneru	F	Raġel, mara, mhux speċifikat uffiċjalment, persuni mhux binarji
Data tat-twelid	O
Post ta’ Twelid	F
Numru tal-Identità	F	Identifikatur li jidentifika b’mod uniku l-persuna fiżika jew il-persuna ġuridika.
Tip ta’ Numru tal-Identità	F	It-tip ta’ numru tal-Identità (eż. numru tal-passaport).
Data tal-bidu tal-pussess	O	Id-data tal-bidu tal-pussess tal-karozza. Din id-data spiss tkun id-data kif stampata taħt (I) fuq iċ-ċertifikat ta’ reġistrazzjoni tal-vettura.
Data tat-tmiem tal-pussess	O	Id-data tat-tmiem tal-pussess tal-karozza.
L-istatus tad-detentur	F	(Kodiċi C.4) Meta s-sid tal-vettura (C.2) ma jkunx inkluż fiċ-ċertifikat ta’ reġistrazzjoni tal-vettura, referenza għall-fatt li d-detentur taċ-ċertifikat ta’ reġistrazzjoni: — huwa s-sid tal-vettura, — mhuwiex is-sid tal-vettura, — mhuwiex identifikat miċ-ċertifikat ta’ reġistrazzjoni bħala s-sid tal-vettura.
Data dwar sid il-vettura		(Kodiċi C.2) Id-data tirreferi għas-sid tal-vettura. Id-data għandha tingħata lura jekk tintalab fit-tfittxija.
Tip ta’ sid	O	Persuna fiżika, persuna ġuridika
Kunjom(ijiet) jew isem tan-negozju	O	(Kodiċi C.2.1) L-isem jista’ jkun relatat ma’ persuna fiżika jew persuna ġuridika. Jintużaw kaxxi separati għall-kunjom jew l-isem tan-negozju, l-infissi u t-titoli. Dawn għandhom jiġu kkomunikati wkoll f’format li jista’ jiġi stampat. Jekk persuna fiżika jkollha isem wieħed biss, dan jitqies bħala kunjom.
Isem/ismijiet	O	(Kodiċi C.2.2) Taqsimiet separati għall-isem/ismijiet u l-inizjali. Dawn għandhom jiġu kkomunikati wkoll f’format li jista’ jiġi stampat.
Indirizz	O	(Kodiċi C.2.3) Għandhom jintużaw taqsimiet separati għat-triq, in-numru tad-dar u l-anness, il-kodiċi postali, il-post ta’ residenza, il-pajjiż ta’ residenza, eċċ. u l-indirizz. Dawn għandhom jiġu kkomunikati wkoll f’format li jista’ jiġi stampat.
Ġeneru	F	raġel, mara, mhux speċifikat uffiċjalment, persuni mhux binarji
Data tat-twelid	O
Post ta’ Twelid	F
Numru tal-Identità	F	Identifikatur li jidentifika b’mod uniku l-persuna fiżika jew il-persuna ġuridika.
Tip ta’ Numru tal-Identità	F	It-tip ta’ numru tal-Identità (eż. numru tal-passaport).
Data tal-bidu tas-sjieda	O	Id-data tal-bidu tas-sjieda tal-vettura.
Data tat-tmiem tas-sjieda	O	Id-data tal-bidu tas-sjieda tal-vettura.
Data dwar il-vetturi
Numru tal-pjanċa	O	(Kodiċi A) Numru sħiħ tar-reġistrazzjoni tal-vettura
Numru tal-identifikazzjoni tal-vettura (VIN)/Numru tax-xażi	O	(Kodiċi E) Numru sħiħ ta’ identifikazzjoni tal-vettura/numru tax-xażi tal-vettura
Stat Membru tar-reġistrazzjoni	O	Kodiċi tal-pajjiż tal-Istat Membru tar-reġistrazzjoni tal-vettura
Il-Marka	O	(Kodiċi D.1) eż. Ford, Opel, Renault, eċċ.
Deskrizzjoni(jiet) kummerċjali	O	(Kodiċi D.3) eż. Fokus, Astra, Megane, eċċ.
Kodiċi tal-Kategorija tal-UE	O	(Kodiċi J) mopeds, muturi, karozzi, eċċ.
L-ewwel data tar-reġistrazzjoni	O	(Kodiċi B) Data tal-ewwel reġistrazzjoni tal-vettura.
Data tal-bidu tar-reġistrazzjoni attwali	O	(Kodiċi I) Data tar-reġistrazzjoni li għaliha jirreferi ċ-ċertifikat tal-vettura.
Data ta’ tmiem tar-reġistrazzjoni	O	Data ta’ tmiem tar-reġistrazzjoni. Din id-data tindika l-perjodu ta’ validità kif stampat fuq id-dokument (taqsira tad-dokument = H).
Status fid-data ta’ referenza u l-ħin	O	Kwalifiki meqruda, misruqa, esportati jew kwalifiki applikabbli oħra
Data tal-bidu tal-istatus	O
Data tat-tmiem tal-istatus	O	Obbligatorju li jiġi pprovdut jekk applikabbli
Il-potenza netta massima (kW)	F	(Kodiċi P.2)
Kapaċità	F	(Kodiċi P.1)
Tip ta’ numru tal-liċenzja	F	Regolari, ta’ tranżitu jew tipi oħra
ID tad-dokument tal-vettura	F	L-ewwel ID uniku tad-dokument kif indikat fid-dokument tal-vettura. Jista’ jintbagħat it-tieni ID tad-dokument.
Il-kulur tal-vettura	O	(Kodiċi R) Nota: il-kuluri huma rreġistrati biss għal vetturi tal-kategorija M1 (jiġifieri l-karozzi) skont ir-Regolament (UE) 2018/858 tal-Parlament Ewropew u tal-Kunsill (2)
Reġistrazzjonijiet tal-kilometraġġ	F	Valur, data tar-reġistrazzjoni, kejl tal-unità
Data relatata mal-assigurazzjoni		Id-data għandha tingħata lura jekk tintalab fit-tfittxija.
Isem il-kumpanija tal-assigurazzjoni	F
Data tal-bidu tal-assigurazzjoni	F
Data tat-tmiem tal-assigurazzjoni	F
Indirizz	F	Għandhom jintużaw taqsimiet separati għat-triq, in-numru tad-dar u l-anness, il-kodiċi postali, il-post ta’ residenza, il-pajjiż ta’ residenza, eċċ. u l-indirizz. Dawn għandhom jiġu kkomunikati wkoll f’format li jista’ jiġi stampat.
Numru tal-assigurazzjoni	F
Numru tal-Identità	F	Identifikatur li jidentifika b’mod uniku l-kumpanija.
Tip ta’ numru tal-Identità	F	Eż. Numru tal-Kamra tal-Kummerċ
()   (2)  Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1, ELI: http://data.europa.eu/eli/reg/2018/858/oj).

