DEĊIŻJONI TAL-KUMITAT KONĠUNT TAŻ-ŻEE Nru 21/2026

tas-6 ta’ Frar 2026

li temenda l-Anness II (Regolamenti tekniċi, standards, testijiet u ċertifikazzjoni) tal-Ftehim ŻEE [2026/979]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)	Ir-Regolament tal-Kummissjoni (UE) 2025/2222 tal-4 ta’ Novembru 2025 li jirrifjuta l-awtorizzazzjoni ta’ indikazzjoni dwar is-saħħa mogħtija fuq l-ikel u li tirreferi għat-tnaqqis tar-riskju tal-mard (1) għandu jiġi inkorporat fil-Ftehim ŻEE.

(2)

Din id-Deċiżjoni tikkonċerna l-leġiżlazzjoni rigward l-oġġetti tal-ikel. Il-leġiżlazzjoni dwar l-oġġetti tal-ikel ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fi prodotti agrikoli tibqa’ estiża għal-Liechtenstein, kif speċifikat fl-introduzzjoni tal-Kapitolu XII tal-Anness II tal-Ftehim ŻEE. Għalhekk, din id-Deċiżjoni ma tapplikax għal-Liechtenstein.

(3)	Jenħtieġ għalhekk, li l-Anness II tal-Ftehim ŻEE jiġi emendat kif xieraq,

ADOTTA DIN ID-DEĊIŻJONI:

Artikolu 1

Il-punt li ġej jiddaħħal wara l-punt 271 (ir-Regolament ta’ Implimentazzjoni tal-Kummissjoni (UE) 2025/1560) tal-Kapitolu XII tal-Anness II tal-Ftehim ŻEE:

“272.

32025 R 2222: Ir-Regolament tal-Kummissjoni (UE) 2025/2222 tal-4 ta’ Novembru 2025 li jirrifjuta l-awtorizzazzjoni ta’ indikazzjoni dwar is-saħħa mogħtija fuq l-ikel u li tirreferi għat-tnaqqis tar-riskju tal-mard (ĠU L, 2025/2222, 5.11.2025).”

Artikolu 2

It-test tar-Regolament (UE) 2025/2222 bil-lingwa Iżlandiża u b’dik Norveġiża, li se jiġi ppubblikat fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fis-7 ta’ Frar 2026, dment li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima dwar iż-ŻEE ta’ Il-Ġurnal Uffiċjali tal-Unjoni Ewropea u fis-Suppliment tiegħu dwar iż-ŻEE.

Magħmul fi Brussell, is-6 ta’ Frar 2026.

Għall-Kumitat Konġunt taż-ŻEE

Il-President

Nicolas VON LINGEN

(1) ĠU L, 2025/2222, 5.11.2025, ELI: http://data.europa.eu/eli/reg/2025/2222/oj.

(*1) Ma huwa indikat l-ebda rekwiżit kostituzzjonali.