(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti u għall-modifika ta’ din l-awtorizzazzjoni.

(2)

Preparat ta’ Bacillus amyloliquefaciens CECT 5940 ġie awtorizzat għal 10 snin bħala addittiv tal-għalf għall-użu fl-għalf għat-tiġieġ tas-simna u mrobbi għall-bajd bir-Regolament ta’ Implimentazzjoni tal-Kummissjoni (UE) 2020/1395 (2).

(3)

Preparat ta’ Bacillus velezensis CECT 5940 ġie awtorizzat għal 10 snin bħala addittiv tal-għalf għall-użu fl-għalf għad-dundjani tas-simna, għad-dundjani mrobbija għat-tnissil, għall-ispeċijiet minuri ta’ pollam tas-simna u mrobbija għat-tnissil u għall-għasafar ornamentali (ħlief għar-riproduzzjoni) bir-Regolament ta’ Implimentazzjoni tal-Kummissjoni (UE) 2021/2050 (3).

(4)

F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta’ preparat tal-Bacillus velezensis CECT 5940. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(5)

L-applikazzjoni tikkonċerna l-awtorizzazzjoni tal-preparat tal-Bacillus velezensis CECT 5940 bħala addittiv tal-għalf għat-tiġieġ tal-bajd u speċijiet oħra ta’ għasafar li jinżammu għall-produzzjoni tal-bajd, u titlob li l-addittiv jiġi kklassifikat fil-kategorija “addittivi żootekniċi” u fil-grupp funzjonali “stabbilizzanti għall-batterja li jkun hemm fil-musrana”.

(6)

Fl-istess ħin, l-applikant talab modifika tat-termini tal-awtorizzazzjonijiet mogħtija bir-Regolamenti ta’ Implimentazzjoni (UE) 2020/1395 u (UE) 2021/2050 f’konformità mal-Artikolu 13(3) tar-Regolament (KE) Nru 1831/2003, sabiex jiġu kkonsolidati l-awtorizzazzjonijiet tal-Bacillus velezensis (CECT 5940), inkluż biex tiġi aġġornata l-identifikazzjoni tassonomika tar-razza minn Bacillus amyloliquefaciens CECT 5940 sa Bacillus velezensis CECT 5940.

(7)

Fl-opinjoni tagħha tal-25 ta’ Ġunju 2025 (4), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-preparat tal-Bacillus velezensis CECT 5940 hu meqjus sikur għall-ispeċijiet fil-mira, għall-konsumaturi u għall-ambjent. L-Awtorità kkonkludiet ukoll li l-preparat tal-Bacillus velezensis CECT 5940 mhuwiex irritant tal-għajnejn iżda jenħtieġ li jitqies bħala sensitizzatur tal-ġilda u respiratorju, u li kwalunkwe esponiment mill-ġilda u mill-apparat respiratorju jitqies bħala riskju. L-awtorità kkonkludiet ukoll li l-preparat tal-Bacillus velezensis CECT 5940 għandu l-potenzjal li jkun effikaċi fit-tiġieġ tal-bajd kollu u f’għasafar oħra għall-produzzjoni tal-bajd meta jiġi ssupplimentat bi 1,0×109 CFU/kg ta’ għalf komplet. Barra minn hekk, l-Awtorità kkonfermat il-konklużjonijiet li laħqet fl-opinjoni tagħha tal-5 ta’ Mejju 2021 (5) li l-aġent attiv oriġinarjament identifikat bħala Bacillus amyloliquefaciens ġie kklassifikat mill-ġdid bħala Bacillus velezensis. L-Awtorità ma qisitx li hemm il-ħtieġa għal rekwiżiti speċifiċi ta’ monitoraġġ ta’ wara l-introduzzjoni fis-suq.

(8)

Il-Laboratorju ta’ Referenza stabbilit bir-Regolament (KE) Nru 1831/2003 kien tal-fehma li l-konklużjonijiet u r-rakkomandazzjonijiet li ntlaħqu f’valutazzjoni preċedenti dwar applikazzjoni oħra għall-awtorizzazzjoni tal-istess addittiv u vverifikati mill-Awtorità fl-opinjoni tagħha tas-16 ta’ Lulju 2008 (6) huma validi u applikabbli għall-applikazzjoni attwali. Għalhekk, f’konformità mal-Artikolu 5(4), il-punt (a), tar-Regolament tal-Kummissjoni (KE) Nru 378/2005 (7), ma kienx meħtieġ rapport ta’ evalwazzjoni tal-Laboratorju ta’ Referenza.