3.   Fittex għall-vetturi kollha ta’ sid id-detentur

3.1.   Deskrizzjoni tat-tfittxija

Din it-tfittxija għandha l-għan li tirkupra l-vetturi kollha miżmuma u/jew proprjetà ta’ persuna fiżika jew ġuridika speċifika, jew attwalment, jew f’data u ħin speċifikati fil-passat, fl-Istat Membru tar-reġistrazzjoni.

F’konformità mal-Artikolu 16 tar-Regolament (UE) 2024/982, huwa obbligatorju għall-entitajiet li jwettqu tfittxija bi:

l-isem/ismijiet, il-kunjom(ijiet) u d-data sħiħa tat-twelid meta s-sid jew id-detentur tal-vettura jkun persuna fiżika;

l-isem tal-persuna ġuridika meta s-sid jew id-detentur tal-vettura jkun persuna ġuridika.

Il-parametri tat-tiftix fakultattivi elenkati fit-tabelli fil-punti 3.2.1 u 3.2.2 jistgħu jintużaw flimkien mal-parametri tat-tiftix obbligatorji, biex is-sistema tkun tista’ tirfina r-riżultat tat-tiftix għal kandidat wieħed biss, f’każ li l-parametri tat-tiftix obbligatorji jwasslu għal diversi kandidati. In-numru tal-Identità, meta jkun disponibbli, għandu jintuża l-ewwel nett biex jiġi rfinat ir-riżultat tat-tfittxija, minflok il-kombinazzjoni tal-isem, il-kunjom u d-data tat-twelid. Meta n-numru tal-Identità jkun disponibbli u jintuża biex issir it-tfittxija, ir-riżultat tat-tfittxija għandu jiġi rritornat ukoll anki jekk element ta’ data wieħed fost il-kunjom, l-isem, u d-data sħiħa tat-twelid ma jkunx jaqbel.

