(1)

Fil-31 ta’ Marzu 2020, il-Kunsill adotta d-Deċiżjoni (PESK) 2020/472, li stabbiliet u nediet operazzjoni militari tal-Unjoni Ewropea fil-Mediterran (EUNAVFOR MED IRINI) għall-perjodu sal-31 ta’ Marzu 2021.

(2)

Id-Deċiżjoni (PESK) 2020/472 tipprevedi li, minkejja dak il-perjodu, l-awtorizzazzjoni tal-operazzjoni għandha tiġi kkonfermata mill-ġdid kull erba’ xhur u li l-Kumitat Politiku u ta’ Sigurtà (KPS) għandu jtawwal l-operazzjoni sakemm l-iskjerament tal-assi marittimi tal-operazzjoni ma jipproduċix effett ta’ attrazzjoni fuq il-migrazzjoni abbażi ta’ evidenza sostanzjata miġbura skont il-kriterji stipulati fil-Pjan Operazzjonali.

(3)

Fil-11 ta’ Marzu 2025, il-Kunsill adotta d-Deċiżjoni (PESK) 2025/488 (2), li estendiet l-EUNAVFOR MED IRINI sal-31 ta’ Marzu 2027, soġġett għall-istess proċedura ta’ konferma mill-ġdid.

(4)

Fit-18 ta’ Novembru 2025, il-KPS adotta d-Deċiżjoni (PESK) 2025/2451 (3), li kkonfermat mill-ġdid l-awtorizzazzjoni ta’ EUNAVFOR MED IRINI sal-31 ta’ Marzu 2026.

(5)

Il-Kmandant tal-Operazzjoni pprovda rapporti ta’ kull xahar dwar il-fattur ta’ attrazzjoni.

(6)

Jenħtieġ li l-awtorizzazzjoni tal-EUNAVFOR MED IRINI tiġi kkonfermata mill-ġdid għad-dsatax-il subperjodu ta’ erba’ xhur tal-mandat tagħha u jenħtieġ li l-operazzjoni tittawwal skont dan,