(9)

Wara talba mill-Kummissjoni, l-Awtorità, fit-tweġiba tagħha datata d-9 ta’ Jannar 2026, ikkonfermat li l-konklużjoni dwar is-sikurezza tal-utent tal-opinjoni tagħha tal-25 ta’ Ġunju 2025 tapplika għall-opinjonijiet tat-28 ta’ Jannar 2020 (8) u tal-5 ta’ Mejju 2021 (9) u jenħtieġ li tiġi riflessa fl-awtorizzazzjonijiet rilevanti.

(10)

Fid-dawl ta’ dan ta’ hawn fuq, il-Kummissjoni tqis li l-preparat tal-Bacillus velezensis CECT 5940 jissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003. Għaldaqstant, jenħtieġ li l-użu ta’ dak il-preparat jiġi awtorizzat għall-pollam tal-bajd. Barra minn hekk, il-Kummissjoni tqis li jenħtieġ li jittieħdu miżuri protettivi xierqa biex jiġu evitati l-effetti negattivi fuq is-saħħa tal-utenti tal-addittiv.

(11)

Il-Kummissjoni tqis ukoll li l-preparat tal-Bacillus velezensis CECT 5940 għadu jissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003, meta jiġu mmodifikati t-termini tal-awtorizzazzjoni stabbiliti fir-Regolament ta’ Implimentazzjoni (UE) 2020/1395 fir-rigward tal-użu għat-tiġieġ għas-simna u mrobbi għall-bajd, bil-modifika tal-identifikazzjoni tassonomika tar-razza minn Bacillus amyloliquefaciens CECT 5940 għal Bacillus velezensis CECT 5940 u l-miżuri protettivi għall-utenti.

(12)

Il-Kummissjoni tqis ukoll li l-preparat tal-Bacillus velezensis CECT 5940 għadu jissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003, meta jiġu mmodifikati t-termini tal-awtorizzazzjoni stabbiliti fir-Regolament ta’ Implimentazzjoni (UE) 2021/2050 fir-rigward tal-użu għad-dundjani tas-simna, għad-dundjani mrobbija għat-tnissil, għall-ispeċijiet minuri ta’ pollam tas-simna u mrobbija għat-tnissil u għall-għasafar ornamentali (ħlief għar-riproduzzjoni), bil-modifika tal-miżuri protettivi għall-utenti.

(13)

Għalhekk, jenħtieġ li r-Regolamenti ta’ Implimentazzjoni (UE) 2020/1395 u (UE) 2021/2050 jiġu emendati kif xieraq.

(14)

Billi r-raġunijiet ta’ sikurezza ma jeħtiġux l-applikazzjoni immedjata tal-modifiki fil-kundizzjonijiet tal-awtorizzazzjoni tal-preparat tal-Bacillus amyloliquefaciens CECT 5940 għat-tiġieġ tas-simna u mrobbi għall-bajd, u tal-preparat tal-Bacillus velezensis CECT 5940 għad-dundjani tas-simna, għad-dundjani mrobbija għat-tnissil, għall-ispeċijiet minuri ta’ pollam tas-simna u mrobbija għat-tnissil u għall-għasafar ornamentali (ħlief għar-riproduzzjoni), jixraq li jiġi previst perjodu tranżitorju għall-partijiet interessati biex iħejju ruħhom ħalli jissodisfaw ir-rekwiżiti l-ġodda li jirriżultaw mill-modifika tal-awtorizzazzjoni kkonċernata.

(15)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

it-titolu huwa sostitwit b’dan li ġej:

“Ir-Regolament ta’ Implimentazzjoni tal-Kummissjoni (UE) 2020/1395 tal-5 ta’ Ottubru 2020 dwar it-tiġdid tal-awtorizzazzjoni tal-Bacillus velezensis CECT 5940 bħala addittiv tal-għalf għat-tiġieġ tas-simna, l-awtorizzazzjoni tiegħu għat-tiġieġ imrobbija għall-bajd, u li jħassar ir-Regolament (KE) Nru 1292/2008 (detentur tal-awtorizzazzjoni Evonik Operations GmbH)”

(2)

l-Anness huwa emendat kif ġej:

(1)

fil-kolonna “Numru ta’ identifikazzjoni tal-addittiv” in-numru ta’ identifikazzjoni huwa sostitwit minn “4b1822”;

(2)

fil-kolonna “Dispożizzjonijiet oħrajn”, id-dispożizzjoni 3 hija sostitwita minn “Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operazzjonali u miżuri organizzazzjonali biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati bi proċeduri u miżuri ta’ dan it-tip, l-addittiv u l-premixxeli għandhom jintużaw b’tagħmir protettiv personali għan-nifs u għall-ġilda”.