Il-parametri tat-tiftix fakultattivi użati biex tiġi rfinata t-tfittxija għall-vetturi kollha ta’ sid jew detentur jistgħu jinkisbu mir-riżultati ta’ tfittxija fuq vettura biex jinstab sid/detentur kif imsemmi fil-punt 2.

L-Istat Membru tar-reġistrazzjoni għandu jippermetti t-tfittxija bil-parametri tat-tiftix fakultattivi fir-reġistru nazzjonali tal-vetturi f’konformità mal-leġiżlazzjoni nazzjonali tiegħu.

Jekk tiġi mistħarrġa sitwazzjoni fil-passat, għandhom jiġu pprovduti Data ta’ Referenza u l-Ħin.

Biex l-inkjesta tirnexxi, l-Istat Membru tar-reġistrazzjoni għandu jkun jista’ jidentifika detentur jew sid uniku speċifiku (= Persuna ta’ interess), jiġifieri t-tfittxija għandha tirriżulta f’kandidat uniku.

Jekk ma jiġi identifikat l-ebda kandidat uniku, tiġi rritornata biss deskrizzjoni dwar in-natura tan-nuqqas kif ġej:

L-ebda persuna fiżika ma hija rreġistrata taħt din il-kombinazzjoni ta’ kunjom(ijiet), isem/ismijiet u data tat-twelid;

Jiġu rreġistrati diversi persuni fiżiċi b’din il-kombinazzjoni ta’ kunjom(ijiet), isem/ismijiet u data tat-twelid (jekk jogħġbok ipprovdi parametri tat-tfittxija addizzjonali jekk possibbli);

L-ebda persuna ġuridika ma hija rreġistrata taħt l-isem ta’ din il-persuna ġuridika.

It-talba għal “tfittxija għall-vetturi kollha ta’ sid id-detentur” dejjem tintbagħat lill-Istat Membru tar-reġistrazzjoni, jiġifieri l-Istat Membru li jipprovdi data personali permezz tat-tfittxija inizjali preċedenti dwar id-data tal-vettura relatata mal-vettura biex jinstab sid/detentur. Persuna ta’ interess tista’ żżomm jew tkun is-sid ta’ vetturi f’diversi Stati Membri. F’dak il-każ, l-informazzjoni għandha tinġabar bl-użu ta’ talbiet separati fl-EUCARIS lid-diversi Stati Membri.

Id-data ta’ identifikazzjoni meħtieġa biex tiġi identifikata Persuna ta’ interess tista’ tkun differenti għal kull Stat Membru minħabba d-differenza fl-elementi tad-data li huma rreġistrati. L-identifikaturi nazzjonali huma speċifiċi għal kull Stat Membru, kif ukoll id-differenzi fid-data dwar l-isem tal-istess persuna, minħabba ż-żwieġ, id-differenza fit-trażlitterazzjoni, jew id-differenza fl-użu ta’ karattri dijakritiċi.

3.2.   Sett ta’ data

3.2.1.   Talba għal tfittxija jekk il-Persuna ta’ interess hija persuna fiżika

Elementi tad-data	O/F	Rimarki
Tip ta’ Persuna ta’ interess	O	Kodiċi għal persuna fiżika
Kunjom(ijiet)	O	(Kodiċi C.1.1.) jew (Kodiċi C.2.1.)
Isem/ismijiet	O	(Kodiċi C.1.2.) jew (Kodiċi C.2.2.) Fih l-isem/ismijiet, jew l-isem flimkien mal-inizjali
Data tat-twelid	O	Data sħiħa tat-twelid
Numru tal-Identità	F	Identifikatur nazzjonali li jidentifika b’mod uniku l-persuna fiżika jew il-persuna ġuridika.
Tip ta’ numru tal-Identità	F	Eż. in-numru tal-Identità nazzjonali jew in-numru tal-passaport
Post tat-twelid	F
Ġeneru	F	raġel, mara, mhux speċifikat uffiċjalment, persuni mhux binarji
Numru tal-pjanċa	F	(Kodiċi A) Numru sħiħ ta’ reġistrazzjoni tal-vettura li huwa magħruf li huwa miżmum/proprjetà tal-Persuna ta’ interess
Numru tal-identifikazzjoni tal-vettura (VIN)/Numru tax-xażi	F	(Kodiċi E) numru sħiħ ta’ identifikazzjoni tal-vettura/numru tax-xażi tal-vettura li tagħha huwa magħruf li hija miżmuma/proprjetà tal-Persuna ta’ interess

