(1)

F’konformità mal-Artikolu 17 tad-Direttiva (UE) 2016/797 tal-Parlament Ewropew u tal-Kunsill (2), il-kostitwenti u s-subsistemi tal-interoperabilità li jkunu konformi mal-istandards armonizzati jew ma’ partijiet minnhom, li r-referenzi tagħhom ikunu ġew ippubblikati f’Il-Ġurnal Uffiċjali tal-Unjoni Ewropea, għandhom ikunu preżunti konformi mar-rekwiżiti essenzjali koperti minn dawk l-istandards jew minn partijiet minnhom, stabbiliti f’dik id-Direttiva.

(2)

Bid-Deċiżjoni ta’ Implimentazzjoni tal-Kummissjoni C(2023) 1057 (3), il-Kummissjoni talbet lill-Kumitat Ewropew għall-Istandardizzazzjoni (CEN, European Committee for Standardisation) u lill-Kumitat Ewropew għall-Istandardizzazzjoni Elettroteknika (CENELEC, European Committee for Electrotechnical Standardisation) għall-abbozzar u għar-reviżjoni tal-istandards armonizzati b’appoġġ għad-Direttiva (UE) 2016/797.

(3)

Il-Kummissjoni, flimkien mas-CEN u mas-CENELEC, ivvalutat jekk l-istandards abbozzati jew riveduti mis-CEN u mis-CENELEC jikkonformawx mat-talba stabbilita fid-Deċiżjoni ta’ Implimentazzjoni C(2023) 1057.

(4)

L-istandards armonizzati abbozzati, riveduti u emendati mis-CEN u mis-CENELEC abbażi tad-Deċiżjoni ta’ Implimentazzjoni C(2023) 1057 jissodisfaw ir-rekwiżiti kollha li għandhom l-għan li jkopru, ħlief l-istandards EN 13261:2024, EN 16584-1:2025, EN 16584-3:2025, EN 16585-2:2025, EN 16586-1:2025 u EN 16586-2:2025. Għalhekk, jixraq li r-referenzi ta’ dawk l-istandards jiġu ppubblikati f’Il-Ġurnal Uffiċjali tal-Unjoni Ewropea.

(5)

Fir-rigward tal-istandard EN 13261:2024, il-Kummissjoni kkonkludiet li, fir-rigward tar-Regolament tal-Kummissjoni (UE) Nru 1302/2014 (4), jenħtieġ li l-istandard jagħti biss preżunzjoni ta’ konformità għall-punt 4.2.3.5.2.1(2) tal-Anness ta’ dak ir-Regolament skont l-Anness ZA tal-istandard. Barra minn hekk, fir-rigward tar-Regolament tal-Kummissjoni (UE) Nru 321/2013 (5), l-istandard jenħtieġ li jagħti biss preżunzjoni ta’ konformità għall-ewwel żewġ paragrafi tal-punt 4.2.3.6.4 tal-Anness ta’ dak ir-Regolament skont l-istess Anness ZA. Ir-rekwiżit dwar it-traċċabbiltà tal-fusien mhuwiex indirizzat f’dan l-istandard. Għalhekk, jixraq li r-referenza ta’ dan l-istandard tiġi ppubblikata b’restrizzjonijiet f’Il-Ġurnal Uffiċjali tal-Unjoni Ewropea.

(6)

Fir-rigward tal-istandard EN 16584-1: 2025, il-Kummissjoni stabbiliet li l-istandard ma jagħtix preżunzjoni ta’ konformità għall-punt 4.2.1.15(3) tal-Anness tar-Regolament tal-Kummissjoni (UE) Nru 1300/2014 (6). Fil-każ tal-punti 5.3.2.8(4), 5.3.2.9(5) u 5.3.2.10(2) tal-istess Anness, l-istandard għandu jagħti biss preżunzjoni ta’ konformità għar-reżistenza għaż-żliq. Għalhekk, jixraq li r-referenza ta’ dan l-istandard tiġi ppubblikata b’restrizzjonijiet f’Il-Ġurnal Uffiċjali tal-Unjoni Ewropea.

(7)

Fil-każ tal-istandard EN 16584-3: 2025, il-Kummissjoni kkonkludiet li l-istandard ma jagħtix preżunzjoni ta’ konformità għall-punt 4.2.12(1) tal-Anness tar-Regolament (UE) Nru 1300/2014. Għalhekk, jixraq li r-referenza ta’ dan l-istandard tiġi ppubblikata b’restrizzjonijiet f’Il-Ġurnal Uffiċjali tal-Unjoni Ewropea.

(8)

Fir-rigward tal-istandard EN 16585-2: 2025, il-Kummissjoni kkonkludiet li l-istandard ma jagħtix preżunzjoni sħiħa ta’ konformità għall-punt 4.2.2.1.2.1(3) tal-Anness tar-Regolament (UE) Nru 1300/2014, peress li l-oġġett marbut mal-unità maħsuba biex titħaddem esklużivament f’sistema ta’ prenotazzjoni tas-sits mhuwiex indirizzat minn dak l-istandard. Għalhekk, jixraq li r-referenza ta’ dan l-istandard tiġi ppubblikata b’restrizzjonijiet f’Il-Ġurnal Uffiċjali tal-Unjoni Ewropea.