3.2.2.   Talba għal tfittxija jekk il-Persuna ta’ interess hija persuna ġuridika

Elementi tad-data	O/F	Rimarki
Tip ta’ Persuna ta’ interess	O	Kodiċi għal persuna fiżika
Persuna ġuridika: Isem	O
Numru tal-Identità tal-persuna ġuridika	F
Tip ta’ numru tal-Identità	F	Eż. Numru tal-Kamra tal-Kummerċ
Numru tal-pjanċa	F	(Kodiċi A) Numru sħiħ ta’ reġistrazzjoni tal-vettura li huwa magħruf li huwa miżmum/proprjetà tal-Persuna ta’ interess
Numru tal-identifikazzjoni tal-vettura (VIN)/Numru tax-xażi	F	(Kodiċi E) numru sħiħ ta’ identifikazzjoni tal-vettura/numru tax-xażi tal-vettura li tagħha huwa magħruf li hija miżmuma/proprjetà tal-Persuna ta’ interess

3.2.3.   Sett ta’ data rritornat

Lista ta’ vetturi miżmuma jew proprjetà tagħhom tiġi rritornata, jew messaġġ li jindika li fid-Data ta’ Referenza u l-Ħin, l-ebda vettura ma tinżamm jew tkun proprjetà tagħhom. Se jintwera l-għadd eżatt ta’ vetturi. Is-sett ta’ data se jiġi rritornat għal għadd massimu ta’ 500 vettura. B’mod partikolari, persuni ġuridiċi jistgħu jżommu/jippossjedu aktar vetturi. F’dak il-każ, jintbagħat lura messaġġ li jindika li l-lista taqbeż il-500 entrata u għalhekk ma tistax tiġi rritornata fl-inkjesta awtomatizzata. Il-messaġġ se jindika wkoll id-dettalji ta’ kuntatt li għandhom jintużaw biex jinkiseb ir-riżultat permezz ta’ proċedura manwali.

Għal kull vettura miżmuma jew fil-pussess tal-persuna/i:

Elementi tad-data	O/F	Rimarki
Numru ta’ identifikazzjoni tal-vettura (VIN)/Numru tax-xażi	O	(Kodiċi E) Numru sħiħ ta’ identifikazzjoni tal-vettura/numru tax-xażi tal-vettura
Numru tal-pjanċa	O	(Kodiċi A) Numru sħiħ tar-reġistrazzjoni tal-vettura
Indikazzjoni dwar jekk il-Persuna ta’ interess hijiex id-detentur tal-vettura	O	Iva jew le.
Indikazzjoni dwar jekk il-Persuna ta’ interess hijiex is-sid tal-vettura	O	Iva, le jew mhux magħruf.

3.3.   Speċifikazzjonijiet tekniċi għat-tfittxija fil-punt 3.2.1

Numru tas-sekwenza ta’ tiftix	Entrata
1	Tip ta’ Persuna ta’ interess
2	Kunjom(ijiet)
3	Isem/ismijiet
4	Data tat-twelid
5	Numru tal-Identità
6	Tip ta’ numru tal-Identità
7	Post tat-twelid
8	Ġeneru
9	Numru tal-pjanċa
10	Numru tal-identifikazzjoni tal-vettura (VIN)/Numru tax-xażi

Is-sekwenzi ta’ tiftix 1 sa 10 għandhom jiġu kkodifikati f’talba għal bażi ta’ data nazzjonali u ma għandhomx ikunu sensittivi għat-tipa.

Is-sekwenzi ta’ tiftix 2 u 3 għandhom jagħtu konkordanza mal-oqsma korrispondenti fil-bażi tad-data nazzjonali fejn ikun hemm konkordanza fuq kwalunkwe waħda mis-sekwenzi preżenti fil-qasam korrispondenti. Dan huwa komunement espress bħala: fejn <qasam ta’ bażi tad-data> FIĦ<sensiela ta’ tiftix>.

Meta fl-Istat Membru tar-reġistrazzjoni, il-bażi tad-data nazzjonali ma jkollhiex oqsma separati għall-isem u l-kunjom, it-tfittxija fil-qasam “isem” għandha titwettaq bl-użu tal-konkatenazzjoni tal-Ewwel sekwenza tal-isem u s-sekwenza tal-Kunjom. Is-sekwenza 2 u 3 għandha tiġi permutata mill-Istat Membru tar-Reġistrazzjoni bejn l-oqsma korrispondenti biex jiġu indirizzati każijiet fejn ma jkunx ċar liema huwa l-Isem, u liema huwa l-kunjom. It-tfittxija għandha tidentifika rekords li fihom kemm is-sekwenza tal-Kunjom kif ukoll is-sekwenza tal-isem.

It-tfittxija fil-bażi tad-data nazzjonali għandha timplimenta l-espressjoni loġika li ġejja:

KAPITOLU 2

Il-proċedura teknika biex EUCARIS tikkonsulta l-bażijiet tad-data tal-Istati Membri

1.   Deskrizzjoni ġenerali

Is-software EUCARIS jgħaqqad l-entitajiet kollha f’netwerk immaljat, fejn kull entità tikkomunika direttament ma’ entità oħra. Ma hemm l-ebda komponent ċentrali meħtieġ biex tiġi stabbilita l-komunikazzjoni.

Is-software EUCARIS jappoġġa funzjonalitajiet differenti. Il-“funzjonalità Prüm” tintuża għat-tiftix awtomatizzat ta’ data dwar ir-reġistrazzjoni tal-vetturi skont ir-Regolament (UE) 2024/982.

Kull raggruppament ta’ funzjonalitajiet għandu l-awtorizzazzjoni tiegħu stess, eż. l-utenti biss skont it-“Trattat tal-funzjonalità EUCARIS (3)” ma jistgħux jużaw il-“funzjonalità Prüm”. Is-servizzi tal-amministratur huma mifrudin mir-rwoli tal-utenti aħħarin regolari.

Is-software EUCARIS jappoġġa komunikazzjoni sigura lill-entitajiet l-oħra u jikkomunika mas-sistemi eżistenti tal-parti aħħarija tal-Istati Membri. L-entitajiet jiskambjaw messaġġi billi jibagħtuhom direttament lir-riċevitur. L-entitajiet huma konnessi man-netwerk TESTA (4) jew l-implimentazzjonijiet sussegwenti tiegħu.

Il-messaġġi mibgħuta fuq in-network EUCARIS huma kriptati. Teknoloġiji ta’ kriptaġġ bħal SSL (Secure Sockets Layer) jew TLS (Transport Layer Security) għandhom jintużaw għall-kriptaġġ tal-messaġġi. Il-konnessjoni bejn l-applikazzjoni EUCARIS u l-parti aħħarija nazzjonali għandha tkun f’ambjent protett. Għalhekk, il-messaġġi mibgħuta lill-parti aħħarija jistgħu jkunu messaġġi testwali ċari.

Applikazzjoni ta’ klijent tiġi pprovduta lill-utenti awtorizzati, li tista’ tintuża fi ħdan entità biex isiru tfittxijiet fir-reġistri tal-Istati Membri. Tista’ tintuża mill-Istati Membri biex ifittxu fir-reġistru tagħhom stess. Il-ġestjoni tal-utent, il-mezzi ta’ awtentikazzjoni u l-kriptaġġ possibbli huma r-responsabbiltà ta’ kull entità.

2.   Ir-rwoli tal-utenti

Il-grupp ta’ utenti msejjaħ “utenti ta’ Prüm” għandu jiġi stabbilit għat-tfittxija fuq il-vettura biex jinstab is-sid/id-detentur u għat-tfittxija għall-vetturi kollha tas-sid/id-detentur.

Għandhom jiġu stabbiliti żewġ rwoli tal-utenti separati:

—	għat-tfittxija fuq il-vettura biex jinstab is-sid/id-detentur (Prüm-Owner-Holder-Info)

—	għat-tfittxija għall-vetturi kollha tad-detentur proprjetarju (Prüm-All-Vehicles-of-Holder-Owner).

L-utent finali jista’ jibbenefika miż-żewġ rwoli tal-utent.

---

(3)  It-Trattat tad-29 ta’ Ġunju 2000 dwar Sistema ta’ Informazzjoni Ewropea tal-Liċenzji tal-Vetturi u tas-Sewqan (EUCARIS).

(4)  In-network TESTA huwa network sigur, privat u mifrux mal-UE kollha li jippermetti skambju ta’ data kriptata u affidabbli bejn l-istituzzjonijiet tal-UE, l-awtoritajiet u l-aġenziji tal-Istati Membri, speċifikament għal informazzjoni sensittiva bħal data dwar l-infurzar tal-liġi u l-ġustizzja.