(9)

Fir-rigward tal-istandard EN 16586-1:2025, il-Kummissjoni kkonkludiet li l-istandard ma jagħtix preżunzjoni ta’ konformità għall-punt 4.2.2.1.2(4) tal-Anness tar-Regolament (UE) Nru 1300/2014, peress li l-Anness B ta’ dak l-istandard ma jipprovdix kontenut biżżejjed għal dan. Għalhekk, jixraq li r-referenza ta’ dan l-istandard tiġi ppubblikata b’restrizzjonijiet f’Il-Ġurnal Uffiċjali tal-Unjoni Ewropea.

(10)

Fir-rigward tal-istandard EN 16586-2: 2025, il-Kummissjoni kkonkludiet li l-istandard ma jagħtix preżunzjoni ta’ konformità għall-punt 4.2.2.12.2(4) tal-Anness tar-Regolament (UE) Nru 1300/2014, peress li l-klawżola 5.5 tal-istandard tintroduċi devjazzjoni mhux permessa minn dak ir-Regolament, filwaqt li l-pjanċi ta’ konnessjoni awtomatiċi biss huma permessi skont il-punt 4.2.2.12.1(2) tal-Anness ta’ dak ir-Regolament. Barra minn hekk, l-istandard ma għandux jagħti preżunzjoni ta’ konformità għall-punt 4.2.2.12.3(1) tal-istess Anness, peress li l-imsemmi punt huwa definizzjoni. Għalhekk, jixraq li r-referenza ta’ dan l-istandard tiġi ppubblikata b’restrizzjonijiet f’Il-Ġurnal Uffiċjali tal-Unjoni Ewropea.

(11)

L-istandards EN 12663-1:2010+A1:2014, EN 12663-2:2010, EN 13232-2:2003+A1:2011, EN 13232-3:2003+A1:2011, EN 13232-4:2005+A1:2011, EN 13232-5:2005+A1:2011, EN 13232-6:2005+A1:2011, EN 13232-7:2006+A1:2011, EN 13232-8:2007+A1:2011, EN 13232-9:2006+A1:2011, EN 13803-1:2010, EN 13803-2:2006+A1:2009, EN 14067-4:2013+A1:2018, EN 15877-1:2012+A1:2018 u EN 16235:2013 saru obsoleti, peress li ġew irtirati mis-CEN jew mis-CENELEC u jenħtieġ li ma jibqgħux jingħatu l-preżunzjoni ta’ konformità fir-rigward tad-Direttiva (UE) 2016/797. Għaldaqstant, huwa meħtieġ li r-referenzi tagħhom jiġu rtirati minn Il-Ġurnal Uffiċjali tal-Unjoni Ewropea. Għalhekk, jixraq li dawk ir-referenzi jitħassru mill-Anness I tad-Deċiżjoni ta’ Implimentazzjoni tal-Kummissjoni (UE) 2023/1586 (7).

(12)

L-istandards EN 16494:2025, EN 16584-1:2025, EN 16584-3:2025, EN 16585-1:2025, EN 16585-2:2025, EN 16585-3:2025, EN 16586-1:2025 u EN 16586-2:2025 ġew riveduti jew emendati, u għalhekk jenħtieġ li r-referenzi tagħhom jiġu rtirati minn Il-Ġurnal Uffiċjali tal-Unjoni Ewropea. Għalhekk, jixraq li dawk ir-referenzi jitħassru mill-Anness I tad-Deċiżjoni ta’ Implimentazzjoni (UE) 2023/1586.

(13)

Sabiex il-manifatturi jingħataw biżżejjed żmien biex jadattaw il-prodotti tagħhom koperti mill-istandards armonizzati EN 16494:2025, EN 16584-1:2025, EN 16584-3:2025, EN 16585-1:2025, EN 16585-2:2025, EN 16585-3:2025, EN 16586-1:2025 u EN 16586-2:2025, jenħtieġ li jiġi differit l-irtirar tar-referenzi ta’ dawk l-istandards armonizzati.

(14)

Għalhekk, jenħtieġ li d-Deċiżjoni ta’ Implimentazzjoni tal-Kummissjoni (UE) 2023/2584 (8) tiġi emendata kif xieraq.

(15)

Il-konformità ma’ standard armonizzat tikkonferixxi preżunzjoni tal-konformità mar-rekwiżiti essenzjali korrispondenti stabbiliti fil-leġiżlazzjoni tal-Unjoni dwar l-armonizzazzjoni mid-data tal-pubblikazzjoni tar-referenza ta’ dak l-istandard f’Il-Ġurnal Uffiċjali tal-Unjoni Ewropea. Għalhekk, din id-Deċiżjoni jenħtieġ li tidħol fis-seħħ fid-data tal-pubblikazzjoni tagħha,